رواية لن اتخلي عنك ميرنا وعمر كاملة جميع الفصول

ميرنا : انت يا عم انت … هو المكان اللي انت قاعد فيه ده مكانك … ولا هيا وكاله من غير بواب … مش انت ليك مكان هنا تقعد فيه … ولا هو اي لحمه وخلااص

_: انتي جديده هنا

ميرنا: اه … مين سيادتك وليه قاعد على مكتبي

_: مش مهم … ركزي في شغلك … اظن عرفتي القواعد

قال كلامه وهو ماشي

ميرنا : نيرهه … هو مين ده

نيره : والله ده واحد اسمه عمر بييجي كل يوم يلف على ال ٦ ادوار دول ويشوف اللي مش شايف شغله كويس … بيشوف الأوضاع وكده

 

 

ميرنا : المدير مثلا

نيره : مظنش … ممكن يكون المدير مكلفه بالشغل ده

ميرنا : ايه ده ويت … هو انتي متعرفيش شكل المدير

نيره : تؤ … شغلنا مش بيحتاج أننا نقابل المدير … احنا بنؤدي شغلنا ونسلمه … شغل عادي يعني

ميرنا : ياااااه … ده كده فله اوي

نيره : ركزي في شغلك بقااا

بعد مرور أسبوع

في بيت ميرنا

ميرنا : بص يا محمد … أنا سامحت مره واتنين وتلاته … واستحملت مره واتنين وتلاته … بس انت اللي مش حابب تتغير … فمش هقدر اكمل في علاقه لسه مبداتش اصلا

محمد : سيبيلي فرصه واحده … أنا بتغير فعلا ي ميرنا

ميرنا : بس انا مش شايفه اي تغيير … انت مدمن يا محمد … عارف يعني ايه مدمن … يعني عمري م هآمن على نفسي معاك … عمري م هآمن على عيالي معاك … لانك سهل اوي ترجع للسكه دي … فالافضل تاخد شبكتك من غير شوشره

محمد : يعني ده اخر كلام

ميرنا : ومعنديش غيره يا محمد … وحاول تتغير وتسيب صحابك علشانك

تاني يوم في الشركه

نيره : انتي عارفه

ميرنا : لا معرفش

نيره : م أنا عارفه انك متعرفيش لاء أنا قصدي تعرفي يعني أن انتي وصلتي لقلوب اللي هنا بسرعه

ميرنا : اه اه عارفه … أنا اتحب اصلا

نيره : ربع ثقتك في نفسك

 

 

ميرنا : خديها كلها يمزه‍ متغلاش عليكي … الا بقولك … وانا طالعه شوفت واحده كده رافعه مناخيرها لفوق وهيا اصلا مفيهاش ريحة الحلاوه … شبه السحليه يعني

نيره : انتي تسكتي خالص … هتودينا في داهيه … خدي بالك من سها بتفتن لعمر على اي حاجه تتقال … عامله زي القرد اللي في كرتون وودي وباظ يطير

ميرنا : هتموتيني الله يخربيتك … كل أما اكلم حد هنا بحس دمه واقف معرفش ليه

نيره : بيخافوا … وانا كمان بخاف والله

بعد شويه عمر جه

عمر : نيره … لو سمحت سلمي ملف العربيات لعلي

ميرنا : علفكره الميزانيه مش مظبوطه

عمر : مش مظبوطه ازاي يعني

ميرنا : هفهمك

شرحتله ميرنا قصدها على الميزانيه

عمر : صح … هوصل الكلام للمدير وهو هيشوف هيعمل ايه

 

 

هزت ميرنا رأسها وعمر مشي

نيره : يا جمدانك يا مان

ميرنا : حبيبي

سها : علفكره بقا كل كلامك غلط عن الميزانيه والمدير مش هيقتنع بكلامك الاهبل ده

سها : علفكره بقا كل كلامك غلط عن الميزانيه والمدير مش هيقتنع بكلامك الاهبل ده

قاطعهم علي صاحب مدير الشركه

علي : مين فيكوا ميرنا

ميرنا : انااا ميرناا

علي : تعالي ورايا

ميرنا : حاضر

ميرنا بعد م علي مشي شويه قالت لسها

ميرنا : ايه يا صفرااا احلى مسا عليكي اصفراااااااااااا ياللي شاغله بالك بيا … هعمل مش هعمل برضو اللي في دماااغك هخليكي تمــــ ـــوتي بحصرتك كده تعالي اشربي ببس

 

 

مشيت ميرنا وسها فضلت مكانها وطبعا دمها محــ ـروق

في مكتب علي

علي : مبدئيا كده مدير الشركه حب نباهتك وتركيزك في الشغل بس عمر لاحظ انك رغايه وحاولتي تتكلمي مع كل واحد في الشركه ومسبتيش حد في حاله

ميرنا : ايوه يا فندم من الطبيعي اني اكون اجتماعيه واحاول اعرف كل حاجه عن المكان اللي شغاله فيه … وده بيتطلب اني اكون اجتماعيه مع الكل

علي : لا مش هنا خالص الاجتماعيه دي … انتي بتيجي تخلصي شغلك وتمشي … م علينا … المدير حب يرقيكي … لانك رغم كل اللي بتعمليه الا انك مركزه جدا

ميرنا : بجدددد

علي : اه بجد … بدل م كنتي زيك زي اللي تحت هتكوني انتي مساعدتي اللي هتاخد منهم الفايلز وتراجع عليهم وتسلميهوملي … وده طبعا كان حظك أن مساعدتي هتتجوز ومش هتعرف تنزل شغلها تاني

ميرنا : يا بركة دعاكي يا ماما … شكرا يا مستر على وإن شاء الله اكون عند حسن ظن حضرتك انت والمدير

علي : هتبداي شغلك الجديد من بكره وانهارده هتكملي تحت عادي جدا … ودلوقتي تقدري تتفضلي

ميرنا : عن اذنك

خرجت ميرنا من مكتب علي ونزلت تحت

نيره : هااا كان عايزك في ايه

ميرنا : بالرغم من اني فرحانه بس زعلانه في نفس الوقت

نيره : ليه ايه اللي حصل

ميرنا : اترقيت … ترارا

نيره : وه … طب دي حاجه حلوه جدا ليه بقا زعلانه

ميرنا : علشان مش هكون معاكي في نفس القسم

 

 

نيره : ليه انتي بقيتي ايه

ميرنا : مساعدة علي اللي جه ده

نيره : ده احنا هنشوف بعض اكتر من دلوقتي … بس ايه ده … هيا ملك مساعدته مشيت

ميرنا : يب … لانها هتتجوز ومش هتنزل شغل تاني

نيره : احسن ده انا كنت كل يوم اتــ ـخانق معاها

ميرنا : اديكي مش هتشوفيها تاني اهو … الا صحيح يا سها … مش تباركيلي

سها : اباركلك … على ايه

ميرنا : مش انا اترقيت وبقيت مساعدة صاحب مدير الشركه

سها : نعمم … من تاني اسبوع ليكي … ده انا بقالي سنتين شغاله هنا مترقيتش خالص

نيره : الله اكبر في وشك يا شيخه

ميرنا : ده بدل م تباركيلي … بتحسديني ي سوسو

سها : اباركلك على ايه … المكان اللي انتي خدتيه ده المفروض مكاني بعد م ملك تمشي

ميرنا : غيري مني وولعي صعب جداا تلمعي .. استحاله تقابلي ستك انتي اخرك تسمعي

 

 

نيره : اديلوا

ميرنا : صاحبي اللي بحبه

زمايل ميرنا لما عرفوا باركولها على مكانها الجديد باستثناء سها طبعا

في مكتب علي خرج المدير من ورا الباب اللي كان واقف عنده بعد م ميرنا مشيت

علي : متأكد انها هتنفع في الشغل ده يا عمر

علي : متأكد انها هتنفع في الشغل ده يا عمر

عمر : من ساعة م شوفتها وانا حسيتها طموحه … براقب تصرفاتها هيا وكل اللي تحت بس عجبني تركيزها … وطريقتها في الكلام مقنعه … أنا واثق مش بس متاكد يا علي

علي : كويس … بس انت هتفضل تراقب كل العمال بنفسك لحد امتا … المفروض تهتم بحاجه واحده

عمر وهو بيخرج من المكتب : قولتلك قبل كده بحب اراقب الأوضاع بنفسي … واه … مش عايز ميرنا تعرف اني المدير … متوقعش بلسانك

علي : عيب عليك

 

 

 

 

 

 

تاني يوم

راحت ميرنا الشركه وخدت مكانها الجديد وكانت فرحانه بيه جدا زي فرحة روبانزل بالتاج اللي عجبها على راسها وشافت نفسها في مستقبل احسن

بعد ساعه جه علي وطلب منها تراجع فايلز كتير بداله

خلص اليوم وهيا حست بارهاق زياده عن كل يوم وطبعا عمر مراقب كل اوضاع الشركه وعارف كل صغيره وكبيره بتحصل فيها

ميرنا : وتقوليلي هنشوف بعض اكتر

نيره : وانا اعرف منين أنهم زودوا الشغل عليكي

ميرنا : حسب م فهمت أن هنا مفيش نظام معين

نيره : يمكن في القسم اللي انتي اشتغلتي فيه بس تحت كل واحد وليه شغل معين … بس انتي بتشتغلي الشغل اللي علي كان بيشتغله … يبقي اكيد هو استلم شغل تاني

ميرنا : وملك كانت كومبارس ولا ايه

 

 

 

 

 

 

نيره : لاء بس مش بيعتمدوا عليها اعتماد كُلي

ميرنا : يمكن … يلا الوقت اتاخر … اشوفك بكره … باي

عدي اسبوع وكل يوم ميرنا بتثبت نفسها في الشغل وعمر وعلي بينبهروا مره بعد مره بطريقة تفكيرها

في بيت ميرنا واقفه قدام صوره متعلقه على حيطه

ميرنا : بحاول أنفذ الوعد اللي وعدتهولك زمان … تعبت جدا في الحياه وحاولت اتأقلم على عدم وجودك … تعبت جدا علشان خاطر اوصل للحظه دي … كان نفسي تبقى موجود معايا … تبقى انت الحلو في حياتي بدل المُر اللي أنا عايشاه … واتكسرت اكتر من أخويا … بس متقلقش أنا بعالجه … واكيد مش هسيبه لوحده رغم كل اللي عمله معايا … بس هيفضل أخويا … اللي انت وصتني عليه … ربنا يرحمك يا حبيبي ويجمعني بيك قريب

راحت ميرنا الشركه وهيا داخله شافت الكل بيبصلها نظرات سخريه واللي يبصلها بنظرات شفقه ومنهم بيبص بنظرات شماته

ميرنا : هو في ايه يا نيره … بيبصولي ليه كده

 

 

 

 

 

نيره : متحطيش في بالك

ميرنا : م أنا مش فاهمه في ايه

سها : هقولك أنا في ايه يا حبيبتي

سها : هقولك أنا في ايه يا حبيبتي

ميرنا : اه ياريت تعرفيني من غير مماطله

طلعت سها فونها بضحكه خبيثه وحطته قدام ميرنا بعد م فتحته

ميرنا : وريني كده

خدت ميرنا الفون وفتحت بوقها من كتير الصدمه

 

 

 

 

ميرنا بصراااخ : ايةةةةةةةةةة دةةةةةة … مين اللي عمل كدةةةة

نيره : اهدي يا ميرنا … اهدي

عمر : ايه الصوت ده … في ايه

سها : في قلة ادب ووقاحــ ـه … الاستاذه ميرنا اللي عامله فيها واحده محترمه … طلعت مقضياااها

ميرنا ضربتها بالقلم وهيا بتدمع : اخرصيييي … انتي تسكتي خاالص

عمر : ايه اللي حصل ده … حد يفهمني بدل م تنفصلوا كلكوا

سها : شوفت يا مستر عمر … اللي حصل ده انا مش هسكت عليه … ولا علشان أنا قولت الحقيقه

ميرنا قعدت ع الأرض وهيا مش مستوعبه

عمر : ميرناا … انتي … كويسه

سها : هتكون كويسه ازاي بعد م اتفضحت … اتفضل شوف فضيحتها

 

 

 

 

 

خد عمر الفون من سها وشاف صورة ميرنا في وضع حــ ـرج مع واحد

علي : في ايه يا عمر

مردش عمر ومسح الصوره من على الفون وقال : كل واحد معاه الصوره دي يمسحها فورا … خلال ١٠ دقايق ملاقيش ليها وجود … وانتي ( شاور على ميرنا ) تيجي حالا مكتب صاحب الشركه

نيره قعدت جنب ميرنا : ميرنا … قومي … قولي اي حاجه … برري … أنا واثقه فيكي … متسيبهاش تستغل الفرصه

بصتلها ميرنا بعيون مليانه دموع وقامت راحت على مكتب صاحب الشركه

السكرتيره : صاحب الشركه مش موجود دلوقتي … مستر عمر قالي اخليكي تروحي مكتب مستر علي

راحت ميرنا مكتب علي ودخلت

 

 

 

 

 

 

عمر : ممكن تفهميني ايه اللي حصل تحت ده

ميرنا : اول حاجه شكرا انك خليتهم كلهم يمسحوا الصوره … تاني حاجه أنا معرفش اي حاجه عن الصور دي ولا عمري شوفتها

علي : اومال ايه اللي حصل تحت ده

ميرنا : معرفش … بس انا متاكده أن سها هيا اللي ورا الموضوع

عمر : وهتستفاد ايه

ميرنا : اني أتطرد من الشركه علشان تاخد مكاني

عمر : عندك دليل علي كلامك

ميرنا : لو فتحتوا كاميرات المراقبة هتلاقوها كانت بتقولي أنها أحق بالمكانه دي عني واني مسواش المكان ده غير كده لو نزلت دلوقتي كلمتها لوحدي هتفهموا كل حاجه

 

 

 

 

 

عمر : تقدري تاخدي بقية اليوم اجازه وبكره هنعمل اللي قولتي عليه … ومتقلقيش لو انتي مظلومه حقك هيرجع

ميرنا : أنا واثقه في ربنا

عمر : تقدري تتفضلي

خرجت ميرنا من الشركه وهيا بتخرج سمعت حد بيناديلها وكان واحد زميلها

ميرنا : افندم … في حاجه

_: أنا آسف لو كنت عطلتك عن حاجه … بس ممكن اخد من وقتك دقيقتين

ميرنا : ااه … اتفضل

_: أنا عارف انك محترمه جدا ولا يمكن تكوني انتي اللي في الصور ومصدقتش بصراحه

ميرنا : اه وبعدين

 

 

 

 

 

 

_: ممكن تديني رقم باباكي أو اي حد من عيلتك

ميرنا : افندم … ليه

_: احم … بصراحه … أنا شايف فيكي واحده محترمه … ومعجب بيكي جدا وحابب اتقدملك …

_: احم … بصراحه … أنا شايف فيكي واحده محترمه … ومعجب بيكي جدا وحابب اتقدملك …

ميرنا : نعم … طب وده وقت يتقال فيه حاجه زي دي

_: أنا بس خوفت انك متجيش تاني

ميرنا : لا هاجي إن شاء الله

تاني يوم راحت ميرنا الشركه

علي : خدي الجهاز ده في شنطتك وانزلي تحت اتكلمي مع سها … علشان نعرف ايه اللي حصل بالظبط … اللي حصل ده كان هيأثر جامد ع سمعة الشغل

 

 

 

 

 

ميرنا : ده ايه ده

علي : جهاز تسنط علشان نقدر نسمعكوا

ميرنا : تمام

نزلت ميرنا لنيره وكانت عارفه أن سها هتيجي تبدأ معاها كلام

نيره : عامله ايه دلوقتي

ميرنا : الحمد لله خير

سها : ازيك يا ميرناا … عامله ايه بعد امبارح يروحي

ميرنا : أنا عارفه أن انتي السبب في اللي حصل ده … وصدقيني هتدفعي التمن غالي

 

 

 

 

 

سها : انتي شاكه فيا … أنا عايزاكي تتاكدي … وبصراحه خطيبك كان سريع اوي في أنه يفبركلك الصور علشان ينتقم منك

ميرنا : مبدئيا ده كان خطيبي مش خطيبي … ثانيا انتوا ال ٢ هتاخدوا جزائكم كويس اوي … والكلام ده كله هيوصل لمدير الشركه وهتتفصلي خااالص

سها : تبقي شاطره لو قولتيلهم مين هيصدق

ميرنا : انتي ناسيه أن في هنا كاميرات

سها : وانتي ناسيه انها فيديو بس من غير صوت وبعدين مش هيرجعوها عشان واحده زيك

ميرنا : سبحان اللي مصبرني عليكي … بس اللي هيحصلك هيشفي غليلي منك يا حيزبونه

 

 

 

 

 

 

سها : هه … اعلى ما في خيلك اركبيه

علي : سهاااا

سها : ن .. نعممم

علي : على مكتبي

سها : ح … حاضر

ميرنا : مع السلامه يا صفرا

راحت سها مكتب علي وخرجت بعد فتره وهيا كاتمه دموعها بالعافيه ومغلوله وراحت مكتبها تلم حاجتها

نيره : يلا بالسلامه غوروا

ميرنا : من غير سلامه

سها : مش دي النهايه … وحياة اللي خلقني م هسيبك

 

 

 

 

 

 

ميرنا : قال احمق منذ قليل أعلى م في خيلك اركبه

خدت سها حاجتها ومشيت وبعد شويه جه زميل ميرنا اللي طلب أيدها

_: فكرتي في اللي قولت عليه

ميرنا : روح للي بعتتك وقولها مش هتعرف تأذيني تاني

ميرنا : روح للي بعتتك وقولها مش هتعرف تأذيني تاني

_: بعتني … بعتني لايه

ميرنا : هنبدا الاستعباط … بص علشان انتي شكلك هفأ اصلا … أنا عارفه الاتفاق اللي بينك انت وسها … فخدها من قصيرها واتكل ع الله … بدل م تحصلها

مشي من قدامها من غير ولا كلمه

في بيت عمر

عمر : معلش يا هاله أنا لسه راجع من الشغل وتعبان … لو سمحت سيبيني اطلع اوضتي

 

 

 

 

 

هاله : قولتلك ١٠٠٠ مره متقوليش هاله … قول هلا … مش فاهمه فين الصعب في ده

عمر : ماشي يا ست هلا … ممكن بقا تسيبيني اطلع اتخمد

هاله : هو انت كل م تشوف خلقتي تقولي الكلمتين دول

عمر : معلش استحملي … سيبيني بقا

سابها وطلع اوضته

هاله : عاجبك اللي ابنك بيعمله ده يا عمتو

_: قولتلك اتقلي عليه … وانتي مبتسمعيش الكلام

هاله : اتقل على خطيبي … ده ازاي يعني

_: احسن م تكوني لازقه ويزهق منك

 

 

 

 

 

 

هاله : يووووه … ايه العلاقه الناشفه دي

صحي على صوت طفل بيصحيه : بابا … بابا … اصحي يا بابا علشان تلعب معايا .. بابا

بيرد وهو نايم : سيبني انام يا حبيبي دلوقتي

بيرد : لاء … العب معايا لعبه حوه ( حلوه )

بيرد عليه : لما اصحي يا حبيبي

بيرد : اقولك سر

بيرد عليه : قول على سر يا شبح

بيرد : بس مش تقول لحد

بيرد عليه : مش هقول لحد

بيرد : وعد

بيرد عليه: وعد

بيرد : ماما قالتلي انها هتجيب نونو صغير نلعب بيه

 

 

 

 

 

 

بيرد عليه : وهيا فين ماما

بيرد : اروح انادي عليها

بيلاقوها داخله عليهم

ميرنا : سيربراااااايز

صحي من نومه مخضوص واستوعب أنه بيحلم …

عمر : بسم الله الرحمن الرحيم

قام لبس هدومه ونزل ع الشركه

علي : كنت عايز ايه

 

عمر : اطلع كامب

عمر : اطلع كامب

علي : لسه الموضوع ده قدامه شهرين

عمر : لا مش ده قصدي

علي : مش فاهم … وضح

عمر : للشركه كلها

علي : انت بتهزر يا عمر … الشركه كلها كام عميل

 

 

 

 

 

 

عمر : يا الله … افهمني يبني … الشركه كلها من حيث المهمين … يعني السكرتيرات باللي شغلهم أساسي

علي : اه … فهمت

عمر : الحمد لله

علي : سيبلي أنا الطلعه دي

عمر : وده اللي جايلك عشانه

تاني يوم أعلن علي عن الرحله وقال مين يحضرها ومين لاء وبالفعل جه معادها

نيره : والله هتفكي شويه … احسن من الخنقه بتاعتنا … وبعدين لا هيطلعلك ام تمنعك ولا اب يقولك لاء … ودي احسن حاجه

ميرنا : احسن حاجه ؟!! … فعلا مش هتعرفي قيمة الحاجه الا أما تروح منك

نيره : ي ستي أنا عايشه وسط يهــ ـود بجد … لا اب حنين … ولا ام عمرها حضنتني … ده انا لو غبت عن البيت اسبوع محدش هيحس

 

 

 

 

 

 

 

ميرنا : مفيش اب وام ممكن يكرهوا ولادهم … حتى لو مش بيحسسوكي بده … فانتي بالنسبالهم اغلى حد … ومش هتحسي بيهم بجد غير أما يروحوا منك … فانتي تحمدي ربنا وتبوسي ايدك وش وضهر انك لو دلوقتي عايزه تكلميهم وتشوفيهم هتعرفي … غيرك بيتمني لحظه واحده بس … بيتمنوا وجودهم في الدنيا … بيتمنوا لو الزمن يرجع بيهم للحظه … أنا واحده عمرها م حست حنية الام … ماتت وهيا بتولدني … يعني عمري م شوفتها ولا هيا شافتني … بس انا راضيه بقضاء ربنا … الام وجودها نعمه في كل بيت يا نيره … ولازم تشكري ربنا عليها يوميا

نيره : ونعم بالله … ربنا يعوضك بالاحسن يارب

ميرنا : وإياكم … يلا باي هروح اجهز شنطتي لبكره

تاني يوم اتجمعوا واستعدوا للكامب وكانوا واصلين على ١ بالليل وكل اتنين كان ليهم خيمه

ميرنا : عمري م طلعت مكان زي ده

_: أنا طلعتها مره واحده بس في حياتي مع بابا

ميرنا : ربنا يخلهولك

_: امين

ميرنا : احنا بقا جايين هنا نعمل ايه

_: علمي علمك والله … بس هتنبسطي جدااااا

ميرنا : على ضمانتك يا استاذه هاجر

 

 

 

 

 

 

 

هاجر : عيب عليكي … يلا تصبحي على خير … الواحد خلصان من الصبح … بس هنخربها بكره

ميرنا : اشطاااات

نامت هاجر بس ميرنا معرفتش تنام … فضلت تتقلب على أمل أنها تنام … بس مش عارفه … خرجت بره كان ساعتها وقت الشروق … قربت من البحيره ولقت حد قاعد هناك

ميرنا : احم … صباح النور

_: صباح الخير … انتي لحقتي تنامي

ميرنا : لاء … أنا اصلا معرفتش انام … المكان جديد عليا مش متعوده … قولت أخرج بره شويه

_: أنا برضو كل م اجي هنا بقضي اول ليله ع البحيره لوحدي

ميرنا : امم … لو حابب تقعد لوحدك ممكن ادخل احاول انام

_: لاء … قصدي يعني مش مضايقاني ولا حاجه … ممكن تقعدي عادي

 

 

 

 

 

 

 

ميرنا : ميرسي

قعدوا يدردشوا شويه

ميرنا : بس طلع دمك خفيف يعني … اومال ايه دور الروبوت في الشركه ده

عمر : الشركه لازم أقضي شغلي كويس … بس دلوقتي مفيش شغل … فدي شخصيتي مش شخصية الشغل

ميرنا : حتي لم……

قاطعها صوت صريخ جاي من خيمه

قاطعها صوت صريخ جاي من خيمه

ميرنا : ايه ده

عمر : مش عارف

راحوا الخيمه اللي جاي منها الصوت وكان فيها كذا حد جه على الصوت

عمر : في ايه

_: في تِعبان في الاوضه قرص هبه

 

 

 

 

 

 

ميرنا : تِعبااان ؟؟!

راح علي لِهبه ومص الدم المتلوث من دراعها

علي : حد يجيب علبة الإسعافات بسرعه

_: اتفضل

لفلها دراعها

علي : خلاص كله تمام … الف سلامه … خدي بالك من نفسك

هبه : شكرا

ميرنا : هننام ازاي دلوقتي

هاجر : معاكي حق … رعب

_: عادي يجماعه مش اول مره … بس خدوا بالكوا

كل واحد راح على خيمته وجه الصبح

هاجر : جود مورنينج

ميرنا : أنا عايزه اخربها بقا واشعللها

هاجر : ده اللي هيحصل اصلا بس الصبر

 

 

 

 

 

 

اتجمعوا كلهم مع بعض وكانوا حوالي ٧ بنات و ٨ رجاله

علي : هوزع عليكوا ايه اللي هنعمله خلال ال ٣ ايام … انهارده هنصطاد سمك ونشويه على حطب وعلي م نخلص هيكون الليل جه … اللي عايز ينام ينام واللي عايز يقعد يقعد واللي عايز يتمشي يتمشي بس مش بعيد علشان احنا في صحرا … بكره هنروح غابات قريبه من هنا نستكشف ايه الجو فيها وهنرجع بعد المغرب وبرضو هنكون بالليل اعملوا اللي عايزينه … تالت يوم هيكون في حفله صغيره في صحرا تبع البدو هتكون بالليل هنروح نحضرها

بدأوا يومهم الاول واصطادوا وكان الجو مرح وفي روح المنافسه على مين يصطاد سمكه اكبر واكبر كميه وبالفعل انتهوا وبدأوا يشووا السمك اللي اصطادوه

ميرنا : الحمد لله … عايزه بقا اقعد ع البحر شويه لحد الفجر وتبقي الدنيا فله

هاجر : اهدي شويه … من الصبح وانتي عايزه تعملي كل حاجه

 

 

 

 

 

 

ميرنا : بحب كده

هاجر : طب يارب دايما

هبه : طب ايه رايكوا نلعب صراحه

ميرنا : حلوه اوي الفكره دي

_: اشطا طب يلا … هقول للكل

وافقوا الكل ع الفكره وبدأوا يلعبوا

_: ميرنا هتسال منه

ميرنا : اشطا … ايه هو طموحك في الحياه ؟

منه : الاستقرار

ميرنا : يارب دايما في استقرار

_: وائل هيسأل بيشوي

 

 

 

 

 

 

بيشوي : اهدي كده واسال سؤال سهل علشان متفضحش … ليديا موجوده معانا … متنساش

وائل : ده انت حبيبي

ليديا : قصدك ايه بليديا موجوده معانا

بيشوي : مش قصدي حاجه خالص صدقيني

ليديا : بس يقع النصيب اني اسالك

_: قولي يارب

وائل : هسالك سؤال حلو

خلصوا لعب وميرنا قامت تتمشي وووقفت ع البحر وسرحت وفجأه لقت حد واقف جنبها وباسها من خدها…..

خلصوا لعب وميرنا قامت تتمشي ووقفت ع البحر وسرحت وفجأه لقت حد واقف جنبها وباسها من خدها

_: هااي

اتخضت ميرنا وعطته قلم على وشه صدمه

ميرنا : ايه قلة الذوق دي

_: ايه اللي هببتيه ده … كل ده علشان بتعرف عليكي

ميرنا : وهيا دي طريقه … دي قلة ذوق

_: والله بقا دي طريقتي

ميرنا : والله بقا أنا المفروض اديك بالشبشب يا دلوعه

_: دي مش طريقة كلام بجد … أنا غلطان اني كلمتك

ميرنا : اه غلطان … ويلا ورينا عرض كتافك … واحمد ربنا اني سكتت ومقولتش لحد

 

 

تاني يوم اتوزعوا كل اتنين مع بعض يستكشفوا غابات وكان نصيب ميرنا مع عمر أو كان عمر عايز كده ورتب لده

مشيوا في نص الغابه في هدوء تام

ميرنا : هو احنا المفروض نعمل ايه … أنا بخاف من الأماكن الهاديه دي

عمر : انتي مركزتيش في اللي علي قاله

ميرنا : وزعنا بس … هو قال حاجه تاني

عمر : انتي كنتي سرحانه ولا ايه

ميرنا : بصراحه اه

عمر : قال يستي أن كل جزء مننا هيدور على ورق جوه شجر علشان نحل اللغز ونلاقي الشئ المفقود … واللي يلاقيه هو الفايز

ميرنا : طب واحنا هنفضل ماشيين كده زي السلحفاه … مش المفروض نسرع سيكا

عمر : هو المفروض … بس انا غالبا أما باجي هنا بحب اتمشي … مش متعود اني ادور على لغز وكده يعني

ميرنا : ايه ده انتي بتيجي هنا كتير

عمر : كل سنه تقريبا

ميرنا : نيره صاحبتي قالتلي أن المدير ومستر علي بيروحوا كامب برضو كل سنه … بس هو ليه المدير مطلعش معانا … أنا من ساعة م جيت الشركه مشوفتوش ولا مره

عمر : مش عندي اي خلفيه … بس انا باجي هنا كل سنه لوحدي مش معاهم

ميرنا : انت شوفت المدير قبل كده

عمر : اه اكيد

ميرنا : ليه محدش بيشوفه

عمر : هو بيحب يشتغل من ورا الستاره

ميرنا : عندي فضول اشوف شكل المدير ده ايه بجد … إن شاء الله يجيلي الفرصه واشوفه

عمر : إن شاء الله

ميرنا : انت شغال في الشركه بقالك كتير

عمر : اها

ميرنا : وطبعا عارف كل حاجه فيها

 

 

عمر : اكيد دي طبيعة شغلي … انتي طبعا اشتغلتي قبل كده في شركات … بس ليه مشيتي

ميرنا : علشان … طلعت شركه غير اللي كنت مفكراها

عمر : ازاي يعني

ميرنا : أنا بحسبها شركه عاديه واشتغلت فيها سنه … وبعدها عرفت أن المدير شمال وشغله شمال

عمر : ااه … فهمت

ميرنا : المشكله انه مش باين عليه … يعني عنده ٦٥ سنه … بس المظاهر خداعه بجد

عمر : اه خداعه جدااا … علشان كده متتعوديش تثقي في الناس

ميرنا : أدينا بنتعلم … وانا اكتر واحده بتعلم … واخر موقف بتاع سها

عمر : أنا كنت عارف انها فبركت الصور دي

ميرنا : بس طلعت ناصحه … راحت لخطيبي واقنعته يفرك الصور ويكون هو اللي فيها مش واحد تاني

عمر : ايه ده … انتي مخطوبه

ميرنا : كنت … بس سبته لانه طلع بيتعاطي … وحاولت اسيبه كتير اوي … وحب ينتقم مني فسمع كلام سها

عمر : ومفيش حد يقفله ويوقفه عند حده

ميرنا : أخويا كان صاحبه … وجرجره لسكته … واخويا بقا يسرقني … فوديته مستشفي يتعالج فيها … وبابا مات من ٥ سنين وماما ماتت وهيا بتولدنا

 

 

عمر : بتولدكوا ؟!

ميرنا : اه … أنا واخويا توأم … كان نفسي أشوفها اوي واحس بالأمان معاها

عمر : ياااه … ده انتي عنيتي كتير في حياتك

ميرنا : بس انا راضيه … واكيد ربنا هيعوضني

قعدوا يتكلموا كتير وهما ماشيين ميرنا لمحت حاجه بتلمع وجريت عليها واخدتها

في مكان تاني

_: وانت لسه جاي تفتكر دلوقتي يا بابا أن ليك بنت اخ

_: وانت لسه جاي تفتكر دلوقتي يا بابا ان ليك بنت اخ

: معرفتش أن أخويا مات غير دلوقتي

_: طب هتعمل ايه

: هجيبها هنا … م هيا ملهاش حد دلوقتي هيا وأخوها

 

 

 

 

 

_: هتوافق تيجي من القاهره للريف

: ومتوافقش ليه

_: يا بابا هناك الحياه غير هنا خالص … وهيا لا يمكن توافق تسيب القاهره وحياتها اللي هناك وتيجي هنا بمجرد م تطلب منها

: أنا هعمل اللي عليا وخلاص

عند ميرنا

لمحت حاجه بتلمع جريت عليها واخدتها

ميرنا : ايه ده واااو … دي اللي بيدوروا عليها … لقيتها من غير مجهود

عمر كان بيبصلها ومستغرب طفولتها … عانت كتير جدا في حياتها بس قد ايه حاجه بسيطه بتفرحها … الطفوله اللي جواها لسه موجوده … عاشت دور الطفله والام في نفس الوقت … كفايه أنها معتنيه باخوها واكنها مامته … ومعتنيه بنفسها وقادره تصرف عليها وعلى اخوها … جواها حمل كبير اوي بس هيا طفله لسه في بداية حياتها … بصلها عمر بابتسامه وحس أنه قد ايه فرح لما شاف انبساطها … واكتشف قد ايه بيعشق ضحكتها … حس بمشاعر مش اول مره يحس بيها … بيحس أنه مش هو وهو معاها … هيا قادره تغير كل حاجه واي حاجه

 

 

 

 

 

 

 

عمر : مبروك

ميرنا : أنا فرحت اوي بجد … بس كان عندي حماس ادور على الورق اللي فيه اللغز … بس يلا حصل خير … احنا هنرجع ازاي

دور عمر في جيوبه على الجهاز ومش لاقيه : في جهاز المفروض بيكون مع كل واحد … عباره عن فون و gps في نفس الوقت … مش عارف ليه مش لاقيه … انتي جبتي جهازك ؟

ميرنا : ايه ده هو احنا هنحتاجه دلوقتي … أنا حطيته في الشنطه بتاعتي

عمر : أنا مش عارف انا ازاي مش لاقيه … أنا واثق اني حطيته في جيبي

قعدت ميرنا ع الأرض : مش مستر علي حط البتاع الحلوه دي هنا علشان اللي يلاقيها … يبقي اكيد هييجوا هنا … يبقي منتحركش من هنا علشان منتوهش

عمر قعد جنبها : لا ذكيه بجد

في بيت عمر

هاله : عمتو … بقالي يومين مشوفتش عمر … وفونه غير متاح … هو فين

_: طلع كامب مع صحابه

 

 

 

 

 

 

 

هاله : من غير م يقولي !!! …. هو ليه مش قادر يقتنع اني خطيبته … والمفروض يحكيلي كل حاجه

نزلت اخت عمر من اوضتها : اديكي قولتي بنفسك … خطيبته … مش مراته … وبصراحه يا هاله يا حبيبتي انتي خنقااه اوي … ومش بعيد يزهق منك ويسيبك

هاله : اولا اسمي هلا … مش هاله … ثانيا ده خطيبي من حقي اعرف كل حاجه عنه ي استاذه لين

لين : لاء طبعا … لما تبقي على ذمته بقا … بلاش تطفل بقاا … ولو بص بره هتيجي تشتكي وتعيطي وتعملي حوار

هاله : شايفه يا عمتو كلامها

_: بس يا لين … سيبيها في حالها

لين : كل حاجه كده تروح تشتكيلك … وياريتك بتعملي حاجه

 

 

 

 

 

 

_: لسانك عايز قصه

لين : ثانكس … أنا ماشيه

عند ميرنا وعمر

ميرنا : شوفت … جايين هناك اهم

علي : عمال ارنلكوا … مفيش ارسال … انتوا مش معاكوا الاجهزه

عمر وميرنا : نسيناه

وائل : لاء شاطرين

عمر : المهم … لاقيتوا حاجه

ليديا : لاء خالص

هاجر : دورنا كتير وجمعنا ورق كتير علشان نوصل لمكان اللؤلؤه

 

 

 

 

 

 

 

ميرنا : أنا لاقيتها

علي : بجد … مبروك عليكوا

ميرنا : ايه ده ويت … مبروك علينا ليه … هو مش المفروض نرجعها

علي : تؤ … اللي يلاقوها من نصيبهم

طلع عمر سلسله من جيبه وخد اللؤلؤه من ميرنا وادهالها

عمر : مبروك عليكي … انتي اللي لاقيتيها

ميرنا : لاء المفروض لاتنين

عمر : أنا مش عايز أبيعها … هتكون حلوه عليكي

ميرنا : بجد ميرسي

رجعوا كلهم لخيمهم واستعدوا لتاني يوم

في مكان تاني

_: محتاجين دمممممم بسرعااااه

في مكان تاني

_: محتاجين دمممممم بسرعااااه

قالها دكتور للمرضات اللي معاه

*: الفصيله نادره جدا ومحدش من عيلة المريض بره

قدام بيت ميرنا

خبط كتير ومزعج ع الباب ومحدش بيرد

_: تلاقي محدش موجود

*_ بعد م طخينا المشوار ده كله

 

 

 

 

 

 

جه شخص من وراهم

_: تؤمروا بحاجه !!

عند ميرنا

ميرنا : البس ده ولا ده

هاجر : الاتنين حلوين عليكي

ميرنا : عينك اللي حلوه والله … بس محتاره البس ايه فيهم

هاجر : الاحمر هيكون خرافي … دايما الاحمر بيفوز

ميرنا : اشطا هلبس الاسود بقا

عند عمر

علي : انت مش شايف نفسك يبني

عمر : بلاش تلميحات سخيفه يا علي

علي : دي مش تلميحات … دي حقيقه

عمر : انت عايز تشوف كده … براحتك

 

 

 

 

 

 

 

علي : تصرفاتك هيا اللي بيبان عليها والله … الاول تفضل مراقبها وبعد كده ترقيها وبعد كده تطلع ليهم كامب وبعد كده تلعب في الورق علشان تكونوا انتوا الاتنين مع بعض … كل ده وبتنكر أن تصرفاتك مش غريبه

عمر : أمور عاديه خالص علفكره … انت اللي مكبرها … انت ناسي هاله ولا ايه

علي : كلنا عارفين انك كنت مجبر علي خطوبتك من هاله … زي م أنا واثق ومتأكد انك مش بتحبها

عمر : بس هيا دلوقتي خطيبتي والمفروض احترم ده ولا ايه

علي : انت بدأت تداري عني علفكره … والمفروض اني صاحبك

عمر : مبداريش بس انت بتقول كلام مش منطقي

علي : يبني ياريتك تشوف نفسك وتصرفاتك

عمر : انتي هتجنني أنا خارج بره

 

 

 

 

 

 

 

تاني يوم

جه الليل وراحوا الحفله

علي : عينك منزلتش من عليها اهو … انكر بقا

عمر : بطل هبل يا علي … بس بقا بس

علي : علفكره هيا كمان بتبصلك كتير … ممكن يكون اعجاب متبادل

عمر : انت عايز توصل لايه بالظبط

علي : مش عايزك تقع مع واحده مش بتحبك وتسيب اللي بتحبها … عينك باين فيها كل حاجه يا عمر … روحلها قبل م تضيع من ايدك … أنا حذرتك

مردش عمر عليه ووصلوا الحفله واتفاجئوا باللي شافوه

عمر جري عليها اول واحد وبعد كده كلهم

عمر : في ايه اللي حصل … انتي كويسه

ميرنا : أنا قلبي واجعني اوي … مصطفااااااااااه

وبعدها غابت عن الوعي

وعلي ناحيه تانيه

 

 

 

 

 

 

 

_: البقاء لله

*_ يا دكتور مفيش اي حد من عيلته بره وهو مكانش معاه اي فون نقدر نوصل لعيلته

جت ممرضه من بره : انا عرفت مين ده

عند ميرنا

دخلوا خيمة صاحب الحفله وكلهم واقفين بره مستنين مرات صاحب الحفله تفوقها

واخيرا فاقت : أنا فين … وانتي مين

_: أنا عمتك نوال مرات عمك ابراهيم صاحب الحفله بتاع النهارده … انتي عامله ايه دلوقتي

ميرنا : أنا مش كويسه … أنا عايزه اكلم أخويا واتطمن عليه

نوال : تقدري تطمني عليه من تليفون عمك ابراهيم

ميرنا : بجد … طب أنا عايزه أكلمه بسرعه

طلعت نوال لجوزها ابراهيم وبلغته حالة ميرنا وانها عايزه تتطمن على اخوها

عطاها عم ابراهيم المحمول بتاعه ودخلتلها

عمر : مين مصطفي ده

علي : مش عارف اكيد … بس ممكن حد من عيلتها

 

 

 

 

 

 

 

عمر : هيا ليها أخ توأم بس انا مش عارف اسمه … وكمان هيا كانت مخطوبه

علي : وانت عرفت كل ده منين

عمر : ا … ا … هو

علي : انت هتقعد تأوأولي … واضح انها مش في دماغك خالص … علي العموم ممكن تكون حست أن اخوها جراله حاجه لأنهم توأم وبيحسوا ببعض جدا

في المستشفي

_: وساكته من الصبح يا ساره … مين بسرعه

ساره : ده مريض هرب من المصحه … الهدوم اللي كان لابسها مكتوب عليها اسم المصحه … ممكن نوصل لحد من عيلته لو روحنا هناك … واكيد هما بيدوروا عليه

 

 

 

 

 

 

 

_: ومستنيين ايه اتحركوا بسرعه

في المصحه وبالتحديد عند المدير

المدير : أخته تليفونها مقفول … احنا حاولنا نتواصل معاها بالفعل وبعت ناس لبيتها بس هيا مش موجوده هناك

_: طب احنا هنحطه في التلاجه على م أخته تظهر

المدير : ده انسب حل دلوقتي

عند ميرنا اخدت الفون ورنت ع المصحه وطبعا الرقم بيكون مميز فسهل عليها انها تفتكره وردت عليها سكرتيرة المدير وبسرعه وصلتها للمدير

ميرنا : دكتور … أنا ميرنا … طمني على مصطفي والنبي … هو كويس مش كده … أنا قلبي واجعني عليه من الصبح بس بحاول اطمن نفسي … بالله عليك طمني وقولي أنه كويس

 

 

 

 

 

 

 

المدير : أنا … أنا مش عارف اقولك ايه … بس مصطفي … احم … هرب من المصحه وعربيه خبطته … وهو حاليا في المستشفى

ميرنا بعياط : أنا كنت حاسه … أنا كنت حاسه … طب … هو كويس … خرج من العمليات … طمني عليه والنبي يا دكتور

المدير : اا .. مش عارف اقولك ايه … بس انتي الوحيده اللي تعرفيه وانتي الوحيده اللي أخته وملكوش غير بعض … ومكنتش حابب اعرفك بس لازم تعرفي

ميرنا : لو عايز اي عمليات بتكاليف عاليه مش مهم … المهم أنه يكون كويس

المدير : أنا عارف انك قويه وهتقدري تتعايشي مع الوضع … بس لو ربنا ادانا حاجه وحب ياخدها مننا تاني المفروض نرضي بأمر وقضاء ربنا ومنعترضش …….

سمعت الخبر ووقعت على الأرض مستوعبه اللي سمعته

نوال جريت عليها : يلهوي … مالك يا بنتي فيكي ايه … اجري يا جهاد نادي ابوكي بسرعه

ميرنا : أنا السبب … أنا اللي وديته هناك … بس علشان أعالجه والله العظيم … والله العظيم أنا مش قصدي … أنا مليش حد تاني خلاص … كان هو عيلتي وكياني … مش مجرد أخ … كان توأمي … أنا عارفه أنه مكانش قصده أنه يسرقني علشان يروح يشرب … بس اكيد محمد هو اللي قاله يعمل كده

خدتها نوال في حضنها وعم ابراهيم دخل ووقف يسمعهم ويفهم ايه اللي حصل

نوال : متزعليش يا حبيبتي … ده مكتوب ولازم يحصل … ربنا قال في كتابه الكريم وكل نفس ذائقة الموت … كلنا هنموت ومحدش هيعيش اكتر من اللي مكتوبله … واكيد دي رحمة ربنا … وخليكي متأكده أن ربنا بيحبك اوي … إن الله إذا احب عبدا ابتلاه … وربنا شايفك بعيده عنه … وكل شويه يبتليكي علشان تتوبي وترجعيله

ميرنا : أنا عايزه اشوفه … عايزه اشوف أخويا عايزه اشوفه

 

 

عم ابراهيم : استهدي بالله يا بنتي … البقاء لله … قومي اغسلي وشك وصلي ركعتين لله وبعدين ابقي روحي شوفيه … واحتراما ليكي أنا هوقف الوليمه اللي بره دي

راحت نوال لميرنا تسندها هيا وجهاد

خرج عن إبراهيم بره وطلب منهم يوقفوا كل حاجه

عمر : هو في ايه … هيا كويسه ؟

عم ابراهيم : لا يا ابني مش كويسه خالص … اتصلت بحد بلغها أن اخوها اتوفي

عمر : مات !!؟

علي : طب هيا عامله ايه دلوقتي ؟

عم ابراهيم : ربك يسترها

سافرت ميرنا لاخوها وخدت عزاه وكانوا صحابها واقفين معاها من ضمنهم عمر طبعا

بعد مرور شهر كانت ميرنا نايمه وصحيت على صوت خبط على الباب

فتحت الباب

ميرنا : نعم … حضرتك عايز مين ؟

_: انتي ميرنا

ميرنا : ايوه انا ميرنا … هو في حاجه

_: أنا عمك اخو ابوكي

عند عمر

عمر : اسف … مش هقدر اكمل

هاله : انت بتقول ايه يا عمر … انت هتسبني

عمر : خلينا اخوات احسن … أنا عمري م شوفتك غير اختي

هاله : ليه … أنا عملتلك ايه

عمر : معملتيش

 

 

هاله : اومال ايه

عمر : افهمي … أنا مش هقدر اتجوزك … انتي بالنسبالي اختي … أنا عملت كده وخطبتك علشان امي مش اكتر … لكن حاولت اشوفك غير انك اختي ومقدرتش … اسف … كده افضل حل

سابعا ومشي وهيا فضلت مصدومه

في الشركه

علي : يعني ايه اللي انت بتقوله ده … انت عارف خطورة الكلام ده ايه

_: عارف بس ده اللي حصل ومقدرش اغيره

علي : ازاي يجدع … ده انا اللي بستلم الفايلات بايدي

_: يبقى في حد لعب في الفايل ده … شوف مين بقا اللي قدر يدخل هنا ويبدله

عند ميرنا

ميرنا : اتفضل الشاي وفهمني بقا كل حاجه علشان أنا مش فاهمه

_: أنا عمك هاني اخو ابوكي الله يرحمه من نفس الاب بس الام مختلفه ابوكي حب يجي القاهره عشان مامتك كانت حياتها هنا ومقدرتش تسكن في الريف وابوكي وافق وسمع كلامها وقبل م يمشي حصلت بينا مشاكل كتير بسبب مامتك ووصلت للمحاكم ومن وقتها معرفش حاجه عن ابوكي غير أنه خلف بنت وولد ومراته ماتت في اليوم ده

ميرنا : يعني انا ليا عيله

 

 

_: ايوه يا بنتي

ميرنا : طب وايه اللي فكرك بيا دلوقتي

_: أنا لسه عارف ان ابوكي ميت من فتره

ميرنا : ميت من ٥ سنين وجاي تعرف دلوقتي … انت اكيد بتهزر

_: زي م قولتلك أنا مكنتش اعرف حاجه عنكوا غير اللي قولتهولك

ميرنا : طب و……..

قاطعها صوت حد بينادي في الشارع : اللي مدوراااها … وعاملالي فيها شريفه … طلعت بتجيب عواجيز بيتها … وبعد موت اخوها …

_: اللي مدوراااها … وعاملالي فيها شريفه … طلعت بتجيب عواجيز بيتها … وبعد موت اخوها

خرجت البلكونه جري تشوف ايه اللي بيحصل هيا وعمها

_: اهي خرجت معاه … م تقوليلي أن ليكي في السبعيني بدل م انتي عاملالي فيها المحترمه

هيا وقفت مصدومه بس من اللي حصله لما لقت عمر مسكه خبطه وقعه ع الأرض وطبعا التاني مفيهوش حيل لأي مناهده من الشرب اللي بيشربه ولأنه تقريبا بيتطوح كل شويه من كُتر م هو مش شايف قدامه وقع من خبطه وفقد وعيه

فتحت ميرنا الباب وهيا بتقول لعمر : ايه اللي انت عملته ده يا عمر … انت اتجننت

 

 

 

 

 

 

 

عمر : انتي مش سامعه كلامه

ميرنا : مش مهم كلامه … طول م الناس عارفاني وعارفه أخلاقي يبقى مش مهم … يعني هيصدقوا واحد زي ده وقع من خبطه … اهو كده بقا مش هيسكت خالص … ده الرد ع العبيط بيعمله سيط

عمر : اهو اللي حصل بقا … في حد معاكي جوه

ميرنا : اه … تعالي ادخل

دخلت ميرنا ومعاها عمر لعم هاني

ميرنا : ده يا عمر عمو هاني … قريبي من البلد … وده يا عمو زميلي في الشغل

عم هاني : هو تشرفنا وكل حاجه بس هو مش المفروض متدخليش راجل غريب بيتك

عمر كان هيتكلم بس ميرنا قاطعته

ميرنا : عمو … أنا اه متفتحه وبابا كان مدلعني وكان سايبني براحتي ومعلمنيش الصح والغلط بس انا فاهمه كويس اوي في الأصول وعارفه ايه الصح وايه الغلط وعارفه حدودي كويس اوي وعمري م اتمديت … أنا صاحبتي بايته معايا بس هيا قتيله في نومها فمهما عملت مش هتصحي ولو بالطبل البلدي … وغير كده مبدخلش اي راحل البيت غير وباب الشقه مفتوح … أنا ب ١٠٠ راجل

عم هاني : فخور بيكي يا بنت اخويا … اقدر افهم ايه اللي حصل من شويه ده

ميرنا : ده اللي كان خطيبي … لما أنا فشكلت معاه محبش الوضع وكل شويه يفضحني في كل حته … بس انا عارفه أن مش انفصالي عنه هو اللي خلاه يعمل كده

عمر : اومال ليه بيعمل كده ؟

ميرنا : سها اللي زقاه عليا

عمر : كانت مره وخلاص ليه لسه حطاكي في دماغها

ميرنا : علشان أنا السبب تقريبا في أنها تنفصل عن الشركه

عم هاني : انتي تعبتي في حياتك كتير اوي يا بنتي … مش آن الأوان ترجعي معايا بقا وتشوفي بقية عيلتك

 

 

 

 

 

 

ميرنا : أنا نفسي جدا في عيله ومفتقده الشعور ده بس انا لو روحت معاك هتكون زياره وهرجع هنا تاني … لان هنا حياتي وهنا استقراري … وانا بجد عايزه اعرف كل حاجه عن عيلتي وايه اللي حصل خلاكوا تتفرقوا

عم هاني : اللي يريحك … هتعرفي كل حاجه في وقتها إن شاء الله … بس صحيح فين اخوكي

ميرنا بحزن وعيون مدمعه : الله يرحمه

عم هاني : مات !!

ميرنا : من شهر لسه

عم هاني : لا حول ولا قوه الا بالله … البقاء لله … لو كنت اعرف كنت جيت وقفت معاكي

ميرنا : حصل خير

عم هاني : يلا استأذن أنا بقا

مشي عم هاني وفضل عمر مع ميرنا

عمر : فطرتي ولا لسه

ميرنا : لا انا كنت لسه صاحيه وبعدين مليش نفس

عمر : ازاي ملكيش نفس يعني … أنا هنزل اجيب ساندوتشات حالا علشان تفطري

ميرنا : عمر … ممكن اسالك سؤال

عمر : اسالي علطول من غير ممكن

ميرنا : انت ليه واقف جنبي كده … ومهتم إذا كنت كلت ولا لاء … نمت ولا لاء

عمر : افهم من كده انك متضايقه

ميرنا : لاء طبعا انت بتقول ايه … أنا بس بسألك … لانك مش مضطر لده

عمر : مش عارف … صدقيني أنا معنديش اجابه … بس كل اللي عارفه أن ده مريحني

مشي عمر وهيا ابتسمت تلقائي ودخلت لنيره تصحيها

ميرنا : نيره … نيره … ده انتي قتيله … أنا عارفه هصحيكي ازاي

جابت ازازة مايه وغرقتها بيها

نيره : ميين ؟

ميرنا : الملامين … يا روقانك ي شيخه الواحد من خبطة باب بيقوم وانتي لو السما انطبقت ع الأرض مش هتقومي

 

 

 

 

 

نيره : أنا عايزه انام والله … سيبيني دلوقتي

ميرنا : هتنامي وانتي غرقانه كده

نيره : هيييح … اديني قومت … عايزه ايه بقا

ميرنا : قومي علشان تفطري معانا

نيره : معاكوا ؟

ميرنا : عمر بره

نيره : هو كل يوم يجيلك … من ساعة موت اخوكي

ميرنا : كتير خيره والله

نيره : الصدر الحنين

ميرنا : قومي يا لمضه وملكيش دعوه

بعد اسبوع

عمر : مش ناويه ترجعي الشغل بقا

ميرنا : هرجع إن شاء الله … أنا لاحظت انك مهما شغلك اوي … انت ليك واسطه هناك في الشركه … ولا ماسك ذِله ع المدير

عمر : لا مش كده … بس انا بروح عادي جدا بعد م بسيبك

ميرنا : بتروح متأخر … المدير مش بياخد باله

عمر : لا … مبياخدش باله

ميرنا : ولو خد باله انت كده هتتأذى وهيكون بسببي

عمر : متقلقيش … أنا عارف انا بعمل ايه

ميرنا : علفكره انت برضو مش مت….

 

 

 

 

 

 

 

عمر : مش متضطر اجي اشوفك يوميا واتطمن عليكي … عارف … بس سبق وقولتلك أنا كده مرتاح

ميرنا : بس لو اتاذيت في شغلك مش هترتاح ولا أنا هرتاح

عمر : ميرنا … لو انتي مش عايزاني اتطمن عليكي يوميا قوليهالي صريحه من غير مقدمات

ميرنا : لا طبعا مش ده قصدي … بس لازم اكون حاطه في دماغي اي اعتبار لاي حاجه ممكن تحصل … أنا اصلا مستغربه ايه اللي يخليك تروح شغلك متأخر وتيجي تشوفني كل يوم وانت مش مضطر

عمر : احم … مش جايز بحبك

عمر : احم … مش جايز بحبك

ميرنا : بتحبني !! … منا كمان بحبك جدا وبحسك أخويا اللي ربنا عوضني بيه

عمر : ابلع … انتي شايفاني اخوكي يعني

ميرنا : واكتر كمان … انت وقفت جنبي اكتر من اي حد وبجد أنا ممتنه ليك جدا

عمر : بس انا مش اخوكي … أنا زميلك

ميرنا : احلي زميل

عمر : عن اذنك … هروح علشان تعبان شويه

سابها ومشي من غير م يسمع ردها

نيره : انتي كنتي فين … برن عليكي وقافله فونك ليه

ميرنا : اعترفلي بحبه

 

 

نيره : ايه ده بجد … طب كويس أن مشاعركوا متبادله … انتي كنتي خايفه يكون بيشفق عليكي ومش بيحبك زي م انتي حبتيه

ميرنا : رفضته بس بطريقه شيك

نيره : ايه ده لييييييه … انتي واحده فقر ليه كده

ميرنا : م يمكن يكون حاببني علشان صعبت عليه

نيره : انتي هتفضلي عايشه في الحزن كده كتير … أنا مش هقولك غير حاجه واحده بس الدنيا بتاخد كتير بس في نفس الوقت بتدي فانتي خدي اللي الدنيا بتديهولك احسن م ترجع تاخده منك تاني وساعتها هتندمي … سلام

فضلت ميرنا تفكر في كلام نيره وتفتكر نظرة عينيه لما لمعت أو م قالتله وانا كمان بحبك جدا ولما دمعت اول م قالوله بحسك زي أخويا

رنت عليه كتير جدا بس هو مردش

عند عمر

رجع البيت متنرفز ومش طايق حد وقابل هاله في وشه

هاله : عمر

وقف من غير م يبصلها

عمر : لو هتتكلمي في موضوع مش مهم بلاش احسنلك أنا مش مستحمل وعفاريت الدنيا كلها بتتنطط في وشي

هاله : مش انا اللي عايزاك … عمتو في المطبخ وطلبت مني أول م ترجع اقولك تدخلها

طلع عمر على اوضته ورزع الباب وراه جامد ومامته خرجت من المطبخ

_: في ايه الرزع ده

هاله : عمر جاي متعصب وطلع على اوضته

لين : مقالش ماله

هاله : هيقولي ليه … مهو مبقاش خطيبي … والبركه فيكي

لين : اللهم طولك يا روح … ماما أنا هطلع اشوف ماله ده

طلعت وخبطت ع الباب

عمر : مش عايز اشوف حد

لين : عمر … أنا لين افتح

عمر : امشي يا لين عايز ابقى لوحدي

كانت ميرنا بترن على عمر ورد عليها واستناها تبدأ كلام

ميرنا : عمر

عمر : معلش يا ميرنا أنا مشغول دلوقتي أما أفضى هكلمك

مسبلهاش فرصه وقفل علطول ولقى علي بيرن عليه

 

 

علي : انت فين

عمر : في ايه ؟

علي : انت سايب شغلك وسايب الدنيا تضرب وولا في دماغك حاجه

عمر : وانت لازمتك ايه

علي : والله أنا لوحدي مش كفايه … المهم … في فايل ضايع

عمر : نعم … ده اللي هو ازاي يعني ؟

علي : بندور عليه مش لاقينه وده فايل بتاع صفقه مهمه جدا

عمر بزعيق : يعني ايه فايل يضيع يعني … احنا قاعدين في الشارع ولا ايه … وايه الاستهتار ده … أنا جاي

في مكان تاني

_: حلو اوي … يبقوا يوروني هيلاقوه ازاي … خلي الصفقه تضيع عليهم ويدفعوا الشرط الجزائي بقا … مفيش حد شافك وانت داخل او وانت خارج

*: عيب عليكي … احنا عاملين حسابنا كويس اوي

_: كويس … والله لاندمكوا

في مكتب علي

علي : م انت عارف ان ميرنا كانت مسؤوله عنهم

عمر : حلو … كلمها اسالها عنه

علي : طب م تكلمها أنت

عمر : لا … مش عايز اكلمها

علي : هيا في حاجه حصلت

عمر : مش مهم … المهم تكلمها وتعرف منها حطته فين

علي كلم ميرنا

ميرنا : أنا لما عرفت أنه مهم بدلته بفايل مش مهم واخدته معايا علشان ميضعش … بس ازاي الفايل اللي مش مهم ده اتاخد

علي : اكيد في خاين في الشركه كان فاهم أن ده فايل الصفقه المهمه وخده ع الأساس ده … مش عارف من غيرك كنا ممكن نعمل ايه بجد

ميرنا : ده واجبي وشغلي اللي المفروض اقوم بيه

 

 

علي : مش هترجعي مكانك بقا

ميرنا : هاجي بكره بإذن الله

راحت ميرنا الشركه تاني يوم واتقابلت مع عمر في نظره طويله من غير كلام

ميرنا : صباح الخير

عمر : صباح الخير … عن اذنك

عدي اسبوع ع الحال ده وعمر بيتعامل معاها بحدود

ميرنا : وبعدين بقا … بقالوا اسبوع مبيتعاملش معايا خالص

نيره : بيراقبك من بعيد وبيفضل يبصلك

ميرنا : بجدد

نيره : ايوه بجد بس انتي غبيه وضيعتيه

ميرنا : أنا مش عايزه حبه لمجرد اني ممكن اكون صعبانه عليه … وده أنا خايفه منه

نيره : تفكيرك كله غلط في غلط … البسي بقا

ميرنا : طب أنا هروح اتكلم معاه

راحت ميرنا تدور عليه وسالت سكرتيرة المدير

ميرنا : هو فين مستر عمر

 

 

السكرتيره : في مكتبه جوه

ميرنا : مكتبه … مش مكتبه اخر الممر … ده مكتب المدير

السكرتيره : لاء ده مكتب مستر عمر

ميرنا : ازاي

السكرتيره : ازاي ايه … مش هو المدير … لازم يكون في مكتبه … هيكون فين يعني

خرج عمر من مكتبه واتفاجئ بيها قدامه بتبصله باستغراب

عمر : مالك … في حاجه ؟

سابته ومشيت من غير م ترد

عمر : اومال فين ساره … وانتي مين

السكرتيره : ساره قالتلي استأذن من حضرتك أما تخرج أنها هتمشي بدري علشان في حاجه مهمه حصلت عندها في البيت واضطرت تمشي

عمر : وانتي مين مشوفتكيش هنا قبل كده

السكرتيره : أنا صاحبتها كنت معاها هنا وقالتلي استني على م اقول لحضرتك

عمر : واللي هنا كانت عايزه ايه ؟

السكرتيره : مقالتليش … هو كانت عايزه حضرتك وقولتلها انك جوه

عمر : تمام .. تقدري تمشي

 

 

راحت ميرنا لمكتبها وعلي طلبها علشان الشغل وبعد م خلصت كلام عن الشغل سألته : هو أنا لو عايزه اقدم استقالتي … اقدمها لمين ؟

علي : نعم … تقدمي استقالتك ؟

ميرنا : لو أنا حاسه نفسي اني مش مرتاحه في الشغل … ممكن ساعتها اعمل ايه

علي : ليه هو حد ضايقك … لو حد ضايقك قوليلي وانا هقول للمدير يشوف شغله معاه

ميرنا : المدير اللي ملهوش وجود اصلا … ولا بتحاولوا تخبوه والسبب مجهول

على : تقصدي ايه مش فاهم

ميرنا : مقصدش … بس انا عايزه اقدم استقالتي … بس ياريت المدير ميعرفش

على : بس عمر هيقوله … اي حاجه عمر بيعرفها المدير لازم يعرفها

ميرنا : طب م هو لازم … مش هما الاتنين نفس الشخص … علشان كده بطلب منك متعرفهوش

علي : ايه ده … انتي

ميرنا : عرفت … بس عارف المشكله فين … اني حبيت زميلي مش مديري … تعرف … أنا لحد دلوقتي معرفش اي حاجه عنه … عيلته معرفش حد فيها … معرفش حياته ماشيه ازاي … حتي ابسط حاجه كدب فيها … كان يقولي أنه المدير هنا … مفيش اي علاقه ناجحه بتتبني على الكدب خالص … في الأول لما قالي أنه بيحبني كنت أنا كمان بحبه ومبقدرش اعدي يومي من غيره … بس رفضت حبه ده علشان خوفت يكون بيشفق عليا خصوصا اني مليش أهل ولا ليا اي حد … بس دلوقتي لازم اقطع اي امل … لاني عرفت أنه مديري مش مجرد زميل … يعني أعلى مكانه هنا … وعلشان اموت الحب اللي حبتهوله … لازم مشوفهوش تاني … وعلشان مشوفهوش تاني … لازم اقدم استقالتي

علي : علفكره انتي فاهمه كل الموضوع غلط … مش زي اللي في دماغك … عمر صاحبي من ايام الثانوي … وعمره م هيبصلك بنظرة شفقه … لو كنتي فعلا صعبانه عليه كان هيساعدك من بعيد لبعيد … هو حبك من قبل م يعرف عنك حاجه … بس مكانش عايز يعترف بده

ميرنا : حصل خير … بس انا مش عايزه اكمل

 

 

علي : ممكن تقولي لعمر ولو هو وافق تقدري تتفضلي … بس انتي مساعدانا جدا هنا

ميرنا : اللي خلقني خلق غيري … بس انا مش حابه اتواصل معاه … لو امكن ممكن انت تقوله

علي : تمام

عند نيره تحت

نيره : ليه بتكبري المواضيع

ميرنا : هيا كبيره لوحدها

نيره : أنا مش هكلمك … انتي مسؤوله عن تصرفاتك

ميرنا : لاء أنا عايزه رايك … بس هو حتى محاولش يتمسك بيا بل تخلى عني بكل سهوله

نيره : هو زعل … بس انتي كبرتي المواضيع اوي بجد

ميرنا : كبرته … يعني هو مدير الشركه ومقالش وكبرته … معرفش عنه حاجه وكبرت الموضوع

نيره : م ممكن كان يقولك … انتي حتى مسبتلوش فرصه … اختارتي البعد

ميرنا : أنا بجد محتاجه اتكلم معاه

عند علي

عمر : أنا مكنتش اعرف اني هتعلق بيها كده

علي : طب ليه محكتلهاش عنك

عمر : هيا كانت ناقصه

علي : طب هيا عايزه تقدم استقالتها

عمر : هروح اتكلم معاها

خرج من المكتب وكانت هيا واقفه بره في مكتبها

ميرنا : عايزه اتكلم معاك

عمر : وانا كمان … تعالي بره الشركه

ميرنا : اوك … يلا

نزلوا وركبوا عربية عمر

عمر : تحبي نروح فين

ميرنا : لو نتمشي ع النيل حلو اوي

عمر : اوكي

 

 

عمر : عايزه تقدمي استقالتك بقا

ميرنا : أنا معرفش حاجه عنك … أنا حبيت عمر مش مديري

عمر : ايه ده ؟

ميرنا : في ايه

عمر : حبتيني … حب حب ولا حب كأخ

ميرنا : لا حبيتك بجد … بس عمر زميلي في الشغل مش مديري

عمر : الاتنين سيان

ميرنا : ليه انت معرفش حاجه عن حياتك

عمر : علشان اني مسالتيش

ميرنا : علشان بحس اني متطفله

عمر : طب وده ذنبي … تحسي اني حبيتك علشان صعبانه عليا وتحسي انك هتكوني متطفله لو سالتيني عن حياتي … هل ده ذنبي … ليه بتعاقبيني بذنبك انتي … ليه تكسري نفسي

ميرنا : عايزه اتاكد من حبك ليا

عمر : وطول الفتره دي متاكدتيش … مهمل شغلي ومعاكي علطول … ده انتي بنفسك قولتيها … قولتي ليه انت دايما سايب شغلك وبتسالني إذا كنت اكلت أو نمت … ده معناه ايه

ميرنا : ممكن يكون مثلا انك بتشفق عليا وحابب تساعدني

عمر : كنت هساعدك من بعيد لبعيد … أنا عملت حاجات كتير اوي علشان اعرفك اكتر … ودي مش من شخصيتي

ميرنا : انا اسفه … انا اسفه بجد على وجهة نظري

عمر : مش عايزك تتأسفي … ابدا … عايزك تسيبيلنا فرصه … ولا ليه شايفاني اخوكي

ميرنا : لا عمري م شوفتك أخويا … بس كنت بخلع بشياكه

عمر : هعتبرني مسمعتش … لسه مصممه تقدمي استقالتك

ميرنا : اقدمها اه … بس لما اموت … عارف … طول عمري بقرأ روايات واتعلقت بيهم لدرجة اني وانا جايه كنت متوقعه بقا هيحصلي زي الروايات بس لاقيت في الشركه حاجه مختلفه … شركه من غير مدير … مكنتش فاهمه ليه … كان عندي فضول اعرف … مكنتش اعرف انه جنبي علطول

عمر : مش مهم كل ده … أنا بقا عازمك على عزومه سكر

من بعيد كان واقف بيتكلم في الفون

_: واحده شغاله في الشركه لأنهم خرجوا مع بعض من الشركه

*_ حلوه البنت دي

_: مشوفتهاش من قريب بس بيضحكوا وبيهزروا

*_ طب خليك وراهم واول م يسييها لوحدها قولي

فضلوا طول اليوم يهزروا مع بعض ويضحكوا ووصلها قدام البيت

 

 

ميرنا : هتحكيلي كل حاجه عنك … اتفقنا

عمر : اكيد … يلا علشان الوقت اتاخر

ميرنا : تصبح على خير

عمر : وانتي من اهلي

ميرنا ابتسمتله ونزلت

كانت بتتكلم في الفون مع نيره بتحكيلها اللي حصل ولقت الباب بيخبط

فتحت الباب ولقت واحده هيا اول مره تشوفها

_: انتي ميرنا ؟

ميرنا : ايوه انا مين حضرتك

_: أنا خطيبة الاستاذ اللي انتي بتتسرمحي معاه ليل نهار وكانه ملهوش خطيبه

_: أنا خطيبة الاستاذ اللي انتي بتتسرمحي معاه ليل نهار وكانه ملهوش خطيبه

ميرنا : نعم … خطيبة مين وبتاع ايه … وبعدين اي بتتسرمحي دي … انتي عايزه مين بالظبط

هاله : عايزاكي انتي يا حببتي … وانا خطيبة مين … فأنا خطيبة مديرك … عمر … وياريت تبعدي عنه بدل م انتي راميه نفسك عليه

ميرنا : وانتي مفكره اني هصدقك بقا … انتي جايه لغاية بيتي علشان تسمعيني الكلمتين دول … روحي يا شاطره لحد فاضي يستحمل تفاهتك

قالت كلامها وقفلت الباب في وشها ودخلت وكانت نيره معاها ع الخط

نيره : I’m proud of you really

ميرنا : حبيبي والله … بس مين دي وليه بتقول كده … ممكن تكون خطيبته بجد

نيره : خطيبته مين صلي على النبي كده واهدي … وكلميه افهمي منه

ميرنا : صح … أكلمه افهم منه … أكلمه صح … سلام بقا هشوف الحوار الفاكس ده

قفلت مع نيره ورنت على عمر

عمر : اي يحبيبي … في حاجه … أنا لسه سايبك

ميرنا : عمر … في واحده جتلي وقالتلي انك خطيبها … ممكن افهم

عمر : تفهمي ايه … انتي مصدقه يعني

 

 

ميرنا : لاء طبعا مش مصدقه … أنا هزقتها وقفلت الباب في وشها … بس مش فاهمه ليه تعمل كده

عمر : مقالتش اسمها

ميرنا : مسيبتلهاش فرصه اصلا

عمر : طب ثواني … بعتلك صورة واحده شوفيها وقوليلي هيا ولا ايه

ميرنا : هشوفها … هيا يا عمر هيا … بس انت تعرفها منين

عمر : كنت حاسس … دي كانت خطيبتي بس انا سيبتها اصلا من فتره

ميرنا : انت كنت خاطب !

عمر : مش بمزاجي … دي تكون بنت خالي وماما أصرت عليا اني اخطبها … وبالفعل خطبتها بس علشان امي مش اكتر … بس والله عمري م حبيتها ولا شوفتها غير اختي … أنا حتى معرفش هيا عرفتك منين

ميرنا : حصل خير … المهم … بكره عايزه اسافر

عمر : فين

ميرنا : البلد عند عمو … اعرف حياتي ايه … بس عايزه اطلب منك طلب

عمر : ايه هو

ميرنا : تيجي معايا

عمر : مينفعش

ميرنا : ليه … أنا عايزاك جنبي

عمر : هتقوليلهم ايه … أنا عايز اتجوزك يا ميرنا

سمعت ميرنا كلامه ووقفت ع السرير تتنطط

عمر : ايه يا مجنونه

ميرنا : انت بجد عايز تتجوزني

عمر : لا عايز العب معاكي

ميرنا : انت فاجئتني جدااا بجد

عمر : ليه انتي كنتي متخيله ايه … همشي معاكي كده عادي وبعد كده اقولك باي … اصلا لو فضلنا كده بنتكلم من غير اي حاجه تربطنا هيكون حرام … لان اسمه ارتباط … وحسب معلوماتي أنه حرام

ميرنا : أنا عارفه وفاهمه كل ده … بس انا متوقعتش بس

عمر : طب اي

ميرنا : اي

 

 

عمر : قولتي ايه

ميرنا : قولت ايه في ايه

عمر : لا اله الا الله … انتي يبنتي هبله ولا بتستهبلي

ميرنا : لا انا فعلا هبله

عمر : طب استغني عن هبلك شويه وخلينا جد شويه

ميرنا : طيب هتيجي معايا بكره … هقولهم انك خطيبي

عمر : افهم من كده انك موافقه

ميرنا : انت لسه بتسال يا عمر … اكيد اكيد اكيد موافقه

عمر : يبقى هاجي معاكي … بس هتعملي ايه في شغلك

ميرنا : بكره الجمعه … وبعدين أنا مش هطول يعني

عمر : خلاص اتفقنا

تاني يوم عمر جهز نفسه ونزل تحت لقا هاله ومامته واخته

عمر : صباح الخير

الكل : صباح النور

مامت عمر : على فين

عمر : عندي شغل مهم

هاله : الشغل المهم ده المزه

عمر : بمناسبه المزه … فأنا قررت أخطب

هاله : نعممممم … تخطب … تخطب ازاي يعني

لين : لو بعرف ازغرط هسيطك

مامت عمر : مين دي يبني

 

 

عمر : واحده معايا في الشغل … اظن الاستاذه هاله عرفاها … لدرجة أنها كانت معاها بالليل

هاله : انت ليه بتعمل معايا كده … أنا بحبك بجد … بتسيبني علشان دي … دي بنت شوراع

عمر : قسما بالله لو قولتي عليها كلمه معجبتنيش ل……

مامت عمر : عمر … مش عايزه كلمه تانيه … انت كده هتخلق مشكله بيني وبين أخويا

عمر : يبقى تبعدوها عني وعن طريقي … عن اذنكوا

مشي عمر وراح لميرنا وهما في الطريق

ميرنا : مالك

عمر : متشغليش بالك

ميرنا : عمر … ليه بتخبي عليا

عمر : لو سمحت يا ميرنا … مش عايز اتكلم دلوقتي

وصلوا وكانوا منتظرينها كلهم

نزلت وراحتلهم وكان عم هاني وأخواته عمه فوزيه وعم حسن بعيالهم ومراتاتهم وخمنوا كلهم أن عمر هو مصطفى اخو ميرنا

عمه فوزيه : مشوفتكيش من وقت م كنتي صغيره لسه

ميرنا : أنا معرفش أن عندي عيله … بابا عمره م حكالي عنكوا

عم حسن : مكناش نعرف حاجه عنكوا يا بنتي

ميرنا : وانا هنا انهارده علشان اعرف كل حاجه

عم هاني : دول ولاد عمك وعماتك … زينه وريهام وفاطمه وفيروز وندى ومازن ومالك بس مازن ومالك مش موجودين دلوقتي

ميرنا سلمت عليهم : تشرفت جدا بيكوا

ندي : واحنا كمان

عمه فوزيه : والشاب الحليوه ده اخوكي مصطفى

ميرنا : لاء … ده خطيبي … مصطفي الله يرحمه

عمه فوزيه : الله يرحمه … ازيك يا ابني

عمر : الحمد لله تمام

عن هاني : ادخلي يا ميرنا انتي وخطيبك علشان تتغدوا معانا يلا مستنينكوا

 

 

ميرنا : يلا

خلصوا وجه الليل وكانوا كلهم قاعدين

ميرنا : أنا فرحانه جدا أن طلع عندي عيله … وكنت اتمنى اعرف من زمان

عم حسن : الله يسامحه اللي كان السبب … انتي واخوكي اكتر ناس اتاذيتوا … والسبب كان أمك

عم هاني : بس يا حسن … مش وقته دلوقتي … خليها تعرف عيلتها الاول

ميرنا : لاء سيبه أنا عايزه اعرف اللي حصل

عمه فوزيه : أمك دي كانت شيطانه بحق وحقيقي … وربنا رحمك منها لما خد روحها يوم ولادتكوا … مش هتصدقي أنها كانت عايزه تسقطكوا وقت م عرفت بحملها

_: أمك دي كانت شيطانه بحق وحقيقي … وربنا رحمك منها لما خد روحها يوم ولادتكوا … مش هتصدقي أنها كانت عايزه تسقطكوا وقت م عرفت بحملها

عم هاني : خدي يا فيروز بنات عمك واطلعوا فوق

عمر : مش كده … متسوئيش سمعتها … دي مهما كانت مامتها

عمه فوزيه : أنا بس بقول اللي حصل … دي لو عرفت الحكايه كلها هتطب ساكته

ميرنا : من فضلك أنا عايزه اعرف كل حاجه عن ماما … أنا بابا عمره م قال عنها حاجه وحشه

عم حسن : م ليه حق … ده وقف في وش اخواته عشانها

ميرنا : طب م هيا مراته … بس هيا ليه كانت عايزه تسقطنا

عمه فوزيه : علشان كانت على ذمة راجل تاني

ميرنا : ازاي يعني مش فاهمه

 

 

عمه فوزيه : أمك قبل م تتجوز ابوكي كانت متجوزه واحد تاني بس مكانتش بتحبه … ابوكي هو حبها الاول … بس أهلها كانوا رافضينه وجوزوها غصب عنها … وهيا معجبهاش الوضع وكانت دايما تقابل ابوكي بعد جوازها وهيا لسه على ذمة جوزها

ميرنا : وبعدين

عمه فوزيه : اكتشفت انها حامل وجوزها مكانش بيخلف اصلا واتفقت هيا وابوكي أنها تسقط حملها بس ابوكي موافقش … قالتله لو أهلها عرفوا هيتبروا منها … وجوزها ممكن يقتلها … عرض عليها تتطلق من غير م تعرفهم أنها حامل وهو هيكتب عليها … وبعدين واجهت أهلها أنها لسه بتحب حبها الاول وعايزاه وطلبت الطلاق بحجة أنها واحده ونفسها تخلف ويكون عندها اطفال … أهلها وقفوا في وشها وقالولها مفيش طلاق

ميرنا : كملي

عمه فوزيه : وقفت هيا في وشهم وأبوها قالها يا تختارينا يا تختاريه

ميرنا : وطبعا هيا اختارته

عمه فوزيه : ايوه … واهلي برضو مكانوش موافقين ع الجوازه … وهو وقف في وش ابوه عشانها … وفي الاخر أخدها مصر بناءا على أمرها واستقروا هناك … بس هيا لما عرفت أن حماها وزع ورثه على ولاده كلهم م عدا ابوكي الــدم غلي في عروقها وطلبت من ابوكي ميسكتش عن حقه … هو قالها في داهيه مدام احنا مع بعض … بس هيا فضلت تبخ سمها فيه وقالتله لازم تاخد حقك حتى لو وصل الأمر أننا نتطلق وبعد كده نرجع تاني وفعلا سمع كلامها ووقف قدام أبوه وراحوا المحاكم والدنيا قامت موقفتش وبعد لما القضيه طلعت في صالح ابويا … ابويا اتبره منه وقاله انت لا ابني ولا اعرفك بعد انهارده … بس أمك معجبهاش الوضع وبانت على حقيقتها وقالتله لو مرجعتش حقك وورثك أنا هنزل اللي في بطني وهحصرك عليه … ابوكي مكنش مصدق أن دي أمك اللي هو حبها … وعرف أنها حبته لما عرفت أن أبوه من اغني اغنياء البلد وكانت طمعانه في فلوسه … وفعلا راحت لدكتور علشان تنزل اللي في بطنها … بس قالها لو الجنين نزل انتي كمان هتموتي … وهيا طبعا كانت خايفه على حياتها … فاضطرت أنها تولد وبعد كده ترميكوا في الشارع علشان تنتقم من ابوكي بس اللي حصل أنها ماتت وهيا بتولدكوا

 

 

ميرنا : ب .. بابا مقالش عنها حاجه وحشه … دايما بيقولي عنها كل حلو

عمر : اهدي يا ميرنا … ده كله ماضي … مش عايزك تفكري في أي ماضي … احنا دلوقتي في المستقبل

ميرنا : هو انا ليه بيحصل فيا كده … اشمعنا أنا

عم هاني : استهدي بالله يا بنتي … ده مقدر ومكتوب

عمه فوزيه : متزعليش يا حبيبتي … اكيد ربنا هيعوضك بالأحسن

بعد ساعه

عم حسن : لا مينفعش … لازم تبيتي انهارده

ميرنا : مش هينفع يا عمو والله … عندي شغل الصبح وانا كنت واخده اجازه كبيره

عم هاني : هتروحوا ازاي في الليل كده

عمر : اومال أنا بعمل ايه يا عم هاني

عم هاني : أنا أقصد أن الصباح رباح … حتي تتعرفي على ولاد عمك … زمانهم جايين

ميرنا : مره تانيه إن شاء الله

ودعت أهلها ومشيت مع عمر

عمر : ميرنا … انتي كويسه

ميرنا : هكون كويسه ازاي يعني بعد كل اللي سمعته ده

عمر : اللي سمعتيه ده انتي ملكيش دعوه بيه

ميرنا : أنا حاسه اني بنت حــ ــرام

عمر : ميرنا انتي بتقولي ايه … مش عايز اسمعك بتقولي كده تاني ابدا

ميرنا : يعني انت مش ممكن تبعد عني عشان اللي سمعته

عمر : تاني يا ميرنا … يا حبيبتي أنا بحبك انتي … مليش دعوه بأي حاجه تانيه

ميرنا : مش خايف اني اطلع زي امي واكون طمعانه فيك

وقف عمر العربيه

 

 

عمر : ازاي اخاف منك يا ميرنا … انتي زي م قولتي حبيتي زميلك مش مديرك … يعني مكنتيش تعرفي أنا مين … كنتي مفكراني زيي زيك في الشركه … ليه بقا بتقولي كده

ميرنا : خايفه … خايفه اكون لوحدي تاني

عمر : مش عايزك تخافي وانتي معايا … مفهوم !

ميرنا : حاضر

عمر : ومش عايز اشوف دموعك تاني ابدا

ميرنا بابتسامه : حاضر

عمر : بحبك

ميرنا : حاض… ايه ده

عمر : ايه رايك بقا

ميرنا : رايي في ايه

عمر : لو عرفتك على ماما بكره

ميرنا : بجدد

عمر : وانا يبنتي هكدب ليه … اكيد بجد

ميرنا : هتجيبها الشركه اشوفها هناك طيب

عمر : لاء … هيا عازماكي ع الغدا

ميرنا : اوكي

تاني يوم راحت ميرنا الشركه واليوم خلص كعادته طبعا

عمر : يلا

ميرنا : يلا ايه ؟

عمر : يلا علشان ماما مستنيه

ميرنا : طب أنا اكيد مش هروح كده

عمر : كده اللي هو ازاي

ميرنا : الجو حر وانا عايزه اروح اخد شاور واغير هدومي

عمر : مفيش مشاكل … هروحك واستناكي وبعدين نروح

 

 

ميرنا : اشطا … يلا

خلصوا وراحوا البيت عند عمر ودخلوا وعمر عرفهم على بعض

عمر اخد مامته على جنب

عمر : هو مش أنا قولتلك متخليش هاله تيجي انهارده

_: اطردها يعني

عمر : انتي كده بتهدي النفوس خالص حضرتك

لين كانت بتكلم ميرنا واتعرفت عليها وهاله قاعده شايطه بمعني الكلمه

اتغدوا وخلصوا غدا

_: عاملالكوا بقا شويه حلويات هتاكلوا صوابعكم وراها

عمر : أنا عايز قهوه الاول

هاله : اقوم اعملهالك

عمر : متتعبيش نفسك … لين هتعملها

لين : عيوني

ميرنا : عايزه اشوف اوضتك

عمر : تعالي

خدها وطلعوا فوق يشوفوا الاوضه ولين خرجت بالقهوه وسابتها على الترابيزه علشان جالها مكالمه مهمه وهاله استغلت الفرصه وخدت مج واحد طلعته فوق لعمر ولحظة نزولهم كانت لحظة طلوعها فخبطت بالمج في عمر

عمر : اووووف … ايه ده … يا الله منك

هاله : سوري والله ماخدتش بالي

 

 

عمر : انزلي يا ميرنا وانا هاخد شاور بسرعه ونازل

دخل اخد شاور وكان خارج بالبنطلون بس وبينشف راسه بالفوطه ولقا هاله في وشه

قربت منه : هيا دي اللي اخترتها وسبتني عشانها يا عمر

عمر : هاله اخرجي دلوقتي وانا نازل

قربت اكتر : مش عايزه انزل واسيبك

الباب كان مفتوح وميرنا كانت لسه جايه وشافتهم و…

قربت اكتر : مش عايزه انزل واسيبك

الباب كان مفتوح وميرنا كانت لسه جايه وشافتهم وواقفه مصدومه لانها شايفه مش سامعه

زقت الباب ودخلت في نفس الوقت اللي عمر زق هاله فيه

عملت هاله نفسها كأنها بتظبط هدومها

عمر : ميرنا … ا .. أنا معرفش هيا ايه اللي دخلها اوضتي والله … انتي اكيد مصدقاني

هاله : انت هتكدب … مش انت اللي شاورتلي بعد م ميرنا نزلت اني اجي وراك

عمر : انتي بتقولي ايه … ميرنا انتي اكيد مصدقاني أنا … مش كده

ضحكت ميرنا : اكيد مصدقاك يا عمر … وعارفه أنها بتكدب … وواثقه فيك كمان … طنط كانت بتدور عليكوا اصلا فطلعت اناديكوا

هاله : انتي ازاي مصدقاه … ده كداب

ميرنا : ارد عادي ولا طنط هتزعل

عمر : واحده عظيمه قالتلي قبل كده الرد ع العبيط بيعمله سيط

ميرنا بابتسامه : معاك حق

نزلوا كلهم وقعدوا مع بعض وعمر كان بيتكلم مع ميرنا كتير جدا وميرنا كانت بتعمل حركات تغيظ بيها هاله

ميرنا : يا خبر … الساعه ١١ أنا لازم امشي

هاله : م تبيتي بالمره

لين : انتي بتتكلمي وكإن البيت بيتك كده ليه … هيا مش هتبيت لاء هيا هتعيش هنا علطول مش كده ولا ايه يا ميرنا

 

 

 

 

 

 

 

 

 

ميرنا : إن شاء الله يا ليلو … يلا عن اذنكوا

عمر : يلا

هاله : انت كمان هتوصلها

_: خلاص بقا يا هاله … مش عايزين مشاكل

عمر : يلا !

ميرنا : يلا

في العربيه

عمر : أنا مش عايزك تتضايقي منها خالص يا ميرنا … بس هيا مستفزه

ميرنا : مش متضايقه منها عادي يعني

عمر : عيني في عينك كده

بصوا لبعض في نظره طووويله تاهوا فيها الاتنين في عيون بعض واللي فوقهم دركسيون عربيه وراهم

تاني يوم في مكان ما

_: أنا لازم اكسرها

*_ هيا عملتلك ايه لكل ده

_: اذتني جامد … مش هرتاح غير لو انتقمت منها

*_ طب أنا عندي ليكي معلومات ب ١٠٠ جنيه

_: هيا ايه

_* ال١٠٠ جنيه

 

 

 

 

 

 

 

 

 

 

_: انت بتهزر يا سامي

سامي : والله م بهزر … فاكره ال ٥٠ جنيه اللي ادتهالك علشان تقوليلي حفصه قالتلك ايه

_: انت قلبك اسود علفكره … اتفضل

سامي : كده انتي حببتي … أنا كنت في الشركه امبارح ولاقيتها خارجه مع عمر وراكبه عربيته

_: وهيا مالها ب عمر … هيا لحقت تملى دماغه هو كمان

سامي : خليكي وراهم بقا واعرفي علاقتهم ايه

في الشركه

ميرنا : وبس يا ستي

نيره : احلى حاجه فيكي انك متفتحه … يعني مثلا غيرك كانت ممكن تقوم الدنيا لو شافت منظر زي ده … بس طبعا نحن نختلف عن الاخرون

ميرنا : لو كنت صدقت اللي شوفته كان زمانها دلوقتي مرتاحه

نيره : بس خلي بالك هيا كده مش هتسكت

ميرنا : وانا فاضيالها اوي

عدى شهر والأمور زي م هيا مفيش جديد لحد م جه اليوم الازرق

_: عرفت هتعمل ايه … أنا عايزاه ميطقش يسمع اسمها … وهديك كل اللي انت عايزه

*_ اعتبريه حصل

_: هيا في الشركه دلوقتي هنوصلها اوردر باسم عمر وهيا طبعا هتفرح وهتاخده والاوردر ده عباره عن وجبه هيا بتحبها جدا هنحط فيها حاجه تقلب معدتها فتضطر تروح وبعدها شوف شغلك

*_ تمام

 

 

 

 

 

 

 

 

 

 

وبالفعل كانت ميرنا مع نيره ووصلها الاوردر وعليه رساله باسم عمر

ميرنا : أنا مفطرتش اصلا … فيه الخير والله

نيره : طب ليه موصلهاش هو ليكي

ميرنا : عنده اجتماع مهم … يلا كُلي معايا

نيره : بشرب قهوه … بالهنا والشفا ليكي

بعد ساعه

ميرنا : مش قادره … حاسه اني بموت

نيره : طب روحي لدكتور … يمكن من الاكل

ميرنا : لا … أنا هروح بس … لو حد سأل عليا قولي اني روحت

نيره : اوصلك طيب

ميرنا : لا … مفيش داعي … أنا هروح اخد برشام يريحني شويه وانام

نيره : خلاص اوك … يلا باي

روحت ميرنا واول م دخلت من باب الشقه ولسه بتقفل الباب لقت حد زق الباب ودخل

ميرنا : اا … انت … م .. مين

مقدرتش تمسك نفسها اكتر من كده ووقعت من طولها

وعلى الناحيه التانيه

عمر : ميرنا فين … افتكرتها معاكي

نيره : روحت

عمر : ليه ؟

نيره : حست انها تعبت شويه وحبت ترتاح

 

 

 

 

 

 

عمر بقلق : حصلها ايه يعني

نيره : متقلقش هيا قالت إنها هتنام شويه وهتبقى كويسه

سابها عمر ونزل تحت لقا حد بيناديله

عمر : افندم

_: أنا شوفت الانسه ميرنا وهيا خارجه من هنا مع واحد تاني … هو مش انتوا حددتوا يوم خطوبتكوا ولا سبتوا بعض

عمر : انت متأكد انها خرجت مع واحد

_: شوفتها بعيني

سابه عمر وركب عربيته ورن على ميرنا بس لقاها مبتردش ومبعوت رساله من فونها بتقول فيها ” أنا كويسه … بس هرتاح شويه علشان تعبانه من ضغط الشغل … متجيش البيت علشان هكون نايمه ” الشك ملى قلبه وخصوصا لما اللي جوه قاله انها خرجت مع واحد وقرر أنه يروحلها يفهم ايه اللي بيحصل

وصل وطلع وقعد يخبط محدش بيرد … قلق جدا واضطر يكسر الباب و

وصل وطلع وقعد يخبط محدش بيرد … قلق جدا واضطر يكسر الباب وبالفعل كسره ودخل ولقا باب اوضة النوم مقفول وباين منه ضوء خفيف … مشي وهو بيقدم رجل ويأخر رجل وبيدعي بصمت أنها تكون لوحدها

فتح الباب بالراحه ودخل واتصدم باللي شافه لدرجة أنه كان هيقع من الصدمه ومسك في اكرة الباب تسنده

لقاها نايمه بقميص نوم وجنبها واحد

المنظر لوحده كان كفيل يهدمه

راح ليها وجرجرها من شعرها على الأرض وهيا فاقت مش مستوعبه هيا فين و ايه اللي بيحصل

عمر : أنا … تخونيني أنا … طب ليه … عملتلك ايه

اللي كان معاها كان صاحي من الاول اصلا بس سبك الدور جدا وقام من ع السرير وقف

ميرنا بصدمه واستيعاب : اانا والله معرفهوش ولا عمري شوفته قبل كده … أنا معرفش اي حاجه والله … عمر … سيب شعري انت بتوجعني

 

 

سابها ودخل المطبخ جاب سكينه ومن غير تفاهم ضربها في بطنها وراح علي اللي كان معاها ولسه هيضربه بيها … كان هو بيقاومه … بس عمر من صدمته وعصبيته نزل عليه ضرب من غير تفاهم لحد م وشه كله كان بيطلع دم

ميرنا : االحقو..ني .. ااه

نزل عمر من البيت وهو مازال في صدمته ركب عربيته وراح على البيت وطلع اوضته عمال يفكر ويفكر ويفكر

دخل ياخد شاور وفضل تحت الدش بيستوعب هو عمل ايه … او ايه اللي شافه من شويه

وفي بيت ميرنا كانت الاسعاف موجوده شالو ميرنا على ترولي وغطوا اللي كان معاها بملايه لانه مات وطبعا البوليس كان موجود بيسأل ايه اللي حصل

_: سمعت صوت واحد بيزعق في الشقه وكانت الانسه هيا كمان صوتها عالي وطلعت اشوف اي اللي بيحصل لاقيت باب الشقه مفتوح ولاقيت الوضع كده كلمتكوا وكلمت الاسعاف

في نفس الوقت دخلت نيره وهيا مش فاهمه حاجه وكان مقدم واقف فسالها هيا مين وتعرف ميرنا منين

_: أنا صاحبتها في الشغل وبقالي ساعه برن عليها فونها مقفول فقلقت وقولت اجي اشوف مالها لأنها كانت تعبانه الصبح وروحت بدري … هو في ايه

*_ لاقينا صاحبتك مضروبه بسكينه في بطنها وواحد في اوضة نومها مقتول

شهقت نيره : مستحييل … انت بتقول ايه ؟

*_ تقدري تتعرفي على اللي كان معاها

نيره : م .. مش عارفه

*_ اتفضلي معايا

 

 

دخلت معاه وشافته ونفت أنها تعرفه أو حتى شافته قبل كده

في بيت عمر كانت هاله قاعده مع عمتها وبنت عمتها

_: مالك يا حبيبتي … متوتره ليه

مردتش عليها

_: هلااا

هاله : نعم يا عمتو

_: سرحانه في ايه … بكلمك مش بتردي ليه

هاله : هااا … لا مفيش … عادي يعني

فونها رن وهيا خافت جدا وكان واضح عليها

لين : لا اله الا الله … في ايه اللي مخوفك … ده الفون رن عادي يعني

هاله : لاء عادي … ع .. عن اذنكوا

قامت ترد على الفون بعيد عنهم وقبل م ترد اتاكدت لو في حد وراها أو لاء ولما لقت الدنيا امان ردت

لين : هقوم اجيبلك الدوا بتاعك الساعه بقت ٤

قامت لين ولقت هاله بتتكلم بصوت واطي فوقفت بعيد عنها شويه

هاله : انت بتقول ايه … يعني ايه متكلمونيش لحد دلوقتي

_: مكانش فيه جديد … أنا فضلت مستنيه تحت البيت ولاقيت الاستاذ عمر طلع ونزل بعد شويه وهو أيده مليانه دم وبعد شويه لاقيت البوليس والاسعاف موجودين ونزلوها هيا بس … وهو لسه فوق

هاله : اانت بتقول ايه … ي .. يعني عمر عمل فيهم اايه

_: مش عارف افهم ايه اللي حصل لحد دلوقتي

هاله : يمكن يكون هرب بطريقته

_: معتقدش … هو عارف اتفاقنا ولو هرب كان هيكلمني

هاله : طب طمني ايه اللي حصل لما تعرف

قفلت معاه ولين طلعت على فوق بسرعه وبتحاول تربط الكلام ببعض وحاسه انها مش فاهمه حاجه

لين لنفسها : عمر عمل في مين … ومين اللي هرب …

 

 

بالليل في المستشفي خرج الدكتور من غرفة العمليات ولقا نيره هيا اللي بره بس

نيره : طمني يا دكتور … بقت عامله ايه

الدكتور : الحمد لله انها جت في الوقت المناسب … مش هقدر اقولك كويسه دلوقتي … بس ادعي أنها تبقي كويسه

عند عمر

علي : انت ساكت ليه م تتكلم … قول في ايه

عمر شارد مبيردش برضو

علي : هو في حاجه حصلت مع ميرنا

عمر : مش عايز اسمع اسمها ابدا

علي : م تنطق تقول في ايه

كانت واقفه بره قدام اوضة عمر سامعه كلامهم ووصلت للي كانت عايزاه وقدرت تخلي عمر ميطقش يسمع اسمها زي م بتتمني وجرس البيت رن

لين فتحت لقت قدامها ظباط وواحد منهم بيطلب القبض على عمر

لين فتحت لقت قدامها ظباط وواحد منهم بيطلب القبض على عمر

لين : نعمم … تقبضوا عليه … طب ليه

_: بتهمة قتــ ـل والشروع في قتــ ـل

اتصدمت من اللي سمعته

_: انسه … لو سمحت ممكن تناديه

لين : ااه .. اه .. ثواني

_: مين يا لين

لين : ده بوليس يا ماما

_: ينهار ابيض … وعايز ايه

لين : عمر

_: انتي بتقولي ايه … اكيد غلطانين

لين : أنا هطلع اشوفه وافهم ايه اللي بيحصل

طلعت لقت هاله واقفه قدام باب اوضته واول م شافتها عملت اكنها هتنزل تحت

لين : انتي بتعملي ايه هنا قدام اوضة عمر

 

 

هاله : ممفيش … أنا بس كنت نازله

سابتها ونزلت بسرعه ولين خبطت على الباب ودخلت

عمر : في ايه

لين : البوليس تحت وطالبك بقضيتين … الأولي قتــ ـل والتانيه شروع في قتــ ـل … اكيد غلطانين في العنوان مش كده !

علي : عمر … عمر انت عملت ايه

عمر : معرفش … هنزل اشوفهم

نزلوا التلاته وقبضوا على عمر تحت انهـ ـيار مامته واخته وصدمة هاله لانها مكانتش متخيله أن ممكن الأمر يوصل لكده وعلى راح وراهم بالعربيه مع محامي

في المحكمه

المحامي : ممكن تقولي ايه اللي حصل

على : عمر قول كل حاجه حصلت … أنا لسه عارف ان ميرنا في المستشفي … ممكن تقول ايه اللي حصل وعملت ايه

عمر : قتلـ ـتهم … هيا خـ ـاينه … خـ ـانتني معاه … كانت بتستغفلني

المحامي : احكي كل حاجه بالتفصيل

في مكان تاني

_: سها .. سها … عرفتي ايه اللي حصل

سها : اخبار جديده !

 

 

_: وجامده

سها : قول في ايه … بس علطول مش ناقصه سخافتك … ومتقولش عايز فلوس انت لسه لاهف مني ١٠٠ جنيه

_: لا هقولك بجد المرادي … هتتصدمي اصلا

سها : سامعاك يا استاذ سامي

سامي : ميرنا اللي انتي عايزه تنتقمي منها في المستشفي … وكانت هتـ ـموت

سها : ايه … ده حصل ازاي ده

سامي : عمر بعد م حددوا خطوبتهم لاقاها بتخـ ـونه فضـ ـربها بالسـ ـكينة ومـ ـوت اللي كان معاها وهو دلوقتي في السجن

سها : احسن تستاهل … فرحانه فيها من كل قلبي

عند عمر

عمر : وده كل اللي حصل

المحامي : متقلقش … هطلعك منها

عمر : مش عايز اطلع منها … ياريتني اتحـ ـبس أو اخد اعـ ـدام احسنلي

علي : انت متأكد أن ميرنا خـ ـانتك فعلا

عمر : بقولك شفتها بعيني

 

 

علي : ميرنا متعملش كده … الشخصيه اللي أنا اتعاملت معاها لا يمكن تعمل كده

عمر : انت ليه بتدافع عنها … بقولك شوفتها بعيني ولو رجع بيا الزمن هعمل نفس اللي عملته

علي : انت محتاج تهدي وترتب الأمور كلها ببعض … وطنط منال ولين وهاله بره هيتجننوا ويشوفوك

عمر : مش عايز اشوف حد

اتحـ ـبس عمر ٤ ايام على ذمة التحقيق

عدى يومين وبدأت ميرنا تفوق

ميرنا : ع .. عمر

الدكتوره : حمد الله على سلامتك … قلقتينا عليكي

ميرنا : أنا فين

الدكتوره : في المستشفي

قامت تتعدل : ااه …

الدكتوره : على مهلك … في اتنين بره مستنيينك تفوقي … وعايزين يطمنوا عليكي … عايزه تشوفيهم

ميرنا : اه ياريت

خرجت الدكتوره تناديلهم ( نيره و علي )

 

 

علي : حمد الله على سلامتك

نيره : قلقت عليكي جداا

ميرنا : هو ف..فين عمر

علي : اتقبض عليه علشان اللي عمله

ميرنا : انت بتقول ايه … اكيد مش هيتـ ـحبس

علي : ده ضـ ـربك بالسـ ـكينة ومـ ـوت اللي كان معاكي

ميرنا : مـ ـوته … اانا اصلا معرفش هو مين

علي : أنا مصدقك … بس هو هيتجنن من اللي شافه … أنا حاولت اقنعه بس هو مش مقتنع

ميرنا : أنا عمري م عملت حاجه وحشه ولا هعمل … ولا عمري غلطت في حقه … بس انا مش عارفه ازاي الراجل ده دخل شقتي

نيره : ايه اخر حاجه انتي فاكراها

ميرنا : اني طلعت الشقه وقفلت الباب وبعدها محستش بحاجه تاني

علي : في حد عمل كده وكان عايز يأذيكي

ميرنا : طب أنا عايزه اشوفه واتكلم معاه وافهمه كل حاجه

علي : حددوا يوم المحاكمه … ارتاحي دلوقتي وبعدها روحي احكي في المحكمه اللي حصل

ميرنا : لا انا عايزه اشوفه دلوقتي … مش هرتاح غير لو شوفته

 

 

وفعلا حاولت تقوم وتمشي بعد م كتبت إقرار أن المستشفي ملهاش علاقه لو حصلها حاجه

دخل العسكري لعمر وطلبه

عمر : مش عايز اشوف حد … نادولي يوم المحاكمه

_: اللي جايلك مصمم يشوفك

خرج وشافها هيا وعلي

عمر : انتوا جايبني هنا ليه … خدوني على الحجز تاني لو سمحتوا

ميرنا : عمر

عمر : متنطقيش اسمي على لسانك

علي : هسيبكوا لوحدكوا

ميرنا : عمر … انت فاهم غلط … في حد مش عايزنا مع بعض … الاوردر اللي انت جبتهولي بعد م كلت منه أنا حسيت بارهاق زياده عن كل يوم والله وهو اللي خلاني اروح

عمر : انتي كدابه … أنا مجبتلكيش حاجه اصلا … بس انتي واخداها حجه

ميرنا : لو سمحت … انت كده هتضيع نفسك وهتضيعني معاك

عمر : أنا كده كده ضايع بس انتي بقيتي كويسه اهو … هو عشـ ـيقك بس اللي مـ ـات … ده اللي اتأذيتي عشانه بس

ميرنا : مش عشـ ـيقي … أنا محبتش غيرك … افهم بقا … في حد اداني اوردر باسمك والله واسال نيره

عمر : اخرسي بقا … انتي لسه بتكدبي بعد م شوفتك بعيني … كان لازم اصدق انك زي أمك وانك خـ ـاينه زيها … اصلها وراثه

 

 

ميرنا بصدمه : عمر انت بتقول ايه … انت كده بتتهمني في شرفي

عمر : انتي انسانه خـ ـاينه زيها بالظبط … يمكن كنتي بتلعبي عليا وعايزه تقلبيني وتعملي زيها … انتوا الاتنين زي بعض

ميرنا : بس يا عمر … انت كده قطعت اي امل لينا مع بعض … أنا مكنتش اتخيل انك كده

عمر : لاء تخيلي … مش عايز اشوف وشك تاني

خرجت من عنده وهيا مش مصدقه أن ده عمر اللي هيا حبته … قد ايه كانت مخدوعه فيه

علي : عمر مـ ـجروح علفكره واكيد ميقصدش اي كلمه من اللي قالها

ميرنا : ولا يقصد بقا … مبقتش فارقه … ممكن تساعدني

علي : من غير م تقولي … أنا واثق في براءتك وهثبتها … بس عايز اعرف كل حاجه حصلت

في بيت عمر كانت لين وهاله قاعدين

لين : عاملالكوا عصير يهدي الأعصاب شويه

منال ( مامت عمر) : مش هتهدي اعصابي غير أما اخوكي تتثبت براءته … منها لله ميرنا دي هيا السبب

لين : كل حاجه هتبان في وقتها .. خدي يا هلا

هاله : ميرسي

بعد ساعه كانت هاله ونوال في ٧٠٠ نومه

لين : الو … علي … أنا حطيت منوم لهاله واضطريت احط لماما علشان متحسش .. بس الفون مش ببصمتها .. ممكن تكون عاملاه ايه

لين : الو … علي … أنا حطيت منوم لهاله واضطريت احط لماما علشان متحسش … بس الفون مش ببصمتها … ممكن تكون عاملاه ايه

علي : اكيد الفون عليه حاجات مهمه لدرجة أنها عاملاه باسورد بس … شغلي انتي دماغك اومال أنا قولتلك ليه … انتي في هندسه الكترونيات وتعرفي تفكي الرموز دي … يعني مش صعب

لين : م هو لو فتحته من غير رمز الفون هيتعمله سوفت … زي ضبط المصنع كده بالظبط

علي : اعرفي الايميل بتاعها واعملي سوفت وبعدين دخليه تاني واكيد الايميل عليه كل حاجه

لين : ولو مش على ايميلها … لازم نحط كل الاحتمالات

علي : انتي اكيد فاهمه انتي هتعملي ايه … ده شغلك اصلا

لين : خلاص ماشي أنا هتصرف

 

 

 

 

 

 

 

 

 

عند ميرنا

ميرنا : أنا ذنبي ايه في الماضي بتاعي علشان يقولي كده … كنت فاكره أن هو العوض اللي ربنا بعته ليا

نيره : متزعليش نفسك يا حبيبتي اكيد ميقصدش … هو برضو اللي شافه مكنش سهل ابدا

ميرنا : يعني انا اللي ادفع التمن لوحدي

نيره : وعسى أن تكرهوا شيئا وهو خير لكم … اكيد خير

عند لين حاولت تفتح الفون بأكتر من طريقه وفعلا فتحته

لين : اخيرا

بدأت تدور على اي حاجه بس لقت الفون فيه حاجات عاديه جدا

لين : م اكيد مسحت كل حاجه … والله م هسيبك برضو

رجعت لين شاتات الواتس وجهات الاتصال والرسائل العاديه بتاع اخر اسبوع

بدأت تراجع الكلام ولقت مكالمات هاتفية من أرقام غريبه

رنت على زميلها

لين : عاصم … بقولك … ممكن ابعتلك مكالمات وتقولي الكلام ده ايه ضروري

عاصم : بس ده هيحتاج وقت

لين : قد ايه مثلا

عاصم : على بالليل مثلا

لين : طب هبعتلك دلوقتي الرقمين وتبعتلي بالليل تسجيلاته

عاصم : تمام

لين : شكرا مقدما

عاصم : العفو

بدأت لين تشوف حاجات اكتر على الفون ولقت رسايل كتير زي “هديكوا اللي انتوا عايزينه” و “أهم حاجه ميطقش يسمع اسمها” و حاجات تانيه

 

 

 

 

 

 

 

 

لين : يا بنت الكلـ ـب … وربنا لاوريكي

اتصدمت المره دي لما نزلت برنامج تيليكولر علشان تقدر تشوف اسماء الأشخاص اللي كانت بتكلمهم ولقت رقم منهم لشيخ “دجـ ـال ” تبع الأعمال

نقلت كل حاجه على فونها ورجعت الفون بتاعها زي م كان وكلمت علي

علي : وصلتي لايه

لين : هيا اللي عملت كده

علي : كنت متأكد

لين : ومش بس كده … معاها رقم شيخ من اللي بيعملوا اعمال

علي : عرفتي الكلام اللي بينهم

لين : بعت الارقام لواحد زميلي وهو قالي هيبعتلي الكلام بالليل

علي : طب كويس

لين : هنعمل ايه تاني

علي : اتعاملي على طبيعتك لحد م ييجي يوم المحاكمه واكيد هتكون هيا موجوده وساعتها نقول كل حاجه هناك

لين : وعمر … ده كده المفروش أنه قتـ ـل واحد

علي : مش قتـ ـل … لو أثبتنا أن عمر شافه مع ميرنا يبقي دفاع عن الشرف

لين : بصفته ايه … ده حتى لسه مخطبهاش

علي : بس قاريين فاتحه … وبعدين المحامي ده لازمته ايه

جه الليل وعاصم بعت للين المكالمات وسمعتها وعرفت الحقيقه كامله

لين : عامله عمل لميرنا بوقف حالها ودافناه

علي : المكالمات وصلت ؟

لين : اه

علي : ابعتيهالي بسرعه

لين : حاضر

جه يوم المحاكمه وكان الكل حاضر وميرنا قالت لعمها وجه معاها هو وأخوه

القاضي قعد يرغي كتير وبعد كده أمر المحامي أنه يقدم اللي عنده

 

 

 

 

 

 

 

 

 

المحامي قعد يرغي كتير عن قد ايه عمر مظلوم وأنه قتـ ـل دفاع عن شرف وأنه اكيد مكانش يقصد

_: ايه دليلك على الكلام ده

المحامي : يا حضرة القاضي ده فخ ليهم وانا معايا الدليل على كل حاجه

_: فين الدليل

المحامي : دي فلاشه فيها مكالمات بين الشخص اللي اتقـ ـتل وبين سيده في العشرينات بتطلب منه يعمل ايه بالظبط

_: تعرف مين السيده دي

المحامي : ايوه يا سيادة القاضي … هيا قاعده معانا هنا

الناس كلها بدأت تتكلم

القاضي : هدوء … هدوء والا هخلي القاعه

هاله كانت قاعده على أعصابها ومرعوبه

المحامي : اللي عملت كده السيده هاله محمد الدسوقي

هاله : اانت بتتقول ايه .. اانت كداب … اانا معملتش حاجه

القاضي : هدوء … ولكن ده مش دليل كافي … ممكن يكون الصوت متفبرك

المحامي شاور لعلي وعلي دخل باللي اتفق مع هاله

المحامي : ده واحد من اللي هيا اتفقت معاه … كانت متفقه مع ٢

عمر : ده اللي أنا شوفته في الشركه وقالي أن ميرنا خرجت مع واحد

الراجل : اانا هقول على كل ح حاجه … أنا مليش دعوه … هيا اللي قالتلي اوصل الاوردر واقول انها خرجت مع واحد … بس انا كنت بنفذ وخلاص … أنا حتى مكنتش اعرف اسمها … أنا بعد م وصلت الاوردر اللي حطينا فيه برشام استنيت تحت علشان أما أشوف الاستاذ عمر أقوله أن الاستاذه خرجت مع واحد … في نفس الوقت كان اللي معايا مستنيها توصل تحت البيت علشان يطلع وراها والاستاذ عمر ييجي يشوفهم … كنا بنستني منها مكالمه علشان ننفذ

المحامي : والمكالمات دي اللي أنا ادتها لحضرتك دلوقتي

هاله : دول كدابين .. بيتبلوا عليا والله العظيم بيتبلوا عليا

 

 

 

 

 

 

 

 

القاضي : هدوء والا هخليهم يمسكوكي

المحامي : مكتفتش بكده يا سيادة القاضي … بل انها راحت لما نقول عنه دجـ ـال وعملت عمل للانسه المسكينه

شاور المحامي أنهم يجيبوا الشيخ

دخل وأكد كلام المحامي

دخلوا ال ٣ قضاه يراجعوا الدلائل

خرج القاضي وقال : حكمت المحكمه على القضيه رقم (…) في يوم (….) ببراءة المتهم عمر الشعراوي وحبس المتهمه هاله محمد الدسوقي ٣ سنين والقاء القبض علي الشيخ ( ……….. ) بتهمة الدجل وايضا بالقاء القبض على ( ……… ) لمدة ٣ سنوات رفعت الجلسه

منال : ليه كده … ليه تإذي ابني … عملنالك ايه

هاله : سابني وشاف غيري … مكنش ينفع كل العز ده يروح لغيري

منال : أنا للدرجادي كنت مخدوعه فيكي … حذروني منك … اقول ايه لابوكي دلوقتي

هاله : قوليله اني مش هسيبكوا تتهنوا … لسه اللي جاي تقيل

خدوها علشان يرحلوها

نيره : مبروك يا ميرو … ارجعي بقا لعمر

بصتلها ميرنا ومردتش عليها

عمر خرج وعلي قابله

علي : هتعمل ايه

 

 

 

 

 

 

 

 

 

عمر : مش عارف … أنا مش هعرف حتى ابص في وش……

لاحظ واحد واقف من بعيد موجه مسدس عليهم

علي : عمر .. عمر

كان مركز مع المسدس البعيد وبص على اتجاهه ولقاه رايح ناحية ميرنا ومستني يضرب الرصاصه لما تخرج من المحكمه

عمر جري عليها ووقف قدامها وهو بيقول : ميرررناااااا … حاسبييييي….

بس الرصاصه أصابت هدفها و …

بس الرصاصه أصابت هدفها وجت في كتف عمر

الكل اتجمع حواليه

ميرنا بصدمه : عمرر

عمر حط أيده على كتفه وهو بيتوجع : علي اجري وراه بسرعه والنبي قبل م يهرب … انت اسرع منه

_: يلا بسرعه أنا وأنت

ميرنا : اانت كويسس

عمر لما لاقاها خايفه عليه قال : كتفي بيوجعني اوي يا ميرنا … اوي اوي

منال : تعالي نروح المستشفي بسرعه يحبيبي

عمر : ااه … يلا بسرعه مش قادر استحمل الوجع … اه يا كتفي يا انا يا اما اه

راحوا كلهم المستشفي معاه وعلى الناحيه التانيه

علي : يعني مش ناوي تقول مين اللي قالك تعمل كده

مردش

علي : اممم ومبتردش كمان … مازن شغل الجهاز

_: لاااا … هتكلم هتكلم

مازن راح مسكه من رقبته : انت هتتكلم غصب عنك ولو كدبت في حرف هعرف انك كداب … بس ساعتها مش هرحمك وهموتك بأبشع طريقه ممكن تتخيلها … ومش هاخد فيك يوم واحد

 

 

_: ههتكلم والله خلاص … هتكلمم

مازن سابه : سامعك

_: ه..هاله هيا اللي قالتلي … قالتلي اول م مميرنا دي تطلع من المحكمه اقتلها … علشان تخلص منها للأبد … وادتني فلوس كتير …. وانا نفذت

مازن نزل عليه ضرب : انت حيواااااان

علي : اهدي يا مازن اهدي … هتموته في ايدك

في مكان تاني

سها : دي ب ٧ أرواح … كل مره تفلت منها

سامي : اللي شافته كتير بصراحه

بصتله سها : انت أخويا ولا اخوها

سامي : اخوكي … بس بقول الحق واللي شايفه

سها : أنا لازم اخـ ـربلها حياتها … زي م هيا خـ ـربتها

سامي : هيا برضو اللي خـ ـربتهالك … ولا علشان انتي غيرانه منها خـ ـربتيها بنفسك

سها : هغير منها علي ايه … هيا أزيد مني في ايه … ده انا حتى احلي منها

سامي : معتقدش

سها : هتشوف … بس الصبر

في المستشفي

خرجوله الرصـ ـاصه وجبسوا دراعه

عم حسن : هتعوزي حاجه يا بنتي

ميرنا : شكرا يا عمو … بس انتوا هتمشوا من غير مازن

عم هاني : قال عنده شغل هنا في القاهره

ميرنا : اه تمام

مشيوا بعد م اتطمنوا على عمر

ميرنا : حمد الله على سلامتك وشكرا … عن اذنكوا … يلا يا ميرنا

جت تمشي مسك أيديها : ارجوكي … سامحيني … أنا عارف اني غلطت وغلط كبير كمان … بس اللي بيحب بيسامح

سحبت ايديها : عشان أنا بحبك مش هرضالك انك تتجوز واحده خايـ ـنه زيي

عمر : انسي اي حاجه أنا قولتها … كل ده كلام من ورا قلبي … بس مكنتش مستحمل اشوفك بالمنظر ده واسكت

ميرنا : في كلام مبيتنسيش … وأصدق كلام بيتقال الكلام اللي بيتقال وانت مش قاصده

 

 

منال : متزعليش يا حبيبتي منه … عمر مفيش اطيب منه … هو اكيد ميقصدش اي كلمه من دي … بس هو علشان بيحبك قال كده

ميرنا : لو الحب انك تجرح حبيبك كده … فأنا مش عايزاه

عمر : ميرنا … أنا مش هقدر اعيش من غيرك … أنا مبقدرش اعدي يومي من غير م اسمع صوتك

ميرنا : معلش هتتعود

مسابتش فرصه لحد يتكلم تاني ومشيت

نيره وقفتها قدام المستشفي

نيره : ليه يا ميرنا … بيعتذرلك اهو عن اللي عمله … ليه متسامحيش

ميرنا : اسامح !!! واي حد يفرق بينا تاني يشك فيا ويقول اني زي امي … أنا ماليش ذنب في الماضي … ليه اتحاسب عليه … ومطلوب مني اسامح كمان

نيره : حطي نفسك مكانه

ميرنا : محدش يقولي الجمله دي تاني … اقرب موقف حصل لما جت قالتلي أنه خطيبها وقالتلي ابعد عنه وساعتها كنت واثقه فيه … ويوم م كنت بتعرف على عيلته لقيته معاها في اوضة نوم وكانوا قريبين من بعض ومكانش لابس غير البنطلون وتقوليلي حطي نفسك مكانه … أنا اتحطيت مكانه … بس اتعاملت بأحكام علشان عارفه انها بتحاول توقع بينا وتخليني اسيبه

عمر كان وراها ورد عليها : ولما كنت مستعد أضحي بروحي عشانك من شويه ده مش حب … لو كنت مبحبكيش كنت لما شوفتك في السرير مع راجل قولت مش مهم اهي كلبه وغارت … مكنتش ممكن اضيع نفسي واموته … بس انا بحبك وكنت مش مستحمل اشوفك مع حد غيري … ايوه يا ميرنا بغير عليكي … وغيرتي وحشه … وهفضل احبك واغير عليكي طول م انا عايش

ميرنا : وانا مش هعيش معاك يا عمر … ولا حتى عشان بحبك … هدوس على قلبي وهنساك

مشيت وروحت البيت وقعدت تعيط كتير جدا

جه الصبح كلمت نيره

نيره : انتي كده اوفر علفكره

ميرنا : أنا اللي اوفر

نيره : اه علشان الشغل ملهوش علاقه باللي حصل

ميرنا : والشغل ده عند مين

نيره : انتي مش هتتعاملي معاه

ميرنا : أنا خلاص قدمت استقالتي لمستر علي … ومش هرجع تاني … الشغل على قفا من يشيل … سلام

 

 

في الشركه

عمر : وانت اخدته ليه يا علي … يا الله

علي : اعمل ايه يعني … وعلفكره هيا دفعت الشرط الجزائي

عمر : لاء انت كده بتستهبل

علي : هيا سابتهم مع السكيورتي اللي تحت … أنا مالي … جيت لاقيته بيدهوملي

عمر : مش مهم أنا هتصرف … المهم عملت ايه مع الواد بتاع امبارح

علي : متقلقش عصرناه … كانت هاله باعتاه … بس احنا وديناه المحكمه واتحبس … وبصراحه مازن ده طحنه

عمر : كويس … كانت كابوس بجد … مش مصدق اني هروح مش هلاقيها في البيت

بالليل كانت ميرنا في اوضتها سرحانه في اللي حصلها في حياتها واللي مازال بيحصل وفجأه لقت اغنيه شغاله في الشارع بصوت عالي

قبل اي كلمه تقولها عن ظنونك واللي كان

قبل م تفرقنا كلمه … قبل م يفوت الآوان

قبل اي كلمه تقولها عن ظنونك واللي كان

قبل م تفرقنا كلمه … قبل م يفوت الآوان

يلا نسرق من الزمن لحظة تفاهم

محتمل نرجع واحسن من زمان

يلا نسرق من الزمن لحظة تفاهم

محتمل نرجع واحسن من زمان

احنا كنا الحب ذاته قبل م تسافر بعيد

قولتلك خدني معاك … قولت راجع من جديد

بصت من الشباك لاقته قاعد على العربيه وبيبص عليها وبيغني مع الأغنيه

اتكسفت اوي خصوصا لما بدأوا الجيران يطلعوا يشوفوا في ايه

دخلت وقفلت الشباك وهيا مبتسمه وهو مستمر يغني

خلصت الأغنيه وفضل يرن عليها وهيا مبتردش فنادي عليها في الشارع بصوت عالي

 

 

خرجت البلاكونه وقالت : لو سمحت مينفعش كده … ممكن تمشي

عمر : لاء

ميرنا : هدخل واسيبك

عمر بص للجيران وقال : ينفع اللي هيا بتعمله فيا ده … كسرتلي دراعي ومزعلاني ومش راضيه تصالحني … عايزكوا تعملوا فيا جِميله وتقولولها تنزل

بدأوا الجيران بصوت عالي يقولوا : انزلي … انزلي .. انزلي … انزلي وهو كمان كان بيقول معاهم

STOP 🛑 : عزيزي القارئ هذه المواقف لا ترد الا في الروايات والأفلام فقط وليس لها صِله بالواقع

نزلت في الاخر علشان الاحراج اللي اتحطت فيه

ميرنا : هاااا عايز ايه

عمر : ايه المعامله الناشفه دي

ميرنا : انت جاي لحد البيت تفضحني قدام الجيران وعايزني اعاملك ازاي

عمر : بالحب … مسمعتيش عن المعامله بالحب

ميرنا : لا … سمعت عن المعامله بالمثل … عارفها

عمر : اه عارفها … معنى كده انك هتجيلي قدام البيت وتغنيلي زي م غنيتلك

 

 

 

 

 

 

 

 

 

ميرنا : ده في احلامك

عمر : ممكن تيجي معايا

ميرنا : مبخرجش مع حد غريب

عمر : ميرنا بطلي برود بقا

ميرنا : احمد ربنا اني نزلت اصلا

عمر حط أيده على كتفه وقال : ااااه

ميرنا بخوف : مالك … حاجه بتوجعك

عمر : كتفي بيوجعني مش قادر

ميرنا : انت غيرت عليه

عمر : لاء … نسيت

ميرنا : طب م لازم يوجعك … قوم اطلع معايا هغيرلك عليه

عمر : معاكي حد في الشقه

ميرنا : لاء

عمر : خلاص هخلي ماما تغيرلي عليه

ميرنا : تمام … لو خلصت كلام امشي

عمر : ااه … الوجع وحش اوي

ميرنا : عمر … اطلع اغيرلك عليه واخلص

عمر : متشغ…..

ميرنا : لو سمحت … انت اتأذيت بسببي … لو مكنتش وقفت قدامي كان زمانك سليم

طلع معاها فوق

 

 

 

 

 

 

 

 

 

 

عمر : ايه الغباء ده … أنا مش معايا ال…..

ميرنا : أنا عندي علبة اسعافات

راحت ميرنا تجيبها ورجعت بدأت تفكله الجرح وهو بيتعمد يتوجع علشان تخاف عليه

عمر : ايدك تقيله اوي

ميرنا : الكلام ده تقوله لو أنا بديلك حقنه مش بعقملك جرح

عمر : على كل حال شكرا

ميرنا : العفو

عمر : بحبك

مردتش

عمر : وبعدين بقا

ميرنا : انت عايز ايه

عمر : عايزك

ميرنا : وانا مش عايزاك

عمر : من ورا قلبك … زي م أنا برضو قولت الكلام اللي قولتهولك من ورا قلبي

ميرنا : بس انا مصدقه الكلام اللي انت قلته … ياريت انت كمان تصدقه

عمر : تؤ … مش هصدقه

ميرنا : دي حاجه ترجعلك انت بقا

عمر : ي ستي أنا غلطت وجيت لحد عندك وبقولك اسف … عايزه ايه تاني

ميرنا : عايزاك تبعد عني

عمر : ممكن تستغني عن آخر كلمتين

ميرنا : لو كنت بتثق فيا كان وقتها ممكن استغني عن الكلمتين دول

عمر : أنا بثق فيكي

 

 

 

 

 

 

 

 

 

 

ميرنا : واضح … واضح جدا الثقه دي

عمر : عايزه ايه مني وانا شايفك مع واحد غيري في سرير لوحدكوا … اقوم اقولك هايل برافو … أنا وقتها مكنتش في وعيي بجد … الصدمه لجمت لساني ولجمت عقلي … مكنتش عارف افكر

ميرنا : أنا كان ممكن اموت وقتها بسبب لعبه رخيصه … وعلى ايدك

عمر : كنت هموت نفسي بعدك

ميرنا : الكلام ده تضحك بيه على واحده غيري

عمر : انتي ليه صعبه كده

ميرنا : زي م كنت انت صعب يوم م جيتلك المحكمه وانا تعبانه ولسه جرحي منشفش ومشيتني مكسوره

عمر : وقولتلك اسف وان الكلام ده كله من ورا قلبي … سامحي بقا

ميرنا : مش قادره … مش قادره اسامحك … مش شايفاك غير انك بتشبهني بأمي

عمر : انتي انضف انسانه أنا شوفتها في حياتي … ده اللي أنا شايفه

ميرنا : شكرا

عمر : اصرفها منين دي

ميرنا : عمر انت عايز ايه

عمر : ممكن ننزل نتمشي شويه

ميرنا : م….

عمر : مفيش كلام تاني … سيبيني اصلح اللي كسرته

فضلت واقفه مبتتكلمش

 

 

 

 

 

 

 

 

عمر : يلا … ادخلي غيري هدومك هستناكي

غيرت هدومها وخرجت كان هو واقف بيتأمل البيت والصور اللي متعلقه

ميرنا حمحمت وهو خد باله وبصلها وقال : اللهم صل على النبي … أنا كده هخطفك

ميرنا : اقل حاجه عندي

عمر : عارف … يلا !

ميرنا : يلا

نزلوا وقبل م يمشوا فتح عربيته واداها ورده

ميرنا : ميرسي

اتمشوا وقعد يتكلم معاها كلام ملهوش علاقه ببعض

ميرنا : عايزه اسالك سؤال

عمر : سامعك

ميرنا : انت عرفت منين اني بحب مصطفي قمر

عمر : أنا عارف كل حاجه عنك

ميرنا : لاء … متعرفش كل حاجه

عمر : عارف كل حاجه

ميرنا : انت تعرف اللي أنا عايزاك تعرفه بس

عمر : نبقي نشوف الموضوع ده بعدين … اهم حاجه تنسي كل حاجه قولتها وتيجي الشغل بتاعك من الصبح

 

 

 

 

 

 

 

 

ميرنا : مش بالسهوله دي

عمر : سهوله ايه ده انتي طلعتي عين امي

ميرنا : صعبت عليا … ماشي

عمر : اشهد ان لا اله الا الله واشهد أن محمد عبده ورسوله

تاني يوم راحت الشركه تاني وحكت لنيره اللي حصل

عدا اسبوعين من غير جديد وكان عمر مع ميرنا ومره واحده بدون مقدمات

عمر : ميرنا … احنا مننفعش لبعض

عمر : ميرنا … احنا مننفعش لبعض

كانت بتشرب عصير واول م خلص كلامه شرقت وقعدت تكح : انت قولت ايه … انت كنت بتتسلي بيا … يعني كل اللي عيشته معاك ده كدب

عمر : عمري م كنت بتسلي بيكي أو بشغل وقتي بيكي … أنا كنت بسيب شغلي عشان اشوفك

ميرنا : وكلامك ده معناه ايه … مننفعش لبعض !! … بعد كل ده مننفعش … انت اكيد بتهزر

عمر : مبهزرش … أنا قولت كده علشانك

ميرنا : اه صح … قولت كده علشاني .. طب ليه … ليه بتخليني احبك

عمر : خلاص حطيتي السبب من دماغك ومسألتنيش عليه

ميرنا : السبب واضح

 

 

 

 

 

 

 

 

 

عمر : بتسلي بيكي وحددنا يوم خطوبتنا !

ميرنا : عادي م انت خطبت هاله وفشكلتها

عمر : متشبهيش نفسك بيها … انتي ملاك مش شيطان … وعلشان مش عايز اسمع كلامك السم ده فهقولك ليه مننفعش لبعض … علشان أنا مبخلفش … أنا لسه عارف امبارح … واول م عرفت وانا متلغبط … لحد م قررت اقولك أننا مننفعش … انتي من حقك تتجوزي غيري وتبقي ام … وانا مش هقدر اخليكي تحسي الشعور ده … عرفتي ليه

ميرنا بصدمه : أنت بتتكلم جد

عمر : ههزر معاكي في حاجه زي دي يعني … أنا بحبك وبحبك اوي كمان بس مش كل حاجه عايزينها هتكون لينا … وانا مش هقدر اسعدك وأشوف في عينيكي فرحة انك ام

ميرنا : وانا بموت فيك ومش عايزه غيرك حتى لو ايه اللي حصل

عمر : انتي كده بتظلمي نفسك … وانا هحس بالعجز

ميرنا : انا راضيه بأي حاجه طول م انا معاك

عمر : طب هطلب منك طلب

ميرنا : اتفضل

عمر : هعمل عمليه

ميرنا : ليه … ربنا عايز كده يبقى نرضي بأمر الله … واللي فيه الخير يقدمه ربنا

عمر : هكون مرتاح اكتر لو عملت العمليه دي

ميرنا : هو براحتك طبعا … بس الأمر ده هيحتاج وقت

عمر : لا متقلقيش

في مكان تاني

_: يا بابا انت اكيد بتهزر … ازاي هتجوزوه لحد من بره العيله

*: هو عايز كده … براحته

_: هو قالك أنه عايز كده

*: قالي أنا وعمك وعمتك

_: تمام

نزلت تحت تتمشى في جنينة الفيلا وهيا سرحانه ودموعها نزلت من غير م تحس

 

 

 

 

 

 

 

 

:_ بخ بخ أنا جيت

فاقت من شرودها : خضتني بجد

_: ايه ده مالك شكلك معيطه … مين اللي مزعلك انطقي

*:أنا كويسه … بس في تراب دخل في عيني

_: متأكده !!

*: اكيد

باس راسها : أنا حاسك زعلانه من حاجه … لو في حاجه مضيقاكي ياريت تقوليلي علطول

ردت بابتسامه : حاضر

سابها ومشي وجت بنت عمها

_: ندي !!

ندي : نعمم يا فيروز

فيروز : انتي كويسه … شكلك معيطه

ندي : لاء … خالص

فيروز : انتي عرفتي

ندي : ويارتني م عرفت … حاسه اني اتكسرت

فيروز : متقوليش كده … اكيد خير

 

 

 

 

 

 

 

 

ندي : وهو فين الخير ده … حبيب عمري بيروح مني … اكتر حاجه اتمنتها من الدنيا محصلتش … طب ازاي مشاعري ناحيته عمرها م اختلفت … انا كنت بحسب أن في مشاعر متبادله … كنت بحلم بيه يوميا على الله … كنت بطلبه من ربنا في كل ركعه … الاقي بابا بيقولي أنه هيتجوز واحده من بره العيله … عن كسرة قلبي وقتها يا فيروز … اتحطمت … وانتي تقوليلي ده أخويا وانا عارفاه اكتر من اي حد … وتقوليلي هو كمان بيحبك مش انتي بس … طب ليه بتعشميني

فيروز : أنا مكدبتش عليكي والله … ده اللي كنت شايفاه

ندي : ياريته كان أخويا مش ابن عمي …

ياريت

بعد شهر

نيره : هتكوني احلى قمر بجدد

ميرنا : أنا حاسه بإحساس غريب

نيره : طبيعي … انهارده خطوبتك

ميرنا : حاسه اني بحلم

كانت ميرنا في الكوافير وجه بالليل وكانت حلوه اوي وكان عمر مستنيها بره تطلع

خرجت واول م شافها انبهر بيها

عمر : م تيجي نخليه فرح بدل خطوبه ونروح

ابتسمت ميرنا : كلها شهر كمان وخلاص

عمر : وساعتها هكون اسعد واحد في الكون

خدها وراح القاعه وكانوا ناس كتير اوي موجودين من عيلة ميرنا وعيلة عمر

ندي : جايبها معاه

 

 

 

 

 

 

 

 

فيروز : انسيه يا ندي … ده أخويا وانا عارفاه اكتر من اي حد

ندي : برضو ام الجمله اللي معندكيش غيرها دي … وفي الاخر بلاقي خازوق في وشي

فيروز : يا ستي بحاول اساعد

ريهام : انتوا بتتكلموا علي ايه

ندي : مفيش .. خليكي مع خطيبك وسيبينا احنا سناجل مع بعض

زينه : ندي … أنا جتلي فكره حلوه اوي

ندي : ابهريني

زينه : اتعرفي على حد وارقصي معاه وتعمدي تغيظيه … ده أخويا وانا عارفاه … هيركبه ١٠٠ عفريت

ندي : وبابا ومازن … دول هيروقوني

فيروز : سيبي مازن عليا

زينه : وانا سيبي عمو عليا

علشان اللغبطه وكده ( ندي ومازن اخوات ولاد عم هاني …. مالك وزينه وفيروز اخوات ولاد عم حسن …. فاطمه وريهام اخوات ولاد عمه فوزيه … )

زينه : عمو … في واحد شاف ندي وقالي أنه عايز يتقدملها

عم هاني : ومجاليش ليه

زينه : ميعرفش مين عيلتها … هو جه يتكلم معاها بس هيا صدته وهو طلب مننا نتكلم مع اي حد كبير علشان يتكلم معاه

عم هاني : هو فين

زينه : اللي واقف هناك ده

 

 

 

 

 

 

بعد شويه جه عم هاني وطلب من ندي تتعرف عليه ولو استلطفته يحددوا خطوبتهم

ندي : اللي تشوفه يا بابا

قامت معاه وقعدت تهزر وتضحك معاه وكل شويه تبص لمالك بس هو في دنيا تانيه مع حبيبته

ندي : عن اذنك

_: رايحه فين … تعالي نرقص يمكن يحس

ندي : انت …

_: اه اه .. أنا زميل زينه وهيا فهمتني انتي عايزه توصلي لايه

ندي : بس هو شكله فرحان معاها … أنا كنت فاكره أنه بيحبني … لكن هما هيتجوزوا الاسبوع الجاي … عليه العوض … عن اذنك

عند ميرنا وعمر

عمر : انتي اللي ربنا عوضني بيها عن كل حاجه

ميرنا : أنا بقا مليش حد غيرك … مش عايزاك تخذلني

عمر : انتي وصية الرسول عليه الصلاة والسلام … مستحيل ازعلك

ميرنا : أنا واثقه في ده

فجأه حصلت ضجه والكل بيجري و

فجأه حصلت ضجه والكل بيجري في القاعه

ميرنا : ايه ده في ايه

نيره : تعالي بسرعه في واحده قطعت شراينها في الحمام

راحت تشوف مين دي ولقت بنات عمها بيفوقوا في ندي وبيصوتوا

فاطمه : حد ينادي لخالو ومازن بسرعه هما بره القاعه

عمر جه عليهم : في ايه … ايه ال….

ميرنا : قطعت شراينها

عمر جري عليها وشالها واخدها بره بسرعه : علي افتح العربيه بسرعه

خدوها على المستشفي

عم هاني : ايه في ايه … نادولي بره … ايه اللي حصل

ميرنا : ندي يا عمو

عم هاني بخوف : مالها … حصل حاجه

زينه بعياط : قطعت ايديها

راحوا كلهم على المستشفي وكانوا خايفين عليها جدا

عم هاني : لا حول ولا قوة الا بالله … ليه يا بنتي تعملي كده في نفسك

ميرنا : هيا مش كانت كويسه … ايه اللي حصل

فيروز : كانت قاعده معانا وقالت إنها عايزه تظبط الميكب بتاعها ولما لاقيناها اتأخرت دخلنا نشوفها وكانت واقعه ع الأرض

 

 

وايديها مليانه د’م

خرج الدكتور وقال : محتاجين د’م بسرعه … مفيش حد هنا فصيلته O

عم هاني : مازن … هرن عليه

عمر : هو فين اصلا مش المفروض يكون هنا اول واحد جنب أخته

عم هاني : هو مشي من بدري علشان جاله شغل مهم ولو عرف هيقلب الدنيا على اللي خلاها كارهه الدنيا كده وعملت كده في نفسها

رن عليه واول م عرفت ساب كل اللي في أيده وجه جري

مازن : مالها ندي … ايه اللي حصلها

عمر : ادخل دلوقتي اتبرع بدمم بس بسرعه علشان مستنيينك

دخل فعلا اتبرع

الدكتوره : احنا سحبنا منك كتير اوي بس محتاجين تاني ومش هينفع نسحب

مازن : اسحبي كل الدم اللي محتاجينه … دي اختي

الدكتوره : مش هينفع … هنشوف كيس د’م نفس الفصيله

مازن : مش هيكفي أنا عارف … اسحبي وانا هعفيكوا لو حاجه حصلت بس بسرعه

كانت هتسحب منه اكتر بس جه حد وقال : استني … أنا نفس الفصيله اسحبي مني

مازن : علي … كويس انك نفس الفصيله

سحبوا كل اللي محتاجينه

مازن : حد بقا يقولي ايه اللي حصل … مين اللي ضايقها

عم هاني : محدش ضايقها … هيا عملت كده من نفسها

مازن بص لبنات عمه ولقاهم بيبصوا لبعض وهما ساكتين

مازن : زينه … تعالي معايا

زينه : اانا!!

مازن : هو في حد تاني اسمه زينه

 

 

زينه : ااجي فين طيبب

مازن : تعالي متخافيش

خدها ونزل تحت بعيد عنهم

مازن : قوليلي بقا

زينه : اقولك ايه

مازن : ايه اللي مضايق ندي خلاها تعمل كده

زينه : ممعرفش

قرب منها وهيا اتوترت جدا

مازن : مش هيا كانت كويسه من اول م جت

زينه : لاء

مازن مشى أيده على شعرها : يبقى كانت متضايقه

زينه : اه

مازن : من ايه بقا .. في حد مضايقها

زينه : اه

مازن : حلو … مين بقا

زينه : مالك

مازن : مالك !! … مالك ضايقها ازاي

زينه : هيتجوز واحده تانيه غيرها

مازن : وهيا مالها

زينه : هيا بتحبه من زمان اوي بس هو عمره م حبها

مازن : وايه اللي خلاها تعمل كده دلوقتي

زينه : شافته بيهزر معاها وهيا مستحملتش

مازن بعد عنها وقال : تمام … لو عايزه تطلعيلهم اطلعي

زينه طلعت فوق

فيروز وريهام وفاطمه راحوا لزينه اول م طلعت : كان عايزك في ايه ؟

زينه : كان عايز يعرف هيا متضايقه من مين … وتقريبا كده انا عكيت الدنيا وانا مش حاسه

 

 

فاطمه : يا الله على غبائك

زينه : ده نومني مغناطيسيا بجدد

ريهام : ولو اتخانقوا بقا مع بعض هو ومالك

زينه : وهو أخويا ماله يا اختي … هو كان قالها انتـ ـحري

ريهام : لا بس هيا متضايقه بسببه

زينه : مش هيحصل حاجه اكيد

عمر كان واقف جنب ميرنا

عمر : أهلها واقفين معاها .. يلا عشان اروحك وأروح

ميرنا : مينفعش … هتطمن عليها وامشي … لو عايز تمشي انت امشي

عمر : انتي هبله ولا ايه … اروح واسيبك ازاي

جه عم هاني عليهم : روحي انتي يا بنتي … ومعلش أن خطوبتك باظت بسبب اللي حصل

ميرنا : ولا يهمك يا عمو … كده كده كنا خلاص هنشطبها

عم هاني : طب روحي علشان شكلك تعبان جدا وخدي بنات عمك معاكي وانا واقف معاها أنا وعمك حسن

ميرنا : تمام

عمر روحهم كلهم ومشي

ميرنا : منورني

فيروز : ده نورك اصلا

ميرنا : هجيبلكوا بيجامات

قعدوا مع بعض واتعرفوا على بعض اكتر والعلاقه اتطورت

في المستشفي خرج الدكتور وبلغهم باستقرار حالة ندى

مازن : هو فين مالك يا عمو

عم حسن : قال إنه هيخرج مع خطيبته وبعد كده هيروح

مازن : ميعرفش اللي حصل

عم حسن : رنيت عليه كتير وتلفونه مقفول

تاني يوم الصبح بدأت تفوق وكان عم هاني ومازن وعم حسن جنبها

مازن : ندي … بقيتي كويسه

ندي : هو أنا لسه عايشه!؟

عم هاني : انتي مش عارفه أن اللي عملتيه ده حرام … تخسري اخرتك ودنيتك !! … مفيش حاجه تستاهل

ندي : أنا عايزه امـ ـوت … أنا تعبت بجدد .. مش قادره استحمل الحياه

مازن : ندي ايه اللي مضايقك

ندي : كل حاجه … كل حاجه في الدنيا مضيقاني … عايزه ارتاح بقا

 

 

مازن : ندي ايه اللي مضايقك … مش هعيد سؤالي

ندي : أنا اللي مضايقه نفسي … انتوا ليه بتنقذوني

مازن اخدها في حضنه : عايزه تسيبيني وتمشي … هتسيبيني لمين

ندي : م انت سايبني … انت مش معايا خالص … كل شويه في شغلك

مازن : وبالنسبه لفاطمه وفيروز وزينه وريهام دول ايه … مش دول اخواتك برضو

ندي : بيشاركوني أحزاني بس .. أنا مش عايزه اكون حزينه

مازن : اوعدك اني هخليكي سعيده … انتي أغلي حاجه عندي

بقت ندي كويسه نوعا ما وروحوا كلهم البلد تاني وعدي اسبوع

ميرنا كانت بتكلم عمر في الفون

ميرنا : هتسافر بكره خلاص

عمر : وهرجعلك علطول .. إن شاء الله العمليه تنجح

تاني يوم عمر سافر وبالفعل عمل العمليه وقبل م يرجع بيوم كلم ميرنا يبلغها بالقرار

عمر : العمليه فشلت يا ميرنا … فشلت

سها : لو شوفت معاناتها هرتاح … هتساعدني

سامي : في الشـ ـر … اكيد مش هساعدك

سها : براحتك … وانا كمان مش هساعدك … حفصه هتكون بعيده عنك ومش هساعدك في اني اخليها تحبك

سامي : يعني اساعدك في الشـ ــر وأشوف قلب واحده بيتكـ ـسر طول العمر علشان سعادتي … انسي … روحي قولي لحفصه اللي انتي عايزاه … لكن اني اساعدك في اللي انتي بتقوليه ده … مستحيل

سها : انت مش هتعمل حاجه غير انك هتسرب الغاز اللي في العربيه

سامي : والنتيجه

سها : هشوفها مكسـ ـوره

سامي : وده هتقبليه على نفسك … ثم إن اصلا ايه اللي مخليكي كارهاها كده … هيا اكيد نسيتك اصلا

سها : أنا لو اذيتها زي م هيا اذتني هرتاح … هيا بعدت عني كل حاجه حلوه … رجعتني للفقر تاني

سامي : سها … انسي اني اعمل اللي بتقوليه ده … حتى لو هعيش من غير حفصه .. مش مهم … المهم اني مأذيش حد والاقي الاذيه دي تتردلي … كما تدين تدان

مشي وسابها وهيا استحلفت : والله لاخليكي تتمني المـ ـوت ومتلاقيهوش

عند ندى

فيروز : طب م تحولي جامعتك في مصر

ندي : ليه يعني

 

 

 

 

 

 

 

 

 

فيروز : بدل م انتي حابسه نفسك في الاوضه ومبتخرجيش منها علشان متشوفيهومش مع بعض بعد م اتجوزوا

ندى : عارفه يا فيروز لما فكرت مع نفسي … لاقيت أنه ميستاهلش اصلا دمعه واحده مني … ميستاهلش كل الحب اللي أنا حبيتهوله … أنا كنت هخسر حياتي وكان هو مش فارق معاه … اللي قاله الف سلامه وبس … ولا كان باين أنه زعلان أن بنت عمه كانت هتمـ ـوت … ودلوقتي هو فرحان معاها وصوت ضحكهم بيوصلي لحد هنا … وانا هنا بمـ ـوت الف مره في الثانيه … فأنا دلوقتي بحاول ادوس على قلبي … واكيد العوض احسن … لو كان خيرا لبقى

فيروز حطت ايديها على قورة ندي : انتي سخنه … فيكي حاجه … تعبانه طيب

ندي : أنا في احسن حالاتي

باب اوضتها خبط ومازن دخل

مازن : ازيك يا فيروز … ازيك يا ندي

فيروز : كنت كويسه وبقيت مش كويسه أما شوفتك

مازن بابتسامه : بتسـ ـرقوا كلامي دايما يا حـ ـراميه

فيروز : استحملنا بقا يا ابو غمازات

مازن : أن مكنتش هستحملكوا هستحمل مين … ممكن تسيبيني مع ندى شويه

فيروز : عيوني

سابتهم وخرجت

مازن : عامله ايه

ندي : الحمد لله على كل حال

مازن : ليه الحزن ده … مش هتقوليلي زعلانه من ايه برضو

ندي : مش متضايقه والله أنا احسن بكتير عن قبل كده

مازن : مبتخرجيش من اوضتك ليه

ندي : أنا مرتاحه كده اكتر

مازن : مش هتشاركيني حزنك

ندي : أنا مش حزينه … اوعدك اني هكون اسعد انسانه زي م انت عايز تشوفني

مازن : لو عوزتي اي حاجه اطلبيها مني مش من فيروز

ندى : حاضر

عند ميرنا

ميرنا : وانا هعمل ايه … أنا مش عايزه حاجه غير وجوده معايا

نيره : انتي كده صح … خليكي معاه على الحلوه والمره … ياما ناس اتجوزت وخلفت بعد ١٥ سنه جواز

ميرنا : أنا معنديش اي اعتراض … بس هو اللي شايل همي

نيره : متحسسيهوش بحاجه … حسسيه أنه كل حاجه بالنسبالك … واعملوا فرحكوا في معاده متأجلوش

ميرنا : لاء مفيش تأجيل … حاسه ان احنا بقالنا كتير اوي نعرف بعض اصلا

نيره : هو هينزل امتا

ميرنا : بكره

تاني يوم راحت ميرنا مع لين ومنال المطار يستقبلوا عمر

اول م عمر شافهم جري على ميرنا حضنها

منال : بعتنا اوام … دي لسه مش مراتك علفكره

عمر : مقدرش ابيعك يا ست الكل … بس هيا مش هروح معاها

لين : وبالنسبه للحضن ده ايه … دي مجرد خطوبه لسه

عمر : غصب عني يا جماعه والله كبرتوا الموضوع

ميرنا : عندهم حق علفكره

عمر : والله عارف بس غصب قولتلكوا … المهم يلا نمشي … ميرنا هتتغدى معانا انهارده طبعا

منال : من غير م تقول … أنا عازماها

عند سها

 

 

 

 

 

 

 

 

 

سها : عرفت هتعمل ايه ؟

_: اه عرفت … متقلقيش هنفذ اللي قولتيه بالحرف

سها : حلو … بعد م تعمل اللي اتفقنا عليه هديلك الفلوس اللي اتفقنا عليها

_: الموضوع ده امتى طيب

سها : الاسبوع الجاي

في بيت عمر

كان عمر في اوضته بيغير هدومه وفونه رن

عمر : ايه يا فؤش حبيب قلبي … اخيرا افتكرت أن ليك صحاب

فؤاد : حبيبي يا مورا م انت عارف الشغل بقا … عندي مهمه هتحولني من عقيد لرائد بقالي يومين بفكرلها

عمر : انت عارف اني سداد ليك في أي وقت … لو اي حاجه محتاجها أنا جنبك وفي ضهرك

فؤاد : ده العشم يا اخويا … بس في واحد مهم في الدوله عايز اعرف عنه كل حاجه ومفيش ثغرات ليه

عمر : مفيش حاجه اسمها ملقتش ثغرات … انت تعرف عنه ايه لحد دلوقتي

فؤاد : عنده حبيبه اسمها لورا … يمكن دي اللي ممكن تكون عارفه عنه كل حاجه

تحت عند ميرنا ولين

لين : والنبي يا ميرنا خدي القهوه دي طلعيها لعمر على م اشوف ماما محتاجه ايه

 

 

 

 

ميرنا : من عنيا حاضر

طلعت وقفت قدام الباب بس كلام عمر لفت انتباهها

عمر : ادخلها على انك حنين وانك بتحبها جدا ومتقدرش تعيش من غيرها … خليها تتعود على وجودك وتتعلق بيك وهتلاقيها بتكلمك كتير … املى الفراغ اللي في حياتها … والف اي حكايه علشان تصعب عليها … ولو معرفتش تاخد منها اللي انت عايزه اتجوزها يومين كده وكده لحد م تاخد اللي انت عايزه منها وبعد كده مش هتهمك في حاجه … البنات بتحب الدخله دي … اظن الحوار هيكون عادي جدا

رمت ميرنا كوباية القهوه من أيدها و

رمت ميرنا كوباية القهوه من أيدها ونزلت تحت خدت شنطتها ومشيت من غير م تقول لاي حد

عمر كمل كلامه : الاسبوع الجاي إن شاء الله هتجوز … لو طلعت عذر زي يوم الخطوبه ه..

فؤاد : لا لا مينفعش اطلع اعذار بس المره اللي فاتت انت كنت عارف اللي فيها بقا

روحت ميرنا البيت بصعوبه وهيا حاسه ان جردل مايه سقعه اتدلق عليها وبمجرد وصولها انهارت

خرجت لين تحضر السفره وهيا مفكره أن ميرنا لسه فوق وطلعت علشان تناديهم لقت القهوه مدلوقه قدام باب اوضة عمر

خبطت الباب على عمر وفتحلها : في ايه

لين : ميرنا مطلعتش هنا

عمر : لاء … مطلعتش … ليه هيا مش تحت

لين : لاء طلبت منها تطلعلك القهوه بس لاقيتها واقعه على الأرض وهيا مش موجوده

عمر : نعم … وده ليه

رن عليها عمر بس هيا مكانتش بترد

راحلها البيت وفضل يخبط ومكانتش بترد

عمر : ميرنا افتحي … أنا عارف انك جوه … لو مفتحتيش هكسر الباب …. يا ميرناااااا

كانت هيا واقفه ورا الباب وسامعاه وكانت بتعيط بصمت

عمر : ميرنا افتحي قوليلي ايه اللي مزعلك … متعمليش فيا كده

فتحت ميرنا الباب براحه بعد م مسحت دموعها

 

 

 

ميرنا : نعم … عايز ايه

عمر : عايز ايه !!!! انتي كويسه يعني … وانا هموت من القلق عليكي

ميرنا : هه … هتموت من القلق عليا اه

عمر : ميرنا انتي بتتكلمي كده ليه في ايه

ميرنا : في اني زهقت … ومش عايزه اعرفك تاني

عمر : انتي بتتكلمي بجد بقا

قلعت ميرنا دبلتها وادتها لعمر : ثواني هجيبلك شبكتك

مسكها عمر من دراعها قبل م تدخل : انتي بتقولي ايه

ميرنا شدت دراعها : متلمسنيش ابدا … انت فاهم

عمر : هو ايه اللي حصل … أنا مش فاهم حاجه

ميرنا : أنا ازاي كنت مخدوعه كده … انت بجد ممثل عبقري … أنا مش عايزه اكمل في العلاقه دي تاني … هجيبلك شبكتك

مسابتلوش فرصه يتكلم ودخلت تجيب الشبكه وراحت تديهاله بس لاقته مشي

قفلت الباب وقعدت وراه انهارت اكتر

روح عمر البيت وهو هيتجنن … مش فاهم ايه اللي بيحصل

لين : عرفت في ايه

 

 

عمر : متحطيش في دماغك

تاني يوم ميرنا كلمت نيره وطلبت منها تخلص شغلها وتجيلها

نيره : في ايه بقا … ومجيتيش ليه شغلك

حكت لها ميرنا كل اللي سمعته

نيره : كل ده تمثيل … ازاي يعني

ميرنا : معرفش أنا هتجنن … فوق كل ده بيعلم صحابه ازاي يعلقوا البنات

نيره : مش قادره استوعب … طب انتي هتعملي ايه

ميرنا : مش عارفه … انتي عارفه أنه مفهم مامته أن باباه ميت

نيره : ايه ده ازاي … هو مش باباه ميت اصلا

ميرنا : لا هفهمك

Flash back

ميرنا : انت وعدتني انك هتحكيلي عنك

عمر : هحكيلك كل حاجه … بس محدش يعرف كلمه من اللي هقوله

ميرنا : عيب عليك … اعتبرني بيرك

عمر : بص يا ستي … أنا ليا اخت واحده وعايش معاها هيا وماما في البيت اللي شوفتيه ده … من ٣ سنين بالظبط كنا اسعد ناس … كنا عيله كامله … لحد م لاحظت أن بابا بيغيب كتير عن البيت وعن الشركه … دايما مش معانا … بيسيبنا اوقات كتير اوي … كان بيكدب على امي ويقولها أنه هيسافر علشان عنده شغل … لحد م في يوم لاقيت رساله مبعوته على فونه من مراته التانيه …

 

 

 

طلع متجوز على امي … متجوز واحده قد عياله … فضلت وراه ومرقباه في يوم لحد م واجهته …. لاقيته بيقولي أنه اتجوز غصب عنه علشان دي كانت سكرتيره عنده واتجوزوا عرفي وهو كان بيثق فيها … استغلت ثقته وخلته يمضي تنازل ليها عن كل حاجه في حالة أنه يتخلي عنها أو يسيبها … هو قالي أنه مش هيقدر يسيبها علشان متاخدش كل حاجه ليها … اضطر أنه يكمل معاها ومع امي لحد م أنا واجهته … طلب مني اني اقول انه مات … أنا موافقتش في الأول … بس هيا كانت بتهدده أنها هتعرف امي أنه متجوز عليها …. وبما أنها متجوزاه عرفي لو هو مات يبقى هيا ملهاش حاجه … في الاخر اقتنعت بكلامه ووافقت وقولت أنه عمل حادثه ومات … بس هو سافر اصلا … ولو امي عرفت كل ده ممكن تموت فيها … أنا قولتلك كل حاجه علشان مفيش علاقه بتتبني على كدب … وعلشان اكون كتاب مفتوح قدامك

back

نيره : دي ولا حكايه في فيلم قديم

ميرنا : هيا تبان غريبه فعلا … بس ٨٠٪ منهم بتحصل

نيره : طب م تاخدي بحقك وتفضحيه في الشركه

ميرنا : م يمكن يكون مألفها اصلا

نيره : مش هتخسري حاجه … وبعدين محدش في الشركه يعرف أنه المدير … مش هنخسر حاجه لو قولنا أن هو المدير والحكايه هتتنشر بسرعه

ميرنا : طب مش دلوقتي … هرتب اموري الاول

تاني يوم فاقت وقررت تروح لعمر الشركه وفعلا راحت وطلبت تدخله

عمر : ايه اللي جابك … مش انتي مش عايزاني … والسبب مجهول

ميرنا : أنا امبارح سمعتك وانت بتتكلم في الفون وبتقول لصاحبك ازاي يشقـ ـط اي واحده … وفكرتك عملت كده معايا

عمر : وايه اللي خلاكي تيجي دلوقتي

ميرنا : هديت وفكرت … مشاعر كتير أنا حسيتها معاك عمرها م تكون كدب … حبك ليا مستحيل يكون كدب … مستحيل حد يمثل درجة الحب دي

عمر : ميرنا … أنا مش عايزك تهدي بعيد عني لاء … أنا عايز اكون أن الامان بتاعك … ولو اتضايقتي مني تيجي تقوليلي … أنا امبارح كنت بكلم صاحبي علشان اساعده يقرب من واحده مهمه في الدوله معاها معلومات حساسه … بقوله يدخلها ازاي … علشان هو شغال ظابط … وطلب مساعدتي … كنت بكلمه عادي … انتي خط احمر … انتي اكبر من اني اتكلم عليكي مع حد من صحابي

ميرنا : وانت أعظم انتصاراتي في الحياه بجد … أنا امبارح كنت محتاجه اهدي

 

 

عمر : اوعديني يا ميرنا … اوعديني اني اكون ليكي كل حاجه زي م انتي ليا كل حاجه

ميرنا : اوعدك من كل قلبي بجد

خرجت ميرنا من مكتب عمر وراحت لميرنا

نيره : ايه ده جيتي يعني

ميرنا : اه

نيره : ايه التغيير ده

ميرنا : أنا ظلمته بس … كنت محتاجه اهدي شويه لأن الكلام دخل في دماغي وربع وقعد وحلف م يمشي

نيره : طب دي حاجه كويسه جدا

ميرنا : اه

نيره : طب انتي مالك مش على بعضك ليه

ميرنا : عايزاكي توعديني أن اي كلمه قولتهالك امبارح متتطلعش لحد خالص مهما كان ايه … أنا كنت محتاجه افضفض لحد وكنتي انتي الحد ده

نيره : انتي بتقولي ايه يا ميرنا … سرك في بير متقلقيش … ولا كانك قولتي حاجه اصلا

حضنوا بعض وتاني يوم

عمر : أنا جتلي فكره احسن من الفرح

ميرنا : ايه هيا

عمر : ايه رايك نسافر علطول

ميرنا : طب م احنا هنسافر بعد الفرح

عمر : احنا هنكتب كتابنا وخلاص على كده

ميرنا : أنا معاك في أي حاجه

عمر : علفكره أنا بهزر معاكي … لازم اعملك فرح اكبر من اي فرح في مصر … ولازم اشوفك بالفستان الابيض … ولازم اشوف فرحتك اليوم ده

ميرنا بصتله بحب : برضو موافقه على اي حاجه انت تقولها

عمر : طيب مش احنا اتفقنا أن الفرح هيتعمل اخر الاسبوع الجاي

ميرنا : اها

عمر : ايه رايك نخليه بكره احنا كده كده مش مستنيين حاجه

ميرنا : مكنون

عمر : عارف عارف … المهم ايه رايك

 

 

ميرنا : واهلي واهلك وصحابك وصحابي

عمر : مش مهم كل دول اللي عايز ييجي ييجي واللي مش عايز ميجيش

ميرنا : ونسافر في نفس اليوم

عمر : هو صعب … بس عشانك اعمل المستحيل

ميرنا : طب كده فل اوي

عمر : ايه رايك ننزل نشوف فستان الفرح دلوقتي

ميرنا : ماشي

نزلوا يتمشوا وكانوا بيتفرجوا على كذا فستان والفستان اللي يعجبها ميعجبهوش والفستان اللي يعجبه ميعجبهاش

ميرنا كانت بتتكلم وعمر كان مركز مع فستان خرافه وبيتخيل ميرنا فيه

ميرنا : انت مبتردش عليا ليه

كان هو سرحان في شكل الفستان وهيا بتبص هو بيبص على ايه واتسحرت هيا كمان بالفستان

ميرنا : حلو اوي بجد

عمر : حاسس أنه معمول ليكي انتي بس

ميرنا : بس ده غالي اوي

عمر : وحياة امي لو بمليون لاجبهولك

سال عمر البنت اللي كانت واقفه في المحل عن الفستان

البنت : هو مفيش منه غير المقاس ده … مفيش منه تاني اصلا ولسه واصل انهارده الصبح … بس هيكون حلو عليها جدا … هيا جسمها حلو

ميرنا : طب انا عايزه اقيسه

دخلت قاسته ومرضيتش توريه لعمر

عمر : كنت عايز اشوفك بيه دلوقتي

ميرنا : تؤ تؤ … بيقولوا فال وحش … شوفني بيه بكره

تاني يوم كان الفرح فعلا وكان اسعد يوم بالنسبه ليهم هما الاتنين

وجه الليل وهيا بعد م خلصت اللوك النهائي في اكبر مركز تجميل بصت لنفسها في المرايا واتهوست من شكلها

ميرنا : ايه ده … مين دي … أنا فين

_: عجبك شكلك ؟

ميرنا : عجبني ايه ده بهرني … أنا بهيره بهير انبهرت

 

 

_: طب الحمد لله … صحابك مستنيين يشوفوكي بره … والعريس زمانه على وصول … اخرجي ابهريهم

نزلت ميرنا الدور اللي تحت

نيره : الله الله … لولا أنك وريتيني شكل الفستان امبارح مكنتش عرفتك

ميرنا : شكلي حلو

فيروز : حلو ايه ده انتي قمر بجد

وصل عمر وكان مستني بره ولابس بدلته الحلوه اوي وخرجت ميرنا

اول م شافها لسانه اتعقد ومتكلمش … معقول دي بتاعته لوحده … معقول دي ملكه هو بس

راح عليها ورفع رأسها ليه وهيا كانت متخيله أنه كان هيبوس راسها زي اي عريس بس فاجئها لما قرب من شفايفها وبادلها كل مشاعره من غير خجل من اللي واقفين

ميرنا : ايه الاحراج ده

عمر : انتي مراتي

خدها وراحوا القاعه وكانت مليانه ناس كتير

عمر غنالها اغنية عمري ابتدى لتامر حسني

عمري ابتدى م الليلادي وياه ولقيت امل للحياه عشانه اعيش

كانت فرحانه جدا بعوض ربنا ليها كان ليها كل حاجه صاحب واخ وحبيب واب وابن

عدى وقت كتير وهما مبطلوش رقص ع الاستيدج

عم هاني : يلا يا ابني خد مراتك وروحوا شكلكوا فرهدتوا

 

 

عمر : معاك حق والله

عم : روحوا انتوا وانا هفضل هنا هتمم ع الدنيا

خدها عمر وروحوا وكانوا مستعديين للطياره علشان هيسافروا الفجر

ركبوا طيارتهم واتجهوا لواجهتهم وبعد م وصلوا جناحهم

عمر : أنا دلوقتي مش عايز حاجه من الدنيا غير وجودك جنبي

ميرنا : واديني جنبك و هفضل معاك طول العمر

عمر فتح دراعاته ليها : وواقفه بعيد عن حضني ليه

يتبع…

_: انسه سها مطلوب القبض عليكي

سها : ايه .. أنا عملت ايه

_: تعالي معانا وهتعرفي في القسم انتي عملتي ايه

راحت معاهم

_: دخلوا الواد بتاع امبارح

بعد شويه دخل واحد مش قادر يقف من كتر الضـ ـرب اللي اخده

_: تعرفي الواد ده

سها بصتله بصدمه وقالت وهيا متوتره : لاء … لا لا لا … اول مره اشوفه

رد عليها اللي لسه داخل : كدابه انتي اللي اتفقتي معايا اني اسرب الغاز من العربيه اللي هتكون موجوده في ( … )

 

 

 

 

 

 

 

 

 

سها : انت بتكدب … أنا اول مره اشوفك

الظابط خبط على المكتب : انتوا هتتخانقوا !!!

سها : م أنا مش فاهمه حاجه خالص … أنا جايه هنا ليه اصلا

الظابط : بتهمة تحريض على قتـ ـل واحد من أهم الظباط

سها : افندم … وانا مصلحتي ايه

رد اللي كان متفق معاها : أنا معايا الدليل أنها اللي قالتلي كده

سها بصتله بخوف ورد الظابط : ومنطقتش من الصبح ليه

_: مكنتش عارف انها هتغدر

الظابط : وايه دليلك

_: أنا قبل م بقوم بأي اتفاق مع حد … بكون مسجل الكلام عشان لو خلي بيا

الظابط : حلو … نلاقيه فين بقا

عند ندي

كانت قاعده مع فيروز كالعاده

ندي : اه اه اه

فيروز : يا دركسيوني يا دركسيوني يا دركسيوني

 

 

 

 

 

 

 

 

 

ندي : يا دبرياشي يا دبرياشي يا دبرياشي

فيروز : يا برنس الليالي يا رمانة الميزان

مالك : الله يا فنانين الله

فيروز : عجبناك ؟

مالك : جدا

ندى : طب عن اذنكوا

مالك : على فين … كل م تشوفي خلقتي تسحبي نفسك

ندى : لا والله بس انا كنت لسه هطلع اصلا … مش كده يا فيروز

فيروز : اه اه

ندي : يلا تصبحوا على خير

طلعت ندي ومالك قال لفيروز : مالها دي

فيروز : هقولك ومتقولش لحد

مالك : قولي

فيروز : لاء اوعدني الاول

مالك : اوعدك يا ستي … ها قولي

فيروز : مش هقولك … هيا تهمك في حاجه

مالك : مش بنت عمي

فيروز : بص يا سيدي … هيا بتحب واحد معاها في الجامعه جدا

مالك : نعمم

فيروز : انت قولت مش هتقول لحد

مالك : كملي

فيروز : وكانوا بيتكلموا مع بعض وبيتقابلوا … وبعدين اتخانقوا مع بعض … وهو بيحاول يصالحها بس هيا مش راضيه تصالحه

مالك : انتي كدابه … اولا دي مش اخلاق ندي … ثانيا شكلك نسيتي انك قاعده مع ظابط وبيعرف مين الكداب ومين الصادق

فيروز : علفكره أنا مبكدبش

مالك : انتي بس عايزه تعرفي إذا كنت هغير عليها ولا لاء

فيروز : ازاي وانت متجوز يا فصيح

 

 

 

 

 

 

 

 

مالك : بصي … متحاوليش تلفي وتدوري عليا … أنا عارف ان ندى بتحبني واللي هيا فيه ده علشان عرفت اني اتجوزت … ومحاولتها للانتـ ـحار دي علشان أنا هتجوز

فتحت فيروز بوقها من الصدمه : ولما أنت عارف كل ده بتسألني ليه

مالك : بشوف هتقوليلي ايه … يلا سلام

عند عمر وميرنا

كانوا عايشين احلى قصة حب … كانوا مستمتعين بحياتهم مع بعض … مكانوش عايزين حاجه تفصلهم … الحب الصادق مش بييجي دايما … هو حبها عشانها هيا وهيا حبته عشانه هو … لا هو مبهور بيها وبشكلها ولا هيا مبهوره بيه ولا بفلوسه … وهو ده الحب الصادق … اني معرفش أنا حبيت الشخص ده ليه

ميرنا : عمر

عمر : قلبه

ميرنا : ممكن اطلب منك طلب

عمر : عيوني

ميرنا : ممكن اسافر معاك في الصفقه الجايه

عمر : نعمم … ليه

ميرنا : مش عايزه اقعد لوحدي هناك .. وبعدين أنا كده كده بشتغل معاك

عمر : انتي مش هتبقي لوحدك … ماما ولين معاكي

ميرنا : أنا عايزه ابقى معاك … ده شهر يا عمر … شهر

عمر : المره دي مش هينفع خالص … خليها المره الجايه … اوعدك يا ستي انك هتسافري المره الجايه معايا

ميرنا : اشمعنا المره دي لاء

عمر : المرادي من أهم المرات اللي هسافرها … مش عايز اكون متكتف بوجودك

ميرنا : أنا هسافر زي زيك عادي يعني … هسافر على اني عميله مش مراتك

عمر : مش هينفع … علشان مفيش اي عميل هيسافر اصلا

ميرنا : اوووف … مبعرفش اخد معاك لا حق ولا باطل

عمر : صدقيني لو اقدر اخدك هاخدك … انتي عارفه أنا بقالي قد ايه مأجل سفر لصفقات … وبيضطروا ييجوا هما مصر

ميرنا : أنا عارفه … بس كان عندي امل اجي معاك … يعني يادوب عدى اسبوع على جوازنا … وهتسافر وتسيبني

 

 

 

 

 

 

 

 

 

عمر : انتي عارفه اني لسه هسافر بعد ٣ أسابيع … ومن دلوقتي بتتكلمي

ميرنا : مهو مفيش حد يسافر ويسيب مراته بعد شهر من جوازهم

عمر : مش انا عملت كده

ميرنا : اه

عمر : يبقى فيه

ميرنا : هو انت اسمك عمر وكل حاجه بس انا اسمي ميرنا مش سلمى والله

عند سها قدم الدليل وهيا معرفتش تنكر واتحبسـ ـت وجالها سامي زياره

سامي : اي اللي هببتيه في نفسك ده

سها : مش مهم هتحبس سنتين وهخرج … المهم أن يكون عمر مات ومراحش الفرح

سامي : انتي غبيه يا بنتي … عمر وميرنا اتجوزوا وسافروا اصلا وعايشين احلى حياه

سها : نعمم … انت بتقول ايه … قالوا إن اللي كان في العربيه مات

سامي : اه مات … بس انتي زي الهبله متعرفيش أنهم بدروا الفرح وان في عربيه بتاع ظابط وقفت هناك مكان عربية عمر اللي المفروض هتكون موجوده … وانتي هتاخدي مؤبد يا حبيبتي … شوفتي بقا ضيعتي مستقبلك ازاي

سها وقعت على الأرض وبدأت تضحك ضحك هستيري وهيا مش مستوعبه اللي سمعته….

سامي : وعدت ابويا اني اخلي بالي منك كويس بس انتي مساعدتنيش

سها مكانتش بترد والجنون مسكها وبقت مبتعملش حاجه غير أنها بتضحك

اتجننت رسمي واثبتوا ده في التحقيقات وحولوها على مستشفى الامراض العقليه

مشي سامي من عندها وهو بيفكر في حفصه … حبه من الثانوي … قرر أنه هيروح يتقدملها ولو وافقت يبقى حلو اوي موافقتش هيتقدملها تاني لحد م توافق … وراكي وراكي والزمن طويل يا حفصه

وبالفعل راح وقابل باباها وكلمه وباباها قاله : مش انا اللي هتجوز يا ابني … أنا هجيبهالك تقعدوا مع بعض شويه … لو هيا ارتاحت يبقى الف مبروك

سامي : تمام يا عمي

 

 

 

 

 

 

 

 

دخل أبو حفصه وقالها أن سامي بره طالب ايديها وهيا مبقتش مصدقه نفسها من الفرحه وكانت حاسه انها بتحلم وخرجت قابلته

سامي : ازيك يا حفصه

حفصه : أنا الحمد لله تمام

سامي : يارب دايما … بصي يا ستي … أنا عارف انك مش موافقه عليا بس أنا قولت احاول يمكن تغيري رايي

حفصه : مين بس اللي قالك اني مش موافقه عليك … انت طول عمرك محترم وظروفك حلوه كمان

سامي : ايه ده … ده رايك فيا

حفصه : اه

سامي : يعني انتي مقولتيش لسها انك مش بتستلطفيني وانك بتحسي اني متطفل وغلس ورخم و…..

قاطعته : بس بس بس بس … ايه ده كله … أنا عمري م قولت كده

سامي : اه يا سها ي بنت ال…

ومن هنا انتهت حكاية سها وسامي

عدى شهر وعمر سافر وميرنا طلبت منه تروح عند اهلها وهو وافق وراحت بالفعل ورحبوا بيها جدا

ميرنا : من ساعة م جيت وانا مش شايفه الشله كلها … اومال فين زينه وفاطمه وريهام وعمتو

فيروز : زينه متجوزه وهيا في بيتها دلوقتي وعمتو مش ساكنه معانا هنا … وريهام وفاطمه ولادها عايشين معاها اكيد بس بييجوا باستمرار

ميرنا : اممم … مالك يا ندي … حساكي زعلانه ومطفيه

ندي : فين ده .. م أنا عاديه اهو

ميرنا : لاء منا مش هبله للدرجه دي … واضح جدا عليكي

فيروز : هيا متضايقه من حاجه بس

 

 

 

 

 

 

 

 

ميرنا : طب م تقوليلي يمكن اساعدك

ندي : يلا هيا جت عليكي

بدأت تحكيلها ايه اللي مضايقها

ميرنا : يا الله … دي اسوء حاجه في الحياه بجدد … بس لازم تتخطيها … اكيد ربنا مش شايفه خير ليكي

ندى : أنا بقالي ١٣ سنه بدعي من ربنا أنه يجعله من نصيبي … في كل ركعه وفي كل وقت وكل مكان … كنت أيقنت أنه خلاص مكتوبلي … وفجأه حلمي ضاع … حسيت وقتها اني جسد بلا روح … ومش دي المشكله … المشكله انه عارف اني بحبه .. بس هو مقدرش ده

ميرنا : طب م تسلي وقتك … اقراي كتاب … ذاكري كويس وركزي على مستقبلك .. اتعودي أنه مبقاش موجود في حياتك … حبي تاني عادي … واكيد عوض ربنا كبير

فيروز : علفكره أنا نفسي اوي انك تتخطبي علشان أنا عايزه اتاكد من حاجه

ندي : تتاكدي من اي

فيروز : علفكره أنا واثقه إن مالك بيحبك زي م انتي بتحبيه ده……

قاطعتها ندي : أخويا وانا عارفاه اكتر من اي حد … صح ؟ .. مش ده اللي هتقوليه

فيروز : اه

ميرنا : بصي الاخوات بيحسوا ببعض … وقدام م هيا قالتلك كده يبقى احساسها صح

ندي : هيحبني ويروح يتجوز يا جدعااان .. م تقولوا كلام مقنع

ميرنا : طب شوفي بنفسك … اتخطبي … لو في حد طلب منك رقم باباكي وانتي رفضتي اديله فرصه … هيحصل حاجه من الاتنين … يا اما هيكون الشخص ده عوض ربنا ليكي وتحصل معجزه وتحبيه … يا اما هيطلع مالك فعلا بيحبك وهيتجنن اول م يعرف

ندى : يا جدعاان والله متجوز … اعشم نفسي بحاجه مش هتحصل ليه

دخلهم مازن

مازن : هاي يا شوباب

ميرنا : هاي ورحمة الله وبركاته

ندي : وعليكم

فيروز : هاي

مازن : متجمعين عند النبي .. عرفتوا ايه اللي حصل

فيروز : ايه

مازن : مالك طلق مراته

ندى بصدمه بصتله واستوعبت كلامه : مالك مين

ميرنا : صباح الفل … مالك اللي في دماغك

بصتلها : ط … طلق مراته … ازاي وليه

فيروز : يا ستي اتنيلي … انتي لسه بتستوعبي

مازن : الصدمه لجمتها

ميرنا : بس بجد ليه طلقها

مازن : مالك متجوزهاش اصلا جواز جواز … ده كان متجوزها بناءا على طلب مديره في الشغل … لانها معاها معلومات مهمه عن البلد وكان لازم يسحبها منها ومكانش قدامه غير الطريقه دي

ندي : قول والله

مازن : والله

 

 

 

 

 

 

 

 

ميرنا : زغرطي يا عبير

فيروز : الحياه بقا لونها بمبي بقا وهييييه

ميرنا : وشي حلو عليكي يمزه‍

ندى : بجدد ااه

مازن : جهزي نفسك يا ندى بقا علشان مالك طلب ايديكي من بابا

ندى وقعت من طولها المره دي ومازن جري عليها وشالها حطها على السرير وبدأ يفوقها

ميرنا : هيا بتحبه اوي كده

فيروز : اه من زمان

بدأت تفوق

مازن : في ايه مالك … انتي كويسه

ندي اتعدلت : أنا كنت بحلم … صح ؟

مازن : لاء والله … أنا قبل كده وعدتك انك هتكوني اسعد واحده في الكون … وحققت وعدي

ندي قامت حضنته : انت أعظم اخ في الدنيا

ميرنا : بس انت عملت كده ازاي

مازن : بسيطه … حركت مشاعره شويه … أنا عارف من زمان أنه كده كده بيحبها

 

 

 

 

 

 

 

 

 

فيروز : لاء عاش بجدد

تاني يوم ميرنا قامت من نومها ودخلت ترجع في الحمام

ميرنا : أنا مش عارفه انا مالي انهارده

ندى : روحي لدكتور

ميرنا : مش مستاه…..

مكملتش جملتها ودخلت الحمام ترجع

فيروز : تعالي نروح نكشف وتشوفي لو تعبانه

ميرنا : أنا كده مش قادره بجد … يلا … أنا هطلع اغير هدومي

راحوا هما التلاته وجه دور ميرنا ودخلت للدكتوره وكشفت عليها وكانت الصدمه لما قالتلها

_ مبروك … انتي حامل

_ مبروك … انتي حامل

ميرنا بصدمه : لا لا شوفي تاني … مستحيل اكون حامل

_: والله حامل … أنا متأكده

ميرنا : ازاي … أنا جوزي مبيخلفش

_:الفحوصات بتقول انك حامل

ميرنا : ماشي شكرا

ندى وفيروز كانوا بره

ندى : حاسه اني في حلم بجدد

فيروز : لاء علم يختي علم … قولتلك ده أخويا وانا عارفاه اكتر من اي حد مصدقتيش

ندى : صدقتك والله … ياربي كنت واثقه انك مش هتخذلني ابدا وهتديني كل حاجه بحبها

فيروز : انتي وزينه عكس بعض تماما … هيا كانت بتحب مازن ولما رفض حبها اتجوزت واحد تاني علشان تنساه ومشيت ورا عقلها بالرغم من أنها لسه بتحب مازن لحد دلوقتي … وانتي مشيتي ورا قلبك وفضلتي منهاره لما عرفتي أن مالك اتجوز .. بس في الاخر القلب اللي انتصر … بس لو مشيتي بعقلك هتكسبي كرامتك

 

 

ندى : لا كرامه في الحب

فيروز : لاء طبعا … الحب يعني احترام … اهتمام .. عدم اهانه … غير كده شكليات

ندى : بس لو شخ…..

ميرنا جت وقالت : يلا نمشي

فيروز : قالتلك ايه

ميرنا : دور برد بس مش اكتر

ندى : الف سلامه

روحوا البيت وطلعت اوضتها وكانت بتكلم عمر

ميرنا : عمر انت عملت العمليه في مستشفى اسمها ايه

عمر : بتسالي ليه … في ايه

ميرنا : ا… واحده صاحبتي مرات اخوها مش بتخلف وعايزه تعمل عمليه وبتشوف احسن المستشفيات بره مصر … فسالتني قولتلها هوف واكلمك

عمر : مش عارف ليه حاسك بتحوري

ميرنا : وانا هحور ليه يعني .. أنا غلطانه اصلا اني بقولك … خلاص مش عايزه حاجه … سلام

عمر : استني يا مجنونه … أنا مقولتش حاجه … بس انتي لسه مالفه الحكايه دي … صح ؟

ميرنا : لاء مش صح … أنا فعلا محتاجاها لصاحبتي

عمر : خلاص يا حبيبتي متقفشيش … اسمها ( … ) عايزه حاجه تاني

ميرنا : شكرا

بحثت ميرنا عن اسم المستشفي ووجابت رقمها وقررت تكلمهم

الحوار مترجم

ميرنا : لو سمحت … كان في واحد عمل عمليه في المستشفي عندكوا اسمه عمر الشعراوي عمره ٣٠ سنه كان جاي يوم (……)

 

 

_: معاكي يا فندم … ايه المطلوب

ميرنا : عايزه اعرف العمليه فشلت ولا نجحت

_: حضرتك مين يا فندم

ميرنا : أنا مراته

_: أنا آسف … مقدرش اقول لحضرتك اي حاجه عن المريض غير بأمر منه هو

ميرنا : منا بقول لحضرتك أنا مراته

_: اسف مش هقدر اساعدك

ميرنا : طب حضرتك محتاج ايه

_: المريض نفسه اللي عمل العمليه

ميرنا : تمام … شكرا

قفلت معاه ونزلت الصيدليه جابت جهاز الحمل تتأكد بنفسها وطلعت عملته ولقته شرطتين

ميرنا : لاء كده في حاجه غلط … يا الله

رنت على نيره

نيره : اللي واحشني ومش معبرني

ميرنا : أنا في مصيبه

نيره : مصيبة ايه … ايه اللي حصل

ميرنا : أنا حامل

نيره : ايه ده الف مب….. .. ايه ده ويت … حامل ازاي يعني … عمر مش بيخلف

ميرنا : م دي المصيبه

نيره : طب م يمكن العمليه نجحت

ميرنا : وهيقولي أنها فشلت يعني يا نيره

نيره : م يمكن اتلغبطوا … كلميهم

ميرنا : كلمتهم … مرضيوش يدوني معلومه واحده بس

نيره : ايه اللغبطه دي … م اكيد مفيش تفسير غير ان عمر بيخلف

 

 

ميرنا : ده اكيد

نيره : طب قولي لعمر وهو يكلمهم يشوف لو اتلغبطوا أو اي حاجه

ميرنا : صح … اقفلي بقا عشان أكلمه

قفلت ميرنا مع نيره وكلمت عمر

عمر : معلش يا ميرنا عندي شغل دلوقتي … هكلمك بعدين

ميرنا : عايزاك في حاجه مهمه

عمر : في ايه

ميرنا : أنا حامل

ميرنا : أنا حامل

عمر : نعمم … ده ازاي ده … أنا مبخلفش

ميرنا : عارفه … علشان كده بكلمك وبقولك

عمر : طب ازاي

ميرنا : معرفش .. صدقني معرفش … ممكن تكلم المستشفي اللي عملت فيها العمليه وتسالهم تاني على نتيجة الفحوصات

عمر : ده لازم كده كده … علشان كده سالتيني عن اسم المستشفي

ميرنا : اه

عمر : اكيد مقالوش اي حاجه ليكي

ميرنا : حصل

عمر : ومقولتيش الحقيقه ليه من الاول

ميرنا : محبتش اقلقك

عمر : عارفه انتي لو كنتي قدامي

 

 

ميرنا : انت بتقعد تقولي قد ايه انت مشغول ومبتكنش فاضي وان الشغل متراكم عليك الفتره دي

عمر : ولو .. احنا اتفقنا نشارك كل حاجه مع بعض … يلا اقفلي علشان اكلمهم

قفل معاها وقال لعلي : معلش يا على كمل الشغل شويه وراجع

على : في حاجه ولا ايه

عمر : ميرنا بتقول انها حامل

على : الف مب… .. ايه ده ازاي … مش انت مش بتخلف

عمر : منا هتأكد من المستشفي

على : طب تمام … متشلش هم هكمل أنا

كلمهم وقدر يتواصل معاهم وطلب منهم يتأكدوا من الفحوصات ويبعتوا الفايل ع الميل واستناهم

في بيت عمر في مصر كانت لين راجعه من جامعتها وبواقي دموع على وشها

لين : ازيك يا ماما … أنا عندي امتحان مهم ومحتاجه اذاكرله كويس … هطلع اوضتي … تصبحي على خير

منال : طب استني علشان تتغدي

لين : مليش نفس

طلعت على اوضتها وقفلت على نفسها وتقريبا كده دخلت في حالة اكتئاب

وعند عمر اتبعتله الفايل بس المستشفي كلمته

عمر : ليه باعتين ٢ فايل

_: في واحد منهم صح وواحد منهم غلط

عمر : ازاي يعني

_: دي كانت غلطه من ممرضه في المستشفي بدلت ورق … واحنا بنعتذر جدا لحضرتك

عمر : يعني انا بخلف ولا لاء

_: بتخلف يا فندم وكله تمام وزي الفل

 

 

عمر : الحمد لله الحمد لله بجدد … اشكرك يا رب … احم .. طب تمام

قفل معاه وكلم ميرنا بسرعه

عمر : مبروك يا نور حياتي

ميرنا : متهزرش … العمليه نجحت اصلا

عمر : اه يا حبيبي نجحت .. بس المستشفي اتلغبطت

ميرنا : يعني انا شايله حته منك فعلا

عمر : وانا هيجيلي اجمل طفل منك

نسيبهم يحبوا في بعض شويه ونروح نشوف ندي

مالك : يعني أنا طلبت أخرج معاكي علشان تفضلي ساكته كده

ندى : مش عايزه اتكلم .. كفايه اني معاك وشايفاك

مالك : فرحانه ؟

ندى : جدااا

مالك : للدرجادي

ندي : واكتر كمان … معرفش أنا بحبك ليه اصلا

مالك : بس انا مبحبكيش يا ندى … وبصراحه مش شايفك غير اختي

ندى : نعمم … وو روحت ليه طلبت ايدي من بابا

مالك : مضطر

ندى حطت ايديها على وشه وابتسمت وقالت : أنا عارفه انك مش ليا … وعارفه أنك مبتحبنيش … وعارفه أنك بتحب واحده تانيه … وعارفه أن مازن اللي قالك تتقدملي … بس ممكن اسمع منك كلمة بحبك … مره واحده بس … واوعدك اني مش هكون في حياتك تاني

مالك : انتي مين قالك كل ده

ندى مسكت ايديه وحطتها على قلبها : ده … ده اللي بيقولي كل حاجه … أنا بحس بكل حاجه … ممكن يا مالك .. ممكن تقولي بحبك .. حتى لو مش من قلبك .. بس اسمعها منك

مالك : لو ده هيريحك ماشي … بحبك يا ندى

ندى بابتسامه : وانا بمـ ـوت فيك يا قلب ندى

قالت جملتها وغابت عن الوعي

مالك : ندى .. ندى فوقي .. ندى

خدها على اقرب مستشفى وحطوها على ترولي ودخلوها العمليات

استنى بره نص ساعه وخرج الدكتور من العمليات

مالك : هيا مالها … بقت كويسه

 

 

الدكتور : البقاء لله يا ابني

وقف مصدوم من اللي سمعه .. معقول .. معقول مـ ـاتت خلاص … اطيب قلب في البيت .. كانت اكتر واحده بتحبه … لو كان طلب روحها كانت هتفديه بيها … مـ ـاتت بين ايديه … واخر جمله قالتها .. بمـ ـوت فيك يا قلب ندى .. يعني مفيش حد هيراقبه تاني .. مفيش حد هيحبه الحب ده تاني … مفيش حد هيسال عليه تاني .. اي نعم مكانش بيحبها … بس كان بيحب اهتمامها .. كان بيستنى شهر رمضان علشان يسمعها بتقوله دعيتلك في صلاتي وتديله بوكس رمضان بتاع كل سنه … كل ده حسيت بقيمته دلوقتي … حس أن هو السبب في مـ ـوتها … مهو لو كان بيحبها كانت زمانها عايشه … ااااااه … الدنيا وحـ ـشه اوي كده … بتاخد منك الحاجه وتطلعلك لسانها وتقولك ( م أنا بديلك كل شويه … وانت بترفض … استحمل الخسـ ـاره بقا ) … احاسيس جواه متلغبطه بين الشعور بالندم والشعور بالذنب والشعور بالحب .. ايوه الشعور بالحب … أنا بحبها .. بس وهيا جسد من غير روح … غبـ ـي .. م هي كانت قدامك .. كانت بتتمنى نظرة حب منك .. ضيعتها .. مش هلاقي زيها تاني .. مش هلاقي زيها …

فاق من شروده وقال بحزن : لاااااااااا ندددددى

في البيت كان مازن قاعد مع عم حسن وعم هاني ومراته ومازن وفيروز

عم هاني : هيا ندى لسه مجاتش

فيروز : خرجت مع مالك .. زمانهم راجعين

مازن : بقالهم ساعتين .. هرن على مالك

كان قاعد على الأرض في المستشفى مش مستوعب اللي حصل ولقا فونه بيرن رد بصعوبه

مازن : ايه يا ابني بقالكوا ساعتين بره

كان ساكت تماما .. هيقوله ايه … سوري اختك مـ ـاتت .. ده ممكن يقلب الدنيا ويقـ ـتل كل اللي في المستشفي لمجرد أنهم معرفوش ينقذوها … هيقوله اختك مـ ـاتت وهيا معايا ومعرفتش ارجعهالك … هيقوله ايه ولا ايه

مازن : مالك .. في ايه

 

 

مالك : ندى

مازن بقلق وخوف : مالها ندى .. اختى مالها يا مالك

مالك : ندى

مازن : م تنطق يا زفــ ـت اختي مااااالها

خرجوا على صوته

فيروز : في ايه

مازن : انت مبتردش ليه .. م تنطق

مالك : م .. مـ ـاتت .. ندى … مـ ـاتت .. مشيت بعيد .. خالص

مالك : م .. مـ ـاتت .. ندى .. مـ ـاتت .. مشيت بعيد .. خالص

مازن : انت رجعت للشرب تاني يلا انت ولا وايه … هيا دماغك اتلسعت .. فين ندى

مالك : ندى خلاص .. مشيت

مازن : بقولك ايه اتعدل كده .. لو جبت سيرة اختي بالمنظر ده تاني أنا هقتـ ـلك

عم هاني : في ايه يا مازن … ايه اللي حصل

مازن : ده عيل متـ ـخلف … فين ندى يلاا

مالك : تعالي مستشفى (…)

قاله اسم المستشفي وقفل من غير م يستنى رده

فيروز : هو في ايه

مردش مازن وركب عربيته بسرعه وراح ع المستشفى وهو بيسوق بسرعه لدرجة أنه كان هيعمل اكتر من حـ ـادثه

 

 

 

 

 

 

 

 

عم هاني : هو الواد ده مجنون ولا ايه … خرج كده ليه

عم حسن : نكلم مالك احنا نفهم منه في ايه

_: هو مقالش ندى فين

عم هاني : م انتي شايفاه كان عامل زي الطور الهايج ازاي

وصل مازن المستشفى ودخل يدور على مالك وندى يشوف ويفهم في ايه

دخل ولقا مالك قاعد على الأرض

مازن : في ايه .. وفين ندي .. وانت قاعد كده ليه

مالك : ندى جوه .. بس مش هترد عليك

مازن شد مالك ومسكه من ياقة قميصه : ايه اللي حصلها يا مالك .. ندى مالها .. انطق

مردش عليه … سابه ودخل الاوضه لقا واحده نايمه على سرير ومتغطيه بملايه قرب منها وشال الملايه من على وشها ولقاها ندي .. أخته .. كل حاجه ليه تقريبا مش أخته بس

اتصدم للحظه ورجع لورا ببطء

مازن : ندى .. دي مش انتي .. اكيد مش انتي .. دي واحده شبهك .. انتي فين يا ندى

دخل مالك والدموع نازله من عينه

مازن : انت وديت ندى فين .. هيا مش خرجت معاك وانت المفروض ترجعها زي م جبتها .. انت هترجعهالي .. انت فاااااهم

قرب مازن منها وفضل يقومها : قومي … انتي مينفعش تسيبيني وتمشي .. انتي وعدتيني انك مش هتسيبيني .. ندى والنبي فوقي أنا بحبك اوي … أنا مليش غيرك والله .. أنا مش هقدر اعيش غير بوجودك … ندااااااااااااااااااااا

بعد شويه عم هاني وأخوه ومراته وميرنا وفيروز راحوا المستشفى لما مالك كلمهم

 

 

 

 

 

 

 

 

 

دخلت مامت ندى بسرعه وهيا بتدور على بنتها وعايزه تشوفها وتطمن عليها … وصلت قدام باب الأوضه ودخلت لقتها نايمه زي الملاك وجنبها مازن على الأرض بيعيط وماسك ايديها

_: بنتي .. ندى .. حصلها ايه

مازن بصلها وقال : هيا هتصحى دلوقتي … مينفعش تسيبنا وتمشي .. المتـ ـخلف ده ( شاور على مالك ) بيقول أنها مـ ـاتت

قربت منها ومكملتش طريقها ووقعت من طولها في نفس الوقت اللي كلهم دخلوا فيه

مازن : مامااا

جري عليها هو ومالك وعم هاني والباقي واقف مصدوم

فيروز جريت على ندى وحضنتها وبدأت تفوقها

فيروز بانهيار : ندى .. ندى .. قومي يا ندى هنروح .. مش انتي مش بتحبي المستشفى … هنروح والله ومحدش هيزعلك .. انتي مش بتردي ليه … طب قولي انتي زعلانه من ايه … قومي علشان تشوفي فستان فرحك اللي كان نفسك تلبسيه … مالك اهو يا ندى هيتجوزك

قربت ميرنا منها وطبطبت عليها .. بصتلها فيروز وقالت : هيا مبتردش ليه .. جربي تصحيها انتي كده

ميرنا : ربنا يرحمها يارب بس انتي متعمليش في نفسك كده

فيروز : لاااا .. ندااااااا … اكلم مين دلوقتي … مين هيشاركني مشاكله وهشاركه مشاكلي … مين هيقعد معايا طول اليوم … نداااا انتي اعز انسانه عندي … ندى متسيبنيش أنا بحبك اوي … قومي وانا هخلي مالك يجيبلك الورد اللي كان نفسك يجبهولك … فاكره الدريس اللي كان عاجبك وعايزه تشتريه … قومي علشان هنروح نشتريه وتلبسيه … انتي ممـ ـوتيش اكيد … يارب لا والنبي

دخل عم هاني وقرب من بنته وباس دماغها وغطى وشها

فيروز : عمو انت بتعمل ايه … هيا هتروح معانا … هيا عايشه ممـ ـاتتش

عم هاني : هيا فعلا عايشه معانا وشايفانا دلوقتي … هيا عايشه جوانا … هيا بس راحت مكان احسن من الدنيا بكتير اوي … راحت عند أعظم ما في الكون … ربنا رحمها وريح قلبها اللي فضل موجـ ـوع طول عمره

 

 

 

 

 

 

 

 

 

 

عدت ساعه من الحزن وخرج الدكتور من عند مامت ندى وقال : الحاله حـ ـرجه جدا وتقريبا جالها جلـ ـطه

مازن : يعني ايه جالها جلطـ ـه … انت مجنـ ـون اكيد … أنا اختى لسه عايشه وامي هترجع زي م كانت دلوقتي .. انت فاهم

عم هاني : اللهم لا نسألك رد القضاء ولكن نسالك اللطف فيه

عم حسن : لا حول ولا قوه الا بالله

كان واقف لوحده حاسس بالذنب … اكيد كل ده بسببه وبسبب غبائه … معقوله ممكن كلام يغير الدنيا كده … مجرد كلام

عدى ٣ ايام العزا اللي كانوا أسـ ـوأ ٣ ايام … مكانش فيهم غير الحزن وبس … حالة الصمت والحزن … هيا فعلا ملاك … الحياه مش مكانها … مكانها فوق بين الملايكه مش بين البشر … مكانها في الجنه مش في الأرض … الكل كان يشهد بأخلاقها والتزامها وتدينها … البيت وحـ ـش من غيرها … الحياه وحـ ـشه من غيرها

كان منهار على فراق أخته الوحيده … مش أخته .. دي بنته

راح لمالك وضـ ـربه وكان مالك مستسلم تماما

مازن : ندى كانت معاك … ايه اللي حصلها

مالك : أنا معرفش ايه اللي حصل … كانت معايا اه .. بس وقعت لوحدها

مازن : انت قولتلها ايه … قولتلها انك مبتحبهاش صح ! … ده اللي قولته ليها … قولتلها انك مش عايزها ولا عايز حبها … قولتلها ان أنا اللي اجبرتك تتقدملها … مش كده ! …. انت وسـ ـخ اوي … اوسـ ـخ واحد أنا شوفته في حياتي … بسببك انت اختى … اختى راحت … وامي من الحزن عليها اتجـ ـلطت … انبسطت … هو ده اللي كنت عايزه … ارتحت دلوقتي لما دمـ ـرتني … انت ليه موجود في حياتنا اصلا … انت مكانش ينفع تكون في حياتنا … ياريتك ما كنت عايش ياريتك … انت السبب … انت السبب

قال كلامه وسابه ومشي وكانت فيروز واقفه

فيروز : هو معاه حق .. انت لا يمكن تكون بني ادم … انت اللي مـ ـوتها … فيها ايه لو كنت اتجوزتها … دي كانت بتعشق التراب اللي انت بتمشي عليه … كانت بتحبك حب مش موجود دلوقتي … انت دمـ ـرتنا كلنا … انت منك لله

سابته لوحده حاسس بالذنب … انتوا ليه مش قادرين تصدقوا أن أنا كمان مفتقد وجودها .. أنا مش وحش اوي كده … أنا شايفها اختي بس … مقدرش احبها غصب عني … غصب عني والله .. غصب عني

 

 

 

 

 

 

 

 

 

 

خرج مازن من البيت وكان بيتمشى وكان المغرب بيأذن وهو معدي من قدام جامع … دخل يصلي وكان في واحد بيقرأ قرآن وصوته حلو جدا … مازن قعد جنبه والراجل خلص قراءة

مازن : صوتك حلو اوي ومريح

_: الحمد لله … ربنا اللي انعم عليا بالصوت ده .. لكن الراحه فمن عند الله أيضا … ولكن شكلك مهـ ـموم

مازن : أنا بكـ ـره الحياه دي اوي

_: ليه كده

مازن : عيلتي اتدمـ ـرت … اختي مـ ـاتت وماما جالها جلـ ـطه ومبتتحركش من الزعل عليها

_: اولا كل نفس ذائقه الموت … ثانيا أن الله إذا احب عبدا ابتلاه … لازم نشكر الله في السراء والضراء

مازن : اشكره أنه خد اختي مني

_: طبعا … دي أمانته … وكل واحد هيمـ ـوت في الدنيا دي … ولكن كل واحد وليه وقته

مازن : أنا عايز امـ ـوت قبلها

_: انت جاي الدنيا هنا علشان تعبد الله وليس للتمني … الدنيا فانيه … والاخره ابديه … وهناك كل شئ مطلوب مُنال … مينفعش اقول لربنا ليه انت عملت كده … لازم نرضى بقضاء الله … وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وانتم لا تعلمون

مازن : أنا مش عارف ادخل البيت وهيا مش فيه

_: اختك ممـ ـاتتش .. ولكنها بداخل قلبك … هيا بس راحت مكان احسن من هنا … لان الحياه مش مكانها .. اللي عليك انك ترضى بأمر وقضاء الله .. ومتقلقش أن الله بصير بالعباد واكيد مطلع على حالك وعارف انك حزين … ولكن كل هذا خير … لا تنظر إلي الجانب السـ ـئ .. ربنا بيعوض … بس اهم حاجه خليك قريب من ربنا علشان لما تناديله يسمعك علطول … ده ربنا سمع نداء يونس وهو في بطن الحوت … مش هيسمع ندائك وانت بتركعله … واقرب ما يكون العبد لربه وهو ساجد .. اوعى تضيع فرصة قربك من الله

 

 

 

 

 

 

 

 

 

 

 

مازن : منا طول عمري بطلب من ربنا ومبيحققليش حلمي

_: لانه يراك بعيد عنه … وعايزك تقرب منه … ربنا بيغير على عباده جدا … وعايزك دايما قريب منه مش بعيد عنه … لذلك افرح لكثرة الابتلاءات … ده معناه أن ربنا راضي عنك … ولو ربنا بعد عنك شئ اذا هو ليس خير لك … بل هو كان شرا … فقل دائما الحمد لله

مازن : الحمد لله … أنا متشكر جدا .. كلامك اثر عليا جدا

_: الشكر والحمد لله

على الناحيه التانيه في بيت عمر كانت لين في اوضتها قافله عليها وبتعـ ـيط ولقت رساله على فونها بتقول ( هااا … فكرتي في اللي قولت عليه ولا انزل صورك يا حلوه )

_ هااا … فكرتي في اللي قولت عليه ولا انزل صورك يا حلوه

ردت لين : سيبلي وقت افكر

_: م أنا بقالي ٤ ايام سايبك اهو

لين : لو موافقتش !

_: اولا هبعت الصور لاخوكي … ثانيا هنزلها على كل المواقع وهتبقي اشهر من نار على علم

لين : هو ده وعدك ليا … هو ده الكلام اللي كنت بتقوله … انت ازاي قدرت تضحك عليا كده … ده انا صدقتك وحبيتك بجد

_: وهو انتي فاكره اني هتجوز واحده وافقت تكلمني … وفوق كل ده طلعت معايا شقتي

لين : عشان كنت واثقه فيك … انت زبـ ـاله … أنا ندمانه على معرفتك السوده دي

_: معلش يا قلبي تعيشي وتاخدي غيرها … هسيبلك مهله ل ٤٨ ساعه بس … بعدها أنا مش مسؤول عن اللي ممكن يحصل

تاني يوم الصبح ميرنا ودعتهم هناك ورجعت البيت

ميرنا : السلام عليكم ازيك يا ماما

منال : وعليكم السلام ورحمه الله وبركاته … حمد الله ع السلامه يا حبيبتي

ميرنا : الله يسلمك … عامله ايه الاخبار تمام

منال : الحمد لله

ميرنا : اومال فين لين

 

 

منال : بقالها اربع ايام في اوضتها مبتنزلش منها ولا حتى بتروح الكليه بتاعتها … بخبط عليها تقولي أنها بتذاكر ومش عايزه حد يزعجها

ميرنا : هيا كده دايما !

منال : لاء … ده انا مستغربه أنها حبت المذاكره مره واحده كده

ميرنا : طب عن اذنك هطلع اشوفها

طلعت ميرنا وخبطت عليها

لين : يا ماما عندي مذاكره قولتلك

ميرنا : أنا ميرنا يا لين … ممكن تفتحي

لين : معلش يا ميرنا عندي مذاكره عايزه الحق اخلصها

ميرنا : طب افتحي بس ثواني

قامت لين فتحت بس وشها كان احمر من كتر العياط

ميرنا : مالك في ايه

لين : مالي يعني … منا عادي اهو

ميرنا : انتي كنتي بتعيطي !!

لين : هعيط ليه يعني .. أنا بس مبنامش كويس

ميرنا : وشك باين عليه خالص علفكره

لين وقتها مقدرتش تمسك نفسها وابدات تعيط جامد

ميرنا : في ايه بس مالك … قوليلي يمكن اساعدك أنا زي اختك

لين : أنا اتدمـ ـرت … اتدمـ ـرت يا ميرنا اتدمـ ـرت

ميرنا : طب تعالي … اقعدي قوليلي مالك

لين : اوعديني أن محدش هيعرف حاجه

ميرنا : عيب عليكي … مفيش كلمه هتخرج بره

لين : هتساعديني !

ميرنا : اكيد لو هقدر

لين : أنا من سنتين اتعرفت على واحد معايا في الجامعه واتشديت ناحيته وهو كمان فضل يلمحلي أنه معجب بيا وخدنا ارقام بعض وبدانا نتكلم واليوم مكانش بيعدي غير لما اشوفه أو اسمع صوته …. حبيته اوي وكان هو أول اهتماماتي … كان بيحصل بينا مشـ.ـاكل بس برجع اصالحه واي حاجه كان بيطلبها مني كنت بنفذها علطول

ميرنا : قبل م تكملي كده الارتباط حرام يا لين

لين : ليه الارتباط حرام

 

 

ميرنا : مبدئيا كده حرام لانِك بتعصي ربنا وده ارتباط غير شرعي يعني حرام وده مش جوزك يعني اكيد كنتِ بتتضحكي وتهزري وترققي صوتك وبتقابلي وده اكبر غلط لان ربنا قال في كتابه ” فلا تخضعن بالقول ” يعني كل اللي بتعمليه أو كنتِ بتعمليه ده حرام شرعا وبيدخل تحت العلاقات المحرمه لانه مش جوزك او حتي خطيبك وحتى لو خطيبك فالخطوبه ليها قواعد برضو زي م قال قبل كده شيخ محترم ” علاقتك بيها قبل الزواج كفيله أنها تدخلك النار لو متوبتش ” بس ممكن تتوبي وأبواب التوبه مفتوحه اه أنتِ بتغلطي كتير بس طول ما حد وجهك للصح وطنشتيه يبقى هتتحاسبي عليه ربنا رحيم وهيقبل توبتك في أي وقت وخليكي متاكده أن الارتباط حرااااااام حتى لو اهلك عارفين لانك بتعبدي ربنا مش اهلك وربنا محرم الارتباط واصلاااا مستحيل ولد يتجوز بنت كان بيكلمها لأن بكل بساطه طول م البقره بتديله لبن ببلاش هيشتريها ليه عففي نفسك الرسول عليه الصلاه والسلام وصفنا بالمؤنسات الغاليات وخليكي غاليه علشان اللوم اول حاجه بيبقي عليكِ انتِ مش عليه

لين : طب م أنا بحبه اوي وهو قالي أنه مش جاهز دلوقتي وطلب مني اصبر عليه

ميرنا : وعمل ايه في الاخر

 

 

لين : flash back

_: انتي وعدتيني انك هتيجي تشوفي ماما … أنا عايز اعرفك عليها

لين : أنا والله عايزه اتعرف عليها بس لو حد اعرفه شافني خارجه معاك من الكليه ممكن يقول لعمر أو ماما

_: متقلقيش يا ستي هنركب اوبر … ولا معاكي عربيتك

لين : لاء عربيتي مش هتنفع

_: خلاص اوبر … وبعدين أنا عايز اديكي الفلوس اللي استلفتها منك

لين : مش مهم يا حبيبي … لو انت محتاجهم خليهم معاك عادي

_: لاء طبعا أنا هفضل اخد منك فلوس كل شويه كده

لين : مش مهم … المهم انك تكون مبسوط

_: هكون مبسوط لو عرفتك على ماما

لين : بلاش تزن عليا بقا … مش هينفع صدقني

_: خلاص براحتك

لين : يووووه … انت هتتقـمص … طب قوم يلا

بابتسامه خبيثه : يلا

اخدها البيت وطلع الشقه وفتحها وهيا دخلت معاه بس مكانش في حد

لين : اومال فين طنط

_: اكيد موجوده … ممكن تكون نايمه

دخل جابلها كوباية عصير برتقال

_: اشربي دي على م اصحيها

لين : مش عايزه … أنا بس عايزه اروح بسرعه

_: هزعل منك لو مشربتيهاش

لين : خلاص يا احمد هاات

خدتها منه وشربتها وهو كان واقف مراقبها

 

 

غابت عن الوعي وفاقت لقت نفسها نايمه على سرير بقميصها ودماغها واجعاها

بدأت تركز ايه اللي حصل وهيا فين وافتكرت كل حاجه قامت لبست هدومها ومشيت بسرعه وروحت البيت قالت لمامتها أنها عندها مذاكره وطلعت اوضتها لقته باعت رساله بيقولها فيها ” أنا صورتك يا حبيبتي … كل اللي طالبه منك مليون جنيه … أنا عارف انك هتعرفي تتصرفي فيهم … لو مجبتيش الفلوس هنزل صورك وابعتها لاخوكي … هسيبلك مهله تفكري ”

back

لين : وانا جهزت مبلغ بسيط ومش عارفه اتصرف في الباقي

ميرنا : ده اسمه هبل … انك تدفعيله اللي هو عايزه علشان بيهـ ـددك

لين : مش قدامي حل تاني

ميرنا : لاء قدامك … اولا انتي ممكن ترفعي عليه قضيه عادي جدا … ثانيا انتي ممكن تشتكيه لمباحث الانترنت

لين : م أنا مكانش ينفع اطلع معاه شقته برضو

ميرنا : ولو … ده اسمه استبزاز … سيبي انتي الموضوع ده عليا …..

عمر : اانا متجوز علفكره

*: طب وفيها اي

عمر : فيها انك تتعاملي بحدود

*: منا مش متعوده على انك تصدني كده

عمر : لا يماما فوقي … أنا قبل كده بتعامل معاكي في إطار الشغل وبس … انتي بقا مفكره غير كده دي مشكلتك … من وقت م جيتي وانتي مش مظبوطه وانا ساكتلك

*: يعني ايه م فاهمه

عمر : يعني اللي سمعتيه … ممكن بقا تتفضلي

*: أنا معملتش حاجه لكل ده

عمر : معملتيش حاجه وبقولك اتفضلي … مش بلغتيني اللي مديرك عايزه … مستنيه ايه

*: ردك

عمر : هبلغه ردي ع الميل

*: أنا عارفه كل المعلومات عن الصفقه علفكره … يعني مفيش داعي انك تخبي عني

عمر : انتي بتتكلمي كتير ليه .. قولتلك هبعتله ع الميل

*: علفكره انت من ساعة م جيت وانت كل شويه تبصلي

عمر : افندم … ببصلك ازاي يعني

*: معرفش قول لنفسك

 

 

عمر : بقولك ايه … بعد كده لما مديرك يكون عايز حاجه يجي يبلغهالي بنفسه … اتفضلي بقا والا هخرجك أنا

كانت قاعده بتفكر ازاي تقدر تحل المشكله دي وجت في دماغها فكره

ميرنا : مفيش غيره مازن

كلمته كتير بس مكانش بيرد بس فضلت ترن لحد م رد وتبادلوا السلام

ميرنا : كنت عايزاك في خدمه

مازن : تؤمري

حكتله ميرنا اللي حصل

ميرنا : ودلوقتي أنا فكرت أننا نروحله كأننا معانا الفلوس وناخد الصور منه غصب عنه

مازن : تمام … معاكي في أي وقت

ميرنا : لو بتقل عليك….

مازن قاطعها : بالعكس أنا مخـ ـنوق اصلا وعايز اطلع زهقي في حد

ميرنا : خلاص اتفقنا

قفلت ميرنا معاه وطلبت من لين تبعت رساله لاحمد تقوله فيها أن الفلوس جهزت وأنها هتبعتها مع واحد

تاني يوم عمر كان بيرن على ميرنا ومش بترد فاضطر يرن على فون البيت

عمر : أنا رنيت عليكي ٧٣ مره ومردتيش … ممكن افهم ليه

ميرنا : بتهزر بجدد … امتا ده

عمر : وانا ههزر في حاجه زي دي ليه انتي غبيه علفكره قلقتيني عليكي

ميرنا : أنا بجد مسمعتش الفون

عمر : ولازمته ايه الزفت ده … اول واخر مره يا ميرنا تتكرر الحركه دي

ميرنا : صدقني مسمعتهوش … أنا سايباه في الاوضه فوق

عمر : خليه معاكي علطووووول … م ناقصه غبااء هيا

ميرنا : طب وانت بتزعقلي ليه دلوقتي … أنا معملتش حاجه لكل ده

عمر : وانتي شايفه انك كده معملتيش حاجه … اقفلي يا ميرنا لو سمحت

 

 

قال كلامه وقفل معاها ومستناش ردها وهيا استغربت تصرفه وطلعت اوضتها وفتحت فونها ولقت ميسدات كتير فايته فعلا … مهتمتش وكلمت مازن وقالتله يجيلها دلوقتي

وفعلا جه معاها وراحوا لاحمد اللي كان في انتظارهم

احمد : انتي مين .. لين قالتلي أن واحد بس هو اللي جاي

ميرنا : أنا صاحبتها وجيت معاه علشان أنا اللي معايا المليون جنيه

احمد : طب اتفضلوا

دخلوا الشقه ومازن اتكلم معاه وميرنا طلبت تدخل الحمام حسب اتفاقهم

جت من ورا احمد وضربته على دماغه وكان في ثانيه واقع على الأرض

مازن : يلا بسرعه قبل م يفوق

دخلوا اوضة النوم وفضلوا يدوروا على الصور وكانت موجوده في درج على فلاشه

مازن : شوفي انتي عليها صورها ولا لاء

فتحت ميرنا اللاب اللي كان موجود وفتحت الفلاشه وكانت عباره عن صورها هيا وكذا بنت مش هيا بس

ميرنا : دي كذا بنت مش لين بس

مازن : ممكن يكون عامل منهم كذا نسخه

ميرنا : مش عارفه .. هدور ع اللاب يمكن باعتهم على ايميل

مازن : لاء هاتي أنا هتصرف

اخد مازن اللاب ودور على الايميل اللي موجود وغير الباسورد بتاع الايميل وفرمط الجهاز ورمى اللاب على الأرض وفضل يدوس عليه لحد م دغدغوا

ميرنا : كده خلاص ؟

مازن : استني

ميرنا : ايه تاني

مازن قرب من الدولاب وقلبه كله ولقا صور مطبوعه … مبصش عليها واداها لميرنا

مازن : مينفعش نمشي قبل م ندور في كل مكان

ميرنا : صح … بس اكيد مش عامل نسخ تاني

مازن : ثواني

 

 

كان في ثانيه قالب الاوضه كلها

مازن : كده اضمن ولا ايه

ميرنا : صح برضو … نقدر نمشي قبل م يفوق

مازن : كده نقدر نمشي

مازن وصل ميرنا البيت وميرنا شكرته جدا وطلعت للين وادتها الفلاشه والصور وقالتلها اللي حصل

لين : مازن ده شاف صوري ؟؟

ميرنا : لاء متقلقيش .. مازن محترم جدا خلاني أنا اللي اتاكد إذا كانوا هما صورك ولا لاء

لين : أنا بجد مش عارفه اشكرك ازاي … أنا من غيرك كان ممكن اضيع بجد

ميرنا : متقوليش كده احنا اخوات … اهم حاجه تنسي اللي فات … واكيد محصلش تجاوزات بينكوا

لين : لاء متقلقيش … أنا بعد كده همشي باحترام … مليش دعوه بحد

ميرنا : حلو … أما اروح بقا اشوف اخوكي الرخم ده

ضحكت لين : معاكي حق والله معرفش مستحملاه ازاي ده

ميرنا : شوفتي .. ومش كده وبس ده انا شايله حته منه كمان

 

 

لين : شايله حته منه ازاي يعني مش فاهمه

ميرنا : اصل أنا حامل

لين : بجدد … لا لا بجد

ميرنا : شوفتي

لين : بس ازاي عمر مبيخلفش

ميرنا : العمليه نجحت بس المستشفي بدلت الفايل بالغلط

لين : ده كده الف مليون مبروك بجد … ماما هتفرح اوي اوي

ميرنا : الله يبارك فيكي يمزه‍ … ربنا يقدرني واقدر افرحها دايما .. يلا تصبحي على خير

سابتها ميرنا ورنت على عمر بس اتفاجئت لما لقت واحده هيا اللي بترد عليها

ميرنا : انتي مين … وفين عمر

_: انتي اللي مين وعايزه ايه من عمور

ميرنا : عمور ! … انتي بتتكلمي كده ليه يا مره

_: أنا معرفش أن عمور زوقه وحش اوي كده … انتي طلعتي بلدي مووت

 

 

ميرنا : بلدي ! … م تحترمي نفسك يا ايحه يا شعر ليفه يا لون خميره يا رد الرد يا مصطبه هد يا عصايه خليه تحت الكوم مرميه

_: عمور زوقه مش وحش كده اكيد .. انتي بقا مراته اللي حكالي عنها وقد ايه هو قـ ـرفان منك وعايز يطلقك

ميرنا : يطلق مين … انتي شكلك مجنونه

التانيه قفلت في وشها علشان عمر ميشوفهاش وهيا ماسكه فونه وميرنا كانت هتتجنن … مين دي وازاي بترد بالنيابه عنه

عند فيروز راحت الجامعه بتاعتها لوحدها لاول مره … كانت حاسه بفراغ كبير جدا … احساس وحش لما كل حاجه كنت بتعملها مع شخص معين … بقيت تعملها لوحدك .. انتي فين يا ندي … عايزه احكيلك حاجات كتير اوي … الحياه من غيرك ومن غير وجودك فيها مُره اوي … انتي اختي اللي امي مخلفتهاش

كانت قاعده سرحانه وجه واحد كلمها

_: فيروز

فيروز : هااا .. نعم

_: هيا فين صاحبتك ندى

فيروز بدأت تدمع : وبتسأل عليها ليه

_: اصل اول مره اشوفك من غيرها … وبقالكوا فتره مبتجوش

فيروز : ندى اتوفت

 

 

_: لا حول ولا قوه الا بالله البقاء لله … اكيد هيا في مكان احسن

فيروز : شكرا على سؤالك .. عن اذنك

كان عمر قاعد مستني ميرنا ترن عليه علشان تبررله موقفها في انها مردتش عليه ومكانش يعرف باللي دار بينها وبين سكرتيره مدير الشركه التانيه

كانت قاعده في اوضتها بتفكر في كلام البنت اللي قالته وكانت خايفه ترن عليه تاني ميردش هو

وبعد معافره منهم الاتنين رنوا الاتنين علي بعض في نفس الوقت واداهم ويتينج

استغربوا الاتنين وعمر رن تاني وميرنا ردت

ميرنا : كنت بتكلم مين

عمر : انتي اللي كنتي بتكلمي مين

ميرنا : مبكلمش حد

عمر : واداني ويتينج ليه

ميرنا : فونك برضو اداني ويتينج

عمر : كنت برن عليكي وانتي بترني عليا

ميرنا : يمكن … مين اللي ردت عليا في الأول

عمر : ردت عليكي !!! امتا ده

 

 

ميرنا : رنيت عليك من ساعه وواحده ردت

عمر : كنت في ميتينج مهم وسايب فوني في المكتب

ميرنا : في واحده مهزقه ردت عليا وقالتلي كلام ميتقالش اصلا

عمر : مين دي وقالت ايه

ميرنا : أنت بتسألني أنا

عمر : اومال اسال مين مش انتي اللي كلمتيها

ميرنا : شوف انت بقا مين عندك ممكن يعمل كده

عمر : قالتلك ايه

ميرنا : اني بيئه وانك حكتلها انك متجوز واحده بومه وقد ايه انت قرفان منها وعايز تطلقها

عمر : أنا عملت كده

ميرنا : هيا قالت كده أنا مالي

عمر : وانتي صدقتيها

ميرنا : لاء عشان أنا واثقه فيك

عمر ابتسم : وانا كمان بثق فيكي … هشوف مين الزباله اللي قالتلك كده وهحاسبها متقلقيش

ميرنا : مش مهم … المهم انك متكونش شايف غيري

عمر : ودي حاجه انتي شاكه فيها

ميرنا : لاء برضو

تاني يوم لين راحت جامعتها ولقت حد بيشدها من دراعها

لين : انت عايز مني ايه

احمد : مش هسيبك علفكره … بتبعتيلي اتنين يضـ ـربوني ويكسرولي الشقه

لين : انت بجح يابني … لما تيجي تلعب على واحده تاني ابقي اعرف كل حاجه عنها الاول

احمد : واخوكي بقا عارف اللي حصل … أنا هروح أقوله على كل حاجه

لين : روح قوله عادي … بس قبل م تقوله فكر في نفسك الاول

احمد : هعمل المستحيل علشان ادمرك

 

 

لين : اللي عايز تعمله اعمله … أنا هوقفك عند حدك .. ومتمسكنيش كده تاني والا هتصرق تصرف مش هيعجبك

سابته ومشيت وهيا ماشيه كانت بتتمتم بكلام مش مفهوم وخبطت في واحد

لين : انا اسفه

وبدأت تنزل تلم كتبها وهيا بتتمتم برضو وهو فضل واقف مربع أيده

لين : هو يوم باين من أوله بجد كانت ناقصه معرفته السوده ياربي أنا كان ايه اللي بلاني بالبلوه دي بس لولا ميرنا كان زماني متدمره دلوقتي وحياتي وقفت وعمر عرف كل حاجه وساعتها مكانش هيعمل حاجه اصله هيعمل ايه يعني هيزعق شويه وبعد كده خلاص هينسى اللي حصل اصلا والغبي ده بيهددني فاكرني هخاف منه … لاء يا حبيبي فوق الحمد لله ربنا فوقني في الوقت المناسب والا كان زماني دلوقتي م…..

قاطعها اللي كان واقف : انتي رغايه اوي ايه الصداع ده .. ممكن بقا توسعي علشان اعدي

لين : ايه قلة الذوق دي … يعني بقولك اسفه ونزلت الم الكتب لوحدي وتقولي رغايه … اتفضل الحق الاجتماع المهم بتاعك م انت مهم بقا في الدوله

_: ششششش … بطلي رغي أنا بجد مش ناقصك

قال كلامه وسابها ومشي وهيا قالت : غور جاتك القرف في حلاوتك

بعد فتره عمر رجع من السفر والامور كانت على م يرام

عمر : هو الحمل كمان بيحليكي

 

 

ميرنا : أنا اي حاجه بتحليني

عمر : من حق الجميل يتدلع

تاني يوم كانوا بيتغدوا

منال : عمر

عمر : نعم يا ماما

منال : عمك وعمتك كلموني وهييجوا الاسبوع الجاي

عمر شرق مره واحده وبدأ يكح : ي .. ينوروا طبعا ينوروا

لين : دي هتبقى مدعكه يشقيق

تاني يوم لين راحت كليتها

لين : كوثر … بقولك

كوثر : عايزه ايه بسرعه المحاضره بدأت والدكتور هيطردني

لين : دونت وري .. الدكتور واخد اجازه انهارده

كوثر : بجدد .. ده انا جايه جري والله

لين : في دكتور تاني دخل بداله بس عادي يعني مشحوار

كوثر : مش مهم … المهم أن اللي جوا مش دكتور عبد السميع

لين : طب تعالي نجيب ايس كوفي من الكافتيريا وبعد كده ندخل المحاضره

كوثر : اشطا .. يلا

عند ميرنا وعمر

كان بيغير هدومه وهيا بتزن على دماغه

 

 

 

 

 

 

 

 

 

عمر : قولتلك مفيش نزول الشركه طول فترة الحمل .. أنا مش بمنعك من شغلك … أنا بس خايف عليكي

ميرنا : وانا مش هفضل قاعده في البيت كده من غير شغله ولا مشغله

عمر : شوفيلك حاجه تانيه غير انك تخرجي من البيت

ميرنا : والله … وانت شايف أن ده حل … عايزني مخرجش من البيت

عمر : علشان خايف عليكي

ميرنا : أنا لسه في بداية الحمل … يعني هنزل الفتره دي بس

عمر : يا حبيبتي افهميني … أنا مش هامن عليكي في أي مكان غير البيت … يعني لقدر الله ممكن يحصل أي حاجه

ميرنا : متقلقش أنا هعرف أشيل هم نفسي بنفسي

عمر : مفيش مرواح يعني مفيش مرواح خلاص بقى

بعد شويه في الشركه

ميرنا : ده بقا كل اللي حصل في الفتره دي … على قد م أنا زعلانه على ندى على قد م أنا فرحانه بالبيبي الصغنون اللي هينور حياتي … ربنا عوضني

نيره : فرحانه ليكي بجد … انتي شوفتي وحش كتير في حياتك وآن الاوان تفرحي بقا

ميرنا : عملتي ايه مع ايهاب

نيره : مفيش جديد … مش عارفه اعمل ايه بجد

ميرنا : ربنا معاكي … هروح على شغلي قبل م نترفد

نيره : يا ستي جوزك مدير الشركه يعني ضامنه نفسك الباقي والدور عليا

ميرنا : البيت حاجه والشغل حاجه .. وبعدين محدش يعرف أنه مدير الشركه اصلا غيري وغيرك وعلي والسكرتيره بس

نيره : هموت واعرف ليه مش راضي يقول لحد … ده انا لو مديرة شركه والله لاقعد اتباهى بنفسي

ميرنا : أنا كمان معرفش ليه … اهو جه ع السيره

راحتله ميرنا وكان هو واقف مربع أيده

عمر : انتي جايه تتكلمي هنا ولا ايه … بقالي ٧ سنين في الشركه عمري م شوفت اتنين بيتكلموا مع بعض … كان ظبط وربط لحد م جيتي

ميرنا : نحن نختلف عن الاخرون برضو

عمر : لا م هو لو حد شافك هيقول اشمعنا لما بنتنفس احنا بيوقف ع الواحده ولما مراته بتتكلم بيسكت

ميرنا : م هو مفيش كده .. فيها ايه لما الواحد يفك عن نفسه شويه ويتكلم مع حد … احنا مش في مدرسه ولا في فصل يعني

عمر : وبالنسبه للمرتب بتاع كل شهر … مش بياخدوه كامل … يبقوا يؤدوا شغلهم كامل من غير مرقعه … كده كده بيبقى فيه بريك تعملي فيه اللي انتي عايزاه

ميرنا : تصدق اقنعتني

عمر : عيب عليكي … أنا جامد برضو مش انتي بس

ميرنا : شوف واقف تتكلم معايا ازاي برضو … دلوقتي بقا عادي

عمر : أنا مدير الشركه يعني براحتي … محدش هيقدر يكلمني

ميرنا : مهو محدش يعرف انك المدير يا فصيح … بس ليه

عمر : ليه ايه

 

 

 

 

 

 

 

 

 

 

ميرنا : ليه محدش يعرف انك المدير

عمر : أنا حابب كده … اظن دي حاجه عاديه

ميرنا : بس مريبه … اني اكون شغاله في شركه معرفش مديرها مين مع أنه قدامي علطول

عمر : جاوبتي على نفسك

ميرنا : اكيد مش علشان تراقب اللي بيشتغلوا وتشوف بنفسك مين مقصر ومين لاء

عمر : وليه ميكونش ده السبب

ميرنا : اصلها حاجه تافهه … م في كاميرات مراقبه

عمر : عاملها من غير صوت

ميرنا : ليه

عمر : مش كل حاجه لازم تسالي عليها … روحي يلا شوفي شغلك … وخلي بالك على نفسك

عند لين دخلت هيا وكوثر المحاضره من غير كلام وكان الدكتور واقف بيشرح

الدكتور : المحاضره خلاص خلصت

كوثر : لسه فاضل ساعه على انتهائها

الدكتور : هياخدوا اكسرسايزس يحلوها

لين : طب فيها ايه

الدكتور : انتوا جايين متأخريين … فاتكوا الشرح تقدروا تتفضلوا وتستنوا المحاضره التانيه

كوثر : طب م احنا ممكن ندخل ونحاول نحل

الدكتور : اتفضلوا بس هسالكوا شوية اسئله عن اللي شرحته … لو جابتوا هتدخلوا

لين : تمام

كوثر : تمام ايه أنا مش مذاكره حاجه

لين : هغششك

بدأ الدكتور يسألهم وكانت لين بتجاوب بسرعه جدا وعارفه كل الاسئله وكانت بتجاوب في دور كوثر كمان والدكتور دخلهم

تاني يوم أهل عمر شرفوا واجهتهم

ميرنا فاقت من نومها على صوت واحده بتقول : مورا … اصحى يا مورا بقااا

عمر بدأ يفوق وبيتكلم وهو مش مركز : ايه الدلع ده كله .. أنا مش متعود على كده

ميرنا : وحياة أمك … وانتي مين وازاي دخلتي هنا

عمر بدأ يفوق وبيتكلم وهو مش مركز : ايه الدلع ده كله .. أنا مش متعود على كده

ميرنا : وحياة أمك … وانتي مين وازاي دخلتي هنا

قام عمر اتنفض من مكانه بيستوعب ايه اللي بيحصل

_: موري انزل يلا … انت عارف انا بقالي قد ايه مشوفتكش

ميرنا قامت من مكانها بعصبيه وشدتها ووقفت قدامها : اه يا بنت المستفزة … انتي مجنونه يا بت … انتي مين وازاي دخلتي هنا

_: دخلت من الباب … وسعي بقا عايزه اسلم على موري

ميرنا : تسلمي على مين يا عنيا … لاء انتي شكلك عايزه حد يفوقك … والله م هسيبك يا بنت المستفزيين

قالت كلامها وشدتها جامد من دراعها بس كانت بتقاوم علشان متخرجش من الاوضه بس ميرنا كانت بتعافر علشان تخرجها من الاوضه وبالفعل طلعتها بقوه متعرفش هيا جابتها منين وقفلت الباب وبصت لعمر

عمر صفر وقال : الله عليك يا فخر العرب

ميرنا فضلت بصاله بشر وهو اتكلم : أنا مليش دعوه … أنا معرفش دخلت ازاي ولا جت امتا اصلا

ميرنا : مين دي وازاي دخلت هنا وليه بتدلعك … اذا كان أنا مراتك عمري م دلعتك … وبعدين ايه الكلام اللي قولته ده ساعت أما كانت بتفوقك

 

 

عمر : وحياتك عندي بحسبك انتي اللي بتصحيني … أنا قولت في نفسي انتي عمرك م صحيتيني كده اصلا

ميرنا : هااار اسود … انت كمان مش عارف تميز نبرة صوتي

عمر : وربنا كنت نايم تقريبا … هو يوم باين من أوله والله

ميرنا : مين دي

عمر : بنت عمتو اللي ماما قالتلك عليها

ميرنا : وازاي تدخل اوضتك فهمني … أنا اصلا افتكر اني شوفت السحنه دي قبل كده

عمر : اه يا حبيبتي م هي جت فرحنا

ميرنا : ااه … اللي كانت لازقه فيك دي وانا عديتها بمزاجي

عمر : الله ينور عليكي

ميرنا : برضو مقولتش دخلت ازاي

عمر : م هيا قالتلك دخلت من الباب

ميرنا : انت هتستهبل

عمر : م أنا مش فاهمك

ميرنا : ليه تدخل اوضتك اصلا … بتاع ايه ده اصلا

عمر : معرفش والله علمي علمك

ميرنا : أنا فهمت ليه لين قالت دي هتبقى مدعكه … والله العظيم لو في تصرف معجبتيش لهمشيها مدغدغه … وانت لو بصيتلها ولا اتعاملت معاها مش هعديهالك

عمر قرب منها : الغيره بتطلع من عينك يا عم الغيران انت اعسل

ميرنا : أنا مبهزرش

عمر : ولا أنا بهزر … سيبك بقا من زفته دي وتعالي اقولك حاجه حصلت امبارح

ميرنا : مش عايزه اعرف شكرا

عمر : متبقيش قفوشه الاه … تعالي بس

ميرنا : متقربش اكتر من كده لاحسن ااا…

عمر : هتعملي ايه يعني … ولا هتعملي اي حاجه

ميرنا : عمر ابعد والنبي بقا

عمر : تؤ … مش هبعد … هاتي بوسه الاول

ميرنا : ده بعينك

عمر : خدي روحي كلها مش عيني بس

ميرنا : عمر بقا … بطل برود

عمر : ششششش

 

 

كانت منال تحت مع الضيوف وكانوا بيرحبوا ببعض عادي يعني

منال : انتي ايه اللي طلعك فوق يا سلمي

سلمي : كنت بصحي عمر بس في غوريلا ظهرتلي

منال : مهو مينفعش تطلعي اوضته تصحيه … مراته دي تبقي ايه يعني

سلمي : م انتي عارفه يا طنط اني لما باجي بصحيه

منال : لاء يا حبيبي … دلوقتي هو متجوز مينفعش تصحيه

_: سلمي متعمليش كده تاني

سلمي : حاضر أنا مش قصدي حاجه يعني

نزلت لين وسلمت عليهم

عمتها وبناتها الاتنين وابنها وعمها كان جاي يسلم عليهم لوحده ويمشي تاني

لين : ليكوا وحشه والله … وقالت في سرها (استغفر الله العظيم يارب)

_: وانتي كمان يا حبيبتي

نبعد شويه ونرجع نشوف مالك حصله ايه

مالك : انتي بتقولي ايه .. بقولك اصبري شويه كمان بس … انتي صبرتي كتير مجاتش من الفتره دي

_: اديك قولت صبرتي كتير وانا بصراحه مش بايدي حاجه … انت كل شويه تقولي اصبري شويه لحد م خلاص

مالك : بنت عمي ماتت مينفعش اجي اتقدملك بعد موتها بشهر … أنا كده هكون بجح

_: وانا مش هقدر ارفض العريس اللي متقدملي … انت عارف بيقبض كام في الشهر ولا حتى تعرف هيجيبلي شبكه بكام

مالك : اه … قولي بقا كده … الحمد لله أن ربنا بينلي حقيقتك قبل م اقع فيكي … انتي بجد متنفعيش تكوني زوجه ليا ولا ام لعيالي

_: انت مكلمني علشان تقولي الكلمتين دول ولا ايه

مالك : كنت هطلب منك تستني شهر واحد بس على الاقل اعرف افاتح بابا في الموضوع … بس خلاص دلوقتي مستحيل

_: أنا استنيت كتير … بقالي ٣ سنين معاك … كل شويه اصبري على م اظبط اموري … خلاص لازم اشوف حياتي بقا … بعد اذنك امسح رقمي ومتكلمنيش تاني

مالك : ده اللي كان هيحصل قبل م تقولي

قفل معاها وهو مش قادر يصدق اني دي حب ٣ سنين … ده كان بيعشقها بجد وكان كل وقته ليها … افتكر ندى … اللي كانت مستعده تفديه بحياتها … استغبى نفسه اوي وحس أنه خسر حاجات كتير اوي … طب أنا عايز اشوفها … اظن ان الحاجه الوحيده اللي هتفرحها اني اروح ازورها

 

 

فضل يمشي لحد م وصل لقبرها ووقف عنده وحط عليه ورد

مالك : أنا عارف انك شايفاني … أنا آسف يا ندى … اتمني تسامحيني … أنا كان المفروض اقدر حبك ليا … أنا عارف ان ده مش وقته واني لو كنت قولت الكلام ده في وقت تاني كان زمانك عايشه … وعارفه أنك مبسوطه دلوقتي … وكنتي تتمني لو حسيت بيكي وانتي عايشه … أنا اكتر واحد متأثر بموتك والله … ده انتي موتي بين ايديا … الكل بيحملني مسؤولية اني السبب في موتك … وبصراحه معاهم حق … بس لو كنتي قولتيلي أن بعدي هيموتك كنت فضلت قريب منك ومعاكي علطول … انتي اغلى انسانه في الحياه ومكونتيش تستاهلي واحد زيي … أنا بحبك اوي يا ندي … بحبك بجد … ياريتني كنت قولتلك الكلام ده وانتي عايشه ياريت

عند عمر وميرنا نزلوا رحبوا بضيوفهم واستأذنوا يروحوا الشركه ولين استأذنت تروح كليتها

ساره ( اخت سلمى ): سلمى

سلمى : عايزه ايه

ساره : بلاش الحركات بتاعتك دي عمر مش هيسيب مراته عشانك … انتي كنتي قدامه لو كان عايزك مكانش سابك

سلمى : يعني انا مصدقت خلصت من هاله تطلعلي دي

ساره: دي بقا مش زي هاله … دي مراته خلاص … يعني مهما اتشقلبتي أو اتنططتي مش هتعرفي تفرقي بينهم

سلمى : دي حيوانه … فضلت تخرجني من الاوضه وتزقني وهو قاعد ولا عمل حاجه

ساره : م بصراحه معاها حق … واحده بتصحي من نومها تلاقي واحده بتصحي جوزها … عايزاها تعمل ايه يعني

سلمى : أنا اللي هعمل

ساره: حبيبتي … مش هتلحقي اصلا … احنا مش قاعدين علطول

سلمى : اكيد مش هنسافر علطول … قدامنا اسبوع مثلا

عند ميرنا وعمر

ميرنا : عمر م بلاش نرجع البيت طول م قرايبك دول هنا

عمر : ازاي يعني

 

 

ميرنا : مش عايزه اقعد هناك … طول م بنت عمتك دي هناك

عمر : يعني هما جايين وانا امشي .. وبعدين سلمى اخرها الشويتين دول

ميرنا : خلاص اول م نروح البيت نطلع على اوضتنا ومننزلش غير أوقات بسيطه

عمر : اللي تشوفيه ويريحك أنا موافق عليك

في بيت عمر كانت سلمى مع منال في المطبخ بتساعدها لو محتاجه حاجه وكانت بتلف بحلة مايه سخنه وخبطت في منال والمايه وقعت على سلمى ووطت لقدام بسرعه

سلمى : اووووف … دي سخنه جدااا

منال : خليكي زي م انتي واقلعي التيشيرت

سلمى : مش معايا غيره هلبس ايه

منال : استني هجيبلك بيجامه من لين

طلعت منال اوضة لين وفتحت الدولاب علشان تجيب بيجامه وهيا بتدور لاحظت أن في صوره مطبوعه وخدتها تشوفها واتصدمت لما لاقتها للين في وضع حــ ـرج و…….

طلعت منال اوضة لين وفتحت الدولاب علشان تجيب بيجامه وهيا بتدور لاحظت أن في صوره مطبوعه وخدتها تشوفها واتصدمت لما لاقتها للين في وضع حــ ـرج

قعدت على الكرسي اللي قدامها وهيا بتفكر الصوره دي ايه وليه اصلا هيا متصوره بالمنظر ده

خدت الصوره وخبتها ونزلت عطت البيجامه لسلمى وكملت اليوم

لين كانت في جامعتها مع صاحبتها

كوثر : هو دكتور عبد السميع مش هييجي تاني ولا ايه

لين : مش عارفه بس يبقى احسن

كوثر : أنا م هتأخر زي المره اللي فاتت … هتتأخري انتي براحتك

لين : هجيب الايس كوفي الاول

كوثر : لا مع نفسك بقا … المحاضره قدامها ٣ دقايق

لين : يا ستي واضح أنه دكتور هفأ مش هيعمل حاجه

كوثر : بس ممكن يسألني وانا مش مذاكره … انتي مذاكره وزي الفل أنا لاء

 

 

لين : خلاص روحي انتي

في بيت عمر سلمى كانت بتتسحب على اوضة عمر براحه علشان تدخل تشوف حالها بس الباب مكانش بيفتح

سلمى : اكيد العقربه دي قفلته …والله لاوريكي

في الشركه

نيره : طب م الراجل عداه العيب اهو يا ستي

ميرنا : البت دي مش سهله ومش هتسكت … مشوفتيهاش يوم الفرح كانت عامله ازاي اصلا

نيره : فكك منها … عمر بيحبك انتي وهيا كانت قدامه … يعني لو كان بيحبها كان اتجوزها هيا

ميرنا : أنا مش عارفه ايه ده بجد … كل أما اخلص من واحده التانيه تطلعلي

نيره : انتي لسه في بداية حياتك ولسه هتقابلي كتير .. اهم حاجه تعرفي تحلى الأمور ببساطه

ميرنا : أنا حاسه أن دمي بيتحرق كل يوم عن اللي قبله … بقوله منروحش البيت وهما هناك بيقولي مينفعش

نيره : هو فعلا مينفعش خالص … بس انتي متسيبيش فرصه لسلمى دي تقرب من حياتكوا

عند لين دخلت المحاضره بس الدكتور منعها من الدخول

الدكتور : أنا سمحتلك امبارح تدخلي … بس مش وكاله من غير بواب هيا … لما تحترمي مواعيدك تبقى تدخلي

لين : أنا مش قصدي

الدكتور : اسف … اتفضلي بره

خرجت لين وهيا بتشتم فيه

لين : مش فاهمه يعني فيها ايه لما ادخل متأخر … فوتت ديوان السلطان سليمان يعني ولا ايه … ايه الدكاتره دي ياربي … ده دكتور عبسميع ارحم بقاااا

جه الدكتور من وراها : متقلقيش اوي كده مش هطول معاكوا في المحاضرات ودكتور عبسميع هيرجعلكوا تاني

لين : اانت سمعت

الدكتور : تقدري تدخلي بس متتكررش تاني … وعموما مفوتيش ديوان السلطان سليمان ولا حاجه

لين : أنا والله اسفه يا دكتور أنا مقصدش بس الحركه دي بتعصبني

 

 

الدكتور : يا ستي ولا يهمك منا كنت في سنك مبطيقش الدكاتره بتوعي برضو

لين : سبحااانه بجد … مش بتحبها وطلعت من ضمنهم

الدكتور : الدنيا بقا … بس انتي اصلا باين عليكي شاطره وخساره تضيعي باقي المحاضره

لين : شكرا يا دكتور بجد … والله انت احسن دكتور من الدكاتره اللي موجودين هنا كلهم

جه الليل وكانوا كلهم متجمعين في البيت على السفره

منال : لين لما تخلصي اكل ابقي تعالي اوضتي عايزاكي

لين : اوكي

ميرنا : عمر أنا مش طايقه الاكل ده

عمر : طب عايزه ايه

ميرنا : مش عايزه اكل بس مش هطلع واسيبك

عمر : خلاص يلا

ميرنا : لا كمل…..

مكملتش جملتها ودخلت جري على الحمام ترجع وعمر جري وراها

سلمى : هو .. هو .. هيا مالها

منال : حامل يا حبيبتي

_: ربنا يقومها بالسلامه يارب

عمر : في أي مالك انتي كويسه

 

 

ميرنا : قولتلك مش طايقه الاكل

عمر : خلاص متك…

منال جت عليهم : مالك يا ميرنا فيكي ايه … من الحمل صح

ميرنا : اه … ريحة الاكل

منال : طب خدها يا عمر واطلع فوق وانا هعملها شوربه خضار او اي اكل تاني

ميرنا : لا انا مش قادره اكل اصلا تسلمي

منال : لاء ازاي بس … يلا يا حبيبي خدها على فوق

سلمى كانت قاعده هتتجنن وقالت لساره بصوت واطي : شوفتي حرقة الدم

ساره : فكك بقا … مش هتعرفي تعملي حاجه … انتي اصلا مش بتحبي عمر

سلمى : لازم الف عليه … قربي منه ممكن يشيلني من الفقر اللي احنا فيه … انتي مش شايفه بيتهم وبيتنا … مش شايفه الشركه اللي شغال فيها

ساره : الطمع وحش

سلمى : خليكي انتي كده على نياتك لحد م هتتجوزي في نفس البلد اللي اتولدتي فيها

ساره : انا راضيه يا ستي بس مهما يحصل ايه عمري م هلف على واحد متجوز … واظن انتي عارفه احنا بنقول ايه على اللي بتلف على راجل متجوز

سلمى وشها قلب : أنا غلطانه اني بتكلم معاكي اصلا

قال حسن اخوهم للين : عامله ايه في دراستك يا لين

لين : تمام الدنيا ماشيه وزي الفل

حسن : ربنا معاكي ويوفقك

بعد ساعه تقريبا لين راحت لمنال

لين : ماما عايزاني ؟

منال : اه … ادخلي واقفلي الباب

دخلت لين ومنال طلعت الصوره اللي لاقتها وقالت : ايه ده … عايزاكي تفهميني ايه ده

لين اتوترت : انتي جبتيها منين دي

 

 

منال : ملكيش دعوه … قولي ايه ده وليه

لين : والله غصب عني والله م كان قصدي … هو بعتهالك صح ؟ … بس انا بجد مش اقصد حاجه وحشه كل ده غصب عني

منال : اهدي واتكلمي براحه .. أنا عمري م زعقتلك على حاجه … وبثق فيكي دايما وسايبالك الحريه في كل حاجه … ورغم كل ده بتخبي عليا

لين : هحكيلك كل حاجه والله بس كل ده غصب عني

عند ميرنا وعمر

عمر : اي يحبيبي … بقيتي كويسه

ميرنا : أنا كويسه والله بس دي اعراض عاديه مش مستاهله

عمر : متأكده

ميرنا : اه والله

عمر : لاء مش متطمن هنزل اعملك حاجه سخنه

ميرنا : يابني متتعبش نفسك أنا كويسه صدقني ودي اعراض لازم تحصل اصلا

عمر : مش هرتاح برضو … مش هتأخر عليكي ٥ دقايق بس

نزل عمر بسرعه وهو نازل سمع صوت لين وهيا بتعيط في اوضة منال فقلق ودخل علطول

عمر : في ايه مالك

لين مسحت دموعها بسرعه وقالت : م … مفيش حاجه

منال حطت الصوره وراها وقالت : حاجات بيني وبين اختك يا عمر

عمر : والحاجات دي تخليها تعيط ليه وايه اللي خبتيه وراكي ده اول م دخلت

منال : مفيش حاجه

لين : عمر والله حاجه عاديه جدا صدقني

 

 

عمر : انتوا بتكدبوا .. ماما وريني اللي وراكي لو سمحتي

منال : عمر قولت خلاص بقا اطلع شوف مراتك

عمر : لاء مش هطلع غير لما اعرف في ايه

منال : مفيش حاجه قولت … اسمع الكلام واطلع يلا لمراتك

عمر : ماما أنا مش عيل صغير عشان تعامليني كده هاتي اللي في ايدك

منال : لاء مش هديك حاجه

قرب عمر منها وحاول ياخدها وهيا مش راضيه تديهاله بس هو عرف ياخدها

اخدها شافها واتصدم من اللي شافه و…..

قرب عمر منها وحاول ياخدها وهيا مش راضيه تديهاله بس هو عرف ياخدها

أخدها شافها واتصدم من اللي شافه وبصلها بذهول

عمر : ايه القرف ده … انتي ازاي .. ازاي متصوره بالمنظر ده

منال : ايه اللي انت عملته ده … إنت ازاي تاخد الصوره كده

عمر مسك أخته من دراعها وقالها : ايه ده فهميني

لين : والله والله مفيش حاجه

عمر : هو ايه اللي مفيش حاجه هو أنا عيل قدامك هتضحكي عليه بكلمتين … فهميني دلوقتي ايه ده

منال : يعني انت مش عامل ليا ولا عامل لكلامي اعتبار

عمر : اعتبار اي وبتاع اي … اي المنظر ده

منال : قولتلك حاجه بيني وبينها

 

 

عمر : وانا بقا عبيط وهصدق

لين : عمر ده موضوع قديم متشغلش بالك

عمر : كمان … يعني موضوع قديم أنا معرفش عنه حاجه

لين : علشان خلص خلاص مفيش داعي تعرف

عمر : هو اي اللي مفيش داعي … أنا عايز افهم دلوقتي في ايه والا هعرف أنا بطريقتي وساعتها هيكون في تصرف تاني

منال : الكلام ده تقوله لما انا اموت … لكن متتعاملش مع اختك كده

عمر : عايزاني اشوف اختي بالمنظر ده ومتعاملش معاها كده

ادالها الصوره وقالها : خدي الصوره اهي وانا مش عايز اعرف حاجه … بس من دلوقتي لا ليا دعوه بيكي ولا بيها … وهاخد مراتي وهنمشي من هنا

منال : ايه اللي انت بتقوله ده

عمر : قدام م مش عاجبك اسلوبي … انسحب بقا ومليش دعوه

لين : ه..هقولك ك..كل حاجه .. بس اوعدني انك متعملش حاجه

عمر : اخلصي

كانت ميرنا في الاوضه فوق مستنيه عمر ولما لاقته اتاخر نزلت تشوفه بس مكانش في المطبخ لقت صوت طالع من اوضة منال خبطت ودخلت

ميرنا : عمر انت هنا … مقولتش ليه

عمر : روحي يا ميرنا دلوقتي

ميرنا : هو في ايه

لين : مفيش حاجه يا ميرنا

 

 

ميرنا : تما…. ايه ده .. الصوره دي .. جبتوها ازاي

لين : امشي يا ميرنا امشي

ميرنا : لا مش همشي … انتي عملتي ايه

عمر : انتي عارفه موضوع الصوره ؟

ردت لين بسرعه : لاء اكيد هيا متعرفش … هيا لسه اول مره دلوقتي

ميرنا : انتي بتكدبي ليه … ايوه يا عمر الصوره دي فوتوشوب

عمر : فوتوشوب ازاي يعني وهيا لسه قايلالي أن الصور دي حقيقيه

ميرنا : اكيد هيا متقصدش

عمر : لا هيا تقصد بقا … بس انتي بتداري عليها … وبتكدبي عليا

منال : ميرنا معاها حق .. الصور فوتوشوب

عمر شد لين وبياخدها على اوضتها فوق

منال : انت بتعمل ايه

ميرنا : عمر سيبها السياسه دي متنفعش

مهتمش عمر بكلامهم ودخل أخته اوضتها ودخل معاها وقفل الباب

عمر : هاااا … احكيلي بقا اللي حصل بالتفصيل

لين : الصور فعلا فوتوشوب زي م قالوا

عمر : لا بقا … مدخلتش عليا … بس لو مش عايزه تحكي تمام

لين : لا خلاص والله خلاص هقولك

بدأت لين تحكيله كل حاجه وهو كان بيحاول ميفقدش السيطره على نفسه وعليها

عمر : وايه حكاية ميرنا معاكي

لين : ميرنا ملهاش دعوه بحاجه صدقني

عمر : والله … وبالنسبه للكلام اللي قالته

لين : بتدافع عني

عمر : معناها أنها تعرف كل حاجه

لين : اه

عمر : وانتي عملتي ايه بقا دفعتيله

لين : لاء

عمر : اومال

لين : مش مهم تعرف

عمر : انتي بتستهبلي بقا

لين : أنا مش عايزه اقولك علشان معكش الدنيا

عمر : كده كده هعرف فانجزي

لين : ميرنا

 

 

عمر : عملت ايه بقا

لين : راحتله الشقه مع قريبها وخدت منه الصور

عمر : ميرنا عملت كده

لين : اه ب..بس هيا كانت بتساعدني مش اكتر

قام عمر من مكانه وفضل رايح جاي في الاوضه ومره واحده خبط بايده ع الحيطه

عمر : ليه … ليه تعملي كده

لين : غصب عني والله

عمر : غصب عنك ايه … غصب عنك ايه … أنا مديكي كل الثقه … مش بفتش وراكي … وده المقابل !!! … انتي متعرفيش دماغ الشباب بتكون عامله ازاي … متعرفيش ازاي بيوقعوا البنات بسهوله … انتي كان ممكن تضيعي نفسك … بس متأكده بقا أنه صورك بس

لين : اه صورني بس والله

عمر : وايه اللي مخليكي متأكده كده … ليه ميكونش عمل معاكي حاجه

لين : اناا عارفه

عمر : عارفه اه … تمام جدا … مش عايز اشوفك بره البيت تاني … حتى جامعتك مش هتروحيها علشان مبقتش اثق فيكي

قال كلامه وخرج من الاوضه لقا منال وميرنا واقفين بره

عمر طلع على اوضته وسابهم واقفين ومنال دخلت للين هيا وميرنا

منال : قولتيله طبعا

لين بعياط : ضغط عليا وقالي لو مقولتيش هعرف بنفسي

ميرنا : طب اهدي حصل خير

منال : وقالك ايه

لين : قالي مش هتخرجي من البيت تاني علشان مبقتش اثق فيكي ولا حتى هروح الكليه

ميرنا : طب مستقبلك ملهوش دعوه … أنا هروح أفهمه اي حاجه

لين : مش هيسمع كلامك يا ميرنا

ميرنا : أنا هتصرف … يلا تصبحوا على خير

سابتهم ميرنا وطلعت لعمر وكان هو واقف مديها ضهره وسرحان وهيا قربت منه

ميرنا : عمر

 

 

بصلها بعتاب وسابها ومشي بس هيا وقفته لما قالتله : انت سايبني ورايح فين

عمر كلمها من غير م يبصلها وقال : مكنتش متوقع منك انك تتصرفي في أي أمر من غير م ترجعيلي … ده مكانش اتفاقنا من الاول

ميرنا قربت منه : وانا ايه اللي عملته من غير م ارجعلك

عمر بصلها وقال : انتي مش شايفه انك دخلتي بيت راجل غريب مع واحد من غير م اعرف كل ده

ميرنا : انا… أنا..

عمر : انتي ايه … انتي ايه يا مراتي ياللي المفروض مش بتخبي حاجه عليا

خرج عمر من الاوضه وهيا فضلت باصه لآثره

عدا وقت طويل وميرنا كانت مستنياه يرجع بس غلبها النوم ومرجعش

رجع عمر بعد فتره طويله لقاها نايمه دخل غير هدومه وخرج تاني راح الشركه

عمر : علي أنا لو عايز اعرف اوصل لحد أنا معرفش عنه حاجه ممكن اعمل ايه

علي : اسمه مثلا .. أو اي أثر منه

عمر : معرفش عنه حاجه

علي : انت كده هتدور على شبح

عمر : لو كُليته وممكن اجيبلك اسمه

 

 

علي : يبقى كده فل … بس في ايه

عمر : هقولك بعدين

علي : انت مالك كده … جاي لوحدك انهارده من غير ميرنا وجاي بدري

عمر : حصل حوار كده قافلني من كل اللي في البيت

علي : طب م تحكيلي في أي يمكن اساعدك

عمر : أنا مخنوق ومش قادر اتكلم يا علي

فاقت ميرنا وملقتهوش موجود فضلت ترن عليه بس هو مبيردش

باب الاوضه خبط وقامت فتحته بسرعه وكانت بتحسبه هو بس طلعت سلمى

ميرنا : عايزه ايه

سلمى وهيا بتبص جوه في الأوضه : انزلي علشان الفطار

ميرنا : انزلي انتي وانا جايه

سلمى : هو عمر مش جوا

ميرنا : وانتي مالك عمر جوا ولا لاء

سلمى : شكلكوا متخانقين

ميرنا : انتي شكلك بتموتي في جر الشكل

سلمى : هو أنا عملتلك حاجه … أنا بسال على ابن خالي

ميرنا : وانا قولتلك ملكيش دعوه … ممكن تنزلي بقا

سلمى سابتها ونزلت وميرنا غيرت هدومها ونزلت

منال : اومال فين عمر منزلش ليه

ميرنا : جاله شغل بدري واضطر يمشي

منال : طب اقعدي افطري

ميرنا : لا مليش نفس

منال : ازاي بقا … لازم تأكلي عشان ابنك او بنتك حتى

 

 

ميرنا : هفطر في الشغل

سابتهم ميرنا ومشيت راحت الشركه وقعدت مع نيره وحكتلها اللي حصل

نيره : حطي نفسك مكانه

ميرنا : أنا عارفه اني غلطت بس كان غرضي هو اني اساعد مش اكتر

نيره : بس هو مش هيفهم ده … هيفهم انك خبيتي عليه

ميرنا : مكانش ينفع أقوله … محدش يعرف اصلا

نيره : طب صالحيه وفهميه انك متقصديش

ميرنا : مش أما اشوفه الاول … ده خرج من البيت مرجعش وطلعت مكتبه السكرتيره قالتلي مجاش

نيره : اكيد هيرجع يا ميرنا بس حاولي بقا تصالحيه وتفهميه انك متقصديش

عمر كان في مكتبه مخرجش منه وميرنا مشافتهوش خالص وروحت وفضلت تستناه بس هو مرجعش برضو

سلمى كانت مع اختها

سلمي : أنا متأكده أن في حاجه

ساره : طب وانتي مالك

سلمي : مالي ايه بقا أنا لازم العب على النقطه دي

ساره : يا بنتي بلااش

سلمي : او ممكن العب على نقطة أنها حامل … اصلها لو جابتله ولد هيكوش على كل ده

ساره : والله لو فكرتي تأذيها أو تأذي اللي في بطنها هروح اقول لامك وهنمشي من هنا مش هنيجي تاني

سلمي : لا اهدي كده … أنا بفكر بس

ساره : شيلي بقا الفكره من دماغك

سلمى : خلاص يا ستي هشيلها

عمر كان مع علي بيحكيله اللي حصل وفونه كان بيرن كل شويه

علي : م ترد في ايه

عمر : مش هرد دي ميرنا

علي : أنا بصراحه مش شايف انها عملت كارثه لكل ده يعني

عمر : خلاص أنا هرد عليها وانت بقا ركبلي قرون .. ايه رايك

 

 

على : يا عم م هو انت لو مردتش عليها مش هتستفاد حاجه

عمر : لازم اخد موقف علشان متاخدش على كده

علي : يا عم بلاش شغل الروايات ده وحلوا الأمور ببساطه انتوا مش صغيرين

عمر : أنا متضايق بجدد

علي : هتروق والله بس محتاج وقت

قعد علي يقنع عمر أن الموضوع مش مستاهل

عمر روح البيت وطلع اوضته واول م دخل كانت ميرنا راحه جايه في الاوضه

ميرنا جريت عليه حضنته وهو كان مستسلم تماما

ميرنا : انت كنت فين

عمر زقها براحه وسابها ودخل غير هدومه ونام من غير م يكلمها

ميرنا : عمر … لو هتعاملني كده هسيبلك البيت وامشي … أنا مش هوا قدامك … فيها اي يعني لما اساعدها … مكانش ينفع اقولك ولو انت مكاني اظن كنت هتتصرف كده … مهو لازم انت كمان تحط نفسك مكاني مش انا بس

عمر : لو سمحتي أنا عايز انام

ميرنا : لا يا عمر مش هتنام غير أما نوصل لحل … علشان أنا مبحبش التجاهل … والتجاهل بيجيب معايا نتيجه عكسيه

عمر كمل نوم ومردش عليها

ميرنا : تمام بس هتصحي مش هتلاقيني في البيت

مهتمش عمر بكلامها وهيا خرجت من الاوضه وراحت للين

لين : ايه الاخبار

ميرنا : زفت

لين : ليه قالك حاجه

ميرنا : ياريت … ياريت يقول حاجه … ده مبيتكلمش معايا خالص … بس انا بقا هسيبله البيت وهمشي … قدام م أنا بقيت مليش لازمه كده

لين : ده مش حل خالص علفكره … هتسيبيه لسلمى .. دي م هتصدق … وبعدين أنا مكنتش اعرف ان الامر ممكن يوصل لكده