رواية ميادة واسر للكاتبة شيماء فرج هي حكاية تنبض بالمشاعر وتفيض بالصراعات الداخلية والخارجية، حيث تتقاطع الأقدار وتتشابك المصائر في قصة حب مختلفة لا تخضع للمنطق أو الزمن.في رواية ميادة واسر، يعيش القارئ حالة من الانجذاب العاطفي والتوتر النفسي، وسط أحداث متسارعة تكشف أسرارًا مدفونة وقرارات مصيرية تغير كل شيء. الرواية لا تقدم حبًا مثاليًا، بل واقعيًا، مليئًا بالتحديات والتضحيات.
رواية ميادة واسر من الفصل الاول للاخير بقلم شيماء فرج
في أحد احياء الإسكندرية العريقه وبالتحديد حي لوران حيث يوجد قصر الاحلام لصاحبه رجل الاعمال (أحمد الطاروطي) وابنه( آ سر) وبنفس هذا الحي الذي يسكنه الشخصيات المرموقه بالمجتمع توجد قصور تحولت الي مدارس حكوميه ومن ضمنها المدرسه التي تدرس بها الجميله (مياده) بطلة روايتنا والتي درست بها المرحلتين الاعداديه والثانويه ومياده ليست من سكان هذا الحي لانها ابنه لموظف بسيط يعمل باحدي شركات القطاع العام تتميز مياده بجمالها الفائق فهي صاحبة البشره البيضاء والوجه المستدير كالقمر وعيونها الغريبة الاطوار فكل عين بلون احداهما رمادي والاخري زيتوني ممايجعلها أشبه بالقطط مياده اغلقت حياتها علي والداها وصديقاتها الثلاثه وهم بنات جميلات ولكن ليس بجمال مياده وجميعهم يمتازون بخفه الدم المصريه والروح المرحه........ ستوووب حنفضل نتكلم عن مياده ونسيب بطلنا الوسيم آ سر الللي عايش في قصر الاحلام والناس كلها بتحسده علي ماله وجماله ورجولته التي ظهرت مبكره فهو علي الرغم من صغر سنه ولكنه من أكبر رجال الاعمال ويلقبونه( الكينج) ولكن لايعلمون ان بداخل قلب هذا (الكينج) الكثير من الاوجاع وايضا داخله حوريته التي لاتعلم عن حبه لها شيء(مياده).علشان نعرف قصة حب آ سر لمياده إ بتدت ازاي وانتهت لايه تابعوا معايا الحلقات........ *ملحوظه القصه دي انا كتبتها من حوالي عشرون سنه ولكن اعدت صياغتها مره اخري حتي تواكب العصر
↚
الحلقه الثانيه/(حب عمري)
عاد أبومياده لبيته وكانت وقتها مياده بتحاول تقنع امها بأنها تخرج مع صحباتها
مياده :علشان خاطري ياماما خلي بابا يوافق
الأم:انتي عارفه ابوكي بيخاف عليكي ازاي
مياده:ياماما احنا بقالنا سنه مش كنا بنخرج من بيوتنا غير للدروس عاوزين نتغدي بره نروح سينما
الام :تروحوا سينما ده انا مدخلتهاش غير لما اتجوزت ابوكي
مياده:ده كان زمان يامامتي انتي قديمه كده ليه
الام :انا قديمه ياميمو يعني عجزتيني خلاص يابت محمد
مياده:انتي ده انتي قمر ده انا اللي عجوزه
وكان رجع الاب وسمع كلامهم ودخل وهو بيضحك علي كلام بنته
الاب :شوفتي ياستي أهو بنتك اللي قالت انك عجزتي انا اتجوز بقي وأشوف حالي
الام :عاجبك كده
مياده:لا انا ماليش دعوه ده بابا بيتلكك ياماما اتصرفي بقي.
ضحك الجميع ههههههههههعه
الام :خير كان عاوزك في ايه حسين
الاب :زي ماانتي قولتي عاوز مياده لابنه خالد
مياده :عاوزني له ازاي يعني
الام عاوزين يخطبوكي ياميمو كبرتي وبقيتي عروسه
الاب:رأيك ايه يابنتي
مياده :أنا ماعرفوش يابابا وقدرش أحكم علي حد من غير ماأشوفه
الام :خلاص خليهم ييجوا عندنا يوم الخميس علشان تكون صابح اجازه وفهمه انهم حيشوفوا بعض الاول وان حصل قبول نقرا فاتحه
الاب :خلاص انا حكلمه بكره ان شاء الله واتفق معاه
مياده : بس وافق بقي يا بابا اني اخرج مع صحابي بكره أحسن يحصل نصيب ويعمل فيها سي السيد وميرضاش يخرجني
الاب :لا سي السيد لما تبقي في بيته مش عندي وعموما اخرجي بكره بس مش تتأخري.
مياده بفرحه :حاضر ياأجمل بابا.
وعدي اليوم وتاني يوم مياده صحيت فطرت مع أمها وكلمت صحباتها واتفقوا علي الخروج واتقابلوا بعد ساعه وهما ماشيين في طريقهم فجأه ظهر شاب متوسط الطول ملامحه شرقيه ووقف قدام البنات ووجه كلامه لمياده
الشاب :ازيك
مياده :انت تعرفني
الشاب :أيوه انا خالد ابن عمك حسين
مياده :وهو ده يديلك الحق توقفني في الشارع كده
طبعا كان في عيون مراقباهم وهو (إيهاب) وهو ده الحارس اللي بينقل أخبار مياده لأسر ووقتها كلم ايهاب الباشا بتاعه طبعا وبلغه باللي بيحصل
آسر :طيب هب بتكلمه
ايهاب :لا ياباشا دي شكلها متضايق جدا
اسر : طيب قرب منهم وادخل وكأنك كنت ماشي صدفه ومش عاوز اي غلطه.
ايهاب:اوامرك ياباشا واقترب منهم فعلا ولسه كان حيتدخل سمع.
خالد. عموما انا بكره حكون خطيبك
مياده:مااعتقدش ان االي حصل حيرضي بابا. ومشت هي والبنات وسابته وكانت علي اخرها
اما ايهاب طبعا كلم آسر وحكاله الكلام بالنص
آسر :خطيبها ازاي وانت بتعمل ايه عندك لما ماعرفتش حاجه زي دي
ايهاب :ياباشا ده بيقول انهم لسه حيجولهم بكره ووالله ياباشا انا اول مره اشوفه. قفل اسر التليفون ومش عارف يعمل ايه بس عنده استعداد يقتل اب حد يقرب من حبيبته.
اما مياده كانت مع صحباتها بس مخها في حته تانيه وبتفكر ازاي تطفش البارد اللي اسمه خالد ده وقطع شرودها اصحابها وهما بيكلموها
أسماء :مالك ياميمو سرحانه كده ليه مياده:مخنوقه أوي من الشيء اللي أسمه خالد ده
تقي :ممكن يكون ماعندوش خبره في معاملة البنات
اسماء :انتي احكي لباباكي وخليه يتصرف معاه
مي: ايه احنا حنقضي الخروجه فيه ولا ايه يلا بينا نتغدي. وخلصت مياده فسحتها هي وصحابها ورجعوا علي البيت ولما جت تحكي لباباها لقته عارف وقالها ان صاحبه حسين اتصل يه يعتذر له علشان ابنه عمل كده
اما عند آسر فكان عصبيته تفوق كل الحدود ورجع القصر و(توحه )اول ماشفته عرفت من شكله ان في حاجه كبيره .
توحه :خير ياحبيبي حصل حاجه في شغلك
آ سر :يولع الشغل مياده حتضيع مني جايلها عريس وحيخطبها بكره
توحه:لا ياحبيبي تعالي نروح لاهلها بكره ونخطبها ومااعتقدش انهم يرفضوك ده اي حد يتقارن بيك يخسر
آ سر :ان شاء الله حاروح بكره
وطلع اسر لغرفته وحاول ينام لكن ماقدرش.
ومر الليل علي الجميع منهم اللي خايف ومنهم الموجوع ومنهم الفرحان زي خالد وعيلته........
بدأصباح جديد وكلا يشغله ماسيفعله في هذا اليوم المليء بالاحداث ففي قصر الاحلام. صحي اسر اللي تقريبا النوم ماقربش منه توضأ وادي فرضه ونزل ليجد توحه بانتظاره علي الفطار
آسر :صباح الخير ياتوحه
توحه:صباح الفل ياحبيبي
وجلس آ سر لتناول الفطار
توحه :حنروح امتي لاهل مياده يااسر
آسر :انا حروح لوحدي بالليل ياتوحه
توحه :لا مش ممكن لازم اجي معاك انا حعرف اتعامل معاهم ياابني
آ سر:انا لسه مش عارف ايه االي حيحصل او ردهم ايه مش حاخدك احرجك
توحه:مافبهاش احراج ان شاء الله
اسر: خلاص ربنا يسهل حكلمك سلام
وذهب اسر لعمله.
اما عند اهل العريس.
ام خالد. حنعمل ايه ياحسين حناخد ايه معانا واحنا رايحين
حسين: حناخد علبة شيكولاته وابنك يجيب بوكيه ورد
ام خالد:بس كده مش حناخد حاجه تانيه
حسين :ياستي ده لسه حبشوفوا بعض
ام خالد :ليه وانا ابني يترفض ده تعليم عالي وجمال وعنده شقه كمان
حسين :وماتنكريش ان مياده شبه ملكات الجمال ومتفوقه في دراستها
أخت خالد واسمها خلود وبتغير من مياده جدا
خلود :لايابابا مش اوي كده دي عاديه وفي اجمل منها كتير
حسين:يابنتي حرام عليكي
خالد:بنتك دي حقوده ده علشان مياده احلي منها
خلود: انا احقد علي دي
خالد :ربنا يستر وبنتك ماتبوظش الجوازه
ام خالد :جري ايه ياسي خالد من اولها وحتيجي علي اختك علشان الست مياده
حسين :ايه ياجماعه حتقلبوها خناقه يلا نجهز
ويعيني عليهم مايعرفوش ان اليوم مش في صالحهم خالص
اما عند مياده.
الام :تعالي يامياده ساعديني
مياده :لا ياماما انا مش فاضيه
الام :بتعملي ايه يعني تلاقيكي بتكلمي المجانين صحابك
مياده :لا والله بدور علي حاجه مناسبه عندي اعرف البسها انتي عارفه كل لبسي السنه اللي فاتت كان جينز
الام :شوفي حاجه بسيطه فستان ولاحاجه
مياده :ماشي انا بشوف اهو
مياده كان في نيتها انها حتطفشوا وماتعرفش القدر مخبيلها ايه انهارده.
رجع ابو مياده من الشغل ولقي البيت جاهز لاستقبال الضيوف جهز نفسه هو كمان واستعد لاستقبالهم.
اما عند اسر فكان بيشغل نفسه بالشغل ولكن قطع عليه شغله تليفون من ايهاب اللي بلغه ان الشاب اللي وقف مياده امبارح طلع البيت ومعاه عيلته. أسر اخد موبايله ومفاتيحه ونزل ركب عربيته اللي بيسوقها سائقه الخاص واسمه(علاء) ووراه عربية الحراسه االي فيها 6رجاله وحوش يرعبوا اي حد وراح علي بيت اهل مياده طلع البيت ومعاه رجالته ودق جرس الباب كان وقتها اهل مياده بيرحبوا بضيوفهم حسين وعيلته لكن قطعهم الجرس
أبومياده:ده مين اللي حيجيلنا دلوقتي
الام:تلاقي حد من صحاب مياده
الاب قام يفتح الباب واتفاجا لما شاف قدامه اسر ورجاله بشكلهم المرعب ده
آسر :سلام عليكم
الاب. وعليكم السلام مين حضرتك
أسر. انا اسر الطاروطي رجل اعمال وعاوز اتكلم مع حضرتك
الاب. اكيد حضرتك غلطان في العنوان انا معرفش حضرتك.
آسر :لا مش غلطان مش حضرتك والد مياده
الاب. وانت تعرف بنتي منين
اسر. حنفضل نتكلم علي الباب كده
الاب. احنا بصراحه عندنا ضيوف وماينفعش تدخل بس برده حضرتك عاوز ايه من بنتي
آآسر.عارف ان عندكم عريس بس انا عاوز اخطبها
الاب :انت تعرف بنتي منين وازاي عرفت ان عندنا عربس
آآسر :طيب ادخل ونتكلم
الاب:انت اكيد مجنون انت عاوز مننا ايه.
خرجت ام مياده تشوف في ايه واتصدمت من الكلام وفي نفس الوقت كان علاء اتصل بالحاجه توحه علشان يقولها اللي حصل
توحه :طيب اقفل ياعلاء بس خليك معايا علي الخط علشان تقول للي حيجبني الطريق وغيرت لبسها واخدت واحد من حرس القصر يسوقلها عربيه من الجراج وراحت لاسر
اما عند اهل مياده فالموضوع بيتعقد وبدأ صوت والد مياده يعلا وخرج حسين وابنه يشوفو ايه اللي بيحصل
حسين:خير يامحمد مين ده ضابط ده ولا ايه
محمد:صابط ايه ده واحد جاب عاوز يخطب مياده وبيفول رجل اعمال
حسين اطلبله البوليس
آسر ببرود :اتفضل موبايلي اتكلم منه
ابو مياده :انت مش همك حاجه يعني
وهنا تدخل خالد العربس وياريته مااتدخل
خالد :انتي تعرفيه يامياده
مياده بخوف:لا والله انا مش عرفاه
ولسه حيقرب من آآسر كان آسر رفع ايده واداله باليد وقع علي الارض وبقه كله بينزف. خرجت ام خالد وأخته االي لما عرفت الموضوع حبت تولعها
أم خالد :ابني حبيبي ده مين ده االي يضربه
خلود:لما انتي ياست مياده مش عاوزه اخويا جبتينا ليه ولا علشان يتقال عنك ان الشباب يقطعوا بعض عليكي
مياده بصراخ:انا انا اعمل كده ياخلود والله مااعرفه
الاب :بس كفايه وانت ياحسين سكت بنتك
ولسه الاب حيمشي الناس ويستفرض ببنته وتدخل المنقذه(توحه).
توحه:السلام عليكم استهدوا بالله ياجماعه وصلوا علي الحبيب المصطفي وتعالوا نقعد
الجميع:اللهم صلي عليك يانبي
أم مياده :اتفضلي ياحاجه بس مين حضرتك
توحه:انا الحاجه تحيه مربية اسر بيه بعد وفاة والدته
الام :اهلا وسهلا بس يرضيكي ياحاجه اللي هو عمله ده وبوظ علينا فرحتنا ببنتنا
توحه :ياعالم ياستي النصيب فين
حسين :طبب نستأذن احنا يامحمد
توحه :بعد اذنكم اقعدوا لحد مااحكيلكم حكاية آ سر مع مياده علشان ماحدش يظلمها
الاب :اتفضلي ياحاجه احكي
وحكت توحه الحكايه من اول مااسر شاف مياده لحد اللحظه اللي هما فيها واخدتهم توحه علي البلكونه وورتهم المكتبه اللي اشتراها اسر مخصوص لايهاب علشان يحرس مياده وان هو اللي عرفه ان في عربس جاي لمياده
حسين:خلاص يامحمد احنا عرضنا لسه موجود والقرار دلوقتي قرارك شوف وكلمني وقاموايمشوا بس توحه وقفتهم
توحه:بعد اذنك ياحاج حسين بنتك مديونه باعتذار لمياده
حسين:حقك عليا يامياده يابنتي وبص لبنته بتوعد علي تهورها
مياده:لا مافيش حاجه ياعمي
وخرج اهل مياده يوصلوا حسين وعيلته ورجعوا لاسر وتوحه.......
↚يدخل الاب والأم إلى الصالون وقبل أن تجلس الأم تقول لهم تشربوا ايه قبل مانتكلم
توحه :لا خلينا نتكلم دلوقتي يمكن نشرب الشربات
الام والاب :احنا تحت أمرك ياحاجه.
وطلبت توحه من آسر ان هي اللي تتكلم وهو طبعا وافق.
توحه:شوفوا ياجماعه انا مش حزوق كلامي انا عارفه ان اللي آسر عمله أنهارده ده غلط بس انتوا لو عيشتوا معانا السنين اللي فاتت كنتوا عرفتوا ان عنده حق.
الأب:حق ازاي بس ياحاجه هو ليه ماجاش قاللي الكلام ده من اول ماشافها
توحه:وانت كنت حتوافق تخطب لبنتك اللي كانت لسه وقتها في الاعدادي
الأم :لا طبعا انتي صح ياحاجه
توحه:عليكي نور يا أم مياده
الأب:بس احنا انهارده كان موقفنا صعب أوي خصوصا ان حسين ده أقرب اصحابي
الام :كل شيء نصيب واحنا لسه مش عارفين نصيبها فين
آسر بطريقه متسرعه:ان شاء الله نصيبها معايا
الأب:انت ياابني مش عاطي نفسك ولاعاطينا فرصه نفكر
توحه:ياحاج محمد بقولك بيحبها من خمس سنين لسه حيفكر
الأم وهي قاعده تبص علي آسر ومياده وفي عقلها (أهو ده اللي يستاهل بنتي مش ابن حسين وامه وأخته العقربه دي)
توحه : بس تعرفي بامياده انك اجمل ما آسر كان بيوصفك ليا
مياده بصوت هاديء :شكرا ياطنط
توحه: لا والله ياحبيبتي فعلا انتي زي الملايكه
الاب والأم:تسلمي ياحاجه
توحه:المهم ياحاج دلوقتي انت لازم تعرف كل حاجه عن آ سر
الاب :اتفضلي ياحاجه
توحه:اسر رجل اعمال كبير زي والده وعنده اكبر شركات في البلد ودي ورثها طبعا عن المرحوم والده وكبرها وزودها بمجهوده وشطارته
أم مياده:طيب ووالدته
توحه:الله يرحمها من وهو في اعدادي ووأنا كنت المربيه بتاعته من وهو عمره يوم
الاب والام :الله يرحم والديه ويخليكي ليه ياحاجه
توحه :ربنا يباركلكم وأكملت انا شهادتي في حق آسر مجروحه بس أنا عوزاك عوزاك تسأل عنه وأنا واثقه انك حتكون مبهور بالراجل اللي عاوز يتجوز بنتك ان شاء الله
الاب :ماأنا أكيد حسأل دي بنتي الوحيده وملهاش حد غيرنا
آسر:بعد اذنكم في حاجه مهمه لازم تعرفوها
الاب :خير ياابني
آسر:هو حضراتكم متخيلين اني حنزل من هنا ومياده مش عاي ذمتي
الاب والام بفزع:يعني ايه اللي بتقوله ده ياابني ونظراتهم لتوحه طبعا
توحه وهي تنظر لاسر لتقرأ مايدور في رأسه
توحه:ايه يااسر طيب ازاي ياابني ده الساعه كام والناس لسه مش عاملين حسابهم
الأب والأم ومياده في حالة ذهول وبيفكروا في عقلهم "ايه الناس المجانين دول"
توحه :شوف ياحاج انا عارفه ان الكلام اللي حقولهحيكون غريب ويمكن تقول ايه الست المجنونه دي وكأنها عرفت ايه اللي داير في راسهم
الأب :لا ياحاجه بعد الشر عنك بس هو علطول كده بينفذ كل اللي هو عاوزهمن غير مايراعي شعور حد
توحه:لا ابدا بالعكس ياحاج ده مافيش أحن من أسر في الدنيا دي ده عمره مافكر في نفسه بدليل انه حافظ علي مياده حتي من انه يقرب ويكلمها ولو ماكنش موضوع العريس ده كان حيفضل مستني لحد ماتدخل الجامعه مع انه قادر يعملها جامعه خاصه ليها
الأب:ربنا يزيده
الام وهي تحاول ان تتعرف عليه أكثر لغرضها في اتمام الجوازه.............
الأم:وانت بتشتغل في ايه بالضبط
اسر :عندي مصانع حديد ومصانع أخشاب وشركات مقاولات وشحن واستيراد وتصدير وشريك بأكبر نسبة أسهم في جامعه خاصه وقنوات فضائيه
مياده :يعني اعلانات شركة حديد الطاروطي دي بتاعتك
اسر :أيوه طبعا
الاب والام بقلق: بس احنا علي قد حالنا يعني
توحه :أنتوا ناس زي الفل وزي ماأنتوا شايفين اسر مش من النوع اللي يهمه المظاهر
آسر:انا مياده عنديعندي احسن من أميرات وملكات الدنيا
مياده قاعده متنحه ومتسمره علي الكرسي بس قلبها مش مبذل دق من الفرحه وفي عقلها"ده ايه القمراللي بيقول عليا كده ده"فاقت علي كلام باباها
الاب :بس يا ابني اللي انت عاوزه ده صعب اوي والا كده الناس تقول ده باع بنته
الام :لايا حاج تبيعها ايه لاسمح الله احنا بس محتاجين وقت
توحه قاعده وبتبص لاسر اللي من عيونه عرفت انه مش حينزل غير ومعاه مياده. توحه جالها فكره ودعت الله انها تجيب نتيجه
توحه :ياجماعه انا عندي اقتراح
الام قبل الأب :خير ياحاجه
توحه :احنا ننزل دلوقتي كلنا كده علي القصر بتاع آسر
الام :هو انتوا عايشين في قصر
توحه :هو في حد مايعرفش قصر الاحلام
مياده :ده جنب مدرستي الثانوي
توحه :يلا بينا ياجماعه وتعالوا معانا وبعدها القرار اللي حتاخده ياحاج انا حنفذهولك لو علي رقبتي.ونظرت لاسر تهديه وتطمنه
اطمن اسر علشان عارف ان توحه قادره تقنعهم
استأذن الاب والام ليشاورا بعض ومياده فضلت قاعده مكانها جنب توحه وعيون آسر مش غايبه عنها وكأنه بيشبع نظره من غياب سنوات
اما عند الاب والام
الاب :ايه ياام مياده حننزل معاهم
الأم:ايوه تعالي نشوف حتقول ايه ونشوف عيشتهم
الأب :انتي شكلك ليكي غرض للجوازه
الام:واحنا نطول جوازه زي دي لبنتنا
الاب:أنا بنت الف من يتمناها
الأم:بس الجدع بيحب بنتك وغير مميزاته
الاب :بس أنا خايف يكون من الشباب اللي بيتعلق بالحاجه وبعدين يرميها لما يملكها
الام:لاشكله مش كده وبعدين ادينا حنروح ونشوف الست توحه عاوزه تورينا ايه وبعدها نقرر واكيد مش حنفذ طلبه انهارده
الاب:يلا توكلنا علي الله.
وخرجوا لتوحه واسر وبلغوهم انهم قبلوا دعوتهم لقصر الاحلام.
نزل الجميع وانبهرت الام من اسطول العربيات اللي واقف تحت بيتهم وتوحه نظرت لاسر تنبهه انه مايطلبش مياده تركب معاه علشان اهلها مش يقلقوا
وفعلا ركبوا مع توحه في العربيه اللي جت بيها
وانطلقت السيارات علي القصر.........
ايه اللي حيصل في قصر الاحلام وتوحه حتقنع اهل مياده بالجواز ولا لأ حنعرفه في الحلقه اللي جايه
↚وصلت السيارات للقصر اللي أول ماشافوه أهل مياده ومياده طبعا أنبهروا بيه جدا وبمنظر الحديقه الرائع والاضاءه الخافته المسلطه علي باقات الورود والأشجار العاليه وگأنهم بيتفرجوا علي لوحه فنيه ودخلوا للقصر وحاولوا بصعوبه انهم يخفوا ملامح الذهول اللي بانت جدا علي وشهم من عراقة وأصالة القصر الشامخ وأثاثه اللي كان باين عليه انه متنقي بالقطعه وقطع شرودهم صوت( توحه) وهي بترحب بيهم
توحه :أهلا وسهلا نورتونا وشرفتونا والله البيت انهارد كأنه فيه عيد
الاب والأم :الله يشرف مقدارك ياحاجه البيت منور بناسه
آسر :ايه يامياده عجبك بيتك
مياده ابتسمت ونزلت وشها في الارض
توحه :تشربوا ايه
الام :لا انتوا مش شربتوا حاجه عندنا
توحه:لا والله لازم نشرب حاجه وبعدين احنا ان شاء الله حنبقي أهل والجيات كتير وحدوق أكلك كمان
الأب :أنتي تنورينا ياحاجه
الام :أيوه لازم طبعا تشرفينا تاني
توحه ندهت علي (رحمه). وطلبت منها تشوف الجماعه يشربوا ايه.......... رحمه دي بتشتغل في القصر برده بس طبعا مافيش حد زي دادا توحه
آسر مقاطعا:بلغيهم يارحمه يحضروا العشا
توحه:ودي تفوتني من أول ماوصلنا وأنا بلغتهم
الاب:لا متشكرين ياجماعه انا بس ياحاجه عاوز اعرف احنا جينا هنا ليه
توحه :كله بالصبر ياحاج ان الله مع الصابرين
ام مياده:معلش بس ريحينا ياحاجه الله يريح قلبك.
كل ده واسر مش عارف نوايا توحه بس هو واثق فيها في الاول تخيل انها جابتهم علشان تغريهم بمنظر القصر والعيشه اللي بنتهم حتعيشها لكن اتصدم لما لقي توحه حتاخدهم وتطلع في الدور التاني من القصر وده في غرف النوم
اسر :انتي رايحه فين ياتوحه
توحه :حوريهم غرفة الاميرات.
اسر بان علي وشه انه متضايق ولاحظ كده ابو مياده
الاب :خلاص ياحاجه بلاش لو الحاجه دي حيزعله خلينا هنا وقولي اللي عندك
توحه :لا طبعا حيزعل من ايه ودي اكتر حاجه حتخليكم تطمنوا علي بنتكم وتاخدوا قرار
توحه كانت بتقول كده لأبو مياده لكن عيونها متجهه لاسر علشان يفهم انها عارفه بتعمل ايه
واسر وافق ان مشاعره طول السنين اللي فاتت تتفضح مقابل انه يفوز بحوريته الصغيره
وطلعوا الدور الثاني عن طريق السلالم الرخام المغطاه يالسجاد الاحمر القاتم وأول ماوصلوا عند الغرفه فتحت توحه الباب وهي بتقول
توحه:دي غرفة الاميرات أو بمعني أصح غرفة الاميره مياده.
ودخلوا الغرفه اللي كانت دهانتها من اللون المووف الفاتح والاضاءه بألوان الابيض والروز والموف والاثاث علي شكل فراشات وكله باللون الابيض وموجود بها أنتريه من اللون الروز*أبيض
واكملت توحه :الغرفه دي شافها اسر مره علي النت وقرر يجيبها علشان هو كان شايف انها مش حتليق بحد غير مياده.
ومياده كانت واقفه بتتفرج علي اللي في الغرفه باندهاش وانبهار وده كان مفرح اسر جدا
توحه راحت فتحت باب الدولاب وخرجت منه علب كتيره لهدايا وبدأت تحكي حكايه كل علبه ومناسبتها
توحه:دي ياجماعه هدية عيد ميلادها الاول وحتسألوني طبعا هو عرفه منين. في مره مياده راحت اشترت شمعه من عند ايهاب في المكتبه وسمعها وهي بتأكد علي صحبتها تيجي عيد ميلادها وبلغ اسر ومن يومها وكل سنه في نفس الميعاد آسر يعمل لمياده عيد ميلاد في القصر ويجيبلها هديه وبصت لمياده وهي بتفتح علبه طلعت منها قلم ذهبي وقالتلها مش فاكره يامياده القلم ده
مياده بصدمه :لأ حفتكره ازاي
توحه:ده القلم اللي اتخانقتي مع ايهاب علشان كان مصمم تشتريه بدل القلم العادي
الام :صح يامياده انتي حكتيلي انك هزقتي أيهاب علشان كان عاوز يديكي نوع قلم غير اللي بتكتبي بيه وفكرتيه انه بيعاكسك
مياده وكانت افتكرت :أيوه صح
توحه بس القلم ده ماكانش عادي ده قلم ذهب والفصوص اللي فيه دي من الماس وده آسرأشتراه هديه ليكي علشان عيد ميلادك ب من ايهاب انه يبيعهولك علي انه قلم رخيص
وفتحت علبه تانيه وكان فيها موبايل وقالت ودي هدية السنه اللي وراها وعلبه تالته فيها لاب توب ودي كانت هدية السنه التالته وعلبه فيها اسوره من الماس ودي كانت هدية السنه الرابعه وعلبه فيها موبايل وتابلت موديل السنه ودي كانت هديه السنه الخامسه وخرجت علبه قطيفه كان فيها مفتاح مربوط بشريط ستان روز وورقه وقالت أما دي بقي فكانت هدية الثانويه العامه الام :وده مفتاح ايه ده يااسر ياابني
اسر:مفتاح عربية مياده علشان تروح بيها الجامعه
الاب مداعبا:وكنت حتبعته مع ايهاب بردك
اسر :لا كنت حاسس ان معاد استلام مياده لحاجتها قرب جدا
أبو مياده تقريبا كان وافق من جواه بس هو لسه قلقان وحب يستني يسمع بقية حكاوي الحاجه توحه.أما أمها كانت أخدت قراراها وبينها وبين نفسها (أنا مش ممكن أسيبه يبعد عن بنتي)
أما الغلبانه مياده فضلت متنحه وساكته ومش عارفه ايه اللي بيحصل جواها ماهي برده مياده تعتبر عيله وأول مره تشوف الحاجات دي فكان طبيعي أن مشاعرها تتلخبط
توحه كملت وفتحت باب تاني في الدولاب وخرجت منه ملابس كتبييييير بأكياسها والتيكت عليها وبدأت تحكي برده عن كل مجموعه ده لبس صيفي لاول سنه شافها فيها وده اللبس الشتوي وكان اللبس فعلا يلبس عمر 12سنه والمجموعه دي بتاعة تاني سنه ودي التالته ودي الرابعه ودي الخامسه وده فستان أول عيد ميلاد وكان الفستان من التل والجبير ويلبس عمر ال12سنه ولونه من الاوف وايتالملابس كلها كان باين عليها الذوق العالي والرقي وطبعا قيمتها الماديه العاليه
مياده كانت مذهوله هي عمرها ماحلمت حتي ان يكون عندها كل ده وده خلي عيونها تدمع وأبوها واسر لاحظوا ده
الأب:مالك يابنتي انتي بتعيطي
الام:دي تلاقيها دموع الفرحه صح ياميمو
توحه:عاشت الاسامي انتي دلعك ميمو يامياده
اسر:لابجد انت فعلا بتعيطي هو انا ضايقتك اوي كده
توحه وبعد ماجتلها اشاره من رحمه ان العشا جاهز عل السفره حبت تغير الحوار
توحه :يلا يجماعه نتعشي وبعدين نكمل كلام
الاب:أنتي مصممه يرده ياحاجه
اسر :البيت بيتكم ياعمي وعلشان يكون عيش وملح
ونزل للجميع للسفره الطويله اللي كان عليها أشكال وألوان من الاكل
الام:تعبتوا نفسكم والله كده كتير
توحه :ولا كتير ولا حاجه ده كمان مكناش عاملين حسابنا بس ملحوقه المره اللي جايه انا اللي حعمل الاكل بأيدي
وقعد الكل وبداوا في الاكل لكن مياده كانت بتلعب في طبقها وده قلق اسر عليها اكتر ماهو كان بيفكر ان الدموع دي ممكن تكون حزن انه بوظ موضوع العريس التاني وده خلاه علي نار
توحه:ايه بامياده اكلنا مش عاجبك ولا إيه
مياده :لا والله جميل تسلم ايدك بس انا اللي مش ليا نفس.
ووقتها رن موبايل مياده وكانت أسماء صاحبتها مياده وقفت واستأذنت انها تتكلم بره وده قلق آسر ا اكتر ووجع قلبه ليكون العريس لكن مياده قالت لأمها دي أسماء ياماما وأكيد قلقانه عليا وخرجت مياده لبره وكلمت أسماء وحكتلها علي كل اللي حصل
أسماء :طيب وأنتي قلقانه ليه دلوقتي انتي كنتي عاوزه خالد
مياده :خالد ايه ماانتي عارفه اني كنت ناويه اطفشه
أسماء :خلاص صلي استخاره
مياده :ان شاء الله يلا سلام دلوقتي
أسماء :سلام
مياده ماكنتش واخده بالها ان اسر كان معدي وسمع كلامها وهو حاول يداري نفسه بعد ما سمع انها مش عاوزه خالد
اما اهلها كانوا خلصوا عشا وقاموا مع توحه علشان يشربوا الشاي ويكملوا كلام
وقعدوا في صالون تاني وكانت حصلتهم مياده وأسر
الاب:انا دلوقتي ياحاجه عاوز اعرف هو عاوز يعمل ايه بالظبط
توحه:عاوز يكتب كتابه علي مياده والفرح ان شاء الله حيكون قريب
مياده ::طيب وجامعتي
آسر:كملي وأنتي معايا وانا حوفرلك كل الامكانيات اللي حتاجيها للجامعه
الاب:خلاص ماشي ياابني احنا موافقين بس ادينا فرصه نرتب نفسنا
أسر :اللي محتاج ترتبه كله اعتبره حصل
الام:ازاي بس ياابني
توحه:خير البر عاجله ياجماعه
الاب:يعني ايه ياحاجه مش فاهم
توحه:شوف ياابو مياده احنا خلاص انهارده الوقت اتأخر قوي وتقريبا قربنا عل اذان الفجر انتوا تبيتوا معانا انهارده وبكره الصبح ان شاء الله حتكون كل حاجه جهزت ونعمل كتب الكتاب بعد صلاة العشا
الاب:ازاي بس ياناس بالسرعه دي
توحه:ايه رأيك ياام مياده ماتقولي حاجه
أم مياده:خلاص بقي والنبي ياحاج حتي علشان خاطر ابتسامة اسر الحلوه دي
الاب:وانتي يا مياده ايه رأيك
مياده بخجل
:اللي تشوفه يابابا
الاب:يبقي علي خيرة الله
توحه:مبروك يااسر ياحبيبي مبروك يامياده ربنا يسعدكم
واخدتهم توحه ووصلتهم لجناح كبير فيه غرفتين وحمام مستقل علشان يكونوا علي راحتهم
ونزلت توحه لاسر اللي كان دخل مكتبه وبدأ يجهز لكل حاجه بالتليفون.
دخلت توحه المكتب لاسر
توحه :ايه ياحبيبي مش حتنام
اسر :حخلص شوية حاجات علشان بكره وبعدين انام علطول
توحه :ربنا يسعدك ياابني
اسر :بس ايه ده ياتوحه ده انا لازم امسكك ادارة العلاقات العامه انا مش مصدق ان هما اقتنعوا ووافقوا
توحه :علشان يابني اللي بيطلع من القلب بيدخل القلب قبل العقل أبو مياده وافق بقلبه اللي حس انك حتصون بنته الوحيده
اسر :عندك حق والله ياتوحه بس ياقمر انتي لازم تطلبي مني حاجه كبيره اوي انفذهالك
توحه :وانت شايف اني عملت كده علشان حاجه يااسر
اسر:اناعارف والله ياحبيبتي بس انا نفسي افرحك زي مافرحتيني
توحه :بس اللي فرحك مش انا اللي فرحك ام مياده وأبوها لأن لو مشوافقوا ماكنتش حقدر أعمل حاجه
أسر :انتي بس أطلبي هديتك ومالكيش دعوه أنا حعرف ازاي افرحهم هما كمان
توحه :مافيش حاجه تفرح غير زيارة النبي عليه الصلاة والسلام
أسر :خلاص ياسني هاتي الباسبور بتاعك ومن عينيا اول عمره جايه انتي فيها
توحه :خليها بعد جوازك واكون انا واهل مياده
اسر :وانا ومياده معاكم كمان ياستي علشان تبقي بداية خير ان شاء الله
توخه :خلاص اتفقنا أقوم انا انام بقي علشان اعرف الصبح احضر كل حاجه معاك
اسر :ماشي ياحبيبتي تصبحي علي خير
وخرجت توحه واسر كمل اللي كان ابتداه ولما خلص قرر يطلع ينام وفي طريقه لغرفته سمع مياده وأمها وهما بيتكلموا والحديث جذب انتباهه جدا فاضطر يسمع
الام:حنعمل ايه يامياده انتي لازم تجيبي فستان ومافيش وقت
مياده:انا فكرت اكلم اسماء واخد منها فستانها السواريه اللي كانت عملاه علي فرح اخوها انا مره قيسته وكان جميل عليا
الام:خلاص بكره كلميها
مياده :لا انا حكلمها دلوقتي هي بتكون صاحيه علشان صلاة الفجر. وكانت مياده فعلا طلعت موبايلها وبتكلم أسماء
أسماء :ايه يامياده وصلتم
مياده:لأاحنا بايتين عندهم في القصر
أسماء :أوعي تكوني اتجوزتي يابت
مياده :لا ياختي حيكتبوا كتابي بكره
أسماء :الف مبروك يامياده انا فرحتلك اوي
مياده:الله يبارك فيكي ياسمسم بس قوليلي اشمعنا المره دي فرحانه
أسماء :مش عارفه بس قلبي بيقولي ان هو ده اللي يستاهلك
مياده :بجد يأسماء لوشوفتي هوبيحبني قد ايه مش حتصدقي
أسماء :ربنا يسعدك ياحبيبتي
مياده:المهم يابت كنتي حتنسيني انا طالبه منك طلب
أسماء :تحت أمرك ياميمو
مياده :عاوزه فستانك السواريه أحضر بيه بكره
اسماء:من عينيا اول ماتوصلي حيكون عندك
مياده:شكرا ياسمسم ماهو ده العشم برده
أسماء ماشي ياختي يلا نامي علشان وشك يبقي شكله حلو
مياده:ماشي تصبحي علي خير
اسماء :وانتي من اهل الخبر
الام:ايه طمنيني
مياده :خلاص اول مانروح حتجيبه
وطبعا آسر كان سامع الحوار كله وعلي قد مافرح بكلام مياده عنه وعن حبه ليها علي قد مااتوجع اوي علشان هو اللي استعجلهم وخلاها تقلق هي ومامتها وراح علي غرفة الاميرات ونقي فستان سواريه رائع وتقريبا ده كان اخر فستان جابهولها وحضره علشان الصبح تقيسه وخرج راح عل غرفته ونام من كتر الارهاق والشد العصبي طول اليوم
نام الجميع حتي الصباح ولما صحيوا كانت توحه حضرت الفطار والكل نزل واتجمعوا علي السفره بعد محايله من توحه علي اهل مياده اللي كانوا عاوزين يمشوا من غير فطار
وعلي السفره
اسر :بعد اذنك ياعمي محتاج حضرتك تفتح البت عندكم علشان في ناس من الاوتيل حييجوا يحضروا البوفيه للحفله
الام:وايه لزوم التكلفه دي
اسر:انا قولتلكم اني حرتب كل حاجه ودي اقل حاجه اعوض بيها مياده عن الحفله اللي تليق بيهافعلا.
الاب:خلاص ياابني حتوكل علي الله انا بقي يلا بينا ياام مياده
اسر:بعد اذنك ياعمي ماما ومياده حيفضلوا معانا حنروح نجيب الشبكه وبعدها حوصلهم علي البيت
الام:مش لازم انهارده شبكه خليها اي وقت
توحه :وده ينفع ياأم مياده
الاب :خلاص ماشي ياابني حمشي انا
قام اسر وخرج يوصل حماه وبعت معاه عربيه بسواق علشان تكون معاه طول اليوم لو احتاج حاجه
وبعد مارجع طلب من توحه تجيب الفستان من فوق لمياده
توحه نادت علي رحمه وخلتها جابت الفستان اللي اول ماشفته مياده مااقدرتش تمسك نفسها من انها تتكلم
مياده:الله ده جميل اوي ده علشاني انا
اسر:عجبك بجد
الام:ده روعه ياابني
اسر:ولو اني ظلمتك بس حعوضهالك
مياده:ظلمتني في ايه
اسر:لان الفستان ده انا ماكنتش جايبه علشان كتب كتابك ده كان علشان حفله عاديه كانت عملاها الشركه لاتمام صفقه مهمه
الام:وهو انت كنت بتجيب فساتين للحفلات اللي مش بتحضرها معاك كمان
توحه:طبعا يا حبيبتي حقولك ايه بس ده كان بيجيب حاجه من كل بلد بيروحها علشان يحس كانها معاه
اسر:نش حتقيسي الفستان لربما يكون فيه حاجه عاوزه تتظبط
الام:اطلعي يامياده قيسيه وانزلي ورينا
ولسه مياده حتشيل الفستان وسمعت صوت اسر وهو بينده علي رحمه بزعيق فزعها
اسر:رحمممممممه
رحمه:امرك ياباشا
اسر:انتي حتسيبي الهانم تشيل الفستان اطلعي معاها وساعديها
رحمه وكانت شالت الفستان :حاضر ياافندم
مياده استغربت معقول ده اسر اللي مش بيتكلم من امبارح ورجعت تاني فكرت ومش معقول ليه ده ضرب خالد بوكس جاب دم من وشه.
رحمه:اتفضلي ياهانم
مياده:انا اسمي مياده ولو سمحتي مش تقوليلي هانم تاني
رحمه هزت را سها بموافقه لكنها تخاف تعمل كده من آسر
مياده قاست الفستان ووقفت قدام المرايا تشوف نفسها ولقت ان الفستان تحفه عليها
رفعت شعرها لفوق بحركه عشوائية فنزل منه خصلات عل وشها ورقبتها زادوها جمالا رحمه من اول ماشافتها وهي اللي نازل عليها بسم الله ماشاء الله وتكررها. نزلت مياده علي السلام ورحمه رافعه ذيل الفستان علشان تعرف تتحرك والفستان كان من قماش الساتن ومرصع بالفصوص بطريقه عشواءيه مملوء بها الفستان ولونه نحاسي يشبه في قصته ذيل السمكه كانت مياده تشبه عروسة البحور
واول ماشافوها امها وتوخه وهما عمالين يقولوا اللله اكبر ماشاء الله لكن امها مش قادره تمسك نفسها وقعدت نزغرد اما اسر فكان ساكت وعيون مياده عليه علشان تشوف فيها اعجاب لكن ماكانش باين عليه حاجه خالص
توحه حست بمياده فقالت لاسر ايه رايك ياحبيبي في القمر ده
الام:يمكن غير رأيه وضحكت
اسر:لا طبعا اغير رأي في مين بس انا كده خايف عليها من عيون الناس الام:عندك حق والله ربنا يستر ويعديها علي خير
توحه كانت فاهمه ان اسر مش خايف عليها من الحسد زي ماامها فهمت ولكنه خايف من بصات الناس عليها هو حتي مش بيحب حد يبصلها وعلشان تخفف التوتر الللي ممكن يحصل قالت لمياده يلا ياحبيبتي غيري لبسك علشان نلحق نمشي.
غيرت مياده لبسها ونزلت خرجوا وركبوا العربيه مع اسر راحوا عند الجواهرجي وكان اسر عامل مفاجاه لحماته وتوحه ومحضر لكل واحده منهن هديه قيمه أما مياده فالجواهرجي وراها مجموعة أطقم من الماس لكنها اختارت ابسطهم ويمكن يكون اقلهم تمن وده ماارضاش اسر وجابلها طقم كمان وركبوا العربيات علشان يوصلهم البيت وبلغ مياده ان في ناس هو باعتهم من البيوتي سنتر علشانها .وكانوا وصلوا عند البيت وطلعوا كلهم .
↚طلع اسر مياده وأمها وعاهم توحه لبيت مياده وأول مادخلوا الشقه لقوها تقريبا فاضيه مش شايفين غير طرابيزه كبيره مجهزه انها تكون بوفيه رحبت الام بيهم ودخلتهم لغرفه الصالون يقعدوا فيها وأستأذنت مياده منهم
مياده :بعد اذنكم حدخل غرفتي ادخل الفستان
الجميع :اتفضلي
الام:يااهلا بيكم تشربوا ايه
توحه:انا حشرب شاي
اسر :ممكن قهوه ياماما
الام:حاضر من عينيا
ذهبت الام لتحضير المشروبات وتركتهم في ضيافة الأب
الاب :انت كده كلفت نفسك ياأسر ياحبيبي
اسر:لا دي اقل حاجه
توحه:اسر كان ممكن يعمل الحفله في القصر أو في احسن اوتيل كمان بس كده أحسن ياحاج علشان الاشهار
كانت وصلت الام وقدمت الشاي والقهوه
الام:أيوه طبعا خصوصا بعد اللي حصل امبارح انا مش ضامنه مرات حسين وبنته يقولوا اين بعد رفض ابنهم
آسر :مياده بعد كام ساعه حتكون مراتي والللي يفكر يجيب سيرتها حيواجهني انا شخصيا
توحه:يبقي فعلا كده احسن
الاب:لاياجماعه مش تقلقوا حسين راجل محترم ومش حيقبل بكده
مياده اول مادخلت غرفتها كلمت أسماء صاحبتها
اسماء :ايه ياميمو وصلتم انا شيفاكم من البلكونه
مياده:ولما انتي شيفانا بتسألي ليه يلا تعالي بسرعه محتجالك يابارده
أسماء :ماشي يلا سلام
خرجت ‘ياده قعدت معاهم شويه وبعدها وصلت صابتها دخلت أسماء سلمت علي الجميع واخدت مياده وراحو غرفتها
مياده بتحضن صاحبتها وبعدها فدت دراعتها وفضلت لف في الغرفه كأنها طايره في الهوا
مياده :اضربيني اقرصيني عضيني انا اكيد بحلم وحفوق من الحلم وبقت تقول فرحانه فرحانه فرحاااااااااانه وصوتها علي فجأه لدرجه ان اهلها واسر وتوحه سمعوه وأمها قامت تجري علي الغرفه فتحتها ودخلت فمياده وهي لسه بتلف خبطت في امها
الام :في ايه يابنتي مالك
مياده:ولا حاجه ياماما بكلم أسماء في حاجه
الأم:لا مافيش كلميها ياختي
وخرجت الأم وسابت البنات لوحدهم
مياده :اضربين يابت هو ده حقيقه
أيسماء :لو علي الضرب سهله تعالي هنا
وفضلوا البنات يضحكوا
ووصلت صحباتها التانييين مي وتقي
مي :مبروك يامياده الف مبروك بس بقولك ايه هو الموزز اللي بره ده مالوش صحاب
مياده :لمي لسانك وعينك يابت منك ليها
تقي:انتي بتغيري يابيضه
مي:يعني له صحاب ولالأ وعملت اللي انا عملاه ده علي الفاضي
مياده: والله مااعرف.
وصل الكوافيره والماكيره من مركز التجميل ووصلتهم الام لغرفة مياده وقالتلها تخرج علشان اسر ماشي
خرجت مياده سلمت عليه
اسر :انا حرجع البيت اجهز وارجع علي المغرب ان شاء الله يلا بينا ياتوحه
توحه:لا ياحبيبي روح انت انا متفقه مع ام مياده حفضل معاها علشان الجهيزات
اسر:ايه ياتوحه بعتيني من اول يوم كده
الام:كده برده يااسر سيبهالنا شويه معلش
توحه:انا مااقدرش ابيعك ياحبيبي بس لازم حد يفضل هنا علشان ام مياده حتكون مشغوله مع العروسه ولازم حد يتابع مع الناس انت عارف
اسر:عندك حق وودعهم ومشي
مياده رجعت علشان تبدأ التحضير وباوا يعملولها الماسكات والشعر والمانكيير والباديكير
الماكيره والكوافيره كانوا مبهوريين بجمال مياده وشعرها وبشرتها وقالولها انها مش محتاجه شغل كتير
وخلصوا شغلهم وخرجت أسماء تنادي اهل مياده وتوحه اللي كانت اتصاحبت علي البنات جدا اول ماشافوا مياده بالفستان والمكياج والتسريحه وكانت بجد رائعة الجمال
الام:ماشاء الله
توحه :تبارك الخلاق فيما خلق
الاب:كبرتي ياميمو واخدها في حضنه
والكل كان بزغرد ووصل الضيوف والمأذون واصحاب اسر من ايام الجامعه حوالي 3
وتم كتب الكتاب بعد مااسر كان شاف مياده وانبهر بيها جدا والناس كلها كمان كانت مبهوره من جمالها وجمال عريسها والحفله وكل حاجه كانت مظبوطه أويوبعد كتب الكتاب طلب اسر من والد مياده انه ياخد مياده ويخرجوا يتعشوا بره ووافق الاب
نزل اسر ومياده وركبوا العربيه ووصلوا عند احدي الفنادق الخمس نجوم وكان اسر حاجز القاعه كامله ليه هو ومياده بس وكان موجود بيها الفرقه الكلاسيكيه علشان يتعشوا علي انغام الموسيقي
اجلس اسر مياده
اسر:مبروك ياحبيبتي
مياده:ميرسي ومبروك ليك انت كمان
اسر:طبعا مبروك ليا انا عمري ماكنت اتوقع ان كل حاجه تحصل بالسرعه دي مياده:طيب ادعي لخالد بقي
اسربغضب:خالد مين
مياده:ابن عم حسين
اسر :لوسمحتي انسي خلاص كل اللي حصل وفكري دلوقتي انك معايا ومراتي
مياده:انا اسفه اني ضايقتك
اسر :لا ياحبيبي مافيش حاجه
مياده:بس انت زعلت ليه
اسر:مجرد انك تكوني فاكره أسمه ده ضايقني
مياده :خلاص مش تزعل مني انا ماينفعش ازعلك
اسر:ليه ماينفعش تزعليني
مياده:انت عملت كل حاجه علشان تفرحني وأنا ازعلك
اسر بمراوغه:بس كده
مياده ببراءه:لو في حاجه تانيه قولي عليها
اسر وهو بيضحك:يعني ممكن علشان حبيبك اوجوزك مثلا
مياده :خلاص بقي ممكن مش تكسفني اكتر من كده لاني والله ممكن اعيط
اسر شاف وشها اللي كان حينفجر من كتر االاحمرار وقالها خلاص حاضر ياستي
وبعد ماخلصوا عشا اخدها اسر وركبها العربيه وساعدها تدخل بالفستان وبدأوا طريقهم
اسر:زمان عمي بيقول اسر خطف بنتنا
مياده :ممكن واللله لان بابابا بيخاف عليا اوي وزياده عن اللزوم كمان
اسر:عنده حق ياحبيبي في حد مش يخاف علي القمر ده يعيني عليكي ياميمو بقي عندك اسر وبابا بيخافوا عليكي
مياده: انت كمان من النوع القلوق زي بابا
اسر:انا اكتر من بابا كمان وخصوصا عليكي انتي
وتقريبا كانوا وصلوا طلع اسر مع مياده وصلها واستأذن اهلها انه يمشي
ودعه الاب والام ومياده وقبل مايمشي افتكر انه مش معاه رقمها فأخده منها سجله وعطاها رقمه ومشي .
دخلت مياده غرفتها وامها ساعدتها في تغيير الفستان ورجع اسر للقصر وكانت طبعا توحه نامت من بدري دخل غرفته واستعد للنوم بعد يوم مرهق للجميع وكانت مياده كمان بتستعد للنوم ونام الجميع استعدادا لصباح جديد.........
↚عدي الليل علي جميع ابطالنا وكأنه حلم من كتر تعبهم وجاء الصباح بنوره.
عند آسر صحي من نومه واخد الشاور بتاعه وأتوضا وادي صلاته واول حاجه طبعا لازم يعملها انه يكلم مياده
مياده :الو
اسر:صباح الخير ياحبيبي
مياده:صباح النور
اسر :ايه ده ومافيش حبيبي
مياده:مش عارفه أقول ايه
اسر:ليه يامياده انا مش حبيبك
مياده :مش قاصدي بس مكسوفه
اسر:أموت في حبيبي وهو مكسوف
مياده:انت اجازه انهارده
اسر:طبعا ينفع مااخرجش انا وحبيبي
مياده:بجد حنخرج
اسر:أيوه عازمك علي الغدا
مياده :خلاص حقول لبابا
اسر:لايا حبيبي عيب لازم انا اللي اكلمه
مياده:ماشي
اسر:يلا اجهزي بقي
مياده:اوكي سلام
اسر :سلام
وكلم اسر حماه واستأذنه في الخروج ونزل علشان يشوف توحه ويشرب قهوته
توحه:صباح الفل ياعريس
اسر:صباح النور ياقمر
توحه:حبيبي مزاجه رايق
اسر:عوزاني يبقي معايا القمر ومبقاش في احسن حالاتي
توحه :ربنا يسعدكم بقولك ايه ياحبيبي هو مش المفروض نبعت حاجة مياده اللي هنا
اسر:خليها بكره ان شاء الله لان لازم انا اللي اوديها وانا انهارده حخرجها
توحه:معاك حق معلش فاتتني دي
اسر:ولايهمك ياتوحه يلا بقي علشان الحق اعدي عليها نتفسح شويه وبعدين نتغدي
توحه:بالسلامه ياحبيبي سلملي عليها
خرج اسر وركب عربيته اللي طبعا بالسواق وكان وراه عربية الحراسه وقبل مايوصل عند مياده طلب منها تنزل علشان مستنيها تحت
نزلت مياده وركبت معاه وسلمت عليه وهو فضل ماسك ايديها وهي كان وشها احمر من الكسوف وعو مستمتع جدا بكسوفها اللي لاحظه من أول ماسلم عليها
اسر:حتفضلي ساكته كده
مياده :لاعادي
اسر:مش حتقوليلي علي السر اللي ماما كانت حتقوله يوم ماشوفتي العربيه المكشوفه وانتي منعتيها
مياده:مش حقول طبعا
اسر:قولي انتي لاني حعرف حعرف
مياده:انت مصمم ليه
اسر: علشان سر يخصك وانا لازم اعرف كل حاجه عنك
مياده:خلاص حقولك بس مش تضحك عليا
اسر:لا مش حضحك اوعدك
مياده:اصل ياسيدي طول عمري كان نفسي اركب عربيه مكشوفه واطير شعري في الهوا زي مني زكي مع السقا في الفيلم
اسر:هههههههه بس كده
مياده:انت وعدتني مش حتضحك انا غلطانه اني قولتلك
أسرفضل يضحك مش علي حلم مياده لكن علي طفولتها وبراءتها
وصلوا عندمول من المولات الكبيره ونزل علاء بالعربيه للجراج نزل اسر ومياده وركبوا الاسانسير وطلعوا الدور الاول بالمول اللي كان فيه اكبر محلات الابس والبرفانات. دخل اسر محل كبير لبيع المكياج والبرفانات وسأل مياده عن النوع اللي بتحبه في بس مياده اتكسفت جدا لانها ماكنتش تعرف الانواع الموجوده لانها غاليه جدا حس اسر انه احرجها فحب يضيع احراجه ليها واخدها من ايديها وسط ترحيب من مير المحل والعاملين لان اسر من الزباين التقال المعروفين عندهم وكان اسر بيعرفهم عليها بكل فخر وحبوهما رحبوا بيها جدا بعد ماعرفوا انها مراته زي مابيقول و بدأ يفرجها مجموعات من البرفانات الرجالي ويقولها اختاري ليا اللي يعجبك بس مياده اتكلمت بتلقاءيه وقالتله انها بتحب البرفان بتاعه
اسر:اخيرا ابو الهول نطق
مياده:مين ابو الهول مش فاهمه
اسر:انتي ياحبيبتي ابو الهول اخيرا قولتي ان في حاجه فيا عجباكي
مياده افتكرت هي قالت ايه واتكسفت جدا
اسر اخدها وفرجها مجموعه من البرفانات الحريمي بمساعة احي العاملات بالمحل وقالها حختار انا ايه رأيك وطبعا مياده وافقت المهم اشتروا كام ازازة برفان ليهم هما الاتنين وخرجوا من المحل راحوا يتغدوا وبعد ماطلبوا الاكل
اسر:تعرفي اني مااكلتش حاجه من امبارح
مياده:وانا كمان شربت نسكافيه بس الصبح
اسر بغضب:ازاي يعني تعملي كده اخر مره مش تهتمي بأكلك انتي مش شايفه انتي ضعيفه ازاي مياده :ماانت كمان مش اكلت
اسر:انا متعود علي كده لكن انتي لأ وبعدين انا راجل اقدر اتحمل لكن انتي بسكوته
مياده:حاضر
اسر:قمر حبيبي وهو بيسمع كلامي
خلصوا غدا وقاموا اتمشوا شويه بالعربيه ووصلها للبيت ورجع هو لبيته علشان يقدر يخلص شوية شغل اخد وقت طويل في شغله وبعدها طاع علي غرفته علشان يكلم مياده لكن لقي تليفونها في وضع الانتظار طبعا كان حيتجنن وقعد يحاول مره تانيه وهي وقتها ردت عليه
اسر:تلفونك كان ويتنج ليه
مياده:وعليكم السلام ورحمة الله وبركاته
اسر:وعليكم السلام بس برده كنتي بتكلمي مين
مياده:كنت بكلم اسماء صاحبتي والله
اسر:ماشي انا قولت اقولك تصبحي علي خير قبل ماانام
مياده:وانت من اهله بس حتنام بدري كده
اسر:علشان عندي اجتماع مهم بكره بدري
مياده حست ان اسر بيكلمها بالعافيه وشكله زعل لما لقاها ويتنج بس ماكنتش عارفه تعمل ايه
اسر:يلا سلام
مياده:سلام
قفلوا التليفون بس اسر كان حاسسس ان مياده مهتمه بصحباتها جدا وده كان بالنسبه لاسر مشكله كبيره حنعرف سببها مع الاحاث
اما مياده ماكنتش عارفه تعمل ايه علشان اسر مش يزعل منها
ونام الاتنين علشان ييجي الصبح بمفاجأت......
↚جاء الصباح وصحي اسر في ميعادهوأدي صلاته وذهبالي شركته دون ان يري توحه التي كانت مازالت مستغرقه في النوم.
وصل مقر شركاته وبدأ في اجتماعه ومواصلة يومه الطبيعي وكان لايريد الاتصال بميادهعلشان تستريح ومش تصحي من نومها
أما عند مياده فصحيت متأخره علي تليفون أسماء صاحبتها
اسماء:ايه ياعروسه انتي لسه نايمه
مياده:بس يابت انتي عاوزه ايه سيبيني أنام شويه
أسماء:أسيبك ايه انتي ناسيه ان احنا خارجيين
مياده:لا انا مش قادره خليكم بكره علشان خاطري
اسماءلاستفزاز مياده:اه انا قولت برده حتتغيري علينا وتتعوجي عموما براحتك
مياده:كده يااسماء انا كده
أسماء :يبقي تيجي معانا علشان تثبتي انك لسه ميمو اختنا وصاحبتنا مش مياده هانم حرم اسر باشا
مياده:أنا عارفه انك بتستفزيني بس مش حعبرك برده
أسماء :وحياتي ياميمو تعالي معانا انا ماصدقت بابا وافق والبنات كمان بيلبسوا دول ممكن يقتلوكي
مياده:خلاصاديني نصايه كده حلبس وانزلكم
أسماء:في انتظارك ياجميل
وقفلت التليفون مياده وخرجت من غرفتها اخدت شاور ودورت علي مامتها
مياده:مامتي يامامتي انتي فين
الام :انا في المطبخ ياميمو تعالي
مياده:صباح الفل ياحبيبتي
الام:صباح النور ياعروسه
مياده:ماما انتي عارفه ان انا والبنات كنا متفقين نخرج انهارده وطبعا اللي حصل ماكنش في حسابتنا خالص
الام:وعاوزه ايه دلوقتي هاتي من الاخر
مياده:حخرج معاهم طبعا انا انا كنت مستأذنه من بابا
الام:طيب واسر قولتيله
مياده:لأ مش قولتله وأقول ليه
الام:هو ايه اللي ليه فوقي يابنتي انتي بقيتي مراته
مياده:بس هو اكيد مش حيمانع وبعدين دول صحابي يعني
الام:لازم تقوليله
مياده:لا ياماما انا متعودتش اقول لحد غير بابا وانتي
الام:عيب كده يامياده افرضي عرف وزعل منك
مياده:خلاص بقي خلي بابا يقوله
الام:مش حينفع يامياده لازم انتي اللي تقوليله
مياده:ماما انا حنزل وشويه حكلمه لانه زمانه نايم
الام:والله ياحبيبتي كده حتزعليه وهو بيحبك اكبري بقي يامياده
مياده:خلاص بقي ياماما بلاش تخوفييني
الام:خلاص ياميمو انزلي بس لازم تكلميه
ونزلت مياده لصحباتها واتجمعوا وخرجوا
مي:كنتي جميله ياميمو
مياده:بس يابت انا طول عمري جميله
تقي:ايه ياحاجه انتي حتتغري
اسماء :تتغر علي مين ده احنا نقطعوها
مياده:لا انا اقدر ده انتوا حبابيبي بس بجد بقي في حاجه عاوزه احكيلكم عليها وحكتلهم مياده علي كلام امها وانها مش كلمت اسر وقالتله علي خروجتهم
اسماء :لا طبعا طنط صح ده جوزك ولازم تستأذنيه مش بس تديله خبر يلا اتصلي بيه فورا
يياده:مش يمكن يكون نايم
تقي:حتي لو نايم حيلاقي الميسد كوول منك واهو تقدري تقولي انك اتصلتي
مي:صح كده ياميمو وربنا يستر مش يزعل منك
مياده:خلاص بقي حتصل بيه اهو ومسكت تليفونها واتصلت باسر فكنسل عليها وطلبها هو
اسر:صباح الخير ياحبيبي لسه صاحيه ولا ايه
مياده:لا صحيت من بدري
اسر:وايه الدوشه اللي حواليكي دي
مياده:اصل انا بكلمك علشان اقولك اني خرجت مع صحباتي بصراحه احنا كنا متواعدين من قبل اللي حصل وخرجنا انهارده
اسر:يعني انتي خرجتي يامياده
مياده بكدب:مش خرجت بعيد انا تحت البيت علشان مش كان عندي رصيد ونزلت اشحن واكلمك
اسر بغضب:سوءال ياياده انتي نزلتي من البيت وخرجتي مع اصحابك
مياده:بصراحه ايوه نزلت علشان اكلمك واتجمعناوبكلمك قبل مانخرج
اسر:لا كتر خيرك بجد تعبتي نفسك
مياده:هو انا ليه حاسه انك بتتريق علي كلامي
اسر:علشان هو كده فعلا مش احساس سلام يا مياده وقفل الخط معاها
مياده وقفت مذهوله من رد فعله وصحباتها متنخين عاوزين يعرفوا ايه اللي حصل مياده حكيتلهم اللي حصل
اسماء :شوفتي قولتلك حيزعل وانك غلطانه
مي:ارجعي يامياده البيت وكلميه اعتذريله وماتخربيش علي نفسك
تقي :يلابينا كلنا نرجع ونأجلها يوم تاني
البنات :ايوه يلا يامياده
مياده رجعت البيت لقت ابوها وامها قاعدين واول ماشافوها فهموا ان في حاجه حصلت
الاب:رجعتي ليه يامياده
حكت مياده اللي حصل مع اسر
الام:انا قولتلك حيزعل
الاب: انتي غلطي يامياده
مياده وهي بتعيط:انا مش عملت حاجه غلط انا مستأذنه منك
الاب:بس كان لازم تقولي لاسر
مياده كانت بتعيط جامد ومنهاره وهي بتقول:انا مش عارفه ايه االي بيحصلي انا فجاه عرفت ان في حد بيحبني وكمان حد بيراقبني وبعدها فرح وكتب كتاب ودلوقتي راجل بتقولولي ده جوزك كل حاجه حصلت بسرعه وانا حتي مش قادره استوعب كل ده وهي بتتكلم وقعت علي الارض مغمي عليها
الام:الحقني يامحمد بنتي حتروح مني
الاب شالها وحطها علي سريرها ونزل يجري يجيب الدكتور من البيت اللي قدامهم وشافه ايهاب وهو بيجري وملهوف وعرض عليه المساعده فأبو مياده قاله ان بنته تعبانه جدا
ايهاب اتصل باسر وبلغه علطول طبعا
اسر:خليك معاه يا ايهاب وانا جاي
ايه اللي حيحصل لما اسر ييجي والدكتور حيقول ايه حنعرف في الجزء التاني من الحلقه
↚وصل اسر الي بيت مياده بعد ماكان الدكتور كشف عليها وماشي كان ابوها بيفتح باب شقته لخروج الدكتور ولقي اسر قدامه
الدكتور :هي عندها ضغط عصبي شديد وانا عطيتها حقنه مهدءه شويه وحتفوق منها لكن بلاش تتحرك من السرير انهارده علي الاقل علشان تأثير المهديء
الاب:متشكر جدا يادكتور تعبك معايا
الدكتور:لا ابدا تحت امرك في اي وقت
اسر:يعني هي مش محتاجه تروح مستشفي
الدكتور :لا مالهوش لزوم انا عملت الازم بس لو حضرتك مصمم براحتك. ومشي الدكتور
الاب:اتفضل ياابني ادخل
اسر:معلش ياعمي انا جيت من غير معاد بس ايهاب بلغني ان حضرتك كنت بتدور علي دكتور لمياده مقدرتش استني
الاب:البيت بيتك ياحبيبي واي وقت تيجي من غير استأذان
اسر:كتر خيرك ياعمي انا عاوز اطمن عليها ممكن
الاب:دي مراتك ياحبيبي وده حقك بس بعد ماتطمن عليها انا عاوز اتكلم معاك شويه
اسر:حاضر بس اشوفها الاول
نده الأب علي مراته علشان تاخد اسر يشوف بنتها
الام:ازيك يااسر ياحبيبي شوفت اللي جري لمياده
اسر دخل يشوف مياده ولقاها في دنيا تانيه والدموع علي خدها
اسر:هي ماخرجتش مع صحابها ليه ياماما
الام:لما كلمتك وحست انك زعلت رجعت تاني
اسر:يعني اللي هي فيه ده بسببي انا
الام:ماتشيلش نفسك الذنب هي غلطت برده
اسر قرب من مياده وفضل يمسح دموعها بأيده ويملس علي شعرها. امها لما لقته كده حبت ماتخرجهوش وطلعت بره
اسر:مياده حبيبتي اصحي انا اسف والله ماكنش قصدي انتي عارفه انك عمري وحياتي انا كل خوفي تروحي مني انا يامياده عشت من غير ام علشان حبت صحابها وحياتها اكتر مني ربنا عاقبها وبعتلها مرض وماتت علشان اهملت ابنها الوحيد وسبته لتوحه تربيه انا مش عاوزك تسيبيني يامياده عارف اني زعلتك بس والله حعوضك عن اي حاجه قومي انتي بس وانا حفرحك علي قد مااقدر. اسر قال كل ده وهو عارف ان مياده مش سمعاه لكن حس انه ارتاح وكأنه عطاها سبب لخوفه عليها. خرج من الغرفه وهو قلقان من طلب حماه الكلام معاه بالجديه دي. ووصل لغرفة الصالون اللي كان فيها أبو مياده وأمها.
الام:لسه مش فاقت برده
اسر:لا لسه اعتقد ان قدامها شويه
الام:حروح اطمن عليها تشرب ايه ياحبيبي
اسر:مش عاوز حاجه ياما ما متشكر والله
الام:حجيبلك عصير انت تلاقيك اتخضيت لما عرفت
اسر:والله ياماما معاكي حق
مشت الام وجابت العصير قدمته وراحت تطمن عل مياده
اسر:خير ياعمي حضرتك كنت عاوزني في حاجه
الاب:شوف ياابني انا عارف ان بنتي غلطانه وانك معملتش غير اللي اي راجل ممكن يعمله وأقل كمان بس حقولك علي حاجه مياده لسه صغيره وأنا طول عمري قافل عليها في كل حاجه حتي صحباتها انا اللي كنت بختارهم وهي لما اخدت الثانويه العامه فكرت انها كبرت وحتدخل الجامعه وحيكون ليها حياه جديده بس اتفاجءت انك بتحبها وانها بقت مراتك في 24ساعه وان لما تدخل الجامعه حتكون اتجوزت مسؤوله من راجل غير ابوها كل ده كان بسرعه اوي عقل وقلب مياده ماقدرش يستحمل سرعة الأحداث دي وخصوصا لما انت زعلت منها وقفلت التليفون الراجل اللي كان امبارح حنين عليها انهارده بيعاقبها علشان كده تعبت وهي نفسها قالت كده قبل مايغمي عليها
اسر:مياده قالت كده يعني هي كرهتني خلاص
الاب:لا ياابني هي بس قالت اللي لخبطها وخلاها تغلط وهي عمرها ماغلطت في حق حد. جت ام مياده وقالت لاسر مياده فاقت ولما عرفت اناك هنا عاوزه تشوفك
اسر :بعد اذنك ياعمي
الاب:اتفضل ياحبيبي بس بالراحه عليها
هز اسر راسه بالموافقه وراح لمياده لقاهاه نايمه زي ماهي بس فتحت عيونها لكن مش قادره تقوم تقعد حتي
اسر:حبيبي كده تخضيني عليكي
مياده:انا اسفه مش كنت قصدي ازعلك مني
اسر:بس انا مش زعلان منك ومقدرش ازعل من حب عمري
مياده:بس انت قفلت السكه في وشي
اسر:خلاص ميبقاش قلبك اسود بقي اتنرفزت شويه وانا اهو جاي بصالحك
مياده:مش قاصدي والله انا بس بقولك يعني
اسر:قوليلي ياستي كنتوا حتروحوا فين انتي وأصحابك
مياده:كنا حنتغدي بره وندخل سينما
اسر:خلاص قومي انتي بالسلامه وانا ححضرلك خروجه معاهم حتعجبك اوي
مياده:بجد حتسيبني أخرج معاهم
اسر:أيوه طبعا ياحبيبي مش ححبسك والله بس أكون عارف علشان اكون مطمن عليكي
مياده:حاضر وربنا يخليك ليا
اسر:ويخليكي ليا وجنبي يانور عيوني ويلا حسيبك تنامي وترتاحي وانا حمشي ارجع شغلي ولما ارجع البيت حكلمك
مياده:مش حعطلك مع اني كنت عوزاك تقعد معايا شويه
اسر:معلش ياحبيبي بس انا سيبت الشركه وجيت بسرعه ولازم اظبط شوية حاجات
مياده :خلاص ماشي المره دي بس
اسر:يلا نامي سلام
مياده:سلام
وخرج اسر وسلم علي اهل مياده ورجع علي شركته خلص كل الشغل المتعطل ولقي انه مع خوفه علي مياده مشي من المكتب وكان سايب الخزنه مفتوحه بس راجع اوراقه وحجاته المهمه اللي فيها لقاها مظبوطه قفل مكتبه ووطلع بلغ سكرتيرته انه ماشي
رجع اسر علي البيت ولقي توحه في انتظاره. توحه كانت عارفه اللي حصل من أم مياده بس عملت نفسها ماتعرفش حاجه
اسر:سلام عليكم
توحه :وعليكم السلام ورحمة الله وبركاته حمد الله علي السلامه ياحبيبي كده برده مش تصحيني الصبح تخرج من غير مااشوفك
اسر:انا ماردتش اصحيكي بس تقريبا دعواتك هي اللي بتعد معايا اليوم علي خير وبعد كده حصحيكي
توحه:ليه خير ياحبيبي حصل ايه
حكالها اسر علي اللي حصل مع مياده
توحه:ياخبر طيب وهي عامله ايه دلوقتي
اسر:انا سيبتها تعبانه شويه من المهديء
توحه:لازم بكره ان شاء الله اروح اطمن عليها
اسر :خلاص بكره بعد الشغل ان شاء الله اعدي هنا اخدك ونروحلها
توحه:احضرلك العشا ياحبيبي
اسر:لا مش ليا نفس دلوقتي حطلع اخد شاور واغير لبسي وانزل تاني
توحه:علي راحتك ياحبيبي انا مستنياك
طلع اسر لغرفته اخد الشاور بتاعه وغير لبسه وصلي العشاء واتصل بمياده
عند مياده بقي كان تليفونها بيرن وامها لقته آسر
الام:مياده يامياده موبايلك بيرن
مياده :ردي ياماما انا تعبانه
الام:ده اسر خدي ردي
مياده:ألو
اسر:صحيتك ياحبيبي من النوم
مياده :لاصاحيه بس حاسه ان دماغي تقيله ومش قادره أقوم من السرير
آ سر:سلامتك ياقلبي
مياده:الله يسلمك
اسر:حبيبي اتعشي ولا لسه
مياده:لأ مش ليا نفس خالص
اسر:لوسمحتي نادي علي ماما وخليها تجيبلك العشا حالا
مياده:بجد مش قادره
آسر بنرفزه:هو ليه كلامي مش بيتسمع من غير كلام كتير
مياده :خلاص حاضر بس بعد مااقفل معاك علشان ماليش نفس لاكل البيت حطلب سندويتش من ماكدونالدز
اسر:خلاص اقفلي وماتطلبيش حاجه انا حبعتلك العشا
مياده:لأ انا مش باكل اي اكل لما اكون تعبانه غير منه
اسر:ماشي ياحبيبتي ماانا حبعتلك من عنده
مياده:لا معلش مش حينفع بابا حيزعقلي
اسر:مياده ياحبيبتي متعصبنيش ارجوكي انتي مراتي ومسوءوله مني
مياده:خلاص اللي تشوفه بس لو بابا زعقلي وأنا تعبانه حتكون انت السبب
اسر:ماشي ياطفله يلا سلام
مياده:سلام بس انا مش طفله علي فكره
اسر:ماشي يا حبيبتي وروحي وعمري
قفل اسر الخط وطلب ماكدونالدز وبعتلها اكل يكفي حفله اتفاجيء بيه اهلها لكن الموضوع كان عادي بالنسبه ليهم اتعودوا علي مفاجأت آسر
نزل اسر اتعشي مع توحه ودخل مكتبه شويه تابع شغله وبعدها طلع نام
وعدي الليل علي الجميع في سكون والكل نايم مرتاح وبعد ساعات نزلت الشمس اشعتها لتعلن معاد الصحيان للجميع
نزل اسر من غرفته ولقي توحه محضراله الفطار
اسر:صباح الخير ياتوحه
توحه:صباح الورد ياعيون توحه
اسر:حلوه عيون توحه دي لسه قايلها لميمو في التليفون بالليل شكلي متعلمها منك
توحه:قايلها انها عيوني صحيح ماهي عيوني وقلبي كمان
اسر:لا طبعا عيوني وقلبي انا انت حتنافسيني ياتوحه ولا ايه
وضحك التنين واسر كان خلص فطار ومشي راح علي شغله
وصل اسر مبني شركاته ودخل علي مكتبه كلم سكرتيرته وأسمها "مرام "
اسر:تعالي يامرام ولو في اوراق هاتيها أمضيهالك
مرام:أمرك ياافندم
ودخلت مرام لاسر
آسر :عندنا ايه انهارده
مرام:عند حضرتك اجتماع ممع مديرين الشركات وبعدها جوله في مصنع الحديد علشان شكاوي العمال واضرابهم
اسر:شكرا يامرام اتفضلي انتي بلغيهم اني جاهز وابعتيلي قهوتي لوسمحتي
مرام :حاضر ياافندم
خرجت مرام وبعتت القهوه لاسر اللي كان لسه حيشرب قهوته بس سمع صوت مرام عالي ويتزعق لحد قام وفتح باب مكتبه وهي لسه بتزعق
اسر:في ايه صوتك عالي كده ليه
مرام :الانسه اللي خرجت دي عاوزه تقابل حضرتك واقولها ماينفعش من غير معاد تقولي قوليله مياده بس وهو حيقابلني
اسر بصدمه:قالتلك مياده.....انتي مجنونه
وخرج اسر يبص عي مياده لقاها واقفه بتعيط وبتتصل عليه جري عليها واخدها ودخل بيها الكتب وهو ماسك أيدها
مرام:ايوه هي دي ياافندم
اسر:اولا .مااسمهاش دي لانها مياده مراتي
ثانيا .هي لما تيجي في اي وقت تدخل علطول حتي وانا مش موجود
مرام:انا اسفه والله مش كنت عرفاها وهي مش قالت كده
مياده:لا خلاص عادي مافيش حاجه ودخلت مع اسر لمكتبه اللي كانت اول مره تشوفه وحست فيه بالهيبه والوقار
اسر:اهلا ياحبيبي المكتب نور
مياده :شكرا واسفه علي المشكله اللي حصلت بسببي
اسر:ولايهمك ده لسه حسابها معايا بس قوليلي ليه ماكلمتنيش ابعتلك السواق
مياده :وتبقي مفاجأه أزاي
آسر :يسلملي حبيبي ومفاجاته
مياده:ربنا يخليك
اسر:تشربي ايه ولا اقولك انتي فطرتي
مياده :شربت النسكافيه ونزلت
اسر:انا حبعتلك فطار ويتاكل كله بلاش دلع وانا حخلص اجتماعي وتيجي معايا المصنع ومحضرلك مفاجأه بعد كده
وافقت مياده علي الفكره وخرج اسر لاجتماعه ورجع وحيروحوا المصنع.....
ايه اللي حصل في المصنع وايه المفاجأة ؟؟؟؟؟
↚وصلنا الحلقه اللي فاتت ان اسر حياخد مياده معاه المصنع وفعلا اخدها ونزلوا ركبوا العربيه وراح المصنع اول ماوصاوا نزلها ومسك ايديها وكان ماشي جوه مقر الاداره بكل فخر والكل بيرحب بيهم ووصل مكتبه عرف سكرتيرته عليها وهي كانت بنت لطيفه جدا اسمها ملك سلمت علي مياده وباستها وبعدها دخل مكتبه ومعاه مياده ومدير مكتبه ودخلت وراهم ملك
ملك :انسه مياده تشربي ايه
مياده:لو ممكن نسكافيه
اسر:لا ياحبيبي كفايه واحد بس اشربي عصير انتي لسه تعبانه
مياده:خلاص خليها عصير برتقال
اسر: وابعتيلي قهوتي ياملك لوسمحتي
ملك :حاضر ياافندم
مشت ملك واسر بدا كلامه مع المدير
اسر:فهمني ايه اللي بيحصل بالظبط
المدير:واحد من العمال محرضهم يوقفوا الشغل علشان طلباتهم
اسر بزعيق:وحضرتك عملت ايه علشان تحل المهذله دي
المدي:انا كنت حفصله بس استنيت قرار حضرتك
اسر:تفصله ويبقي بطل وهو واطي وخاين
المدير:ازاي ياباشا حضرتك عرفت منين
اسر بزعيق وصوت اعلي:ماهو حضرتك مفكر الاداره ورق وبس اهتم بالعمال شويه يااستاذ محمد ويلا علشان حنزلهم بنفسي
المدير :بس ياافندم دول زعلانيين ومش حنضمن رد فعلهم
اسر:عيب اللي انت بتقوله ده ايه حيضربوني مثلا تعالي معايا يلا
المدير :طيب نطلب الحراسه
اسر ماردش عليه بس بص له بنظره سكتته
مياده استنت لما المدير خرج وطلبت من اسر ياخد باله من نفسه وهو ضحك لها وطبطب عليها
اسر:حبيلي حروح اشوف الوضوع ده وارجعلك علطول في تلفزيون واللاب اهو عندك اتسلي علي مااجي
نزل اسر لعنابر المصنع وشاف عماله وسمعهم مكالمه بين العامل ومنافس اسر في نفس المجال وعرفوا انه اخد فلوس علشان يعطل الشغل حاول العامل يدافع عن نفسه لكن اسر كان اخد قراره وطلب منه يقدم استقالته علشان يقدريشتغل في مكان تاني ويأكل اولاده
والعمال اعتذروا لاسر وهو سامحهم ومشي علشان يرجع مكتبه وكانت مياده كلمت امها علشان تطمنها انها مبسوطه ماهي فكرة انها تروح لاسر دي فكرة توحه وتنفيذ امها علشان يعني يقربوها منه وتفهمه بسرعه
وكلمت اصحابها واتفقوا علي خروجه جديده ووقتها دخل اسر المكتب
اسر:ايه ياحبيبي زهقتي
مياده لا عادي ملك دخلت كلمتني شويه وكلمت ماما وصحابي وعدي الوقت المهم انت عملت ايه
اسر:انتي عندك شك في جوزك ولا ايه وحكالها اللي حصل لما لقاهامهتمه بشغله وده فرحه أوي
مياده:هو ماكنش ينفع تسامحه مش يمكن كان محتاج الفلوس
اسر:لوكان جاللي وقاللي كنت حديله اللي هو عاوزه
مياده :اصله صعب يلاقي شغل تاني وولاده حياكلوا ازاي انت ماتعرفش النا بتكون مستنيه المرتب اول الشهر اد ايه
اسر اتوجع اوي لما حس ان مياده لان باباها موظف كانت بتستني المرتب علشان تجيب حاجه هي عوزاها وده سبب زعلها عل العامل
اسر:انا مش متعود ارجع في قراري بس علشان خاطرك انا حرجعه يشتغل بس بطريقتي
مياده بفرحه:بجد والله انت طيب اوي وربنا حيجزيك خير علشان ولاده
اسر:وانا بحبك اوي ويلا بينا بقي علشان محضرلك مفاجأة واخده ونزلوا وقبل ماتمشي سلمت علي ملك السكرتيره
اسر:شكلك اتصاحبتي علي ملك
مياده :هي كويسه اوي مش زي اللي في المجموعه بارده وشايفه نفسهها بصراحه
ضحك اسر بصوت عالي
اسر:ياحبيلي ماحدش يقدر يشوف نفسه عليكي انتي مرات اسر الطاروطي ومن قبل اسر كمان انتي مش شابفه انتي قمر ازاي دي تلاقيها غيرانه منك
ضحكت مياده بس وقفت ضحكتها وحطت ايدها عل فمها لما لقت المفاجاه وهي ان علاء غير العربيه وجاب عربيه سودا مكسوفه وعطي مفتاحها لاسر
اسر:يلا بقي ياستي افردي شعرك علشان الهوا يطيره
مياده من غير ماتشعر :انت حنين اوي انا بحبك اوي اوي
اسر كان طاير من فرحته ومسك ايدها باسها واخدها وقعدوا يتمشوا علي البحر وهي ضحكتها منوره وشها واقفه ماسكه في ازاز العربيه وشعرها طاير لورا وخصلات منه عل وشها كانت به الملايكه ووصلوا عند المطعم اللي حيتغدوا فيه
مياده:ايه وقفنا ليه
اسر:علشان تتغدي
مياده: لا مش مهم خلينا نكمل تمشيه
اسر:لا ننزل نتغدي ولو الاكل ماتكلش كله مش حنتمشي وحقفل سقف العربيه واحنا راجعين
مياده :خلاص حاكل
ونزلوا دخلوا المطعم وطلب اسر الغدا
اسر:مش حتخرجي مع صحباتك تاني ياميمو
مياده:لسه مكلمني وانا في كتبك وقالولي اننا نخرج
اسر:وكنتي مستنيه تقوليلي لما تخرجي
مياده :لا والله كنت مستنيه بس نتفق علي معاد واقولك
اسر:مصدقك ياحبيبي من غير حلفان بس قوليلي قبلها علشان ابعتلك علاء بالعربية
مياده:لا مالهوش لزوم احنا بناخد تاكسي ونبعت رقمه في رساله لبابا
اسر بهدوء :يبقي مافيش خروج من البيت
مياده بهزار:انا قولت مايجيش خليه ييجي علي الاقل حيريحنا
ضحك اسر علي شقاوتها وخصوصا انها كانت مركزه في الكل علشان تخلص بسرعه
مياده:لوانا مقدرتش اخلص الاكل كله بجد حتقفل سقف العربيه
اسر بمراوغه:لو قولتلك ايوه حتعملي إيه
مياده:حكمله بس بطني حتوجعني أوى
اسر:وانا مش حيرضيني وجعك يلا بينا
ومشوا ركبوا العربيه وفضل يمشيها علي البحر وهي فرحانه اوي وهو في الطريق كلم توحه وطلب منها تجيب حاجة مياده من القصر وتقابله في بيت اهلها وكان بعتلهاعلاء بالعربيه بتاعته التانيه وصلوا لبيت اهل مياده ورحبوا بيهم
الاب:اهلا وسهلا نورتوا البيت
اسر:اهلا بحضرتك ياعمي
الام:حمد الله علي السلامه شرفتونا ونورتونا
مياده:فيه ايه انتوا بترحبوا بيا انا كمان انا من هنا علي فكره ولا انتوا كرشتوني خلاص
الأم :بس يابت انتي بتوري اسر المواهب احسن يغير رأيه
آ سر :سيبيها ياماما خليني اشوف علشان يكون في وقت لو غيرت رأيي
مياده بتمثيل :حتي انت يابروتس
الاب:شوفت ياسيدي اديك بقيت بروتس كمان اهو مايغركش وش الملايكه ده ده هي وصحباتها بيجننونا لما بيتجمعوا هنا
وضحكوا كلهم وكان في جو دافي اسر اول مره يحس بيه وكان لسه حيطلب من حماه انه يقدم معاد الفرح بس وصلت توحه ومعاها الهدايا
رحبوا بيها واستقبلوها
**حيكون ايه رد ابو مياده علي طلب آ سر و ايه اللي حيحصل استنوني الحلقه اللي جايه **
↚وصلت توحه لبيت اهل مياده ومعاها الهدايا أستقبلوها ورحبوا بيها اوي
الام:اهلا أهلا ياحبيبتي وحشتيني والله
الاب:نورتينا والله ياحاجه ده احنا كل يوم حنتعب مياده علشان تزورونا انتي واسر
توحه :لابعد الشر عليها انا اجي من غير حاجه
مياده :حبيبتي ياماما شوفتي مضحيين بيا ازاي
اسر:ياحبيبي ماحدش يقدر يضحي بيك ابدا وبعدين احسن علشان اخدك معايا وانا ماشي
الاب:ده انت حتتلكك بقي
ضحكوا كلهم وقضوا وقت جميل في ضحك وهزار وكلام في أمور الدنيا لحد ما آسر قرر يفتح موضوع الجواز
اسر:عمي كنت عاوز اكلمك في حاجه واتمني انك توافقني
الاب:خير ياحبييبي
آسر :كنت عاوز اقدم معاد الفرح عن شهر
مياده:ازاي ده انا مش حلحق في شهر انتوا ناسيين ان التنسيق خلاص حينزل بكره او بعده بالكتير وحنشغل في التقديم
آسر :استني بس ياميمو لو عمي وافق أنا حخلصلك كل حاجه
الام:ياابني انا لسه محضرتلهاش حاجه خالص
توحه:وهي حتحتاج ايه ده شوية حاجات لونزلنا نجيبها مش حتاخد معانا يوم
آسر :شوفي ياماما حتحتاجي ايه اكتبيه بس في ورقه ووعد يكون عندك تاني يوم
توحه:لا ياحبيبي دي حاجات لازم احنا اللي نجيبها
وبصوا هي وام مياده لبعض وضحكوا
اسر:خلاص ياتوحه مادام انتي عارفه يبقي تحليها انتي بسرعه
الاب:ياابني انت كل حاجه مستعجل فيها كده
مياده:بجد انا شاغلني الجامعه ومش عارفه حوفق اازاي
توحه:ياحبيبتي انتي حتروحي جامعتك وترجعي تلاقي كل حاجه جاهزه ومتحضره ليكي انتي لا حتطبخي ولا تغسلي زي بقية الستات اللي بيدرسوا وهما متجوزيين
الاب:شوف ياحبيبي اديني فرصه لبكره ان شاء الله حرد عليك في المعاد
اسر:علي خيرة الله
الام:ماتخدي اسر تفرجيه القاعده بتاعتك ياميمو
مياده:يلا يااسر تعالي معايا
اسر ماكانش فاهم يعني ايه قاعده بتاعتها بس فهم لما طلع البلكونه وشاف طرابيزه من البامبو و4كراسي من البامبو وبيظل عليهم ورق شجرة اللبلاب والعنب ومتعلق علي الحيطه قفص فيه عصفورين كناريا
اسر:هي دي القاعده بتاعتك
مياده:ايه رأيك انا اللي عملاها عجبتك
اسر:جميله اوي بس بتقعدي فيها مع مين بقي
مياده:انا وصحباتي وساعات انا وبابا وماما نشرب الشاي فيها
اسر:بس يعني مافيش ولاد عم ولاد خال ولاد صاحب بابا مثلا
مياده:انا ماعنديش لاخال ولاعم ماما وبابا كانوا وحيدين امهم وأبوهم زيي كده اما ولاد صاحب بابا فعمري ماشوفت منهم حد
اسر:بس تعرفي ان القاعده بتاعتك دي حلوه اوي زيك كده
مياده :احمممممم احنا حنعاكس ولا ايه
اسر:اعاكس براحتي حضرتك مراتي حلالي وكلها كام يوم وتبقي معايا هناك وحعملك قاعده زيها بالظبط
مياده:ربنا مايحرمني منك بس انا بجد خايفه من موضوع الجواز ده انا كنت عاوزه بعد مااختار الكليه وأشوف التنسيق
اسر:انتي عاوزه كليه معينه
مياده:كلية هندسه طبعا
اسر:طيب ليه حاجه عمليه ماتشوفي نظري انتي كده كده مش حتشتغلي بيها يعني
مياده:انا جايبه في الثانويه98 في الميه وعاوزني ادخل نظري
اسر:ياحبيبي علشان مش تتعبي
مياده:لا انا ذاكرت علشان ادخل هندسه
اسر حي ان كلامه ممكن يلخبط الدنيا دلوقتي فقرر يأجل الكلام بعدين
اسر:خلاص ياروحي شوفي عاوزه ايه واعمليه
مياده:انا كنت عاوزه اقولك علي حاجه
اسر:استر يارب
مياده بضحك:ليه هو وش مصايب يعني ده انا كنت حقولك اني حخرج بكره مع البنات
اسر:ماشي ياحبيبي حبعتلك علاء بالعربيه ويفضل معاكم لحد ماترجعوا
مياده :هو ممكن بس يوصلنا واحنا نرجع
اسر بحسم:مياده انا قولت ايه
مياده :خلاص براحتك خليه معانا هو انا اتكلمت اصلا
اسر:انتي شقيه كده علطول ماكنتش اعرف انك لمضه كده
مياده:اووووووووه لا ده انت حتشوف ياما انفد بجلدك ياابني احسن لك
اسر:يابني انتي مش شايفه فرق السن ولا فرق الطول ده انتي اللي بنتي
مياده بشقاوه:ماشي يابابتي
اسر:يلا قبل ماتجنيني واشيلك وانزل وابوكي يقتلني
ضحك اسر ومياده ودخلوا لتوحه وأهل مياده في الصالون كانت اتفقت ام مياده مع توحه انهم حينزلوا يجيبوا الشوار بتاع مياده سوا
اسر:يلا بينا ياتوحه
الام:أبدا انتوا لازم تتعشوا معانا
الاب:لا مش كل مره كده
اسر:معلش والله عندي شغل كتيرجدا ولازم ارجع البيت اخلصه خليها مره تانيه
الاب:خلاص بكره تفضي نفسك ونتغدي مع بعض وتسمع ردي
الام:ماشي بكره حنستناك
اسر:حشوف شغلي ايه بكره وحكلمكم
خرجوا يوصلوهم ومياده خايفه ان اسر يقبل بالعزومه وتتحرم من الخروج بكره كمان. واسر بيقكر ياتري مياده حتختار وجودي معاها ولا وجود صحابها والخروج.
وصلوهم وسلموا عليهم واسر قبل ماينزل قال لمياده تشغل الموبايل الجديد اللي من ضمن الهدايا وانه بكره حيبعت حد من الشركه يحولها خطها لخط مفتوح من غيركروت شحن (فاتوره يعني)
ونزل اسر وتوحه وركبوا العربيه واهل مياده ومياده بيبصوا عليهم من البلكونه لحد مامشوا
دخلت مياده غرفتها غيرت لبسها واتوضت وصلت العشا وكلمت اصحابها ولما عرفوا بموضوع العزومه نصحتها أسماء صاحبتها انها تكلمه وتقوله انها مش حتخرج معاهم علشان هو اهم عندها من الخروج وقرروا يأجلوا الخروج ليوم تاني وكأن اسماء كانت حاسه باللي بيدور في عقل آسر
مياده وافقت عل كلام أسماء وقررت تنفذه وغيرت الخط للتليفون الجديد واتصلت بيه كان وصل البيت وطلع غرفته
مياده:ألو
اسر:ايه ده لحقت أوحشك
مياده:لا كنت عاوزه اقولك حاجه
اسر:ايه لأ دي يعني بذمتك مش وحشتك
مياده:خلاص بقي مش تكسفني علشان خاطري
اسر:ههههههههه زمان وشك لون الفراوله دلوقتي
مياده:خلاص مش حتكلم
اسر:لا خلاص خلاص قولي
مياده:انت لازم تيجي بكره ان شاء الله تتغدي معايا
اسر:لا ياحبيبي انا حعتذر لبابا كأني عندي شغل علشان تخرجي مع صحباتك
مياده: لا انا قولتلهم اني مش حخرج وبعدي اني اقعد معاك دي احلي من صحابي كلهم طبعا
اسر بفرحه:بجد ياميمو
مياده:أيوه طبعا بجد
اسر وگان هم الدنيا انشال من علي قلبه وقرر يفرحها زي مافرحته
مياده:اسيبك تخلص شغلك وكلمني
اسر:ماتقوليش اسيبك دي تاني كلمه وحشه أوي
مياده:حاضر مش حقولها تاني بس انا مش كنت اقصد
اسر:عارف ياحبيبي والله يلا سلام وشويه واكلمك
مياده :سلام
وقفل التليفون وكان بيفكر يجيبلها ايه هي مش بتحب الهدايا اللي قيمتها الماديه عاليه اسر شاف ان اللي بيفرحها الحاجات المعنويه فقرر يجيبلها هديه طفوليه وبعدها قعد يخلص شغله واتعشي مع توحه وطلع غرفته كلم مياده وبعدها نام ومياده كمان نامت بعد مااسر صمم انها تنام زيه
وفي الصباح بدأ اليوم الجديد واسر فطر وراح شغله واتفق قبل مايمشي مع توحه انه حيعدي ياخدها ويروحوا يتغدواعند اهل مياده
وصل شغله وكلف سكرتيرته تنزل تشتري دبدوب كبير بحجم الانسا ويكونماسك بوكيه ورد والوردات جواها شيكولاته. وتبعته علي بيت مياده ونفذت السكرتيره الطلب بالظبط
وصلت الهديه لمياده قبل آسر مياده أول ماشافتها فضلت ماسكاها وحضناها وبتطنطت بيها وضحك عليها امها وأبوها
وصل اسر وتوحه وكانت لسه مياده حاضنه الدبدوب
وده فرح اسر اوي لما حس انه بدأ يفهم طبع مياده
قضوا اليوم كله وأبو مياده وافق ان الفرح يكون بعد 10ايام والكل فرح بالخبر وقرروا انهم يبدأوا يحضروا لكل حاجه من بكره لكن آسر قرر يعمل حاجه قبل مايبدأوا في تجهيزات الفرح
اسر:بس قبل مانبدأ في اي حاجه ميمو بكره ان شاء الله بعد اذنك ياعمي حتخرج مع صحباتها
مياده:لا خلاص مش مهم ماهو احنا الايام الجايه اكيد حننزل نشتري حاجات وهما حيكونوا معايا
اسر:لا ياحبيبي انتي بكره حتخرجي تتفسحي معاهم
لكن حاجات الفرح والجواز انا وانتي بس اللي حنروح نجيبها مش حسيبك تتعبي لوحدك
الام:سيدي يا سيدي ده ايه الدلع ده كله
توحه:وهو عنده غير مياده يدلعها
وعدت العزومه ورح اسر وتوحه طبعا كلم مياده زي كل يوم واتفق معاها انه حيبعتلها علاء الظهر علشان يلحقوا يخرجوا ويرجعا بدري واتكلموا شويه بعدها ناموا الاتنين استعدادا لبكره
وتاني يوم راح علاء وقف تحت بيت مياده بالعربيه في انتظارها هي وصحباتها نزلوا فعلا وركبوا معاه وطلبوا منه يوصلهم لمول كبير في اسكندريه فيه ملاهي ومطاعم وكافيهات وسينما
وصلهم علاء وطبعا اسر كان معاه خطوه بخطوه اول مادخلوا الملاهي لقوا علاء جايبلهم التيكت بتاعة كل الالعاب لعبوا واتبسطوا وبعدها قرروا يتغدوا وبرده دفع الحساب كله وكان فاضل يدخلوا السينما لكن وهما ماشيين ظهر قدامهم شاب حاول يغلس عليهم لكن طبعا علاء اتدخل وسلمه للامن بتاع المول فتضايق البنات وقرروا يروحوا لانهم من البدايه مارتحوش لفكرة ان في عليهم حارس وبيدفع كل حاجه بدالهم هما كانوا بيتبسطوا وهما بيجمعوا من بعض وبيتصرفوا بعفويه لكن طبعا مضطرين يتحملوا علشان تكون مياده معاهم لان يا عالم بعد كده حيعرفوا يشوفوها ولا لأ ومنسيوش يشكروا علاء علي حمايتهم وصلهم علاء للبيت وكل واحده روحت علي بيتها ومياده كلمت اسر
مياده:الو
اسر:احلي الو في الدنيا حبيبي رجع البيت خلاص
مياده:ايوه وصلت الحمد لله
اسر:اتبسطي ياقمر ولا الخروج معايا أحلى
مياده:الخروج معاك احلي بصراحه
اسر:ههههههه مادام قولتي بصراحه يبقي بتكدبي
مياده:لا والله اصلها قلبت بخناقه في الآخر
آسر :ليه ياحبيبي ايه اللي حصل
مياده :في شاب ضايقنا بس علاء ضربه بجد كتر خيره لولاه كان زمانا اتبهدلنا اشكرهولي
اسر: ده شغله ياحبيبي وبعدين علاء متربي معايا علشان كده انا بثق فيه وخليته راح معاكم
مياده:متربي معاك أزاي
اسر:ماهو يبقي ابن اخت توحه واختها دي اتوفت وعلاء صغير وعلشان هي كانت بتربيني جابت علاء عاش معانا هنا لحد ماكبر واشتغل معايا غرفتي بقي
مياده:أمممممممممم عرفت بقي
اسر:بكره بقي ان شاء الله حبيبي يحضر نفسه علشان حنخرج انا وهو وبس نشتري حاجات فرحنا
**حيروحوا فين وحيعملها مفاجآت ايه تاني حنعرف في الحلقه اللي جايه ان شاء الله**
↚طلع اسر مياده وأمها وعاهم توحه لبيت مياده وأول مادخلوا الشقه لقوها تقريبا فاضيه مش شايفين غير طرابيزه كبيره مجهزه انها تكون بوفيه رحبت الام بيهم ودخلتهم لغرفه الصالون يقعدوا فيها وأستأذنت مياده منهم
مياده :بعد اذنكم حدخل غرفتي ادخل الفستان
الجميع :اتفضلي
الام:يااهلا بيكم تشربوا ايه
توحه:انا حشرب شاي
اسر :ممكن قهوه ياماما
الام:حاضر من عينيا
ذهبت الام لتحضير المشروبات وتركتهم في ضيافة الأب
الاب :انت كده كلفت نفسك ياأسر ياحبيبي
اسر:لا دي اقل حاجه
توحه:اسر كان ممكن يعمل الحفله في القصر أو في احسن اوتيل كمان بس كده أحسن ياحاج علشان الاشهار
كانت وصلت الام وقدمت الشاي والقهوه
الام:أيوه طبعا خصوصا بعد اللي حصل امبارح انا مش ضامنه مرات حسين وبنته يقولوا اين بعد رفض ابنهم
آسر :مياده بعد كام ساعه حتكون مراتي والللي يفكر يجيب سيرتها حيواجهني انا شخصيا
توحه:يبقي فعلا كده احسن
الاب:لاياجماعه مش تقلقوا حسين راجل محترم ومش حيقبل بكده
مياده اول مادخلت غرفتها كلمت أسماء صاحبتها
اسماء :ايه ياميمو وصلتم انا شيفاكم من البلكونه
مياده:ولما انتي شيفانا بتسألي ليه يلا تعالي بسرعه محتجالك يابارده
أسماء :ماشي يلا سلام
خرجت ‘ياده قعدت معاهم شويه وبعدها وصلت صابتها دخلت أسماء سلمت علي الجميع واخدت مياده وراحو غرفتها
مياده بتحضن صاحبتها وبعدها فدت دراعتها وفضلت لف في الغرفه كأنها طايره في الهوا
مياده :اضربيني اقرصيني عضيني انا اكيد بحلم وحفوق من الحلم وبقت تقول فرحانه فرحانه فرحاااااااااانه وصوتها علي فجأه لدرجه ان اهلها واسر وتوحه سمعوه وأمها قامت تجري علي الغرفه فتحتها ودخلت فمياده وهي لسه بتلف خبطت في امها
الام :في ايه يابنتي مالك
مياده:ولا حاجه ياماما بكلم أسماء في حاجه
الأم:لا مافيش كلميها ياختي
وخرجت الأم وسابت البنات لوحدهم
مياده :اضربين يابت هو ده حقيقه
أيسماء :لو علي الضرب سهله تعالي هنا
وفضلوا البنات يضحكوا
ووصلت صحباتها التانييين مي وتقي
مي :مبروك يامياده الف مبروك بس بقولك ايه هو الموزز اللي بره ده مالوش صحاب
مياده :لمي لسانك وعينك يابت منك ليها
تقي:انتي بتغيري يابيضه
مي:يعني له صحاب ولالأ وعملت اللي انا عملاه ده علي الفاضي
مياده: والله مااعرف.
وصل الكوافيره والماكيره من مركز التجميل ووصلتهم الام لغرفة مياده وقالتلها تخرج علشان اسر ماشي
خرجت مياده سلمت عليه
اسر :انا حرجع البيت اجهز وارجع علي المغرب ان شاء الله يلا بينا ياتوحه
توحه:لا ياحبيبي روح انت انا متفقه مع ام مياده حفضل معاها علشان الجهيزات
اسر:ايه ياتوحه بعتيني من اول يوم كده
الام:كده برده يااسر سيبهالنا شويه معلش
توحه:انا مااقدرش ابيعك ياحبيبي بس لازم حد يفضل هنا علشان ام مياده حتكون مشغوله مع العروسه ولازم حد يتابع مع الناس انت عارف
اسر:عندك حق وودعهم ومشي
مياده رجعت علشان تبدأ التحضير وباوا يعملولها الماسكات والشعر والمانكيير والباديكير
الماكيره والكوافيره كانوا مبهوريين بجمال مياده وشعرها وبشرتها وقالولها انها مش محتاجه شغل كتير
وخلصوا شغلهم وخرجت أسماء تنادي اهل مياده وتوحه اللي كانت اتصاحبت علي البنات جدا اول ماشافوا مياده بالفستان والمكياج والتسريحه وكانت بجد رائعة الجمال
الام:ماشاء الله
توحه :تبارك الخلاق فيما خلق
الاب:كبرتي ياميمو واخدها في حضنه
والكل كان بزغرد ووصل الضيوف والمأذون واصحاب اسر من ايام الجامعه حوالي 3
وتم كتب الكتاب بعد مااسر كان شاف مياده وانبهر بيها جدا والناس كلها كمان كانت مبهوره من جمالها وجمال عريسها والحفله وكل حاجه كانت مظبوطه أويوبعد كتب الكتاب طلب اسر من والد مياده انه ياخد مياده ويخرجوا يتعشوا بره ووافق الاب
نزل اسر ومياده وركبوا العربيه ووصلوا عند احدي الفنادق الخمس نجوم وكان اسر حاجز القاعه كامله ليه هو ومياده بس وكان موجود بيها الفرقه الكلاسيكيه علشان يتعشوا علي انغام الموسيقي
اجلس اسر مياده
اسر:مبروك ياحبيبتي
مياده:ميرسي ومبروك ليك انت كمان
اسر:طبعا مبروك ليا انا عمري ماكنت اتوقع ان كل حاجه تحصل بالسرعه دي مياده:طيب ادعي لخالد بقي
اسربغضب:خالد مين
مياده:ابن عم حسين
اسر :لوسمحتي انسي خلاص كل اللي حصل وفكري دلوقتي انك معايا ومراتي
مياده:انا اسفه اني ضايقتك
اسر :لا ياحبيبي مافيش حاجه
مياده:بس انت زعلت ليه
اسر:مجرد انك تكوني فاكره أسمه ده ضايقني
مياده :خلاص مش تزعل مني انا ماينفعش ازعلك
اسر:ليه ماينفعش تزعليني
مياده:انت عملت كل حاجه علشان تفرحني وأنا ازعلك
اسر بمراوغه:بس كده
مياده ببراءه:لو في حاجه تانيه قولي عليها
اسر وهو بيضحك:يعني ممكن علشان حبيبك اوجوزك مثلا
مياده :خلاص بقي ممكن مش تكسفني اكتر من كده لاني والله ممكن اعيط
اسر شاف وشها اللي كان حينفجر من كتر االاحمرار وقالها خلاص حاضر ياستي
وبعد ماخلصوا عشا اخدها اسر وركبها العربيه وساعدها تدخل بالفستان وبدأوا طريقهم
اسر:زمان عمي بيقول اسر خطف بنتنا
مياده :ممكن واللله لان بابابا بيخاف عليا اوي وزياده عن اللزوم كمان
اسر:عنده حق ياحبيبي في حد مش يخاف علي القمر ده يعيني عليكي ياميمو بقي عندك اسر وبابا بيخافوا عليكي
مياده: انت كمان من النوع القلوق زي بابا
اسر:انا اكتر من بابا كمان وخصوصا عليكي انتي
وتقريبا كانوا وصلوا طلع اسر مع مياده وصلها واستأذن اهلها انه يمشي
ودعه الاب والام ومياده وقبل مايمشي افتكر انه مش معاه رقمها فأخده منها سجله وعطاها رقمه ومشي .
دخلت مياده غرفتها وامها ساعدتها في تغيير الفستان ورجع اسر للقصر وكانت طبعا توحه نامت من بدري دخل غرفته واستعد للنوم بعد يوم مرهق للجميع وكانت مياده كمان بتستعد للنوم ونام الجميع استعدادا لصباح جديد.........
↚عدي الليل علي جميع ابطالنا وكأنه حلم من كتر تعبهم وجاء الصباح بنوره.
عند آسر صحي من نومه واخد الشاور بتاعه وأتوضا وادي صلاته واول حاجه طبعا لازم يعملها انه يكلم مياده
مياده :الو
اسر:صباح الخير ياحبيبي
مياده:صباح النور
اسر :ايه ده ومافيش حبيبي
مياده:مش عارفه أقول ايه
اسر:ليه يامياده انا مش حبيبك
مياده :مش قاصدي بس مكسوفه
اسر:أموت في حبيبي وهو مكسوف
مياده:انت اجازه انهارده
اسر:طبعا ينفع مااخرجش انا وحبيبي
مياده:بجد حنخرج
اسر:أيوه عازمك علي الغدا
مياده :خلاص حقول لبابا
اسر:لايا حبيبي عيب لازم انا اللي اكلمه
مياده:ماشي
اسر:يلا اجهزي بقي
مياده:اوكي سلام
اسر :سلام
وكلم اسر حماه واستأذنه في الخروج ونزل علشان يشوف توحه ويشرب قهوته
توحه:صباح الفل ياعريس
اسر:صباح النور ياقمر
توحه:حبيبي مزاجه رايق
اسر:عوزاني يبقي معايا القمر ومبقاش في احسن حالاتي
توحه :ربنا يسعدكم بقولك ايه ياحبيبي هو مش المفروض نبعت حاجة مياده اللي هنا
اسر:خليها بكره ان شاء الله لان لازم انا اللي اوديها وانا انهارده حخرجها
توحه:معاك حق معلش فاتتني دي
اسر:ولايهمك ياتوحه يلا بقي علشان الحق اعدي عليها نتفسح شويه وبعدين نتغدي
توحه:بالسلامه ياحبيبي سلملي عليها
خرج اسر وركب عربيته اللي طبعا بالسواق وكان وراه عربية الحراسه وقبل مايوصل عند مياده طلب منها تنزل علشان مستنيها تحت
نزلت مياده وركبت معاه وسلمت عليه وهو فضل ماسك ايديها وهي كان وشها احمر من الكسوف وعو مستمتع جدا بكسوفها اللي لاحظه من أول ماسلم عليها
اسر:حتفضلي ساكته كده
مياده :لاعادي
اسر:مش حتقوليلي علي السر اللي ماما كانت حتقوله يوم ماشوفتي العربيه المكشوفه وانتي منعتيها
مياده:مش حقول طبعا
اسر:قولي انتي لاني حعرف حعرف
مياده:انت مصمم ليه
اسر: علشان سر يخصك وانا لازم اعرف كل حاجه عنك
مياده:خلاص حقولك بس مش تضحك عليا
اسر:لا مش حضحك اوعدك
مياده:اصل ياسيدي طول عمري كان نفسي اركب عربيه مكشوفه واطير شعري في الهوا زي مني زكي مع السقا في الفيلم
اسر:هههههههه بس كده
مياده:انت وعدتني مش حتضحك انا غلطانه اني قولتلك
أسرفضل يضحك مش علي حلم مياده لكن علي طفولتها وبراءتها
وصلوا عندمول من المولات الكبيره ونزل علاء بالعربيه للجراج نزل اسر ومياده وركبوا الاسانسير وطلعوا الدور الاول بالمول اللي كان فيه اكبر محلات الابس والبرفانات. دخل اسر محل كبير لبيع المكياج والبرفانات وسأل مياده عن النوع اللي بتحبه في بس مياده اتكسفت جدا لانها ماكنتش تعرف الانواع الموجوده لانها غاليه جدا حس اسر انه احرجها فحب يضيع احراجه ليها واخدها من ايديها وسط ترحيب من مير المحل والعاملين لان اسر من الزباين التقال المعروفين عندهم وكان اسر بيعرفهم عليها بكل فخر وحبوهما رحبوا بيها جدا بعد ماعرفوا انها مراته زي مابيقول و بدأ يفرجها مجموعات من البرفانات الرجالي ويقولها اختاري ليا اللي يعجبك بس مياده اتكلمت بتلقاءيه وقالتله انها بتحب البرفان بتاعه
اسر:اخيرا ابو الهول نطق
مياده:مين ابو الهول مش فاهمه
اسر:انتي ياحبيبتي ابو الهول اخيرا قولتي ان في حاجه فيا عجباكي
مياده افتكرت هي قالت ايه واتكسفت جدا
اسر اخدها وفرجها مجموعه من البرفانات الحريمي بمساعة احي العاملات بالمحل وقالها حختار انا ايه رأيك وطبعا مياده وافقت المهم اشتروا كام ازازة برفان ليهم هما الاتنين وخرجوا من المحل راحوا يتغدوا وبعد ماطلبوا الاكل
اسر:تعرفي اني مااكلتش حاجه من امبارح
مياده:وانا كمان شربت نسكافيه بس الصبح
اسر بغضب:ازاي يعني تعملي كده اخر مره مش تهتمي بأكلك انتي مش شايفه انتي ضعيفه ازاي مياده :ماانت كمان مش اكلت
اسر:انا متعود علي كده لكن انتي لأ وبعدين انا راجل اقدر اتحمل لكن انتي بسكوته
مياده:حاضر
اسر:قمر حبيبي وهو بيسمع كلامي
خلصوا غدا وقاموا اتمشوا شويه بالعربيه ووصلها للبيت ورجع هو لبيته علشان يقدر يخلص شوية شغل اخد وقت طويل في شغله وبعدها طاع علي غرفته علشان يكلم مياده لكن لقي تليفونها في وضع الانتظار طبعا كان حيتجنن وقعد يحاول مره تانيه وهي وقتها ردت عليه
اسر:تلفونك كان ويتنج ليه
مياده:وعليكم السلام ورحمة الله وبركاته
اسر:وعليكم السلام بس برده كنتي بتكلمي مين
مياده:كنت بكلم اسماء صاحبتي والله
اسر:ماشي انا قولت اقولك تصبحي علي خير قبل ماانام
مياده:وانت من اهله بس حتنام بدري كده
اسر:علشان عندي اجتماع مهم بكره بدري
مياده حست ان اسر بيكلمها بالعافيه وشكله زعل لما لقاها ويتنج بس ماكنتش عارفه تعمل ايه
اسر:يلا سلام
مياده:سلام
قفلوا التليفون بس اسر كان حاسسس ان مياده مهتمه بصحباتها جدا وده كان بالنسبه لاسر مشكله كبيره حنعرف سببها مع الاحاث
اما مياده ماكنتش عارفه تعمل ايه علشان اسر مش يزعل منها
ونام الاتنين علشان ييجي الصبح بمفاجأت......
↚جاء الصباح وصحي اسر في ميعادهوأدي صلاته وذهبالي شركته دون ان يري توحه التي كانت مازالت مستغرقه في النوم.
وصل مقر شركاته وبدأ في اجتماعه ومواصلة يومه الطبيعي وكان لايريد الاتصال بميادهعلشان تستريح ومش تصحي من نومها
أما عند مياده فصحيت متأخره علي تليفون أسماء صاحبتها
اسماء:ايه ياعروسه انتي لسه نايمه
مياده:بس يابت انتي عاوزه ايه سيبيني أنام شويه
أسماء:أسيبك ايه انتي ناسيه ان احنا خارجيين
مياده:لا انا مش قادره خليكم بكره علشان خاطري
اسماءلاستفزاز مياده:اه انا قولت برده حتتغيري علينا وتتعوجي عموما براحتك
مياده:كده يااسماء انا كده
أسماء :يبقي تيجي معانا علشان تثبتي انك لسه ميمو اختنا وصاحبتنا مش مياده هانم حرم اسر باشا
مياده:أنا عارفه انك بتستفزيني بس مش حعبرك برده
أسماء :وحياتي ياميمو تعالي معانا انا ماصدقت بابا وافق والبنات كمان بيلبسوا دول ممكن يقتلوكي
مياده:خلاصاديني نصايه كده حلبس وانزلكم
أسماء:في انتظارك ياجميل
وقفلت التليفون مياده وخرجت من غرفتها اخدت شاور ودورت علي مامتها
مياده:مامتي يامامتي انتي فين
الام :انا في المطبخ ياميمو تعالي
مياده:صباح الفل ياحبيبتي
الام:صباح النور ياعروسه
مياده:ماما انتي عارفه ان انا والبنات كنا متفقين نخرج انهارده وطبعا اللي حصل ماكنش في حسابتنا خالص
الام:وعاوزه ايه دلوقتي هاتي من الاخر
مياده:حخرج معاهم طبعا انا انا كنت مستأذنه من بابا
الام:طيب واسر قولتيله
مياده:لأ مش قولتله وأقول ليه
الام:هو ايه اللي ليه فوقي يابنتي انتي بقيتي مراته
مياده:بس هو اكيد مش حيمانع وبعدين دول صحابي يعني
الام:لازم تقوليله
مياده:لا ياماما انا متعودتش اقول لحد غير بابا وانتي
الام:عيب كده يامياده افرضي عرف وزعل منك
مياده:خلاص بقي خلي بابا يقوله
الام:مش حينفع يامياده لازم انتي اللي تقوليله
مياده:ماما انا حنزل وشويه حكلمه لانه زمانه نايم
الام:والله ياحبيبتي كده حتزعليه وهو بيحبك اكبري بقي يامياده
مياده:خلاص بقي ياماما بلاش تخوفييني
الام:خلاص ياميمو انزلي بس لازم تكلميه
ونزلت مياده لصحباتها واتجمعوا وخرجوا
مي:كنتي جميله ياميمو
مياده:بس يابت انا طول عمري جميله
تقي:ايه ياحاجه انتي حتتغري
اسماء :تتغر علي مين ده احنا نقطعوها
مياده:لا انا اقدر ده انتوا حبابيبي بس بجد بقي في حاجه عاوزه احكيلكم عليها وحكتلهم مياده علي كلام امها وانها مش كلمت اسر وقالتله علي خروجتهم
اسماء :لا طبعا طنط صح ده جوزك ولازم تستأذنيه مش بس تديله خبر يلا اتصلي بيه فورا
يياده:مش يمكن يكون نايم
تقي:حتي لو نايم حيلاقي الميسد كوول منك واهو تقدري تقولي انك اتصلتي
مي:صح كده ياميمو وربنا يستر مش يزعل منك
مياده:خلاص بقي حتصل بيه اهو ومسكت تليفونها واتصلت باسر فكنسل عليها وطلبها هو
اسر:صباح الخير ياحبيبي لسه صاحيه ولا ايه
مياده:لا صحيت من بدري
اسر:وايه الدوشه اللي حواليكي دي
مياده:اصل انا بكلمك علشان اقولك اني خرجت مع صحباتي بصراحه احنا كنا متواعدين من قبل اللي حصل وخرجنا انهارده
اسر:يعني انتي خرجتي يامياده
مياده بكدب:مش خرجت بعيد انا تحت البيت علشان مش كان عندي رصيد ونزلت اشحن واكلمك
اسر بغضب:سوءال ياياده انتي نزلتي من البيت وخرجتي مع اصحابك
مياده:بصراحه ايوه نزلت علشان اكلمك واتجمعناوبكلمك قبل مانخرج
اسر:لا كتر خيرك بجد تعبتي نفسك
مياده:هو انا ليه حاسه انك بتتريق علي كلامي
اسر:علشان هو كده فعلا مش احساس سلام يا مياده وقفل الخط معاها
مياده وقفت مذهوله من رد فعله وصحباتها متنخين عاوزين يعرفوا ايه اللي حصل مياده حكيتلهم اللي حصل
اسماء :شوفتي قولتلك حيزعل وانك غلطانه
مي:ارجعي يامياده البيت وكلميه اعتذريله وماتخربيش علي نفسك
تقي :يلابينا كلنا نرجع ونأجلها يوم تاني
البنات :ايوه يلا يامياده
مياده رجعت البيت لقت ابوها وامها قاعدين واول ماشافوها فهموا ان في حاجه حصلت
الاب:رجعتي ليه يامياده
حكت مياده اللي حصل مع اسر
الام:انا قولتلك حيزعل
الاب: انتي غلطي يامياده
مياده وهي بتعيط:انا مش عملت حاجه غلط انا مستأذنه منك
الاب:بس كان لازم تقولي لاسر
مياده كانت بتعيط جامد ومنهاره وهي بتقول:انا مش عارفه ايه االي بيحصلي انا فجاه عرفت ان في حد بيحبني وكمان حد بيراقبني وبعدها فرح وكتب كتاب ودلوقتي راجل بتقولولي ده جوزك كل حاجه حصلت بسرعه وانا حتي مش قادره استوعب كل ده وهي بتتكلم وقعت علي الارض مغمي عليها
الام:الحقني يامحمد بنتي حتروح مني
الاب شالها وحطها علي سريرها ونزل يجري يجيب الدكتور من البيت اللي قدامهم وشافه ايهاب وهو بيجري وملهوف وعرض عليه المساعده فأبو مياده قاله ان بنته تعبانه جدا
ايهاب اتصل باسر وبلغه علطول طبعا
اسر:خليك معاه يا ايهاب وانا جاي
ايه اللي حيحصل لما اسر ييجي والدكتور حيقول ايه حنعرف في الجزء التاني من الحلقه
وصل اسر الي بيت مياده بعد ماكان الدكتور كشف عليها وماشي كان ابوها بيفتح باب شقته لخروج الدكتور ولقي اسر قدامه
الدكتور :هي عندها ضغط عصبي شديد وانا عطيتها حقنه مهدءه شويه وحتفوق منها لكن بلاش تتحرك من السرير انهارده علي الاقل علشان تأثير المهديء
الاب:متشكر جدا يادكتور تعبك معايا
الدكتور:لا ابدا تحت امرك في اي وقت
اسر:يعني هي مش محتاجه تروح مستشفي
الدكتور :لا مالهوش لزوم انا عملت الازم بس لو حضرتك مصمم براحتك. ومشي الدكتور
الاب:اتفضل ياابني ادخل
اسر:معلش ياعمي انا جيت من غير معاد بس ايهاب بلغني ان حضرتك كنت بتدور علي دكتور لمياده مقدرتش استني
الاب:البيت بيتك ياحبيبي واي وقت تيجي من غير استأذان
اسر:كتر خيرك ياعمي انا عاوز اطمن عليها ممكن
الاب:دي مراتك ياحبيبي وده حقك بس بعد ماتطمن عليها انا عاوز اتكلم معاك شويه
اسر:حاضر بس اشوفها الاول
نده الأب علي مراته علشان تاخد اسر يشوف بنتها
الام:ازيك يااسر ياحبيبي شوفت اللي جري لمياده
اسر دخل يشوف مياده ولقاها في دنيا تانيه والدموع علي خدها
اسر:هي ماخرجتش مع صحابها ليه ياماما
الام:لما كلمتك وحست انك زعلت رجعت تاني
اسر:يعني اللي هي فيه ده بسببي انا
الام:ماتشيلش نفسك الذنب هي غلطت برده
اسر قرب من مياده وفضل يمسح دموعها بأيده ويملس علي شعرها. امها لما لقته كده حبت ماتخرجهوش وطلعت بره
اسر:مياده حبيبتي اصحي انا اسف والله ماكنش قصدي انتي عارفه انك عمري وحياتي انا كل خوفي تروحي مني انا يامياده عشت من غير ام علشان حبت صحابها وحياتها اكتر مني ربنا عاقبها وبعتلها مرض وماتت علشان اهملت ابنها الوحيد وسبته لتوحه تربيه انا مش عاوزك تسيبيني يامياده عارف اني زعلتك بس والله حعوضك عن اي حاجه قومي انتي بس وانا حفرحك علي قد مااقدر. اسر قال كل ده وهو عارف ان مياده مش سمعاه لكن حس انه ارتاح وكأنه عطاها سبب لخوفه عليها. خرج من الغرفه وهو قلقان من طلب حماه الكلام معاه بالجديه دي. ووصل لغرفة الصالون اللي كان فيها أبو مياده وأمها.
الام:لسه مش فاقت برده
اسر:لا لسه اعتقد ان قدامها شويه
الام:حروح اطمن عليها تشرب ايه ياحبيبي
اسر:مش عاوز حاجه ياما ما متشكر والله
الام:حجيبلك عصير انت تلاقيك اتخضيت لما عرفت
اسر:والله ياماما معاكي حق
مشت الام وجابت العصير قدمته وراحت تطمن عل مياده
اسر:خير ياعمي حضرتك كنت عاوزني في حاجه
الاب:شوف ياابني انا عارف ان بنتي غلطانه وانك معملتش غير اللي اي راجل ممكن يعمله وأقل كمان بس حقولك علي حاجه مياده لسه صغيره وأنا طول عمري قافل عليها في كل حاجه حتي صحباتها انا اللي كنت بختارهم وهي لما اخدت الثانويه العامه فكرت انها كبرت وحتدخل الجامعه وحيكون ليها حياه جديده بس اتفاجءت انك بتحبها وانها بقت مراتك في 24ساعه وان لما تدخل الجامعه حتكون اتجوزت مسؤوله من راجل غير ابوها كل ده كان بسرعه اوي عقل وقلب مياده ماقدرش يستحمل سرعة الأحداث دي وخصوصا لما انت زعلت منها وقفلت التليفون الراجل اللي كان امبارح حنين عليها انهارده بيعاقبها علشان كده تعبت وهي نفسها قالت كده قبل مايغمي عليها
اسر:مياده قالت كده يعني هي كرهتني خلاص
الاب:لا ياابني هي بس قالت اللي لخبطها وخلاها تغلط وهي عمرها ماغلطت في حق حد. جت ام مياده وقالت لاسر مياده فاقت ولما عرفت اناك هنا عاوزه تشوفك
اسر :بعد اذنك ياعمي
الاب:اتفضل ياحبيبي بس بالراحه عليها
هز اسر راسه بالموافقه وراح لمياده لقاهاه نايمه زي ماهي بس فتحت عيونها لكن مش قادره تقوم تقعد حتي
اسر:حبيبي كده تخضيني عليكي
مياده:انا اسفه مش كنت قصدي ازعلك مني
اسر:بس انا مش زعلان منك ومقدرش ازعل من حب عمري
مياده:بس انت قفلت السكه في وشي
اسر:خلاص ميبقاش قلبك اسود بقي اتنرفزت شويه وانا اهو جاي بصالحك
مياده:مش قاصدي والله انا بس بقولك يعني
اسر:قوليلي ياستي كنتوا حتروحوا فين انتي وأصحابك
مياده:كنا حنتغدي بره وندخل سينما
اسر:خلاص قومي انتي بالسلامه وانا ححضرلك خروجه معاهم حتعجبك اوي
مياده:بجد حتسيبني أخرج معاهم
اسر:أيوه طبعا ياحبيبي مش ححبسك والله بس أكون عارف علشان اكون مطمن عليكي
مياده:حاضر وربنا يخليك ليا
اسر:ويخليكي ليا وجنبي يانور عيوني ويلا حسيبك تنامي وترتاحي وانا حمشي ارجع شغلي ولما ارجع البيت حكلمك
مياده:مش حعطلك مع اني كنت عوزاك تقعد معايا شويه
اسر:معلش ياحبيبي بس انا سيبت الشركه وجيت بسرعه ولازم اظبط شوية حاجات
مياده :خلاص ماشي المره دي بس
اسر:يلا نامي سلام
مياده:سلام
وخرج اسر وسلم علي اهل مياده ورجع علي شركته خلص كل الشغل المتعطل ولقي انه مع خوفه علي مياده مشي من المكتب وكان سايب الخزنه مفتوحه بس راجع اوراقه وحجاته المهمه اللي فيها لقاها مظبوطه قفل مكتبه ووطلع بلغ سكرتيرته انه ماشي
رجع اسر علي البيت ولقي توحه في انتظاره. توحه كانت عارفه اللي حصل من أم مياده بس عملت نفسها ماتعرفش حاجه
اسر:سلام عليكم
توحه :وعليكم السلام ورحمة الله وبركاته حمد الله علي السلامه ياحبيبي كده برده مش تصحيني الصبح تخرج من غير مااشوفك
اسر:انا ماردتش اصحيكي بس تقريبا دعواتك هي اللي بتعد معايا اليوم علي خير وبعد كده حصحيكي
توحه:ليه خير ياحبيبي حصل ايه
حكالها اسر علي اللي حصل مع مياده
توحه:ياخبر طيب وهي عامله ايه دلوقتي
اسر:انا سيبتها تعبانه شويه من المهديء
توحه:لازم بكره ان شاء الله اروح اطمن عليها
اسر :خلاص بكره بعد الشغل ان شاء الله اعدي هنا اخدك ونروحلها
توحه:احضرلك العشا ياحبيبي
اسر:لا مش ليا نفس دلوقتي حطلع اخد شاور واغير لبسي وانزل تاني
توحه:علي راحتك ياحبيبي انا مستنياك
طلع اسر لغرفته اخد الشاور بتاعه وغير لبسه وصلي العشاء واتصل بمياده
عند مياده بقي كان تليفونها بيرن وامها لقته آسر
الام:مياده يامياده موبايلك بيرن
مياده :ردي ياماما انا تعبانه
الام:ده اسر خدي ردي
مياده:ألو
اسر:صحيتك ياحبيبي من النوم
مياده :لاصاحيه بس حاسه ان دماغي تقيله ومش قادره أقوم من السرير
آ سر:سلامتك ياقلبي
مياده:الله يسلمك
اسر:حبيبي اتعشي ولا لسه
مياده:لأ مش ليا نفس خالص
اسر:لوسمحتي نادي علي ماما وخليها تجيبلك العشا حالا
مياده:بجد مش قادره
آسر بنرفزه:هو ليه كلامي مش بيتسمع من غير كلام كتير
مياده :خلاص حاضر بس بعد مااقفل معاك علشان ماليش نفس لاكل البيت حطلب سندويتش من ماكدونالدز
اسر:خلاص اقفلي وماتطلبيش حاجه انا حبعتلك العشا
مياده:لأ انا مش باكل اي اكل لما اكون تعبانه غير منه
اسر:ماشي ياحبيبتي ماانا حبعتلك من عنده
مياده:لا معلش مش حينفع بابا حيزعقلي
اسر:مياده ياحبيبتي متعصبنيش ارجوكي انتي مراتي ومسوءوله مني
مياده:خلاص اللي تشوفه بس لو بابا زعقلي وأنا تعبانه حتكون انت السبب
اسر:ماشي ياطفله يلا سلام
مياده:سلام بس انا مش طفله علي فكره
اسر:ماشي يا حبيبتي وروحي وعمري
قفل اسر الخط وطلب ماكدونالدز وبعتلها اكل يكفي حفله اتفاجيء بيه اهلها لكن الموضوع كان عادي بالنسبه ليهم اتعودوا علي مفاجأت آسر
نزل اسر اتعشي مع توحه ودخل مكتبه شويه تابع شغله وبعدها طلع نام
وعدي الليل علي الجميع في سكون والكل نايم مرتاح وبعد ساعات نزلت الشمس اشعتها لتعلن معاد الصحيان للجميع
نزل اسر من غرفته ولقي توحه محضراله الفطار
اسر:صباح الخير ياتوحه
توحه:صباح الورد ياعيون توحه
اسر:حلوه عيون توحه دي لسه قايلها لميمو في التليفون بالليل شكلي متعلمها منك
توحه:قايلها انها عيوني صحيح ماهي عيوني وقلبي كمان
اسر:لا طبعا عيوني وقلبي انا انت حتنافسيني ياتوحه ولا ايه
وضحك التنين واسر كان خلص فطار ومشي راح علي شغله
وصل اسر مبني شركاته ودخل علي مكتبه كلم سكرتيرته وأسمها "مرام "
اسر:تعالي يامرام ولو في اوراق هاتيها أمضيهالك
مرام:أمرك ياافندم
ودخلت مرام لاسر
آسر :عندنا ايه انهارده
مرام:عند حضرتك اجتماع ممع مديرين الشركات وبعدها جوله في مصنع الحديد علشان شكاوي العمال واضرابهم
اسر:شكرا يامرام اتفضلي انتي بلغيهم اني جاهز وابعتيلي قهوتي لوسمحتي
مرام :حاضر ياافندم
خرجت مرام وبعتت القهوه لاسر اللي كان لسه حيشرب قهوته بس سمع صوت مرام عالي ويتزعق لحد قام وفتح باب مكتبه وهي لسه بتزعق
اسر:في ايه صوتك عالي كده ليه
مرام :الانسه اللي خرجت دي عاوزه تقابل حضرتك واقولها ماينفعش من غير معاد تقولي قوليله مياده بس وهو حيقابلني
اسر بصدمه:قالتلك مياده.....انتي مجنونه
وخرج اسر يبص عي مياده لقاها واقفه بتعيط وبتتصل عليه جري عليها واخدها ودخل بيها الكتب وهو ماسك أيدها
مرام:ايوه هي دي ياافندم
اسر:اولا .مااسمهاش دي لانها مياده مراتي
ثانيا .هي لما تيجي في اي وقت تدخل علطول حتي وانا مش موجود
مرام:انا اسفه والله مش كنت عرفاها وهي مش قالت كده
مياده:لا خلاص عادي مافيش حاجه ودخلت مع اسر لمكتبه اللي كانت اول مره تشوفه وحست فيه بالهيبه والوقار
اسر:اهلا ياحبيبي المكتب نور
مياده :شكرا واسفه علي المشكله اللي حصلت بسببي
اسر:ولايهمك ده لسه حسابها معايا بس قوليلي ليه ماكلمتنيش ابعتلك السواق
مياده :وتبقي مفاجأه أزاي
آسر :يسلملي حبيبي ومفاجاته
مياده:ربنا يخليك
اسر:تشربي ايه ولا اقولك انتي فطرتي
مياده :شربت النسكافيه ونزلت
اسر:انا حبعتلك فطار ويتاكل كله بلاش دلع وانا حخلص اجتماعي وتيجي معايا المصنع ومحضرلك مفاجأه بعد كده
وافقت مياده علي الفكره وخرج اسر لاجتماعه ورجع وحيروحوا المصنع.....
ايه اللي حصل في المصنع وايه المفاجأة ؟؟؟؟؟
وصلنا الحلقه اللي فاتت ان اسر حياخد مياده معاه المصنع وفعلا اخدها ونزلوا ركبوا العربيه وراح المصنع اول ماوصاوا نزلها ومسك ايديها وكان ماشي جوه مقر الاداره بكل فخر والكل بيرحب بيهم ووصل مكتبه عرف سكرتيرته عليها وهي كانت بنت لطيفه جدا اسمها ملك سلمت علي مياده وباستها وبعدها دخل مكتبه ومعاه مياده ومدير مكتبه ودخلت وراهم ملك
ملك :انسه مياده تشربي ايه
مياده:لو ممكن نسكافيه
اسر:لا ياحبيبي كفايه واحد بس اشربي عصير انتي لسه تعبانه
مياده:خلاص خليها عصير برتقال
اسر: وابعتيلي قهوتي ياملك لوسمحتي
ملك :حاضر ياافندم
مشت ملك واسر بدا كلامه مع المدير
اسر:فهمني ايه اللي بيحصل بالظبط
المدير:واحد من العمال محرضهم يوقفوا الشغل علشان طلباتهم
اسر بزعيق:وحضرتك عملت ايه علشان تحل المهذله دي
المدي:انا كنت حفصله بس استنيت قرار حضرتك
اسر:تفصله ويبقي بطل وهو واطي وخاين
المدير:ازاي ياباشا حضرتك عرفت منين
اسر بزعيق وصوت اعلي:ماهو حضرتك مفكر الاداره ورق وبس اهتم بالعمال شويه يااستاذ محمد ويلا علشان حنزلهم بنفسي
المدير :بس ياافندم دول زعلانيين ومش حنضمن رد فعلهم
اسر:عيب اللي انت بتقوله ده ايه حيضربوني مثلا تعالي معايا يلا
المدير :طيب نطلب الحراسه
اسر ماردش عليه بس بص له بنظره سكتته
مياده استنت لما المدير خرج وطلبت من اسر ياخد باله من نفسه وهو ضحك لها وطبطب عليها
اسر:حبيلي حروح اشوف الوضوع ده وارجعلك علطول في تلفزيون واللاب اهو عندك اتسلي علي مااجي
نزل اسر لعنابر المصنع وشاف عماله وسمعهم مكالمه بين العامل ومنافس اسر في نفس المجال وعرفوا انه اخد فلوس علشان يعطل الشغل حاول العامل يدافع عن نفسه لكن اسر كان اخد قراره وطلب منه يقدم استقالته علشان يقدريشتغل في مكان تاني ويأكل اولاده
والعمال اعتذروا لاسر وهو سامحهم ومشي علشان يرجع مكتبه وكانت مياده كلمت امها علشان تطمنها انها مبسوطه ماهي فكرة انها تروح لاسر دي فكرة توحه وتنفيذ امها علشان يعني يقربوها منه وتفهمه بسرعه
وكلمت اصحابها واتفقوا علي خروجه جديده ووقتها دخل اسر المكتب
اسر:ايه ياحبيبي زهقتي
مياده لا عادي ملك دخلت كلمتني شويه وكلمت ماما وصحابي وعدي الوقت المهم انت عملت ايه
اسر:انتي عندك شك في جوزك ولا ايه وحكالها اللي حصل لما لقاهامهتمه بشغله وده فرحه أوي
مياده:هو ماكنش ينفع تسامحه مش يمكن كان محتاج الفلوس
اسر:لوكان جاللي وقاللي كنت حديله اللي هو عاوزه
مياده :اصله صعب يلاقي شغل تاني وولاده حياكلوا ازاي انت ماتعرفش النا بتكون مستنيه المرتب اول الشهر اد ايه
اسر اتوجع اوي لما حس ان مياده لان باباها موظف كانت بتستني المرتب علشان تجيب حاجه هي عوزاها وده سبب زعلها عل العامل
اسر:انا مش متعود ارجع في قراري بس علشان خاطرك انا حرجعه يشتغل بس بطريقتي
مياده بفرحه:بجد والله انت طيب اوي وربنا حيجزيك خير علشان ولاده
اسر:وانا بحبك اوي ويلا بينا بقي علشان محضرلك مفاجأة واخده ونزلوا وقبل ماتمشي سلمت علي ملك السكرتيره
اسر:شكلك اتصاحبتي علي ملك
مياده :هي كويسه اوي مش زي اللي في المجموعه بارده وشايفه نفسهها بصراحه
ضحك اسر بصوت عالي
اسر:ياحبيلي ماحدش يقدر يشوف نفسه عليكي انتي مرات اسر الطاروطي ومن قبل اسر كمان انتي مش شابفه انتي قمر ازاي دي تلاقيها غيرانه منك
ضحكت مياده بس وقفت ضحكتها وحطت ايدها عل فمها لما لقت المفاجاه وهي ان علاء غير العربيه وجاب عربيه سودا مكسوفه وعطي مفتاحها لاسر
اسر:يلا بقي ياستي افردي شعرك علشان الهوا يطيره
مياده من غير ماتشعر :انت حنين اوي انا بحبك اوي اوي
اسر كان طاير من فرحته ومسك ايدها باسها واخدها وقعدوا يتمشوا علي البحر وهي ضحكتها منوره وشها واقفه ماسكه في ازاز العربيه وشعرها طاير لورا وخصلات منه عل وشها كانت به الملايكه ووصلوا عند المطعم اللي حيتغدوا فيه
مياده:ايه وقفنا ليه
اسر:علشان تتغدي
مياده: لا مش مهم خلينا نكمل تمشيه
اسر:لا ننزل نتغدي ولو الاكل ماتكلش كله مش حنتمشي وحقفل سقف العربيه واحنا راجعين
مياده :خلاص حاكل
ونزلوا دخلوا المطعم وطلب اسر الغدا
اسر:مش حتخرجي مع صحباتك تاني ياميمو
مياده:لسه مكلمني وانا في كتبك وقالولي اننا نخرج
اسر:وكنتي مستنيه تقوليلي لما تخرجي
مياده :لا والله كنت مستنيه بس نتفق علي معاد واقولك
اسر:مصدقك ياحبيبي من غير حلفان بس قوليلي قبلها علشان ابعتلك علاء بالعربية
مياده:لا مالهوش لزوم احنا بناخد تاكسي ونبعت رقمه في رساله لبابا
اسر بهدوء :يبقي مافيش خروج من البيت
مياده بهزار:انا قولت مايجيش خليه ييجي علي الاقل حيريحنا
ضحك اسر علي شقاوتها وخصوصا انها كانت مركزه في الكل علشان تخلص بسرعه
مياده:لوانا مقدرتش اخلص الاكل كله بجد حتقفل سقف العربيه
اسر بمراوغه:لو قولتلك ايوه حتعملي إيه
مياده:حكمله بس بطني حتوجعني أوى
اسر:وانا مش حيرضيني وجعك يلا بينا
ومشوا ركبوا العربيه وفضل يمشيها علي البحر وهي فرحانه اوي وهو في الطريق كلم توحه وطلب منها تجيب حاجة مياده من القصر وتقابله في بيت اهلها وكان بعتلهاعلاء بالعربيه بتاعته التانيه وصلوا لبيت اهل مياده ورحبوا بيهم
الاب:اهلا وسهلا نورتوا البيت
اسر:اهلا بحضرتك ياعمي
الام:حمد الله علي السلامه شرفتونا ونورتونا
مياده:فيه ايه انتوا بترحبوا بيا انا كمان انا من هنا علي فكره ولا انتوا كرشتوني خلاص
الأم :بس يابت انتي بتوري اسر المواهب احسن يغير رأيه
آ سر :سيبيها ياماما خليني اشوف علشان يكون في وقت لو غيرت رأيي
مياده بتمثيل :حتي انت يابروتس
الاب:شوفت ياسيدي اديك بقيت بروتس كمان اهو مايغركش وش الملايكه ده ده هي وصحباتها بيجننونا لما بيتجمعوا هنا
وضحكوا كلهم وكان في جو دافي اسر اول مره يحس بيه وكان لسه حيطلب من حماه انه يقدم معاد الفرح بس وصلت توحه ومعاها الهدايا
رحبوا بيها واستقبلوها
**حيكون ايه رد ابو مياده علي طلب آ سر و ايه اللي حيحصل استنوني الحلقه اللي جايه **
↚وصلت توحه لبيت اهل مياده ومعاها الهدايا أستقبلوها ورحبوا بيها اوي
الام:اهلا أهلا ياحبيبتي وحشتيني والله
الاب:نورتينا والله ياحاجه ده احنا كل يوم حنتعب مياده علشان تزورونا انتي واسر
توحه :لابعد الشر عليها انا اجي من غير حاجه
مياده :حبيبتي ياماما شوفتي مضحيين بيا ازاي
اسر:ياحبيبي ماحدش يقدر يضحي بيك ابدا وبعدين احسن علشان اخدك معايا وانا ماشي
الاب:ده انت حتتلكك بقي
ضحكوا كلهم وقضوا وقت جميل في ضحك وهزار وكلام في أمور الدنيا لحد ما آسر قرر يفتح موضوع الجواز
اسر:عمي كنت عاوز اكلمك في حاجه واتمني انك توافقني
الاب:خير ياحبييبي
آسر :كنت عاوز اقدم معاد الفرح عن شهر
مياده:ازاي ده انا مش حلحق في شهر انتوا ناسيين ان التنسيق خلاص حينزل بكره او بعده بالكتير وحنشغل في التقديم
آسر :استني بس ياميمو لو عمي وافق أنا حخلصلك كل حاجه
الام:ياابني انا لسه محضرتلهاش حاجه خالص
توحه:وهي حتحتاج ايه ده شوية حاجات لونزلنا نجيبها مش حتاخد معانا يوم
آسر :شوفي ياماما حتحتاجي ايه اكتبيه بس في ورقه ووعد يكون عندك تاني يوم
توحه:لا ياحبيبي دي حاجات لازم احنا اللي نجيبها
وبصوا هي وام مياده لبعض وضحكوا
اسر:خلاص ياتوحه مادام انتي عارفه يبقي تحليها انتي بسرعه
الاب:ياابني انت كل حاجه مستعجل فيها كده
مياده:بجد انا شاغلني الجامعه ومش عارفه حوفق اازاي
توحه:ياحبيبتي انتي حتروحي جامعتك وترجعي تلاقي كل حاجه جاهزه ومتحضره ليكي انتي لا حتطبخي ولا تغسلي زي بقية الستات اللي بيدرسوا وهما متجوزيين
الاب:شوف ياحبيبي اديني فرصه لبكره ان شاء الله حرد عليك في المعاد
اسر:علي خيرة الله
الام:ماتخدي اسر تفرجيه القاعده بتاعتك ياميمو
مياده:يلا يااسر تعالي معايا
اسر ماكانش فاهم يعني ايه قاعده بتاعتها بس فهم لما طلع البلكونه وشاف طرابيزه من البامبو و4كراسي من البامبو وبيظل عليهم ورق شجرة اللبلاب والعنب ومتعلق علي الحيطه قفص فيه عصفورين كناريا
اسر:هي دي القاعده بتاعتك
مياده:ايه رأيك انا اللي عملاها عجبتك
اسر:جميله اوي بس بتقعدي فيها مع مين بقي
مياده:انا وصحباتي وساعات انا وبابا وماما نشرب الشاي فيها
اسر:بس يعني مافيش ولاد عم ولاد خال ولاد صاحب بابا مثلا
مياده:انا ماعنديش لاخال ولاعم ماما وبابا كانوا وحيدين امهم وأبوهم زيي كده اما ولاد صاحب بابا فعمري ماشوفت منهم حد
اسر:بس تعرفي ان القاعده بتاعتك دي حلوه اوي زيك كده
مياده :احمممممم احنا حنعاكس ولا ايه
اسر:اعاكس براحتي حضرتك مراتي حلالي وكلها كام يوم وتبقي معايا هناك وحعملك قاعده زيها بالظبط
مياده:ربنا مايحرمني منك بس انا بجد خايفه من موضوع الجواز ده انا كنت عاوزه بعد مااختار الكليه وأشوف التنسيق
اسر:انتي عاوزه كليه معينه
مياده:كلية هندسه طبعا
اسر:طيب ليه حاجه عمليه ماتشوفي نظري انتي كده كده مش حتشتغلي بيها يعني
مياده:انا جايبه في الثانويه98 في الميه وعاوزني ادخل نظري
اسر:ياحبيبي علشان مش تتعبي
مياده:لا انا ذاكرت علشان ادخل هندسه
اسر حي ان كلامه ممكن يلخبط الدنيا دلوقتي فقرر يأجل الكلام بعدين
اسر:خلاص ياروحي شوفي عاوزه ايه واعمليه
مياده:انا كنت عاوزه اقولك علي حاجه
اسر:استر يارب
مياده بضحك:ليه هو وش مصايب يعني ده انا كنت حقولك اني حخرج بكره مع البنات
اسر:ماشي ياحبيبي حبعتلك علاء بالعربيه ويفضل معاكم لحد ماترجعوا
مياده :هو ممكن بس يوصلنا واحنا نرجع
اسر بحسم:مياده انا قولت ايه
مياده :خلاص براحتك خليه معانا هو انا اتكلمت اصلا
اسر:انتي شقيه كده علطول ماكنتش اعرف انك لمضه كده
مياده:اووووووووه لا ده انت حتشوف ياما انفد بجلدك ياابني احسن لك
اسر:يابني انتي مش شايفه فرق السن ولا فرق الطول ده انتي اللي بنتي
مياده بشقاوه:ماشي يابابتي
اسر:يلا قبل ماتجنيني واشيلك وانزل وابوكي يقتلني
ضحك اسر ومياده ودخلوا لتوحه وأهل مياده في الصالون كانت اتفقت ام مياده مع توحه انهم حينزلوا يجيبوا الشوار بتاع مياده سوا
اسر:يلا بينا ياتوحه
الام:أبدا انتوا لازم تتعشوا معانا
الاب:لا مش كل مره كده
اسر:معلش والله عندي شغل كتيرجدا ولازم ارجع البيت اخلصه خليها مره تانيه
الاب:خلاص بكره تفضي نفسك ونتغدي مع بعض وتسمع ردي
الام:ماشي بكره حنستناك
اسر:حشوف شغلي ايه بكره وحكلمكم
خرجوا يوصلوهم ومياده خايفه ان اسر يقبل بالعزومه وتتحرم من الخروج بكره كمان. واسر بيقكر ياتري مياده حتختار وجودي معاها ولا وجود صحابها والخروج.
وصلوهم وسلموا عليهم واسر قبل ماينزل قال لمياده تشغل الموبايل الجديد اللي من ضمن الهدايا وانه بكره حيبعت حد من الشركه يحولها خطها لخط مفتوح من غيركروت شحن (فاتوره يعني)
ونزل اسر وتوحه وركبوا العربيه واهل مياده ومياده بيبصوا عليهم من البلكونه لحد مامشوا
دخلت مياده غرفتها غيرت لبسها واتوضت وصلت العشا وكلمت اصحابها ولما عرفوا بموضوع العزومه نصحتها أسماء صاحبتها انها تكلمه وتقوله انها مش حتخرج معاهم علشان هو اهم عندها من الخروج وقرروا يأجلوا الخروج ليوم تاني وكأن اسماء كانت حاسه باللي بيدور في عقل آسر
مياده وافقت عل كلام أسماء وقررت تنفذه وغيرت الخط للتليفون الجديد واتصلت بيه كان وصل البيت وطلع غرفته
مياده:ألو
اسر:ايه ده لحقت أوحشك
مياده:لا كنت عاوزه اقولك حاجه
اسر:ايه لأ دي يعني بذمتك مش وحشتك
مياده:خلاص بقي مش تكسفني علشان خاطري
اسر:ههههههههه زمان وشك لون الفراوله دلوقتي
مياده:خلاص مش حتكلم
اسر:لا خلاص خلاص قولي
مياده:انت لازم تيجي بكره ان شاء الله تتغدي معايا
اسر:لا ياحبيبي انا حعتذر لبابا كأني عندي شغل علشان تخرجي مع صحباتك
مياده: لا انا قولتلهم اني مش حخرج وبعدي اني اقعد معاك دي احلي من صحابي كلهم طبعا
اسر بفرحه:بجد ياميمو
مياده:أيوه طبعا بجد
اسر وگان هم الدنيا انشال من علي قلبه وقرر يفرحها زي مافرحته
مياده:اسيبك تخلص شغلك وكلمني
اسر:ماتقوليش اسيبك دي تاني كلمه وحشه أوي
مياده:حاضر مش حقولها تاني بس انا مش كنت اقصد
اسر:عارف ياحبيبي والله يلا سلام وشويه واكلمك
مياده :سلام
وقفل التليفون وكان بيفكر يجيبلها ايه هي مش بتحب الهدايا اللي قيمتها الماديه عاليه اسر شاف ان اللي بيفرحها الحاجات المعنويه فقرر يجيبلها هديه طفوليه وبعدها قعد يخلص شغله واتعشي مع توحه وطلع غرفته كلم مياده وبعدها نام ومياده كمان نامت بعد مااسر صمم انها تنام زيه
وفي الصباح بدأ اليوم الجديد واسر فطر وراح شغله واتفق قبل مايمشي مع توحه انه حيعدي ياخدها ويروحوا يتغدواعند اهل مياده
وصل شغله وكلف سكرتيرته تنزل تشتري دبدوب كبير بحجم الانسا ويكونماسك بوكيه ورد والوردات جواها شيكولاته. وتبعته علي بيت مياده ونفذت السكرتيره الطلب بالظبط
وصلت الهديه لمياده قبل آسر مياده أول ماشافتها فضلت ماسكاها وحضناها وبتطنطت بيها وضحك عليها امها وأبوها
وصل اسر وتوحه وكانت لسه مياده حاضنه الدبدوب
وده فرح اسر اوي لما حس انه بدأ يفهم طبع مياده
قضوا اليوم كله وأبو مياده وافق ان الفرح يكون بعد 10ايام والكل فرح بالخبر وقرروا انهم يبدأوا يحضروا لكل حاجه من بكره لكن آسر قرر يعمل حاجه قبل مايبدأوا في تجهيزات الفرح
اسر:بس قبل مانبدأ في اي حاجه ميمو بكره ان شاء الله بعد اذنك ياعمي حتخرج مع صحباتها
مياده:لا خلاص مش مهم ماهو احنا الايام الجايه اكيد حننزل نشتري حاجات وهما حيكونوا معايا
اسر:لا ياحبيبي انتي بكره حتخرجي تتفسحي معاهم
لكن حاجات الفرح والجواز انا وانتي بس اللي حنروح نجيبها مش حسيبك تتعبي لوحدك
الام:سيدي يا سيدي ده ايه الدلع ده كله
توحه:وهو عنده غير مياده يدلعها
وعدت العزومه ورح اسر وتوحه طبعا كلم مياده زي كل يوم واتفق معاها انه حيبعتلها علاء الظهر علشان يلحقوا يخرجوا ويرجعا بدري واتكلموا شويه بعدها ناموا الاتنين استعدادا لبكره
وتاني يوم راح علاء وقف تحت بيت مياده بالعربيه في انتظارها هي وصحباتها نزلوا فعلا وركبوا معاه وطلبوا منه يوصلهم لمول كبير في اسكندريه فيه ملاهي ومطاعم وكافيهات وسينما
وصلهم علاء وطبعا اسر كان معاه خطوه بخطوه اول مادخلوا الملاهي لقوا علاء جايبلهم التيكت بتاعة كل الالعاب لعبوا واتبسطوا وبعدها قرروا يتغدوا وبرده دفع الحساب كله وكان فاضل يدخلوا السينما لكن وهما ماشيين ظهر قدامهم شاب حاول يغلس عليهم لكن طبعا علاء اتدخل وسلمه للامن بتاع المول فتضايق البنات وقرروا يروحوا لانهم من البدايه مارتحوش لفكرة ان في عليهم حارس وبيدفع كل حاجه بدالهم هما كانوا بيتبسطوا وهما بيجمعوا من بعض وبيتصرفوا بعفويه لكن طبعا مضطرين يتحملوا علشان تكون مياده معاهم لان يا عالم بعد كده حيعرفوا يشوفوها ولا لأ ومنسيوش يشكروا علاء علي حمايتهم وصلهم علاء للبيت وكل واحده روحت علي بيتها ومياده كلمت اسر
مياده:الو
اسر:احلي الو في الدنيا حبيبي رجع البيت خلاص
مياده:ايوه وصلت الحمد لله
اسر:اتبسطي ياقمر ولا الخروج معايا أحلى
مياده:الخروج معاك احلي بصراحه
اسر:ههههههه مادام قولتي بصراحه يبقي بتكدبي
مياده:لا والله اصلها قلبت بخناقه في الآخر
آسر :ليه ياحبيبي ايه اللي حصل
مياده :في شاب ضايقنا بس علاء ضربه بجد كتر خيره لولاه كان زمانا اتبهدلنا اشكرهولي
اسر: ده شغله ياحبيبي وبعدين علاء متربي معايا علشان كده انا بثق فيه وخليته راح معاكم
مياده:متربي معاك أزاي
اسر:ماهو يبقي ابن اخت توحه واختها دي اتوفت وعلاء صغير وعلشان هي كانت بتربيني جابت علاء عاش معانا هنا لحد ماكبر واشتغل معايا غرفتي بقي
مياده:أمممممممممم عرفت بقي
اسر:بكره بقي ان شاء الله حبيبي يحضر نفسه علشان حنخرج انا وهو وبس نشتري حاجات فرحنا
↚
اسر اتفق مع مياده امبارح انه حيعدي ياخدها ويجيبوا حاجات الفرح هي مش كانت عارفه ايه هي الحاجات اللي ممكن يجيبوها
صحي اسر من نومه وراح علي شركته خلص شوية شغل وكلم مياده
اسر:صباح الورد والياسمين عل حبيبي
مياده:صباح النور علي البنور
اسر:لا ماقدرش علي كده
مياده:تاني حتكسفني تاني
اسر:لا خلاص ايه جاهزه ولا لسه
مياده:جاهزه من بدري
اسر:ده انتي مستعجله بقي
مياده:احمم احممم
اسر:طيب خلاص خلاص انا في الطريق ليكي اول ماكلمك تنزلي علطول
مياده:حاضر
دخلت مياده لغرفتها تبص لاخر بصه في المرايه وكانت جميله ولبسها هادي وبسيط
وكلمت امها وقطع كلامهم تليفون اسر يعرفها انه وصل
نزلت مياده بسرعه ولقت ان اسر هو اللي سايق عربيته بنفسه ركبت العربيه وسلمت عليه
مياده:اول مره تسوق يعني بعد فسحة العربيه المكشوفه
اسر:بحب اكون معاكي لوحدنا مش بحب علاء يسمع كلامنا
مياده:أمممممممم
اسر:وحشتيني
مياده بخجل:وانت كمان
اسر:ده ايه الجمال ده دي توحه انهارده دعيالي حبيبي راضي عني اوي
مياده:ههههههه بس بقي وقولي احنا رايحين فين
اسر:حنشتري شوية حاجات حنحتاجها للجواز
مياده:ماانا عارفه ايه هي الحاجات يعني
اسر كان وصل عند اوتيل كبير جدا ووقف العربيه
اسر:انزلي يلا بينا
مياده :احنا جايين هنا ليه
اسر:انتي حتفضلي تسألي امشي معايا حتعرفي كل حاجه
ودخل اسر ومياده للاوتيل وكان رايح يختار قاعة الفرح وفعلا اتفرجوا علي قاعات الافراح اللي في الاوتيل واختاروا اجمل واحده فيهم لكن اسر رفض يعرفها تصميم الفرح وحب انها تكون مفاجأة ليها يوم الزفاف
وخرجوا بعدها دخلوا المول اللي في نفس مكان الاوتيل اشتري لبس ليه وكان بيخلي مياده هي اللي تختار لبسه وه اختار ليها شوية حاجات للبيت وللخروج ومياده كانت رافضه لكن اسر اتنرفز عليها وسكتها
اسر:قوليلي ياحبيبتي
مياده:نعم اقول ايه
اسر:انتي مش بتجوعي زي الناس
ضحكت مياده:اكيد بجوع يعني ليه
اسر:ليه مش بتقوليلي ولامره نخرج فيها انك عاوزه تاكلي
مياده :اصل من وانا صغيره وماما معوداني اني لما اخرج مع حد مش اقول اني جعانه علشان يمكن اللي انا معاه مايكونش عامل حسابه ومايتحرجش
اسر:انتي بتهزري يعني انا مش معايا اجيبلك تاكلي مثلا علشان كده مش بتقولي
مياده:لا طبعا مش قصدي انت بس انا اتعودت وكبرت علي كده ومسألة تعود يعني
اسر:طيب انا تعبت وجوعت ممكن نروح ناكل انا بيتهيألي انك بتحبي ماكدونالدز اوكنتاكي صح
مياده:ايوه واكتر من المطاعم اللي بتوديني فيها بصراحه بس مش بحب اكل في المحل
اسر:ليه طيب
مياده:مش بكون براحتي بحس ان الناس بتبص لبعضها وبتكسف
اسر:خلاص تعالي ناخد الاكل البيت ونتغدي كلنا
مياده:ليه مااحنا حنروح ونتغدي في البيت
اسر بهزار:انتي طلعتي بخيله يابت انتي ولا ايه
مياده:اصل ماينفعش انت تبقي في بيتنا وتجيب الاكل ولو قولتلك انا اللي احاسب علي تمنه مش حتوافق
اسر:لا قولي كده وشوفي حعمل فيكي ايه
مياده :خلاص يلا بينا نروح ونطلب من البيت بس كلم ماما توحه تيجي تتغدي معانا ونقعد مع بعض
ركبوا العربيه وكلموا توحه وهما في الطريق ووافقت بعد تحايل مياده عليها انها تيجي
وصلوا لبيت مياده واسر عمل الاوردر بالاكل
ومياده كانت بتفرج مامتها علي اللبس اللي اسر اشتراه ليها
الام:ليه كل ده ياحبيبي اومال انا حشتري إيه
اسر:ولا كتير ولاحاجه ده احنا لسه في اول يوم ولسه حننزل بكره تاني
مياده:لا مش حينفع بكره
اسر:ليه الهانم وراها مشوار وانا معرفش
الام:اسيبكم تكملوا الخناقه واروح انا احضر العصير
مياده:التنسيق بدا انهارده ولازم بكره اروح اسحب استمارة الرغبات قبل ماتخلص
اسر:وليه مش قولتيلي من اول اليوم
مياده:نسيت مع اللف والشرا وكده يعني
اسر بضيق :مياده كل مره بتنسي ولو انا مش كنت قولت اننا حنخرج بكره كنتي حتروحي من غير مااعرف صح
مياده: لا والله
اسر:انا زعلان يامياده علشان دي تاني مره
مياده:خلاص بقي علشان خاطري مش تزعل المره دي
اسر:انا مش حزعل لو دي اول مره لأننا لسه بنعرف طباع بعض ولو غلطي حعرفك اول مره لكن لو اتكررت هو ده اللي يزعلني ويخليني اقلب علي الوش التاني وابدا اعاقبك
مياده:ده اللي هو ازاي مش فاهمه
اسر:يعني ممكن اخاصمك او امنع عنك حاجه تكوني بتحبيها اوي مثلا
مياده خافت اوي من اسر وهو حس بخوفها
اسر :ايه سكتي ليه خوفتي مش كده
مياده:أوي
اسر:وفي حد يخاف من حبيبه
وكانت وصلت امها وقعدت تتكلم مع اسر ومياده استأذنت تدخل تغير هدومها علشان تكون علي راحتها
دخلت مياده غيرت لبسها ولبست برمودا قطن ضيق لونه رمادي وعليه بادي روز كت (بدون اكمام) ولبست في رجلها لكلوك علي شكل قطه ورفعت شعرها من الجانبين قطتتين وكانت تشبه الاطفال اوي وهي خارجه من غرفتها رايحه الصالون رن جرس الباب وكان بتاع الدليفري جايب الأكل
رجل الدليفري :ممكن تنادي حد كبير
مياه:نعم
الرجل:نادي بابا او ماما يستلموا الاوردر
دخلت مياده للصالون وكانت بتضحك
الام:خير ياحبيبتي مين اللي خبط وضحكك اوي ككده
مياده:ده بتاع الدليفري عاوز بابا او ماما يستلموا الاوردر
قام اسر راح عند الباب استلمه ودفع الحساب لكن وهو رايح بص لمياده بصه لاتبشر بالخير
رجع آسر وكان الباب بيخبط تاني راحت امها تفتح وسابتها هي مع آسر وكان اللي علي الباب المره دي توحه رحبت بيها الام وقعدوا بره يتكلموا
اما عند اسر ومياده
اسر:ممكن تفهميني انتي ازاي تفتحي الباب كده وكان بيشاور علي لبسها
مياده:انا فتحت عادي لاني بقعد كده وبفتح الباب وطلع البلكونه انا في البيت مش في الشارع يعني
اسر:بصي يامياده بعيدا عن ردك المستفز ده انتي الاول كنتي مياده البنوته الصغيره لكن دلوقتي انتي مراتي وقسما بالله لو اتكرر وحد شافك بالشكل ده غيري انا وباباكي لحتشوفي وش مني عمرك ماكنتي تتخيليه مفهوم
مياده:حاضر
وصل ابوها وقعدوا اتغدوا كلهم وبعدا شربوا العصير والكل كان بيتكلم ماعدا مياده ولما حد كان بيكلمها كانت بترد علي قد الكلام وبس واول مانزلوا دخلت غرفتها وقفلت علي نفسها
وقفلت موبايلها
اسر حاول يكلم مياده كتير لكن تليفونها مغلق وده ضايقه منها اكتر
اما مياده فضلت تعيط ونامت لخد تاني يوم وامها قلقانه عليها لكن خايفه تكلمها يحصل ليها زي المره اللي فاتت وصل ابوها من شغله وعرف بحالة بنته من امها
دخل الاب لبنته
الاب:خير ياحبيبتي فيكي إيه
مياده :مافيش يابابا تعبانه شويه
الاب:انتي مفكراني مش فاهم انا عارف ايه اللي تاعبك ومخوفك
مياده رمت نفسها في حضن أبوها وكأنها بتستخبي فيه من خوفها
الاب:انتي يابنتي بعد اللي شوفتيه من اسر ومن حبه ليكي فكرتي ان هو ده اللي جه علشان ينقذك من القفص اللي كنت حاطك فيه علشان خايف عليكي لكن اتفاجاتي ان هو كمان عاوز يحبسك في قفص تاني بتاعه هو وبس
مياده صحيح يابابا كل اللي قولته هو اللي انا حاسه بيه وحكتله اللي حصل امبارح مابينها ومابين آسر
الاب:اي راجل يابنتي عنده كرامه وبيغير علي حرمة بيته لازم يعمل كده ده انا لسه بغير علي امك وفي سننا ده
مياده :هههه لسه بتغير ياحاج حقولها
ضحك الاب وفرح انه قدر يخرج بنته من اللي هي كانت فيه
الاب:هو آسر ماكلمكيش انهارده
مياده:انا قافله الموبايل
الاب:افتحي ياحبيبتي تليفونك ولو كلمك ردي عليه
مياده :حاضر يا اجمل بابا في الدنيا
**تفتكروا اسر حيكلم مياده ولا ايه اللي حيحصل استنوني الحلقه اللي جايه***
مياده فتحت موبايلها زي ما أبوها قالها ووصلها رساله من الشبكه بأن آسر كلمها 120مره وده ارضاها اوي وحست انها عاقبته وقلقته وزي ماوصلها رساله وصل ليه هو كمان رساله ان موبايلها متاح الآن لكن آسر اطمن انها كويسه وحب يعرفها انه زعلان منها وقدر يتحكم في نفسه انه مش يتصل عليها ومر اليوم وهو عامل زعلان وهي مستنيه تليفونه لحد مااسماء كلمت مياده
اسماء:سلام عليكم ياميمو
مياده:وعليكم السلام ايه ياحبيبتب عامله إيه
اسماء :الحمد لله انتي مش ناويه ننزل نسحب استمارة التنسيق
مياده:والله كنت ناويه انهارده بس تعبت شويه
اسماء :لا سلامتك بس ضروري ان شاء الله نروح بكره
مياده:خلاص الصبح ان شاء الله حكون جاهزه
اسماء :ماشي حنستناكي وعلي رنات بقي سلام
مياده:سلام
قفلت مياده وافتكرت انها لازم تقول لاسر علشان متبقاش مشكله جديده فقررت تكلمه وماتكبرش الموضوع
اسر:الو
مياده:ازيك يااسر
اسر:والله اخيرا مياده هانم اتكرمت وافتكرت ان في راجل في حياتها اسمه آسر
مياده:انا مش نسياه اصلا علشان افتكره
آسر :وايه اللي يثبت يامياده
مياده:ماعنديش اثبات لكن انا اللي اتصلت
اسر:وانا اتصلت بيكي كتير واكيد عرفتي
مياده:أيوه عرفت واستنيتك تتصل وانت مش اتصلت
اسر:ممكن اعرف كنتي قافله تليفونك ليه
مياده :كنت خايفه
اسر:خايفه من ايه
مياده:خايفه منك
اسر:خايفه مني انا يامياده خايفه من اكتر انسان بيحبك وبيخاف عليكي وكل ده ليه علشان غيرت عليكي علشان غيرت علي رجولت وكرامتي
مياده:لا خوفت لما قولتلي انك ممكن تعاقبني
اسر:اولا. انا كنت بهزر معاكي ثانيا. انتي متخيله اني اقدر أذيكي
مياده:انا لسه مش عرفاك كويس وانت خوفتني من
ك
اسر:لا ياحبيبتي ماتخافيش اللي بيحب عمره مايزعل حبيبه والمفروض انتي اللي تخافي علي زعلي
مياده:ماأنا علشان بخاف علي زعلك علشان كده كلمتك
آسر :يعني مش علشان وحشتك زي ماوحشتيني
مياده:لو كنت وحشتك بجد كنت كلمتني
اسر:خلاص ياميمو ننسي اللي حصل بس بشرط انك مش تقفلي تليفونك تاني ابدا
مياده:حاضر بس قبل ماانسي انا بكره ان شاء الله حنزل اروح مت صحابي المدرسه علشان التنسيق
اسر:حتروحي الساعه كام
مياده:حنمشي الساعه 8 ان شاء الله
اسر:حبعتلك علاء الصبح
مياده:لا مش لازم احنا حنتصرف لان بصراحه البنات بيتضايقوا
آسر :ليه هو علاء بيعمل حاجه تضايقهم
مياده:لا حرام ده في منتهي الأدب بس مش بيحبوا يتعبوك
آسر بحسم:علاء الصبح حييجي وحيكون معاكي لحد ماتروحي البيت تاني
مياده:حاضر يااسر حستناه
اسر:ممكن بعدكده ماسمعش غير الكلمه الحلوه دي منك
مياده:حاضر
اسر:بحبك
مياده:بجد
اسر:عنك شك في كده
مياده:لأ بس خايفه منك
اسر:حقولهالك تاني ماحدش بيخاف من حبيبه
مياده:ماشي انا حنام بقي علشان اعرف اصحي بدري
اسر:ماشي ياحبيبي تصبحي علي خير
مياده:وانت من اهله
وقفلوا الفون ومياده نامت واسر كمان
رن موبايل مياده وكان آسر
اسر:يلا ياحبيبي اصحي الساعه 7,30 علشان علاء حيكون عندك الساعه 8
مياده:حاضر صباح الخير
اسر:صباح النورياحبيبي يلا قومي علشان انا عندي شغل سلام
مياده استغربت طريقة اسر لكن هو فعلا كان في كتبه وعنده اجتماع بس خاف تروح عليها نومه
قامت مياده اخدت شاور ولبست وادت صلاتها
ونزلت هي وصحباتها ركبوا العربيه وراحوا علي مكتب التنسيق واستلموا الاستمارات
ورجعوا علي البيت لكن كانوا زهقانيين من وجود علاء معاهم لانهم لو كانوا لوحدهم كانوا حيتمشوا شويه في جو الصبح ويفطروا مع بعض وطلبوا من مياده انه بعد كده يكونوا لوحدهم وافقت مياده لكن ماكنتش عارفه تقول لاسر ازاي قررت تسيبها للظروف
اما عند اسر فكان خلص اجتماعه اللي عمله بدري مخصوص علشان يلحق يسافر هو ومياده وكلم باباها
اسر:سلام عليكم ازي حضرتك ياعمي
ابو مياده:وعليكم السلام ازيك انت ياابني
اسر:تمام الحمد لله
ابو مياده:ايه ياحبيبي خير حصل حاجه
آسر :لا ابدا كله تمام انا بس عارز أستأذن حضرتك حسافر انا ومياده القاهره انهارده ونرجع علطول
الاب:ليه ياابني في حاجه هناك حتعملوها
اسر:بصراحه رايح اجيبلها فستان الفرح بس لوسمحت مش تقولها عاملهالها مفاجأه
الاب:حقول ايه ربنا يسعدكم ياحبيبي بس يعني هو اسكندريه مافيهاش فساتين
اسر:فيها لكن مياده لازم تلبس من عند اشهر مصمم
الاب:خلاص ماشي ياحبيبي اتوكلوا علي الله وخلي بالك من الطريق
اسر:حاضر ياعمي ربنا يسترها مع السلامة
وخلص كلام مع حماه وكلم مياده علشان تجهز
آسر :ايه ياحبيبي رجعتي البيت
مياده:ايوه من شويه
اسر:طيب لو سمحتي اجهزي علشان حنروح نشتري شوية حاجات للفرح
مياده:ضروري انهارده
اسر:ايوه ياحبيبتي ضروري علشان مش فيه وقت
مياده:طيب حشرب نسكافيه بس افوق وألبس
آسر بزعيق :انا مش فاهم قصة النسكافيه دي يلا البسي انا في الطريق ليكي
دخلت مياده ونقت من اللبس اللي اسر كان جايبه بنطلون ابيض ضيق جبردين وبادي لونه لبني وحذاء رياضي خفيف لونه أبيض ونظارة شمس لون الفرييم بتاعها ابيض لبست وكان شكلها زي القمر كأنها مولوده في سرايات امها اول ماشافتها
الام:ايه الحلاوه دي يا ميمو
مياده:بجد ياماما شكلي حلو
الام:شكلك بنت عز من يومك
مياده:ماشي ياست ماما
وقطع كلامهم صوت تليفونها وكان اسر بيرن عليها علشان تنزل
نزلت مياده جري بعد ماسلمت علي امها لقت علاء بيفتحلها الباب علشان تركب
علاء :اتفضلي
مياده:ايه ده ياعلاء انت طالع بمنظرين كل شويه عربيه شكل
ابتسم علاء وقفل الباب بعد ماركبت جنب اسر اللي كان رفع حاجبه ومنظره لايبشر بالخير
مياده:ازيك ياحبيبي ايه حنروح فين المره دي
اسر ماردش لكن وهي بتسلم عليه مسك ايدها وقفل ايده عليها جامد اوي خلاها تتوجع
مياده :اي ايدي في إيه
اسر:ههاااااااش اسكتي دلوقتي وكان ساب ايديها
اسر:علاء لوسمحت اقف هنا وانزل هاتلنا مايه وعصاير علشان الطريق
علاء ركن العربيه ونزل واسر انفجر في مياده
اسر:انتي ايه اللي عملتيه ده ازاي تهزري مع علاء كده وقدامي اومال لما بتكوني انتي واصحابك ايه اللي بيحصل
مياده:انا ماعملتش حاجه انا علشان شوفته مرتين يعني وكل مره بعربيه مختلفه
اسر:اخر مره تتكلمي مع حد كده تاني مفهوم
مياده:حاضر
فضلوا طول الطريق ساكتين لحد ممياده لقت ان الطريق طويل وفاضي وشبه الصحرا
مياده:احنا رايحين فين
اسر:مسافرين القاهره
مياده:بس انا مش قولت لبابا
اسر:انا قايله
مياده:بس لازم انا اكلمه واقوله
اسر:قولت اني قولتله وبعدي حضرتك مراتي
مياده سكتت لكن من جواها عاوزه تفتح الباب وتنزل كانت نفسها تعيط لكن فضلت قاعده ساكته شويه كتير لحد ما العربيه وقفت واسر كلمها
اسر:مياده احنا وصلنا الريست هاوس في هنا كافيهات ومطاعم وتواليت لو محتاجه اي حاجه يلا ننزل
مياده:مكن ادخل التواليت لو سمحت
اسر:ايوه طبعا وايه لو سمحت دي
نزل اسر ومياده ووصلها اسر للتواليت دخلت وقفلت علي نفسها وفضلت تعيط وقت اد ايه هي ماكنتش حاسه لحد مااسر رن عليها علي الموبايل حست انها اتأخرت حاولت تداري منظر عيونها لكن فشلت اول ماخرجت وشافها اسر عرف انها كانت بتعيط وفهم سبب تأخيرها
اسر:مياده انتي بتعيطي ليه
مياده:لا مش بعيط ده التراب دخل في عيني
اسر:لا بتعيطي ومش تكدبي عليا تاني
مياده وكانها بالونه وانفجرت :ايوه كنت بعيط علشان كل مانتقابل تطلعني غلطانه انا بتعامل بطبيعتي انا بنت عاديه عمري ما كنت هانم ولا حكون هانم انا حفضل مياده
آسر :خلاص ياحبيبتي انا آسف ماكنش قصدي ازعلك انا بس بغير عليكي اوي يامياده علشان خاطري اهدي بقي ماتبوظيش المفاجأة االي انا عملهالك
مياده:خلاص مافيش حاجه انا اللي اسفه اني انفعلت كده بس حاسه اني لو ماكنتش قولت الكلام ده كان ممكن يجراللي حاجه
اسر:لا ياحبيبي ولا يهمك وبعد الشر عليكي
اسر زعل من نفسه جدا وحس انه بيضغط علي اعصابها في كل مره لكن كمأن كان فرحان ان مياده مش بتحب المظاهر زي امه
↚رجع اسر ومياده للعربيه وكملوا طريقهم للقاهره كانت مياده ساكته وبتفكر طول الطريق فأسلوب اسر وشدته عليها وحنيته اللي بتظهر بمجرد انها تزعل منه حست انه بيحبها وأن طبيعته هي الشده لكن بيحاول يداري ده علشانها مياده كانت جواها مشاعر متلخبطه وده اللي دايما بيحصلها في كل مره اسر بيقسي عليها فيها كان اسر مشغول طول الطريق بشغل بيخلصه علي الاب توب بتاعه لحد ماوصلوا عند مول كبير في القاهره نزل اسر ومياده بتتفرج علي المول من العربيه فتحلها الباب
اسر:يلا ياحبيبي انزلي
مياده:احنا هنا ليه
اسر:حتفضلي تسألي انزلي علشان هي دي المفاجأه
نزلت مياده واسر مسك ايديها ووصلوا عند الاتيليه
مياده بدهشه:ماما اللي فتنت عليا برده
اسر :فتنت عليكي في ايه
مياده:في اسم مصمم الازياء
اسر:والله مافاهم منك حاجه ماله مصمم الازياء
مياده:احنا جينا هنا علشان فستان الفرح صح
اسر:أيوه ياستي
مياده:يبقي انا صح ماما اللي قالتلك اني عاوزه هاني البحيري اللي يعملي فستان فرحي
آسر :بجد انتي كنتي عاوزاه
مياده:ماتحاولش تخبي خلاص مش مهم
آسر :والله ياحبيلي حتي مامتك مش تعرف ان احنا جايين هنا ولا قالتلي حاجه
مياده:خلاص ماشي مصدقاك
آسر :طيب مش يلا بينا ندخل
ودخلوا الاتنين للاتيليه اللي طبعا كل الناس اللي بتشتغل فيه رحبوا بيهم جدا وزاد الترحيب بعد ماعرفوا انه اسر الطاروطي
اسر:لوسمحتي عاوزين احدث موديلات فساتين الزفاف
موظفه الاتيليه:حاضر يافندم اتفضلوا ارتاحوا
وجابت كتالوجات الفساتين ومياده عجبها فستان لكن اسر اول ماشافه رفض لانه مكشوف من الصدر(توب )
اسر:انسي ياحبيبي العريان ده
مياده:بس ده عاجبني اوي
اسر بحسم:مياده شوفي حاجه غيره
درت مياده والموظفه فهمت اسر عاوز ايه ساعدتهم وجابتلها فستان جاهز كان متجهز للديفيليه لكن تقدر تديهولها لو عجبها وبجد الفستان كان رائع وعجب اسر ومياده اوي وخصصا لما مياده قاسته وكانت شبه الملايكه .
اسر عرض انه يشتريه بأي مبلغ مقابل انه ياخده حالا والموظفه وافقت وبسعر الفستان اللي طبعا ما كانش قليل مازودتش حاجه اخدوا الفستان واشتروا من نفس المول بقية لوازمه و الشوز
اسر:ايه ياحبيبي مش جعانه
مياده:لا عادي احنا لسه حنعمل حاجه هنا ولا حنرجع
اسر:لا انا تعبت تعالي نتفسح شويه بقي
مياده:علشان مش نتأخر لسه الطريق
اسر:ما تقلقيش تعالي بس افرجك علي النيل ولا انتي شوفتيه
مياده:لا مش قولتلك اني عمري ماخرجت من اسكندريه
اخدها اسر وركبوا العربيه وراحوا علي مركب في النيل اتغدوا فيها مياده عجبها اوي المكان لكن ماكنتش فرحانه ولا عندها نفس الانبهار بكل حاجه جديده بتشوفها فيها حاجه مكسوره من جوه قلبها
خلصوا الغدا وخرجوا بداوا طريقهم للرجوع للبيت
مياده طول الطريق كانت بترد علي اد السؤال واسر حس ان فيها حاجه مش طبيعيه
اسر:مياده في ايه مالك انتي متغيره انهارده جدا
مياده:لا انا كويسه
اسر:لا ياحبيبتي انا حاسس انك لسه زعلانه مني أنا عارف انك مصدومه في تصرفاتي معاكي لكن اعمل ايه انا بعشقك وبخاف عليكي من الهوا اللي بيعدي جنبك
مياده دموعها نزلت غصب عنها ورمت نفسها في حضن آسر يمكن تكون بتدور علي الحنان اللي ضيعه منها بانفعاله عليها كل شويه
اسرضمها ليه وهو خايف لتبعد عنه ضمها وكأنه مش عاوزها تخرج من حضنه ابدا
اسر:اهدي باحبيبي انا اسف حقك عليا سامحيني يامياده
مياده عدلت نفسها وكان وشها احمر جدا هي عملت كده من غير قصد
كانو ا قربوا خلاص يوصلوا واول ماو صلوا نزل اسر من العربيه واخد مياده وعلاء اخد الحاجات طلعها فوق دخلوا البيت واول أم مياده ماشافت الفستان وقفت تزغرد ودموعها تنزل من عينيها مش قادره توقفهم
اسر:ايه ياما ما بتعيطي ليه طيب
الام:لا ياحبيبي دي دموع الفرح
مياده حضنت امها وامها فضلت تحضن وتبوس فيها كانها حتمشي دلوقتي تروح بيتها
الاب:حمد الله علي سلامتكم انا كنت خايف عليكم من الطريق
اسر:الله يسلمك ياعمي ربنا مايحمنا منكم
الام:ويخليكم لينا ياحبيبي ويسعدكم
آسر استأذن علشان يروح لانه كان تعبان جدا بعد اليوم الطويل ده وماكنش مستعد للكلام مع أبو مياده اللي حس انه عاوز يتكلم معاه علي مشاكله مع بنته
وقدر فعلا يهرب ويمشي
دخلت مياده مع امها وقاست الفستان وامها انبهرت بيه وفرحت ان حلم بنتها انها تلبس من تصميم هاني البحيري اتحقق واتمنت لها السعاده والهنا
انتهي اليوم والجميع كان تعبان وناموا استعدادا ليوم جديد
في الصباح مياده صحيت من نومها بدأت تجهز الحاجات في الشنط علشان تعرف هي وأمها ايه اللي ناقص وكان بيساعدهم صاحباتها البنات اللي ماثأخروش ابدا عن مساعده صاحبة عمرهم كانوا مشغلين اغاني الافراح وهما بيجهزوا الحاجه ودكان في جو جميل بينهم رقص وضحك وكأنهم بيودعوا ايامهم الحلوه مع بعض ده كان احساسهم كلهم ان واحده منهم ممكن تمشي من جنبهم ومش حيقدروا يشوفوها غير بميعاد وكانت ام مياده قاعده بتكتب كل حاجه ناقصه بنتها علشان عندها معاد هي وتوحه ينزلوا يشتروا النواقص
اتصلت توحه بأم مياده واتفقوا علي النزول بعد ساعه وعرفتها ان اسر بعتلهم عربيه بسواق تكون معاهم في كل مكان علشان يخلصوا بسرعه
ام مياده راحت تبلغ جوزها انها خارجه
الام:انا حنزل ياحاج مع الحاجه توحه نشتري اللي ناقص
الاب:خدي ياام مياده الفلوس من الدولاب هاتي اللي انت عوزاه وماتنسيش تشوفي لنفسك طقم مناسب للفرح
الام:ربنا يخليك ياحبيبي طول عمرك مش ناسيني
الاب محزر:ام مياده اوعي تسيبيها تدفع حاجه في شوار البنت انا عارف اسر وعمايله كفايه لحد كده
الام:حاضر ياحاج
وعدت الايام والكل بيجهز لحد قبل الفرح بيومين
صحي اسر من نومه ا خد الشاور المعتاد ولبس وصلي ونزل عند توحه علشان يفطر معاها
توحه:صباح الفل ياعريس
اسر:صباح الفل ياتوحه
توحه:خلاص كلها يومين وتفطر انت وعروستك
اسر:وانتي معانا ولا انتي ناويه تسيبيني خلاص
توحه:هو انا اقدر لكن عروستك بقي هي اللي تفطرك وتأكلك بايدها وانا مش حبقي عزول
اسر:توحه مش عاوز اسمع الكلم ده تاني انا مااقدرش اقعد علي السفره وانتي مش عليها
توحه:خلاص ياحبيبي انا بهزر معاك مالك قلبتها جد كده ليه
اسر:لا عادي بس انا عارفك وعارف حساسيتك اللي ملهاش لزوم دي انتي عارفه ان مياده بتحبك ومعتبراكي امها التانيه
توحه :وربنا يعلم انا بحبها اد ايه صحيح كنت حتنسيني انا رايحه عندهم بكره ان شاء الله بالليل
اسر:ليه هو لسه ناقص حاجه
توحه:لا يحبيبي دي خلصت وحتبعت حاجاتها بكره ان شاء الله الصبح لكن علشان البنات عاملين ليها ليلة حنه
اسر:تصوري مش قاليتلي علي الموضوع ده
توحه:ماهي تلاقيها مفكراك عارف لان كل العرايس بتعمل كده
اسر:وده بيعملوا فيه ايه ياتوحه ده
توحه:ولا حاجه بيتجمع البنات والستات وبيهيصوا ويرقصوا ويرسموا الحنه للعروسه وللبنات
اسر:امممممممممم طيب الحق اروح شغلي لاني لو قعدت معاكي اكتر من كده مش حنخلص
توحه:مع السلامه ياحبيبي
خرج اسر وقرر يعمل مفاجاه لمياده وكلم الشركه المنفذه لتجهيزات الفرح وطلب منهم يعملوا ليلة حنه في بيت العروسه واكتشف منهم ان دي كمان ليها تجهيزات كتير واشكال كتير وان في ليله علي الطراز النوبي وليله علي الطراز البدوي واشكال كتير ولقي ان الطراز النوبي حيكون اسهل واقرب حاجه للي توحه حكتهوله فاتفق معاهم وعطاهم العنوان وقفل علشان يكلم مياده
اسر:صباح الخير ياميمو
مياده:صباح الفل
اسر:هههه ده واضح ان حبيبي صاحي فايق أوي
مياده:اوي اوي كمان
اسر:ليه بقي مش تعرفيني
مياده: اصل صحباتي جايين علشان يقعدوا معايا ويحضروا البيت لحفلة بكره
اسر:أاااه ماقولتليش يعني علي حفلة بكره دي
مياده:عادي ماهو اكيد انت عارف ان كل عروسه بتعمل ليلة حنه
اسر:بصي ياميمو بصراحه انا ماكنتش اعرف لكن لما عرفت كلمت الناس اللي مصممين الفرح وحيجولك كمان شويه اقعدي معاهم انتي وصحباتك وشوفوا عاوزين تعملوا ايه وانا موافق ماعدا انك ترسمي حنه
مياده:ليه مش حرسم علي ايدي انا حرسم علي ضهري بس يعني مش حيبان
اسر:ننننننننعم ترسمي فين يعني ايه علي ضهرك لا طبعا والله الغي اي حاجه يامياده
مياده:يا آسر دي ست اللي بترسم ولا هما بيجيبوا راجل
اسر:انا عارف انها ست وانا منبه عليهم ان مافيش راجل يكون موجود حتي الفرقه بتاعتهم حيجيبوها بنات
مياده:اومال انت مش موافق ليه
اسر:مياده مافبش حد يلمس جسمك غير امك مفهوم
مياده بقلة حيله:حاضر ياحبيبي مفهوم
اسر:بموت فيكي وانتي قمر وبتسمعي الكلام بس ليا طلب كمان
مياده:اؤمر ياحبيبي
اسر:ماحدش من صحابك يصور بالتليفون
مياده:حاضر
اسر:والنبي عسل وقمر ومافيش منك يلا روحي خلصي وسيبيني اشوف شغلي سلام
مياده:سلام
وجالها الناس بتوع الحفله وجابولها اللبس النوبي علشان المقاسات وجهزوا كل حاجه وعدي اليوم علي خير وجه يوم الحنه
اسر طلب من توحه تحضرله شنطة سفر وعرفها انه عامل مفاجاه لمياده انهم حيقعدوا في نفس الفندق اللي فيه الفرح لحد الصبح وبعد كده حيطلعوا علي المطار علشان حجزلها شهر العسل في باريس لكن اكد علي توحه ماتقولش حاجه لمياده وأمها وراح يشوف شغله اللي حيفضل يخلص فيه لحد وقت متأخر جدا
اما عند مياده كانت لبست هي وصحباتها وجت الفرقه النوبيه وكانت كلها من البنات واتجمع جيرانها وتوحه ووصلت من القاهره الست ستونه اللي بترسم الحنه ورسمت لكل البنات ماعدا مياده اللي ماكنش حد عارف سبب رفضها غير صاحبتها أسماء اللي عجبها قرار اسر وهي كمان مارسمتش حنه
فرح الجميع وكانوا مبسوطين منبهرين بالحفله ورجعت توحه للقصر ودخلت مياده غرفتها ترتاح استعدادا لبكره
اما اسر كان لازم بسهر يخلص شغله اللي حيغيب عنه اسبوع كامل
↚مياده حضرت حاجتها هي وأمها من بالليل وبعدها نامت علشان تقدر تقوم فايقه الصبح واسر خلص شغله في وقت متأخر اوي وطلع ينام عدي الليل علي الجميع في انتظار صباح جديد مليان فرح وسرور وجه اليوم النتظر يوم الفرح صحيت مياده من نومها اخدت شاور وادت صلاتها وخرجت بعدها علي صوت عياط امها وكلام أبوها علشان يهديها
مياده:مالك ياماما في حاجه حصلت
الأم:لا ياحبيبتي انتي بس حتوحشيني حاسه اننا اتسرعنا ملحقناش نشبع منك
مياده:ايه ياحبيبتي هو انا حسافر ماانا جنبك في اي وقت حنشوف بعض
الاب:قوليلها والنبي يابنتي احسن امك دي جننتني
الام:خلاص انا حسكت اهو يلا خلصتي علشان نلحق نروح الفندق اسر باعت السواق من بدري
مياده:ايوه خلصت يلا بينا حرن علي البنات بس
الاب:استني ياوياده علشان عاوزك
مياده:خير ياحبيلي اوعي تعمل زي ماما
ابوها طلع ظرف كبير وقدمه ليها
مياده:ايه ده يابابا
الاب:ده بقية حقك اللي في ذمتي يابنتي
مياده:مش فاهمه فلوس ايه دي
الاب:دي فلوسك اللي كنت محوشها علشان جوازك امك جابتلك الحاجات الناقصه وعلشان احنا مش جبنا شوار زي بقية العرايس اتبقي مبلغ كبير وده حقك خديه خليه معاكي
مياده:لا يابابا خليه معاك انا مش محتجاله ده حتي الكارد اللي اسر عملهوللي انا مش بستخدمه خالص
الاب:انا عارف ان جوزك مش حينقصك حاجه وان الفلوس دي ولا حاجه بالنسبه له لكن دي يابنتي حقك
مياده وحضنت ابوها :لا ياحبيبي الفلوس دي عندي انا احسن من كنوز الدنيا كلها كفايه انها تمن شقاك وتعبك سنين طويله
حضن الاب بنته وباسها من راسها واتمني ليها السعاده وراحة البال
نزلت مياده وامها ومعاها فستانها وحاجاتها وكان في انتظارها صحباتها ركبوا العربيه وراحوا علي الفندق استقبلوهم موظفي الاستقبال ووصلوهم للغرفه بتاعتها اللي حتتجهز فيها وصل فريق البيوتي سنتر وبداوا في تجهيز العروسه وكان طبعا في جو من المرح من اصحابها
اما العريس فكان لسه ماصحيش من نومه لحد مادخلت عليه توحه الغرفه بتاعته في القصر ورفعت الستاير ووصلت نور الشمس لعيون آسر
آسر :ايه ده مين اللي فتح
توحه:صباح الورد صباح الهنا يلا ياحبيبي الضهر حيأذن وانت نايم
آسر :يااه انا نمت كل ده
توحه:معلش ياحبيبي انت نايم بعد الفجر وعملت مجهود جامد الايام اللي فاتت
اسر:كلمتي مياده
توحه:ايوه ياحبيبي اطمنت عليها ووصلت الفندق من بدري وبداوا التجهيزات كمان
اسر:طيب كويس انا كمان حاخد شاور علشان جايلي ناس من صالون التجميل الرجالي
توحه :ماانا عارفه ومحضرالك كل حاجه يلا قوم انت بس علشان تلحق تفطر
اسر:ماشي
وقام اسر اخد شاور وخرج لبس وصلي الصبح وكلم مياده
اسر:صباح الخير ياحبيبي
مياده:صباح النور لسه صاحي
اسر:ايوه من شويه صغيره لاني نايم متأخر
مياده:ربنا معاك
اسر:ايه عملتي ايه لحد دلوقتي
مياده:عملت شعري والمانكيير وشوية ماسكات
اسر:فطرتي ولا نسيتي كالعاده
مياده:لا نسيت كالعاده
اسر:انت بتهزري هو ليه ياحبيبتي انتي مصممه تنرفزيني
مياده:لا والله ابدا ليه قولت كده
اسر:علشان مش بتسمعي كلامي اهو
مياده:خلاص مش مهم كلها شويه وحتغدي
اسر:اقفلي يامياده وانا حبعتلك فطار ولو مااكلتيش حعرف ومش حقولك حعمل فيكي إيه
مياده:لا وعلي ده انا حتي انهارده عروسه
اسر:طيب ياعروسه يااحلي عروسه لازم تاكلي علشان تقدري تقاومي المجهود
مياده:حاضر
وبعت اسر فطار لكل الموجودين واكلت مياده
وبداوا التجهيزات من تاني
وعند اسر كان وصل الفريق الخاص بتجهيزه وعلي بالليل كان كل حاجه خلصت ومياده بيعملولها اللمسات الأخيرة وصلت موظفه من الاستقبال علشان تبلغ مياده انها مش حتنزل القاعه مع اهلها وانها هي اللي حتيجي تاخدها
مياده حبت تشوف اسر يعرف بالكلام ده ولا لأ علشان مايعملش معاها مشكله فاتصلت بيه وهو كان وقتها في الطريق للفندق
مياده:الو
اسر:ايه ياحبيبي اتاخرت عليكي
مياده:يعني شويه بس انا متصله اسألك انت تعرف انهم عاوزني مش انزل مع بابا او معاك للقاعه
اسر:ايوه ياحبيبتي اعملي زي ماحتقولك
مياده:حاضر
قفلت الخط وكلمت صحباتها اللي كانوا مستغربين زيها بالظبط
مياده:ده اسر كمان عارف
تقي:تلاقيها مفاجاه من مفاجاته
مي:هههه يكونش حياخدك وتمشوا من غير مانشوفكم
اسماء :انتوا حتفضلوا تخمنوا دلوقتي حيبان كل حاجه
تقي:بت ياميمو اوعي تفضحينا وتقومي بالليل تقولي للراجل عاوزه اروح لماما
مياده:اكتوا بقي مش تخوفوني اكتر ماانا خايفه
مي:انتي بتشخري وانت نايمه ولا حاجه
مياده:بس يابت منك ليها هو انا علشان ساكته لكم
أسما:سيبك منهم ياميمو دول متغاظين علشان انتي قمر ربنا يحرصك ويهنيكي خدي بالك من جوزك واسمعي كلامه وخافي علي بيتك أوي يامياده
مي:بت يااسماء انتي قلبتي على ست الحاجه كده ليه
ضحكوا كلهم وحضنوا بعض وودعوا صاحبتهم لان موظفه الفندق وصلت تاخد مياده وطلبت منهم ينزلوا القاعه يستنوها وكان ساعتها وصل اسر سلم علي المدعوين من رجال اعمال وزوجاتهم وناس من مناصب قياديه وصحافه وبعدها وقف علي الاستيدج في انتظار مياده
مياده اخدتها الموظفه لغرفه موجوده فوق القاعه مباشرة علشان تقعدها علي مرجيحه واول ماقعدت وامنت قعدتها عطت اشارة البدأ
في القاعه
أطفأت الانوار ونزل ماالسقف العلوي للقاعه مرجيحه علي شكل هلال مضيء بالابيض والأزرق وتجلس عليه العروسه التي كانت تشبه الاميرات في جمالها اللي خطف العيون في عز الظلام وكانت تظهر بهدوء علي كلمات اغنيه ماجده الرومي(طلي بالابيض طلي يازهرة نيسان
طلي ياحلوه وهلي بها الوجه الريان)
ووصل الهلال للاستيدج اللي واقف عليه اسر اللي اخدها من فوقه وحضنها وفضل يلف بيها وهي في بين احضانه زي الفراشه وبعدها رقصوا "سلوا" وبعد ماانتهت الرقصه حيوا المدعوين من مكانهم واخدها قعدوا في الكوشه اللي كانت علي شكل محاره بحر ومياده كأنها اللؤلوؤه بتاعتها
اسر كان ملاحظ نظرات المدعوين لمياده واعجابهم بجماله وحيويتها وده كان مضايقه جدا لانه مش بيحب الوسط ده لكنه مرغم علي عزومتهم و لانه من الشخصيات العامه كان لازم يشهر جوازه
طلب الدي جي من اصحاب العروسه يتجمعوا وطلب من العروسه والعريس النزول للاستيدج مره تانيه وده طبعا علشان يرقصوا لكن اسر حلها بشكل لطيف وفضل حاضن مياده من وسطها وسابها تتمايل بس من غير رقص وصحباتها هما اللي رقصوا وحاول انهاء الموضوع بسرعه بالاشاره للدي جي واخدها ورجعوا مكانهم لكن مياده كانت متضايقه انها حست بايد اسر اللي مكلبشه علي وسطها
مياده:اسر انت ليه مش سيبتني أرقص
اسر:لا ياحبيبي انا مش بحب كده انتي عاوزه الناس تتفرج عليكي يعني
مياده:لكن كل العرايس بترقص في فرحها
ولسه اسر حيتكلم كان كان ظهر صوت الفنا محمد حماقي باغنيته اللي مياده وصحباتها بيحبوها وجري البنات اخدوا مياده ورقصوا مع ظهور حماقي علي الاستيدج لانه كان احد فقرات الحفله والدنيا هاصت واسر غضبه حيبدأ يظهر لكنه سيطرعلي اعصابه وقرر يتصرف بسرعه مذهله وبعد ماكانت خلصت الأغنيه راح وقف جنب مياده وطلب الميكروفون
اسر:انا حقيقي بشكر كل ضيوفي اللي شاركوني فرحتي لكن احنا مضطرين نسيبكم تكملوا الحفله من غيرنا علشان في ميعاد طياره حالا لاني حبيت افاجيء حبيبتي ونسافر من الفرح لشهر العسل في باريس
طبعا الكل صدق حتي مياده نفسها وصقف المدعوين وودعوهم وخرج اسر ومياده من القاعه وخرج وراهم امها وابوها وتوحه اللي ماكنتش مصدقه ولا كلمه وكانت حاسه ان في حاجه لكن ماحبتش تلفت الانتباه
اسر:اتفضلوا انتوا يجماعه ارجعوا الفرح علشان الضيوف لازم تكونوا معاهم واحنا حنطلع نغير لبسنا بسرعه ونمشي
سلموا عليهم وطلع اسر ومياده للجناح واول مادخلوا قفل اسر الباب وبص لمياده بنظره رعبتها
آسر بزعيق:ايه اللي انتي عملتيه ده ازاي تقفي ترقصي وتستهتري بكلامي كده
مياده:انا كنت فرحانه واتصرفت بطبيعتي
آسر بصوت اعلي:وانا قولت ماترقصيش يبقي مافيش رقص
مياده بخوف :خلاص انا آسفه
اسر:وانا مش قابل اسفك لازم تتعاقبي علشان تعرفي ازاي مش تغلطي في حقي تاني
مياده:يعني ايه حتضربني
اسر:انا مش من الرجاله اللي ممكن تضرب ست انا حنفذ كلام ربنا وحعاقبك زي ماقال الشرع (واهجرهن في المضاجع)
مياده :يعني ايه مش فاهمه
اسر:يعني من انهارده كل واحد حينام في غرفه لواحده لحد ماتراجعي نفسك وتعرفي غلطك
مياده:يعني مافيش شهر عسل طبعا
اسر:لأ فيه وحنسافر الصبح
مياده:لا خلينا هنا انا مش عاوزه أسافر
اسر:ده مش قرارك احنا حنسافر علان تعرفي تراجعي نفسك وانتي لوحدك لكن هنا في اصحابك وأهلك وتوحه يعني مش حتكوني لوحدك زي هناك
مياده:وانا حنفذ شرع الله وحطيع كلام جوزي وحسافر معاك وححبس نفسي وحراجع نفسي بس مش لاني رقصت يوم فرحي لكن في علاقتي بيك من الاول هي كانت غلط ولا صح
↚طبعا مياده اول ماقالت لاسر انها حتراجع نفسها في علاقتها بيه اتجنن وانفجر زي البالونه
آسر :ايه تراجعي نفسك في علاقتك بيا انا ليه عملت معاكي ايه يامياده انتي اللي من أول يوم ارتبط فيه اسمي بأسمك وخرجتي مع اصحابك من غير مااعرف وانا سامحت في حقي وانتي اللي كل حاجه اقول عليها لأ تعمليها وتقولي نسيت وانتي اللي دايما بتحاولي تتجاهليني انا عملت ايه غير اني ثورت لكرامتي واني غيرت علي مراتي من نظرات ناس انا ادري بيهم منك
مياده:ياااه انا وحشه أوي كده طيب ليه كملت معايا
آسر :علشان عمري ماحبيت حد غيرك علشان حافظت علي نفسي خمس سنين ماعرفتش فيهم اي واحده غيرك من غير حتي مااعرف انتي ممكن تكوني ليا ولا لأ
مياده فضلت السكوت وانها ماتردش واسر كمان فضل ساكت بعد ماحس بوجع من كلامها وهي حست انه دمر اجمل يوم في عمرها فضلوا علي الحال ده لحد بداية ظهور الشمس غيروا لبسهم واخدها اسر وراحوا علي المطار وهناك كان مضطر يكلمها علشان الاجراءات وبس ركبوا الطياره ولما حس بخوفها وقت صعود الطياره حاول يمسك ايديها علشان يطمنها لكن مياده سحبت ايديها وده خلاه مصمم علي عقابه ليها أكثر.
اعلنت المضيفه عن وصول الرحله ونزلوا راحوا علي الفندق اللي اسر حاجز فيه جناح مميز للعرسان الجداد لكن اسر طبعا طلب جناح تاني وفضل انه يكون قدامه بالظبط وحصل
طلعوا فوق دخل معاها اسر للجناح بتاعها وكانت المفاجاه لمياده لما لقت الجناح كله مليان بالورود والبالونات الطايره والشموع الحمرا والسرير مرسوم عليه قلب كبير بالورد الاحمر في الاول فكرت ان اسر بيصالحها لكن اتفاجءت بكلامه
آسر :شوفتي يامياده انا كنت عامل ايه علشان افرحك لو كنتي استنيتي ساعات كنتي فرحتي اكتر من فرحتك بالرقص وسابها ومشي.
ومياده طبعا حتي مابصتش ناحيته هي عرفت من صوت الباب انه خرج
راحت مياده قفلت قفل الباب وطلعت من شنطتها لبس مريح تنام بيه ودخلت الحمام اخدت شاور وراحت علي السرير علشان تنام مياده كانت بتعمل كل حاجه وهي حاسه كأنها انسان آلى بيتحرك وبس لقت ان مافيش طريقه تخرج بيها من اللي هي فيه غير الهروب بالنوم ودي كانت عادتها كل ماتزعل تنام مده طويله لكن اسر مايعرفش حاجه زي دي وفعلا مياده نامت وماحستش بأي حاجه غير القهر والوجع اللي في قلبها وفاقت من نومها علي صوت دق علي الباب راحت تشوف مين
مياده:مين
اللي بره:أفوتو سيرفيس مدام
مياده:وي
طبعا هي افتكرت انها مش في مصر وردت بالفرنساوي
فتحت الباب ودخل خدمة الغرف وبعدها وصل الفطار لكن هي كانت قررت تعاقبه زي ماعاقبها وتمنع الاكل عن نفسها ولانها عارفه هو بيهتم بأكلها ازاي اتأكدت انه حيتضايق لما يعرف وفعلا سابت الاكل وفضلت علي الحال ده يومين لاهي بتاكل ولا اسر بيسأل عليها لحد مافقدت الامل ووقتها كان حالها اتبدل ووشها اصفر من قلة الاكل وحست بدوخه وتعب جامد اوي فراحت علي السرير نامت ودخات في حالة غيبوبه وجسمها تلج وكل ده كانت لوحدها واسر ولا حاسس بأي حاجه لحد ماوصلت خدمة الغرف لليوم التاني وماحدش بيرد عليها ولا الاكل بيدخل ولما سألت في الريسيبشن عرفت انها ماخرجتش فبلغت المدير خوف من المسؤليه
المدير كان شاب مصري وكان يعرف اسر معرفه شخصيه وكان عارف انها مراته لكن مايعرفش سبب ان كل واحد نازل في جناح منفصل فقرر يكلم اسر
المدير:مستر اسر ازي حضرتك
اسر:اهلا وسهلا انت عامل ايه
المدير:تمام ياافندم بس في حاجه حابب ابلغك بيها يمكن يكون عندك تفسير يطمنا
اسر:خير في إيه
المدير:المدام بقالها اكتر من يومين مش بتفتح الغرفه للتنضيف او الاكل والباب مقفول من الداخل
اسر:ازاي مابلغتنيش قبل كده
المدير:انا لسه متبلغ ياافندم وحبيت احلها مع حضرتك الاول قبل مااستدعي امن الفندق ونكسر الباب
اسر:تمام كده احسن طبب لوسمحت ممكن حد ييجي يفتح الباب
المدير:طبعا حالا
وراح اسر يجري علي جناح مياده وكان كل جسمه بيترعش من خوفه عليها وكل اللي كان شاكك فيه انها تكون عملت اي حاجه في نفسها وماكانش بيفكر غير في ازاي قدر يعمل فيها كده ازاي ضىعها من ايده بسبب غيرته ازاي هانت عليه كان عمال يلوم في نفسه لحد ماوصل المدير والامن وعاملة النظافه
واول ماالأمن فتح الباب اسر كان رافض حد يدخل الجناح لربما تكون مياده في اي وضع غير لائق ان يشوفوها لكن المدير رفض وصمم ان علي الأقل تدخل معاه العامله لانها ست زيها وده طبعا صعب انه يحصل لكن لأن المدير مصري فهم غيرته وشرقيته
دخل آسر الجناح وعيونه بتدور علي مياده لحد مالقاها علي السرير جري عليها لكن لقاها اتغيرت بقت واحده تانيه غير حبيبته وأول مالمسها كانت زي لوح التلج فضل يهز فيها لكن ماكنتش بتفوق اسر كان بيصرخ وهو بينادي عليها وكانت خرجت العامله وقالت للمدير علي الحاله واستدعوا طبيب الفندق اللي اول ماكشف علي مياده طلب نقلها مستشفي فورا لتدهور الحاله
وفعلا وصلت الاسعاف ونقلت مياده اللي كانت فاقده للوعي تماما
وأول ماوصلت المستشفي عملو ا معاها الازم بأقصي سرعه لان اي تأخير كان ممكن ينهي حياتها لان مع قلة الكل وضعف جسمها حصل هبوط في السكر وده اللي دخلها في الغيبوبه وده طبعا كان تقرير الدكاتره اللي كشفوا عليها واللي لماسمعه اسر كان بيلوم نفسه اكتر وكان حابس دموعه بالعافيه
علقوا ليها جلوكوز وعطوها العلاج اللزم لحد مافاقت مياده واستغربت من المكان اللي هي فيه
مياده:انا فين هنا
أسر:انتي في المستشفي ياحبببتي حمد الله علي سلامتك
مياده:ليه انا حصلي إيه
اسر:مياده حبيبتي ماتشغليش بالك المهم انك قومتيلي بالسلامه حاولي تهدي وترتاحي دلوقتي وبعدين حفهمك كل حاجه
مياده:اسر
اسر:عيون وقلب اسر اؤمري
مياده:انا عاوزه ارجع مصر
آسر :حاضر ياحبيبتي اول مانخرج من هنا ححجز ونرجع القصر علطول
مياده:اناعاوزه ارجع بيتي عند ماما وبابا
اسر:لا يا مياده انتي مش حاتسيبيني ابدا مش كده انا عارف اني غلط في حقك وقسيت عليكي لكن مش حسيبك تبعدي عني انا ممكن أموت من غيرك
مياده حست انها تعبانه اوي ومش حتقدر تتكلم فقررت السكوت لحد ماترجع الفندق علي الأقل
عدي يومين علي مامياده بقت كويسه والدكتور وافق انها تخرج بشرط انها تتغذي كويس وماتتعرضش للانفعال
وخرجت مياده ورجعت الفندق وطبعا اسر ماكانش بيسيب فرصه الا وهو بيعتذر لها وبيحاول يراضيها
اسر:حمد الله علي سلامتك ياميمو
مياده:الله يسلمك
آسر :يلا ياحبيبي تعالي خدي شاور علشان ترتاحي وبعدها نخرج نتغدي
مياده:لا شكرا انا حتغدي لوحدي هنا علشان ااكمل فترة عقابي
آسر :خلاص بقي يامياده سامحيني علشان خاطري
مياده بلوم:لكن انت مش سامحتني لما اعتذرتلك
آسر :خلاص ياستي عاقبيني انتي كمان ولو ان بعدك عني الايام اللي فاتت كانت اكبر عقاب
وبعدين تعالي نخرج نتغدي وخليكي مخصماني لحد ماتسمحيني من قلبك
مياده وافقت قصاد تصميم اسر اللي قالها انهم مش حيرجعوا غير لما تكون سامحته
دخلت مياده اخدت شاور بعد ماطلبت من اسر انه يخرج يروح جناحه لحد ماتجهز وفعلا خرج
خلصت مياده وخرجت لبست واستعدت للخروج وكان هو كمان خلص اخدها وخرجوا راحوا مطعم من اشيك مطاعم باريس دخلوا قعدوا وطلبوا الغدا لكن فجاه لقت حركه غريبه حاوليها وعلي مارفعت عيونها تبص كان محاوط الطرابيزه بتاعتهم بالونات طايره مكتوب عليها انا (اسف وسامحيني وبحبك) وبتبص علي كاس المايه اللي قدامها لفته مكتوب عليه( سامحيني يامياده )حتي الطبق اللي حتاكل فيه كل حاجه كان مكتوب عليها تسامحه ولقت اسر قام وقف وراح عند كرسيها ووطي عليها مسك ايدها يبوسها
آسر :سامحيني يامياده انا عارف اني عصبي وغيور بزياده اوي لكن اللي متأكد منه اني بحبك بزياده اوي اوي أوى
مياده ماكنتش عارفه تعمل ايه تسامحه ولا تصمم عل موقفها لكن قلبها كسب المعركه وسامحته وقامت رمت نفسها في حضن اسر اللي كان واقف وفاتح ذراعه لاستقبال مياده وحضنها جامد وفضل شايلها من علي الارض وبيلف بيها وسط تصقيف الناس الموجوده في المطعم علي الرغم انهم مش فاهمين اللغه لكن احترموا حبه ليها
**ازاي اسر حيكسب ثقة مياده فيه مره تانيه دهاللي حتعرفوه في الحلقه اللي جايه***
↚انتبهت مياده للناس اللي عماله تصقف وانها نست كل اللي حصل معاها وبقت في حضنه ووشها احمر من الكسوف ودموعها نزلت علي وشها
آسر :حبيبي بتعيطي تاني ليه انا مش عاوز اشوف دموعك تاني ابدا
مياده:لا والله انا اتكسفت من الناس دي بس
آسر :لا ياحبيبي احنا هنا في بلد العشق بلد الحريات الناس هنا بتحترم حب الراجل للست
مياده:اوعدني انك مش حتزعلني تاني
آسر :وحياة مياده مش حزعلك تاني
مياده:هو ده الوعد
آسر :تفتكري عندي اغلي منك احلف بيه
مياده:وانا والله مش حعمل حاجه انت تكون رافضها تاني
آسر :ياحبيبي انا مش برفض علشان اتحكم فيكي انا برفض من خوف وحب يمكن يبان ان ده تخلف ورجعيه لكن انا كده مش بستحمل حد يشوفك ولا يكلمك ولا بتحمل احساسب ان ممكن حاجه تاخدك مني
مياده:اممممممم
اسر:ده افهم منه ايه ده يعني
مياده:ولا حاجه بس فهمت خلاص
آسر :ايوه كده اهي ميمو حبيبتي الشقيه رجعت تاني
مياده:انا خلاص شبعت حنعمل ايه دلوقتي
آسر :حنرجع الاوتيل ونقعد مع بعض شويه وبعدها ترتاحي لأنك لسه خارجه من المستشفي ومش المفروض تعملي مجهود
مياده:اوكيه طيب يلا بينا اذا كنت خلصت
آسر :ايوه طبعا خلصت من بدري
دفع اسر الحساب واخدها وخرجوا رجعوا الفندق واول مادخلوا الجناح مياده كانت عاوزه تغير لبسها لكن اسر قعد معاها
آسر :يلا يحبيبي مش حتغيري لبسك
مياده بكسوف:طبب لما ترجع جناحك
آسر :نعم ماهو ده جناحي برده
مياده:اسر بطل غلاسه ويلا اخرج بقي
آسر :انا حخرج اجيب لبسي لان حاجتي هناك لكن من انهارده حسلم الجناح وحقعد معاكي هنا انا قولتلك مش حسيبك لحظه بعد كده
بعدهاخرج آسر من الغرفه راح يجبب حاجاته وهي انتهزت الفرصه وغيرت لبسها بسرعه ولبست ترننج عليه رسومات كروتونيه
رجع اسر للجناح ومعاه شنطه لقاها قاعده علي الانتريه الموجود بالجناح راح قعد جنبها وحط ايده علي كتفها ضمها ليه وهي سندت براسها علي صدره
اسر:وحشتيني اوي يامياده
مياده:انا عاوزه اسألك سؤال
آسر :اتفضلي
مياده :ازاي انت بتحبني اوي كده وازاي هونت عليك تسيبني لوحدي من غير حتي ماتشوفني
آسر :خلاص بقي ياحبيبي بلاش تعذبيني اكتر ربنا يعلم انا كنت بموت من جوايا ازاي تعرفي ان انا كمان مش خرجت من الغرفه خالص
مياده:ههههه يعني انت كمان كنت بتعاقب نفسك
اسر:ايوه ياستي كنت بعاقب نفسي اني زعلتك
مياده:خلاص احنا ننسي اللي فات ونبدأ من جديد بس انت وشطارتك بقي
اسر بهزار :انتي بتبتزيني ياميمو
مياده:براحتي والله
اسر:طبعا ياروحي انا كلي ملكك
مياده:تعرف اني قلقانه اوي علي نتيجة التنسيق مش عارفه حصل ايه
آسر :طيب ليه مش كلمتي حد من اصحابك او بابا
مياده:اكلمهم منين وانا مش بعرف حاجه هنا
اسر:من تليفونك حبيبتي انتي خطك جوال تقدري تتكلمي دولي براحتك
مياده:انا مش كنت عارفه
اسر:طيب خدي تليفوني كلمي بابا
مياده اخدت تليفون اسر وكلمت اهلها
الاب:اهلا ياحبيبي عاملين ايه
مياده:يعني اسر هو اللي حبيبك وانا لأ
الاب:ميمو حبيبتي اصل ده رقم اسر فكرته هو وحشتيني يا روح ابوكي
مياده:وانت ياحبيبي وحشتني اوي وماما وحشتني هي فين
الاب:اهي ياستي كانت ععامله نايمه واول ماسمعت التليفون نطت جنبي
الام:وحشتيني يابت عمري
مياده:وانتي وحشتيني اوي نفسي اترمي في حضنك ياماما اصله وحشني اوي اوي
اسر كان سامع الكلام ده وكان واقف حيتجنن
الام بقلق:انتي كويسه يامياده واسر عامل معاكي ايه
مياده:ايوه طبعا ياحبيبتي كويسه واسر ربنا يخليه ليا وبعدي ن انتي عارفه اسر وحنيته عليا يعني ياماما هو بس مدوخني في انه بياكلني كتير جدا
الام:ربنا يسعدكم ياميمو
مياده:ماما ماتعرفيش التنسيق حصل فيه ايه
الام:ايوه ياحبيبتي مبروك قبلتوا في هندس اسكندريه كنت حنسي والله يامياده من فرحتي بيكي
مياده:اتاكدتوا ياماما
الام:ايوه يابنتي اسماء راحت شافت بنفسها
مياده:خلاص ماشي ياحبيبتي يلا سلام بقي
الام:سلمي علي جوزك وخدي بالك عليه وعلي نفسك مع السلامه
قغلت مياده التليفون والفرحه مش سيعاها اخيرا حلم عمرها اتحقق لكن اسر كان متضايق انها قبلت في كليه عملي
مياده:الحمد لله انا كنت حموت من الخوف ياحبيبي
آسر :بعد الشر عليكي ماتقوليش كده واصلا بعد كلمة حبيبي دي انا ممكن اعملك كلية هندسه مخصوص ليكي انتي بس
مياده :ربنا يخليك ليا ومش يحرمني منك
اسر كان لسه قاعد جنبها علي الكنبه وحب يقرب منها اكتر ويغتح معاها اي حوار يتكلموا فيه
آسر :انتوا كلكم دخلتوا كليه واحده
مياده:ايوه ماما قالت ان كلنا قبلنا
اسر:طيب كويس علشان يظبطوكي في المحاضرات
مياده:لا بيتهيألك دول فشله انا المنظمه الوحيده فيهم
اسر:بس مش الهندسه صعبه ومحتاجه مجهود
مياده:مش مهم ربنا يقدرني دي كانت حلمي انا تعبت ذاكرت علشان أدخلها
اسر:وانا وعدتك ياحبيبتي مش حنقصك حاجه عاوزه كورسات كتب مراجع اللي تحتاجيه كله حيكون تحت أمرك
مياده:شكرا ياحبيبي بس انا عاوزه حاجه تانيه خالص
اسر:عيوني ليكي
مياده:عاوزه ان شاء الله بعد ماتخصص تضربني في شركه من بتوعك انا والبنات
اسر:هههههه وانا موافق هو ده الطلب بس
مياده:ايوه
اسر:احكي لي عن صحباتك ياميمو
مياده:شوف ياسيدي اسماء دي العاقله بتاعتنا وكمان متدينه اوي وتقي الاروبه بتعرف تشتري اي حاجه بسعر قليل اما مي بقي دي االكوميديانه بتاعة الشله دمها زي العسل
آسر :طيب ومياده
مياده:انا خلط من اسماء ومي لكن تقي صعب اكون شاطره زيها
اسر:انتي روحي ياميمو ودي اهم حاجه في الدنيا
مياده:وانت حبيبي علي فكره بس قولي هو انت ماعندكش اصحاب
اسر:لا ماعنديش اصحاب انتيم زيك انتي والبنات كده لاني كنت ماسك شغل ابويا كله بعد مااتوفي كنت بروح الكليه بالصدفه وحتي وانا صغير كنت قافل حياتي علي الدراسه والرياضه ولما كان بيجيلي نفس العب زي الاطفال كنت بلعب مع علاء لحد ماشوفتك وحياتي اتغيرت بقي ليها اهميه عشت علشانك وحلمت بيكي كتير قبلك كانت حياتي عامله زي الآلات مافيهاش روح
مياده صعب عليها اسر اوي وفهمت هو ليه بيخاف عليها كده ورجعت دخلت في حضنه
حضنها اسر جامد اوي وبعدها اخدها وناموا علشان ترتاح شويه.
وفي الصباح صحي آسر قبل مياده اخد الشاور بتاعه وادي صلاته وطلب الفطار وبدا يصحي مياده
آسر :ميمويلا ياميمو اصحي علشان حنخرج
مياده بفرحه:بجد حنخرج حالا حكون جاهزه
اسر:بس حنفطر هنا الأول
دخلت مياده بسرعه اخدت شاور ولبست وصلت
وبعدها كانت بتفطر باقصي سرعه علشان تلحق تخرج
خلصوا فطار واخدها اسر وخرج فسحها وفرجها البلد واشترالها حاجات كتير اسر كان مجرد مايشوف عيون مياده بتبص علي حاجه كان بيشتريها .
اسر فرح مياده بكل حاجه بحبه وحنيته واهتمامه ومياده قررت تفاجءه لما يرجعوا الاوتيل
رجعوا الاوتيل وكان كل واحد محضر للتاني مفاجئه
خرج اسر وساب مياده بحجة انه حيشوف ناس ليه معاهم شغل لكنه راح اشترالها سلسله فيها فراشه جناحتها عباره عن فصوص ملونه من الألماس وحطها في علبه حمرا ولفها مع دبدوب احمر لانه طبعا عارف ان حبيبته عقلها طفولي وممكن تفرح بالدبدوب عن السلسله رغم قيمتها الماديه الكبيره
وطبعا خروج اسر كان اكبر فرصه لمياده علشان تحضر مفاجأتها
دخل اسر الغرفه لقاها نورها مطفي والشموع الحمرا هي اللي منوره الجناح كله والموسيقي الهاديه شغاله فضل يدور بعيونه التسريحه واقفه بتشوف نفسها في المرايه وكان اسر لأول مره بيشوف مياده المرأة مش الطفله كانت ميااده زي القمر وهي فارده شعرها وبمكياجها البسيط وقميصها الابيض الشفاف كانت انثي بكل معني الكلمه وطبعا اتحركت مشاعره وجري عليها حضنها ونسي انه معاه هديه ليها
""ونسيبهم بقي ونبقي نرجع لهم الصبح"""
ولما بدات تظهر الشمس الجناح كله اتملي بنورها لا نهم نسوا يقفلوا الستايربالليل طبعا
صحت مياده من الضوء بصت علي نفسها وافتكرت اللي حصل امبارخ ابتسمت ووشها كان لون الفراوله وزاد الاحمرار لما اسر بدأ يفتح عيونه
اسر:صباح الفل يامدام اسر الطاروطي
مياده بخجل:صباح النور ياحبيبي
اسر:يلا ياروحي قومي خدي شاور علي مااطلبلك الفطار
مياده:طيب قوم انت لاني حاسه بتعب شويه وحاسه اني بردانه ممكن تغطيني
اسر:خلاص ياحبيبتي نامي انتي شويه كمان
قام اسر قفلها الستاير وغطاها ودخل اخد شاور وبعدها ملي البانيو بالمايه الدافيه
خرج طلب الفطار وطلب معاه كوباية لبن سخن
وراح صحي مياده وشالها دخلها عند البانيو وهي حتموت من الكسوف قربلها البرنس وسابها وخرج
مياده خلعت القميص النوم بتاعها وقعدت في البانيو لحد ماحست ان جسمها ارتاح شويه قامت لبست البرنس وخرجت وقفت قدام المرايه تسرح شعرها اللي بتكره طوله جدا وكان اسر محضرلها بيجامه علشان تلبسها لبستها وهو استلم الفطار ودخل لقاها شكلها متتضايق من تسريح شعرها اخد منها الفرشاه وسرحلها شعرها بايده واخدها وقعدوا علشان يفطروا آسر كان بيأكل مياده بأيديه وشربها اللبن واخدها نيمها علي السرير وغطاها وفضل قاعد جنبها يخلص شغله علي الاب توب .ومياده بمجرد ماعمضت عيونها راحت في النوم وكأن اسر كان ادري بيها من نفسها.
اسر كسر كل القواعد اللي امها قالتهالها قبل الجواز كان حنين عليها لدرجه اسرت قلبها وخلته بقي ملك لاسر بس
لكن ياتري حتفضل مياده اسيرة لحنيته واسر حيفضل علي حاله ولا طبعه حيغلب عليه
↚مياده فضلت نايمه ومحستش بالوقت واسر فضل قاعد جنبها لحد ما جه معاد الغدا طلب الغدا وصحي مياده
آسر :ميمو ياميمو يلا قومي ياحبيبتي علشان تتغدي
مياده بصوت نايم:معلش سيبني انام شويه انا لسه مش جعانه دلوقتي
آسر :لا قومي ياحبيبتي اتغدي ونامي تاني وانا حفتح نفسك
قامت مياده وقعدوا علشان يتغدوا اسر كان بيأكلها يأيديه ويشربها العصير وهي كانت في منتهي السعاده
مياده:حبيبي خلاص الله انا كده شبعت ومش قادره آكل تاني
آسر :خلاص ياروحي قومي ارتاحي
مياده:لا انا بقيت كويسه مش عاوزه انام تاني
آسر :مش تنامي قومي بس افردي جسمك علي السرير وانا حاجي اقعد جنبك
وفعلا مياده نامت علي السرير نص نومه كده وسندت ضهرها علي ضهر السرير لحد ماجالها اسر اخد مخده مربعه حطها ورا ضهرها وكان جايب الاب بتاعه ومعاه شيكولاته لمياده
آسر :خدي ياحبييبي الشيكولاته دي
مياده:واو شيكولاته ده انا بموت فيها
آسر :ياسلام بتحبيها اوي كده
مياده:انا بعشقها ده انا كنت مضيعه مصروفي كله عليها
اسر:يااه ده انتي مش بتتكلمي علي جوزك بالحب ده
مياده:انت حتغير من الشيكولاته كمان
اسر:انا بغير عليكي من كل حاجه انتي ممكن تحبيها اكتر مني
مياده:بس كده انا بخاف
آسر :لا ياعمري مش تخافي لاني وعدتك ان عمري ماازعلك
مياده:هو انت عندك شغل حتعمله
اسر:لا ياحبيلي انا جيبت اللاب نتفرج علي فيلم شوفي تحبي فيلم ايه
مياده :انا عاوزه اشوف فيلم( كان يوم حبك)
اسر:اشمعنا ده انا حتي مش عارفه هو بتاع مين طيب
مياده:ده فيلم لخالد سليم وداليا البحيري بس رومانسي جدا غير اني بحب خالد سليم اوي
آسر :والله بتحبيه ازاي يعني
مياده بهزار:يعني لو كان اتقدملي كنت وافقت عليه بدالك
مياده قالت كده بهزار وماكنتش تعرف انها بتخرج الوحش مره تانيه
آسر :ياسلام طيب خلاص انا ممكن اقوله تعالي اتجوز مراتي علشان اتجرأت وقالت قدام جوزها ا نها بتحبك
مياده:علي فكره انا بهزر ده فنان والناس دي بالنسبه لينا بعيد اوي وانا كنت حشوفه فين يعني
آسر بغضب:لا يا مدام لوسمحتي ماتهزريش في كده تاني لان الكلام ده عيب واسمه تقليل مني انا شخصيا
مياده:انا اسفه بجد انا بهزر وطلبت الفيلم علشان بيتكلم عن اتنين قابلوا بعض صدفه وكنت بحسهم زينا يعني
آسر :خلاص ياحبيبتي انا اللي اسف اني اتضايقت كده لاني.مقدرتش اسمع كلامك ده واتحمله
مياده:عادي بقي وبلاش الفيلم خالص هاتلنا فيلم رعب
آسر :ههههههه ده انتي اتخنقتي مني اوي بقي
مياده:ايوه ماهو اكيد مش ححب مصاص دماء مثلا
آسر :لا ياحبيبي انا خلاص لقيت الفيلم بتاعك
وشغل الفيلم وعجبه جدا وهي طلعت غيظها من اسر في الشيكولاته
مياده:ايه رايك عجبك
اسر:تعرفي اني عمري ماسمعت عنه حتي وبصراحه اكتر انا مش بشوف افلام ولا مسلسلات
مياده:ليه كده دي حتي مسليه وبتضيع الوقت
آسر :وهو انا بلاقي وقت انام علشان اضيعه
مياده:الله يقويك يعني بعد مانرجع مش حشوفك
اسر:لا ياحبيبي انتي حتكوني معايا دايما
مياده:ماهو انا كمان اكيد حتشغل بالكليه
آسر :هو في حاجه ممكن تشغلك عني
مياده بحب :اكيد لأ
اسر:انا عاوزك ترتاحي انهارده علشان بكره حنخرج نتفسح ونشتري هدايا لكل اصحابك واهلك علشان حنسافر بعد بكره ان شاء الله
مياده:بجد حنرجع مصر
آسر :انتي فرحانه كنت متخيل انك حتزعلي ان شهر العشل خلص بسرعه
مياده:تقريبا كده انا زي مابيقولوا عامله زي السمك لو طلع من المايه يموت وان لو طلعت من اسكندريه اموت
اسر:بعد الشر عليكي ماتقوليش كده تاني وانا عارف انك تعبتي هنا من اللي حصل
مياده:يمكن ده سبب لكن بجد نفسي اوي اروح اقف عند البحر واشم ريحته
آسر :انتي لسه زعلانه مني
مياده:لا مش زعلانه لكن مش حقدر انسي بسرعه اوي كده
آسر :انسي ياميمو وانا عمري ماحزعلك تاني
مياده رمت نفسها في حضنه علشان تحس بالامان واسر ضمها ليه اوي علشان يطمنها انه صادق في كلامه
خلص اليوم وتاني يوم الصبح صحوا من نومهم وفطروا وخرجوا اتفسحوا واشتروا هدايا لكل الناس اللي يعرفوهم واتغدوا بره الفندق ورجعوا علشان يرتاحوا شويه ويحضروا الشنط
مياده:حبيبي انا حرتاح شويه بس واقوم احضر الشنط
آسر :ارتاحي ياروحي وانا ححضرها
مياده:لا مش حينفع ازاي يعني انت تعمل حاجه وانا موجوده
آسر :لا ياحبيبتي انا حساعدك علشان ماتتعبيش
وبالفعل مياده ارتاحت شويه وقامت تحضر الشنط لكن ايد اسر كانت قبل ايدها وحضر هو كل حاجه معاها وبعدها ناموا استعدادا للسفر الفجر
يدوب ناموا كام ساعه وصحي اسر قوم مياده ولبسوا ونزلوا من الفندق راحوا علي المطار خلصوا الجراءات وركبوا الطياره والمره دي بقي اسر كان ضامم مياده لصدره وقت صعود الطياره وهي كانت مرتاحه وماحستش بنفس الخوف اللي حسته المره اللي فاتت
وصلت الطياره بعد ساعات وطبعا اسر في مطار اسكندريه بيدخل من قاعة كبار الزوار واجراءته خلصت فورا وكان علاء في انتظارهم ركبوا معاه بعد ماسلم عليهم وباركلهم وبداوا الطريق
آسر :علاء لو سمحت امشي من علي طريق البحر
علاء:هو حضرتك حتروح مكان معين لانه مش طريقنا
آسر :لا مش رايح في حته لكن امشي من هناك
مياده فهمت هو عاوز يمشي من هناك ليه وفرحت اوي انه لسه فاكر طلبها. وعلاء لف بالعربيه ومشي من طريق البحر اللي ممكن يوصل للقصر برده
آسر :علاء معلش اركن هنا علي جنب
ونزل اسر فتح الباب لمياده واخدها ووقفوا علي البحر
مياده:يااه كان واحشني اوي
آسر :واهو انتي واقفه قدامه يلا شمي ريحته بقي
وقفت مياده تستنشق في هوا البحر وهي ماسكه في ايد اسر وهو كان واقف ولافف دراعه علي كتفها
آسر :مش يلا بينا بقي علشان نروح
مياده :اوكي يلا بس حتجيبني تاني
آسر :من عينيا ياروحي
ركبوا العربيه واتجهوا للقصر واول ماوصلوا استقبلتهم توحه ورحمه وكل اللي شغالين في القصر باتهاني والفرحه لوصولهم
""ياتري حيكون ايه حال مياده في اول يوم في القص
↚توحه رحبت بمياده اوي يمكن اكتر من اسر ومياده كانت مستغربه المكان لانها ماشفتهوش غير اول يوم تشوف فيه اسر
توحه:ايه ياعروسه مالك مخضوضه كده ليه
مياده:لا عادي بس مستغربه البيت شويه
آسر :تعالي ياحبيبي نطلع نرتاح وبعدي حنزل افرجك القصر كله والجنينه
مياده:ماشي
توحه:اطلعوا ياحبايبي علي ماالغدا يجهز وابلغكم
آسر :ماشي ياتوحه ياقمر وحشني أكلك
توحه :وانا حضرتلكم كل الاكلات الحلوه
مياده:تسلم ايدك ياماما
واخدها اسر وطلعوا يغيروا لبسهم ويرتاحوا شويه واول مياده مادخلت غرفة الاميرات سرحت وافتكرت اول مره دخلتها وازاي حب اسر ليها خلاها وفقت علي الجواز وافتكرت ليلة فرحها كمان ومعاملته ليها وگانها بتقارن الليلتين اللي حست انهم عكس بعض لكن قطع شرودها صوت اسر
اسر:ميمو واقفه كده ليه
مياده :لا ابدا بس مش عارفه الشنط فين
آسر :مش لازم حاجه من الشنط علشان مش تتعبي وفتح لها الدولاب لقته مليان لبس أشكال والوان منها حاجات امها جابتها وحاجات اول مره تشوفها
مياده:ايه ده دي حاجات مش بتاعتي
اسر:هههههه ليه انا متجوز واحده غيرك ولا ايه
دي كلها بتاعتك ياروحي بس في حاجات انا جيبتها من غير ماتكوني معايا
مياده:تسلم ايدك ياحبيبي
آسر :يلا بقي غيري وتعالي اقعدي جنبي شويه
دخلت مياده اخدت شاور وغيرت لبسها لكن كانت حاسه بصداع فظيع وفضلت ماسكه راسها لحد مااسر شافها
آسر :مالك يتميمو انتي شكلك تعبان كده ليه
مياده:عندي صداع حيموتني
آسر :قولتلك بلاش الكمه دي بعد الشر عليكي انا حجيبلك دكتور
مياده:لالا انا عاوزه مسكن بس وكوباية نسكافيه
اسر:حبعتلك المسكن لكن شاي ونسكافيه وقهوه ممنوع
مياده:حاضر
بعت اسر جاب المسكن واخدته وقعد جنبها علي السرير علشان ترتاح لحد ماتوحه وصلت
توحه:بلا ياعرسان الغدا جاهز
آسر :حاضر ياحبيبتي يلا ياميمو
مياده:اشي يلابينا
نزلوا اتغدوا وقعدوا شويه وبعدها اسر دخل مكتبه يسوف شوية شغل وتوحه راحت غرفتها علشان تصلي
مياده قامت تتمشي في القصر لحد ماوصلت المطبخ وكانت فيه رحمه
مياده:ازيك يارحمه
رحمه:اهلا ازي حضرتك يامدام تأمري بحاجه
مياده بصوت واطي:ممكن تعمليلي فنجان شاي
رحمه:هو حضرتك بتوطي صوتك ليه انا تحت امرك
مياده:اسشششششس وطي صوتك لاسر يسمع لانه مش عاوزني اشوبه
رحمه:طيب ماهو لو عرف حيأذيني وانا بصراحه بخاف من البيه بتاعنا أوى
مياده:لا مش تخافي انا حتصرف اعمليه بقي
عملتلها رحمه الشاي ولسه مياده بتمسك الفنجان وحتشرب منه لقت صوت اسر في ضهرها
آسر :بتعملي ايه يامياده
مياده بخوف :ولا حاجه انا كنت خارجه
آسر :لا انا بسأل علي اللي في ايدك
مياده:ده شاي علشان الصداع
اسر:تعالي يامياده عاوزك بره شويه
وخرجت مياده معاه علشان ماينفعش يكلمها قدام رحمه
اسر:انا لسه قايل ايه واحنا فوق
مياده:قولت مااشربش الحاجات دي
اسر:طيب كويس انك مش ناسيه
مياده:معلش ياحبييبي اصل لسه الصداع مش راح وانا متعوده علي الشاي بعد الغدا
اسر:لا يامياده مافيش خلاص علشان انتي مش بتسمعي كلامي
مياده:خلاص يااسر شوف العقاب ايه المره دي علشان انفذه
كلام مياده وجعه وخلاه يفوق لنفسه فحب يصلح الموضوع
آسر :ومين قاللك اني ناوي اعاقبك انا بس ناوي ازعل منك شويه صغيرين واخد منك وعد انك مش حتعملي كده تاني
مياده:بجد طيب خلاص مش تزعل مني بقي وانا اوعدك مش حشرب شاي ولانسكافيه
اسر:لا اوعديني انك ماتعمليش حاجه من ورايا مهما كانت تافهه
مياده:حاضر خلاص بقي انا تعبانه وعاوزه انام شويه
آسر:لا تنامي ايه ده انا عاوزك في موضوع
ولسه مياده حتسأله لكن لقت نفسها متشاله من علي الارض واسر واخدها وطالع بيها فوق
مياده بدلع:اسر ايه بقي خايفه لتوقعني
آسر :اوعي تخافي وانتي في حضني
ووصلوا غرفة الاميرات وقفلوا الباب
**ده جزء من الحلقه
ظهر الصبح بنوره وصحي اسر ومياده علي صوت دق علي باب الغرفه
توحه من بره:يلا ياعرسان الفطار جاهز
آسر :حاضر ياتوحه نازلين
مياده:احنا حنقوم بدري كده
آسر :بدري ايه ياكسلانه ده الظهر حيأذن يلا قومي
مياده:قوم انت وانا حنام شويه صغننه
آسر :صغننه ايه متجوز طفله
مياده:ايوه انا طفله بس سيبوني انام بقي
آسر قام شالها ودخلها الحمام وبدا يرش عليها مايه مياده اتغاظت منه ورشت هي كمان عليه مايه وفضلوا يضحكوا ويهرجوا مع بعض
آسر :خلاص بقي لعبنا كتير يلا بسرعه خدي شاور واخرجي وسابها اخدت شاور وخرجت ودخل هو كمان اخد شاور كانت مياده لبست وسرحت شعرها المتعب وخرج آسر ولبس هو كمان ونزلوا يفطروا
توحه :صباح الفل والورد والياسمين
آسر :صباح النور ياحبيبتي
مياده:صباح الخير ياماما توحه
توحه:محضرالك فطار بقي ياميمو حيعجبك اوي
آسر :طيب وبالنسبه ليا بلاش افطر يعني
توحه:لا ازاي ياحبيبي ودي تيجي عملالك انت كمان اللي بتحبه
مياده:واو انا بموت في الاومليت عرفتي منين
توحه:بصراحه ماما فتنت عليكي
مياده:هههههه الست دي مسيحالي كده علطول
آسر :اهم حاجه ياتوحه اللبن بتاع مياده
مياده بهزار:لالالا مش بيحبني بقي يااسر علشان خاطري انا مش بيبي قدامك
آسر بحسم:مياده اشربي اللبن لوسمحتي ومافيش هزار في كده
مياده:انا مراتك حضرتك مش بنتك
توحه:ههههه صحيح ياحبيبي انت ولا كانها بنتك
آسر :ماهي مش مراتي بس ياتوحه دي بنتي وحبيبتي واختي وصاحبتي وأمي كمان
توحه:طيب ياسيدي ربنا يهنيكم ببعض
وفطروا ومياده شربت اللبن غصب عنها وبعدها اسر اخدها وفرجها القصر كله وقعدوا يتفرجوا علي التلفزيون شويه وتتكلم مع توحه شويه
توحه كان نفسها تنفرد باسر اوي وتعرف منه اللي حصل يوم الفرح لكن مافيش فرصه
اسر :تعالي ياميمو نطلع الجنينه شويه
مياده:اه ده انا من يوم ماجيت اول مره وكان نفسي اقعد فيها
آسر :ياسلام بس كده تعالي
وخرجوا قعدوا في الجنينه وبعدها اخدها عند حمام السباحه
مياده:الله تعرف اني طول عمري انا والبنات نفسنا ننزل حمام سباحه
آسر :طيب وايه اللي كان مانعكم مافي اماكن كتير فيها حمامات سباحه
مياده:ماكنا بنشوف في المصيف لأننا كنا بنروح مع بعض كلنا قريه سياحيه رحله تبع شركة بابا
آسر :طيب اومال مش كنتوا بتنزلوا ليه
مياده:علشان النزول لازم يكون بالمايوه واحنا منقدرش نلبس كده
آسر :لا كنتي البسي علشان كنت قتلتك
مياده:وانت كنت حتعرف ازاي ولا ايهاب كان بييجي ورانا كمان
آسر :لا مش للدرجه دي يعني
قضوا وقت جميل علي حمام السباحه
مياده:هو انا ممكن اطلب حاجه
آسر :طبعا اؤمري ياروحي
مياده:ممكن يوم اعزم البنات وننزل حمام السباحه هنا
آسر :انتي بتستأذني ليه ده بيتك اعملي اللي انتي عوزاه براحتك
مياده بفرحه:شكرا ياحبيبي دول حييفرحوا اوي
آسر :طيب يلا بقي اطلعي غيري لبسك علشان عاملك مفاجأة
مياده:مفاجأه تاني
اسر :ياحبيبي انا وعدتك كل حياتك معايا حتكون مفاجآت
مياده:بس يارب ماتكونش زي مفاجأة يوم الفرح
آسر :انتي مش حتنسي يامياده
مياده:والله بحاول لكن اكيد مش بالسرعه دي
آسر بحزن:براحتك ياحبيبتي بس يلا بقي علشان تلحقي تغيري لبسك
مياده:طيب فهمني حتي البس إيه
آسر :يلا ياروحي وانتي حتلاقي كل حاجه جاهزه
""ايه هي المفاجاه وايه اللي حيحصل فيها استنوني في الحلقه اللي جايه"""
↚طلعت مياده لغرفتها وغيرت لبسها اللي كان آسر محضره ليها مياده وافقت تلبس لانها مش عارفه هي رايحه فين لكن من جواها بدأت تتضايق من ان آسر متحكم في كل حاجه اكلها شربها حتي لبسها وقفت تتنهد وتدعي ربها يقدرها تتحمل تحكماته وشويه وحصلها علي الغرفه اسر ولقاها جاهزه اخدها ونزل وخرج علي الجنينه لقت امها وابوها وصحباتها قاعدين مستنينها آسر كان عاملها حفله استقبال صغيره
مياده اول ماشافتهم جريت عليهم حضنت امها وابوها وصحباتها لكن وهي بتحضن اسماء صديقتها المقربه مااقدرتش تمسك دموعها وده طبعا خلي آسر متضايق وبدا خوفه من قربها من اي شخص غيره وقرر ينهي حالة الدموع اللي حصلت فورا
آسر :ايه ياحبيبي مالك
مياده:لا مافبش لكن وحشوني اوي
الام:وانتي كمان وحشتينا اوي ياميمو ده البيت وحش من غيرك
الأب :خلاص ياستي ناخدها معانا واسر ييجي ورانا يقتلنا وياخدها
آسر :لا ياعمي مااقدرش طبعا لكن ميمو ماتعملهاش وتسيبني صح يابيبي
مياده:ايوه طبعا
تقي:ربنا يخليكم لبعض
مي بهزار:في ايه ياناس انتوا جايين تباركوا ولا تقومو البنيه علي جوزها قومي يابنتي خدي جوزك وسيبينا
آسر :واضح يامي ان كلام مياده عليكي كان صح
مي:قولتي ايه شكلك فضحتيني
اسماء :اكيد قالت انك العسل بتاعنا
آسر :صح هي قالت كده فعلا
الأم :الحقوا يابنات شكلها حكت كل حاجه لاسر
ضجكوا كلهم وقضوا وقت جميل مع بعض لكن ام مياده كانت ملاحظه ان اسر مخلاش مياده تنفرد بحد منهم حتي وقت ماحب يديهم الهداي ماوفقش انها تطلع هي واسماء يجيبوها وبعت رحمه الشغاله تجيبها ومياده وزعتها ام مياده قلبها كا مشغول علي بنتها واللي حست بيها توحه اخدتها ودخلت جوه القصر وبعتت رحمه تنادي مياده االي اول مادخلت اترمت في حضن امها
الام:مالك ياحبيبتي فيكي حاجه
مياده:لا ياامي انتي وحشتيني اوي بس
الام:عملتي ايه في شهر العسل وعامله ايه مع جوزك
مياده:كويسه والله ياماما واتبسط اوي في شهر العسل واسر احن راجل في الدنيا
توحه:اطمنتي ياام مياده
الام:ماتزعليش مني ياحاجه توحه بس قلقت من تصرفات آسر بصراحه
توحه:لا ياحبيبتي انا مش زعلانه ومقدره لكن عوزاكي تعرفي ان مياده في عنيا عيون جوزها قبل مني.
مياده كانت سامعه كلامهم ونفسها تصرخ وتقول لامها علي اللي اسر عمله فيها لكن حنيته واعتذاره منعوها
طبعا كل ده حصل تحت عيون اسر اللي منع نفسه من الدخول وراهم بالعافيه وعزاءه الوحيد وجود توحه معاهم وعارف انه حيعرف كل حاجه حصلت بين مراته وامها منها وقت ماينفرد بيها
خرجت ام مياده وخرجت توحه لكن مياده ماخرجتش وده قلق آسر جدا لتكون حكت حاجه لامها استاذن منهم ودخل يدور عليها في القصر لكن اتصدم لما لقاها قاعده علي كرسي واحد من الصالونات الموجوده في الريسيبشن الكبير وحاطه ايها علي وشها بتداري دموعها راح لعنده وقعد علي كنبه جنبها ومسك ايديها يشيلها من علي وشها
آسر :في ايه ياحبيبي ليه دموعك دي
مياده بصوت مخنوق:عادي مافيش حاجه ماما كانت وحشاني اوي
آسر :افتكرتي اللي حصل وانتي بتحكيلها مش كده
مياده:لا والله انا ماحكيتش حاجه
آسر :بجد ياميمو
مياده:انا وعدتك وقررت انسي يمكن اكون لسه مانسيتش لكن ماينفعش اقول لاي حد حتي ولوكان امي سر بيني وبينك
آسر :حبيبتي ياميمو ربنا يخليكي ليا طيب كفايه عياط بقى وتعالي اغسلي وشك ونخرج عيب نسيبهم كده.
دخل اسر معاها غسلها وشها بأيده وعطاها الفوطه واخدها وخرجوا لضيوفهم قضوا معاهم وقت كبير وبعدها ودعوهم ومشوا ودخل اسر ومياده للقصر كانت رحمه بتجمع اطباق الاكل وكاسات المشروبات وتوحه حتروح تصلي لكن اسر كان عاوز يكلمها لوحدهم
آسر :ميمو مش عاوزه ترتاحي شويه علي مااخلص تليفونات شغل في المكتب
مياده:لا خليني حقعد شويه مش عاوزه انام بدري كده حتفرج علي التليفزيون
آسر :ماشي ياحبيبتي حاجي اقعد معاكي
مياده:ماتعطلش نفسك بس لما تخلص عاوزه اتكلم معاك
آسر :لا ياعمري التليفونات مش مهمه اوي خير قوليلي عوزاني في إيه
واخدها وقعدوا في الليفنج ودي كانت غرفه فيها انتريه مريح جدا وشاشه ال اي دي كبيره اوي ومكتبه مليانه كتب ومجلات وكرسي هزاز من نفس لون الانتريه
مياده:كنت عاوزه اعرف انت راجع ااشغل أمتي
آسر :من بكره ان شاء الله بس ليه في حاجه مضيقاكي هنا
مياده:لا ابدا علشان عاوزه اروح الكليه اخلص اوراقي ومش عاوزه اخرج وانت في البيت
يعني
آسر :انتي اتفقتي مع البنات علي معاد
مياده:لأ ده هما قالوا وقت ماافضي اكلمهم وحيجوا معايا هما خاصوا اوراقهم انا اللي اتأخرت والكليه خلاص كمان أسبوع
آسر :لوكنتي قولتيلي من بدري ماكنتش نبهت علي اجتماع بكره وكنت جيت معاكي
مياده:متعطلش نفسك انا حاخد تاكسي واروح
آسر :هههههه ده من قلة العربيات عندنا
مياده:مش عاوزه اتعبك
آسر :حبيبي تتعبيني في ايه انتي متخيله ان حضرتك ممكن تركبي تاكسي وانتي مراتي ده رحمه لمل بتروح تشتري طلبات البيت بتاخد عربيه توديها وتجيبها انا كنت ناوي اسيب علاء في البيت علشانك لكن اجلتها علي دخول الكليات بس مادام انتي عندك مشاوير خلاص يفضل معاكي وانا حاخد اي سواق من الشركه
مياده:اللي يريحك طيب انا حطلع اكلم البنات واتفق معاهم علي بكره ان شاء الله
آسر وهو بيغمز بعينه :يعني مش حتستنيني ده انا مش حتاخر
مياده:ماشي حستناك
طلعت مياده علي غرفتها ودخل اسر مكتبه بعد ماطلب من رحمه تنادي توحه اللي ماصدقت وعرفت انه في المكتب لوحده علشان تفهم منه اللي بيحصل
وصلت توحه عند اسر في المكتب خبطط ودخلت
آسر :صحيتك ياحبيبتي
توحه:لا انا مش عارفه انام ومستنيه اتكلم معاك لوحدنا
آسر :ليه هو حصل حاجه وانا مش عارف
توحه:محصلش حاجه هنا لكن عاوزه اعرف ايه اللي حصل يوم الفرح وماجتش فرصه من يومها
آسر بقلق:هي مياده قالت لامها ايه بالظبط
توحه:والله البنت قالت في حقك كل خير
آسر :اومال انتي ليه بتقولي كده
توحه:علشان عرفت بوم الفرح انك ناوي علي حاجه خصوصا انك مشيت قبل معاد السفر بكتير وضحكت علي الناس وأهلها
آسر :لا معملتش حاجه
توحه:اومال ايه اللي مخوفك ومخليك متسيبش مياده تقعد مع حد لوحدها
آسر :هي غلطت وانا عاقبتها
توحه بلهفه:ضربتها
آسر :لا طبعا انتي تعرفي عني كده وحكالها علي كل اللي حصل
كانت قاعده بتسمع وهي مش مصدقه كلامه وانه ممكن يعمل كده واول ماخلص كلام انفجرت هي
توحه بغضب :ازاي قدرت تعمل كده فيها ازاي هانت عليك مش دي حب عمرك اللي كنت موقف حياتك عليها وازاي تقول انك نفذت شرع ربنا ونسيت انه وصاك بالنساء خيرا وان الهجر بالمضاجع بيكون في الحالات الصعبه بدل الطلاق لانه ابغض الحلال افرض كان بعد الشر جرالها حاجه كنت حتعمل ايه ولا حبك ده كان وهم.
آسر كان بيسمع كلامها وهو بيأنب نفسه لكن زي اي راجل شرقي ماعترفش بغلطه وصلح الغلط بغلط أكبر
ولسه توحه حتكمل كلام قام آسر وقف وخبط بايده علي المكتب وبصوت عالي
آسر :دادا لوسمحتي كفايه لحد كده
توحه بصدمه:انت بتقول ايه... دادا صح يا آسر بيه انا الدادا بتاعتك ومش من حقي اتدخل في حياتك بعد اذنك .ومشت وسابت المكتب وكانت مقرره حتعمل إيه
آسر كان واقف مكانه مذهول من تصرفه وازاي مااقدرش يسيطر علي اعصابه ونسي ان مياده مستنياه وهي كمان كان غلبها النوم بعد ماكلمت اصحابها واسر فضل متسمر مكانه بيفكر يصالح توحه ازاي لكن حيحصل اللي عمره ماكان يتوقعه
""ياتري ايه اللي حيحصل وتوحه حتسامحه ولا لأ
↚توحه طلعت علي غرفتها وهي مقرره تعمل فتحت شنطه سفر كبيره وجمعت حاجاتها واتصلت بعلاء
توحه:سلام عليكم ياعلاء
علاء :وعليكم السلام ياخالتو
توحه:علاء عوزاك ياابني تيجي تاخدني دلوقتي
علاء:خير ياحبيبتي في حاجه حد جراله حاجه
توحه:لا اطمن ياابني انا عوزاك بس توديني بيتي
علاء:ايه اللي حصل ياخالتي طمنيني
توحه:لما تيجي ياابني حقولك يلا خلصني بقي
علاء:طيب هو الباشا عارف
توحه:لا مايعرفش ولو اتصلت بلغته والله العظيم مااكلمك ليوم الدين
علاء :خلاص ياحبيبتي انا حاجي علطول انا جنبك انزلي وماتقلقيش مش حبلغه
وقفلت توحه التليفون مع علاء واخدت شنطها ونزلت علشان تمشي وماحدش يحس بيها كان آسر لسه واقف في مكتبه متسمر مش عارف يعمل ايه مع توحه وازاي يصالحها سمع صوت بوابة القصر بتتفتح وكان علاء وصل ياخد توحه خرج يشوف في ايه لقاها نازله
آسر بصدمه:ايه ده انتي رايحه فين
توحه:رايحه علي بيتي يا اسر بيه وحضرتك تقدر تعمل جرد علي بيتك ولو في حاجه ناقصه مسؤوليتي
آسر :بيتك انتي امتي روحتي بيتك ده وهو ده مش بيتك
توحه:لا مش بيتي ده بيت حضرتك وانا حايلاه الدادا بتاعتك اللي ربتك
آسر :انتي عمرك ماكنت الدادا بتاعتي طول عمرك امي ويمكن اغلي من أمي كمان وهو انا شوفت امي فين انا شوفتك امتي وعرفتك انتي
توحه:بس في الاخر انا الدادا بتاعتك
آسر:باااااااس كفايه انتي بتعاقبيني علشان ذلة لسان عاوزه تسيبيني وتمشي وماسيبتنيش من زمان ليه .لكن قطع كلامه لما شاف مياده اللي صحيت علي صوت عالي نزلت تجري تشوف فيه ايه لقت توحه واقفه ومعاها شنطه كبيره واسر بيزعق ولما قربت من توحه لقيتها عماله بتعيط
مياده:ايه ده في ايه مالك ياماما
توحه:مافيش حاجه ياحبيبتي انا بس رايحه بيتي اقعد هناك شويه
مياده:وعاوزه تسيبيني ياماما وتمشي
توحه:ياحبيبتي ده بيتك وبيت جوزك
مياده:طيب ممكن افهم في ايه ولا ده مش من حقي
آسر حكي اللي حصل لمياده كله
مياده:يعني انتي حتمشي علشاني خلاص يبقي خديني معاكي
توحه بصوت حزين:لا يابنتي انا حمشي علشان بعد العمر ده كله وانا ربنا وحده اللي عالم اني حبيته كانه حته من قلبي اعتبرني الدادا بتاعته رغم ان عمره ماقالها ولا حسسني بيها
آسر : خلاص ياتوحه انا آسف حقك عليا
توحه:معلش ياايني سيبني امشي انا كبرت ومحتاجه ارتاح
آسر بغضب وصوت عالي :خلاص براحتك عاوزه تمشي امشي وسيبيني انتوا بتعملوا معايا كده ليه انا اقدر اعيش لوحدي واحده عاوزه تسيبني وترجع لاهلها وانتي دلوقتي عاوزه ترجعي بيت مازورتيهوش من عشرين سنه واكتر اللي عاوز يمشي يتفضل
مياده صعب عليها اسر وحست ان جواه وجع قديم وكلام توحه جدد وجعه بالرغم من انه جمعها مع توحه لكن حبت تحل الموقف وراحت لعند اسر وطبطبت علي كتفه بحنيه
مياده:حبيبي ممكن تهدي شويه ماما توحه عمرها ماحتسيبنا وتمشي هي بس زعلانه منك
آسر :وانا بتأسفلك يا توحه وانتي مش عاوزه تسامحيني دي مياده اللي انتي زعلانه علشانها سامحتني
توحه:انت وجعتني اوي يااسر
مياده وهي بتحضن توحه:خلاص ياماما علشان خاطري ماتزعليش منه والا والاه حمشي معاكي وحعيش معاكي مش حرجع حتي لاهلي
توحه:لا ياحبيبتي ربنا يهنيكي في بيتك
مياده:ده بيتك قبل مايكون بيتي
آسر راح حضن توحه واعتذرلها وهي قبلت بعد ألحاح من مياده
توحه:خلاص علشان خاطرك انتي بس
مياده:وبعدين احنا لازم ناخد قرار ان لما يزعلنا هو اللي يمشي مش إحنا
آسر وهو بيحضنهم الاتنين:ايوه كده اتفقوا عليا وخاليكم جامدين
مياده:يلا ياماما اطلعي علي اوضتك
آسر :يلا بقي ياتوحه
توحه:حاضر ياولاد حاطلع بس لما امشي الغلبان اللي مستنيني بره
آسر :هو علاء كان حياخدك وعارف انك ماشيه ماشي حسابه معايا
توحه:لا ياحبيبي ده كان حيكلمك لكن انا حلفت عليه
آسر :ماشي ياستي سماح علشان خاطرك
خرجت توحه تمشي علاء وبعدها طلعت علي غرفتها
مياده:انا حطلع انام بقي علشان حصحي بدري
آسر :لا تنامي ايه ده انا عاوزك في كلمتين
مياده لسه حتساله لكن كان آسر شالها من علي الارض وبقت في حضنه وهي اتعلقت في رقبته واخدها وطالع بيها علي فوق
آسر :قال عاوزه تمشي معاها قال
مياده بعتاب:ماانت كمان قولت اللي عاوز يمشي يمشي خليني ساكته أحسن
آسر هزها وكأنه حيوقعها وقالها :اوقعك يعني اوقعك
مياده بدلع:اسر خوفتني
آسر :اوعي تخافي وانتي في حضني
وكانوا وصلوا غرفتهم ونزلها علي السرير وقفل الباب....................
ماحستش بعدها مياده غير وموبايلها بيرن وكانت اسماء بتشوفها جهزت ولا لسه قامت مياده بعد ماردت عليها وجريت اخدت شاور ولبست ووقتها اسر صحي من نومه علي حركتها في الغرفه
آسر :صباح الخير يا حبيبتي انتي جاهزه يعني
مياده:اه ياحبيبي انت ناسي معاد البنات علشان الكليه ده انا اتاخرت عليهم
آسر :مياده انتي كنتي حتنزلي من غير ماتصحيني
مياده:لا طبعا كنت حصحيك واقولك لكن مش عارفه انت حابب تصحي أمتي
آسر :عموما انتي كده كده حتستنيني علشان علاء حيوصلني الشركه ويكمل معاكي
مياده:طيب ماانا قولتلك خليه معاك وماتعطلش نفسك
آسر بضيق::يوووه انا قولت ايه إمبارح وسيبيني اخلص علشان ماتتأخربش
مياده:اوكيه حنزل اشوف ماما توحه علي ماتخلص
آسر :براحتك
نزلت مياده رغم انها حست بغضب اسر لكن قررت ماتهتمش لانها عارفه انها مش غلطانه
مياده :صباح الفل ياحبيتي
توحه:صباح النور ياروح قلبي ربنا يوفقك ويسعدك يابنتي
مياده:ايوه ياماما ادعيلي احسن انا رايحه اخلص ورق الكليه
توحه:ربنا معاكي ياحبيبتي ويسهلك امورك
آسر نزل لكن واضح عليه انه متضايق لانه كان فاكر لما يقول لمياده براحتك حتستناه وزعل منها لما خرج ومالقهاش
آسر :صباح الخير ياتوحه
توحه:صباح النور ياحبيبي
فطر اسر ومياده وتوحه وخرجوا هو مياده وركبوا العربيه علاء وصله علي الشركه ومشي علشان تعدي تاخد صحباتها مياده كانت فرحانه انها حتقابل صحباتها وتقعد معاهم لوحدها وبراحتهم..
**لكن ياتري فرحتها حتكمل ..
↚وصلت مياده عند بيت صحباتها كانوا واقفين مستنينها
مي:سيدي ياسيدي علي شغل الهوانم كل ده تأخير
مياده:معلش اصلنا وصلنا آسر الاول
اسماء :طيب ليه تعبتيه معانا كنا روحنا احنا
تقي :ايوه يامياده مااحنا متعودين علي كده
مياده:والله قولت لاسر لكن ماوفقش
مي:انتوا بتستهبلوا مش كده انتوا عاوزين حرم آسر الطاروطي تركب مواصلات
مياده بعفويه:لا انا كنت حركب تاكسي
ضحكوا كلهم علي عفويتها حتي علاء اللي كان سايق بيهم وسامع الحوار كله ابتسم علي طريقتهم واد ايه هما بنات طيبين
مي:ده علي اساس انها حتفرق من تاكسي لاتوبيس مش بقولك بتستهبلي
اسماء:خلاص بقي يامي في ايه
تقي:انتي مش عرفاها يعني
مياده:دي مي دي حبيبتي والله وحشتني قعدتنا في البلكونه والتكعيبه بتاعتي
مي:مااحنا كنا لسه معاكي امبارح وفي الجنينه بتاعة القصر واهي احلي من القاعده بتاعتك
مياده بحزن :بيتهيألك
أسماء :مالك ياميمو
مياده:لا ياحبيتي انا تمام المهم عملتوا ايه لما رحتوا الكليه من غيري
اسماء :ولا حاجه خلصنا الورق وكانت زحمه جدا حتي باباكي تعب من الوقفه جدا
مياده:ياحبيبي تعبته معايا لس لو ماكانش قدملي كان زماني راحت عليا
تقي:ايوه طبعا
مي:تعرفوا ان فتحوا قسم هندسة بترول بس بيقولوا ايه انه اللي بيتدربوا في الشركات بتاعة البترول بيشتغلوا فيها
مياده:ده حلو اوي طبب ده بيبقي بعد اعدادي هندسه
تقي: اه طبعا لانه تخصص برده
مي:بس دي بمصاريف عاليه جدا
مياده:جتكون كام يعني
تقي:بيقولوا بألوفات
مياده:عموما لو علي التدريب آسر وعدني ان كلنا نتدرب عنده في اي شركه اومصنع حسب التخصص
أسماء :ايه يابنتي حنستغل الراجل
مي:وايه يعني مش جوز صاحبتنا ماتكبريهاش ياسمسم
مياده:ده عادي علي فكره اسر طيب اوي ولو اي حد طلب منه مش حيتأخر
وكان وصل علاء لباب الكليه ركن ونزلوا البنات وصلوا مياده عند مبني شؤون الطلبه قابلت الموظف المختص ودفعت المصاريف واستلمت الكارنيه وخرجت للبنات تاني
مياده بفرحه:اخيرا بقيت طالبه في الهندسه
اسماء :الحمد لله حلمنا اتحقق
مي:يلا بينا نشوف الكافيتريا ونشرب حاجه
مياده:ايوه يلا بينا ده انا ماصدقت اقعد معاكم
أسماء :فيكي ايه يامياده حاسه انك متضايقه من حاجه
مياده:لا ابدا انتوا بس واحشني اوي
تقي:ماتيجوا نتفرج علي الكليه
وافق البنات علي اقتراح تقي ولسه حيمشوا مياده سمعت صوت موبايلها بيرن وطبعا كان أسر
مياده:ايوه ياحبيبي
آسر :وصلتوا الكليه ياميمو
مياده :ايوه وصلنا والحمد لله خلصت الورق ودفعت المصاريفواستلمت الكارنيه كمان
آسر :طيب كويس مبروك ياحبيبتي
مياده:الله يبارك فيك
آسر :وانتي فين دلوقتي
مياده:حنتفرج علي الكليه انا والبنات ونقعد شويه ونرجع
آسر :يعني ايه تتفرجوا علي الكليه انتي مش خلصتي مشوارك
مياده:ايوه خلصت لكن عاوزه اقعد مع البنات شويه
آسر :في بيت عندك ممكن تاخديهم وتروحوا تقعدوا فيه
مياده:مش حينفع علشان هما ماستاذنوش من اهلهم
آسر بحسم: مياده اتفضلي ارجعي البيت انا مش عارف اشوف شغلي وانا قلقان عليكي
مياده:ماتقلقش
اسر مقاطع كلامها:انا قولت ايه يلا اتفضلي علي البيت
مياده بضيق:حاضر
قفلت مياده التليفون وهي حابسه دموعها بالعافيه وماحبتش تحسس صحباتها
مياده:معلش بقي يابنات مضطره امشي ماتيجوا تقعدوا معايا في البيت اسر في الشغل وحنقعد براحتنا
البنات:مش حينفع ماانتي عارفه
تقي:يابنتي مش كنا حنقعد
مياده بكذب:معلش اصل اسر احتاج العربيه وعلاء
مي:ده من قلة العربيات عنده ولو اني مش مقتنعه لكن ماشي
مياده:حيكون ليه يالمضه
ضحك البنات لكن مياده كانت ساكته وركبوا العربيه بعد ماخرجوا من الكليه وكان النات بيتكلموا ومياده مستمعه بس وده خلي اسماء تحس بيها ولما وصلوا عند بيوتهم نزل البنات وسلموا علي مياده وبعدها مشي علاء في طريقه للقصر
وصلت مياده الفصر وهي داخله كانت الدموع نزلت من عيونها وماقدرتش تتحكم فيهم اكتر من كده وده خلاها ماتشوفش توحه اللي شافتها وجريت عليها
توحه:مالك يابنتي فيكي ايه
مياده :لا مافيش حاجه مخنوقه شويه بس
توحه:حصل حاجه في الكليه ولا اسر مزعلك ياحبيبتي طمنيني انا زي ماما هنا
مياده اترمت في حضنها وحكتلها علي اللي حصل من اسر وكلمتها عن خوفها من تحكماته في كل حاجه في حياتها
توحه:تعالي يابنتي انا عاوزه اقولك علي حاجه بس توعديني ان الكلام داللي حقوله مش حيخرج من بينا احنا الاتنين مهما حصل
مياده:اوعدك واقسملك بالله اني مش حقوله لحد ابدا
توحه:بصي يابنتي زمان انا جيت اشتغلت عند المرحوم ابو اسر ومراته اللي هي ام اسر ووقتها كانت حامل فيه واول ماولدته ماوفقتش ترضعه زي كل الامهات وخافت علي جسمها وراشقتها وكان اسر بيكبر علي ايدي وانا اللي بهتم بكل حاجاته لكن امه كانت بتهتم بصحباتها والنوادي والحفلات الخيريه وكل همها انها تبقي سيدة مجتمع وميفرقش معاها ابنها كانت عاوزه تعوض اللي جرالها لما ابوها اتعزل من منصبه والناس بعدت عنهم فاتجوزت ابو اسر علشان فلوسه ومركزه بين رجال الأعمال واسر ياحبيبي كان بيكبر وهو مش لاقي امه زي بقية الولاد اللي في سنه لكن شهاده لله ابوه كان دايما معاه بس مااقدرش يعوضه عن حنان الام وحاولت اديله كل حبي ورفضت اتجوز بعد المرحوم جوزي علشانه لكن ربنا مابيسيبش وتعبت ام اسر بسبب السهر وشرب القهوه والكحوليات وبعدها اتوفت واسر كان كرهها ومحزنش حتي علي موتها وفضل جنب ابوه لحد مااتوفي هو كمان ومسك اسر شركاته وقدر يكبرها وكان وقتها شافك وحبك وعاش الخمس سنين زي ماحكتلك قبل كده وهو مستني اليوم اللي تعرفي بحبه لحد مااتجوزك وخاف ليغريكي الوسط بتاعهم علشان كده هو بيخاف عليكي من الناس انتي الامل الوحيد اللي فضله وعاش علشانه وخوفه كله من انه يخسرك يمكن يكون زي الدبه اللي قتلت صاحبها عرفتي بقي ياحبيبتي ليه بيتحكم في طريقة اكلك وشربك وعلاقتك بالناس وانتي الوحيده اللي تقدري تغيريه بحبك ليه وخوفك علي مشاعره
مياده:يااه ده اتحمل كتير أوي
***ياتري مياده حتتعاطف مع ظروف اسر وحتقدر تتحمل تحكماته اللي حتزيد اوي مع دخولها الكليه ولا حتتمرد عليه***
↚طلعت ميادة على غرفتها بعدما استاذنت توحة..كانت بتفكر إزاى تقدر تنسى آسر ماضيه وطفولته وتخليه يثق ف حبها ليه لكن كان جواها خوف إن وهى بتقرب منه بتنسى أحلامها وطموحاتها وتكون مجرد عروسة ماريونيت آسر بيحركها زى ما هو عايز ..قعدت على السرير ف غرفتها وهى بتفكرلحد ما نامت من كتر الصداع وقررت تهرب بالنوم زى عادتها وعدت ساعات قليلة وحست ميادة بإيد حنينة بتلمس وشها بلمسة رقيقة فتحت عنيها وهى نعسانة وطبعا كان آسر قدام عيونها....
ميادة (بصوت نائم) : حبيبى أنت جيت إمتى؟
آسر : لسه واصل حالا ..سألت توحة عليكى قالتلى انك ف اوضتك بس ما توقعتش تكونى نايمة ميادة: حسيت إنى مصدعة شوية..فقلت ارتاح آسر بقلق : حبيبتى تحبى اجيبلك دكتور؟ ميادة : لا لا ليه يعنى... ده شوية صداع وهيروحو لحالهم عادى دلوقتى يروح آسر : طيب يا روحى .. يلا ننزلو نتغدو واحكيلى عملتى ايه انهاردة. ميادة : ما فيش جديد زى ما قلتلك خلصت لاقى الاجراءات ودفعت المصاريف واستلمت الكارنيه وقامت ميادة من سريرها عشان تجهز وتجيب الكارنيه تفرجه لآسر وهى فرحانة بس....وقفعا صوت آسر .... آسر : حبيبتى انتى بتقولى دفعتى المصاريف؟ ميادة : أيوة اومال استلمت الكترنيه ازاى؟ آسر : هما الجامعة دلوقتى بتقبل فيزا؟ ميادة : ههههه أكيد لأ فلوس نقدى طبعا
آسر : وجبتى الفلوس منين؟ انتى ما أخدتيش من حسابك ولا مليم
ميادة : حبيبى أنا دفعت من الفلوس اللى كان بابا عطيهالى يوم الفرح
آسر : إزاى يعنى تقبلى تاخدى الفلوس دى وانتى مراتى وجاية بيتى
ميادة : والله يا حبيبى أنا قلتله بس هو أصر وقالى ان ده حقى عنده
آسر: تقومى تدفعى منهم مصاريف كليتك....اتفضلى خدى اللى دفعتيه من الفلوس الموجودة ف الكومود واعملى حسابك حنروحو نزورو باباكى بعد الغدا عشان نرجعله الفلوس
ميادة : بس كده بابا هيزعل ...
آسر : مالكيش دعوة انتى أنا هتصرف معاه ...... ولو سمحتى يا بيبى انتى مسؤلة منى أنا ومصروفك موجود ف الكومود اللى جنبك خلصيه وخدى تانى من الخزنة الموجودة ف مكتبى تحت واكيد رقمها السرى هيكون سهل عليكى لأنه عيد ميلادك
ميادة: ربنا يخليك ليا يا حبيبى بس بجد أنا مش محتاجة فلوس على الاقل لحد ما أدخل الكلية
آسر : خليهم معاكى كلها ايام وتبدأ الدراسة ...ويلا بقى عشان نتغدو ونروحو لأهلك
ميادة (بفرحة) : يلا بينا...
و نزلوا هما الاتنين و كانت توحة فى انتظارهم على السفرة اللى كان عليها كل ما لذ وطاب من الاكل ....اتغدوا وطلعت ميادة غرفتها عشان تجهز ويرحوا لباباها
ف الطريق اشترى آسر حلويات شرقية وعلبة شيكولاتة غالية أكييد وطبعا ما نساش يجيب لحبيبته الشيكولاتة اللى بتحبها .....اللى اول ما شافتها فرحت بيها جدااااا
أم ميادة : هقوم اجيب لكم حاجة تشربوها
آسر : اتفضلى يا ماما..... وكمان ميادة قامت تكلم أسماء صاحبتها
بعد خروج ميادة ومامتها اتكلم آسر مع والد ميادة ورجعله الفلوس بعد محايلة واقناع.... واستقروا انه يعملها بيهم دفتر توفير وآسر ماقدرش يرفض عشان مايزعلهوش
دخلت والدة ميادة لوحدها فسالها آسر عنها قالتله انها ف البلكونة .... اطلعلها .... طلع آسر البلكونة لقى ميادة بتكلم أسماء صاحبتها وبتحدفلها من الشيكولاتة اللى جابهالها جوزها حبيبها.....ميادة لما حست بوجوده اتكسفت ووشها أحمرر وهو من منظرها الجميل وطفولتها اللى كانت تبدو عليها ف كلامها مع صاحبتها نسوه انها ممكن يكون حد شايفاها وهى بتهزر وبتضحك ف البكونة
سلم آسر على اسماء وهى كمان ردت عليه السلام بكل ادب
آسر :مش يلا بينا يا طفلتى
ميادة : ماشى لكن بشرط....
آسر :شرط إيه؟
ميادة : نتمشى ع البحر بالعربية وناكلو آيس كريم
آسر :حاضر يا بيبى..... مش بقولك طفلة!!
ميادة : وهما الاطفال بس اللى بياكلو آيس كريم.... خلاص بلاش تاكل منه انت يا كبير...
آسر : وأهون عليكى؟ تقدرى تاكلى حاجة من غيرى " وغمزلها بعنيه"
ميادة (بحنية) :لا يا حبيبى أكيد ماقدرش... انت عارف انا لما ببصلك بشبع....
آسر : طب يلا بينا قبل ما اتهور قدام أبوكى
ضحكو هما الاتنين ..... وخرجوا وأكلو آيس كريم وما بطلوش هزار وضحك .... وآسر كان فرحان جدااا لمل حس بحب ميادة ليه ولما رجعوا القصر كانت ليلة من أجمل لياليهم .......
والصبح بقى فاجئ آسر ميادة بأنه عايزها تروح معاه الشغل ... فرحت ميادة لأنها كانت عايزة حاجة تضيع بيها وقتها وبعد ما صلوا الصبح وفطروا خرجوا وتابعتهم توحة بعنيها و هى مستغربة اللى هى شايفاه خصوصا انها عارف ىسر كويس اوووى وعارفة أد إيه هو ما بيحبش حد يقرب من شغله
وصل آسر وميادة الشركة ودخلوا وسط نظرات الموظفين اللى ملحقاهم ومستغربة آسر اللى كان الحب بادى على كل ملامح وشه و"بينط من عينيه " وهو بينظر لطفلته اللى ف ايده "الى هى ميادة"
دخل آسر وميادة المكتب ورحبت بهما "مرام " السكرتيرة" اللى حاولت تقرب من ميادة بس ميادة كانت قافلة منها بسبب الموقف السابق ليها وعلى العكس تماما موقفها من "ملك" السكرتيرة اللى كانت ف المصنع ...حبتها وكونت معها صداقة
آسر كان بيشوف شغله شوية ويتكلم مع ميادة شوية لكن ميادة استوقفته سائلة :آسر هو أنا ليه جيت معاك انهاردة؟؟!!
آسر : حبيبتى مش واحنا ف شهر العسل قلتلك إنى مش هاسيبك ولا ثانية؟
ميادة : آه فاكرة
آسر : خلاص وأنا بنفذ كلامى أهو .... وكل يوم هتيجى معايا الشغل ولما يكون عندك كلية هتروحى وترجعى على الشركة إيه يا روحى هتضايقى انك هتقضى وقتك كله معايا؟؟
ميادة : .................
↚مياده سرحت بتفكيرها لما اسر سألها عن وجودها دايما معاه حيضايقها ولا لا لكن ردها خرج من قلبها وبدون ماتفكر
اّسر : هه يا حبيبي روحتى فين
مياده : لا معاك
اّسر : طيب قوليلى حتضايقي
مياده : أكيد لا طبعا أتضايق ازاى وانا معاك بس بفكر انى لما الكليه تبدأ والمذاكره وكده يعنى
اّسر : ذاكرى هنا يا روحى جربي ولو اتضايقتى براحتك انا مش بجبرك
مياده : أنا عارفه يا حبيبي والله وبالعكس أنا مبسوطه
اّسر : بجد يا ميمو يعنى مش زعلانه انى طلبت منك كده
مياده : لا يا حبيبى
اّسر : حبيبي أبقي هاتى اللاب بتاعك معاكى أتسلى بيه شوية
مياده : لا عادى ما انا معايا الفون بكلم البنات ع النت وبتصفح المواقع كمان يعنى اللى ممكن اعمله ع اللاب بعمله على الفون وأصغر حجما
اّسر : شوفي اللى يريحك بس مش يلا بينا نتغدى
مياده : حنرجع البيت نتغدى مع ماما توحه
اّسر : لا يا عيونى حتتغدى برا لأنى عندى اجتماع ولو رجعنا البيت حنتعطل
مياده : أوكى يلا بينا
نزل اّسر ومياده راحوا رستوران قريب من الشركة اتغوا ورجعوا خلص اجتماعه وبقيه الشغل اللى وراه واخدها ورجعوا ع البيت كانت مياده تعبت من قعده المكتب صحيح هى مش بتعمل حاجه وقاعده طول النهار ع كنبه الأنترية الجلد الفخم جدا اللى فى مكتب اّسر لكن اليوم كان ممل وده اليوم الأول ما بالك بباقي الايام
دخلت ع غرفتها أخدت شاور وريحت جسمها ع السرير كان اّسر دخل مكتبه فى القصر يجهز أوراق لشغله ويحتفظ باوراق اجتماعه فى خزنته فى القصر طلع ع الغرفه لقي مياده نايمه شبه الملايكه وشعرها مفرود ع المخده وباين عليها الارهاق اّسر زعل من نفسه انه تعبها معاه لكن كان كل اللى شاغله انها ماتفاقهوش أبدا . أخد شاور هو كمان ونام جنبها
وفى الصباح صحيوا هما الاتنين وكالعاده أخدوا شاور ولبسوا وراحوا ع الشركة بعد ما فطرو مع توحه قضوا نهارهم بالشغل اّسر كان مشغول جدا ومياده الملل حيموتها ومش راضيه تحسس اّسر بكده واتكررت الأيام وسط انشغال اّسر وملل مياده لحد اليوم اللى كانت لازم تحضر نفسها لبداية الدراسة صحي اّسر من نومه وبيصحى مياده زى ما اتعود الأيام اللى فاتت علشان تروح معاه
أسر : يلا يا كسلانه لسه نايمه حتأخرينى
مياده : لا يا حبيبي انا مش حنزل معاك انهارده
أسر : ليه يا مياده
مياده : يا حبيبي الدراسة حتبدا بكره ان شاء الله وعاوزه أجهز نفسي وأنزل أشترى شوية حاجات للكلية
أسر : يعنى انتى خارجه كمان وانا ما أعرفش
مياده : ما انا بقولك أهو يا حبيبي
أسر : اه وحتشترى ايه بالظبط ومع مين
مياده : حشترى أقلام وكشاكيل للمحاضرات وحخرج مع البنات
أسر : ده انتوا متفقين بقي
مياده : أيوة يا حبيبي اتفقنا امبارح وانا قولتلهم حقولك وحدد ميعاد أروحلهم
أسر : طيب يا حبيبي بما انك تعبتى الأيام اللى فاتت معايا فأرتاحى انتى انهارده علشان تقدرى تبدأى دراسة وانتى كويسه
مياده : يعنى ايه ما انا حرتاح وحنزل بعد الظهر أروح معاهم
أسر : لا يا حببتى خليكى انتى وبعدين انتى مش محتاجه تتعبي نفسك علشان حاجات تافهه وانتى عندك ناس تقدر تجيبلك اللى عوزاه وانتى مرتاحة
مياده : بس دى حاجتى انا وانا بصراحه متعوده انا والبنات كل سنه نشتريها مع بعض فلو سمحت سيبنى أروح
أسر ببرود : لا يا روحى علشان تتعلمى لما تاخدى قرار وتتفقي على حاجه يكون بعد ما تاخدى رأيى مش تعرفينى من باب العلم بالشىء وكأنه أمر واقع وخرج أسر من الغرفه بعد ما باس خد ميادة وهى فاتحه بقها من الصدمه مياده بصت من شباك الغرفه ولما اتاكدت ان أسر خرج من القصر نزلت تجرى ع توحه يمكن تلاقي عندها ردود للحصل توحه أول ما شافتها وهى بتعيط فتحت لها دراعتها وأخدتها فى حضنها
توحه : مالك يا بنتى ايه اللى حصل
حكت مياده كلام أسر ليها وعن رفضه لمجرد انها أخدت القرار
توحه : معلش يا حبيبتى استحملى هو بس عاوز يكون رقم واحد فى حياتك وواحده واحده حيزهق ويسيبك براحتك ولو حاسه انك زهقتى من مرواحك معاه الشغل الدراسة حتبدا وانتى حتنشغلى بيها ومره قولى انك تعبانه ومره عندى مذاكره حينسى وحيعدى الموضوع
مياده : رايك كده يعنى يا ماما بس انا زعلانه منه اوى
توحه : حقك عليا أنا يا حبيبتى وأنا حكلمه برده
مياده : ماشي يا ماما أنا حطلع أكلم البنات علشان يروحوا هما
توحه : طيب يا حبيبتى وأنا حعملك فطار حلو وأفطر انا وانتى
افتكرت مياده وقتها ان أسر خرج من غير فطار وانه ما اخدهاش يفطرها زى كل يوم زعلت منه أكتر فكرت تاخد فطار وتروحله الشركه ورجعت فى قرارها تانى وقالت لا مش كل مره انا أتنازل انا لازم أحسسه انى زعلانه وكلمت أسماء صاحبتها تعرفها انها مش خارجه معاهم
أسماء : صباح الخير يا ميمو عامله ايه يا حبيبتى
مياده : صباح الفل يا سمسم انا الحمدلله وانتى
أسماء : الحمدلله يا حبيبتى ايه حنتقابلوا الساعه كام
مياده : معلش يا سمسم انا مش حقدر اجى معاكم
أسماء : ليه كده يا ميمو دى عادة كل سنه
مياده : أسر مش موافق
أسماء : خلاص يا حبيبتى اسمعى كلامه ومتعمليش مشكله وما تزعليش يا مياده أنا عرفاكى
مياده : والله يا سمسم متضايقه أوى لانه موافقش علشان انا اتفقت معاكم قبل ما اسأله
أسماء : عنده حق يا ميمو لازم قبل ما تاخدى قرار تسأليه ما ينفعش تبلغيه انك خارجه انتبهى يا مياده جوزك غير باباكى
مياده : يعنى انا غلطانه يا أسماء انتى برده حتيجى فى صفه
أسماء : أنا مع الحق يا ميمو عارفه ان كل ده جديد عليكى وانك مش متعوده على كده لكن يا حبيبتى جوزك بيحبك أوى ما تضيعهوش من ايدك وحاولى تصالحيه
مياده : كمان انا أصالحه ده حتى خرج من غير ما يتأكد انى فطرت زى كل يوم ولا فطر هو كمان
أسماء : شوفتى بقي انتى زعلتيه ازاى بلاش تخسري حبه ليكى واستهدى بالله وكلميه صالحيه
مياده : طيب ايه رأيك أخد فطار وأروح بيه أفطر معاه
أسماء : فكره حلوه أوى يا ميمو يلا اتوكلى ع الله ربنا يصلحلك الأحوال
مياده : ربنا يخليكى يا سمسم ويفرح قلبك زى ما ريحتينى مع السلامة
أسماء : مع السلامة يا حبيبتى
وقفلت ميادة مع أسماء ولبست وطلبت من رحمه تحضر فطار ليها ولأسر وتلفه وطلبت من توحه تكلم علاء علشان يوصلها واكدت عليها تخليه ما يقولش لأسر أخدت الفطار وخرجت ركبت العربيه مع علاء علشان يوصلها لكن علاء بلغها ان أسر فى المصنع انهارده فطلبت من يوديها ع هناك
وصلت المصنع وقابلتها ملك السكرتيره بالترحيب ومياده بادلتها الموده نفسها
ملك : مدام مياده ارتاحى بس شويه معايا لان فى ناس عند اسر باشا
مياده : أوكية يا ملك حقعد معاكى نحكى شوية وقعدت مياده مع ملك يتكلموا وكانهم أصحاب لسنين وعرفت من ملك انها مخطوبة لمحاسب معاهم ف المصنع وان الفرح قريب وانها حتعزمها طبعا ومياده رحبت جدا بعرضها لحد ما كان أسر خلص اجتماعه وخرج الناس اللى عنده
مياده : ملك لو سمحت بلاش تبلغيه أنا حدخل علطول
ملك : مفاجاه يعنى ماشي بس لو اتكلم انا ماليش دعوة
مياده : لا متخافيش أنا فى ضهرك
ودخلت مياده ع أسر اللى كان باصص فى الورق اللى قدامه باهتمام وفكرها ملك ومن غير ما يبص عليها بدا يتكلم ويدى أوامر لملك اللى هى مياده اصلا
أسر : ملك عاوزك تنزلى بنفسك تشترى كشاكيل محاضرات وأقلام وأدوات للكلية ومش حوصيكى يا ملك أشياك وأحسن حاجه
مياده : حاضر تحت أمرك يا افندم أى أوامر تانيه
أسر رفع عينه من الورق وباصلها باستغراب والابتسامة على وشه ورجع بسرعه خفاها تانى وكشر
أسر : جيتى ليه يا مياده مش قولتى عاوزه ترتاحى
مياده بمداعبه : والله أنا قولت حرام انك ما تفطرش وان تسيبنى من غير فطار وقولت أجى أفطر مع جوزى حبيبي اللى نسينى انهارده وما أهتمش بيا رغم انه عارف انى لو ما أكلنيش بنفسه حنسي افطر
أسر : يا سلام يعنى طلعت انا الغلطان
ميادة : أيوة طبعا أومال أنا
أسر : ماشي يا ستى حقك عليا رغم انى بجد زعلت منك
ميادة : خلاص بقي يا أسوره حقك عليا
أسر : هو بعد أسوره دى ينفع اتكلم
وقعد أسر وميادة يفطروا ونسيوا زعلهم وكان أسر فرحان من جواه ان مياده قدرت زعله منها وقدرته هو شخصيا وخافت عليه لكن قطع أفكاره صوت مياده
مياده : بس تعرف انى زعلانه منك أوى
أسر : ليه بقي مش قولنا مافيش زعل
مياده : لا دى حاجه تانيه
أسر : ايه هى يا روحى
مياده : انت كنت حتبعت ملك تشترى أدوات الكلية مع انى متعوده انك انت اللى بتختار حاجاتى بنفسك لو مش أنا اللى جيباها
أسر : عندك حق يا حبيبتى بس ده لأنى مشغول أوى انهارده لكن علشان خاطرك حأجل أى حاجه وأنزل أنا وحبيبي نشترى اللى هو عاوزه
ميادة : أيوه كده بقي هو ده الكلام
ضحك أسر ع طفولة مراته وحبيبته اللى كل يوم بتثبتله انها بتحبه وبتختاره وتفضله هو عن أى حاجه تانيه أخدها وخرج راحو عند مول مخصص للادوات المكتبيه اشترت كل اللى هى عوزاه وبزيادة كمان ولفت انتباه أسر انها بتختار الكشاكيل المرسومة برسومات كرتونيه وحاول ينبهها انها كبرت وداخله الكليه لكنعا كانت حابه حياه الطفوله وهو سابها براحتها خلصوا ورجعوا ع القصر لأنها كانت تعبت وهو كمان دخلوا أخدوا شاور ونامت ميادة ونزل أسر يكمل شغل ف المكتب وبعد وقت طويل طلع لغرفته نام هو كمان .................
ووصلت أشعة الشمس لغرفه الأميرات وأعلنت عن بداية يوم جديد لكل أبطالنا لكن يوم مش عادى لمياده وصحباتها فهو أول يوم فى عامهم الدراسى
عموما يا ترى ايه اللى حيحصل ف اول ايام الجامعة
↚صحي آسر من نومه علي صوت تليفون ميادة لأنها كانت لبست وبتصلي قبل ما تصحيه وقام بص علي الموبايل لقي المتصل مي صاحبتها . كانت ميادة خلصت الصلاة
آسر : صباح الخير يا عمري
ميادة : صباح النور يا روح قلبي
آسر : أنتي شكلك مش عايزة تروحي الكلية النهارده
ميادة : لا معلش بقي ده أول يوم سماح المرة دي
آسر : طيب خدي ردي علي مي أحسن بتتصل من بدري
ميادة أخدت تليفونها وردت علي مي الي كانت مش مبطلة إتصال
ميادة : الووو إيه يا حاجة ما تصبري شوية كنت بصلي
مي : يلا يا ست الهوانم إيه نمشي إحنا وأنتي تحصلينا
ميادة : بس يابت والله ما أكلمكم تاني
مي : طيب يلا احنا جاهزين ومستنينك يا ميادة بقي بسرعة علشان لسه حنعرف مكان المدرج ونأخذ الجدول كمان
ميادة : هو مفيش حد فيكم نقل الجدول قبل كده
مي : لا يا ستي عرفتي بقي إن لسه ورانا هم خلصي بقي
ميادة : طب سلام أنا جاية علي طول
آسر : صحابك دول مجانين إنتوا مفكرين إن أول يوم حيكون في محاضرات
ميادة : لسه مش عارفة أهو حنروح ونشوف علشان أعرف الجدول كمان
آسر : طيب يا حبيبي يلا إسبقيني إفطري وأنا ححصلك بسرعة
ميادة : لا مش حأفطر علشان حتأخر عليهم أنا حأمشي علي طول
آسر بحسم : ميادة مفيش خروج من غير فطار يلا إتفضلي إنزلي
ميادة بتذمر طفولي : يوووه هو أنا لسه بيبي
آسر : وبعدين يلا عشان متتأخريش
نزلت ميادة تجري علي تحت وهو خلص بسرعة ونزل كانت خلصت فطار
آسر : خلاص يا روحي فطرتي
ميادة : أيوه يا حبيبي خلاص ممكن أمشي بقي
آسر : يلا تعالي حأوصلك للعربية
سلمت علي توحة وودعتها وطلبت منها الدعاء وتوحة طبعا دعتلها من قلبها وخرج آسر يوصلها
آسر : ميادة مش حأوصيكي كلام مع شباب لا وقفة معاهم لا أنا معنديش حاجة أسمها زميلي مفهوم
ميادة : من غير ما تقول يا حبيبي أنا عارفة حدودي إيه
آسر : أخذني معاكي فلوس والا لا
ميادة : آآه تصور نسيت وفكري أن فلوس بابا لسه معايا
آسر : كنت عارف أنك نسيتي خدي خلي دول معاكي
ميادة أخدت الفلوس وبصتلها لقيتهم كتير أوي
ميادة : بس دول كتير أوي أنا حأعمل ايه بكل ده
آسر : ما هو ده مصروفا اللي قولتلك عليه لاقيته زي ما هو فجبته ليكي
ميادة : وهو ده اللي كنت بتقول لو أحتاجتي تاني خدي من تحت ده يكفيني لأخر الدراسة
آسر : هههههه طب يلا إلحقي روحي أحسن يمشوا ويسيبوكي
ميادة وهي بتجري : ماشي سلام
ركبت العربية مع علاء اللي وصلها لبيت صاحباتها أخذتهم معاها وراحوا لأول يوم في الجامعة وطبعا ميادة ماكنتش حابة قصة السواق والعربية وحبت تبان قدام مزاياهما الجداد بنت عادية زي ما عاشت طول عمرها لكن طبعا لبسها اللي كله ماركات عالمية كان بيدل علي مستواها الأجتماعي أيه
دخلت هي وصحباتها لمكان الجدول وكان معلق علي لوح خشبي علي أحد جدران الكلية وبعد ما نقلو الجدول راحوا يدوروا علي مكان المدرج لأنهم أكتشفوا أن في محاضرة فعلا
وأثناء ما كانوا بيدوروا وقفهم واحد من طلاب الجامعة اللي كان أكبر منهم في الفرقة الثانية وكان معروف عنه إستغلاله لنفوذ أبوه وسلطته في الغلاسة علي البنات وخصوصا اللي داخلين أول سنة زي ميادة وأصحابها
وبدأ الشاب غلاسته المعتادة من كل زملاؤه علي ميادة لكن قابلته بردود عنيفة هي وأسماء
الشاب : إيه أنتم تايهين والا أيه وكان بيعترض طريقهم
أسماء : لو سمحت عاوزين نعدي
الشاب وهو بيشاور علي ميادة لو الأمورة قالت تعدي يبقي حتعدي بس تتحايل عليا شوية
مي : إنت قليل الأدب وأحنا حنادي علي أمن الكلية
الشاب : بس يابت أنتي ولو عايزة الأمن أطلبهولك ولا إيه يا قمر وعينه علي ميادة برده
ميادة : لو سمحت أبعد عننا وبلاش قلة ذوق
الشاب : أنا قليل الذوق يا زبالة ولا علشان عبرت أشكالك
تقي : والله أنت سافل ووقح وعايز تنضرب بالجزمة
الشاب : ماشي يا حلوة إنتي وهي أنا بقي حأعرفكم السافل ده يقدر يعمل فيكم ايه
مياده : ولا تقدر تعمل حاجة ولو إنت راجل بجد وريني تقدر تعمل أيه
الشاب رفع إيده ونزل بالقلم علي وش مياده
تقي وأسماء ومي : يا كلب يا حقير ازاي تعمل كده
وكان وقتها الطلبة كلها اتجمعت وكان فيهم اللي يعرفه ويعرف أنه كل سنة متعود يضايق حد من البنات وفِي اللي بقي يقولها إمشي مش حتأخدي حق ولا باطل معاه ده مسنود
وطبعا ميادة كانت منهارة من العياط والبنات بيحاولوا يهدوها
الشاب : علشان تعرفي اذا كنت راجل والا لأ يا بنت ..... مش أنا اللي زبالة زيك تتحداني أنا خالد الصيرفي
وهنا كان وصل أمن الكلية وأخذوهم كلهم علي أوضة مدير الأمن ولما ميادة حست أن حقها ممكن يضيع بعد مكالمة التليفون اللي تمت بين مدير الأمن ووالد الشاب وهو راجل من المعروفين في البلد ومن صحاب السلطة . كانت مضطرة تكلم آسر اللي أكيد طبعا حيكون ليه نفوذه كمان
طلعت تليفونها وكلمته
آسر : أيه يا حبيبي لحقت أوحشك
ميادة وهيا بتعيط : إلحقني يا آسر تعالالي الكلية بسرعة
آسر : في أيه يا ميادة إهدي إنتي جرالك حاجة
ميادة : في ولد معانا غلس علينا وضربني وإحنا دلوقتي في غرفة أمن الكلية ومش عارفة حيعملوا معانا إيه
آسر : بتقولي ضربك ده يوم أهله أسود إهدي أنتي بس
وقفل التليفون مع ميادة وأخد عربيته والبادي جارد بتوعه وراح علي الكلية وطبعا لمجرد ذكر أسمه إتفتحت كل الأبواب دخل آسر لغرفة الأمن والغضب علي وشه وخصوصا لما شاف منظر ميادة وصوابع الشاب علي وشها الأبيض الجميل وأول ما دخل ميادة جريت عليه وإستخبت في حضنه ونسيت أنها في الكلية لكن إحساسها إنها مفتقدة الأمان في غيابه هو اللي خلاها تعمل كده لكن فاقت علي كلام مدير الأمن
المدير : إنتي يا أنية إرجعي مكانك
آسر : إنت مين وإزاي تكلمها كده
المدير : إنتي اللي مين وايه علاقتك بيها
أسر : أنا آسر الطاروطي والمدام تبقي مراتي
المدير واقفآ : أهلا آسر باشا طبعا أشهر من النار علي العلم
آسر : مين الحيوان اللي إتجرأ ولمس مراتي والله العظيم لدفعه التمن من عمره
الشاب بوقاحة : أنا ولا تقدر تعمل حاجة
المدير : إخرس أنت مش عاوز أسمع صوتك
وآسر وبكل غضبه لكمه في وشه وقعه علي الأرض لكن إتدخل أفراد الأمن لتهدئة آسر
المدير : آسر باشا أتفضل أرتاح وإحنا حنحل الموضوع هي المدام ليه مقالتش من الأول هي مين
آسر : يعني لو هي مش مراتي وبنت عادية كنت حتقبل بكده ده حيوان ولازم يتربي
المدير : ده ولد مستهتر ومحمي في نفوذ أبوه وكل سنة علي المشاكل دي معاه
آسر : ومين أبوه وأنا أعرف إزاي أخليه يربيه
المدير : إبن محمد الصيرفي أكيد حضرتك تعرفه
آسر : لا والله طب لو سمحت شوف إجراءاتك إيه وأنا كلامي مع أبوه لأن حق مراتي حأخده بالطريقة اللي ترضيني
المدير : أنا معمل محضر بالواقعة وحأحوله شئون الطلبة تتحقق معاه هو ومدام حضرتك
آسر : أعمل الصح وأنا حأتصرف بره ومسك تليفونه وكلم مرام سكرتيرته
مرام : نعم يا أفندم أؤمرني
آسر : إطلبلي محمد الصيرفي يكون علي مكتبي كمان ساعة
مرام : حاضر يا أفندم تحت أمرك
قفل مع مرام وبص للشاب بنظرة أحتقار والشاب بدأ يقلق من طريقته وخصوصا بعد ما طلب أبوه يجيله واللي هو يعرفه أن أبوه اللي بيطلب الناس لحد عنده وحس بقوة مركز آسر وطبعا ده كان مرضي لميادة وصحباتها لكن لأن ميادة أنسانة رقيقة ومالهاش تجارب في الحياة الموقف ده تعب لها أعصابها وقررت ترجع البيت مهما كان عندها من محاضرات . وآسر طبعا كان حزين جدآ علي منظرها وأحساسها ده وأخد عهد علي نفسه إنه يرجعلها حقها قدام الكلية كلها
أنهي آسر كلامه مع مدير الأمن وأخد ميادة وخرج ومعاهم صحباتها طبعا
ميادة : أنا حرجع البيت مش حأقدر أكمل اليوم
أسماء : ماشي يا ميادة روحي أنتي وأنا حأشوف المحاضرات وأنقلها ليكي هاتي الأسكتش بتاعك
مي : متزعليش يا ميادة وأخو جوزك ضربه برده
ميادة : أنا عارفة أن آسر لسه مش حيسيبه لكن مكنتش أحب أن ده يكون شكل أول يوم ليا منه لله كسر فرحتي بالكلية
أسماء : ولا يهمك روحي أرتاحي وبكره أن شاء الله تيجي وتكوني أحسن
كان آسر في الوقت ده بيعمل تليفون وأول ما خلص راح أخد ميادة عشان يروحها ويطمئن عليها بنفسه
خرج آسر وهو ماسك أيد ميادة ورآه الحراسة قدام الطلبة والجامعة كلها
آسر : حبيبي أوعي تزعلي والله لأدفعه هو وأبوه الثمن غالي وأندمه علي اللي عمله
ميادة : أنا زعلانة أوي يا آسر ومش عايزة أروح الكلية تاني أنا خايفة أوي
آسر : لا يا حبيبتي حتروحي وحتبدأي دراسة والكلب ده هو اللي حيسيب الكلية وأوعي تخافي وأنا معاكي
ركب آسر وميادة العربية ورجعها البيت ووصلها لحد أوضتها ووصي توحة تأخد بالها منها وخرج واح علي شركته
دخل آسر الشركة سأل سكرتيرته علي أبو الولد وعرف أنه في أنتظاره في المكتب
محمد الصيرفي : آسر باشا والله أبني ما كان يعرف أنها المدام بتاعتك
آسر : محمد يا صيرفي أنا حأقول كلامي مرة واحدة ولو متنفذش حتستلم جثة إبنك من المشرحة ده غير أنك تنسي أي بيزنس تعمله في البلد كلها
الصيرفي : أؤمر يا باشا وأنا عليا التنفيذ
آسر : أبنك حيروح الجامعة بكره ومراتي حتضربه القلم اللي أتجرأ وضربهولها وبعدها تنقل أوراقه أي جامعة تانية
أبو الولد : بس يا باشا
آسر : أنا قلت اللي عندي والمقابلة انتهت
أبو الولد : أوامرك يا باشا عن أُذنك
آسر : أيوه كده بكره تديني تليفون تقولي أن أبنك مستني في الكلية
هز الرجل رأسه بالموافقة وخرج من المكتب لينفذ الأوامر فآسر برغم حنيته وحبه وضعفه أمام ميادة لكنه من أصعب رجال الأعمال وأقساهم قلباً
أكمل آسر يومه في شغله وبعدها رجع القصر وجد ميادة مازالت نائمة وعرف أنها لم تأكل طوال النهار . راح آسر وصحاها وهي أول ما شفته إفتكرت اللي حصل ورمت نفسها في حضنه وأنهارا تاني
آسر : عشان خاطري مش عايز أشوف دموعك ديه
ميادة : أنا مش عايزة أروح الكلية دي تاني يا آسر حولي أوراقي
آسر : لا ياروحي أنتي حتروحي الكلية بكره وحتأخدي حقك قدام كل زملائك وهو حيتنقل كلية تانية
ميادة : أخد حقي ازاي
حكي آسر عن أتفاقه مع والد الشاب وعلي اللي حتعمله وهي طبعا كانت رافضة لكن آسر حسم الموقف وصمم علي رأيه وقرر أن من بكره حيكون معاها حراسة داخل الكلية وأن ده حاجة ممنوعة بس هو حيتصرف
وفِي الصباح أتصل والد الشاب بآسر وبلغه أن أبنه في أنتظار تنفيذ حكم آسر عليه . أخد ميادة وراح بيها علي الكلية ووسط كل الطلبة وفِي نفس المكان وقف آسر وخلي ميادة ضربت الولد نفس القلم علي وشه وبعدها دخل لمدير أمن الكلية وبلغه أنه حيسيب حراسه مع ميادة حترافقها في كل مكان وطبعا ده تم بعد اتصالات بقيادات علي مستوي عالي
أكملت ميادة يومها بالكلية وسط ذهول الطلبة وفرحة طلبة أخرين أتعرضوا لمضايقات من نفس الشاب لكن حيمر اللي حصل من شاب مستهتر زي ده مرور الكرام والا حيفكر ينتقم بطريقته
إستنوني الحلقة الجاية عشان تعرفوا ايه اللي ممكن يعمله خالد وإيه رد ميادة وهل ستتحمل ميادة تحركاتها بحراسة
↚عادت مياده إلى البيت وهى تعبانه ومتضايقه من كل اللى مر هى ماكانتش حابه تاخد حقها بالطريقه دى لكن أسر هو اللى صمم وطبعا قبل ما تغير لبسها إتفاجئت بتليفون من اهلها
مياده: سلام عليكم ازيك ياماما وحشانى اوى
الأم: وانتى ياحبيبتى ايه اللى تقى حكيتهولى ده
مياده: حكيتلك على ايه يا أمى
الأم: ايه يابت انتى مش عوزانى اعرفه على اللى حصل فى الكليه طبعا
مياده: خلاص بلاش تفكرينى يا ماما كفايه اللى انا فيه
الأم: بس شوفتى جوزك بيحبك ازاى دى تقى وامها عمالين يتكلموا على اللى عمله فى الواد
مياده: ربنا يخليهولى هو فعلا كان حيتجنن عليا وخايف اوى
الأم: خدى بالك من نفسك ياحبيبتى ومن جوزك
مياده: ربنا يسترها يا ماما سلميلى على بابا
الأم: يوصل ياحبيبتى مع السلامه
مياده: مع السلامه يا أمى
وقفلت مياده التليفون وهى ناويه لتقى على نيه مهببه انها راحت حكت لأمها ودخلت مياده اخدت شاور تنسيه بيه تعب اليوم وغيرت لبسهاونزلت تشوف توحه اللى كانت بتصلى وقت مارجعت واول ما نزلت راحت وقعدت مع توحه وحكتيلها اللى حصل كله وطبعا توحه كانت فرحانه باللى أتعمل فى الشاب لكن ماكانش حد عارف انه كان بيخطط ينتقم من مياده
اما عند الشاب وفى الشقه ابوه إشتراهاله وهو عملها
كان خالد مجمع اتنين من اصحابه اللى بيحرضوه على الانتقام وانه ياخد حقه ويكسر عين البت اللى هى مياده
خالد: انا عارف انى لازم اكسر عنيها وعين الكلب جوزها
صديقه 1: احنا نخدرها ونجيبها على هنا تصورها عريانه
صديقه 2: انت اهبل ياابنى دى معاها حراسه ممكن تفرمنا
خالد: لا انا حزق عليها البت شيرى ماتنسوش ان هى اطمنت انى مش فى الجامعه
صديقه 1: طيب ودى حتعمل معاها ايه
خالد: حخليها تصاحبها ولما تطمنلها حخليها تحطلها اقراص فى العصير ولا اى حاجه وبعدها تسحبها على الحمام تصورها وساعتها نركب الصور ونبعتها للأمور وعلى كل تليفونات الجامعه
صديقه 2: بس ده حياخد وقت على متنفذ خطتك
خالد بضحكه شريره: ماهو اخد الحق صنعه يا عبيط
كان خالد واصحابه خلصو اتفاقهم وبلغ بيه صاحبته (شيرى) اللى من بكره حتتقرب من مياده وصحباتها
وفى قصر الاحلام كانت مياده فى انتظار رجوع اسر على ميعاد الغدا وأول ما وصل توحه دخلت المطبخ تأمر بتجهيز الغدا وهو راح قعد جنب مياده على الكنبه الامريكان اللى فى غرفه المعيشه وحط ايده على كتفها ويطمنها ويطمن عليها
اسر: حبيبتى وحشتينى إنهارده عملتى ايه بعد ماسبتك
مياده: قضيت اليوم عادى حضرت المحاضرات وبعدها رجعت على طول حتى البنات كانو خارجين يشتروا ادوات الرسم الهندسى وانا ماوفقتش اروح معاهم
اسر: طيب ليه ياروحى كنتى كلمينى وروحى معاهم فكى شويه
مياده: لاء مش عاوزه اخرج انا قولت تخلى علاء او اى حد يشتريهم
اسر: لا ياحبيبتى بعد الغدا نخرج انا وانتى نشتريهم وافسحك كمان
مياده: حبيبى لو قولتلك بلاش حتزعل
اسر: مالك ياميمو ليه حاسك تعبانه اوى كده ماتخليش اللى حصل يأثر عليكى وانتى اخدتى حقك وماحدش يقدر يقرب منك تانى
مياده: انا عارفه بس ماكانتش حابه ان ده يحصلى فى اول يوم ليا كنت داخله فرحانه حسبى الله ونعم الوكيل فى الانسان ده خلانى عاوزه اسيب الكليه
اسر: انا عاوزك جامده مش تضعفى كده
مياده: حاضر ياحبيبى اكيد طول ماانت جنبى هكون اقوى حد فى الدنيا
اسر: ايوه كده وبعدين ايه الكلام الحلوه ده لا تستاهلى خروجه بالعربيه المكشوفه وتفردى شعرك كمان
مياده: بجد ان كان كده ماشى حنخرج بعد الغدا على طول
ضحك اسر على طفولتها واخدها وراحوا لغرفه السفره يتغدوا مع توحه اللى كانت جهزت الغدا مع رحمه ومستنياهم اتغدوا وطلعت مياده غيرت لبسها واسر كمان طلع اخد شاور وغير لبسه بلبس كاجوال بنطلون من الجينز الازرق وقميص من اللون النبيتى ونزل هو ومياده ركبوا العربيه السوده المكشوفه وخرجوا شغلها الاغانى بصوت عالى جدا واول ما بدا طريق البحر مياده فردت شعرها وسابت الهوا يطيره واسر فرحان لفرحتها وانه قدر يخرجها من الحاله النفسيه اللى كانت فيها وصلوا عند المكتبه اشترات مياده ادوات الرسم الهندسى واللى كان فيها مسطره حرف تى ودى فكانت مسطره كبيره من البلاستيك القوى على شكل الحرف الانجيليزى (T) ومسكها وفضل يهزر مع مياده بيها ويضحكوا واخدها لمكان يعزمها على ايس كريم اسر حاول يبسط مياده بكل حاجه بتحبها وقدر فعلا يفرحها وبعدها اخدها ورجعوا البيت ومياده اسعد انسانه فى الدنيا مش علشان الخروج او الفسح لكن علشان ربنا عطاها احن قلب فى الدنيا اكرمها بانسان كل همه سعادته ضهر ليه وسند ومش كتير رجاله بتكون زى اسر صحيح متملك واحيانا متحكم لكن بيحبها بجنون وصلت مياده غرفتها وهى بتفكر فى كل ده واكتشفت ان مميزات اسر فى قلبها ممكن تغطى على تملكه ليها.
لكن ياترى هتقدر تكمل حياتها وسط الحراسه الديمه والتسلط
↚فى صباح يوم جديد صحى اسر علشان شغله لكن لقى مياده نايمه ومش ناويه تروح الكليه صحاها اسر بالعافيه
اسر: يلا ياميمو وقولنا ايه لازم تكونى قويه وتحققى حلمك ومتخافيش من حاجه
مياده: حاضر ياحبيبى مع انى كنت ناويه ارتاح النهارده
اسر: لا يامياده قومى وانا حوصلك فى طريقى
قامت مياده اخدت شاور ولبست وادت صلاتها ونزلت تفطار مع اسر وتوحه اللى اقنعتها توحه بأنها تكمل حياتها عادى وتنسى اللى حصل لكن حتى لو مياده نسيت الشاب المتعجرف خالد حينسى
فرح اسر ومياده وركبو العربيه ووصلها الكليه بعد مابلاغ علاء انه يتحرك بالحراسه الخاصه لمياده ويمشى وراهم
اسر وصلها علشان يديها الامان والقوه وده فعلا اللى حسته مياده
ووصلت مياده الكليه وسلمت على اسر ونزلت دخلت لاصحابها اللى فرحوا جدا بعد ما شافوها
اسماء: حبيبتى يامياده فكرتك مش حتيجى
مياده: والله عندك حق انا كان نفسى ارتاح انهارده لكن اسر صمم
تقى: ياشيخه ترتاحى من ايه ده لسه الاجازه خالصه
مى: احنا لازم نركز شويه الكليه دى مش سهله
مياده: احنا عندنا محاضره كمان عشر دقايق يلا بينا
ومشيوا البنات فى طريقهم لمدرج (أ) اللى فيه المحاضره علشان يلاقوا مكان وطبعا من اول مياده ما وصلت باب الكليه وفى عيون بترقبها وينقل تحركتها لشيرى علشان تبدا مهمتها واول ما وصلت مياده وصحباتها المدرج ماكانوش لاقين مكان وطبعا شيرى وفرتلهم المكان وشاورت لهم وقعدوا البنات وشكروها وبعد المحاضره
اسماء: شكرا فعلا المدرج كان زحمه ومش لاقين مكان
شيرى: ولا يهمك ياقمر انا عاوزه اخدمكم بأى طريقه
تقى باستغراب: تخدمينا طيب ليه ده احنا حتى مانعرفش اسمك
شيرى: انا شيرى ويا ستى عاوزه اخدمكم لان موقفكم مع خالد عجبنى جدا ده ياما بهدل بنات
مى: وانتى تعرفيه منين اذا كنتى جديده زينا
شيرى: لا انا دى تانى سنه ليا اصلى مدابلاره
مياده: يعنى ايه مدابلاره
مى: يعنى بتعيد السنه ياميمو
شيرى: انتي اسمك ميمو
تقى: لا ده الدلع اسمها مياده وانا تقى ودى مى ودى اسماء
شيرى: اهلا وسهلا فرصه سعيده اتمنى تقبلونى صاحبتكم
مياده: اه طبعا نتشرف
خلصوا كلام مع شيرى وسابوها ومشيوا وهى طبعا ماحبتش تتقل عليهم من اول مره علشان ماتلفتش الانتباه وجريت تكلم خالد تطمنه انها بدات الخطه
اما مياده والبنات كانوا وصلوا للكافتريا يشربوا حاجه وقعدوا وطلبوا وبدأوا يحكوا مع بعض
مياده: طيبه اوى شيرى دى
اسماء: بس انا مش حاسه بكده
تقى: ولا انا مرتحالها
مى: انتو كده كل الناس وحشه فى عيونكم
مياده: هى واضح انها اتأذت من اللى اسمه خالد ده
مى: مش ملاحظه يابت ياميمو ان حياتك كلها ماحدش ضايقك الا وكان اسمه خالد
مياده: اه تقصدى ابن عم حسين صاحب بابا
تقى: لا ونسيتى الولد اللى كان معانا فى الابتدائى وكان بيضربك كل شويه مش كان اسمه خالد برده
اسماء: ده من بختك ياميمو علشان تعرفى ان اسر مختلف
مى بهزار: اتاكدى ليكون اسمه خالد هو كمان ومتنكره
ضحكوا البنات وقعدوا ارتاحوا شويه وشربوا النسكافيه وبعدها رجعوا تانى علشان كان لسه باقى عندهم محاضره مياده وهى فى طريقها للمدرج كان موبايلها بيرن وطبعا كان اسر بيطمن عليها
اسر: حبيبى بتعملى ايه كل ده ونسيانى مااتصلتيش
مياده: اولا انا مقدرش انساك ثانيا انا ياحبيبى كان عندى محاضره وبعدها قعدت مع البنات نشرب حاجه وعندنا محاضره تانيه رايحين نحضرها حالا
اسر: ايوه علشان كده نسيانى
مياده: علشان ايه بقى
اسر: علشان مع صحباتك طبعا
مياده: لا والله ياحبيبى ما انا قولتلك ما اقدرش انساك
اسر: وشربتى ايه من غيرى
مياده بتلقائيه: نسكافيه علشان نفوق
اسر بغضب: انا كنت عارف ان كلامى مابيتسمعش
مياده: معلش ياحبيبى والله نسيت
اسر: خلاص سلام يا مياده
وقفل التليفون حتى قبل مايسمع رد مياده اللى قالت فى نفسها انت يا اسر انسان غريب على اد ما بتسعدنى وبتنسينى الدنيا بترجع تانى وتتحكم فى اتفه واصغر التفاصيل فاقت مياده من شرودها على صوت بينادى عليها وكانت شيرى
شيرى: مياده يلا بسرعه المحاضره حتبدا والدكتور مش بيدخل حتى بعده
مياده: اوكيه انا جايه اهو وشكرا ياحبيبتى تانى مره تنقذينى انهارده
شيرى: عيب عليكى احنا مش قولنا حنبقى اصحاب
دخلت مياده للمدرج ومعاها شيرى وكانت البنات حاضره لها المكان قعدت هى وشيرى اللى بقت تقرب منهم بسرعه جدا خلصت المحاضره التانيه وخلص اليوم ورجعت مياده القصر وهى فى انتظار وصول اسر للغدا لكن طبعا اسر كان مقرر يعاقبها علشان مش بتسمع كلامه فضلت مياده مستنيه ولما تعبت طلعت لغرفتها ترتاح شويه لكن راحت فى النوم وماصحتش غير على صوت حركه اسر فى الغرفه وهو خارج من الحمام بعد ما كان اخد شاور
مياده: حبيبى انت اتاخرت كده ليه
اسر: حتفرق معاكى اوى
مياده بعدم فهم: يعنى ايه اللى حتفرق معايا
اسر: انى اجى بدرى او اتاخر
مياده: انا استنيتك على الغدا ونمت من كتر التعب ولسه مااتغديتش حتى
اسر بغضب: كمان مااتغديتش مش كفايه شربتى نسكافيه وانا قايل ممنوع
مياده: انا اسفة يااسر موضوع النسكافيه ده انا نسيت وبما ان اصحابى متعودين انى بشربه فطلبوه وانا شربت من غير قصد والله
اسر: اه طبعا وانا كلامى مهم علشان تفتكريه مع ان محذرك من يوم المطبخ والشاى
مياده: خلاص بقى يا اسر حرمت وكده برضه تسيبنى مااتغداش بتعاقبنى يعنى
اسر: مش كان المفروض حتخلصى الكليه وتيجى على الشركه رجعتى على البيت ليه
مياده: كنت تعبانه ومعاد رجوعك كان قرب وقولت حاجى والاقيك تيجى بعدى على طول
اسر: بس انا زعلان منك يامياده علشان مبتسمعيش الكلام لكن دلوقتى قومى ناكل حاجه
مياده بدلع: خلاص بقى انا حعاقب نفسى ومش حاكل النهارده
اسر: ياسلام فكرك كده حتصالحينى ده كده حزعل اكتر انتى عارفه انى ممكن اسامح فى اى حاجه الا صحتك وانك تهملى فيها
مياده: انا بحبك اوى على فكره
اسر: ما انا عارف بذمتك انا ماتحبش
مياده: كده طيب خلاص كنت بكدب مش بحبك ولا حاجه
اسر: ماتقدريش تكدبى ولا تقدرى ماتحبينيش علشان انتى حب عمرى كله ومتاكد ان انا كمان حب عمرك
مياده بفرحه: طبعا انت حب عمرى وروحى وحياتى
اسر: طيب يلا بينا ناكل علشان عندى شغل كتير واكيد انتى وراكى مذاكره
مياده: ايوه يلا بينا
نزل اسر ومياده يتغدوا وطبعا توحه كانت حضرت السفره اتغدوا وهما مبسوطين واسر نسى زعله ومياده كمان كانت فرحانه انها قدرت تصالحه وباعترافه بحبه ليها وبعد ما خلصوا دخل اسر لمكتبه فى القصر يكمل شغله ومياده طلعت على غرفتها تذاكر وتكتب المحاضره وعدى اليوم طبيعى عدت الايام فى حياة ابطالنا من غير اى جديد لحد اليوم المشؤوم اللى كانت شيرى قربت من البنات وخصوصا مياده وفى الكليه اتقابلت شيرى مع مياده وصحباتها وفى عيون مرقباهم كانت عيون اصحاب خالد وعيون الحراسه الخاصه بتاعه مياده اللى كانوا شايفين ان مافيش خطوره على مياده من صديقتها كلهم بنات مايعرفوش ان المصيبه من بنت وطبعا بعد ما كانت شيرى قربت من مياده وصحباتها كانت عرفت ان صعب ومستحيل كمان انها تعرف تخرجها من الكليه مش بس علشان الحراسه لا وكمان صحباتها اللى مش بيسبوها دقيقه فقررت انها تصورها فى حمامات الكليه بعد ما دفعوا للعامله وفضت الحمامات نهائى من الطالبات
قعدت شيرى مع مياده والبنات وبحركه خبيثه منها حطت قرص لمياده فى العصير والقرص ده كان بيعمل زى حاله استرخاء ومش نوم كامل يعنى تكون مفتحه عيونها لكن مش واعيه للى بيجرى وبعد شويه طلبت شيرى من مياده تروح معاها الحمام واخدتها وداخلوا وكان تأثير الاقراص بدا يوضح على مياده فضلت شيرى تصورها وهى بتعدلها على اوضاع ممكن يتركب عليها صوره معاها وده فعلا اللى كانوا مخططنينه لكن لان اسماء وتقى كانوا مش مطمنين لشيرى قاموا بسرعه لما استغيبوا مياده ودخلوا وراهم الحمام لقوا مياده مرميه على الارض ومش حاسه بحاجه وشيرى طبعا اختفت وطلعت لاصحاب خالد تسلمهم الكاميرا لكن خوفها من خالد وصورها اللى هددها انه يفضحها بيها كان اكبر وماكانتش تتخيل ايه اللى ممكن يحصلها بعد ما اسر حيعرف بعملتها مع مراته
اما عند اسماء وتقى بعد ما شافوا مياده طلعوا يجروا على الحراسه ودخلوا شالوا مياده ونقلوها للمستشفى وفى الطريق اتصلوا بأسر
الحارس: ايوه يا باشا
اسر بقلق: خير فى حاجه حصلت مع الهانم
الحارس: الهانم اغمى عليها فى الكليه واحنا ناقلينها للمستشفى
اسر بغضب: وماكلمتنيش ليه من بدرى
الحارس: يا باشا احنا قولنا نلحق الهانم واحنا لسه فى الطريق ومعانا صحباتها
اسر: ماشى انا جاى حالا
نزل اسر من الشركه اخد العربيه وراح على المستشفى اللى قال للحارس يوديها عليها لانها من احد ممتلكاته وعارف انه هناك حيوفرلها رعايه خاصه وصلت مياده مع صحباتها والحراسه للمستشفى ونقلوها للكشف وكان وصل اسر شافها بالحاله دى وكان حيتجنن وبدا يسأل صحباتها عن اللى حصل
اسر: هو ايه اللى حصلها هى شربت قهوه او نسكافيه
اسماء: لا ابدا هى شربت عصير وكانت فى الحمام مع واحده زميلتنا
اسر: مين دى
تقى: بنت اتعرفنا عليها فى الكليه
اسر: وهى فين ماجتش معاكم ليه
اسماء وتقى: احنا اصلا ما شوفنهاش احنا لما استنينا مياده وكنا عاوزين نمشى دخلنا نشوفها لقيناها واقعه على الارض وماكانش فى حد فى الحمام خالص
قطع كلامهم خروج الدكتور اللى طلب يكلم اسر على انفراد وداخلو المكتب
الدكتور: اسر باشا المدام بتتعاطى حاجه
اسر: لا طبعا
الدكتور: المدام واخده حاجه مخليها فاقده الوعى هى مفتحه لكن مغيبه
اسر: يعنى ايه الكلام ده
الدكتور: لو حضرتك متاكد انها مش بتتعاطى مخدر يبقى حد حطلها حاجه هى اللى عملت فيها كده
اسر: ومافيش تحاليل دم تبين ايه اللى اخدته بالظبط
الدكتور: فى طبعا وانا سحبت عينه دم منها وبدات بالفعل لكن لازم تفضل تحت الملاحظه خصوصا انها حامل
اسر بفرحه: ايه حامل انت متاكد
الدكتور: طبعا وتقرير المعمل قدامى اهو
اخد اسر من ايده التقرير وخرج وهو متلخبط مش عارف يفرح ولا يحزن على مراته ولا عارف ايه اللى حصلها بالظبط
وصل اسر عند البنات ورجع يسألهم عن البنت اللى كانت معاها وزى ما كان اسر شاكك فيها البنات كمان شكوا فيها
↚
اسر بعد ما خرج من عند الدكتور وكان عرف بحمل مياده كان حابب يعرف معلومات عن البنت اللى كانت مع مياده وقت اللى حصل لها
فراح عند البنات يسألهم
اسر: انتو تعرفوا البنت دى من اد ايه
تقى: بنت مين تقصد شيرى
اسر: ايوه اللى كانت مع مياده فى التواليت
اسماء: دى بنت لسه متعرفين عليها بعد الموقف اللى حصل مع مياده والشاب الهمجى ده
اسر: هى نفس دفعتكم
اسماء: هى عايده السنه الدراسيه
اسر: وايه اللى خلى مياده وقتها تروح معاها مش حد منكم انتم وانا عارف انكم مش بتسيبوا بعض
مى: شيرى هى اللى صممت ان مياده تروح معاها حتى اسماء وتقى استغربوا وده كان سبب قلقهم لما اتأخروا جوه
اسماء: هو حضرتك بتسأل الاسئله دى ليه فى حاجه لان احنا مش مرتاحين للبنت دى
اسر: ازى يعنى مش مرتاحين ولما انتوا ما رتاحتوش ليها سبتوا مياده تكلمها ليه وانتوا كلمتوها ليه
سكت البنات بعد وصل اهل مياده للمستشفى
الاب بلهفه: خير ياابنى مياده فيها ايه
اسر: حضرتك عرفت منين
الام: دى ام تقى قالتلى بعد ما تقى كلمتها
تقى مبرره: علشان كنا حنتأخر ولازم اهلنا يعرفوا احنا فين
الام: المهم بنتى جرالها ايه
اسر: اطمنوا هى هتكون كويسه إن شاء الله
دخلت الام والاب يطمنوا على بنتهم ودخل معاهم البنات واسر كان واقف تايه مش عارف يعمل ايه جواه خوف على مياده وغضب منها على معرفتها بناس متعرفهاش وشك فى البنت انها تكون أذت مياده بأى شكل احاسيس مختلفه لخبطت اسر
اما فى شقه خالد كان واقف يلعن فى شيرى ويكسر فى الكوبايات اللى قدامه ويصرخ فى اصحابه وشيرى اللى كانت واقفه مرعوبه
خالد: انتوا أغبيه مصورهالى بهدومها اعمل ايه انا بيها كده
شيرى: انا كنت خايفه حد من صحباتها يدخل علينا وكنت بتصرف بسرعه
صديقه 1: خلاص ياعم ولا تزعل نفسك نركبلها جسم عريان على وشها
خالد بصوت عالى: ياسلام وانا كنت عامل كل ده علشان فى الاخر اركب وشها على جسم تانى
شيرى: انا خايفه اوى من جوزها ليعرف حاجه وانى كنت السبب انا لو جرالى اى حاجه حقولهم عليك
خالد: شيلوا البنت دى من قدامى بدل ما ارتكب جنايه
شيرى: لا انا مش همشى قبل ماتدينى السى دى بتاعى
خالد ببرود: هههههههه امشى ياحلوه بكرامتك بدل ماحعرفك شغلك
صديقه 2: امشى دلوقتى ياشيرى وبعدين اتكلموا
شيرى: ماشى يا خالد انا ماشيه بس حاجتى توصلنى
مشيت شيرى وخالد واصحابه اتصلوا بمهندس فوتوشوب علشان يجى يركب الصور ولانه طبعا مهندس من اللى بيبيعوا ضميرهم للى يدفع وافق ووصل عند شقه خالد ونفذ المطلوب
كان فى الوقت ده مياده فاقت ودخل اسر يطمن عليها اسر كانت دموعه محبوسه فى عيونه على منظر مياده وخايف عليها بعد ما تفوق ومن الصدمه اللى ممكن تتعرضلها وخايف على جنينه اللى فى بطنها
اسر: حبيبى الف سلامه عليكى
مياده بصوت تعبان: الله يسلمك وايه اللى حصل
ولسه مى حتتكلم اسر بصلها انها ماتحكيش حاجه
اسر: عادى ياحبيبتى اغمى عليكى من الارهاق تلاقيكى شربتى نسكافيه
مياده: لا والله ده انا شربت عصير حتى اسألهم
الام: تلاقيه وطى ضغطك وانتى اصلا بيكون ضغطك واطى على طول
اسر: ايوه هو فعلا الدكتور قال ان ضغطها واطى
البنات حسوا ان اسر مش عايز يعرف مياده بشكه فى شيرى وهى فى حالتها دى ففضلوا يسكتوا هما كمان
لكن بعض لحظات بدا وش اسر يتغير بعد ما وصلته رسايل على تليفونه وفتحها واسماء متابعه تغيرات ملامح وشه اللى بان عليها الغضب خرج اسر بسرعه من الغرفه وخرجت وراه اسماء وسط استغراب اهل مياده والبنات من خروج اسماء بعد اسر مباشرة
اسماء: استاذ اسر بعد اذنك
اسر: نعم فى حاجة
اسماء: انا اسفة انى بتدخل لكن انا حاسة ان فى حاجة غلط حصلت مع ميادة فى الكلية وان فى حاجة حضرتك عرفتها دلوقتى بخصوص ميادة
اسر: ليه بتقولى كده
اسماء: انا شايفة ان حضرتك اتضايقت مرة واحدة وتانى حكرر اسفى على تدخلى لكن ميادة دى اختى
اسر: انا فاهم يااسماء وفعلا احساسك صح لكن توعدينى انك تحكيلى كل حاجة عن البنت اللى اسمها شيرى وانا حعرفك اللى ضايقنى وكل دا من غير ماحد يعرف حاجة حتى صحباتكم
اسماء: طبعا اوعد حضرتك انا ممكن اعمل اى حاجة فى مصلحة ميادة
اسر: تمام تعالى نقعد فى اى مكتب
اسماء: بس مش حيسمحولنا بكده
اسر: المستشفى بتاعتى يااسماء
ودخل اسر واسماء لغرفة مكتب من مكاتب الادارة وكان فاضى وقتها وبدأت اسماء تحكيله عن الطريقة اللى اتعرفوا بيها على شيرى وشكها فيها لما كانت بتحاول تتقرب من ميادة بالذات
واسر كان بيسمع لها وبدا يشبك كل الخيوط واتصل بواحد من رجالته وطلب منه معلومات عن البنت وعن الحقير اللى اسمه خالد وطبعا الراجل قفل التليفون مع اسر وبدا ينفذ المطلوب
لكن اسر فاجئ اسماء لما وراها الصور
اسماء بفزع: ياخبر اسود دى مش مياده احنا لما دخلنا كانت لابسه هدومها
اسر: انا عارف دى صور متركبه
اسماء: طيب هى ليه عملت كده
اسر: اكيد مزقوقه على مياده
اسماء بخوف: استاذ اسر مياده مش ممكن تعمل حاجه غلط انت عارف كده صح ؟
اسر: اسماء انتى مش حتعرفينى مراتى انا متأكد انهم الكلاب دول وانا حدفعهم التمن عمرهم
اسماء: مياده لو عرفت حاجه زى دى ممكن تروح فيها بعد الشر
اسر: اوعى تعرفيها حاجه وانا حتصرف
وبدا أسر فعلا يتحرك واسماء رجعت لغرفه مياده والكل بداوا يستفسروا عن سبب خروجها لكن هى كانت ساكته
اسماء كانت ساكته من الصدمه هما لسه بنات نظيفه مايعرفوش ان الدنيا فيها ناس جواها سواد وحقد ويقدروا يعملوا بلاوى
تقى: اسماء انتى لازم تبررى خروجك ورا اسر طنط بتبص لك بطريقه كانك كنتى رايحه تخطفيه من بنتها
اسماء: انا ابدا والله انا كنت بحكيله على شكى فى شيرى وهو مش عاوز يعرف مياده دلوقتى
تقى: لكن هما مايعرفوش حاجه
اسماء: مش مهم المهم عندى مياده
وفى الوقت ده كان اسر وصل للبنت عن طريق رجالته وعرفه يجيبها
وفى الشركه كان اسر قاعد على كرسى مكتبه وشيرى واقفه قدامه حتموت من الخوف وسط رجال الحراسه
اسر: انتى بقى شيرى
شيرى: ايوه انا عاوز منى ايه
اسر بهدوء مصطنع: تؤتؤتؤ اتكلمى بأدب
شيرى بخوف: حاضر بس ممكن اعرف انتو جايبنى هنا ليه
اسر: انتى اللى حتقوليلى انتى عاوزه من مراتى ايه
شيرى: انا كنت حاجى لوحدى واحكيلك
اسر: تيجى لوحدك ده انتى جريئه اوى
شيرى: ممكن نتكلم لوحدنا
اسر للحراسه: اخرجوا بره انتوا دلوقتى
وبعد خروج الحراسه
اسر: ها ادينا لوحدنا عاوزه ايه بقى وكنتى حتحكيلى ايه
شيرى وهى تبكى: انا اللى عملت كده فى مراتك وحطيطلها الاقراص فى العصير وانا اللى صورتها لكن والله غصب عنى وعلشان انا كنت اتعرفت عليها وعرفت انها طيبه صورتها بلبسها ولما سألونى قلت انى مالحقتش اعمل غير كده
اسر مقاطعا: هما مين اللى سألوكى
شيرى بخوف: خالد واصحابه
اسر: وعملتى كده ليه مادامت صعبت عليكى
شيرى: علشان انا السنه اللى فاتت كنت اعرف خالد وحبيته وما كنتش اعرف انه واطى وصور كل لحظه ليا معاه وهو هددنى يفضحنى ويبعت الصور والسى دى لاهلى
اسر بغضب:ياولاد..........ياذباله والله لادمركم
شيرى وهى منهاره: ابوس ايدك انا ماليش ذنب هو السبب وانا اهلى ناس محترمين
اسر:خلاص انا حرحمك علشان انتى بنت او بمعنى اصح حرحم اهلك
شيرى: انا متشكره كتر خيرك لكن خالد لو عرف انى قولت حاجه
اسر: ماتخافيش ده لو فضل فى حد اسمه خالد
خرجها اسر ووصى رجالته يوصلوها بعد ماكان اخد منها عنوان شقه خالد اللى متجمع فيها مع اصحابه وبعت رجاله للعنوان علشان يجيبوهم
↚
فى الوقت نفسه اللى رجاله اسر راحوا على العنوان واخدوا خالد واصحابه ودوهم على مخازن تابعه لشركات اسر كان اسر راح المستشفى يطمن على مياده واول ما دخل عليها الغرفه عاتبته انه سابها
مياده: كده يا اسر سبتنى وروحت فين
اسر بحنان: حبيبتى ما اقدرش اسيبك انا بس وقت ماعرفت باللى حصلك نزلت من المكتب ونسيت الخزنه مفتوحه فرجعت قفلتها وجيت على طول
ام مياده: شفتى بقى ياميمو وانتى كنتى ظلماه
اسر: اهون عليكى تظلمينى ده انا حبيبك
مياده: انا زعلت منك انت عارف انى بخاف وانت مش معايا
اسر: تخافى ليه ومن ايه مش انا قولتلك اوعى تخافى وانا معاكى
مياده: شوفت انت قولت ايه وانا معاكى وانت كنت سايبنى لوحدى
اسر: عموما ياحبيبتى انا عديت على الدكتور وانا جايلك وبلغنى انك حتخرجى معايا دلوقتى وحروحك على القصر وحنستأذن بابا يسيب ماما معاكى
ابو مياده: طبعا يا ابنى خليها معاها
اسر: وياريت حضرتك كمان ياعمى تيجى معانا
ابو مياده: معلش ياحبيبى علشان شغلى مش حينفع اخد اجازه
ام مياده: سيبوه على راحته انا حاجى معاها واقعد بيها لحد ماتقوم بالسلامه
اسر: تشرفينا ياماما يلا طيب اجهزوا علشان اوصلكم
مياده: هو انت حتخرج تانى بعد مانرجع
اسر: ايوه ياروحى عندى شويه شغل
طبعا اسر كان مدارى على مياده كل حاجه
خرجت مياده من المستشفى ووصلها اسر هى وامها للقصر واستقبلتهم توحه اللى ماكانتش تعرف ان مياده فى المستشفى ومفكراها مع اسر
ورجع اسر علشان يروح على مخازنه بعد ما كان رجالته بلغوه بوصلهم هما والشباب
وصل اسر للمخزن لقى رجالته مربطين خالد واصحابه من ايديهم ورجليهم ورامينهم على الارض وعلى فمهم لاصق لمنع الصوت
اسر: قومولى الكلب الواطى ده وكان بيشاور على خالد
وفضل اسر يضرب فيه ويلكمه فى كل جزء من جسمه وكان بيخرج كبت عمره كله فيه
لكن وقفه اشارات خالد انه يشيل اللاصق علشان يتكلم
فراح اسر عليه وشال اللاصق
خالد: انت بتستقوى عليا رجالتك لكن تقدر تواجيهنى راجل لراجل
اسر: فكوه وخدوا الكلبين دول واخرجوا بره ويلا يا حلو واجهنى راجل لراجل لكن الاول قولى فين الراجل اللى حواجهه انت عيل تافه
خالد بعد مافكوه رجال اسر: انا حوريك التافه ده حيعمل ايه فيك
وبدا الاثنين معركه داميه لكمات وضربات واثناء ده كان اسر بيسأل سؤال واحد
اسر بصراخ: عملت فيها كده ليه يا حيوان
خالد لاستفزازه: اسألها هى
اسر: وهى تعرفك منين
خالد: قولتلك اسألها انا اعرفها من زمان من قبل ما تدخل الكليه كمان
اسر: انت كذاب يلا يا زباله ياواطى والله ماحسيبك
خالد: ولا تقدر تعملى حاجة حنزل صورها فى كل حتة
فقد اسر السيطرة على اعصابه وكاد يقتله لكن رجالته لحقوه من ايده
رجل الحراسة: كفاية ياباشا حيموت فى ايدك
اسر: اربطوه الكلب ده والحيوانات اللى معاه وروحوا الشقة هاتولى الكاميرا والكمبيوتر او اللاب توب اى اجهزة موجودة هاتوها
رجل الحراسة: اوامرك ياباشا
خرج اسر من المخزن وهو بيفكر فى كلام خالد وبدأ الشك يوصل لقلبه ياترى فعلا يعرفها ياترى هى كانت على علاقة بيه امتى طيب اشمعنا اختارها هى من ضمن بنات الكلية
ده اللى اسر فكر فيه بينه وبين نفسه وشيطانه شاركه فى الوسوسة
وصل اسر القصر وهيئته متبهدلة شكه عاميه دخل الغرفة عند ميادة اللى كانت نايمة صحاها
اسر: ميادة قومى اقعدى و كلمينى
ميادة بفزع: خير ياحبيبى فى ايه
اسر: انتى كنتى تعرفى الولد اللى اسمه خالد من امتى
ميادة: خالد مين بتاع الكليه؟ اعرفه من امتى ازاى؟
اسر بغضب: انا اللى بسألك مش انتى ردى عليا
ميادة بخوف: فى ايه يااسر انت شكلك عامل كده ليه
اسر: مالكيش دعوة بشكلى وقوليلى تعرفيه من امتى
ميادة: عرفته يوم المشكلة اول يوم الدراسة
اسر: واشمعنا انتى اللى عمل معاها مشكلة
ميادة: مش عارفة والله ممكن تفهمنى فى ايه
اسر مسكها من كتفها بغضب وفضل يهز فيها وهو بيزعق وصوته مخيف من قوته
اسر: افهمك ايه انا عاوزك انتى اللى تفهمينى ضحكتى عليا ليه استغفلتينى ليه
ميادة ببكاء: انا يااسر اناعملت كده امتى قولى طيب
اسر: اومال هو متغاظ منك ليه لدرجة انه يزق عليكى بنت شمال تصورك شوفى صورك
ميادة بفزع: ها دى صورى لا مش انا ده مش انا حرام عليك يااسر مين عمل فيا كده
اسر: الاستاذ اللى كنتى تعرفيه بينتقم منك علشان اتجوزتينى وسبتيه
ميادة ببكاء وانهيار: انا معرفهوش والله مااعرفه مين اللى قالك كده
اسر: هو اللى قال
ميادة: وانت صدقته صدقت حيوان زى ده صدقت الصور الكدب دى
اسر: انا جيت اسألك وانتى مصممة تدارى عليا رايحينى ياميادة ردى عليا انا حبيتك بجد
ميادة: انت ماحبتنيش يااسر انت لو حبتنى عمرك ماحتصدق عليا حاجة انت متأكد انها كدب
اسر بصوت عالى: انا انا ماحبتكيش انا اللى استنيتك خمس سنين
ميادة بصوت كله وجع: طلقنى يااسر انا استحملت تملكك ليا وتحكماتك فى اكلى وشربى ولبسى وحياتى كلها استحملت سجنك وسط الحراسة وكان بيهون عليا حبك وحنيتك وحبى ليك لكن دلوقتى انت دمرت كل حاجة بشكك فيا
اسر بصدمه: اطلقك ازاى انتى عاوزه تسبينى انا عمرى ماحبيت حد غيرك انا ماكنتش بتملكك انا كنت ومازلت بخاف عليكى من الهوا اللى بيعدى من جنبك
مياده: انت شكيت فيا وانا مش حقعد دقيقه واحده هنا انا راجعه بيت اهلى يا اسر وانت مش حتمنعنى
فتحت مياده باب الغرفه وراحت للغرفه اللى فيها امها صحيتها
الام بفزع: فى ايه يابنتى بتعيطى كده ليه
مياده: يلا يا ماما قومى البسى احنا ماشيين
الام: على فين ياحبيبتى اهدى بس وقوليلى فى ايه
مياده: ماما لو سمحتى قومى بسرعه نمشى ولما نرجع بيتنا ححكيلك
الام: ده بيتك يابنتى ولو فى حاجه تتحل ماينفعش تمشى فى وقت زى ده
مياده ببكاء وصوت عالى: ده مش بيتى وماحدش يقولى ماتمشيش منه انا لو غصبتونى اقعد فيه انا حموت نفسى كفايه كفايه بقى حرام عليكم انا بيجرالى كل ده ليه حياتى كلها انقلبت فى كام شهر انا مش قادره استحمل
الام مهدئه: خلاص يابنتى قومى بينا يلا نمشى
اسر كان واقف بره وسامع كل حاجه ومش لوحده اللى سمع توحه كمان كانت صحيت على الاصوات العاليه وسمعت كلام مياده وكانت مستغربه منظر اسر وشكله
توحه: فى ايه يا ابنى ايه اللى عامل فيك كده
اسر: ماتسبهاش تمشى
توحه: فهمنى الاول فى ايه دى لسه راجعه من المستشفى هو كان ايه اللى حصل لها
اسر: ححكيلك بس اوى مياده تمشى وتسيبنى
توحه: انت اللى بتضيعها من ايدك
خرجت مياده وامها بتبص لأسر ولتوحه ان حد فيهم يتكلم ويقنع مياده انها ماتسيبش البيت
توحه: رايحه على فين ياحبيبتى
مياده: ماشيه يا ماما وراجعه بيت اهلى ولو سمحتى ياريت اسر باشا يبعتلى ورقه طلاقى
توحه بصدمه: ها...طلاق ايه يابنتى اعوذ بالله ماتتكلمى يا ام مياده
الام: اتكلم اقول ايه انا بكلمها مش سمعانى
اسر: انا مش حطلقك يامياده وانتى مش حتمشى من هنا
مياده بأصرار: انا حمشى وحطلق برضاك او غصب عنك
توحه: بس يامياده خلاص يا حبيبتى عاوزه تروحى بيت بابا تقعدى هناك ترتاحى شويه روحى
اسر: وانا قولت مش حتمشى
توحه: سيبها يا ابنى هى تعبانه وكده غلط على صحتها
سابهم اسر ودخل غرفته منهار وبيبكى الكينج اللى بيرعب رجال ليهم مكانتهم بكته حبيبته
ونزلت مياده وامها وتوحه وصلتهم لحد ماركبوا العربيه واتفقت معاهم انها حتزورهم بكره وطلعت تانى توحه علشان تشوف اسر وتعرف منه الحكايه
توحه: اهدى يا ابنى وفهمنى اللى حصل علشان نعرف نحلها
اسر: سبتيها تمشى ليه
توحه: لان واضح ان الموضوع كبير ولما اسيبها تمشى ترتاح احسن ماتقعد وتحصل بينكم مشاكل اكتر وتصمم على رايها المهم دلوقتى تفهمنى ايه اللى وصل الامور لكده
حكى اسر لتوحه كل اللى حصل والكلام اللى قاله خالد واسألته لمياده وان مياده حامل لكن لسه ماتعرفش لانه نبه على الدكتور ان ماحدش يقولها وكان عاوز يعملها مفاجأه
توحه بصراخ: حرام عليك يا ابنى ازى تصدق على مراتك ده ولد كداب انت ناسى انك عرفت مياده وهى فى اعدادى وناسى ان إيهاب كان بيراقب كل خطواتها ايه ياحبيبى ازاى الكلب ده قدر يخدعك يا اسر ازاى تشك فى مياده حتكون عرفته امته وهى عيله فى الابتدائى اوزن الكلام يا اسر ده انت طول عمرك عقلك كبير ليه تسيب الشيطان يخرب بيتك انا بكره حاروح لمياده واعرفها انها حامل واتكلم معاها وانت لازم تنهى الموضوع ده وتقف جنب مراتك وتاخد حقها قوم ياحبيبى خدلك شاور واتوضا وصلى ركعتين لله وكلم رجالتك يمشوا الشباب اللى فى المخزن احنا مش عاوزين مصايب
اسر بأستسلام: حاضر يا توحه انا حتصرف بس رجعى مياده انا ممكن اموت لو سابتنى
توحه: سيبها على الله يا ابنى
خرجت توحه من غرفه اسر وراحت لغرفتها وهى بتفكر ازاى تحل الموضوع ده مع مياده هى عارفه ان اسر غلطان لكن كان عذره انه بيعشق مياده فضلت توحه تدعى ربنا انه يوفقها وتقدر تحل المشكله وترجع مياده بيتها لكن كمان قررت تعلم اسر درس انه يدى مياده حريتها ويثق فيها ويكتفى بحبها ليه دليل على ثقته فيها
ياترى توحه حتقدر تأثر على مياده زى كل مره
ولا المره دى حيكون صعب
فى نفس الوقت اللى كان اسر بيحكى فيه لتوحه عن اللى حصل كانت مياده وصلت هى وامها البيت وابوها كان بيسألهم لكن مياده كانت مفضله السكوت
الاب: يابنتى لازم افهم انتى طالبه الطلاق ليه
الام: مش راضيه تقولى حاجه من واحنا فى القصر
مياده ببكاء: انا عاوزه ارتاح يا بابا وبعدين نتكلم
الاب: خديها يا ام مياده ترتاح دى لسه خارجه من المستشفى وانا حكلم اسر افهم منه
مياده بصراخ: لا ماحدش يكلمه انا حرجع تانى
لسه بتكمل الكلام كانت وقعت على الارض مغميه عليها
الام: بنتى قومى ياحبيبتى ياترى فيكى ايه
الاب:شيليها معايا ياستى انتى ده وقته
شالها ابوها وامها سندتها معاه ونيموها على سريرها ونزل والد مياده يدور على دكتور لكن لان الوقت كان متأخر جدا لف على كل المستشفيات الخاصه واخد وقت كبير لحد مالقى دكتور يوافق يروح معاه زياره منزليه واثناء ماكان بيدور كان علي اتصال بأم مياده وعرف ان بنته لسه مافاقتش رجع ومعاه الدكتور
ودخل الدكتور وكشف على مياده وفوقها باستخدام المحاليل لان كان ضغطها واطى جدا وطلب منها عينه دم لتحليلها وبعد التحليل عرف انه حامل وبلغهم
الاب: يعنى يا دكتور هى اغمى عليها من الحمل
الدكتور: لا يا حاج هى ضغطها واطى وضعيفه جدا محتاجه تغذيه وفيتامينات لان كده فى خطوره على الجنين وعليها
الام: حاضر يا دكتور حضرتك اكتبلها الفيتامينات واحنا حنجيبها على طول
كتب الدكتور الروجته وهو خارج عطاها لابو مياده وطلب منه انها ماتتعرفش لاى انفعال لان الضغط العصبى سبب رئيسى فى الاغماءات المتكرره ليها
ووصل ابو مياده الدكتور وشكره ورجع لبنته اللى كانت نايمه تعبانه ووشها اصفر وعلى غير حالها وقف الاب يبص على بنته وهو جواه قهر على اللى جرالها وبيفكر ياترى هو اللى غلط فى حقها لما وافق على جوازه فى السن ده لكن قطع عليه شروده كلام امها
الام: واقف كده ليه يا حاج بتفكر فى ايه
الاب: احنا ظلمناها يا ام مياده؟
الام: لا يا حاج احنا شفنا حب اسر ليها والهنا اللى حتعيش فيه والبيوت كلها بيجرى فيها كده
الاب: انتى كنتى معاها هناك ماتعرفيش ايه اللى حصل
الام: ابدا والله انا اتفاجئت بيها داخله بتصحينى من نومى وبتقولى يلا بينا نمشى
الاب: انا لازم اكلم اسر ومش حسمع كلامها
الام: عموما الحاجه توحه جايه انهارده
الاب: خلاص اكيد هى عارفه فى ايه
الام: مش المفروض نبلغ اسر بحملها
مياده مقاطعه: لا يا ماما اوعى تبلغيه ولو عرفت ان حد فيكم بلغه انا حمشى وماحدش حيلاقينى
الاب: بس يابنتى بطلى الكلام ده من امتى يا مياده وانتى بتتكلمى كده مش علشان اتجوزتى تفكرى ان مالكيش كبير لا ياحبيبتى انا موجود وان ليكى حق حاخده
مياده بتعب: انا اسفه يا بابا ربنا يخليك ليا
خرجت ام مياده جابت كوبايه لبن دافى لبنتها وصممت انها تشربها مياده افتكرت اسر وخوفه عليها وتصميمه انها تشرب اللبن وبدات تبكى
فى الصباح كان اسر بعت لوالد الشاب مبلغه باللى ابنه عمله والراجل كان منهار وخايف من رد فعل اسر لكن اسر اكتفى باللى اتعمل فى خالد واصحابه منه ومن رجالته طوال الليل فى المخزن فرجال اسر ضربوهم وعذبوهم بكل الطرق وطبعا كان الرجاله جابوا كل الاجهزه الالكترونيه واتأكد اسر بنفسه انه مسح كل اللى عليها ومن ضمنهم صور مياده وصور لبنات تانيه كتير وشاف الصور الاصليه اللى صورتها شيرى لمياده وبعدما كان اسر فى مكتبه جاله اتصال استغربه جدا كان من اسماء صاحبه مياده
اسر: سلام عليكم
اسماء: وعليكم السلام استاذ اسر
اسر: خير يا انسه اسماء فى حاجه حصلت لمياده
اسماء: لا انا لسه ماروحتش المستشفى
اسر بقلق: طب اؤمرى فى اى حاجه
اسماء: استاذ اسر انا افتكرت حاجه مهمه يمكن توصلنا لسبب اللى جرى لمياده
اسر: طيب اتفضلى قولى
اسماء: احنا نعرف خالد ده لكن ماافتكرنهوش لكن انا بالصدفه افتكرته وقولت يمكن يكون له يد
اسر بصدمه: تعرفوه انتوا مين مياده تعرفه هى كمان
اسماء: خالد ده كان زميلنا فى الابتدائى قبل والده مايدخل مجلس الشعب وكان طول عمره ولد غلس وبيسرق مننا ادواتنا لكن مره مياده كشفته واتعاقبه واخد فصل مؤقت ومن بعد مارجع كان دايما بيضرب مياده وبيكرهها
اسر: طيب يعنى لما شوفتوه فى الكليه عرفتوه مش كده
اسماء: لا ماحدش فينا عرفه حتى انا ماكنتش فكراه لكن وانا قاعده افتكرت اسمه وكلمت مدرسه لينا من الابتدائى واكدتلى الاسم وحكيتلى انه والده نقله بعد مازلت مشاكله فى المدرسه وطبعا كنا صغيرين وكلنا شكلنا اتغير ماعدا مياده واضح انه كان لسه فاكرها
اسر بفرحه: متشكر يا اسماء انتى فعلا وضحتيلى حاجات كتير
اسماء: لا شكر على واجب مياده اختى عموما انا حنزل اروح على المستشفى حالا
اسر: مياده عند والدتها من امبارح وانا باستأذنك تتكلمى معاها وتهديها
اسماء: حاضر انا حنزل اروح لها على طول مع السلامه
اسر: مع السلامه
اسر اطمن جدا بعد كلام اسماء وعرف ان خالد ماكنش بيكدب عليه لكن كان قاصد اثارة شكوكه وان مياده كمان بريئه من ظنون هو ماكانش عارف ليه كان مصدق كلام اسماء ورفض فكره انها بتكدب علشان تنجى صاحبتها لان اللى يعرفه منها من مياده انها ملتزمه جدا وممكن تقول الحق ولو على رقبتها
لكن دلوقت هو اثبت لنفسه انه غلط فى حق مياده وادامه مهما صعبه علشان يرجعها بيتها تانى ويرجع هو لقلبها مره تانيه
اما عند مياده كانت امها فطرتها وقاعده جنبها تحايل فيها ترجع لبيتها علشان اللى فى بطنها وبعد شويه وصلت اسماء صاحبتها خرجت ام مياده وسابت البنات مع بعض
اسماء: الف سلامه عليكى ياحبيبتى
مياده: الله يسلمك ياسمسم
اسماء: انتى خرجتى من المستشفى على هنا ليه
مياده: هو انتى عرفتى منين انى هنا
اسماء: من جوزك
مياده باستغراب: هو فين اسر شوفتيه فين
اسماء: لا ياحبيبتى انا كلمته فى التليفون
مياده: علشان تسأليه عليا ؟ وقالك ايه ؟
اسماء: ايه يابنتى لا مش علشان اسأله عليكى علشان احكيله على حاجه من زمان كنا كلنا ناسينها
مياده: فهمينى يا أسماء ايه اللى حصل بالظبط
حكت اسماء لمياده كل اللى حصل معاها فى الكليه وخوف اسر عليها واتفاقه مع اسماء وعلشان تعرفه عن اى حاجه تعرفها وعلى المكالمه اللى دارت بينهم
مياده: كل ده حصل وانا ولا حاسه هى الناس وحشه اوى كده ليه اللى اسمه خالد ده يكون شايل فى قلبه منى كل السنين دى ده انا حتى ماعرفتوش
اسماء: ماتفقديش املك فى ربنا زى ما فى ناس وحشه وناس حلوه
مياده: واسر لما عرف ان خالد كان بيكرهنى من زمان سألك عن اى حاجه زى علاقتى بيه استمرت مثلا
اسماء: لا ياحبيبتى هو بس قاللى اهديكى
حكت مياده لاسماء كل اللى دار بينها وبين اسر وسؤاله عن علاقتها بخالد
وده خلى اسماء استنتجت ان خالد كان عارف مياده من الاول وانه اكيد قال كده لأسر كده علشان يبرأ نفسه وقالت لمياده على استنتاجها
مياده: معقول يكون ده اللى حصل
اسماء: اكيد وانتى نفذتى مخططه بسهوله
مياده: اقولك حاجه يا اسماء وما تقوليش لحد
اسماء: ومن امتى ياميمو سمعتى حاجه قولتيهالى
مياده: اسر وحشنى اوى وحشنى خوفه وحشنى حبه حتى تملكه ليا وحشنى بعد اللى حصل ده حسيت انه عنده حق فى خوفه عليا
اسماء: خلاص ياحبيبتى ارجعى بيتك
مياده: انا حامل يا اسماء
اسماء بفرحه: ماشاء الله الف الف مبروك ياحبيبتى ربنا يتمم حملك على خير يعنى حبقى خالتو
مياده: بس انا خايفه ارجع اسر يفكر ان شكه فيا كان صحيح
اسماء: لا يا مياده جوزك بيحبك وواثق فيكى وهو اكيد عرف كل حاجه بعد اللى حكيته ليه انهارده
ولسه مياده حتتكلم لكن قطع عليها كلامها دخول امها ومعاها الحاجه توحه
توحه: سلامتك ياحبيبتى
مياده: الله يسلمك يا ماما وحشتينى اليوم ده
توحه بضحك: انا بس اللى وحشتك
مياده: ايوه يا ماما انتى اكيد عرفتى اللى حصل
توحه: عرفت وقولتله انه غلطان منه لله الولد ده كداب عاوز يوقع بينكم
اسماء: شوفتى ياميمو كلامى صح
مياده: لكن هو ازاى يصدق عليا كده
توحه: معذور ياحبيبتى انتى حب عمره وهو طبعه غيور
اسماء: معلش بقى يا مياده سامحى المره دى علشان النونو
توحه: انتوا عرفتوا انها حامل
مياده: انتى كنتى عارفه يا ماما توحه
توحه: اسر عرف وانتى فى المستشفى وحرج عليهم يقولولك علشان يعملك مفاجأه
الام: شوفتى يا مياده اسر بيحبك ازاى
توحه: ارجعى معايا ياحبيبتى اسر حيتجنن عليكى ده كان حيموت الولد وحابسه ومسح كل الصور
الام: صور ايه يا مياده
توحه: تعالى ياام مياده نتكلم بره والحاجه يحضرنا وسيبها هى ترتاح وتفكر
خرجت ام مياده وتوحه وقعدوا مع والد مياده وحكت توحه الموضوع من اوله وخرجت اسماء وكملتلهم اللى هى تعرفه
الاب: لاحول ولاقوه الا بالله يعنى فضل شايلها الغل ده كله
ام مياده: حبيبتى يابنتى ده عمرها ما أذت حد
توحه: قدر الله وماشاء فعل ويمكن دى تكون علام لاسر علشان يخف عليها فى تحكماته
الاب: لا ياحاجة هو عنده حق يخاف الزمن وبقى غير الزمن والشباب مابقاش عنده خشى ولا رحمة
توحة: بصوا ياجماعة انا عاوزة ميادة ترجع واسر موصينى انها ترجع معايا وانى احاول اقنعها لكن بصراحة انا عوزاها تأدبه شويه
الام: احنا اصلا مش عارفين هى ناويه على ايه
الاب: ادخلى ياحاجة اتكلمى معاها واللى انتى شيفاه صح وفى مصلحتها اعمليه انا عارف انك بتعمليها على انها بنتك
توحة: ربنا يعلم ميادة حتة من قلبى ولو عندى بنات ماكنتش ححبهم كده
دخلت توحة لميادة وفى وجود اسماء صاحبتها وكانت ميادة فى الاول ممانعه ومصممة على الطلاق لكن من جواها اسر وحشها ونفسها تعرف حيعمل ايه معاها وهى حامل لانها دايما كانت بتتخيله وهو اد ايه خايف عليها وبيهتم بيها فقررت ترجع لكن بعد ماينفذوا خطة توحة
نزلت توحة من عند ميادة وبدأت فى تنفيذ خطتها واتصلت باسر اللى كان قاعد مستنى تليفونها بفارغ الصبر
توحة: ايوه ياحبيبى
اسر: ايه ياتوحة حترجع
توحة: لاء يااسر دى مصممة ومش راضيه تتنازل ابدا وتعبت امبارح ونايمة معلقة محاليل وحالتها صعبة اوى
اسر بخوف: يعنى ايه تعبانة طيب اجبلها دكتور
توحة: باباها جابلها دكتور الفجر بعد ماوقعت
اسر: انا لازم اشوفها
توحة: بلاش يااسر ميادة متعصبة اوى والدكتور محزرها من الانفعال ولازم تتابع مع دكتور عشان البيبى
اسر: حاضر ابعتلها دكتور امراض نساء وتوليد
توحة: لا هى حتروح مع مامتها انهاردة
اسر: انتى مش بتقولى تعبانة حتنزل ازاى
توحة: حيجيبولها عربيه ويودوها
اسر: ابعتلها علاء فورا
توحة: رافضة ياحبيبى اى حاجة من عندك
اسر: ده تهريج هى مراتى واللى فى بطنها ده ابنى اقفلى انا رايح لها
وفصل اسر التليفون واخد موبايله ومفاتيحه ونزل يجرى يروح لميادة
وصل اسر بيت اهل مياده وطبعا كانت توحه بلغتهم انه جاى وان خطتها نجحت وعلى مياده تكمل الباقى
اسر دخل عندهم وسط ترحيب اهلها وكأن مفيش حاجة حصلت
اسر: بعد اذنك ياعمى عاوز اشوف ميادة
الاب: طبعا ياحبيبى دى مراتك لسه
اسر: ايه لسه دى ياعمى انا مش حطلق ميادة واللى هى بتقوله ده عمره ماحيحصل
ام ميادة ملطفة: سيبها على الله ياابنى وتعالى شوفها
دخل اسر عند ميادة الغرفة لكن اتوجع اول لما شافها وهى نايمه ومتعلق فى ايدها المحلول ووشها اصفر ودبلانة اوى مش هى دى ميادة اللى حبها واللى وعدها انه عمره ماحيزعلها
قرب اسر منها يصحيها
اسر: ميادة حبيبتى قومى
ميادة بفزع: اسر انت جيت ليه عاوز منى ايه تانى
اسر: عاوزك ياميادة انا اسف سامحينى ياحبيبتى
ميادة: مش حقدر اسامح المره دى انا سامحتك قبل كده لكن الا الشك
اسر: اناعمرى ماشكيت فيكى انا جيت اسالك وده حقى
ميادة: السؤال بالطريقة اللى سألته بيها معناه الشك
اسر: خلاص ياميادة سامحينى المره دى كمان علشان خاطر النونو
ميادة: وارجع تانى اتحبس وتتحكم فى كل تصرفاتى
اسر: انابخاف عليكى انتى ليه مش عاوزه تفهمى
ميادة: انا مش عاوزة افهم حاجة ومش حرجع معاك تانى
اسر: لاحترجعى ياميادة ولو مارجعتيش بمزاجك حترجعى غصب عنك
ميادة: لأ مش راجعة وبعدين انارايحة للدكتور دلوقتى علشان اعمل سونار واطمن على البيبى بعد الاغماءات اللى حصلتلى
اسر: وانا حاجى معاكى وحنرجع على القصر فاهمه ولا لأ
ميادة: لأ مش فاهمة
اسر: يلا قومى اساعدك تلبسى
ام ميادة: العربية وصلت ياميادة يلا ياحبيبتى
اسر: عربيه ايه ياماما
الام: دى عربيه اللى هى(اوبر) دى علشان توصلنا
اسر: ده من قله العربيات عندنا ياماما انتى كمان بتسمعى كلامها من فضلك مشيه اناحوديكم
الام: حاضر ياابنى
وساعد اسر ميادة على اللبس وهى من جواها فرحانة جدا
اسر كان واحشها بكل تفاصيله حنانه ورجولته وخوفه عليها لكن كانت مبينه انها متطايقه منه جدا
اسر: وحشتينى ياميمو سامحينى وحياه ابنك
ميادة: مش قادره يااسر لو سمحت ماتضغطش عليا
اسر: تقدرى تبعدى عنى وتسبينى ياميادة بجد
سكتت ميادة لكن دموعها وعيونها قالوا كل اللى فى قلبها
قرب اسر منها وحضنها جامد اوى
اسر: سامحينى ياعمرى وبجد اسف وعمرى ماحكررها
ميادة: انا مسمحاك ومقدرش ازعل منك ولما عرفت الموضوع كله من اسماء عرفت ان عندك حق فى خوفك وعرفت اد ايه فى ناس وحشة
اسر: اوعى تخافى طول مااحنا مع بعض
هزت ميادة راسها بالموافقه وبعدها اخذها اسر وامها ونزلوا
راحوا على الدكتور وصمم اسر انه ياخدها عند دكتور من دكاترة المستشفى بتاعته وبعد الفحص الشامل لمياده
الدكتور: استاذ اسر فى خطوره على حياه الجنين ويفضل نزوله
ميادة: لأ انا مش حنزل ابنى
الدكتور: خلاص يبقى لازم تلازمى السرير ومتابعه دايمآ حبعت معاكى ممرضة
اسر: وكده مش حيكون فى خطوره على ميادة
الدكتور: حتكون ممنوعة من الحركه نهائى مع شويه ادويه وفيتامينات ونظام غذائى
ميادة: موافقة
اسر: طيب ودراستك خلينا ننزله علشان صحتك انا مش حخاطر بيكى
ميادة: مش مهم اى حاجة لكن ححتفظ بابنى
↚خرج اسر ومياده وامها من المستشفى ركبوا العربيه وطلب اسر من السواق انه يسوق بهدوء ويتفادى المطبات
اسر كان ماسك ايد ميادة بخوف عليها وحب وعنده استعداد
يضحى بإبنه او بنته لكن يحافظ على حلمها وحياتها
كل واحد فيهم كان جواه كلام كتير لكن الكل فضل السكوت لحد مايرجعوا القصر
وصلوا للقصر وسند اسر ميادة وطلعها على غرفتها وبعد ماارتاحت على سريرها
اسر: انا مش موافق على قرارك ياميادة لكن مش عاوز ازعلك تانى
ميادة: ايه اللى انت مش موافق عليه انى احتفظ بإبنى انت مش عاوز منى اطفال
اسر: ايه ياحبيبى معقولة تفكرى كده انا خايف على احساسك لو خسرتى كليتك اللى هى حلم حياتك
ميادة: انامش خايفة على حاجة غير ابنى ولو على الكليه ححول كليه نظرى انتساب واروح على الامتحانات حيكون وقتها الحمل ثابت ان شاء الله
اسر: طيب ياحبيبتى ولو لاقدر الله والبيبى محصلش فى نصيب تبقى خسرتى حلمك
ميادة: يكفينى انى قدام نفسى عملت كل اللى اقدر عليه علشان احافظ عليه
اسر: طيب انا حبعتلك مامتك وحكلم باباكى اقعدوا مع بعض القرار ده مش قرارك لوحدك ماتنسيش ان ده كان حلمهم هما كمان انك تكونى مهندسة
ميادة: براحتك لكن انامش حرجع فى كلامى
اسر بمداعبة: مش ملاحظة ياميمو ان دماغك بقت ناشفة اوى
ضحكت مياده وضحك اسر اللى كان طاير من الفرحه ان حبيبته ومراته ضحت بكل حاجة حتى حياتها علشان طفل لسه ماشفتهوش وانها كل يوم بتثبتله انها عكس امه اللى اختارت نفسها وحياتها وفضلتهم عليه
نزل اسر لتوحة وبلغها كلام الدكتور وان فى ممرضة حتوصل بعد شويه حتكون مقيمة معاهم وطلب منها تجهيز غداء لميادة واتكلم مع ام ميادة فى قرار بنتها وانه حيبعت يجيب والد ميادة علشان يعرف رأيه لكن اللى ادهش اسر ان ام ميادة كان رايها زى بنتها
اسر: يعنى انتى ياماما مش زعلانة انها حتضيع كليتها
الام: لا ياابنى وازعل ليه كل حاجة تتعوض الا الضنا ده ظافر طفل بالدنيا ومافيها
اسر: يعنى انتى لو فى نفس مكانها حتعملى كده
الام: اقولك على حاجة يااسر حتى ميادة ماتعرفهاش
اسر: قولى ياماما
الام: زمان كنت فى نفس موقف ميادة وحملت فيها وانا لسه فى تانيه كليه علوم وكان برده حلمى انى اكون كيميائيه كبيره واعمل ابحاث وكنت متفوقة جدا لكن بعد الحمل كنت تعبانة ومقدرتش اروح الامتحانات وبعد ماخلفت ميادة ادتها كل وقتى ونسيت الكليه وماكملتش كمان خالص ايه رايك بقى ياسيدى
اسر: يعنى بنتك وارثه منك ياامى التضحيه دى انتوا بجد ناس مافيش زيكم وانا كنت حخسر كتير لو مااتجوزتش ميادة
توحة: ربنا يسعدكم ياابنى وتشوفوا ابنكم او بنتكم بخير وبصحة
ام ميادة: اللهم امين
رحمة طلعت لميادة ومعاها الغدا وبعدها طلع اسر وتوحه وام ميادة لكن لقوا ميادة مش بتاكل
اسر: ايه ده انتى مش بتاكلى ليه
ميادة: مليش نفس خالص مش عاوزه اكل كده
الام: اومال عاوزه تاكلى ايه ياحبيبتى
ميادة: عاوزه اكل حاجة مالحه اوى لكن الاكل ده مالوش طعم
ضحكت امها وتوحه لكن اسر مش فاهم حاجة
اسر: انتوا بتضحكوا على ايه شوفى يا توحه اللى هى عاوزه وهاتيه بسرعه
توحه بضحك: عاوزه جبنه قديمه او فسيخ او رنجه تعرف تجيبلها
اسر: انتى بتهزرى مش كده وانا اجيبهم منين دول اتصرفوا انتوا
الام: لا سيبوها كده علشان النونو يطلع فى ضهره رنجايه
مياده: حلو اوى حتفضلى تتريقى عليا كده يا ماما حتى انتى يا ماما توحه
اسر: انا نفسى افهم هما بيضحكوا على ايه
توحه: اصل دى طلبات الحوامل ياحبيبى ولسه بقى الوحم شوف الست مياده حتتوحم على ايه
اسر: اللى تأمر بيه حجيبه حتى لو لبن العصفور
مياده: اه يا اسر كان نفسى اشوفه
الام: هو ايه ده يابت
مياده بدلع: لبن العصفور يا ماما
توحه وامها واسر انفجروا فى الضحك ومياده ضحكت على ضحكهم لكن قطع عليهم الضحك وصول الحاج محمد ابو مياده بعد ما وصلته رحمه للغرفه
الاب: ده ايه الضحك ده كله خير ضحكونى معاكم
الام: بنتك عاوزه لبن العصفور وبتقول لجوزها يجيبوا
الاب بهزار: يعينى عليك يا اسر والله ياابنى صعبان عليا ده بنتى حتجننك
توحه: ليه تجننوا هو اقل منها يجيبلها اللى هى عوزاه دى حبيبته وام ابنه
مياده: ويمكن تكون بنته
توحه: لا ياحبيبتى مدمتى طلبتى حاجه مملحه يبقى ولد لو كنتى طلبتى حلويات كانت يبقى بنت
اسر: اهى توحه عملتلك سونار قبل الدكتور ما يعرف نوع الجنين
الاب: اللى يجيبه ربنا كله كويس
الام: ونعمه بالله لكن هى معاها حق واحنا زمان اهالينا كان عندهم سونار
اسر: يعنى كلام توحه ده ممكن يكون حقيقى
الام: ايوه ياحبيبى طول عمرنا نعرف كده والله اعلم برده
الاب: المهم هى لازم تاكل اكل صحى مش اللى بتقوله ده
اسر: ايوه صح يا عمى انا بعت اجيب العلاج ودى يا توحه ورقه النظام الغذائى
اخدت مياده الورقه من اسر قريتها
مياده: ايه كل الاكل ده انا كده لحد ما اولد حكون بقيت فيل
اسر: وانتى مالك فيل فيل عجبانى برده
الاب: احم احم احنا لسه هنا انا بقول ننزل احنا يا ام مياده ونسيبهم
ضحك الجميع وقضوا وقت جميل واسر كان بيأكل مياده لحد ما خلصت الاكل كله وهى مش حاسه من الكلام والفرحه
فى الوقت ده كانت وصلت الممرضه واسمها (ايمان) ومعاها معداتها وادواتها الطبيه وشنطه فيها لبسها لان "ايمان" حتقيم مع مياده
دخلت لغرفه مياده وسلمت عليها "ايمان" كانت بنت مهذبه ومرحه تقبلتها مياده من اول لحظه اتعرفوا على بعض وقامت ايمان بمهمتها وفحصت ضغط مياده وحرارتها ووزنها وايدتهم علشان حتبلغهم للدكتور يوميا وادت لمياده العلاج وحقنه التثبيت
مياده: تعرفى انى بخاف من الحقن جدا لكن ايدك خفيفه اوى بجد تسلم ايدك
ايمان: تسلمى يا هانم
مياده: لا انا مش بحب الكلمه دى انا اسمى مياده
ايمان: مش حينفع طيب انا حقولك يامدام
مياده: حتقوليلى مياده وبس
كان واقف بره وسامع كلامهم اسر اللى استأذن بالدخول
اسر: اسمعى كلا مها يا انسه ايمان هى كده حترتاح اكتر
ايمان بخجل: اصل ياافندم
قطع كلامها اسر: ينفع مافيش مشكله
ايمان: حاضر ياافندم
مياده بفرحه: ايوه كده يعنى كان لازم اسر هو اللى يقول
ابتسمت ايمان وماعرفتش ترد تقولها ايه
اسر: انتى بتشتغلى فى المستشفى ولا مع الدكتور نادر فى العياده
ايمان: فى المستشفى ياافندم
اسر: ماشى يا إيمان وشكرا على موافقتك الاقامه مع مياده وياريت تعتبرى البيت بيتك وانا بلغتهم يحضرولك غرفه خاصه ليكى
ايمان: شكرا ياافندم بس بعد اذن حضرتك ياريت تكون قريبه من المدام ولو ممكن توصلى بينى وبينها إنتركم وحتى جرس علشان لو احتاجتنى فى اى وقت بالليل
اسر: ماتقلقيش حتلاقى كل اللى انتى عوزاه وعموما كل الغرف هنا فيها إنتركم وتوحه حتديكى ارقام غرفه مياده والمطبخ علشان لو احتاجتى حاجه
ايمان: كتر خير حضرتك وشكرا مره تانيه
خرج اسر وساب ايمان ومياده اللى اتصاحبوا جدا وده كان مفرح مياده علشان قاعدتها مطوله فى السرير
وبالليل بعد ايمان اعطت مياده العلاج استأذنت منها وراحت لغرفتها اللى ورتهالها توحه دخلت وقفلت على نفسها وبدأت تخرج لبسها من الشنطه وترصه فى الدولاب ايمان كانت مبهوره بالغرفه ولقت ان الغرفه فيها تواليت خاص فدخلت اخدت شاور وقررت تنام
اما عند مياده فبعد ما سابتها ايمان مسكت تليفونها وكلمت اسر علشان ييجى عندها
اسر: ايه ياحبيبتى فيكى حاجه
مياده: لا اطمن انا بس عوزاك تيجى انت فين
اسر: انا فى المكتب تحت بس مستنى ايمان تمشى من عندك علشان ماحرجهاش بوجودى
مياده: ماشى ياحبيبى عموما هى دخلت غرفتها خلاص
اسر: وانا طالع حالا
قفل التليفون وفى ثوانى كان بيفتح الباب عند مياده ودخل قعد جنبها على السرير
مياده: انا لسه مخصماك على فكره انت جاى جنبى ليه
اسر: كدابه انا مش بهون عليكى وانتى اعترفتى بكده واحنا فى بيت باباكى
مياده: كده ماشى يا اسر بتعايرنى علشان وقعت بلسانى انى بحبك
اسر: ايه قولى تانى كده بتحبينى
مياده: ايوه طبعا اومال ايه اللى رجعنى تانى بعد اللى عملته
اسر: انا بحبك اوى يا مياده انا عمرى ماعرفت الامان والحب غير وانتى معايا
مياده: مش غريبه انك تقول الامان وانا اللى بحس انك امانى وحمايتى من الدنيا دى
اسر: انتى ماتعرفيش حاجه عن حياتى وانا صغير علشان كده مش مقدره انا ليه بحس بالامان معاكى بعد ماكنت بخاف من الستات
مياده: ومش عاوزه اعرف حاجه انا وانت وابننا ان شاء الله لما ييجى بالسلامه حنكون حاجه يتحكى فيها العمر كله
اسر: انا بحبك بحبك بحبك يا مجنونه
مياده: انا بحبك بحبك بحبك يا متملك
اسر: انا متملك طيب حوريكى بقى التملك وحنزل اجبلك كوبايه لبن بالعسل وحتشربيها
مياده بضحك: لا لا خلاص ده انت قمر ياحبيبى انت متملك انت برده انا اللى عبيطه
اسر: ولو قلت علشان خاطرى حتشربيها
مياده: بس انا اتعشيت خلاص واخدت الدواء
اسر: لكن ما شربتيش اللبن
مياده: بصراحه ايوه
نزل اسر وجاب لمياده اللبن وشربها بإيده وبعدها دخل اخد شاور ورجع نام على طول
والصبح صحى على صوت خبط الباب لان ايمان كانت عاوزه تفحص مياده وتديها العلاج وتفطرها الاول
قام اسر فتح الباب واستأذن منهم خرج بره لحد ما تخلص
واول ماخرجت ايمان من الغرفه دخل لبس ونزل يروح شركته
فضل الوضع على كده فتره طويله وكان الدكتور دايما بييجى يطمن على مياده ويطمن اسر وفى يوم اسر راجع من شركته ولفت انتباهه محل لبيع العصائر مشهور جدا وكاتب لوحه كبيره عن عصير اسمه لبن العصفور وقف العربيه ونزل بنفسه للمحل واشترى الكميه اللى عنده كلها نقلها السواق للعربيه ورجع اسر وهو بيضحك على اللى عمله واتفاجئت توحه بالسواق بيدخل زجاجات من العصير كتيرة
توحه: ايه ده ياعم عادل
السواق: ده عصير البيه نزل اشتراه من محل واحنا ماشين
اخدت توحه منه العصير وخرجت تشوف ايه قصته
اسر: توحه لو سمحتى هاتى كوبايه عصير لمياده
توحه: ايه كل ده ياحبيبى ليه جايب منه كتير
اسر بضحك: هى مش قالت عاوزه لبن العصفور
توحه: وده بقى لبن العصفور ازاى
اسر: هاتى بس العصير وتعالى وانا افهمك قدامها
طلع اسر لغرفه مياده سلم عليها وعلى ايمان طبعا وطلعت وراه توحه وهى معاها العصير
مياده: ده ايه ده لبن تانى لا كده كتير
اسر: ده مش اى لبن ده لبن العصفور
مياده وهى بتضحك: لأ بجد انت جبته منين ده
توحه: والله يابنتى الازازة مكتوب عليها لبن العصفور
اسر: بصى ياستى وانا ماشى لقيت محل كاتب انه عنده لبن العصفور نزلت اشوف ايه الحكايه عرفت ان ده عباره عن لبن جوز الهند وعليه عصير اناناس ومسمينه لبن العصفور اشتريت كل اللى عند المحل علشان اجيبلك لبن العصفور
مياده بفرحه: ربنا يخليك ليا انابجد يااسر لوكنت لفيت الدنيا كلها عمرى ماكنت حلاقى حد يحبنى زيك كده
اسر: ليه هو انتى كنتى عاوزه حد غيرى يحبك ده انا اقتله
ضحك الجميع وميادة اترمت جوه حضن اسر
استأذنت ايمان بالخروج وخرجت توحه وسابوهم مع بعض
عدت شهور ومياده قربت على الولاده وكان فى الوقت ده ايمان اتعرفت على علاء السواق وتوحه حبت تخطبهاله واسر اول ماعرف فرح جدا لانه شايف ان ايمان تستاهل كل خير بعد وقفتها مع مياده وقرروا ورحوا يخطبوها من اهلها واسر راح معاها واتكفل بكل مصاريف الجواز كهديه منه لايمان وعلاء صديق طفولته وتوحه اديتهم شقتها يتجوزوا فيها
وفى اليوم المنتظر اسر كان نايم فى امان الله جنب مياده وصحى على صوت صريخ مياده
مياده: ااااااااه الحقونى الحقنى يا اسر
اسر بفزع: فى ايه انتى بتولدى
ياايمان ياايمان وصلت ايمان وعرفت ان دى علامات ولاده اتصلت بالدكتور وبعت عربيه اسعاف مجهزه لميادة اخدتها ووصلت المستشفى وبعد وقت الدكتور كان بلغ اسر انه لازم يعمل عمليه قيصريه واسر وافق لكن كان حيموت من خوفه على ميادة وبعد حوالى نصف ساعه سمعوا صوت بكاء بيبى وبعدها بشويه خرجت بيه ايمان اللى حضرت الولاده مع ميادة
جرى عليها كل الموجودين ام ميادة وابوها وتوحه وصحاب ميادة( تقى واسماء ومى)
اسر: طمنينى ياايمان ميادة كويسه
ايمان بفرحه: الحمد لله تفوق بس من البنج وتخرج علطول
توحه: بسم الله ماشاء الله يارب يحميه
ام ميادة: حبيبى حبيب تيتا ماشاء الله
البنات: الف مبروك يارب يتربى فى عزك
اسر بفرحه: شكرا ربنا يخليكم عقبالكم
اخد ابو ميادة المولود واذن فى اذنه وقرأ قرآن وبعدها بشويه خرجت ميادة وهى لسه مش فايقه من البنج اوى
فاقت ميادة واطمنوا عليها وشافت ابنها وحست وقتها اد ايه انها كانت حتخسر كتير اوى لو وافقت تنزله وتختار الدراسه
اسر: حبيبتى انا عاوز اسميه ادم
ميادة: حلو اوى الاسم ده
توحه: مش حتسميه على اسم باباك يااسر
اسر: لا ياتوحه طول عمرى كان نفسى اسمى ابنى ادم
ام ميادة: يتربى فى عزك ياابنى
ميادة: اسر لو عاوز تسميه على اسم باباك انا مش حزعل
اسر: لا ياحبيبتى بجد عاوز اسميه ادم اسر الطاروطى
الجميع على بركه الله
الاب: يلا بقى ياام ادم عاوزين نعمل السبوع قومى بالسلامه بسرعه
اسر: حندبح الاول ياعمى وعاوزك تساعدنى فى الموضوع ده الله يخليك
الاب: عيونى ياحبيبى شوف امتى وانا معاك بامر الله
اسر: يلا بينا دلوقتى قبل ميادة ماتخرج من المستشفى
خرج اسر وابو ميادة اشتروا العجول وذبحوا ووزعوا كل الذبايح لوجه الله
ورجع اسر وابو ميادة للمستشفى فى وقت متأخر جدا
كان الدكتور قرر خروج ميادة فى الصباح
فضل اسر قاعد معاها هو ومامتها لحد الصبح اخدها هى وادم وخرجوا وطبعا اسر كان اتفق مع الدكتور ان ايمان تفضل مكمله اقامه معاهم لحد ميادة ماتشد حيلها
ووصلت ميادة وابنها والكل القصر وكان اسر محضرلهم احتفال صغير وبعدها طلعت على غرفتها وعدت الايام وجه يوم السبوع وكان سبوع مش عادى من كل حاجة اتزينت حديقة القصر بكل انواع والوان الاضاءه واشترى اسر افخم انواع علب السبوع وام ميادة عزمت ست عجوزة جدا وشاطرة فى عمايل السبوع و دق الهون
الكل كان فرحان ومبسوط وعيشه اسر وميادة ملاها عليهم ادم اللى قرره هما الاتنين انهم يضحوا بكل حاجه واى حاجه مقابل اسعاده وتربيته بين ام واب بيحبوا بعض وبعد السبوع
ماخلص اعترف كل واحد فيهم للتانى انه (حب عمره كله)
الابطال يتحدثون/
اسر: طبعا كلكم اتهمتونى انى متملك لكن لو تعرفوا انا اد ايه كنت بتعذب وانا حاسس انى مانعها عن حاجه بتحبها لكن عذائى الوحيد انى بخاف عليها اوى وشايف حتى لو كان من وجهة نظرى ان دا الافضل ليها اعمل ايه طبعى وعمره ماحيتغير
مياده: يمكن ناس كتير منكم يلومونى انى رجعت لاسر بعد ما شك فيا لكن اعمل ايه حبيته ومين منكم ما اتمنتش ان اسر يكون حبيبها بحنانه وكرمه وتملكه واكيد كمان فى ناس زعلت انى ضحيت بمستقبلى لكن متأكده ان كل ام فيكم ضحت بأكتر منى علشان ولادها
ان ميادة هى كل واحده كانت بتقرا الروايه وحاسه ان فيها جزء منى والاهم فى كل ده انى حبيت اسر بكل حاجة فيه
توحه: عمرى ماحسيت ان اسر مش ابنى او انى خدامه عنده الام هى اللى بتربى وتسهر وتداوى وانا عملت كل ده لاسر وفعلا كان يستاهل كل حاجه
ام ميادة: انا مش ام جشعه ولا ماصدقت ارمى بنتى علشان اسر غنى وعنده فلوس انا صدقت حبه لبنتى وده اللى خلانى اساعده فى اتمام الجواز بسرعه
الاب: بما انى اب واغلى حاجه عندى بنتى جه عليا وقت ندمت فيه انى جوزتها لاسر لكن بعد كده اكتشفت انى عمرى ماكنت حلاقى واحد يحب بنتى زى اسر ويخاف عليها
علاء: اسر طول عمره صاحبى مش صاحب شغل وقف جنبى كتير وتمها بانه ساعدنى اتجوزت ايمان
ايمان: من اول يوم دخلت فيه القصر وحبيت ميادة وكان يوم سعدى كسبت هناك كل حاجه حلوه جوزى علاء وصداقتى بميادة غير المرتب الكبير اللى اسر بيه كان بيدهولى
اسماء: عارفه ان كلكم كنتوا مفكرين انى حسرق اسر من صاحبتى لكن انا عمرى مااعمل كده ده غير ان اسر نفسه مش بيشوف حد غير ميادة
تقى ومى: احنا كنا راسمين نطلع بعرسان من الفرح لكن اسر طلع ماعندوش اصحاب ههههه
شيرى: انا ندمت جدا على اللى عملته مع ميادة وخصوصا بعد ماجوزها رجعلى السى دى اللى كان بيهددنى بيه خالد
خالد: اناطول عمرى كنت بكره مياده وكان نفسى انتقم منها وماصدقت لقيتها قدامى فى الكليه لكن جه الوقت اللى حعترف فيه ان الانتقام مش بيأذى غير صاحبه ابويا خسر كل حاجه بعد مااسر وصى عليه وانا رجعت ادوق الذل والفقر تانى
بقلم《شيماء فرح》
خلصتي؟ الرواية الجاية أقوى وأحلى… تعالي وعيشيها معانا👇