رواية منقذي اللطيف ادم ويارا للكاتبة نورينا هي حكاية تنبض بالمشاعر وتفيض بالصراعات الداخلية والخارجية، حيث تتقاطع الأقدار وتتشابك المصائر في قصة حب مختلفة لا تخضع للمنطق أو الزمن.في رواية منقذي اللطيف، يعيش القارئ حالة من الانجذاب العاطفي والتوتر النفسي، وسط أحداث متسارعة تكشف أسرارًا مدفونة وقرارات مصيرية تغير كل شيء. الرواية لا تقدم حبًا مثاليًا، بل واقعيًا، مليئًا بالتحديات والتضحيات.
رواية منقذي اللطيف من الفصل الاول للاخير بقلم نورينا
في كافي ع البحر خاصة في ترابيزه منعزله قاعده بشرب فنجان قهوتي مُره زي طعم ايامي ف جو بارد والتلج يتساقط وف الخلفيه صوت بيقول ،
- مبقتش قادر أداري في عينيهم
- هموت وأعرف حقيقة واحدة
- إنت بتحبني فعلًا ولا بتكدب عليا
- نفسي أعيش لحظة واحدة
- أكون فيها أنا معاك حبيبك
- من غير ما أخاف من كلمة
- هسيبك ليه وليه مشيت
- ليه بتعمل كده فيا
- وليه بتخلي الناس تتكلم عليا
غمضت عيني وانا بفتكر أنه سابني ف نص الفرح ومشي
مشي ! منغير ولا كلمه وسابني مكاني ف صدمتي
تلت سنين ! مستنيه مبرر مستنيه يظهر يقولي لي عمل فيا كدا
هوا مشي بس ساب جرح ف قلبي مستحيل يداويه الزمن
خرجني من شرودي صوت الكرسي وهوا بيتسحب وشخص بيقعد قصادي وبيقول
= الحب دا شيئ سيئ جدا بيتستنزف منك كل طاقتك ولما بيلاقيك خلاص وصلت لاقصي درجه من الحب بيختفي فجأه وبدل م تكون طاير ف سابع سما بتقع ع جزور رقبتك لسابع ارض
بصيت باستغراب
- افندم
قالي بنظرات حزينه
- محبتنيش تفتكري لي مع أن انا عملتها كل حاجه هيا عايزها كنت بشوف هيا عايزه اي ومكنتش ببخل عليها انا كنت بحبها اوي
بصيت قدامي بتوهان
= عشان بكل بساطه اديتها كل الحب وكل الاهتمام وكل التقدير في ناس لما بتلاقي شخص معين بيجري وراهم وبيحب وبيهتم وبيبين أنهم حاجه كبيره بيشوفو نفسهم بتجيلهم لحظه كبرياء أنهم احسن وانك بتعمل كدا عشان هما احسن ف بيبداءو يتجاهلوك وبتوصل نهايه العلاقه أنها تسيبك وتمشي
- دا فعلا الي حصل معايا
= متقلقش كما تدين تدان
- الناس دي بتبقي مؤذيه اوي عمري م سمعت عن الحب الحقيقي ديما اي قصه بتنتهي بألم وحزن وفراق
= لا مش كل القصص بتكون حزينه الفرق ف اختياراتنا احنا الي بنختار غلط بنختار ناس مش شبهنا بس بحاول نتغاطي عن الأفعال الي بتدايقنا منهم بحجه الحب ! مرايه الحب قادره تجمل اي انسان ف عينك بمجرد م الحب يدق بابك مهما كان انسان مؤذي وتوكسك مبتقدرش تبعد بتلاقي قلبك مش قادر يبعد وعلقك رافض القرب بتفضل ف النص واقف محتار مش عارف تتحرك تلقائي بتلاقي نفسك ماشي ورا قلبك لو اخترت صح من الاول كنت هتبقي عايش حياه حلوه الحياه جميله بس مع شخص صح شخص قادر يخلي حياتك فعلا جميله وورديه
- عندك حق فعلا ، بس الحب مش بأيدنا لو كان بأيدي كنت خرجتها من قلبي وعقلي نفسي انساها بس مش عارف ذكرياتها بتلاحقني ف كل مكان قلبي رافض ينساها و عقلي ديما شغال وسؤال ديما بيراودني لي ! لي سابتني هل انا استاهل كدا فعلا ؟،
= العيب عمره م كان فينا طلاما احنا مغلطناش ف حاجه يبقي العيب مش مننا حاول انساها وكمل حياتك وعيش وانجح ربنا بيقول وتحسبه هينا وهوا عند الله عظيم ربك مش بيسيب حد موجوع ثق بالله وتيقن أن من احسن الظن بالله ربنا بيرد عليه وبيقول وانا عند حسن ظن عبدي بي
- ونعم بالله... غريبه بتنصحيني مع انك الي محتاجه النصيحه
بصيت باستغراب وقولت
= عرفت ازاي
بصلي ف عيوني وقال
- العيون فضاحه ي انسه وعينك بتحكي كل الوجع الي مخبياه ف قلبك لاكن هقولك برضو أن ربنا مش بيسيب عبد لجأ ليه ابدا صلي وقربي من ربنا يمكن دا يكون ابتلاء بسبب البعد عن عباده الله الشخص الي بيكون بعيد عن ربنا بيكون مهوم وحزين وتحسي ان في جبال كدا ف قلبه ربنا بيبتلينا عشان نقرب منه وكمل وهوا بيقوم فرصه سعيده اتمنا المره الجايه لما اشوفك تكوني ف احسن حال
ابتسمت بسعاده وانا بتابعه وهوا بيبعد عن الكافيه
شخص غريب بس، لطيف !
كملت فنجان القهوه وكملت قرأه ف كتابي المفضل علم النفس
بعد وقت قومت حاسبت وروحت بيتي انا يتيمه الاب والام مع انهم ، عايشين ! ومليش اخوات واهلي ف بلد تاني وعايشه لوحدي بدرس ف كليه طب حلمي اكون اكبر دكتوره جراحه
رميت نفسي ع السرير ابتسمت بتلقائية لما جه ف بالي الشاب الي شوفته وغمضت عيني ونمت
صحيت تاني يوم روحت الكليه حضرت اول محاضره وخرجت قعدت ف الكافي الخاص ب الكليه ولمحت بطرف عيني
هوا ! نفس الشخص معقول معايا ف نفس الكليه ، ازاي انا مشفتهوش هنا قبل كدا
جه وقت المحاضره الثانيه ودخلت واتفاجئت بيه بيدخل من باب المدرج وبيعرف نفسه ع أنه الدكتور الجديد
- اهلا بيكم انا الدكتور ياسين التهامي عندي 25 سنه والدكتور الجديد مكان دكتور حسن لأن سافر ف مؤتمر خارج مصر
وبدأ يتعرف علينا واحد واحد وجه دوري ووقفت بتوتر وقولت
= اسمي يارا وعندي 20 سنه
- بصلي ب ابتسامه وقعدت وبدأ يشرح وكان شرحه جميل جدا وقادر يوصل المعلومه بكل بساطه
لميت حاجتي وخرجت بعد أما المحاضره خلصت ولقيت شويه بنات متجمعين حواليه بصيت بغيظ وهوا واقف بيتكلم معاهم
= ماله دا واقف بيتكلم معاهم لي .. اه صح هوا الدكتور .. بس ولو ولو ميكلمهمش برضو .. اي دا انا مالي اصلا
- اي ي انسه واقفه بتكلمي نفسك لي الناس هتقول عليكي مجنونه
اتحمحمت بخجل وقولت
= لا انا بس كنت بقول شويه حجات عشان منساهمش
- امم ماشي يستي كنت عايزك ف موضوع مهم..
لسه بيكمل كلامه لقيت واحده بتجري عليه وبتحضنه بتقولو وحشتني اوي ي حبيبي ولقيته بيضمها اكتر ليه !
اتحمحمت بخجل وقولت بضيق معرفش لي ظهر عليا
= عن اذنك ي دكتور ياسين
سبت المكان ومشيت مكنش عندي غير محاضره بس مش مهمه اوي
طلعت روحت الكافي الي بقعد فيه دائما ع نفس الترابيزه ولقيت الويتر جاي ب ابتسامه بشوشه وبيقول
- طلبك المُعتاد ي يويو صح
اتكلمت ب ابتسامه
= صح ي عمو اشرف
شويه ووصل طلبي واتهندت ، تهنيده شايله فيها هم السنين
لمحتُه بطرف عيني داخل الكافيه وبيقرب عليا وبيسحب كرسي وبيقعد
- اي خلاكي تمشي كنت عايزك ف موضوع مهم
بصيت قدامي وقولت
= حضرتك مكنتش فاضي ي دكتور ياسين
- احنا ممكن نشيل دكتور وحضرتك دي ونخليها ياسين بس
قولت بجديه
= لا الأفضل أن يفضل في القاب .. خير ي دكتور كنت عايزني ف اي
- علا فكره الي شوفتها دي اختي
ظهرت عليا ابتسامه حاولت اداريها
= انت مش مجبر تبرر اي شيئ عادي دي حياتك
قالي ب ابتسامه
- عشان بس يستي متفهمنيش غلط وكمل بمرح انا متربي والله ومحترم
ابتسمت غصب عني وقولت
= طيب خير اي الموضوع
- بصي ي ستي بما انك بنت ناجحه وشاطره ومجتهده مدير المدرسه قرر يديكي منحه ف امريكا تكملي تعليمك هناك واتفقوا باقي الدكاتره ع الكلام دا لأن كلهم يشهدو بشطارتك وانك من اوائل الدفع كل سنه
اتكلمت بصدمه وفرحه
= انت بتتكلم جد يادكتور بس انا هروح ازاي انا معرفش اي حاجه هناك هبقي لوحدي و..
قاطعها ياسين وقال
- م هوا انتي مش لوحدك ي ياره في كذا زميل وزميله هيكونو معاكي وهيتوفرلك سكن جنب الجامعه بتاعتك ومجاناً دي فرصتك متضيعيهاش
سرحت بتفكير .. يمكن لما اسافر وابعد انسي واقدر اعيش حياتي وأخرج من الحزن الي فيا انا فعلا محتاجه ابعد اتهندت وقولت
= عندك حق مش هضيع الفرصه دي مني اكيد
- ربنا يوفقك يا ياره انتي تستاهلي كل خير
= ميرسي جدا ليك يا دكتور ياسين .. هستأذن انا ... صحيح حضرتك مقولتش المنحه دي امتا
- تعالي بكرا لمكتب المدير وهوا هيعرفك بكل حاجه
= بإذن الله .. ف رعايه الله .. روحت لعمو اشرف حاسبت ومشيت
ف البيت بعد أما وصلت اديت فرضي وقعدت بتفكير وانا ماسكه تلفوني وانا متردده اتصل ولا لاء بعد تفكير قررت اتصل
: الو .. اذيك ي جدو ... اا الحمدلله كويسه.. ايوا كنت عايزه اعرف حضرتك أن جتلي منحه اكمل تعليمي ف امريكا .. لالا ي جدو مش هكون لوحدي في زمايل ليا هيكونو معايا .. ارجوك ي جدو وافق .. لسه هروح بكرا اشوف هعمل اي وهسافر امتا ... لا ي جدو متقولش لحد انا بس عرفت حضرتك عشان تكون عارف ... شكرا جدا يا جدو .
ضحكت لوهله وانا مكنتش متخيله أنه هيوافق كدا بكل بساطه حمدت ربنا انو وافق خصوصا أن جدو اكتر شخص عارف بحالتي بعد الي حصل كويس أنه وافق.
قمت وقفت ف البلكونه وانا حاطه الشال علا كتفي ونسمات الهواء البارده بتلمس بشرتي حقيقي انا مغرمه ب الأجواء دي بتلمس قلبي ،
دخلت نمت .. صحيت لبست سكيرت لونها ابيض ع بلوزه بيبي بلو وطرحه بيضا وشنطه بيبي بلو وهيلز ابيض بصيت لنفسي برضا وخرجت
ف الكليه تحديدا في مكتب المدير
- دا أقل واجب نعمله معاكي يا ياره احنا بس بنكافئك علا تعبك ومجهودك وانتي تستاهلي
= انا مش عارفه اقول لحضرتك اي والله بجد متشكره جدا ليكم انا مبسوطه جدا ب المنحه دي وإن شاء الله اكون عند حسن ظن حضرتك
- انا متأكد من دا ي ياره اتفضلي دي الاوراق بتاعتك انا خلاص ظبط كل حاجه ف جامعتك الي ف امريكه مفيش ناقص بس غير تجهزي حاجتك وتتحركي بكرا أن شاء الله من الساعه 5 ص
= شكرا جدا لحضرتك مره تانيه
طلعت وانا حاسه ان انا طايره ف السما واخيرا هحقق حلمي نزلت بسعاده واضحه عليا وقابلت زملائي الي هيسافرو معايا
امل عندها 20
- اخيرا بجد مش مصدقه هسافر لجامعه أحلامي انا . انا حاسه ان لسه بحلم حد يقرصني ... اااه يخربيتك انتي لازم يعني تسمعي الكلام
چني عندها 20 .. بتتكلم بضحك
- مش انتي الي قولتي عايزه حد يقرصك وانا يستي مقدرش ارفضلك طلب
ياره بضحك
= اصيل يبو حميد
امل بغيظ
- انتو هتتفقو عليا ولا اي
اتكلمت مريم بضحك وهيا كمان عندها 20
= خلاص ي بنات بطلو خناق وانتي يحبيبتي فوقي وصحصحي معايا كدا كلنا فعلا مش مستوعبين الفرصه الي اجتلنا
امل بسرحان
- فعلا دي فرصه كبيره اوي
جني
- أن شاء الله نرجع بلدنا واحنا راسنا مرفوعه أننا قدرنا نحقق احلامنا
ياره
= أن شاء الله يلا ي بنات نروح عشان ننام ونقدر نصحي بدري أن شاء الله نتقابل عند... ونروح سوا المطار تمم
كلهم ف صوت واحد
تمم
روحت بيتي ولمحت من بعيد عربيه انا عرفاها كويس اوي مشيت وانا بقدم رجل وبأخر رجل وصلت وطلعت شقتي عشان اتأكد أن هوا فعلا !!
يتبع ...
↚
روحت بيتي ولمحت من بعيد عربيه انا عرفاها كويس اوي مشيت وانا بقدم رجل وبأخر رجل وصلت وطلعت شقتي عشان اتأكد أن هوا فعلا !!
= اهلا اهلا ب الاستاذه الي كانت عايزه تسافر ومتعرفش أهلها معندكيش أهل تعرفيهم
ابتسمت بسخريه
= تصدق نسيت فعلا أن انا عندي أهل
بتدخل مامتها من الباب وهيا بتقول
= دا ازاي يعني ازاي متعرفيناش حاجه زي كدا
اتهندت بسخريه مخلوطه بحزن
= وانا اعرفكم لي اصلا لي جايين دلوقتي تعملوا فيها دور الأهل الكويسين كنتو فين من زمان ها كنتو فين كل واحد فيكم اتجوز وخلف وشاف حياتو وسبتوني لوحدي ومحدش فكر يرفع سماعه التلفون يطمن عليا طب انتو تعرفو اي عن حياتي
ابوها
= انا عارف عنك كل حاجه يبنتي ديما متابع الكليه بتاعتك من بعيد
قولت والدموع بتنزل علي خدي
= من بعيد ! طب لي مش من قريب لي مش بتكلف نفسك تيجي تشوفني لي جرحتوني وسبتوني لوحدي الدنيا تلطش فيا اتكلمت وشهقاتي بتعلي من اثر البكاء حتا .. حتا لما جوزي سابني ف وسط الفرح ومشي اتوقعت تكونو جنبي لمره واحده ف حياتي بس انتو خيبتو ظني سبتوني لوحدي وكل واحد فيكم راح بيته كان عندي امل حد يخبط عليا يخدني ف حضنه ويقولي انا جنبك بس محصلش حد فيكم عارف انا مريت بأي طول السنين دي؟ لا يبقي لي جايين دلوقتي بتطالبو أن اعرفكم حاجه مش من حقكم
الاب
= بس انا يبنتي مقصرتش انا ببعتلك فلوس كل شهر عشان دراستك ومصاريفك
قولت بحزن وانا بمسح دموعي
= مصاريف ! مصاريف اي انا موصلنيش منك حاجه اصلا انا طول الوقت دا جدو وجدتي هما الي متكفلين بكل حاجه انا كنت نزلت شغل اصلا بس جدو وجدتي لما عرفو مرضوش يخلوني اكمل وهما الي بقو يبعتولي فلوس .. عموما انا اصلا معتش محتاجاكم ف حياتي كفايه اوي كدا
اتكلمت الام
= يعني اي معتيش عايزانا ف حياتك انتي اتجننتي الظاهر أننا دلعناكي زياده عن اللزوم
= حقيقي كل مره كلامكم بيصدمني ماما انتي اخر مره شوفتيني فيها أمته طب سيبك من دي اخر مره أتواصلتي معايا وكلمتيني امتا فين الدلع دا انا اصلا كنت ناسيه أنكو عايشين انتو جيتو لي هاا اجيتو لي وكملت بأنهيار انتو عايزين مني ايييي كفايه بقا كفايه حرام عليكم انا كل اما اقوم واحاول اطلع من الحزن الي مالي قلبي بتيجو وترجعوني لنقطه الصفر تاني
الاب
= حقك عليا يبنتي بس انتي عارفه مش هقدر اخدك وتعيشي معايا بس انتي ازاي موصلكيش مصاريف انا يبعتلك المصاريف اول ب اول
قولت بحزن وانكسار
= انا اصلا مش عايزه اجي معاك ولا اجي معاها ومش عايزه منك حاجه ولا منها انا مش مستنيه حد فيكم يبعتلي مصاريف متشكره انا هسافر وهبعد عنكم انتو لاتنين معتش عيزاكم ف حياتي بعد النهارده
الام ببعض الحزن
= يعني اي هتسافري مش هترجعي تاني ؟ وبعدين انتي لسه صغيره تسافري ازاي
= معرفش .. معرفش الدنيا مخبيالي اي بس الي اعرفو ان هقف ع رجلي لوحدي ومعتش مستنيه من حد يقف جنبي أو يطبطب عليا وانا مش هكون لوحدي صحابي معايا
الاب بحزن
= صدقيني يا يبنتي غصب عني خلي بالك من نفسك يا ياره وانا هشوف موضوع المصاريف دي مش بتوصلك ازاي .. ومشي
قولت وانا قلبي يكاد يخرج من مكانه
= اي ي ماما مستنيه اي مش هتمشي تروحي لبيتك وجوزك وعيالك انتي كمان وتسيبيني
بصتلي بحزن ومشيت .. مشيت وانا قعدت ع الأرض وقعدت ابكي
لي لي عملتو فيا كدا انا مستهلش دا منكم مش ذنبي انكم متفقتوش واتطلقتوو سبتوني وانا عندي 10 سنين لوحدي كبرتوني بدري وشيلتوني هموم وحزن مش قد سني لي لي خلفتوني طلاما مش عيزني عمري م هسامحكم عمري
قومت وانا بجر رجلي ب العافيه ودخلت اوضتي رميت نفسي ع السرير وقعدت ابكي لحد اما نمت
تاني يوم تحديداً 4:30ص
قومت وجهزت شنطتي ونزلت حطيتهم ف العربيه واتحركت عند المكان الي هتقابل فيه مع صحابي
ياره
يلا ي بنات بسرعه عشان منتأخرش
كلهم ف صوت واحد
يلا
بعد وقت كانو وصلو للمطار وقفو الأربع قدام الطياره وبصو لبعض بحماس وطلعو ركبوا الطياره
اتكلمت جني بحماس
= انا مش مصدقه بجد خلاص كلها كام ساعه ونوصل
مريم
= فعلا خلاص هانت اهي ونوصل انا مجهزه خطط كتير اوي نعملها
ياره بتوهان
= فعلا هانت وكل حاجه تتصلح
امل باستغراب
= مالك يا ياره حاسه ان فيكي حاجه مالك
ياره ب انتباه
= لا ابدا مرهقه شويه عشان منمتش كويس
جني
= لا مش باين أن دا السبب في اي احكيلنا
مريم
= احنا يا ياره من النهارده واحنا اقرب اربعه لبعض وسرنا هيكون سوا ف قولي مالك يمكن نقدر نهون عليكي
ياره بتهنيده
= حاضر بس لما ننزل الاول ونقعد قاعده رايقه كدا لان الموضوع طويل
طبطبت مريم ع كتفها
= أن شاء الله يحبيبتي
بعد مرور ساعات...
وصلنا ونزلنا علا سلم الطياره وطلعنا برا المطار وكان في عربيه مستنيانا وصلتنا لمكان السكن
فتحنا الشقه ودخلنا وانبهارنا من جمالها
ياره
= واو مكنتش متخيله السكن جميل كدا
مريم
= فعلا المكان حلو اوي
امل
= واو بس في اوضتين بس .. بس مش مشكله انا وجني ف اوضه ومريم و ياره ف اوضه
جني
= خلاص ماشي وانا موافقه يلا نرتب هدومنا وناخد شاور كدا ونقعد بقا ف البلكونه نتكلم
ياره بحماس
= اشطااا احسن حاجه البلكونه الريڤيو بتاعها خطير
امل
= يلا بينا نخلص الي ورانا ونقعد
كلهم بصوت واحد
اشطااا
بعد وقت كانو انتهوا من كل حاجه
ف البلكونه....
ياره بحزن
= بس يابنات دا كل الي حصل معايا
مريم بزعل
= ازاي في إنسان يقدر يعمل كدا ازاي يسيبك ف الفرح ويمشي ب الطريقه دي اكيد حصل حاجه
جني بتفكير
= بس حتا لو حصل اي ازاي يسيبك كدا اين كان اي الي حصل المفروض يعرفك
امل
= الغريب انه مظهرش لحد دلوقتي..طب انتي محاولتيش توصليلو
ياره بحزن
= حاولت بس دا انا قلبت الدنيا عليه وارقامه كلها مقفوله حتا الاكونتات بتاعته قفلها
مريم بحنان
= سيبك منه وانسيه بقا كفايه عمرك إلي ضاع
امل
= ايوا مريم عندها حق انسيه بقا هوا تلاقيه عاش حياته اصلا
جني
= طب انتي رفعتي عليه قضيه طلاق غيابي
ياره بحزن
= اه رفعتها من سنه
امل
= طب باباكي وممتك ازاي سابوكي لوحدك انتي ياروحي تلاقيكي تعبتي خالص
مريم بحزن
= ياريتنا كنا نعرفك وقتها مكناش سبناكي لوحدك ابدا
ياره وهيا بتمسح دمعه خانتها وبتقول بمرح
= يلا الي حصل المهم دلوقتي أن انتو معايا مش محتاجه اي حاجه تاني يلا بقا انا جايه هنا عشان تفرفشوني
جني بضحك
= امم انتي عايزه تضحكي طب يلا ي بنات نضحكها
مسكوها البنات وقعدو يزغزغوها
ياره بضحك
= خلاااااص هموت مش عايزه اضحك تاني
وقضو وقت لطيف مليان ضحك
تاني يوم...
مريم وهيا بتلبس الحذاء
= يلا ي بنات بسرعه عشان منتأخرش
ياره
= انا خلصت اهو
جني وامل
= واحنا كمان خلصنا يلا ننزل
بعد وقت كانو وصلو للجامعه
جني بسعاده
= عااااا اخيراا
مريم بضحك
= يلا يا مجنونه اول محاضره هتفوتنا
امل بضحك
= اسكتي ي مريم حاسه ان انا عايزه اطير من فرحتي
ياره
= طب يلا ي مجنونه منك ليها يلا ندخل
ف المحاضره....
جني بزهق
= حد فاهم حاجه من الراجل دا
مريم بضحكه مكتومه
= هوا بيتكلم بس بيقول اي الله وحده اعلم
امل
= يخربيتكم اسكتوا هنتطرد من المحاضره
شاب ما
= الا بقولك انتي اسمك اي
جني بقرف
= خليك ف نفسك
نفس الشاب
= عادي يعني لما نتعرف ونرتبط فيها اي
جني وهيا بتقوم
= يادكتور الشاب دا عمال يدايقني وبيقولي اسمك اي
الدكتور بعصبيه
= اطلع برا المحاضره
الشاب
= ي دكتور هيا كذابه هيا الي عماله تتعرف عليا ولما مرضتش ارتبط بيها قامت وقالت كدا
واحد تاني قال
= لا ي دكتور محصلش انا سامعه بنفسي وهوا عايز يتعرف بس هيا مرضتش
الدكتور بعصبيه
= اتفضل اطلع برا ومتحضرليش محاضره تاني مفهووووم
الشاب بص ل جني بغضب وطلع وهوا بيتوعدلها
قعدت جني ب انتصار
= تستاهل
بعد المحاضره
مريم بضحك
= لا بس جدعه يبت ي جني كويس مسكتيلهوش
امل بضحك
= تشوفيه وهوا وشو احمر من الغصب تموتي من الضحك
ياره
= ملناش دعوه بحد ي بنات واتمني منحتكش بحد من هنا لان باين أن الناس الي هنا مش كلهم كويسين
جني
= انا خايفه الصراحه نظراته ليا مكنتش مريحاني ربنا يعديها ع خير
مريم
= متقلقيش احنا معاكي محدش يقدر يعملك حاجه
الشاب الي كان دايق جني ف المحاضره
= اي ي حلوه قدرتي تخلعي مني ف المحاضره بس انا لسه عند طلبي اي رايك نرتبط
جني بزعيق
= متحل عن دماغي يجدع انت الله
قرب الشاب منها ومسك أيدها
ضربته جني ب القلم وهيا بتقول بغضب
= اقسم بربي لو فكرت تقرب مني تاني لندمك ع اليوم الي شوفتني فيه
بصلها الشاب بغضب وكان لسه هيضربها واتفاجئت بشخص بيمسك أيده وهوا بيقول
= مش عيب تبقي شحط وقد الحيطه وترفع ايدك ع واحده ست
= بقولك اي ي يابا ملكش دعوه انت مين انت اصلا
= احترم نفسك واتكلم ب احترام ي أما اقسم بالله ارفدك
ضحك الشاب ب استفزاز
= لا تصدق خوفت ابعد كدا انت عنها دي بقت تلزمني
هجم عليه الشاب التاني ونزل فيه ضرب
= هتبعد عنها ولا اقتلك مكانك وانا الدكتور ياسر برهامي يعني اقدر ارفدك بكل سهوله
الشاب بخوف
= خلاص خلاص والله هبعد عنها ومش هقربلها تاني بس ارجوك مترفدنيش
ياسر قام من عليه وهوا بيقول
= انا مبديش غير فرصه واحده ولو شاطر استغلها وابعد عنها
مشي الشاب بخوف
جني بكسوف
= متشكره جدا يادكتور
ياسر
= انا معملتش غير واجبي وبس بعد كدا لو في اي حاجه تروحو لمدير الجامعه وهوا هيتصرب
مريم
= تمم ي دكتور شكرا مره تانيه
ياره
= الحمدلله انها عدت علا خي...
لسه هتكمل كلامها اتصدمت لما لقت دكتور ياسر واقف مع شخص آخر واحد كانت تتمني تشوفو هنا !!
↚
لسه هتكمل كلامها اتصدمت لما لقت دكتور ياسر واقف مع شخص آخر واحد كانت تتمني تشوفو هنا !!
امل بصدمه
= بت ي ياره مش دا طليقك
ياره بدموع
= انا عايزه امشي من هنا مش عايزه افضل ف المكان دا
جني
= لا روحي كلميه افهمي منه عمل معاكي كدا لي اكيد في سبب
ياره
= طب خليكو متمشوش استنوني
مريم بحنان
= روحي يحبيبتي واحنا هنفضل هنا
اتقدمت ياره نحيه طليقها وهوا لمحها وهيا بتقرب عليه وقف بصدمه وتوتر قربت عليه ياره وهيا بتقول
= لي ها لي عملت فيا كدا هل انا استاهل دا منك
اتكلم بتوتر
= انا غصب عني الي حصل
قولت بدموع
= ايوا اي الي حصل اي خلاك تعمل كدا فيا
= محبتكيش حسيت أن هندم بعد كدا
= محبتنيش ! واكتشفت دا ف نص الفرح
قال بتوتر
= انا كنت بحب واحده قبل كدا وانتي عارفه هيا وقتها رجعت تاني انا فكرت أن نسيتها قولت هخطب عشان انساها وأكمل حياتي زي م هيا عملت وخطبتك كنت فاكر أن نسيت بس هيا لما رجعت تاني مقدرتش اكمل معاكي وهربت معاها و . واتجوزتها
قولت بصدمه
= طب وانا ذنبي اي ف كل دا لي لي تعلقني بيك وتخليني احبك وتعمل فيا كدا يعني اي يعني كنت مجرد سد خانه وبس يعني كنت بتنسي بيا حبك الاول ولما رجعت سبتني ! ذنبي اي ها ذنبي ان حبيتك لي دا انا عملت المستحيل عشان اكون معاك ودي اخرتها
قالي بندم واضح عليه
= عارف.. عارف أن ملكيش ذنب وان ظلمتك انا.. انا فكرت كتير اجي اكلمك بس مقدرتش خوفت اكسرك تاني بعد أما بدأتي تفوقي وتكملي حياتك انا عارف انك مش هتسامحيني ودا حقك بس صدقيني انا مقدرتش احبك
قولت وانا بمسح دموعي بكبرياء
= وانا مكنتش مستنيه منك حاجه غير أن أعرف بس انت لي عملت فيا كدا غير كدا لا مكنتش مستنيه ترجعلي اصلا لأن لا بقي ليك مكان ف قلبي لا حب ولا كره زيك زي اي حد غريب وانا.. انا زي الفرصه الي بتيجي مره واحده والي هتندم عليها عمرك كله
وسابته ومشيت
امل
= اتكلمتي معاه
جني
= سبيها دلوقتي ي أمل لما تهدي تعالي ي ياره نقعد ف اي حته تهدي اعصابك
مشت معاهم ياره بحزن ودموع .. بعد وقت كانو وصلو ل كافي ف مكان هادئ
مريم بحنان
= الي حصل يحبيبتي قالك اي
ياره بحزن وهيا بتحكيلهم كل الي حصل
جني بصدمه
= نعم اي الهبل الي بيقولو دا دا بجح بجد انا مشوفتش كدا
امل
= سيبك منه خالص كويس أنك خلصتي منه ومكملتش معاه
مريم
= فعلا ي ياره امل عندها حق ربنا بيقول عسي أن تكرهوا شيئاً وهوا خيراً لكم وعسي أن تحبو شيئاً وهوا شر لكم بس غريبه اي جابه هنا
ياره بتهنيده
= عندكم حق هوا فعلا ميستاهلش اي دمعه وحزن مني .. معرفش اي جابه هنا دا انا هربت من المكان ف مصر الاقيه هنا
جني بحنان
= صح يحبيبتي ويمكن هوا ساب مصر وجه عاش مع مراته هنا بس متقلقيش احنا هنخلص الدراسه وهنرجع مصر
ياره
= ايوا أن شاء الله المهم يلا يا بنات هروح انا عشان تعبانه وعايزه انام
مريم
= طب يلا احنا كمان جايين معاكي
ياره
= ماشي يلا
بعد وقت.. ف البيت
كانت ياره دخلت اوضتها ونامت
امل
= بقولكم اي يابنات حنا لازم نعمل حاجه عشان نطلع ياره من الي هيا فيه
جني بتفكير
= ياره عيد ميلادها بكرا اي رائيكم نعملها حفله حلوه كدا تغير مود فيها
مريم بتسقيف
= بالظبط كدا وانا ههتم ب الزينه
امل
= وانا ههتم ب الكيك
جني
= وانا هحجز الكافي الي ع البحر عشان ياره بتحب الأجواء دي اوي وهعزم البنات
كلهم بحماس
= اشطااا كدا
تاني يوم..
صحيت من النوم قديت فرض الضهر وطلعت عشان اجهز الاكل
ــــــــــــــــــــــــــــــــــــــــ
ف مكان تاني
شخص ما بيتكلم ف التلفون
= عملت اي ف الي قولتلك عليه اوعي تكون بوظت حاجه ابوها لو عرف هنروح ف داهيه
بيرد الشخص التاني
= لا متقلقيش كل حاجه ماشيه زي الفل ف الوقت المناسب هبدء خطتي التانيه
= متعرفش مش ابوها قرر هوا الي هيدفع الفلوس من نفسه
= اه عرفت معتش هعرف اخد الفلوس مكانها وكمل بغل انا هدمرها متقلقيش
= بس خد بالك واوعي تغلط
= لا متقلقيش انا عامل حسابي ف كل حاجه وكمل بغل دا بابا عملها الي معملهوش معايا دا كفايه أنه عملها سكن خاص وكمان هوا الي متكلف بكل حاجه
= انا قدرت اخلي يطلق امها وهقدر اخليه برضو يسيبها انت بس خليك كدا بتسمع كلامي وهيحصل الي احنا عيزينه حتا لو وصلت أن اقت..لها
= بعمل كدا امال انا وافقت اسافر امريكه وراها لي مش عشان ادمرها ومتقلقيش كل الي عيزينه هيحصل
= تمم هكلمك بعدين وابقي بلغني بكل جديد
= تمم
ــــــــــــــــــــــــــــــــــــــــــــــــــــــــ
هنرجع عند ياره
مالهم دول يكلمهم وبيتجاهلوني
= بت ي جني
جني
= امممم
ياره باستغراب
= هوا اي الي امممم في اي منك ليها
مريم
= جني تعالي عيزاكي ف كلمه
وقفت ياره وهيا محتاره
= مالهم دول اتهبلو. ولا اي دول حتي مش فاكرين عيد ميلادي وكملت بحزن عادي مش فارقه مفيش حد افتكره قبل كدا اصلا
بعد مرور ساعات تحديدا الساعه 10 م
كانت ياره نايمه واجت جني تصحيها
جني
= يلا ي ياره قومي عشان هنخرج
ياره بنعاس
= لا مش عايزه اقوم سيبيني
جني
= يلا بقا لازم نخرج دلوقتي
ياره قامت واتعدلت
= طيب هنروح فين
جنبي
=لما توصلي هتعرفي يلا جبتلك الفستان دا البسيه واطلعي
طلعت جني وانا قعدت ب استغراب يتري رايحين فين قومت لبست
كان فستان بيج ضيق من الصدر وواسع من تحت وشكله يجنن وهيلز بيج وطرحه بيج وبعد الميكب البسيط
وطلعت وكانت مريم وامل وجني لابسين نفس لون الفستان بس استايل تاني وكان شكلهم يجنن
مريم بتصفير
= واو اي الحلاوه دي يا ياره
امل
= فعلا شكلك يجنن بجد
جني
= دا احنا نخاف عليكي ل تتخطفي مننا بقا
ضحكت وقولت
= طب ي لمضه انتي وهيا مش اعرف طيب احنا رايحين فين احنا منعرفش حد هنا
مريم
= تعالي انتي بس ومتسأليش عن حاجه
وقفنا تكسي وركبنا وبعد وقت نزلنا واتفاجئت ب مكان ع البحر متزين بطريقه جميله جدا وفي بعض البنات الي اتعرفنا عليهم ف الجامعه
ياره ب انبهار
= المكان تحفه بجد انا فكرتكم نسيتو بجد
مريم وهيا بتحضنها بحب
= واحنا نقدر برضو يلا تعالي عشان نطفي الشمع
كلهم ف صوت واحد
كل سنه وانتي طيبه ي ياره عقبال المليون سنه
ياره ب ابتسامه
= وانتو طيبين بجد شكرا اوي ع المفاجئه الطيفه دي متحرمش منكم ابدا
امل
= ولا منك ابدا ي حبيبتي
مريم
= يلا بقا نقطع الكيك
وقفت ياره وسط مريم وامل وجني وقطعت الكيك كان مكتوب عليه هابي بيرث داي و 21
وبداءو ف تقديم الهدايا
وبعد وقت
كانت شغاله ميوزيك هاديه وياره واقفه قدام البحر
مريم
= الجميل سرحان ف اي
ياره
= ف الحلو الي عملته ف حياتي عشان ربنا يرزقني ب صحاب كويسين ذيكم
اجت جني وهيا بتقول
= احنا خلاص بقينا اخوات وسند لبعض
امل ب ابتسامه
= فعلا احنا خلاص بقينا اخوات
بعد مرور وقت كانت انتهت الحفله وروحو للسكن
كانت قاعده ياره وماسكه التلفون جتلها مسدج ع الواتس
" كل سنه وانتي طيبه ي ياره "
رديت ب استغراب
= وانت/ي طيب/ه وبخير ... مين
" مش لازم تعرفي "
" الي عايزك تعرفيه بس أن هفضل جنبك ومش هخلي اي حد يفكر بس يأذيكي من هنا ورايح انتي مش لوحدك "
اي دا مين دا ومين دول الي هيأذوني وليه
= مين حضرتك
قعدت ابعت ومردش
محطتش ف دماغي ونمت
تاني يوم....
ف الجامعه تحديدا ف المحاضره دكتور ياسر
قاعده جني بسرحان
مريم
= مين الي واخد عقلك
جني بسرحان
= ياسر
مريم بصدمه
= نعم يختي
جني بتركيز
= احم قصدي يعني مركزه مع دكتور ياسر
مريم بشك
= اممم هنشوف الموضوع دا بعد المحاضره
دكتور ياسر
= البنت الي بتتكلم ورا دا اخر تحزير ليكي
سكتو جني ومريم بإحراج
بعد انتهاء المحاضره وقفت جني ياسر وهيا بتقول
جني
= دكتور ياسر ممكن ثانيه
ياسر
= اتفضلي ي جني
جني
= الجزء دا انا مش فهماه كويس
قعد ياسر يشرحلها الجزء مع انها فهماه
ياسر
= كدا فهمتي
جني ب ابتسامه
= ايوا ي دكتور ياسر شكرا جدا
ياسر ب ابتسامه
= علا اي دا واجبي
اجت مريم وهيا بتقول
= يلا ي جني خلصتي
جني
= ايوا خلصت عن اذنك ي دكتور
بعد وقت ف الكافي الخاص ب الجامعه
مريم بشك
= يابنات انا حاسه كدا والله اعلم أن جني مخبيه علينا حاجه
ياره ب استغراب
= مخبيه علينا اي
امل
=انا برضو حاسه بكدا كل اما بتشوف دكتور ياسر متعرفيش بيحصلها اي
جني بكسوف وتوتر
= لا يابنات عادي يعني مش الي ف دماغكم خالص
ياره بخبث
= واي هوا الي ف دماغنا ي ابله جني
جني بتوتر
= اووف خلاص هقول بس محدش يعرف تمم
مريم بغمزه
= سرك ف بير ي باشا
جني بنظرات حب
= انا بحب دكتور ياسر
امل بصدمه
= نعم يختي بتحبيه دا انتي مشوفتيهوش غير مرتين
جني
= مش عارفه بس من ساعه م شوفته وهوا بيدافع عني وانا مش عارفه اطلعوا من تفكيري يعني ممكن مثلا نسميه اعجاب
ياره
= متعلقيش نفسك ب حاجه انتي م عارفه هتبقي من نصيبك أو لا بلاش تتعبي قلبك وسبيها لله ي جني
مريم
= ياره عندها حق ي جني تصرف دكتور ياسر تصرف طبيعي جدا لو اي حد كان هيعمل كدا انتي ممكن تفكري وتتعلقي بيه اكتر وف الاخر ميكنش من نصيبك
امل
= عشان كدا حاولي متفكريش كتير واشغلي نفسك بمزاكرتك واعرفي هدفنا الي موجودين هنا عشانه
جني بتفكير
= عندكم حق فعلا هحاول والله يابنات اعمل كدا
ياره
= شاطره يحبيبتي
امل
= اي رائيكم النهارده نروح نتغدا ف اي حته
جني بحماس
= فكره تحفه
مريم
= خلاص ماشي يلا
بيخرجو البنات من الجامعه وقفت ساره تكسي وركبت وجني لسه بتركب التاكسي اتحرك ومشي بسرعه جوا التاكسي بيرش السواق مخدر وبيكون حاطط منديل ع وشو عشان ميشمهوش وياره وبتتخدر وبتنام
ف نفس الوقت بتجري امل وجني ومريم ع امل يلحقوها
بتقف مريم ب انهيار ودموع
= ياره اتخطفت !!
↚
بتقف مريم ب انهيار ودموع
= ياره اتخطفت !!
امل بعياط
= خليكو هنا انا هروح لعميد الجامعه اجيب رقم ابوها واجي
بتجري امل جوا الجامعه وبتوصل لمكتب العميد وبتفتح وبتدخل
امل بعياط
= اانا اسفه أن دخلت منغير مخبط بس بالله عليك ياره صحبتي اتخطفت من قام الجامعه ومش عارفه اعمل اي عايزه رقم حد من أهلها
العميد " ملحوظه كلامهم ب الانجليزي بس انا هكتب ب العربي"
= طيب طيب اهدي مش دي من ضمن البنات الي جايه ف منحه
امل بعياط
= ايوا ايوا بس بسرعه والنبي دور وهاتلي الرقم انا مش عارفه هيا دلوقتي كويسه أو لا
العميد وهوا بيقوم
= متقلقيش انا هكلم ناس اعرفها هتدور عليها
بيرن العميد علا ابوها
= الو .. مش وقته سلامات دلوقتي بنتك اتخطفت تعالا علا امريكا حالا ... تمم ف انتظارك
" ملحوظه تانيه العميد يعرف ابو ياره لأنه اتواصل معاه قبل كدا عشان السكن والمصاريف "
فتحت امل الباب وهيا بتقول بعياط
= ارجوك لما تعرف حاجه عنها بلغني فوراً
العميد
= تمم يبنتي متقلقوش هنلاقيها وتبقي كويسه وبيمسك تلفونه وبيتصل بشخص ما وبيقول ... هبعتلك صوره وبيانات بنت تجبهالي من تحت الارض .. ايوا البنت دي مخطوفه .. تمم
امل بتجري وبتوصل لمريم وجني وبتقول
= انا كلمت العميد وهوا اتواصل مع باباها وهيجي امريكا وبعتو ناس تدور عليها
قعدت جني ع الأرض ب انهيار
= يارب احفظها يارب ومتخليش حاجه تأذيها يارب هيا شافت كتير ف حياتها يارب
قعدت جنبها مريم ع الأرض وهيا بتعيط وبتقول
= هنلاقيها وهتبقي كويسه أن شاء الله هتبقي كويسه
ــــــــــــــــــــــــــــــــــــــــــــــــــــــــــــــــ
ف مكان تاني عند ياره وهيا فاقده الوعي
سواق التاكسي بيتكلم ف التلفون وبيقول
= الخطه التانيه ماشيه زي الفل يا باشا البنت معايا دلوقتي
بيرد عليه الشخص التاني وبيقول
= اوعي تغلط تخدها وتوديها المخزن الي قولتلك عليه مفهوم
= مفهوم يباشا
بيقفل معاه وبيلاحظ عربيه جايه من بعيد بأقصي سرعه بيتوتر السواق وبيزود السرعه عشان يبعد بس بيفشل أنه يبعد عنها وبتنجح العربيه أنها تقف قدام عربيه الخاطف وبينزل من العربيه شخص مقنع ومعاه اتنين رجاله ولابس لبس اسود الرجاله بيمسكو السواق وبيكتفوه وبيخرج الشخص المقنع ياره من العربيه وبيحطها في عربيته وبيظهر عربيتين تانيين تبع السواق " وان الشخص الي كان بيكلمه السواق ف التلفون هوا الي باعتهم وراه عشان لو حصل اي حاجه " بيشتبكو معاهم بس هما كانوا اقوي منهم وبيقدرو يخلصوا عليهم
بعد وقت بتفوق ياره بلاقي نفسها ف كوخ ونايمه ع سرير قديم وبتتفاجيئ بشخص بيدخل الكوخ وبيقول بصوته الرجولي
= اخيرا فوقتي
بتقول ياره بخوف
=انت مين وعايز مني اي ولي خطفتني
بيقعد وبيحط رجل ع رجل وهوا بيقول
= انا مخطفتكيش بالعكس أنا الي انقذتك من الناس الي كانو خاطفينك
ياره بخوف
= وطلاما انت مش خاطفني لي جبتني المكان دا
بيقول بغموض
= عشان الي خطفوكي دول هيحاولو يخطفوكي تاني
ياره ب استغراب
= طب وانتي بتساعدني لي هوا انت تعرفني
بيقوم المقنع وبيديها صنيه اكل وهوا بيقول
= وفري اسألتلك دي وكلي عشان باين عليكي مكلتيش حاجه
بتقوم ساره بعند وبتقول
= انا مش هاكل حاجه انا معرفكش اصلا انا عايزه امشي من هنا
بيقول بزهق
= كلي الاول وبعدين هروحك
ياره بعصبيه
= انا مش عيله عشان تضحك عليا وبعدين افرض حاطتلي سم ف الاكل وعايز تخلص مني
بيقول برفعه حاجب
= وهوا انا لو عايز اخلص منك اي هيخليني انقذك منهم
ياره
= ولي متكنش دي لعبه منك عشان اثق فيك واقعد هنا وأصدق حكايه أن في ناس عايزه تموتني وانا مليش أعداء
= طب وطلاما ي نصحه ملكيش أعداء انا هكون عايز اقتلك لي
قعدت ياره بحيره
= معرفش .. معرفش بس الي اعرفه ان مش هاخد منك حاجه
قال بملل
= وهوا انا لو عايز اموتك ي ازكا اخواتك م كنت قتل..تك وانتي فاقده الوعي وخلصت
بصتله ياره بتفكير
= تصدق اقنعتني
قال بضحك
= شوفتي بقا انك ظلماني
بصتله ياره بغيظ
= انت بتتكلم معايا لي اصلا انت هتصاحبني ولا اي
قالها بغيظ
= كلي ها كلي واسكتي عشان مقتلكيش بجد
سابني وخرج وانا قعدت بحزن
= ياربي مين دا وعايز مني اي ومين الناس الي عايزه تخطفني دول اوووف بس لا مش هاكل انا مضمنهوش
طلعت وراه ولقيت نفسي ف مكان في الصحراء بصيت بصدمه وقعدت ادور ع الشخص المقنع دا لقيته قاعد ع صخره جنب الكوخ
روحت عنده وانا بقول
= لو سمحت روحني انا عايزه امشي من هنا
قال وهوا بيقوم
= تمم يلا
بعد وقت بيرصلو للعربيه و ياره بتركب معاه عربيته وبصمت وبعد وقت بتوصل السكن وبيتأكد انها طلعت وبيمشي
ــــــــــــــــــــــــــــــــــــــــــــــــــــــــــــــــــــــ
مريم وهيا بتحاول تتماسك
= انا تعبت رجلي معدتش شيلاني احنا مسبناش حته مدورناش فيها
جني بتعب
= يتري انتي فين يا ياره
امل بحزن
= الوقت اتأخر لازم نروح ننزل بكرا نكمل مينفعش نفضل ف الشارع لحد دلوقتي
جني بحزن ودموع
= ماشي يلا
بعد وقت كانو وصلو للبيت وقعدو ع الكنبه بيحاولو يلاقوا حل او طريقه توصلهم ل ياره وفجأة الباب بيخبط بتجري امل تفتح الباب وبتتصدم لما بتلاقيها ياره
امل ب انهيار
= ياره حبيبتي كنتي فين اي الي حصل انتي كويسه في حد عملك حاجه
جني بعياط
= تعالي ادخلي متقفيش ع الباب
بتدخل ياره وبتقعد وبتحكيلهم كل الي حصل
مريم بعد أما هديت
= ومين الشخص الي انقذك دا
ياره بحيره
= معرفش مرضاش يقولي كل اما اسألو ميردش عليا بس حقيقي مكنش ف دماغي غير أن اروح وبس
جني بحنان
= الحمدلله انك بخير وان محصلكيش حاجه يحبيبتي الحمدلله
امل
= كويس أنه لحقك الحمدلله علا سلامتك يحبيبتي
مريم
= هقوم اكلم ابوكي والعميد عشان اعرفهم انك خلاص وصلتي
ياره
= خلاص ماشي
بعد وقت كان الباب خبط .. بتفتح مريم وبتلاقي راجل غريب
= مين حضرتك
= انا موسى الصياد ابو ياره
مريم بترحيب
= اتفضل يعمو
بيدخل وبيقعد وبيقول
= بنتي ياره فين عايز اطمن عليها
بتطلع ياره من الاوضه وبتجري ع باباها وبياخدها ف حضنه وهوا بيقول بدموع
= مكنتش مصدق نفسي لما العميد كلمني وقالي انك اتخطفتي رجلي مكنتش شيلاني مر عليا شريط حياتي كلها قدامي خلاص ال 24 س دول حسيت أن خلاص هخسرك وندمت ندمت يبنتي أن سيبتك لوحدك طول السنين دي وبيكمل وهوا بيخرجها من حضنه وبيحاوط وشها بكفوف ايده وبيقول من النهارده انا معاكي ومش هسيبك ابدا وهجيبك تعيشي معايا سامحيني يا بنتي ع كل الي عملته معاكي
ياره بحنان
= مسمحاك ي حبيبي مقدرش ازعل منك بس ارجوك يا بابا مش عايزه ارجع انا خلاص اتعودت ع شقتي وبقيت برتاح فيها دا غير بكمل تعليمي هنا
مريم بتأثر
= عارفه ي ياره انا عرفت من العميد لما كلمته أن باباكي لما عرف أن جالك منحه هنا مرضاش يخليكي تسكني ف اي سكن وجبلك سكن خالص ومريح ليكي وجنب الكليه وكمان المصاريف مش مجاناً هوا الي كان متكلف بكل حاجه
بصيت بصدمه ل بابا وانا بقول
= الكلام دا بجد
موسي بحنان
= كنتي عايزاني اعمل اي رفضتي تاخدي مني فلوس كنتي كرهاني ف اتطريت اعمل كدا عشان متحتاجيش لحد خصوصا مصاريفك هنا كتير ومش هتقدري عليها
حضنته بحب ودموع
= انا مقدرش اكرهك ي بابا انا بقول كدا من ورا قلبي انا بس كنت اخده ع خاطري منكم عشان سبتوني لوحدي وكملت ب استغراب .. امال ماما متعرفش ب الي حصل
اتكلم موسي بتوتر
= احم... لا عارفه
ابتسمت بحزن
= الظاهر انها مصدقت أنها تخلص مني
اتكلم موسي وهوا بيقول
= مش عارف يبنتي بس اكيد حصل حاجه خلاها متعرفش تيجي
قولت وانا بمسح دموعي
= يلا عادي المهم أن انت جنبي
بيمسح ع شعرها بحنان
= مش هبعد عنك تاني ابدا صدقيني
= مصدقاك يحبيبي
قال وهوا بيقوم
= هسيبك ترتاحي ومتقلقيش انا هعرف مين الي عمل كدا
ابتسمت بحب
= حاضر يحبيبي
= ف اقرب فرصه هحاول ارجع امريكا تاني واشوفك يقلب بابا
= ف انتظارك ديما ي حبيبي
بعد وقت كنت نايمه وبصه للسقف وبفتكر الشخص الي انقذني ويتري مين هوا ولي بينقذني وف نفس الوقت جتلي مسج ع التلفون
" متفكريش كتير ونامي "
اتنفضت برعب
= اعوذ بالله دا عرف منين دا أن بفكر
مسج تانيه
" طبيعي عشان اليوم كان صعب "
بعت وقولت بخوف
= انت مخاوي ج..ن يجدع انت ولا اي
مسج تانيه
" لا يستي مش مخاوي ولا حاجه بس خمنت مش اكتر "
اتفست براحه وقولت
= انت مين ؟
"ف الوقت المناسب هتعرفي "
= لا عايزه اعرف انت مين
= انت الي انقذتني النهارده صح
= انت مش بترد لي ؟؟
=؟؟
مردش ك العاده قفلت التلفون بحيره ونمت
تاني يوم
كانو البنات لبسو وجهزو عشان يروحو الجامعه
ياره بتوتر
= استر يارب وميحصلش اي حاجه تانيه
امل وهيا بتطبطب عليها
= لا متقلقيش ياروحي احنا معاكي
جني بتهنيده
=يلا ي بنات
بينزلو وبيوصلو الجامعه
ـــــــــــــــــــــــــــــــــــــــــــــــــــــــــــــــــــــــــــــ
ف مكان ما شخص بيتكلم بغضب
= ازاي الكلام دا يحصل هاااا ازاااي
اتكلم التاني بخوف
= والله ي باشا غصب عني انا قدرت اهرب منهم والحمدلله مشافونيش بس هما مسكو التانيين وخايف يعترفو بحاجه
= م كلو بسبب غبائكم .. انت تدورلي وتعرفلي هما مخبينهم فين وتق..تلهم فاهم دي اخر فرصه ليك لو منفذتش هتت..قتل فاهممم
اتكلم بخوف
= حاضر يا باشا
= يلا غور
بيرزع التلفون ع الأرض بغضب وغل
= المره دي قدرتي تعيشي المره الجايه مش هسيبك غير لما اقتلك و..بإيدي كمان
ـــــــــــــــــــــــــــــــــــــــــــــــــــــــــــــــــــــــــــــ
بيحضرو اول محاضرتين وبيقعدو ف الكافي وبيقرب عليهم دكتور ياسر وهوا بيقول
= حمدالله علا سلامتك يا ياره أن شاء الله الي عمل كدا هيتعاقب
ياره
= الله يسلمك يادكتور ياسر .. أن شاء الله
مريم بتبص علا جني الي سرحانه ف ياسر بتنغذها ف جنبها وبتقولها بهمس
= الله يخربيتك اتقلي مش كدا
جني بكسوف وهمس
=بحاول بس لما بيقف قصادي أو بيكلمني بنسي نفسي
مريم بضحك
= ايوا يعم
بترفع جني نظراته ل ياسر بتلاقي هوا كمان بيبصلها ف بتتوتر وبتنزل وشها تاني
دكتور ياسر
= تمم ي ياره ومتقلقيش احنا جبنا عساكر مع الي موجودين الجامعه عشان محصلش اي حاجه تاني ف متقلقيش
ياره ابتسامه
= ميرسي جدا ودي فعلا فكره كويسه عشان محدش يتأذي
جني بنظرات حب
= فعلا ي دكتور ياسر كويس أن حضرتك عملت كدا عشان حالات الخطف بتكون كتيره
ياسر ب ابتسامه
= أن شاء الله دا مش هيتكرر تاني
مريم
= أن شاء الله
ياسر وهوا لسه بيبص علا جني
= يلا عن اذنكم
مشي ياسر وجني سندت بأيدها تحت خدها
ياره بضحك
= شايفه ي مريم الي انا شيفاه
مريم بضحك
= فراشات يابا فراشات
جني بتبصلهم بغيظ وضحك
= اعملكو اي يعني الله غصب عني
امل بضحك
= اتقلي ها الرجاله مش بتحب البنت المدلوقه
جني بانتباه
= يعني اي اعمل اي
مريم
= يعني تخفي نظرات وتخفي كلام ومتقعديش ف وشو طول المحاضره وركزي معاه تركيز عشان المذاكره مش عشان حاجه تانيه وهوا لو في ناحيته ليكي حاجه اكيد هيبان
ياره بضحك
= اوبا اي ي مريم انتي حبيبتي قبل كدا ولا اي
امل
= باينها كدا
جني بضحك
= بتحبي من ورايا يبت ولا اي
مريم وهيا بترفع ايديها بحركه كوميديه
= والله يباشا معملت حاجه انا بريئ
بيضحكو البنات عليها وبتقول ياره
= مجنونه والله.. طب يلا يختي انتي وهيا نلحق المحاضره التانيه وبعدين نروح
امل بضحك
= اخاف اقولكم تعالو نتغدى برى حد فينا يتخطف تاني
بتضحك ياره وبتقول
= نفسي والله ناكل برا نجدد بس انا كمان مرعوبه
بتتكلم جني بطريقه كوميديه
= عيب عليكوو أوعو تخافوا طول م انا موجوده
مريم بضحك
= بس يحبيبتي كنتي عامله وقتها زي الفار المبلول اصلا
ياره
= يلاهوووي فات خمس دقائق والدكتور مش هيدخلنا
بيجرو البنات للمحاضره وبيلاقو دكتور ياسر واقف وبيبصلهم بغضب
= م لسه بدري ي استاذه انتي وهيا
اتكلمت جني
= سوري ي دكتور والله اخر مره المره الجايه مش هنتأخر
بيبتسم ياسر وبيقول
= تمم اخر مره اتفضلو
بيدخلو البنات وبيقعدو ومريم بتغمز ل جني
= ايوا يعم عصافير الحب
اتكلمت جني بهمس
= اكتمي بقا عايزه اسمع واركز
امل بضحك وهمس
= سيبوها يابنات تركز مع حبيب القلب
بتنغزها جني بغيظ .... بعد وقت كانو البنات خلصو وطلعو برا الجامعه
ياره
= هنروح فين بقا
جني بحماس
= في مطعم خطير شوفته واحنا كنا بندور عليكي الريحه كانت خطيره
مريم بضحك
= ماشي يستي يلا
بيوصلو للمطعم وبيقعدو وبيطلبو المنيو وكل واحده بتطلب الاكله الي بتحبها بيقعدو يتكلمو وبعد وقت بيجي الويتر وبيجبلهم الاكل بس بيكون مخبي وشه ب الكاب بيرفع وشه ب ابتسامه خبث وهوا بيقول
= اي أوامر تانيه يفندم
بتتصدم جني لما بتشوفو بيكون نفس الشاب الي كان دايقها قبل كدا
= هوا انت تاني !!
↚
بتتصدم جني لما بتشوفو بيكون نفس الشاب الي كان دايقها قبل كدا
= هوا انت تاني !!
الشاب بخبث
= انا معملتش حاجه يفندم انا بقول اي اوامر تانيه
ياره بعدم راحه
= لا اتفضل انت
امل بقلق
= انا مش مرتاحه وحاسه أن في حاجه هتحصل
جني
= المشكله خلاص مش هينفع نقوم الاكل اجه
مريم
= بصو هوا اكيد مش هيعمل حاجه لان واضح انو بيشتغل هنا وهنا اكل عيشو ف اكيد مش هيخصر اكل عيشو عشان يدايقنا
جني
= انا برضو بقول كدا يلا أن شاء الله خير
لسه ياره هتيجي تاكل بتتفاجئ ب المقنع اجه المطعم وبيسحب الشوكه منها وبيقول
= محدش يدوق من الاكل دا
ياره بعصبيه
= انت مين وازاي تعمل كدا وبتكمل بتفكير اوعي تكون نفس الشخص الي كان خاطفني ف الكوخ
بصلها بغموض
= مكنتش خاطفك قولتلك المهم الاكل دا محدش فيكم يدوقو
جني باستغراب
= لي يعني ماله الاكل
المقنع
= الاكل مسموم
ياره بصدمه
= مسموم وانت عرفت منين
المقنع
= مش وقته وعشان تتأكدو ثواني
بينده ع شخص معين وبيقولو
= اندهلي مدير المطعم دا عايز اتكلم معاه فوراً
الشاب
= حاضر يفندم
بيجي مدير المطعم وبيكلمو المقنع بصرامه
= ممكن افهم اي دا ازاي تطلعو اكل مسموم للناس
بيتصدمو الناس لما بيسمعو الكلام وبتحصل مشكله والناس بتبدء تتعصب والمدير بيتكلم بتوتر
= طب ممكن تيجو معايا وتفهموني في اي
بيتكلم الشخص المقنع وبيقول
= هات يبني الاكل دا معايا
بيروحو لمكتب ف الباب الخلفي الي جنب المطعم وبيوصلو لاوضه وفيها كاميرات بيتكلم المقنع وبيقول
= وريني الكاميرات وانت تشوف بنفسك
بيفتحو الكاميرات وبيشوفو شاب داخل المطبخ وبيقف جنب طباخ من الطباخين الي واقفين وبيديلو كيس وبيوشوشو ف ودونه وبيمشي وبعد وقت بيروح الطباخ يفضي الكيس ف طبق ياره وطبق جني وبيتصدمو الاتنين
جني بصدمه
= غريبه لي طبقي انا وياره بس
المقنع
= الظاهر أن في عداوه مع ياره بس محدش يعرف لي أما انتي عشان انتي رفضتيه ف نص المحاضره واتسببتي أنه يتضرب ودا شخص مغرور وانتي اول بنت ترفضه دا غير أن هوا مش شغال هنا اصلا وجه عشان يعمل كدا ويمشي بس انا مسكتو وعندي ف المخزن
وبيكمل كلامه وهوا بيبص للمدير
= الاكل دا انا هاخده اوديه لمعمل تحاليل هيحلل الاكل دا عشان نتأكد ونثبت عليه التهمه
بيأوم ليه المدير وبيعتزرلو وبيطلعو كلهم برا لاكن بيسبقهم المقنع وبيحاول يمشي بسرعه بتجري وراه ياره ع امل تمسكو بس بيركب عربيه ومش بتعرف تلحقو
جني
= في سر وراه الشخص دا يتري مين دا وبيعرف ازاي أنك ف خطر
مريم بقلق
= الظاهر أن هنا معتش في امان
امل بتفكير
= ننزل مصر ومش مهم نكمل هنا اهم حاجه حياتنا
ياره
= مش قبل أما اعرف مين دا وبيساعدني لي وازاي بيعرف أن انا حياتي ف خطر دي مش اول مره
جني
= بس دا خطر علينا
مريم بقلق
= جني عندها حق احنا وجودنا هنا خطر ي ياره
ياره بتهنيده
= مش عارفه يابنات بس طلاما مستقصدنا كدا يبقي اكيد حتا لو ف مصر هيأذينا برضو
امل
= بس ف مصر هنعرف نتصرف اكتر من هنا ، هنا احنا منعرفش المكان كويس
ياره
= بس يبن..
قاطعتها مريم
= مفيش بس احنا مش هنستني لما يحصلكو حاجه وبعدين ننزل
ياره
= ي مريم نخلص امتحانات وننزل مصر خلاص كلها اسبوع مينفعش نضيع كل الي جينا عشانه
قالت امل
= مش عايزين حاجه اهم حاجه عندنا سلامتكم
جني
= احنا هنبقي كويسين بس انا بتفق مع ياره نخلص الامتحانات الاول وبعدين ننزل لأن كدا كدا هناخد الاجازه
مريم
= تمم امري لله يلا
امل
= ماشي يبنات بس طول الفتره دي مفيش خروج من الجامعه للبيت لحد اما نخلص امتحانات علا خير تمم
كلهم ف صوت واحد
= تمم
بعد وقت كانو وصلو للسكن
جني
= بس ياره طلع عندها مُنقذ الظاهر أنه بيحبك
ياره بتفكير
= بس مين دا وبيعمل كدا دا لي
امل
= م دا الي بفكر فيه أنه حتي مش عايز يظهر نفسه قدامك بوشو خالص
ياره
= مش عارفه والله انا معتش فاهمه حاجه
جني
= خير ان شاء الله متقلقيش
مريم بطريقه كوميديه
= يعني دلوقتي جني وعندها مُنقذ وياره عندها مُنقذ وانا وانتي ي أمل قاعدين بنهش الدبان
امل بضحك
= انا عن نفسي افضل سنجل ولا اتعرض لخطف وحد يحاول يموتني
مريم بضحك
= لا يستي انا عايزه عادي
ياره بضحك
= يستي خديه عادي الله
مريم
= لا يستي هوا خلاص بقي جوز اختي
ياره
= طب امشي من وشي ها امشي قال جوزي قال
امل بخبث
= اي يجني ساكته ليه سرحانه ف مين
جني بتوتر
= مين انا لا مش سرحانه مين قال إن انا سرحانه
مريم بضحك
= عليا يباشا
جني بتوتر
= بصو انا عايزه اعترف بحاجه
ياره بأنتباه
= خير يجني في اي
جني وهيا بتفرك ف أيدها
= بصوا هوا دكتور ياسر بعتلي
كلهم ف صوت واحد
= ايييييييي
جني وهيا بتقوم
= والنبي مجت فرصه اقول
بتقوم مريم وبتجري وراها
= ياروح ماميييي مجتش اي يختي
جني وهيا بتجري
= وربنا لسه امبارح
ياره بضحك
= اااه هههههه اتاريه لما روحنا المحاضره متأخر لما كلمتيه انتي وافق يدخلنا
جني بكسوف
= والله يابنات اتفاجئت زي زيكم وبتكمل بس والله لسه مفيش حاجه كلام عادي
بتجيبها مريم من قفاها وبتقعدها وبتقول
= تحكي كل حاجه من طقطق ل سلامو عليكو فاهمه
بتضحك جني وبتقول
= حاضر يا باشا بتكمل وبتقول
فلاش باك
ونا قاعده بتجيلي مسج محتواها ك الآتي
" ازيك يا جني عامله اي "
= الحمدلله كويسه مين
" انا دكتور ياسر مش عايزك تستغربي صدقيني حاولت امنع نفسي ابعتلك بس معرفتش "
بصيت بتوتر للشاشه وقلبي بيدق
= خير يا دكتور ياسر في حاجه ولا اي
" بصراحه ايوا في بس مش هعرف اقولك هنا "
= امال ازاي مش فاهمه
" احم بصي لازم اقابلك عشان اعرف اتكلم معاكي"
اتصدمت من الرد يعني اي هيكون عايز اي
= ازاي الكلام دا يادكتور ياسر مينفعش لو في حاجه تخص الدراسه عرفني هنا
" لا مش بخصوص الدراسه وصدقيني هتفهمي كل حاجه لما اشوفك انا مش جاي الف ولا ادور لما اقابلك هتفهمي كل حاجه ف الكافي بتاع الجامعه كمان موضوع مهم ميتأجلش "
= هشوف ي دكتور ياسر هفكر وارد ع حضرتك
" تمم انا ف انتظارك "
باااااك
جني
= بس دا كل الي حصل معايا
ياره
= يتري عايزك ف اي واي الموضوع الي ميتأجلش دا
جني بتوتر
= مش عارفه خايفه اوي اعاااا ليكون فهم حاجه
مريم بضحك
= طب ابعتيلو وقوليلو انك هتقابليه بكرا ف كافي الجامعه واحنا هنكون ف نفس الكافي تمم
جني
= خلاص ماشي هبعتلو
امل
= خير ان شاء الله متقلقيش
جني بتوتر
= يخوفي يااااني ليكون فهم منظري هيبقي وحش اوي
ياره بضحك
= لا ان شاء الله ميكنش فهم حاجه متفكريش كتير بس
جني
= تمم يلا ننام عشان نصحي بدري
مريم بتسقيف
= اوعا بقا مش قادره يعيني تستني
جني بغيظ وهيا بتحدف عليها الشبشب
= اتلمي ي مريم الك.لب
بيضحكو البنات عليهم وبيدخلو ينامو
تاني يوم تحديداً في الجامعه
بتدخل جني بتوتر
ياره بضحك
= يبت اهدي خير والله
جني
= بحاول اهدي والله
امل
= خير يجنون والله إن شاء الله مش هيبقي حاجه وحشه
جني
= يارب يارب
بيدخلو البنات للمحاضره
وهما خارجين بيقابلو الدكتور ياسر
= ممكن كلمه ي انسه جني ف كافي الجامعه مش هنتأخر
بتتوتر جني وبتوافق وبيروحو بيقعدو ف كافي الجامعه
وبيقعدو البنات ف ترابيزه قريبه منهم
ـــــــــــــــــــــــــــــــــــــــــــــــــــــــــــــــــــــ
في مكان ما في مخزن مهجور
بيقعد المقنع وبيحط رجل علا رجل
= قولي بقا عايز كام وتبعد عن ياره وجني
الشاب بكره
= مش عايز حاجه انا عايزها تموت تموت وبس
بيتعصب المقنع وبيمسكو من فك وشه وبيقول وهوا بيجز ع سنانه
= اقسم بالله لو فكرت بس تقرب منها لكون معذبك لحد اما تتمني الموت ومتلاقيهوش
الشاب بغيظ
= وهيا تهمك ف اي اصلا انت مين انت اساسا وكمل بضحك سخريه هيا اصلا تلاقيها ودعت هيا وجني
بيضحك المقنع ب استفزاز
= هوا انا مقولتلكش مش انا لحقتهم ومحصلهمش حاجه
بيتصدم الشاب
= انت بتعمل كدا لي انت تعرفهم منين اصلا
المقنع بغموض
= دا شيئ ميخصكش ، ها مقولتش تاخد كام وتبعد عنهم
الشاب ب استفزازي
= روحها عايز روحها وبس
بيتعصب المقنع وبينهال عليه ب الكمات وبيقوم بيقعد وبيحط رجل علا رجل وبيقول
= طب بص كدا
بيفتح تلفونه وبيوريه صور ليه وهوا بيدي كيس السم للطباخ وبيقول يحط السم في طبق ياره وجني وكمان تحاليل بتوضح أن الاكل مسموم
= اي رائيك بقا لما ابوك يشوف الصور دي هيا وامك ومش بس كدا تؤ تؤ تؤ الحكومه كمان تشوفها ويترا بس كدا تؤ تؤ تحاليل الي بتوضح انك متعاطي المخدرات تفتكر ابوك لما يعرف انك بتشرب مخدرات هل هيديك فلوسو وورثك اكيد لا والسبب الي كنت بتحاول تقتل ياره عشانه خلاص بح
بيتصدم الشاب وبيقول
= انت عرفت منين كل دا انت عارف أن انا..
المقنع ببرود
= اخوها ؟ اه عارف وعارف كمان أن انت الي كنت بتسرق الفلوس الي كان أبوك بيبعتهالها وكمان اتفقت مع امك أنها تعمل اكونت فيك وتبعت مسج لمامتها أن جوزها متجوز عليها دا بعد أما امك عرفت أنه متجوز عليها ام ياره وان امك اصلا اتجوزت ابوك ب الاحتيال وأنها زيفت انها حامل فيك بس انت جاي من راجل تاني ولبستك فيه واتطر يتجوز امك مع أنه مش بيحبها وعشان بيحب ام ياره اتجوزها ومرضاش يعرفها عشان توافق تتجوزو وطبعا ام ياره لما عرفت طلبت الطلاق ورفضت تكمل وعشان كدا هما اتطلقو ولما عرفتو بقا أن باباك كاتب نص أملاكه ليك والنص التاني ل ياره قررت تقتلوها عشان تاخدو فلوسها وكمل بفحيح الافعي بس اقسم بربي طول م فيا نفس محد هيقدر يجي جنبها
بيتصدم الشاب من أنه كشف حقيقته
= ياره عرفت ؟
ابتسم المقنع
= لا ، بس هتعرف بس وقتها انت هتكون مشرف ف السجن
بيترعب الشاب وبيقول
= انت انت متقدرش تعمل حاجه
المقنع ببرود
= مبلاش البوقين دول يصلاح لأن زي م جبتك هنا اقدر اوديك السجن عادي او مثلا اوديك عن ربك
اتوتر صلاح وقال
= لا خلاص انا مش هاجي جنبها تاني والله بس سيبني اروح
المقنع ببرود
= دا غصب عنك يروحمك مش برضاك فاهم
صلاح بغيظ
= تمم تمم فكني بقا
قام المقنع وفكه وهوا بيقول
= دي فرصتك الوحيده استغلها بقا وابعد عشان المره الجايه انا مش هسيبك
صلاح بخبث
= ماشي
ــــــــــــــــــــــــــــــــــــــــــــــــــــــــــــــــــــــــــــــ
عند ياسر وجني
جني بكسوف
= خير يدكتور ياسر كنت عايزني ف اي
ياسر ب ابتسامه
= بصي يا جني انتي من ساعه م جيتي وانا شوفت الشاب دا وهوا بيضايقك وانا الصراحه حسيته كدا مش بيدايق واحده غريبه لا بيدايق واحده تخصني انا من وقتها وانا مش عارف اخرجك من تفكيري انا كنت بحاول مفكرش فيكي بس معرفتش مكنتش فاهم انا لي مش عارف اطلعك من تفكيري بس كل اما بشوفك بتأكديلي حاجه واحده بس
كنت سمعاه وانا قلبي بيرفرف وحاسه أن في فراشات بتطير كدا حواليا قلبي بيدق جامد اتكلمت بكسوف وانا بقول
= حاجه اي
بيقول ياسر والحب باين ف عينيه
= أن بحبك يا جني وعايز اتجوزك
↚
بيقول ياسر والحب باين ف عينيه
= أن بحبك يا جني وعايز اتجوزك
جني بصدمه وكسوف
= اي بتحبني
ياسر بحب
= ايوا من ساعه مشوفتك وانا مش عارف اخرجك من عقلي وتفكيري وكمل بجديه وبما إني مش بحب الف ولا الدوران عايز ادخل البيت من بابه وتاخديلي معاد مع أهلك بس هننتظر لما تخلصي امتحناتك وننزل مصر انا وانتي واهلي نتقدملك
اتكلت جني بكسوف
= حاضر ي دكتور ياسر
ياسر بمرح
= لا دكتور ياسر اي بقا ياسر ع طول دا انتي هتبقي زوجتي المصون قريباً
بصت جني ف الأرض بكسوف ووشها احمر
= لا ي دكتور ياسر لما بإذن الله تيجي أنت وأهلك تنورونا ف البيت ويكون في حاجه رسمي اشيل وقتها الألقاب
ياسر بحب واعجاب
= مندمتش الصراحه أن اخترتك كل مره بتأكديلي أن انا اخترت صح
جني ب ابتسامه وكسوف
= ميرسي ليك جدا احم انا هقوم دلوقتي عشان اروح
ياسر بحنان
= خلي بالك من نفسك
جني
= حاضر
بتسيبه وبتروح للبنات ب ابتسامه واسعه
= اععععع بيحبني بيحبني
ياره بضحك
= اهدي يمجنونه وتعالي نروح وتحكيلنا كل الي حصل
بعد وقت ف السكن البنات قاعدين حوالين جني وهما منتظرين بحماس هيا عملت اي مع ياسر
جني بسعاده
= اععععع بيحبني وهيتجوزني لما نخلص امتحانات وحكت ليهم كل الي حصل
مريم بفرحه
= بتهزرييييي اخيراااا
امل بسعاده
= الف الف مبروك ياروحي ربنا يتمملك بخير يارب
ياره بحب وفرحه
= مبروك يعيوني انتي تستاهلي كل خير
جني بحب
= متحرمش منكم ابدا يحبايب قلبي والله
مريم بحماس
= ايوا بقا عندنا عروسه يولاد
جني بفرحه
= عقبال فرحتي بيكم ي...
قاطعها صوت كسر الباب وبيدخل منه اربع اشخاص لابسين اسود ولبسين ماسك
صوت صويت خرج من البنات بينكمشو كلهم جنب بعض بيقول واحد
= دلوقتي تقدري تقولي ع نفسك ي رحمان يرحيم ي ياره
ياره بصريخ
= انتو عايزين مننا اييييي
اتكلم تاني بخبث
= روحك ي ياره عايز روحك
ياره بعياط
= حرام عليكم بقا انا عملت اي لكل دا هااا انا عملت اي عشان تحاولوا تقتلوني انا عملت اي فهموني
اتكلم بغل
= عايزه تعرفي الحقيقه انا هقولك انا ابقي اخوكي ي ياره
ياره بصدمه
= اي اخويا
اتكلم بكره
= اه اخوكي من ابوكي وعايزه تعرفي اي السبب الي أطلقوا اهلك بسببو فكرك عشان متفقوش
كمل بضحكه شيطانيه لا عشان ابوكي الي هوا ابويا كان متجوز أمي اصلا قبل أما يتجوز امك بس هوا راح اتجوز امك علا امي ومرضاش يعرفها بحاجه بس انا بقا روحت وعرفتها بكل حاجه وعشان كدا اتطلقو والمصاريف الي كان ابويا بيبعتها انا الي كنت باخدها
وكمل بغل بس نعمل اي بقا هوا عرف أن الفلوس مبقتش توصلك وبقا يبعتها لنفسه لا واي كتبلك نص أملاكه والاسهم بتاعتو الي ف شركه امريكا بس انا بقا هاخد روحك قبل أما تاخديهم
طلع مسدس من جيبه وصوبه ناحيه ياره اتجمدت ياره مكانها بخوف ودموعها بتنزل بيجي المقنع وبيظهر من وراه وبيرفع أيده الي فيها المسدس لفوق وباقي رجالته بيهجمو ع رجاله صلاح وبيكتفوهم وكل دا والبنات واقفه بتعيط ومرعوبين
بيشتبك المقنع مع صلاح وبيحاول ياخد منه المسدس بتطلع رصاصه من المسدس بيبص حواليه بيلاقي ياره واقعه ع الأرض والدم بيسيل جنبها بيصرخ المقنع بأسمها
= يااااارهههه
بيضحك صلاح بفرحه
= مات.ت اخيراا
بيشاور لواحد بانهيار
= خدهم كلهم ف المخزن ومحدش يقرب من صلاح والتانيين تظبطوهم
بيجري عند ياره بدموع وانهيار
= ياره ياره ارجوكي لا مش بعد كل الي عملته تروحي مني ياره لاااااء
امل بعياط
= والنبي بسرعه نوديها المستشفي قبل أما يحصلها حاجه
بيشيلها المقنع وبينزل ووراه البنات بينزلو وبيركبو العربيه وبيروحو للمستشفي
ياره ف العنايه المركزه وامل وجني ومريم قاعدين منهارين ف العياط والمقنع ورايح جاي بيبص ع الأوضه مستني حد يطلع يطمنو عليها
بيطلع الدكتور وبيقول
= الحمدلله قدرنا نوقف النزيف وقدرنا نخرج الرصاصه بس حالتها لسه مش مستقره الاربعه وعشرين ساعه دول ادعو لها
بيروح معاه المقنع عشان يدفع تكاليف العمليه
وبتقعد جني بأنهيار وتلفونها بيرن وهيا مش بترد بيفضل يرن لحد اما بترد
= ايوا نعم
= اي دا مال صوتك
جني بانهيار
= ياره ، ياره ي ياسر هتموت مننا احنا ف المستشفي دلوقتي
= ايييي طب انا جاي دلوقتي اسمها اي المستشفى
= مستشفي....
= تمم جاي فوراً
بتقعد امل جنبها
= هتفوق منها أن شاء الله ياره مش هتسيبنا
بتقوم مريم وبتقول
= انا هنزل المسجد الي قريب مننا هصلي وهدعي انها تفوق
امل
= خلاص ماشي واحنا هنقعد هنا نستني وهتصل علا عمو ابو ياره عشان يجي
بعد وقت بيجي ياسر بلهفه وقلبه بيوجعه علا حاله جني بينزل ع ركبته وهيا بيقول بلهفه وحنان
= متقلقيش ي جني ياره قويه وهتقدر تطلع منها لو بتحبيها بجد ادعي لها عياطك مش هيفيدها بحاجه
بتقوم امل وبتسيبهم براحتهم
بتقول جني بدموع
= هموت من القلق عليها
ياسر بحنان
= هوا الدكتور قال اي طيب
جني بدموع
= بيقول أن قدر يوقف النزيف وخرج الرصاصه بس لسه حالتها مش مستقره وان ال 24 س الي جايين ندعيلها
ياسر بحنان
= خير ، خير ان شاء الله هتقوم منها والله انتي ادعي لها بس
جني بتنهيده
= يارب يارب ي ياسر
بيقوم وبيقعد جنبها
بعد وقت بتطلع مريم وبتروح تقعد جنب امل بتلاقيها بتعيط
مريم بحنان
= هتبقي كويسه ي امل والله اهدي انا واثقه في ربنا
بتدخل امل ف حضنها وبتبكي
= يارب يارب ي مريم
مريم بدموع وهيا بتشدد علا حضنها
= هتبقي كويسه أن شاء الله تعالي نقعد ف الاوضه التانيه نرتاح عبال أما يسمحولنا ندخل ل ياره
امل
= ماشي يلا
بيروحو عند جني وياسر وبيدخلو اوضه تانيه وياسر بيقوم يشوف التكاليف وبيستغرب لما يلاقيها مدفوعه بيرجع عند جني وامل ومريم
ياسر
= جني انا روحت عشان اشوف تكاليف المستشفي بس لقيتها كلها مدفوعه !
جني بحيره
= صحيح في واحد كان اجه وجاب ياره هنا الشخص الي قولتلك عليه دا اختفي راح فين
امل بتفكير
= اكيد هوا الي دفع كل حاجه
مريم
= بس هوا بيعمل لي كل دا دا كان هيتجنن عليها
ياسر بجديه
= متقلقوش انا هلاقيه وهعرف مين دا المهم ارتاحو وانا هجيب عساكر تأمن المستشفي عبال أما نتصرف ونشوف حل للي بيحصل دا
جني بتهنيده
= تمم ماشي
تاني يوم في اوضه ياره بيكونو ف الأوضه عند ياره ومستنينها تفوق بيكون ابوها وامها وأمل وجني ومريم وياسر ف الاوضه
وفجأه بتفتح عينها بتعب وبتجري عليها مامتهاوبتقول بدموع
= ياره حبيبتي انتي فوقتي انتي سمعاني ياعمري حقك عليا ينور عيني حقك عليا انا اسفه سامحيني
ياره عينيها بتدمع وبتغمض عينها بتعب وبتفتحها تاني وبتقول بصوت مبحوح
= ماما.. انتي هنا ؟
مامتها بدموع
= ايوا يعمري حقك عليا ياروحي حقك عليا انا اسفه والله إن بعدت عنك انا عارفه انك تعبتي كتير ف حياتك بس والله هعوضك عن كدا سامحيني يبنتي
بتتكلم ياره بعياط
= دلوقتي لسه فاكره أن ليكي بنت وبتكمل بعياط اكتر انا.. انا كنت كل يوم استنا حد فيكم يجي يسأل عليا انا كنت محتجاكم جنبي انا ذنبي اي انكو تتطلقو وتبعدو عني انا الدنيا كسرتني وخدت مني كل حاجه لي كسرتوني لي أنا اتدمرت ف بعدكم عني
موسي بعياط
= صدقيني ندمنا والله ندمنا علا كل حاجه حقك عليا يعيون ابوكي حقك عليا ياروحي والله م هنبعد عنك تاني
ياره بأستغراب
= مش هتبعدو ازاي يعني والست الي انت متجوزها والراجل الي انتي متجوزاه
موسي بصدق
= احنا عرفنا كل حاجه يبنتي انا اسف بسبب الي ابني عمله معاكي بس هوا هيتعاقب وهياخد جزاءه لما يتمسك وبص ل مها
وبيقول بأبتسامه انا ومها خلاص صلحنا الي فات وهنرجع عيله تانيه مع بعض ومش هنسيبك ابدا
ياره بأستغراب اكبر
= يعني اي هوا لعب عيال ازاي يعني يا ماما انتي وافقتي ترجعي ؟
مها
= انا خلاص عرفت الحقيقه
ياره بترقب
= حقيقه اي ؟
مها بتهنيده وهيا بتبدأ تتكلم
فلاااش بااك
ـــــــــــــــــــــــــــــــــــــــــــــــــــــــــــــــــــــــــــــــــ
عند مها بتكون واقفه ف المطبخ وبتسمع جوزها بيتكلم ف التلفون بهمس بتقرب منه عشان تسمع بيقول اي بتتصدم لما بتسمع كلامه
= لا لا متخافيش هيا مستحيل تعرف حاجه وبعدين هيا خلاص بقت مراتي يعني حتا لو عرفت مش هتعرف ترجعلو
بيرد عليه الشخص وبيقول .. وانت مش خايف أنها تعرف حاجه انا حاسه ان بدأنا نتكشف ربنا يستر
= ودا مش هيحصل طول م انتي معاه انتي خليكي جنبه ومتخليهوش يفتكرها وكرهيه فيها وانا هنا بعمل كدا برضو مستحيل اسيبها ترجعلو
بيرد عليه الشخص .. وانت بتعمل كدا لي طب وانا وانت عارف أن انا بكرهها من ايام الجامعه عشان هيا ديما كانت بتاخد كل حاجه حتا الشخص الي حبيته محبنيش واختراها هيا
= بعمل كدا لي " كمل بكره" عشان انا من زمان كنت عايزها وهوا اجه واخدها مني مع انو عارف أن بحبها بس اخدها مني وجه الوقت الي اخدها منه واكسره زي م كسرني زمان واهو حصل
بيرد عليه الشخص.. بتحبها هه انت بتضحك علا نفسك ولا اي هوا حبها قبلك بس انت طول عمرك بتكرهو وبتغير منه ولما عرفت أنه بيحب واحده دورت وراه عشان تعرف هيا مين ولما عرفت روحت وحاولت تبوظ علاقتهم بس معرفتش
قال بكره = طب م الحال من بعضه انتي كمان حاولتي تبوظي العلاقه بينهم وعملتي علاقه مع واحد ولما اكتشفتي انك حامل طلبتي تقابليه ف بيتك ومثلتي انك ف مصيبه وهوا اجالك عشان بيعتبرك أخته وحطيتيله منوم وبرشام هلوسه عشان لما يصحى يفتكر أنه لمسك ودبستيه ف ولد مش منه واتطر يتجوزك وكمل بسخريه بس برضو معرفتش تفرقيهم واتجوزها برضو
بيرد عليه الشخص بغل .. بس متنساش أن دلوقتي قدرت ابعدهم عن بعض وانت استفدت وانا كمان استفدت ف اكتم بقا ع الموضوع دا ومتفتحهوش تاني عشان محدش يسمعنا وتبقي مصيبه
= ماشي بس اعرفي أن اي غدر منك مش هرحمك
بيرد عليه الشخص.. لا مش هعمل حاجه سلام
بتقف وهيا حاطه ايديها ع بقها من الصدمه وكانت سامعه كل الكلام ودموعها بتنزل زي الشلال بس مسحت دموعها وقالت
= مش لازم يعرف أن سمعت حاجه لحد اما اتصرف واكلم موسي
بيخرج جوزها بأبتسامه
= مها بتعملي اي
بصتله بأبتسامه مزيفه
= كنت جايه اقولك تعالا عشان الاكل خلص
بيمسك أيدها بحب
= ماشي يحبيبتي يلا
بتمشي معاه وهيا من جواها نفسها تقتله بس اتماسكت قدامو
بعد وقت..
مها بتوتر
= احم سيد انا عايزه انزل اشتري شويه طلبات ليا
سيد
= شوفي الي انتي عايزاه واجبهولك وانا جاي
مها
= لا دي حجات خاصه بيا عايزه اجيبها انا
سيد
= خلاص ماشي انزلي بس متتأخريش
بتخرج مها وبتركب عربيتها وبتتصل ب موسي وبتقول
= كافيه ال... تقابلني فيه دلوقتي حالا .. تمم انا ف الطريقه
بتقعد مها قدام موسي وهيا بتحكيله كل الي سمعته وسط صدمته وهوا بيقول
= يعني اي يعني احنا اضحك علينا
مها
= بالظبط كدا هوا ميعرفش أن انا عرفت حاجه اصلا
موسي بقلق
= طيب وبعدين هنعمل اي احنا لازم نتصرف
مها
= احنا فعلا لازم نتصرف بس عبال أما نشوف حل متعرفش مراتك انك عرفت وحاولت متخليهاش تشك فيك
موسي لسه هيتكلم بيقاطعه صوت رنت التلفون
= الو ايوا يا سهي ... اي شرطه..طيب طيب انا جاي حالا
مها
= في اي اي الي حصل
موسي
= مش عارف بتقول في شرطه ف البيت
مها بقلق
= ابقي طمني طيب
موسي بحب
= حاضر يحبيبتي
بتتوتر مها وبتبعد نظراتها عنه وبيخرج موسي بسرعه بيرجع البيت
عند موسي بيوصل للبيت بيلاقي الشرطه في انتظاره
الظابط
= انت موسي الصياد
موسي بقلق
= ايوا انا في اي يفندم
الظابط
= مطلوب القبض على مراتك بتهمه التجاره ف المخدرات
موسي بصدمه
= نعم مخدرات
الظابط
= ايوا وكنا هناخدها بس صممت تيجي أنت الاول
موسي بجمود
= خدوها
سهي بصدمه
= ايييي انت بتقول اي يخدوني انت اتجننت يموسي
الظابط
= كلبشو ايديها وهاتوها ف البوكس
سهي بصريخ
= موسي لا متعملش فيا كدا موسي لاااا ابعد عني سيبني
بياخدوها ف البوكس وبيمشي وراها موسي وهوا قلبه مرتاح
ف القسم بيوصل موسي وليتفاجيئ من وجود مها بيجري عليها بقلق
= انتي بتعملي اي هنا اجيتي لي
مها
= لما روحت ولسه جايه اطلع بيتي وقفتي واحده من الجيران وقالولي أن جوزي اجت الشرطه وخدته
اتضايق موسي من كلمه جوزي بس قال
= تهمه تجاره ف المخدرات صح ؟
مها بصدمه
= عرفت ازاي
اتكلم موسي بسخريه
= لان سهي كمان اتقبض عليها بسبب تجاره المخدرات
ف الوقت دا بيخرج سهي وسيد والكلبشات ف أيديهم بيتصدمو لما يلاقوهم واقفين مع بعض
سيد بغضب
= لا مش بعد كل الي عملته ترجعو لبعض تاني
سهي بغل
= وربي لدمرك ي مها وقولي سهي قالت
العسكري
= خدهم يبني ع الحجز ويتربو
بيدخل مها وموسي للظابط .. وبتتكلم مهي وبتقول
= حضره الظابط هما..
قاطعها الظابط بحده
= متقوليش ابرياء هما اتمسكو وهما يسلمو مع ناس شحنه مخدرات كبيره وكل الي كان معاهم اتقبض عليهم أما بقا لو عايزين تخرجوهم منها ف انسوا دي فيها مؤبد ومفيهاش كفاله
قال موسي بسعاده
= لا خالص احنا مش عايزينهم يطلعو وبيكلم وهوا بيبص علا مها بحب انا عايزهم يفضلون ف السجن عشان أن الاوان أن أصلح كل الي باظ
لسه بيكمل وبيلاقي تلفونه بيرن
وهنا بيعرف من أمل صحبه ياره أن هيا ف المستشفي وبيحجزو طياره وبينزلو
ــــــــــــــــــــــــــــــــــــــــــــــــــــــــــــــــــــــــ
باااااك
مها بحب
= هوا دا كل الي حصل يبنتي صدقيني احنا كنا ضحايا لاتنين شياطين بس الحمدلله قدرنا نبعدهم عن طريقنا
ياره بحب
= اخيرا يعني خلاص اليوم الي كنت بستناه طول حياتي هيجي اخيرا
موسي بحب
= ايوا ينور عيني خلاص هنعيش كلنا سوا
ياره باستغراب
= طب وابنك ي بابا عملت معاه اي
موسي بحيره
= قلبت عليه الدنيا كلها بس لسه ملقتهوش
ـــــــــــــــــــــــــــــــــــــــــــــــــــــــــــــــــــ
ف مكان ما في المخزن
بيقعد المقنع بغضب
= انا حزرتك قبل كدا أن لو قربت منها هقت..لك صح
صلاح بغل
= انا هدمرها وربي م هسيبها
المقنع بأستفزاز
= انت الي هتدمر مش هيا خصوصا لما تعرف انك ابن حر..ام
صلاح بصدمه
= نعم انت بتكدب صح بتكدب
المقنع بسخريه
= طب بص كدا ع التحاليل دي بتأكد ان موسي مش ابوك امك غلطت مع واحد قبل كدا ولما عرفت انها حامل دبست موسي فيك واوهمتك أنه ابوك بس هوا مش ابوك طب اقولك ع حاجه كمان ابوك وامك والحقيقين اتسجنو بتهمه التجاره ف المخدرات وأخدو مؤبد
صلاح بصدمه اكبر
= اي اتسجنو طب وانت عارف مين ابويا
المقنع بسخريه
= تخيل كدا يبقي مين جوز مها ام ياره بس هوا ميعرفش امك مرضتش تقولو عشان ميجبرهاش تنزلك عشان بيحب مها
صلاح بصدمه وحزن
= يعني اي انا ابن..
قاطعه المقنع بشماته
= حر..ام
صلاح بغيظ
= مشيني من هنا
المقنع بضحك وسخريه
= امشيك فين مش قبل أما اربيك وبعدين اسلمك للشرطه وهما بقا يتصرفو
بيقوم المقنع وبيكلم واحد من رجالته وبيقول ميدخلهوش اكل نهائي ولا مايه ولا نسمه نور بس ف المخزن وطبعا كل يوم يتأدب لحد اما اامر بتسليمه للشرطه
وبيخرج وهوا بيخطط أنه اخيرا يقدر يكشف عن نفسه ل ياره ويعرفها بحقيقته ....
↚
بيقوم المقنع وبيكلم واحد من رجالته وبيقول ميدخلهوش اكل نهائي ولا مايه ولا نسمه نور بس ف المخزن وطبعا كل يوم يتأدب لحد اما اامر بتسليمه للشرطه
وبيخرج وهوا بيخطط أنه اخيرا يقدر يكشف عن نفسه ل ياره ويعرفها بحقيقته ...
ــــــــــــــــــــــــــــــــــــــــــــــــــــــــــــــــــــــــــــــــــــ
عند ياره
مها بحب
= هنلاقيه يحبيبتي وهيتحاسب ع كل الي عمله معاكي
موسي بحب
= ايوا يحبيبتي اهم حاجه كدا تقومي وتبقي بخير ماشي
ياره بتعب
= حاضر يحبيبي أن شاء الله
امل بدموع
= الف سلامه عليكي ي ياره كدا تخضينا عليكي
ياره بأبتسامه
= بختبر حبكم ليا بس طلعتو عيال جدعه اهو
جني بحب
= انتي اختنا ي ياره دا انا كنت هموت عليكي
ياره وهيا بتبص لمريم الي دموعها لسه منشفتش
=تعالي ي مريم
مريم سمعتها وجريت عليها وحضنتها وقعدت تعيط
= كدا تخوفيني عليكي كنت هعيش ازاي انا لو حصلك حاجه
ياره بحب
= انا بخير ياروحي والله بطلي عياط طيب والله هعيط انا كمان
ياسر وهوا بيقول بمرح
= خلاص يمريوم هيا اصلا زي الحصان اهي محصلهاش حاجه
ياره بغيظ
= بقا كدا يدكتور ياسر طب ماااشي انا مش خارجه من هنا بقا
مها بضحك وحنان
= بعد الشر عليكي احنا عايزينك تخرجي بفارغ الصبر
ياره
= ماشي يستي عشان خاطرك
موسي برفعه حاجب
= عشان خاطرها هيا بس
ياره بضحك
=لالا عشان خاطرك انت كمان والله اقولك حاجه عشان خاطركو كلكو
بيعدي اسبوع بتكون ياره خرجت من المستشفى وبتعدي اسبوع وبيجي اول يوم ف الامتحانات " مها قاعده مع ياره والبنات في السكن وموسي قاعد ف اوتيل "
ف السكن..
مها
= خلي بالكم من نفسكم والعربيه هتكون قدام الجامعه لما تخرجو هيا هتروحكم تمم
ياره وهيا بتبوس رأسها
= حاضر يست الكل
بيروحو البنات الجامعه وبيشوفهم ياسر وبيقرب عليهم وبيقول
= اخيرا وصلتو
جني باستغراب
= انت كنت مستنينا ولا اي
ياسر بابتسامه وحب
= مستنيكي عايز اطمن عليكي قبل أما تدخلي الامتحان ذاكرتي كويس في حاجه نقصاكي
جني بكسوف وحب
= لا مفيش حاجه كله تمم
امل بضحك
= بعد إذن روميو وجولييت بس ندخل الامتحان عشان ميفوتناش
بيمسح ياسر ع شعره بضحك وهوا بيقول
= اممم خلاص ماشي ادخلوا انتو يلا عشان متتأخروش
بعد وقت بيكونو خلصو امتحانات وطلعو وبيلاقو عربيه مستنياهم برا وبيركبو وياسر بيوقف جني وبيقول
= احم جني عايزك ف كلمه
بتروح جني باستغراب
= ايوا يدكتور ياسر
ياسر برفعه حاجب
= دكتور برضو وكمل بخبث م قولتي ياسر ف المستشفي خليكي كدا بقا
جني بضحك
= لا دا عشان وضع ياره مكنش مخليني مركزه قول عايز اي
ياسر بحب
= كلمتي اهلك عني
جني
= ايوا عرفت بابا وماما وهما مستنيينكم أن شاء الله لما ننزل مصر
ياسر بفرحه
= بجد يعني خلاص اخيرا هتكوني ليا
جني بكسوف وضحك
= احم اا يلا انا همشي انا بقا باي باي
بتجري جني بكسوف وبيضحك عليا ياسر
وبتعدي الايام وبتخلص فتره الامتحانات
موسي
= اي لسه مخلصتوش تعبيه الشنط
امل
= لا خلاص يعمو قربنا نخلص اهو
موسي
= طب يلا بسرعه العربيه مستنيه تحت
ياره
= خلاص خلصنا اهو الشنط اهي وماما وجني ومريم كمان خلصو
موسي
= ماشي هاتي الشنط دي هنزلها
ياسر
= السلام عليكم
كلهم : وعليكم السلام ورحمه الله وبركاته
ياسر
= عنك يعمي هات هنزلهم انا
موسي
= طب هاخد دول معايا وانت هات التانيين
ياسر
= تمم
نزلو كلهم وركبو العربيات ووصلوا للمطار
بعد ساعات... كانو وصلو لمصر ...
ياره بسعاده
= ياااه وحشتني مصر اووي
امل بفرحه
= مكنتش متخيله هتوحشني اوي كدا
جني
= فعلا كنت مفكره أن أمريكا بالنسبة لينا هتكون خيال ومش هنكون عايزين ننزل مصر تاني
مريم
= بس بجد مصر متتعوضش بأي بلد تانيه
مها
= يلا يابنات عشان نروح ونرتاح شويه من المشوار
موسي
= خلاص ماشي وانت ي ياسر وصل مها وياره البيت وانا هاخد البنات توصلهم لأهاليهم
ياسر بضحك
= بقا كدا يعمي مش واثق فيا
موسي بضحك
= دي الأصول يبني مينفعش
ياسر
= عندك حق يعمي خلاص ماشي اتوكلنا علا الله
بعد وقت كان كل واحد منهم وصل لبيته ومها عايشين مع ياره ف نفس البيت
عند ياره
= اي ي ماما هتعملي اي مع جوزك
مها
= رفعت عليه قضيه خلع وبعته علا بيت ليه قديم وبما أن مفيش حد هناك وموكلش محامي كسبت القضيه
ياره باستغراب
= وبابا عارف
مها
= لا لسه ميعرفش
ياره
= وهتقوليلو امتا
مها
= ف الوقت المناسب وكملت بحنان انا عارف انك نفسك نعيش كلنا مع بعض بس خلاص هانت وكل حاجه هتبقي زي م انتي عايزه
ياره بحب
= يارب ي ماما يارب
تاني يوم تحديداً عند جني كانو البنات كلهم متجمعين عشان قرايه فاتحه جني وان ياسر كلم أهلها تاني يوم وكمان أهل جني موافقين لانهم عارفين أنه مسابهمش ف امريكا لوحدهم وكان معاهم ديما
عند البنان ق الاوضه وصوت الميوزيك عاليه والبنات بترقص
جني بسعاده
= اععععع مبسوطه اووي بجد مش مصدقه اخيرا هنكون لبعض
ياره بسعاده
= حقيقي تستاهلو بعض وليقين جداً لبعض
امل بسعاده
= ايوا بقا حد من الشله خلاص هيخطب
مريم بمرح
= عقبالنا يااااارب
بيضحكو البنات عليها وبيكلمو رقص ف الاوضه شويه وبيسمعو صوت ابو جني وبيقول
= يلا ي جني ياسر اجه
بصت جني بكسوف لباباها وقالت
= حاضر ي بابا جايه
بتخرج جني وهيا لابسه فستانها الزهري الرقيق جدا وحجابها وبعض الزينه الرقيقه ويتسلم علي ياسر وبيبص ليها بكل حب وبيميل نحيه ودانها وبيقول
= انا مشوفتش حد بالحلاوه دي قبل كدا
بتبتسم جني بكسوف وبتقول
= علا فكره احنا لسه ف الاول ها مينفعش كدا
ياسر برفعه حاجب
= لا يختي خلاص انتي بقيتي مراتي
بتضحك جني
= مراتك مره واحده طب قول خطيبتي حتي
بيقول ياسر بثقه
= لا مراتي
ابو جني بضحك
= اي يولاد من اولها كدا
بتتكسف جني وبتخبي وشها ف كفوف أيدها وبيقول ياسر
= م انت عارف يعمي أن بحب بنتك
ابو جني بضحك
= اي يعم روميو راعي أنها بنتي
بيضحك ياسر
= خلاص جوزوهالي وانا هقعد ساكت
بيضحكو عليه وبعد وقت بيقول ابو جني
= والخطوبه أن شاء الله تكون يوم الجمعه الجايه مناسب معاكم
ياسر بحنق
= نعم لا مش مناسب خالص انا اليوم الوحيد الي مناسب معايا بكرا
بيقول ابو جني بإستغراب
= بس يبني بكرا مش هنلحق نعمل اي حاجه
بيقول ابو ياسر
= طب ع الأقل ي ياسر يومين نلحق نجهز كل حاجه انتو لسه جايين من سفر امبارح
ياسر بجديه
=ي بابا انا هتصرف وهجهز كل حاجه النهارده ومفيش حاجه هتكون ناقصه وكمل كلامه لأبو جني ثق فيا ي عمي
ابو جني
=خلاص علا خيرة الله أن شاء الله بكرا
ياسر
= تمم ننزل دلوقتي نجيب الشبكه انا كدا كدا معايا الفلوس يعني
ابو جني بضحك
= والله انت ملكش حل
ياسر بحب وهوا بيبص لجني
=بنتك يعمي انا بحبها وكلكم عارفين دا انا لو عليا عايز اجيب المأذون دلوقتي وتبقي مراتي بس نعمل اي بقا هيا عايزه لما تخلص جامعه الاول
ام ياسر
= دا الصح يحبيبي
ام جني
= ايوا هيا كل اما يجيلها حد تقعد ترفض اقولها طب خطوبه تقولي لا وكملت بضحك بس اجه ياسر بقا غير فكرتها للجواز
أن ياسر بضحك
= وانا والله مصدقتش نفسي لما قالي هيخطب قولت اخيرا هشوفك عريس بس الصراحه زين م اختار والله ادب واخلاق واحترام
ابو جني
= ربنا يخليكي يا ام ياسر احنا لينا الشرف والله ان ننسبكم
ابو ياسر
= الشرف لينا والله
ياسر
= طيب يلا ياجماعه عشان ننزل
بينزلو وبينقو الشبكه وبتختار شبكه رقيقه جدا
ــــــــــــــــــــــــــــــــــــــــــــــــــــــــــــــــــــــــــــــــــ
عند صلاح ف المخزن بيكون قاعد ع الأرض بحزن وجسمو خاسس جدا وظاهر عليه التعذيب بيدخل عليه المقنع وبيقول
= خلاص اجه وقتك أن اسلمك للشرطه
بيقول صلاح بهدوء وحزن واضح عليه
=موافق بس عايز اسألك سؤال وترد عليا بكل صراحه
بيستغرب المقنع من حزنه وهدوء وبيقول
=سؤال اي
صلاح بحزن
= هوا فعلا موسي مش ابويا ؟
بيقول المقنع بهدوء
=اه
صلاح بحزن
= وسيد ابويا بجد
المقنع باستغراب
= ايوا
صلاح بدموع متجمعه ف عينه
= تمم وديني للشرطه انا جاهز
بياخدو المقنعه وبيسلمه للشرطه وبيخرج بعد أما بيتأكد ان خلاص معتش في حد هيقدر يأذي معشوقته
ـــــــــــــــــــــــــــــــــــــــــــــــــــــــــــــــــــــــــــــ
تاني يوم عند البنات كلهم بايتين عند جني عشان تجهيزات الخطوبه وبيوصل لكل بنت منهم فستان وياره بيوصلها اتنين
امل بأستغراب
=وصلك اتنين ازاي انتي طلبتي واحد تاني
ياره بأستغراب
=لا مطالبتهوش
مريم بإنتباه
= الحقي دا في رساله مع الفستان
ياره بتمسك الكرت وبتقراء باستغراب
"متلبسيش التاني دا هيكون احلا عليكي عارف عايزه تعرفي انا مين قريبا هتعرفي قريبا جدا لو لبستي دا النهارده ف الخطوبه هعتبرها إشاره منك انك عايزه تعرفيني "
ياره بابتسامة
=انا متحمسه اوي اعرف مين دا
امل بحماس
= تحفه هموت واعرف مين دا الي بيعشقك كدا
مريم بسعاده
= هنخلص من ياره كمان الله
ياره بضحك
= والله انتي مجنونه
جني بضحك
= البطل المنقذ هياخد ياره ع الحصان وياخدها ويطير
ياره بضحك
= اه مش هخلص منكم انا عارفه يلا عشان نلحق نلبس
بيدخلو البنات وبيجهزو وبيخلصو لبس
جني " العروسه " بتلبس فستان بيج هاند ميد وهيلز بيج وطرحه وميكب رقيق جدا
مريم وامل بيلبسو نفس استايل الفستان ونفس اللون وبيكون اللون ازرق فيه بعض الهاند ميد الرقيق جدا ع الصدر وهيلز ازرق وطرحه وبعض الميكب الرقيق جدا
وياره بتلبس فستان تاني الي الشخص جبهولها بيكون زهري وانيق جدا مع حجاب وهيلز زهري
بيجي ياسر ب البدله البيج والحذاء الكلاسيك وبياخدها وبينزلو بيركبو العربيات ووراهم امل ومريم وياره
بيوصلو عند القاعه وبيدخلو العرسان وبيدخلو وراهم البنات بيبداءو يرقصو سلو والبنات واقفه حواليهم والفرحه ماليه المكان وبعد انتهاء الرقصه بيلبسو الشبكه بيجي من بعيد دكتور ياسين
"نفس الشاب الي كان قعد مع ياره ف اول بارت"
وبيطلع يسلم عليهم وبيتوجه ناحيه ياره وبيسلم عليها وبيقول
= عقبالك ي ياره عقبالكم يابنات
ياره
= ميرسي جدا يادكتور ياسين
ياسين بسعاده
= تعرفي ي ياره مش انا رجعت ل خطيبتي
ياره باستغراب
= ازاي مش هيا..
قاطعها ياسين وهوا بيقول
= كان عندها كانسر عشان كدا كانت بتكرهني فيها سابتني وسافرت عشان تتعالج وبعدين قابلتها من يومين وقالتلي ع كل حاجه وانا مصدقت الصراحه لان مقدرتش انساها ابدا
ياره بسعاده
= الف حمدالله علا سلامتها حقيقي مبسوطه ليكم ربنا يتمملكم علا خير يارب
عند مها وموسي
مها بحب
= موسي
موسي بحب
= عيونو
مها بكسوف
= انا رفعت قضيه خلع علا سيد وخلاص انفصلت عنو
موسي بفرحه وحب
= انا كمان طلقت سهي... يعني موافقه ترجعيلي
بتهز مها راسها بحب
= ايوا موافقه
بيبتسم موسي بحب
= اخيرا انتي بجد وحشاني جدا
لسه مها هترد بيتفاجئو بدخول شخص القاعه لابس قناع ونظراتو متوجهه ناحيه ياره لابس بدله سوداء فخمه وانيقه وبيقرب عليها وبيقول
= اجت الحظه الي تعرفي فيها انا مين
بتبصلو ياره وقلبها يدق بشده وبيكشف فجاءه عن وجهه والانظار كلها بتتوجه ناحيتهم
بتتفاجئ بشخص غريب متعرفهوش بس جميل ملامحه حاده ودقن محدده وعيون صقر ووسيم للغايه وبيقول بحب
= مش فكراني ي ياره
ياره بتفكير
= حاسه ان وشك مألوف عليا بس شوفتك فين مش عارفه
بيقولها بحب
= انا ادم ي ياره صديق طفولتك كنا ديما بنلعب ف الشارع سوا فاكره
ياره بتتفاجئ بسعاده
= بتهزر صح انت ادم بجد
ادم بحب
= ايوا انا الي عشت عمري كله احلم بيكي ولما خلاص قررت انزل واجي اتقدم لقيتك اتخطبتي مرضتش اقف ف طريقك بس بعدين لما عرفت الي الندل عمله دا مقدرتش أتمالك اعصابي وكنت هنزل بس للاسف حصلت مشاكل ف الشركه بتعتي ومعرفتش بس كنت متابعك ع طول كنت عارف كل تحركاتك كل مكان كنتي بتروحيه كان بيكون في شخص مراقبك
ياره بصدمه
= طب وانت عرفت ازاي أن بكون ف خطر زي يوم المطعم كدا
ادم بحب
= يوم خطف العربيه في شخص كان واقف برا الجامعه مستنيكي تخرجي عشان يراقبك شافك وانتي بتتخطفي كلمني وكنت اصلا ف امريكا بتابع شركتي الي هناك وبصدفه حصل الخطف ف يومها رجالتي قدرو يحددو مكانه واتحركنا فوراً ولحقتك منهم ولي بقا اخدتك ع الكوخ عشان يستي كنتي مغمي عليكي ومكنتش هطمن اسيبك غير وانتي بخير
أما بقا عن المطعم ف عندي صاحب ليا شغال هناك كنت بكلمه بالصدفه وهوا بيقولي أن في واحد اجه لزميله ف الشغل وعايزه يقتل بنتين جني وياره وهوا وافق بسبب الفلوس بس محدش منهم عرف أن هوا سمعه وقتها انا كنت بعرفه أن عندي ليه شغل جنب شغله ف المطعم لانه كان كلمني قبل كدا علا شغل وحاولت اقنعه يسيب شغل المطعم بس مرضاش وبالصدفه سمعت الحوار دا منه وشكيت ف الموضوع ولما الراجل الي بيراقبكم قالي انكم داخلين المطعم عرفت الي فيها واجيت
بخصوص الشقه برضو كان في رجاله تبعي وقفين تحت وعرفت منهم برضو واجيت لحقتك بس للاسف معرفتش افضل معاكي ف المستشفي واتطريت امشي بعد أما اطمنت انك بخير لا قولت انا هظهر بس ف وقت مناسب وقولت بما أن اهلك حواليكي همشي وانا مطمن وكان في رجاله تبعي ماليه المستشفي
بخصوص بقا لي معرفتكيش بحقيقتي حبيت أظهر بعد اما خلاص نكون اتخلصنا من كل الأعداء
وكمل بحب تتجوزيني ي ياره
كنت واقفه مصدومه بسمع كل كلمه منه وانا مش مصدقه الي وداني بتسمعه يعني اي بيحبني انا وازاي وأمتا احنا كنا صحاب بس عمره م بين ليا حاجه خالص منكرش أن كنت ف الاول منجذبه ليه بس معرفتش احبه لأن مكنش مبينلي حاجه خالص لما اتخطبت لطليقي كنت لسه صغيره كنت قاعده لوحدي كنت حاسه ان مش مرغوب بيا ف وافقت عليه مع أنه كان اكبر مني بكتير جدو وجدتي حاولو كتير يقنعوني بس انا رفضت كنت محتاجه احس بحب وحنان وهوا اجه وأداني كل دا بس ف الآخر كسرني
فوقت من شرودي وهوا بينزل ع ركبته وبيطلع خاتم جميل جدا وبيقول للمره الثانيه
= تتجوزيني
بصيت حواليا لقيت اهلي بيشاورولي بالموافقه ف بصيلته وقولت بسعاده
= موافقه
لبست الخاتم بسعاده واضحه عليا اخيرا قلبي ارتاح اخيرا لقي امانه
وفي شابين اتقدمو ناحيتنا وواحد منهم قال بمرح
= طيب طلاما كدا بقا انا عايز اتجوز امل
وقال التاني
= وانا عايزه العسليه الي جنبها دي
ابتسمت مريم وامل بكسوف
وقال ادم باستغراب وضحك
= بس احنا منعرفش انتو مين
بيجي ياسر وبيقول بمرح
= لا الصراحه انا موافق ذياد ومصطفى رجاله محترمه وامل ومريم زي اخواتي وانا اكيد مش هوافقلهم ع اي حد كدا
بيقول ذياد بمرح
= اشطا بقا تعالي بقا هنا كدا يا امل انتي خلاص بقيتي مراتي رسمي
بتتكسف امل وبتقف جنبه
بيقول مصطفي بضحك
= مريووومي تعالي اقفي جنبي اشمعنا احنا يعني
بتضحك مريم بسعاده وبتقف جنبه وبيظهر ع الأهالي أنهم موافقين بيقفو كلهم بيتصورو صوره
امل وذياد جنب بعض وجنبهم مصطفي ومريم وجنبهم جني وياسر وجنبهم ياره وادم
بيبص ياره وادم لبعض وبيقول ادم بابتسامه
= ياره
ياره بخجل
= نعم
ادم بحب
= في عينيكِ بحر من السكون
يخفي خلفه ألف بركان
تضحكين، والقلب يرقص فرحاً
وفي دموعك، ألف حكاية وألف أمان
في ابتسامتكِ، شروق الشمس
وفي عينيكِ، ليل به نجوم
أنتِ القمر الذي يضيء دربي
والنجم الذي يرشدني في الظلام
يا حلوة، قلبي ونور حياتي ",
"تــــمــــت"
خلصتي؟ الرواية الجاية أقوى وأحلى… تعالي وعيشيها معانا👇