رواية اسلام وكارما للكاتبة سلسبيل احمد هي حكاية تنبض بالمشاعر وتفيض بالصراعات الداخلية والخارجية، حيث تتقاطع الأقدار وتتشابك المصائر في قصة حب مختلفة لا تخضع للمنطق أو الزمن.في رواية اسلام وكارما، يعيش القارئ حالة من الانجذاب العاطفي والتوتر النفسي، وسط أحداث متسارعة تكشف أسرارًا مدفونة وقرارات مصيرية تغير كل شيء. الرواية لا تقدم حبًا مثاليًا، بل واقعيًا، مليئًا بالتحديات والتضحيات.
رواية اسلام وكارما من الفصل الاول للاخير بقلم سلسبيل احمد
- اية قلة الادب دي؟
= فين قلة الادب دي
- خارج البلاكونه بفانلة!!
= دي قطونيل
- قطونيل هي هتفرق؟
- طب احترم نفسك بقي وغور اللبس تي شيرت
= انتي مالك؟
- بطل رخامه يا اسلام و اللبس تي شيرت
= لا الجو حر مش عاجبك ادخلي انتي وبعدين خدي ازاي تخرجي فالوقت ده اصلا
ضحكت على تغيره للموضوع : بجد ؟ انا في بلكوتنتنا براحتي بقي ولا انت بتقول اي كلام
- لا وانا كمان براحتي
= طب وانا كمان براحتي بقي هقلع التي شيرت ده زيك
- عشان اشلك راسك قبل ما التي شيرت يخرج منها
= يع يمهزق بطل قرف متجوزة مجرم
- لا متجوزة الى بيقبض عالمجرم
= خلاص ياحبيبي عرفنا انك ظابط
- مقدم يحبيبتي مقدم
= يلهوي على تقل دمك
- خلي بالك عدم احترام الزوج جريمه
= اسلام
- نعم
= اتلهي
- طب مش ناويه تصالحيني
= انت الى مزعلني يا بارد وانا مش بكلمك
- امال بتكلميني ليه دلوقتي؟
= عشان كنت خارج من غير تي شيرت
- وانتي مالك
= معاك حق
- خدي بس استني متدخليش كارما!
دخلت وسبته انا بحب اسلام من طفولتي تقريبا هو ابن عمي الى كل بنات العيله كانت بتحبه برضو عشان قمور و مقدم فالداخليه وعنده كاريزما وتقيل كلامه قليل اوي مع الكل لكن معايا كان مختلف عملنا فتره خطوبة وبعد شهر طلب ايدي واتجوزنا كان الموضوع سريع اوي
لحد دلوقتي بعد اسبوعين من جوازنا جينا البيت عند جدو فالاجازه كان يوم اجتمعت فيه العيله بتاعت بابا عمامي الاتنين و عمتي وانا و اسلام
وسمعت اسوء حاجه ممكن حد زي يسمعها
فلاش باك #
- ها عامل اية مع كارما يا اسلام
= كويس
- شوفت قولتلك كارما مناسبه ليك
= لكن متنساش يا جدو انت الى فرضتها عليا
- عشان عايزك تتجوز وتتلم
= اها انا ابويا نفسه مقدرش عليا بس حضرتك بقي روحت اخدت معاد مع عمي وحطتني قدام امر واقع وانا مرضتش اصغرك
باك #
ساعتها مقدرتش اكمل واسمع باقي الكلام لما حد في موقفي يسمع ان حب طفولته اتجوزه مجامله يبقي هعمل اية!
اتخانقت مع اسلام على سبب تافه وروحت ابات في اوضه لوحدي لحد ما اشوف هطلق ازاي..
- كاااارماااا
= اسلام؟ اطلع بره جاي ليه؟
- مش هتبطلي عند بقي ولعب عيال
= لو سمحت
- يعني هتنامي لوحدك
= اه ومش هكلمك
- امال بتخرجي البلاكونه ليه ها؟ يعني مش عشان وحشتك
= والله لو اعرف ان الاوضه الى هبات فيها بلاكونتها جمب بلكونتك مكنتش خدتها ولا خرجت
- بقي كدا
= اه
- طيب تمام براحتك
خرج و سابني طبعا هيتحايل ليه مهو مغصوب عليا
الله يسامحك يا جدو
قعدت عالسرير و نمت لكن صحيت الساعه 1 بليل على صوت نكش بفتح النور لقيته فار قعدا اسرخ وفي ثواني لقيت اسلام فى الاوضه جريت عليه لاقيته حضني وهو مخضوض : فيه اية!
= فار ... فار كبير اوي تحت السرير
- طب اهدي ، اهدي خليكي بره وانا هخرجه
خرجت وهو قفل الباب لقيت البيت كله صحي من صوتي وعرفوا ان في فار
جدو بصلي - انتي كويسة يا ليلي
= انا مش هقدر ابات هنا تاني يا جدو
- يابنتي اهدي بس
= لا حضرتك عارف اني مش بحبهم
" فالواقع عندي فوبيا منهم "
= اسفه يا جدو عالي حصل
اسلام خرج : موته خلاص
بنت عمتي بصتله بأعجاب: جدع والله قتلته ازاي
اسلام تجاهلها وبصلي وانا فرحت اوي : انتي كويسة
شوفت وشها وهو بيطلع نار وقالت
- مش كنت تباتو سوا احسن متسرعينا فنص الليل عشان حتت فار
وطيت راسي فى الارض من الاحراج لقيت اسلام قرب ورفع وشي وباسني قدامهم كلهم : متخافيش مفيش فران هتخضك تاني
اتوترت جدا خد ايدي ودخلنا اوضته وقعد فضلت واقفه وانا مش فهماه
بعدين فوقت ومسكت موبايلي
- هتكلمي مين دلوقتي
= هكلم احمد اخويا يجي يخدني
- بتقولي اية؟
= مش هقدر ابات هنا انت عارف اني بخاف منهم فا لو سمحت تسبني يعني
- خلاص هوصلك انا
= لاء
- هي دماغك دي مفهاش غير عند بتعملي كدا ليه
= مش بعمل حاجه وشكرا عشان لحقتني
- كارما انا جوزك معتقدش مفروض نتعامل كدا
حتي معرفش زعلتك ف اية
= مزعلتنيش
اتكلم بنفاذ صبر:...
..يتبع
↚
- هتكلمي مين دلوقتي؟؟
= هكلم احمد اخويا يجي يخدني
- بتقولي اية؟
= مش هقدر ابات هنا انت عارف اني بخاف منهم فا لو سمحت تسبني يعني
- خلاص هوصلك انا
= لاء
- هي دماغك دي مفهاش غير عند بتعملي كدا ليه
= مش بعمل حاجه وشكرا عشان لحقتني
- كارما انا جوزك معتقدش مفروض نتعامل كدا
حتي معرفش زعلتك ف اية
= مزعلتنيش
اتكلم بنفاذ صبر- لاحظي اني مبتكلمش مع حد مش بتحايل على حد ولا بدادي ومليش خلق لكل ده بس احنا فى بينا علاقه لو ناسيه احنا متجوزين
= لو شايف اني زهقتك متتحايلش وسبني عادي
- اسيبك ازاي مش فاهم
= معرفش شوف انت طلقني مثلا
- انتي عبيطه هو انتي مغصوبه عليا يبنتي في اي
= هو احنا في بينا حب مثلا؟ متجوزين ليه
بصلي بنظره غريبة - يعني انتي مش بتحبيني
= لاء و احمد بيرن بعد اذنك هكلمه
مسك الموبايل مني
- اسلام هات الموبايل
= لاء
قربت - اسلام لو سمحت هات الموبايل
= لاء
قربت اشده منه رفعه لفوق بسرعه فا خبط في صدره وكنت قريبه جدا منه قربني اكتر بأيده التانيه وباسني
فضلت متنحه وبصاله
اتكلم بثقة: بتحبيني
زقيته بغل بعيد عني: روحني دلوقتي بدل ما انزل لوحدي
- ماشي يا كارما زي ماتحبي
روحنا البيت بتاعنا زي ما طلبت ولما دخلت بصلي حسيته هيتكلم ويسأل مالك فا مشيت من قدامه ودخلت الحمام بس بعد وقت كنت هنام سمعته بره كأنه خارج فا خرجت
- انت رايح فين الفجر؟
= مهتمه تعرفي يعني!
بصيت للارض
= مش مهتمه هو بس تلاقيه حب استطلاع او مهتمه والعند بتاعك مانعك تتكلمي عموما عندي مهمه فى شرم الشيخ
- هتسافر! انت ازاي كنت خارج من غير متقولي !
= اعتقد انتي عارفه اجابه السؤال
ده هيمشي !! عاوزة اقوله اي حاجه ! عاوزة اقوله متمشيش او خلي بالك من نفسك شغله كله حْطر! بس ازاي انا مش قادره انا من يوم ما سمعته هو وجدو واتبني بينا حاجز!
>>>>>>>>>>>>>>>>>>>>>>>>>>>>>>>>>>>>>
* بعد يومين *
- ها يجدو برضو مش هيجي؟
= مش عارف بس هو موصيني متبقيش لوحدك باتي هنا انهارده ومتخفيش مفيش اي فران
- ابتسمت بحزن لما افتكرت حضني ازاي وانا خايفه من الفار
الليل جه والكل كان نايم وانا بس الى صاحيه طلعت على سطح البيت دايما بحب الاماكن العاليه بتحسسني اني شايفه العالم يمكن عشان طول عمري حابسه نفسي..
سمعت صوت ومفكرتش فحاجه غير فران وكنت هصوت لقيت الى بيحط ايده على بوقي
- ششش متخفيش انا مش فار هشيل ايدي واوعي تسرخي احنا الفجر يحببتي
= اسلام؟
- هو انتي مستنيا حد غيري ولا اي
مشاعر كتير اقوله وحشتني ؟ ولا انت كويس ولا احضنه ولا اعمل أ.. قاطع افكاري وحضني هو
= عارف اننا مش كويسين دلوقتي بس وحشتيني اوي مع انك حتي مكلمتنيش تسألي عليا مش يمكن اخدت رصاصه وموت ؟
خرجني من حضنه وهو بيبتسم بزعل بس انا دموعي كانت مغرقة وشي
- كارما مالك في اية انتي كويسه ؟
مش كويسه من غيره مش كويسه وانا كاتمه فقلبي كتير! مش كويسه وانا قاسيه على حبي الوحيد!!
= انا كويسه بس مش .. مش عارفه
- ششش طيب اهدي تعالي معايا تحت
_________________
نزلنا وفضل حاضني اداني امان وحب معرفش ازاي
= هديتي؟
- ايوا انا
= انتي فيكي اية انا عاوز افهم محتاج افهم عشان المشكله متكبرش
- انا سمعتك انت و جدو سمعتك وانت بتقوله قد اية مدايق عشان خلاك تتجوزني و سمعت انه خد معاد من بابا بدون علمك وحطك قدام امر واقع انت بختصار مكنتش عايزاني مش بتحبني
بصلها بأندهاش: فعلا
- فعلا اية؟
= فعلا ده حصل
- انا مبسألكش انا عارفه انه حصل وكنت شكه كدا كدا عامة انا هاروح انا عند بابا وتقدر تمشي في الطلاق
اسلام بصلها:
يتبع..
↚
- هديتي؟
- ايوا انا
= انتي فيكي اية انا عاوز افهم محتاج افهم عشان المشكله متكبرش
- انا سمعتك انت و جدو سمعتك وانت بتقوله قد اية مدايق عشان خلاك تتجوزني و سمعت انه خد معاد من بابا بدون علمك وحطك قدام امر واقع انت بختصار مكنتش عايزاني مش بتحبني
بصلها بأندهاش = فعلا
- فعلا اية؟
= فعلا ده حصل
- انا مبسألكش انا عارفه انه حصل وكنت شكه كدا كدا عمتا انا هاروح انا عند بابا وتقدر تمشي في الطلاق
= هو انتي بتجري ليه بالكلام
- عشان اوفر عليك
= انا مش هكدب ان فعلا جدو عمل كدا بس انتي قولتي اني كنت مدايق وانا مقلتش ده و واضح كمان انك مكملتيش وانتي بتسمعينا
- انا مش بتصنت على حد انا سمعت بالصدفه
= ياريتك كنتي كملتي هو انتي مسألتيش نفسك مدام جدو حطني قدام امر واقع اخطبك طب مين خلانا نتجوز بسرعه
- اكيد جدو
= لاء ده انا ، انا مرتبتش اي حاجه وطلبت ده من نفسي منك ولما وافقتي فرحت فرحتي مكنتش تتوصف واظن لاحظتي ده
- فعلا بس كل ده كان كدب انت مصارحتنيش وكلكوا ضحكتوا عليا واستغلتوني
= فين الاستغلال اذا كنت بحبك بجد! والا مكنتش هتجوزك احنا ولاد عم بقالنا 25 سنه واظن تعرفيني اكتر من كدا
- بتحبني ؟ لا وسعت منك منكرش انك بتعاملني كويس بس ده مش حب ابدا يمكن ده حلاوة اول اسبوعين جواز بس
= انتي ليه مبتسمعيش غيرك نفسك
- تقدر تقولي مصارحنتيش من الاول ليه احنا طول عمرنا بنتجمع منظر ومش قريبين
= طب يا كارما حلو متسألي نفسك مش بنقرب ليه
- ليه؟
= لانك حابسه نفسك في حته معينه ورافضه حد يدخلها وانا مش سهل عليا افرض نفسي على حد
- بجد والله طب مكنتش سمعت كلام جدو بقي
= مكنتش هسمع كلامه لو مش على مزاجي
بصتله بعدم فهم و اللحظه دي بدأت تفكر لو هو فعلا مش عاوز هيوافق ليه معقول عشان جدو هيعمل كدا؟؟
مكنتش عارفه افكر لحد ما فوقني صوته
- ساكته ليه م طبعا مش لاقيه كلام و عشان حضرتك عنيده مش هتعترفي بغلطتك
= انا مش غلطانه انت الى غلطان
- يا الله عليكي !!
= ليه قولت لجدو انا كويس مع كارما اها بس انت الى غصبتني عالجوازه دي !
- لان قولتلك دي حقيقه وكنت مضايق عشان حسيته لوي دراعي وانا مبحبش كدا كنت مضايق منه هو انتي ملكيش علاقه كارما انتي عارفه كويس اني مش باجي بالطريقه دي من الاسبوعين الى عشناهم سوا
= اها عارفه وجيت بيها ليه بقي وسمعت كلامه
بزعيق: عشان بتزفت و بحبك !!!!!
كارما رجعت خطوه وخافت وبعدين بصتله وقالت بعناد
وعصبيه : انت مقلتليش انك بتحبني كان هيغير حاجات كتير اوي بس انتوا جيتو على كرامتي اوي بالحركه دي تعرف يعني اية يغصبك عليا؟ انا لو من الشارع مش هتعملوا كدا
= انتي مكبره الموضوع عشان مش راضيه تعترفي
- اعترف ب اية
= ان انتي بتحبيني ياكارما
صدمه مخي مقدرش يرد عليها لانها حقيقه انا فعلا بحبه او يمكن بحبه دي كلمه قليله انا بحسو جزء من روحي تؤام طفولتي و حب حياتي لكن طبيعتي بتفرض عليا تصرفاتي العنيده مشيت ومردتش عليه يومها هربت من مشاعري بمعني اصح..
روحت مكان ميكنش فيه اول واحد وقفلي جدو لكن انا بَخيت سمي زي الافعي واتخانقنا عشان الى عمله معايا وسبت كل ده ومشيت مشيت في حته تانيه.. مكان اشوف منه كل الدنيا..
________________________
صلي على محمد
- وبعدين يا اسلام ؟ لقتها؟
= لاء يجدو
- انا اسف يا بني
= انت ذنبك اية ! هي الى ...
والله ما عارف اسمي الى بتعمله اية جدو انا ...
انا بحبها اوي انا حبيتها اكتر لما قربت اعمل اية
- كارما عندها مشاكل مع نفسها يا اسلام ساعدها عشان تحارب ده ومتحاربهاش هي
= مهي رافضه انا تعبت تعرف انا عمر ما حد عمل فيا كدا انا بتجنب الكل حتي في شغلي بيستغربوا ازاي مقدم فالداخـ ـليه ومش بختلط بحد بس كارما كنت بحبها من بدري اوي وكل ما اجي اقرب تحدف كلام وتصرفات! امال لو مكناش ولاد عم
تعرف ان الحركه الى عملتها احسن حاجه عملتهالي انا كنت خايف اقولها علي شوية غرور كدا جيت انت حطتني قدام امر واقع وانا انتهزت ده واتجوزتها لما حسيت انها بتحبني
= مهي بتحبك انت فاكرني مش عارف كل واحد فيكم فاكرني معرفش انك بتحبها صح م انت مش بتشوف نظراتك ليها اسلام انا عملت كده وانا عارف ان انتوا عندكم مشاعر لبعض
- ايه؟
= ابن امبارح فاكرني مش فاهم
- مش قصدي بس قولت هي عندها مشاعر ليا
= بالظبط والا مكنتش وافقت عليك بس هي كرامتها وجعتها لما فهمت غلط
- مانا حاولت افهمها!!!!
= لا انت اتعصبت عليها ياحبيبي اعترفت بحبك ليها فوقت غلط
- لا ياجدو انا .. ثانيه كدا ؟ انت مين قالك اني قولتلها بحبك اصلا
= ها؟
- جدو ؟ انت مخبي عليا اية؟
= انا يابني هخبي اية يعني
قومت من مكاني وانا جايب اخري: انت كارما حاكتلك عالي حصل واكيد عارف هي فين صح
= هو... اها بصراحه
- وسايبني قالب الدنيا عليها يومين ؟
= ايوا
- وبتسألني هي فين وبتستغباني؟
= مش اوي يعني
- اديني سبب واحد يخليك تعمل كدا !!!!
= بصالحها الصراحه كل واحد يدفع تمن غلطته قالتلي متعرفش حد انا فين ومش هزعل منك
- اصلا ؟؟ دانتوا اتفقتو وبعتني !!!!
= يرضيك يعني اموت ولا يجرالي حاجه وتبقي البنت زعلانه ولا في بينا مشكله
- اممممم لا ربنا يديك طوله العمر وتقولي هي فين بدل ما ادبحلك نفسي انا هنا
= استهدي بالله يحبيبي بس
بعصبيه : استهدي بالله !!!!
" لا اله الا الله "
- استهدي باالله اية!!! دي مشيت وضحكت عليا
= فهمني ااية بس الى حصل عملت كده ازاي
اسلام بنرفزه .. بدء يحكي
فلاش باك #
- كارما لو خرجتي من الباب ده انا ها...
= ها هتعمل اية
- هكسر رجلك
راحت فتحت الباب وخرجت وبصتله: اكسر رجلي يلا
- انتي بتتحديني ؟؟ ولما اكسرهالك العناد هينفعك
= انا رايحه عند جدو لو سمحت متزدوش الموضوع بينا انا عاوزة ابقي لوحدي عشان اهدي
باك #
- باس يا جدو قولت خليك عاقل يا واد وسبها تروح تقعد عن جدها وروح اصالحها اجي اللقي الهانم مختفيا
= لا هي كدا نقرت الاتفاق الى بينا لانها محكتليش الحته دي انا كده اضحك عليا
- حلو هي فين بقي
= بس متعرفهاش؟
- عيب عليك
= هي في( ............)
شد مفاتيح عربيته وباسه - بحبك يا احلي جدو
= استني يا اسلام حاجه اخيره
- قول
= متعاتبهاش دلوقتي طمنها وحسسها انك هتفضل جمبها قولها كل الى قولته ليا عرفها بتحبها قد اي
- حاضر
ركب العربيه و طار لعندها كارما كانت في كامب مكان عند الجبل كان فالمقطم اسلام وصل و شافها واقفه وحطها ايدها في جيبها بتبص للدنيا بعمق
خد نفس وراحلها حست بحد وراها واتخضت
- اهدي ده انا
= انت !! انت ازاي عرفت اني هنا
- بمجهودي
= مستحيل جدو قالك صح !
- بقولك بمجهودي جرا اية مش واكل معاكي اني ظابط
= ظابط ولا مقدم
- مش انتي بتقوليلي ظابط يبقي ظابط
قرب منها = خلي بالك لو حد سمعني هيحفل عليا
- محدش هيسمعك مفيش غيرنا
= انتي ازاي قاعده لوحدك كدا و هنا مش خايفه
- انا طول عمري لوحدي ولا نسيت دا انت الى قولتللي حتي اني بحبس نفسي
= بتضحكي عليا وتمشي وتسبيني
- سبتك؟
= ايوا انتي لسه مراتي ومكنش ينفع تعملي كدا
- معاك حق
= اخيرا
- طلقني بقي
= يا ربنا عليكي!
- عامة في واحد تحت مش بيطلع اي حد الحته دي اكيد قابلته فا متخفش انا في امان وبعرف احمي نفسي واحمد اخويا عارف اني هنا و جدو.
= و انا ؟
- وانت ايه
= متعبتيش من المعافره و العند
- انا مش
قاطعني وحضني لتاني مره = كنت عايز اعمل كدا من ساعه ما شوفتك
ايده حاوطتني احساس امان ميتوصفش طاقه حب مش قادره اتحملها دموعي خلاص كانت هتنزل بعدت بهدوء فا مسك ايدي وباسها
- اسف لاننا عملنا كدا مع اني مش عارف بتاسف ليه وانا من حظي ان جدو عمل كدا وشجعني وخلاني استغل الفرصه واتجوزك لاني بحبك يمكن من اول ما اتولدتي وزي ما انتي عنيده انا مغرور ومكنتش بحب ابين مشاعري ولا اقرب بسبب انك قافلة على نفسك وبتتجنبي الكل
= كنت بتحبني!
- ايوا ولسه بحبك
= كنت بتحبني حتي وانا متوحده ومش بكلم حد
- كنت حاسس بيكي
= وانت عارف اني مُعقده؟
- كنت بحبك برضو
= وليه فضلت ساكت
- عشان مهدش كل حاجه صغيره كانت بينا مكناش قريبين اها بس كان بينا مواقف محفوره فمخي بحبها مكنتش عايز اخسرها لو قولتلك ورفضتيني
= مواقف؟
- ايوا لما كنا بنتجمع كنتي بتقعدي جمبي انا بالذات بتقولي كلمه واحده او اتنين ليا و بس مش بتتكلمي مع حد غيري لما نيجي ناكل واديكي اي حاجه وتخديها وانتي تديني حاجه وبخدها برضو واحلي حاجه لما ..
ابتسم وهوا بيتكلم وعيونه بتلمع :
لما كنتي تيجي تباتي فالاوضه وقبلها تجيلي تقوليلي
بهدوء كدا : " اسلام ممكن تشوف الاوضة عشان لو في فار او حاجه "
ساعتها كنت بحس اني بقدر اساعدك فحاجه وانتي بتطلبي مساعده مني انا بس برضو مع ان نادر ابن عمك موجوده واكبر مني و جدو و احمد اخوكي
و ياسين ابن عمك التاني طبعا مش هقول سناء بنت عمتك عشان كدا كدا مش بتحبيها
كارما ابتسمت وهي عينيها مليانه دموع : انت ليه شايل كل ده ، لو كنت اعرف كل ده يمكن مكنتش زعلت الزعل ده كله انا الموقف جرحني عشان كنت...
- كنتي اية؟
= مش قادره اقولك
قربها ومسك ايدها - اسمعيني يا كارما ايا كان المشاكل الى عندك انا هحاربها معاكي
= انا مش بعترف بيها اصلا يا اسلام انا قافلة على نفسي ومش بحب اتعامل مع حد خايفه من الدنيا انا كل ما اتعب بهرب هنا مكان عالي اشوف العالم منه وساعتها احس اني جريئه وشايفه كل حاجه
- انا هساعدك نظهر للعالم ده سوا هبقي جمبك مش هخلي حاجه تأذيكي ولو بنسبه صغيره
انا بحبك مستعد لأي حاجه عشانك بس مش عارف انتي بتحبيني ولا لاء
= انت عارف انا ليه زعلت لما سمعتكم
- ليه
= عشان بحبك انت الوحيد الى حبيتك وكنت بتكلم معاك حتي لو قليل زي ما قولت بحبك من وانا طفله فا تخيل شعوري لما اسمع اني حبي الوحيد بعد ما خلاص اتجوزني ورسمت حياتنا سوا كان مغصوب عليا!
اسلام بصلها بعدم وعي: اسف بس انا مسمعتش اي حاجه من الى قولتيه غير كلمه بحبك
كارما ضحكت وهي بتعيط وهو مسح دموعها
: هو انتي بتتكلمي جد
- انا هقولك حاجه مره واحده بس وهاجي على شعور العند بتاعي
انا بحبك يا اسلام
اسلام شدها لحضنه وانا بموت فيكي
>>>>>>>>>>>>>>>>>>>>>>>>>>>>>>>>>>>>
" تمت "
خلصتي؟ الرواية الجاية أقوى وأحلى… تعالي وعيشيها معانا👇