رواية وش مزيف للكاتب مصطفي جابر هي حكاية تنبض بالمشاعر وتفيض بالصراعات الداخلية والخارجية، حيث تتقاطع الأقدار وتتشابك المصائر في قصة حب مختلفة لا تخضع للمنطق أو الزمن.في رواية وش مزيف، يعيش القارئ حالة من الانجذاب العاطفي والتوتر النفسي، وسط أحداث متسارعة تكشف أسرارًا مدفونة وقرارات مصيرية تغير كل شيء. الرواية لا تقدم حبًا مثاليًا، بل واقعيًا، مليئًا بالتحديات والتضحيات.
رواية وش مزيف من الفصل الاول للاخير بقلم مصطفي جابر
بت يا ريم مش دا مراد خطيبك مين اللي المزه اللي معاه دي.؟
ريم بصدمة: اه هو ..معرفش مين دي استني هنا هروح اشوفه.
راحت ناحيته: مراد .. انت بتعمل ايه هنا ؟ هو دا اللي عندك شغل ومش فاضي تخرج معايا.
الشاب باستغراب: افندم مين حضرتك.؟
ريم بغضب: نعم اي اللي مين حضرتك انت هتمثل انك متعرفنيش .. أنطق وقولي مين دي.
البنت بغضب: انا مراته يحبيبتي انتي اللي مين بقي ؟
ريم بصدمة: م مرات مين انت طلعت متجوز وبتخدعني طول السنين دي .
الشاب باستغراب: والله يا ملك معرفهاش ولا عمري شوفتها دي شكلها جاية توقع بينا ولا ترمي بلاها علينا ...مين اللي بعتك يا بت انتي.
ريم بدموع: يا غشاش يا كداب انا خطيبتك وفرحنا بعد شهر.
ملك بغضب: خطيبته ؟؟ ااااه عشان كدا انت متغير معايا اتريك طلعت خاطب عاوز تتجوز عليا لييي ناقصك اي عشان تتجوز.
الشاب بخوف: قسم بالله دي كدابة انا معرفهاش وحياة عيالنا معرفهاش.
ريم بزعيق: انت واحد رخيص ومتسواش بتلعب ببنات الناس احسن لك يا هانم تطلقي منه وانا بكرهك يا مراد ووالله لنتقم منك .
سابتهم وجريت بدموع..
ملك بغضب: انا ريحه بيت اهلي وورقتي توصلني يا خاين.
.. سابته وجريت هي كمان علي برا..
.. في مكتب ما..
مراد كان قاعد بيشتغل دخل الشاب بغضب: قوم فز معايا عاجبك اللي حصل لي بسببك دا.
مراد باستغراب: في اي يا حاتم داخل متعصب لي كدا.
حاتم بغيظ: انت خطبت من ورانا مش كدا ؟
مراد بتوتر: ايوه ... بس عرفت منين ؟
حاتم بغيظ: خطيبتك المصونه شافتني انا وملك وجت عملتلي فضيحه افتكرتني انت يا بيه و اكيد زي ما خطبتها من ورنا مش قايل ليها انك عندك أخ تؤام مش كدا.
مراد بهدؤء: معلش يا حاتم مجتش فرصه احكيلها عن عائلتي لأن ريم دي حب حياتي وامك مش موافقة عليها عايزاني اعمل اسيبها تضيع مني ؟ روحت وخطبتها وقولت لما نتجوز احط ماما قدام الامر الواقع وبعد كده اعرفكم عليها
حاتم بغضب: انت مخك جرا له اي ؟ بسببك بيتي هيتخرب و هي اتكسرت لما افتكرتني حبيبها منك لله يا مراد في ثواني خلتني في نظر ام عيالي خاين و نظر خطيبتك رخيص اعمل فيك اي قولي.
مراد بحزن: خلاص اهدي انا هصلح كل حاجه وهقول ل ريم الحقيقه وهروح ل مراتك اعرفها انه ريم خطيبتي.
حاتم بغضب: وهي هتصدقك هتقول اني اتفقت معاك عشان تنقذني من الورطة دي.
مراد بهدؤء: انا هصلح كل دا سيبها بس عليا ومتقلقش.
حاتم قعد بتعب: وريني هتصلح ازاي كان يوم اسود يوم ما طلعنا تؤام.
مراد بضحك: بس اي رأيك امك نفسها مبتعرفش تفرق بينا.
حاتم بضحك: لسه فاكر لما أمك تحط لكل واحد فينا اكله في طبق وانت بسلامتك كنت بتاكل اكلي و امك تفتكر اني كلت ..ولا المصروف.
مراد بضحك: اسكت دا انا كنت ملك زماني واحنا صغيرين.
حاتم بابتسامة: انت هتقولي تعمل مصايب وتلبسها فيا.
مراد بابتسامة: تعيش وتلبس يا اخويا هروح انا بقا اظبط اللي حصل.
حاتم بابتسامة: استنا انا جاي معاك عشان خطيبتك تصدق وناخدها ونروح لمراتي.
مراد بهدؤء: ماشي يلا سيب عربيتك وهناخد عربيتي.
بعد شويه..
في اوضة ريم..
ريم بدموع: بقا انا يضحك عليا ويفهمني انه بيحبني ويطلع متجوز ومخلف ويعمل ميعرفنيش.
امها بحنان: معلش يا بنتي ابوكي لما ييجي من الشغل هيبعت له دهبه وتتجوزي سيد سيده.
ريم بدموع: انا مش مصدقه دا مراد اللي حبيته سنتين مراد اللي وقفت قدامكم عشانه اللي كنت هنتحر عشان عاوزاه اكون معاه.
امها بحزن: انتي بتتعلمي يا حبيبتي محدش بيتعلم بالساهل.
ريم بدموع: قلبي وجعني اوي دا كان احن عليا من نفسي عارفة لما كنت بغلط كان بيقعد يصالحني هو عمره ما زعلني ولا هونت عليه.
الباب خبط..
سعاد بهدؤء: هقوم اشوف مين يمكن ابوكي جه بدري.
ريم مسحت دموعها: خليكي انا هفتح انتي تعبانه.
قامت تفتح بصت بصدمة..
مراد بأبتسامه: مساء الخير يا اميرتي عامله اي.
حاتم بتوتر: احم ازيك يا ريم عامله اي.
ريم بدوخه: ات ات اتنين انتو ا از..
وقعت فاقدة الواعي مسكها مراد بسرعه: ريمم اصحي البت هتروح مني قولت لك امهد ليها الاول.
حاتم ببرود: البس بقا تستاهل اشرب من اللي كنت بشربه من ساعتين.
سعاد خرجت بصدمة: بسم الله الرحمن الرحيم انتو ازاي اتنين.
مراد ل حاتم: اجري امسكها بسرعه احسن تقع التانيه.
حاتم بخضة: نعم يا اخويا انت عاوز عمودي الفقري يتكسر انسي خاليها تقع.
سعاد جريت علي ريم: بنتي انتو عملتوا لها اي ريم يا ضنايا فوقي.
مراد ل حاتم: لا طلع قلبها جامد مش زي بنتها.
شال ريم وحطها علي الكنبه وبدء يفوقها بحنان..
ريم بتعب: ااه دماغي انا فين انتو مين.
مراد بهدؤء: اهدي وانا هفهمك كل حاجه دا اخويا التؤام حاتم واللي انتي شوفتيها معاه دي مراته.
سعاد بصدمة: ازاي انت مقولتش انك عندك اخ.
مراد بتوتر: انا هحكي لكم كل حاجه عشان انا فعلا غلطت في حقكم كلكم.
... قعد يحكي اللي حصل..
ريم بصدمة: يعني انتو تؤام طب في حد تاني ولا اي.
حاتم بهدؤء: لا اتنين و انا اسف اوي علي اللي مراد عمله هو بيحبك و كان مخبي علي الكل عشان مش عاوز يخسرك.
سعاد ببرود: واهو خسرها انا بنتي متتجوزش وهي حماتها مش عاوزاها خد دهبك وامشي.
مراد بلهفة: لا يا حماتي عشان خاطري كله الا انه ابعد عنها.
ريم بهدؤء: لا يا ماما أنا اكمل مع مراد هو كان حكي لي عن موضوع امه لكن محكليش عن موضوع اخوه ده
سعاد بغيظ: مش هترتاحي وهتبقي حياتك كلها عذاب طالما امه مش عاوزاكي يا بنتي اسمعي مني.
مراد بهدؤء: هي هتتجوزني انا مش هتتجوز امي يا حماتي
سعاد بهدؤء: بس هتعيش مع امك في بيت واحد وانا عارفة شغل الحموات دا كويس هتفضل تهين وتزعل فيها.
مراد بابتسامة: لا طبعا انا هحافظ عليها وهخلي كرامتها من كرامتي ارجوكي بلاش تكسري خاطرنا.
سعاد بهدؤء: ماشي يا ولاد لو انتو شايفين انكم هتكونوا مبسوطين تمام بس لو بنتي زعلت يا مراد انا اللي هزعلك.
مراد بحب ل ريم: عمري ما اقدر ازعلها دنا اشيلها في
عيوني.
حاتم بهدؤء: خلصنا فقرة المحن يلا بقا عشان خاطر اصالح مراتي دي اللي زمانها سيحت لي اني راجل خاين.
ريم بابتسامة: يلا وانا هاجي معاكم وربنا يستر بقا.
.. عند ملك..
ملك بغيظ: بقا انا يتجوز علي بعد العشرة دي كلها دا انا حامل في التالت يقوم يعمل كدا ناقصني اي عشان يضحك عليا و عاوز يجيب لي ضره للدرجة دي انا رخيصه
اختها ببرود: ما خلاص بقا بقالك ساعة بتاكلي في نفسك هتتعبي.
ملك بغضب: اه مانتي مش حاسه بيا كل اللي همك هو مراد اخوه وبس مش كدا.
حبيبة بابتسامة خبيثة: اديكي قولتيها اهو مراد .. عارفة أنا نفسي انام كده واصحي الاقي نفسي اتجوزته هخليه انتي متعرفيش أنا بحبه قد اي يا ملك وهو كمان بيحبني .
ملك بسخرية: كان غيرك اشطر يا اختي ... تحبيه وبحبك قال.. اللي زي ده مش بتاع حب ولا جواز وبعدين دا انتي لو اتجوزتيه حماتي مش هتسيبك في حالك دي هتطلع عينك.
حبيبة بسخرية: دا انتي اللي مش عارف تتعاملي معاها متعبرهاش .. ولو ادتك كلمة اديها عشرة خليكي انتي الكل في الكل يابت.
ملك بجمود: لا طبعا عيب يا حبيبة ا انا قايمة اجيب خضار للبيت وجايه
نازلة علي السلم وقفت بغضب: انت جاي لي لحد هنا وجايبها لي معاك كمان.
حاتم بهدؤء: تعالي نتكلم جوا يا ملك هفهمك كل حاجه.
ملك بغضب: انا مش عاوزة اتكلم معاك قولت لك طلقني.
حاتم بهدؤء: مش هطلقك دي تبقا خطيبه مراد و افتكرت اني هو ما تتكلم يا جحش انت دا وقت محن.
مراد بابتسامة: ازيك يا ملك عامله اي.
حاتم بغيظ: انت ناوي تشلني دا وقت سلامات بيتي بيتخرب وانت بتسلم.
مراد بخوف: طيب بصي بصراحه ريم تبقا خطيبتي وهنتجوز بعد شهر وانا خطبتها من وراكم عشان ماما مش موافقة عليها ولما شافت أخويا معاكي في الكافيه افتكرتني أنا وحصل اللي حصل
ريم بهدؤء: انا اسفه يا ملك كنت فاهمه غلط وحتي وانا بتخانق مع جوزك كنت بناديه ب مراد.
ملك بتذكر: ايوه صح يعني انت مش هتتجوز عليا يا حاتم.
حاتم بحنان: لا والله انا بحبك انتي و مش عاوز غيرك.
ريم بهدؤء: همشي انا واسفه ليكم مرة تاني.
مراد بحنان: استني هوصلك يا حبيبتي.
حبيبه خرجت بصدمة: مين دي اللي حبيبتك ان شاءلله يا مراد ؟
ريم باستغراب: انتي مين وبتتكلمي كدا لي ؟
ملك بتوتر وقفت تسكت اختها: دي حبيبه اختي وبتعز مراد زي اخوها مش كدا يا بيبا.
حبيبه بغضب: لا مش كدا ما تردوا عليا مين البت المعصعصه دي.
ريم بغضب: معصعصه اي يا زباله انتي ما تلمي نفسك انا ساكته احتراما لخطيبي واخوه غير كدا كنت علمتك الادب.
مراد بهدؤء: اهدي يا ريم سيبك منها دي مخها مهوي يلا عشان اوصلك.
حبيبه بغل: مخي مهوي اي استنوا هنا .
ملك بخوف أن المشكلة تكبر: اهدي يا حبيبة دي خطيبته وهيتجوزوا
حبيبة بصدمة: أيييي ؟
↚
دي مين البت المعصعصه دي يا مراد رد عليا .
ريم بغضب: معصعصه اي يا زباله انتي ما تلمي نفسك انا ساكته احتراما لخطيبي واخوه غير كدا كنت علمتك الادب.
مراد بهدؤء: اهدي يا ريم سيبك منها دي مخها مهوي يلا عشان اوصلك.
حبيبه بغل: مخي مهوي اي استنوا هنا .
ملك بخوف أن المشكلة تكبر: اهدي يا حبيبة دي خطيبته وهيتجوزوا
حبيبة بصدمة: أيييي .. خطيبته .. يعني انا اصبر واعمل اللي ميتعملش عشان يتجوزني وهو عارف اني بحبه فا يسيبني ويقوم يخطب.
ريم بصدمة: يتجوزك اي ؟ وسع كدا من قدامي يا مراد البت دي لازمها يتمسح بيها بلاط الارض وتاكل علقه محترمه
حبيبة زقت اختها بعيد ورايحه ناحية ريم: علقة هنشوف مين فينا اللي هياكل العلقة يا خطافة الرجالة.
مراد وقف قدام حبيبة: اياكي تقربي منها فاهمه هنسي اني اتربيت وانك بنت و هخلي اللي مايشتري يتفرج عليكي انتي فاهمه .. دنتي واحده رخيصه صح .
..مراد مسك ريم من أيدها ومشيوا..
ملك بغضب: اخوك قصده اي ب الكلام دا انا اختي مش رخيصه.
حاتم بقرف: ملك اطلعي هاتي حاجتك ويلا ومتفتحيش الموضوع تاني.
حبيبة طلعت جري وهي بتعيط..
ملك بغيظ: عاجبك اللي عمله اخوك في اختي.
حاتم بهدؤء: اختك اللي بترمي نفسها عليه وبالشكل ده هيا بترخص نفسها .. ومراد بيحب خطيبته خلاص ملناش دعوة.
ملك بحزن: عندك حق استناني في العربية وانا جاية.
حاتم بهدؤء: هناخد تاكسي عربيتي عند مكتب مراد.
.. نزل وهي طلعت ل اختها..
حبيبة بانهيار وغل: هيتجوز يا ملك .. مراد هيتجوز ويسيبني أنا مقهوره اوووي
ملك بحزن: هو مكنش معاكي عشان يسيبك يا حبيبه .. انتي اللي مصممة عليه وهو مش عاوزك من البدايه فا انسيه وشوفي حالك بقي
حبيبة بغضب: لا هو كان عايزني ... تلاقيها سحرت له انا هوريها خطافة الرجاله دي ..
ملك بحنان: مش هقولهالك تاني يا اختي شيليه من دماغك يا حبيبة مراد مش ليكي.
ملك مشيت و حبيبة بغل وكره: لا ليا ولو مش ليا بالذوق يبقي غصب عنه هيكون ليا.
..بليل..
.. في بيت مراد وحاتم..
مراد بهدؤء: انا معملتش حاجة غلط انا حبيت ومرتاح مع حبيبتي.
فاطمه بزعيق: مرتاح مع حبيبتك ب امارة اي ها انت شكلك ادبيت في عقلك تروح تجيب دهبك و تحاسبهم علي كل جنيه صرفته علي بنتهم وتجيبهم وتيجي.
مراد بعصبيه: اي الكلام الفارغ دا يا ماما انا مستحيل اعمل كده .. أنا خدت قراري ومش هتراجع عنه
فاطمه بزعيق: قرار اي ده ؟ انا مش هخلي حد يضحك عليك وياخد منك جنيه واحد من غير اذني.
مراد بجمود: وانا مش عيل عشان تعملي معايا كدا انا راجل وعارف وفاهم انا عاوز اي و هتجوزها.
فاطمه بغيظ: انت بتتحداني يابن بطني عشان خاطر حتة عيلة زي دي ؟
مراد بهدؤء: العيلة دي بالنسبالي الدنيا وما فيها يا ماما
فاطمه بغيظ: ماشي يا حلو اتجوزها بس زيها زي مرات اخوك هتنزل وتخدمني وتشوف طلباتي كلها .
مراد بهدؤء: لو هيا عاوزة يا ماما تنزل تنزل لو لا انا مش هجبرها لانها مش ملزمه تعمل لك حاجه دي بتكون ذوقيا منها وبعدين مهو في خدامه هنا.
فاطمه بصدمة: انت مش ابني لا .. انت واحد تاني .. اكيد الجماعه دول سحرين لك البت دي عاملالك اي.
مراد بهدؤء: مش عاملة حاجه يا ماما انا بتكلم في الاصول عن اذنك.
.. سابها وطلع شقته و هي بتضرب كف علي كف..
فاطمه بغيظ: ملك انتي يا زفتة يا ملك.
ملك بهدؤء: نعم يا حماتي.
فاطمه بغضب: السطح مش نضيف ليه ؟ اطلعي نضفيه كويس عاوزة اشوفه بيلمع.
ملك بهدؤء: مش هقدر يا حماتي منتي عارفه انا حامل و السطح محتاج مجهود كبير اووي وانا مش هقدر
فاطمه مسكتها من شعرها: جرا اي هو كل ما اكلم حد هيرد عليا انتو فاكرين نفسكم ايي ملكمش كبير.؟
ملك بألم: ااه شعري ابعدي عني حاتم يا حاتم الحقني.
حاتم نزل جري وخد ملك من ايد امه: اي اللي بتعمليه دا يا امي.
فاطمه بغضب: البت مش عاوزة تعملي حاجه وبتقولي لا عشان حامل طب ما كلنا كنا حوامل وبنخدم حماتنا ولا الهانم علي دراعها نقش حنة.
ملك بتعب: انا تعبت يا حاتم خدني فوق مش قادره اقف.
حاتم سند ملك وبص ل امه بغيظ وطلعها..
فاطمه بزعيق عالي: دي اخرة ربيتي ليكم كل واحد ماشي لي علي هواه يا ولاد بطني ماشي حسابكم عسير.
عند ريم كانت بتكلم مراد..
مراد بحنان: مالك يا حبيبتي حاسس انك مضايقة.
ريم بضحك: احساسك غلط دا انا هموت من الفرحة بابا وافق و الفرح في ميعاده بس مكدبش عليك هم قلقانين من مامتك.
مراد بحنان: متخفيش والله هي طيبه بس عصبيه شويه ولما تعرفك هتحبك.
ريم بحنان: ماشي الا صحيح ملك زعلانه علي اللي عملته مع اختها.
مراد بهدؤء: مبسألش ومليش دعوة.
ريم بغيرة: كان نفسي امسك البت دي ارنها علقة موت والله.
مراد بضحك: اهدا يا وحش مش كدا حقها مانا اتحب بردو.
ريم بغيظ: تصدق انك لو قدامي كان زماني معلقاك يا مراد.
مراد بضحك: خلاص بهزر متزعليش هروح انام شويه علشان جاي تعبان اووي من الشغل.
ريم بابتسامة: ماشي يا حبيبي تصبح على خير.
مراد بحب: وانتي من اهلي قريبا يا نور عيني .
.. تاني يوم..
حبيبة بغيظ: عرفتلي دي بنت مين وساكنه فين يا حماصة؟
حماصة بهدؤء: اه يا ست البنات اسمها ريم عزت ساكنه في الزمالك.
حبيبة بقرف: زمالك طول عمره بيبص لفوق ما هو معاه قد كدا علي قلبه.
حماصة بخبث: ما تسيبك منه وتلعبي علي اخوه ماهم تؤام.
حبيبة بغضب: انت مخك طق ياض اخوه دا جوز اختي...اسمع واعمل اللي هقولك عليه البت ريم دي انا عاوزة صور ليها عاوزة اعملها فضيحة علي النت.
حماصة ببرود: حركة قديمة وسهل تتكشف شوفي حاجه غيرها.
حبيبة بغيظ: اشوف اي انا عاوزة البت دي تكون راسها في الارض مش عاوزة مراد يبص ليها تاني.
حماصة بخبث: خلاص نبعت ليها حد يقنعها أنه غني اووي ويضحك عليها ويوقعها في حبه واكيد هيا وقتها مراد هيسيبها ويكرهها ووقتها يخلالك الجو يا جميل.
حبيبة بتفكير: فكره حلوه وتطلع قدام مراد واحده رخيصه بس حاسة ان كل ده مش كفايه
حماصة بمكر: بصي مراد في مكتبه روحي له وكانك هتعتذري ليه و انا هبعت ليها رسالة انه هو تعبان اوي في المكتب واغمي عليه وهي تيجي تلاقي مراد معاكي.
حبيبة بتوتر: دي كدا هتكون فضيحه ليا انا مش ليهم هم.
حماصة بخبث: طب بصي أنا هروح لامه وهعمل عليها حوار واخليها تجوزهولك.
حبيبة بتفكير: حوار اي ؟
حماصة بابتسامة خبيثة: بصي سيبك من المكتب انتي تروحي لمراد شقته ولو حد شافك وسألك قولي ان مراد هو اللي كلمك تروحي له عشان اختك تعبانه واول ما روحتي جرجرك لفوق واعتدي عليكي
حبيبة بخبث: دماغك سم ياض يا حماصة.
حماصة بخبث: طالع لك ياختي يلا روحي ونفذي وليا الحلاوة بعدين ..
بعد شويه.. عند ملك..
ملك بتعب: مالك يا حاتم حاسه انك فيك حاجه.
حاتم بهدؤء: تصرفات امي دي مش عجباني بس مينفعش اقولها حاجه .. دي امي يا ملك ست كبيرة و تعبانه.
ملك بابتسامة: عندك حق بس في حاجات مينفعش تسكت فيها هتكون بتأذي نفسك واللي حولين منك
حاتم بسرحان: اه والله مبقتش عارف ارضي مين بالظبط ارضيكي ولا ارضيها هي.
ملك بهدؤء: ارضي ضميرك يا حاتم شوف ضميرك يقولك اي وارضيه يا حبيبي.
حاتم جت له مكالمه قام يتكلم في البلكونه..
ملك بغيظ: ترضي امك ولا ترضيني مانت طول عمرك بترضيها علي حسابي ربنا ياخدها عشان اخلص من القرف اللي انا عايشة فيه دا.
.. تحت البيت..
حبيبة دخلت العمارة بتتسحب طالعة شقة مراد بخبث..
خبطت بدلع: مراد افتح عاوزة اتكلم معاك لو سمحت.
مراد فتح باستغراب: خير يا حبيبة جاية لي وعاوزة اي.
حبيبة بدلع: مش هتدخلني طيب دا حتي عيب وقفتنا كدا.
مراد بجمود: والعيب الاكبر انك تدخلي شقة واحد عازب انزلي شقة اختك وهبقي اجايلك اشوف عاوزة اي.
حبيبة بغيظ: كذا مرة تقولي كدا ومع ذلك مش بشوفك.
مراد بسخرية: ودا مش بيلمحلك ب اي حاجه خالص ؟ انا مش طايقك ولا طايق اشوفك ولا اتكلم معاكي اساسا.
حبيبة بغيظ: لي كل دا عملت لك اي دا انا حبيتك يا مراد اديتك حبي وكل حاجه.
مراد بغضب: كل حاجه اي انت جاية تتبلي عليا امشي يلا من هنا مش عاوز اشوف وشك تاني.
حبيبة زقته ودخلت: لا هتشوف برضاك او غصب عنك انا عاوزاك انت وبس بص اتجوزني وانا والله هخليك تنسي البت خطيبتك دي وهعيشك سي السيد
مراد بغضب: اطلعي برا مش مكسوفه من نفسك اي البجاحة اللي انتي فيها دي يا شيخه.
حبيبه هترد قاطعهم صوت صريخ وحاجة اتهبدت علي الارض..
جريوا بسرعه علي تحت ووقفوا بصدمة..
كانت ملك واقعه من علي السلم و فاطمه ماسكه ريم بغضب وبتضربها .
مراد بصدمه : رييييم
↚
أتجوزني وانا هخليك تنسي البت خطيبتك دي وهعيشك سي السيد .
مراد بغضب: قولتلك اطلعي برا مش مكسوفه من نفسك اي البجاحة اللي انتي فيها دي يا شيخه.
حبيبه هترد قاطعهم صوت صريخ جاي من تحت
مراد جري بسرعه علي تحت ووقف بصدمة : في اي ماما وانتي يا ريم بتعملي اي هنا ؟
فاطمه بزعيق: تعالي شوف واتفرج علي خطيبتك .. الهانم رمت سلفتها من علي السلم وملك أغمي عليها من الوقعة
مراد بصدمة: انتي بتقولي اي ؟ ريم مستحيل تعمل كدا
فاطمه بغل: اي هكون بتبلي عليها ولا قصدك أن انا اللي وقعت مرات اخوك.
حبيبه بخوف ودموع: مش وقت خناقكم اختي بتنزف اطلبوا الاسعاف بسرعه.
مراد طلب الاسعاف و فاطمه باصه بغل ل ريم: ورحمة امي لهسجنك وهوديكي في ستين داهيه علي اللي عملتيه ده
ريم بدموع: والله العظيم ما عملت حاجه يا مراد.
حبيبه بغل: هطمن علي اختي واللي في بطنها وبعدين احسابك.
.. جريوا علي المستشفى كلهم...
بعد شويه..
قدام اوضة العمليات..
حبيبه بتبص ل ريم بحقد: عملتي في اختي كدا لي اهو من قبل ما تدخلي البيت و المصايب جبتيها ياوش النحس.
فاطمه بغل: اه والله علي جثتي ابني يتجوز واحدة زي دي لو اخر يوم في عمري.
ريم بدموع: والله العظيم وحياة امي ما وقعتها انا لاقتها واقعه مراد انت مصدقني صح .
مراد بهدؤء: اهدي يا ريم انا متاكد انك مستحيل تعملي حاجه زي كدا.
حبيبه قربت ناحيتها بغضب: بقي بتكدب امك وتصدق الحرباية دي طب والله لربيكي من الاول وجديد.
حبيبه مسكت ريم من شعرها وفاطمه استغلت الفرصة و نزلوا الاتنين عليها ضرب و مراد مش عارف يبعدهم الامن جه وبعدهم كانت ريم اتبهدلت.
حبيبه بغل: سيبوني اخد حق اختي.
ريم بألم وغضب: اللي عملتوا فيا دا انا مش هسكت لكم عليه وديني لندمكم.
الدكتوره خرجت جريوا عليها..
الدكتوره بهدؤء: للاسف مقدرناش ننقذ الجنين و الام الحمدلله حالتها مستقرة.
فاطمه بغضب: يضنايا يبنتي علي قهرة قلبك علي أبنك .. عاجبك كدا يا مراد مبسووط ؟
صوت من وراهم: يعني ابني راح مني قبل حتي ما اشوفه ولا المسه.
بص مراد لاقى اخوه دموعه نازلة: استعوض ربنا يا حاتم دا نصيبه.
حبيبه بغضب: لا مش نصيبه كله من البت دي ولازم تخلص عليها زي ما خلصت علي أبنك..
حاتم قعد بحزن: هقول لملك اي دي كانت طايرة من الفرحه بيه.
.. حبيبه سابتهم ومشيت ..
ريم بحزن: شد حيلك يا حاتم وان شاءلله تقوم لك بالسلامه الحمدلله انها جت علي قد كدا.
فاطمه بسخرية: تقتل القتيل وتمشي في جنازته مثلي ياختي مثلي حسبي الله ونعم الوكيل فيكي.
ريم بهدؤء ل مراد: انا ماشيه مكنش لازم اجاي من الاول انا جيت تقدير ليك و خوف علي ملك.
مراد بهدؤء: استني شويه عقبال ما تفوق ونفهم منها اللي حصل ثم انتي اي اللي جابك من غير ما تقولي لي.
ريم بجمود: أسأل اللي كانت معاك في شقتك كنتوا بتعملوا اي بقا.
مراد بهدؤء: وانتي عرفتي منين اولا هي اللي جت ترمي بلاها عليا وانا كنت بطردها.
ريم بسخرية: هبلة انا هصدق التخاريف دي مش كدا.
حاتم بزعيق: اخرسي انتي وهو احنا في اي ولا في اي مش طايق اسمع حس اي حد فيكم.
.. سكتوا كلهم ... بعد شويه..
ريم كانت قاعده بتشوف الرسالة اللي اتبعتت ليها وبتبص علي مراد اللي بيبص لها بغضب..
فجاءة حبيبه جت بالبوليس..
حبيبه وبتشاور علي ريم: هي دي اللي كانت عاوزة تخلص علي اختي يا بيه.
ريم بصدمة: هي مين انا معملتش حاجه.
الظابط بهدؤء: انتي معمول فيكي محضر ولازم تيجي معانا.
فاطمه بغل: وانا شاهدة عليها يا بيه كانت بتزقها قدام عيني.
ريم بدموع: انا مش هروح في حتة لانهم كدابين وبيتبلوا عليا.
مراد بهدؤء: حضرة الظابط الموضوع بينا وفي سواء تفاهم.
الظابط بهدؤء: انا عندي محضر ولازم اتاخذ الاجراءات القانونيه.
مراد ل حبيبه بغضب: اسحبي محضرك احنا مش ناقصين.
حبيبه ببرود: مش هسحب حاجة و هخليها تعفن في السجن.
ريم بهدؤء: تمام انا هاجي معاكم بس عاوزة انا كمان اعمل محضر واهو محضر قصاد محضر.
فاطمه بسخرية: محضر اي دا بقا يا غندورة.
ريم بجمود: محضر فيكي و في حبيبه بص يا فندم الاتنين اعتدوا عليا بالضرب و طلما الست فاطمه كانت شاهدة انا بقا عندي مستشفى كاملة شاهدة.
مراد بصدمة: انتي عاوزة تسجني امي يا ريم.
ريم بجمود: زي ما امك عملت هي والتعبانه اللي جنبها واحدة ب واحدة.
الظابط بهدؤء: ماشي تعالي معانا وهناك هنعملك المحضر.
فاطمه بخوف: انت هتسيبها تعمل فيا محضر يا مراد ما تتحرك حاتم الحق امك البت دي ناوية تحبسني.
حاتم للظابط: احنا هنلغي المحاضر كلها يا بيه.
حبيبه بغيظ: انا مش هتنازل عن محضري وهي اللي عندها تعمله.
مراد ل ريم: بلاش يا ريم انتي كدا بتبوظي علاقتنا.
ريم بجمود: وامك لما تسجني وانا معملتش حاجة وتضيعني يبقا علاقتنا مش باظت اسمع يا مراد انا مش عاوزه اعرفك تاني و مش مهم عندي تصدق اني مجتش جنب مرات اخوك او لا المهم انه عرفت انه عيلتك دي عيله قذره متتعاشرش و ربنا يكون في عون ملك أنها وقعت معا حماه زي امك دي.
مراد حس بنغزة في قلبه من كلامها..
الظابط بجمود: اتفضلي معانا يا انسه.
ريم راحت معاهم و حبيبه بصت ليهم بشماته.
فاطمه بغضب: اجري تتنازلي علي المحضر قبل ما تحبسنا البت دي مطلعتش سهله ومش هتسيب حقها.
حبيبه ببرود: اعلي ما في خيلها تركبه دي بوق.
فاطمه بغضب: لا مش بوق انجزي واسمعي الكلام انا مش عاوزة اعتب القسم.
مراد راح ورا ريم...
ريم بصت عليه وهي بتركب البوكس بقرف... وهو بص لها بحزن..
.. بعد شويه في اوضة ملك..
ملك بدموع: يعني ابني مات خلاص دا يدوب ملحقتش افرح بيه يا حاتم.
حاتم بابتسامة: قولي الحمدلله ان شاءلله ربنا هيعوضنا يا حبيبتي.
فاطمه بخبث: جدعه يا بت يا ملك لولا انك وقعتي مكنتش اعرف اغور البت ريم دي.
حاتم بعدم فهم: قصدك اي بالكلام دا يا ماما.
ملك بزعيق: خرج امك من هنا يا حاتم بدل والله هلم عليكم الناس خرجهاااا.
فاطمه بغيظ: بتطرديني يا مقشفه حق عليا جيت أشوفك تستاهلي اللي حصلك.
ملك بقرف: اشمتي براحتك مقدرش اقولك يارب تحسي بوجعي لانه ابنك جوزي والتاني زي اخويا.
فاطمه بغضب: حاتم ادب مراتك شكل موت أبنها لحس نفوخها خالص.
حاتم بجمود: سبينا دلوقتي يا ماما روحي انتي لو سمحت.
فاطمه بغيظ: ماشي يابن بطني اشبع ب الحلوة بتاعتك جتكم القرف.
خرجت وحبيبه دخلت بقلق: ملك انتي كويسه يا حبيبتي.
ملك بتعب' الحمدلله مين كلمك وجابك.
حبيبه بتوتر: ا انا كنت عندكم.
حاتم بقرف' انا هخرج اجيب حاجه اشربها تكون اختك هيا كمان مشيت.
حبيبه بغيظ: تشكر يا جوز اختي بس انا قاعده معاها.
حاتم خرج بقرف..
حبيبه بتوتر: بقولك اي انا مبسوطه اوي بسبب اللي عملته ريم معاكي انا عملت ليها محضر وحبستها.
ملك بصدمة: اي انتي بتخرفي تقولي اي ريم معملتش حاجه.
حبيبه باستغراب: اومال مين اللي زقكك حماتك كانت ماسكه ريم و قالت انها اللي زقتك.
ملك بصدمة: محصلش انا سمعت حماتي بتزعق ل ريم وريم كانت طالعة ل مراد حاولت اسلك بينهم واحنا عالسلم حماتي اللي زقتني وريم مش واخده بالها بس انا محستش بحاجة وقتها ريم مظلومه روحي خرجيها.
حبيبه بغيظ: لا مش هخرجها بقولك اي يا ملك اللي حصل جه في صالحي الظابط لما يسألك قولي انه ريم اللي زقتك عشان اخلص منها واخد مراد.
ملك بجمود: انا مش هحبس بنت ملهاش ذنب عشان خاطر اهدافك.
حبيبه بتمثيل الدموع: طب وانا عادي اتقهر واموت من زعلي هتكوني مبسوطه يا ملك وكل دا لي عشان واحدة غريبة..
ملك بحزن: ربنا هيعوضك ب واحد احسن من مراد بس انا مش هظلم ريم.
حبيبه مسكت مشرط قريب وحطتها علي عروقها: لو قولتي غير الكلام اللي الكل عارفو والله هنتحر و اخلصكم مني.
ملك بزعر: سيبي البتاعة دي من ايدك يا مجنونه.
حبيبه بخبث وتمثيل: انا فعلا مجنونه وهتجنن اكتر لو معملتيش اللي انا عاوزاه .
ملك بدموع: خلاص يا حبيبه هعمله وربنا يسامحنا سيبي المشرط بقا.
سبته ببرود ...وملك دموعها نزلت بحزن...
.. في القسم..
ريم بهدؤء: انا مليش عدواه معاها عشان اعمل معاها كدا انا كنت رايحه ل خطيبي.
الظابط بهدؤء: ومن العادة انك تروحي بيت خطيبك.
مراد بهدؤء: دي اول مرة يا فندم تيجي.
الظابط بجمود: انا بسالها هيا لو سمحت متتكلمش والا هخرجك برا.
ريم بهدؤء: كانت اول مرة يا فندم.
الظابط بهدؤء: لي بقا.
ريم بهدؤء: جت لي رسالة من حد ان مراد معاه اخت مرات اخوه لوحدهم في شقتنا و كان باعت لي صور مزيفه انا مصدقتش لا الصور ولا الرسالة بس قلبي كان قلقان عليه فضلت اكلمه تليفونه كان مقفول مقدرتش استحمل اكتر من كدا روحت البيت اطمن عليه ووانا طالعه امه مسكت في خناقي وملك جت تبعدها عني وكنت طالعة سمعت حاجه وقعت لاقتها ملك .. ولقيت حماتي جت مسكتني وقعدت تصرخ انه انا اللي وقعت ملك.
الظابط بشك: يعني انتي دلوقتي بتتهمي فاطمه انها هي اللي زقتها.
ريم بهدؤء: الشهادة لله لا .. عشان مشوفتش ومقدرش اتبلي علي حد زور.
الظابط بهدؤء: طب يا مراد حبيبه فعلا كانت معاك في الشقه.
مراد بهدؤء: هو مش بالظبط كدا يا..
الظابط مقاطعا: سؤالي واضح اه او لا سهلة اهي.
مراد بتنهيدة: اه كانت عندي في الشقة ونزلنا سوا.
.. ريم بصت له بدموع وكسرة..
الظابط بهدؤء: تمام احنا هنسال الضحيه نفسها ونشوف هتقول اي.
ريم بحزن: تمام بس ممكن بقا تعملي المحضر بتاعي.
الظابط بابتسامة: حاضر هعملهولك و بردو احقق فيه تحبي اجيب لك حاجه تشربيها ؟
مراد بغيرة: تحب اقوم اجيب انا الليمون واعملكم شجرة.
الظابط ببرود: محدش وجهلك كلام
مراد بغيرة: علي فكره دي خطيبتي وشهر وتبقا مراتي.
ريم بجمود: كنت خطيبتك دلوقتي مش عاوزاك.
قلعت الدبلة وحطتها قدامه وهو الدموع اتجمعت في عينه..
مراد بصدمة وحزن: بسهولة كدا بعد كل الحب دا.
ريم بجمود: اسال نفسك وشوف اهلك وانا لسه مدخلتش بيتكم وعملتو فيا اي
.. الباب خبط.. حاتم دخل هو و حبيبه.
حاتم بهدؤء: احنا جايين نتنازل علي المحضر ملك قالت انه محدش زقها وانها وقعت وامي فهمت غلط.
حبيبه بغيظ: اه عشان كدا جيت اسحب المحضر بتاعي.
الظابط بهدؤء: تمام امضي هنا علي التنازل بالمحضر.
حبيبه مضت..
الظابط بابتسامة: اسف جدا علي اللي حصل لك يا انسه ريم.
ريم بصت ل حبيبه بقرف: انا جيت هنا نص ساعة بس انتي هتفضلي هنا محبوسه
حبيبه بتريقه: ودا ازاي ان شاءلله.
ريم للظابط: انا بقي مش هتنازل عن محضري .. هما الاتنين اتبلو عليا وضربوني علشان كده أنا عايزه أسجنهم .
حبيبه ومراد بصدمه : اييييي ؟
يتبع
↚
أنل مش هتنازل عن المحضر هما الاتنين اتبلو عليا وضربوني علشان كده أنا عايزه أسجنهم .
حبيبه ومراد بصدمه : اييييي ؟
حاتم بهدؤء: ريم متعمليش زيهم عارف أنهم أذوكي بس حقك عليا أنا سامحيهم .
ريم بسخرية حزينه: لو اختك كانت مكاني وفي ايديها تاخد حقها هتخليها تتنازل ؟
حاتم بهدؤء: مكنتش هخليها تتنازل بس خليكي انتي احسن انتي بنت اصول ونضيفه من جوا وميرضكيش ست كبيرة تتبهدل ان كان علي حبيبه فا دي فداهيه بس امي مش هتتحمل.
ريم بحزن: يعني امك متتحملش الحبس لكن تتحمل أنها تتبلى عليا ؟
حاتم بابتسامة: معلش لو ليا خاطر عندك يا ريم متخليش المشاكل تكبر اكتر واتنازلي .
ريم للظابط: خلاص يا فندم هتنازل بس هعمل ل حبيبه محضر عدم تعرض ليا ولو اتعرضت لي ساعتها مش هرحمها.
الظابط بهدؤء: تمام يا ريم ارتاحوا عقبال ما أخلص باقي الاجراءات.
مراد قام وقف قدام ريم ولابسها الدبلة: دي متتقلعش تاني حتي لو حصل اي والله العظيم لو قلعتيها يا ريم لهتسمعي خبري مفهوم.
.. سابهم وخرج بغضب وهي ابتسمت ...دقايق وخرجوا لاقوا مراد قاعد مستنيهم..
حاتم بهمس ل مراد: خد بالك منها وصالحها البنت شافت كتير من امك وخاطرها مكسور.
مراد بهمس: هعمل كدا الا قولي اي اللي حصل حاسس انك مخبي حاجه.
حاتم بهدؤء: هحكي لك بعدين هروح اخد ملك من المستشفى ونرجع البيت.
حبيبه ببرود: انا هركب معاك يا مراد توصلني اقعد مع اختي يومين اهتم بيها
مرا ببرود: لا مش السواق الخصوصي بتاع جنابك انا.
حاتم بهدؤء لحبيبه: اختك مش عاوزة حد ياخد باله منها انا موجود وجمبها روحي انتي
ريم مشيت و مراد مسك ايديها: اركبي معايا انا عاوز اتكلم معاكي في حاجات كتير لازم نتكلم فيها.
ريم بهدؤء: انا محتاجة انام وبحمد ربنا انه اهلي معرفوش كانوا طبقوها علي دماغكم.
مراد بحنان: عارف ممكن تيجي بقي عشان خاطري يا ريم.
.. ريم ركبت معاه و حاتم ركب عربيته وسابوا حبيبه واقفه لوحدها في الطريق علي اخرها...
.. بعد شوي.. علي النيل..
مراد بدموع: انا اسف عارف انه اللي حصل كتير اوي بس والله العظيم ما اعرف كل دا حصل ازاي.
ريم بحزن: لو بتحبني وعايزني خدي لي بيت بعيد عن امك نتجوز فيه .. لاني مش هقدر اعيش معاها.
مراد بلهفة: حاضر هسكنك بعيد بس متبعديش عني.
ريم بهدؤء: قولي حبيبه كانت عندك بتعمل ايه.
مراد بهدؤء: كانت عاوزة تعمل مصيبه ومتاكد انها هي اللي ورا الرساله دي وانا ممكن أثبتلك كلامي ده
ريم بصتله بابتسامة: انا واثقه فيك يا مراد من غير ما تثبتلي حاجه بس عدم ردك جنني عليك علشان كده روحتلك البيت
مراد بحنان: التليفون فصل مني شحن فا حطيته عالشاحن
.. عند حاتم..
وصل البيت ونزل وهو ساند ملك..
طالعين فاطمه خرجت بسخرية: دا انتي طلعتي قردة اهو مسقطه الصبح ورجعتي بليل اومال لما اطلب منك حاجه بتتنططي ليه .
ملك بجمود: طلعني شقتي يا حاتم مش قادره اتخانق.
فاطمه بسخرية: اه يا جوز الست طلعها احسن يكون في حاجه في بطنها تسقطها تاني.
حاتم بجمود: ماما انا عاوز اقولك حاجه واحده بس مش مسامحك علي اللي عملتيه.
فاطمه بلعت ريقها بخوف: اي اللي انا عملته هي لعبت لك في مخك و بتسخنك عليا ولا اي.
حاتم بكسرة: هي ملعبتش ولا عملت حاجه انا سمعت كل حاجه وهي بتحكي للتعبانه اختها انتي وهي مكنتوش عاوزين ريم و ابني كان التمن بس احب اطمنك ريم خرجتها وهتتجوز مراد.
فاطمه بتوتر: انا مش فاهمه بتتكلم عن اي وهدخل انام وبعدين ريم تخرج ولا تقعد انا مالي ميخصنيش اللي يخصني انها متتجوزش ابني.
حاتم ببرود: هتتجوزه ومن النهارده ملكيش دعوه ب مراتي هتتعزل عنك هي في حالها وانتي في حالك.
ملك ابتسمت و هو خدها طالعها بحنان..
فاطمه دخلت بغيظ: يا خسارة تربيتي في عيالي مش عارفة احكمهم ... النسوان دي كلت عقلهم الله يرحم ابوهم مكنش بينزلي كلمه كانت الكلمه كلمتي والرأي رأيي اهو الحمدلله ارتاح بدري وغار في داهيه
ضحكت بسخرية..
عند ملك..
ملك بتوتر: انا عارفه اني كنت غلطانه في اللي هعمله بس خوفت علي اختي.
حاتم بجمود: خوفك علي اختك يخليكم تدمروا حياة انسانه مجتش جنبكم.
ملك بدموع: لو اخوك بيهددك انه يعمل حاجه في نفسه قصاد حاجه عاوزاها انت كنت هتحرمه منها.
حاتم بهدؤء: يغور في داهيه أخويا لو هيكون السبب في أذية أنسان تاني
ملك بحزن: حقك عليا يا حاتم انا اسفه .
حاتم بجمود: لولا اني مروحتش جبت حاجه وكنت بسمعكم كان زمانكم سجنتوها بس احمدي ربنا اني خليت اختك تتنازل كنت هسجنها بتهمة شهاده زور
ملك بحزن: قولت اسفه خلاص بقا
حاتم بهدؤء: ماشي يا ملك تعالي ارتاحي لحد ما اجهز الاكل
. تاني يوم . في شقة فاطمه..
حبيبه بغيظ: انا مش عاوزة مراد يتجوز البت دي وانتي كمان يبقا العقل بيقول اي اننا نتحد و نبعدهم عن بعض.
فاطمه ببرود: ولما نبعدهم تقربي انتي مش كدا يا حبيبه.
حبيبه بغيظ: وماله لما اقرب انا علي الاقل احسن منها.
فاطمه بخبث: انا هوافق بس عندي شرط واحد.
حبيبه باستغراب: شرط اي دا.
فاطمه بمكر: تبقي تحت طوعي ومتبقيش زي اختك الخايبه دي.
حبيبه في نفسها: دا انا اول ما هتجوز مراد و الله العظيم هرميكي في اقرب دار مسنين عاللي بتعمليه في اختي ده
فاطمه ببرود: هاا قولتي اي يا حلوه.
حبيبه بخبث: قولت اني من دلوقتي تحت طوعك يا حماتي المستقبليه يا عسل .
.. عند ريم..
كانت واقفه علي اول الطريق مستنيه مراد لاقته بيرن عليها وكان واقف علي الطريق التاني..
ريم بتفتح عليه بغيظ: كل دا تاخير يا مراد انا الشمس تعبتني
حاتم بهدؤء: انا مش مراد انا حاتم مراد نسي فونه معايا وقالي اجي معاكي بداله عشان هو مشغول شويه.
ريم باستغراب: مشغول ازاي لا انت مراد مش حاتم.
حاتم بضحك: انتي مبتعرفيش تفرقي بيني وبينه لسه ولا اي.
ريم بهدؤء: لا بعرف افرق بينكم كويس اوي وانت مراد متضحكش عليا أنا جيالك اهو
ريم هتعدي الطريق لقيت عربيه رايحه يمين وشمال وداخله عليها وو....
حاتم بصدمه :
↚
انا مش مراد انا حاتم مراد قالي اجي معاكي بداله عشان هو مشغول شويه.
ريم باستغراب: مشغول ازاي لا انت مراد مش حاتم ده صوتك يا مراد
مراد بضحك: انتي مبتعرفيش تفرقي بيني وبينه لسه ولا اي.
ريم بهدؤء: لا بعرف افرق بينكم كويس اوي وانت مراد متضحكش عليا أنا جيالك اهو
ريم هتعدي الطريق لقيت عربيه رايحه يمين وشمال وداخله عليها ..
مراد بسرعه جري عليها والعربية وقفت علي اخر لحظة..
مراد بخوف: ريم انتي كويسة حصلك حاجه.
ريم بخضة: أعصابي سابت .. العربية كانت هتدوسني يا مراد كنت هموت.
السواق بخوف نزل جري عليها: اسف والله يا انسه العربية الفرامل بتاعتها علقت بس الحمد لله جت سليمه.
ريم بدموع: كنت هتموتنا وتقول اسف.
مراد بهدؤء: خلاص يا ريم محصلش حاجه الحمد لله أن محصلكيش حاجه.
ريم بغيظ: انت لسه مصمم انك حاتم بردو.
مراد بضحك: يعني هو انا معرفش اعمل فيكي مقلب ابدا.
ريم بابتسامة: لا متعرفش لاني اتعلمت الدرس من اول مرة.
مراد للسواق: اطلع انت وخد بالك بعد كده.
السواق بحزن: حاضر واسف ليكم مرة تانية.
.. مشي ومراد ركب عربيته وهيا معاه..
ريم بتوتر: انت متاكد من اللي احنا هنعمله دا.
مراد بابتسامة: اه متاكد مالك خايفه لي كدا هو انا هخطفك ده انا هتجوزك.
ريم بتوتر: بس انا عاوزة فرح و ناس تفرح ليا.
مراد بحنان: هعملك اكبر فرح نكتب كتابنا بس دلوقتي و الفرح بعد بكرا ياستي.
ريم بهدؤء: انا مش فاهمه ازاي بابا وافقك علي حاجه زي دي.
مراد بابتسامة: أنا شرحت لبباكي موقفي وهو فهمني وحس بيا ووافق
ريم بهدؤء: اما نشوف اخرتها معاك يا مراد.
.. بعد شويه..
فاطمه بخبث: بصي علي العلبة اللي في ايدي دي.
حبيبه باستغراب: علبة اي.
فاطمه بشر: دي علبة حبوب هلوسه هنديها لريم لحد اما تتجنن واكيد ابني مش هيتجوز واحدة مخها ضارب.
حبيبه بسخرية: وهتديها منها ازاي بقا ان شاءلله.
فاطمه بتفكير: في العصير او الاكل هتصرف ان شالله اخطفها واقعد اديها منه لحد اما مخها يطير.
حبيبه بمكر: تصدقي عندك حق بالطريقه دي هنزيحها من طريقنا خالص ونبعتها مستشفى المجانين.
فاطمه بشر: بالظبط و من غير زعل انا هطلع ل اختك دلوقتي واللي هعمله معاها متفتحيش بوقك ولا تتكلمي.
حبيبه باستغراب: هتعملي اي وبعدين هي اختي عملت لك حاجه ماهي في حالها.
فاطمه بغيظ: لازم اعرفها مين صاحبة البيت علشان تسمع كلامي بعد كده
حبيبه بتوتر: سيبي اختي معا نفسها ملناش دعوة بيها كفايه اللي حصلها
فاطمه بسخرية: احنا اتفقنا تكوني تحت جناحي ومتفتحيش بوقك صح ولا لا.
حبيبه بزعل: طيب انا هفضل قاعده هنا مليش دعوه ب حاجة.
فاطمه بخبث: شاطرة وهو دا المطلوب يا حلوة.
.. فاطمه طلعت شقة ملك وقعدت ترزع علي الباب..
فاطمه بغضب: افتحي ياللي يتفتح نفوخك قافلة الباب لي.
ملك فتحت بتعب وخضة: في اي يا حماتي حصل اي.
فاطمه زقتها ودخلت: مفيش يا دلعدي انا جيت اقعد معاكي شويه قولت حاتم زمانه في شغله اسليكي انا.
ملك بهدؤء: بس حاتم ما..
فاطمه مقاطعه: بلا بس بلا نيلة روحي هاتي لي حاجه اشربها ما تتحركي كدا ولا هتعملي نفسك لسه تعبانه
ملك بارهاق: حاضر تحبي تشربي اي.
فاطمه ببرود: قهوة فرنساوي وكتري اللبن شوية مش تحطي نقطتين انتي مش جيباه من بيت ابوكي.
ملك بهدؤء: لا العفو جايباه من فلوس ابنك وخيره.
فاطمه بسخرية: طب كويس انك عارفه انك اكله نايمه شاربه بتلبسي من فلوس الواد يعني تعملي بلقمتك شويه.
ملك باستغراب: اعملي بلقمتي ازاي يعني.
فاطمه ببرود: بصي انا مشيت الخدامه ف عاوزاكي انتي تكوني مكانها وتكوني الخدامه بتاعتنا وانا هديكي مرتبها
ملك بصدمة: اي الكلام الفارغ اللي بتقوليه دا انتي عاوزاني اشتغل خدامه ؟
فاطمه ببرود: لو عاوزة تقعدي في بيتي يبقا تنفذي كلامي وحسك عينك حاتم يعرف حاجه بطلي تسلطي الواد علي امه.
ملك بغضب: انا مش بسلط حد وبعد اذنك انزلي من شقتي ومتطلعيش هنا تاني.
فاطمه بصدمة: انتي بتطرديني من شقة ابني اللي هيا في بيتي انتي نسيتي اصلك.
ملك بجمود: بالعكس انا فاكرة اصلي كويس اوي انا بنت ناس متربية وبنت اصول
فاطمه بغل: دا انتي طلع لك لسان وبتتكلمي اهو.
ملك بغضب: اه بتكلم كنت بتقي ربنا فيكي عشان خاطر جوزي ومخربش بيتي لكن بعد اللي عملتيه مع ابني اللي هو حفيدك انتي متستاهليش اني اعملك حاجه بعد كده
فاطمه بغضب: انا مستهلش يا دون وحياة عيالي مانتي قاعده فيها وهرميكي في الشارع بالبجامه اللي عليكي.
ملك ببرود: متقدريش هتقولي للناس اي رميت مرات ابني عشان موافقتش تشتاغل خدامه ..
فاطمه بخبث: لا هقولهم انك كنتي جايبه راجل في شقتك وانا مسكتكم وهو هرب
صوت حاتم من الاوضة: واي كمان يا ماما.
فاطمه بخضة: ا انت هنا منزلتش شغلك.
حاتم بغضب: لا منزلتش مكنتش هسيبها وهي تعبانه وانزل و الحمدلله اني منزلتش عشان اعرف بتعملي اي بقا عاوزة تطرديها وتشغليها خدامه وتشوهي سمعتها لييي اي الجبروت اللي فيكي دا انتي ام ولا شيطانه أعوذ بالله منك
فاطمه بتوتر: دا انا بهزر بخوفها يعني عشان تبقا مطيعه اسالها حتي.
حاتم بغضب: انا مش هسأل حد انا هاخد مراتي وهمشي من هنا لعلمك انا أشتريت شقة في الزمالك وهاخد مراتي وهنقل فيها وهسيبلك البيت تشبعي بيه
فاطمه بصدمة: هتسيب امك وتمشي يا حاتم دي اخرتها.
حاتم بغضب: قصدك دي اولها بعد اذنك انزلي لحد اما نلم هدومنا وحاجتنا ونمشي.
فاطمه بدموع: لا والنبي يابني خلاص انا اسفه.
حاتم بزعيق: قولت لك اطلعي برررا موتي ابني وقولت امي لكن كفايه افترا وظلم لمراتي بقي كفاية ياشيخه أتقي الله
فاطمه بصت لملك بغل وخرجت..
حاتم باس راس ملك: حقك علي راسي يا بنت الاصول سامحيني علي اللي شوفتيه بسببي.
ملك بابتسامة: علشانك اتحمل اي حاجه يحبيبي دا انت جوزي وابو ولادي وسندي في الدنيا.
حاتم بحنان: وسندك مش هيخليكي تتذلي ولا تتكسري تاني.
.. عند فاطمه...
فاطمه بترن علي مراد..
فاطمه بغضب: سيب اللي في ايدك وتعالي لي حالا في مصيبه.
مراد باستغراب: في اي يا ماما انتي كويسه.
فاطمه بغضب: مش كويسة خالص اخوك يا مراد هيسيب البيت بسبب مراته تعالي امنعه.
مراد بصدمة: بسبب مراته لي انا جاي دلوقتي.
فاطمه بدموع: بسرعه يابني انا مش هتحمل تبعدوا عني.
مراد بلع ريقه بتوتر: طيب انا جاي سلام دلوقتي.
قفل وهي قعدت تشتم في سرها..
.. بعد شويه..
حاتم نازل و ماسك شنط و ملك ماسكه عيالها..
فاطمه خرجت بلهفة : مصمم تسيب امك بعد تربيتي وتعبي فيكي.
حاتم بجمود: اه مصمم علشان كلنا نرتاح .. انا مش هفضل ادوس علي نفس مراتي عشان خاطرك وأخليها تحترمك وانتي مبهدلاها كده وفي الاخر عايزه تلبسيها مصيبه
فاطمه بدموع: خلاص اقعدوا وانا في حالي وانتو في حالكم.
حاتم بسخرية : لا .. ده قرارنا وخلاص
فاطمه بغل: خلاص بقي انت مصدقت وعاوز تمشي.
حاتم بهدؤء: ذليتي مراتي في البيت تنضيف وشيل وحط وأنا ساكت هيناها بكلامك وساكت لكن سقطيها وعايزه تشغليها خدامة في البيت وتفضحيها بحاجة قذره زي دي وتطرديها وعايزاني اقعد ؟
فاطمه بجمود: لو خرجت من البيت دا لا انت ابني ولا انا اعرفك.
مراد بييجي هو و ريم..
ريم جريت علي ملك: مالك هتمشي ازاي وانتي لسه تعبانه.
فاطمه بغيظ : مين جاب البت دي هنا هو انتي ما بتصدقي تلزقي.
مراد ل حاتم بهدؤء: في اي عاوز تمشي لي.
حاتم بهدؤء: تعبت و مش هتحمل اكتر من كدا انا راجل و ملك اهلها سبوهالي امانه .. لكن اللي امك بتعمله في المسكينه دي ميرضيش حد.
فاطمه ببرود: دا علي اساس اني بلسعها بالسكينه ولا اي.
حاتم تجاهلها: يلا يا حبيبتي روحي العربية وانا وراكي.
ملك بابتسامة ل ريم: أنا اسفه علي اللي حصلك من اختي يا ريم حقك عليا
ريم بحنان: ولايهمك لو عوزتي اي حاجه كلميني هتلاقيني جمبك
.. خرج حاتم هو ومراته وعياله..
مراد بحزن: عاجبك كدا استفدتي اي دلوقتي لما خسرتي ابنك.
فاطمه بجمود: هو اللي أختار يمشي ومن النهارده يعتبر نفسه ملهوش أم خليها السنيوره تنفعه.
مراد بسخرية: فوقي وراجعي نفسك يا ماما و اه فرحي بعد بكرا انا كتبت كتابي علي ريم من شويه .
فاطمه بصدمة: اييي يعني اتجوزتها من ورايا.
مراد بابتسامة: اه انتي اللي خلتيني اعمل كدا.
حبيبه بدموع: يعني مفيش امل خلاص مشيت ورا الرخيصه دي.
ريم ببرود: والله ما في رخيصه هنا غيرك وكلمه زيادة هوريكي انا هعمل فيكي اي.
مراد بقرف: ريم دي ستك وتاج راسك يا حبيبه وان كان علي الرخص ف بصي علي نفسك في المرايا وانتي تشوفي .
حبيبه بدموع: هي احسن مني في اي عشان تحبها وانا لا.
مراد بابتسامة حب: مفيش وجه مقارنه اساسا .. ريم دي ملاك ربنا باعتهالي علشان تطيب قلبي
فاطمه بغضب: هو كل واحد ماشي علي كيفه للدرجة دي انا مليش لازمه بس ماشي اطلع حصل اخوك و انا هاخد عزاكم أنا من النهارده عيالي ماتووو.
مراد بدموع في عينه: مش استبعدها عنك يا منتي قادره وتعمليها يالله سلام
خد ريم وخرجوا..
حبيبه بدموع وغل: هنعمل اي دلوقتي دي بقت مراته يا خالتي انا هبعت ليها حد يخلص عليها ونخلص.
فاطمه بغضب: اطلعي برااا غوري في داهيه انتي همك انك تتجوزي مراد ومش همك ان عيالي سبوني لوحدي.
حبيبه بردح: طب ما يسبوكي ولا تغوري في داهيه ونخلصو منك دنتي شيطانه عالارض حاجه انا كنت بطاطي ليكي علشان هدفي أتجوز مراد ولعلمك انا كنت هتجوزه وكنت هرميكي في دار مسنين.
فاطمه بصدمة: دي انتي اللي شيطانه يخربيتك .
فاطمه مسكتها من دراعها بغضب وزقتها برا البيت: غوري مشوفش وشك هنا تاني.
حبيبه بغضب: حوش حوش ده مين الاعمي اللي هيكون عايز يشوف الوش العكر ده .. يالله اهو ولادك سابوكي بطولك مع شيطانك يا ولية يا مخبولة.
فاطمه بغضب :
↚
هنعمل اي دلوقتي دي بقت مراته يا خالتي انا هبعت ليها حد يخطفها يوم فرحها واساوم مراد عليه ونخلص
فاطمه بغضب: اطلعي برااا غوري في داهيه انتي همك انك تتجوزي مراد ومش همك ان عيالي سبوني لوحدي.
حبيبه بردح: طب ما يسبوكي ولا تغوري في داهيه ونخلصو منك دنتي شيطانه عالارض وعلي فكره انا كنت بطاطي ليكي علشان هدفي أتجوز مراد ولعلمك انا كنت هتجوزه وكنت هرميكي في دار مسنين.
فاطمه بصدمة: دي انتي اللي شيطانه يخربيتك .
فاطمه مسكتها من دراعها بغضب وزقتها برا البيت: غوري مشوفش وشك هنا تاني.
حبيبه بغضب: حوش حوش ده مين الاعمي اللي هيكون عايز يشوف الوش العكر ده .. يالله اهو ولادك سابوكي بطولك مع شيطانك يا ولية يا مخبولة انتي .
فاطمه بغضب قفلت الباب في وشها و قعدت تعيط ورا الباب...
بعد يومين.. يوم فرح ريم و مراد..
حاتم بخبث: تيجي نلغبط بينا ونعمل مقالب في ملك وريم اهو نضحك شويه.
مراد بضحك: قديمه عملتها من يومين وريم قفشتني وعرفتني.
حاتم بغيظ: بقولك اي ما انا هعمل المقلب يعني هعمله.
مراد برفع حاجب: طب لو عرفتنا تديني كام.
حاتم بضحك: ياعم بطل بواخه انا وانت واحد يالله هات بدلتك.
مراد بغيظ: هنقعد نضيع وقت بقي مش هنخلص خد ياخويا اما نشوف اخرتها معاك.
.. خدها لبسها وراحوا اوضة البنات..
مراد بخبث: ادخل يا عريس زغرطوا يا بنات وهاتوا العروسة ل عريسها.
البنات بابتسامة: العروسة اهي بس مينفعش تشوف وشها دلوقتي.
حاتم بكتم ضحك: ليه عليها تار يا ريم تعالي يا عروستي.
جت ومغطيه وشها..
حاتم بخبث: الف مبروك عليا انتي يا روحي.
شال الشال واتخض: بسم الله الرحمن الرحيم ملك انتي بتعملي اي مكان العروسة.
ملك بضحك: زي مانت بتعمل اي مكان العريس هو في واحدة متعرفش دماغ جوزها.
مراد بغيظ: اهم الاتنين طالعوا عارفينا اهو هات بدلتي بقي وفين عروستي.
ملك بضحك: روح شوف عروستك في الاوضة الاعيبكم دي أنا حفظاها .
مراد داخل ملاقهاش: فين يا بنات ريم يا ريم.
ملك باستغراب: كانت لسه هنا.
مراد باستغراب: ازاي ومفيش حد دوروا عليها بسرعه.
حبيبه دخلت: مش هتلاقوها ريم معايا انا خطفتها.
مراد بغضب: انتي أتجننتي فين ريم.
حبيبه بغل: ملهوف عليها اوي ريم انا خدتها ومش هتشوفها تاني ... النهارده فرحك بس هيبقي عليا انا.
ملك بغضب: حبيبه اي الجنان اللي انتي بتعمليه دا.
حبيبه بكره: انتي تخرسي خالص بقا جاية تحضري الفرح كان معاها حق حماتك أنها تبهدلك .
ملك بغضب: حبيبه انتي كده هتودي نفسك في داهيه
حبيبه ببرود: انا كدا كدت ضايعه بص يا مراد انت من الاخر هتكتب عليا والفرح هيمشي عادي بس انا اللي هكون مكان ريم والا تترحم عليها قولت اي.
مراد بجمود: انا موافق بس متأذيش ريم.
ملك بحزن: حبيبه اعقلي يا حبيبتي اللي بتعمليه دا غلط.
حبيبه ببرود: اقلعي الفستان يلا عشان انا اللي هلبسه.
ملك ل حاتم بخوف: هنعمل اي لازم المهزله دي تقف.
حبيبه ضربتها بالكف: طول عمرك وانتي انانيه عاوزة تبوظي فرحي لو حد غيرك كان فرح وزغرط مش انتي يا انانية.
ملك بصدمة: انتي بتمدي ايدك علي اختك الكبيره.
حبيبه بقرف: الكبيرة دي اللي المفروض كانت تقف جنبي ضد مراد والحربايه ريم .. يلا غوري يلا اقلعي
زقت ملك علي الاوضة و حاتم بص ل مراد بغضب' انت اكيد مش هتتجوز البت.
مراد بنفاذ صبر: عاوزاني اعمل اي دي خطفت مراتي ودي مجنونه ممكن فعلا تخلص عليها.
مراد سكت لحظة وقال بلهفة: بقولك اي خد مكاني هي مش هتعرف تفرق وعطلها علي قد ما تقدر وانا هشوف كاميرات المراقبه اكيد ملحقتش تخرج بيها من هنا.
حاتم بتفكير: عندك حق يا بنات ساعدونا نضيع وقت علي قد ما نقدر لازم نلاقي ريم وواحدة منكم تبلغ البوليس.
البنات بابتسامة: ماشي يلا بسرعه.
.. في اوضة في الفندق..
ريم كانت مربوطه ومغمي عليها و في أتنين رجاله واقفين بيحرسوها..
واحد بملل: بقولك اي ما تيجي نشرب حاجه هي كدا كدا نايمه مش هتحس ب اي حاجه.
الاخر بتفكير: افرض فاقت وحاولت تهرب.
الاول بخبث' ياض دي مربوطه وبوقها مكتوم يبقا تهرب ازاي يلا بس بدل الملل دا.
الاخر بمكر: ماشي اقفل عليها كويس.
.. خرجوا وعيون كانت عليهم..
بعد شويه.. في اوضة المراقبه.
مراد بلهفة: بسسس وقف هنا دي ريم متخدرة و اللي ماسكنها تبع حبيبه.
الامن بهدؤء: الاوضة دي في الطابق التالت محجوزه بأسم حبيبة عبدالدايم حجزتها الصبح.
مراد بغيظ: البت مخططه صح علي كدا يلا نروحلها بسرعه.
عند حبيبه
حبيبه ببرود: جرا اي يا مراد فين المأذون خلينا نخلص.
حاتم بخبث: زمانه علي وصول اومال فين الحنه اللي المفروض ترسميها.
حبيبه باستغراب: حنة اي.
حاتم بخبث: حنتك ما هو العروسة من عوايدنا بترسم حنة زي ملك لما رسمتها.
حبيبه ببرود: مش لازم دلوقتي خلينا نخلص.
حاتم بخبث: لا دا لازم دي عاداتنا يا حبيبه يلا انا بنفسي هرسمها لك عقبال ما المأذون يجي واهو نتسلي.
حبيبه بحب: طلما هترسمها لي انت خلاص هاتوا الحنة.
حاتم غمز ل ملك وملك بصت ل اختها بحزن...
عند ريم..
كانت فاقت وبتحاول تقوم مش عارفة البلكونه اتفتحت ودخلت فاطمه.
فاطمه بهمس: ششش متعمليش صوت هم واقفين برا هفكك ونهرب بسرعه.
شالت اللزقه.
ريم باستغراب: انتي اللي بتنقذيني.
فاطمه بهمس: زي ما كنت السبب في تعبك واذيتك الفتره اللي فاتت كان لازم أصحي وافوق لنفسي علشان متضيعوش مني
الباب فجاءة اتفتح: علي فين العزم ان شاءلله.
فاطمة بتوتر: انتو عاوزين اي هديكم ضعف اللي حبيبه ادتهولكم وتسبونا.
الشخص بمكر: دا انتي غبيه اوي فاكر اننا هنوافق.
ريم استخبت ورا فاطمه: اياك ايدك تلمسها انت او هو.
الشخص قرب وزق فاطمه بقوة وقعت علي الارض وريم صرخت وجريت عليها : خالتيي انتي كويسة مررراد يا مرراد حد يلحقنا.
مراد دخل هو والأمن
الأمن : ارفع ايدك انت وهو.
الاتنين خافوا ورفعوا ايديهم والأمن مسكهم
مراد بخوف: انتي كويسه يا ريم ماما انتي بتعملي ايه هنا.
فاطمه بابتسامة: جيت احضر فرحك وأنقذ المسكينه دي
مراد خدها في حضنه.
ريم بحنان: امك هي اللي لحقتني يا مراد.
فاطمه بدموع وندم: حقكم عليا انا عرفت غلطتي وندمت اليومين دول كنت لوحدي وعرفت قيمتكم سامحوني.
مراد بحنان: عمرنا ما زعلنا منك تعالي نروح للتعبانه حبيبه
فاطمه باستغراب: هتعمل اي يعني.
مراد بغمز ل ريم: هي قاعدة مكان ريم ومغطيه وشها انا بقا هدخل انا وريم عريس وعروسة.
ريم بابتسامة: حلو اوي الفكرة اهو تموت بغيظها.
فاطمه بابتسامة: وانا هساعدكم يلا.
.. في القاعة..
حبيبه بتدور علي مراد.
حبيبه بغضب: هو راح فين قالي رايح الحمام ومفيش حد والله لو هرب ل هحرق قلبه.
ملك ببرود: مش هيهرب مراد من النوع اللي بيواجه.
حبيبه بغيظ: اخرسي انتي مش طايقاكي اصلا انا هنزل القاعة وهشوفه.
ملك بخبث: طب غطي وشك ل اهل العروسة يعرفوكي وساعتها محدش هيلحقك من ايديهم يا حرام.
حبيبه ببرود: محدش هيعرفني ولو شوفتي مراد خليه يحصلني احسن له.
نزلت ببرود وفجاءة الباب اتفتح ودخل مراد وهو ماسك ريم ولابسين فستان وبدلة.
حبيبه بصت ليهم بصدمة: مستحيل اي اللي بيحصل دا لاااا.
الكل وقف وسقف ليهم..
حاتم بغمز: اتمني حنتي تكون عجبتك يا بيبا عموما انا رسمت لك الحنه ... يلا يا ملوكتي نفرح ب اخويا ومراته.
راحوا عندهم وفاطمه جت..
حاتم ببرود: مكنتش متوقع انك تيجي يا ماما.
فاطمه بدموع: انا اسفه يا بني حقك تقاطعني و تتبري مني انا غلطت في حقكم اوي كنت ماشية ورا شيطاني و مكنتش واعيه اني بخسر عيالي اللي مليش غيرهم سامحيني يا ملك وانا مستعدة ابوس رجلك لو دا هيرضيكي.
ملك بطيبه: انا مسمحاكي يا ماما.
فاطمه خدتها بالحضن: ربنا يخليكم ليا.
حبيبه بصريخ جنان: انتو فاكرين ان انتو كدا كسبتووووا غلطانين انا هخلص عليكم كلكمم هحرق قلوبكم زي ما عملتوا في قلبي.
مراد بجمود: انتي لازم تتعالجي من المرض اللي فيكي دا.
بيدخل ناس من مستشفى المجانين وبيكتفوها
حبيبه بجنان: سيبوني ده فرحي أنا دلوقتي ابعدوا عني.
.. خدوها علي مستشفى الامراض العقلية
ملك بحزن: ربنا يهديكي يا حبيبه هزورك دايما يا بنت ابويا.
ريم بابتسامة: اي يا جدعان مش هنفرح ولا اي النهارده فرحي شغلوا الاغاني يلا زغرطي يا ماما.
الفرح اشتغل والكل بدء يرقص بفرحه... ماعدا ملك اللي زعلانه علي اختها..
حاتم بحنان: متزعليش هتكون كويسة وتتعالج و بالمناسبة هو انا قولت لك اني بحبك.
ملك بضحك: كتيرررررر يا حبيبي
تمت بحمدلله
خلصتي؟ الرواية الجاية أقوى وأحلى… تعالي وعيشيها معانا👇