رواية واحنا صغيرين يحيي وفرح للكاتبة سلسبيل احمد هي حكاية تنبض بالمشاعر وتفيض بالصراعات الداخلية والخارجية، حيث تتقاطع الأقدار وتتشابك المصائر في قصة حب مختلفة لا تخضع للمنطق أو الزمن.في رواية واحنا صغيرين، يعيش القارئ حالة من الانجذاب العاطفي والتوتر النفسي، وسط أحداث متسارعة تكشف أسرارًا مدفونة وقرارات مصيرية تغير كل شيء. الرواية لا تقدم حبًا مثاليًا، بل واقعيًا، مليئًا بالتحديات والتضحيات.
رواية واحنا صغيرين من الفصل الاول للاخير بقلم سلسبيل احمد
- انتي بقا الى جيتي انتي وصحابك وسرقتو الدسك مننا؟
= الدسك مكتوب عليه رابعه خامس يا بودي يعني بتاعنا وانتوا الى كنتوا سارقينه يا حرامي
- طب اوعي..! رجعيه عشان منجيش نعمل معاكم خناقه!!!
= محدش يقدر! وانا رئيسة الفصل مش هدخلك
زقها: وسعي كدا
يلا شيلو الدسك و رجعوه الفصل بتاعنا لما نشوف هتعمل ايه
"وقعت على الأرض و دموعي نزلت و صحبتي كانت بتقومني "
- يحيى اللحق بودي صْرب فرح
= اييييه !!
" لقيت يحيى داخل الفصل "
- حصل ايه ؟؟
بعياط: بودي زقني وقعني على الأرض و اخد الدسك بتاعنا تاني
" لاقيتة بياخدني من ايدي.."
- تعالي..
" نزلنا الحوش بتاع المدرسة وبصلي وهو بيمسح دموعي"
- اقفي هنا واتفرجي
" راح عند بودي و كان بيتكلم و فجاة لاقيته وقعه على الأرض و صْربة.. وصحاب يحيى كانو ماسكين صحاب بودي.. ضحكت وانا باصة عليه.. و طلعنا خدنا الدسك.. "
- الدسك مش هيخرج من الفصل تاني.. وبعد كدا لو حصل حاجه تعالي قوليلي علطول ماشي يا سوكه ؟ متبقيش تتصرفي لوحدك
ضحكت: ماشي يا يويو
= يويو برضو؟ طب يلا سوكه.. يلا عشان الحصه ومتخرجيش من الفصل هخلص واجيلك
" كل واحد راح فصلة.. و لما خلصنا استنيته يجي و نزلنا سوا "
" مشينا لحد البيت واحنا عمالين نتكلم و نرمي بعض بالمـ ـصايب الى كنا بنعملها في تالتة ابتدائي.."
- ولما فتنتي عليا للمس وقولتلي لها بيغش!!
رفعت حاجبي: ماهو عشان انت قبلها رخمت عليا واخدت مني التباشير الملون !
= منتي كنتي سرقاه هنصيع بقا
ضحكت: ما انت كنت بتسر ق البشوره في تانية ابتدائي
- وانتي كنتي بتاكلي اكل العيال
= كانوا بيجيبوا بانيه.. و فوقية بتعملي لانشون وانا مش بحبه!!
- انا معايا ساندوتش جبنه رومي مقدرتش اكـلـ...
" قاطعته وفتحت الشنطه خدت الكيس و طلعت السندوتش وحطت الكيس في ايده وبدأت أكل "
بصلها وهو بيضحك: طيب يا سوكه.. ليا عندك سندوتش كده
لفت واديته ضهرها: معايا لانشون افتح خده
" فتح الشنطه وخده وبعدين كملوا الطريق وهما بياكلوا لحد ما وصلوا قدام بيتهم.. هو كان ساكن في عماره و هي العماره الى جمبه "
- نامي بدري يا سوكه.. عشان بتيجي وشك شبه الكومدينو الى في كرتون سبونج بوب
بصتله بعْل: بس يا سلحفاة يالي بتيجي اخر الطابور!
= طب اطلعي أمشي
" طلعت له لسانها وبعدين طلعت وهو ضحك.. "
>>>>>>>>>>>>>>>>>>>>>>>>>>>>>>>>>>>
اللهم صلِ وسلم وبارك على سيدنا محمد
" تاني يوم روحت الفصل وانا معنوياتي مرتفعة.. و كنت جايبة كيكه ليا شوكلاتة و واحده كريمه ليويو.."
" استنيت جرس الفسحه عشان انزله اروحله بس اتفاجئت انهم مش عاوزين يخرجونا من الفصل.. "
" شوفت كذا مستر بيجري في الطرقة.. "
" دخلوا ولد من بره معانا في الفصل و العيال فضلت تسألة "
- بيقولوا حصلت خناقة كبيرة اوي تحت عند الكانتين!!
= مع مين ومين!!
- فصل خامسة تالت و فصل رابعه تاني
" حسيت دماغي لفت فصل خامسة تالت ده الى يحيى فيه.. الدنيا كلها بتسود قدامي.. مقدرتش افضل واقفة هربت من جمب الأستاذ الى كان واقف على فصلنا ونزلت جري وانا بتخطي كل المدرسين بسرعه "
" لحد ما وصلت عند الكانتين و لاقيت د م على الأرض و شوفت شنطة يحيى.. وبعدها.. "
" بعدها شوفت المدرسين و هما شايلينه و بيركبوه عربية..! "
>>>>>>>>>>>>>>>>>>>>>>>>>>>>>>>>>>>
" سبحان الله وبحمده سبحان الله العظيم "
- فرح اهدي بطلي عياط مينفعش كده ياحببتي اهدي !!!!!
= يحيى يا مامي يحيى اتـ ـعور جامد
" فضلت تطبطب عليا وانا مفحومه من العياط وباخد انفاسي بسرعه و بدأت تكلم بابا وهي حضناني.. كنت وقتها حاسه اني بغيب عن الوعي.."
- الو يا ممدوح.. يحيى ابن معتز في المستشفى.. كلم معتز اطمن عليه واعرف راح فين بالظبط... نجلاء مش بترد عليا لا.. حاول توصله بنتك مش راضية تبطل عياط..!
" معرفش نمت ازاي بهدوم المدرسة صحيت على ايد ماما وهي بطبطب على كتفي.. و نزلنا ركبنا العربية و كنا في الطريق.. عماله ادعي يكون كويس"
" وصلنا و دخلنا الاوضة ماما حضنت طنط نجلاء وبابا كان بيكلم اونكل معتز لكن انا روحت ناحيتة بصيت ولاقيتة نايم و دماغه ملفوفه!! مكنتش فاهمه.. بس مقدرتش اتقبل اني شيفاه كدا.."
" جريت على ماما الى خدتني في حضنها و انا عماله اعيط بعدين طنط نجلاء فضلت تكلمني "
- بس يا فرح يا حببتي هو بقي كويس متخافيش.. بس هو واخد دوا عشان كده نايم هو بخير ياحببتي أهدي.. بلاش عياط انتي شطورة.. لما يقوم مش عاوزاه يشوفك بتعيطي
" حاولت اهدي وهزيت راسي وانا باخد انفاسي بصوت عالي "
" قعدت وفضلت باصة عليه.. لكني كنت سمعاهم بيتكلموا!! "
- ازاي حصل كده في قلب المدرسة يا معتز
= انا عملت محصْر بيقولوا ولاد من إعدادي.. دخلوا المبني بتاعهم و نزلوا تحت كلهم وحصلت الخناقة.. له صاحب كمان اسمه أدهم.. برضو اتعور لكن الحمدلله بسيطه..
- كويس انك عملت محصْر طبعا.. انا هكلم حبايبي و بأذن الله يترموا في الحبـ ـس العيال دي
" شوفت يحيى بيحرك عيونه قربت ناحيته بلهفه"
- يحيى..!
" فتح عينه وكان بيحاول يجمع "
= سوكه.. انتي كويسة وشك احمر كده ليه
" نجلاء جريت عليه حضنته وهي بتعيط "
- يحيى حبيبي انت كويس !!!
" بدأو يطمنوا عليه كلهم وانا فضلت عيوني متبعاه..!"
>>>>>>>>>>>>>>>>>>>>>>>>>>>>>>>>>>>
بقلمي سلسبيل احمد
" فات اسبوع.. و كنا رايحين زيارة تانيه بس المره دي في البيت لأنه خرج من المستشفى.. "
- انتي كنتي بتعيطي اول يوم يا سوكه؟
= بس يا سلحفاة.. اسكت..
"ضحك وسكت فا فتحت شنطتي وطلعت الكيكه"
- ملحقتش اديك دي يوم الخناقة
= ايه ده.. من غير مقابل كده؟
بصتله: يويو.. هو بودي الى صْربك؟
- فرح ملكيش دعوة بالموضوع ده
قلبت وشي: يعني ايه؟؟؟ مش هنصْربه!!
- مش بودي لوحده هو جبان فا جاب عيال من المبني التاني مبني إعدادي
= طيب يعني ايه برضو؟ هنسكت ونسيبه
- بابا قالي هيتصرف.. المدير ممكن يرفدهم
فتحت عيني بدهشه: بجد !
- اه فا ريحي بقا يا سوكه كفاية مشاكل على الأقل لحد ما اخف
= انت هترجع المدرسة امتى
- بابا قالي يومين كده.. معرفش لو قصده أسبوع كمان..
= انا هاجي اذاكر معاك.. وناكل كيكه طنط عشان بحبها
ضحك: أوكيه هستناكي
" كنت برجع من المدرسة كلي حماس اروح اذاكر مع يحيى.. هو كان بياخد دروس عبال ما يرجع المدرسه.. فا كنا بنعمل الواجب سوا.."
- انت حْمام !!! انا الى كنت مختاره الإجابة ب و انت فضلت تقول جـ !!!
= بس بس انتي اصلا مش شاطره في الرياضة وبعدين ده المنهج بتاعي انا
- لا انا شاطره!! وبعرف احل منهج خامسه
= خمسه في سته بكام
بعصبية: ملكش دعوة
ضحك: طب كلي كيكه
- مش عايزه.. وعلى فكره انت فاشل في العربي وبالذات الإملاء
" وفضلنا كده نكش رايح جاي.. انا بعاند و عايزه احل اسئلتة.. لأنه كان بيحل منهجي بسهوله.. مكنتش مستوعبه انوه بقا اشطر عشان هو في سنه خامسه وانا في رابعه.. بس كنت بعاند وخلاص! "
" بقي كويس و رجع المدرسة تاني.. و مشوفناش بودي خالص ولا الولاد التانيه سمعنا انهم اترفدو.. "
" بس هي المشاكل بتجري ورايا مش سيباني..! "
- يحيى
= فيه ايه يا ادهم
- البنات بتقول فرح بتتخانق..!
= تاني!!
يتبع..
↚
- هو انا كل يوم والتاني هجيب بنت من تحت بوقك؟؟
= يحيى بعد كده ملكش دعوة بقا
- بطلي تصْربي العيال!! افرض طلع ليهم اخوات ولاد
= هاجي اقولك تصْربهم هما كمان
- فرح انا مش بهزر بطلي مشاكل
= دي بالذات كانت تستاهل
- ليه عملت ايه؟
= ملكش دعوة برضو.. انت معاك سندوتشات؟
- معايا جبنه بيضه
= وانا معايا لانشون بالزتون
- اوكيه بدلي
" بدلنا الأكل واحنا ماشيين.. و لقيت قطه فا خت حتة من سندوتش يحيى وحطيتها ليها"
- هو مال سايب؟
رفعت كتفي: القطط بتحب اللانشون
= هتلبسي ايه يوم حفلة المدرسة
ابتسمت: هلبس فستان عليه قلوب لونها أحمر
- اه زي البنات يعني يا سوكه!
= اسكت يا سلحفاة..
" وصلنا البيت وبصتله قبل ما اطلع "
- يحيى
= خير يا سوكه
- انا شوفت كرتون سيمبا.. وهو صغير كان مصاحب نالا كانوا صحاب اوي هي علطول كانت بتصْربة بس كانو صحاب.. انا كنت عايزه اسألك هو احنا هنفضل صحاب يا يويو
بصلها بستغراب: اشمعنا بتسألي!
= اصل هو لما كبر.. كان بعيد عنها و فضلوا وقت طويل مش بيشوفوا بعض.. هو رجع بعد كده فالاخر.. بس سابها كتير اوي
اتنهد بحيره: مش عارف يا فرح.. بس لو حد فينا بعد.. يمكن نتقابل فالاخر زيهم
"ابتسمت له وهو كمان ابتسم.. وطلعت.."
>>>>>>>>>>>>>>>>>>>>>>>>>>>>>>>>>>>
اللهم صلي وسلم وبارك على سيدنا محمد
|| بعد مرور 14 سنة ||
" كنت بروق اوضتي لحد ما وقعت صورة من الصندوق بتاعي.. نزلت اجيبها لقتها صورتنا.. فضلت سرحانه وبصالها.. فضلت عيني ثابته عليه.. "
- فرح !!!
" شدت مني الصورة بعفرته "
- يحيى تاني يوه..
= مريم !! بطلي رخامه وبطلي تشدي حاجتي كده !
حطت الصورة في ايدي: طيب سوري
" خدت شنطتها وهي بتغني بروقان وخرجت "
" مريم دلوقتي في اوله ثانوي. وانا في اخر سنه كلية لما بشوفها وبشوف جنانها بفتكر الى كنت بعمله زمان.. ابتسمت للصورة وبعدين رجعتها مكانها وخرجت افطر مع بابا و ماما "
- فرح.. سرحانه في ايه؟ بابا بيكلمك!
= ها؟ نعم يا بابا
- احمد ياحببتي بقولك
= احمد مين؟
- احمد ابن اونكل رشيد.. ايه رأيك لو تقعدوا
قاطعته و اتكلمت بزهق: بابا انا قربت اخلص و هقدم على شغل و قولت لحضرتك لما احب اتجوز هبقي اجي اقولك
- ايه طريقتك دي يا فرح بابا خلاص اتفقنا مع الناس و عزمناهم بليل
بصتلهم بعدم تصديق: والله؟ ولازمتها ايه رأيي؟
" خلصنا و دخلت اوضتي وانا بتمني يبطلوا طريقتهم دي.. فضلت قاعده.. وغصب عني بفتكر كل حاجه من جديد "
" فلاش باك "
- خير ياست مامي
= فرح.. السنه دي اخر سنة يحيى هيكون معاكي.. هو هيروح مدرسة ولاد
- ازاي.. مش هو هيروح اوله اعدادي.. ماهو هما معانا في مدرستنا
= لا يحببتي اونكل معتز هينقله مدرسه ولاد بس وانتي هتكوني لوحدك طول سادسة ابتدائي.. وبعد كده انتي كمان هتروحي مدرسة تانيه بنات و وقتها يا فروحه لازم نلبس طرحه زي مامي فاهمه؟
- يعني انا ويحيى مش هنبقي صحاب!!
= بصي يا فروحه.. لما تكبري مش هينفع لازم تصاحبي بنات حلوين زيك
- انا بحب يحيى مش بحب البنات
= لا انتي هتلاقي بنات جميلة وهتحبيهم.. المهم دلوقتي انا الى هوصلك بعد كده انا او بابي
" كنت مجرد طفلة و مصدومه مش هينفع اخرج بشعري زي صحابي!! بس انا بحب لبسي و فساتيني و بحب شعري!! و بحب يحيى ! "
= لازم تفهمي يا حببتي كل البنوتات الكبيرة لازم تتحجب و تلبس كويس عشان ربنا قال كده وامر بكده.. وانتي بتحبي ربنا اكتر من اي حد صح؟
"هزيت راسي بقلة حيلة.. كنت فاكره الموضوع انتهي لحد هنا.. ولكني اتفاجئت من الفصل الغريب الى حصل بيني انا ويحيى ومبقناش نتقابل كتير ولا نذاكر سوا.. بابا بقا يوصلني وساعات ماما.. لحد ما بقيت في اولة إعدادي.. عرفت طريق المدرسة الجديدة.. الى كانت بنات بس.. و من سنة سادسة وانا مش بشوف يحيى.. ممكن كنا بنشوف بعض صدف و اهلنا بيسلموا على بعض.. واحنا بنبص لبعض بصمت!! لحد ما عرفت انهم اتعزموا عندنا !! مكنتش مصدقه اني خلاص هشوفه "
- انتي بقيتي بطرحه يا سوكه خلاص.!؟
هزيت راسي بضيق: اه.. ماما خلتني اللبسها من اول السنه.. مع ان في بنات في تانيه إعدادي بشعرهم عادي وانا لسه في اولة!
= بس شكلك جميل يا فرح
- لا يا يحيى.. مامي بقت غريبة و بتقولي مينفعش نتكلم ولازم اصاحب بنات ونروح سوا المدرسة..
بص للأرض: ماما برضو قالت لي كده..
بحزن: يعني مش هنروح ونيجي مع بعض زي قبل كده؟ هنفضل برضو طول السنه مش بنلعب سوا
بصلها: احنا مدرستنا جمب بعض.. ممكن تستنيني بعد لما تخلصي مدرسة.. و هاجيلك
ابتسمت بفرحه: بجد !!! و هنروح سوا!!
- ايوا.. مش انتي بتروحي لوحدك
= اه.. بس انا كنت قايله لماما بروح مع صحابي
- افرض هي سألتهم؟
= انا مش عندي صحاب اصلا.. كلهم رخمين
ضحك: خلاص اتفقنا يا سوكه.
>>>>>>>>>>>>>>>>>>>>>>>>>>>>>>>>>>>
بقلمي Slsbell Ahmed
" استنيته زي ما قالي بقمه الحماس ولما شوفته من بعيد جريت ناحيته بفرحه "
- انت جيت !!
ابتسم: وجبتلك سندوتش جبنة رومي
ضحكت: وانا جبتلك كيكه وايت شوكلت يا سلحفاة.
بصلي برفعه حاجب: انا بلعب في فريق الكورة سلحفاة ايه
- بجد!! كان نفسي اتفرج!
= كان نفسي نفضل في مدرستنا
- اه.. وحشتني اوي.. حتي ملك فضلت هناك.. بس المهم اننا هنفضل صحاب
ابتسم ومد كف ايده: صح يا سوكه
" صْربت على كفه براحه وانا فرحانه "
" وصلنا البيت وكل واحد طلع.. و فضل الوضع مستمر و كنا بنروح سوا.. لحد ما في مره ماما سألتني.. ليه روحت معاه.. وانها شافتني من البلاكونه.. فا قولتلها اني مبقتش احب صحاب البنات.. ولكنها متقبلتش الموضوع وقالتلي مكررهاش"
- يعني مش هنمشي سوا؟
هزيت راسي بالنفي: مامي حدْرتني وكانت مضايقه وقالت لي اني كده بخبي عليها
اتنهد بحزن: خلاص يا فرح.. متزعليش.. مش لازم نروح سوا.. خلينا نتقابل عند المدرسة
- نعمل ايه
ابتسم لها: نبدل السندوتشات ونمشي
" حاولت اتقبل الموضوع وهزيت راسي.. وعملنا زي ما قال يحيى و بسبب اننا مكناش بنلحق نتكلم.. يحيى كتب لي اول جواب.. ادهولي مع السندوتش.. ومشي وانا اول لما روحت فتحته "
- ايه اخبارك يا سوكه.. عيد ميلادي قرب قولت لماما اني عاوز تورتة وهديه و عاوز فرح تيجي هي ومامتها وعمو..
" ابتسمت و طبقته تاني و شيلتة تحت السرير "
" باك "
- انا جيت يا فرووووووحه
= اوف عليكي صوتك مزعج و رخمه !!
- سرحانه برضو يا فروحه
= وطي صوتك انتي زهقتيني يابت!! يا شبر ونص
- انا عايزه اتكلم معاكي طيب
= عايزه ايه يا مريم
- طالما انتي بتحبيه ليه متتجوزهوش زي الفيلم بتاع امبارح كده
= مبقاش غير ام 16 سنه الى بتتكلم.. انتوا فعلا جيل غريب
- طب هو فين دلوقتي متعرفيش؟
= قاعدين في إسكندرية.. معرفش فين..
- ولا تعرفي تكلميه
= لا.. احنا كبرنا يا مريم..
" الباب خبط وماما دخلت "
- انتي لسه ملبستيش الناس بره!!
" خدت مريم وخرجوا وانا بدأت اجهز.. لو احنا فعلا كبرنا.. وكل حاجه انتهت.. يبقي انا مستنيا ايه! "
>>>>>>>>>>>>>>>>>>>>>>>>>>>>>>>>>
|| في إسكندرية.. داخل فيلا ||
- ها يا يحيى ايه الأخبار؟
" قعد و فك زرار البدله "
- الى تشوفه يا بابا
ابتسم: ايه رأيك يا نجلاء
= انت عارف رأيي من بدري.. سارة ماشاء الله عليها.. من عيلة محترمه.. وألف من يتمناها
- خلاص يا يحيى.. هنكلم وجدي و نحدد معاد الخطوبة..
= تمام
يتبع...
>>>>>>>>>>>>>>>>>>>>>>>>>>>>>>>>>>>>>
↚
- ده انتي لبستي فستان زي البنات بجد يا سوكه
= وانت ملبستش سلحفاة ليه يا يويو
- رخمه
= بارد
- فين هديتي يابت!!
= مع ماما.. اكيد طنط نجلاء خدتها تشيلها
- عايز اعرف جبتي ايه
= اوكيه تعالي نفتحها..!
" دخلنا ندور لحد ما شاورت له عليها"
- الى لونها ازرق
بصلي: ده اكتر لون بحبه
= اممم مانا عارفه يا عبيـ ـط
" راح جابها و بدأ يفتح فيها وشال لفة الهدايا على جمب وبعدين فتح البوكس اتفاجئ بسلحفاة لعبه شالها من البوكس وبصلها بصدمه "
- انتي جبتيلي سلحفاة يا فرح !!
فضلت تضحك: جبت سلحفاة للسلحفاة يا يويو !! مالك
لقته مصدوم فا اتكلمت من بين ضحكها: دور تاني
" مد ايده ولقي كيكه من الى بيحبها.. وبعدين لقي ساعه لونها ازرق مسكها بتعجب "
- بتهزري !! واو
ابتسمت: دي كانت اخر واحده لونها ازرق حظك حلو يا يويو
= دي جميلة اوي زي الي شوفناها وعجبتني ثانكس يا سوكه
- هستني تجبلي برضو هديه حلوة متنساش..
= عاوزة اية في عيد ميلادك؟
رفعت كتافها: انت مفروض تعرف!
= اتفقنا..
>>>>>>>>>>>>>>>>>>>>>>>>>>>>>>>>>>>
"كنت قاعده على الترابيزة سرحانه وببتسم وانا بفتكر ذكرياتنا و بابا قدامي عمال يتكلم في الفون وشكله مبسوط قعد جمبنا على الفطار وهو بيبصلنا بأبتسامه"
" بدأنا ناكل لكن هو اتكلم "
- لسه قافل مع معتز.. تصوروا.. عزمني على خطوبة يحيى
" حسيت ان الأكل وقف في زوري و ان كل حاجه وقفت عموما..!! "
بصتله وبحاول امسك دموعي: يحيى؟؟
لقيت ماما بترد: اه.. الى كان ساكن جمبنا..؟
- اه انا قولتله هنيجي.. خصوصا انوه قالي هيكون في القاهره يا سلوي.. وفرصة نتقابل بقالنا زمن..
= معاك حق وحشونا اوي.. بس غريبة ازاي وهما قاعدين في اسكندرية هيعمل الخطوبة هنا
- مش عارف يمكن هينقلوا
صوتي حرفيا كان طالع برعشه وانا مش قادره استوعب كلامهم: أ.. ءءء أنا
" سحبت المفتاح بتاعتي و اتحركت تحت نظرات مريم اختي ليا "
- انا نازلة الكلية
" خرجت من البيت و فضلت دموعي تنزل بأنهيار وانا نازله !!! مكنتش عارفه اروح فين بصيت على العمارة بتاعتهم.. !! و بدأت كل الذكريات السوده تهاجمني "
- يعني ايه ؟؟؟ هتمشي !! طب كده مش هنشوف بعض تاني !!
= انا آسف يا فرح.. بابا مسبلناش اختيار
بصتله ودموعي بتنزل بأنهيار: انت قولت مش هتبعد عني .. انا قولتلك اني كنت خايفه نتفرق زي سيمبا و نالا.. قولتلي مش هتبعد !!
- فرح.. اهدي عشان خاطري.. انا قولتلك وقتها مهما بعدنا هنرجع تاني خليكي عارفة كده
= بس انت قولت انوه هيبيع الشقة !! قولت انك مسافر مكان بعيد ده حتي مستناش لما تخلص تالتة ثانوي !! يعني مش هيفضل هنا تاني !!
" بصلي بنظره.. كنت عارفة انها هتبقي الأخيرة..! "
" كنت بعيط بصوت عالي ومش قادره اتخطي ، بقلمي سلسبيل احمد ، مش قادره اتخطي الى بيحصل ازاي مرجعش بعد كل السنين دي زي ما قال ازاي هيخطب واحدة تانيه !! "
" اتفاجئت بمريم نازله من العماره وجريت عليا حضنتي وفضلت تطبطب عليا وانا فضلت اعيط !! "
>>>>>>>>>>>>>>>>>>>>>>>>>>>>>>>>>>>
" اللهم صلِ وسلم وبارك على سيدنا محمد "
|| في إسكندرية | داخل شركه المهدي ||
- لاء !! مش يحيى المهدي الى يتلوي دراعه !!
= اهدي حضرتك.. احنا بعتنا لهم الرفض و ان الشركة مش هتقبل نسبة أقل حتي لو بعد توقيع الشرط الجزائي وهما مش هيبقي عندهم اختيار غيرنا.. دي بس حركه عشان عاوزين يزودوا نسبتهم
- واحنا هنلغي الصفقة يا امجد
= حضرتك بتقول ايه ازاي!!
- خليهم يتعلموا ان مش احنا الى يتلعب معاه
= والشرط الجزائي
- كل التفاصيل دي المحامي هيخلصها اتفضل
" امجد خرج و يحيى قعد على الكرسي و هو بيحط ايده على راسه بضغط وتعب.. سند دماغه بأرهاق واضح وبعدين لقي الباب بيخبط "
- اتفضل
" دخلت سارة وقعدت قدامه
وهي بتحط رجل على رجل"
- ايه اخبارك.. كلمتك كتير مردتش
سند ضهره وبصلها: خير ؟
= خير ايه يا يحيى.. عاوزين نرتب حاجات عشان يوم الخطوبة
- انا مشغول وانتي عارفه
= اوكاي حبيبي بس دي خطوبتنا..
- طيب.. محتاجه ايه دلوقتي
= عاوزاك تنزل معايا
- صعب اعرف انزل دلوقتي
ابتسمت: انا اوردي اخدت لك اذن من عمو معتز معندكش حجه يا يويو
يحيى رفع عينه وبصلها: ساره لو سمحتي قولتلك متناديش بالاسم ده!!! انا مش عيل
- خلاص خلاص متقلبش وشك
= طيب.. استنيني في العربية
قامت وابتسمت له: طيب.. متتأخرش..
" خرجت و يحيى اتنفس بزهق.. عقلة فضل يفتكر حاجات كتير ولكن وقف تفكيره كله.. "
>>>>>>>>>>>>>>>>>>>>>>>>>>>>>>>>>>
|| في القاهرة داخل كافية ||
مريم بقلق: هديتي طيب شوية ولا اية؟
بعياط: لا يا مريم.. مش قادره!!
مسكت ايدها: انا اسفة اوي عشان الى انتي حاسة بيه يا فرح.. مكنتش اتمني يحصل كده
- انا مش قادره استوعب.. مريم انا كنت مستنيا.. كنت بكدب ومنستهوش !!
قربت للكرسي بتاعها: فرح.. اهدي الاول ممكن..!
خلينا نفكر صح
مسحت عيوني وخت نفس: خلاص كل حاجه انتهت.. انا محتاجه اروح الكلية و انتي مش وراكي درس ؟؟
- ايوا..
= طيب يلا
- بس انتي.. هتمشي كده ازاي..
= هدخل الحمام اغسل وشي ونمشي..
" خلتها تروح درسها.. وانا روحت الكلية لكني محضرتش اي حاجه.. كنت عايزه اليوم يخلص و اروح بشكل طبيعي.. مش عايزه حد يسألني مالك.. ولا عايزه حد يشوفني كده.. "
" و بعد لما اخيرا اليوم انتهى روحت دخلت اوضتي بسرعه وقفلت كل حاجه وقولت لماما اني تعبانه وهنام.. لكني فضلت صاحيه مش بتحرك ولا بعمل اي حاجه.. "
" بفتكر اخر ذكري حلوة بينا وانا قي اولة ثانوي.. قبل ما يمشي بفترة "
- فرح.. انتي اهم شخص في حياتي دلوقتي..
= اسكت ياض بطل كلامك ده
- ماشي يا سوكه.. بس هيجي يوم واتكلم براحتي
= وانا حاسة ان هيجي يوم وحد يقفشنا
- ليه طنط بقت تكرهني..
= كله من تحت راس مديرة المدرسة بتاعت الاعدادي الى شافتنا باخد منك الجواب وقالت لها
- بس فات سنين على الموضوع ده
= مش عارفه بقا..
- عموما معتقدش هنتكشف.. هما عارفين ان احنا الاتنين في الدرس
= اه.. بس بنقعد ساعه زياده افرض عرفت
- هنقول اي حاجه.. طالما مخرجناش من السنتر وبعدين ده هي مره كل شهر يا سوكه الى بنتقابل فيها بطلي خوف ولا نسيتي كنتي بتعملي ايه
ضحكت: اسكت بقا
= طب بقولك يا سوكه..
- قول
= كتبتلك جواب
- انت بتهزر..
= انا مكتبتلكيش من وقت لما اتقفشنا.. !
" طلعه و حط في شنطتي "
- يلا بقا عشان الساعه خلصت
" روحت وهو كان ماشي ورايا بمسافة السنتر مكنتش بعيد اوي عن بيتنا.. طلعت البيت بحماس رهيب وانا مش همي اكل او اعمل اي حاجه غير اني افتح الجواب بسرعه "
- بطلي دبدبه يا فرح !!
= انتي صاحية يا بومه يا صغيره نامي !
" شدت الغطا ونامت وانا فتحته بحرص وبدات اقرأ"
- خطي اتحسن كتير يا سوكه مش هتعرفي تتريقي عليه تاني.. كان نفسي طول الوقت نرجع عيال عشان نلعب سوا براحتنا.. واشدك من شعرك الى بقي مستخبي تحت الطرحه.. و امسك ايدك واحنا بنجري.. وحاجات كتير اوي.. انا عايز اقولك اني بحبك يا سوكه.. ومش هستسلم هفضل احاول عشان كل حاجه ترجع..
" كان راسم قلوب في الورقه عيوني دمعت وفضلت اتنطط بعد لما خلصتها و استنيت نتقابل تاني عشان اقوله.. اني انا كمان بحبه !! "
" بس وقتها.. لما اتقابلنا.. كان بيودعني..! "
>>>>>>>>>>>>>>>>>>>>>>>>>>>>>>>>>>>
لا إله إلا انت سبحانك اني كنت من الظالمين
|| بعد مرور ايام ||
- فرح.. هو انتي متأكده انك عايزه تروحي الخطوبة
ابتسمت بسخريه وانا باصه للمرايا: بتقولي كده وانا خلاص.. لبست و هنتحرك ؟
= طب انتي كويسة؟
بصتلها: انا شكلي حلو؟
- شكلك جميل اوي يا فروحة..
= وانتي يا بومة يا صغيره.. شكلك زي القمر..
" نزلنا و اتحركنا كل ثانيه بتعدي كانت صْربات قلبي مش بتهدى..! كنت حاسة اعصابي سايبة.. نفسي مش مظبوط.. معدتي فيها حاجه غلط.. كل حاجه كانت ملخبطه.. "
" لحد ما العربية وقفت.. و نزلنا كنت حاسة ايدي بتترعش.. المكان كان حلو.. بس لما دخلت محستش ده اختيار يحيى.. كان فيه ناس كتير ببدل شكلهم رجال أعمال.. حسيت اني في مناسبة رسمية اوي.. مش خطوبة.. الموسيقي هاديه.. مفيش اغاني.. ناس كتير واقفة بتتكلم و بيسلموا على بعض.. لحد ما دخلنا عندهم.. و.. شوفته "
" هو الى واقف جمبها اكيد والناس بتهنيه... لسه شعره ناعم.. لسه ملامحه جميلة لكنه فيه حاجه مش مظبوطه.. وكأنها نفس الحاجه الى فيا.. عيونه تايهه "
" قعدنا على الترابيزة و مبطلتش ابصلة.. لحد ما عنينا اتقابلت.. فضل يبصلي كتير بعدم استعياب وكأنه بيتحقق مني لحد ما بابا خدنا و روحنا عشان نبارك..!! وقتها لما شاف و بابا و ماما اتأكد!! "
- الف مبروك يا معتز !! مبروك يا يحيى يا حبيبي
" حصلت سلامات كتير بين بابا و ابوه.. وبين طنط و ماما.. لكن هو كان مصدوم من وجودي.. وانا مكنتش عارفه انطق "
معتز: ماشاءالله فرح !! بقيتي عروسة ياحببتي.. عقبالك
نجلاء: و مين القمر دي مريومه؟؟
" حورات كتير كانت دايره واحنا الاتنين مش مركزين غير لبعض.. "
ساره مسكت ايده يحيى وهمست: حبيبي مالك
"يحيى مكنش سامعها حتي.. و سارة بصت لفرح ورجعت بصتله "
- يحيى ؟؟؟
" فاق من تركيزه وبصلها "
- انت سامعني؟ بقولك مالك.. هي مين دي؟
"وقتها معتز بدء يعرفهم على سارة"
- سارة حببتي.. ممدوح ده صاحبي وجارنا من زمان اوي هنا في القاهره..
" اتعرفوا على بعض و ساره ابتسمت ببرود وبعدين خدت يحيى و قعدوا.. "
" و هما رجعوا على الترابيزة.. "
مريم: فرح..؟
بصتلها و ابتسمت: انا كويسة..
" أنا مش كويسة.. بس جيت ليه؟ عشان اقنع نفسي واشوف بعيني ان كل حاجه انتهت.. "
" بس هل ده فعلا الى هيحصل واحنا الاتنين محدش فينا شال عينه من على التاني؟ طب هو ليه اصلا باصصلي وليه نظراته ليا عامله كده؟"
- يحيى انت مركز مع البنت دي كده ليه؟
بصلها: مش مركز مع حد
= على اساس اني مش بشوف
- عدي اليوم يا ساره.. فضلنا نرتب له كتير مش هنبوظه دلوقتي
= ماشي يا يحيى..
" كنت عايز اروحلها.. عايز اتكلم معاهت بأي شكل.. ولكني مش عارف!! متقيد!! الوقت كان بيخلص وانا مش قادر اني اروح اكلمها وهي قدامي.. كانت خلاص الخطوبة بتخلص.. و قامت عشان تمشي معاهم"
" كانت بتتحرك قدام عيني وانا مش قادر اتحرك ناحيتها واسيب كل حاجه.. عروقي كانت بارزه من الغضب الى جوايا.. "
" الغضب الى جر وراه ابشع ذكرىٰ مرت عليا "
فلاش باك #
- احمم انا معطل حضرتك عن حاجه يا اونكل ممدوح؟
= لا يحبيبي خالص.. قولي بقا ايه الموضوع الى ميستناش ده؟
- في الحقيقة.. انا مش عارف يعني ابدء ازاي بس انا كان مفروض عندي درس و فرح عندها درس انا جيت عشان عارف انها مش هنا لأني كنت عاوز اقول لحضرتك الأول.. وعشان برضو بابا.. منعني من الى عاوزة
بصله وهو عاقد حواجبه: انا مش فاهم حاجه يا يحيى قولي ايه الموضوع
- عمو.. انا بحب فرح اوي وحضرتك عارف اننا هنمشي انا مش عايز امشي ونبعد انا عاوز اخطبها!
" بصلة بدهشه و يحيى كمل "
- انا عاوز يبقي عندي سبب اني اقدر اشوفها و نتكلم و ارجع القاهره عشانها و حاجات كتير انا عارف اني صغير و
قاطعه: حبيبي انت وهي لسه صغيرين ! فرح عيله!! في اولة ثانوي!! وبعدين احنا سبق و نبهنا انكم تبعدوا عن بعض !!! ابوك يعرف الكلام ده؟؟
نزل راسه بخزي: مقتنعش بكلامي وكنت عايز اقنع حضرتك!!
- لأن والدك معاه حق ! انتوا لسه عيال!! و الأحسن انك تركز في حياتك السنه الجاية هتكون ثانوية عامة وشهاده.. ركز فيها و بلاش الكلام الفارغ ده
بصله وعيونه بتلمع بالدموع: بس انا بحب فرح.. ولو محاولتش عنها عشانها هتفضل مش بتكلمني
بصتله بتركيز: وهي من امتي بتكلمك!!
- احنا بنتكلم كل فين وفين فالسنتر!! وقولت لها اننا هننقل اسكندرية وهي زعلت
= و انت معطل حياة فرح!! وحياتك الكلام الفاضي ده ملوش لازمه دلوقتي!! تزعل شوية وبعدين هتنسي الاحسن تبعد عنها يا يحيى و كويس اوي انكم مش هتبقوا قريبين بالشكل ده تاني.. عشان انتوا الاتنين تنسوا!!
" يحيى نزل يومها.. من البيت و سلوي خرجت بصتله بصدمه لأنها سمعت كل حرف "
- هي لسه بتكلمه بعد كل ده ؟
= انتي فاكره ايه؟ احنا ساكنين جمب بعض لكن خلاص الموضوع هينتهي غصب عنهم.. ومش لازم تعرفيها اي حاجه من الى حصلت دي
- يعني ايه يا ممدوح؟
= يعني كل حاجه هتنتهي لوحدها يا سلوي هو هيمشي و هي هتنساه دول عيال!! متفتحيش الموضوع وتفتحي عينها.."
باك #
" غمضت عيني بألم.. لما افتكرت اليوم ده.. الى بعده مقربتش منها تاني.. "
>>>>>>>>>>>>>>>>>>>>>>>>>>>>>>>>>>>
|| في فيلا معتز المهدي||
" يحيى دخل و رزع الباب وراه و معتز قام بتعجب لفعلتة "
- فيه ايه ؟؟
اتكلم بعصبيه: حضرتك قولت تكمل عليا
و بتعزمهم ؟؟؟؟؟؟
نجلاء: هما مين دول فين ايه يا معتز
معتز بحده: انت ازاي تتكلم بالطريقة دي !!!
- وانت ازاي تعرضني لموقف زي ده !!!!!! انت عزمت اونكل ممدوح !!! وانت عارف انها هتكون موجوده وهتيجي معاه !!!
معتز: وفيها ايه !!
يحيى بزعيق: فيها اني بحبها !!!!
يتبع..
↚
- ازاي تعرضني لموقف زي ده !!!!!! انت عزمت اونكل ممدوح !!! وانت عارف انها هتكون موجوده وهتيجي معاه !!!
معتز: وفيها ايه !!
يحيى بزعيق: فيها اني بحبها !!!!
- نعم ؟؟ عشان كده بقا مكنتش عاوز تخطب يا يحيى؟؟؟؟
= ولسه مش عايز !! الخطوبة دي هتتفسخ !! انت اتفقت معايا نقرب من عيلة المرشدي واخطب بنتهم عشان نفسك مش عشاني وعشان شغلك لكن مفكرتش في حياتي!! وانا بحب فرح و مش هتجوز غيرها !! مهما حصل
" مشي وساب له البيت و نجلاء بصتلة بعدم تصديق"
- انت اجبرت ابنك يخطب سارة !!!؟؟
>>>>>>>>>>>>>>>>>>>>>>>>>>>>>>>>>>>
بقلمي سلسبيل احمد
|| في بيت فرح ||
" كنت بعيط بصمت ومش راضية افتح اوضتي لحد.. خلاص مبقتش قادره استحمل اخبي حزني! لحد ما لقيت بابا فتح الباب ودخل استغربت وبصتله"
" قفل الباب و جه قعد قصادي على السرير "
- حصل ايه لكل ده؟؟
" مردتش عليه فا اتنهد وبصلي"
- لسه زي ما انتي ؟ بتعملي زي زمان تيجي تستخبي في الأوضة.. مع انك عارفه ان بسبب الحركه دي عملت نسخه على مفتاح اوضتك.. عشان متفضليش لوحدك.. ولسه معايا عشان عارف انك لسه صغيره.. مكبرتيش زي ما بتقولي يا فرح
بصتله وانا بعيط: انا كبرت كفاية عشان افهم ان مش كل حاجه الإنسان بيتمناها بيحققها!! ، بقلمي سلسبيل احمد، و عشان افهم انكم مش مهتمين بيا زي ما بتقولوا يا بابا انتوا بس واخدين بالكم من تعليمي اكلي و شربي.. و بتكلم ولا ساكته لكن محدش يعرف حاجه عني !!
- كل ده عشان يحيى يا فرح
" بصتله بصدمه "
- متستغربيش اوي كده بيتهيقالك اننا مش عارفينكم.. بس احنا اكتر ناس فاهمينك.. انا وماما محدش عارفك قدنا..
بعياط: و ليه ؟؟ ليه بعدنا عن بعض !! ليه عملتو كده؟ ليه ماما خدت موبايلي سنه كامله؟ وفضلت تراقبني !! فضلت مخوفاني و تقولي ركزي في دراستك و تهدد ني ! ليه حدْرتوني اكلمه مع اننا كنا صحاب و طنط نجلا و عمو كانوا صحابكم !!
= عشان صداقتكم كبرت اكتر من اللازم..؟ ومامتك هي الى شافت ده.. انتي لحد دلوقتي معندكيش صاحبة بنت واحده انتي خلقتي لنفسك عالم مع يحيى ورفضتي حد يدخله وده غلط.. بقلمي سلسبيل احمد اتعلقتي بيه زياده عن اللزوم انتوا كنتوا أطفال و كبرتوا بس محدش فيكم ادرك ده!! مفيش صداقة بالشكل ده بين ولد وبنت ده غلط ومكنش ينفع ابدا نستسلم للوضع الى انتوا فيه
ونقول معلش خليهم قريبين!!
بصتله وهي بتعيط: انا بحبه !!! احنا مش مجرد صحاب مش مجرد اتنين اطفال!! ازاي دي فكرتك؟؟ يحيى كان الوحيد الى بيحبني حضرتك متعرفش كنت بتعرض لأيه فالمدرسة انا مفيش حد واحد كان مهتم بيا غيره!! خناقة المدرسه القديمه الى بسببها يحيى دخل المستشفى ده كانت عشاني !! كان بيدافع عني !!
فضلت اعيط بأنهيار وانا بصاله: انتوا متعرفوش اي حاجه عن طفولتي يا بابا متعرفوش اي حاجه!!!
رفع ايده وطبطب عليها: فرح بطلي عياط انتي الى مكنتيش شايفه علاقتكم رايحه لفين.. والحدثة الى بتتكلمي عنها دي وقتها انتي صحتك ادمرت بسبب حزنك عليه عشان في المستشفى و مستواكي نزل ده مكنش طبيعي
- مكنش طبيعي عشان بعد عني !!! مكنتش متعوده ابقي لوحدي من غيره
= و ده غلط.. لأن الدنيا مش شخص واحد!! واديكي كملتي حياتك ومحصلش حاجه الحياة مش بتقف.. وهو كمان كمل..!!
ضحكت بسخرية: هو كمان كمل ؟ هو كمان شاف غيري بسببكم.. انتوا كرهتوه!!! مع انوه كان بيحبكم ماما كرهته وكان عارف وحاسس بـ ده
- ماما بتحبك.. وكانت خايفة عليكي
اتكلمت بعصبيه وانا بمسك دماغي: انا مش عايزه حد معايا!! وانا مش صغيره يا بابا!!! انا عايزه افضل لوحدي
" سيبته و روحت على سريري وانا بنكمش في نفسي لحد ما حسيت بيه بيخرج وفضلت اعيط.. لوقت مش عارفه قد ايه!!! لحد ما نمت!! "
>>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
" في شوارع القاهره كان يحيى سايق عربيته وميعرفش رايح على فين.. وقفها على جمب وفضل يتنفس كان بيهدي كل ما يفتكر صورتها قدامه.. وازاي كبرت و لسه جميلة و فيها براءة زمان.. و لكن بعدها علطول بدء يفتكر كلام ابوه "
- ازاي يا بابا ده حصل ؟
= حصل زي ما حصل بقا يا يحيى !!!
- ممكن حضرتك تهدي.. أكيد هنلاقي حل
= الحل موجود.. انت لازم تخطب سارة
- سارة تاني؟ انا قولت لحضرتك مش هقدر ومش عايز اتجوز بالطريقة دي..
= يعني ايه ؟؟ هتسيبنا نقع !!!
- مقدرش يا بابا.. انا طول عمري بسمع كلام حضرتك اطلب مني اي شيء وهنفذه
= يحيى !! انت كل حاجه مكتوبة بأسمك !! انا سايب لك حاجه !! وكل ده مينفعش يدمر احنا لازم نناسب عيلة المرشدي باي شكل !! فاهم؟؟؟ دي الطريقة الوحيده الى هتنقذ الشركة و كل حاجه!! وبعد لما نقف على رجلنا.. و الصحافة تنشر خبر الخطوبة بدل الإشاعات اننا بنقع !! لما كل حاجه تتصلح ساعتها ابقي سيبها
- ازاي !! ازاي اعمل كده في انسانه ملهاش ذنب!!
= هتعمل كده عشان خاطر ابوك !!! ولا عاوزني اتحبـ ـس !!
" غمض عينه بألم وهو كاره نفسه عشان سمع كلام ابوه.... لكنه قرر ميسمعش كلامه تاني.."
>>>>>>>>>>>>>>>>>>>>>>>>>>>>>>>>>>>
لا إله إلا انت سبحانك اني كنت من الظالمين
|| بعد مرور تلت ايام ||
" يحيى كان محْتفي و معتز مش عارف يوصله.. و فرح كانت بتحاول تتحْطي الى حصل و بتتجنب الكلام مع مامتها و باباها.. مريم الوحيده الى سمحت لها تكون جمبها و تطبطب عليها.. "
" قررت انزل الكلية.. عشان اهر ب شوية من كلامهم و اسئلتهم ناحيتي الى مش بتنتهي"
- خلي بالك من نفسك يا فرح..
= هتعملي فيها الكبيرة العاقلة يا مريم؟
ابتسمت بحنية: لا مفيش اعقل من فروحة
" ابتسمت لها و بعدين خرجت ونزلت من غير ما اتكلم معاهم.. فضلت سرحانه طول الطريق عقلي مش بيفكر غير فيه و ذكرياتنا.. "
" كنت خلاص وصلت و نزلت امشي الحبة الى فاضليين للجامعة.. و لكني اتفاجئت بعربية رمادي بتقرب ناحيتي بهدوء و كأنها هتحْبطني و فجأة وقفت قدامي شوية.. ونزل منها.. كنت حاسة اني بحلم.. يحيى.. قدامي.. "
" فضلت باصة بتركيز.. ايدي بدأت تترعش.. وصْربات قلبي بدق بشكل سريع جدا.. كان بيقرب ناحيتي بهدوء وانا حاسة قلبي هيخرج من مكانه و رجلي مش قادره تقف!! "
" بقي قدامي مباشرة.. وباصص لي وعيونه بتلمع بالدموع"
- وحشتيني يا سوكه!
" دموعي نزلت بسرعه وكانها كانت مستعده..!!!"
" قربني لحضنه وفضل يطبطب عليا وانا كنت ماسكه فيه ومش قادره ابطل عياط"
بعدت وبصتله: انت فعلا هنا معايا!!
مسح دموعي: اهدي يا فرح..!
بعياط: انت اتأخرت اوي يا يحيى!!! سبتني لوحدي كتير اوي !!! احنا مكناش متفقين على ده
قربها ناحيته تاني وفضل يطبطب عليها: بس يا فرح اهدي.. اهدي!! انا معاكي!
" فضل يهديني.. و ركبنا عربيتة اتحرك بعيد عن الجامعه محدش فينا بطل يبص للتاني!! ايدي مسابتش ايده طول الطريق.. لحد ما وقف العربية.."
"بصتلة و انا بحاول اكون مدركه للي حوالية"
- هو انت خطبت بجد!!! انت ازاي هنا و انت خطبت.. خطبتها صح!؟؟
اتنفس بعمق: فرح اهدي.. فيه حاجات كتير اوي عايز اقولها لك.. بس اولهم اني عملت ده غصب عني.. انت مفيش حد حبيته غيرك مفيش حد عاوز اكمل معاه غيرك!! خليكي عارفة ده
- انا مش فاهمه حاجه
= انا مقدرتش افضل بعيد اكتر من كده مقدرتش اسيبك فاكره اني نسيتك
بدموع: هو انت فاكرني! فاكر كل حاجه!
ابتسم وعيونه فيها دموع: منستش اي حاجه تخصك يا فرح.. انا كل السنين دي مكنتش عاوز غير اني اجيلك.. اسيب كل حاجه وارجع لك.. نرجع نبدل اكلنا.. و نتخانق..
" ابتسمت من بين دموعها "
- تعملي مشاكل وانا ادخل فيها بسببك.. نذاكر سوا و تفضلي تعانديني انك اشطر مني
اتكلمت وانا بتعيط: وليه مرجعتش..!!
= بابا.. بابا دمرلي حياتي كلها.. اتغير!! انتي فاكره يا فرح كان نفسي اطلع ايه؟
هزيت راسي: دكتور
- انا جبت مجموع.. وكنت مستني بفارغ الصبر اقدم في كلية طب.. بابا منعني وبدل ورقي وقدم لي في كلية بيزنس.. اجبرني على ده عشان شغله.. زي ما اجبرني زمان مرجعش هنا.. من اليوم الى قرر فيه ننقل إسكندرية جمب شغله وهو مش شايف حاجه غير الشركات و المصانع وكل حاجه ليها علاقة بالشغل..!! كان محاصرني !! و بيبلغني علطول برفض عمو ليا!!! وتحذيره اقرب لك
بصتله بعدم استيعاب: انت بتتكلم عن ايه ؟؟
- اونكل ممدوح.. ورفضه اني اتقدم لك
فتحت عينيها بدهشه وهي بتشهق: بابا !!! مستحيل
= فرح.. اونكل رافضني من واحنا سوا.. من ساعة.. لما كنت فا تانيه ثانوي.. و روحت له قولتله خلينا نعمل خطوبة.. و رفضني!! فضلت اقوله اننا هنمشي.. واني عايز افضل جمبك بس رفض
" كنت مصدومه ومش مستوعبة حاجه "
- يعني ايه؟؟ ازاي!! عشان كده مشيت من غير ما تكلمني!!! ازاي متعرفنيش يا يحيى !! ازاي ؟؟؟
انا لسه فاكره اليوم الى مشيت فيه !! صحيت و اتفاجئت انكم بتنقلو كل حاجه.. انت مودعتنيش يا يحيى.. كنت عارف و مودعتنيش !!
" مسك ايدي وهو بيحاول يخليني اهدي "
- فرح.. انا مكنش عندي اختيار!! قالي ابعد عنك.. قالي اني معطل حياتك ومأثر عليكي.. وانا كنت متلخبط وخايف مش عارف هشوفك تاني ازاي !! ومش عارف اودعك.. احنا اتفقنا عمرنا ما نبعد..! كنت هودعك ازاي؟؟
= فا تسبني فجأة !!!
- مكنتش اعرف الى هيحصل بعد كده وان بابا هيتغير معايا و يعمل فيا كل الى عمله.. و يجبرني اخطب واحده عشان خاطر يكسب باباها لصفة في الشغل
بصتله بتعجب: اونكل معتز عمل كل ده!!.. وانت
قاطعني: مكنتش قادر اعمل حاجه.. كان طول الوقت قاسي وضاغط عليا.. كنت بحاول اشوف حل يخليه يحبني!! و يشوف انا عايز ايه.. لكن اكتشفت ان ده عمره ما هيحصل.. انت بقالي تلت ايام سايب البيت.. و قاعد عند واحد صاحبي.. انا وهو كنا شغالين سوا مع شركة منافسة من ورا بابا..
انا خلاص مش محتاج له.. ومش هرجع تاني..
ومش هستسلم انا هقابل اونكل ممدوح وهفضل وراه لحد ما يوافق عليا
"بصتله بعدم تصديق وعيوني بتلمع بالدموع"
- انت وحشتني اوي يا يحيى
ابستم وبصلي بأستنكار: يحيى؟؟
ضحكت وانا بمسح دموعي: يا سلحفاة!!
بصلي بحب: كان فيه اسم كمان
- يا يويو..
ابتسم برضا و ساب ايدي : فرح ركزي معايا.. الى بنعمله دلوقتي هيبقي غلط.. و الى حصل كان غصب عني.. انا كنت.. انتي كنتي وحشاني ومكنتش قادر افضل بعيد.. مكنتش قادر اشوفك و اتحكم في نفسي.. لما شوفتك في الخطوبة مكنتش مصدق.. كنت عاوز اسيب كل حاجه.. و احضنك.. وافضل قريب منك! بس كل ده غلط دلوقتي.. انا عايز المقابلة التانية بينا واحنا بنتجوز.. فهماني!
" هزيت راسي وعيوني مليانه دموع"
"سحب منديل ومسح دموعي"
- مش عاوز اشوفك بتعيطي تاني.. انا عاوزك تهدي.. هرجعك دلوقتي الكلية.. وبعدها هطلع على البيت وهقابل اونكل ممدوح.. تمام؟ وانتي خلي اليوم طبيعي فاهمه؟
هزيت راسي: حاضر
بصلي: وعلى فكره الفستان ده حلو اوي لو اتعاكستي متتردديش تكلميني
ضحكت: هتيجي تصْربهم زي زمان؟
ابتسم: هاجي اصْربهم زي زمان.
" اتحرك بالعربية و وصلني عند الجامعة نزلت وانا عيوني متعلقة بيه.. ومش عايزة ابعد عنه ابدا.."
>>>>>>>>>>>>>>>>>>>>>>>>>>>>>>>>>>
"اللهم صلِ وسلم وبارك علي سيدنا محمد"
|| في فيلا معتز المهدي ||
- شايفه ابنك !!!! معرفش عنه حاجه ومفروض كنا نسافر !!! ومش بيرد علي خطيبتة !! منظرنا ايه دلوقتي !!
نجلاء بصتله بكره: احصد الى زرعته يا معتز.. ده تمن قسوتك عليه.. خلاص الولد ضاع !!
" مسك الفازة كسرها بمنتهي العصبية "
" دخل واحد من الى مشغلهم وهمس جمبه "
- احنا لاقينا يحيى بيه..
>>>>>>>>>>>>>>>>>>>>>>>>>>>>>>>>>>>
|| في بيت فرح ||
" وصل يحيى.. وقف قدام الباب وخبط.. "
" راحت مريم تشوف مين ولما لاقته هو فتحت بوقها بصدمه وهي مش مصدقه "
- انت! انت عايز فرح ؟؟
ابتسم: انا عايز بابا.. هو موجود
شدت ايده: موجود ادخل ادخل
- بابا... باباااا يا بابااااااا
ممدوح خرج وهو بيلبس الجاكيت: فيه ايه يا مريم
بصلة بتعجب: يحيى؟ حصل حاجه يا حبيبي؟؟
- محصلش.. انا عايز حضرتك.. فاضي شوية!
= اكيد اتفضل يا حبيبي
" وبعد مقدمات صغيرة من يحيى.. دخل في الموضوع وحكي له كل حاجه.. وقاله ان رغم رفضه طول السنين الى فاتت بس هو هيفضل يحاول.. وانه خلاص ساب سارة.. "
ممدوح بصلة وسط كلامه: لحظه واحده انهي مرات الى بتتكلم عنهم رفضتك فيهم؟
- لما بابا كان بيكلم حضرتك
ممدوح بعدم استعياب: حبيبي والدك مكلمنيش خالص في موضوعك ده.. المره الوحيده الى رفضت فيها هي لما كنت صغير.. وجيت طلبت فرح
يحيى بصلة بصدمه: يعني ايه؟؟ هو طول السنين دي مكنش بيقولك اني لسه عاوزاها.. وحضرتك كنت بترفض!!! يعني ايه؟؟
" ممدوح مكنش عارف يرد ولا فاهم.. ويحيى كان مصدوم.. الباب خبط مره تانيه وفرح فتحت بحماس و كان معتز اتفاجئت بيه ولكنها سمحتله يدخل "
معتز: يحيى !!!
" يحيى انتبه لصوته وبص وراه! اول لما شافه قام وقف.. وفضل يبصلة بنظرات صدمه و عْضب.. "
" في اللحظه دي مريم كانت بترد على موبايلها الى رن كذا مره وهي مخدتش بالها "
بصتلهم والفون على ودنها: بابا.. اللحق فرح!!
يتبع...
↚
- متخفش يا يويو.. انا هفضل معاك
= انا مش خايف.. بس متعمليش مشاكل لحد لما اخرج فاهمه يا سوكه!
- انا مش عايزة اروح المدرسة لوحدي
= مينفعش وبعدين انتي سوكه اكيد مش خايفة
- لا انا خايفة عشان مش هتبقي معايا
>>>>>>>>>>>>>>>>>>>>>>>>>>>>>>>>>>
" فوقت بعد لما وقعت في الكلية... بدات ادرك الى حواليا.. ولاقيتة واقف وسطهم! "
- فرح!!! انتي كويسه؟
" تنحت قدام سؤالة وبصيت على ماما.. الى قربت ناحيتي بلهفه هي ومريم "
- انتي كويسة؟
= انا كويسة.. متقلقوش..
" اتنهد بأرتياح و ماما خرجت للدكتور و هو قرب ناحيتي "
- حصل ايه؟
= متخفش.. مصْربتش حد زي زمان
ابتسم وهو بيبصلي بقلق واضح: بتكلم جد.. مالك؟
- معرفش انا كنت في المحاضرة عادي وفجأة دماغي تقلت اوي ومحستش بحاجه اغم عليا فجأة
" يحيى سابها وخرج كان الدكتور واقف مع معتز و ممدوح و سلوى وبعدين مشي "
يحيى: قال ايه؟ مالها!
سلوى: بيقول ضغط عصبي شديد
ممدوح: هي فعلا كانت ضاغطه نفسها..
يحيى: طب يعني فيه حاجه هيعملوها ولا الى هيتم ايه دلوقتي
سلوى: لا هي هتروح معانا انهارده ياحبيبي.. شكرا يا يحيى على تعبك
يحيى بهدوء: متقوليش كده يا طنط..
معتز: ألف سلامة عليها يا ممدوح.. يلا احنا يا يحيى عشان عندنا سفر؟؟ لازم نرجع إسكندرية
يحيى رد بحده ونفاذ صبر: انا مش هاروح في حتة !!
" سابة ونزل استناهم تحت المستشفى ولكنه نزل وراه وعفاريت الدنيا بتتنطط قدامه "
- انت ازاي يا ولد انت تتكلم معايا كده !!!
رفع عيونه وبصله و هو بيضحك بسخرية: اكتر من 12 سنه.. بتضحك عليا و تبلغني رفض عمي ممدوح ليا اني اخطب فرح.. كل السنين دي وانت عارف اني بحبها!! و بتضحك عليا!! طب مصعبتش عليك؟؟ بلاش! مفكرتش هتعمل ايه في اليوم الى هكتشف فيه كدبك عليا !
" معتز كان هيرفع ايده و يصْربه بالقلم و لكنه قبضها و زعق بعصبية "
- انت مجنو ن !!! حب ايه وكلام فارغ ايه؟؟؟ انت فيه زيك بالملايين قاعدين فالشوراع مش لاقين ياكلوا !! وانا مأمن مستقبلك من وقت لما سافرنا عشان شغلي و كاتبلك كل حاجه و جوزتك جوازه متحلمش بيها !!!! و بعد كل ده مش عاجبك
يحيى نهره بعْضب: لاء !!!!!! متقوليش عملت ده كله عشاني !!!! هو انا طلبت منك كل ده !!!! انا طلبت فيلا كبيرة !!!! و طلبت شركات و عربيات و حفلات و اعلام ؟؟؟ طلبت بنت راجل غني و له نفوذ !!! انا مطلبتش كل ده!!
كل ده انت الى كنت عايزه..!!
- يعني هتعصيني !!!! هتسيب كل حاجه ؟؟؟
= وانا هسمع كلامك ازاي وانت كلامك متناقض !! ربتني على الدين صح.. اشهدلك بكده بقلمي سلسبيل احمد بس في نفس الوقت عايزني اتجوز بنت لبسها كله مفتوح و ابوها عامل حفلة فيها حْمرا عادي و ناس متعرفش شيء عن الدين؟ هي دي الجوازة الي عاوزهالي يا بابا؟
دموعه نزلت و بصلة بفقدان امل: انت لخبطلي كل حاجه.. كل حاجه في حياتي بوظتها انا مبقتش عارف ايه الصح وايه الغلط..!! بس انا مش هكمل معاك انا هتنازل لك عن كل حاجه ومش عاوز منك اي حاجه عاوزك تسبني انا هتجوز فرح وهعيش حياتي في القاهره زي ما كنت بتمني.. لأول مره في حياتي يا بابا مش هنفذ اوامرك ليا.. و هرسم حياة لنفسي..بأختياري انا
" في اللحظه دي.. معتز عاش مشاعر كتير رفض لكلام يحيى المنطقي.. وفي نفس الوقت بيميل انوه يقتنع بكلامه.. شعور غصْب ان ابنه بينقده !! وبيعدل عليه.. وشعور كسوف من نفسه ان ابنه بقا واعي ورافض لكل حاجه غلط.. في النهايه مردش عليه.. وركب العربية بهدوء ومشي.. "
" حاولت اهدي ومسحت عيني بتعب وانا بتنفس بعمق و طلعت تاني عند فرح.. عمو ممدوح كان قاعد بره.. فا قعدت جمبه "
- انت كويس يا حبيبي؟
" اتفاجئت من سؤالة.. السؤال الى عمره ما جه من أهلي.. ابتسمت بهدوء "
- اه.. انا بس مرهق شوية
قاطعته: وقبل ما تقولي امشي انا لازم اطمن على فرح ولازم تبلغني انك موافق يا عمو.. انا مش هقدر ابعد عنها ساعه كمان من حياتي
" كان متفاجئ و لكنه بصله و ابتسم "
- وانتوا صغيرين كنت بشوفها فرحانه ازاي وهي بتلعب معاك.. كنت بغير منك ولما تروح البيت اقولها يا فرح تعالي نلعب.. تقولي انا لعبت كتير انا ويحيى مش قادره.. اقول اه.. وبعدين مع الواد ده بقا؟؟
"يحيى عيونه لمعت و ضحك"
= مكنتش بتحبني برضو..؟
ضحك وطبطب على ضهره: لا طبعا انت طول عمرك ابني يا حبيبي.. مخلفتش ولاد.. فا كنت بعتبرك ابني.. و كنت بشوف ازاي بتخلي بالك عليها وبفرح..
بصله بتنهيده: طنط هي الى بتكرهني؟
- الفترة الى فرح كانت بتبقي لوحدها فيها من غيرك كانت بتبقي مقريفه ومش طايقه حد فا سلوى مقبلتش ده.. هي ام.. وخافت عليها ومكانتش لاقيه حل لكني متأكد.. انها حاليا عندها استعداد تفهم.. وانتوا كبرتوا.. فا الوضع اتغير..
يحيى بصلة بأمل: يعني اعتبر دي موافقة
" قاطعهم خروج فرح و مريم و سلوى. "
" لما شوفته مع بابا.. الاتنين جمب بعض.. اكتر اتنين بيحبوني وبيخافو عليا.. اكتر اتنين بحبهم في حياتي.. ابتسمت اكتر لما شوفت الرضا في عيون بابا.. عرفت وقتها اني مش هبكي تاني.. بقلمي سلسبيل احمد"
>>>>>>>>>>>>>>>>>>>>>>>>>>>>>>>>>>>
" اللهم صلِ وسلم وبارك على سيدنا محمد "
|| بعد مرور أسبوع | في إسكندرية ||
- صدقيني يا سارة انا بعتذر لك.. انتي ملكيش ذنب.. انا بس كنت معدوم الشخصية و سمعت كلامه ومكنش عندي اختيار انا عارف اني استاهل اي حاجه بس المهم عندي تعرفي الحقيقة
بصتله وعينيها بتدمع: يعني انت مش عاوزني صح؟
- انا بحب فرح.. انا حقيقي اسف
دمعه نزلت منها ومسحتها وهي بتبتسم: يا بختها يا يحيى.. بجد يبختها
- انا بتمنالك تلاقي حد انتي كمان يحبك.. كل شخص يستاهل يلاقي الى بيبادله الحب يا سارة.
" هزت راسها بتفهم.. الموضوع بالنسبالي انتهي لحد كده ومبقتش حاسس بالذنب.. طلعت على الفيلا عشان اخد حاجتي الى محتاجها.. "
>>>>>>>>>>>>>>>>>>>>>>>>>>>>>>>>>>
" لا إله إلا انت سبحانك اني كنت من الظالمين "
|| في الفيلا ||
" كنت قاعد قدام ماما بعد لما حكيت لها كل حاجه "
- اتمني حضرتك تحترمي قراري.. زي ما بتقوليلي دايما..
بدموع: يعني هتسيبنا يا يحيى !!
= أرجعي معايا! حضرتك نسيتي كل حاجه هناك؟ اكتر من نص عمرك كان هناك! و صحبتك!! طنط سلوى..
- كل ده ماضي!! الى بتتكلم فيه ده ماضي
= مش بالنسبالي يا ماما..! انا اخدت حاجتي و رتبت كل حاجه.. و هخطبها اخر الأسبوع ده..
- انت عارف ان ابوك
قاطعتها: مش عايز اعرف..! كفايه الأذى الى حصلي!!
- يحيى ابوك مش على طبيعته!
" و على ذكر بابا لاقيتة داخل.. تقريبا عرف بوجودي.. عشان ادركت مؤخرا انوه بيراقبني قومت وقفت قصاده "
- كل حاجه بيني و بين سارة انتهت.. و كل فلوسي واي حاجه بملكها حولتها لحضرتك.. أكيد هيساعدوك في مشكلة الشركات.. وانا مازالت موجود يا بابا اي وقت هتحتاجني فيه هبقي معاك
"معتز بصلة بتعب وابتسم بسخرية ويحيى استغرب"
- انا معنديش اي مشاكل في الفلوس مع اي بنك.. الشغل ماشي كويس وكل حاجه كويسة
بصتلة بعدم فهم: يعني ايه
- انا غيرت حسابات الشركة و عرفتهم يخلوك تفتكر اننا في مشكلة.. عشان اضمن انك توافق تخطب سارة بعد رفضك ليها كذا مره..
" نجلاء مكانتش مصدقه الى سمعته "
- حضرتك بتهزر صح ؟؟
بصلة بعدم تصديق: عملت كده ليه !!! ليه !!!
= عشان مكنتش عايز اموت وانا سايبلك كل ده لوحدك.. قولت اننا هناسب عيلتهم.. وهيبقي ليك نفوذ و سلطة يحموك
بعصبية: برضو حضرتك بتحطني كا سبب !!
بصيت لماما: انا ماشي ..
نجلاء: استني يا يحيى .. انا جاية معاك.
>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
|| في القاهرة | بعد مرور أيام ||
" كنت في اوضتي.. بجهز عشان الخطوبة!! بطني وجعاني ومش مصدقه..!! ومريم واقفة تضحك عليا.."
- فرح لو ناوية يغم عليكي قوليلي يحببتي
= مريم انا اعصابي كلها سايبه.. هو انا هتخطب ليحيى دلوقتي؟ ليحيى؟؟
- اه
= الى قعدت احبه عمري كله؟؟
- ايوه هو
= الى بيناديني سوكه؟
- هو بيناديكي سوكه لسه
حدفتها بالمخده: اسكتي
" ضحكنا احنا الاتنين وهي بتبصلي بحب في المرايا لفيت وبصتلها "
- مريم انا بحبك اوي.. انتي ازاي يابت كنتي بتخلي بالك عليا و دي مُهمتي! انا الكبيرة
ضحكت: اتعلمت ده منك يا فروحه.. نساعد اي حد.. نقدم كل الى نقدر عليه.. السن مجرد رقم.. و الحنية مش لازم تستخبي..
دمعت وحضنتها: بحبك يا مريومتي
- وانا بحبك يا فروحة.
" خرجت يومها من اوضتي وشوفته واقف مستني.. اتفقنا نحافظ على المسافات.. و قصاد كده شرط عليا نتجوز في خلال شهر.. ومقدرتش اقول لاء "
- احمم.. يعني الحقيقة شكلك مش سوكه خالص
"ضحكت بكسوف وسعادة"
- بس انتي عارفه انك هتفضلي سوكه صح؟
بصتله بنص عين: انت عارف انك هتفضل سلحفاة
= انتي تعرفي اني بشيل 70 كيلو.. و طولي 185 ولا متعرفيش
- وايه كمان يا سلحفاة بيه؟
ضحك وبصلها بحب: و جبتلك حاجه يا فرح
= ايه هي..
- انتي فاكره جبتيلي ايه في عيد ميلادي اخر عيد ميلاد حضرناه سوا
= الساعة الزرقا!!
- فاكره قولتي ايه ساعتها؟
# فلاش باك
- ده انتي لبستي فستان زي البنات بجد يا سوكه
= وانت ملبستش سلحفاة ليه يا يويو
- رخمه
= بارد
- فين هديتي يابت!!
= مع ماما.. اكيد طنط نجلاء خدتها تشيلها
- عايز اعرف جبتي ايه
= اوكيه تعالي نفتحها..!
" دخلنا ندور لحد ما شاورت له عليها"
- الى لونها ازرق
بصلي: ده اكتر لون بحبه
= اممم مانا عارفه يا عبيـ ـط
" راح جابها و بدأ يفتح فيها وشال لفة الهدايا على جمب وبعدين فتح البوكس اتفاجئ بسلحفاة لعبه شالها من البوكس وبصلها بصدمه "
- انتي جبتيلي سلحفاة يا فرح !!
فضلت تضحك: جبت سلحفاة للسلحفاة يا يويو !! مالك
لقته مصدوم فا اتكلمت من بين ضحكها: دور تاني
" مد ايده ولقي كيكه من الى بيحبها.. وبعدين لقي ساعه لونها ازرق مسكها بتعجب "
- بتهزري !! واو
ابتسمت: دي كانت اخر واحده لونها ازرق حظك حلو يا يويو
= دي جميلة اوي زي الي شوفناها وعجبتني ثانكس يا سوكه
- هستني تجبلي برضو هديه حلوة متنساش..
= عاوزة اية في عيد ميلادك؟
رفعت كتافها: انت مفروض تعرف!
= اتفقنا..
باك #
- انتي قولتي لي يومها اعرف انت.. صح؟
= ايوه!!
- وبما ان عيد ميلادك بعد بكره
" ادالها علبة مربعه لونها بينك "
- افتحيها
= ايه دي؟
- افتحي يا سوكه..
" فتحتها.. لاقيتة عُقد!!! بصتلة بصدمه "
- ينهار أبيض انت عرفت منين اصلا
= طول عمرك بتحبي روبانزل.. كنت متأكد إنك هتبقي عايزه العُقد ده..
- جبتة منين وازاي!!
= اديت التصميم لحد
- طيب و فلوسة! اكيد بفلوس كتير!
= دي تاني مفاجأة.. اصبري دقايق
" مكنتش فاهمه حاجه.. ولكن بعد دقايق فهمت.. اونكل معتز هنا!.. و طنط نجلاء.. اتكلم مع اونكل زي ما طلبت منه..! مكنتش موافقة ابدا يكون زعلان منه او العلاقة تبقي كده بسببي.. وحتي بابا اتكلم معاه.. و قالي هيحاول يحل الموضوع.. و يحيى وعدني.. انوه هيحل كل حاجه.. واليوم بالنسبالي كده اكتمل! "
" عشان بعدها.. كل حاجه تمشي زي ما كنا بنحلم.. وكأننا لسه صغيرين..! وكل حاجه مُمكن!"
>>>>>>>>>>>>>>>>>>>>>>>>>>>>>>>>>>>
|| بعد سنين كتير.. ||
- كده الحدوتة خلصت.. نوم بقا
- لا يا مامي كملي !!!
= فريده.. خلاص في مدرسة بكره!
ابتسمت: اه.. و يونس تعبان انا مش عايزه اروح بكره لوحدي بقا..
ضحكت: هو انا شوفت القصة دي فين قبل كده؟؟
- لا يا مامي يع انا وهو صحاب!!
اتنهدت وبصتلها: فيرو.. حببتي انتي و يونس زمايل و جيران لانه ولد صحابك هما البنات الحلوين الى زيك.. و كل واحد له حياتة.. مينفعش نقلد بعض.. او مثلا حد يأثر على التاني بحاجة وحشة زي انك تغيبي بسبب يونس.. احنا هندعي يخف.. بس هتروحي و هتكوني مع باقي صحابك البنات فاهمه يا حببتي؟
هزت راسها بتفهم: حاضر.. بس ممكن نقوله الف سلامه برضو صح؟
- اه يا فيرو أكيد.. المهم فاهمه انك مفروض تفرقي
= اه.. احنا زمايل.. وجيران و صحابي البنات هما صحابي اوي عشان بنات زيي لكن يونس ولد..
- شاطرة يا قلب مامي يلا جود نايت!
= جود نايت
" اديتها بوسة و خرجت لقيت يحيى يا دوبك بيدخل من الباب شاورت له بهمس يدخل براحه "
- انا ما صدقت تنام.. كلت دماغي لازم تعرف القصة كلها النهارده..
= وحكيتي لها كله كده؟
ضحكت: كا حاجه
حضنها وخدها جمبها: ما تحكيلي انا كمان..
بصتله وانا بضحك: احكيلك اية!
" كان ماسك ايدي وباصص لي بحب.. نظرة عمرها ما اختلفت.. من وقت واحنا عيال.. "
- احكيلي عن الاسد الشجاع الى حفظ وعده و رجع لصاحبتة..
= اممم.. بس هو سابها كتير اوي!!
- بس رجع لها!!
= بس سابها كتير
اتعدل وبصلي: بس رجعلها يا سوكه!
= طيب متبقاش قماص يا يويو.. رجع لها
- و اتجوزها.. وجابوا فريده
= وفريده شكلها هتعمل قصة زينا مع يونس
- اوف.. انا بكره الواد ده
= بس..! ده طفل!
- طفل رخم..
ضحكت: متخفش.. انا فهمتها وهفضل اتكلم معاها واخليها تفهم..اكتر
= طب مانا عندي فكرة تانيه ما ايه رأيك نجيب لها اخ..
- يحيى.. اسخن لك تاكل؟
= هو الاكل ايه؟
- مكرونه بشاميل بالفراخ.
= وقاعده كل ده و سيباها لوحدها.؟
- هسخن لك
= قوليلي بحبك الأول
- قول انت الاول
= بحبك يا سوكه..
"قلبت وشي فا ضحك وكمل"
- بحبك يا فرح.. يالي كنتي أجمل بنت في المدرسة.. و أجمل بنت في الدنيا.. و مش هحب غيرك ابدا.. انتي اول حد قلبي يدق له.. وحبي ليكي عمره ما اتغير.. رغم اي حاجه كنت متمسك بيه.. لسه زي ماهو نفس حب الى حبتهولك.. واحنا صغيرين.
>>>>>>>>>>>>>>>>>>>>>>>>>>>>>>>>>>>>>
تمت...
خلصتي؟ الرواية الجاية أقوى وأحلى… تعالي وعيشيها معانا👇