رواية زواج لدقائق معدودة كاملة جميع الفصول

قتلت جوزي علشان عرف باللي بيني وبين سند اخوك اديني حكيتلك اللي حصل لسه جاهز تساعد

نوح كان بيبصلها بدهشه شديده واتجمد لثواني

بس فاجأها لما ضحك بسخريه وقال..سند...اخوي ..اممم طب تمام كويس انك عرفتيني 

ونادى بصوت عالي وقال..نجاتي..خلي الرجاله يدخلو ...انا خلاص سمعت منها

غنوه ارتبكت وقلقت جدا من رده وبقتش فاهمه هيرد على الرجاله يقول ايه

عند سند كان واقف قدام شروق بغضب ميتوصفش وقال...انا مش قولتلك قبل سابق تقفلي باب اوضتك من جوه... افرض كان حد غيري دخل 

شروق وقفت بفزع وشدت الخمار بتاعها لبسته بسرعه وقالت بغضب...وانت تدخل اصلا ليه...وايه هو اللي افرض غيرك دخل يعني انت تشوفني كده عادي 

سند قرب منها وقال بغضب بيحاول يخفيه..اه عادي..طالت او قصرت هشوفك كده واكتر لما تبقى مرتي وعلى زمتي قريب

شروق بصتلو بغضب شديد وقالت...دي احلام في دماغك لحالك يا واد عمي ...متتعبش روحك انا لو هبور واعنس وانت اخر راجل في الدنيا مهتجوزكش 

سند احتدت عنيه بغضب وقال..اه...طبعا عندك اللي حباه ومريداش غيره هتبصي لسند ليه 

شروق بلعت ريقها بتوتر وحرج وقالت..انت...انت قصدك ايه مفهماكش

قرب منها قوي وقال بغضب يخوف...قصدي انسيه يا شروق انسيه خالص..ده اخوي وكل اللي باقيلي ...بلاش تخسرينا بعض بسببك ..نوح مش نصيبك يا بت الناس فهمتي مش نصيبك.

قال كده وطلع بغضب ورزع الباب وراه وشروق قعدت على السرير بقلق منو ومن كلامه واتاكدت انو سمعها واترعبت جدا انو يحكي لاهلها

سند طلع وهو مش شايف قدامو وهيتجنن من اللي سمعه منها ولسه هينزل وقفت قدامو ست في اوخر الاربعين وقالت بسخريه...بردك كنت عندها...ما قولتلك اسمع كلامي وهاتلي حته من أترها لو حتى منديل وانا اشوفلك الشيخ بلال لتكون عملالك عمل بت هويده

سند نفخ بزهق وخنقه وقال...يا اما حرام عليكي مش كل ماهتقابليني هتسمي بدني ارحميني انا مطايقش نفسي

امه قالت بسخريه ....ومطايقش نفسك ليه يا ود حليمه هيه الغندوره لساتها شيفاه راجل وشيفاك رجل كنبه

سند بصلها بغضب وقال ..اما...قولتلك مطايقش كلام السعادي ...سيبيني في همي بقى معايزش ازعلك مني

قال كده ومشي من قدامها بغضب شديد

حليمه قالت بزعيق علشان تسمعه ....وجاي على نفسك ليه زعلني يا ود الحاكم مهو مبقاش ناقص الا تزعل امك عشانها يا اخرت صبري

بس سند موقفش واتجاهل كلامها اللي متعود عليه

حليمه بصت لطيفه واتنهدت بغضب وقالت...ولا تزعل روحك يا ابن بطني عمرها بت هويده ما هتغلى عليك ولا هتكون غير ليك..وبكره تقول امي قالت

حصريا بقلم...زهرة الربيع

 اما تحت عند نوح كانوا الرجاله مستنيين رده وحكمه وهو اتنهد وقال... شوفو يا رجاله انا ولا مره قضيه حيرتني كده سواء في المحكمه وانا محامي ولا في مجلس عرب وانا النائب بتاعكم ..دايما كنت بعرف السبب فببقى عارف مين الظالم و مين المظلوم

حسنين بصله بضيق وقال.... تقصد ايه يا عمده 

نوح حمحم وقال.... البنيه برده ما عايزاش تتكلم ...يمكن خايفه او مصدومه من اللي حصل...المهم انها ما قالتش اي حاجه 

غنوه بصت له بدهشه وهو ابتسم لها بخبث وقال ...وعشان كده انا ما اقدرش احكم في حاجه معرفهاش عشان مبقاش ظالم...قدامكم حل من اثنين يا اما تسلمو الموضوع للحكومه وهما يحققوا فيه وينطقوها بمعرفتهم  او...

بس قبل ما يكمل قاطعوا حسنين لما وقف وضرب عصايته في الارض بغضب وقال ....لاه يا عمده ده دم ولدي والحكومه ما هتدخلش فيه و ناس البلد تقول حسنين ما قدرش ياخذ طار ولده من حرمه وجاب لها الحكومه

نوح وقف وضرب العصايه بتاعته بنفس الطريقه  وقال بغضب... ولا انا اقبل يتقال عليا اني سلمت واحده من غير ما اسمعها ولا اعرف اسبابها ..بلاش يتقال علي اقول لربنا ايه لما يسألني عن دمها... اسمع يا حسنين يا اما تهمل الموضوع للحكومه وهم يحققو فيه ولو ليك حق تاخده ...يا اما تستنى عليها لغايه ما تتكلم 

غنوه كانت بتسمعوا باستغراب ومش فاهمه بيعمل ايه وحسنين قال ... يعني ايه هنستناها  لحد ميته

نوح قال بسرعه.... مش كتير... نديها فرصه  بس ونبرأ ذمتنا اسبوعين ثلاثه بالكثير لو ما اتكلمتش..وقتها وعد مني ليك انا اللي هسلمها لك بيدي... بس خلينا نديها فرصه تفوق من صدمتها يمكن تتكلم

حسنين قال بغضب... ماشي يا عمده ...لجل خاطرك هاستنى الاسبوعين بس ما هستناش اكتر من كده.. .. بينا يا رجاله

قال كده ومشي هو ورجالته

 وحميد ابتسم بسعاده وقال بسرعه...ربنا يباركلك يا نوح بيه ربنا يعلي مراتبك

 نوح قال بسرعه.... لا سيبك من مراتبي دلوك انا ما بحبش المراتب اصلا ضهري بيوجعني منها 

خلينا في القابض اختك دي لو ما اتكلمتش في ظرف الاسبوعين دول هضطر اسلمها ..مهقدرش اسيب حق الراجل اكثر من كده 

حميد هز راسه بسرعه وقال....انا هحاول معاها وان شاء الله تتكلم

نوح قاطعه وقال بسرعه ....لا انت ما تحاولش ولا تتعب نفسك سيبها لي هنا الاسبوعين دول وانا هظبطها وهنطقها بمعرفتي

حميد وغنوه اتسعت عينيهم بزهول  وبصوا لبعض بدهشه وحميد قال بغضب مكتوم ...قصدك ايه يا عمده اسيبهالك كيف بعني ..هسيب بت صبيه هنه وسط رجال من غير اي سبب وتبيت كمان اسبوعين  

نوح ابتسم بسخريه وقال...اعقل كلامك يا ود الجزار ..انت سايبها في حما نوح الحاكم ومع اهل بيته مهيش في الشارع ولا وسط كلا*ب  علشان تخاف عليها

حميد قال بتوتر ...احم مقصديش جنابك بس...

قاطعو وقال....انا اللي عليا عملتو ...ويكون في معلومك حسنين ناويلها على غدر..ميغركش اللي قالو قدامنا ...واختك لو خرجت من هنه هتتقتل عيار طايش ويقولوا ما قريناش منيها..و وقتها ما هقدرش اعمل لك حاجه

 غنوه قالت بسرعه وغضب ....يعملوا اللي يعملوه هي موته ولا اكتر... المرة يا تعيش بشرفها يا تموت اكرم 

نوح  ضحك بسخريه وقال ...شرف اه ....ايوه ما انا عارف معلش تعالي على شرفك شويه... قصدي تعالي على نفسك شويه 

حميد قال بتوتر..مينفعش يا عمده كلامك ده مينفعش واصل...  لو عايز تساعدنا لاقيلنا حل غير ده 

نوح لسه هيرد بس جاله اتصال شاف الاسم واتنهد وقال... ثواني هرد ونكمل

ورد وقال بجديه... ايوه خير

كان صوت بنت ناعم وقالت... وحشتني يا عمده كل ده ما تكلمنيش اخص عليك 

نوح حمحم وبعد عنهم وقال... كنت هكلمك اكيد بس مشغول فيه حاجه مهمه ... انتي زينه

 قالت باستغراب ....زينه..زينه  مين انا دولي خطيبتك انت مش مسجل رقمي ولا ايه ...اوعى تكون مش مسيف رقمي وحاطط قدامه ماي لاف وقلب احمر فيه سهم 

 نوح اتنهد بخنقه وقال ....اكيد مسجلك يا دولي... قصدت انت زينه يعني كويسه ...المهم سيبيني دلوك لان معايا شغل ولو عايزه حاجه مهمه قوليها

دولي قالت بسرعه... اه انا اتصلت علشان اقول لك ان انا وبابي جايين نتغدى عندكم .. اصل بابي كان عايزك في شغل وانا لقيتها حجه علشان اجي اشوفك لانك وحشتني وانت مش بتيجي ابدا 

نوح اتنهد وقال.... ماشي هستناكم 

وقفل معاها ورجع لحميد وغنوه وقال ...ها كنا بنقول ايه 

عند سند راح على اوضته بغضب وكلام شروق بيتردد في ودانه بقى يروح ويجي في الاوضه بغضب شديد وقال...نوح برضك كل حاجه نوح معرفش لو كان مديها ريق حلو كان عملت ايه

 ومسك الطفايه هيكسرها بمنتهى الغضب بس وقفتو لما قالت بسرعه ...ما تكسرهاش... دي السابعه  الاسبوع ده ..بتستفيد ايه من الخساير دي

سند اتنهد بغضب وحاول يكتم غضبه ورجعها مكانها وقال.... وانتي بتعدي وراي ليه كنت بجيبهم من جيب اللي خلفك ماكسر براحتي

شروق قالت بضيق ....هو لازم تكون بتجيب من جيب اللي خلفني علشان اقول لك ان ده غلط 

سند اتنهد وقال بخنقه .. واقفه عندك ليه ادخلي 

شروق قالت بتوتر.... لا انا زينه كده ..انا جيت عشان اقول لك كلمتين اثنين وهمشي على طول لانه معايا مذاكره هو احم انا ...

سند قاطعها بسرعه وقال ....انا ما سمعتش حاجه مهقولش حاجه لابوكي او امك متقلقيش....مش عشانك ..ده عشاني ..علشان كرامتي مهو ما ينفعش فيما بعد لما اتجوزك يقولوا كان عارف انها عشقانه اخوه واتجوزها

بقلم ...زهرة الربيع

 شروق بصتلو بغضب شديد وقالت... لو على الموضوع ده ريح بالك ..لاني قولتلك نجوم السما اقربلك 

ولسه هتمشي شدها بقوه بين اديه وقال بغضب....ايه اللي مش عاجبك فيا ماتتكلمي يا بت الناس انطقي وانا واعمل اي حاجه عشانك

 شروق حاولت تبعد من بين ايديه وقالت.... هملني يا سند  كل واحد حر يعمل اللي هو عايزه ...هو كده من غير اسباب رايداه وخلاص

 سابها ومسك الطفايه وكسرها على الارض بغضب شديد وقال بزعيق.... ما تقوليش رايداه 

شروق بصتلو بدهشه وقالت... بردك كسرتها

سند قال بغضب شديد...مش احسن ما اكسر راسك

شروق قالت بانفعال....تكسر راسي اه....طب اسمع بقى انا خلقي ضيق ومش حمل ادادي واربي...ورايده اتجوز واحد متربي وعاقل وكبير وفاهم هو بيعمل ايه .. ودي حاجات مش فيك ولا عمرها هتكون فيك وخد راحتك بقى كسر باقي الاوضه على اقل من مهلك

  قالت كده وطلعت بغضب وسابته واقف باصص لطيفها بزهول شديد واحتدت عينيه بغضب وقال.... شكلها امي معاها حق اكيد بيشغلها علشان كده متعلقه بيه ماشي يا نوح 

 وطلع من الاوضه بغضب رايح عنده ومصر يتكلم معاه 

عند حليمه كانت بتبص حواليها بخوف واول ما اتاكدت ان ما فيش حد طلعت قزازه صغيره وكبتها قدام اوضه شروق وقالت.....لما اشوفك من بكره يا بت هويده كيف هتقدري تقولي لاه لولدي 

بس اتجمدت مكانها لما سمعت شروق من وراها بتقول... مرت عمي انتي بتعملي ايه

 اما تحت كان حميد مصر ياخد اخته ويمشي ونوح كان مصر جدا انها تفضل في البيت وقال.... انت مخك مقفل كده ليه يهمك سلامه اختك ولا كلام الناس

 حميد قال.... عايز سلامه اختي واحفظ كرامتها في نفس الوقت يا عمده ...ولا عايزني  احافظ عليها واسيبها ملطشه لكلام الناس ..انت اكتر واحد خابر البلد  ولو واحده صبيه قاعده في بيت فيه اتنين رجاله غرب بيتقال عليها ايه 

نوح اتنهد بخنقه وقال.... محناش ساكنين لحالنا معانا عمي حكيم  ومرته ومرت ابوي وبت عمي... كل دول مش ماليين عينك

حميد قال بضيق ....بردك ما ينفعش ما تعودناش على كده بأي صفه تقعد هنا  هقول للناس ايه بلاش الناس هقول لاهلي وناسي ايه

نوح ابتسم وقال...الناس هنقولهم انها قاعده في شغل اختك بتدرس علاج طبيعي

وبصلها من فوق لتحت وقال...وانا محتاج جلسات

حميد بصلو بضيق وهو قال بسرعه...محتاج جلسات لبت عمي شروق ..عايزينها تمشي على رجلها كيف الخلق بدل ما اهي بتعرج ومشيتها صعبه

ده  اللي هتقوله للناس.... اما بالنسبه لأهلك  هتروح تقولهم جناب النائب طلبها تبقى من العيله ..واي حد من العيله لازمن يبقى في بيت العيله

حميد بصلو باستغراب شديد 

واتصدم بشده لما قال بثقه... هتبقى مرت اخوي سند 

غنوه اتسعت عينيها بزهول وكانت هتقع من طولها وبقت تبصلو بدهشه شديده واتفاجئوا كلهم بسند قال بزهول شديد ...سند مين اللي هتبقى مرته؟؟

 نوح ابتسم وبص لغنوه بمكر شديد وقال  ...اها حتى العريس جيه على ذكره ..واللي ياجي على زكره تبقى عروسته شاغله فكره....... نقرا الفاتحه وقافي كده ولا نشرب الشربات الأول وووووو

سند مين.... تقصدني انا...وبتخطبلي من غير ما ادرى كمان طب كنت اديني خبر ..كنت اقل ما فيها فصلت جلابيه بيضا للمناسبه الغاليه دي

غنوه اتوترت قوي واخوها ما كانش فاهم اي حاجه 

اما نوح ضحك وقال ..واديك عرفت جهز بقى كل اللي عايز تجهزه 

سند بص له بدهشه من كلامه ولسه هيتكلم اخو قاطعو وقال ...هنتكلم بعدين

 سند نفخ بغيظ وسكت 

وحميد بصلهم باستغراب وقال.... هو ايه اللي بيحصل هنا جنابك... مش توعيني

 نوح حط ايده على كتفه ومشي بيه خطوات بعيد عنهم وقال ....انا افهمك كل الحكايه تعال معاي

اول ما بعدو عنهم شويه غنوه بقت تلطم بخوف وقالت.. يا مري يا مر مري ما داهيه يقولو وش الأذى ده

سند قال باستغراب.... يقولو..يقولو ايه 

غنوه كانت متابعه نوح واخوها بعيونها وقالت بتوتر ....يقولو ان انت اللي غلطت معاه

 سند اتسعت عنيه بزهول وقال ...غلطتي معايا كيف... هو في ايه 

غنوه نفخت بزهق من كتر اسألته وقالت... ما تعرفش تقعد ساكت واصل الساعه دس...مش كفايه علي اخوك ده انتوا عيله هم

سند بصلها بزهول من جرأتها عليه وفاجأها لما مسكها من هدومها زي الحراميه وقال بغضب...عيله هم....ده انتي اللي اتكتب عليكي الهم والغم انهارده وليلة ابوكي مش معديه

اما حميد كان متوتر قوي من كلام نوح وقال... انا شايف انها بردك ما تنفعش يا عمده ..انا عارف انك حابب تساعد بس حتى لو اخوك خطبها مهينفعش تقعد وياكم قبل الجواز ما انت عارف عوايدنا 

نوح قال ...عوايدك اهم ولا اختك.... اسمع يا حميد..انا لو هتعامل على اني صاحب كلمه في النجع وعمدتها  المفروض اسلم اختك للطار لانها ما اتكلمتش وده بيخليها هي الغلطانه ...انما كراجل قانون متاكد ان في حاجه اختك مخبياها ..انا اترافعت في قضايا اوعر من كده وطلعت المتهم بريئ... فده اخر حل اقدر اقدمهولك.. اختك هتفضل هنه على انها خطيبه اخوي واحنا هنحميها من المشاكل اللي حاصله حواليها ...وانا هحاول معها والله اتكلمت وكان معاها مبرر لللي عملتو هفضل واقف معاكم لو مظلومه....ولو  ما تكلمتش واصرت على سكاتها يبقى ما باليد حيله ..ووقتها زي ما اخذتها منك هسلمها لك في يدك وانت تتصرف بس ساعيتها هرفع يدي ومش همنع حسنين عن حاجه ويبقى عداني العيب 

حميد اتنهد باستسلام وقال....عداك العيب قوي يا عمده...انت مغلطانش وكتر خيرك على وقفتك معانا...وانا هسيبها هنه معاك حق هنه امنلها

ولسه هيمشي بيأس نوح قال...مهتدخلش تقولها 

حميد اتنهد بحزن وقال..لاه ..ملوش لزوم قولها انت...غنوه عنيده قوي وهتصر تاجي وياي

ومشي خطوات والتفتلو وقال برجاء...هسيبها امانه عنديك يا عمده

نوح ابتسم بيحاول يطمنه وقال..لحد ما اسلمهالك في يدك هتفضل امانه في رقبتي مش عندي ...اطمن

حميد ابتسم بارتياح نوعا ما ومشي

ونوح اتنهد بحيره واستغراب من الموضوع ده ومستغرب من نفسو اكتر انو خايف على البنت دي واصر تفضل في بيته رغم اعترافها

قطع شروده صوت زعيق شديد من سند وغنوه مع بعض دخل بسرعه

وكان فيه راجل  كبير في السن بيحاول يبعد ما بينهم وبيقول ....يا سند يا ولدي مش تفهمني طيب مين دي وماسكين في خناق بعض ليه

سند قال بزعيق... مش لما اعرف ابقى اعرفك يا عمي ....اهي داهيه الله اعلم ولد اخوك جايبها منين..لا و كمان بتطول لسانها بقى احنا عيله هم ..ياللي ما عندكيش ريحة الدم 

غنوه قالت بغيظ شديد... بقول لك ايه انا على اخري منكم ..بس يخش اخويا وهغور من خلقتكم فعدي الدقائق دول على خير عشان حنجرتك اللي فرحان بيها دي ولا هتخوفني ولا تهز فيا شعره واحده 

اخوكي روح خلاص 

نوح قال الكلمه دي لما دخل وشافهم بيتخانقو وبصلهم بضيق وقال...  لو سايب جوز عيال واقفين مع بعض مهيعملوش الفضايح دي 

سند  قرب منه بغضب شديد وقال بانفعال.... شوف انا مش هسكت لك زي كل حاجه بتعملها واسكت  دلوك تفهمني مين دي وبتعمل ايه هنه

بقلم زهرة الربيع

 عمو قال باستغراب ....صوح يا نوح مين دي..و ايه الكلام اللي اخوك بيقوله ده

 نوح اتنهد وقعد على الكرسي بهدوء وقال... اقعد يا عمي ما تتعبش نفسك معاهم...و انا هقول لك كل حاجه

عمه قعد وبقى يسمعه باهتمام ونوح قال...دي واحده كانت جايه متهومه في قضيه وطالبينها للطار بس هي لسه ما اتكلمتش ولا قالت حاجه ..فما كانش ينفع اسلمها وعلشان كده هتفضل في حمايتي هنا لحد ما احل القضيه واعرف عملت كده ليه بالظبط

سند بصلة بزهول وقال..... ايوه وانا دخل امي ايه

نوح ضحك بخفه على عصبيته وقال ....مبلاش سيرة امك احسن بتجبلي مغص....وبعدين يا ابو المفهومه عشان تفضل هنا في البيت لازمن يبقى لها صفه فانا قولت انها خطيبتك يعني ما لزقتش يا سند 

سند قال بغضب شديد ....خطيبة مين انا سند الحاكم اخطب دي

 غنوه قالت بغيظ شديد.... وانت تطول اصلا يا اعمى البصر انت 

 سند قال بغضب شديد.... طب سامع قلة الادب

 نوح قال بضيق شديد.... وبعدين عاد في الصداع ده ....انا بقول لك دي مجرد كلمه محدش قال لك اتجوز النهارده اهو كلام ولد عم حديت

سند بصلو بزهول وقال ....ولما هو كلام ولد عم حديت ما تكلمتش عليها انت ليه ولا انت بس تحب تورطني

نوح  بصلو بدهشه وقال ....به به به...اتهفيت في دماغك ولا ايه..ما انت عارف اني خاطب بت الوزير ولا عايزنا نضيع نسب الوزرا عشان واحده ما تسواش 3 مليم

 غنوه بصت له بصدمه وقالت.... مين دي اللي ما تسواش 3 مليم

بس اتجاهلوا سؤالها وسند قال بسرعه.... اديك قةلتها بنفسك انا ولد العمده  حاكم الجندي تدبسني في واحده ما تسواش 3 مليم

غنوه اتسعت عنيها بدهشه اكبر وقالت.... بسألكم مين دي اللي ما تسواش 3 مليم

 بس اتجاهلوها للمره التانيه ونوح قال .....ما هي عشان ما تسواش 3 مليم هنلم الموضوع ونفركشوه وما حدش هيسمع ولا حد هيقولنا ليه عملتو كده

هنا غنوه قالت بزعيق ......مين دي اللي ما تسواش 3 مليم يا خنزير منك ليه 

سند مسكها من ذراعها بغضب وزعق فيها وقال...  في ايه.. مش وعيانا بنتحدتوا بترطي ليه....امشي انجري  اطلعي فوق لحد ما نشوف الموضوع ده

و بص لها من فوق لتحت بوقاحه  وقال.... اطلعي دلوقتي وتتسهل كده كده هنحتاجك 

 غنوه بصت له بغضب ونوح ضحك جامد وقال.... شكلك ما سمعتش كلامي زين  يا ود ابوي.. بقول لك جايه في طار .. اللي قدامك دي يا مطيره رقبه ومش رقبة  حرمه لاه...رقبة راجل كامل مكمل واقف على رجليه

 سند اتصدم بشده وغنوه ابتسمت بطريقه تخوف وبصت على ايده اللي ماسكها بيها 

سند سابها  فورا ورجع لورا وقال بصدمه....ايه 

فوق كانت حليمه لسه هتمشي بعد ما كبت ميه على الارض قدام اوضة شروق بس اتفاجأت بصوتها بتقول ...مرت عمي...بتعملي ايه

 حليمه اتوترت جدا ولسه هترد جات ست في الاربعين ووقفت قدامها وقالت بغضب بتحاول تخبيه...مفيش يا حبيبتي...دي مرت عمك بس بتحب تشغل نفسها باللي ملهاش فيه...قصدي كانت عايزه تمسح الارض وانا قولتلها ده شغل الخدم

حليمه بلعت ريقها بارتباك وشروق استغربت بس هزت راسها بلا مبالاه ولسه هتدخل مسكت ايدها وقالت ....متدخليش...روحي اوضتي انا وابوكي جيبيلي منها طرحه عيزاها حاسه اللي لبساها متوسخه

شروق كانت مش فاهمه اي حاجه بس قالت بطاعه..حاضر ياما

ومشيت على اوضة والدتها

 امها خلتها بعدت وبصت لحليمه بغضب وقالت....ايه اللي كبيتيه على الارض ده يا حليمه مش هتبطلي القرف بتاعك ده انا مش قولت لك بعدي عن بتي وما لكيش دعوه بيها 

حليمه قالت  بخوف وارتباك ....انا معملتش حاجه لقيت بقعه  على الارض و كنت بمسحها يا هويده

هويده ابتسمت وبصت لها  بهدوء 

وحليمه اتنهدت بارتياح لانها صدقتها بس صرخت لما مسكتها من شعرها بقوه وقالت بغضب.....بتمسحيها اه..ومن ميته ده يا بت بدران  اياك فكراني ما خبراش حركاتك القرعه دي

حليمه كانت بتصرخ بس سكتت بخوف لما هويده قالت بسرعه.... اشش اتكتمي لو حد سمع حسك وسأل فيه ايه هقولهم على كل اعمالك والسحر اللي بتعمليه يا فاجره...واسمعي الكلمتين دول وحطيهم حلقه في ودنك بتي خط احمر وجنبها ما تجيش... ولو ولدك اخر واحد في الدنيا دي مش هجوزهاله يا حليمه مش لانه وحش لا هو زينه الرجاله بس لانك انتي امه و يكرم الورد لاجل شوكه 

ودفعتها بغضب ونادت لواحده من الخدم وقالت... بت يا سماح انتي يا بت

جات واحده من الخدم وقالت.... نعمين يا ست هويده

هويده قالت بضيق.... نشفي الميه اللي على الارض دي  ونضفي مكانها وعطريه كويس وبسرعه قبل ما ستك شروق تيجي 

الخدامه هزت راسها بطاعه وقالت.... امرك يا ست هويده

 حليمه بصت لها بغضب ومشيت على اوضتها وهيه بتتوعد لها

وهويده فضلت مع الخدامه لحد ما نشفت الارض وغسلتها كويس 

 اما شروق كانت خايفه جدا من سند خصوصا لما شافته نازل تحت بغضب نسيت ان امها بعتتها وفضلت تبص عليه من عند السلم وشايفاه بيتخانق مع نوح

سند كان بيتخانق بسبب غنوه بس هيه فكرت انه بيتخانق علشانها ومش سامعه اي حاجه من كلامهم

 اخذت نفس و ما قدرتش تستنى اكثر ونزلت بسرعه تشوفهم

 سند كان بيزعق مع نوح وقال ....انت جايب لنا واحده قاتله جوزها ولسه مستني تحل و تربط ما هي معروفه قتلته ليه 

نوح ضحك وقال .....ما انا شاكك في اللي دماغك راحتلو بس بردك ما فيش قضيه قابلتني زي كده ..انت عارف في قضايا الشرف  اللهم احفظنا القتيل بيبقى مين ...ومع ذلك هاتاكد من كل حاجه اصبر علي بس كم يوم لو ليا خاطر عندك يا سند استحملهم معايا بس يا ود ابوي

 سند اتنهد بخنقه  وقال ...اووووف...ماشي ... بس تحل الموضوع ده قوام قوام مش ناقصه مصايب 

غنوه نفخت بغيظ شديد وقالت... صبرني يا رب

 سند لسه هيتكلم نوح قال بسرعه ....خلاص عاد....الوزير وعياله زمانهم على وصول فضو المولد ده

 سند بصله بدهسه وغضب وقال... ولاد مين.... ولدو الملزق ده جاي معاه 

نوح حمحم وقال .....معرفش ..بس يا ود ابوي انت عارف هو بياخده معاه في كل مكان

سند قال بغضب شديد.... لو جيه هنه هقطع رجليه الاتنين  ولا ناسي انه غازل بت عمنا في دارنا 

نوح اتوتر منه وقال بسرعه....وحياتك ماناسي بس يعني الوزير بذات نفسه جيه واعتذر وقال انه ما كانش يفتكرها واحده من بناتنا وانا هخلي بالي معاه انت متشيلش هم

 سند مسح على وشو بخنقه وقال..ربنا يعدي يومك انهارده .....طيب سيبك من كل ده انا عايزك في موضوع بعيد عن كل الكلام ده لوحدنا 

نوح قال ....تحت امرك و

 بس شروق  قاطعتو وقالت بسرعه ...لاه 

نوح استغراب وقال... هو ايه اللي لاه

شروق قالت بتوتر..... قصدي يعني انا عايزه سند شويه وبعد كده اتكلموا براحتكم... يلا يا سند 

سند قال بضيق...لا ما جاييش 

نوح بصلهم باستغراب وغنوه  لفت حواليها وقالت باعجاب.... يا لهوي على الجمال مين الحلوه دي 

شروق ضحكت وقالت.... جمال عينيكي يا حبيبتي ..انا شروق بت عم نوح بيه

 سند بص لها بغيظ وقال... بت عم نوح بيه بس

شروق  نفخت بضيق منه وقالت..... يلا يا سند بقول لك عايزاك 

سند لسه هيرد دخل نجاتي وقال بسرعه.... عربية جناب الوزير وصلت بره يا نوح بيه

نوح قال بسرعه..... فوق يا سند ودي البنات فوق وبالذات غنوه خبيها ما تخليش حد يلمحها عشان ما يسالش ونضطر نقول له انها خطيبتك

سند قال بسرعه .....طيب حاضر وبص لشروق وقال... تطلعي على اوضتك وتقفلي عليكي  الواد الملزق اللي جاي معاهم ده لو لمحك هقطع خبرك..... وانا هبقى اجيلك و نتكلمو 

عمه  قال بتحذير....اتكلمو بره الاوضه 

سند ضحك وقال ....من عنيا يا عمي

 وشد ايد غنوه ولسه هيطلع بيها 

دفعت ايدو وقالت.... ماسك يدي ليه هو انا بت اخوك موديني  الحضانه

 سند قال بغيظ شديد منها ....طب اطلعي قدامي وعدي يومك على خير بدل ما اجيب اجلك هنا 

غنوه قالت بسخريه ...اطلع ما اطلعش ليه

 ومشيت معاه وجات عند السلم وقالت...يلا اطلع قدامنا انت

 سند بصلها باستغراب وقال ..اطلع قدامكم ليه 

غنوه قالت ....قولت اطلع قدامنا وهنكون وراك على طول مبطلعش سلالم قدام رجاله

سند ابتسم بسخريه وقال..اااه....ونعم الاخلاق..طيب

ونفذ رغبتها وكان طالع هو قدامهم بس غنوه  على نص السلم صفرت وقالت بمغازله.... الخطوه مياله ...والقلب حالته حاله

 شروق ضحكه جامد وسند كان عايز يضحك على كلامها بس كتم ضحكته ومسكها من رقبتها من ورا وقال... اطلعي قصادي يلا

وطلعو قصاد بعض وهيه بتضحك عليه 

تحت دخل شاب وبنت في العشرينات 

الشاب سلم على نوح والبنت سلمت عليه وحضنته قدامه عادي

نوح اتنهد بخنقه وحرج وقال..... حمد لله على سلامتكم اتفضلوا اقعدوا.... امال فين معالي الوزير

 الشاب ولع سيجاره وحط رجل على رجل وقال بمنتهى الغرور ....هو مش فاضي وقال لي اتكلم معاك انا في امور الشغل 

نوح حاول يتمالك اعصابه منه وبص له من فوق لتحت باستحقار وقال .....لا والله ما هينفعش ...ما جربتش اتعامل مع عيال وابوك عارف كده زين 

حصريا بقلم...زهرة الربيع

بصله بضيق وقال ....انا بعمل شغل بابا كله مش عيل يا عمده وفهمي خطيبك الكلام ده يا دولي

 قال كده ووقف ولسه هيمشي نوح بصلو باستغراب وقال... رايح فين... الباب الناحيه التانيه

 بصله بغيظ وقال.... انا مش همشي يا عمده انا رايح الحمام ومشي من قدامهم بغضب

دولي اتنهدت وقالت ....ايه اللي عملته ده يا نوح.. ليه تحرج مازن كده 

نوح اتنهد وقال.... انا ما قولتش غير اللي حاسه... والغلط اصلا من عندكم...الشغل ده بيني وبين ابوكي و انا مش صغير عشان يبعتلي ولدو

 دولي بصتلو بزهول وقالت.... مازن مش صغير يا نوح مازن من سنك 

نوح قال بضيق ... اخوكي ممكن يكون قدي في السن لكن محتاج 100 سنه ضوئيه على ما يبقى قدي بالفعل... قصرو الحركه دي ما تتكررش تاني وتقولي لابوكي الحديت ده

قالت  بلا مبالاه ....اتس اوكي لما ارجع هبقى اقوله ..اصل انا عملالك سبرايز...اتحايلت على داد ووافق يخليني هنا يومين معاك 

نوح بصلها بدهشه وقال....معايا فين

دولي  قالت..... هنا معاك في السرايل قال لي اقعدي  يومين معاه ...بس متتأخريش

نوح اندهش اكتر وقال....  ابوكي قال لك روحي اقعدي معاه يومين هنا ويايا...ومتتاخريش

 قالت بسعاده.... اه ايه رايك بقى في مفاجئت داد

نوح ضحك بخفه وقال بسخريه... يا حلاوة مفاجئاتو ... وإريلو وقنواته

اما مازن طلع على فوق وهو بيتسحب وراح على اوضة شروق ودخل وقفل الباب وراه بالراحه جدا

 لقاها واقفه بتختار حاجه من الدولاب وقرب منها حضنها من وراها وقال بهمي عند ودنها.... وحشتيني يا كتكوته انا جيت مخصوص النهارده علشانك

 بس اللي كانت عند الدولاب كانت غنوه واتسعت عنيها بزهول و ما فيش ثواني وكانت ماسكاه من هدومه ومطلعه سكينه صغيره حطاها على رقبته وقالت بغضب ....انت مين يا جحش الترع انت؟؟ 

مازن اتسعت عينيه بصدمه وووو

انت مين يا جحش الترع انت انطق ياض لاجيب اجلك

مازن اتخض من السكين اللي على رقبتو واتفاجأ اصلا انها مش شروق قال بتوتر..مازن..انا مازن

غنوه قالت بسخريه....اه مازن طب مش تقول.. اللي ما يعرفك يغزك

وزعقت فيه بغضب وقالت..على اساس عرفتك كده زفت مين وازاي تدخل عليا الاوضه كده شكلك الدنيا مزعلاك وحابب تفارقها بدري بدري

 وزقت المطوه على رقبته اكتر

مازن اتالم واترعب وقال بسرعه..لا لا...انا اسف انا كنت فاكر شروق الي هنا والله..والله كنت فاكرك شروق

غنوه بصتلو بدهشه وسابتو وقالت..شروق...وانت ايه اللي بينك وبينها علشان تدخل اوضتها كده

مازن بلع ريقه بتوتر وقال بسرعه وخبث...عادي صحاب وكده على فكره هيه لو عرفت انك زعلتيني كده هتزعل منك جامد

غنوه خبت السكين لما قال كده واتفاجات جدا لما فهمت من كلامو انو يعرف شروق وبتسمحلو يدخل اوضتها عادي

عند شروق كانت مصره تتكلم مع سند ومكانش راضي يقف يسمعها وقفت قدامو بسرعه وقالت بغضب ...انا مش بكلمك يا سند ولا مبسوط بحالك وانت مجريني وراك كده

سند اتنهد بخنقه وقال...عايزه ايه متخافيش..مقولتلوش حاجه...وبعدين حتى لو قولت ده هيبقى حديت بيني وبين اخوي انتي ملكيش صالح بيه

شروق قالت بغضب مليش صالح كيف انت مش كنت نازل تقولو اني عشقاه ...ده كلام تقولو عايز تكسفني قدامو

سند قال بغضب...واكسفك ليه مش دي الحقيقه..كل اللي هقولو ان عينك منو وانو يحذر معاكي في الكلام لانك صغيره وموعياش لمصلحتك..وهو هيفهمني لان طبيعي مهيبصش لمرت اخوه

شروق غمضت عيونها بغضب وقالت ..انت عايز تجلطني مين دي اللي مرت اخوه...اسمع بقى انا ساكته على عمايلك دي ومش بقول لابوي علشان مخربهاش بينكم..انما انا حره ومش مرت حد ولا هكون الا للي قلبي يختاره سمعت

ولسه هتمشي سند دفعها عند الحيط وقرب منها وقال بغضب يخوف ...واللي هو نوح طبعا...هو اللي قلبك اختاره مش كده

شروق قالت بتوتر...سند بعد...بعد عني بقولك

سند داس على دراعها بغضب وقال...ابعد ليه خايفه مني...بتخافي مني انا انما هو لاه  هو امان انما انا الشيطان اللي بيخوف مش كده يا بت عمي

شروق كانت مرعوبه منو وزعقت فيه وقالت بدموع..هملني بقولك...انت اتجننت سيبني في حالي سيبني بقى 

وبقت تبكي جامد

سند حس انو ذودها معاها حاول يكبت غضبه وبعد عنها وقال بحزم...جهزي روحك يا شروق هخطبك من ابوكي الليله..ولو عيزاها تبقى خراب على الكل ارفضي

بقلم.....زهرة الربيع

قال كده ومشي بغضب وهيه زعقت وقالت....مش هتجوزك يا سند..لو كنت اخر راجل في الدنيا  مش هتجوزك

بس سند موقفش ولا كأنو سامعها

عند غنوه اتصدمت بكلام مازن بس محبتش تدخل وتسال اكتر  قالت ..احم..قصر الكلام..شروق هيه اللي ادتني مفتاح اوضتها علشان اخد من عنديها غيارين..يلا يا حيلتها زق عجلك من هنه وابقى ارجع لما هيه تكون في اوضتها

مازن بصلها من فوق لتحت بوقاحه واعجاب شديد وقال...هو انتي قريبتها...انا مازن الشامي ابن ..

بس قاطعتو لما قالت بغصب..وانا مالي شامي ولا دره امشي اطلع من الاوضه بقولك ...محدش طلب يدك للجواز علشان تقدم روحك

مازن حمحم بحرج وقال...تمام...على العموم احنا هنفضل هنا يومين واكيد هنتكلم تاني ...سلام يا...

طب ممكن تقدمي انتي نفسك اعرف الجميل اسمو ايه

غنوه ابتسمت بضيق وطلعت السكين تاني وقالت...لو عديت لحد صفر ولقيتك لسه هنا مش هتلحق تسمع اي رقم تاني

مازن حمحم بقلق منها وقال..طيب طيب انتي عصبيه كده ليه خارج اهوه

 وطلع من الوضه وهو بيبص عليها ويغمز لها وهيه بصتلو بغضب وقفلت الباب

مازن ضحك جامد وقال بصوت عالي...الجامد حقو يدلع 

بس اصتدم بحد وراه التفت وبلع ريقه برعب لما لقى سند بيبصلو بطريقه تخوف وقال..ايه اللي جابك هنا يا ود الشامي اوعى تقولي ان الاسهال اللي مصاحبك كل ما بتاجي عندينا رجعلك تاني

مازن بلع ريق وقال ....انا فعلا كنت بدور على الحمام 

سند ضحك بسخريه وقال ...بتدور على الحمام تاني وتفتكر السرايا دي كلها مفيهاش حمام في الدور التحتاني طالع تدور عليه في الدور الفوقاني عند الحريم 

مازن اتوتر وما بقاش عارف يرد يقول ايه وقال بتوتر... ما انا بتوه والله هنا و

بس قاطعو سند  لما مسكوا من هدومه وقال بطريقه تخوف.... انا مش قلت لك قبل كده لو لقيتك قريب منها تاني هخلي عينك ما تقدرش تبص لاي مره تانيه حصل ولا لاه

مازن قال بتوتر ...انا مكنتش عندها انا كنت بتكلم مع البنت  الجديده دي هي قريبتكم 

سند بصلو باستغراب وقال ..وانت مالك ومالها دي كمان انت جاي في اي مصلحه وخلاص...داخل تبصبص على حريمنا ولا هامك .. اوعي تكون فاكر ان مكانة ابوك عندينا هتخلينا نقولك البيت بيتك 

 مازن ظبط هدومه وقال.... والله هي اللي كلمتني وقالتلي خلينا نتعرف وبقت تسالني انا ابن مين ومن فين

و قالت لي كمان هتاخدني الحمام بس اخذتني الاوضه دي  وبقت تفتح معايا كلام وقالت انها قريبتكم من بعيد وهتاخد فتره هنا وان بنت عمك ادتلها المفتاح علشان تاخد هدوم من الاوضه

بس انا لاني عارفك عصبي سبتها وطلعت ولسه همشي لقيتك في وشي

سند اتسعت عنيه بذهول لان فعلا شروق ادت المفتاح لغنوه قدامه وقالت لها تروح تاخد هدوم من الدولاب

 مازن ابتسم بخبث لما شاف شكله وقال....قبل ما ترمي بلاك على الناس احكم حريم بيتك وظبطهم الاول

 سند مسكو من قميصه بغضب وقال.... قصدك ايه ياض

مازن دفع ايده وقال.... والله اللي سمعته البنت شافتني عجبتها حبت تتعرف انا ذنبي ايه في كده...ة طالما انا بعيد عن بنت عمك ومجتش جنبها يبقى ما يحقلكش تمد ايدك عليا او على الاقل احترم اني ضيف عندكم ...سلام يا سند باشا 

قال كده ومشي وسابو واقف مكانه بصدمه مش متخيل ان البنت اللي جابوها عندهم علشان يحموها مفيش نص ساعه وتتصرف تصرف زي ده وتطلع راجل عندها الاوضه في بيتهم احتدت عنيه بغضب شديد وراح على اوضتها ودفع الباب بقوه ودخل من غير حتى ما يخبط

بس اتصدم بشده واتجمد مكانو لما لقى غنوه ماسكه في ايدها سكين كبيره عليها دم جاف وبتبصلها بطريقه مخيفه

عند حليمه كانت في الاوضه هتتجنن ورايحه جايه بغضب وجات سماح الخدامه ودخلت بسرعه

حليمه قالت بلهفه...ها راحت تقول لجوزها صح

سماح قالت بهمس...لا يا ست حليمه حكم بيه كان قاعد مع نوح بيه ولما جات خطيبته المصراويه مشي وسابهم سوا

حليمه قالت بتوتر... وهيه..هويده راحت فين

سماح قالت ...راحت على اوضتها فضلت وياي لحد ما نشفت الميه وراحت اوضتها بس شكلها ميطمنش 

حليمه قالت بغضب...تضرب راسها في اتخن حيط...انا لو عليا بتها العرجه دي ولا تدخل زمتي بمليم بس سند هيجنني مرايدش غيرها..وانا محلتيش غيره وشائت ولا ابت بتها هتتجوز ولدي انا مش ود صابحه  

سماح بصتلها باستغراب وقالت...مهو كمان يا ست حليمه الست شروق مرضياش و

حليمه قاطعتها وقالت بغضب...مش بكيفها..انا حكمت وحكمي نافذ انا ست الدار دي فهمتي... انا انهارده هنهي الموضوع ده وبتها مهتعرفش تجوزها لاي راجل غير سند

سماح بصتلها بخوف وقالت...قص..قصدك ايه يا ست حليمه

حليمه بصتلها وابتسمت بطريقه تخوف وقالت بتحذير ...قصدي الكل هنه هيشوفه...بس لسانك ده يفضل في خشمك يا سماح..علشان افضل راضيه عليكي ومزعلش منك ..انتي عارفه ان زعلي واعر

سماح بلعت ريقها وهزت راسها بالموافقه بسرعه ومشيت بخوف

وحليمه  قالت بحقد ..انهارده هنزلك مناخيرك ومناخيرها في سابع ارض يا هويده صبرك عليا

عند شروق اتوترت جدا من كلام سند وقالت بدموع..يامري ..انا لازم اتكلم مع نوح قبل ما يكلمه ..هو الوحيد اللي هينجدني من الجوازه دي... ما انا مش هتجوزو لو حصل ايه..ونزلت جري على تحت

اول ما نزلت راحت على الصالون بسرعه علشان تكلمه بس رجعت لورا بسرعه وحطت ايدها على بقها بزهول لما لقت نوح قريب جدا جدا من دولي وبيقول...يابت طبعا عايزك تقعدي وتقعدي العمر كلو كمان...بس قلبي مبيتحملش جمال امك ده وخايف اتهور واعمل بلوه

دولي ضحكت جامد وحطت ايديها على كتفه وقالت...هتعمل ايه يعني

شدها ليه بقوه وقرب من شفايفها وقال بوقاحه ...اللي يتعمل كتيييير بس تقدري عليه 

بس قطع كلامو وبعدها بسرعه لما سمع صوت حاجه وقعت بص وراه لقى فازا واقعه على الارض وشاف شروق طالعه جري على السلم

حصريا بقلم زهرة الربيع

اتسعت عنيه بصدمه ولسه هيجري يحصلها دولي مسكت ايده وقالت.... على فين مكملناش كلامنا

نوح قال بسرعه...كلام  ايه وهباب ايه البت شكلها سمعتنا

دولي قالت باستغراب...  وافرض يعني انا خطيبتك هو انا غريبه

نوح قال بغضب...انا قولتلك قبل سابق احنا مفتحنهاش على البحري كيفكم.. عندينا مينفعش الكلام ده غير بعد الجواز... البت شافتنا زمانها بتفكر فينا كيف دلوك لازم اتكلم معاها دي عيله صغيره متوعاش على الحاجات دي 

دولي قالت بضيق...عيله..ومتفهمش كمان ده انت اللي غلبان يا عمده 

نوح نفخ بضيق وطلع ورا شروق بسرعه وهو بيلعن غبائو 

عند سند اتصدم بمنظر غنوه وهيه بتبص للسكين وبتلمس الدم اللي عليها واللي صدمه اكتر النظرات الحاده الي في عيونها والابتسامه اللي تخوف 

فضل واقف يبصلها بدهشه وكل ده وهيه تايهه في نظراتها للسكين لدرجة انها  مخدتش بالها ليه ولا لدخوله

سند استغل انها مش واخده بالها وخرج على اطراف اصابعه من الاوضه وهو مندهش جدا وقال بزهول..ايه بت المجانين دي..دي قتالة قتله بصحيح..الله يخربيتك يا نوح ده انت جايبلنا عزرائيل في البيت يا متخلف

وراح بسرعه عايز يتكلم مع نوح عن اللي شافو ولسه هينزل على السلم اصتدم بشروق اللي كانت طالعه جري وهيه بتبكي

شروق كانت هتقع لما خبطت فيه وهو سندها بسرعه وقال بدهشه..فيه ايه يا بت مالك بتجري كده ليه و

بس قطع كلامو لما لقاها بتبكي و قال بسرعه..مالك يا ضي العين مين بكاكي واجبلك اجله

شروق دفعتو بغضب وقالت.. سيبني في حالي معيزاش منك حاجه حل عني بقى يا اخي

ولسه هتمشي مسكها من دراعها بغضب وقال...احل عنك ده في احلامك يا بت العم...مين بكاكي انطقي

قابلتي الي اسمو مازن هو صح هقطع خبره لو كان هو.....

بس قطع كلامو وغمض عنيه وقال بسخريه..ولا تكون اخت مازن هيه اللي بكتك...شكلك شايفه حاجه معجبتكش

شروق بقت تحاول تفلت دراعها منو وهيه بتبكي وقالت...وانت مالك..ملكش صالح بيا خلي عندك دم انا مطيقاكش

سند قال بغضب وانفعال...ومطيقانيش ليه..يفرق عني ايه ها يفرق ايه.. ده انا اتمنالك الرضى ترضي عايزه ايه اكتر من كده

شروق قالت بغضب..بقولك هملني ..هلم عليك البيت يا سند

سند قال بانفعال اكبر ....لميهم..لميهم وقوليلهم سند عاشقني ورايدني بالحلال بس انا مطيقاهوش علشان عيني من اخوه اللي خاطب وهيتجوز 

شروق دفعتو بكل قوتها وقالت بانفعال وزعيق..ايوه يا سند عشقاه..عاشقه نوح ومهحبش غيره في حياتي كلها وانت عمرك ما هتكون زيو ولا هتقدر تاخد مكانو انا بحب نوح وبس سمعت

لسه هيرد اتصدمو بنوح قدامهم وبيلصلها بصدمه متتوصفش وعيونه هيطلعو من مكانهم وووووو

كانو عيونه هيطلعو من مكانهم لما سمعها بتقول انها بتحبه 

..بتحبه ازاي ايه اللي وصلها للاحساس ده وهو طول عمره بيعاملها على انها اخته او بنته الف حاجه بتدور في دماغو وبيبصلها بصدمه من غير ما ينطق

سند بصلو شويه ومسح على وشو بغضب مكتوم وموقف لايحسد عليه 

اما هيه كانت عايزه الارض تنشق وتبلعها من الحرج والخوف لانو سمع اللي قالتو نطقت بالعافيه وقالت...نوح انا..انا كنت بقوله كده علشان عشان يطلع من دماغي يعني احم...يعني اخوك مراضيش يهملني في حالي واصل ..و...وشوفلك صرفه معاه انا..انا امي كانت عيزاني

واتحركت خطوات بس شهقت لما شدها من دراعها وهو واقف مكانو بجمود وقال بصدمه...انتي..انتي كيف فكرتي كده..ههه ازاي...انا انا ممصدقش

شروق نزلت دموعها ولسه هتنطق قال بحزم...سند رايدك يا بت العم...وانا عمري ما خطيت على خطى حد من اهل بلدي فأكيد مهعملهاش مع اخوي ..انا خاطب ...وبحب خطيبتي وانتي اختي بمعنى الكلمه ...وصلت كده

شروق اتكسفت جدا ودفعت ايده وقالت بغضب ودموع....انا قولتلك انني عيزاه يهملني في حالي وبس انا لابحبك ولا طيقاك ولا طيقاه سيبوني في حالي انتو الجوز 

نوح قال بغضب وحزم ..فرحك على سند ابن عمك الشهر ده سمعتي ولا اعيد

شروق قالت بغضب وزعيق..ابقى شوف مين هيسمعلك اصلا ربنا ياخدني وارتاح من خلقتكم

ومشيت بسرعه وهيه بتبكي جامد وحاسه قلبها مكسور جدا وحاسه باهانه متتوصفش

سند كان متابعها بعيونه بحسره ونوح بصلو بغضب شديد وقال...انت كنت عارف بالهبل اللي قالته ده من ميته

سند اتنهد وقال بضيق..من زمان ..والكل عارف ان عينها منك مش معقول مخدتش بالك يا نوح دي عنيها على شوي هطلع قلوب قدامك

نوح بصلو بزهول وقال بغضب وزعيق..انت عايز تجنني..البت صغيره عيله مفهماش حاجه..ده انا ربيتها على ادي وكنت اعاملها على اني ابوها مش ولد عمها  لو هيه فهمت ابوتي دي غلط انت المفروض ترجعها مش تقول الحديت الماسخ ده وتوقف تتفرج

سند قال بضيق ...عايزني اعمل ايه يانوح اخليها تحبني عافيه افهمها ازاي يعني شروق واعيه و عارفه كل حاجه مبقتش عيله انت اللي عقلك قاعد على ايام زمان ولا يمكن واخد بالك وعاجبك الموضوع

بقلم زهرة الربيع

هنا نوح زعق فيه بحده وقال.... سند...يمين بالله لو ما وعيت على حالك ولميت روحك وياي لاخبطك كف من اللي انت خابرو  زين يرقدك مكانك سامع

سند سكت بضيق ونوح حاول يهدى وقال بغضب مكبوت ...موضوع ايه اللي عاجبني شروق..شروق كيف....كيف يعني انا مفاهمش ازاي هيه او انت جيه في بالكم كده اصلا انا كنت بعاملها على انها اختي ومرت اخوي ومحرمه عليا اي نظره شينه ليها..لو كنت قولتلي هيه فاهمه اهتمامي ده كيف كنت وقفتها من زمان و

بس سند قاطعو وقال بانفعال....اقولك ايه اقولهالك ازاي...اقولك المره اللي بحلم بيها طول عمري عينها منك انت من اخوي اقولها كيف يا نوح..انا اوقات مكنتش اقدر اقولها بيني وبين حالي انت عمرك ماهتفهم قد ايه تقيله ...عمرك ما هتعرف انا حاسس بايه

نوح سكت بحزن وسند حاول يسيطر على اعصابو واتجمعت المدموع في عيونه وقال بغضب ...انا..انا فيه نار جواي نار بتاكلني اكل يا ود ابوي هموت...معارفش انا ناقصني ايه  ...معارفش يا نوح 

نوح اتنهد لما شاف حالتو وقال بطريقه اهدى...طب متبكيش ياض..خلاص قولتلك الرجاله متدمعش..وبعدبن  متاخدش المواضيع على صدرك كده البت عيله مفهماش مصلحتها ..وانا متاكد انها بكره لما تبقى ملك اديك هتحبك وهتعشقك عشق كمان

سند حاول يبتسم وقال ...شكله مهيحصلش يا نوح انت بس بتطيب خاطري

نوح حط ايده على كتفه وقال...طب بكره تقول نوح اخوي قال...اعرف قيمة نفسك يا سند علشان الناس تعرف قيمتك يا ود ابوي..انت سند الحاكم يعني هيه او غيرها رهن اشارتك فاهم

 يلا روق كده وروح ناملك ساعتين وموضوع شروق ده سيبه على الله وعليا ..انا هتحدت مع عمي فيه ونكتبو كتابكم اليومين دول كمان

نوح بصلو بلهفه وسعاده وقال....صوح يا نوح ولا بتنيمني

نوح ضحك وقال ....وهنيمك ليه يا ض..هو انا امك...طب هتشوف كيف هتلاقيها في عصمتك انهارده قبل بكره غالي والطلب رخي... 

بس قاطعو وقال بسرعه..والطلب اغلى يا ود ابوي اغلى بكتير

نوح ابتسم وقال بحب...غالي والطلب مهما غلي ميغلاش عليك يا سند اخوك.... هنكتبو كتابكم اليومين دول ..واخلص بس الحورات اللي قدامي واشووف موال البت اللي اتورطنا فيه ده وابقى....

سند قاطعو لما افتكر غنوه وقال بسرعه..صح انا كنت جايلك لجل اكلمك عليها.... البت دي باينلها مش ساهله ود الوزير قالي انها طلعتو على الدور التاني واخدتو اوضة شروق وطبعا مصدقتوش انا عارف حركاته

بس قالي انها رايحه تجيب خلقات من هناك وده حصل فعلا ...شروق قدامي ادتلها المفتاح

نوح بصلو باستغراب وقال..ايه ..معقول

سند قال بسرعه... اللي انيل من كده اني لما دخلت اسالها  لقيتها ماسكه سكين عليها دم باينلو قديم  وبتبصلها بطريقه عجيبه دي حتى مخدتش بالها اني دخلت الاوضه وطلعت...البت دي باينلها خطر قوي يا نوح... ايه البلوه اللي بليتنا بيها دي بس يا ود ابوي

نوح ضحك جامد على شكله وقال..هيه خوفتك ولا ايه 

سند حمحم وقال ..انا لاه طبعا هخاف من ايه..انا بس مش عارف ايه لزمة الموال ده من اساسه... هيه صوح البت زي حتت الزبده وتتاكل حاف بس بردك باين وراها مصيبه واعره

نوح بصلو بطرف عينه وقال بتحذير...ملكش صالح بيها واصل ..دي تخصني فاهم يعني ايه تخصني

سند اتسعت عنيه بزهول وقال..ايه ...تخصك كيف

نوح قال بثقه... زي ما سمعت البت فرسه من الخيل النادر  وداخله دماغي وانت عارف قد ايه بحب الخيل

سند قال بزهول...دي قاتله... قاتله يا نوح هو اي عط وخلاص

...وبعدين ممكسوفش من نفسك وانت بتحكم بين الناس وشايل امانه تقوم تحمي واحده علشان عينك منها ورايدها

نوح بصلو وقال بسرعه..لاه..لحد هنه وتقطم..انا لما حميتها حميتها لانها متكلمتش وعمري ما عملتها وسلمت حد من غير بينه... قولي لو البت دي اتجبرت تعمل كده او معملتش اصلا او فيه سبب خلاها تعمل كده وانا سلمتها وقتلوها هقول ايه لربنا في الامانه اللي سلمهالي هقوله اصلها متكلمتش..اما بقى بالنسبه للي قولته فايه المانع فيه رزق وجالي لحد عندي البت كيف العسل وانا هكتب عليها على سنة الله ورسوله  ليلتين تلاته كده اتكيف واطلقها 

سند كان بيسمعه بزهول شديد وقال..انا هتجن منك البت دي مش ساهله ومهيش بالطيبه اللي انت متخيلها وبكره تقول سند قال

نوح قال ..وانا عمري ما عجبتني حاجه ساهله مليش غير في الصعب اللي ينشف الريق..سيبك انت من الحديت ده انا هظبطه كلو خلينا في المهم انا عايزك تطلع مع مندور الجبل هتستلمو من الريس مجاهد تلت اجواز خيل الرماحه قربت والرجاله ومحتاجينهم

سند قال بضيق..ما تروح انت يا نوح انت عارف مليش في وجع الراس ده

نوح قال بضيق... امال ليك في ايه في شد شعرك ولبس الحريم ده

سند قال بدهشه...هو علشان لابس بنطلون وقميص ابقى لابس لبس حريم 

نوح قال ...ايوه لبس حريم وملاددش عليا..خلينا في المهم انا عايزك تشد معاي وتساعدني شوي الموضوع كلو هياخدلو ليلتين بالكتير انا مقدرش اهمل الدار دلوك خصوصا ان دولي والزفت اخوها هيقعدو هنا كام ليله..ابوها عليه جوز قرون يودو السجون

سند ضحك جامد ونوح كمان ضحك وحط ايده على كتفه ونزل معاه وهما بيتكلمه سوا

عند شروق راحت اوضتها وهيه بتبكي جامد وغنوه اول ما سمعت بكاها من بره خبت السكين بسرعه ووقفت بتوتر

شروق دخلت الاوضه وهيه بتبكي جامد 

غنوه بصتلها باستغراب وقالت فيه ايه فيه ايه ..استهدى بالله

بس حصل ايه

شروق قالت بغضب وانهيار....محدش له دعوه بيا...هملوني في حالي يا رب اموت وارتاح بقى

و قعدت على السرير وحطيت ايديها على وشها وبقت تبكي جامد

 غنوه اتنهدت وقعدت جنبها وقالت.... ومين قال ان في الموت راحه اللي ييأس من رحمه ربه في الدنيا ما لوش راحه بعد الموت يا شروق 

شروق بصت لها بدموع وفاجئتها لما حضنتها بقوه وبقت تبكي بدموع وقالت.... كسر قلبي يا غنوه ما كفاهوش انه طول عمره دايس عليه بجزمته وهو ما شايفنيش وانا اضحك على حالي واقول انه يوم ما هيعرف هيحبني كيف ما بحبه بس انا هبله ...هبله وحماره ياغنوه 

 غنوه بقت تطبطب عليها وهي مش فاهمه اي حاجه ولا فاهمه تقصد مين

وشروق بصت لها وقالت بدموع... قولي لي يا غنوه ناقصني ايه فيها ايه زياده عني عشان رجلي صح ....لازم عشان رجلي بس انا اعمل ايه دي خلقه ربنا و هو كان دايما يقول لي  انتي ما ناقصكيش حاجه انتي ست البنات... كان بيضحك عليا يا غنوه اكيد كان بيضحك عليا ويصبرني ما هو اكيد ما هيرضاش مرته تبقى عرجه

 غنوه اتنهدت وقالت.... بس كفاياكي حديت ملوش عازه انا ما اعرفش انتي تقصدي مين بالظبط بس اللي قالو مكدبش فيه انتي ست البنات كلهم وكيف القمر وما فيش انسان ما فيهوش غلطه ماكامل الا محمد استهدي بالله واهدي واللي يبيعك بيعيه بصي لنفسك على انك غاليه يا بت الناس وقتها هتحسي انك غاليه في عيون الكل 

شروق هديت شويه واخدت بالها من كلامها اللي قالته وطبعا غنوه غريبه عنها ومكانش يصح تشوفها كده

قالت بتوتر....انا.. انا ما كانش لازم اقول كده دوشتك معايا على الفاضي ... ممكن اطلب منك طلب 

غنوه ابتسمت وقالت ....انا ما سمعتش اي حاجه ما تقلقيش وفي اي وقت حابه تحكي لي اي حاجه اختك وجاهزه اسمعك

شروق  ابتسمت وقالت.... شكرا يا غنوه  

غنوه لسه هترد جات لها مكالمه و بصت في التليفون واتغيرت ملامحها وقالت بتوتر .... انا ..انا هطلع اتكلم بره في الهوا 

وطلعت بسرعه تتكلم في التليفون وبعدت جدا عن الاوضه راحت لاخر الممر وفتحت وقالت بهمس.... ايوه يا جنه.. الله يخرب بيتك مش قلت لك ما تتصليش اليومين دول

اما عند  شروق كانت قاعده على السرير وبتبكي جامد وحاطه عيونها في الارض لما اتفتح الباب وسمعت خطوات في الاوضه

 قالت بدموع وهي منزلها عيونها بيأس .. خلصتي اتصالك بسرعه يعني

بس ما سمعتش رد ولسه هتلتفت اتفاجئت باللي مسكها من وراها وحط كمامه على وشها وبقى يضغط على انفها لحد ما بدات تغيب عن الوعي

وبعد كده شالها وخرج بيها بحذر قبل ما حد يشوفه

  تحت كان نوح قاعد مع سند وبيشرب القهوه وقال بحيره... اول قضيه توجع  راسي كده... غريبه قوي  ولا عارف الاقيلها حل ودي ولا قانوني تفتكر تكون قتلتو ليه بس 

سند ضحك بسخريه وقال ....اقطع دراعي من هناها لو ماكان عرف عنها حاجه وعشان كده خلصت عليه اساسا البت باين عليها انها مش مظبوطه

نوح قال بضيق.... انا متاكد ان لو الموضوع لو كان كان زمانها هيه القتيله  مستحيل كان قدرت عليه وقتلته الغريب بقى اني لما سالت في الموضوع عرفت انهم اتخطبو لانهم كانو رايدين بعض قوي...وانو  لما اتجوزها وروحو  على بيتهم كانت الساعه 12:00 وعلى  الساعه 12:13 دقيقه بالظبط كانت خلصت عليه يعني جوازتهم كلها كانت لمده دقايق معدوده وطبعا معنى كده انو ملحقش يعمل اللي بالك فيه عشان يعرف عنها حاجه 

سند قال بسرعه.... ما هي ممكن هي تكون قالت له قبل ما يقرب لها يعني خافت وحكتلو

 نوح حط ايده على دماغه بصداع وقال.... مش عارف الحل كله عندها وليه ما عايزاش تتكلم ما عارفش

 سند وقف وقال بغمز.... لاه الحل عندك انت

نوح بصلو باستفهام وهو كمل وقال بوقاحه .....اكشف عليها لو بت بنوت يبقى فيه موضوع تاني لو لاه يبقى كلامي صوح

 نوح قال بضيق... مهو يا فالح انا ما هينفعش اكتب عليها غير لما اتاكد انها شريفه انما لو كانت كده ولا كده مستحيل اكتب عليها

سند ضحك وهو بياخد الحاجه بتاعته ومفاتيح العربيه وقال ...ياض انا بقول لك اكشف عليها مش اكتب عليها

نوح بصلو بطرف عينه وقال.... غور ياض من هنا عيل واطي حد الله بيني وبين الحرام 

سند ضحك وقال ...خليك نشف دماغك لحد ما تورطك وتخليك تكتب عليها وبعدها تقولك اصلي وقعت وانا صغيره 

نوح قال بخنقه منه.... لا ملكش صالح انت مش انا اللي اتورط يلا روح شوف المصلحه اللي قلت لك عليها ونقي الخيل نقاوه انت بتعرف قوي في الموضوع ده عايز خيل رماح اصيل

سند غمز وقال...الخيل التمام فوق...البت فرسه من النوع اللي يحبو قلبك... كيف ما انت قولت انا بفهم فيهم قوي

نوح قال بضيق...سند وبعدين

سند ضحك وقال.....خلاص ماشي والله  ... بس مصلحه قصاد مصلحه 

نوح بصلو باستفهام وقال ....كيف يعني

 سند قال بحماس ....يعني على بال ما قضيت لك المصلحه دي وجيت تكون كلمت عمي في موضوع جوازي من شروق قلت ايه 

نوح ضحك وطبطب على كتفه وقال ....والله من غير ما تطلب ..انا  هخلص لك الموضوع ده الليله متشيلش هم 

سند حضنوا بسعاده وقال ....تسلم لي يا احلى واغلى  اخ في الدنيا 

نوح حضنه وقال.... ويخليك ليا يا سندي...ما تتاخرش عليا علشان متقلقنيش

وبصلو من فوق لتحت وقال ..بس لو تسمع كلامي وتلبسلك جلابيه عليها القيمه بدل لبس البندر ده...ياسند الناس هنه بتبص للراجل على حسب جلابيته اسمع مني

 سند ضحك وقال.... لا يا اخويا خليك انت بجلاليبك وسيبني على راحتي

نوح اتنهد وقال ...ماشي اللي تشوفه يلا اشوفك على خير

و سلم عليه وودعه 

وسند ركب العربيه ومشي

هو طلع علشان يريح شويه في اوضته

وهو طالع اتفاجئ بغنوه واقفه على جنب وبتتكلم بهمس وخوف قرب منها بيحاول يسمع اي حاجه

بس اتصدم لما التفتت له بسرعه وحطت السكينه على رقبته 

نوح اتسعت عينيه بدهشه وهو بيبص لها باستغراب

غنوه بلعت ريقها بتوتر ونزلت السكين بسرعه وقالت... فزعتني مش تكح

نوح ابتسم بسخريه وقال... اكح ليه داخل عليكي الحمام ..ده الممر بتاع البيت يعني وارد اي حد يعدي فيه 

وبصلها بشك وقال.....لو معاكي مكالمه خايفه حد يسمعها متتكلميش هنه مش امان

غنوه بلعت ريقها بتوتر وقالت.... لا ..لا ده اخوي...بس انا حسيت بحد وراي فجأه واترعبت 

نوح قرب منها قوي وقال ....مخبيه ايه ....يا بت اتكلمي خليني اساعدك انتي لسه ما تعرفنيش لو الموضوع مستاهل قسما بالله ما هخلي حد يلمس طرفك.... بس اتكلمي

 غنوه قالت بتوتر ....وبعدين عاد ما هنخلصش من الموضوع ده و

بس شهقت بدهشه لما شدها عليه بقوه وقال... لاه هنخلص هنخلص قريب.. اصل انتي بت مرزقه وجايكي خير كثير

 غنوه قالت بتحذير ....يدك طويله يا عمده واخاف عليك تعيش الباقي من عمرك من غيرها

نوح ضحك جامد وقال ....جامده يا بت لا وايه عود.... زي الكرباج الجديد.. جامد و شديد

 غنوه قالت بخنقه.... وبعدين بقى في قلة الربايه دي ...عايز ايه جيب من الاخر 

نوح قال  بثقه.... الحلال ...الحلال وبس وبكره تشوفي بنفسك 

قال كده ومشي وسابها واقفه بتبص لطيفه باستغراب وقالت ....وبعدين في الهم ده...هو  انا كل ما اطلع من مصيبه اوقع في التانيه 

اما نوح دور على عمه علشان يكلمه في موضوع سند بس ملاقاهوش في اوضته

فقرر يكلمه اول ما يصحى واتجه لاوضته علشان يرتاح

بس للاسف مكانش فيه راحه اتفاجئ بصوت موسيقى عالي جدا من جنب اوضته

 نادى لسماح الخدامه وقال بغضب  ..سماح...ايع الصوت ده جاي منين

 سماح قالت بتوتر.....ده مازن بيه جنابك قال بيحب يسمع غناوي قبل ما ينام

بقلم....زهرة الربيع

نوح مسح على وشه بعصبيه وقال...وهو لازم يسمعها عاليه كده فاكر نفسو في بيت اللي خلفوه 

سماح قالت ...اقولو يوطيها جنابك

نوح حاول يكتم غيظه وقال ...لاه خلاص ..روحي انتي نامي هما يومين اللي هيقعدوهم نستحملهم لو على العين...انا هنام في اوضة سند هيه اخر الطرقه وبعيده من اوضة المعتوه ده 

وبالفعل راح اوضة سند وقلع جلابيته واترمى على السرير بتعب... طول النهار بيحل بين الناس من قضيه للتانيه وحاسس بتعب شديد

و بعد شويه كان رايح في نوم عميق  ودخل نفس الراجل اللي خدر شروق وكان شايلها على كتفه وحطها على السرير جمب نوح ورما هدومها على الارض وخرج بالراحه جدا من غير ما يحس بيه

في صباح يوم جديد 

 شروق قامت  من النوم بتعب وصداع و حطت ايدها على دماغها بتحاول تفوق بس اتصدمت بشده لما لقت نفسها ملفوفه في ملايه وبس

 كان هيغمى عليها حرفيا من الصدمه التفتت جنبها وهي بترتعش مش مستوعبه اي حاجه واتجمدت مكانها لما لقت نوح جنبها و غصب عنها صرخت بقوه صوت صحى كل اللي في البيت ونوح اولهم

 اتفزع وقعد في ذهول وقال..... في ايه.... ايه اللي بيحصل و

 بس قطع كلامه لما لقاها جنبه بالشكل ده وبتخبي نفسها ومرعوبه جدا بقى يبص لها بزهول وصدمه وقال...ش.. شروق انتي...انتي ايه اللي جابك هنه

في الوقت ده والد شروق ووالدتها خرجوا من الاوضه وجريو ناحية اوضة شروق بسرعه

 بس وقفتهم حليمه بتصطنع الخضه و هيه بتقول بزعيق ....الصوت جاي من اوضة سند ولدي وجريت على اوضه سند وهما راحو وراها ومش فاهمين اي حاجه

وغنوه كمان خرجت وحصلتهم 

نوح مسك شروق من ذراعها وهو بيهزها عشان تبطل صراخ وبكى وهو بيقول بصدمه وزعيق ....يا بنت بكلمك ..انتي ايه اللي جابك هنه انطقي 

بس قطع كلامه وسابها ورجع لورا بذهول وصدمه حقيقيه لما لقى هدومها على الارض وفيه دم على الملايه

 وقبل ما يستوعب اي شيئ  عمو فتح الباب هو ومراته وحليمه معاهم اللي اتصدمت بشده وضربت على صدرها بزهول لما لقت نوح اللي في السرير مش سند

بس الصدمه الاكبر كانت من نصيب عمو اللي بصلهم  بنظره ما تتوصفش و هو مش قادر يستوعب اللي شايفه قدامه ووووو

بنته في حضن ابن اخوه اللي رباه كأنه ابنه وحبه اكتر من اي حد المنظر كان صدمه كبيره قوي على حكيم صعب على اي اب في الدنيا ..اتسند على الباب وهو مش قادر يتكلم وحاسس رجليه ما بقتش شايلاه

 نوح كان بيتمنى الارض تنشق وتبلعه في الوقت ده ..مش قادر يستحمل نظراته ابدا

وقف بسرعه وقال بتوتر... عمي..عمي  يمين بالله انا ما عملت حاجه انا كنت...

بس قاطعتو مرات عمه لما لطمت بزهول وجريت على بنتها وبقت تبكي وتقول بصرلداخ.. ما عملتش حاجه كيف امال ايه اللي شايفينه ده يا مراري يا مرك يا هويده يا مرك يا خيبتك الشديده في بتك يا خيبتك الشديده

 وبقت تضرب في بنتها وتضرب في نفسها بانهيار فظيع 

شروق كانت مش فاهمه اي حاجه ومصدومه وبتبص لهم بزهول و رغم ان امها كانت بتضربها بس ما كانتش حاسه باي حاجه من اللي بيدور حواليها 

نوح قال بزهول ... يا مرت عمي بقول لك ما حصلش حاجه يمين بالله ما حصل حاجهوقسما بالله كنت نايم و...

 بس قاطعو وقال بغضب شديد ...اتكتم معايزش اسمع صوتك واصل...سامع حط غي حلقك بلغه و تعال وياي يلا اطلع قدامي اخلص  

نوح لاول مره يتوتر من طريقه عمه ومن نظراته هز راسه بالموافقه بسرعه واخذ جلابيته وطلع قدامه بسرعه وهو مش فاهم اي حاجه 

هويده كانت تعبت وقعدت على الارض وهي بتلطم بتعب وبتبكي بحرقه

حكيم بص لها بغضب وقال بزعيق ... قومي فزي يا وليه استري بت الكلب دي البيت مليان خدم كفيانا جرس

وبص لشروق بنظره مرعبه وقال ....حسابها وياي بعدين

 قال كده ونزل ونوح راح وراه وشروق كانت بتبص لطيفه بصدمه وهيه مش فاهمه ابدا ايه اللي بيحصل معاها وبتتمنى يكون كابوس وتفوق منه 

حليمه بقى حست انها هتفرقع من الغضب والغيظ الف سؤال في دماغها ...فين سند.. وليه مش في اوضته وايه اللي جاب نوح بداله

 اما غنوه استغربت جدا اول ما سمعت اللي حصل ومكانتش فاهمه حاجه فضلت مستنيه لحد ما نوح نزل مع عمو ودخلت عند شروق وحضنتها بسرعه وبصت لوالدتها وقالت.... تسمحي لي اساعدك نلبسها يا خاله

 هويده كانت قاعده على الارض بصدمه رهيبه وصوتها راح من كتر الصراخ وقالت بضعف.... تلبسيها ليه..ما خلاص اتعرت وعرتنا معاها راح سترنا وعرضنا خلاص 

 شروق قالت بدموع وتعب ....ما عملتش حاجه ...والله ما عملت حاجه 

غنوه ضمتها وبقت تطبطب عليها وقالت...تمام..تمام كل حاجه لها الف حلال 

 وبصت ناحيه حليمه ونظراتها كلها استفهام وشك 

حليمه اتوترت من نظراتها ومشيت بسرعه 

وغنوه بقت تهدي شروق وبدات تلم هدومها من على الارض وتساعدها تلبس

 تحت نوح كان واقف وعيونه في الارض لاول مره 

وحكم كان باصص الناحيه الثانيه بغضب بيحاول يسيطر على اعصابه وهو حرفيا بيغلي من جواه 

نوح حمحم وقال بحرج....هتفضل مديني ضهرك يا عمي ما هتسمعنيش حتى 

حصريا بقلم زهرة الربيع

حكم التفتله والدموع بتلمع في عينيه وقال.... اسمع ايه يا نوح ...ايه اللي ممكن تقوله... هو في حاجه في حاجه تتقال يا ود اخوي 

نوح قال بسرعه ....فيه يا عمي فيه انك عارفني حافظني قولتك اني اعمل فيك كده يا عمي تصدقها علي

حكم مسكوا من هدومه بغضب وزعق فيه بعنف وهو بيهزه وقال... ومصدقش كيف اكدب عيني اكذب عيني يا نوح اكذب اللي شوفته محدش حكاهولي... قصرت معاك في ايه انا وبقى يضربوا قلم في التاني بغضب شديد وهو بيقول ...قصرت معاك في ايه يا واطي حرمتك من ايه علشان تحرمني شرفي وعرضي ده انا كبرتك على نفسي وخليتك سيد البلد مع اني انا اولى تقوم تقتلني وتمرمغ الاراضي بشرفي يا خاين العشره يا خسيس

 نوح كان سايبه يضربه ويطلع كل اللي جوه لدرجه ان شفته انجرحت من كتر الضرب وما فكرش يوقفه ولا يمنعه بس دموع عينيه بتنزل من الموقف اللي كان صعب جدا عليه لان حكم بمثابه اب ليه مش بس عمه

 حكم حس الارض بتدور بيه ومش قادر يقف اكتر وكان هيقع من طولو بس نوح سنده بسرعه وقال بلهفه ....عمي...اقعد ياعمي بالله عليك والله وما هيحصل غير اللي انت عايزه

 حكم دفعه بعيد عنه وقال بغضب وزعيق...ملكش صالح بيا ما تمثلش ان قلبك عليا قوي 

وقعد على الكنبه وحط ايديها على دماغه وهو حتى مش قادر يفكر الصدمه كانت صعبه جدا عليه 

فوق غنوه لبست شروق وهدتها شويه وقالت.... انا هسيبك تتكلمي مع امك شويه وجايه تاني 

شروق هزت راسها بالموافقه و غنوه طلعت وسابتهم سوا 

شروق راحت قعدت جنب امها على الارض وقالت بدموع... انتي مصدقه اني اعمل كده يااما انتي كمان هتصدقي كده على بتك

 هويده كانت دموعها بتنزل بغزاره وحطت ايدها على دماغها وقالت بذهول.... هصدق يا شروق ...شوفت بعيني محدش قلي هصدق يا بتي ...بس ليه ...ليه تعملي فينا كده يا شروق انا قولت لك لو ربنا قسم يكون ليكي محدش هيقدر يمنعه عنك بس بردك رخصتي نفسك ورميتي شرفنا تحت رجلك ليه  تعملي في نفسك كده ليه ابوكي ذنبو ايه وانا ذنبي ايه يا شروق ليه تحرقينا كده يا بت بطني

شروق قالت بهمس ودموع.... انا هقول لك على حاجه ومتاكده ان انتي بس اللي هتصدقيني... امبارح كنت قاعده في الاوضه وغنوه طلعت تتكلم في التلفون...وبعديها دخل حد و حط حاجه على وشي ما حسيتش بالدنيا بعدها يا اما ولا فاكره اي حاجه صحيت لقيت نفسي هنه جنب نوح بالمنظر اللي شوفتوه ده

 امها اتسعت عينيها بدهشه وبصت لها بزهول وقالت... انتي بتقولي ايه يا بت اوعي تكوني بتقولي الكلام ده علشان...

 قاطعتها وقالت بسرعه .....وحياتك عندي ياما وما عندي اغلى منك احلف بيه عظيم بيمين ما كدبت عليكي في حرف

هويده اتصدمت جدا بكلامها وقالت بسرعه.... يبقى هو هو ما فيش غيره نوح الكلب غدر بيكي... هو اللي جابك هنه عشان يستفرد بيكي من غير ما تحسي

 شروق قالت بسرعه .....لا ياما انا لو شوفته بعيني ماهصدقش  نوح راجل يا امه وميعملش كده في اهل بيته ولا يخون الامانه مصدقش لاه

هويده  وقفت بغضب وقالت ....هنعرف كل حاجه بس ابوكي لازمن يعرف قبل ما ياخد اي خطوه انا هنزل اقوله 

عند غنوه بعد ما طلعت من اوضة شروق لقت حليمه رايحه جايه عند اوضتها نادت لها وقالت بثقه... حليمه... عايزاكي 

حليمه بصت لها ورفعت حاجبها بدهشه وقالت.... حليمه كده ..حاف يا بت الجزار

 غنوه ابتسمت بسخريه وقالت.... المره الجايه احشيها لك عجوه من عيني

 حليمه بصت لها بغضب وقالت... وبتتريقي كمان يا بت هيه حصلت اوعي تفكري ان نوح اللي جايبك هنا هو كبير الدار وهتعملي ما بدالك...لاه با حيلتها انا هنا ست الدار دي كلها وكلمتي بتمشي على اتخن تخين فيها  يعني لمي روحك وقضي يومينك هنه زي الضيوف بدل ما تقضيهم زي الخدم 

ولسه هتمشي غنوه قالت بسرعه.... انتي اللي اخذتي شروق هناك صح يا حليمه

حليمه اتسعت عينيها بزهول وصدمه وقالت.... انتي..انتي قصدك ايه

 غنوه ابتسمت بسخريه وقالت.... قصدي وصلك زين قوي ....امبارح لما رجعت على الاوضه وما لقيتش شروق طلعت ادور عليها وانتي قزلتي لي انها كانت مخنوقه وراحت تبيت مع امها.... بس شروق ما كانتش بايته مع امها كدبتي ليه يا ست الدار ما تردي ولا الدار طلع فيه فار كل لسانك

 حليمه بلعت ريقها بتوتر وما بقتش عارفه ترد تقول ايه وكل ده كان تحت انظار هويده اللي كانت طالعه تقول لجوزها على اللي عرفته من بنتها واتصدمت بالحوار اللي دار بين حليمه وغنوه

بقلم ...زهرة الربيع

 في اوضه دولي صحيت بفزع لما حد كب شويه ميه على وشها شهقت بزهول لما لقيته اخوها وقالت.....انت عملت ايه حد يصحي حد كده يا مازن ايه الهزار السخيف ده 

مازن قال بغيظ منها..... انتي ازاي كل ده نايمه والدنيا بره تقلب تعدل البيت قايد حريقه وانتي هنا نايمه في العسل

 دولي نفخت بزهق وقالت.... وانا مالي ما يولعوا في بعض... احنا في الصعيد يا مازن يعني ضروري تلاقي ناس بتتخانق كل شويه وصوتهم عالي ومزعج حاول تتأقلم اليومين اللي هتقعدهم هنا 

مازن ضحك وقعد قصادها وقال ...لا ده انتي كنتي في غيبوبه و مش في الدنيا ...بره مكانتش فيه خناقه عاديه دي بلوه مصيبه وانتي اول واحده متضرره فيها 

دولي بصت له باستغراب وقالت... قصدك ايه يعني

 مازن قال بلا مبالاه.... نوح بيه حبيب القلب ظبطوه مع بنت عمه كانوا مقضينها سوا وبايت معاها في اوضة اخوه

.. الباشا منمر عليها من الاول وعلشان كده كان بيمنعني عنها وانا اللي كنت فاكرها اخوه مش اكتر

 دولي  كانت بتبصلو بزهول رهيب ومش قادره تستوعب اللي بتسمعه منه وقالت بصدمه.... انت قولت ايه... مين كان مع مين 

عند نوح كان بيحاول يهدي عمه ويلم الموضوع اللي عمال يكبر منه ومش فاهم ولا مستوعب حاجه فيه وكل همه ينهي الموضوع  قبل ما اخوه يوصل ويسمع بيه

 قال بسرعه .....عمي والله ما عملت حاجه خلينا نتحدت ونتفاهم احنا التلاته ونقعد مع شروق ونفهم منها يمكن عندها تفسير الله يرضى عليك خلينا نفضو الموال ده قبل ما سند يوصل و....

بس  قاطعو عمه لما قال بجمود وحزم شديد.... لو لسه عايز تفضل تقول لي يا عمي.... اكتب على شروق يا نوح 

نوح حرفيا كان هيقع من طوله و مش مستوعب اللي بيقوله وقال بصدمه.....انت ..انت بتقول ايه يا عمي... شروق مين اللي اكتب عليها انت عارف وانا عارف وكل اللي في البيت عارفين ان سند ....

حكم قاطعوا وقال بغضب ووجع باين في صوته.... شروق خلاص ما بقتش تنفع لسند..... سند بالزات مهينفعش بعد اللي حصل بينكم

نوح قال بزهول شديد..... هو ايه اللي حصل بينا بقول لك واللله العظيم ...

بس قاطعو حكم  وقال بغضب .....هيه كلمه واحده هتكتب على البت شهر وتطلقها وبعدها كل حي يروح لحاله ... والا من الساعه دي لا انا عمك ولا اعرفك واللي جاي ما هيعجبكش واصل

نوح كان بيسمعوا بصدمه متتوصفش وعقله مش قادر يفكر ولا يتصرف هز راسه بالرفض بقوه وقال ...مهقدرش...مهقدرش اعمل كده في سند لاه ما هقدرش  ابص في عينيه واصل انا وعدته وعدته اكلمك على جوازو منها ما اقدرش اغدر بيه ده اخويا ده دمي وكل حاجه ليا ياعمي احب على يدك

حكم قال بغضب وسخريه ....واللي عملته ما كانش غدر لاخوك لاه يا نوح انت كده او كده غدرت بيه وغدرت بيا انا كمان وحطيت راسنا في الوحل

 نوح قال بزعيق ودموع....قسما  برب العز ما عملت حاجه يا عمي ما عملتش حاجه يا ناس

 عمو قال بغضب وزعيق..... عليا الحرام من بيتي لو ما كتبت على البت يا نوح لاكون دافنها الليله دي وتبيت في قبرها واتحمل خطيتها في رقبتك.. قولت ايه

نوح كان هيقع من طوله وحس الدنيا بتدور تحت رجليه قعد بصدمه على الكرسي وهو مش قادر ينطق  

حكم بصله بغضب وقال بهدوء .....هكلم الماذون هنكتبو الكتاب الليله والفرح بكره عايزين كل البلد  تعرف انك اتجوزت بت عمك 

نوح هز راسه بالموافقه بتوهان وهو مش قادر يستوعب اللي بيحصل لحد دلوقتي بس فاق على صوت صرخت دولي لما قالت بغضب...... مين يكتب على مين ....بيخرف يقول ايه الراجل ده ...اللي سمعته صحيح يا نوح انت خونتني وفي وجودي كمان وووو

مين يكتب على مين بيخرف يقول ايه الراجل ده اللي سمعته صحيح يا نوح انت خونتني وفي وجودي كمان

نوح اتنهد بخنقه ومكانش قادر يتناقش ابدا قال ...اطلعي فوق  يا دولي ما قادرش اتكلم في حاجه دلوك... اطلعي وانا هفهمك كل حاجه 

دولي قالت بسرعه وزعيق ....تفهمني ايه ..اللي قالو مازن صح انت خونتني مع الواطيه بنت عمك ..كنتو مقضينها سوا وبتستغفلونا

نوح بص لعمو اللي كان هينفجر من الغضب بسبب كلامها وقرب منها ومسك دراعها بغضب وقال بحده ....انا قولت اطلعي فوق دلوك هنتكلم بعدين ايه مبتفهميش واصل

دولي دفعت ايده بغضب وقالت..... لا انا مش هطلع فوق انا هطلع من البيت خالص مش قاعده ثانيه هنا خد دبلتك ما بقتش عايزاها 

وقلعت الدبله ورميتها في وشه و مشيت من السرايا بغضب 

مازن بقى ينادي عليها بس ما وقفتش وجري وراها عشان ما تمشيش لوحدها

 نوح غمض عينيه بتعب وجذب شعر لورا وبقى يحاول ياخد نفسه وهو شايف كل حاجه بتطربق على دماغه بس مش همه اي شيء من كل ده قد ما بيفكر في رد فعل سند لما يرجع

 فوق حليمه اتصدمت من كلام غنوه وقالت بتوتر...كلام ايه يا بت اللي ما لوش عازه ده.... انا قلت لك اللي حصل هيه صوح  قالت هتنام مع امها انا دخلي ايه اذا كانت كدابه وراحت لنوح 

 غنوه مسكت طرف فستانها من فوق وقالت بسخريه وهي بتبص عليه ....وحياتك عندك وما ليكي علي حلفان لو كنت لابسه توبي كنت قلت لك خشي في عبي بس ده مش هينفع...ضيق

وبصت لها بغضب وقالت.... لو فاكراني كيف شروق هتحدفيلي كلمتين واصدقك تبقي غلطانه...انا غنوه الجزار يعني العبك على صوابعي دول كيف عرايس الخيط..واقراكي من جوه قبل بره ....فتعالي دغري معاي عشان لساني بينمل من كثر اللت والعجن

حليمه رفعت حاجبها بدهشه وفهمت ان البنت دي مش سهله خالص وقالت بضيق..... انا مش مضطره ارد عليكي من اساسه ولا حتى فاهمه عايزه تقولي ايه

 غنوه نفخت بخنقه وقالت... هنقعد نلفو حوالين بعض زي الحيايا كده كتير.. على راحتك بس انا ما هسكتش عن الموضوع ده لحد ما اجيب قراره

حليمه ضحكه جامد وقالت..قراره...طيب  لو لقيتي له قرار هاتيه يا بت الجزار

 ومشيت وسابتها واقفه متغاظه وعندها احساس كبير ان حليمه هي اللي ورطت شروق كده بس مش عارفه السبب ولا عندها اي دليل 

انما هويده  بعد كل اللي سمعته بينهم ولانها عارفه حليمه كويس وعارفه نواياها اتيقنت انها هي اللي خدرت بنتها واخدتها على اوضه سند 

وفهمت ان حليمه كانت قاصده تورط شروق مع سند لان امنيتها الاولى والاخيره انها اتجوزها له

و لسه هتنزل تحكي كل حاجه لجوزها بس وقفت مكانها بتردد  وابتسمت بخبث وهي بتفكر في شيء تاني خالص 

بقلم....زهرة الربيع

عدى اليوم على نوح كانه سنه تعب وحزن عمره كله فيه قاعد في الاوضه وبيفتكر كلام اخوه كلمه كلمه قد ايه كان متحمس وفرحان لجوازه من شروق

 افتكر لما وعده وطمنوا انها هتكون ليه وانو هيكلملو عمه

بقى يحاول  يرتب كلام بينه وبين نفسه ممكن يقوله له بس ما فيش فايده حتى وهو مش قدامه الكلام مش طالع ازاي هيقدر يواجهو وش لوش

مجرد الفكره هزت كيانو وحس ان دماغه وقفت ولسانه مش قادر ينطق 

بس فاق من شروده على صوت تليفونه وكان المتصل والد دولي مسح على وشه بخنقه شديده ورد وقال.... ايوه يا معالي الوزير

ونفخ بزهق وقال بهدوء .... ممكن تهدي شوي معاليك..واللي خلق الخلق لو اي حد غيرك بيتكلم معاي باللهجه دي مكانش نطق بعدها....بتك فهمت الموضوع كله غلط وانا هستنى من حضرتك زياره نتحدت فيها واشرحلك اللي حصل وبعديها اللي عايزه انت وبتك هيتم 

قال كده وقفل معاه وخبط التليفون في الارض بغضب و جذب شعره بتوتر وخنقه 

عند حليمه كانت في الاوضه رايحه جايه بتوتر ومش مصدقه اللي حصل قالت بزهول.... طيب كيف.... كيف سند مش في اوضته وكيف نوح هو اللي هناك 

دخل  الشاب اللي خدر شروق وكان متوتر جدا 

حليمه اول ما شافته ومسكت في هدومه بغضب وقالت..

 ايه اللي عملته ده يا هباب البركه..في كل حاجه غبي اللي كان في الاوضه نوح مش سند يا جحش

 ال اجل بلع ريقه بتوتر وقال...و انا ذنبي ايه يا ست حليمه انتي قولتي لي اخر اوضه في الطرقه وانا روحت اخر اوضه  

حليمه قالت  بغضب وزعيق.... والبعيد حمار  كيف ما يقولوا لك تمشي معارفش سند من نوح

قال بتوتر.... انا لما دخلت الشاب كان مغطي وشه وانا ما رضيتش اكشف وشه علشان ما يصحاش حطيت البت جمبه كيف ما قولتيلي  ومشيت.. ايه هيعرفني انه مش هو

حليمه قالت بغضب.... امشي من قداني غور امشي مش عايز اشوف وشك 

واطلع من ورا المندره متجبليش الكلام اكتر من كده

الشاب مشي وجات سماح الخدامه وقالت بتوتر ..عيزاني يا ست حليمه

 حليمه جريت عليها وقالت.... ما تعرفيش ايه اللي ودى نوح اوضه سند يا سماح

 سماح قالت بتوتر.... ايوه يا ست حليمه اصل  هو امبارح كان متضايق من صوت الاغاني اللي جايه من اوضه ود الوزير لانها جنب اوضته وقال هيروح يبيت عند سند بيه 

حليمه زعقت فيها بغضب وقالت.... وما قولتليش ليه يا اذكى اخواتك

 سماح قالت بتوتر..... ما انا معرفاش حاجه يا ست حليمه انتي ما قولتليش اي حاجه كن اللي ناويه عليه 

حليمه قالت بغضب..... امشي من قدامي.... امشي معيزاش اشوف حد الساعه دي 

الخدامه مشيت بسرعه وحليمه بصت قدامها بغضب وقالت ..وبعدين يا حليمه كل ما تعملي حاجه تتطربق على دماغك ..وكله كوم والبت الجديده دي كمان كوم تاني... بس اخلص من الورطه دي وهشوفلها  صرفه.. بسيطه 

عند شروق كانت بتبكي جامد وغنوه بتحاول تهديها وقالت... يا بت الناس اهدي شويه كفاياكي كده عينيكي ورمت من البكى من ساعة اللي حصل وانتي بتبكي اللي بتعمليه ده لا هيقدم ولا هياخر 

شروق قالت بدموع .....ما اعرفهاش كيف حصل ده.. والله العظيم ما عملت حاجه يا غنوه يمين بالله ماعملت حاجه

غنوه قالت بابتسامه ...انا مصدقاكي وكمان قولتيلي ان امك صدقتك واكيد هتقول لابوكي وهتتحل

شروق قالت بدموع....لا مفيش حاجه هتتحل  اكيد ما صدقنيش لو صدقني صوح كان جيه اتكلم معاي لكن ده لسانه مخاطبش لساني وقاعد تحت من صبحية ربنا ما جاش حدتني واصل وحتى معرفاش نوه على ايه

غنوه قالت بابتسامه....طالت ولا قصرت ده ابوكي لو زعل منك مسيره ياجي يصالحك انتي بس استهدي بالله و قولي يا رب 

شروق قالت بدموع ....يا رب يا رب انت العالم بحالي اوقف معايا يارب لجل حبيبك النبي

عند نوح كان  في اوضته منزلش منها من الصبح  بيحاول يستوعب كل اللي بيحصل وبيحاول بفكر بس موصلش لاي حل

جات سماح الخدامه وقالت من ورا الباب .....احم  نوح بيه عمك عايزك 

نوح فتح الباب بسرعه وبصلها وقلبه هيوقف من التوتر وقال...عايزني ليه 

 سماح نزلت عيونها في الارض وقالت ... بيقول لجنابك المأذون وصل  تحت

 نوح غمض عنيه بوجع شديد وحس زي ما يكون حد ضربه في قلبه بسكين وهز راسه بالموافقه بيأس وقال ....قولي له نازل

 بعد دقايق نزل ولقى عمه قاعد ومعاه المأذون والشهود واول ما شافوا قال للماذون....ابدأ ياشيخ جابر اكتب الكتاب قوام

وبالفعل بداوا في اجراءات كتب الكتاب

و الماذون قال.... مش ناخد راي العروسه

 حكم بصلو بحده وقال... العروسه موافقه انا ابوها خلص وانا هطلع لها الدفتر تمضي 

الماذون هز راسه بالموافقه باستغراب من حالهم وخلص كتب الكتاب وادى القلم لنوح علشان يمضي 

نوح مسك القلم وحس بايديه بترتعش لاول مره ورفع عينه لعمو اللي بصله بغضب وقال ...امضي يا نوح

اتنهد بحزن وفعلا مضى وهو متدمر حرفيا خصوصا لما جات عينه على صوره لاخوه على الحيط نزلت دمعه على خده وهو حاسس انه مش قادر يبص حتى للصوره ازاي ممكن يواجهه  لما يبقى قدامه

الماذون قال ....ودوا الدفتر للعروسه تمضي

سماح  زغرطت بس زعق فيها نوح بغضب شديد وقال ....اتكتمي يا بت اكتمي لاقطع لك لسانك ده من حلقك 

سماح اترعبت من صوته وجريت على المطبخ وحكم اخد الدفتر وطلع بيه لشروق

 عند شروق كانت مش فاهمه اي حاجه من اللي بتحصل تحت وفجأه ابوها فتح الباب بغضب وقال ...خدي امضي يا فاجره ورمى الدفتر على السرير جمبها

شروق اتسعت عنيها بزهول وقالت بخوف....ام..امضي على ايه يا بوي

 ابوها بصلها بغضب وقال.... تمضي على خيبتك وورقة رخصك...تمضي عقد جوازك يا عروسه جوازك من ود عمك اللي ما طايقش يبص في خلقتك... ويبص في خلقتك ليه وهو حصل منك كل حاجه بالساهل 

شروق قالت بزهول....يامري ..يامري  لا يا ابوي والله ما عملت حاجه ما عملتش حاجه ...نوح لاه نوح  ما عايزنيش يا ابوي لو مش علشاني علشانه هو مقدرش اقعد مع واحد مضايقنيش يا ابوي

بس فاجئها لما ضربها قلم قوي وقعها على السرير وقال.... ما جاييش اتساير معاكي يا خاطيه يا بت الرفضي امضي بقولك الرجاله تحت مستنين

هويده  قربت منها وقالت بتوتر.... امضي يا شروق امضي يا حبيبتي 

شروق كانت بتبكي جامد وغنوه حطيت لها الدفتر مع رجلها ومسكت لها القلم وقالت....اسمعي كلام امك وابوكي وامضي  يا شروق وكل حاجه هتتحل

شروق مسكت القلم ومضت وهيه بتبكي جامد و قلبها وجعها حرفيا طول عمرها بتحلم باللحظه اللي تكتب كتابها على نوح بس عمرها ما اتخيلت انها ممكن تبقى بالشكل ده وهو مغصوب عليها

ابوها اخد منهم الدفتر  ونزل بغضب

 وهيه حضنت غنوه وبقت تبكي جامد

حكم نزل بالدفتر وشاور للرجاله طلعوا بره ضربوا نار علشان الناس تسمع

ونادى لنجاتي وقال.....اسمع  هتعزم كل البلد طلع العربيات بالمكروفونات و ادعي كل البلد... فرح النايب نوح الحاكم على بنت عمو بكره بالليل الكل لازم يعرف الخبر فهمت

نجاتي هز راسه بالموافقه وطلع وهو بيبص لنوح بحزن مكانش عارف بالي حصل بس شكل نوح كان مزعله جدا

الماذون مشي والشهود كمان

نوح وقف وقرب منه وقال بتوتر .....بكره ....بكره طوالي يا عمي 

بقلم...زهرة الربيع

عمو بصلو بسخريه وقال..... اه بكره ولا لسه عايز تدرس اخلاقها 

نوح قال بتوتر ...انا قصدي يا عمي بكره قريب قوي خلينا نستنوا سند ونحاول نمهد له الموضوع او ...

حكم قاطعوا وقال بغضب.... سند في جميع الاحوال هيعرف بلاش تعمل نفسك قلبك عليه ...انت اللي عملت فيه كل ده..يشهد ربي انا كت هقنع البت وامها بيه وكنت هجوزها له ...اللي بيحصل له النهارده ده بسببك انت يا نوح انت وبس

 نوح قال بسرعه وزعيق ... عظيم بيمين ما عملت حاجه يا عمي انا...

بس قطع كلامه بصدمه شديده لما دخل سند وقال بسعاده ..هو يوم  واحد لكن اتوحشتك يا ود ابوي

 وجري عليه زي الطفل الصغير حضنه بسعاده وهو مبسوط جدا 

نوح كان واقف زي التمثال هو وعمو ومصدومين جدا لانهم فاكرينو هيجي بعد يومين

سند ميل على نوح وقال بسعاده ما تتوصفش.....عم جابر الماذون كان طالع من عندينا كنتو بتحددوا لنا معاد وياه صح...والله ووفيت بوعدك يا ود ابوي من اول ما دخلت و لقيتك واقف مع عمك كده عرفت انك كلمته قلت له صح حتى وانا وجاي كمان سمعت ضرب النار من عندنا ربنا يخليك ليا

 نوح كان واقف مش بيرد ومتمني الارض تبلعه حرفيا مش قادر يبص له او يرد عليه 

وسند كان في قمه السعاده وفاكر انهم كانو بيحددو معاد جوازه من شروق مع المأذون  بص لعمو وحضنه وقال بسعاده ....والله يا عمي انا هساعدها وما هخليها تشكي لك مني واصل محدش هيحبها قدي من اساسه

عمو غمض عينيه بحزن شديد وبصلوا والدموع هتنزل من عيونه وقال ....سند يا ولدي الجواز قسمه ونصيب 

وبص لنوح اللي بقى يهز راسو بالرفض بدموع بس اتنهد وقال بحزن شديد ...الماذون كان هنا لاننا كتبنا كتاب شروق بت عمك على نوح والدخله بكره 

سند مبانش على ملامحه اي علامات دهشه او صدمه لان الكلام لسه ما استوعبهوش اصلا او زي ما يكون ما سمعوش بقى يبص لهم لدقايق بطريقه مش مفهومه بس اتسعت عنيه بزهول شديد لما بص لنوح وشاف دموعه على خده وهنا اخيرا استوعب الجمله اللي قالها عمو ووووو

مين... مين كتب كتابه على مين.. انا ...ايه الجمله اللي سمعتها دي ها يا نوح بيقول ايه... قصده ايه

 نوح حاول يرفع عينه او ينطق  بحرف بس زي ما يكون لسانه اتربط مقدرش يتكلم ابدا 

سند حس الارض بتدور بيه وهو كل شويه يتاكد ان اللي سمعه مظبوط مسكو من جلابيته بغضب وهو بيهزه وبيقول بزعيق شديد ....يا نوح ما تقعدش ساكت كده.. اتكلم يا ود ابوي قول حاجه.. قلبي هيوقف انطق

 هنا نوح قال بالم شديد... انا اسف ...اسف قوي يا سند حقك على راسي يا ود ابويا لو قلعت جزمتك واديتني بيها دلوقتي مهزعلش منك

 سند سابوا بزهول ورجع خطوات وهو بيقول بصدمه....لا لا لا انتو انتو بتضحكوا عليا صح ...مهصدقكمش اصلا ما هصدقكمش... انت وعدتني ...وانت كمان يا عمي انت كمان قولت لي شروق ليك يا سند.. ما تعملوش فيا كده انا محاملش الهزار ده ... انا هسال شروق... ايوه هسال شروق

وبقى يزعق بصوت عالي وقال ....شروق يا شرووووق

وجري ناحية  السلم وهو مش شايف قدامه

عند شروق لطمت على خدودها اول ما سمعت صوته وقالت..يا مري ده سند شكله عرف.. ما هيسكتش واصل مهيسكتش

غنوه  بصت لها باستغراب وقالت..و هو سند دخله ايه بيكم

شروق نزلت عيونها في الارض وقالت.... ما لوش دخل بس كان فاكر ان هو اللي هيتجوزني 

غنوه قالت بزهول ..هو مرار راكب جرار خليكي هنا ما تطلعيش من الاوضه

 ونزلت هي جري تشوف ايه اللي بيحصل

سند جري بسرعه كان هيطلع بس قبل ما يطلع عمو مسك ايده بغضب شديد وقال ....استنى هنه يا سند مش انا اللي بكلمك وبقول لك خلاص كل حاجه خلصت.. فوق لنفسك خلاص يا ولدي لا انت اول ولا اخر واحد مش من نصيبك يا ولدي مش من نصيبك خلاص

سند دفع ايده بغضب وقال بزعيق.... يعني ايه مش من نصيبي لا يا عمي لاه.. بتك نصيبي ومش نصيب اي راجل غيري محدش هياخدها مني هملنيي 

وزعق باعلى صوته  وقال ....يا شروووق

 حكم اتنرفز جدا  ومسكه من دراعاته بغضب وهو بيهزه بعنف وقال ....اتكتم خلاص فضحتنا لما انا هقول لك خلاص يبقى خلاص اخوك لازم يتجوزها ما عنديش حل تاني.. يا ريت كان عندي حل تاني يا ولدي يا ريت

 سند بصله بصدمه واستغراب شديد وقال.. يعني ايه معندكش حل تاني ليه ...ايه اللي حصل في غيابي 

حكم بص لنوح  اللي هز راسه بالرفض بسرعه عيونه بتترجاه ما يقولش بس هو غمض عنيه واتنهد ونزل عيونه في الارض بحرج شديد وقال... نوح وشروق غلطو سوا...احم اخوك دخل عليها امبارح كان لازما ولابد يكتب عليها قبل ماحد يدرى

بقلم...زهرة الربيع

 سند التفت لنوح بسرعه وذهول ميتوصفش 

نوح بقى يبص له بدموع وقال بسرعه... احب على يدك تسمعني لو ليا خادر عنديك يا سند 

 بس سند بقى يرجع لورا وهو بيبصلو بصدمه ومش سامع اي صوت حواليه وفجاه وقع من طوله 

 غنوه كانت نازله و جريت عليه في اخر لحظه سندته ونزلت بيه على الارض وهو على رجلها وهي بتقول بزهول وخضه ...يا مري مالك يا ود الناس هاتوا دكتور ..دكتور بسرعه

 سند بقى يبص لها بتوهان شديد وغاب عن الوعي بين ايديها عمو جري عليه وهو بيحاول يفوقه ونوح كان واقف مصدوم بيبص لهم وبس مش بيتحرك ولا بينطق

 حليمه نزلت جري على السلم وهي بتصرخ باسمه وبقت تحاول تقوم فيه وهي بتقول.... يا مر يا ولدي يا حبيب قلب امك قولتولو ايه... عملتو فيه ايه منك لله يا نوح انت السبب يا حبيبي يا ولدي 

نوح حس ان كلامها شق قلبه شق بقى يهز راس بعنف بالرفض وقعد على الكرسي بصدمه وهو مش مصدق ان هو السبب في الحاله اللي اخوه فيها دي و بقت تعدي الاحداث قدامه وهو شبه مش شايف حاجه ولا سامع 

 عمو اتصل بالدكتور والغفر اخذو اخوه على اوضته وكل حاجه بتمر قدامه ببطء و هو حتى مش قادر ينطق

غنوه بصت عليه بحزن وشفقه و قربت منه وقالت ....طالما ربنا عايز كده يبقى خير ..انت مهتبقاش ادرى منيه

 نوح رفع عيونه ليها وبصلها لثواني بتوهان وقام وطلع على اوضته من غير ما ينطق

 وهيه متابعاه بعيونها وقالت بحزن... لا حول ولا قوه الا بالله ...الراجل كان كيف الاسد باقي مقادرش يصلب طوله ...ما شاء الله عليكي يا غنوه المكان اللي تفوتي فيه تطربقيه على دماغ اصحابه فقريه مع مرتبة الشرف

ولسه هتمشي سمعت صوت بكاء التفتت وراها شافت حليمه قاعده على الارض حاطه ايديها على دماغها وبتبكي على الحاله اللي وصلت ابنها ليها بايديها 

غنوه قربت منها وابتسمت بسخريه وقالت... اللي يحاول يحرق قلب حد لازم ينوبه من صنع يده.... ان ربك لبالمرصاد يا ست حليمه 

وطلعت وسابتها بتبص لطيفها بغضب 

في الاوضه عند سند 

 عدى وقت كبير لحد ما قدر الدكتور يفوقه وبص لعمو وقال ...الحمد لله هو احسن دلوك والابره اللي اديتها له هتخليه  يتحسن كمان 

حكم بص له وقال بحزن.... شكرا يا دكتور ربنا يحسن ما بين اديك ونادى لنجاتي وقال.... روح وصل الدكتوره يا نجاتي  وهات الروشته 

نجاتي قال ... امرك يت حكم بيه ومشي مع الدكتور وفضل حكم مع سند اللي ما كانش بيرد ابدا وباص قدامه بشرود ودموعه متعلقه في عيونه رافضه النزول وشكله كان يوجع القلب قوي 

حكم اتنهد لما شاف حالته قعد على  السرير جنبه وقال... احنا لحالنا دلوك ما تضغطش على نفسك اكتر من كده  .. ابكي يا سند الدموع مهيش ضعف واصل يا ولدي بالعكس الدموع لو فضلت جواتك بتخلق القسوه  والقسوه هي اللي ضعف وقلة حيله يا ولدي

 سند اتكلم بالعافيه وقال.. عملت فيا كده ليه ياعمي ليه تخلوني اخسر كل حاجه في يوم ..كيف..كيف هونت عليكم انتو الجوز

 حكم قال بسرعه.... انت ولدي يا سند انا ربيتك على اديا بعد وفاه ابوك الله يرحمه... والله يا ولدي ما ليا صالح امبارح كان يوم مشؤوم يوجع القلب

ونزل عيونه بحرج شديد وقال.... صحينا لقيناهم سوا في اوضتك كان لازم اعمل كده قبل ما حد بره يشم خبر كان لازم استر عرضنا يا ولدي انا لو اتفضحت كلكم هتتفضحوا معايا ولو علي انا من ساعة اللي حصل ده ما بقاش عندي بنات بتي ماتت وقت ماوطت راسي وكشفت عرضي وحتى اخوك مش هسامحه

 ولسه هيمشي سند قال بجمود.... انا كمان ما بقاش عندي اخوات مش عايز اسمع كلمه اخوك ده تاني 

حكم بصله بسرعه وسند كمل بغل وقال....وحياة رقدتي دي وحرقة قلبي والامل اللي اداهوني واخدوا مني في غمضه عين ما هعديها له يا عمي و اللي بيني وبينه من النهارده نار مهتطفاش

 حكم بصله بزهول وقال بسرعه..... لاه لاه يا ولدي انتو  اخوات والاخوات ما تفرقهمش مره واصل... نوح غلط..غلط قوي بس ده ود ابوك وهو سندك في الدنيا و....

بس  قاطعو بغضب وقال....انا سندي ربي وبس يا عمي والحديت ده خلصان ...بكره هرقص في فرح بت عمي وجوزها وانقطهم كمان انا اغلى واعز من اني افضل ابكي على مره بس من النهارده هو اللي هيفضل يبكي طول عمره على اللي عمله ده 

حكم كان هيتكلم  بس شاف الغضب في عيونه  اللي بتشع نار اتنهد بياس وشاف ان ما فيش اي فايده يكلمه دلوقتي خرج من عنده وهو قلقان جدا بسبب كلامه

  سند اتنهد وغمض عنيه ونزلت دموعه على خده مسحها بسرعه وحط ايده على قلبه بألم شديد وهو بيبص قدامه بغضب وغل اول مره يحس بيه

 في صباح يوم جديد سند صحي من النوم بخنقه لما افتكر اللي حصل وقام خد شاور ولبس هدومه ولسه هيطلع جات عينه على السله وشاف فيها مفرش من بتوعه

واستغرب انو في السله مسكو باستغراب بس اتفاجئ لما لقى عليه دم و افتكر لما عمو قاله... لقيناهم في اوضتك

 ضم ايديه بغضب شديد وحس بنار في قلبه حرفيا لمجرد التفكير ان نوح لمسها طلع بغضب شديد وبقى ينادي على الخدامه بزعيق وغضب رهيب

سماح  جات بخوف وقالت.... نعمين يا سي سند

 سند قال بغضب وزعيق ....انتي اللي نضفتي الاوضه امبارح

قالت بتوتر... ايوه.. ايوه انا

 سند قال بغضب اشد....مرمتيش الزباله اللي جوه دي ليه...  غوري فضيهم واغسلي الاوضه بحيطانها  وطلعي المرتبه دي وهاتي اي مرتبه غيرها من الاوض الفاضيه سامعه

 سماح انتفضت بخوف وقالت ..امرك..امرك 

وجريت على الاوضه وهو لسه هيمشي شاف شروق طالعه من الاوضه كانت عايزه تروح لامها بس اول ما شافته رجعت تاني على اوضتها  بس وقفها لما قال ....صباحيه مباركه يا بت العم ..معلش متاخره بس مكنتش موجود علشان اقولها لك 

شروق اتوترت قوي لما عرفت انه عرف كل حاجه وبلعت ريقها بخوف وفضلت واقفه مكانها 

سند قرب منها وقال بغضب .... ومبارك عليكي كمان جوازك من نوح حبيب القلب اللي كنتي متمنياه.. معارفش الصراحه ابارك لك على ايه ولا ايه 

شروق حاولت تتكلم تقولو اي حاجه كان صعبان عليها جدا رغم كل ده نطقت بالعافيه وقالت ....انا عارفه انك زعلان بس يمكن ربنا حايش لك حاجه احسن و...

بس قاطعها لما قال بغضب.... اي حاجه هتكون احسن وانظف من اللي غدرت باهلها وباعت شرفها عشان تتجوز واحد مطايقهاش وقرب لها تسليه وشه،وه رجال مش اكتر

 شروق بصت له بزهول وعيونها بيلمعو بالدموع وهو قرب وبص لعيونها بغضب وقال بوجع شديد.... هسالك سؤال واحد بس ...ليه في اوضتي وعلى فرشتي.. كنتي حاسه بايه وانتي بتعملي  كده مجيتش على بالك واصل 

شروق كانت ساكته ومنزله عيونها في الارض وهو زعق بغضب شديد وقال..ردي  ما تسكتيش كده 

شروق انتفضت بخوف ودموعها بقت تنزل بغزاره ولسه هترد خرج نوح من الاوضه واول ما شافته جريت دخلت اوضتها بسرعه وكسوف ما كانتش قادره تواجهه ابدا 

سند اول ما شافه ابتسم بسخريه وقال ....شكلها عروستك لسه بتتكسف منك... غريبه يعني لسه فيه كسوف بينكم

 نوح اتنهد وقال بحزن ....انت عامل ايه دلوك

 سند ضحك بسخريه وقال..... لا يا ود ابوي متقوليش بتطمن علي.. حلوه قوي دي... على العموم انا بقيت زين قوي ما تخافش  ولا عشره زيك ولا زيها يرقدوني اكتر من ليله 

وقرب منه وبص لعيونه بتحدي شديد وقال بغضب... سألتها سؤال بس ملحقتش تجاوب عليه.... ليه كنتو في اوضتي يا نوح للدرجه دي انا مفارقلكش واصل

وقبل ما يرد سند  قال بسرعه وسخريه .... انا بقول ايه اصلا هو انا لو كنت فارقلك كنت عملت كده من اساسه

 نوح قال بسرعه..... ورحمه ابوي انت فاهم الموضوع كله غلط وانا لو عارف كيف ده حصل كنت هشرح لك واقول لك و...

 بس قاطعه لما قال بغضب شديد..... لا لا لا  ما تشرحش حاجه من هنا ورايح اسمع وبس كفاياك شرح ....بعد ماوعدتني انك هتجوزهالي واجي الاقيك انت اللي متجوزها ما عادش في حاجه تتقال ولا هصدقك تاني يا نوح... العبيط خلاص فاقلك يا ود ابوي من النهارده الراس بالراس والعين بالعين وكل اللي كنت فايتهولك بمزاجي هاخده منك الطاق طاقين..و استنى مني نقوطك الليله وهديه فرحك يا عريس

و مشي وسابه واقف بتوتر من الغضب اللي في عيونه ومن كلامه الغريب

 بالليل كانت الاضويه في كل مكان والعشا نازل للبلد كلها  وضرب النار  في كل مكان  والزغاريد والرقص الكل فرحان لكبير البلد 

عند شروق في اوضتها كانت لبست وجهزت وبقت عروسه زي القمر بس دموعها مش بتقف وكل ما يصلحولها المكياج تبوظه بدموعها 

 دخلت امها وخرجت البنات اللي كانوا بيزوقوها وقربت منها وباست جبينها وقالت بفرحه..... مبروك يا حبه عين امك مبروك يا قلبي

شروق قالت بدموع ....بتباركيلي على ايه ياما على  وجع القلب اللي انا فيه 

هويدا قالت... وجع قلب ليه يا بتي انتي بتتجوزي من الراجل الللي طول عمرك تتمنيه ومناكي بيتحقق اها زعلانه ليه

 شروق قالت بدموع ....ما انتي عارفه اللي فيها ياما نوح مطايقنيش انا عمري ما اتمنيت اتجوز كده..زعلانه على  حالي على الظلم اللي اتظلمته وانا ما عارفاش حاجه ..وزعلانه على نوح انه بيعمل حاجه مش عايزها وانه بيتجوزني مغصوب زعلانه على حزنه ووجع قلبه يا اما

هويدا ابتسمت وقالت .. هي البنت غنوه فين

شوف قالت باستغراب.... راحت مع الغفر تزور اخوها..ايه فكرك بيها دلوك

هويدا قربت منها وقالت... زين قوي يعني ما فيش حد هنه غيرنا.. يبقى اسمعي كويس اللي هقوله لك نوح ولا مغصوب عليكي ولا حاجه ...فكري فيها واعقليها مين اللي ممكن يكون جابك اوضة سند بالطريقه دي غيره وهو اللي كان نايم جنبك وكمان ايه وداه اوضة سند اكيد لانها مركونه ومحدش هيحس بيه

 شروق بصت لها بزهول ومسحت دموعها وقالت... قصدك ايه مفهماش

 امها قالت بهمس..... قصدي ان العمده دايب فيكي دوب بس علشان اخوه رايدك وهو عارف ان ابوكي ناوي يجوزك لسند وهو مهيقدرش يوقف الجوازه عمل اللي عمله ده علشان ابوكي يوافق فهمتيني 

شروق قالت بدهشه....لاه ياما اكيد لاه نوح بيحب اخوه و..

بس قاطعتها وقالت ... ما هو بيحب اخوه بس طالما انتي مريداش اخوه  يبقى من مصلحتو متتجوزهوش

شروق قالت بلهفه ....تقصدي ان هو عمل كده علشان يتجوزني ...امانه ممكن يكون كده صح ياما

 هويدا قالت بسرعه ....صوح الصوح يا قلب امك بس انا عايزه منك طلب..انتي لازم تقربيه منك اكتر لازم تعملي اللي تقدري عليه الليله علشان يقرب منك علشان تبقي مرته صوح  فهماني مش كده

شروق قالت بكسوف.... فاهمه ...فاهمه ياما 

هويدا ابتسمت وقالت... جدعه يا قلب امك ...نوح من حقك من زمان انتي بتحبيه من اول ما عرفتي يعني ايه حب لازم تحافظي عليه وتخليه يعشقك كمان وكمان... انا سبت لك طقم حلو قوي في الحمام لما فرشنا الاوضه تلبسيه وسيبي الباقي على الايام

 شروق بقت تبص للمرايه بفرحه وهي مش مصدقه وقالت بسعاده شديده... انا ممصدقاش يعني نوح بيحبني وعمل كده علشان يتجوزني ده احلى يوم في حياتي كلها 

بره كان نوح بيستقبل الناس وبيبتسم قد ما يقدر في وشهم ويستقبل المباركات والتهنئه وهو مخنوق جدا

هو و عمو اللي كان بيرسم قدام الناس انه مبسوط بالجوازه رغم انو مش طايق الوضع كلو

 التفتوا كلهم على صوت ضرب النار الشديد يبصوا على صوت الضرب وكان سند هو اللي ماسك السلاح  وابتسم لهم بخبث وطلع مبلغ كبير اداه للفرقه وقال... الليله فرح كبيرنا جناب النائب المستشار نوح باشا يعني فرحنا كلنا 

ورمى لنوح عصايه مسكها بسرعه قبل ما تخبط فيه وهو بيبص له باستغراب و سند ابتسم ورفع عصايه وقال.... وسعوا الساحه العمده هيلاعبني بالعصايه خليكم فاكرين لعبة العصايه ما فيهاش اخوه واصل يعني الفايز فايز بدراعه ...انزل يا عمده 

بقلم....زهرة الربيع

حكم بلع ريقه بتوتر ونوح كمان ارتبك والناس بقت تهلل وتسقف فاضطر ينزل يواجهه وهو بيحاول يبان طبيعي

 بداوا يرقصوا بالعصايه سوا كان الموضوع في البدايه هادي زي اي اتنين بيلعبوا سوا بس بعد كده ضربات سند بقت تبقى اشد ما كانش من نوح غير انه يدافع وبس بالعصايه لانه مش عايز يأذيه ولا يحاول يضرب

 بس سند كانت ضرباته بتذيد وتبقى اعنف واشد وهو بيبصله بحقد وغل 

نوح كان بيحاول يحمي نفسه قد ما يقدر بس سند قدر يخبطه في ذراعه وقع العصايه من ايده ولسه هينزل عليه بس وقف في اخر ثانيه و ابتسم بسخريه ورفع عصيته للناس اللي بقم يحيوه ويسقفوا له

بس سكتو  فجاه لما دخل حميد اخو غنوه وهو بيعرج وفيه دم على هدومه وجري على  نوح مسكه من هدومه وهو بيقول بزعيق ورعب.... اختي فين.... غنوه  فين يا عمده انت وعدت انك هتحميها  ما بقيتش قد كلمتك ليه

نوح اتسعت عنيه بزهول ودفع ايديه بغضب وقال.... انت بتقول ايه يا حميد اتجنيت خلاص اختك مش كانت عنديك مع الغفر

حميد  لسه هيرد نجاتي قال بخوف ..حصل جنابك بس احنا وجايين على هنه وحميد كان معانا لاجل يطمن عليها بس طلعو علينا جماعه على الطريق ضربونا وخطفوها 

 نوح ما كانش مستوعب اللي بيحصل ومين ممكن يتجرا يعمل كده وقبل ما يتكلم حسنين وقف ورفع سلاحه هو وكل رجالته وقال بغضب شديد ...اه هيه دي بقى خطتكم الجديده عشان كده خليتو البت هنه عشان تقولو انها اتخطفت وتمنعونا ناخد حق ولدنا ....البت دي لو ما جاتش هقلبها دم  وعليا وعلى اعدائي

نوح كان مصدوم من كل اللي بيتقال و اتصدم اكتر لم سند ابتسم بخبث وتوعد نظرة اخوه مستحيل يتوه عنها اتسعت عنيه بزهول  لما فهم  ان ده تهديده اللي يقصده وووو

اختي لو مظهرتش هتبقى خراب على الكل انت وعدت قدام كل اهل البلد انك تحميها يا عمده وانا سبتها في حمايتك

نوح فهم الموضوع كله من نظرات اخوه واتأكد ان غنوه معاه قاصد يستفزه ويصغروا قدام رجاله البلد ويفهمهم انه ما قدرش يحمي البنت اللي كانت في حمايته لا وكمان اهل جوزها المقتول فكروا ان نوح هو اللي هربها عشان ما تتعاقبش 

نوح كان في موقف لا يحسد عليه ابدأو يتخانقو اهل حسن مع اخو غنوه وهنا نوح ضرب طلقتين في الهوا بغضب شديد وقال بزعيق....بس انت وهو والله القوالب نامت والنصاص قامت.. ايه يا جحش منك ليه بتتخانقو في حضوري 

وبص لحميد بغضب وقال.... انا اللي قولت لك هحمي لك اختك وخليتها عندي واتحملت كل كلام الناس ومرضيتش احكم عليها قبل ما اسمعها مع اني كنت قادره اسلمها لهم وكان زمانك بتترحم عليها.. جاي دلوك تقل ادبك من غير ما تفهم ولا تسمع انت كده اللي هتخليها خراب على الكل باللي بتعمله ده يا حميد

 حميد نزل عيونه في الارض بتوتر وقال ....مقصديش جنابك بس احب على يدك غنوه دي مش بس اختي دي كل حاجه ليا وعرضي وشرفي رجعلي اختي وانا معايزش منك حمايه انا هحميها بمعرفتي وهفديها بروحي 

نوح هديت ملامحه لما كلمه بالطريقه دي وحس بحزن عليه هو فاهم انو اتخض على اخته بس قبل ما يرد حسنين قال بغضب ...البت دي  كان لازم تسلمها لنا من الاول يا عمده دي واحده قاتله وحقنا عنديها وحق ولدي مش هفرط فيه واصل

نوح مسح على وشه بخنقه وقال... طيب انت ليك حق عند البت و هو ليه حق عندي ان اختو ترجعلو ..وانا قدها هرجع له اخته وهرجع لك حقك... بس هملوني احل الموضوع ده ..ده موضوع فيه روح بني ادمه يعني لازم نتأنى فيه ولو على اختك يا حميد انا هرجعها لك روح على دارك دلوك وانا هرجع اختك واطمنك عليها ..وهقدر اخليها تتحدت وتقول اللي جرى معاها وكل واحد يرجعله حقه زين كده

حميد لسه هيتكلم ويرفض انه يمشي قاطعه نوح وقال.... الكلام خلصان يا حميد ما تزعلنيش منك روح دلوك اختك عندي انا هرجعها 

حميد اطمن شويه لما قال كده ....وحس انه ممكن يكون كلام حسنين صح وان هو اللي مخبي غنوه عشان ما يتغدرش بيها في الفرح مشي بتوتر وقلق ورجاله حسنين مشيوا بغضب 

نوح ضرب طلقتين في الهوا وقال.... خلاص كده كل واحد على داره فضينا الفرح منجلكمش في حاجه وحشه 

 وشد سند من ايده ودخل بيه البيت تحت انظار الجميع اللي بقوا يستغربوا ومشيوا وهما بيتكلموا في الموضوع 

حكم اتنهد وقال.... استر يا رب ودخل وراهم عشان يعرف ايه الحكايه

 عند سند دفع ايد نوح بغضب وقال...هملني هو انا عيل صغير مجرجرني وراك 

بقلم..زهرة الربيع

نوح قال بغضب وزعيق.... حتى العيل الصغير ما كانش هيعمل عملتك المهببه اللي عملتها النهارده... هو عشان زعلان مني تجرسنا كده قدام الخلق وتطلعنا معرفناش نحمو حرمه في بيتنا

 سند بصله بدهشه وضحك بسخريه وقال..... زعلان منيك... هه زجاي على نفسك ليه ربنا ما يجيب زعل هو انت عملت حاجه تزعل يا عريس 

نوح اتنهد وحاول يحد من غضبه علشان يعرف مكان غنوه فين وقال....ل انا غلطت وغلطي كبير وليك عندي حق وحقك هيفضل معلق في رقبتي وانا هجيبهولك كيفك كيف اي حد من البلد وهتاخده تالت ومتلت بس البنيه ملهاش دخل دي امانه عندينا

سند  ابتسم بخبث وقرب منه و قال بطريقه تقلق... زعلان علشان هي امانه عندينا ولا خايف عليها مني

 نوح بلع ريقه بتوتر وقال... هخاف عليها منك ليه.. انت ناوي على ايه 

سند ابتسم بشر اكبر و قال بطريقه تخوف ...هرجعها متقلقش..بس معاها هديه بسيطه كده حتت عيل على باطها يثبت للناس كلها انك متستاهلش تحميهم ولا تقدر كمان عشان يعرفوا مصلحتهم فين ويعرفوا يختاروا اللي يستاهل الاختيار صح سندهم الجديد 

نوح اتسعت عينيه بزهول وقال... قصدك ايه بالكلام الماسخ ده 

سند ابتسم وقال ....لا انت فهمت قصدي كويس قوي اصلا ما تعديش عليك ...مش انا هنزل قصادك الدايره يا عمده ويمكن ابقى النايب الجديد مباركتش لاخوك يعني يا سياده النائب

حليمه كانت نازله  من على السلم وسمعت كلامهم وزغرطت بشده ده الشيء اللي كانت بتتمناه طول عمرها بس سند ما كانش يوافقها ان يقف ضد اخوه ابدا 

قالت بصوت عالي ...انا اباركلك يا قلب امك اخيرا عرفت مصلحتك 

نوح حلول يسيطر على اعصابه قد ما يقدر وقال ....رجع البت يا سند والباقي لينا كلام فيه

سند اتنهد وقال..كان بودي والله بس ما ينفعش الليله دخلتك يا عريس... صح انت عملت دخلتك قبل سابق بس بردك بعد الجواز حاجه ثانيه واكيد ميهونش عليك تسيب اخوك وحيد زعلان بيفكر في احلامه اللي ضاعت وانت بتتهنى لازم يبقى معاه ونيس والمره دي لقيت احلى ونيس ...البت غزال وانا مش تمثال 

نوح مسكوا من هدومه بشراسه وقال.... لو لمستها ولا قربت لها 

.....

بس قاطعه لما قال بسرعه.... ايوه صح نسيت... نسيت ان عينك كانت منها معلش ما انت عارف تكون في بقك وتقسم لغيرك 

ونفض اديه وضحك وسابه ومشي 

نوح مسح على وشه بخنقه وتوتر وهو مش عارف يعمل ايه ونادى لنجاتي وقال ....نجاتي انت يا هباب 

جه نجاتي جري وقال ...امر جنابك 

نوح اخدو على جنب بعيد من حليمه وقال ...خد  واحد من الرجاله وروحو ورا سند بيه واعرفو راح على فين بالظبط من غير ما يحس بيكم و اوعو يغيب عن عينكم فهمت

نجاتي قال بسرعه ...امر جنابك  ومشي بسرعه

نوح اتنهد وقال...استرها يا رب

ولسه هيطلع على السلم  حليمه قالت بخبث... مبروك يا عمده 

نوح قال بخنقه.... الله يبارك فيكي يا مرت ابوي 

وطلع على اوضته بسرعه وهو اصلا مش قادر يتناقش معاها 

عند شروق كانت في الحمام ماسكه قميص النوم اللي والدتها قالت لها عليه وبتبص له بتوتر لانه كان قصيره مكشوف ومكسوفه جدا تطلع بيه قدام نوح 

بس ظهرت ابتسامه جميله على شفايفها لما افتكرت كلام والدتها لما قالت ان نوح عمل اللعبه دي كلها علشان يتجوزها  ابتسمت بسعاده شديده وقلبها بيرقص من جواها وبدات تبدل هدومها بسرعه وتلبس الطقم ده قالت لها عليه 

نوح طلع الاوضه ولقى باب الحمام مقفول وعرف انها جوه اتنهد بخنقه وقعد على السرير وهو مش عارف ازاي كل ده حصل وخسر كل حاجه فجاه 

خسر اخوه وعمو واحترام الناس وخطيبته وحتى فرح اخوه اللي كان عايز يعملهوله ويفرح بيه اضطر يعمله على حطام قلبه وكل ده كوم وغنوه كوم لوحدها خايف عليها جدا لحسن سند يأذيها كل حاجه حاسس انها اتطربقت فوق دماغه في يوم وليله بس قطع حبل افكاره خروج شروق من الحمام بص لها بطرف عينه ولسه هيتكلم وقف بزهول شديد وهو بيبص لها بصدمه 

شروق قربت منه بهدوء وكانت زي الحوريات تعجب اي حد 

نوح اتصدم جدا وحس انه مش من حقه يبص لها اصلا طول عمرها في نظره مرات سند و بس بص بعيد عنها وقال بغضب ..ايه المسخره اللي انت عاملاها دي

 شروق اتوترت قوي وقالت بحرج...ايه  وحشه ما عجبكش اغيره لو معجبكش فيه غيره كتير

نوح قال بغضب.... ولا هو ولا غيره ...اسمعي يا بت الناس انت عارفه احنا اتجوزنا ليه 

شروق قالت بسرعه..... عارفه وما صدقت اني اتجوزتك ما عايزهاش اعرف ايه اللي حصل مهاممنيش اي حاجه انا ممكن انسى اي حاجه عشانك المهم اننا سوا دي امنية حياتي كلها و

بس قطعت كلامها بخوف لما التفت لها بسرعه وصدمه وقال ....يعني ايه ما همكيش ما همكيش كيف مهمكيش فضيحتك وفضيحة اهلك ...مهمكيش عمي اللي قاطعني واخوي الي عاداني مهمكيش وجع قلبنا كلنا

 شروق لسه هتتكلم قال بصدمه اشد....يعني  اللي فكرت فيه صوح.. انا كدبت نفسي كتير قولت انتي مستحيل تعمليها قولت متحصولش واصل

 شروق كانت بتبص له باستغراب ومش فاهمه قصده بس اتصدمت بشده لما مسكها من رقبتها بغضب و زعق فيها وقال وهو بخنقها ...انتي اللي عملتيها يا فاجره انت اللي جيتي جاري برجليكي و عملتي الحركه الناقصه ده علشان نتجوز

شروق اتسعت عنيها بزهول وحست بروحها بتتسحب وهو بيخنقها بقوه ومش قادره تمنعه او تنطق

عند حليمه  كانت طالعه اوضتها بفرحه واخيرا استفادت حاجه من اللي عملته وسند قرر يترشح قصاد اخوه كمان ما بقاش يطيقوا ده الشيء اللي بتطمح له من الاول بس اتفزعت لما هويدا طلعت قدامها وقالت.... على فين يا حليمه

حليمه اتفزعت وقالت... بسم الله الرحمن الرحيم حد يطلع في وش حد كده سرعتيني

هويدا ابتسمت بسخريه وقالت..ما بلاش انتي بالذات ولا تستعاذي ولا تسمي الله لحسن تتحرقي مكانك وتولعيلنا في السرايا كلها

 حليمه نفخت بغيظ منها وقالت .... عايزه ايه يا هويدا انا راسي وجعاني وعايزه اروح انام ..مش كفايه اللي عملتيه انتي وبتك المحروسه في ولدي 

هويدا ضحكت جامد وقالت بسخريه.... معلش هي بتس كده خبيثه ما حدش يعرف ميته هتبطل خبثها ده وغلبت افهمها  واقولها...ان ربك لبالمرصاد وكل اللي بتعمليه هيجي على راسك في الاخر بس اعمل ايه ودن من طين والتانيه من عجين مبتسمعش الكلام واصل 

حليمه بلعت ريقها وحست انها تقصدها وقالت..احم  بطلي شغل التلقيح ده وقولي اللي معاكي لو فاكره ان انا ليا يد في اللي حصل لازم تعرفي ان انا مهأذيش ولدي ومكنتش اعرف اصلا  انه بايت بره ليلتها يلا بقى همليني في حالي

 ومشيت خطوات بس وقفت بصدمه لما هويدا قالت بسرعه ... وتفتكري لو سند عرف انك انت اللي خسرتيه المره اللي كان هيموت عليها  هيعمل ايه..ده انت اكتر واحده عارفه هو رايدها كيف

عند سنه كان ماشي بعربيته مسافه طويله وبقى يلف في شوارع كتيره وعربيه نجاتي هو وواحد من الحرس كانو وراه بيراقبوه وهيتجننوا من كتر ما كان بيلف في اماكن كتيره

بس الاسوء انو فاجأهم وطلع سلاحه وضرب رصاصه في العربيه بتاعتهم 

عجلة العربيه نزلت على الارض و العربيه كانت هتتقلب ووقفت باعجوبه ونزلوا بسرعه وهم بيحاولوا يغيروا العجله بسرعه بس طبعا كان سند اختفى وسط الزحمه وقدر يهرب منهم 

بقلم..زهرة الربيع

في مكان غريب يشبه اسطبل الخيول كانت غنوه نايمه على الارض ومربوطه اديها ورجليها وبقها

سند فتح الباب ودخل عندها وقفل  الباب وراه واتنهد بخنقه وقال بسخريه.... واه لساتك مكانك حطت يدي ولا اتحركتي كده ولا كده مينفعش  الحركه مطلوبه بردك

 غنوه اتغاظت جدا من كلامه وبقت تهمهم بتحاول تتكلم بس اللزق بيمنعها

 سند اتنهد وقرب منها نزل لمستواها وقال ....فيه ايه يا بت الجزار  الضيافه معجباكيش ولا ايه ده انا حاجزلك فندق خمس نجوم 

غنوه احتدت عنيها بغضب اكتر وبقت تحاول تتكلم تاني 

سند اتنهد وقال... ليه حاسك بتشتمي بس يلا ما انا اتداس عليا من الكل ما جاتش عليكي

و طلع سيجاره وبقى يشربها وقرب منها وهو بينفث دخانها في وشها وقال... اخوكي جيه على الفرح كان قلقان عليكي قوي 

غنوه انتبهت لما سمعت سيرة اخوها 

سند بقى يبص لها  وقال ....نوح وعده يرجعك واحنا معايزينش نقلل من العمده عاد فعايزك تسمعي الكلام علشان ترجعي بسرعه 

غنوه كانت بتبصلو باستغراب ومش فاهمه اي حاجه

وهو رمى السيجاره وراه  وبص لها وهو بيفتح زراير قميصه وقال بغل...الليله  دخلته على واحده كانت من حقي طول عمرها كمان الليله دخلتي على واحده من حقه واتمناها كتير ...هي اكيد مش قد بعضها بس حاجه احسن من ولا حاجه 

غنوه بصتلو بزهو و بقت تهز راسها بالرفض بسرعه وصدمه 

سند مشى ايده على خدها وقرب اكتر وقال.... ما تخافيش كده امال انا حنين قوي...ولو اعقلتي مهقساش عليكي

لاكن غنوه بقت تهز راسها بالرفض بسرعه وخوف 

سند ابتسم بسخريه وقال ...ايه ما عايزاش

 غنوه هزت راسها بالرفض اكثر واسرع

سند استغربها وقال ...ايه يعني ده عيزاني يعني ولا ايه

 غنوه هزت راسها بالموافقه جامد جدا

سند  رفع حواجبه بدهشه  وشدها ليه جامد وقال..... يعني عايزاني طب مش كنتي تقولي من زمان ... تعرفي حتى انا حاسس اني سامع صوت شكشكت قلبك وحاسس بصهج حامي قوي من قربك 

غنوه استغلت قربه وضربته بدماغها في دماغه بغيظ وهي بتهز راسها بطريقه مش مفهومه جنونيه 

سند استغربها جدا وقال....يابت الغداره بتضربي بالدماغ ليه دلوك ...عايزه تقولي حاجه انت عايزه تقولي ايه بالظبط

 وسحب  اللزق من على بقها

وهيه صرخت فيه جامد وقالت .... النااااار النار مكان ما رميت السيجاره هتحرقنا يا ود المحروووق 

سند التفت وراه بسرعه واتفاجئ لما لقى النار مسكت في الزريبه وراه ووووو

اخوي دخلته الليله على المره اللي كانت طول عمرها من حقي وانا كمان هحرموا حقه وهدخل عليكي الليله

لاكن غنوه بقت تهز راسها بالرفض بسرعه وخوف 

سند ابتسم بسخريه وقال ...ايه ما عايزاش

 غنوه هزت راسها بالرفض اكثر واسرع

سند استغربها وقال ...ايه يعني ده عيزاني يعني ولا ايه

 غنوه هزت راسها بالموافقه جامد جدا

سند  رفع حواجبه بدهشه  وشدها ليه جامد وقال..... يعني عايزاني طب مش كنتي تقولي من زمان ... تعرفي حتى انا حاسس اني سامع صوت شكشكت قلبك وحاسس بصهج حامي قوي من قربك 

غنوه استغلت قربه وضربته بدماغها في دماغه بغيظ وهي بتهز راسها بطريقه مش مفهومه جنونيه 

سند استغربها جدا وقال....يابت الغداره بتضربي بالدماغ ليه دلوك ...عايزه تقولي حاجه انت عايزه تقولي ايه بالظبط

 وسحب  اللزق من على بقها

وهيه صرخت فيه جامد وقالت .... النااااار النار مكان ما رميت السيجاره هتحرقنا يا ود المحروووق 

سند التفت وراه بسرعه واتفاجئ لما لقى النار مسكت في الزريبه وراه اتسعت عنيه  بزهول وقال... يا ليله طين 

و بص حواليه وكان فيه حوض كبير مليان ميه اللي كانت بتشرب منه الخيل

جري عليه وبقى يكب منو على النار بس طبعا لانها زريبه  النار بقت تمسك في المكان بسرعه رهيبه

 سند اتخض من المنظر وبص على غنوه وخاف يحصلها حاجه قام شالها بسرعه ورماها في الحوض بتاع الميه 

غنوه اتسعت عنيها بزهول وحاولت تخرج بس معرفتش  لانها مربوطه

و هو بدا يطفي النار بالميه وبقطع من البطاطين التالفه موجوده في المكان وهو مخضوض جدا 

وبعد شويه قدر يسيطر على الحريق بصعوبه وقعد على الارض واتكأ على الحوض بتعب وزهول

 عند نوح كان حرفيا هيخنق شروق وروحها هتطلع في ايده وهيه كانت بتضربه ضربات ضعيفه بتعب شديد

بس مكانش بيسيبها وبيزعق ويقول..انتي اللي عملتي كده صوح انطقي اتكلمي هطلع روحك يا فاجره يا عايبه 

شروق بقت تبصلوا بدموع وهيه مستنيه يموتها وترتاح بعد اللي سمعته

بقلم...زهرة الربيع

 بس نوح ما قدرش يكمل ويموتها ودفعها بغضب شديد على السرير وبصلها بقرف وقال....عمري ما امنت  للحريم ولا بصدق جنس حوا لكن كنت شايفك في حته تانيه خالص..كنت  شايف فيكي البراءه اللي ربنا نزعها منهم كلهم يا خساره طلعتي متفرقيش حاجه عنيهم....لو عملتي اللي عملتيه ده علشان تقربي مني فاحب اطمنك ان اللي بيني وبينك بقى كيف بعد  السماء من الارض و مستحيل تطوليني ولا في احلامك

وبص لها بسخريه وقال قاصد يجرحها...لو كان عندك  شويه عقل كنتي فهمت من نفسك اني عمري ما ابصلك انا نوح الحاكم  خيرة شباب النجع وعمدتها هبص لواحده عيله وتافهه زيك

و ابتسم وهو بيبص لها بسخريه شديده وقال.... لا و كمان عرجه يا ريتك كامله مكمله 

شروق كانت حاطه ايدها على رقبتها بالم بتحاول تاخد نفسها واول ما قال كده بصتلو بزهول وصدمه مش مصدقه انه قال كده طول عمرها تسمع الكلمه دي من اللي بتنمروا عليها وهو الوحيد اللي يقولها انها احسن من اي واحده وما فيش زيها وانها مش ناقصه اي حاجه ..كل التنمر اللي سمعته في حياتها موجعهاش ربع الوجع اللي حسته في اللحظه دي

 ابتسمت بسمات ضعيفه مصدومه ودموعها بتنزل من غير حتى ما تحس بيهم وقامت بالعافيه اخذت اول حاجه قابلتها علشان تلبسها وراحت على الحمام واحساسها ما يتوصفش  حرفيا الدنيا انتهت بالنسبه لها

 نوح رغم كل اللي كان متخيله لكن لما شاف حالتها بالشكل ده قلبه وجعه جدا عليها لانه هو اللي مربيها وعارف قد ايه الكلمه دي بتوجعها بس حاول ميهتمش  ولسه هيمشي اتفاجئ لما وقعت من طولها على الارض

عند غنوه كانت متعصبه جدا ومش راضيه تسكت وبتقول بغضب..... لا وعاملي فيها فكيك قوي سامع صوت شكشكه قلبك حاسس بصهج قربك والنار وراك ومحاسسش بيها... كانت ناقص تولع فيك علشان تحس بنار الهوى

سند كان قاعد وساند ضهره على الحوض بتعب ونفخ بزهق شديد من كلامها لان بقى لها ساعه بتتكلم وقال... في ايه يا بنت ما تتكتمي خلاص النار ولعت وطفيت ودخانها راح وانتي ممبطلاش كلام  ربك سترها وخلاص ما اسمعش صوتك بقى لاقوم افطسك مكانك

غنوه  قالت بغضب....خدوهم بالصوت ليغلبوكم فوق البلاوي اللي عملتها كمان ليك عين تتحدت مكفاكش انك خاطفني ورابطني هنا وولعت في المكان وكنت هتحرقنا وكمان رميتني في الميه المقرفه دي اللي كانت بتشرب منها البهايم اعمل ايه في الريحه دي دلوك 

سند بصلها بدهشه وقال ...هو ده اللي مضايقك دلوك

غنوه  قالت بغضب..... ايوه ده ايه اللي مضايقني الميه ريحتها معفنه انام كيف انا دلوك وخلقاتي اتبلو بالميه المنتنه دي

سند ابتسم بسخريه وقال ....لا و كمان عامله حسابك على مبيات ما هتحاوليش حتى تقولي روحني

غنوه بصتلو بقرف وقالت....وانت كت جبتني ليه لما هتروحني ولا فاكر كل الناس فهمها بعافيه زيك 

سند مسح على وشه بخنقه منها وقال.... اللهم طولك يا روح شوفي يا بت انا على اخري دلوك يعني ما حاملش كلامك الزين عشان احمل طولة لسانك دي اطلعي من الميه المقرفه دي واتلقحي في اي مكان هنه لحد ما اعمل مكالمه واجيكي فاهمه

 وقام ولسه هيطلع قالت بزهول..يا صلاة الزين عليك وعلى نباهتك ...لاه ولما قلت له فهموا بعافيه زعل.... هطلع من الميه كيف وانت مقيدني كده ما شايفنيش كيف دودة الارض معرفاش اتحرك 

سند اتنهد وقال... اه صح دي عندي نسيت

و قرب منها فك ايديها ولسه هتحاول تفك رجليها بس شالها بسرعه وهي شهقت بخضه ومسكت في رقبته بسرعه 

سند بص لعيونها و ابتسم  وقال ....امسكي جامد لتوقعي اللي توقع في سند ما تقوملهاش قومه تاني 

غنوه نزلت ايديها و وضحكت ضحكه مميزه تاثر في اي حد وقالت.... شكلك لسه مخلوع من النار يا ابن العمده وبتقول كلام نجوم السما اقرب منيه

سند ابتسم بسخريه ونزلها على الارض وقال....الحق عليا اللي بنصحك ..قصره خليكي هنه متتحركيش هطلع اعمل مكالمه واجي على طول

غنوه قالت بغيظ ...وانا هروح فين يعني اكون هشق الحيط ولا هحفر تحت الارض 

مسح على وشه بخنقه وقال... انتي لمضه كده ليه يا بت وكل كلمه تردي عليها ب 10 ما تقولي حاضر وخلاص ولا ما بتعرفيش تقولي حاضر

غنوه نفخت بخنقه وقالت بابتسامه بارده.... حاضر تامر امر من العين دي قبل العين دي حلو كده

 سند اتنهد وهز راسه بخنقه وقال...ربنا يصبرني عليكي ويقويني على ما بلاني

 وطلع وسابها وهي بقت تبص للمكان كان متقفل من كل حته اتنهدت بحزن وقالت ..ياترى عامل ايه دلوك يا حميد ربنا يكون وياك يا اخوي 

عند نوح كان شال شروق من الارض وحطها على السرير وبيحاول يفوقها وهو مخضوض جدا لانها اول مره تحصل لها الحاله دي بقى يضربها على خدها بخفه وهو بيقول... شروق انتي يا بت بت يا شروق ردي عليا يا بت فيكي ايه 

وجاب قزازه برفان وحط منها على ايده وبقى يشممها منها ويمسح بيها على دماغها وهو بيقول  ..بسم الله الرحمن الرحيم السميع العليم ..شروق ردي عليا

وقرب منها بلهفه لما شافها بتحرك عينيها

 جاب كوبايه ميه وقعد جنبها بسرعه وقعدها وهو ساندها عليه وبقى يشربها شويه ميه بالراحه وهو بيقول بخوف واضح... ايه اللي حصل قولي حاجه ردي عليا انتي سمعاني دلوك

 شروق هزت راسها بالموافقه وهو اتنهد بارتياح وقال .. الحمد لله قلعتي قلبي 

شروق نزلت دموعها لما افتكرت اللي حصل وقالت بحسره ووجع.... ما تتوجعش على غالي يا ود عمي

 نوح بص لها شويه وكان هيتكلم بس افتكر كل اللي حصل قام من جنبها بسرعه وضم اديه وقال بخنقه... اسمعي يا بت الناس اللي اوله شرط اخره نور ..انتي عارفه زين اني ما رايدش الجوازه دي ولولا عمايلك ما كانتش تمت.... بس انا بحل امور البلد كلها يعني اكيد قادر احل مشاكل اهل بيتي وعمي هعرف اراضيه وانتي هتفضلي على ذمتي كام يوم علشان ما حدش يتكلم عليكي لو طلقت في ايامك الاولى..بس  بعد كده كل حي هيروح لحاله وصلت كده

شروق كانت دموعها بتنزل بغزاره وهزت راسها بالموافقه و هو ابتسم بسخريه وقال...  جدعه اللي بيسمع الكلام بيعجبني واخر حاجه الفتره اللي هنقضيها مع بعض هنقضيها كانه محصلتش اي حاجه يعني لا انا جوزك ولا انتي مرتي انا كيف ما كنت غريب عنك ما ينفعش اشوفك بالمنظر ده ...ده طبعا لو كان لسه عندك حته حيا  او احترام لنفسك

 شروق بصت له بزهول ودموعها في عيونها وهو قال ..متبصليش كده انا وانتي عارفين اني ملمستكيش اكيد مش هنام معاكي وانا ما واعيش على حالي انتي عارفه اني لا بشرب ولا بتسطل

وقرب منها وبص لعيونها وقال...يعني انتي كيف ما كنتي بالنسبالي مرت سند اخوي وهطلقك وهتتجوزيه تمام يا بت العم 

شروق كانت بتسمعه بصدمه خصوصا من جملته الاخيره ولسه هتتكلم تليفونه رن وهو شاور لها بايده علشان تسكت 

ورد بسرعه وقال..... ايوه يا نجاتي عرفت مكان غنوه صوح 

وسمعوا شويه واتسعت عنيه بزهول وقال ....يعني ايه ما عرفتوش تحصلوه يعني ايه غفلكم يا ود المحروق انت 

ومسح على وشه بخنقه شديده وقال.... وانت قاعد عندك من وقتها بتعمل ايه ما رجعتش السرايا ليه 

وسمعوا شويه وقال بغيظ شديد ....خايف مني على اساس اني مهقدرش اطولك عنديك... ليلتك طين معايا النهارده يا نجاتي... هنزل السلم الاقيك واقف قدامي تحت كيف ما اعرفش

 وقفل معاه بغضب ولسه هيمشي شروق قالت بحزم وغضب ....استنى هنه... ارمي عليا اليمين قبل ما تنزل....معيزاش ابقى على ذمتك دقيقه واحده ولو حتى ابويا هيقتلني فيها 

نوح اتسعت عنيه بزهول والتفت لها بدهشه بسبب طريقه كلامها اللي فاجأتو

بقلم...زهرة الربيع

عند حليمه اتصدمت بكلام هويدا اللي قربت منها وقالت..متخافيش كده...انا بقول لو عرف ...بس انا مش هعرفه..عارفه ليه علشان انا معيزهاش تتحل يا حليمه

حليمه بصتلها باستغراب وهيه قالت بسرعه...متستغربيش..انا اكتر واحده من مصلحتي اللي حصل....صوح البت اتأذت ومهسامحش في حقها...بس كمان اتجوزت الراجل اللي انا وهيه بنتمنوه ..ومسيره هيحبها 

حليمه ضحكت بسخريه وقالت...مين يحب مين...نوح..يحب بتك...طيب انتي ادرى على العموم يا هويدا اللي معاكي اعمليه لو فيه حاجه واحده تثبت كلامك اثبتيه

الموضوع يا حبيبتي ليه شكل تاني...انتي وبتك اللي عايزين الجوازه دي يبقى ليه متكونيش انتي اللي زقتيها عليه كلنا حسينا كده بس هنسكتو متخافيش..لان كيف ما قولتي كده احسن للكل ..تصبحي على خير يا ام العروسه

وضحكت ومشيت على اوضتها وهويدا بصت لطيفها بغيظ وقالت...ماشي يا حليمه اضحكي على كيفك الضحك لسه جاي وكل شيئ باوانه

عند سند كان بيشرب سيجاره قدام الزريبه و اتصل بوالدته وقال.... ايوه ياما ايه الاخبار عندك

 عند حليمه كانت في اوضتها وردت و قالت ببكا....بردك كده يا سند يا ولدي تمشي وما اعرفش مكانك حرقت قلبي عليك... ارجع على دارك يا ولدي كل حاجه ليها حل 

سند اتنهد وقال.... انا زين قوي ياما مانيش عيل عشان تعملي كده ...سيبك من الكلام ده وقولي لي ايه اخبار الدنيا عندك ..ونوح فين دلوك 

حليمه ايتسمت بخبث واصتنعت الحزن وقالت ... مش شرط يا ولدي اهو في الدار وخلاص

سند ابتسم بسخريه وقال.... ليه خايفه عليا ازعل ما انا عارف انه اكيد عند عروسته اكيد ما هينزلش في يوم زي ده حتى لو كان قاعد زعلان فوق 

حليمه قالت بسرعه .....زعلان مين دول ضحكهم جايب اخر البلد واخر قله ادب انا ما حملاش اللي سمعته كلام ميتقالش واصل

سند بلع ريقه بوجع شديد جدا وحاول ياخد نفسه وقال بالعافيه...و...و هيه ياما ..هيه مبسوطه معاه

 حليمه قالت بسرعه.... وايه ميفرحهاش يا ولدي ده حتى صوت اغاني ورقص وقله ادب ومياعه ما تزعلش مني عارفه انه صعب عليك بس لما انا اقولك  احسن

سند لمعت عيونه بالدموع وما بقاش قادر يستحمل وقال بسرعه وغضب... ماشي هكلمك بعدين يا اما

وقفل معاها بسرعه وهيه بقت تقول..... الو سند..سند  يا ولدي 

واتنهدت بحزن وقالت....سامحني يا ولدي بس كده احسن ليك...خلاص لازم تطلع من تحت توب نوح وتاخد حقك 

اما سند كان قلبو حرفيا بيتحرق 

و الغضب عامي عنيه وقال بغل...عظيم بيمين لافرج عليك البلد كلها الليله يانوح لما تبقى ما عرفتش تحمي حته مره في دارك 

وفتح الباب ودخل عند غنوه وهو بيقول بزعيق.... انتي يا بت  انت يا زفت روحتي فين و..

 بس اتسعت عنيه بشده لما حس بحاجه خبطته على دماغه بقوه التفت وراه  وهو شايف الدنيا بتتهز قدامه و اتصدم اكثر لما لقاها غنوه ماسكه حديده في ايدها وواقفه تبصلو بخوف 

حط ايده على دماغه اللي كانت كلها دم وقال بالعافيه ...انتي... انتي عملتي ايه ....

بس ما كملش جملته ووقع على الارض وغنوه فتحت الباب وجريت بسرعه وووووووو

اتصدم لما شاف غنوه وعرف انها اللي خبطتو على دماغه قال وهو بينزف...ع.. عملتي ايه يا بت الرفضي هتموتي...

 بس قبل ما يكمل وقع على الارض وغنوه جريت بسرعه و هربت من المكان 

كانت الدنيا ليل والمكان مقطوع جدا وما فيش بيوت بقت تحاول تجري يمكن تلاقي اي طريق او اي حد تساله

 عند نوح كان مندهش جد من كلام شروق قرب منها وقال ....قولتي ايه يا غندوره سمعيني مره تانيه كده

شروق  قالت بغضب اكبر وهي حاسه بنار جواها ...قولت لك معايزاش افضل على ذمتك دقيقه واحده  ارمي عليا اليمين حتى  هتنزل معيزاش ابقى مرت واحد زيك طلقني يا نوح 

نوح ضحك جامد بسخريه  وفجأه مسكها بغضب من ذراعها وقال من بين اسنانه.... هو انا لو هينفع اطلقك اتجوزتك من عشق ي لعيونك السود

و دفعها بغضب على السرير وكان هيمشي وهو متجاهل كل الكلام اللي بتقوله بس قالت بسرعه.... لو مطلقتنيش هموت نفسي معايزاش اعيش معاك طلقني بقولك

 نوح ضم اديه بغضب وحاول يسيطر على اعصابه وقال من غير ما يبص لها ....تبقي غسلتي عارك وعارنا متفكريش ان بعد اللي حصل ده حد هيقول يا حزني ويزعل عليكي ..انتي خلاص بقيتي بصمة عار كلنا حابين نخلص منها

قال كده ومشي وسابها واول ما طلع قعدت على الارض مكانها وهي مش قادره تستحمل اكتر وانهارت بالبكا وبقت تطلع كل اللي جواها وبتلعن نفسها انها صدقت انه فعلا كان عايزها زي ما قالت والدتها بتلعن نفسها انها اتأملت على الفاضي وحلمت حلم قلب بكابوس

اما نوح نزل تحت وهو متعصب جدا وكان نجاتي وصل البيت ومستنيه هو والحارس  واول ما شافه قال برعب وتوتر ....والله جنابك ما ليا داعي هو سند بيه ضرب على العربيه بتاعتنا بالرصاص والعربيه عطلت و كنا هنموت و

بس قاطعوا لما قال بغضب ...يا ريتك كنت مت وريحتني انا لو راعيلي عجل علف كان زمانو فادني اكتر منيكم انتو الجوز ضرب عليكم ليه يا ناصح مش لما عرف انكم وراه و مراقبينه وانا نبهت عليك ما تخليهوش يعرف بس مفيش عقل فيه شوال بطاطس بايظ في دماغك

 الحارس قال بتوتر.... جنابك  احنا كنا بعاد قوي بس هو سند بيه كان عارف انك هتبعت وراء حد

 نوح غمض عنيه بغضب شديد وقال ....اخر حته وصلتولها كانت فين بالظبط

 الحارس قال ...على بعد ٥ كيلو من هنه قريب من الجامع القديم  

 نوح قال بغضب ....طب غوروا من وشي غورو معايزش اشوف حد 

ومسك التليفون بتاعه وبقى يرن لسند كتير عايز يحاول معاه تاني 

في الوقت ده نزلت حليمه وقالت بسخريه ....ايه يا جناب العمده في حد ينزل من عند عروسته ليلة فرحه كده  ولا اكمنكم يعني عملتو الدخله قبل سابق مريحين انهارده

بقلم...زهرة الربيع

 نوح مسح على وشه بغضب بيحاول يسيطر عليه بالعافيه واتنهد وقال.... خير يا مرت ابوي صاحيه لحد دلوك ليه 

حليمه ابتسمت بسخريه وقالت... في واحده يجيلها نوم وضناها بره داره و غضبان الله اعلم ايه اللي حصل معاه يمكن بايت مجلوط يا حبة عين امه

 نوح قال بخنقه ...لا روحي اتغطي ونامي وما تقلقيش ولدك يجلط بلد بحالها

 ولسه هيمشي مسكت ايده وقالت بحده ...أوعى تفكر ان ولدي هين لين وهيعديلك اللي عملتو المره دي يا ود صابحه..فوق انت اخدت منو الحاجه اللي روحه فيها ومهتعديش بالساهل زي ما مفكر

نوح سحب ايده بغضب وقال... سند اخوي وفيه رابط دم بيني وبينه...وانا لجل كده ساكت على حركاته البايخه كلها انما انتي اللي كان بيربطني بيكي قابل ربه و مش هتحملك كتير مانيش مضطر ولو عيزانا حبايب خليكي بعيد عن طريقي انا وسند متحشريش مناخيرك بينا انا هعرف ارجعه تاني تحت دراعي ده اخوي واللي يعمله راضي بيه 

ولسه هيمشي قالت بغضب.... اسمها هرجعه تاني دلدول عندي ابعتوا هنه وهنه كيف الغفر والخدم عشان ما يفتحش بقه ولا يطالب بحقه اللي لاهفه لحالك طالع نازل وبعد ده كله تروح تاخد البت الوحيده اللي عشقها حتى العرجه دي استكترتها عليه وكنت مقضيها معاها في الحرام وايه الجديد ما انت طالع يا ابن حرام كيف اللي خلفتك

نوح احتدت عنيه بغضب وانفعال واتقدم عليها  وهو بيقول ...ما تلمي روحك يامره و سيره اللي انضف منك متجبيهاش على لسانك لحط مداسي في خشمك اللي بينقط سم ده 

حلبمه لسه هترد عليه حكم نزل على السلم وقال بزعيق.... نوح ...في ايه ما تمد يدك عليها كمان بالمره ما انت خلاص مبقيتش حاسب حساب للدم واصل 

حليمه اول ما شافته بقت تمثل البكا ونوح نفخ بغضب شديد وقال.... انا مهتحملش كثير يا عمي سامع مهسكتش كثير وبكره كلكم هتعرفوا اني راجل ولد راجل واعرف الاصول وعمر العيبه ما تاجي مني...بس وقتها الله في سماه مين ماكان اللي عمل الملعوب ده مهرحموش وهسففه تراب الكفر كله واخليه يندم على الي عمله الباقي من عمره

 قال كده ومشي بمنتهى الغضب وحليمه خافت من كلامه بس مبينتش وبقت تقول بزعيق.... خدوهم بالصوت ليغلبوكم بعد كل اللي عمله عيني عينك قدام البيت كله بيهدد ويبجح

 حكم اتنهد وقعد على الكنبه وحط ايده على دماغه بصداع وتعب من كل اللي بيحصل

  عندي شروق كانت بتبكي في الاوضه بغضب وهيه متعصبه جدا وفتحت الباب ونادت للخدامه وبقت تلم حاجتها اللي جابوها لها في الاوضه وقالت بغضب للخدامه ....رجعي حاجتي كلها في اوضتي القديمه يلا يا سماح

سماح بقت تبص لها بخوف وهيه قالت بزعيق وبكا.... اسمعي الكلام يا سماح مش بكلمك

سماح قالت بسرعه ...حاضر امرك.... امرك يا ست شروق

هويدا شافت الخدامه وهيه طالعه بتودي الهدوم في الاوضه التانيه جات جري على اوضة نوح وقالت بزهول.... بتعملي ايه يا شروق وليه سماح بتنقل حاجتك 

شروق قالت بغضب وبكا ....هرجع اوضتي مقعداش وياه ولا دقيقه ولو عايزين تقتلوني اقتلوني  وابوي خليه ياجي يدبحني ويخلصني

هويدا بصتلها بصدمه وقالت.... ايه اللي حصل بس يا ضنايا ده انهارده ليلة  فرحكم 

شروق قالت بانفعال وصراخ.... فرح مين ياما ....فرح مييين... الفرح اللي املتيني بيه لما قولتيلي ان نوح  رايدني وعايزني كيف ما عايزاه ....الله يسامحك على اللي سمعته يا اما الله يسامحك 

هويدا اتنهدت بحزن وقالت.... اهدي بس يا بتي لو قالك حاجه زعلتك هيكون قالها  من زعله على اخوه انتي عارفه بيحبوا بعض كيف بس ده ميمنعش انو رايدك وبيحبك

شروق قالت بغضب وانهيار....انتي هتضحكي عليا تاني....لا ياما لاه نوح  عمره ما حبني ده فاكر اني...

 وبقت تبكي بشده مش قادره تكمل وقالت بحسره.... فاكرني اني انا...انا  اللي عملت كده فاكر اني روحتله علشان يتجوزني

 وضربت على خدودها بجنون وقالت بصراخ....شوفتي شايفني كيف ياما شوفتي شايفني كيف شايفني خاطيه عايبه روحتلو اوضتو علشان اجبره عليا عرفتي دلوك عملتي ايه فيا

 امها قلقت عليها وبقت تحضنها بقوه وتهديها وهيه كانت بتبكي جامد وبتقول بوجع..... قالي اني عرجه مانفعهوش وعمره ما يبصلي ياريتني مت ولا سمعت الكلام ده منو بذات ..هو بذات لا يا اما مقدراش اتحملها مقدراش نفسي طابق هلي قلبي بيموت حاساه واجعني قوي يا اما

هويدا بقت تحضنها ودموعها بتنزل بالم عليها و بتحاول تسكتها وقالت.... من قهره يا بتي ميقصدش والله ما يقصد  كل اللي في البيت بيلومه واخوه عاداه اهدي وانا هتحدث معاه بس اسمعي كلامي واقعدي عاقله...لو مشيتي دلوك هتخربيها لو جيه لقاكي هملتي اوضته في ليله فرحك ما هنعرفش نحوشه عنك نوح عصبي ومهيسكتش

بس شروق بعدت عنها بغضب وقالت....مهسمعش كلامك تاني يا ما كفايه قوي كده

هويدا قالت بدهشه..متسمعيش كلام امك يا شروق ليه هضرك يا بتي

شروق مسحت دموعها بغضب وقالت...ايوه ضرتيني يا اما...ووجعتيني ياريتني ما سمعت كلامك على الاقل مكنتش رخصت قوي في عينه كده ولا في عين نفسي ...انا همشي  وخليه يقتلني انا مستنيه اي حد يعملها ويخلصني من اللي انا فيه

ولسه هتمشي مسكت ايدها وقالت بخوف وقلق.... اعقلي يا شروق ده حتى ابوكي متحمل عليكي ولو نوح دبحك ما هيوقفهوش 

 بس دفعت ايدها وقالت بغضب.... ما قعداش معاه في مكان واحد ما طايقاش انا رايحه اوضتي ولو جيهه علشان يدبحني محدش يحوشه ياما 

قالت كده ومشيت على اوضتها وهيه بتحارب دموعها ومش عارفه توقفهم ابدا 

هويدا حطت ايدها على صدرها وبقت تقول بخوف..استرها عليها يارب ..وانبي يارب وجريت وراها 

ام نوح طلع بالعربيه و هو مش عارف رايح على فين عدى ال ٥ كيلو اللي قال له عليهم الحارس وبقى يمشي نواحي الاشجار و هو حاسس بعجز رهيب لاول مره خايف جدا يكون سند اذى غنوه او انتقم منه فيها

وهو ماشي بشرود طلعت غنوه فجأه قدامه من وسط الشجر ولسه هيوقف العربيه بس ما لحقش وخبطها وقعت على الارض

 نوح اتصدم بشده ووقف ونزل بسرعه جري عليها شالها وحطها في العربيه وبقى يفتش فيها وفي شعرها يحاول يشوفها لتكون بتنزف من الخبطه او حصل لها حاجه وهو بيقول بقلق شديد... غنوه بت يا غنوه ردي عليا غنوه فوقي

وجاب قزازه ميه من العربيه وبقى يحاول يغسل لها وشها وقعد جنبها وشدها لحضنه وهو بيغسل وشها وبيحاول يفوقها 

كانت قريبه منه جدا شبه بين احضانه بلع ريقه بارتباك من قربها وجمالها المميز جدا وتاهت عيونه فيهم وقال بصوت بالعافيه طالع ....بت يا غنوه انتي يا بنت قومي يخربيت جمال اهلك 

غنوه  فتحت عيونها بتعب شديد وهي بتبص له بتوهان 

نوح اتنهد براحه وقال ....عامله ايه دلوك سمعاني

غنوه فتحت عينيها وغمضتهم اكثر من مره بتحاول تتاكد انه هو قدامها وقالت بسعاده... انت لقيتني... الحمد لله ...الحمد لله يا رب 

نوح ابتسم وقال.... ما تخافيش انا معاكي دلوك ما حدش هيقرب لك 

بقلم ...زهرة الربيع

غنوه مسكت في جلابيته وقالت بدموع...انا خفت قوي... انا اول مره اخاف

 نوح اتوتر من قربها وقال بهمس .....والله انا اللي خايف

غنوه بصتلو باستغراب وقالت....بتقول حاجه

نوح قال بسرعه ..احم...لا ما بقولش انتي . انتي بخير دلوك وده المهم... انسى اللي فات كله 

غنوه بعدت بسرعه لما خدت بالها انها قريبه منه وشدت طرحتها على شعرها وقالت....احم  شكرا على كل حال

نوح  ابتسم وقال..... ليه بس ما كنتي مرتاحه

غنوه بصت له بطرف عينها وقالت بضيق ...لا كثر خيرك انا زينه دلوك كفاياك لحسن كتفك يتعبك يا عمده 

نوح حط  ايده على كتفه ورفع حاجبه وقال.... لا من الناحيه دي اطمني ...الكتف ده شيال ...يهد جبال

 غنوه اتنهدت بخنقه وقالت ...ممكن ترجعني عند اخوي وكفايه كده 

نوح خد باله لكلامه وقال..احم... اكيد هرجعك بس هترجعي معاي السرايا  الاول ترتاحي واخوكي هياجي يشوفك هناك

غنوه قالت بضيق....مش جايه معاك مكان تاني بعد اللي حصل  رجعني بيتي واللي يحصل راضيه بيه

نوح اتنهد وقال ....انا عارف انه حقك بس تقدري تعتبريها اخر مره... وعد مش هخلي حد يقرب منك تاني..و اصلا بصفتك الجديده في البيت محدش هيقدر ياجي جنبك

غنوه بصتلو باستغراب وقالت.... صفتي الجديده..قصدك ايه

نوح قرب منها قوي وقال.... هكتب عليكي قبل ما نروح ...هتبقى مرت العمده يا بت 

وبصلها من فوق لتحت وقال....وتستاهليها 

غنوه بصتلو بدهشه وهو قال....مش وقت بحلقه ...خلينا نكتبو عند اقرب مأذون قبل ما سند يعرف بمكانك ...وانا هخليكي في مكان امان بعيد من السرايا متقلقيش

صوح  هو سند فين دلوك ...كيف قدرتي تهربي منيه

غنوه كانت بتسمعوا بصدمه وعيونها مفتوحين على اخرهم كانها شايفه شبح قدامها

نوح اتنهد وقال ....ايه كل ده عشان قولت لك هتجوزك 

بس كانت لسه مصدومه وعيونها مش بتتحرك بص لها باستغراب وهزها وقال.... في ايه يا بت مالك كيف التمثال كده في ايه

غنوه  نطقت بالعافيه وقالت... اخوك سند

بصلها  باستغراب وقال.... سند ماله 

بلعت ريقها وقالت بخوف..... انا قتلته هو الاخر

 نوح رمش بعيونه لثواني بيحاول يستوعب اللي قالته واتسعت عنيه بزهول وصدمه شديده ووووو

اخوك..اخوك قتلتو هو لاخر ..كان عايز يتهجم عليها وضربتو على نفوخه محطش منطق

نوح اتسعت عنيه بزهول لثواني مكانش مستوعب اللي اتقال رمش بعيونه بصدمه وقلبو هيقف حرفيا

غنوه بصتلو بقلق من منظره وقالت ..فيه ايه انت كمان هتفيص ولا ايه... ده ايه الوقعه الهباب دي .

بس نوح فاجأها لما مسكها من رقبتها بغضب وقال بزعيق...عملتي ايه..قولتي ايه يا بنت ال**** ..... عماتيلو ايه انطقي

غنوه بقت تشهق ومش قادره تفك اديه من حوالين رقبتها 

ونوح كان بيخنقها اكتر وبيقول....سند فين ...اخوي فيييين

غنوه نزلت دموعها وهيه شبه بتطلع في الروح بس نوح مكانش مهتم لحالتها وبيصرخ فيها برعب وغضب ويقول... ...عملتيلو ايه..هقطع خبرك هتحصليه با بت الرفضي

بس سابها فجأه لما سمع صوت سند بيقول بزعيق وزهول...نوح....هملها

نوح اتصدم بشده وسابها وهيه بقت تكح جامد وتشهق بشده

نوح ابتسم وهو بيبصلو بدهشه و نزل بسرعه من العربيه وجري عليه حضنو بقوه وهو مش مصدق انو قدامو ونزلت دموعه وهو بيقول..انت زين..انت واقف قدامي صوح...انا..انا كنت هروح فيها

سند كان متجمد مكانو ومش بيبادلو اي مشاعر ولا بيحضنو حتى وكمان بعده عنو بضيق وقال ...ايه اللي عملتو في البت ده طق مخك خلاص

واتقدم على غنوه ونزلها من العربيه وهو ساندها عليه وبقى يشربها ميه ويحاول يهديها وقال...اهدي خدي نفس ..اتنفسي انتي تمام

غنوه بقت تحاول تاخد نفسها واول ما هديت شويه بعدت عنو وقالت...انت ..انت لسه فيك الروح 

سند ابتسم بسخريه وقال...ليه فاكراني مت اياك...متقلقيش مش قبل ما اجيب اجلك واطمن عليكي في تربتك

غنوه بصتلو بضيق ونوح قال بجديه

..احم ...كويس انكم بخير انتو الاتنين..يلا كفايه مشاكل خلينا نرجع على السرايا

غنوه لسه هتتكلم سند مسك ايدها وقال...انت روح..انت عريس الليله مش عايزين نتعبك..انا هروح مع غنوه على مهلنا

نوح بصلو بضيق وقال..غنوه هتروح معايا..هيه في عهدتي..واصلا انا هكتب عليها الليله يعني لاقيلك لعبه غير دي يا سند

بقلم...زهرة الربيع

سند ضحك جامد وقال...لاه جامد ياض عروستين في ليله واحده خاف على صحتك يا ود ابوي 

وبص لغنوه من فوق لتحت بوقاحه وقال...دي الحته دي لوحدها محتاجه خيال 

غنوه بصتلو بغضب وهيه بتحاول تفلت ايدها منه ونوح كمان اتنرفز جدا وقال بغضب شديد.... سند.. عدي ليلتك على خير يلا اطلعوا في العربيه خليني اروحكم في الليله اللي عايزاش تعدي دي 

سند ضحك بسخريه وقال ...انا ما اعرفش ليلتك هتبقى عامله ازاي يا ولد ابوي بس بالنسبه ليا هتبقى  ولا الف ليله وليله  ومعايزهاش تعدي واصل لاني هدخل انا واخويا في ليله واحده 

نوح بصله باستغراب ومفهمش كلامه 

وسند بص لغنوه وابتسم بشر وقال.... انا اللي هكتب على غنوه وهي موافقه 

غنوه بصت له بغضب ولسه هترد طلع التليفون بتاعه وقال ....حتى بصي محضر لك ايه لليلة دخلتنا هيبقى جنان عليكي

غنوه لسه هتزعق فيه بس اتصدمت باللي قدام الشاشه كان فيديو لاخوها مربوط على الكرسي وفيه رجاله حواليه بسلاح 

اتسعه عينيها بزهول وبقت تبص له بصدمه ما تتوصفش

 نوح بص لسند بخنقه وقال.... سند انا معايزش اعمل مشاكل معاك ...ملكش صالح بالبنيه دي في عهدتي وقولتلك هتبقى مرتي وبطل تورطنا اكتر من كده الله يخليك ..انا هحل كل حاجه وهفهمك اللي حصل و

بس قاطعته غنوه لما قالت بسرعه.... بس انا عايزه سند بيه ..انا حباه هو وهتجوزه هو وبس 

نوح اتسعت عنيه بذهول شديد وحس باهانه متتوصفش خصوصا لما سند قال ....انا لو مكانك اخلي عندي دم بقى... اهي بنفسها قالت معايزكش ولا هتتجوزها غصب

نوح حاول يسيطر على اعصابه وبقى يبص لغنوه بغضب شديد وقال ....تمام....البت امانه عندي  روحها على السرايا واعمل اللي عايزه يلا الليل هيخلص واحنا واقفين هنه

سند شد غنوه من ايدها وطلعها في العربيه وركب جنبها وقال ...انت تؤمرنا ....السرايا احسن بردك واوسع

 نوح بصله بغضب مكبوت وكان هيتجنن منه ومن حركاته واللي جننوا اكتر موافقه غنوه على كلامه 

ركب العربيه وساق بسرعه رهيبه على السرايا

 في البيت حليمه كانت قاعده  في الصاله وبتقول ببكا و خوف مصطنع.... يا حبيبي يا ولدي ما حدش عارف راح على فين الواد بيضيع مني يا حج بسبب حبيب قلبك نوح اللي مفيش منيه... نوح اللي كنت تقول انه خليفة ابوه وهيعوضه اهو خانك وخان اخوه وخاننا كلنا ...ودلوك الواد خلاص هيبقى بعقله بعد عملة ود اخوك المهببه

 حكم قال بخنقه ....وبعدين يا حليمه شايفاني ناقصك ..شايفه في يدي حاجه اعملها وما عملتهاش همليني في همي انا في قلبي نار قايده ولولا العار اللي هيلحقنا كلنا عمر بحاله كنت قتلتهم الجوز وارتحت

 حليمه قالت بخبث.... لو كان العكس واللي كان معاها هو سند مكنتش بقيت على حياتهم يا حكم لكن عند نوح حتى شرفك مهمكش

حكم بص لها بغضب شديد ولسه هيرد دخل نوح وغنوه وسند وحليمه جريت على سند حضنته بقوه وبقت تبكي باصطناع وتقول....يا حبيبي يا ولدي الله يحرق قلب اللي حرق قلبي عليك

نوح اتنهد بخنقه وبقاش قادر  يستحمل اكثر و مشي علشان يطلع على اوضته بس وقف لما السند قال ....مش وقت بكا ياما عايزك تفرحي وتزغرتي كتير ...واخيرا هتجوزي ولدك زي ما كنتي بتتمني 

نوح غمض عنيه بخنقه 

وحليمه بصت لسند باستغراب وقالت... اجوزك طبعا يا ولدي ده منايا بس مش لما الاقيلك عروسه زينه تليق بيك

 سند بص لغنوه وابتسم بخبث وقال....انا لقيتها خلاص لقيت الزين كله 

حليمه اتصدمت لما فهمت قصده وحكم حط ايده على دماغه وقعد على الكرسي بياس من البيت اللي ما بقاش عارف يسيطر عليه ابدا 

حليمه قالت بتوتر ...قصدك ايه ....مين 

سنه ابتسم وقال...... هتجوز غنوه بكره... اظن ما هتلاقيش لولدك احلى من كده 

حليمه شدت طرحتها وصرخت وقالت... يا مراري 

نوح هز راسه بيأس وطلع على اوضته بخنقه كان متضايق جدا ودخل اوضته بملل ولسه هيقلع الجزمه لاحظ ان شروق مش في الاوضه وحتى باب الحمام كان مفتوح .. دور عليها في كل مكان في الاوضه بس ما كانتش موجوده

 طلع بره باستغراب وقال بغضب.... سماح انتي يا زفت يا 

سماح جات جري برعب وقالت..... نعمين يا نوح بيه

 نوح قال بخنقه ....شروق ....ستك شروق فين 

الخدامه كانت هتبكي من الخوف وقالت بتوتر شديد ...هي ...هي اصلها 

زعق فيها جامد بغضب وقال ....انطقي انتي لسه هتاتاي

 قالت بسرعه وخوف ...اخدت حاجتها ورجعت اوضتها جنابك وقالت مش هتقعد هنه

نوح اتسعت عنيه بزهول شديد والغضب سيطر عليه وراح على اوضتها بغضب شديد وضرب الباب بقوه كسروا 

 شروق اتفزعت ووقعت من على السرير من الخضه وامها كانت جنبها قالت بتوتر.... نوح يا ولدي انا هفهمك هيه اصلها شروق يعني انت عارفها وو

 بس موقفش ولا سمعها وا تقدم على شروق شدها من ايدها بغضب شديد وراح بيها على الاوضه وهي بتضرب في ايده وبتقول بغضب ودموع وخوف....هملني  يا نوح هملني بقولك مش عايزه  اقعد معاك ما طيقاش سيبني في حالي

 بس نوح كان مكمل بغضب رهيب ولا كانها بتتكلم واخدها على الاوضه و قفل الباب و هو بيبص لها بطريقه ترعب

 شروق بقت ترجع لورا وهيه مرعوبه جدا من شكل نظراته لاول مره تشوفها بالطريقه دي و هو اتقدم عليها وعيونه ما تبشرش بالخير وقال بغضب... طلعتي هملانه قوي يا بت العم ...مكافكيش الهماله وقلة الربايه اللي عملتيها ..لا وكمان طالعه من اوضتك ليلة فرحك ولا كأن ليكي راجل يحكمك...بس ملحوقه اللي عمي معرفش يعمله هعمله انا...

 عند سند  اتصدم لما امه بقت تصوت وقال بزهول...بس ياما بتعملي ايه هتلمي علينا الناس... في واحده ولدها يقول لها هتجوز تصرخ كده

 حليمه قالت بزهول.... امال عايزني اتحزم وارقص ..وانت بتتجوز قتالة القتله دي 

غنوه اتنهدت بخنقه وقالت.... اللهم طولك يا روح 

بقلم...زهرة الربيع

سند اتنهد وقال.... انا عارف بعمل ايه ياما ما بقتش صغير خلاص

حليمه  قالت بغضب وزعيق.... هو انت لو صوح كبرت ولا فيك عقل تتجوز دي...اللي جايبينها من شارع لا من اصلنا ولا نعرفها وكمان قاتله  جوزها والله اعلم قتلتو ليه

غنوه قالت بغضب...قتلتو علشان لسانه طويل كيفك كده....وبعدين ياختي لو حصل واتجوزتو  هتبقي انتي الكسبانه ....مفكره نفسها مخلفه راجل

 سند قال بغضب..انتي بتقول ايه يا بت اتكتمي متتكلميش واصل

غنوه قالت بغضب.... بقول سكت امك مشايفهاش طايحه فيا كيف 

حليمه قالت بغضب...ما تعالي خديني قلمين احسن ما خلاص بقينا نلمو كل من هبه ودب ونتجوزوه 

غنوه قالت بردح..... لا والصراحه الناس راميه حالها على اعتابكم عشان تتجوزوهم بلا خيبه 

حليمه بصت لها بزهول وقالت ....طب شايف طولة اللسان شايف الرمم اللي لممها لنا 

غنوخ قالت بخنقه ..يا مثبت العقل والدين يا رب...يا وليه انا سكتالك علشان انتي الشر بره وبعيد  قد امي

وقربت من سند وقالت بدلال شديد .....كمان علشان غلاوة سي سند جوزي...على اعتبار ما سوف يكون يعني...يلا تصبح على خير يا سندي 

ومشيت بدلال قدامه وسند داس على شفته باعجاب و لسه هيروح وراها امه مسكته من دراعه بغضب وقالت....تعالةه هنه  طالع وراها كمان فهمني ايه اللي قولته ده تتجوزها يعني ايه 

سند اتنهد وقال..... خليكي متاكده انا ما بعملش غير الصح ياما .

ومن هنا ورايح ما هتشوفيش غير الصح اللي متاكد انه هيعجبك قوي 

حليمه قالت بغضب..... لا ما هو باين  انه هيعجبني و

بس قطعت كلامها لما شافت دم على هدومه قالت بزهول...ايه اللي على هدومك ده ...دم ده يامراري هيه عملت فيك كده صوح 

سند حمحم بحرج وقال...ها... لاه..لاه ياما انتي بتقولي ايه  يعني ولدك هتعلم عليه مره... قولي كلام يعقلو العقل... ده بس انا وقعت جيت على طرف الحوض بتاع البهايم من غير قصد .....يلا تصبحي على خير

و مشي  وسابها واقفه بتبص لطيف بزهول شديد وحطت ايدها على صدرها وقالت بخوف....شايف يا حج حكم شايف مصايب نوح والبلوه الجديده اللي جبهالنا ..البت لافت على الواد عيني عينك

حكم وقف واتنهد وضرب كف بكف وطلع من غير ما يرد عليها وهو بيقول...فوضتلك الامر يا رب ..لله الامر من قبل ومن بعد

حليمه وقفت لوحدها وحاسه بغضب رهيب من غنوه ونظراتها وطريقتها من اول يوم حاسه ان البنت دي خطر جدا قالت.... لاه  لاه الكلام ده  ما يتسكتش عليه واصل مش هخليكي تبوظيلي كل اللي بعمله

 ومشيت بسرعه على اوضتها وقفلت الباب كويس بالمفتاح ومسكت تليفونها واتصلت على شخص وقالت..... الو معايا حسنين الغرباوي..... انا حليمه مرت العمده الحاكم الله يرحمه 

وسمعته شويه وقالت....كنت جبت رقمك من مرتك لاني عايزاك في موضوع ضروري..... انت لسه عايز تموت البت اللي موتت ولدك 

وسمعته شويه وقالت ....زين قوي.....انا هساعدك بكره وهطلعها لك بره البيت... بس ده اخر ميعاد بكره تجيب اجلها لان لو ما قلتلتهاش بكره مش هتعرف تقتلها تاني وووو

هخرجها لك بره السرايا تخلص عليها قوام ولا من شاف ولا من دري لان لو ما قتلتهاش النهارده مش هتعرف تقتلها تاني

 قالت كده وقفلت معاه وهي متعصبه جدا من غنوه وقالت بغضب.... ما بقاش الا انتي تيجي في الاخر تبقي مرت ولدي 

عند سند طلع فوق ولسه هيروح ناحية اوضته اتفاجئ بحد شده بقوه و اتصدم لما لقاها غنوه وحاصرته عند الحيط وحطت السكين على رقبته وقالت بغضب ...اخوي فين يا ود الحاكم.... انا قاتله قبل وما عنديش مشكله اقتل مره تانيه

 سند اتصدم بس ظهرت ابتسامة اعجاب على شفايفه وقال بمكر .... اخوكي مهيرجعش معزز مكرم غير بعد ما اكتب عليكي.. قبل كده مهيحصلش

غنوه بصت له بغضب شديد وقالت ....وانا مهعملش اي حاجه من اللي تطلبه غير لما اطمن على اخوي فاهم ولا لا

 سند ابتسم بخبث وفي ثواني كان ماسكها من معاصم ايديها ولفها عند الحيط وضرب ايدها في الحيطه بقوه وقعت السكينه من ايدها وقال بغضب.... لو فاكراني زي نوح تبقي غلطانه ...هو صوح كبير البلد بس عقله اصغر من عقل العيال و اللي زيك سهل قوي تضحك عليه....انما انا قاريكي وحافظك وعارف اللي زيك اخرها ايه...و اني مش هتجوزك لسواد عيونك او لانك عجبتيني ولا علشان احميكي لاني شايفك بريئه كيف نوح لا يا بت الجزار انا هتجوزك علشان نوح عينه منك وكيف ما اخذ مني حاجه من حقي هاخد منه اللي من حقه كله وصلت كده

وسابها ولسه هيمشي قالت بسخريه....ومن امتى بنات الناس بقوا من تركة ابوكم ان شاء الله وبتقسمو فيهم على مزاجكم ...اوعى تكون فاكر اني كنت هوافق على اخوك وكمان اوعى تكون فاكر اني وافقت عليك لاني خايفه على اخوي ..انا اخوي راجل و ميتخافش عليه وما هيحصلوش الا اللي ربنا كاتبه 

واتقدمت منه خطوات وبصت لعيونه بتحدي وقالت ....بس انا بقى هتجوزك عشان انتم محتاجين اعادة تاهيل بجد تستاهلوا احط رجلي في البيت ده كلكم هنا هملانين ما شفتوش ربايه وخصوصا امك 

سند بص لها بغضب وقال.... ما تلمي روحك وتحاسبي على كلامك يا بت 

غنوه ضحكه بسخريه  وقالت ....كان بودي احاسب عليه بس مشايلاش فلوس معاي دلوك

 واحتدت نظراتها وقالت....وحياة عيونك الحلوين دول لاحاسبك انت وامك واعملكم اعادة ضبط مصنع من اول وجديد والايام بينا يا ود الحاكم

ولسه هتمشي قال بسرعه.... بس انا ممصدقش... محسيتش انك وافقتي عشان تحاسبينا 

وبص لعيونها وقال بثقه.... انا بقى شايف اني دخلت دماغك وعششت في نفوخك... عجبتك يعني وقوي كمان 

غنوه رفعت حاجبها بدهشه وضحكت جامد وقالت....عجبتني....إلا ما عجبتنا رجاله بشنباتها ..هتعجبنا جزمها وشرباتها

 سند احتدت عنيه بغضب ومسكها من دراعها بقوه وقال ....قصدك يا بت

غنوه دفعت ايده بغضب وقالت....عيدها مع نفسك مرتين ثلاثه هتفهم قصدي هتوصلك مهما اتأخرت متقلقش

فوتك بعافيه يا.....ياسندي

قالت كده ومشيت وسابته واقف باصص لطيفها بغضب من كلامها ولقى السكين بتاعتها على الارض مسكها وبقى يبص لها بقوه وقال .....ماشي الصبر طيب

بقلم.....زهرة الربيع

 عند نوح قرب من شروق بغضب شديد وبقى يكسر كل جاجه حواليه وقال زعيق ....مكفاكيش الفضايح اللي عملتيها قبل سابق كمان رايحه تقولي للخدم ياخذوا لك حاجتك على اوضه تانيه ومهمله اوضتك ليله دخلتك... ولا كأنك متجوزه وليكي حاكم

شروق كانت مرعوبه منه لاول مره وهو مسك العصايا وقال بغضب...لما كان ابوي يقول الكلمه مكناش نتنيها ..عارفه ليه..علشان كنا دايقين دي على جسمنا

ولو كان عمي عمل نفس الشئ مكانش طلعتي هملانه كده...بس اللي معملهوش ابوكي هعمله انا لو منطقتيش...ردي عليا خرجتي من الاوضه لييييه

شروق كانت بتتنفض وبتفكر وقت ما خنقها بايده ومرعوبه جدا

نوح مسكها من دراعها بعنف وقال...متطلعيش جناني عليكي انطقي خرجتي لييه بكلمك ردي عليا 

شروق انتفضت بشده وهيه بترتعش ونطقت  بالعافيه وقالت ...الح....الحم...الحمام

نوح بص لها بدهشه وقال ...ايه....حمام ايه بتقولي ايه علي صوتك

شروق قالت بدموع وهي بترتعش ومش قادره تتكلم ....الحمام ...عايزه ..عايزه ارو...

بس مكملتش جملتها ولقي هدوم اتبللت وهي واقفه بتنتفض قدامه 

نوح اتصدم بشده من اللي حصل كان منفعل جدا ومخدش باله انه خوفها للدرجه دي ...حاول يتكلم او  يقول حاجه بس معرفش

 شروق بقت دموعها تنزل بخوف وحرج شديد جريت على الحمام وهي بتعرج عايزه تمشي من قدامه بسرعه

و دخلت الحمام وقفلت الباب عليها 

 نوح جري وراها بس كانت قفلت باب الحمام غمض عنيه وهو بيلعن نفسه وقال.... شروق..شروق ردي عليا انا....

 بس قاطعته لما قالت وهيه بتبكي جامد ....امشي وناديلي امي.... عايزه امي

نوح قال بسرعه ....انا اجيب لك اللي عايزاه انا مش غريب انا...

بس مقدرش يقول جوزك ولا ينطقها اتنهد وقال... هجيب لك امك... بس متبكيش جوه الحمام الله يرضى هليكي..ثواني هناديهالك ..مهعوقش

ومشي بسرعه وغضب من نفسه

وشروق قعدت على الارض وضمت رجليها لحضنها وبقت تبكي جامد بحرج ووجع و الف احساس جواها

نوح طلع بسرعه وراح جري على اوضة هويدا بس سند وقف قدامه وقال بسخريه....ايه الحكايه  ما قدرتش تقعد مع عروستك ساعه كامله على بعضها  ليكون معمول لكم عمل ولا حد نابرلك في الجوازه

نوح  قال بسرعه وتوتر ....مش وقتو يا سند

 وجري بسرعه على اوضه هويدا وسند استغربوا جدا وفضل واقف واتفاجئ لما قال لهويدا ....بتك في الحمام وعيزاكي حصليها بسرعه وخدي لها غيار بس بسرعه ما عايزهاش تبكي كثير في الحمام

هويدا هزت راسها بتفهم وجريت بسرعه اخذت لها هدوم وراحت على اوضة نوح جري

 سند اول ما شافها بتجري قال بخوف.... في ايه مال شروق عملت فيها ايه

 واجري بسرعه على اوضتها بدون اي تفكير بس قبل ما يفتح الباب نوح مسك ايده وبصلو بحزن قال ....ما ينفعش يا ود ابوي.... الله يرضى عليك

 ونزل راسه وقال بحرج شديد.... لسه على ذمتي ما ينفعش 

سند حس الكلمه زي السكين في قلبه زي ما تكون فوقته ما الاحساس اللي غلبه دفع ايده بغضب ومشي بسرعه ودموعه بيلمعوا في عيونه

  عند هويدا خبطت على شروق  وقالت..شروق افتحي يا قلب امك انا جيت

شروق فتحت بلهفه وهويدا اتفاجات بمنظرها ولمعت الدموع في عيونها

شروق حضنتها بقوه وبقت تبكي جامد وهي بقت تطبطب عليها وتهديها وقالت بدموع .....بس يا ضنا ....ايام وهتعدي يا حبيبتي بكره تروق وتحلى يا شروق 

يلا يا حبيبتي تعالي علشان تستحمي وتغيري

وبقت تساعدها وشروق كانت بتنتفض بخوف وكسوف وامها ساعدتها ولبستها ونيمتها على السرير وطلعت

 لقيت نوح واقف قدام باب الاوضه قال بسرعه.... طلعتيها هيه كويسه دلوك

هويدا ابتسمت وقالت ....كويسه يا ولدي...نوح  لو ليا خاطر عنديك براحه عليها...هيه لساتها صغيره يا ولدي

نوح اتنهد بخنقه وقال ....عقلي بتك يا مرت عمي ....رصيد جلعها معايا خلص خلاص يعني خليها تسمع الكلام..و مكان ما اسيبها اجي الاقيها مش لسه هربي عيال 

هويدا هزت راسها بالموافقه وقالت.... ماشي يا ولدي ربنا يهدي النفوس

 وراحت على اوضتها ونوح دخل الاوضه عند شروق واول ما دخل عملت نفسها نايمه بسرعه مش قادره تتكلم معاه ولا تبصله حتى

نوح اتنهد وقرب منها بقى يبصلها شويه ويفكر بيفتكر في اللي عمله وقد ايه خوفها مد ايده يطبطب على شهرها زي ما كان يعمل لما يزعلها وهيه صغيره...بس افتكر شكل سند ولهفته عليها ولما منعه يدخلها ضم ايده ووقف بسرعه

وراح نام على الكنبه بحزن وهو بيفتكر اخوه ووجعه او كمان قصة جوازه من غنوه ...غنوه اللي مش قادر يشيلها من باله ابدا.... كل حاجه عدت كانت صعبه عليه جدا

 فضل وسط افكاره لحد ما راح في النوم

 شروق فتحت عيونها لما اتأكدت انه انام واخذت غطا وراحت غطته لان الاوضه كانت بارده جدا من المكيف..اتأملت ملامحه وهو نايم شويه ونزلت دموعها بحزن وغضب من اللي حصلها وقالت بوجع...شيلو من قلبي يارب مبقتش قادره خلاص

و راحت هيه كمان تنام بوجع وحزن

في صباح يوم جديد

 كانت غنوه تحت مع الخياطه اللي جابها سند عشان تعمل لها هدوم لان مش معاها

 كانت الخياطه بتاخد مقاساتها وهي واقفه بتنفخ بغيظ ومتضايقه بس شافت حليمه جايه عليهم بخنقه ابتسمت بمكر وقالت.... بصي بقى يا حبيبتي من كل حته عايزه 12 لون... بصي عايزه ابقى زي قوس قزح كده عشان الراجل ما يملش.. معايزاهوش ينزل تحت واصل

 البنت ضحكت وقالت ....من عيني يا ست غنوه

غنوه ابتسمت وقالت... تسلم لي عينيك 

 حليمه اتقدمت عليها وقالت بسخريه.... ما تتعبيش نفسك يا عروسه والله  عملتي 1000 لون مهتمنعهوش من النزول ده ودي وانا عارفاه ما يقدرش يعدي يوم ما يجيش يشوف امه ويبوس يدها وياخد رضاها

غنوه ضحكت وقالت ..... يوه يا حماتي ما انتي كنتي متجوزه وعارفه...الواحد بيبوس يد امه قبل الجواز بس ....عشان بيكون مش لاقي حاجه  تاني يبوسها

البنات ضحكوا مره واحده وحليمه اتغاظت جدا وقالت بغضب ....بس يا بت انتي وهيه..... ويلا كفايه يا اختي مهوش مال سايب....يلا قولت لك كفايه 

الخياطه اخذت الهدوم ومشيت  وحليمه قربت من غنوه وحاولت ترسم الابتسامه وقالت.... انتي مفكره اني زعلانه من جوازة سند منك....انا المهم عندي انه يتجوز بعد اللي حصل له 

وعلشان اثبتلك اني راضيه هاخدك  ونروح عند احسن كوافير علشان احجزلك فستان جديد ما اتلبسش قبل كده وهشتريهولك كمان 

بقلم....زهرة الربيع

غنوه بصيت لها باستغراب وقالت ....نطلع بره السرايا قصدك ...لاه طبعا مهينفعش ..نوح بيه قال متتحركيش من البيت انتي عارفه ظروفي

حليمه قالت... انا اخذت لك الاذن منه ما تقلقيش والغفر هيكونوا معانا

غنوه استغربتها جدا واستغربت اهتمامها لانها عارفه انها مش موافقه على الجوازه دي بس حليمه اصرت عليها جدا لحد ما طلعت  معاها وهي مش مرتاحه ابدا 

وبالفعل طلعوا سوا وكان معاهم واحد من الغفر وكانت قلقانه جدا ومش عارفه ايه اللي مستنيها

 عندي شروق قامت من النوم لقت نوح لسه نايم بصت عليه بحزن و دخلت اتوضت وصلت

وكانت جعانه جدا ماكلتش اليوم اللي فات كله طلعت تنادي لسماح تجيب لها فطار

 بس اول ما طلعت من الاوضه كان سند مستنيها قدام اوضته واتقدم عليها وقال... شايفك كويسه.... كان في حاجه امبارح ولا ايه

 شروق ارتبكت قوي وقالت... ملكش صالح

و لسه هتمشي وقف قدامها وقال .....امال مين اللي ليه ...مفكره ان في حد هنه هيهمه امرك غيري

 شروق بصت له بحده وقالت بغضب....متزودش في الكلام يا سند ...متنساش اني دلوك مرت اخوك 

سند ضحك جامد وقال... مرت اخوي اه صوح نسيت ....والله وفضلتي وراها لما نولتيها يا شروق..طيب... ماشي يا مرت اخوي بس خليكي عارفه ان كل حاجه بتتغير و

بس قطع كلامه لما طلعت سماح وقالت ....ست شروق الوزير وبتو وولدوا تحت مستنين نوح بيه

 شروق اتوترت جدا 

وسند ضحك جامد وقال ....ضرتك وصلت....هتنزلي ترحبي بيها بنفسك ولا هينزلها نوح لوحده عشان ياخد راحته وياها

 شروق بصتلو بغيظ وغضب وقالت لسماح .....ماشي يا سماح انا هصحيه واقوله

سماح  نزلت وشروق لسه هتروح على اوضتها سند واقف قدامها وصدمها لما قال بسرعه.... اطلقي منه وانا جاهز اتجوزك ...وعفى الله عما سلف

شروق اتسعت عنيها بزهول شديد بس اتصدمت اكتر و كانت هتقع من طولها لما نوح قال بغضب..... سند ووووو

انا عارف ان عمرك ما حبتيني بس انا مقادرش احب غيرك اتطلقي منه وهتجوزك هنبعد بعيد عن هنه وهنسى كل اللي عملتيه قولتي ايه

شروق اتسعت عنيها بشده وحست بشفقه كبيره عليه خصوصا انها زيه حبها من طرف واحد 

 ولسه هترد فاجئهم نوح لما قال بغضب.... سند

سند مهتمش وشروق لطمت بخوف وجريت على الاوضه ولسه هتدخل مسكها من دراعها بقوه وبص لها بغضب وقال...لو  طلعتي بره الاوضه تاني هكسر رجلك مفهوم

 شروق قالت بخوف....انا... انا كنت هنادي لسماح عشان

بس قاطعها وقال بغضب اكبر ...هعيد تاني ..لو طلعتي من الاوضه تاني ح اكسر رجلك... غوري يلا

و دفعها جوه الاوضه وقفل الباب وقرب من سند بغضب وقال ...ياما دقت على الراس طبول يا ود ابوي  وياما حصلت مشاكل ...بس فضلنا رجاله عارفين الاصول والصح من الغلط ...واللي سمعته  دلوك ده مش بس غلط دي قلة قيمه كمان

 سند لسه هيتكلم قاطعو وقال بسرعه.... انا هطلقها متتعبش روحك من غير اي حاجه مش هخليها على ذمتي لاني مقادرش اتقبلها....قضيت عمري كله وانا شايفها مرتك وبس ..صدقتني او مصدقتنيش اللي حصل ما كانش بكيفي فإتكى على الصبر ولو لسه عندك استعداد تتجوزها بس اطلقها وهجوزهالك

 ولسه هيمشي سند قال بسخريه... خطيبتك تحت هي وابوها جهزلك كدبتين كده يدخلو العقل لو لسه عايز نسبهم يعني

نوح  مسح على وشه بخنقه وقال... معقوله انا رخيص عنديك قوي كده يا سند....ده انت حتى مقابلش تسمعني للدرجه دي ما ليش قيمه عنديك يا ود ابوي 

سند  ضحك بسخريه وقال ...قيمتك عندي كيف قيمتي عنديك بالظبط...ومعزتك كيف معزتي اللي شوفتها بعيني 

نوح ابتسم وهز راسه بيأس وقال ....ولا عمرك هتعرف تعزني ربع  ما بعزك .. محتاج سنين كتيره كتيره قوي يا ود ابوي

 قال كده ونزل يقابل الوزير وسند فضل واقف بيبص لطيفه بحسره ولمعت عيونه بالدموع وقال ....يا ريتني خسرت كل حاجه وما خسرتكش يا نوح...ياريتها جات من اي حد غيرك 

عند نوح نزل وكانو في انتظاره مازن ودولي ومعاهم راجل في ال 50 ده وفدي الشامي والد دولي

نوح قرب منهم وقال... يا مراحب يا وفدي بيه..و انا اقول البلد منوره ليه 

بقلم...زهرة الربيع

وفدي اتنهد وقال..... منوره بوجود ناسها يا عمده

 نوح سلم عليه وعلى مازن ومد ايده يسلم على دولي اللي كتفت ايديها وبصت بعيد مش عايزه تسلم عليه

 نوح كان مخنوق اصلا ومش ناقص بس اصطنع الابتسامه وقال... واه هتردي يدي ولا ايه

 دواي قالت بغضب.... مش عايزه اسلم عليك انا حره

 وفدي قال.... مش كده يا دولي بالراحه كل حاجه ليها حل والعمده قال انه هيشرح لنا اللي حصل

 نوح قعد بلا مبالاه وقال...اتدلعي على راحتك يا ست دولي ما انتي مديه الامان وعارفه اني هعديها لجل وجود ابوكي

 دول لسه هتتكلم ابوها ضغط على ايدها وقال بسرعه... سيبك من دولي خالص يا سيادة المستشار وكلمني انا... انا جاي افهم منك انت ايه اللي حصل بالظبط

 نوح لسه هيتكلم مازن قال بسرعه... ما انا قولت لك كل حاجه يا بابا ...العمده لقوه مع بنت عمه في اوضة اخوه وكلهم هنا كتمو على الموضوع ولو حاول يقول حاجه غير كده يبقى بيكدب ويضيع وقت

 نوح بصله بحده وقال... وهكدب ليه عاد... خايف منك مثلا 

وفدي نفخ بغيظ وقال ...مازن متفتحش بقك تاني... لو حد فيكم اتكلم تاني خليكم تستنوا في العربيه لحد ما نخلص كلامنا

 مازن سكت بغيظ ونوح ابتسم وقال ...اها كده زين ..الرجاله تتكلم والعيال تسمع وبس

مازن اتنرفز جدا من الكلمه دي بس سكت ونوح كمل وقال.. انا هحكي لك اللي حصل من طقطق لسلام عليكم 

عند شروق فوق  كانت متوتره جدا وخايفه من نوح لانه لقاها واقفه مع سند و مش عارفه رد فعله هيكون ايه لما يطلع قعدت على السرير و قالت.... اعمل ايه انا دلوك يا رب ..يا رب انت اللي عالم اني ما ليش ذنب في كل اللي حصل ده ..والكل كرهني وبقيت وحدي حتى ابوي مطايقنيش ...بس انت كفايه يا رب رحمتك كفايه قوي

وبقت تبكي جامد 

 عند سند خبط على اوضة غنوه كتير بس مردتش

 نادى لسماح وقال...سماح... خدي تعالي هنه يا بنت

 سماح جات بدلال وهيه بتضفر شعرها وقالت بدلع.... نعمين يا سيدي

سند قال بضيق..متوقفي عدل يابت...فيه ايه

سماح قالت بمياعه...ما انا واقفه اهوه يا بيه 

سند ابتسم و بصلها بوقاحه وقال...طب ادخلي للست غنوه شوفيها لو في الحمام علشان مبتردش... وابقي حصليني على اوضتي فيه حاجات عايزك ترتبيها

سماح قالت بدلع.... الست غنوه مشت راحت مع الست حليمه هتحجز لها فستان عند الكوافير تحب اروح انضفلك الاوضه لحد ما يرجعو 

سند اختفت ابتسامتو واتسعت عنيه بذهول وقال... مين اللي قالهم يطلعو ... نوح

سماح قالت بلا مبالاه.... لاه هيه الست حليمه اصرت عليها تروح معاها 

 اول ما قالت كده كان هيقع من طوله وقال بقلق.... لاه ياما ...اوعي ..اوعي ياما

وجري بسرعه على الطابق الارضي

 تحت الوزير قال بضيق.... وده كلام يدخل العقل برده يا عمده يعني ايه لقيتها جنبك وانت ما تعرفش مين عمل كده

 نوح اتنهد وقال ...ده اللي حصل وكلنا متأكدين ان ده ملعوب من حد علشان يفرق بينا  وعلى الاساس ده اتفقنا ان شهر بالكتير وهطلقها نكون رتبنا امور جوازنا انا ودولي..يعني تقدرو تعتبره الجوازه دي ما حصلتش من اساسه

دولي قالت بانفعال ....يعني ايه محصلتش... الكل عارف ان انت اتجوزت بنت عمك ..لا ورحت عملت فرح كبير ولا فاكرنا منعرفش...واصلا ايه الكلام ده يعني ايه ملعوب من حد و صحيت لقيتها جنبك ..مين ممكن يعمل معاك كده الا اذا كانت هي بقى عينها منك وقصدت تعمل كده علشان توقعك و

بس نوح قاطعها لما وقف بغضب وقال....ولا حرف ذياده....اسمعي يا بت الناس انا قولت  اللي عندي كله من غير ما اكدب عليكي في حرف واحد وبيني وبينك ربنا ومقدر اللي انتي فيه وعشان كده مزعلانش من كل حركاتك اللي فاتت...لكن لو  جبتي سيرتها بالعاطل هنسى كل اللي بينا ...اللي فوق دي قبل ما تبقى مرتي هيه بت عمي ومن دمي ومن ناسي واللي ما لوش خير في اهله عمره ما هيبقاله خير فيكي...مات الكلام  انا قلت اللي عندي يا تقبلوا بيه يا اما نفضوها بالمعروف

دولي لسه هتتكلم ابوها قال بسرعه ...عداك العيب يا عمده ...اهدي يا حبيبتي واعقليها هو لو مش عايزك محدش غصبو ...وعلى العموم لو انتي مش مصدقه قوي ممكن مناخدش اي اجراء في جوازكم لحد ما الشهر ده يخلص وتتاكدي بنفسك انو طلقها حتى تتجوزو

نوح قال.. كلام موزون 

دولي قالت بعند....لا بقى انا عايزه اعمل احتفال خطوبه كبير وكذا حفله وهو متجوز ما عنديش مشكله وهيه بقى حابه تحضر تحضر  مش حابه هيه حره

نوح  بصلها بزهول وقال... انتي بتقولي ايه ...يعني الناس امبارح تحضر فرحي ودلوك تلاقيني عامل حفلات وبخطب واحده تانيه ده كلام بردك 

دولي قالت..... والله ده اللي عندي ما هو مش كل حاجه هتمشي على كيفك يا عمده انا ليا حق زيها وكمان انت راجل وحر تتجوز تاني براحتك 

نوح لسه هيتكلم شاف سند بيجري بسرعه هيطلع من السرايا جري عليه مسكه من دراعه وقال ... رايح فين جري كده

 سند قال بغضب....وانت مالك هتحرسني اياك 

نوح قال بضيق ....سند انا بسألك رايح فين اتكلم ومتضيقش خلقي 

سند نفخ بزهق وقال ...طيب هقول لك ...انا قولت كفايه عليك  ضيوفك بس شكلك غاوي تعب.... امي اخدت غنوه بره السرايا طلعوا لحالهم قال ايه هتحجز لها فستان فرح 

 نوح اتسعت عنيه بزهول وقال بزعيق.... انت بتقول ايه مين سمح لهم يطلعوا 

سند قال بخنقه... خليني الحقها دلوك وزعق بعدين

نوح قال بسرعه.... استنى جاي معاك...بت ياسماح  هاتي مفاتيح العربيه 

بس قطع كلامهم لما دخل نجاتي جري وقال الحق يا جناب العمده في ناس ضربوا نار على الست غنوه في السوق  

سند حط ايده على دماغه بزهول ونوح اتصدم بشده وقال بغضب.... بتقول ايه يحرق ابو اللي جابكم كلكم سبتوهم يطلعوا لوحدهم ليه من اساسه

وبص لسند بغضب وقال....و انت مش هتبطل المعيله دي 

..انا مش قولتلك طلعها من دماغك البت عهده في دارنا 

سند قال بسرعه .....ورحمة ابوي ماكان عندي علم ....خلينا نلحقهم دلوك ونتحدت بعدين

وبص لنجاتي وقال بقلق.... هما فين دلوك يا نجاتي 

نجاتي قال بسرعه....الرجاله جايبينهم في العربيه.....اكلم الدكتور جنابك

نوح قال بغضب .... ايوه يا اخوي كلم الدكتور ده لو كان لسه يقدر يعمل حاجه ...وانتو روحو شفولكم طرح البسوها وشوفولنا اتنين معاكم  طالما مقدرناش نحمو مره حدانا

و

 بس قطع كلامه بصدمه لما دخلت غنوه وقالت بسرعه.... لاه انا زينه  متقلقش جنابك ما حصليش حاجه ....بس  حماتي اتصابت.... اااااااه يا حماتي يا وجع قلببي عليكي

بقلم...زهرة الربيع

نوح بصلها بزهول شديد

وسند  نطق بالعافيه وقال..... حماتك مين... حماتك مين حمى تاخدك 

وكان هيقع من طوله لما دخلوا الرجاله وشايلين حليمه وهيه بتنزف بشده وبتتالم مش قادره تنطق 

غنوه بقت ماشيه قصادها وبتندب وبتقول....اه يا حماتي ...خليتي بيا قبل ما اجيب خلقاتي ...كيف اعمل الفرح وارقص سبع ليالي دلوك.... كيف يقولوا لي شيلي حماتك شيليها من سابع دور واحدفيها

 سند قرب عليهم بصدمه وشالها منهم حطها على الكنبه بسرعه وهو بيقول بزهول..... اما ردي عليا ياما 

غنوه قالت ببكا....مهتردش مهتردش يا مرارنا ....خلاص بقيت من غير حمى.... كان نفسي اغنيلك واقول لك امك عامله مصليه ...حطيت اللحمه على دولاب ما حدش كلها الا هيه

...بس ملحقتش تاكل اللحمه يا نضري

  نوح رغم الصدمه اللي كان فيها لكن كان عايز يضحك بس زعق في الغفير وقال..... قولت لكم كلموا الدكتور يلا 

و بص لغنوه وقال ....وانتي كمان هملي اللحمه دلوك..اا قصدي همليها ترتاح دلوك 

 بره كان نجاتي بيتصل على الدكتور بقلق وبعت واحدد يروح يجيبوا بالعربيه من بيته

في الوقت ده وقفت بنت جميله في العشرينات وهي بتبص للسرايا بزهول وقالت.... يا حلاوه يا ولاد 

قرب منها نجاتي وقال.....انتي مين  يا بت وواقفه عندك ليه 

البت قالت بارتباك..... انا جايه اقابل غنوه.... قول لها جنه  وووووووو

امي لو جرى لها حاجه هطلع بروحك مش هعديها بالساهل كده مش هستنى يقتلوكي انا اللي هموتك بيدي سامعه يا بت الرفضي

غنوه كانت بتسمعوا بزهق وقالت.... فيه ايه يا سي سند اعتبرها فدتني يا جدع قول فداكي

سند اتسعت عنيه بذهول وكان هيتجنن وقال بانفعال....هي ايه اللي فدتك هي بهيبه ماتت اقولك فداكي

 لسه هترد نوح قال بزهق وغضب .....ما بس انت وهي..وبعدين معاكم  وجعتوا لنا راسنا اتكتمو وخلينا نشوف الدكتور هيقول ايه

 الدكتور كان خلص كشف وبص لنوح وقال ...لازم نطلع الرصاصه بسرعه تحبوا نشتغل هنا ولا نروح المستشفى

 نوح لسه هيتكلم غنوه قالت بسرعه ...اتوكل على الله هنا هيجرالها ايه يعني العفش لا بيموت ولا بيضيع 

سند بصلها بغيظ ونوح قال بسرعه ...هيه معاها حق ..احم  قصدي مش عايزين شوشره ... طلعها اوضتها يا سند

وانت اتفضل معانا يا دكتور هنجيب لك كل اللي تحتاجه

 سند شالها بسرعه وطلع بيها على اوضتها والدكتور معاه

نوح  لسه هيحصلوا استغرب لما لاقي نجاتي نادى على غنوه وبيتكلم معاها

قرب منهم علشان يسمعهم واستغرب لما لاقاها بتقول بخوف... يا مري جنه ..ايه جابها هنه الله يخرب بيتها.... طيب بص قول لها ان انا مش قاعده هنا 

نجاتي قال ...بس انا قولت لها انك هنا يا ست غنوه ...سألت اذا كنتي ساكنه هنا ولا لا وقولت لها ايوه 

غنوه قالت بغيظ...جاك اوه يا بعيد ....طيب انا طالعه لها ..وطلعت بسرعه معاه

 نوح استغرب جدا و لسه هيطلع وراهم الوزير قال... هو ايه اللي بيحصل يا عمده مين اللي كان عايز يموت مرات ابوك هو فيه ايه

 نوح كان دماغه مع غنوه وقال بسرعه.....ده حوار كبير هبقى احكي لمعاليك عليه بعدين ... انتم اطلعوا ريحوا من السفر ونكمل حديتنا بعدين 

وفدي قال ....لا انت عارف ان انا ورايا شغل كتير..  انا همشي و دولي هتفضل هنا علشان تكملوا كلامكم على راحتكم ..وسواء اتفقتو  هتأجلو الاحتفال لبعد الطلاق او هتعملوه دلوقت انا ما عنديش مشكله دي حاجه تخصكم انتو

نوح اتنهد بخنقه وقال... هي دولي هتقعد هنه 

 دولي قالت بسرعه ...ولحد ما تطلق البنت اللي فوق دي مش هتحرك من هنا

 نوح بصلها بغضب ولسه هيرد وفدي قال بسرعه.... انتم محتاجين وقت مع بعض علشان تتصالحو واهو مازن قاعد معاكم وانا هاستاذن دلوقت وابقى اجي وقت تاني

نوح شاف  انها فرصه علشان يطلع معاه الجنينه ويشوف غنوه بتقابل مين قال بسرعه ....طيب اكيد هنتفق ما تقلقش نفسك خالص تعالى اوصلك لغايه عربيتك 

وفدي قال...ثواني بس هقولها كلمتين

نوح مسح على وشو بضيق وقال....بس بسرعه...معايزينش نعطلك يعني

وفدي ابتسم واخد دولي على جمب وقال بهمس...اسمعي بقى تبقي عاقله كده ومتخليش حتت العيله اللي فوق تاخده منك....ومتنسيش احنا كنا فين قبل معرفته وبقينا فين...ده بيتحكم في الصعيد كله بمجلسه وهو مكانو متفتكريش ان حتت الوزاره اللي طولتها بمساعدته هتنفعنا لو خسرنا نسبه

زي ما هو محتاجنا احنا محتاجينه علشان نفضل ثابتين في مكانا فاهمه

دولي قالت بغضب..انت مش هامك الا مركذك بقولك اتجوز والبنت اللي فوق دي مش ساهله تقولي منصب وفلوس

قال بغضب...الي فوق دي متجيش نقطه في بحرجمالك او مركذك انتي هبله... افهمي بقى...احنا كاشفين ورقنا من الاول ..هو وانتي عارفين ان ده جواز مصلحه علشان نقوى ببعض..احنا محتاجين شعبيته ..وهو محتاج مركذنا امال هو ساعدنا في الاول لله في لله او خطبك من عشقو فيكي يعني...انتي عارفه خطبك ليه وانتي قريب هتبقي مرات اهم راجل مش بس في الصعيد..نوح مش هيقف عند الدايره نوح في اي وقت ممكن تلاقيه مكاني واعلى مني كمان اعقلي كده وخلينا كسبانين من كل جنب

دولي لسه هترد نوح قال بزهق...ايه معاليك مطولين

وفدي قال...لا ابدا جيت خلاص هيه دولي حببتي عاقله مش كده يا ديدي

دولي قالت بضيق..طبعا يابابا متقلقش

وفدي ابتسم وطلع مع نوح على الجنينه

بره غنوه راحت لجنه  بقلق وقالت ....يخرب بيت اللي جاب ابوكي ايه اللي جابك هنه 

 جنه ابتسمت بفرحه وقالت..... وحشتيني يا غنوه

و حضنتها جامد 

غنوه اتنهدت وقالت ....وانتي كمان والله يا جنه بس بردك مش هسكت لك ...ايه اللي جابك انا مش قايلالك متجيش هنه واصل

 جنه قالت.... وحشتيني يا بت قلبي واكلني عليكي و عايزه اطمن واشوفك قدام عيني....من وقت ما امي قالت لي على اللي حاصل وانا هتجنن واشوفك ..زين انهم مخبينك هنا امان بردك

 غنوه اتنهدت وقالت... وهيفضلو مخبيني لميته مسيرهم هيسلموني

بقلم...زهرة الربيع

جنه قالت بدموع ....اتكلمي يا غنوه قوليلهم على اللي حاصل من الاول و ملكيش صالح بحاجه اللي عايزه ربنا هيكون يابت عمي

 بس قاطعتها بسرعه وقالت.... انا عايزاكي متتدخليش واصل في الموضوع ده فاهمه ولا لا ....انا هحلها انتي خبراني زين ميقدرش عليا الا الي خلقني

قوليلي صوح فين ولدك اتوحشته قوي

 جنه قالت بحزن ....ما انتي عارفه مبيرضوليش اطلع بيه من الدار

غنوه قالت بحزن.... لساتهم حاطينك في دماغهم

 جنه قالت بدموع.... وايه الجديد يا غنوه ...انا عايشه في جحيم يعلم ربي من وقت ما مات صادق وكل حاجه اتطربقت على دماغي...صوح كان عجوز ومكحكح ورجله والقبر بس كان شايل عني هم كبير ما كانش حد يقدر يدوس لي على طرف دلوقتي من وقت ما مات حتى ولدي معرفاش اتهنى بيه... واهلي هنا اهم حاجه عندهم اقعد في داري وحافظ على ورث ولدي

و اولاد صادق هناك مسايبنيش في حالي ولا طايقين وجودي ولا قعدتي انا والواد...بخاف انام  وافضل حارساه الليل كله 

غنوه اتملت عيونها بالدموع وقالت... حقك على راسنا ي يا جنه ما حدش عرف يحميكي واصل

جنه ابتسمت لها ولسه هترد لمحو نوح جاي ومقرب منهم جنه غطت وشها بسرعه بطرحتها 

ونوح بصلهم باستغراب وقال... واقفه مع ضيفتك بره ليه ضيوفك ضيوفنا

 غنوه ارتبكت جدا وقالت... لاه هيه عايز ترجع دارها عوقت

نوح ابتسم بسخريه وقال....ترجع كيف....مش تعرفينا الاول

غنوه بلعت ريقها بتوتر وقالت.....دي جنه.. بت عمي 

نوح قال باستفهام..... بت عمك يا اهلا ومرحبتين ..وعلى كده انتي ساكنه هنه يا جنه

جنه فضلت ساكته وغنوه قالت بسرعه....لاه هيه متجوزه بعيد مش هنه واصل

نوح بصلها باستغراب وقال.... هي خرسه ولا ايه... بتردي بدالها

 غنوه قالت بتوتر.... لا مش خرسه هيه.....

 بس قاطعها نوح وقال ...طيب دخلي بت عمك على الاقل تتعرف على خطيبك

جنه ضربت على صدرها بزهول وقالت.... يامر مري انتي هتتجوزي يا غنوه 

غنوه بصت لها بدهشه وقالت.... يا مره مرك عشان هتجوز عاد لما اموت هتقولي ايه 

فوق كان سند واقف مع الدكتور لحد ما خلص 

ووالدته كانت نايمه من كتر التعب والدكتور قال... الحمد لله الاصابه كانت في الكتف قدرنا نطلع الرصاصه ونوقف النزيف انا هكتب لك على روشته تجيبها لها ان شاء الله تقوم بالسلامه 

سند اتنهد بارتياح وقال  ...تسلم يدك يا دكتور... اتفضل معايا 

واخذه ونزل بيه يوصله لعربيته

تحت جنه قالت بتوتر .....مقصديش يا بت... بس اصلك ما قولتليش يعني

غنوه  ابتسمت وقالت.... كل حاجه جات بسرعه 

نوح ابتسم بسخريه وقال.... معلش اعذريها مكانش فيه وقت ...كانت فرصه متتفوتش

 غنوه قالت بضيق منو....يلا  انت يا جنه روحي هتتأخري

 نوح بصلها بدهشه وقال...فيه واحده تجيلها قريبتها تمشيها كده مش تدخليها حتى تشرب حاجه 

غنوه قالت.... قولت لك هيه مستعجله 

جنه قالت بسرعه.... ايوه هيه معاها حق..انا مستعجله قوي وفايته ولدي في البيت ..بركه اني اطمنت عليكي يا غنوه

 وحضنتها ومشيت بسرعه 

نوح شاور لنجاتي بعينه و نجاتي فهم المغذى وهز راسه بالموافقه ومشي وراى جنه

غنوه مشيت على السرايا بس نوح مسك ايدها وقال ...مين دي 

غنوه شدت ايدها من ايده بغضب وقالت.... في ايه ما قولت لك بت عمي هو تحقيق ولا ايه 

نوح قال بسخريه...شكلك ناسيه ان فعلا معاكي تحقيق ولو منطقتيش باللي معاكي هتحصلي المرحوم جوزك

غنوه نفخت بضيق وقالت.... انا عارفه كل ده وعمري ما هنساه عشان تفكرني بيه 

نوح لسه هيرد بس سند قرب منهم بغضب وسحب غنوه من ايدها بغضب شديد ومشي بيها ناحيه السرايا

نوح اتفاجأ ومشي وراه وقال....سند بتعمل ايه

سند بصله بحده وغضب وقال .....ما تتدخلش فاهم...متتدخلش واصل

 واخذ غنوه وطلع بيها بغضب 

 نوح مسح على وشه بضيق ودخل السرايا بخنقه ذادت اضعاف لما لقى مازن في وشه قاعد بيلعب على التليفون بتاعه بلامبالاه وقال بسماجه...عمده تعالى هات مبايلك ونافسني بابجي هتبقى منافسه شرسه بين ابن الوزير وابن العمده

نوح قال بخنقه..مكانش ناقصني الا اجاري ..كلاب السكك والمجاري

مازن قال بسرعه..ايه ..ايه قولت ايه 

نوح ابتسم ببرود وقال....لا ابدا كنت بشتمك يامازن مش حاجه جديده يعني ...قولي اختك فين

مازن اتغاظ جدا بس ابتسم بشماته وقال....راحت تبارك لعروستك ..الروح رياضيه مطلوبه برده

 نوح اتسعت عنيه بدهشه  وطلع بسرعه على اوضته

عند سند اخد غنوه بغضب على اوضته ودخلها وقفل الباب

غنوه اتخضت من اللي عمله وقالت بتوتر..... انت ..انت  قفلت الباب ليه

سند قال بغضب..... امي كيف اتصابت

 غنوه قالت بسرعه.... ما انت عارف انا حسنين عايز يقتلني ...وحبيبتي حماتي الله يخليها لي جات تزقني بعيد علشان متصابش ..قوم ايه ... جت فيها يا قلبي

سند ابتسم بسخريه وقال ....بصي كده لو في ختم على قفايا قولي لي عليه... عشان ما اقص شعري بعد كده واداريه يعني

غنوه اتنهدت وقالت.... طيب ..احنا كنا في السوق وهيه كانت ورايا بتقفل لي الفستان بتاع الفرح اللي بقيسه ....وانا بالصدفه يا دوب بوطي اعدل الجزمه حشاك لقيت هوب رصاصه رشقت فيها انا ذنبي ايه

سند قرب منها قوي وحاصرها عند الحيطه وقال وهو بيبص لعيونها ....وانتي وطيتي تعدلي الجزمه وانتي معارفاش ان في حد قاطركم مش كده

غنوه قالت وهي بتبص لعيونه بدلال ....صدفه وحياه عيونك السود اللي القلب بيهم موعود

سند ضرب على الحيطه وراها بغضب وقال... انت بتكلم  اهبل يا بت ....انتي كنتي عارفه ان في حد هيضرب عليكم علشان كده بعدتي قاصده تخليها تتصاب 

 غنوه اتنهدت وقالت.... هقصد ليه بس.... ده احنا لسه حتى ما اتجوزناش ولا شوفت خيرها ولا شرها و بعدين يعني لو حصل لها حاجه انا اللي هتضرر مش فرحنا كان هيتاجل  وانا عايزه اتجوز انهارده قبل بكره

وقربت منه قوي وبقت تقفلو ازرار قميصه اللي فوق لانه بيسيبهم مفتوحين وقالت بدلال  ..خلي قميصك دايما مقفول ...حفاظا على اللي باقي من العقول

سند رغم انو متنرفز منها لاكن كان عايز يضحك على حركاتها كانت بتجذبوا جدا ليها بجراتها ودلعها  

شدها عليه بقوه وقال ....طب ما تثبتي انك عايز تتجوزي النهارده قبل بكره 

غنوه عضت على شفتها وقالت.... واثبت كيف 

ميل على شفايفها وقال بهمس...انا اللي هقولك تثبتي كيف

بس قبل ما يلمسها دفعته بسرعه وقالت.... لاه كده يحصل حريق..... فاكر الحريق

 ومشيت وهي بتضحك بس قبل ما تطلع من الباب قال بسرعه .....البت اللي كانت تحت دي تعرف اللي انتي ما عايزاش تحكيه مش كده..عارفه قتلتي جوزك ليه

 غنوه اتسعت عينيها بذهول والتفتتلو  بسرعه وصدمه كانت فاكره انو خرج بعد ما جنه مشيت ومشافهاش اصلا قالت بقلق...قصدك مين...جنه 

عندي شروق كانت قاعده بحزن و الباب خبط حطت طرحتها على راسها وفتحت بسرعه فاكراه نوح بس اتصدمت لما لقت دولي في وشها 

دولي بصت لها من فوق لتحت بغيظ و قالت ....صباحيه مباركه يا عروسه مبروك الجواز

 شروق فضلت ساكته مش عارفه ترد 

ودولي دخلت وبقت تتمشى في الاوضه وتبصلها بقرف وقالت ..غريبه معملتوش ديكزر جديد  يعني ولا علشان الموضوع جه بسرعه

شروق لسه هترد بس دولي قربت منها وقالت بسرعه.... تعرفي كنت متضايقه منك قوي... بس بعد ما شوفتك دلوقت شفقت عليكي.... لان العقل ده ميزه من عند ربنا ومش بيديه كل الناس وانتي يا حرام معندكش منه ابدا 

شروق اتضايقت جدا من كلامها وقالت..... انا لو سكتها لك فده علشان انتي ضيفه عندينا فملوش لزوم الغلط ده

بس دولي ضحكت جامد وقالت ....ضيفه ....مين دي اللي ضيفه... انتي يا حببتي اللي ضيفه هنا....ومؤقته كمان  انما انا صاحبت مكان و لا انتي متعرفيش ان انا هتجوز انا ونوح اخر الشهر ودلوقتي كمان حددنا ميعاد حفله اعلان خطوبتنا قدام كل الناس 

بقلم....زهرة الربيع

 شروق اتسعت عنيها بزهول وصدمه ومتخيلتش ان نوح يعمل فيها كده ويعمل حفلات قبل طلاقه منها ويحطها في موقف زي ده

دولي قربت منها وقالت..... مصدومه كده ليه هو انتي مكنتيش تعرفي ان احنا هنتجوز ولا كنتي فاكره ان الحركه اللي عملتيها دي هتعمل حاجه

على فكره نوح حكالي على كل حاجه قال لي عن حركتك الرخيصه يا رخيصه لما روحتي ونمتي في حضنه وهو نايم  علشان تجبريه يتجوزك

شروق حطت ايدها على بقها بزهول وهيه مش مصدقه اللي بتسمعه منها ورجعت لورا خطوات وهي بتعرج بوضوح ومش قادره تقف

 وهنا دولي ضحكت جامد على حركتها ومشيتها بطريقه تكسر القلب وقالت ....طب حتى بصي على نفسك بصي على مشيتك .. كنتي متخيله ان نوح بيه هيتجوزك انتي بشكلك ده ويسبني انا

ولفت قدامها برشاقه وقالت.... بصي عليا يا حبيبتي شوفي الفرق وانتي تعذريه بنفسك اكيد مش هيسيب واحده زيي علشان واحده زيك تافهه ورخيصه وعيله وعرجه كمان متخيله لو في مناسبه ممكن ياخدك بشكلك ده بمشيت البطريق بتاعتك دي

 شروق انهارت من جواها وقالت ببكا ....اطلعي بره اوضتي ....اطلعي دلوك بقولك

دولي قالت بسخريه.... حتى دي هتبقى اوضتي... لما اتجوز نوح هترجعي انتي على اوضتك عشان احنا متفقين نفضل سوا في الاوضه دي انا بحبها وليها ذكريات معايا ...جهزي نفسك يا ضرتي عشان تحضري فرح جوزك وتخدمي على الناس المهمه اللي هتحضر فيه 

في الوقت ده وصل نوح وقال.... انت بتعملي ايه هنا يا دولي 

شروق بصت الناحيه التانيه بسرعه عشان ما يشوفهاش وهي بتبكي وبقت تمسح دموعها بس نوح عارفها وحافظها وفهم ان دولي دايقتها بصلها بضيق و قال ....بكلمك ردي عليا.. كنتي بتعملي ايه هنا 

دولي قالت..... ابدا حبيبي كنت ببارك للعروسه مش اكتر 

وقربت منه وباسته من خده وقالت.... هستناك في اوضتي عايزه اوري لك الديزاين بتاع الفرح اللي اخترته ...يلا باي 

وخرجت بلا مبالاه وسابته في موقف لا يحسد عليه

 شروق كانت مديه ضهرها ليه ومش بتبصله ابدا بس هو كان عارف انها بتبكي اتنهد وقال ...بتبكي ليه دلوك ما انتي عارفه من الاول اني هتجوزها.... يا شروق انا رغم كل اللي عملتيه بس معايزش اوجعك اكتر من كده .....شيليني من دماغك يا بت الناس لا انا انفعك ولا انتي تنفعيني وحتى دموعك دي مش من حقي 

بس قطع كلامه لما سحبت السكين كانت على طبق الفاكهه وقربت منه و قالت بانهيار وهيه بتشهق وبتتكلم بالعافيه ....اقتلني..... اقتلني يا نوح  مقدراش اتحمل....بالله عليك... انت كان معاك حق انا عملت كل ده انا اللي جيت جارك وانا السبب في كل اللي حصل في البيت ..يلا اقتلني انا استاهل

و حطت السكينه في ايده وهو بيبصلها بزهول وصدمه ووووو

انا اللي جيت جارك ليلتها وعملت كده علشان اجبرك تتجوزني انا بعترف لك اهو اقتلني وخلصني

 نوح بص لها بزهول وقبل ما ينطق كملت بانهيار وقالت... خلاص مقدراش اتحمل مقدراش اسمع كلامكم ده مقدراش  ريحني احب على يدك 

وبقت تبكي بشده بطريقه توجع القلب 

نوح اتنهد ورمى السكين من ايده وقال بحزن ...ليه بتعملي في نفسك كده ما حدش يستاهل يا شروق... اسمعيني زين لو انتي غلطتي مره وفكرتي ان اللي عملتيه ده هيقربك مني وحسبتيها غلط او كانت ذلة شيطان فده ما يستاهلش انك تموتي احنا اهلك وخابرينك زين وعارفين اخلاقك و

بس شروق قاطعته لما بقت تضحك وسط دموعها بطريقه استغربها قوي وقال  ....ايه اللي مضحكك دلوك

حاولت تبطل ضحك وقالت ...بضحك على كلامك...انتو اهلي وعارفين اخلاقي.. باين باين قوي من غير ما تقول... من اول يوم حصل الموضوع ده وعرفت قيمتي عنديكم و فهمت انتو كيف شايفيني 

ومسحت دموعها باديها وقالت.... بس انت قولت كلمه واحده بس صح... ما فيش حد يستاهل... ولا انت حتى يا نوح طلعت متستاهلش واصل 

 ولسه هتمشي مسك ايدها وقال بضيق....هيه قالتلك ايه شقلب حالك اكده قولي وانا هتحدت وياها

دفعت ايده وقالت بغضب اول مره يشوفه....لا متحدتهاش  ..مقالتش زياد عن اللي انت قولته... واصلا ما فيش حاجه توجع اكتر من اللي قولتهولي.. البنيه ما كدبتش قالت اللي سمعته والللي شافته قالت اني رميت حالي عليك وقالت اني واحده  عرجه ومستاهلكش كيف ما شايفه قدامها وكيف ما انت قلت تمام مكدبتش يعني

نوح نزل عيونه في الارض وقال بحرج....تحم..شوفي بعيدا عن كل اللي حصل انا لحد دلوك مش عارف كيف كل ده حصل في يوم وليله و كيف الدنيا اتقلبت على دماغي كده ..بس كل اللي عارفه اني مكانش ينفع اقولك الكللم اللي قولته..بس انتي اكيد مقدره اني مكنتش واعي للي بقوله انتي عارفه اني طول عمري شايفك ست البنات كلهم و

 بس قاطعتو وقالت بسرعه...  لا لا خلاص ملوش لزوم تضحك عليا تاني... ميهمكش يا عمده انا عارفه قيمة حالي و ممستنياش رايك فيه ولا انت ولا خطيبتك 

ولسه هتمشي التفتتله وقالت.... اه على فكره خطيبتك قالت انها عايزه الاوضه دي انا معنديش مانع اسيبها انا كده كده عايزه اروح اقعد في اوضتي و

بس قاطعها وقال بسرعه... مهتطلعيش من الاوضه يا شروق انتي ست الدار دي ومحدش يقدر يطلعك من مكان انتي قاعده فيه ...هنلاقي اوضه تانيه وانتي هتفضلي هنه لحد ما ..احم لحد من نطلق 

نزلت دمعه من عيونها مسحتها بسرعه وقالت بقوه مصتنعه ....تمام ربنا يقرب بعيدها...بما اني هقعد هنه تروح تقولها خيالها معيزاش المحه جمب اوضتي مش جواها لانها خدت ضيافتها معاي ولو رجعت تاني هطلعهالك مكسحه والتجبير غالي اليومين دول يا عمده

قالت كده و راحت على الحمام وهي مش عارفه ازاي ماشيه على رجليها حرفيا اتدمرت من جواها كل يوم صدمه اكبر من اللي قبلها كل يوم وجع يهد جبال

 نوح بص لطيفها بدهشه من كلامها وتهديدها الواضح وقال....هو فيه ايه...هيه البت غنوه عضتها ولا ايه

واتنهد بحزن عليها وقال.... استغفر الله العظيم يا رب 

و خرج من الاوضه وهو متضايق جدا وحاسس بحزن شديد عليها رغم انه فاكر انها السبب في اللي حصل للكن شوفتها مكسوره كده بيوجعه جدا خصوصا انو السبب في كسرتها

عندي غنوه اتصدمت بكلام سند والتفتتلو بسرعه وقالت.... هو انت شوفت جنه

 سند قرب منها وقال بخبث.... مش بس شوفتها كمان عرفت باللي قولتوه سوا عن اللي حصل.... قالتلك احكيلهم خليهم يساعدوكي... يعني هيه كمان عارفه بموضوعك كله 

غنوه احتدت عنيها  بغضب وقالت ...انت مكنتش في الجنينه وقتها ...عرفت كيف...انت مسلط الغفر علشان يتصنتوا علي 

بقلم....زهرة الربيع

سند ضحك بخفه وغمز وقال... يعني مش بس جامده لا وكمان ذكيه 

غنوه بصتلو بغضب شديد وقالت ....مش مكسوف من نفسك وانت مخلي واحد يتصنت على اثنين حريم مع بعض

سند  قال بلا مبالاه ....لا مش مكسوف خالص الصراحه ...انا ممكن اتصنت على واحد مع مرته ومتكسفش عادي بردك ..اصل انا ما اتربيتش

غنوه قالت بغيظ شديد ....ومين هيربيك... يمكن حليمه

و لسه هتمشي مسك ايدها وقال بغضب.... انا لسه ما نسيتش اللي عملتيه فيها ومش هعديها لك الحركه دي بس اللي فلتك مني النهارده انها بقت زينه  

غنوه فلتت ايده وقالت بضيق ....العقل زينه يا ود العمده وانت سبحانه محطلكش منه ذره واصل... انا واحده مواجهه الموت 24 ساعه يعني اكيد ما هخافش من تهديداتك دي... وفرها للعصافير اللي بتبعتهم ورايا يراقبوني

 ولسه هتمشي قال بخبث...هنكتب كتابنا الليله مقادرتش استنى 

وقرب منها وقال...خليني  الحقلي معاكي ليلتين قبل ما تودعي

غنوه غمضت عينيها بخنقه وقالت.... ربنا يسهل اطمن على حماتي الاول والباقي سهل.... تصبح على خير يا سندي

مسك ايدها قبل ما تمشي وشدها عليه بقوي وقال .....قولي يا سندي تاني كده 

غنوه ابتسمت وقالت برقه ودلال ....سندي.... عجبتك

 سند بلع ريقه بالعافيه وقال.... قوي... تعجب اي حد فيه مزيكا في صوتك يا بت و الكلمه دي طالعه كيف الشهد من لسانك احلى حد قال اسمي عموما

 غنوه ضحكت بسخريه وقالت... احلى حد متأكد...احلى من شروق حتى

سند  اختفت ابتسامته تدريجيا واتبدلت ملامحه 180 درجه وشدد من قبضته عليها وقال بغضب ....متجبيش سيرتها قدامي سامعه ...متجيبيش سيرتها واصل ما بقيتش اطيقها ولا اطيق سيرتها 

غنوه ابتسمت رغم المها من قبضته عليها وحطت ايدها على قلبه وقالت.... بس ده مش كره يا سند... هي لسه هنا واللي بيسكن ده ما يطلعش منه بالساهل... اسألني انا 

سند لمعت الدموع في عينيه وسابها وبص بعيد عنها بسرعه وقال.... عايز اقعد لوحدي... اطلعي بره 

غنوه ابتسمت بحزن وطلعت

و هو غمض عينه واتنهد بحرقه و نزلت دمعه على خده وهو حاسس بالم شديد مهما حاول ينسى ويتعايش ويتجاهل لكن يرجع الالم اشد من الاول زي ما تكون الدنيا وقفت عندها

عند غنوه طلعت وكانت هتروح على اوضتها بس جات عينها على اوضة حليمه ابتسمت بخبث ودخلت ولقيتها بتتالم وبتتنفس بصعوبه قربت منها وقالت..... الف سلامه عليكي يا حماتي قلبي معاكي يا غاليه

 حليمه بصت لها بغضب شديد وهي ابتسمت وقالت.... تعرفي كنت لسه جايه من عند ولدك كان بيقولي خلينا نعمل الفرح الليله مقادرش اصبر بس انا قلت له لاه والف لاه عمري ما هتجوز الا لما حماتي تخف وتقف جنبي 

حليمه اتعصبت اكثر وقالت غضب والم...انتي...انتي عايزه مني ايه 

غنوه ضحكت وقربت منها وقالت.... عايزه افهمك حاجه واحده انا عيني في وسط راسي وبعرف اللي قلبه عليا من اللي معندوش قلب من اساسه... و اكيد مكنتش هصدق انك عايز تشتري لي فستان بس قولت اخدك على قد عقلك واشوف اخرك

خلينه بصت لها بغضب شديد وقالت...قصدتي توطي علشان تاجي فيها ...انا مكنتش اعرف انهم قاطرينا 

غنوه ابتسمت وقالت... ما انا عارفه يا حماتي ...ولا انا كمان كنت اعرف انهم ورانا  بس حظك كده انا عايزاكي متتعبيش نفسك في الكلام واصل سيبي كل حاجه عليا ...حتى ولدك في يد امينه ما تخافيش مش معنى اني قاتله جوزي الاولاني اني هقتله هو كمان لا سمح الله ...لاه انا ما باذيش من غير سبب يعني اللي ياذيني بس هو اللي يخاف

 حليمه بقت تبص لها بقلق وحقد وهي قالت ....تصبحي على خير يا حماتي

وسابتها وطلعت وهيه بصت لطيفها بحقد وقالت ..صبرك عليا يا بت الجزار

عند شروق طلعت من الحمام بعد ما اخذت فتره كبيره فيه وهيه بتبكي لقت نوح كان مشي من الاوضه اتنهدت بارتياح لانها مبقتش قادره تتكلم معاه في اي حاجه لبست عبايتها وطرحتها وراحت على اوضه والدتها بسرعه

هويدا فتحت الباب واول ما شافتها قالت.... شروق.. خير يا بتي

شروق قالت بدموع...جيت اتكلم مع ابويا عايزه اشوفه ياما 

حكم قال من جوه ...مين اللي بيخبط يا هويدا... لو البت سماح قولي لها تجيب لي كوبايه شاي 

هويدا ارتبكت جدا ومردتش وشروق دخلت وقالت بدموع...ده انا يا بوي... عايزه اتكلم وياك 

حكم اتسعت عينيه بدهشه واتحولت نظراته لغضب رهيب وقال... اطلعي بره معايزش اشوف وشك اطلعي

شروق قالت بدموع ...اسمعني حتى يا ابوي احب على يدك ...والله ما عملت حاجه معملتش اي حاجه  وحتى انا حكيت لامي و....

 بس قاطعتها وقالت ....حبيبتي يا شروق... ارجعي على اوضتك يا بنيتي كل حاجه هتتحل مع الايام ارجعي على اوضتك دلوك

 شروق لسه هترد  بس حكم قال بغضب.... مفيش حاجه هتتحل انا قولت من ساعة اللي حصل اني ما بقاش عندي بنته انا بتي اللي ربيتها عمرها ما توطي راسي بالشكل ده انا بتي اللي ربيتها ما فيش انظف منها مهيش خاطيه وزا،،نيه

شروق قالت بدموع....لاه يابوي انا بتك والله ما وطيت راسك ولا عملت حاجه شينه ... انا عارفه ان اللي شوفته صعب عليك بس كان غصب عني والله انا كنت في الاوضه و ....

بس قاطعتها هويدا تاني وقالت..يا بتي ملوش لزوم يا حبيبتي انا قولتلو كل حاجه وهتفاهم وياه وهخليه يسمعك و

بس سكتها حكم  لما مسك شروق من دراعها بغضب وفتح الباب ودفعها ووقعت على الارض وقال...معايزش اسمع حاجه ..دي مكانها هنه على الارض... لولا العار اللي هيلحقنا كلنا كنت دفنتها تحتيها

 ولسه هيقفل الباب هويدا كانت هتجري عليها بس قال بغضب خليكي جوه يا مره لو طلعتي وراها هتبقي طالق 

وقفل الباب بغضب

 هويدا بقت تبكي جامد وتندب وشروق فضلت على الارض بصدمه وانهيار  ومقدرتش تقف تاني وهيه حاسه ان مبقلهاش اي حد 

 لحد ما حست بحد بيوقفها وضمها عليه وقال... الف سلامه يا قمر ...حد يعمل كده في النعمه الجسم العسل ده يترمي على الارض ده كلام

 شروق اتسعت عينيها وهي بتبصلو بزهول لما لقيته مازن وحاولت تبعد بس كان ماسكها بقوه

عند نوح نزل على الاسطبل ونادى لنجاتي وبقى يفك الحصان بتاعه وهو بيقول ....ارغي حليمه كيف اتصابت

نجاتي قال...طلعو على السوق ورجالة حسنين كانو قاطرينها وجم يضربو عليها وكانت الست حليمه وراها وبالصدفه الست غنوه وطت على الارض قامت رشقت في الست حليمه لجل حظها

نجاتي ابتسم وهو بيفكر في غنوه  وقال باعجاب ..اممم..لجل حظها قولتلي

نجاتي قال ...ايوه بالصدفه جنابك

نوح ضحك بسخريه وقال...طيب تشيع لحسنين وتقولو اللي عملتو ده ليه حساب عرب ومهيتسكتش عليه...هيقولك معملتش حاجه ...متردش عليه تقولو الكلمتين دول وبس

نجاتي قال...تؤمرني

نوح ركب على الحصان وقال...والبت اللي كانت هنا عملت وياها ايه..روحت وراها كيف ما قولتلك

نجاتي قال....روحت جنابك طلعت عايشه في ضاحيه قريبه من هنا... كانت متجوزه راجل عجوز وودع 

نوح بصلو  باستغراب وقال ....بس دي صغيره قوي

 نجاتي قال... ايوه ما هو الراجل عنده املاك واراضي كثيره ..والظاهر اتجوزتو عشان كده..ومعاها منو ولد واحد

 وفعلا تبقى بت عمها... اهل جوزها بقى مضيقين عليها قوي ومطلعين عينها يا ولداه و

بس قاطعو وقال بخنقه...بس يا جدتي ..انت هتحكيلي قصة كفاحها نفسي في مره تقول المهم بس

واتنهد وقال .... الحاجات دي مش هتفيدنا في حاجه... المهم انك عرفت عنوانها مش كده 

بقلم....زهرة الربيع

نجاتي قال.... ايوه عرفت عنوانها و كتبتهولك في ورقه كمان 

وادى له الورقه  ونوح حطها في جيبه وقال ..زين كده روح انت انا هطلع اتمشى بالخيل شويه

 وطلع في الساحه وبقى يجري بيه بضيق وخنقه..كل شيئ حواليه متعقد  من اول مشكله غنوه اللي مش عارف يحلها ولا قادر يخليها تتكلم لحد  بعد اخوه عنه وكرهوا ليه وفكرة جوازه من غنوه و الاسوء من كل ده شروق والللي حصلها بسببه  عمره ما اتخيل انه يوجعها للدرجه دي ... هو عارف كويس ان معايرتها بعرجها هتحرق قلبها خصوصا منه هو

قطع شروده ووقف بالحصان  لما سمع غنوه قالت.. انزل من على  الحصان ده شكله تعبان خليه يرتاح

 نوح بص للحصان باستغراب فعلا عليه علامات التعب نزل ومسح على وش وشعره وقال... عرفتي كيف انه تعبان

 قربت منه وقالت ....الوجع عمره ما بيتداري يا عمده 

نوح بصلها باستغراب ونادى لواحد من الغفر اداه الحصان وبصلها وقال على طول من غير  اي مقدمات..... وافقتي على سند ليه.... مهددك بايه

غنوه قالت بلا مبالاه.... اخوي حميد عنده 

نوح اتسعت عينيه بزهول وقال...وبتقوليها ببساطه كده

غنوه ضحكت وقالت...و هو اخوك ده اخره هيعمل ايه يعني ده مفيش اطيب من قلبه 

نوح اندهش اكتر وقال ....مفيش اطيب من قلبه..وانتي ايش عرفك ....مش يمكن يأذيه 

غنوه  ابتسمت وقالت.... الواحد بيتعرف اخره من اوله يا عمده وسند ده اخره يهدد ده كبيره خالص 

نوح استغربها قوي وقال....و لما انتي عارفه انه مش هياذيه وافقتي ليه

غنوه قالت بدون تفكير.... عشان ما اتجوزكش انت ..اهو قدر اخف من قدر

نوح بصلها بزهول ووووووو

وافقت اتجوز اخوك عشان ما اضطرش اتجوزك انت .. اهو قدر اخف من قدر

نوح بصلها بزهول وقال.... وبتقوليها في وشي كمان... مكنتش اعرف اني تقيل على قلبك كده

غنوه ابتسمت وقالت... ولا تقيل ولا حاجه والف من تتمناك بس فيه الي اولى بيك مني 

قال بسرعه ...لو قصدك على دولي فدي معرفة شغل مش اكتر وحتى هيه عارفه زين ان جوازي منها مصلحه 

غنوه ضحكت وقالت ....دوالي بتاعتك دي ولا تشغلني من اساسه ... انا مقصديش عليها انا قصدي على شروق 

نوح قال بخنقه...احم..شروق ليها ظروف انتي حضرتيها من اولها ...وانا مهقدرش اشرح لك اكتر من اللي شوفتيه لان انا نفسي ما اعرفش ده حصل كيف من اساسه بس كل اللي اقدر اقولهولك اني مش بعتبر شروق غير اختي الصغيره ومرت سند اخوي وعمرها ما هتكون غير كده 

غنوه رفعت حاجبها بدهشه وقالت.... مرت سند اخوك كيف...هيه ولا بتحب سند ولا بتطيقه وانت اكيد عارف بتحب مين...اذا كان انا اللي بقالي يومين هنا عرفت هي رايده مين 

نوح قال بسرعه وغضب.... مش بكيفها 

ولسه هيكمل قاطعته بغضب وقالت ....امال بكيف مين .. بكيفك انت واخوك تقسمو بنات الناس بينكم بمزاجكم ...وناسيين ان فيه رب بيقسم النصيب كيف ما بيقسم الارزاق 

نوح كان هيرد بس قالت بسرعه....ريح راسك يا عمده انا مره واعرف اقرا شروق اكتر منك واحب اطمنك عمرها ما هتحب سند وحتى لو  طلقتها مش هتفكر فيه... لانها ببساطه بتحبك انت..و الفرق بينك وبين سند زي الفرق بين السما والارض وعمرها ما هتشوف فيه اللي شايفاه فيك

 نوح قال بغضب وزهق.... يووووه انا قولتلك هتتجوز سند وبس بمزاجها او لا ده اللي هيتم....انا وعدت سند اني اجوزهالو واللي حصل ده مش هيخليني انسى وعد قطعتو

 غنوه بصتلو بدهشه وقالت...انت وعدت اخوك من غير ما تاخد رأيها 

نوح قال بثقه...انا مباخدش راي حد انا بعمل اللي في مصلحه الكل اكيد مش هضرهم

 ابتسمت بسخريه وقالت.... مصلحتها هيه ادرى بيها... خلاص مبقتش عيله وبعدين انا  قولتلك مهتتجوزش سند مش بس لانها رايداك كمان لان سند اتحجز خلاص 

بقلم....زهرة الربيع

نوح رفع حاجبه بدهشه وقال.... قصدك ايه 

غنوه ابتسمت وقالت...هتجوزه انا ... وانا كيف الفريك ميحبش الشريك مقبلش بضره يعني 

نوح ضحك جامد وقال.... انتي مفكره ان سند هيفكر فيكي من اساسه.. هو بيعمل كده لاني قولتله اني هتجوزك وعايز يغيظني  انما هو محبش غير شروق ولا هيحب غيرها طول عمره 

غنوه ابتسمت بثقه وقالت.... مبيحبش غير شروق ماشي.. بس مهيحبش غيرها طول عمره دي حاجه في علم الغيب يا عمده 

نوح قال بضيق....تمام اتجوزيه كظه كده هيترمل وهيرجع يتجوز شروق ...لاننا هنضطر نسلموكي لحسنين علشان نشافة مخك وقتها هخلي الاربعين بتاعتك تخلص واجوزه انا بفهم في الاصول

غنوه ضحكت وقالت .....طب ما تبقاش تنسى القرص وزع على العيال  وامانه تكون قرص عجوه اصلي بحبها وكمان عشان متبقوش اصترخصتو في مرت ولدكم

 نوح بصلها بغيظ شديد وقال.... يعني بردك مهتتكلميش... يا بنت الناس انا عايز اساعدك من الورطه دي متركبيش دماغك وتخليني اسلمك ليهم بكره وارتاح

غنوه  قالت بمنتهى الهدوء... امتى ما هتيجي ساعتي هتسلمني يا عمده قلت لك فيه رب هو اللي بيدبر كل حاجه متفكرش انك اللي ممشي الكون ده على مزاجك

 نوح اتنهد  وقال بغيظ ....لاخر مره هتتكلمي ولا لا 

غنوه ابتسمت ابتسامه حلوه جدا وقالت.... لاه

نوح بصلها شويه باعجاب واتنهد وقال... احسن متتكلميش واول ما تخلص المهله هسلمك انا عملت اللي عليا

 ومشي وهو بيقول بهمس ....يخرب بيت اللي خلف جمال امك الله يقطع شروق على سند على حسنين وولده كمان

 غنوه ضحكت ومشت ايدها  على الحصان وقالت... انت مستحمل المجانين دول كيف.... ربنا يكون في عونك والله

 نوح كان طالع اصتطدم بسند كان جاي للاسطبل 

سند بصلو شويه وقال ....خير يا عمده بتكلم حالك

 نوح ابتسم وقال...مبقاش معايا ونيس اتكلم معاه... مكانش فيه غيرك صاحبي واخويا وابويا وكل اهلي يا سند

سند قال بضيق ....روح اتحدت مع مرتك... ربنا يخليكم لبعض 

نوح اتنهد وقال.... معايزش تسألني ولا تسمعني حتى مره واحده يا سند 

سند اتنهد وقال بضيق.... لا معلش ضيعت وقت كتير وانا بسمعك من غير ما افهم حتى اللي بتقوله ...كانت طلباتك اوامر لحد ما انت بقيت جناب النائب والعمده والكل في الكل في البيت وبره البيت وانا مكنتش عايز حاجه مكنتش عايز فلوس ولا مركز مكنتش عايز غيرها يا نوح ...بس حتى دي استكترتها علي  كانت لازم تبقى هي كمان من املاك نوح بيه علشان نوح بيه ميتقالوش لاه

و لسه هيمشي مسك ايده وقال بسرعه.... وعهد الله ماقربتلها ولا عملت حاجه يا سند ورحمة ابوي مظلوم ممصدقنيش يا ولد ابوي

 سند بصله شويه واتردد جدا وشاف الصدق في عيونه بس كل اللي حضره لحد دلوقتي كسر قلبه وخلاه مش قادر يصدق دفع ايده بتردد ومشي بسرعه وهو مش قادر يتكلم معاه ودخل على الإسطبل 

نوح اتنهد بيأس وطلع على اوضته بحزن شديد

وغنوه اول ما سمعت صوت سند استخبت بسرعه قبل ما يدخل الاسطبل

فوق كانت هويدا قاعده وبتبكي بحزن وحكم قال بغضب...ما  تبطلي نواح يا وليه فيه ايه

هويدا قالت بدموع.... فيه ان دي بنتنا  الوحيده اللي طلعنا بيها من الدنيا يا حكم... حتى لو انت شايفها غلطت متوصلش اننا  نتبرى منها ونعيش من غيرها ونسيبها تعيش من غيرنا

حكم قال بغضب شديد... هو ايه اللي ما يستاهلش.... اللي عملته ده ما يستاهلش ..ده لو اي واحد غيري كان زمانه دفنها تحت سابع ارض احمدي ربك انها لسه عايشه وبطلي نواح

هويدا قالت بغضب ودموع ...يعني هتفضل مقاطعها لحد ميته

حكم قال بغضب..... لحد ما اموت....و كلمه تانيه هتحصليها انتي كمان فاهمه ولا لا 

هويدا نزلت دموعها وبصت بعيد عنه وغمضت عينيها بدموع وحزن مش قادره تنسى منظر بنتها

فوق كانت شروق اتفاجأت لما شافت اللي قوامها و كان مازن حاولت تبعد من بين ايديه وقالت بغضب.... سيبني يا جدع انت بدل ما اصرخ والم عليك البيت كله حل عني ما كانش ناقصني غيرك

ودفعتو ولسه هتمشي وقف قدامها بسرعه وبقى يقرب عليها وقال ...من زمان ماشوفتكيش يا قمر بجد وحشاني 

شروق قالت بغضب... حنش يلوشك بعد من وشي لاحسن انادي لنوح يظبطك زي المره اللي فاتت

مازن ضحك جامد وقال....اه صح نوح فكرتيني مش هتقوليلي بقى من امتى وانتي مقضياها مع نوح ..طب ما انا كنت عرضت عليكي قبل كده و كنت هنغنغك ولا هو نوح احسن مني يعني 

وبقى يقرب عليها بطريقه وقحه

شروق دفعته بخوف وقالت.... كلمه كمان وبجد هناديلو وهو يعرف شغله معاك

مازن  قرب عليها اكتر وقال ....مش لما يبقى فاضيلك انا لسه شايفه مع المزه الجديده تحت في الاسطبل 

شروق بصتلو باستغراب وهو قال ...البنت الحلوه دي اللي كانت بتقعد معاكي في اوضتك 

شروق قالت بدهشه....غنوه 

 مازن قال بسرعه...ايوه هيه دي.... قاعدين تحت بيتسلو ماعتقدش هيسيب فرسه زي دي علشانك  ...هو انتي حلوه وكل حاجه يعني وجمالك يحترم بس انتي خلاص بقيتي متاحه والعمده محتاج ينوع 

 شروق بقت تبصله بغضب شديد ورفعت ايدها هتضربه بالقلم بس مسك ايدها بقوه وقال بغضب ....لا يا حلوه مش انا اللي انضرب ..انا ابن الوزير وواحده زيك اخرها تبقى خدامه عندي 

شروق بقت تحاول تفك ايدها منه بس كان ماسكها بقوه وبيشدها عليه وكانت هتقع اكتر من مره لانها بالعافيه بتقف على رجليها  

عند سند كان واقف جنب الحصان بتاعه بيفكر في شروق وقال بوجع واضح.... تعرف يا جاسر مش هتصدق قولتلها اتطلقي منه وهتجوزك....شوفت قلة قيمه اكثر من كده ..اكيد مشوفتش...والادهى كمان انو حتى بعد عدم الكرامه ده مشوفتش قبول في عنيها..بردها معايزاش غيره... يا ريتني كنت زيه...او ياريتني كنت هو.... معرفش يفرق عني في ايه 

طلعت غنوه فجأه من مكان ماستخبت وقالت بسرعه... انا اقولك يفرق ايه عنيك.... لان الحصان عمره ما هيرد عليك 

 سند اتخض واتسعت عنيه بزهول وقال.... بسم الله الرحمن الرحيم ....انتي ايه اللي جابك هنه يا بت ..هو انتي طالعالي في البخت كل ما اروح حته الاقيكي في وشي

عند نوح كان بيتكلم في التليفون وبيقول....هبعتلك عنوان واحده هتجيبهالي... ضروري الاقيها عندي وما تجيبهاش على السرايا جيبهالي على بيت المزرعه وتستناها لما تطلع من البيت عشان ما حدش ياخد باله انها عندينا فهمت... يلا شوف الرساله هتلقى فيها عنوانها و

 بس قطع كلامه لما شاف شروق من بعيد بين ايدين مازن احتدت عنيه بغضب رهيب واتقدم عليها وهو مش شايف قدامه

شروق كانت بتحاول تدفعه وبتقول بخوف وغضب.... بعد عني بقول لك هملني في حالي 

مازن قال بوقاحه.... انتي طالعه جامده كده لمين حلوه قوي الله يخرب بيتك... اسمعي الكلام بقى محدش هيعرف ولا حتى العمده متخافيش

 بس قطع كلامه لما حس بحد خبط على كتفه

 سابها وانتفض بخوف لما بص وراه و لقاه نوح كان بيبص له بطريقه ترعب ونظراته ما تبشرش بالخير ابدا

عند غنوه ضحكت جامد على سند وعلى خضته وقالت.... فيه ايه سم الله شوفت عفريت

 سند اتنهد بضيق وقال... ده حتى العفاريت مهتطلعليش كيف ما انتي بتطلعلي 

غنوه ابتسمت وقالت....  اهو اتحدت معاك شويه بدل ما بتتحدت مع حالك ولا مع الحصان 

سند قال بضيق...انا متعود اتحدت مع الحصان ملكيش صالح انتي

غنوه بقت تضفر شعرها بدلال وقالت ....رجاله ايه دي يا اختي اللي اخر زمن بقى اجي اقولك هتحدت وياك وانت اللي مش عاجبك

سند رفع حاجبه وقال.... انتي عايزه مني ايه يا بت انتي

و قرب منها قوي وقال... اللي في خاطرك  قوليه دغري مبحبش اللف والدوران....لو عليا انا راجل اعشق الكيف ...يعني القلب يشيل واحده بس الحضن ده يشيل 100 وميستكفاش 

غنوه ضحكت جامد وقالت.... راجل خاين  يعني ده لو حسبناك  راجل اساسا

بقلم...زهرة الربيع

 سند مسكها من دراعها بغضب وقال.... ايه لزوم طولة اللسان دي ...انا خلقي ضيق

غنوه ابتسمت وقالت برقه.... ما تتحمقش قوي كده انا مقولتش حاجه غلط... فيه رجاله كتير زيك مش لحالك يعني 

سند سايها وبصلها باستغراب وهيه قالت....فيه رجاله كتير بيكونو متجوزين ويعشقو حريمهم عشق ...كيف عشقك لشروق كده... ومع ذلك يروحو يرمرمو يمين وشمال ومتكفيهمش مره واحده ولا 10 حتى... وفي الاخر يملو ويرجعو لحضن حريمهم وقال ايه بيحبوهم ويموتوا فيهم عارف ليه

سند قال بخنقه...ليه يا فصيحه 

غنوه قالت بسرعه .. عشان واطيين وميملاش عينهم غير التراب كيفك كده.... وده اول فرق بينك وبين نوح اللي كنت لسه بتسأل الحصان عليه من شويه

سند  بص لها بدهشه وقال.... انا عايز اعرف انتي ازاي كده ...ايه الجرئه دي وكيف طايحه في الخلق كده ولا هامك مين اللي واقف قدامك .... وحتى موضوعك اللي اخره موتك معايزاش تتكلمي وتحليه.... انتي عايزه ايه من الدنيا بالظبط 

غنوه ابتسمت وبصت لعيونه وقالت بمراوغه.... عايزاك انت 

سند اتسعت عنيه بدهشه و شدها من وسطها عليه وقال..... وانا هموت عليكي يعني متفقين

و لسه هيقرب دفعته بقوه وضحكت جامد وقالت ....فهمت غلط بردك مش تفهم قصدي الاول

 سند غمض عينيه بخنقه وقال.... لا انا فاهم قصدك انتي بتلعبي واللعب وياي خطر عليكي 

غنوه لسه هترد تليفونو رن وشاورلها بايده علشان تسكت ورد بضيق وقال..... ايوه يا زفت عايز ايه دلوك

 بس سكت لثواني بصدمه شديده وقال.... كيف ...امتى حصل الكلام ده يا متخلفين ..طيب...طيب انا جاي ليلتكم هباب

معاي

غنوه قالت بقلق.... فيه ايه خير ان شاله

سند  بلع ريقه بارتباك و قال.... حميد...اخوكي  هرب من الرجاله وعشان يوقفوه ضربوا عليه بالنار و

 بس قبل ما يخلص كلامه سحبت السكينه بتاعتها وحطتها على رقبته بقوه لدرجه انها انجرحت من حدتها وقالت بغضب  رهيب....قولت ايه يا عين امك ووووو

حطت السكينه على رقبته بقوه  لدرجه انها انجرحت وقالت بزهول وغضب شديد... انت قلت ايه... ضربت نار على مين ..على اخوي 

سند بص لها بزهول وقال.... هضرب عليه كيف بس  انا مش كنت قدامك هنا ....دول الرجاله بتوعي...هو هرب منهم و كانوا عايزين يوقفوه و

بس قاطعته لما زعقت فيه جامد وقالت.... اخوي فين دلوك رد عليا و نجي حالك 

 سند اتنهد وافتكرتو هيتكلم بس فاجاها لما مسك ايدها بحركه سريعه لفها ورا ضهرها وقال بغضب في ودنها .....انا مش قولت لك قبل سابق الحركات دي متمشيش معاي

غنوه بقت تحاول تفك ايدها وقالت بغضب .هملتي يا سند ...سييبني بقولك ...هطربقها على دماغك انت اللي قايلهم يضربو عليه

سند اتنهد بخنقه وقال....هقولهم ليه علشان يموت ويبوظ كل اللي بعمله....قولتلك الرجاله حبوا يهددوه ويوقفوه والعيار جيه  فيه  بالغلط وانا معرفتش مكانه هرب منهم  بس هلاقيه فقعدي عاقله كده وهبقى اطمنك لما الاقيه

و دفعها بخفه ولسه هيمشي قالت بسرعه.... انا جايه معاك 

مش هقعد هنه حاطه يدي على خدي 

سند قال بدهشه...تاجي معايا فين هو احنا رايحين نصيف

فوق عند نوح ربت على كتف مازن لما مسكه بيضايق شروق ومازن التفتله بصدمه واتوتر جدا لما شاف نظراته

 وقبل ما يتكلم شروق جريت استخبت ورا ضهر نوح زي ما بتعمل بالعاده لما اي حد يأذيها

بقلم...زهرة الربيع

نوح ابتسم وحس بسعاده في قلبه انه لسه امانها اللي بتلجألو  ورغم انو متعصب ومتغاظ منها لانها خرجت من الاوضه تاني لكن بصلها وابتسم بحنيه زي عادته علشان يطمنها 

 ورجع التفت لمازن بس بنظرات مختلفه تماما ترعب

 مازن بلع ريقه بتوتر و قال...انا.... انا احم لقيت شروق على الارض كنت بقومها و

 بس قبل ما يكمل كان نوح ضربه بركبته في بطنه بدون مقدمات وقع على الارض وهو بيتألم بشده 

نزح قال وهو بيبصله بغضب شديد...روحي  على اوضتك يا شروق 

شروق لسه هتتكلم قال بسرعه وغضب....قولت روحي بسرعه على اوضتك

شروق جريت على اوضتها بخوف

ونوح قوم مازن من  على الارض وبصله بطريقه تخوف وقال ....قولتلي كنت بتساعدها مش كده

مازن هز راسه بألم  ونوح ابتسم بخبث وقال....دور على اللي هيساعدك دلوك

 مازن قال بخوف..... لا لا لا لا... انا ابن الوزير ...هوديك في داهيه...اوعى تضرب ..بقولك اهوه و

 بس قبل ما يكمل نوح ضربو بدماغه وقع تاني شبه مغمى عليه ونزل فيه ضرب بقوه بدون اي رحمه 

عند حليمه كانت بتتكلم في التليفون وقالت.... انا مقدراش ارغي كتير ....كتفي واجعني هيتخلع من مكانه

 انا غلطانه اصلا اني اتكلت عليكم ...راجلك الغبي ضرب عليها وشاف الرصاصه جات فيا مكملش و قتلها ليه ...على الاقل كان  وجعي جيه بفايده 

وسمعتو شويه وقالت بسخريه...خاف....اسم الله يا عين امه  ولما رجالتك بتخاف كده باعتهم ليه ....اقفل دلوك انا هلاقي لها حل

 وقفلت معاه  وهيه متضايقه جدا 

عند سند كان في العربيه بينفخ بزهق شديد وغنوه جنبه وقال ...مش معقول الجزمه اللي جوه دماغك دي....جايه معايا ليه هتعملي ايه هناك 

غنوه بصتلو بغضب وقالت.... انت المفروض متتكلمش النهارده معرفاش ازاي صوتك طالع بعد كل ده

سند قال بخنقه.... طالع من حلقي... اتخرست اياك 

غنوه نفخت بخنقه وبصت من شباك العربيه بصمت و نزلت دمعه من عيونها بخوف شديد

 سند اتنهد لما شاف حالتها كده وقال ... دموع دي.. ما كنتش اعرف ان عندك منها 

غنوه بصتلو بضيق وهو اتنهد وقال....قصدي يعني ايه لازمه الدموع دلوك قلت لك هنلاقيه

غنوه قالت بدموع.... انا السبب.. كنت مامنالك ..قولت واحد تافهه زيك اخرته ايه يعني... كبيره يهدد

سند اتسعت عنيه بدهشه وقال ...واحد تافه زيك ...الله يعزك والله ..انا هاحاول اعمل نفسي مسمعتش الشهد اللي طالع من حنكك ده علشان يبقى قتيل واحد بدل ما اخليهم اتنين

و فضل سايق بصمت لحد ما وصلوا المكان اللي كان خاطف حميد فيه

نزلوا وبقى يتكلم مع الرجاله ويفهم منهم اللي حصل

 عند نوع كان واقف مع نجاتي وقال ...تحرس الزريبه بنفسك عايزه يفضل مكان ما ربطته هو والبهايم بحبل واحد ولو جاك  ابوي وطلع من قبره متفكهوش سمعت

 نجاتي قال بتوتر ...جنابك متاكد من اللي بتعمله ده..يعني اخته ممكن ...

بس قاطعه بغضب وقال...انت تسمع الكلام وبس لو فكيته هربطك بداله.....انا معايا مشوار دلوك هخلصه واجي افضاله

 نجاتي قال....ماشي اروح اجيب لك مفاتيح عربيتك

 نوح افتكر لما شروق كانت مع مازن قال بغضب مكبوت....لاه انا هروح اجيبها 

وطلع بسرعه على اوضتها

  عند  دوللي كانت بتدور على اخوها في البيت ومش لاقياه قالت يا رب راح فين الغبي ده انا ناقصه بلاوي 

وشافت سماح معديه نادت لها وقالت .....انتي يا ....انتي يا بتاعه انتي

سماح قالت بضيق....نعم يا ست

دولي قالت....مازن  فين انا بدور عليه بقالي كتير ومش لاقياه 

شوفتيه

 سماح حاولت تداري ضحكتها وقالت ....هو انتي متعرفيش ولا ايه 

دولي قالت باستغراب... اعرف ايه فيه حاجه

سماح قالت ...ده فيه حجات ...مش سي مازن  اخوكي عاكس مرت العمده نوح بيه ..قام العمده شافه وعمل معاه الصح وسحله ورماه مع البهايم ومربوط هناك

دولي اتصدمت بشده وقالت.... ايه انتي بتقولي ايه يا مجنونه انتي

 سماح قالت بضحك.... وكتاب الله هو ده اللي حصل

دولي احتدت عنيها بغضب وقالت ...لا ده نوح اتجنن خالص  هو فين دلوقت

 سماح قالت بشماته...قولتلك مع البهايم مربوطين بحبل واحد 

دولي قالت بغضب..... انا اقصد نوح... نوح فين 

سماح قالت.... اه نوح.. لسه داخل عند مرته انا وطالعه

دولي الغضب اتمالك منها اكتر لانه عند شروق راحت هيه كمان على اوضة شروق وهي هتتجنن حرفيا 

سند كان عند رجالتو وبيقول بغضب ...مين اللي اداكم اوامر يا جحش منك ليه وقالكم  تضربوا عليه نار 

راجل منهم قال بخوف..... جنابك والله كنا بنخوفو لانو هرب مننا بس بالغلط جات فيه

سند قال بغضب اكبر  ...وانا قلتلكم خوفوه من اساسه 

غنوه قالت بغضب.... مش وقته دلوك خلينا نلاقيه وبعدين رطو على كيفكم ده بينزف لاحسن تجراله حاجه

سنه قال بتفهم ...معاكي حق... هو مشي ازاي 

الرجاله وصفوا له الطريق وسند غنوه بقم يلفو بالعربيه في الطريق اللي مش منه 

غنوه كانت خايفه جدا وبتقول.... يا رب استر

 سند قال بحرج.... بصي..احم..انا و رحمه ابويا ما كنت ناوي اذيه ابدا... كنت قاصد اهددك وبس و... 

بس قاطعتو وقالت بغضب ...انا عارفه انك مكنتش ناوي تاذيه والغلط اصلا مش منك الغلط من عندي انا لاني بامن لعيال 

سند قال بغضب..... ما تلمي روحك يا بت.. انتي لسانك طويل ليه ما قولتلك مقصدش... عايزاني احب على راسك يعني

غنوه قالت بغضب... انا عايزه اخويا وبس معيزاكش تحب على راسي ...انا مليش غيره في الدنيا دي... انا قبلت بحمايتكم و الهم ده كله علشلن ابقى على حياته هو مش حياتي انا

و نزلت دموعها وبقت تبكي 

 سند وقف العربيه وقال بحزن ...طب خلاص ما تبكيش هنلاقيه ان شاء الله ...يا بت متبكيش حرقتي قلبي

 غنوه  بصت له ورفعت حاجبها وهو كمل بمشاكسه وقال... مبحبش اشوف دموع الحريم... بتضرب قلبي من جوه

غنوه ابتسمت بيأس ومسحت دموعها وقالت... المشي بالعربيه مهينفعش انزل خلينا نتمشو وننادي عليه يمكن لما يسمع حسي يظهر 

سند قال بدهشه...ننزل..ننزل كيف ...نمشو في الصحرا دي في انصاص الليالي 

غنوه ابتسمت بسخريه ونزلت وقالت.... خايف ولا ايه يا جناب العمده الجديد ...انزل يلا يمكن يتلافانا حنش ونموتو ونرتاح

سند نزل من العربيه وقال بتوتر ...ارتاحي لحالك انا معايزش ارتاح دلوك 

في مكان تاني كان عباره عن مزرعه كبيره وفيها بيت صغير كانت جنه مربوطه في كرسي وخايفه جدا وبتقول... يا ناس...انتو  يا عالم هو انا مخطوفه ليه طيب..هو انا حيلتي حاجه اديها لكم ده ايه الهم ده يا ربي 

دخل واحد وقال بغضب.....ما بس يا بت من ساعة ما دخلتي وانتي خشمك مقفلش قولتلك شويه وهنمشوكي خلي البيه يوصل

قالت بسرعه...ايوه  بيه مين اللي يوصل... طيب مين اللي عايزني... انا ولدي في البيت لحاله

الراجل قال .... نوح بيه هو  اللي عايزك... نوح بيه الحاكم اكيد متوهيش عنيه

جنه اتسعت عينيها بذهول وقالت ...مين..نوح ببه....يا مصيتك السودا يا جنه يا مراري اكيد عرف

نوح بقى  دخل عند شروق وفتح الباب فورا ودخل من غير ما يخبط

شروق اول ما شافته سحبت طرحتها حطتها على راسها بسرعه ووقفت بتوتر 

نوح قرب منها بغضب وحاول يهدى وقال ....عايز اسالك سؤال واحد..انتي عيزاني اجيب سلسله واسلسلك في السرير قبل ما اطلع علشان تبطلي هماله....كل ما اغفل عنك ثواني الاقيكي واقفه مع واحد بره ...ما هو انا قادر اديكي علقه ابوكي مدهالكش واكسر اديكي ورجليكي وتبقي ما قادراش تطلعي من هنه  بس خايف تموتي في يدي وتجيبيلي مصيبه 

بقلم...زهرة الربيع

شروق بلعت ريقها بتوتر وحاولت تتكلم بقوه وقالت....و مين بقى ان شاء الله اللي قالك اني هفضل  محبوسه هنه تحت طوع جنابك... انا بنت حكم الجندي ولا نسيت والبيت ده ليا فيه كيف ماليك فيه... واتمشى فيه براحتي ووقت ما احب... انت اللي ابقى اختار ضيوفك اللي هتقعدهم معانا

نوح اتسعت عنيه بدهشه وقال ....انا مفاهمش كأني بتكلم مع واحده تانيه من امبارح 

شروق قالت بخنقه ....لا اطمن بتتكلم معايا انا بس من هنه ورايح هي دي المعامله واتعود عليها ...محدش هنه طلع يستاهل المعامله الحسنه

 ولسه هتمشي مسكها بقوه من ذراعها اصطدمت ببه وبص لعيونها بقوه وغضب 

شروق ضعفت ملامحها وعيونها قدام عيونه وبقت تبص له بعشق واضح مش قادره تخبيه في غضبها ابدا رغم انها حاولت بس العيون مش بتخبي

نوح اتجاهل نظراتها وقال بغضب ...انتي مرتي دلوك... مبقيتيش بت حكم الجندي ...بقيتي مرت نوح وبس وتمشي على اوامري لحد كل واحد ما يروح لحاله

شروق ابتسمت بسخريه وقالت ....زين والله...كلمت مرتك بقيت تطلع بسهوله

 نوح سابها وبعد بتوتر وقال ..احم ده الامر الواقع اللي المفروض نرضى بيه ..قصره...اخر مره اطلع الاقيكي بره ولو عزتي اي حاجه دوسي الجرس لسماح تطلعلك

 شروق قالت بدموع .....اللي انا كنت  عايزاه سماح ما كانتش ينفع تجيبه .....كنت عند ابوي روحت اتكلم وياه

نوح سكت ثواني واتنهد بحزن وراح ياخد حاجنه علشان ينزل  وقال ....مكانش فيه داعي تووحيله ...عمره ما هيتكلم معاكي ولا معايا اليومين دول 

شروق قعدت على السرير بيأس ودموع وقالت ....عارفه... بس كان لازم احاول 

....اللي هيجنني امي ليه عملت كده ليه مقبلتش تخليني اقوله على الراجل اللي خطفني يومها

 نوح كان بياخد مفاتيح عربيته وتليفونه و لفت انتباهه جملتها الاخيره اللي قالتها باستغراب وهمس كانها بتكلم نفسها

التفت لها بسرعه وقرب منها وقال.... ايه ...رجل مين اللي خطفك

شروق اتنهدت بضيق و قالت..... ولا حاجه 

 ولسه هتمشي مسكها من دراعاتها بغضب ولهفه وقال.... شروق انا بكلمك... ابه الجمله اللي قولتيها اخر حاجه دي اتكلمي

 شروق اتنهدت بخنقه وقالت.... بتكلم عن اليوم اللي حصل فيه كل ده...ليلتها كنت قاعده في اوضتي وحد دخل كممني بحاجه دوختني صحيت لقيت نفسي جارك

نوح بصلها بصدمه شديده ولسه هيتكلم قالت بسرعه...  قبل ما تتكلم وتقل ادبك زي العاده عشان انا مبقيتش ناقصه اهانه  اكتر من كده... وحياه امي وابويا وما عندي اغلى منهم ده اللي حصل...و انا قولت لامي قبل الجواز وقالتلي هتقول لابوي بس الظاهر ما يعرفش حاجه جيت اتكلم وياه رماني بره الاوضه 

وقعدت على السرير بدموع وقالت....بس  ليه لما جيت اقول له سكتتني انا مفهماش حاجه

 نوح كان بيبص لها بصدمه شديده ومش قادر يستوعب اللي بتقوله. ووووو

كنت قاعده في الاوضه ودخل شاب كممني واخدني صحيت لقيت نفسي جارك على السرير ..ده كل اللي حصل

 بس اللي مجنني ان امي مخلتنيش اقول لابوي كده مفهماش ليه

نوح حاول يستوعب اللي بتقوله وقعد جنبها بسرعه وقال بلهفه ...شروق ركزي وياي كويس ..شوفتي الجدع  اللي عمل كده ...تقدري توصفيلي شكله

 هزت راسها بيأس وقالت... مشفتوش لسه هتلفت كده  لقيته وراي او يمكن لمحته بس مش قادره افكر شكله 

نوح كان  مصدوم من اللي بيسمعه لكن كان حاسس بامل ان ممكن الموضوع يتحلل خصوصا ان كلامها كان اقرب شيء للأسأله اللي كانت في دماغه و ما كانش لاقي لها اي حل مسح على وشه بزهول ووقف وقال.... مين ممكن يعمل معانا كده مين 

شروق كانت هترد بس نوح احتدت عنيه وبصلها باستغراب وقال ...امك ليه ما عيزاكيش تتكلمي... هي اللي قالتلك متحكليش عن الموضوع ده

شروق اتنهدت وقالت.... امي مقالتليش حاجه ...بس لما جيت اقول لابوي حسيتها زي اللي بتمنعني يمكن يكون بيتهيألي وممكن تكون قايلاله وهو مصدقش وعشان  كده بتمنعني 

نوح هز راسه بالرفض وقال بسرعه.... لا ما قالتلوش حاجه عمي وانا كان في دماغنا مليون سؤال واولهم ازاي انتي ممكن تعملي كده مقادرينش نتحمل الفكره لو كان في اي امل لبراءتك كان اتكلم وياي مكانش سكت

شروق وقفت و ابتسمت بسخريه وقالت... براءتي محدش صدقها الا ربي لانه شايف ومطلع  انما انتم هنا في البيت محدش فيكم حتى فكر يسأل او يقول شروق متعملش كده محدش 

جايز في يوم اسامح ابوي لانه ليه حق البر عندي لكن انت مش هسامحك واصل يا نوح حطها في بالك مش هسامحك واصل 

قالت كده ومشيت من قدامه وراحت تغير هدومها في الحمام وهو اتجمد مكانه بسبب كلامها ووجعته قوي جملتها الاخيره معاها حق وكل الحق..محدش فكر او سألها حتى ...حس بنار جواه لو كانت بريئه هيبقى فعلا خسر البنت اللي رباها على اديه  بس كان الاهم بالنسبه له دلوقتي انه يفهم ازاي ده كله حصل مين اللي عمل حاجه زي كده 

طلع بسرعه واتجه ناحية اوضة هويدا  بغضب شديد  بس وقفته دول لي لما قالت بغضب..... استنى هنا يا عمده انا كنت جايه لك

 نوح نفخ بضيق وقال...خير...فيه ايه

دولي بصتلو بدهشه وقالت.... فيه ايه....فيه انك ضربت اخويا رابطه تحت صح ولا بتبلى عليك

بقلم.....زهرة الربيع

نوح قال بخنقه...لا مش صح..هو ممربوطش تحت...تحت ده للبني ادمين انما هو مع البهايم في الحوش..ومهفكهوش غير لما يتربى يعني لو عايزانا نكمل مع بعض طلعي  اخوكي من بيناتنا لان انا معنديش خلق اتحمله ...ولا هو اتربى كفايه علشان يتعامل مع الخلق

 و لسه هيمشي مسكت ايده وقالت بغضب... انا اخويا متربي كويس و مش معنى ان مراتك بتشاغله وبتحاول معاه زي ما كانت بتحاول معاك يبقى...

 بس قبل ما تكمل كان نزل على بقها بقلم شديد سكتها فورا دولي اتسعه عينيها بزهول وهيه بتبصله بصدمه ونوح قال بغضب.... انا مبحذرش الواحد مرتين وفاكر اني حذرتك تحت وقولتلك تتحدتي عليها زين ..دي بت عمي وعرضي قبل ما تبقى مراتي

دولي قالت بدموع...بت..بتضربني علشانها

نوح ابتسم بسخريه وقال...بضربك علشان تفوقي..انا معارفش اتعامل زيك بوشين...انا واضح وكيف القطر وعارف ان جوازنا ده توفيق مصالح...انا هفيدكم وانتو هتفيدوني فبلاش نضحك على بعض وتمثلي دور الغيره لانه ميمشيش في جوازتنا دي واصل

 قال كده ومشي وسابها مصدومه ومش عارفه تعمل ايه

 عندي سند كانوا بيتمشوا وهما بينادوا على حميد بس ما كانش بيرد ولا لاقيينه ابدا

غنوه كانت بتدور بأمل ومش مهتمه للطريق اللي بيمشوها بس سند اتضايق جدا انهم مشيوا كتير وقال بخنقه ....مش شايفه ان الافضل نرجع للعربيه انا خايف نتوه هنه

غنوه بصتلو  بغضب وقالت ....متقدرش تسكت..معيزاش اسمع صوتك دلوك بذات

سند قال بضيق....وانا ذنبي ايه  مانا قلت لك ما قصدتش 

غنوه قالت بغضب ....قصدت  ولا ما قصدتش النتيجه واحده اخوي ضايع ومتصاب مطيقاش اسمع صوتك

 وبقت تنادي وتقول .....حميد رد عليا يا اخوي 

سند قال بزهق.... رد عليها ياخوها بدل ما ابعتها لابوها 

غنوه قالت بغيظ...ده انا اللي هبعتك لابوك الليله لو حميد مظهرش ايه رايك عاد

سند قرب منها قوي وقال...واهون عليكي تقدري تقتليني يا غنوتي

 غنوه بصت لعيونه شويه واتنهدت بياس منو وقالت ....ده وقت تسبيل... والله ما انا عارفه مخ اللي جوه راسك ده ولا فردة شراب مقلوب

 قالت كده وبقت تمشي قدامه وهو ماشي وراها وقال بغيظ... لا هو اكيد فردة شراب مقلوب عشان بتحدث معاكي اصلا 

كانت عايزه تضحك على كلامه وفضلت مكمله بتدور على حميد لحد ما سمعوا صوت حد بيتالم جريو على الصوت بسرعه 

عند نوح خبط على اوضة هويدا بغضب وهو بيقول ...مرت عمي... مرت عمي افتحي 

فتحت هويدا بقلق من صوته وقالت.... في ايه يا نوح شروق حصل لها حاجه يا ولدي

نوح قال بغضب....خلي شروق على جنب دلوك لان ولا هيه تهمك  ولا انا ولدك

هويدا اتصدمت بكلامه  وبصت على حكم اللي كان نايم على السرير واتململ بنوم وقال.... مين تاني يا هويدا

هويدا قالت بارتباك ...دي....دي سماح ....سماح يا حكم نام انت دقايق وجايه

 وطلعت وقفلت الباب وقالت بهمس..... في ايه يا نوح ايه لزوم الكلام ده 

نوح اتنهد بارتياح لما عملت كده وابتسم بسخريه وقال.... يعني كلام بتك صح...انتي  تعرفي كل اللي حصل ومخبيه ...وسيبانا ناكل في بعض و البيت كله ضارب قالب وانتي ولا في بالك

هويدا اتاكدت انو عرف وقالت بارتباك شديد.... قصدك ايه يا ولدي مفهماش

نوح هز راسو بهدوء وبصلها بنظره غضب تخوف وقال.....سؤال واحد تجاوبي عليه دغري ومن غير لف ودوران ...انتي اللي عملتي الفيلم ده ....ولا حد تاني وانتي مغطيه عليه

هويدا بلعت ريقها و قالت..انا... انا ما فهماكش و

بس قاطعها لما زعق بغضب شديد وقال ....قولت اتكلمي دغري يا مرت عمي بدل ما اروح اصحيه واقول له على كل اللي عرفته ....بتك اتخطفت من الاوضه واللي خطفها جابها جاري .....مين اللي عمل كده انتي ولا حد تاني

هويدا قالت بتوتر .....وانا هعمل كده ليه يا ولدي هفضح بتي يعني... انت اكيد فهمت غلط هيه صوح...صوح شروق قالت لي حاجه زي كده بس انا قولت البت اكيد بتقولي كده من كسفتها بسبب اللي عملتوه او بيتهيألها

نوح ابتسم بسخريه وقال....بيتهيالها...من ميته شروق اتجنت وبقى يتهيألها وانا معرفش

هويدا لسه هترد قال بسرعه...خلاص مات الكلام  يا مرت عمي....انا جيت عشان اعرف حاجه واحده وعرفتها خلاص

 قال كده ومشي من قدامها وهي حطت ايدها على قلبها خوف وتوتر و قالت...يا المرار اللي هتشوفيه يا هويدا... استرها يارب...استرها

عند سند راح هو وغنوا ناحيه الصوت ولقو حميد نايم على الارض و مش قادر يرد وبينزف من رجله بشده

غنوه صرخت وقالت.... يا مري يا حبيبي يا اخويا  يا قلبي انا جنبك انا جيت يا حميد 

حميد قال بالعافيه وهو مش قادر ينطق..... ليه...ليه طلعتي من السرايا كانش يا غنوه..ليه.... خطر

غنوه قاطعتو. و قالت بسرعه.... متتكلمش كتير وما تخافش انا هاخدك دلوك وهتقوم بخير اتحمل يا اخوي

 سند قال بسرعه..... انا هروح اجيب العربيه خليكي جاره

 وفعلا راح بسرعه جاب العربيه وجيه و كانت غنوه قلعت الطرحه بتاعتها ربطت بيها جرح اخوها

سند شالوا وحطو في العربيه من ورا  وغنوه قعدت جنبه وبقت تمسح على شعره وهي بتبكي حزن على حالته 

سند اتنهد وقال..... هيبقى بخير ان شاء الله ما تخافيش مش هيحصل له حاجه انا وياكم

غنوه كانت بتبكي وبس ومش بترد 

وطلعو على نفس المكان اللي كانوا خاطفينه فيه 

 عند نوح  مشي من عند هويدا ورغم الغضب اللي كان جواه لكن كان حاسس بسعاده متتوصفش مواجهته لهويدا اكدتلو كلام شروق وانها فعلا بريئه 

ولسه هيمشي لقى شروق فاتحه الباب واول ما شافته قفلته بسرعه

 ابتسم وهز راسه بياس وقرب فتح الباب وقال.... متطلعيش لحد ما اجي ...عايزه حاجه اجيبها لك قبل ما امشي

شروق قالت بتوتر ....لا معايزاش انت...انت  كنت بتتشاكل مع حد بره

نوح قال...لا مفيش دي  دولي كانت عايزاني افك اخوها 

شروق قالت باستغراب...تفكو...تفكو كيف

نوح  قال بلا مبالاه....ربطتو مع البهايم عشان يعرف قيمته وميقربش من حاجه مش من حقه

شروق اندهشت وقالت بسخريه.... ايوه صوح انا مش من حقه..ولا من حق اي حد حتى نفسي. الا سند بيه طبعا لان جناب النائب حكم بكده

نوح ابتسم على طريقتها وغيظها وقال.... زين اديكي حافظه... انا رايح مشوار وراجع لو عوزتي حاجه نادي لسماح زي ما قولت لك 

ولسه هيمشي قالت بغضب وعند....لو قطعوني 100 حته وعنست طول عمري يا نوح مهاتجوزش اخوك سند افهم الكلام ده زين وفهمهوله 

بقلم.....زهرة الربيع

نوح ابتسم وبص لعيونها وقال...ليه...ناقصه ايه...علشان اخوي ده السبب وبس مش كده

على العموم هنتحدت في الموضوع ده لما ارجع

 ونزل وهي ضربت رجلها في الارض بغيظ وغضب وقالت بزعيق علشان يسمع ....مش كل الدنيا هتمشي على كيفك مهاسمعش كلامك سمعت مهتجوزهوش

و قعدت على السرير بدموع بعد ما مشي وقالت بغضب.... غبي وكمان اناني معارفاش حبيت ايه فيك بطيخه بتلمع من بره وهيه جوها قرعه وحنضل

نوح نزل تحت وهو بيضحك بخفه على شكلها هيه متغاظه والقوه المزيفه اللي بتظهرها بتخليه هيموت ويضايقها ويشوف ردودها وعصبيتها

بس اختفت ابتسامته لما افتكر اللي حصلهم والظلم اللي اتعرضتله من الكل قال بغضب...هرجعلك حقك من الكل...وانا اولهم يا شروق 

 ونادى اربعه من رجالته ونجاتي وقال بجديه.... ايه الاخبار في الحوش الضيف مرتاح

نجاتي قال بتوتر...لا جنابك مش مرتاح من وقت ما دخلناه وهو بيعطس ويستفرغ قال عنده حساسيه من ريحة البهايم حاسه هيموت جوه خلينا نطلعه جنابك ده...

بس قاطعو نوح وقال...هو مهيموتش بس هيتربى..ولسه المره دي مهحلهوش  ...المهم سيبكم منو واسمعوني زين معايزش غلطه في اللي هقوله تنفذو بالحرف الواحد عايز اجي من مشواري الاقي الموضوع ده انتهى

نجاتي  بصلوا باستغراب وقال....انت تامرنا يا نوح بيه 

عند سند  نزل من العربيه ونزل اخو غنوه ودخلو البيت اللي كان مخطوف فيه وغنوه حصلتو بسرعه

ونادت لرجالة سند وبقم يعملوا له اسعافات اوليه لحد ما الدكتور يوصل

 بس محدش فيهم خد باله للمصيبه اللي مستنياهم كان حسنين قريب من المكان في العربيه ابتسم وقال بغضب.... واخيرا وقعتي في يدي يا بت الجزار 

عند نوح كان وصل للمزرعه اللي قاعده فيها جنه دخل وقال ....هي فين

 واحد من رجالته قال..... جوه جنابك مكتفينها متخافش

  نوح بصلو بزهول وقال.... مين اللي قال لكم تكتفوها...انا قولتلكم تجيبوها مش تخطفوها وتخوفوها يا جحش منك ليه

قال بارتباك ...احنا بنجيب اي حد كده  جنابك 

نوح قال بغضب.... ربنا يصبرني عليكم 

ودخل واتنهد بغضب لما لقاهم مكتفين ايديها ورجليها قرب منها وقال.... حقك على راسي ..عندي شويه بهايم بيفطرو تبن بعيد عن السامعين 

وفك ايديها بسرعه

وهيه بدات تفك رجليها بخوف وقالت .....انا هنه ليه يا عمده 

نوح ابتسم وقال.... كل خير ما تقلقيش انا جبتك هنه لانك  بت عم غنوه وحسيت انك بتحبيها وجاهزه تساعديها

جنه قالت بتوتر.... انا اتمنى اساعدها يا ريت في يدي حاجه اعملها 

نوح قال بسرعه..... في يدك كتير انتي اللي معاكي حكايتها من الاول ..احكيلي اللي تعرفيه وسيبي مساعدتها عليا انا هعمل كل اللي اقدر عليع

جنه قالت بتوتر.... انت عايز تعرف ايه بالظبط

نوح قال بسرعه.... كل حاجه  من اول ما اتولدت من بطن امها لحد جوازها من حسن... وطبعا والاهم من كل ده قتلتو ليه ...انا متاكد كيف ما متاكد من اسمي انا كل اسألتي اجابتها عندك انتي 

جنه بلعت ريقها بتوتر وخوف وقالت ووووووو

عايزه اعرف عنها كل حاجه من اول طفولتها لحد جوازها من حسن والاهم  قتلتو ليه 

جنه قالت بتوتر .... مش هقدر اتكلم هيه لو كانت عايزه تقولك كان قالت 

 نوح قال بسرعه.... انا عارف انها لو عايزه تقول كان قالت... بس بت عمك راسها انشف من الحجر ومش باقيه على الدنيا وما فيها ...ما فيش فايده معاها ولا محايله نافعه ولا تهديد نافع ده حتى اخوها الوحيد مهتمتش لخطفه و

جنه قاطعتو لما ضربت على صدرها برعب وقالت... يا مري حميد اتخطف مين اللي خطفه لازما حسنين 

نوح قال بضيق....ده موال تاني سيبك منو...خلينا في موضوعنا دلوك...اسمعي يا بت الناس انا بفهم اللي قدامي من نظره وعارف انك مش زيها كمان عارف انك بتخافي على اللي ليكي

جنه بصتلو بخوف وهو قال بتحذير ...لو مش عايزه ولدك يتمرمط معاكي هنه اتكلمي ده لمصلحتك ومصلحتها

جنه  بلعت ريقها بتوتر وقالت....هقولك اللي اعرفه

 في البيت حليمه كانت نايمه بهدوء ودخلت سماح  من غير ما تخبط وقالت برعب..... الحقيني يا ست حليمه الحقيني

 حليمه بصيت لها بغضب وقالت.... فزعتيني يا بت المركوب انتي... ازاي تفتحي الباب وتدخلي كده هيه زريبة اللي خلفك

 سماح قالت بسرعه وخوف.... مصيبه وطبت على دماغك يا ستي نوح بيه عرف بكل حاجه 

 حليمه وقفت بسرعه وقالت... انتي بتقولي ايه يابت عرف بايه بالظبط 

سماح قالت بتوتر ....كنت جايه من المطبخ وسمعت رجالته بيتكلموا مع بعض قالوا انه عرف بكل حاجه وهيقلب البيت عاليه وطيه وقالو عرف ان فيه واحد دخل البيت وخطف الست شروق وحطها جنبه وكمان عرف هو مين وهيجيبوا النهارده

حليمه اتسعت عنيها بزهول وضربت على صدرها بخوف وقال ...يا مراري عرف كيف مين اللي قاله 

سماح قالت بخوف..معرفاش مقالوش غير كده

حليمه قالت بخوف....اسمعي غوري نادي مرعي بسرعه لازم يتخبى قبل ما يعرفو بيه...خليه ياجيلي هنه عشان اقول له بالظبط هيعمل ايه قبل ما نوح يرجع

 سماح قالت ....حاضر ...وجريت بسرعه 

وحليمه قعدت بخوف وهي مش مصدقه ازاي عرف كل ده 

عند سند كان الدكتور طلع الرصاصه من رجل حميد وكان بيتالم جامد 

غنوه كانت قاعده جنبه بحزن وباست جبينه بحنيه وقالت.... الف سلامه عليك يا ود ابوي

 حميد اتكلم بالعافيه من كتر الالم وقال ....الله يسلمك يا غنوه جيتي ليه يا بت ابوي لازم تخوفيني عليكي

غنوه لسه هترد سند قال بسرعه وغضب ...ده سؤال كانت تستناك يتصفى دمك وتموت يعني 

ايه اللي يخليك تهرب لحد ما يتضرب عليك بالنار قلة مخ وخلاص 

بقلم.....زهرة الربيع

غنوه بصتلو بغضب وحميد قال باستغراب.... انا مفاهمش حاجه هو مش ده اخو العمده ....في ايه بالظبط

غنوه قالت بسرعه....ارتاح انت بس يا ود ابوي وانا هبقى اقولك على كل حاجه 

حميد قال بالم...انا مهرتاحش الا  لما اطمن عليكي... ارجعي على السرايا هي اامن ليكي من المكان ده 

بس قطع كلامه لما  استوعب اخيرا انه رجع على  نفس المكان اللي اتخطف فيه قال باستغراب... هو انتوا جبتوني هنه تاني ليه 

وبص لسند بغضب وزهول وقال....ما داهيه تكون انت اللي خاطفني 

سند حط ايده على رقبته من ورا بحرج  وقال ....عديها بقى مش قالتلك هنحكي لك كل حاجه بعدين

سند حاول يقعد بمنتهى الغضب بس اتالم جدا وصرخ من وجع رجله

غنوه قالت بسرعه.... ريح يا ود ابوي احب على يدك وانا هبقى اقولك والله. و

بس قاطعها بغضب وقال.... تقولولي  ايه.. هو العمده اللي كان خاطفني عمل كده ليه

غنوه  قالت بسرعه....لاه نوح ملوش دخل ..بص انا عيزاك تاخد نفسك  الاول وهو اصلا مش هيتحرك من هنا الا لما انت توقف على رجلك وتاجي معانا نوصلك بيتك 

قالت كده وهي بتبص لسند بتحذير

سند اتنهد وقعد على الكرسي وقال بياس... يعني احنا مطولين هنه....تمام....انا اللي جبته لنفسي

 عند جنه كانت بتحكي لنوح عن غنوه وابتسمت بدموع وقالت...غنوه اجمل بنيه ممكن تشوف في حياتك كلها

نوح  ابتسم بخفه وقال ....واخذ بالي 

جنه ضحكت وقالت....لاه مقصديش على الشكل بس..اقصد الطبع كمان ..كانت بت بالف راجل طول عمرها واخده بالها مننا كلنا وكتفها بكتف اخوها كانهم اتنين رجاله 

نوح قال باستفهام .....ايه حكايه السكاكين اللي دايما في يدها دول 

جنه ابتسمت وقالت .....غنوه الجزار ده مش بس اسم لاه ابوها كان فعلا جزار ....وكان فرحان قوي بولادة حميد بس لما خلف غنوه زعل قوي انه جالة بنيه وما كانش طايق نفسه

نوح بص لها بدهشه وقال ....ايه الجهل ده 

جنه ابتسمت بحزن وقالت.....ده اللي حصل لدرجه انه كان يستخسر فيها يجيب لها اللبن ترضع مع ان امها كانت عيانه  وما بترضعهاش  وكان عمها اللي هو ابوي  يشفق عليها ويجيبولها  ... وهو دايما يقول انو معاه عيل واحد هو حميد وبس

نوح كان بيسمعها باهتمام وهيه قالت....اول ما شدت حيلها شويه و كانت ما كملتش السبع سنين وقتها امها محبتش تخليها عاله على حد اكتر من كده من يومها بقت تلبسها زي حميد تمام ولفتلها  حزام على خصرها وحطتلها فيه سكاكين الجزاره وبقت تخليها تروح مع ابوها وتساعده في الشغل كيف حميد تمام

نوح بصلها بدهشه وهو مش متخيل اللي بتقوله وقال....وابوها وافق

جنه ابتسمت بحزن وقالت...الاول مكانش الموضوع داخل مزاجه وكان شايف انها مهتفيدهوش في حاجه و زي قلتها لكن مره في مره فاجاتو ولقاها اجدع من حميد بقت تاخد بالها لكل حاجه تقطع وتبيع وتحرس اللحم من كلاب السكك وكبرت معاه وبقت دراعها بدراعه وبقى يعتمد عليها في كل حاجه وبدل ما كانت تقطع وتبيع بقت  تذبح وتشفي وتعمل كل اللي ابوها يعمله

نوح ابتسم باعجاب وقال....كملي

جنه قالت.....بس كانت فيه مشكله انها كانت حلوه قوي وجمالها باين...وبدا ابوها يخاف عليها طبعا خوفه كان على سمغته اكتر فبدأ  يعلمها كل اللي يقرب منيها او يقولها كلمه تسحب عليها السكين بالطريقه دي ومن وقتها وحزام السكاكين ده ما فرقهاش بقت تسحبها في ثواني مات ابوها بس طبعه ما ماتش فيها بقت كيف الجزارين تمام وارجل من اي راجل

جنه قالت كده واتغيرت ملامحها لغضب رهيب وقالت... فضلت على الحال ده لحد ما اتعرفت على حسن كان يروح يشتري كل يوم حاجه لاجل يقابلها بس بعد كده...

وسكتت لثواني مقدرتش تكمل وبقت تبكي بشده 

 نوح كان على اعصابه ومستنيها تكمل وقال بسرعه.... اهدي امال يا بت الناس وحدي الله  وحاولي تتكلمي انتي كده بتساعديها انت اخر امل ليها لو ما تكلمتيش كلها ايام وهنسلمها لحسنين 

جنه قالت وهي بتبكي بشده.... مهقدرش اتكلم مهقدرش اقول حاجه والله ما هقدر

نوح وقف وقال بغضب ....وبعدها لك عاد بقول لك لازم تتكلمي عايزه البت تروح فيها..... انا يا لولا اني حاسس انها اكيد وراها سبب ما كنتش اتعب نفسي كل ده اتكلمي يا بت الناس والحقيها 

جنه وقفت وقالت بغضب ودموع .....قولتلك مهقدرش اتكلم يا عمده مهقدرش هملني اروح ولدي تعبان في البيت

نوح بصلها بغضب وقال....تمام روحي لولدك ..وعيشي حياتك وياه واتبسطي..وسيبيها لحالها سيبيها تموت وانتي ساكته امشي محدش هيوقفك ولا يجبرك 

جنه نزلت دموعها بحزن شديد من كلامه و مشيت خطوات بس التفتتله وقالت .....انا صح مقدراش اتكلم بس اقدر اقولك ان غنوه مظلمتش حسن هو البادي هو اللي غلط في حقها 

نوح ابتسم بسخريه وقال...كسبت صلاة الزين عليه  الصلاه والسلام..طب ما ده اللي  انا متاكد منه مهتقوليش حاجه تاني مفيده تساعدني 

جنه سكتت بحزن وهو مد كارت عليها وقال....ده الكارت بتاعي انا محامي يمكن تعرفي ومعتبر نفسي متبني قضية بت عمك...رقمي في الكارت لو غيرتي رأيك وفكرتي في الوقت اللي غنوه هتموت فيه وكيف هتحسي وقتها وانتي كنتي تقدري تساعدي...كلميني هاجيلك على طول

جنه اخدت الكارت واتنهدت بحزن وقالت..... ربنا معاك ربنا يوقف لها ناس امثالك يا عمده 

في القصر كانت حليمه مرعوبه وبتقول للشاب اللي ساعدها ....اسمع يا مرعي هتطلع من هنه على محطة القطر تركب اول قطر وتطلع على اي حته بعيد من هنه...لازمن تختفي قبل ما نوح يرجع السرايا 

الشاب قال بتوتر..امرك

حليمه قالت بتاكيد....المهم  دخلت من ورا المندره زي ما بتدخل بالعاده محدش شافك مش كده

 قال بسرعه..... ما تخافيش محدش شافني واصل  وهمشي من هناك كمان محدش هيشوفني

حليمه  قالت بهدوء.....ممتاز ...وطلعت فلوس واديتها له وقالت ......يلا روح قبل ما يوصل 

وفعلا مشي و حليمه قعدت بارتياح وقالت...فاكرين اني عشان نايمه اليومين دول وتعبانه مهعرفش خطواتك يا نوح ده انا حليمه اللي عيونها في كل مكان

عند سند كان واقف بزهق وملل وغنوه كانت قاعده مع اخوها وبتهزر معاه وادتلو العلاج اللي كتبوه الدكتور وفضلت جنبه لحد ما نام

 ودخلت المطبخ اللي في المكان تعمله حاجه ياكلها 

سند راح وراها بسرعه بتلتفت لقته في وشها وقال بضيق.... احنا هنفضل هنا لميته.....خلينا نرجع اديكي شايفه البيت مكمل من كل حاجه  والرجاله قاعدين هيحرسوه متخافيش

غنوه قالت بغضب.... انا مهمشيش الا رجلي على رجل اخوي 

سند قال بسرعه...ما رجل اخوكي راحت ومهيقدرش يمشي عليها دلوك

 غنوه بصتلو بدهشه وقالت بغضب.....وده حصل بسبب مين ان شاء الله 

سند اتنهد بضيق وقعد على الكرسي وقال ....ماشي بسببي وقلت معلش الف مره ..هنفضلو محبوسين هنه يعني ...كلها شويه ونوح يعرف بغيابنا ويدور علينا وتيقى مشاكل ما ليها اول من اخر 

غنوه بقت تغسل الاطباق و رفعت حاجبها وقالت...اه قولتلي انت خايف اخوك يقلق عليك 

سند قال بسرعه وغضب.... لا طبعا ما يقلق ولا يغور في داهيه انا بس معايزش مشاكل وسين وجيم... وقرب منها قوي وقال .....وبعدين وضعنا واحنا لحالنا كده ميطمنش مينفعش القمر يسيب السما بحالها ويقعد جاري كده خطر عليا وعليه

بقلم...زهرة الربيع

غنوه التفتتله وابتسمت وقالت..... عارف ايه اكثر حاجه انت شاطر فيها 

سند قال بغرور ....انا شاطر في كل حاجه

غنوه ضحكت بخفه وقالت.... لا بجد ..فيه حاجه انت شاطر فيها قوي...بياع كلام ...كلامنجي يعني... والناس اللي شاطره في الكلام عمرها ما تبقى شاطره في الفعل

سند شدها عليه بقوه وقال.... جربيني واحكمي بنفسك 

غنوه ضحكت جامد ودفعته بعيد عنها وقالت....هو  انت دماغك على طول حادفه شمال كده....سيبك من اللت ده وصبنلي الصحون دي على بال ما اخلص طبخ  بدل ما انت واقف زي خيال المقاته كده

سند  بص لها بذهول وقال.... انتي بتقولي ايه يا بت... انا سند الحاكم  ابن العمده  حاكم الجندي اصبن المواعين

غنوه لوت بقها يمين وشمال بطريقه كوميديه وقالت...بتضحكوني وانتو بتسمعو  اسمكم كأنكم بتسمعوا جدول الضرب ..فيها ايه لما تصبن المواعين على الاقل هتبقى  عملت حاجه فيها الفائده بدل  ما انت اخرك بس تجيب المشاكل للناس ....تقدري تقول لي باسمك الحلو الطويل بتفيد الناس بايه ...بلاش الناس بتفيد نفسك بايه 

سند قال بسرعه....طبعا انا  ليا فوايد كتيره انا....

و فكر شويه وقال بحيره ..انا.....

غنوه  هزت راسها بترقب وقالت.... هتاجي ان شاء الله ....اكيد فيه ليك فايده  ده حتى النمل بنستفاد منه

سند  بصلها بغيظ وقال...احم..انا الحمد لله عارف قيمه نفسي مش مستني راي واحده زيك ومهصبنش حاجه

و لسه هيمشي مسكت ايده وقالت بسرعه.... انا اقدر اقولك فايده ليك

 التفت لها باستغراب وهي قربت منه وقالت....انت نسيت ان وجودك ادى الفرصه للعمده يقعدني في السرايا  

 سند قال بسرعه.... ايوه صحيح انا نسيت ما اسالك... انتي كيف يومها قولتيلو انك هتعرفيني لا وكمان حامل مني

هو انتي تعرفيني منين اصلا

غنوه ابتسمت وقالت...حد ميعرفش سند الحاكم انت الخيال المفضل عندي من زمان 

 قالت كده وراحت تغسل الصحون وهو قرب منها وقال بدهشه...وه...هو انتي كنتي تحضري الرماحه 

غنوه ابتسمت وقالت .....كنت احضرها مع ابويا اخويا ...كنت دايما اشوف السبق اللي انت فيه مكانش فيه حد يقدر عليك ...خيال مفيش منيه 

سند ابتسم باعجاب وشدها عليه بقوه وقال ...انا خيال مفيش منه واعجبك في كل حاجه

 وحط ايده عليها وقال.... بفهم قوي في الخييل وأميز الفرسه الجامده اللي زيك من وسط الف

غنوه بصت له بتحذير علشان يشيل ايده بس مهتمش و بقى يضغط عليها ويتمادى اكتر بلمساته الوقحه

غنوه ابتسمت بطريقه كلها مراوغه نسته الدنيا وخلته قرب منها قوي بتوهان

 وفي ثانيه فوقته لما سحبت سكين من الحوض وضربته بيها في دراعه اللي بيلمسها بيه شقته وهي لسه بتبتسم بمكر و قالت.... بالشفا يا خيالي الغالي

سند انتفض مفزوع  ومسك دراعه وصرخ بالم وقال ...اااااه يخربيت اللي جاب ابوكي يابت الواطي

  في البيت رجع نوح من عند جنه واخد رجالته ودخل ممر ورا السرايا فتحوا له باب من صفيح كبير دخل وكان في راجل مربوط ومتكتف على الارض

نوح بص لنجاتي وقال بفخر....عفارم عليك يانجاتي طول عمرك دراعي اللي عمره ما خاب

نجاتي قال بسعاده.... انت تؤمرنا يا نوح بيه

 الراجل المربوط رفع راسه وهو  بيرتعش وكان مرعي نفس الراجل  اللي كان عند حليمه

نجاتي قال ....حصل كيف ما قلت جنابك بالظبط طلع ودخل من باب السرايا اللي ورا المندره وعملنا كيف ما قلت بالحرف

 نووح قرب من مرعي ونزل لمستواه على الارض و قال بخبث... اسهل صيده اصتدنها عموما...المهم ضايفتوه ولا مستنيني ووووووو

انت اللي دخلت البيت وخدرت شروق وحطيتها جاري على السرير ده فهمناه السؤال بقى مين اللي زقك علينا مرت عمي ولا حد تاني

 مرعي بلع ريقه بخوف وقال ..انا معرفش جنابك بتتكلم عن ايه 

نوح بصلو بهدوء شديد وابتسم بطريقه مريبه وفجاه ضربه قلم قوي جدا انجرحت شفته منه وقال بغضب وصوت يخوف.... مفاضيش اتساير معاك ياروح امك انطق مين اللي بعتك ياض 

مرعي دمعت عيونه من كتر الخوف وقال ....معرفش جنابك ماعرفش والله انا كنت في القصر عشان بلم الزباله انا باجي اخدها كل يوم وبطلع بيها من الباب الوراني علشان ماوسخش السرايا حتى اسال سماح وكل الخدامين

 نوح وقف ونفض ايديه بضيق وقال ....لا انا ما بسالش حد يمكن معاك حق بس انا لا بسال ولا بتاكد واللي بدخله هنا مبطلعهوش تاني ...خصوصا لما يبقى كداب ويتعبني

وشاور لنجاتي بعينه ونجاتي فهمه وهز راسه بالموافقه بسرعه 

مرعي كان بيبصلهم بخوف ومش عارف قصده ايه بس اتسعت عنيه بصدمه لما لاقي نجاتي داخل بكلبين كبار شكلهم مريب وشرسين جدا وبقم ينبحوا عليه جامد

 نوح ابتسم بمكر وقال..... سلم على حبايبك يا مرعي..دي مش كلاب عاديه دي  متهجنه كلاب على ديابه كده وبقالهم  كتير ماكلوش حاجه...بس حظهم زين الوجبه النهارده سمينه وبتلظ يلا يا نجاتي غدي الكلاب وحصلني

 ولسه هيمشي  مرعي صرخ بسرعه وقال ...هتكلم والله وهاقول كل حاجه بس بعدهم عني احب على رجلك يا عمده

بقلم..زهرة الربيع

 عند سند كانت غنوه بتربطله دراعه وهو بيزعق بغضب وبيقول.... صبرك عليا بس لو ما عاملت كيف المجانين وحبستك في اوضه فاضيه مفيهاش قصافه حتى مبقاش انا 

انتي مدمنة سكاكين يا بت بتتلككي علشان تمسكيهم

غنوه ضحكت وقالت.... معلش متعوده عليهم انت خليك بعيد مني يا ود الناس بتقل ادبك ليه

سند قال بغضب شديد.... وانا عملت ايه يعني عشان تشقي يدي كده جاكي شق في امعائك يا بعيده بت مختله معيزاش غير السرايا الصفرا تلمك

غنوه ابتسمت بسخريه وقالت..... انا هروح اغدي اخوي ...وانت متمشيش جنب السرايا الصفرا تاني خطر عليك 

ولسه هتمشي مسك ايدها وقال ....طيب وانا مش هتاكليني ما انا كمان متصاب اها 

غنوه بصت على ايده وقالت .... شكلك مستغني عن اليد التانيه

سند. سحب ايده بسرعه  وهي بصت له وقالت.... ابقى خلي رجالتك يغدوك... هغديك انا ليه بصفتك ايه ان شاء الله 

سند ابتسم بسخريه وقال ....بصفتي خطيبك ولا نسيتي

 غنوه قالت بثقه..... انا مهبقاش خطيبتك ولا مرتك طول ما في قلبك واحده تانيه.... انا المكان اللي ادخله بحجزه كامل مكمل وطالما في قلبك  مره تانيه عمري ما هكون فيه ....حقاش تنساها وقتها نبقى نفكر في الموضوع 

سند بصلها بدهشه من الثقه اللي بتتكلم ببها وضحك جامد وقعد على الكرسي بياس وقال....هو انتي هتفضلي عايشه لحد ما انساها 

ولمع الحزن في عيونه وقال.... هو انا نفسي ممكن ماقعدش عايش لحد ما انسى 

غنوه ابتسمت ابتسامه حلوه رغم حزنها عليه وقالت.... هتنساها وقريب قوي.... انت محبيتش شروق قد ما كانت تحدي  اتحديته لنفسك وحسيت بفشلك فيه عشان كده مقدرتش تنساها ....بكره ياجيلك تحدي اكبر منيه وتنجح وتنسى 

او  تفشل فيه كيف ما دايما بتفشل هيه وده اللي متاكده منيه مكدبش عليك وخرجت وهيه بتضحك من قلبها 

سند بص لطيفها بغيظ شديد وقال بصوت عالي.... عموما اكبر فشل في حياتي اني تعرفت عليكي داهيه تاخدك انتي وسكاكينك وليه سعرانه

 عند جنه كانت راجعه بيتها ودموعها على خدها بتفكر في اخر كام جمله قالها لها نوح افتكرت لما كانت هتمشي وقالها..روحي لولدك ..وعيشي حياتك وياه واتبسطي..وسيبيها لحالها سيبيها تموت وانتي ساكته 

 نزلت دموعها وهي مش عارفه تعمل ايه مسكت التليفون بتردد وجابت الكارت اللي اداهولها وهي بتبصلو بخوف وحيره

عند حليمه كانت قاعده بارتياح معتقده انها لحقت نفسها

 بس انتفضت بخضه لما سمعت صوت نوح بيزعق جامد وبيقول بصوت يرعب...... حليمه  ...انزلي يا حليمه 

حكم سمع صوته قام بسرعه وشد الشاش بتاعه وجري قوام نزل تحت باستغراب

هويد بقت تلطم بخوف وتقول.... استر يا رب.... جيبها سلامات 

شروق كمان اترعبت من صوته واخدت طرحتها ونزلت بسرعه 

نوح كان بيزعق بطريقه عجيبه ومتعصب جدا 

ونزل حكم وقال بزهول.... في ايه يا نوح بتزعق كده ليه فضحتنا هيه القيامه هتقوم ولا ايه

نوح احمرت عنيه من شده الغضب وقالت ....شكلها القيامه هتقوم فعلا يا عمي لان الدم بقى ميه ومبقاش حد يعمل حساب العيش والملح 

في الوقت ده شاف حليمه نازله بخوف على السلم قرب منها وقال بغضب شديد ....بلاش اقولك انا كيف هنت عليكي وكيف هانت عليكي وصية ابوي عليا....ولا هقول لك كيف هانت عليكي البنيه الغلبانه اللي مرمغتي شرفها في الاراضي ...بس هسالك سؤال واحد ...كيف ولدك هان عليكي ... كيف قدرتي توجعيه وتكسري قلبه كده كيف 

حكم كان مش فاهم حاجه وحليمه كانت واقفه مرعوبه لانها اتأكدت انه فهم كل حاجه

بس حاولت تنكر وقالت... انا مفهماش انت بتتكلم على ايه و

بس سكتها لما زعق فيها جامد وقال بحده....اتخرسي خالص كفياكي كدب... معادتش في حاجه هتنفعك يا حليمه

 حكم اتقدم عليه وقال بذهول من اللي بيحصل.... هتفضل تتكلم بالالغاز كده لميته ما تقول في ايه مرت ابوك عملت ايه علشان تكلمها كده

نوح قال بغضب شديد ..اقولك يا عمي ...الست حليمه قرصستنا كلنا هنه ودخلت راجل غريب على اوضة بتنا خطف شروق وجابها  اوضه سند ...كانت فاكره ان هو اللي في الاوضه ليلتها....لا وكمان رغم انها عرفت ان انا اللي كنت هناك وشافت كل اللي حصل وشافت وجع ولدها قدامها وبعنيها بس ما تكلمتش سابتنا نولعوا في بعض علشان تقسي ولدها عليا 

وبص لحليمه بحده قبل ما تنطق وقال....وانكري يا حليمه قولي محصلش علشان اخلي راسك في الارض اكثر من كده

 حليمه بلعت ريقها برعب  شديد ومتكلمتش خالص

 حكم اتصدم من كلامه والثقه اللي بيتكلم بيها وقرب على حليمه وقال....الكلام..الكلام ده صوح ...انت اللي عملتي كده يا حليمه 

حليمه كانت ساكته بتتكلمش وحكم زعق فيها وقال.....اتكلمي يا حليمه انتي اللي عملتي كده ما تسكتيش قولي  حاجه اتكلمي ده انا خسرت بتي فيها 

نوح قال بغضب شديد..... ما هتقدرش تقول حاجه يا عمي ...ايه اللي ممكن تقوله  ..هتقول كداب... بيقول كده عشان يطلع منها .....حتى الاعذار دي مهتفيدش  لان الراجل اللي بعتته معاي في الزريبه

انا اللي خليت الرجاله يتكلموا في القصر مخصوص ويقولوا اني كشفت اللعبه كلها عشان يوصل لك الخبر عشان عارفك اول حاجه هتعمليها هتكلميه وقعتكم في مصيدتي كيف ما رسمت بالملي ..وراجلك كان امين قوي و اشترى حياته بانه يبيعك طلع مسجل لك كل كلامك وياه عشان يهددك بيه لو جيتي تبيعيه والتسجيل معاي دلوك

 حليمه بصتلو  بصدمه وخوف

وهو قال بغضب وقرف...... انا ما زعلانش علي ولا على اللي حصل كل اللي مزعلني سند لما يعرف

حليمه اترعبت لما قال كده  وحكم كان بيبصلهم بذهول ولمعه عيونه بالدموع ونزل على الارض سجد سجدة شكر لله وهو بيقول ......الحمد لله يا رب الحمد لله 

ووقف والتفت لشروق اللي كانت  واقفه بتسمعهم بصدمه  وجري عليها حضنها بقوه وهو بيبوس راسها  وبيقول..... الحمد لله يا بت قلبي الحمد لله ربنا ظهر براءتك تربيتي فيكي موقعتش على الارض

 بس شروق محضنتهوش وفضلت واقفه متجمده مكانها

وقالت بسخريه....كانها وقعت يا ابوي  ..لو كنت شايفها ما وقعتش على الارض كيف ما بتقول  كنت صدقتني من الاول حتى كنت سمعتني او قولت بتي متعملش كده

حكم نزل عيونه وقال..حقك على راسي انا هعمل اي حاجه تطلبيها بس تسامحي ابوكي يا قلب ابوك

 شروق بصتلو بدموع هو ونوح اللي بصلها بندم شديد وسابتهم وطلعت اوضتها

حكم نزل عيونه في الارض بدموع 

ونوح اتنهد و قال.... بتك معاها حق كلنا مديونين ليها كلنا وجعناها الفتره اللي فاتت ولا واحد فينا قال هي متعملش كده ....حتى انا

و لسه هيكمل جاله اتصال  من رقم جنه استغرب ورد بسرعه وقال ...خير في حاجه ولا ايه

 جنه اتنهدت وقالت...انا راجعت نفسي وفيه  كام حاجه لازم تعرفهم يمكن تقدر تلحقها ...بس اللي هقول ده امانه يا عمده لانه  تطير فيه رقاب 

نوح ابتسم وحس ان كل حاجه بتتحل مره واحده وقال ...جاي معاي موضوع صغير كده هحله قوام واجيلك استنيني متروحيش 

عند غنوه كانت بتاكل اخوها اللي اتنهد وقال....كفايه كده يا غنوه من وقت ما فوقت وانتي بتظغطي فيا.... محدش فيكم هيحكي لي ايه اللي حصل بالظبط وليه انا كنت مخطوف هنه

بقلم...زهرة الربيع

 سند بلع ريقه بتوتر وقال.... احنا كنا...

 بس غنوه قالت بسرعه..... ابدا يا اخويا ده تامين مش اكتر عشان عيلة حسنين ما يوصلولكش ويضغطوا عليك

  حميد ابتسم بسخريه وقال.... ممصدقش منكم ولا حرف بس مش هفضل اتحدت وياكم لحد ما احط حياتك في خطر....رجع البت عند اخوك العمده.... هناك امن ليها يا سند بيه ومتطلعهاش من السرايا واصل 

سند لسه هيرد غنوه قالت بسرعه... تمام هرجع بس انت كمان تاجي معانا نروحوك دارنا قبل ما نروح السرايا

حميد قال... ما عنديش معنى يلا بينا 

سند قال ..هتقدر تتمشى معانا

حميد قال...هما خطوتين لحد العربيه 

سند بقى يساعد حميد واخدو على العربيه وركبه فيها

 غنوه كانت هتركب جنبه بس سند مسك ايدها وقال استني عايزك في كلمتين

قفلت باب العربيه ووقفت معاه وقالت...نعمين

سند ابتسم وقال..... اديني هرجع لك اخوكي على داره بس احنا لسه عند اتفاقنا ....هنكتب الكتاب بكره بالكتير

غنوه ضحكت وقالت..... انت فاكر ان قعدة اخويا هنه هي اللي كانت هتخليني اكتب الكتاب و لما تروحو دلوك هارجع عن اللي قولته ....انا قولت لاخوك قبل سابق وهقولهالك دلوك  انا مخايفاش من تهديدك واصل

سند ابتسم بسخريه وقال....امال وافقتي على جوازنا ليه... اوعي تقوليلي عشقاني في الضلمه 

غنوه ضحكه بخفه وبصت لعيونه وقالت ...لاه عشقك في النور 

سند اختفت ابتسامته وبقى يبص لها باستغراب شديد من الطريقه اللي قالتها بيها وقال ..ايه...احم قولتي ايه

غنوه لسه هترد بس انتفضت بقوه ومسكت في دراعاته واتسعت عنيها بزهول شديد 

سند اتفاجأ بحالتها وقال بسرعه .... في ايه... مالك يا بت  اتخشبتي كده ليه و

 بس قطع كلامه و اتسعت عنيه بشده لما حط ايده على ضهرها ولقاها كلها دم 

بص على ضهرها بصدمه ولقاها فعلا اتصابت برصاصه من سلاح بدون صوت

 قال بصدمه وزهول....غنوه ....ايه اللي حصل... لا لا 

وطلع السلاح بتاعه لما شاف عربية حسنين من  بعيد وبقى يضرب عليه نار بس العربيه طلعت بسرعه وهربو

 حميد نزل من العربيه ووقع على الارض وبقى يزحف وهو بيصرخ باسم اخته 

وغنوه وقعت بين ايدين سند وهيه بتبصلو بدموع وبتشهق بشده وووووووو

وقعت بين اديه بتلفظ انفسها الاخيره كان هيتجنن من الصدمه مش مصدق انه اخدها للموت باديه

حميد نزل من على العربيه وبقى يزحف لحد ما وصل جنبها على الارض و هو بيقول بصدمه ورعب ....غنوه ....خيتي رد عليا يا بت ابوي لا يا غنوه ما تعمليهاش وتسيبيني لحالي لاه

غنوه بصت له بدموع ونطقت بالعافيه وقالت... خلي بالك على نفسك يا حميد 

حميد حط اديه على دماغه بصدمه وبقى ينادي على الرجاله على حد فيهم يجيب الدكتور

 وسند كان في دنيا تانيه عيونه مفتوحين على اخرهم و الدموع فيهم حجبت  الرؤيه و بيبصلها بزهول شديد

غنوه  ابتسمت ابتسامتها الجميله رغم المها وقالت.... هتوحشك قوي يا ود العمده

سند نزلت دموعه وحط ايده على خدها  وقال بصدمه... هتسيبيني انتي كمان ...متعمليهاش احب على يدك

غنوه نزلت دموعها قالت بالم شديد .....اسمعني يا سند...ما فيش وقت ...شروق بريئه امك هي اللي حطتها في فرشتك كانت فاكره ان انت اللي في الاوضه 

سند  اتسعت عنيه بزهول شديد ...وهي قالت بدموع ...اخوك عمره مكان خاين نوح بيحبك قوي....سامحني انا كنت عارفه وواجهت امك ...قالتلي لو معاكي دليل طلعيه .... بس انا متكلمتش مش خوف منها....انا سكت عشان خاطر شروق رايده نوح... قولت يمكن تكون فرصتهم سوا سامحني وخلي نوح وشروق يسامحوني قبل ما اقابل ربي

سند اتصدم بشده وكان بيبص لها بزهول بس قال بسرعه... انتي هتقومي هتقومي متخافيش انا هاخدك للدكتور مش هستناه ياجي وقرب يشلها وهو بيزعق على الرجاله وقال .....افتحوا العربيه بسرعه

ولسه هيشيلها منعته وقالت بتعب شديد ....خلاص يا سند مفيش وقت صدقني...انا حاسه ان صاحب الامانه عايز امانته... مع السلامه ..مع السلامه يا سندي

سند لسه هيتكلم لقى جسمها تقل فجأه وحميد حضنها وبقى يبكي بشده وهو بيقول..... مع السلامه يا بت ابوي ...مع السلامه يا حته من قلبي

 وبقى يبكي بشده وسند وقف وهو بيرتعش بصدمه و مش مصدق انها راحت خلاص 

في القصر كانت هويدا مرعوبه من اللي بيحصل ونوح كان مصر ان حليمه متفضلش معاهم في البيت

حليمه قالت  بغضب....انت تهفيت في دماغك اياك انا ساكتلك من الصبح...بس لحد هنا وتوقف عند حدك انا وريثه في البيت ده كيفك تمام ..انا مرت الحاكم وام ولده ومات وانا على ذمته متقدرش تطلعني من داري ودار ولدي انا مش امك الخاطيه اللي هربت من جوزها واهلها علشان تمشيني من داري

بقلم.....زهرة الربيع

 نوح احتدت عنيها بغضب شديد ولسه هيقرب منها وهة مش شايف قدامه 

بس حكم وقفه بسرعه وقال بغضب ...وليكي عينه تبجحي كمان انا معارفش انتي كيف قادره تنطقي من اساسه

حليمه قالت  بغضب شديد ...وانا عملت ايه يعني الموضوع كبر واتنيل لانه راح نام في اوضه ولدي كل اللي كنت عايزاها انه بتك تتجوز سند... الواد رايدها ومعايزش غيرها وبتك العرجه بدل ما تحمد ربها و

قاطعها نوح لما زعق فيها بغضب شديد وقال..... حليمه.. كلمه كمان وهنسى انك ام سند وانك كنتي مرت ابوي فاهمه ولا لا شروق ست البنات كلهم وسند معاه حق يعشقها ويتمناها وعمره ما كان هيلاقي زيها العيب مش فيها انتي اللي كلك عيوب وسند عيبه الوحيد انك امه

 حكم  قال بضيق..هملها يا ولدي قليل الاصل ما تعملش زيه هدي روحك لما ياجي ولدها ويعرف باللي عملته هو بنفسه هيلاقى لها مكان غير هنا

حليمه بهتت ملامحها لما قال كده كل اللي حصل كوم وان سند  يعرف انها السبب في كل اللي حصل له ده كوم تاني بقت تمثل البكاء وقعدت على الكرسي وهي بتبكي جامد وقالت.... وهيهون عليك يا حكم تحرم واحده من ضناها علشان غلطه هيهون عليك تخليه يقسى على امه ويعاديها

 حكم قال بغضب شديد .....هيهون عليا اه كيف ما هانت عليكي بتي وفضيحتي يا حليمه

 هويدا كانت واقفه ساكته بخوف نوح بصلها بسخريه وقال .....وانتي يا مرت عمي مشايفكش عاد بتاخدي حق بتك حتى بكلمه ايه الحوار خير ان شاء الله

حكم استغرب من تلميحات نوح وهيه بلعت ريقها بتوتر شديد وقالت..... انا معارفاش اقول ايه يا ولدي

 نوح لسه هيتكلم التفتتلو بدموع ورجاء انه ما يقولش حاجه غمض عنيه بغضب وبص بعيد عنها وقال...المهم  انا ما جايش اعمل فيلم هنه ونوقفو ساعتين نتسايره....انا اتكلمت عشان ابرأ البنيه الغلبانه اللي كلنا ظلمناها واولهم انا ...وعشان ابرأ نفسي قدامك يا عمي وتعرف اني اخون نفسي وما اخونكش انت او سند ...والباقي تحلوا الايام 

ولسه هيمشي حكم مسك ايده وقال بندم... حقك على راسي كانت اتقطعت يدي قبل ما تتمد عليك يا نوح ...انا راضي باي حاجه تقولها دلوك حتى لو هتردلي كل قلم ادتهولك

 بس قاطعو بسرعه لما حضنوا بقوه وقال....بتقول ايه .... انت ابوي مش بس عمي وحقك تعمل اكثر من اللي عملته...انا ما زعلانش منك واصل 

حكم حضنه بقوه وفخر بيه

نوح ابتتسم وقال.... انا المهم عندي دلوك كل حاجه ترجع كيف ماكانت قبل اللي حصل ده

 حكم نزل عيونه بحزن وقال.. كل حاجه بينها هتفضل كيف ما كانت بس لو قصدك على شروق وسند مهينفعش ..انا قلت لك من اول يوم بعد اللي حصل  مبيقوش ينفعوا لبعض ...ميصحش تطلق منك و تتجوز اخوك الناس يقولوا عليها ايه

نوح اتنهد بضيق وقال .....وهنفضلوا قصاد كلام الناس لميته يا عمي.... هيتكلموا لهم شويه وينسوا اهم حاجه راحت عيالنا

حكم قال.... دي سمعة البت يا نوح وانت عايش في البلد ده وخابرها زين مهينفعش واصل....انت كل اللي ليك عندي اني اطلقها منيك وتشوف انت حياتك بس جوزها من سند مهينفعش وانا هفهمه الكلام ده

وانت  لو عايز الليله اجيبلك المأذون تطلقها تمام

نوح قال بسرعه...... وطلقها ليه 

بصوا له باستغراب وهو بص بعيد وقال بارتباك....احم... قصدي يعني انا كنت هطلقها عشان تتجوز سند انما لو مهتتجوزوش هخليها على زمتي بت عمنا احنا اولى بيها من الغريب

عمه قال باستغراب...معارفش يا ولدي يعني بعد كل ده هينفع انتو خوات و

بس قاطعو نوح وقال...انت فهمت ايه....انا قصدت بعد موافقة سند...بعد ما اتاكد انه عمره ما هيكون له نصيب وياها وانو مش زعلان ....ومن ناحيه شروق ما تقلقش هي ما هتمانعش واصل انا عارفها 

حكم لسه هيرد سبقته شروق وقالت.....طبعا شروق مهتمانعش....وهيه شروق لو كانت بتمانع ولا بتتكلم كان بقى ده حتلها...لو سند مشتلش نوح يشيل واهي كلها مصلحه

التفتو على صوتها واتفاجأو بيها نازله من على السلم لابسه عبايتها وطرحتها وفي ايدها شنطة هدوم كبيره

نوح اتجاهل كلامها وقال باستغراب...انتي ايه الي عملاه ده وايه الشنطه دي

شروق قالت بحزم...دي شنطة هدومي..انا مسافره....وللعلم انا مموافقاش على المقايضه اللي سمعتها دي 

نوح بصلها بدهشه وحاول يهدى وقال.....انا عارف انك زعلانه مننا ...بس اطلعي دلوك على اوضتك ما لكيش دعوه بكلام الرجاله.. واحنا هنعمل كل اللي في مصلحتك يا شروق

شروق قالت بغضب وزعيق.... شروق مهتطلعش ومهتسكتش تاني سمعت يا عمده...مصلحتي انا..انا وبس احددها وانا اللي اعرف هيه فين

نوح كان مصدوم من طريقتها خصوصا لما اتجاهلته وبصت لابوها وقالت بحزم....انت لسه من شويه قولت لي هعمل اي حاجه عشان بس تسامحيني...تمام  انا هنسى كل اللي حصل يا ابوي و هسامحك في اللي قولته كله بس عايزه اطلق من نوح وامشي من الدار دي خالص عايزه اكمل تعليمي هروح الجامعه في البندر وهقعد عند خالتي هناك

ا تسعت عيون الجميع بزهول وحكم ما بقاش عارف يرد يقول ايه 

عند سنه كان بيبص على حميد وهو بيبكي جامد و بيحضن اخته وقال بزهول......انت بتعمل ايه..... خلينا ناخدها على المستشفى... اكيد مماتتش...اكيد لا 

حميد زعق فيه جامد وقال بغضب وغل.....انت اللي قتلتها.... انت اللي موتها انا كنت قافل عليها الف باب انت واخوك السبب وبقى يبكي بحسره وقال..... وانا كمان السبب كيف وافقتكم كيف فكرت ان ممكن حد يقدر يحميها اكتر مني او حد هيخاف عليها زي كيف

سند لمعت الدموع في عيونه وقال بسرعه ....لا لا انا مليش صالح..هيه...هيه اللي مرضيتش تفضل في السرايا واصرت تاجي وياي انا قولتلها لا و

 حميد قاطعو بغضب وقال .....غور من وشي معايزش اسمعك معايزش اشوف وشك ...امشي انت واخوك متوقفوش في  جنازه اختي واصل غور من قدامي

واحد من رجالة سند قرب منه وقال.... يلا بينا يا سند بيه الرجاله هيوقفوا معاه ارجع على الدار اخوك عايزك ضروري هناك 

سند قال بغضب..... اخويا ايه وهباب ايه دلوك خلينا نلحق البت خلينا نعمل اي حاجه يمكن نقدرو نلحقوها 

حميد زعق فيه بغضب وقال... قطعت النفس خلاص... ولا هتعمل لها روح قلت لك غور من وشي ما طايقش اشوفك وبقى يحضن غنوه ويبكي بقوه 

رجالة سند خدوه بالعافيه وركبوه العربيه وطلعوا بيه وهو مصدوم بشده ودموعه بتنزل بحسره 

عند جنه كانت مستنيه نوح بس اتاخر قوي بقت تتصل بغنوه عايزه تعرف  طلع من البيت ولا لسه

 حميد كان جنب اخته يحضنها بحزن شديد وكان تليفونها مش بيبطل رن

و شاف اسم جنه لمعت عيونه بالدموع ورد عليها وقال بالم ....راحت خلاص يا جنه..راحت 

جنه اتصدمت بشده ووقع التليفون من ايدها ووقعت مغمى عليها وسط ذهول الناس  في شارع  اللي شالوها بسرعه واخدوها على اقرب وحده صحيه

في السرايه كان نوح مصدوم جدا من كلام شروق وقرب منها وقال بغضب .....تمشي من الدار يعني ايه ....انت شايفه الكلام ده هنوافق عليه من اساسه

شروق بصتلو بتحدي وقوه لا توصف وقالت..... بتجمع ليه ....انا طالبه موافقه ابوي بس... معبرتكش ولا طلبت موافقتك 

نوح اتسعت عنيه بذهول من القوه اللي بتكلموا بيها والطريقه بتاعتها احتدت عنيه بغضب شديد وقال.... لو مطلعتيش فوق دلوك هطلعك بدراعي ومهتحبيش اللي هيحصل واصل

شروق قالت بغضب شديد ....انا مطلعاش فوق تاني ومهسمعش كلامك في اي حاجه ما تتعبش روحك  

والتفتت لحليمه بغضب وقالت..... الكل في البيت ده شاف مصلحته فين ..وكانت مصلحتكم كلكم تحطو جزمتكم  فوق رقبه شروق.... فقولتو مش مهم وايه يعني.. مين هي شروق دي اصلا العيله.. التافه ..العرجه... مش كده يا مرت عمي

و رجعت التفتت لنوح وقالت بدموع.... مش كده  يا ود عمي 

بقلم....زهرة الربيع

نوح نزل عيونه وقال بندم...مكنتش اقصد اقولها..عارف انها وجعتك قوي خاصة مني بس ....

قاطعتو وقالت بسرعه ووجع....لا لاه موجعتنيش واصل...بس فوقتني ...كانوا يقولوا في الامثال جاتني شوكه في ريقي عرفتني عدوي  من صديقي..... وانا عرفت مين اللي عليا لكن للاسف ما لقيتيش ولا حد ليا

 حكم قال بحزن شديد.... يا بتي انا ...

شروق قاطعته وقالت بدموع..... انت ايه يا ابوي ...انا لو كنت افرق معاك  كنت قولت بتي متعملش كده ....بتي ربيتها على يدي.... انت ونوح بيه اكثر اتنين وجعتوني لانكم اكتر اتنين عارفيني

 نوح نزل عيونه بحزن شديد وقال ....انا هراضيكي يا شروق متقوليش كلام وقت غضبك اطلعي على اوضتك وانا ورحمه ابوي ما هسيبك زعلانه واصل 

شروق ضحكت بسخريه وقالت..... لا معلش ما بقاش في وقت اسمعك 

نوح اتنهد وقال.... يا بت الناس اسمع الكلام واطلعي على اوضتك معايزش اضايقك متجبرنيش..... ما فيش طلوع من هنه ده موضوع مفيهوش نقاش اصلا 

شروق ولا كانها سمعتوا قربت من ابوها وقالت .....انت طول عمرك مهمل حياتي كانها قضيه من قواضي الناس بره ونوح بيه هو  اللي بيحكم فيها ....سايبني ملطشه للكل هنا وعمري ما جيت اشتكيت لك يا بوي....بس  لاول مره انا عايزه ابوي عايزه حمايته عايزه حمايتك حتى من نوح عايزه اشوف اذا كنت عزيزه عليك زي ما بتقول..   انا عايزه اطلق وامشي يا ابوي وهستنى حكمك انت وبس وراضيه بيه

ابوها بص لها بدموع ولسه هيرد شافوا سند داخل من الباب مصدوم جدا وهدومه كلها دم

 نوح كان هيقع من طوله لما شافه كده و جري عليه بذهول وخوف وبقى يتفحصه يمين وشمال وقال.... في ايه.... ايه اللي جرالك مين عمل فيك كده اتكلم مالك  

سند بص له بدموع واخيرا سمح لنفسه بالانهيار بقى يبكي بقوه وهو بيقول..... غنوه ماتت..... انا اللي قتلتها...باديا دول اخدتها على موتها ...انا اللي قتلتها يانوح انا.....

واترمى  في حضنه بقوه ونوح اتسعت عنيه بصدمه وزهول زي كل اللي كانوا في البيت وشروق قعدت مكانها على الارض وهي بتبكي بشده وصدمه 

نوح رغم انو اتاثر جدا بالخبر واتصدم بشده لكن حضن اخوه بقوه وكانو بيحميه حتى من الحزن... واخيرا رجع سند لحضنه بس عمره ما تخيل ان اليوم اللي هيحضنه فيه هيبقى يوم قاسي للدرجه دي وهيخسر فيه الخساره دي كلها

لان غنوه مكانتش مجرد بنت عجبته كانت امانه عنده وتحدي اتمنى يكسبه🌟🌟🌟

الحق يا جناب العمده بت عمك رجعت و معاها شاب حليوه اكده بس غطس في حفرة الصرف اللي حفرناها الصبحيه ومعارفينش نطلعوه واصل

حكم كان قاعد جمب نوح وقف و قال بزهول....ايه ...بتقول ايه يا غراب البيت انت هو انتو مغطتوش الحفره ليه 

نجاتي قال بتوتر..مهو..مهو احنا ملحقناش جنابك ..و..وهو كمان كان ماشي في النص كده ملحقناش نحذروه دلوك الرجاله بيحاولو يطلعوه والست شروق بره قلقانه قوي

حكم قال بقلق...يادي النصيبه..يادي الجرسه اللي بقينا فيها...هنعمل ايه دلوك يا نوح

 نوح كان واقف متجمد مكانو  وعلى شفايفه ابتسامه  معرفش يمنعها كل اللي سمعه بنت عمك رجعت والباقي كأنه متقالش 

شروق رجعت بنت عمه او بمعنى اصح بنته اللي رباها على اديه... سنتين واكتر مشفهاش ولا حتى سمع صوتها  كانت رافضه تكلمه مكالمه واحده حتى التلفون استكترتو عليه

 فضل تايه في مكانو لحد ما فوقه حكم وهو بيقول.... يا فضحتنا الي مهتداراش يعني البت تجيب عريسها تعرفه علينا نقوم نغطسوه في الصرف من اول يوم

نوح لفتت انتباهه الجمله دي وبصلو باستغراب  وقال...ايه....عريسها...عريس مين...انت قولت ايه يا عمي

حكم قال بتوتر .هاا...مش وقتو دلوك يا نوح واقفين نتسايرو والراجل بيفطس بره يلا ..يلا بينا

وطلع جري على الجنينه ونوح طلع وراه بسرعه علشان يفهم اللي بيحصل

في الجنينه كانت شروق واقفه جمب حفره غريقه شويه بس لحسن الحظ الميه قليله فيها

قالت بقلق واضح...نبيل...نبيل انت سامعني من عنديك

رد الشاب من جوه الحفره بخوف واضح في صوته وقال...شروق...شروق انا بجد تعبت..عايز اطلع من هنا انتي عارفه بتخنق من الاماكن الضيقه

شروق قالت بسرعه..اطمن يا نبيل نجاتي راح يجيب السلم وهيطلعك ..ومتخافش الميه قليله قوي متقلقش

نبيل قال بزعيق علشان تسمعه...طب بسرعه..بسرعه ارجوكي قوليلهم ينجزو

في الوقت ده جيه حكم وقال بقلق ..شروق... كيفك يا بتي 

شروق حضنت ابوها وقالت بلهفه..اتوحشتك يا ابوي اتوحشتك قوي كيفك وكيف امي وسند و

بس قطعت كلامها لما شافت نوح جاي بيتقدم عليهم بطلتو اللي عشقتها سنين وملامحه اللي متتنسيش كل حاجه فيه زي ما هيه الا نظرة عيونه..حست فيهم بلهفه واشتياق 

ابتسمت بسخريه على افكارها واتجاهلت تماما انو بيتقدم عليها وبصت بسرعه للحفره وقالت...نبيل وقع في الحفره يا ابوي معرفوش يطلعوه بالحبل كانو هيغطسو وياه

حكم بقى يبص للحفره ويكلم نبيل ويطمنو

ونوح  احتدت عنيه بغضب من الحركه اللي عملتها قدام  الرجاله لما اتجاهلت وجوده ومسلمتش عليه بس حاول يهدى وقرب عليهم وقال...احم...كيفك يا بت العم...سلمتي على ابوكي اللي خلفك... مهتسلميش على ابوكي اللي رباكي

شروق التفتتله وبقت تبصلو شويه وقالت ...كيفك يا نوح ..احوالك ايه انشاله زين

نوح رفع حاجبه بدهشه وبقى يبصلها من فوق لتحت باعجاب..سنتين بس اللي عدو لكن غيرو فيها كتيير لبسها  محتشم كعادتها لكن منسق جدا وثقتها  واضحه على ملامحها قبل كلامها وقفتها رغم انها لسه متعثره لكن قويه كل حاجه فيها متغيره بقت انثى بكل معنى الكلمه ابتسم باعجاب واضح وقال ..زين...وبقيت زين اكتر بشوفتك....غبتي علينا قوي

شروق ابتسمت بضيق وقالت  ...دول كلهم سنتين ..انا محسيتش بيهم واصل

نوح ابتسم بهدوء عارف انها لسه زعلانه منو قال..المهم انك رجعتي نورتي دارك

ابتسمت بسخريه وقالت...الدار منوره بناسها..ممحتجاش اللي ينورها ده كفايه القمر اللي فيها

نوح ابتسم بغرور ولسه هيرد حطت ايدها على كتف ابوها وقالت...دار فيها القمر حكم الجندي طبيعي تبقى منوره والبلد كلها تنور كمان

نوح بصلها بدهشه وغيظ من حركاتها ولسه هيرد نبيل قال بزعيق....طلعوني الاول وابقى نورو براحتكم انا هنا مش شايف حاجه 

نوح قال باستغراب...ايوه صوح هو مين اللي غطس في الصرف ده...البعيد اعمى مشايفش الحفره دي كلها

شروق قالت بقلق....معلش يا نبيل اتحمل هيطلعوك حالا

نوح قال بنفاذ صبر ...ايوه مين ده بردك

شروق لسه هترد جيه نجاتي ومعاه سلم طويل وقال..جبت السلم اها

نوح قال بضيق..هتعمل ايه بالسلم يمكن هتنزلو علشان انتو التنين تغرسو والسلم معاكم معاارفش الارض تحت عامله كيف

نجاتي قال...امال هنطلعوه كيف جنالك

نوح قال ببرود..ونطلعوه ليه اردم الحفره واستنى يومين لو لسه له صوت نطلعوه من التراب اسهل...لو ملوش صوت هيتحلل وخلاص

بقلم...زهرة الربيع

نبيل قال بزعر..انت..انت بتقول ايه...بيقول ايه ده....شروق شروق اعملي حاجه

شروق قالت بسرعه..اهدى اهدي يا نبيل...متاخدش على كلامه...وبصت لنوح بطرف عينها وقالت...دي عادته ..نوح بيه هو الوحيد اللي بني ادم على وش الارض والباقي حواليه عرايس ملهاش قيمه تعيش تموت تدفن مبتفرقش وياه

نوح اتنهد بحزن بسبب كلامها وقال...نجاتي شغل السلالم ده مهينفعش طلعو بالحبل اسهل

نجاتي قال ....الارض لينه قوي  جنابك جينا نشدوه كنا هنتزحلطو وياه

نوح قال بضيق...ده لانك جحش يا نجاتي... روح اربط الحبل في العربيه ونزلولو طرفه

نجاتي قال بسرعه...والله ما فيه منيك يا نوح بيه مخك ده المفروض يوزعو منيه على الخلق

نوح ضحك بخفه وقال..طب اخلص قبل ما يفطس مننا ونضطرو نوزعو رحمه على الخلق

وفعلا رما طرف الحبل في الحفره ونبيل مسكو بقوه 

ونجاتي راح ربط الطرف التاني في العربيه ووقف جمبها

فضلو ثواني مستنين بس الحبل متحركش

 شروق قالت...مشدش ليه

نوح ضرب على وشو وقال...استغفر الله العظيم يارب...نجاتي يا حبييي مسقتش العربيه ليه

نجاتي قال بغباء..ما انت مقولتش جنابك قولت اربطه في العربيه وبس

نوح اتنهد بضيق خلق وقال....اه صح عندي دي..معلش هتعبك كنت فاكر العربيه هتفهمنا وتتحرك لوحدها..وزعق فيه وقال...حرك العربيه يا جحش متخلنيش اجي انا عندك و انت عارفني

نجاتي جري بسرعه حرك العربيه وبالفعل بدأ نبيل يطلع شويه شويه لحد ما طلعوه من الحفره

قعد على الارض وهو حاطط ايده على صدره وبيحاول يتنفس وشروق قعدت جنبه وبقت تهويله وتشربه ميه وهيه بتقول بقلق...انت زين دلوك خد نفسك

نوح شاف المنظر واتعصب جدا وقرب منهم بغضب وقال... خدي انتي نفسك الاول وفهمينا مين ده

 شروق بصتلو باستغراب وقالت.... انت صوح معارفش مين ده وبصت لابوها بدهشه وقالت.... معقوله يا ابوي... معقوله مقلتلوش طبعا خايف ماتقوله وايه الجديد طول عمرك بتخاف منيه 

حكم بلع ريقه بحرج وقال..... هخاف من ايه بس يا بتي ...انتي خدي ضيفك بس وخشي جوه خليه يرتاح وانا هتكلم مع نوح

 شروق وقفت بغضب وقالت... ضيفي اه 

وقومت نبيل وقالت..... يلا يا ضيفي لما نشوف اخرتها 

ولسه هتتحرك نوح مسكها من دراعها بغضب وقال ....ما تتحركيش من هنه ...قولي مين ده الاول

 شروق لسه هتتكلم نبيل دفع ايد نوح بغضب وقال... انت ماسكها كده ازاي بأي حق... انا اقول لك انا مين معاك دكتور نبيل عز الدين دكتور في الطب النفسي تخصص المجانين امثالك وخطيب شروق... اكيد انت نوح طليقها مش كده

 نوح اتسعت عنيه بزهول وقال .... خطيبها 

وبص لشروق وقال بصوت رعبها...خطيبك 

شروق بلعت ريقها بتوتر ورغم كل الثقه اللي كانت بتعاملو بيها  لكن ما قدرتش تخبي خوفها منه وخصوصا نظراته لنبيل كانت فعلا تقلق جدا 

وقفت قدام  نبيل بسرعه وقالت بتوتر بتحاول تخبيه.... ايوه خطيبي

نوح بص لنبيل بحده وشروق اتوترت جدا وقالت بسرعه... بس هو ما لوش صالح ..انا اصلا قولتله على الطريق واحنا جايين

نبيل بص لها بدهشه وقال.... هو مين اللي قولتيلو على الطريق 

شروق بصت له وداست على شفتها بمعنى يسكت 

ونوح كان هيتجنن من اللي بيحصل زعق بشده وقال... خطيبك خطيبك كيف ...اتخطبتي وانا مدراش

و بص لعمو بغضب و قال.... وانت كنت عارف كمان يا عمي ومقولتليش

 حكم قال بسرعه وخوف...لاه معرفش..  انا كمان قالت لي على الطريق

 شروق بصت لابوها بغيظ وقالت.... وبعدين يا ابوي

نبيل ضحك بسخريه وفهم ان هما الاثنين خايفين منه شد شروق من قدامه خباها ورا ضهره  وقرب من نوح بتحدي وقال ...الظاهر انهم كانوا حابين يعملوها لك مفاجاه... مش هتبارك لنا ولا ايه يا عمده ...ومد ايده يسلم عليه

 نوح ابتسم بطريقه تخوف ومسك ايده وداس عليها بقوه شديده

نبيل حاول يسحب ايده لما حس انها هتتكسر بس في ثواني نوح لفها ورا ضهره وضغط عليها بقوه بطريقه مؤلمه جدا

نبيل قال بزعيق.... دراعي يا حيوان والله العظيم احبسك فيها 

شروق وحكم جريو عليهم وبقم يحاولوا يبعدوه عنه بس كان ماسك دراعه بقوه ومصر يكسره ..ونبيل بيتالم بشده ومش قادر يحرر دراعه 

شروق قالت بخوف شديد..همله يا نوح... يا نوح بقول لك همله 

نوح قال بغضب شديد.... فيه ايه بتعرف عليه... مش كان رايد نتعرف

نبيل اتالم جدا و زعق فيه وقال بالم شديد...سيب دراعي ياطور  بقول لك هوديك في 60 داهيه 

بس كان كل ما يتكلم نوح يضغط على ايده بقوه حكم زعق في نبيل وقال.... اسكت متتحدتش واصل  عشان يهملك 

نبيل كان بيتالم جامد ونوح مش سامع لاي حد فيهم بس لحسن حظه سمعه صوت زعيق اخوه سند من جوه السرايا وسماح الخدامه  بتصرخ بعلو صوتها 

الكل اتخض ونوح دفع نبيل على الارض وجري بسرعه على السرايا 

نبيل نام على الارض من شدة الالم وهو ماسك دراعه بايده الثانيه وبيقول بالم شديد..... اشهد ان لا اله الا الله واشهد ان محمد رسول الله 

شروق اخدت نفسها اخيرا وقعدت على الارض بتعب

في السرايا  كان سند  ماسك سماح من شعرها بغضب شديد  وبيقول انا مش 100 مره قولت لك معايزش اشوف نقطه د..م هنا ممسحتيش القرف ده ليه يا بقره انتي

سماح كانت بتبكي وماسكه شعرها بتحاول تحرره من ايده وبتقول ....يا سيدي دي الدبيحه اللي دبحها نوح بيه الصبح و كنا بنقطعها لازمن يبقى فيها د..م هعمل ايه يعني

سند بقى يضربها بغضب وجنون وقال...ومغسلتهاش بره ليه دخلتيها ليه بدمها 

سماح كانت بتصرخ جامد و نوح دخل جري بعدوا عنها بسرعه ومسكه من وسطه وهو بيقول ....فيه ايه... فيه ايه يا سند بتمد يدك على الحريم اتهفيت في دماغك خلاص

 سند قال بغضب وزعيق.... انا مش قولت لكم تغسلوا اللحمه قبل ما تدخلوها السرايا قولت مليون مره معايزش اشوف دم في البيت

 نوح غمض عينه بغضب من نفسه وقال بسرعه...  حقك عليا انا نسيت والله نسيت انا قطعت الدبيحه وحطتهالهم في الحلل  وقولتلها تدخلها جوه ....خلاص يا سماح حقك عليا امسحيها فيا

 سماح كانت بتبكي بشده وسند زعق فيها وقال...  بطلي  نواح وغوري نضفي القرف اللي جوه ده لو لقيت نقطت د..م هغسل ارض السرايا بد..مك سامعه

 سماح هزت راسها بخوف وجريت على المطبخ

 ونوح اتنهد وقال... وبعدها لك عاد يا ود الناس .. عاجبك كده البنت كانت هتموت في يدك 

سند غمض عنيه بغضب وقال.... مهو بسببك دخلت الدبيحه ليه قبل ما تغسلها

نوح اتنهد بحزن وقال.... عشان عوايدنا كده بنغسلها في المطبخ طول عمرنا يا سند...انت اللي اول مره تعمل كده لانه مدبحناش من بعد اللي حصل

سند قال بغضب.... وتدبح ليه من اساسه زارنا الوزير اياك 

نوح بصلو باستغراب وقال....واه ..بت عمك بقالها سنتين مجاتش البلد ونجحت في تاني سنه ليه في الطب  وقلنا نعملو لقمه للغلابه ونفرحوها هيه وعمك 

في الوقت ده  دخلت شروق باستغراب واول ما دخلت امها طلعت من المطبخ وبقت تزغرد وتحضنها بفرحه وبتقول...يالف بركه ..الف حمد الله على السلامه يا دكتوره

شروق حضنتها بحب وقالت..الله يسلمك يا اما وحشتيني قوي

هويدا قالت بسعاده..وانتي كمان يا ضي عيني 

و كانت مبسوطه جدا وسلمت على نبيل بفرحه وبقت تتكلم معاه

وشروق بصت لسند وقالت.... كيفك يا سند عامل ايه يا ود عمي 

زواج لدقائق معدوده الجزء الثاني حصري بدون اعلانات للصفحه الرسميه للكاتبه زهرة الربيع

سند بصلها لثواني كأنه اول مره يشوفها بقى يدور في ملامحها عن البنت اللي حبها واتمناها سنين اتغيرت جدا اختلاف غريب مش عارف يحدده اتنهد بخنقه ويأس وقال..... حمد لله على السلامه يا شروق

 شروق قالت.... الله يسلمك يا سند

 نوح ابتسم بسخريه وقال .....مسلمتش على خطيبها كمان ...الدكتور نبيل 

نبيل كان واقف بيبصله بغضب و بيفرك في ذراعه بالم وسند قال بلا مبالاه .....منورنا يا دكتور

 وما قالش اي حاجه  غير الجمله دي وطلع على اوضته

كلهم بصول لطيفه بدهشه لانو مهتمش بخطوبة شروق عكس توقعاتهم 

حتى شروق استغربت الاستسلام واليأس ده و ميلت على ابوها وقالت...فيه ايه مال سند..و ليه سماح كانت بتصرخ من شويه

حكم قال بهمس ...علشان دخلت اللحم السرايا قبل ما تغسله

شروق قالت باستغراب..وفيها ايه دي يا ابوي

حكم اتنهد بحزن وقال....حاجات كتير يا بتي حصلت ومصايب كتير من يوم ما سافرتي ...يعني من يوم موت البنيه الغريبه اللي كانت حدانا وهو كده...فيه زي خلعه من الد..م مخلتيش شيخ مجبتهوش ولا مقام الا زورتو بالغصب ومفيش فايده

شروق اتصدمت بكلام ابوها وقالت...قصدك من وقت موت غنوه وهو كده 

ابوها قال..ايوه على الحاله دي من يومها

 وبقى يحكيلها عن سند 

بس قاطعهم نوح لما اتنهد  وقال ....عمي تعال عايزك 

حكم عمل نفسه مش سامع 

ونوح قال بزعيق.... يا عمي بقول لك عايزك 

حكم شاور على نفسه وقال ....ها انا ..عايزني انا

نوح  بصله بغيظ وقال ....في عم غيرك هنا

 حكم هز راسه بسرعه وقال ...جاي... جاي وراك على طول هتلاقيني في قفاك 

نوح قال بغضب ....لا اطلع قدامي وسيبك من قفايا يلاا

في الوقت ده دخلت بنت منتقبه وشايله شنطتها 

 شروق بصت لها بضيق وقالت..كل ده يا رقيه ده احنا حصلت معانا بلاوي وانتي كل ده بتتحدتي في التلفون

رقيه ضحكت وقالت...معلش بقى والله الكلام خدني مع ماما  

نوح قال باستغراب.... مين دي كمان 

نبيل قال بخنقه .....دي دكتوره رقيه صديقه ليا ودكتوره العلاج الطبيعي بتاعه شروق انا رشحتها لها علشان موضوع رجلها

 نوح قال بغضب...ومالها رجلها بقى مهي زينه ممحتجاش دكاتره

نبيل قال بخنقه.... شروق مريضه والدكتوره دي هتعالجها دي مش حاجه على مزاجك

 نوح لسه هيتقدم عليه حكم مسكو بقوه وقال.... يلا يلا تعالي معايا هقول لك على كل حاجه..... يا نجاتي خد الدكاتره على اوضهم 

 نجاتي قال ....امرك يا بيه... وطلع هو ونبيل يوريلو الاوضه وشروق قالت له هيه هتاخد رقيه معاها اوضتها

وبالفعل طلعو على اوضة شروق وهما طالعين على السلم كانت حليمه نازله ابتسمت بسخريه لما شافتها وقالت...  نورتي بيتك يا بت حكم.... شوفت عريسك طالع من شويه والله وقعتي واقفه 

شروق بصت لها بغضب مش قادره تنسى اللي عملته معاها وابتسمت بسخريه وقالت...انا  طول عمري واقفه... ومتخافيش عليا يا مرت عمي مهوقعش تاني اطمني

 حليمه ضحكه جامد وقالت....وطلعلك لسان كمان....على كلن هي بس حظوظ يا بت حكم ....والا مكانش الجدع اللي كيف  القمر ده يخطبك انتي..يعني ما كفاش انك عارجه لا كمان ومطلقه

 شروق غمضت عينيها بغضب شديد منها ولسه هترد رقيه مسكت ايدها وقالت.... ما ترديش عليها يلا يلا دي عايزه تتخانق

 حليمه وقفت قدام رقيه وقالت....وانت مين انتي كمان 

دكتوره رقيه قالت بضيق....دكتوره رقيه  الدكتوره بتاعه شروق في حاجه تاني ..لو التحقيق خلص تعبانين وعايزين ننام

حليمه ابتسمت بسخريه وقالت.....لهو  انتي اللي هتعالجي لها العرجه اللي عندها 

رقيه ابتسمت بهدوء وقالت.... اه انا اللي هعالجلها العرجه اللي عندها وبعالج كل حاجه كمان حتى قلة الادب والصورم ابقي تعالي خديلك جلسه هتنفعك....يلا يا شروق

 واخذتها وطلعت على اوضتها وحليمه بصت لطيفهم بغضب وقالت... نورتي مكانك يا بت هويدا ... ياعروسه ولدي 

شروق ورقيه دخلو الاوضه

ورقيه اول ما  دخلت  قلعت النقاب وقالت بضيق شديد ....يا مراري اللي ولا مكسوف ولا مداري ....البتاع ده خنقني قوي معرفاش اتنفس بيه واصل

 شروق اندهشت وجريت بخوف قفلت الباب وقالت ....اتجنيتي يا غنوه مش اتفقنا تقفلي الباب قبل ما تقلعيه افرض كان حد شافك وووووو

يا مري قلعتي النقاب ليه.. افرض كان حد شافك دلوك... وجريت قفلت الباب بسرعه

 غنوه قالت بضيق.... يا بت بقول لك كتم على مراوحي ممتعوداش عليه

 شروق قالت بغيظ..... ما تجننيش يا غنوه لازم تتعودي محدش يلمحك واصل.... وبعدين متنسيش ان المكرافون اللي حطهو لك نبيل تحتيه عشان صوتك يبقى متغير حبه لو وقع مهنعرفوش نجيبو زيه هنه ..اه وكمان حاولي تعدلي كلامك زي اهل البندر نبيل قالهم انك واحده من معارفه يعني من القاهره المكرفون هيغير صوتك بس مش هيغير لهجتك اوعي تغلطي عاد ...انتي اصريتي تاجي وياي وجبتك ما تخلينيش اندم 

غنوه ضحكت وقالت.... يا بت خلاص والله ما هخلي حد يشوفني متكبريش الموضوع 

شروق قالت بضيق...لا يختي الموضوع كبير لحاله ده لو عرفوا انك لسه عايشه طول الوقت ده وانك كنتي معايا هنروح فيها احنا الاتنين ده حصلت بلاوي من وراكي سند اتجنن على الاخر عمرهم ما هيسامحونا

 غنوه بصت لها باستغراب وقالت بلهفه ...سند..اتجن كيف يعني ماله 

شروق قعدت على السرير وقالت بهمس.... معارفاش ماله هم مخبيين الموضوع بس لما كنتي  في العربيه سمعنا البت سماح بتصرخ بعلو حسها وسند بيزعق معاها وشكلو كان بيضربها  وتخيلي  السبب ايه ....دخلت الدبيحه الدار من غير ما تغسلها

غنوه بصت لها باستغراب وقالت ...مفهماش حاجه وده دخله ايه بموضوع موتي

شروق قالت... ما انا ميلت على ابوي وسألته ليه اتصرف كده قالي ان الحاله دي جاته من سنتين من وقت ما انتي وقعتي بين اديه  وقتها جيه البيت وهدومه كلها د،،م وبعد ما فاق لنفسه شويه بقى يمسح في ايديه ويقول ان الد،،م لساته عليهم ومن وقتها وهو على الحاله دي كل ما يشوف الد،،م تقريبا كده تروما..انا فعلا قبل ما اسافر شوفتو اتصرف كده وبقى يمسح اديه كيف المجنون بس قولت حبه وهينسى 

 غنوه نزلت دموعها وهي بتسمعها بصدمه وقالت... وهو.. هو يعني مفيش دكتور شافه

 شروق قالت بحزن... معارفاش  ما كانوش يحكوا لي حاجه في التلفون واصل بس ابوي قال وداه مشايخ بدل ما يوديه دكتور..بس عارفه معنى انه يضرب سماح يبقى الموضوع كبير قوي

غنوه قعدت جنبها بسرعه وقالت.... ليه يعني اشمعنا سماح هيه سماح دي مش خدامه هنه

شروق ضحكه وقامت وبقت تطلع هدومها من الشنطه وقالت ....ما انتي فيه حاجات كتيره ما تعرفيهاش سماح صوح خدامه بس ده بالنسبه للكل مش بالنسبه لسند

 وكملت بضحك وقالت.... اصل سند ده جاي في اي روح حيه ..واحنا من زمان معندناش حريم صغيره الا سماح فكان مقضيها معاها يعني

 غنوه وقفت وقالت بغضب وزعيق ....مقضيها معاها كيف يعني

 شروق بصتلها بدهشه وقالت ....يا بت وطي صوتك هتفضحي اللي جابونا ....وبعدين ايه السؤال ده راجل ومره وبقول لك مقضيها معها هيكون كيف يعني 

غنوه غمضت عنيها بغضب واضح وجابت النقاب بتاعها ولبسته بسرعه

شروق قالت باستغراب...لبستي ده تاني ليه

غنوه خدت نفس وقالت...هروح اطمن على سند انا مشفتوش واصل من وقت ما جينا

ولسه هتمشي شروق مسكت ايدها وقالت بزهول ...تطمني عليه ليه هو انتي اخته في الرضاعه ..ولا عايزه تفضحينا هنه 

بقلم....زهرة الربيع

عند نوح كان هو وعمه في المكتب ونوح كان بيزعق بغضب وقال... لما بتك هتتخطب ونويت تجوزها من بره ما جبتليش سيره ليه يا عمي دلوك بقيت تتصرف لحالك... وبقيت تجوز بناتنا من بره لبره ومن غير ما اعرف حتى

 حكم قعد وقال بضيق ....مهو انت لو تهدى هرد عليك.. بقالك ساعه بتسال وما راضيش تسكت واصل 

نوح قال بغضب..... اديني ساكت ...اتفضل رد يلا قول اتكلم مقولتليش ليه ان بتك جايه وساحبه خروف وياها

حكم اتنهد وقال.... انا مقولتش لاني عارف انك مهترفضش اكيد مهتكرهلهاش الخير.... يا ولدي ده دكتور كانت بتدرب عنديه في دراستها وكيف ما انت شايف شاب ما فيش حاجه تعيبه مالي مركزه وحالته الماديه زينه قوي

 نوح قال بغضب...لا يا عمي انت متاكد اني هرفض وعلشان كده مقولتليش ..وزي ما قال هو عملتهالي مفاجأه علشان تحطني في امر واقع

 حكم حمحم وقال...ماشي..معاك حق...انا عارف انك مهتوافقش وهتخاف على شروق لانو واحد غريب عنينا  وعشان كده قلت لما تشوفه بعينك وتعرف قد ايه هو جدع زين يمكن تشاور عقلك 

نوح قال بحزم...اديني شوفته قدامي وبردك مموافقش 

حكم قال باستغراب.... مموافقش ليه...ايه السبب  

نوح قال بعند ...كده من غير اسباب منازليش من زور 

حكم اتنهد وقال.... ده لان الموضوع جديد عليك دلوك تقعد مع حالك وتعرف ان عمرنا مهنلاقي عريس انسب منو لشروق متنساش يا ولدي اللي كان ينفعها زمان ما ينفعهاش دلوك يعني مش بس عشان مشكلة رجلها كمان هي دلوك بت مطلقه ..وده عيب مش اي حد يرضى بيه

 بس قاطعو نوح وقال بغضب.... شروق عمرها ما كانت معيوبه يا عمي مفيهاش اي عيب... لو على موضوع رجلها ده حاجه ما تعطلهاش ولا تعيبها ده اختيار ربنا زمينقصش منها حاجه ولو على طلاقها فده بردك اختيار ربنا ولا هيه اول ولا اخر واحده تطلق 

حكم قال بحزن.... ده اللي انت هتقوله عشان مربيها على يدك وكيف ابوها لكن الناس ليها رأي تاني يا ولدي

 نوح قال بغضب..... ما يولعو الناس يا عمي ما يولعو هي الناس كانت تعبت معاها ولا اتحملت اللي هيه اتحملته ....الجوازه اللي اتحسبت عليها دي احنا السبب فيها احنا اللي اديناها اللقب اللي مش عاجبك ده.... انا وانت يا عمي ولا نسيت 

حكم نزل عيونه بحزن وقال.... مناسيش يا ولدي وعشان كده عايز اعوضها باللي قلبها اختاره حتى لو مش على مزاجي

 نوح بصله بدهشه وقال... قلبها اختاره... كيف ما فاهمش هيه...هيه شروق رايده الجدع ده 

حكم قال بسرعه ....امال يعني وافقت عليه وجايباه لحد هنه ليه اكيد مياله ليه يا ولدي.... انا هطلع دلوك  وارحب بيه واشوفه لو محتاج حاجه وانت فكر مره تانيه ..البت كفاياها اللي حصلها واللي ضاع من عمرها...لازم تعيش لها يومين بردك وتتستر 

قال كده ومشي ونوح كان واقف مصدوم مكانه مش عارف ايه اللي معصبه وايه اللي مزعله للدرجه دي ...عيونه بتشعل غضب كل ما يفتكر نبيل هيئته مركزه معقوله فعلا تكون بتحبه معقوله نسيته او استبدلته غضب مش عارف سببه ولا لاقي له مبرر كل اللي عارفه ان شروق غلطانه وتصرفها مش مقبول مش هيسكت عليه ابدا

 هز راسه دليل موافقه على افكاره وطلع على اوضتها متنرفز جدا 

عند سند كان رايح على اوضته وحليمه وقفت قدامه وقالت... على فين يا ولدي...مشيت على طول ليه واحد غيرك زمانه فرحان ومظقطط حبيبة القلب رجعت اها 

سند غمض عينه بضيق شديد وقال..... انا تعبان وعايز انام

و لسه هيمشي قالت بسرعه..... انا جاهزه اجوزك شروق ومتقلقش من الجدع اللي جاي معاها ده انا هجوزها لك اعتبره وعد مني....بس تسامحني يا سند وتنسى اللي حصل انا عايشه معاك في دار وحد بس لسانك بيخاطب لساني كيف الاغراب ...انت كنت زعلان على شروق لان بسبب اللي انا عملته مبقتش من نصيبك...بس اهي شروق رجعت وانا هخليها ملك اديك بس ترجع ولدي وحبيبي كيف زمان

 سند ابتسم بسخريه وقال.... وكيف بقى ياما... المره دي هتحطيها في اوضة نجاتي.... ريحي حالك انا لا بخاطبك ولا بخاطب غيرك...واللي عملتيه عفا عليه الزمن

 ولسه هيمشي مسكت ايده وقالت بسرعه ....لو انت نسيته فعلا وعافي عليه الزمن مبتكلمنيش ليه كيف الاول

سند ابتسم والدموع جوه عيونه وقال ....عشان انا ما بكلمش اي حد زي الاول  ياما ...لو صوح هامك امري كنتي خدتي بالك اني خلاص مبقاش ليا نفس لاي حاجه....وريحي حالك انا ولا عايز شروق ولا عايز غيرها 

حليمه قالت بغضب.... كل ده عشان بت الجزار اللي في كل الاحوال كانت هتموت..دي واحده كانت كده كده ميته الله يجحم اللي بلانا بيها

 سند قال بغضب شديد..... اخوي ما بلاناش يا اما اخوي كان بيحمي روح لسه ملحقتش تعيش وتشوف حاجه من الدنيا وانا انا اللي قتلتها انا... غنوه ماتت بسببي باديا دول اخذتها على هناك اخدتها على موتها ...هو كان بيحميها وانا اللي موتها انا السبب.... انا ما استاهلش اعيش بعد ما قطعت عيش واحده ما عرفناش ذنبها حتى ...ولولا اني لسه طمعان في رحمة ربنا مكنتش عشت يوم واحد بعدها 

قال كده بمنتهى الالم وراح على اوضته

و حليمه بصت لطيفه بغضب وغيظ وقالت ...منك لله يا نوح الواد اتجن خلاص... بس انا مش هسيبك يا سند انا هعرف كيف ارجعك ولدي الخيال اللي ما فيش زيه هرجع لك بنت هويدا العرجه مع انه على عيني بس للني محتجاها..و هخليك سيد البلد دي كلها و مش صعب عليا ده انا حليمه

عند غنوه كانت مصره تطلع تشوف سند وشروق هتتجنن منها وقالت..ايوه بردك مفهماش انا هتطمني علبه ازاي انتي عايزه تجيبي اجلي

غنوه ابتسمت وركبت المايك تحت النقاب وقالت... ما تقلقيش ما هغلطش واصل هبص عليه واجي طالما كل اللي حصل له ده بسببي لازمن اشوفه

 شروق قالت بزهول.... ما فهماش انا والله ما فاهمه حاجه يعني يعني هتبصي عليه بقى على اي اساس هتقوليله ايه...انا الدكتوره اللي جايه مع شروق قولت اعالجك بالمره يعني ولا ايه ....وبعدين تعالي هنه فهميني  مالك ومال سند  ما انتي شوفتي حبيب القلب اول ما دخلتي 

بقلم...زهرة الربيع

غنوه بصتلها باستغراب و قالت.... حبيب القلب...قصدك مين ...انت بتقولي ايه

 شروق قالت بضيق...قصدي على نوح  ....انا عارف ان في بينكم كلام و مقابلات في الاسطبل كمان.. وهو كان عايز يتجوزك وعينه منك ما فيش داعي تخبي خلاص اصلا نوح ما بقاش يهمني واهو قاعد لسه ماتجوزش..و ابوي بيقول قايمه القيامه بينه وبين بت الوزير وشكلها ما هتتحلش واصل يعني فرصتك جاتلك لعندك

 غنوه بصت لها بدهشه ولسه هترد الباب خبط بقوه نزلت النقاب بسرعه 

وشروق حطت الطرحه على راسها وراحت فتحت واتفاجئت بنوح قدامها قالت باستغراب.... نوح خير في حاجه

 نوح لسه هيرد غنوه طلعت بره وقالت بسرعه....انا هتكلم مع دكتور  نبيل زي ما قولتلك وهرجع على طول

شروق فهمت انها رايحه لسند داست على اسنانها بغيظ وقالت بغضب.... رقيه ...رقيه استني قولت لك و بس قاطعها نوح لما  دخل الاوضه وقفل الباب بسرعه 

شروق اتسعت عنيها بذهول وقالت....هو فيه ايه... انت قفلت الباب ليه 

نوح قال بغضب.... زين انها مشت...عايزك في موضوع بينا.... انتي صوح رايده الجدع اللي جيه معاكي ده.... عمي بيقول انك عشقاه الكلام ده صوح 

عند سند كان في الاوضه

و خبطت سماح بقلق على الباب وقالت....انت  بعتلي يا سند بيه

سند حاول يبتسم وقال ...ادخلي يا سماح عايزك 

سماح دخلت بخوف وهو ابتسم على شكلها وقال.... انت لساتك خايفه مني ولا ايه

 سماح ابتسمت لما اتكلم كده وقالت بسرعه.... ابدا يا سيد الناس انا بس قلقت عليك شويه

 سند قرب منها وقال ....حقك علي ما كانش ينفع امد يدي عليكي بردك 

سماح قالت بسرعه ...انت جزمتك فوق راسي يا سيدي

سند ابتسم بالعافيه وقال.... تمام  مدام ما زعلانش  روحي كملي شغلك

بس سماح قربت منه وقالت بدلال .... انا عمري ما ازعل منك ...بس رايده افهم مالك..متغير معايا ليه.. انت اديلك من يوم الست شروق ما سافرت وانت مبتتكلمش معايا ولا. ..ولا بتطلبني هنه علشان اروقلك الاوضه زي الاول.... هو انا عملت حاجه زعلتك 

سند بلع ريقه بتوتر وحاول يقرب منها  وقال ....اتوحشتيني ولا ايه

سماح قربت منه قوي وقالت بلهفه.... قوي... قوي والله 

سند حاول يقرب منها وهو بيضغط على نفسه يمكن يعدي اللي هو فيه ويرجع لطبيعتو..

شدها لحضنه ولسه هيقرب منها اتصدموا بغنوه صرخت من عند الباب وقالت ..انتي قاعده هنا والحريقه اكلت المطبخ كله 

سماح اتصدمت بشده وقالت.... يا مري حريقة ايه لكون نسيت  النار والعه يا خرابي

وجريت بسرعه وسند كمان اتخض ولسه هيحصلها بس اتصدم بغنوه دفعته بقوه وقفلت الباب وبصتلو بغضب وقالت....المعفن  بيفضل معفن..... لحد ما يموت ويتكفن

سند اتسعت عنيه بذهول ووووووووو

كان هيطلع جري ورا الخدامه بس دفعته غنوه جوه الاوضه وقفلت الباب وقالت بغيظ..المعفن.هيفضل معفن لحد ما يموت ويتكفن

سند بصلها بذهول شديد ومش عارف دي مين اصلا لانو طلع اوضتو قبل ما هيه تدخل السرايا قال باستغراب.... انتي...انتي مين يا بت وكيف دخلتي هنه... تبع مين انتي

غنوه قعدت على السرير وقالت ببرود.... دخلت من الباب هكون دخلت من فين

 اندهش اكتر من طريقتها وقال باستغراب وغضب...معلش كنت فاكرك دخلتي من الحيط....ما تنطقي يا بت انتي مين وايه جابك هنه

غنوه اتنهدت وقالت..... انا رقيه.. و جيت مع شروق الدكتوره المعالجه بتاعتها 

سند  بصلها بدهشه وقال بغضب..... يعني انتي ضيفه هنه.... ولما انتي ضيفه كيف تدخلي كده من غير استئذان وتقلي ادبك كمان و

 بس قاطعتو وقالت بغضب....ده بدل ما  تحمد ربك ان انا اللي دخلت ...مش احسن ما كان حد غيري دخل وشافك انت والسنيوره في الوضع الغير ملائم للاطفال تحت سن 18ده 

سند كان مندهش جدا من طريقتها معاه وطولة لسانها بصلها بغضب شديد ومسكها من دراعها وقال...و انتي مالك انتي... دخل امك ايه.... داخله كيف القضا المستعجل وطايحه فيا زي ما تكوني ظابطه جوزك مع واحده ..وكمان ..كمان بتقولي على مين معفن يا بت..ها بتقولي لمين كده ده انتي سنتك مش فايته بس خليني اروح اشوف الحريقه اللي تحت وراجعلك لو ما كفنتك انا بيدي مبقاش سند الحاكم

 ولسه هيطلع قالت بسرعه ...ما تنزلش وتتعب نفسك مفيش حرايق انا قلت كده علشان اوزعها مش اكتر

 سند التفت لها بذهول وهو مش مصدق اللي عملته 

عند شروق اتفاجات لما نوح قفل الباب وقال ...جيت اسالك بخصوص الجدع اللي جيه وياكي عمي بيقول انك عشقاه...الكلام ده صوح

بقلم...زهرة الربيع

شروق اتسعت عنيها بدهشه وقالت باستغراب ...وانت دخلك  ايه اعشقو ولا لاه ...ولا نسيت ان احنا متطلقين

نوح قرب منها بغضب وقال....الطلاق ده انتي اللي اصريتي عليه و انا ما كنتش موافق اكيد فاكره... وبعدين كيف يعني دخلي ايه هو انا مش ود عمك وانتي عرضي.. احنا مودينك تدرسي ولا تعشقي وتتمعشقي  وتقلي ادبك

شروق قالت بغضب.... حسن كلامك وياي يا نوح انا عارفه حدودي زين ...وانت ما لكش حكم علي ولا ليك انك تسألني اصلا

نوح شدها بغضب عليه وقال.... امال مين اللي يسألك ...دلوك ما بقيتش ليا كلام عليكي.. دلوك بقت شورتك من راسك..لا وعايزه تتجوزي كمان عشت وشوفت

 شروق اتألمت من مسكته وقالت... هملني يا نوح ...هملني بقولك 

نوح كان ماسكها ومش راضي يسيبها  وبقى يبص لملامحها اللي اشتاق لها قوي وهديت ملامحه وقال بتوهان ....الملامح دي كانت وحشاني قوي....اتوحشتك  يا شروق...اتوحشت بتي  اللي مخلفتهاش

 شروق دمعت عيونها بس مش من الفرحه ابدا  كان احساس بالالم و الحسره حست بخنقه من كلامه ..الكلام اللي كانت طول عمرها تتمنى ربعه انما دلوقتي بقى زي الهم على قلبها  قالت بضيق....ولو ان ده ملوش دخل في اللي كنا بنقوله....لكن تمام  انتو كمان كلكم هنا وحشتوني و مهما كان خلافي معاك بس هتفضل اخوي واكيد اتوحشتك

نوح بصلها بدهشه لما قالت كده  وقال... اخوكي.... انا اخوكي وضحك جامد وقال.... ده سنه كام ان شاء الله

شروق نفخت بزهق وقالت..... انا جايه تعبانه وعايزه اريح 

نوح ابتسم بسخريه وقال.... ماشي يا بت العم.. ريحي خدي النهارده كله راحه...وبعد كده ويانا مواضيع كتيره هنتكلموا فيها مش انا اخوكي ....يبقى لازم اطمن ان العريس اللي جاي لاختي ده عريس زين ويملى العين 

 شروق قالت بغضب ....بس ابويا موافق و

بس قاطعها وقال بحزم.... بس انا مش موافق....و انا مش بس ابن عمك و اخوكي  زي ما قولتي...لاه...  انا كمان عمدة البلد و كلامي بيمشي على الكل يبقى لازم يمشي على اهل بيتي كمان

 لسه هيمشي قالت بسرعه ....صحيح انت ما اتجوزتش ليه لحد دلوك يا عمده.....معقوله قعدتو سنتين كمان خطوبه...بس ان شاء الله ما يكونش في مشاكل

 نوح ابتسم بسخريه وقال.... لاه في مشاكل... وكتيره كمان... انا ودولي متخانقين.. ومعرفش لسه مقررتش يمكن ما يبقاش في جواز اساسا 

شروق قالت بسخريه....اممم... ربنا يهدي سركم 

نوح ابتسم وقال.... اتغيرتي قوي يا شروق.... كأني قدام واحده ما اعرفهاش 

شروق ابتسمت وقالت.... محدش بيفضل صغير طول عمره ....بيعيش الانسان وبيتعلم يا عمده 

نوح اتنهد بضيق وقال...معاكي حق...بس خدي بالك سعات كتير بنتعلم وبنفهم بس بعد ما بنكون ضيعنا حاجات كتير وبنفهم قيمتها متأخر

قال كده ومشي بسرعه وخنقه 

وشروق  ما صدقت انه طلع قفلت الباب بسرعه واترمت على السرير بضيق وحزن

 عند سند بص لغنوه بدهشه  ومش مصدق اللي بيسمعه قال بذهول...وبتقولي  قدامي كمان انك ضحكتي على البت ونزلتيها هتموت من الخلعه انتي مجنونه يا بت انتي ...اتحدفتي عليا من انهي داهيه

غنوه وقفت وقالت بغضب...مهو من عمايلك... مش عيب عليك تبقى شاب كبير طويل عريض كده وتعمل الحركات القرعه دي مع الخدم...لو حد شافك  يقول عليك ايه و

 بس فاجئها لما شدها من وسطها عليه  وقال..... انت زعلانه ليه ....حابه نجربوها مع الدكاتره... ما عنديش مانع واصل

غنوه  دفعته بغضب وقالت ....عارفه ان معندكش مانع وجاي في اي حاجه 

سند ضحك وقال ...الظاهر شروق حكيالك عني كتير

 غنوه قالت بتحذير.... سيبك من الكلام الفاضي ده انا همشي دلوقتي قبل ما حد يشوفنا ...بس مش عايزه اشوف البنت الملزقه دي عندك تاني....المره الجايه لو شوفتها معاك هطير رقبتها سمعت ولا لا 

قالت الكلام ده بغضب وتهديد وسند كان واقف يبص لها بصدمه مش فاهم صفتها ايه علشان تكلمه بالطريقه دي وهي سابته مصدوم ومشيت بسرعه

سند رمش بعينه بدهشه وقال...هيه بتكلمني كده كيف...ايه الجنان ده

 تحت كانوا بيجهزوا الغداء هوايده كانت مبسوطه جدا برجوع بنتها وبتنظم السفره  بسعاده

وقفت حليمه جنبها وقالت بسخريه.... ايه يا ام العروسه الف مبروك سمعت ان بنتك هتتجوز 

هويدا قالت بضيق ...الله يبارك فيكي يا حليمه 

حليمه قالت بخبث...يا ترى انتي راضيه عن جوز بتك ولا لساتك عينك من كبير البلد لو مش راضيه عنيه انا اساعدك الناس لبعضها

هويدا بصتلها وقالت بتحذير....اسمعي يا حليمه لازم تعرفي اني زمان سكت على عمايلك علشان كانت فيها مصلحه لبتي .او ده اللي كنت فكراه مش اكتر.... لكن دلوك لو حاولتي تعملي اي حاجه هتلاقيني في وشك قبل اي حد ..ولا انا ولا شروق بقينا زي الاول فما تخسريش اللي فاضلك ..وخليكي بعيده عنينا

 حليمه ضحكت جامد وقالت..... لا انتي ولا شروق هتتغيرو هتفضلوا زي ما انتو معندكمش عقل واصل..و انا يا حبييتي مقتلاش نفسي علشان اعمل مشاكل معاكم

في الوقت ده نزل نوح وهو متنرفز جدا لقى هويدا بترتب السفره و كان عليها اكل كتير قال بسخريه.... هو احنا هنوكل  البلد كلها عندنا ولا ايه....كل ده علشان العريس الجديد 

هويدا لسه هترد حليمه قالت.... معارفاش كل الاهتمام ده ليه مصاريف على الفاضي

نوح قال بضيق.... كرم ضيافه... كرم ضيافه يا مرت ابوي 

....محدش بياخد من جيبك حاجه

 وقعد بضيق على الكرسي

 حليمه بصتله بغيظ شديد وهويدا حاولت تخبي ضحكتها  

في الوقت ده نزل نبيل وهو بيصفر وقال.... ايه الجمال ده ايه الاكل لا يفتح النفس ده 

نوح ابتسم بسخريه وقال.... صبي الاكل يا مرت عمي العريس طلع جعان 

نبيل قعد وقال ...جدا ما اكلتش من الصبح

 نزلت شروق هيه وغنوه اللي قعدت بحماس كانت جعانه جدا 

ونبيل قام بسرعه شد لشروق  الكرسي اللي جنبه بطريقه شيك عشان تقعد 

شروق ابتسمت وقعدت وقالت بابتسامه ....تسلم 

نبيل ابتسم وقال.... يسلم لي قلبك

 نوح خبط على الطاوله بغضب وقال .....شرووق روحي اقعدي جار ابوكي 

شروق لسه هتتكلم بص لها بحده وقال ....روحي اقعدي جار ابوكي وخلي اليوم يعدي على خير 

شروق اتنرفزت بس كان لازم تقوم لانها عارفه ان نوح محدش يتوقعه اتنهدت وبصت لنبيل اللي ايتسم لها بمعنى عادي

وقامت راحت تقعد جنب ابوها

بس  نبيل سبقها بسرعه وشد لها الكرسي برده اللي جنب ابوها وهي ضحكت وقعدت عليه وقالت ...تسلم لي

 نبيل ضحك وبص لنوح اللي كان هيتجنن من حركاته و قال ....العمده طلباته اوامر

و رجع قعد على الكرسي بتاعه ونوح كان متنرفز منه جدا

و نزل سند وانضملهم على الاكل وهو بيبص لغنوه بغيظ

 وكان نبيل بيتكلم مع حكم وشروق طول الوقت 

نوح قام من على الاكل وهو مخنوق و سند قال باستغراب ...متقعد تاكل يا نوح انت ما اكلتش حاجه واصل 

نوح بص على نبيل بضيق وقال.... نفسي مسدوده... كملوا اكلكم انتو وانا رايح المنضره  زمن العيال جايين 

نوح مشي وسابهم وشروق بصت لابوها باستغراب وقالت.... عيال مين اللي هياجو دول يا ابوي

 حكم قال ....دول شويه عيال من هنا بيحبوه قوي ومعلقين معاه بيقعد معاهم ساعتين يعلمهم شويه في دروسهم او قران او لعب  عصايه كده يعني بيتسلى معاهم اهو بيضيع وقتو 

شروق اندهشت اكتر  وقالت....بيضيع وقته....وهو  نوح من امتى  عنده وقت فراغ يضيعه

ابوها اتنهد بحزن و قال.....ما خلاص مفاضلش معاه غير العموديه ....من يوم ما شالوه من مجلس النواب وهو شبه مبيعملش حاجه... الا لو حد عايز خدمه في البلد او استشاره بيقف معاه بما انه العمده يعني ..غير كده بيبقى فاضي

 شروق. قالت بصدمه ...ايه...شالوه من المجلس..شالوه كيف مين ده اللي شاله

بقلم....زهرة الربيع

حكم قال .... ده من بعد ما مشيتي على طول يا بتي...اصل من وقت ما ماتت اللي اسمها غنوه هو كمان يومها  اتحرق  قوي على موتها لان كان اللي اسمه حسنين ده مديه عهد انه ما يقربلهاش ..قام جابو وحبسو ونزل فيه بالسوط وخلى الرجاله يجلدوه  لحد ما الراجل كان هيموت في يدهم

قامو  اخوات حسنين اتجننوا من اللي حصل وراحوا زقو ناس  على اللي ما يتسمى  اخو اللي ما تتسماش

غنوه كانت سامعه اللي بيتقال وشرقت وبقت تكح جامد

نبيل اداها ميه وهويدا بقت تضربها على ضهرها وتقول..اسم الله يا بنيتي

شروق كمان اتوترت جدا وقالت ...ثواني بس مين اتلم على مين احكيلي الحكايه كلها يا ابوي 

حكم قال...اخوات حسنين زقو ناس على اخو البت اللي ماتت وهو الله يخربيتو السبب في كل اللي حصل لنوح

غنوه وقفت وقالت بصدمه...حميد 

الكل بصولها باستغراب وهيه خدت بالها و قالت بتوتر ...يعني شروق قالت لي على حكاية البنت دي وقالتلي اخوها طيب فاستغربت

حكم قال بحزن....ولا طيب ولا حاجه  ده بلع الطعم اخوات حسنين بعتولو كام واحد سلطوه يقلب على نوح لانو محماش اختو زي ما وعد...وفعلا سمع منهم واتقلبو كلهم على نوح قالو مش اهل للدايره وميستهلهاش  وسقط في الانتخابات  بسبب البت دي علشان كانت في حمايتو 

غنوه وشروق اتصدمو بشده وحكم كمل وقال....من يومها يا ولداه مقامتلوش قومه ... طبلت على دماغه من كله الوزير وبته فسخوا الخطوبه.... يعني طبعا زي ما انتو عارفين هم عايزين ايه الخطوبه كلها كانت علشان مركذه...بس ربك بالمرصاد  معدتش سنه والوزير نفسه شالوه من الوزاره قالوا انه لا يصلح طبعا لان نوح مساعدهوش بعد اللي حصل

 ودلوك رجع تاني هو وبته يتمحكوا بس نوح ما راضيش بيقول انهم موقفوش معاه في ازمته 

سند قال بدموع وتوتر واضح...انا..انا السبب انا اللي قتلتها..انا السبب في كل اللي حصلهم انا 

وقام بسرعه ودموع

حكم قال بحسره..لا حول ولا قوة الا بالله  .ياحسرتي عليك يا ولدي...اهو ده كمان على الحاله دي من يميها...البت اللي اسمها غنوه دي زي ما تكون لعنه وصابت البيت

 شروق وقفت بسرعه وقالت بتوتر.... رقيه عايزاكي بسرعه قومي معايا

ابوها قال...واه....  سيبي البت تاكل

بس شروق شدتها بسرعه وقالت .....هي شبعت شبعت يا ابوي كلنا كلنا والحمد لله 

واخدتها وطلعت بره البيت كله في الجنينه وقالت برعب .....سمعتي اللي ابويا قاله ..يا مرارنا  المستعجل يعني بسبب موضوع موتك ده واحد اتتجنن والتاني اتخرب بيته ده لو عرفوا انك عايشه هيعلقونا.... ولما يعرفوا ان انا كنت عارفه كمان هيقطعوني معاكي 

غنوه اتوترت قوي وقالت ....يا بت اهدي ما حدش هيعرف ان شاء الله انا مش هخلي وشي يبان لاي مخلوق بس بقى انا بطني وجعتني لوحدها معرفاش من اللي سمعته ولا عينكم في اللحمه اللي كلتها

شروق قالت بغيظ...لا يختي وجعتك من كتر الاكل ..انا اللي هروح فيها انا كنت عارفه من زمان انك عايشه ومتكلمتش ده نوح لو عرف هيسلخنا ويعمل كل كيلو صنف

 غنوه قالت بغضب... يا بت اتكتمي انتي هتفضحينا بنفسك قلت لك انا هتصرف و

بس اتجمدو  الاثنين مكانهم برعب لما سمعوا حد من وراهم بيقول بصدمه...غنوه. وووووووو

نوح لو عرف انك لسه عايشه وانا مداريه عليكي هيسلخنا عايشين ويعمل كل كيلو صنف

بس اتصدموا جدا لما سمعوا حد بينادي غنوه باسمها وشروق التفتت وراها بخضه

اما غنوه ابتسمت بعد ما عرفت صاحب الصوت والتفتتلو بابتسامه وقالت ....كيفك يا ود ابوي 

حميد قرب منها بفرحه وحضنها جامد هو بيقول.... اتوحشتك قوي يا غنوه عامله ايه ...وصحتك كيف طمنيني عنك ميته وصلتوا 

غنوه لسه هترد شروق قالت بغضب.... هو ده اخوكي حميد 

غنوه اتوترت وحميد قال باستغراب...ايوه انا...خير

 شروق قالت بغضب ...هو فيه خير بعد اللي عملته 

حميد ما كانش فاهم وغنوه بصت حواليها بقلق لانهم كانو في  الجنينه وقالت ...يا جماعه ما تنسوش ان احنا في الجنينه احسن حد من الغفر يشوفه ويسأل في ايه استهدوا بالله واكيد هنتكلم هو اكيد عمي حكم فاهم غلط  حميد ميعملش كده اكيد فيه سوء تفاهم

حميد قال باستغراب ...مش تفهموني انا عملت ايه طيب  شروق قالت بغضب.... عملت ايه ...بتسالنا ....انت مش بيدك  مهرب اختك ومنعت سند انه حتى يوديها المستشفى علشان تهربها من هناك ..وسفرتها واتطمنت عليها....كيف بقى بعد سفرها بتقول في البلد ان نوح السبب في موتها وانه مقدرش يحميها كيف تاذوه كده.....ده اللي يستاهله منكم بعد ما اصر يحميها وحافظ عليها

حميد حط ايده على شعره بحرج شديد وقال ...احم...حقكم على راسي ما كانش قدامي غير كده يا بت الناس..... الكل عارفين حبي لغنوه وخوفي عليها.... ولو كنت اتصرفت عادي وقلت معلش كانوا هيشكوا ان في حاجه واني يمكن مخبيها ومماتتش خصوصا ان ما حدش وقف على جنازتها ..بعتولي ناس قال يعني مش تبعهم علشان يطقسو ويعرفو مني اذا كانت فعلا ماتت واذا هزعل من نوح ولا لاه اضطريت اطاوعهم للاخر

بقلم...زهرة الربيع

غنوه اتسعت عنيها بذهول وقالت...يعني ايه...يعني انت عملت كده صوح يا حميد....علشان محدش يشك تنسى فضل الراجل اللي حماني وكان هيضيع روحه كذا مره هو واخوه تعمل فيهم كده ....ده انا...ده انا بقول اكيد فيه سوء تفاهم بقول اكيد حميد ما يعملهاش ليه يا حميد ليه

حميد وقف ساكت بتوتر وقال...قولتلك مجبور يا غنوه...ناس حسنين مهديش بالهم الا لما عرفو اني قلبت على نوح بيه..انا قصدت احميكي

غنوه قالت بغضب...الوحيد اللي حماني ووقف وياي بعد ربنا هو نوح...نوح اللي انت ورطتو وخربت بيته..انا هروح اقول للبلد كلها اني عايشه ايه رأيك عاد...وهقول لنوح اول واحد 

ولسه هتمشي شروق مسكتها وقالت بقلق...استني يا غنوه....استني...مبقاش ينفع...كلامنا دلوك مش هيفيده..ونوح بعد اللي حصل مش هيسامحنا واصل انا عرفاه

غنوه وقفت وبصت لاخوها بدموع وقالت...خيبت املي يا حميد

...يوم ما قولتلي اهربي انا يومها موافقتش وقولتلك سند واخوه هيتأذو بسببي وانت يومها طمنتني ان مفيش حاجه هتصيبهم  ...ارجع الاقي واحد شايل خطية موتي والتاني خسر كرامته وشغله

حميد لسه هيرد اتقدم عليهم نجاتي بشك وقال.... خير فيه حاجه 

شروق بلعت ريقها بتوتر وقالت.... ما فيش كنا واقفين وبعدين جه اخو غنوه الله يرحمها وقلنا نسلم عليه 

نجاتي بص لحميد بشك وقال ....خير ايه جابك

 حميد اتوتر وقال ....مفيش جيت لما عرفت ان الست شروق جات كنت عايز اقول لها ان شروق كانت بتعزها قوي 

نجاتي بصلوا بغضب وقال....جاي تاعب نفسك عشان تقول لها ان اختك كانت بتعزها..طيب  اديك قولتلها يلا غور من هنا الله لا يردك انت ولا اختك

حميد قال بتوتر ...ياعم ماشي خلاص... انا همشي يا ست شروق ولو حابه تزوري صاحبتك في المقابر اديني تليفون وهستناكي هناك لحد ما تزوري وتمشي 

شروق وغنوه هزو راسهم بالموافقه بضيق

ونجاتي قال بغضب.... الست شروق مكان ما تحب تروح احنا هنرافقها... يلا غور من هنا قلنالك زق عجلك 

حميد قال ...يا عم غاير اها  فيه ايه.... انا غلطانه اني جيت اصلا 

نجاتي قال بغضب....ايوه يا اخويا صوح  غلطان انك جيت ومعندكش ريحة الدم كمان..انا مش قولتلك لو عتبت هنه هكسر رجلك..مش ده بيت الناس اللي قتلو اختك داخلو ليه تاني ولا لانك اطمنت انو اتخرب خلاص 

 حميد اتنهد وقال...ربنا يسامحك دي حاجات عدى عليها سنتين والمسامح كريم..على العموم انا ماشي 

ولسه هيمشي طلع سند وهو بيقول انت يا زفت نجاتي مش بقالي ساعه بعتك تجيب الحصان و

بس قطع كلامه اول ما شاف حميد واتقدم عليه وقال بسعاده وضحت في عيونه.... حميد انت هنه ...من زمان ما شوفتك 

حميد قال بتوتر..... سند بيه كيفك... انا كنت همشي دلوك و

بس سند مسك ايده وقال... لا لا ما تمشيش

 كلهم بصوا له باستغراب  وهو قال ....انا عايز اتحدت معاك شويه...من  زمان ما شوفتك

نجاتي قال بدهشه ....وتتحدت معاه ليه يا بيه احنا الراجل ده ما طايقينهوش ولا نسيت اللي عمله مع اخوك نوح بيه 

سند ابتسم وقال.... ده كلام من سنتين يا نجاتي وعفى عليه الزمن 

وحط ايده على كتف حميد وقال.... تعال وياي 

وبقى يتمشى معاه في الجنينه

 شروق وغنوه بصوا لبعض بدهشه وغنوه فضولها كان هيموتها وراحت وراهم بسرعه

وشروق جريت وراها وهي متغاظه جدا من تصرفاتها 

نجاتي استغرب ولسه هيروح وراهم بس شايف عربية دولي وقفت عند البوابه

قال بخنقه وبعدين بقى في اليوم اللي ممعديش واصل ده 

نزلت دولي من العربيه واتقدمت عليه بضيق وقالت..... انت يا خدام نوح بيه جوه 

نجاتي قال بضيق.... ايوه جوه هاروح ادي له خبر 

دولي قالت بسرعه ....لا لا ما تديهوش خبر انا هعمل له مفاجاه هو دايما بيحب مفاجأتي 

نجاتي قال بضيق... بيحب مفاجاتك اه ....ومين اعمى البصيره اللي قالك كده بقى ...هو اصلا مانع اني ادخلك بس انا لاجل جيتك لحد هنه هاروح اخد رايه يمكن يوافق يدخلك

قال كده ودخل وسابها  واقفه بغيظ شديد وقالت ...ماشي يا خدام الغبره انت اول ما ابقى ست البيت ده اول حاجه هعملها اني همشيك منه استنى عليا

في البيت كان نوح مشغول مع الاولاد ووقف طفل منهم وبيقول ....يعني انت يا جمال لحد دلوك محفظتش جزء واحد..و نيجي نقرا تقول ما بعرفش اقرا... نيجي نكتب تقول لي ما خبرش حتى العصايه معارفش تمسكها...امال ايه اللي بتعرفوا في دنيتك قولي حاجه واحده بتعرف تعملها 

جمال  قال بسرعه وكل ثقه ....بعرف اكل جنابك 

الاولاد كلهم ضحكوا مره واحده ونوح ابتسم وقال.... والله كفايه هنعوزو ايه اكتر من كده... لكن انت مش خالك نجاتي هتطلع كيف يعني مستني منك تبقى نجيب محفوظ مثلا 

بس قطع كلامهم دخول نجاتي لما قال ...نوح بيه فيه ضيفه بره

 نوح بصلو باستغراب وقال....ضيفه..مين

نجاتي قال ....خطيبة جنابك بت الوزير

نوح اتنهد بزهق وقال ....كنت لسه بشكر  في ذكائك لود اختك  ....انا مش الف مره قولتلك خلاص موضوع خطيبتي ده انتهى ولما تيجي هنه مشيها طرقها وخلاص

نجاتي لسه هيتكلم دخلت دولي وقالت ....ما كانش العشم يا عمده..بقى انا جايه من مصر لهنا عشان تقول له مشيها... دي الضيافه بتاعتكم برده 

نوح اتنهد بضيق وقال... يلا يا عيال روحو النهارده وابقوا تعالوا بدري شويه بكره 

الاولاد اخدوا الكتب وجريوا ونوح شاور لنجاتي بعينه وسابهم وطلع 

دولي قربت منه قوي وقالت..... كويس انك مشيتهم كنت محتاجه اتكلم معاك لوحدنا... وحشتني على فكره

 نووح اتنهد بخنقه وقال بجمود.... جايه ليه

دولي قالت .... ليه المقابله دي يا نوح

 نوح قال بخنقه .....استغفر الله العظيم يا رب...يا بت الحلال انا  مبكرهش في حياتي قد مشاكلي مع الحريم لاني بجد بحتار فيها مبعرفش احلها ...لو كان راجل اللي قدامي كنت عرفت خليته ما يعتبش هنه تاني كيف ما ابوكي واخوكي مبيعتبوش السرايا من وقتها ....لكن الحريم بتوقفني عاجز

دولي خافت من لهجتو وقالت.... ده لانك شهم و اكيد عمرك ما تمد ايدك على واحده ست

 نزح قال بسرعه وغضب ....بس انتي شكلك هتخليني اعملها ....دي سابع مره امشيكي من هنه قولتلك موضوعنا خلص طيب مفيش كرامه مفيش مخ كمان

و لسه هيمشي مسكت ايده وقالت ....لا فيه كرامه بس بحبك يا نوح وحشتني مش هينفع تسامحني خالص.... يا نوح انت فهمتني غلط انا لما قطعت علاقتي معاك عملت كده لاني كنت زعلانه بسبب انك اتجوزت بنت عمك وكمان روحت حبست اخويا مع البهايم...على فكره  مازن عنده مشكله نفسيه بسبب اللي انت عملته و لحد دلوقتي بنعالجه وبقى يخاف اول ما تيجي سيره البلد هنا من حقي انا وبابا نزعل ونفركش كان المفروض تقدر موقفنا وتعرف انها فتره وهتعدي

 نوح ضحك بدهشه وقعد على الكرسي وقال ....وايه كمان ...بقى انتي وابوكي قطعتو علاقتنا مع بعض عشان زعلكم على مازن.... والله صدقتك.... مش انا حضرت الموضوع بنفسي لكن صدقتك

 وبصلها بغضب وقال.... اصغر صغير في البلد دي عارف انك انت وابوك قطعتو رجلكم من البلد وفركشتو الخطوبه وقت ماعرفتو اني مبقتش في المجلس...ده اصلا المنصب اللي كان بيساعدكم وكان فيه فايده ليكم ووقت ما خسرته مبقاش ليا قيمه عندكم ولا افتكرتو كل المرات اللي ساعدتكم فيها... بس ربنا ما بيسيبش حد المنصب اللي ابوكي كسبه بسببي مقدرش يحافظ عليه سنه واحده من بعدي عايزك تعرفي وتطمني انتي وابوكي اني راجع للدايره يعني راجع طالت ولا قصرت هرجع....و طبعا ابوكي اكيد عارف انه اكتر حد هيتأذى وقتها وعشان كده بيبعتك تحاولي ...روحي قوليله نوح بيقولك ما فيش فايده خليه يحفظ اللي باقي من كرامته وكرامتك ده لو لسه عندك كرامه

دولي قعدت على الكرسي وهي بتبكي جامد وقالت.... بابا خلاص شال موضوعك من دماغه.... بس انا مش قادره انساك خالص يا نوح مش قادره انا بحبك

بره في الجنينه كان سند واقف مع حميد وبيسأله اسئله غريبه جدا حميد نفسه استغربها وقال..انا لحد دلوك مفاهمش انت عايز تعرف ايه يا سند بيه

سند حاول يرتب الكلام وقال..... يعني كنت عايز اعرف غنوه اختك الله يرحمها كانت تعرفني ....تعرفني قبل موضوعها ده قبل ما تاجي السرايا يعني 

حميد قال.... طبعا كانت تعرفك دي ياما خدت ضرب من ابوي لانعا كانت تهرب من البيت وتروح تشوف في الصابيه وانت بتتسابق بالخيل...وكانت تتعلم الفروسيه وتقول لما اكبر محدش هيسبقني واصل زي سند ود العمده 

لمعت الدموع في عيون سند وابتسم بالم وقال.... طيب وغير السبق كانت تعرفني 

حميد قال باستغراب..... تعرفك كيف يعني

سند اتنهد وقال ....ابدا..... الله يرحمها يعني كنت احس اني اعرفها قبل كده

حميد ابتسم وقال....ده لان اختي قريبه من القلب واي حد بيقول كده 

سند ابتسم وقال بحرج.... انا ما اعرفش اقولك ايه...ولا عارف اوقف في وشك من وقتها ولا اعتذر لك انا السبب في كل ده

 حميد حمحم وقال... اللي حصل حصل وخلاص احنا كنا زعلانين ومعارفينش بنعمل ايه ...يعني انا كمان غلطت معاكم باللي عملته مع نوح بيه 

سند اتنهد وقال .....نوح كان ضحيه للي انا عملته زي غنوه... كان المفروض تحاسبني انا مش هو.... انا اللي طلعتها بره البيت مش قادره اسامح نفسي واصل مش قادر انسى

حميد صعب عليه جدا وحط ايده على كتفه وقال ....ربنا يهونها يا بيه اللي راح راح وربنا يسامحنا كلنا ويغفر غلطنا في حق بعض ....بالاذن انا

 سند هز راسه وقال...تمام...مع السلامه و لو احتجت اي حاجه انا في الخدمه

 حميد ابتسم وقال.... العفو يا بيه ..انا اللي في خدمتكم دايما

 ومشي بسرعه وهو متوتر جدا وحاسس بتانيب ضمير من ناحيته وكمان خايف نوح يشوفه 

 سند بص لطيفه بدموع وبقى يفكر في كلامه  هو فاكر ان غنوه قالتلو انها كانت متابعه المسابقات بتاعته  بس مش قادر ينسى الجمله اللي قالتها قبل ما تتقتل...لما سالها وافقتي تتجوزيني ليه طالما مش خايفه على اخوكي عشقاني في الضلمه....وقتها قالتلو لا عشقاك في النور 

من وقتها مش قادر ينسى الكلمه دي ولا قادر ينسى  نظره عيونها ابدا

اتنهد و نزلت دمعه من عيونه وهو بيفتكر وقت ما وقعت بين ايديه وكانت اخر مره يشوفها فيها

على جنب ورا الشجره غنوه كانت بتبص عليه وسمعت كل كلامه مع حميد ابتسمت بدموعه وقالت... يحزن اللي حزن عينيك يا غالي ...ربنا يديم طيبة قلبك

 بس انتفضت لما حد حط ايده على كتفها التفتت بخوف واتنهدت بارتياح لما لقتها شروق وقالت ....فزعتيني يا شروق كنت هصرخ ونتفضح 

شروق بصت لها بغضب وقالت....هو صرلخك بس اللي هيفضحنا.... انت كلك هتفضحينا جايه وراهم ليه افرض كان سند شافك وانتي بتتصنتي عليهم كنتي هتعملي ايه وقتها 

زواج لدقائق معدوده الجزء الثاني حصريا لاول مره على الصفحه الرسميه للكاتبه زهرة الربيع

غنوه قالت بحزن .....سند يا شروق...سند تعبان قوي شايل ذنب تقيل في رقبته الواد قلبه محروق..... كيف عشان اعيش اموت حد تاني بالبطيء كده..... مكنتش اعرف انو مهتم وشايل في نفسه كده ده انا فكرت هرجع الاقيه مش فاكر اسمي

شروق اتنهدت وقالت..... يا بت الناس سند مسيره هينسى لكن انتي لو حد عرف بوجودك مهتعرفيش تعيشي بعدها ... وبعدين انتي دايره ورا سند ليه... انا مبقيتش فاهماكي 

غنوه بصيت لها بغيظ وقالت.... ولا عمرك هتفهمي حاجه... روحي خليكي في حالك وسيبيني في حالي وما تخافيش مش هخلي حد يعرف عني حاجه

 شروق قالت بغيظ.... انا همشي دلوك لاني سايبه نبيل من الصبح مسألتش فيه ...بس لو مجيتيش وراي بعد كده مليش صالح بيكي واصل فاهمه ولا لاه

غنوه نفخت بضيق وقالت...هاجي وراكي ...هاجي خلاص 

شروق مشيت وغنوه رجعت ورا الشجره تاني بقت تبص على سند وتتأمل ملامحه من بعيد

 عند نوح كان زهقان جدا من دولي وحركاتها وقال.... هتخلصي المسرحيه دي ميته يعني 

دولي وقفت وقربت منه وقالت... هو انا موحشتكش خالص يا نوح ...مش فاكر اوقاتنا سوا خالص يا عمده

وقربت من شفايفه قوي وقالت..... على فكره شفايفك وحشوني 

 نوح اتخنق جدا من قربها وقال ....ارجعي دارك يا دولي ما فيش فايده من اللي بتعمليه ده ...

بس قطعت كلامه لما قربت منه بقوه

نوح اتفاجئ جدا  ولسه هيدفعها شروق دخلت واتصدمت بالمنظر قدامها

نوح اول ما لمح شروق  شدها ليه اكتر وبادلها بنفس الطريقه قاصد انها تشوفهم 

عند غنوه اتنهدت بحزن من حالة سند  اللي بقى دايما سرحان وقاعد لوحده عكس مكان الاول خالص اتنهدت ولسه هترجع البيت وبتتقدم اول خطوتين حست بحاجه  بتشدها من النقاب من ورا 

التفتت واتفاجات بالنقاب بتاعها ماسك في الشجره اللي كانت مستخبيه وراها بقت تحاول تفكه بس ما رضيش يتفك ابدا 

لسه بتحاول تفكه براحه اتفاجأت بسند قام وجاي ناحيتها حست برعب من الموقف وشدت النقاب بكل قوتها واندفعت وقعت على الارض  والنقاب اتقطع نصين 

غنوه لطمت على خدودها بذهول من اللي حصل والصدمه الاكبر ان النقاب لما اتقطع المايك وقع على الارض بقت تحاول تلاقيه وسط اوراق الشجره وبتدور على الارض بخوف شديد وبتقول.... يا مراري والله ورحتي فيها يا غنوه اتكشفتي خلاص

بس اتجمدت مكانها لما سمعت سند بيقول من وراها وووو

النقاب اتقطع و المايك كمان وقع بقت تدور عليه في الارض بجنون وهيه بتقول....يامري اتكشفت خلاص

بس اتجمدت مكانها لما سمعت صوت سند بيقول... مين ...انتي مين

وبص للبسها شويه كان نفس الطقم اللي كانت لبساه غنوه قال....انتي الدكتوره مش كده..قاعده على الارض عندك بتعملي ايه

غنوه كانت خايفه جدا ومش عارفه تنطق تقول ايه ولسه هتمشي في وشها من غير ما تبص له قال بغضب ....انا مش بكلمك يا بت....ما بترديش ليه اتخرستي اياك

بس اتفاجئ لما غنوه فكت شعرها وجابت شويه منه قدام وشها وحاولت تغير في صوتها وقالت.... النقاب بتاعي اتقطع... وكان معايا دبوس ..وقع..وقع وكنت بدور عليه علشان اقفل بيه النقاب

 سند حس بحاجه غريبه في صوتها رغم انها حاولت تغيره بس حاول يشيل اي افكار من دماغه وضحك بسخريه وقال ...وعلشان ما اشوفش وشك فكيتي شعرك ونعم الادب والاخلاق...فكرتيني بواحده محترمه قوي كنت مرافقها زمان وفي مره كانت معاي ورى السرايا وكانت هتطلع خافت حد يشوفها فقلعت بلوزتها غطت بيها وشها...كانت ونعم التربيه برضو 

غنوه اتغاظت من كلامه بس مشيت بسرعه من قدامه عايزه تهرب قبل ما يكشفها بس سند مسك ايدها قبل ما تمشي وقرب منها قوي وقال بهمس عند ودنها.... مكملناش كلامنا الصبح ....مناسيش الحركه اللي عملتيها ..ومش ههملك غير لما اعرف غرضك من اللي عملتيه

غنوه حاولت تغير في صوتها قد ما تقدر وقالت بارتباك ....خليني اطلع دلوقتي عشان البس نقابي وبعدين نتكلم 

سند كان حاسس بحاجه غريبه جدا في صوتها مش قادر يفسرها قال بتوهان.... صوتك متغير قوي ...في حاجه مفهمهاش 

غنوه استغلت ارتباكه وتوهانه وسحبت ايدها وجريت بسرعه لى البيت..و لسه هتدخل من باب المنضره افتكرت الباب الوراني بتاع المطبخ جريت بسرعه ودخلت منه

سند كان واقف متجمد مكانه بيفتكر صوتها مهما حاولت تغير فيه كان محفور في دماغه صوت مستحيل ينساه لمعت عيونه بالدموع وقال..... ايه اللي جرا لك اياك اتجنيت صوح زي ما بيقوله يا ود الحاكم

 في البيت كانت شروق واقفه بذهول لما شافت نوح ودولي قدامها بالمنظر ده حمحمت بغضب وقالت... فيه اوض كتيره في البيت ما حبكتش في المنضره

 نوح بص لها وهو بيحاول يخبي سعادته لما شاف ملامحها قد ايه اتغيرت قال بسخريه .... معلش يا بت العم طالما الشوق في القلب ساكن ما بتفرقش الاماكن 

شروق بصتلو بخنقه بتدل على غيره شديده وقالت.... لا وانت الصادق ده مش شوق.... دي قلة حيا

 نوح مكانش متعصب من كلامها زي عادته بالعكس حاسس بانتصار كان مراهن نفسه ان كل البعد ده لانها زعلانه منه مش لانها حبت غيره بس لسه هيتكلم دولي قالت بسرعه .....مش معقول هو انت رجعتي طب مش كنت تقول لي يا نوح كنت جبت لها كادوه معايا 

شروق بصت لها بغيظ وقالت.... لا يا حبيبتي ما لوش لازوم لان اكيد زوقك مهيعجبنيش 

وبصت لنوح وقالت بقوه...دلوك زوقنا مبقاش واحد زي زمان واللي يعجبك دلوك  ما يدخلش مزاجي واصل

نوح اتفاجأ بكلامها واتغاظ جدا لانه فاهم انها قصداه وشروق دخلت بسرعه وسابتهم

 دولي كانت هتقرب من نوح تاني بس بصلها بحده وقال..... امشي دلوك...همليني

 دولي قالت ...بس مخلصناش كلامنا و

بس انتفضت بخوف لما زعق فيها وقال..قولتلك همليني دلوك مبتفهميش

دولي بلعت ريقها بخوف واخدت شنطتها ومشيت بسرعه

ونوح ضم اديه بغضب وقال...بقى اللي كان يعجبك زمان مبقاش يعجبك دلوك يا ست شروق...تمام كله بأوانه

عند غنوه كانت مرعوبه وبتجري عايزه تطلع الاوضه قبل ما حد يشوفها وهيه بتبص وراها خايفه سند يحصلها بس اصتدمت بحد ووقعو الاتنين على الارض

غنوه رفعت وشها بذهول وكانت حليمه اللي قالت بغضب... مش تفتحي يا عميه و

بس اتجمد لسانها ومقدرتش تنطق وهيه بتبصلها بصدمه رهيبه

بقلم...زهرة الربيع

غنوه بلعت ريقها برعب ولسه هتنطق اتفاجأت لما حليمه بقت تقول برعب..سلاما قولا من رب رحيم..لا تأذونا ولا نأذيكم اعوذ بالله عف ...عفريت...عفريت وصرخت بعلو صوتها وقالت...عفريييت الحقووووونيييي..... واغمى عليها فجأه

غنوه اتصدمت بالموقف كلو ولسه هتفوقها شافت نوح جاي من المنضره جريت بسرعه على اوضة شروق قبل ما يشوفوها

نوح جيه جري على صوت حليمه واتفاجأ بيها مرميه على الرض شالها بسرعه وهو بيقول بصوت عالي ...سند..يا سند 

سند كان جاي واول ما سمعو جري عليه واتفاجأ هو كمان بحالة امو وقال بخوف..فيه ايه مالها..جرالها ايه

نوح قال باستغراب..معارفش سمعتها بتقول الحقوني جيت لقيتها مرميه على الارض

سند بقى يحاول يفوقها والكل اتجمعو كانو مستغربين ومش عارفين مالها 

بعد شويه قدرو يفوقوها بصعوبه وكان سند قلقان جدا وقال ....اما مالك... في ايه وقفتي قلبي 

حليمه قعدت ومسكت في دراعاته بذهول وهي بتقول ....الحقني ...الحقني يا سند شوفت عفريت... شوفت جنيه 

الكل بصولها بذهول و سند قال بسىعه... اهدي... اهدي بس ياما في ايه ....صلي على النبي كده عفريت ايه وجنيه ايه وحدي الله واحكيلي ايه اللي حصل 

حليمه حاولت تبلع ريقها وقالت بالعافيه ... شوفت شوفت عفريته...واحده ميته و روحها كانت حايمه في البيت وقعتني على الارض وبرقتلي كمان 

نوح مقدرش يمنع ضحكته وقال ...وبرقتلك...طب ما يمكن نظرها ضعيف ولا حاجه مرت ابوي

حليمه بصتلو بغيظ وقالت.... انا بتكلم جد بقولكم شوفتها بعنيا..انت مصدقني يا سند مصدق امك صوح

 سند قال بسرعه... طيب... طيب اهدي ياما مصدقك...بس قوليلي شوفتي مين مش بتقولي واحده ميته روحها حايمه كانت مين بقى

حليمه قالت بسرعه ....البت اللي كانت هنا في البيت ...غنوه..ايوه غنوه بت الجزار

 الكل بصولها بدهشه الا شروق ونبيل بصوا لبعض برعب واتاكدوا انها فعلا شافت غنوه

 نبيل حب ينقذ الموقف وقال بسرعه ...عادي على فكره بتحصل اوقات الارواح بتسكن في البيوت وبتبقى حايمه سم الله وانسي

نوح بصله بخنقه وقال..... سم الله انت يا دكتور..ده بيت محصن بالصلاه والصوم وبيتقري فيه القران يوماتي مهوش محروم عشان تسكنوا ارواح الميتين والعفاريت و

 ولسه هيكمل سمعو صوت قزاز بيتكسر التفتو كلهم لقو  الكوبايه اللي كانت في ايد سند وقعت اتكسرت على الارض

 كلهم كانوا بيردوا على بعض ومحدش خد باله من الصدمه والدموع اللي سكنت عنيه بمجرد ماتقال اسمها 

هو كمان فاق لنفسه على صوت الكبايه اللي وقعت من ايده وقال بشرود.... سلامتك ياما... اكيد بتهيألك اللي بيروح مبيرجعش

ومشي بسرعه من قدامهم مش عايز حد يشوف ضعفه

نوح اتنهد بحزن عليه ولسه هيمشي وراه هويدا قالت بسرعه وصوت عالي قاصده تسمعه....سلامتك يا ام سند قومي كده وسمي الله عشان تحضري معانا فرحتنا بشروق وتشوفي جوازها هيه والدكتور نبيل 

نوح التفت لهم بسرعه وقال ....مش لما يبقى فيه جواز يا مرت عمي 

هويدا قالت بخبث...وميبقاش ليه بس كفا الله الشر العروسه راضيه والعريس راضي و احنا اكيد مهنلاقيش احسن من الدكتور نبيل 

نوح ابتسم رغم خنقته وقال ....مش انتي اللي تلاقي لها يا مرت عمي..انا اللي هلاقي اللي يناسبها ويعجبني انا واشوف انه يستحقها وهترتاح معاه ...انا مربي شروق على اديا دول عمرو عمي حكم ما هيكون احق بيها مني واللي عنده كلام تاني يقوله 

حكم قال بتوتر .....لا طبعا يا ولدي كلامك صح بس يعني هو الدكتور نبيل ماله ما هو شاب زين و

بس نوح قاطعه وقال.... كيف ما قولت لك يا عمي لو لقيته يستحقها ما هعيبش فيه على الفاضي

 شروق قالت بغضب..... انا اللي احدد مين اللي يستحقني ومين اللي يريحني انا مش قاصر يا نوح

 نوح بص لها بسخريه وقال... البت بتفضل في عيون اهلها قاصر طول العمر... ومبتخرجش عن شورتهم الا العايبه

 نبيل ضحك وقال....و هو انا مش عاجبك في ايه بقى يا عمده ..قولي يمكن احسن من نفسي ..واهو منك نستفيد

نوح ابتسم وقال بخبث...اسأل شروق... هيه اكتر واحده حفظاني.... ولو عوزت تعرف حاجه عنها اسالني انا 

نوح قال كده ومشي وسابهم هيفرقعو كن الغيظ ونبيل بص لشروق وقال بغضب..... هو انا مش جاي هنا على اساس هتعرف على اهلك ..وقايله لهم وموافقين ايه الكلام ده بقى معناه

شروق قالت ....اهدى يا نبيل كل اهلي موافقين ونوح سيبه عليه

و مشيت بغضب وهي بتقول..... انا عارفه كيف اخليه يشيل مناخيره من الموضوع 

نبيل طلع بخنقه على اوضته و حكم كمان طلع اوضته وهو بيقول بتوتر.... هدي النفوس يا رب

 اما هويدا كانت مبسوطه جدا باللي حصل لان كل اهدافها القديمه كانت لسه موجوده ما اتغيرتش منها حاجه لسه شايفه ان ما حدش يستحق شروق ولا هيخاف عليها غير نوح ابتسمت برضا باللي حصل وراحت على اوضتها هي كمان 

اما حليمه كانت حاضره معاهم بس في دنيا تانيه كانت متاكده انها شافت غنوه ودماغها هتشت من اللي حصل 

بس قطع شرودها صوت تليفونها واول ما شافت الاسم  ردت بسرعه وقالت بهمس..... ايوه انت فين 

وسمعته شويه وقالت... جايه لك حالا خليك بعيد من البيت متخليش حد يشوفك 

وشدت طرحتها وطلعت بسرعه 

اما غنوه كانت في اوضتها رايحه جايه بخوف من الي حصل

وخافت اكتر لما سمعت الباب بيخبط حاولت تغير صوتها وقالت من وراه..... م...مين 

رد نبيل وقال بضيق.... انا نبيل افتحي

 غنوه فتحت بسرعه ودخلته وقفلت الباب وقالت ......كويس انك جيت حصلت مصايب النقاب اتقطع في الشجره والمكرفون وقع مني و

نبيل قاطعها وقال .....وخليتي حليمه شافتك ...ما شاء الله عليكي متتسابيش لوحدك ثواني ....هو احنا يا بنتي مش كنا شارطين عليكي ومفهمينك تاخدي بالك...ولا لازم تودينا في داهيه كلنا....انا كان مالي ومال الغلب ده بس يا ربي ...ده اللي اسمو نوح من غير اي حاجه مش طايقني امال لو عرف اني بساعدكم هيعمل فيا ايه

غنوه قالت بكسوف ....معلش يا نبيل امانه تساعدني المره دي وهبقى اخد بالي تاني والله

نبيل اتنهد وقال.... متخافيش ما قداميش حل غير اني اساعدك  لان لو اتكشفتي هنلبسها كلنا اتورطنا واللي حصل حصل

انا معايا مايك تاني في المحفظه  كنت جايبه معايا احتياطي بس ده اخر واحد معايا مش معايا تاني لو وقع هنتسوح ...يلا قربي اركبهولك 

ولسه بيقرب منها رفعت شفتها ورجعت خطوه وقالت بردح.... وتركبهولي ليه اياك يدي مكسوره ...رجاله تموت في التلزيق... انا هركبه لحالي هات 

نبيل بص لها بصدمه من كلامها وقال.... بقى انا جاي عشان اساعدك تقوليلي كده ...تصدقي بالله انتي حلال فيكي الدبح مش القتل اللي زيك خطر على الكوكب اصلا اكيد جوزك مات من لسانك ده ما فيش داعي تقولي لحد سرك اكيد انجلط مش محتاجه.. داهيه تاخد اليوم اللي وافقت اقف معاكي فيه

قال كده ومشي وهيه بصت لطيفه بضيق وقالت.... قال يركبهولي قال....كلهم كده..يموتو في التركيب

 وبقت تركب المايك قدام المرايه

 عند نوح كان في اوضة سند ومتضايق جدا وبيقول ....وبعدها لك هتفضل كده لميته يا ود الناس قلت لك الف مره اذا كان فيه حد غلط في الموضوع ده فهو انا ..انا اللي غلطت هيه كانت في حمايتي وانا استهونت  انا اللي اشيل ذنبها مش انت...ده غير اصلا ان البنيه دي  كانت كده او كده هتموت ..دي محكوم عليها بالاعدام اصلا لولاش انها حليت في عيني  يومها واستخسرتها في الموت مكانش حصل كل ده يعني انا اللي غلطت في الموضوع كله

 سند بصله بضيق وقال.... مهما قولت يا نوح انا عارف ان انا السبب انت معملتش حاجه انا مش عيل وعارف اني غلطت لما طلعتها يومها..انا  قتلتها زيي زيهم مقادرش انسى اليوم ده واصل... ماتت في حضني

 نوح قال بمرح ...وده حضن يتنسي من اساسه... يا بختك 

سند بصله بغيظ وهو ضحك وقال....ياض بفرفشك فيه ايه....بس قولي هو ليه انا حاسس ان موضوع غنوه ده كبر معاك زياده.... هو انت حاسس بالذنب ولا حاسس بحاجه تاني.... اكيد يعني لو فيه حاجه تتقال المفروض ابقى اول واحد يسمعها 

سند اتنهد وقال وهو بيولع سيجاره ...وافرض فيه....ما هي ماتت خلاص ايه الفايده 

نوح حط ايده على كتفه وقال .....فهمتك ...انا وياك في حاجات كتير حسيناها متأخر ...متاخر قوي

سند ابتسم وقال...لاه تفرق ...انت صوح اتاخرت بس السبق لسه مخلصش... مش زيي 

نوح اتوتر وبص بعيد عنه وقال ...قصدك ايه 

سند ابتسم بسخريه وقال.... قصدي انا وانت فاهمينه زين ....في حاجات يمكن مهتفيدش دلوك بس لازم اقولها ....شروق مبقتش تهمني واصل يا نوح ولا في تفكيري اصلا ....كان معاها حق غنوه قالتلي شروق  مجرد تحدي خسرت فيه وبكره تخسر في حاجه اكبر وتنسى 

نوح ضحك وقال..... الله يرحمها كان عليها لسان يودي اللومان

 سند فجأه بصلو وقال....نوح انا عايز منك طلب...نفسي ابرأ غنوه ...عايز اثبت برائتها قدام كل الخلق ..عمال الف  على الموضوع من سنتين وما لقيلوش جتير واصل.... نفسي اخد حقها مين اللي قتلوها وما هقدرش اعمل كده غير لما اثبت انها بريئه 

بقلم..زهرة الربيع

نوح اتنهد وقال ...ده المستحيل بعينه انا حاولت قبلك ما فيش فايده ما حدش يعرف حاجه عن اللي حصل ليلتها ...سرها ادفن معاها حتى بت عمها اللي تعرف الموضوع وكانت ناويه تحكي لي اول ما عرفت انها ماتت قالتلي ماتت عشان تستر السر ده عمري ما هفضحه ورفضت تقول كلمه واحده 

سند اتنهد وقال ...بس انا مهسكتش هقابلها هحاول معاها مره واثنين وعشره

 نوح اتنهد وقال ....لا انت هتنسى كل المواضيع دي خالص....عندي ليك خبر حلو قوي... انا وعمك اتكلمنا لك على واحده ...بت شيخ البلد بيتقال انها كيف القمر وهتعجبك لو ربنا كرمك معاها واحده واحده هتتشغل وتنسى كل ده و

بس سند قاطعو لما وقف وبصله بزهول وقال ..انت بتقول ايه مين قالكم اني عايز اتجوز وروحتو اتكلمتو مع الناس كمان من ورايا...انت فاكر  الدنيا دي ماشيه على كيفك 

نوح بصلو بغضب وقال..... انت بتزعق ليه..ها بتزعق ليه... ايوه الدنيا ماشيه على كيفي اعتبرها كده.. ما هو مهسيبكش تتجنن وواقف اتفرج عليك لحد ما تحصل امك اللي بتشوف عفاريت في عز النهار... انا كلمت دكتور اعرفه في القاهره وقالي احسن حل لحالتك تدخل تجربه جديده وتشغل فراغك...هتتجوز ورجلك فوق رقبتك 

سند قال بغضب.... يا سلام كمان خليتني مجنون وبتكلملي دكاتره...طب انا مهتجوزش يا نوح لما اشوف كيف هتمشي رايك في دي كمان 

نوح قال بغضب...هتشوف كيف همشيه ...وايه رايك كمان هتقابل البت بكره وهتتجوز يا سند لما اشوف اخرتها في البيت المايل اللي كل ما اعدله من حته يميل من الثانيه بقت حاجه تطهق

قال كده ومشي وسابه بيزعق وبيقول ...

طب مهقابلش حد ومهتجوزش ولما اشوف انا ولا انت يا نوح

 نوح ما ردش عليه ولسه هيروح اوضته جات شروق وهيه متعصبه جدا وقالت بغضب... تقدر تقول لي هتفضل تتحكم فينا لميته الف مره قولت لك خلاص مبقاش لك صالح بيا

 نوح اتعصب جدا منها وكان متنرفز اصلا بسبب سند قال بغضب شديد.... يا صبر ايوب من عندك يا رب صبرني عليهم 

وراح  على اوضته وهو متنرفز جدا بس شروق راحت وراه ودخلت وقالت بغضب... لما اكلمك متمشيش وتهملني انت مبتكلمش عيله

 جاوبني حضرتك رافض نبيل ليه انت تعرفه علشان ترفضه او تقول انو مينفعنيش

نوح كان جايب اخره اخد نفس قوي وقال ....معرفوش ومرفضتوش لانه فيه حاجه لا سمح الله ....انا رفضته لان معندناش عرايس ليه للجواز 

شروق بصتلو بدهشه  وقالت ....معندكش عرايس يعني ايه.... امال انا ايه عروسه حلاوه ...ولا هتحطني في المتحف

وابتسمت بسخريه وقالت.... ولا تكونش لسه حاجزني لسند حبيبك

 نوح قرب منها قوي وبص لعيونها بقوه وقال.....ايوه حاجزك ...بس مش لسند  ..حاجزك عشان هردك لعصمتي مبروك عليكي هترجعي من تاني مرت نوح الحاكم ووووووو

موافقش على جوازك علشان حايشك ليا..هردك لعصمتي  هترجعي من تاني مرت نوح الحاكم واكيد مفيش حاجه هتسعدك اكتر من كده

شروق اتسعت عنيها بزهول من جملتو وسكتت لثواني مش قادره تنطق وقبل ما يقول حرف تاني فاجاتو لما ضحكت بقوه من قلبها لما عيونها دمعو 

وكانت لسه هتمشي وهي بتضحك بس مسك ايدها بغضب وقال ...رايحه فين وبتضحكي ليه..قولت نكته وانا مداريش 

شروق بصت له وهيه بتحاول تبطل ضحك وقالت.... والله لو قولت اجدعها نكته ما كانت هتضحكني كده.... بذمتك هتردني لعصمتك وما فيش حاجه تفرحني اكتر من كده كمان... يا هنايا يا سعدي

نوح بص لها بضيق من سخريتها وقال.... ليكون ما هتتبسطيش ولا كيف ما قولتي لدولي اللي كان يعجبك زمان ما بقاش يعجبك دلوك

شروق قالت بسرعه.... بالظبط كده ..زين انك فهمت اني قصداك ...شيلني من دماغك واصل يا نوح لانك ما بقيتش تلزمني ولا تدخل ذمتي بمليم

نوح ابتسم بسخريه وقال ...ومين بقى اللي يعجبك ويدخل  ذمتك... الارجوز اللي جايباه وياكي تحت ده

شروق لسه هترد قاطعها وقال.... عايزك تفهمي حاجه مهمه تحطيها حلقه في ودنك انا مبقيتش عمدة البلد دي والكل ماشي بامري كده بالحظ... لاه انا في المركز ده لان الكل عارف ان عقلي يوزن البلد كلها باللي فيها.... واللي انتي بتحاولي تعمليه ده مهينفعكش واصل ولا هتستفادي منو باي حاجه

شروق قالت بضيق.... وايه هو بقى اللي بحاول اعمله

 نوح قرب منها قوي وحاصرها عند الباب وقال....بتحاولي  تنسيني بواحد تاني بس مهتقدريش ..مهتقدريش واصل.. لان لو كنتي تقدري تعمليها كنتي وافقتي على سند  ود عمك وكان ميت عليكي... لكن اللي منعك وقتها تتجوزيه هو اللي هيمنعك دلوك ...انا جواكي يا شروق عشقي في عروقك كيف الدم..ساكن قلبك ومتربع فيه

شروق اتوترت قوي من قربه وكلامه ونظرات عيونه بس في ثواني اتبدلت ملامحها واحتل الغضب عيونها وقالت ... عارف يا نوح لو انت لساتك موجود في دمي كنت قطعت شرياني عشان ميبقاش ليك اي اثر جواتي.... انا ممكن اتمنى العمى ولا اتمنى اني ابقى يوم واحد وياك ...انسى يا ود عمي القلب اللي انت بتقول انك متربع فيه احطه بيدي جوه النار ولا افتح لك بيبانه تاني

نوح بهتت ملامحه لما قالت كده ولما شاف الغضب اللي في عيونها اللي  بيلوم نفسه على انه السبب فيه اتنهد وقال... كل ده ليه ...عشان كام كلمه قولتهم وانا زعلان ومتضايق عشان كلام انتي اكثر واحده عارفه اني ما اقصدهوش كلام قولتو وانا محروق على اخوي اللي ابوي وهو بيموت وصاني عليه... كيف مقدرتيش الوضع اللي انا كنت فيه كيف حملتيني الليله كلها باللي فيها ...سامحتي الكل.. الا انا المذنب الوحيد لحد دلوك...سافرتي ومودعتنيش ورفضتي حتى تكلميني في التلفون...حرمتيني منك سنتين وذياده مع انك عارفه عارفه ان من صغرك مكنتش اقدر ابعدك عني يوم واحد ..بالبساطه دي نسيتي مين نوح 

شروق حاولت تقوى وقالت ....الكلام ده ما بقاش له لزوم دلوك ...انا قادره اتكلم  واعاتبك كيف ما بتعاتب... بس اللي بيلوم حد ويعاتبه هو اللي عايزه وانت ما بقيتش تهمني ..انا جايه عشان اقول لك كلمتين ....بعد من نبيل مليكش صالح بيه لاني هتجوزو  فخليها تبقى برضاك احسن ما تبقى غصب عنك كيف كل الحاجات اللي فاتت وعدت غصب عنك 

بقلم...زهرة الربيع

ولسه هتمشي احتدت عينيه بغضب وقال ...انسي الجوازه دي مهتمش وبلاش تتحديني يا بت العم مش في صالحك واصل مش انا اللي يتقالي غصب عنك

ابتسمت بسخريه وقالت بتحدي.... بكره الصايغ جاي السرايا علشان انقي شبكتي هبقى مبسوطه لو نقيت معانا .. انت عارف لاول مره هتشبك واشتري دهب والكلام ده والحاجات الاولى بيبقى لها فرحه واهو تفرح معانا انت برضك كيف ما قلت تحت في مقام ابوي

نوح ابتسم بسخريه وقال....معاكي حق الحاجات الاولى ليها فرحه خاصه علشان كده اول دبله هتلبسيها هتبقى مني 

شروق اتغاظت وقالت بغضب...مش مقاسي يا عمده لبسها لبت الوزير احسن انتو الاتنين اساسا لايقين على بعض والمنضره تشهد

نوح ضحك وقال....انا لولا العيبه كنت خليت الاوضه دي دلوك هيه اللي تشهد...بس انتي الغاليه الطاهره عمري ما المس طرفك قبل ما اردك 

شروق اتكسفت جدا وقالت بغيظ...اتردت الميه في زورك

نوح ابتسم كأنها بتغازله وقرب منها وقال بوقاحه...فاكره القميص الابيض اللي لبستهولي في ليلة جوازنا ...هموت واشوفو عليكي تاني فيه حجات كتيره متمني اعملها

شروق بصتلو بحده وقالت...القميص الابيض اللي قولتلي اني لبساه علشان اوقعك واجر رجلك بيه فكراه طبعا وده يتنسي اطمن هتشوفني بالكفن لابيض قبل ما تشوفني بيه

نوح اتصدم بجملتها ومسكها من درعاتها وقال بغضب...بس سدي بوزك اوعي تفولي على روحك تاني ربنا يجعل يومي قبل يومك

شروق بصتلو بدهشه وهو استغرب كمان نفسو وسابها وبص بعيد عنها وهو بيحاول يهدى وشروق اتملت عيونها دموع وقالت...هملني في حالي يا نوح ...حل عني طريقنا مبقاش واحد  

نوح كان بيتعذب من كلامها بس حاول يقوى وقال من غير مايبصلها....متتعبيش قلبي انا مليش في المناهده....وانتي ملكيش طريق غير طريقي وانتهى 

شروق كانت هتتجنن منو ومشيت بسرعه وسابته وراحت على اوضتها وهيه متنرفزه جدا واول ما دخلت لقت غنوه قاعده بقلق 

رزعت الباب وقالت بغضب شديد وزعيق.... انتي مهترتاحيش غير لما تجيبي رجلينا كلنا وياكي وكمان بتخلي حليمه تشوفك حليمه ما لقيتيش غير حليمه عايزاهم يولعو فينا عايشين

غنوه وقفت وفي ثواني شده سكين كانت على الكمود في طبق فاكهه وحطيتها على رقبة شروق بسرعه وقالت بغضب.... انتي بتزعقي لمين كده يا بت ها بتزعقي لمين ......الكلام ده لي انا 

شروق بلعت ريقها بخوف شديد وقالت....غنوه يعني من خوفي عليكي هو احنا مش في بيننا عشم ولا ايه

غنوه غمضت عينيها وحاولت تكتم غضبها ونزلت السكين وقالت... استغفر الله العظيم يا رب .....صلي على النبي يا اختي كده في سرك ولما تاجي زهقانه من بره ما تتكلميش وياي  واصل

شروق قالت بغضب مكتوم...بقالي سنتين بعالج فيكي يا غنوه ولسه قبل ما يكلموكي تشدي الزفت اللي في يدك دي انا معرفاش ليه كل حاجه ماشيه عكس ما انا عايزه

واتنهدت وقعدت على السرير بضيق وزعل 

غنوه زعلت عليها وقعدت جنبها وقالت..... زعلتي مني ولا ايه مقصديش يا بت ما انتي عارفه اني مبحملش اللي يزعق فيا وبعدين انا احسن من الاول كتير حتى بطلت احطهم في هدومي ..متزعليش مني عاد

شروق قالت بحزن....انا مزعلناش منك يا غنوه ...انا فيا اللي مكفيني لوحدي ...بس علشان خاطري يا بت الناس المره دي اتسترت المره الجايه معارفينش ايه اللي ممكن يحصل

غنوه هزت راسها بالموافقه وقالت..... حاضر والله هخلي بالي اكتر النقاب اتقطع مني من غير قصد ....المهم انتي مالك مين مزعلك 

شروق اتنهدت وقالت.... محدش مزعلني بس مخنوقه شويه 

غنوه ابتسمت وقالت ....عليا انا الكلام ده ...نوح مش كده 

شروق احتدت عنيها بغضب اول ما جات سيرته وقالت.... انا مفهماش ايه كمية الغرور اللي عنده دي... فاكر نفسه محدش قده على الارض

 غنوه ضحكت وبقت تلبس النقاب بتاعها وقالت ....وفيها ايه لما الواحد يبقى شايف ان ما حدش قده دي ثقه مش غرور

شروق بصت لها بغيظ وقالت.... هقولك ايه ما انتي زيه اصلا غنوه ضحكت وقالت..... ما تزعليش نفسك كده ليطقلك عرق وبعدين الجدع شكله واقع مفيهاش حاجه يعني لما تردمي على القديم وتعشيلك يومين

شروق قالت بضيق...ايه العبط اللي بتقوليه ده انتي لاخرى موضوع نوح ده انتهى من زمان...انا هتجوز نبيل الجدع شاري ومشايفنيش ناقصه حاجه زي غيره ....سيبك من كل ده انتي لبستي نقابك ليه رايحه على فين

غنوه قالت ببساطه... هنزل عادي

شروق قالت بغضب...هو ايه اللي هتنزلي عادي ..انتي هتقعدي هنه في الاوضه ومهتتحركيش واصل بعد اللي عملتيه تحت ده 

غنوه قالت بتوتر ....لاه مقدرش  انا اطق لو قعدت في الاوضه من دلوك هنزل اخذ لي لفه بس مش هعمل حاجه تاني والله

شروق مسحت على وشها بغضب وقالت.... يا غنوه ... يا غنوه انتي طول عمرك مستبيعه وبايعه حالك للموت وبتقوليلو  تعالى خدني بالحضن بس حرام عليكي تجري رجلنا وياكي والله نوح عنده استعداد يربطنا مع البهايم كيف ما كان عامل مع ود الوزير 

غنوه ضحكت وقالت.... هو عمل معاه ايه صوح

شروق ضحكت وقالت.... ولا حاجه ابوي حكالي ان الواد غمر منهم تحت وكان هيموت واخته اتصلت على ابوه جيه اخدوه بس ابوي بيقول كانت حالته صعبه ومعتبش هنه واصل بعدها

غنوه ضحكت وقالت.... احسن بالسلامه هي ناقصه قله حيا عقبال ما نلاقي صرفه لاخته ومتعتبش هنه واصل ولا انت رايك ايه 

شروق قالت بضيق....تاجي ولا متجيش انا مالي ما يولعو كلهم بجاز وسخ....اسمعي انا هدخل استحمى واطلع اخد لي نومه لان دماغي هتتفرتك ....متتحركيش من هنه فاهمه

 شروق دخلت الحمام  وغنوه نفخت بزهق وبدلت هدومها ومددت على السرير وبقت تحاول تنام وهي بتفكر في سند والحاله االلي وصلها بسببها هي واخوها وياترى هيبقى رد فعله ايه لو عرف انها عايشه

 كانت بتتمنى تقوله واللي يحصل يحصل ولو كانت وحدها اللي هتتأذي كانت عملتها بس وجود نبيل وشروق معاها وخوفها عليهم هو اللي مسكتها

 عند حليمه طلعت بره البيت وهيه بتتسحب لحد ما قابلت واحد وقالت.... جبت المطلوب

 الراجل طلع علبه صغيره من جيبه وقال .....لحقتي خلصتي اللي اديتهالك المره اللي فاتت متكتريش على الراجل ليطب فيها ونروح في حديد

حليمه قالت بغيظ.... يا عم اتنيل هو انت فيك فايده انت وحبوبك دي لساته كيف الطور يهد جبل وذاكرته حديد فاكر من وقت ما كان في اللفه.... امال فين كلامك ان الحبوب دي هتخليه يضعف وينسى ويتعصب والناس تفكر انه اتجن الا ما شايفه منها حاجه

الراجل قال بثقه. .. ما انا قولتلك يا ست حليمه انه مهيبانش عليه من اول علبه ولا تاني علبه انتي بس امشي زي ما قولت لك و انا متاكد ان الحبوب دي هتوصلوا للسرايا الصفرا بس الصبر 

حليمه طلعت فلوس واديتها له وقالت.....هسمع كلامك ولو اني مش عارفه ليه ياض يا عيسوي حساك كداب كده

عيسوي ضحك و قال.... والله ما كداب يا ست  حليمه بس هو نوح بيه شديد شويه ده شاب في اوائل عمره وكيف ما انتي قولتي كيف الطور يعني مش بالسهل اكده يتهد 

حليمه اتنهدت وقالت....طيب خليك ورا الكداب لما اشوف اخرتها ...بس قولي ياض لو سففتو العلبه كلها تجيب اجله ولا يقوم تاني ويقرفني

عيسوي اتخض وقال.....بس...بس انتي قولتي مفيناش قتل يا ست حليمه

حليمه ضحكت وقالت...ياض بقول لو مالك وشك اتخطف اكده ....يلا اخفى من هنه ومتخليش حد يشوفك وما تجيش هنه غير لما تسمع صوتي في التلفون واكلمك

عيسوي هز راسو بالموافقه و مشي وهي اخدت العلبه ودخلت البيت وهي بتتسحب تاني

 بس وهي رايحه على اوضتها حست بحاجه تحت رجلها بصت على الارض لقت فردة حلق مسكتها وبتبص لها باستغراب بس اتسعت عنيها بذهول شديد وبقى مش مفارق خيالها وقت ما شافت غنوه الصبح كانت لابسه نفس الحلق ده 

الحلقه كان طويل ومميز ومتأكده انها شافتها لبساه بقت ترتجف بخوف وصدمه وقالت... يعني....يعني ايه....يعني انتي هنه صوح يا بت الجزار عايشه  مموتيش كنت متاكده اني شوفتك متأكده

 وراحت على اوضتها بسرعه وهي بتحاول تفكر يا ترى غنوه متخبيه فين في القصر ازاي ممكن تلاقيها 

في يوم جديد كان نوح تحت هو وعمو ومعاهم راجل في الخمسينات وبنت محجبه في العشرينات 

حكم قال بابتسامه.... منورينا والله يا حاج فاروق 

فاروق قال.....بنورك والله يا حج حكم...و لو ان اللي بيحصل ده عكس عوايدنا صوح انتوا جيتوا واتقدمتوا واحنا وافقنا بس بردك اول عزومه المفروض تبقى في بيتنا 

بس مع ذلك مدام الامر يخصك انت والعمده يبقى البيت واحد ومتفرقش

نوح ابتسم وقال.... وانا متأكد ان البيت واحد وانك مهتعملهاش فرق الجيات كتير واكيد هجيب سند ونذوركم ونتغدى ونتعشى كمان....انا بس قولت الاولاد بردك من حقهم يشوفوا بعض قبل كتب الكتاب احنا ناس نعرف الله ونمشي على سنه رسوله 

فاروق ابتسم وقال....اكيد واجب  بردك يا عمده 

حكم ميل على نوح وقال...ما نزلش ليه لحد دلوك انت متأكد هينزل خايف يصغرنا وما ينزلش

 نوح كان بيظهر ابتسامه للناس عكس اللي جواه وقال لعمو .....طب خليه ما ينزلش كده وهو عارف لو طلعت هعمل ايه 

في الوقت ده نزل سند بضيق شديد و بص لهم بخنقه وقعد على الكرسي من غير ما يسلم على حد وقال....ها مين فيكم العروسه 

نوح داس على اسنانه بغيظ منه والراجل وبنته بصوا لبعض بذهول

فاروق  ضحك وقال..... يعني هكون انا يا ولدي مهي قدامك 

سند بص للبنت من فوق لتحت وقال ....متفرقش عنك كتير يعني يا عم فاروق 

نوح خبطه في رجله وبصلو بتحذير وقال بصوت عالي.... منورينا 

وزعق لسماح الخدامه وقال .....هاتي الشاي ولا نخليه شربات 

سند قال بضيق..... لا خليه شاي عادي انا لسه قايم من النوم ومشربت الشاي ولا فطرت

وبص لشيخ البلد وبنته وقال..... انتوا جايين تبيعوا لبن هنه

 نوح ميل عليه وقال بهمس من بين اسنانه.... لم روحك بدل ما اشربهم شاي في عزاك

سند نفخ بغيظ وسكت

و البنت كانت بتبص له بانبهار وكسوف في نفس الوقت

سند بص لها ورفع حاجب وقال بغمز..... عاجبك الطقم صوح... لسه اللي تحته احلى اقلع اوريهولك

 البنت شهقت بكسوف وابوها واقف وضرب عصايته في الارض بغضب وقال .....في ايه يا عمده دي قله حيا دي

حكم ونوح وقفو ونوح رد  بتوتر وقال.... حقك على راسي بس انا شرحت لك ظروفه من الاول

سند وقف وقال بغضب.... شرحت لهم ايه مالها ظروفي شايفني بخنق في الناس ولا ايه 

نوح قال بغضب شديد .....ده انا اللي هخنقك بيدي الصبر طيب يا ود حليمه 

شيخ البلد قال بغضب.... انا هاخد البت وامشي وانت و اخوك اتفاهمو براحتكم 

نوح قال بتوتر...انت تعالى معاي عايزك في كلمتين ...لو مش علشاني ولا علشان عمي علشان ابوي الله يرحمه صاحبك وحبيبك

شيخ البلد اتنهد بضيق ونوح اخده على جنب وبقى يتكلم معاه 

وسند قعد بضيق وبقى يشرب الشاي وهو بينفخ بغيظ بسبب العروسه اللي كانت رغم كل ده لسه بتبصلو باعجاب وعنيها بتطلع قلوب ابتسمت وقالت ....الشاي سخن تحب ابردهولك 

سند رفع شفتو بقرف وقال..تبردهولي..لا انا عديت الخمس سنين خلاص...وبعدين هو اصلا بارد...متلج ...مبيحسش 

فوق عند شروق كانت لبست وجهزت 

وكانت غنوه لسه هتلبس النقاب  بتاعها بس خدت بالها ان فردة الحلق مش موجوده قالت باستغراب.... ما شفتيش الحلق بتاعي يا شروق

شروق قالت ....لاه مشفتوش اجيب لك واحد من عندي

 غنوه قالت بقلق.... لا انا عندي بس عايزه اعرف وين راح 

شروق لسه هترد عليها الباب خبط فتحت الباب وكانت سماح قالت بضيق شديد.... ابوكي بيقول لك انزلي يا ست شروق عشان تسلمي على عروس سند بيه

شروق قالت باستغراب...عروسة مين... هو سنه هيتجوز 

سماح قالت بضيق....معرفاش يا ست شروق نوح بيه جايبهالو  و البت اصلا مش قد كده يعني ما تفتكرش سند بيه هيوافق عليها 

قالت كده ومشيت وشروق ضحكت على شكلها

غنوه قالت..بتضحكي ليه

شروق قالت.... ما فيش اصل سماح جايه وشها مقلوب ومضروب 100 صرمه وبتقولي ننزل نسلم على عروسه سند 

غنوه التفتت لها بذهول و قالت..... قولتي مين.... سند هيتجوز 

شروق لسه هترد عليها بس غنوه دفعتها بعيد عن الباب وجريت نزلت بسرعه 

وشروق جريت وراها وهي مصدومه وبتقول ....غنوه استني يا بت هتعملي ايه يا مجنونه انتي

بقلم...زهرة الربيع

 تحت نوح كان بيتكلم مع فاروق وقال.... يعني انا صارحتك من الاول بكل حاجه يا حاج وقولتلك انو مبقاش زي الاول والدكتور قال هيتحسن لو اتجوز و محتاج نوقف جنبه وانت لما كلمتني قلت لي انك موافق  وانو كيف ولدك وهتوقف معاه 

فاروق اتنهد وقال..... ماشي يا ولدي بس البت اها شافها كده خلاص لو عايزين تكملو هنخلص كل حاجه انا وانت من غير ما ندخلوهم في الموضوع

  نوح قال بسرعه...تمام... كلامك يمشي و.... 

ولسه هيكمل دخل نجاتي وقال بذهول.... نوح بيه فيه واحده عايزه تقابلك مضروبه قوي ووشها مش باينله ملامح 

 نوح بصلو باستغراب وقال....بتقول ايه....وسايبها بره يا جحش خليها تدخل 

بس قبل ما نجاتي يطلع دخلت واحده ووقعت على الارض من كتر التعب وقالت بصراخ.... عايزه ولدي يا عمده خدوه مني ضربوني وكانوا هيموتوني وخدوا ولدي

نوح قرب منها واتصدم بشده لما شاف ملامحها وقال ....جنه ....مالك يا بت فيكي ايه

وجري عليها علشان يقومها وسند اول ما سمع اسمها راح جري هو وغنوه واتصدموا بمنظرها كان وشها متبهدل جدا

نوح نزل جنبها على الارض ونجاتي جاب له ميه بقى يغسلها وشها وقال بغضب رهيب من منظرها .... في ايه ..مين عمل فيكي كده 

جنه نطقت بالعافيه وقالت... اخدو ولدي ...ضربوني واخدو ولدي

نوح قال بسرعه...هما مين..مين اللي مدو يدهم عليكي كده اتكلمي

جنه قالت بتعب.....ولاد جوزي عرفوا ان مصطفى ولدي مش اخوهم عرفوا انه مش اخوهم وضربوني واخدوه مني..في عرضك هيموتوه يا عمده وو وووو

عيال المرحوم جوزي اخدو ولدي مني عرفو انه مش اخوهم ضربوني واخدوه في عرضك يا عمده هيموتوه

 نوح لسه هيرد بس جنه اغمى عليها في الحال من شدة التعب

نوح بقى يحاول يفوقها وهو بيقول.... بت يا جنه ...ردي علي يابت 

غنوه اتصدمت بشده والدموع نزلت من عينيها ولسه هتجري عليها شروق مسكتها من ايدها وهزت راسها بخوف بمعنى متروحش

غنوه وقفت مكانها علشان متاذيش شروق بس كانت مرعوبه على بنت عمها و مش عارفه تعمل ايه 

نوح شال جنه وحطها على الكنبه وبقى يحاولي يفوقها هو وسند اللي قال... هيه ..هيه قالت ايه واد مين... ومين اخذ مين انا مفاهمش حاجه

 نوح قال ...استنى لما تفوق هنفهم منها كل حاجه

 نبيل كان مصدوم جدا بمنظرها وباللي سمعوا وقال بذهول.. هيه مين دي...و اللي ضربوها دول شباب رجاله يعني..اللي فهمتو صح... انتو ازاي كده ازاي ممكن راجل يمد ايده على ست بالمنظر ده وهي جيالك ليه اصلا كان المفروض تطلع بخلقتها دي على الاسم تجيب له تابيد على الاقل

نوح بصلو بطرف عينه وقال.... انت قولت بلسانك جايالي انا ..يعني حاجه متخصش اللي خلفوك يبقى متتدخلش

 بس نبيل كان متعصب جدا وقال بغضب ....سواء جايه لك او جايه للعفريت الازرق مفيش راجل عنده نخوه يفضل ساكت انا هخليها تروح الاقسم واشهد وهساعدها كمان

 نوح قال بخنقه.... اللهم طولك يا روح 

هنا شروق قالت بقلق.... خلاص يا نبيل هملها لنوح هو ياما عدت عليه حاجات زي كده وبيحلها صدقني هيجبلها حقها هيه علشان كده قصدتو 

 نوح بصلها وابتسم برضا وشروق حمحمت بتوتر وحطت  وشها في الارض

في الوقت ده شيخ البلد وبنته استاذنه ومشيوا 

وسند قال بقلق ..هيه مبتفوقش ليه ماداهيه تكون ماتت

 نوح لسه هيرد حليمه قالت... ما تموت القبر اللي يلم..مسامعهاش قالت ايه قبل ما توقع ...بتقول عيال جوزها عرفوا ان العيل اللي خلفتو وبلياهم بيه كل المده دي مش اخوهم  يعني مش كفايه جايبه عيل في الحرام كمان نسباه للراجل الغلبان اللي كانت متجوزاه يعني خاطيه وكدابه ربنا يستر على ولايانا 

بقلم.....زهرة الربيع

 غنوه كانت بتبص لها بغضب شديد وهتموت وتتكلم بس شروق واقفه قدامها وبتحذرها كل  شويه 

نوح اتنهد بخنقه وقال ....احنا معرفناش منها الموضوع كامل يا مرت ابوي عشان كده الاحسن نسكت..وبتهيألي انتي بالذات متتكلميش على الكدب لياخد على خاطره منك

حليمه اتغاظت من كلامه ولسه هترد جنه فتحت عيونها ببطء وقالت بالم.... عايزه ولدي عايزه ولدي يا عمده 

نوح قرب منها وقال ...اهدي احنا كلنا جنبك هنه متخافيش ولدك هيرجع لك 

جنه قعدت بسرعه ومسكت ايده وقالت وهي بتحاول تبوسها ...احب على يدك انا ما ليش غيره في الدنيا 

نوح سحب ايده بسرعه وقال ...استغفر الله قلت لك متقلقيش هرجعهولك ..بس احكيلي اللي حصل بالهداوه

 جنه لسه هتتكلم خدت بالها ان الكل موجود نزلت عيونها بكسوف 

نزح فهمها وحمحم وقال ...تعالي وياي على المكتب

 ولسه هيمشوا نبيل قال بغضب.... هتروحوا على فين انتوا لازم تطلعوا على القسم دلوقتي تثبتوا حاله ومتقلقيش يا مدام انا اعرف محاميين كويسين وهساعدك اللي حصل لك ده مش لازم يعدي كده... الاهانه دي مش لازم تسكتي عليها ولا انت ولا اي ست في الدنيا 

جنه بصت له باستغراب ونوح مسح على وشه  بغضب وقال بطريقه تخوف... لو اتدخلت في حاجه ما تخصكش تاني انا هوريك الاهانه على اصولها...ههينك اهانه مفيش لا راجل ولا مره ولاحتى حيوان اتهانها قبل سابق 

 نبيل لسه هيتكلم شروق قالت بخوف.... وبعدين يا نبيل انا قلت لك سيب الموضوع ده....يلا  تعالى وياي ..يلا 

ومسكت ايده ومشيت بيه خطوات بس وقفهم نوح لما قال بغضب مكبوت ....هملي يده...هو اتعلم المشي من زمان 

شروق اتكسفت وسابت ايده بس نبيل رجع مسك ايدها بقوه وقال.... معلش نتعلمه من جديد 

واخذها من ايدها ومشي بيها راحو اوضة الضيوف 

نوح بص لطيفهم بغضب وبص لعمه وقال بزعيق.... ايه يا عمي نجيب طقم قرون على مقاسنا ....هينفعنا للايام الجايه 

حكم قال بتوتر ....يا ولدي ما انا قولت لك نعمل خطوبتهم الاسبوع ده بس انت راكب دماغك ومراضيش تخلصنا 

نوح لسه هيتكلم سند قال بسرعه .....مش وقته دلوك خلينا نشوف البت اللي جايه تتحامى فينا دي وبعدين نحله مشاكل البيت 

نوح اتنهد وقال بضيق ...تعالي ورايا يا جنه

سند مشي معاهم بس نوح قال بغضب... على فين العزم

سند قال .... جاي معاكم... عايز اعرف الموضوع

نوح  ضحك وقال ....ومن امتى وانت ليك في المواضيع دي خليك هنه.... انت لحالك موضوع خليني بس افوقلك متفكرش هعدي  اللي عملته النهارده 

واخذ جنه وراح على المكتب وسابه واقف متغاظ جدا

حليمه قربت منه وقالت بخبث....علشان تبقى تسمع كلام امك ..ياما حاولت اخليك انت كبير الدار والبلد كلها بس انت قاعدلي في ديله وعاجبك تفضل تحت باطه 

 سند نفخ بخنقه وطلع على اوضته ومردش عليها 

كل ده تحت عيون غنوه اللي كانت واقفه والدموع في عينيها وموجوعه جدا عشان بنت عمها 

وفضلت واقفه بتوتر شديد هتموت وتتكلم معاها

 بس حليمه كانت واخده بالها لنظراتها طول الوقت وللدموع اللي في عينيها وكانت بتبص لها بشك رهيب 

غنوه خدت بالها لنظراتها واتوترت جدا وطلعت بسرعه وسابتها باصه لطيفها بطريقه مريبه

عند شروق كانت قاعده في اوضه الضيافه هيه ونبيل اللي كان رايح جاي وهو بيقول بغضب....بني ادم عجيب...مستحيل يكون بني ادم اصلا مش معقول كل حاجه متحكم فيها شويه وهيقسم لكم الهوا اللي بتتنفسوه  ...انتو ازاي مستحملينه بجد 

شرةق اتنهدت وقالت....اهدى علشان هو لسه عمل مشكله تانيه

نبيل بصلها وهيه قالت بتوتر...كلمت الصايغ علشان احدد معاه يوم غير انهارده لانك شايف الوضع...قام قالي ان نوح كلمو ولغى معاه خالص وميقدرش ياجي الا لو نوح كلو وسمحلو

نبيل اتنرفز جدا وقال....شوفتي بقولك انسان متسلط....ده مريض المفروض يتعالج 

شروق ضحكت وقالت...يتعالج حته واحده ...طب ايه قولك ان نوح ده زينه الشباب حدانا ...يبقى على كلامك ده  البلد كلها عيانه

نبيل قال بدهشه....انتي  بتضحكي... طب سيبك من التحكم بتاعه ...بس البنت دي المفروض يطلعوا بيها يثبتوا حاله ونعمل محضر قبل ما جروحها تخف ليه مش عايزين تفهمو

شروق اتنهدت  وقالت .....احنا حدانا ما بنتصرفوش كده ...لان احم...لان الموضوع باين عليه فيه عرض....والامةر اللي فيها عرض وشرف لا ينفع تتقال قدام النيابه ولا وسط الناس بنحلوها كده بالود 

وكملت بهمس وقالت.... البت دي تبقى بت عم غنوه ...كمان نوح مصر ان هيه الوحيده اللي تعرف غنوه قتلت جوزها ليه 

نبيل قعد جنبها بسرعه وقرب منها وقال بهمس.... بجد... دي بنت عمها طب مفضلتيش بره ليه مع غنوه لحسن  تروح تتكلم معاها وتودينا كلنا في داهيه

شروق ابتسمت وقالت.... لا متخافش غنوه صوح متهوره بس في الامور اللي تخصها لحالها وعمرها ما تعمل حاجه تأذيني انا وانت

 نبيل قال..... تعرفي..نفسي قوي اعرف السر اللي وراها الفضول قاتلني يعني احنا معاها بقالنا سنتين بس مفكرتش تحكي لنا عن الموضوع ده ابدا .... باين عليه موضوع كبير 

شروق ضحكت وقالت..... انت مستغرب انها بقى لها سنتين معانا ومحكيتش دي راحت للموت بسبب الموضوع ده وبرضك محكتش..دانا بقى عندي فضول  اعرف السبب اللي هيخليها تحكي مش السبب اللي خلاها قتلت

نبيل اتنهد وقال ......هيه على العموم  كانت مجازفه مننا صحيح هيه كويسه معانا ومشوفناش منها حاجه وحشه من وقتها لكن برده احنا عارفين انها قاتله والانسان طالما وسخ ايده بالد..م بيبقى جاهز يعمل اي حاجه

شروق قالت بسرعه.... لاه صدقني غنوه بت طيبه قوي بكره الايام تثبت لك انها مقتلتش كده من غير سبب

نبيل ابتسم وهو بيبص لعيونها وقال ....وانا مصدقك 

شروق ابتسمت وقالت بامتنان...على فكره على سيرة الموضوع ده... انا ملقياش حاجه اقولها علشان اشكرك بيها على وقفتك معانا ....انت حفظت سري وكنت قد ثقتي ....انا لما قلت لغنوه انه محدش هيساعدنا غيرك كنت متاكده انك بجد هتوقف معانا وانت مخيبتش ظني واصل

 نبيل قرب منها ومسك ايديها الاتنين وبص لعيونها بحب شديد وقال.... انا جاهز اعمل اي حاجه علشانك ...اي حاجه جربيني مره واتنين وعشره

شروق سحبت ايدها بكسوف ونزلت عيونها ونبيل اتنهد وقال .....شروق انتي عارفه ان انا دكتور نفسي وبحب شغلتي جدا واكيد عارفه ان مهنتنا دي بتخلينا نقرا الانسان من جوه قبل بره..و لما كنتي بتدربي عندي جديد قولتلك ركزي على العيون انسان مهما كدب عيونه متقدرش تكدب...و انا لحد النهارده ما شوفتش الحب في عيونك ولا مره

 شروق بلعت ريقها بتوتر ولسه هتتكلم قاطعها وقال.... مش عايز منك اي مبررات على فكره مش محتاجهم..انا بس عايزك تعرفي اني جاهز ابقى معاكي لحد ما تحسي بالحب ده وتصدقيه ..ومعنديش مشكله في الوقت سواء كنا مخطوبين او متجوزين او معانا اولاد برده هفضل مستني اليوم اللي اشوف النظره دي في عيونك واتمنى لو تقوليها بلسانك كمان 

شروق اتملت عيونها بالدموع وقالت بوجع..... انا مقابلتش حد في حياتي زيك ...عمري ما حد حسسني اللي حسيته معاك ...حسيت ان ليا قيمه واني مرغوبه ومش ناقصه حاجه ...للدرجة ان ممكن حد يرضى بيا و يستناني كمان 

نبيل استغرب وقال.... ليه بتقولي كده....انتي فعلا مش ناقصك حاجه والف يتمناكي

شروق  ابتسمت بسخريه وقالت..... اهو انت الألف كلهم

نبيل قال بمرح.... لا مش مصدقك ....يعني بعدين لما نتجوز مش هتردحيلي بقى وتقولي لي ده انا كنت حلم ابن الغفير واتقدملي ابن السفير وعاكسني ابن الوزير

 هنا شروق ضحكت جامد من قلبها 

نبيل ضحك بخفه  وقال.... في ايه بتضحكي ليه 

شروق قالت وهي بتحاول تسيطر على نفسها من الضحك..... اصل فعلا ابن الوزير عاكسني.... في دي مكدبتش 

نبيل قال بعدم تصديق.....لا والله

شروق قالت بضحك ...طب وربنا حصل ...بص هحكي لك يامري على اللي جراله

 وبقت تتكلم معاه ويضحكوا سوا و مش واخدين بالهم لحليمه اللي كانت واقفه من بره متغاظه جدا وقالت ......ما بقاش غيرك انتي كمان يا عرجه اللي هتجيبي لنا واحد غريب ياخد الجمل بماحمل...انا طالعه عيني علشان ابعد نوح وانتي تاجي على الجاهز  تقاسمي ولدي ...مهيحصلش يابت هويدا

عند سند كان رايح على اوضته بس وقفته سماح وقالت بغضب ... اللي فهمته صوح يا سي سند ...جايبين لك عروسه وعايزين يجوزوك

 سند فهم من لهجتها انها غيرانه اتنهد بضيق وقال بحزم ....وفيها ايه...طالت ولا قصرت هتجوز ولو مكانتش البت دي هتكون اي واحده غيرها 

سماح قالت بسرعه.... طب وانا سي سند  

سند بصلها بخنقه وقال....انتي ايه...دخلك ايه في جوازي 

سماح قربت منو وقالت...انا كنت فاكره انك بتحبني

سند ابتسم بسخريه وقرب منها حط ايده على وسطها وقال .....ما انا بحبك...للامانه بحب صنفكم كله ...وبعدين انتي حاجه وهيه حاجه تانيه...وانا  قولت لك الكلام ده من بدري كبري دماغك

 ولسه هيمشي قالت بسرعه ...طب ما تتجوزني يا سي سند واهو تكسب فيا ثواب

سند ضحك جامد وقال ....اتجوزك ...و ده باماره ايه 

سماح قالت بسرعه..... عشان انا خدامه يعني 

سند قرب منها وقال بسخريه ..لا ... مش عشان خدامه بس عشان مفيش حاجه نعملوها بعد الجواز ...مفيش جديد يا سماح... اكفيانا حديت في الموضوع ده علشان مش عايز ازعلك

سماح قالت بغضب....بس انا عمري ما كنت مع حد غيرك يا سند وانت عارف

سند قال بخنقه.... الكلام ده تقوليه لواحد مغفل من اللي كنتي معاهم...و بلاش انا يا سماح كلي عيش... اللي بيني وبينك ساعه صفا ...وهتفضل حتى بعد ما اتجوز متقلقيش اهو لزوم التجديد مهو الواحد لو كل كل يوم حلو بيمل لازم يحدق لو يوم واحد في الاسبوع ..اهو انتي هتبقى صحن الملوحه اللي هحدق بيه لو حابه يعني انتي عارفه انا عمري ما جبرتك على حاجه ومن قبل ما المسك كنت صريح و قولتلك ان ده اخرك معاي

سماح بصتلو  بغيظ وقالت....اكده يا سند ...طب ايه رايك مهخليك تلمسني من النهارده ورايح ولاقيلك ملوحه بعيد عني بقى 

سند قال بتريقه.... يا حزني لا بجد يا حزني يا بت ...حلي عن دماغ امي انا اصلا لا بقيت طايقك ولا طايق اي مره من اساسه

ولسه هيمشي مسكت ايده وقالت...طب انت جرب تخليني مرتك وانا هغنيك عن حريم الدنيا كلهم وجرب

سند ابتسم بوجع وقال...الوحيده اللي كانت قادره تعملها راحت...دلوك انتي او غيرك متفرقوش عن بعض ولو اتجوزت هتجوز علشان يطلعو من على دماغي مش اكتر بس متحلميش تكوني مرتي عيبه في حقي 

قال كده ومشي وهي بصت لطيفه بغضب وغل وقالت ...ماشي يا سند انت لسه متعرفش مين سماح 

عند نوح كان قاعد بضيق مستني جنه تبطل بكا علشان يفهم منها حاجه لكن هي كانت بتبكي جامد

اتنهد بخنقه وقال ...يابت الناس ما هو كده ما هنخلصش بطلي نواح  وقوليلي ايه اللي حصل علشان اساعدك

جنه قالت وهيه بتبكي....انا...انا  لما اتجوزت جوزي صادق الله يرحمه حبلت على طول بولدي مصطفى واخواتو كانو كبار ومن وقت ما خلفت وهما كارهيني وكارهين اخوهم مصطفى

 نوح بصلها باستغراب وقال...هو مصطفى ولد صادق..انتي مش بره قولتي ان ولاده عرفو ان الواد مش اخوهم

بقلم.....زهرة الربيع

بس جنه قاطعتو وقالت بسرعه..لاه..لاه اخوهم انا ولدي مش ود حرام...هما هما عايزين يضللو ويقولو انو مش ولدهم كدابين..ده حتى كان احب واحد لابوه الله يرحمه انا ولدي مش ود حرام

نوح بصلها بشك وعدم تصديق وقال...بس انتي قولتي انو مش ولده

جنه قالت بسرعه و...ها..انا لا مقولتش ده ده تلاقيه من كتر الضرب مشايفش عملو فيا ايه...منهم لله..انا انا عايزه ولدي يا عمده

نوح اتنهد وقال....طيب يا جنه ولدك علشان يرجعلك لازم تبقي صادقه معاي...علشان اعرف ارجعو..وتجاوبيني من غير ما تخبي..بلاش تعملي زي بت عمك اللي فضلت تداري علينا لحد ما راحت فطيس

جنه بلعت ريقها وقالت بتوتر..انا مهخبيش عليك واصل يا عمده

نوح ابتسم وقال...جدعه اكده نعرف نرجعوه  ..قوليلي بقى مين ابو ولدك اتكلمي متخافيش وانا هبيتو في باطك الليله

عند غنوه كانت سمعت كل كلام سماح مع سند ومشيت وراه بغيظ وقبل ما يدخل اوضته قالت بغضب ...استنى عندك

 سند بصلها باستغراب وقال ....عايزه ايه انتي كمان 

غنوه قالت بغضب ....انا مش مصدقه اللي سمعته عايز تتجوز وبعد كده تفضل على علاقاتك الوسخه مع واحده تانيه انت ازاي كده

 سند بصلها بذهول وقال....ده انا الللي مش مصدق اللي بسمعه ....انت مال امك...بتتحشري في حياتي ليه 

غنوه قالت بغضب.... انا سمعتك بالصدفه و كلامك ما عجبنيش ..هما الستات دول طقم شرابات عندك بتبدل فيهم اما كلامك مقرف صحيح

سند غمض عينيه بضيق شديد ودفعها عند الحيط و بص لعينيها باستفهام وقال.... انتي عايزه مني ايه ...من وقت ما وصلتي وانتي بتدخلي في حياتي وكل ما تشوفيني مع سماح تتعفرتي ...ما يكونش حب من اول نظره ده.... طب انا ما لحقتش نظرت مش توريني جمالك علشان يبقى الحب متبادل 

ومد ايده هيرفع النقاب بس غنوه دفعته وقالت بغضب.... لم ايدك لتوحشك

سند ابتسم على طريقتها وقرب منها قوي وقال.... اعرف واحده تشبهك قوي تشبهك في كل حاجه نفس نظرات العيون نفس القوه ونفس اللسان الطويل وهي كمان كانت تدخل في حياتي كده من غير ما افهم ليه ...كانت بتعاملني على اني حاجه تخصها بمزاجي او غصب عني 

وقرب منها قوي وحط ايده على وسطها وقال...تعرفي  حتى نفس الجسم ولو اني كنت فاكر ان متخلقش منو اتنين  بس سبحان الله انتي تشبهيها..او يمكن لاني اتوحشتها قوي

غنوه لمعت عيونها بالدموع وقالت... مين دي... حبيبتك 

سند بلع ريقه بحسره وقال ...ملحقتش اعرف مين دي ولا تخصني في ايه ....الله يرحمها 

قال كده ومشي بحزن شديد 

وغنوه فضلت متابعاه بعيونها بابتسامه جميله وراحت على اوضتها وهي بتفكر في كلامه وبتحاول تلاقي طريقه تعرفه بيها انها عايشه من غير ما تأذي شروق ونبيل

بس فاقت من شرودها و اتجمدت مكانها بصدمه شديده لما سمعت حليمه بتقول ....غنوه 

فضلت ثواني مش قادره تتحرك مش عارفه تنطق لحد ما حليمه وقفت قدامها وبصت لها بانتصار ونظره شر متتوصفش ورفعت الحلق قدامها وقالت.... حلقك وقع منك يا بت الجزار ووووو

غنوه اتجمدت مكانها لما حليمه نادتها باسمها الحقيقي ..بقت مش قادره تنطق ولا تتحرك من مكانها

 حليمه ابتسمت بخبث ووقفت قدامها وقالت..... حلقك وقع منك يا بت الجزار 

غنوه بلعت ريقها بتوتر شديد وحاولت تنكر وقالت...احم  رقيه ...اسمي رقيه 

حليمه ضحكت جامد وقالت.... ما خلاص عاد انتي طول عمرك ذكيه واكيد فهمتي اني كشفتك ملهاش لزمه الملاوعه دي...بس عارفه هتجنن من امبارح من اول ما فكرت ان ممكن تكوني عايشه كيف حصل ده ولا اكونش انا اللي مت وبتحاسب دلوك 

غنوه اتنهدت بيأس وفهمت ان خلاص ما فيش فايده من الانكار وقالت ...ده موضوع يطول شرحه يا حليمه..جيبي من الاخر عايزه ايه

حليمه قالت بغضب رهيب....عايزه  اسلمك لعزرائيل بيدي واتاكد المره دي انك موتي ومن غير رجعه 

غنوه قالت بضيق ....وهتستفيدي ايه 

حليمه قالت بغل ....ده انا هستفيد كثير اول حاجه اخد تاري منك اللي معرفتش اخده لما قالولي انك موتي

غنوه قالت باستغراب...تارك..ليه انا عملتلك ايه انتي كمان

حليمه قالت بغضب...عملتي ايه عملك اسود ومهبب ... بعد ما كنت هبلف الواد الحيله وارجعوا تاني تحت باطي واقوله ان كلام اخوه في حقي كله كدب اتاريكي انتي حكياله كل حاجه قبل ما تعملي تمثيلية موتك... قولتي له ان انا اللي حطيت شروق في اوضة نوح قولتي له ان انا عدوته الوحيده انا مهعديش اللي عملتيه ده سند لغاية دلوك مبيكلمنيش زين بسببك

غنوه قالت  بضيق .... سواء اتكلمت او متكلمتش ولدك مسيره كان هيعرف وهيفهم ان اي اذى في البيت ده بسببك ومن تحت راسك

حليمه بصت لها باستغراب وقالت ....هو انتي كيف غيرتي صوتك كده وعمال تتحدتي ويانا ومحدش عارفك واصل محدش قال لي ان الموت بيغير الصوت

غنوه نفخت بضيق وزهق وحليمه قالت..ما علينا استعدي عشان هفضحك واجرسك انتي والعصابه اللي معاكي اللي كانوا بيحموكي انا هفرجكم ....حضرتك عايشه حياتك ومتهنيه على حساب ولدي اللي اتكسر وجننتوه بسبب لعبتكم 

 غنوه اتوترت من كلامهاو قالت ...ولدك لو صوح معايزاش تكسريه متخليهوش يعرف حاجه ... عشانه هو يا حليمه مش عشاني

حليمه ابتسمت بخبث وقالت.... تدفعي تمن انه ميعرفش 

غنوه بصت لها باستغراب وقالت.... عايزه ايه 

حليمه قربت منها وقالت بهمس.... تقتلي نوح... اشتري عمرك بعمره ..قولتي ايه

غنوه اتسعت عنيها بذهول وهيه مش مصدقه اللي سمعته

تحت عند نوح كان عنده امل جنه تتكلم بس للاسف بتقول نفس الكلام

ابو الولد صادق واخواته عملو كده علشان ميورثش معاهم

نوح قعد وحط رجل على رجل وقال بسخريه....اممممم وايه كمان

 جنه بصت له بدموع وقالت....انت ممصدقنيش...طب هتجيب لي ولدي

نوح قال بخنقه ....انا قولتلك  اتكلمي علشان اعرف اجيبهولك وانت ما راضيهاش تقولي الواد ده واد مين عشان اعرف اجيب لك حقك..و شكلنا مهنخلصوش وهنفضلو هنه كتير

جنه وقفت وقالت بغضب ودموع ....قولتلك صادق ابوه...انا ولدي ولد حلال انا عمري ما كنت خاطيه... عمري ما عملت حاجه غلط انا ولدي مش ود حرام

وحطت ايديها على وشها وبقت تبكي بشده وهي بتقول ....انا عايزه ولدي معايزهاش غيره  من الدنيا ....هاخده وامشي من هنه ومعايزاش منهم حاجه بس يرجعهولي 

 نوح اتنهد وبان الحزن على ملامحه وقال بحسره ...انتي فاكره انك لو هربتي من كل ده الناس هتنسى...محدش هينسى يا جنه وهتفضلي في نظرهم هربتي بعد اللي اتقال عليكي وانو لو كان غلط مكنتيش هربتي... وكل واحد هيفضل بكلمته والسمعه هتطول ولدك مهما حمتيه هيفضل يتقالو ياود الخاطيه مهما علي مركذه

بقلم....زهرة الربيع

جنه بصتلو بحزن وهو اتنهد وقال... لكن لو اتكلمتي وقولتي الحقيقه ممكن نلاقي حل سوا

جنه  نزلت عينها بحزن وكسوف وفضلت ساكته

 وهو اتنهد وقال .....ماشي انا هرجعهولك بس لازم تعرفي انك كده ما بتحميش ولدك...  انتي كده هتعيشيه مقطوع عمره كله وبردك السمعه دي هتفضل لحقاه..وبراحتك بعد كده

قال كده ومشي وهي فضلت تفكر في كلامه مش عارفه تعمل ايه 

عند غنوه اتصدمت بكلام حليمه وقالت بصدمه.... انتي قصدك ايه.... انتي عايزه تقتلي نوح 

حليمه قالت بسرعه.... لا عايزاكي انتي اللي تقتليه... انتي واحده ولا حد هيحاسبك ولا حد عارف انك عايشه من اساسه ..انا مجهزه كل حاجه ...معايا دوا هتحطي له منه جرعه زياده وتديهوله باي طريقه وبس كده و لما يموت انتي مش بس  هتبقي اشتريتي عمرك لا كمان انا هديكي مبلغ حلو تسافري بيه وتعيشي حياتك على رواق.. قولتي ايه

غنوه ابتسمت لها بطريقه مش مفهومه وفي ثواني مسكتها من رقبتها بغضب شديد و دفعتها عند الحيط وقالت بغضب... انا مش هقول لك اني رافضه طلبك ياحليمه... لا انا هقول لك لو حصله اي حاجه حتى لو مش انتي اللي عملاها هتلاقيني في وشك  ...جربي تقربيله هو ولا اي حد من البيت ده اقسم بالله اطلع بروحك فيها فاهمه

حليمه بقت تحاول تفك ايدها وهيه بتتخنق و بتكح بشده

بس غنوه كانت مسكاها بقوه وقالت بتحذير.... اشتري الكام يوم اللي فاضلينلك ..وعيشيهم براحه بدل ما اقول لهم على الاعيبك دي وميهمنيش اي حاجه واخليكي تتشردي في الشوارع..... الناس دول مش بس دفعوا عني وحاولوا يحلوا مشكلتي لا دول كمان خسروا ياما بسببي وجاهزه اخسر عمري علشانهم ..سمعتي

قالت كده ودفعتها بغضب ومشيت 

وحليمه قعدت على اقرب كرسي وهيه بتحاول تاخد نفسها وبتبص لطيفها بغل وحقد شديد وقالت بتعب....ماشي يا لمامة الشوارع الحق عليا اللي عملتلك قيمه ...اتلقي وعدك مني عاد

 عند نوح كان هيطلع على اوضته وسمع صوت ضحك جاي من اوضة الجلوس بص لقى شروق قاعده مع نبيل وبيهزرو دخل بغضب وقال.... انا بقول نقفل البيبان والشبابيك احسن علشان تاخدو راحتكم

 نبيل واقف بخنقه وقال...... يا رب صبرني عليه... هو احنا مش المفروض قاعدين في اوضة الضيوف... ولا انت ظبطتنا في اوضه النوم علشان تتكلم بالوقاحه دي

نوح قرب منه بغضب شديد وقال ....لهو انت متخيل لو ظبطتك في اوضة النوم  هوقف اتساير وياك  واخد وادي كده 

شروق قالت بضيق.....ملوش لزوم الكلام ده يا نوح ....كل واحد هنا كبير وواعي وعارف الصح من الغلط واللي ينفع من اللي مينفعش 

نوح بصلها بغضب وقال.... لا وانتي واعيه قوي الصراحه... قاعده معاه كده من غير اي محرم معاكم ولا كأنكم جوز عرسان في شهر عسلهم لا وبتبجحي كمان

شروق لسه هترد بس نبيل اتنهد وقال....استغفر الله العظيم يا رب.... يا بني ادم انت والله متخلف بقول لك بجد انت مريض عندك مشاكل صدقني كل ما تعرف اسرجع احسن ليك....طب بص كده

و طلع كارت من جيبه ومدو عليه وقال ...بص اسمع مني وشرفني في العياده في القاهره هتستفيد صدقني وعارف عشان حالتك مستعصيه انا ممكن اعمل لك جلسه هنا على حسابي

نوح قال ببرود... الكارت ده تحطه لا مؤاخذه في جيب بنطلونك الوراني ...وحاول متقعدش كتير مع المجانين اللي زيي عشان متحصلهمش 

نبيل لسه هيرد نوح قال بسرعه...صوح انت قاعد هنه لحد دلوك ليه.... انت مش جيت واتعرفت واتونست مع نسايبك اللي لسه معارفينش اذا كانوا هيناسبوك ولا لا ...ولا انت ناوي حتى بعد ماتتجوزها تبلط هنه....وتزورنا 13شهر في السنه وتقول حق مرتي بقى وكده....اصلي شامم ريحة نطاعه في الموضوع

 شروق شهقت بذهول وقالت..... نوح... ايه اللي بتقوله ده 

نبيل بصلو بغضب وقال....سيبيه  يا شروق الظاهر ان العمده خايف على فلوسه او بمعنى اصح خايف على فلوسه وفلوس غيره...على العموم متقلقش يا عمده  انا ولا داخل على طمع ولا مستني حاجه من شروق...و لو قعدتي هنا مضايقاك مش مشكله انا ممكن امشي من النهارده 

نوح وسع كده وشاور على الباب وقال..... الباب من هنه والمخرج انت عارفه زين

 شروق قالت بغضب ....نوح... زودتها قوي في ايه من ميته بتتصرف كده 

نوح قال بغضب ....انتي متدخليش في الموضوع ...انا جواز مش هجوزك ...هتفضلي هنه تحت عيني ولما تخلص اجازتك نبقى نشوف هنكمل الدراسه ازاي 

نبيل اتنرفز جدا من كلامه ومبقاش طايق يقعد  ثانيه كمان وقال .....عن اذنك يا شروق.... كده كفايه قوي لما تبقي تكلمي ابوكي اللي هو مسؤول عنك في موضوعنا ويوافق ابقي كلميني هجيب عيلتي ونطلبك رسمي 

وطلع بسرعه علشان يلم هدومه

 بس شروق جريت وراه وهيه بتقول...نبيل..يا نبيل استنى

ولسه هتطلع وراه نوح مسكها من ايدها وقال بغضب ....استني هنا رايحه وراه فين هو طالع اوضته يمكن هتطلعي وراه اوضته كمان

شروق زقت ايده بغضب وقالت ....انت بتدخل في حياتي كده ليه.... هو انت حالف يمين ما تشوفنيش مرتاحه واصل 

نوح وجعتو الكلمه دي وقال بحزن..... انا معايزش اشوفك مرتاحه يا شروق ...ده انا ياما بديت راحتك على راحة البيت كلو بما فيهم انا....بقى كل العمر محتيه ومفكراش فيه غير الكام يوم اللي زعلتك فيهم

شروق قربت منه وقفت قصاده بالظبط وقالت بغضب شديد ....بالظبط كده مفكراش....اللي انت عملته في الكام يوم دول هو اللي مسح العمر كله مش انا اللي مسحته ...وبعدين انت مضايق نفسك ليه يا سعاده العمده ...ولا اكمن العرجه اللي متنفعكش ولا تليق بمقامك  لقيت اللي يقدرها ويحطها فوق راسه...  مضيقاك قوي دي مش كده

نوح بص لها بذهول ولسه هيتكلم قالت بغضب ....مالك مش دي الحقيقه... مش انت كانت عاجباك بت الوزير اللي قارنتني بيها وقولتلي بصي انا خاطب مين عمري ما هبصلك ... ولا اكمنها باعتك من اول وقعه ليك وشافت انك متستاهلش توقف معاك اصلا ....عرفت قد ايه انت فاضي وملكش اي لازمه ومن غير مركزك متسواش مليم

 نوح كان مصدوم بكلامها وبصلها  بغضب شديد بس حاول يضبط اعصابه وقال ....انا صابر عليك علشان عارف انك مخنوقه ورايد تطلعي اللي جواكي...بس مش هصبر كتير لان لسانك طول قوي يا شروق 

شروق قالت بغضب...ولسه هيطول ويطول... انت ملكش حكم عليا انا مبقيتش قاصر ...وعمري ما هرجع تاني لذمتك مبقيتش تلد عليا ولا تعجبني.... خد بالك من الفرق الكبير بينا يا جناب العمده ... انا دلوك واحده دكتوره وميليقش بيا غير دكتور زيي 

ومن سني 

نوح قال بغضب بيحاول يسيطر عليه...طب اخرسي دلوك وانجري على اوضتك  

شروق قالت بغضب شديد.... انا صوح ماشيه ...بس مش على اوضتي ..انا هارجع مع نبيل.... المكان اللي اتطرد منه انا مليش قعاد فيه 

قالت كده ومشيت وهو طلع وراها وهو بيقول بغضب...طب ابقي عتبي عتبه الباب علشان اكسر رجلك يا شروق

في الوقت ده غنوه راحت المكتب لجنه ودخلت وقفلت الباب وراها 

جنه بصت لها باستغراب وقبل ما تتكلم غنوه كشفت وشها 

جنه اول ما شافتها جريت عليها وبقت تحضنها بحب وهي بتبكي وقالت ....عرفوا كل حاجه عرفو و اخدوه مني يا غنوه اخدوه مني وقالو هيموتوه

 غنوه قالت بسرعه.... اهدي يا جنه ومتخافيش انا كلمت اخوي حميد دلوك هنطلع من هنا عليه وهنروحو نجيبو ولدك ..لازم نمشي من هنه بسرعه لان انا كمان اتكشفت 

جنه ضربت على صدرها وقالت..... يا لهوي عرفو انك لسه عايشه 

غنوه قالت بتوتر....العقربه اللي اسمها حليمه عرفت واكيد هتقول لحسنين خلينا نمشي من هنه بسرعه لازمن امن على نبيل وشروق علشان ميتورطوش معاي...وامنك انتي وولدك كمان وبعدها هرجع هنه علشان اللي حصل لسند ونوح بسببي هما ملهمش ذنب في مشاكلي...هرجع حتى لو هسلم نفسي لحسنين

بقلم...زهرة الربيع

جنه قالت بذهول....انتي بتقولي ايه اتجنيتي اياك ...عمري ما هسيبك تاجي للموت برجلك

غنوه قالت بتوتر...مش وقته مش وقته يا جنه خلينا نطلعو من هنه وتتسهل ولسه هيطلعو من المكتب بس دخل سند وهو بيقول بغضب.... اللي اسمه نوح فين..... يعني مكفاهوش عايز يجوزني اجباري كمان بيديهم رقم تلفوني مين قلو عايز اكلم حد انا 

غنوه بصت له بذهول وقالت.... احنا... احنا مشوفناش نوح ... طلع من بدري

سند خد بالو لانفعالو وقال...احم...انا فكرتو هنه 

غنوه مسكت ايد جنه وقالت بسرعه....معلش حصل خير...انت استناه هنا و احنا كده كده كنا ماشيين ولسه هيطلعوا من الباب

بس سند مسك ايد غنوه وقال... عايزك شويه 

غنوه اتوترت بس هزت راسها لجنه بالموافقه وجنه طلعت من المكتب 

سند قفل الباب وقرب من غنوه وقال  باستغراب....ايه معرفتك بجنه ..خير ان شاء الله طالعين سوا ولا كانكم اصحاب وعشره

غنوه حاولت تبان طبيعيه وقالت....عيزاها تحكي معايا مش اكتر انا وشروق عندنا خبره في المجال النفسي وعرضت عليها نساعدها

سند ابتسم بسخريه وقال...شيلي مناخيرك من الموضوع ..دي ام ولدها متاخد منها ومهيساعدهاش غير انه يرجعلها بلاش الحشريه اللي  في طبعك دي

غنوه اتنهدت ولسه هتنطق سند سبقها وقال...ده مش موضوعنا دلوك....انا عايز اسألك كنتو بتقولي ايه لامي  شوفتكم واقفين مع بعض

غنوه اتوترت جدا وخافت يكون شافها لما خنقت حليمه ومبقتش عارفه ترد

في  الوقت ده كان نبيل نزل ومعاه الشنط بتاعته 

بس شروق وقفته وقالت بسرعه .....استنى حبه يا نبيل انا كمان هجيب شنطي و جايه وياك

نبيل قال بضيق.... لا يا شروق انتي هنا اهلك ومينفعش تسيبيهم.... وانا هبقى اتواصل معاكي على طول واكيد هرجع تاني عشان اخدك من هنا 

بس شروق قالت باصرار ... وانا بقول لك ماشيه معاك رجلي على رجلك هجيب الشنط واقول لرقيه اننا ماشين واسلم على ابوي وامي ونطلع على طول

نوح  قال بغضب..... طب عظيم بيمين  لو هوبتي ناحية الباب لاعلقك عليه 

نبيل قال بغضب ....طب يمين على يمينك لو قربت منها لاكون متأبد فيك النهارده 

نوح بصله بغضب شديد ونظره مخيفه

هنا شروق اتوترت قوي لانها اكتر واحده فاهمه النظره دي قالت بسرعه...نوح لا ..حاسب يا نبي...

بس مكملتهاش وكان نوح ضاربه بوكس قوي وقعه على الارض نبيل اندهش باللي عملو و وقف بغضب ولسه هيشتبكوا 

 نجاتي دخل جري وقال بذهول.... الحق ياجناب العمده الحق حسنين جاي ومعاه عربيات كتيره ورجاله وسلاح

نوح بصلو بدهشه وقبل ما يسأله دخل حسنين وقال بغضب... بت الجزار فين يا عمده....طلعها خلاص لعبتكم اتكشفت انا مهمشيش الا لما اخدها وياي وياقاتل يا مقتول

 شروق اتصدمت بشده وهيه ونبيل بصو لبعض بقلق

اما نوح كان مستغرب قوي وقال بدهشه.....بت الجزار...جزار مين....انت كنت نايم وبتحلم ولا نفسك راحت للزفر ولا ايه  

عند غنوه  في المكتب قالت بتوتر..وانت...وانت مالك كنا بنقول ايه ....اتنين ستات واقفين مع بعض..اما بني ادم غريب

سند ابتسم  بسخريه وقال ....ستات واقفين مع بعض... يعني مكنتيش بتتحدتي وياها في سيرتي... مكنتيش بتقولي لها على الكلام اللي دار بيني وبين سماح

غنوه ارتاحت لما فهمت انو مشافهمش لما اشتبكو قالت بخنقه...نشفت ريقي ...وانا مال اهلي بيك ولا بسماح

سند قرب منها قوي وقال ......يعني...يمكن فاكره بكلامك معاها ممكن تجبرني اني اتجوز واحده زي دي متتعبيش نفسك انا محدش يقدر يجبرني على حاجه...بلاش تعملي فيها ناصرة المظلومين

غنوه اتنهدت بضيق وقالت.. اولا واحده زي سماح عمري ما انصرها ولا اعتبرها مظلومه....هي اللي رخصت نفسها ليك ووصلتك انك تستحقرها للدرجه دي.... اكيد حتى لو في ايدي اساعدها مش هساعدها....تاني حاجه بقى مين قال لك اني انا عايزاك تتجوز اصلا....انا ولا عايزاك تتجوز سماح ولا عيزاك تتجوز البت اللي كانت هنا الصبح 

سند قرب منها قوي وقال...امال عايزاني اتجوز مين يا حلوه .

....مش انا قولتلك قبل كده اني داخل مزاجك قولي ما تتكسفيش.... الحب ملوش ظروف... ولا يعرف كسوف

غنوه ضحكت وقالت....انا مش فاضيه ورايا شغل مستعجل...وبعدين انت اصلا كنت رافض العروسه...رفضتها ليه بقى عايز واحده غيرها

سند اختفت ابتسامته تدريجيا وقال بوجع....ولا هيه ولا غيرها....هو...احم..هو  انتو كلكم يعني نبيل وشروق وكده مش انتو  دكاتره نفسيين... تعرفو تدوني دوا يخليني انساها تعرفو تخلوني اشيلها من دماغي.... انا ..انا تعبت مبقيتيش بفكر غير  فيها....اتعب وقلبي يوجعني واقول هنساها بس ارجع واقول انساها كيف ..ده اجمل وقت بقضيه في يومي لما اقعد لحالي وافتكرها ...كلامها ونظراتها كل حاجه فيها وحشاني معارفش...معارفش ميته ...ميته بقت هيه ونسي الوحيد

 غنوه اتاثرت جدا ونزلت دموعها بحزن خصوصا انها مضطره تسيبه تاني

ولسه هتتكلم سمعو صوت حسنين زعق بغضب وقال... طلعوها من هنا بدل ما ننسى انك عمده البلد وندخل نفتش الدار كلها طلع بت الجزار اللي انت مخبيها عنديك

غنوه غمضت عينيها بحسره ويأس واتاكدت ان حليمه قالت له وخلاص مش هتعرف تطلع ولا تنقذ شروق ونبيل

 بس سند اندهش من اللي بيسمعه وقال بغضب شديد ....هو الراجل ده خرف ولا ايه..... مكفاهوش كل اللي عمله كمان رجليه جابته لحد هنه وبيسأل عن واحده عضمها اكلتو التربه ...جيه لقضاه المره دي

 ولسه هيطلع غنوه  مسكت ايده وبصت له بدموع وقالت... حقك عليا يا سند ....حقك على راسي يا ود الناس

سند بص لها باستغراب بس ارتعش كل جسمه بصدمه شديده لما رفعت النقاب وشالت المايك وقالت بدموع ...سامحني يا  سند سايقه عليك حبيبك النبي تسامحني

سند حرفيا عقله اتوقف لما شاف وشها ورجع خطوات بذهول وصدمه متتوصفش ووووووو

شالت النقاب من على وشها وقالت والدموع بتلمع في عيونها.. حقك عليا يا سند.... سايقه عليك النبي تسامحني

 اما سند كان حرفيا دماغه كأنها اتشلت ولا مصدق اللي شايفه ولا قادر ينطق بقى يبص لها بذهول شديد ودموعه بتنزل تلقائيا 

غنوه صعب عليها حاله جدا حاولت تقرب وهي بتقول.... سند...انت زين اتكلم ...قول حاجه متوجعش قلبي عليك

 بس سند رجع لورا وهو لسه محتفظ بصمته و بيبصلها كانه ماصدق شافها

 واخيرا نطق بالعافيه وقال..انتي... كيف.... انا ..انا صاحي مش كده ....انا متاكده اني صاحي

 غنوه قالت بسرعه... انت  صاحي ..وانا عايشه محصليش حاجه يومها

و قربت منه ومسكت ايده وقالت بدموع....فيه حاجات كتيره حصلت معايا ومعاكم ...بس...والله والله انا ما كنت اعرف باللي حصلك انت ونوح...انا ...

بس قاطعها سند لما قال بلهفه ودموع وكانه اخيرا حس بالموقف ...غنوه...غنوه انتي عايشه..عايشه مموتيش..انا .انا مقتلتكيش انتي معايا هنه معايا

وشدها لحضنه بقوه وبقى يحضنها بكل قوته كأنه هيخبيها بين ضلوعه وبكى بقوه بطريقه توجع القلب

 غنوه كمان بقت تبكي وهيه بتقول ....حقك عليا.... سامحني ..انا اسفه حقك على راسي

سند غمض عيونه وبيحاول يصدق انها خلاص بين ايديه... حاجه متخيلش انها ممكن تحصل مره تانيه... لحظه اتمناها كتير وكان شايفها من المستحيل 

بس فاق من دوامة مشاعره على صوت نوح بيزعق من بره وبيقول.... طب خلي حد فيكم يعتب جوه السرايا وانا اقطع رجله الاتنين ...ايه ياراجل يا خرفان كبرت وجنيت وعايز تجننا وياك بتسال على واحده ماتت من سنتين هيه ناقصه هبل على   الصبح 

 في الوقت ده غنوه وسند بعدو عن بعض وسند بصلها بدهشه وقال ....كيف عملتي كده.... كيف دوستي على الكل علشان تعيشي هنا عليكي كلنا يا غنوه ...وانا ...انا كمان هنت عليكي

غنوه قالت بسرعه ودموع....لاه...لاه والله ولا عمرك تهون... بس مكنتش عارفه حاجه مكنتش عارفه انك زعلان كده عليا وانك.. 

بس سند قاطعها بغضب وقال....معايزش اسمع منك ولا كلمه ...و متطلعيش واصل لغاية ما نحلو البلوه اللي بره و اللي زي العاده بسببك ...بعديها راجعلك و لينا كلام كتير مع بعض

و لسه هيمشي مسكت ايده بسرعه وقالت بحزم ....لاه يا سند كفايه كده ...معيزاكمش تساعدوني تاني..كفاياكم  اللي حصلكم من تحت راسي

سند بص لها بسخريه وقال..... كويس انك عارفه ان كل البلاوي من تحت راسك

غنوه قالت بسرعه..... عارفه ....عارفه ومهسيبكمش تتورطوا اكثر من كده..انا هاحل كل حاجه ...هروح معاه وكده  ميبقالهمش عندكم حاجه تاني

سند قلبو اتنفض لما قالت كده وانو ممكن يخسرها تاني ولسه هتمشي مسكها بسرعه وقال...اتجنيتي اياك  عايزه تروحي  للموت برجلك....قولتلك تترزعي هنه واوعي تعملي صوت و

 بس غنوه قاطعتو لما شدة ايدها من ايده وبصتله بدموع وقالت ...مكنتش عايزه اكثر من كده يا سند واللي عيزاه اخدته....انت كنت كل مطلبي من ربي ...بس هوصيك وصيه واحده انك بس تحاول تسامحني على اللي عملته حاول تفتكرلي الزين ...لو كان فيه يعني

قالت كده ومشيت بسرعه وسند جري وراها وهو بيحاول يوقفها وبيقول.... غنوه.... غنوه استنيييي

 في الوقت ده نوح كان بيقول بكل ثقه ....قلت لك مش موجوده هنه ..دي واحده ماتت من سنتين كيف هتكون موجوده عندي ولا عايزني احلف لك يعني علشان تصدق

...اسمع زين انا راجل دغري وطول عمري كلمتي واحده و اما اقول لك البت دي خلاص ماتت تبقى خلاص ماتت ما تجيش تفتح في القديم بدل ما تحصلها 

بس قاطعته غنوه لما قالت بكسوف وتوتر.... نوح بيه

 نوح التفت لها بصدمه واتسعت عيونه بشده وقال بذهول .....اعوذ بالله من الشيطان الرجيم... بسم الله الرحمن الرحيم 

هنا نبيل حط ايده على دماغه وشروق ضربت على خدودها بقلق

وحكم وهويدا كمان اتفزعو

غنوه اتكلمت بسرعه وقالت.... انا مكنتش ميته... بس كنت متخبيه ...ومفيش حد هنه له دخل ...انا ..انا دخلت البيت من وراهم ومحدش كان يعرف..والمهم عندكم تاركم وانا جايه معاكم

 نوح كان مصدوم بشده ومش مصدق اللي بيسمعه ولا متخيله وبص للبسها وشكلها واتأكد انها هيه البنت اللي كانت مع شروق وهنا التفت لشروق بحده ونظره رعبتها وخليتها استخبت ورا نبيل بسرعه 

الحركه دي ذادت من غضب نوح اضعاف 

بس انتبه على كلام حسنين اللي ابتسم بسخريه وقال ....يعني طلعت في بيتك يا عمده ....يا ابو كلمه واحده

هنا نوح بقى في موقف لايحسد عليه وشروق بصت عليه بخوف وخجل من ورا نبيل وهو بصلها لثواني وهز راسه باسف واتنهد وقال...طلباتك يا حسنين

حسنين قال ....مليش طلبات اكده اخرنا مع بعض هناخد البت دي من هنه بسكات..ولو اتدخلت اكتر من كده في الموضوع مهيحصلش طيب واصل

 نوح احتدت عنيه بغضب من طريقه كلامه وقال....كاني سامعك بتهدد يا حسنين

 حسنين اتوتر من نظرته بس قال ....احم...مبقاش في حاجه بينا علشان نهدد يا عمده.... البت دي تلزمنا وده حقنا اللي قاله ربنا العين بالعين والسن بالسن... وانا هعمل نفسي مصدق انك مكنتش تعرف انها هنه

 غنوه قالت بسرعه ...قولتلك محدش يعرف وانا جايه معاك لازمته ايه اللت والعجن بتاع الحريم ده ....بس هقول ايه ما انتم عيلتكم كلها حريم في حريم 

حسنين بصلها بغضب وقال....ورحمة ولدي في تربته ما هموتك بالساهل هخليكي تتمنيه

غنوه قالت بقوه وغضب...متتعبش روحك يا حمايا انا اتمنيت الموت من يوم ما اتجوزت ولدك الحيله

حسنين بصلها بغضب شديد وشاور للرجاله بتوعه علشان ياخدوها 

بس في الوقت ده سند وقف قدامها بسرعه وقال...محدش يقرب منها ...غنوه مهتمشيش من هنه ولو لك حق روح للمحكمه خليها تجيبهولك 

حسنين بص لنوح وقال بغضب ....سامع يا عمده

 نوح مكانش عارف يعمل ايه في الموقف ده وقرب من سند وقال بحزن عليه.... سيبهم ياخدوها يا سند....كفايه قوي اللي حصل قبل كده ...كفيانا عاد

بس سند قال بقوه....على جثتي  مهتروحش مكان... اكيد ما هنسبهمش ياخدوا واحده من اهل بيتنا..و لو شايفها تنفع يدخلوا بيتنا وياخدوا واحده من حريمنا انا هوافقك يا ود ابوي

نوح بصلو باستغراب وقال ....اهل بيتنا ..ومن حريمنا كيف 

بس سند صدم الكل لما مسك ايد غنوه وقال ...انا كنت عارف ان غنوه عايشه ...وكاتب عليها ....هيه مرتي على سنه الله ورسوله

نوح مسح على وشه بذهول وهو مش مصدق المهزله  اللي بتحصل 

وغنوه بقت تبص لسند بصدمه 

وحليمه داست على اسنانها بغضب وغيظ وهيه مش عارفه تعمل ايه في ابنها اللي بيبوظ كل خططها

حسنين اتنرفز جدا وفجأه رفع السلاح بتاعه في وش سند وقال بغضب شديد ....يبقى هتترمل يا ود الحاكم 

بس في اقل من ثواني نوح سحب السلاح بتاعه في وش حسنين وقال بغضب شديد......بتعمل ايه انت..بتعمل ايييه... شكلك راجل كبرت وخرفت يا حسنين نزل سلاحك

 حسنين اترعب منه بس ما كانش عايز ينزل سلاحه بعد ما رفعه قدام رجالته 

بس نوح اجبره لما ضرب رصاصه عند رجله وقال بغضب شديد ....التانيه في نص راسك قولتلك نزل سلاحك

حسنين نزل سلاحه بخوف ونوح قال بغضب ....بترفع سلاحك في وش اخوي في داره مكفاكش داخل عندنا برجاله  وسلاح والله وقلبك قواك يا حسنين 

حسنين قال بتوتر...مشايفش اخوك عمل ايه

 نوح قال بغضب....يعمل اللي عايزه... وبعد اللي انت عملته تاخد بعضك وتغور من هنه قبل ما اخلص عليك ... البت دي بقت تلزمنا وتارك معانا احنا  لو قدرت تاخده محدش هيمنعك يلا غور من وشي 

حسنين بصلهم بغضب وقال..... كده يا عمده ....ماشي بس الموضوع مخلصش هنه وانا مهسكتش واصل عن حق ولدي...بينا يا رجاله

و اخذ رجالته ومشي بغضب

 اول ما طلع نوح قعد على الكنبه بذهول وصدمه من كل اللي حصل 

وغنوه اتكلمت بالعافيه وقالت بكسوف شديد....نوح بيه ..انا.. انا قسما بالله ما كان عندي علم باللي حصل طول السنتين اللي فاتوا دول... مكنتش عارفه لا باللي حصل لك ولا اللي حصل لسند والله 

نوح بصلها بحده وقال.... بس اخوكي كان عارف 

بقلم...زهرة الربيع

ووقف وقرب منها بغضب شديد وقال ....حميد اخوكي كان عارف انك عايشه ..وبردك عمل اللي عمله في البلد صوح ولا هو كمان ما كانش عارف

غنوه مبقتش قادره تتكلم وترد عليه بس زعق فيها بغضب وقال ....ردي عليا ...كان عارف ولا لا

غنوه هزت راسها بالموافقه بسرعه وقالت...كان عارف... انا مهبررش اللي عمله.... بس هو يعني مكانش عايز حد يعرف اني لسه عايشه مكانش قاصد ياذي

 نوح بصلها بسخريه وقال.... لا والله ....اسباب مقنعه بردو 

وبص لسند بغضب وقال ...وانت...ايه اللي عملته ده ليه قولت كده قدامهم عاجبك اللي حصل

سند حمحم وقال ....احم..انا...انا مكدبتش يا نوح انا

 بس قاطعو نوح لما زعق فيه بغضب وقال.... انت بتضحك على مين... ها عليا انا...على نوح ....بقى كنت عارف انها عايشه ومتجوزها كمان لا ومستني مني اصدقك كيف ما هما صدقوا..ليه اهبل شايفني قدامك...مش هي دي نفسها اللي كنت هتموت عليها وقربت تجن و

 بس سند حط ايده على بقه لانه مش عايزه يقول قدام غنوه انو كان مهتم بيها ..قال بسرعه... وبعدين يا نوح.... خلاص استر شويه ...ماشي متجوزتهاش ولا حاجه... بس بردك ميصحش يدخلوا البيت وياخدوا مره منيه كده ..انا شوفتها متنفعش

 نوح جذب شعره لوره بتعب وذهول ...مش قادره يستحمل كل اللي بيحصل وقال.... انا ممصدقش ممصدقش ان الكل ياجو عليا كده ممصدقش واصل  بعد كل اللي عملته معاكم هان عليكم اذيتي

بص لسند بدهشه وقال....انت اللي المفروض اخوي وشفت اللي حصلي ...وقفت قصاد الكل تقول انها مرتك وانك عارف ومخبيها ومقرطسني ..فهمتهم انك عارف ومخبيها بعد كل اللي حصلي وقت الانتخابات

وبص لغنوه وقال....وانتي ..انتي والحيوان اخوكي تعملو معاي كده..بعد ما وقفت قصاد البلد كلها علشانك ..طمر فيكم الجميل يا ولاد الجزار

و التفت لشروق وبصلها بحزن وكانت اكتر حد وجعو بجد وقال .....حتى انتي ..ده انا رغم كل البعد اللي بينا مراهن نفسي عليكي وبقول عند الجد مترضاش باذاك..انتي كمان طلعت مليش قيمه عندك..والله وضيعت عمري هدر

 شروق نزلت دموعها وقالت بسرعه...والله يا نوح عرفت بالصدفه ...والله ما كنت اعرف اللي حصل لك ده حقك عليا 

نوح ابتسم وقال بسخريه ....يلا بقى عندنا تلاته حقك عليا ينفعو وقت عوزه بردك ...حد كمان يذود

حكم بص لشروق وقال بحزن .....ليه يا بتي ليه... ليه بتاجي على ود عمك كده ليه

شروق نزلت عيونها بحزن وغنوه قالت بدموع.... يا جماعه انا اللي عملت كل ده محدش كان يعرف انا ورطتهم كانو مضطرين يوقفو معاي لو حد  غلطان يبقى انا وبس 

نوح قال بغضب... انا معايزش اسمع صوتك واصل ...سامعه ولا لاه

وبص لنبيل بغضب وقال ..وانت طبعا كنت معاهم... لان دي الدكتوره رقيه زميلتك الللي رشحتهالها مش كده يا غالي

نبيل بص لشروق اللي هزت له راسها بمعنى يقول لا 

بس هو اتنهد وقال ..احم...اشهد ان لا الاه الله الله ..وان محمد رسول الله..الاجابه الصحيحه ..ايوه

نوح بصله بغضب شديد وهو قال بسرعه....بس للامانه يعني ولا انا ولا شروق كنا نقصد اذيتكم ابدا ... هو لو تهدى شويه نحكي لك يعني...

بس نوح قاطعوا وقال بغضب.... لا معلش... اسمع ليه هو كان حد فيكم سال عني او سمع قبل ما تعملوا اللي عملتو ده ..كنتو مثلا فكرتو تحكولي قبل ما اوقف  كيف القرطاس كده قدامهم

كان ممكن اسامحكم لو مطلعتونيش قدام الناس قفص جوافه كل حاجه بتحصل في بيتي وانا اخر من يعلم

وزعق وقال بغضب....نجاتي 

جيه نجاتي بسرعه وقال..... ايوه يا نوح بيه

نوح ابتسم وقال...روح جيب حميد اخو الست غنوه عايزينه ضروري ومترجعش من غيره

وانت وماشي ابعتلي رفاعي عايزه

بقلم...زهرة الربيع

 نجاتي هز راسو بالموافقه ومشي بسرعه

غنوه قلقت جدا على اخوها وحست بالذنب تجاه الكل ومكانتش عارفه تتصرف ازاي

في الوقت ده دخل رفاعي وقال..امر جنابك

نوح قال بغضب....روح جهز التشريفه نفس اللي كان قاعد فيها ود الوزير يعني انضف حاجه حدانا اللي هيدخلوها المره دي دكاتره

وبص لشروق وقال بسخريه....يعني لازم تليق بيهم وبمناصبهم

شروق بلعت ريقها بتوتر وخوف على غنوه ونبيل

ولسه هتتكلم حليمه جريت عليه وقالت بخوف....تشريفه ايه..انت...انت لازم تسلم البت دي لحسنين ..انت لو مستغني عن روحك احنا مش مستغنين

سند قال بغضب..اما بتقولي ايه متدخليش واصل

بس حليمه كانت خايفه قوي لو غنوه فضلت عايشه ممكن تقول على اللي دار بينهم قالت بخوف..لاه..لاه مهسكتش المره دي انت مش هتعرف مصلحتك اكتر من امك البت دي لعنه علينا سلمها واحمي اهل بيتك يا نوح

غنوه بصت لحليمه ومن خوفها قرت افكارها و ابتسمتلها بطريقه خوفتها اكتر 

بقت تقول برعب..يانوح البت دي لازم تمشي من هنه دي هتورطك اكتر متخلهاش هنه دي واحده قاتله و

بس قاطعها نوح لما قال بغضب..فيه ايه يا مرت ابوي....هنخافو من حرمه ولا ايه...وبعدين متقلقيش قوي كده على ولدك... اصلا اقلقي عليه لو ماتت

سند بصلو بغيظ

 ونوح قال لرفاعي ...انت لسه واقف غور قولتلك جهز الزريبه وابقى ارجع تاني انت والرجاله عشان تاخذو الست غنوه تونس اخوها ...والدكتور نبيل واتوصو بيه

نبيل اتسعت عنيه بصدمه 

ونوح كمل وقال بالم.... وكمان الدكتوره شروق  العدل بيقول كده 

شروق اتسعت عينيها بذهول شديد وووووو

جهز الزريبه زين عشان اللي هيدخلوها المره دي دكاتره متنساش كمان تعمل حساب الدكتوره شروق... العدل بيقول كده 

شروق اتسعت عنيها بذهول من اللي قالو مش لانها خايفه بس لانها عمرها ما اتخيلت انو يقسى عليها كده 

نوح بقى يحاول ميبصلهاش علشان ميضعفش بس هويدا قربت منو وقال بذهول...بتقول ايه يا ولدي ...هتحبس بت عمك هتحبس بتي يا نوح

نوح اتنهد وقال...انا فاهم بعمل ايه يا مرت عمي

هويدا قالت بغضب..لاه مفاهمش انا بتي مش هتروح مكان ..ما تتكلم يا حكم 

حكم اتنهد بحزن وقال....بتك غلطت يا هويدا...ولو هيسامح يسامح الكل ولو هيجازي يجازي الكل...ده اللي بنأمرو بيه ويسري علينا كلنا

هويدا قعدت وبقت تبكي لما اتاكدت انو مش هيوقفه 

وشروق كانت حزينه جدا لانها لاول مره تغلط مع نوح في حياته وتوصلو انو ميحميهاش بالعكس هو اللي يعاقبها 

وجم الرجاله واول ما مسكو نبيل شروق اتوترت وقالت بسرعه ....نوح نبيل ملوش دخل انا اللي طلبت منه يساعدنا انا اللي ورطتو هو  ميعرفش حاجه عن اللي حصل كلو ...طلعه بره الموضوع ده الله لا يسيئك ميصحش يتبهدل كده في بلدنا

 نوح لسه هيرد نبيل قال بغضب.... انتي بتقولي ايه احنا مش هنروح اي مكان اصلا ...انا هاخدكم من هنا ونمشي ولو اي حد اتعرض لنا هكلم البوليس ومش هيحصل كويس ابدا

 غنوه لوت بقها يمين وشمال بقلق بسبب كلامه

 وشروق قالت بخوف شديد....اسكت انت يا نبيل اسكت... انت ما فاهمش حاجه واصل 

نبيل قال بغضب..... مفاهمش ايه قالو يا فرعون ايه فرعنك قال ملقيتش حد يلمني ...انتو السبب في كل البهدله اللي بتتبهدلوها عشان خايفين منه

 سند اتنهد وقال..... يا ود الناس ما قالت لك اسكت متذيدش الطين بله

 نبيل لسه هيتكلم بس نوح بص للرجاله بطرف عينه مسكوه بقوه واخدو التليفون بتاعه غصب

نبيل حاول يقاومهم بس مقدرش عليهم ونوح ابتسم وقال....انت بتاع كلام يا دكتور ..وانا مبحبش اللت والعجن بتاع الحريم 

وبص للرجاله تاني ومشيوا بيه وهو بيزعق و بيقول ...انا مش هسكت هوديك في 60 داهيه والله اللي بتعمله ده ما هيعدي على خير 

بس نوح كان بيبصله بغضب ومش مهتم لكلامه

وجم اتنين تانين من رجالة نوح واحد مسك غنوه وواحد مسك شروق ومشيوا بيهم وغنوه قالت.... يا عم بالراحه انت جارر بقره دراعي هيفلت في يدك

 بس الراجل ما كانش بيرد وبيبصلها باعجاب لان شكلها ملفت لاي حد 

هنا سند ضم ايده بغضب شديد وقرب منهم وقال... عيسى ....هملها انا هوصلها

 وقرب مسك غنوه من ايدها وقال...فوتي قدامي

نوح قال بخنقه.... سند...انا على اخري منك وهاين علي احطك وياهم

سند قال بسرعه...انا  بس هوصلها لحسن تتفك منهم

 نوح هز راسه بيأس وقال بغضب ....يارب صبرني عليه يارب

 ومشيوا خطوات وشروق كانت بتبصلوا بدموع وهو هيتجنن انو بيعمل معاها كده وعايز يكسر ايد الراجل اللي اخدها معاه  وبص الناحيه التانيه عشان يقدر يستحمل وقال بغضب...خد بت عمك وياك يا سند ...واخد الغريبه وسايبها

سند قال بحرج..اه صوح..معلش نسيت..فوتي معاي يا شروق

شروق بصت وراها لنوح وكانت مستنيه يوقفها بس كان ساكت ومش بيبصلها 

هنا حكم مقدرش يستحمل وقال..يا ولدي المسامح كريم ميصحش اللي هتعمله ده

نوح قال بوجع....كيف ما قولت يا عمي يا الكل يتجازى يا الكل يتسامح..وبتك اكتر واحده غلطت معاي..دول اغراب لو غلطو معاهم عذرهم ولا شافو محنه ولا معزه انما هيه ..هيه تعمل كده كيف..كيف يا عمي

حكم اتنهد بحزن وشروق مشيت معاهم بيأس وحزن 

 بعد ما مشيو نوح قعد على الكنبه وحط ايديه على دماغه وهو مش مصدق كل اللي حصل... ومش قادر يتخطى نظرة شروق اللي كانت بتترجاه زي ايام ما كانت طفله وكانت تتحامى فيه حتى من ابوها 

بقى بيحاول يهدى علشان يفكر ويعرف بتصرف ...مكانش همه انه يعاقبهم قد ما همه ان جنه وغنوه يتكلمو وينقذ عيلتو من الموضوع ده اللي مش عايز يخلص خصوصا ان سند دلوقت اتورط في الموضوع قدام حسنين

بقلم....زهرة الربيع

بص لجنه بطرف عينه وقال بغضب ...وانتي

 جنه بصتلو بخوف وقالت..... انا ايه جنابك

نوح قال بسخريه.... مش عايزه ترجعي ولدك 

جنه قالت بسرعه.... طبعا عايزه... انت مقلتليش ميته هنجيبوه 

نوح وقف وقال.... دلوك ... يلا معايا عشان اجيبهولك 

جنه ابتسمت بسعاده وقالت...ربنا يعمر بيتك يارب

نوح شد عبايته وقال بسخريه  ...لاقي دعوه غير دي طالما انتي وبت عمك ورانا مهيبقاش فيه بيت علشان يعمر

قال كده وطلع وجنه اتنهدت بحزن وجريت وراه بسرعه وطلعو في العربيه لوحدهم من غير ما ياخد رجاله ولا سلاح

 حكم قعد على الكنبه بتعب من كل اللي حصل وقال... استرها علينا يا رب 

هويدا قالت ببكا.... انت هتسيب ولد اخوك يحبس البت كده ... انا عايزه بتي

حكم اتنهد وقال... ما تخافيش يا هويدا نوح ولا قتال قتله ولا شيخ منصر وههيعملهمش حاجه.... هو بس بيقرص على ودنهم علشان اللي عملوه ...وبعدين متقلقيش هو لو اذى الدنيا كلها مهيأذيش شروق اطمني

 تحت في اسطبل للاحصنه كان مليان بالاوساخ و المواشي وريحته مش لطيفه خالص

 كانوا رجاله نوح بيربطوا نبيل في عمود خشب وهو مكانش راضي يسكت و بيقول بغضب...... انا مخطوف دلوقتي يعني ولا ايه..... على فكره اللي انتم بتعملوه ده هيوصلكم لمسائله قانونيه انتم كمان  زيكم زيو....انتو ازاي مغيبين كده وبتعملوا كل اللي يقولكم عليه حتى لو غلط مينفعش تربطني كده انا بكلمك...انا دكتور.... طب انا مش هسكت وهبلغ عن اللي اتعرضتلو من انتهاك نفسي وجسدي هنا

 سند كان بيربط غنوه وضحك جامد وقال .. وهو احنا جينا جار جسدك....و بعدين اللي انت بتقوله ده هيتفهم غلط... متخافش مهتوصلش للانتهاك الجسدي ان شاء الله احنا ناس نعرف ربنا

نبيل قال بغضب .....بتهزر حضرتك انت كمان هتتسائل معاهم على فكره

 سند ضحك تاني وقال....انا كمان هتسأل يادوب الحق اذاكر عاد

 غنوه كتمت ضحكتها بالعافيه و شروق كانت متغاظه جدا من الوضع وقالت ....ماشي يا نوح انا ممصدقاش انو عمل فينا كده

سند قال بسخريه...العمايل عملتوها انتو ماشاء الله مستنيين منو ايه يقولكم شكرا على خراب بيتي ومنصبي الللي ضاع بعد ما وصلتلو بطلوع الروح وكرامتي اللي اتبهدلت لما بقيت معرفتش احمي حرمه عندي

غنوه نزلت عيونها بكسوف وشروق قالت بحزن....خلاص عاد انا قلبي وجعني لوحده...بص ياسند احنا ملناش غيرك دلوك بعد ربنا اتكلم مع نوح خليه يسمعنا حتى

سند اتنهد وقال... من غير ما تقولي يا بت العم اكيد مهتطولوش هنه 

بس قطع كلامه لما لقى الرجاله ربطوا نبيل و لسه هيربطوا شروق بس سند قال..... انا هربطها سيبوها

وربط بنت عمه كمان واتنهد وقال ....قلبي معاكم والله بس تستاهلوا الصراحه

وميل على غنوه وكأنه بيتاكد ان الحبل بتاعها مربوط وقال بهمس عند ودنها .....كلامنا مخلصش يا بت الجزار لسه...مش نوح وحدو اللي ليه حق عندك

غنوه بصتلو بحزن 

ونبيل اتنهد بضيق وقال ....يعني حضرتك واحده بيقولوا عليها تار وهيموتوها طبيعي نساعدها ما اجرمناش يعني فهم اخوك كده... وبعدين انا عايز كمامه مش قادر خالص الريحه بشعه بجد صعبه مش هقدر اقعد هنا وانا اصلا عندي فوبيا 

سند كان عايز يضحك وقال...هم يضحك وهم يبكي...حاضر يا دكتور نجيب كمامه  واخليهم يكنسوا وينضفو ويجيبوا لك معطر جو كمان

 نبيل افتكروا بيتكلم جد وقال بسرعه ....بجد طب هاتوا بريحة الفواكه بقى الله يكرمك بلاش يبقى بالعطور علشان عندي حساسيه 

سند ضحك من قلبه ومشي 

ونبيل استغرب وقال ...هو بيضحك على ايه ...هو كان بيتريق صح

شروق لسه هترد دخلو رجالة نوح ومعاهم حميد الي كان بيقول باستغراب ...طب انا عملت ايه مش تفهموني و

بس قطع كلامه لما شافهم مربوطين كده وقال بصدمه...هو...

قاطعتو شروق لما قالت بغيظ...عرف...اتفضل شرف معانا 

عند نوح كانو وصلوا عند بيت جنه ودخلوا وكان في استقبالهم ابن صادق الكبير

 استقبله هو وجنه بضيق وقال..... نورتنا قوي يا عمده شرفتنا والبيت نفسه اتشرف بس كنا نتمنى تخطيه في حاجه انضف من كده

نوح قعد وقال .... الجيات كتير يا كارم..احم  الواد فين

 كارم قال بضيق..... متلقح جوه مع الخدامه اكيد ما هنؤذوش عيل اصغير مش كل اللي بيتقالك علينا صوح يا عمده

نوح اتنهد وقال..... ادخلي يا جنه شوفي ولدك جوه واطمني عليه وخليكي معاه لحد ما اندهلك 

جنه جريت على جوه بسعاده

 ونوح قعد جنب كارم وقال...... احكي لي اللي حصل وشيل حكاية العمده والكلام ده على جنب احنا طول عمرنا اصحاب 

كارم اتنهد بحزن وقال... اقول لك ايه بس يا نوح ما فيش حاجه تتقال الواد جاتو حمه من نوع نادر روحنا نكشفله الدكتور قال انها وراثه من الاب....بس ابوي كانت صحته حديد ومكانش عنده المرض ده ...هنا الشك لعب باخواتي خصوصا انهم مركذين مع الواد ده علشان اتولد على كبر وهو كمان كانت ملامحه مش شبهنا واصل....انت عارف ان احنا كلنا سمر ابا عن جد وملامحنا عاديه وما فيهاش حاجه مميزه...بس  الولد ده طالع غريب ولا اهو  شبه امه ولا شبهنا ابيض وعنيه ملونين وعندو عين زغله لما تشوفه هتفهم قصدي 

نوح اتنهد وقال ....بس ده مش سبب بردك يا كارم عيال كتيره مبتجيش شبه اهلها يبقى وراثه من بعيد او يمكن امه لها جد او 

بس كارم  قاطعو وقال..... انا قولت زيك كده لاخواتي وقولتلهم بعض الظن اثم ده عرض ....انا كنت شاكك في اخواتي مش فيها لان بصراحة ربنا من يوم ما ابوي اتجوزها وهما كارهينها وهي تلقاها في تصرفاتها غلبانه وسهتانه كده ما توقعتش يطلع منها كل ده واطلع انا الغلطان مصدقتش الا لما اتأكدت بنفسي

نوح قال باستغراب...اتاكدت كيف

كارم قال ...خدت الواد اكشفلو في البندر علشان الحمى واخواتي اصرو اعملو التحليل اللي بيقولو عليه ده ..وعملته

وطلع ورقه من جيبه وقال....دي النتيجه و انت متعلم ومتنور اقراها بنفسك

نوح مسك الورقه وقراها العينه كانت مش متطابقه نهائي 

وكارم قال...حتى الدكتور اكدلي انو مستحيل يكون اخوي

نوح اتنهد وقال.... متعرفش الولد ده ممكن يكون واد مين مشاككش في حد يعني 

كارم اتنهد وقال ....و هشك في مين ..دي ولدتو بعد تمن شهور جواز وقالو انو عيل سبه وسكتنا

نوح قال...يعني الولد ده حبلت بيه قبل جوازها من ابوك

كارم قال بتاكيد..طبعا ابوي لما كان عايش مكانش يخليها تتكلم ويا اي حد ولا يخليها تطلع من الدار حتى تعتبر في حياته مطلعتش واصل ...غير مره واحده بس طفشت من البيت وراحت فرح بت عمها من وراه لانو كان حابسها ومانعها تروح 

نوح قال بانتباه ....بت عمها غنوه 

كارم اتنهد وقال..... ايوه هي البت دي اللي اخدت ود حسنين وقتلته هما كلهم طلعو عيله استغفر الله واحده معاها ولد الله اعلم جايباه منين والتانيه قاتله جوزها يوم دخلتها الله اعلم عرف عنها ايه ربنا يستر على وليانا ....الغرض انا عايز اقولك ان لما عرفنا  اتفقت مع اخواتي نقعد بالليل ونتكلم وياها ونفهم منها ...بس هما خلوني مقاعدش وخدتهم الحمقه ونزلوا فيها ضرب للامانه انا غلطتهم ...ميصحش يمدو يدهم على حرمه ...بس بردك اعذرهم اللي عملتو مش هين ضحكت علينا كلنا وشيلت ابونا شيله مش شيلته كل الوقت ده

نوح اتنهد وقال ....انت متأكد ان ابوك  ما كانش يعرف انها مش شيلته

كارم قال باستغراب.... قصدك ايه ...وهو حد يرضى بحاجه زي دي

 نوح اتنهد وقال....ما  علينا...المهم  هيه هتروح دلوك بولدها وكيف ما انت قولت ده عار....ومش عليها لحالها وعلى ابوكم وانتم كمان مينفعش لا مؤاخذه تبانو قدام الناس مغفلين كده سامحني بس ده الللي هيتقال يعني مش لازم حد يعرف انه حاصل مع ابوكم كده.... انت الكبير الفاهم العاقل الوحيد في اخواتك عشان كده كلمتك عقل اخواتك والموضوع يخلص هنه 

كارم هز راسه بالموافقه وقال.... خليها تغور حسبنا الله ... اخواتي مقاعدينش في الدار دلوك....وانا هديها ولدها علشان جيتك انما حكايه محدش يعرف ده ما اضمنهاش قلت لك الاولاد زعلانين قوي ومحروقين على اللي حصل

 نوح وقف وقال..... انا قلت لكم اللي يهمكم واللي فيه مصلحتكم يا كارم... تقعد مع اخواتك وتعقلهم اكرملكم

ونادى على جنه وقال...... جنه هاتي ولدك وتعالي

 جنه جات جري وهيه حاضنه ابنها جامد ونوح حاول يبص لملامح الولد بس جنه كانت بتخبيه في حضنها بطريقه مريبه ومغطيه وشه بطرحتها

نوح قال بشك....هاتي الولد ده هشيله

جنه  قالت بتوتر .....لاه ملوش لزوم اتعبك يا عمده انا شايلاه 

بس نوح اخذوا منها من غير اي كلام ذياده رغم رفضها و بص لملامحه وابتسم بارتياح وقال....يلا بينا عرفنا اللي عايزين نعرفه خلاص خذي ولدك 

بقلم...زهرة الربيع

جنه اتوترت قوي واخذت الولد حضنته بخوف وركبو العربيه و على الطريق مشي ناحيه السرايا قالت بتوتر..... انت ما هترجعنيش عند ناسي ولا ايه 

نوح قال من غير ما يبص لها..... لا انت هتنورينا في السرايا يومين 

جنه لسه هتتكلم قال بسرعه...... مش باخد رايك على فكره وطلع على السرايا 

 اول ما دخل حكم راح له وقال..... نوح هتعمل ايه مع الولاد هتسيبهم يقضو الليل كله واقفين على رجليهم كيف الاحصنه كيف هيجيلنا نوم وهما واقفين للصبح

 نوح اتنهد وقال....حقك عليا يا عمي بس مهفكهمش... انا خلاص جبت اخري منهم كلهم..كل شويه حورات ملناش دخل فيها وكل ما ابص لها من طرف الاقي بت الجزار راشقه فيه 

وبص لجنه بطرف عينه وقال قاصد يسمعها ...من الاخر لو متكلمتش وخلصت من موضوعها كله مهسامحش حد يعني خلاصهم كلهم في يدها وهيه حره لو متكلمتش مهارحمش حد فيهم

قال كده وطلع على اوضته وجنه نزلت دموعها وراحت تاكل ابنها وهي بتبكي وخايفه على غنوه ومش عارفه تعمل ايه 

في صباح يوم جديد نوح قام من النوم وهو حاسس بوجع في ضهره وفي رقبته لانه نام على كنبه ضيقه في الاوضه ما كانش حابب يرتاح على السرير وشروق تقف طول الليل بالشكل اللي سابها بيه 

اول ماصحي كان قلقان عليها جهز بسرعه ونزل علشان يروح يطمن عليها

بس وقفته هويدا لما قالت بغضب.... عايزه بتي يا نوح انا منومتش طول الليل وهي مربوطه هناك مع البهايم... اللي بتعمله ده ما يرضيش ربنا

 نوح اتنهد وقال ....ما تقلقيش يا مرت عمي انا معايزش اعذبهم انا عايزهم بس يتكلمو ويقولوا اللي معاهم 

هويدا قالت بغضب.... يا سلام ولو متكلموش سنه هتسيبهم مربوطين سنه

نوح ابتسم وقال....لا متقلقيش هيتكلموا مقدامهمش حل تاني

وراح على الاسطبل بغضب 

حليمه اول ما سمعتو قال كده طلعت بخوف و راحت على المطبخ وشدت سماح من ايدها وطلعت بيها على اوضتها 

سماح قالت باستغراب..... في ايه يا ست حليمه اخدتيني  ليه الوكل على النار

 حليمه قالت بتوتر.... انتي بتحطي الجرعات اللي بقول لك عليها لنوح في وقتها متاكده انو بيشربها 

سماح قالت باستغراب..... ايوه يا ست حليمه انتي عارفه ان هو متعود كل ليله يشرب كوبايه لبن قبل ما ينام وانا بحطها له فيها وبوديها له بيدي 

حليمه طلعت العلبه اللي معاها وقالت..طيب بصي زوديلو الجرعه حطي كل اللي في العلبه دي.... نوح لازم يموت و الا كلنا هنروح في داهيه

 سماح انتفضت بخوف وقالت.... انتي...انتي بتقولي ايه يموت كيف... لا يا ست حليمه ...لا دانا بتنفض وانا بحط له حبه واحده كيف عايزاني ازود واموتو مقدرش

 حليمه قالت بغضب....يا بت افهمي احنا لو معملناش كده هيعرف كل حاجه و هنروح في داهيه كلنا

سماح قالت بخوف..بردك لاه... ما اقدرش ...ما اقدرش واصل انا ما ليش دعوه 

ولسه هتمشي حليمه قالت بسرعه ..... لو عملتي كده هجوزك سند ولدي...قولتي ايه

سماح وقفت مكانها والتفتت لها ووووووو

لو سمعتي الكلام وقتلتي نوح هجوزك سند ولدي..وانتي عارفه اني اقدر اعملها ..ها قولتي ايه

سماح وقفت مكانها والتفتت لها وقالت بخوف..... انتي..انتي بتتكلمي جد 

حليمه ابتسمت وقالت... وجد الجد كمان.... انا عارفه انك رايده سند ....وانا مهلقلوش واحده تحبنا وتقدرنا كيفك انتي

و لفت حواليها وقالت بخبث....بس  علشان اعمل كده لازم نوح يموت اديكي شايفه كل يوم جايب له عروسه...و دلوك اللي اسمها غنوه دي طلعت عايشه ....ويمكن كمان نوح يوافقله على جوازه منها ...انا عارفه انك ياما صبرتي ايام ما كان يحب شروق وكنتي مطمنه  لانك عارفه ان شروق عينها من نوح وعمرها ما هتتجوزو ...لكن دلوك اللي اسمها غنوه دي عينها منه وممكن في اي وقت نلاقيهم متجوزين الا بقى لو سند عرف ان غنوه هيه اللي خلصت على نوح ساعتها هيسلمها لحسنين بيده ومهيتجوزهاش واصل وساعتها انا هقنعه بيكي 

سماح لمعت عيونها وابتسمت بفرحه بس اختفت ابتسامتها بسرعه وقالت..... واحنا كيف هنخلوه يعرف انه غنوه هي اللي قتلته

حليمه ابتسمت وقالت...... دي سيبيها عليا انا ... شوفي هتعملي ايه 

في الاسطبل كانت شروق بتتألم جامد من رجلها لانهم واقفين طول الليل وقالت ببكا ....يا رب يا رب انا مقادراش مقدرش تاني اااه

 غنوه نزلت دموعها على حالتها وقالت ....اتحملي يا حبيبتي ...حقك عليا يا شروق انا السبب في كل ده 

شروق لسه هترد نبيل قال بغضب.... دي حقيقه انتي السبب فعلا و مش اول مره تبقي السبب في المصايب اصلا

بقلم...زهرة الربيع

 شروق قالت بألم..... نبيل ملوش لزوم الكلام ده

 نبيل قال بغضب.... لا يا شروق له لزوم هي واخوها السيي في كل المشاكل دي وانا وانتي غلطنا اصلا من الاول اننا ساعدناها 

حميد قال بحزن.... انت معاك حق تتضايق يا دكتور... بس احلفلك بايه ان غنوه ملهاش ذنب في كل ده.... انا كنت بكلمها يوماتي وبقول لها ان كل حاجه هنه تمام و لو في حد غلط وهو السبب يبقى انا

 نبيل قال بغضب...يبقى نقطنا بسكاتك بقى مدام عارف انك غلطان... البنت هتموت من وجع رجلها  طول الليل انتو ناسيين  انها مش هتقدر تحمل على رجلها التانيه زينا كان المفروض تتصرفوا وتطلعوها بره الموضوع اختك غلطت لما خرجت وقالت انها عايشه نوح كان هيمشيهم اصلا 

غنوه قالت بحزن.... ما كانوش هيمشو يا نبيل هم جايين ومتاكدين ان انا هنا لان حليمه عرفت اني عايشه وهيه اللي كلمته

نبيل قال بغضب..... ما هو حتى ده برده من استهتارك 

هنا شروق قالت بألم... يا جماعه بس احنا في ايه ولا في ايه ..ده بدل ما تلاقوا حل للي احنا فيه ده انا ما اقدرش اقعد واقفه كده ولا دقيقه تاني همووت

نبيل قال ...طيب ماشي يا حبيبتي انتي اهدي بس وانا لما يجي هتكلم معاه وان شاء الله يقبل حتى يفكك انتي بس 

غنوه قالت بسرعه.... انت متتكلمش واصل  كيف ماقال سند عشان متذيدش الطين بله.... لو عايزين كلنا نطلع من هنه اسمعوا كلامي 

نبيل ضحك بسخريه وقال.... ليه اتجننا علشان نسمع كلامك تاني

بس قاطعته شروق لما قالت بلهفة ثقه....انتي عندك حل يا غنوه

غنوه ابتسمت وقالت... عندي حل بس لو هتسمعي الكلام وتقنعي بيه الدكتور ....لانه اكيد مهيرضاش بيه 

شروق بصتلها باستغراب وقالت.... حل ايه ده

 عند نوح كان رايح يبص عليهم في الاسطبل واتفاجأ بسند نايم على كرسي قدام الزريبه صحاه باستغراب وقال...سند ..انت ياض

سند قام مفزوع ورفع سلاحه وقال...مين مين

بس اتنهد بارتياح لما لقاه نوح ونوح قال بدهشه ...هيكون مين يعني... نايم هنه ليه

سند اتنهد بارتياح وقال...مفيش قولت ابيت هنه حراسه يعني

نوح قال باستغراب حراسه..حراسه ايه هو انت كلب

سند اتنهد بضيق وقال..الملافظ سعد يا نوح انا قولت يعني لحسن اللي اسمو حسنين ده يرجع تاني وياخد غنوه..احم يعني هيه او اي حد منهم

نوح ابتسم بسخريه وقال...ااااه...لا وانت بسم الله ماشاء الله عنتر زمانك ....كل دول حرس وغفر ممالينش عينك وجاي انت تحرس السنيوره بالطبنجه اللي كيف اسوك السنان اللي في يدك دي...ما علينا قوم روح ناملك نومه مرتاحه متقلقش مهتروحش مكان المره دي

سند وقف وقال...انت هتفتحلهم

نوح قال بخنقه...هطل عليهم... بس مش هيطلعو متتعبش نفسك

سند قال..احم.... انا معايزهمش يطلعو اصلا انا كمان معاجبنيش اللي عملوه..بس هاجي معاك

وراح معاه ونوح امر الغفر يفتحو الباب واول ما فتحوه اتفاجأ بغنوه بتبكي وبتقول...ردي علينا يا شروق يالهوي البت شكلها ماتت يالهوووي

نوح اتصدم بشده خصوصا لما لقى شروق مغمضه عنيها ومش بترد قرب منهم بسرعه وقال..فيه ايه ...مالها شروق فيه ايه

نبيل قال بغضب..فيه ايه غير انك موتها من التعب

نوح اتفزع وقال بغضب..موت ياخدك تف من بقك

غنوه قالت بسرعه..الحقها يا عمده البت بتموت تعبت قوي من نص الليل ومبقتش ترد انت عارف انها مبتقدرش تقف على رجليها الاتنين زيينا

نوح بقى يفكها بسرعه وهو بيقول بغضب وخوف..ومنادتيش على الغفر ليه يا بقره انتي..شروق...شروق ردي عليا

وكان شاددها لحضنه وبيفك اديها بسرعه ولهفه

 ونبيل معجبهوش الوضع خالص واتخنق من الغيره وبص بعيد عنهم علشان يقدر يتحمل

نوح فكها وشالها بسرعه وطلع بيها جري بس غنوه وقفتو وقالت بسرعه...احنا دكاتره وعندينا فكره كبيره الاحسن تفكنا نساعدك... الاولى نلحقها وبعد كده اربطنا تاني

نوح وقف ثواني وملتفتش ليها بس قال بخنقه..فك غنوه ياسند...وبص لحميد بطرف عينه وقال .....غنوه وبس

وطلع بسرعه

غنوه ابتسمت بحماس ونبيل وحميد بصولها بذهول

 اختفت ابتسامتها وقالت بتوتر..معلش انتو بردك رجاله وتتحملو ...وبعدين اكيد مش هنسيبوكم

نبيل بصلها بغيظ وسكت كان المهم عندو شروق تطلع من المكان ده

سند فكها وجرها من دراعها وقال بسخريه....اكيد دي افكارك العبقريه

غنوه قالت بتوتر..افكار ايه...البت تعبانه بجد

سند ابتسم بسخريه وقال ...امممم انا كمان تعبان

ضربت كتفها في كتفه وقالت بدلال...سلامتك..ان شاله انا

سند حاول ميبتسمش وقال بغضب..انشاله يا رب ...انجري قدامي

ومشيت معاه وراحوا السرايا

 هناك كان نوح دخل جري و طلع على اوضه شروق وحكم هويدا جريو وراه بقلق

وهويده كانت بتقول بخوف..... البنت مالها جرالها ايه ...عملت فيها ايه يا نوح 

نوح قال بسرعه.... متخافيش يا مرت عمي تعبت بس وهتبقى بخير ان شاء الله

و راح حطها على السرير بتاعها وبقى يحاول يفوقها بس طبعا كان ممكن تفوق لو كانت مغمى عليها اصلا 

بعد شويه وصل سند ومعاه غنوه اللي دخلت على الاوضه وقالت .....مش كده يا جماعه وسعو كده ادوها النفس

 هويدا بصيت لها بغضب وقالت.... كله من تحت راسك كل ده بسببك

حكم قال بتوتر ....مش وقته يا هويدا خلينا نشوف البت مالها 

ونوح وقف وقال بسرعه ....بسرعه شوفيها فيها ايه بسرعه

 غنوه قالت ...طيب بس هكشف كيف وانت واقف كده اطلع وانا هشوف لو حاجه بسيطه يبقى خير ولو حاجه كبيره لا قدر الله نشوف لها دكتور متخصص

نوح قال بسرعه.... انا هشوف لها دكتور تاني احسن...انتي دكتورة اعصاب كيف هتعرفي عندها ايه 

غنوه قالت بسرعه.... ما هو الجسم كله اعصاب اصلا ...وبعدين يمكن يكون ضغط مرتفع من الزعل ولا حاجه ..انتو عندكم جهاز ضغط هنا 

نوح قال بسرعه ....ايوه بتاع عمي حكم ... هجيبهولك

غنوه قالت....تمام هاتو وطلعو كلكم يلا علشان اعرف اكشف عليها 

وبالفعل طلعوا كلهم واول ما طلعوا شروق قعدت وقالت بهمس ....الله يخرب بيت افكارك يا غنوه ...نوح قلقان قوي لحسن تجرا له حاجه 

غنوه ضحكت وقالت...هيجراله تيه يعني اهو كيف البغل... انا مش قولتلك لو عرف انك تعبانه مهيسكتش ادينا خرجنا وعلى حسها ترتاحي لك شويه اكون انا حليت الموضوع معاه

شروق قالت بحزن...ايوه  بس نبيل  بعد ما ورطناه معانا نسيبوه كده 

غنوه اتنهدت قالت.... لو فضلنا كلنا هناك محدش هيحل ولا يربط .....لكن كده ممكن نتصرف ونعمل حاجه ...انتي ريحي بس دلوك وملكيش صالح  بحاجه

شروق هزت راسها بالموافقه بحزن

وغنوه  طلعت وقالت... متقلقوش طلعت مشاكل في الضغط عادي من التوتر ....هتبقى زينه دلوك 

حكم قال.... الحمد لله يا رب

 سند قال...تعال يا عمي لحسن انت كمان ضغطك يرفع مناقصينش هننزل نقعدوا تحت و سيب الدكتوره هي هتتصرف ...وبص لغنوه بسخريه واخذ حكم ونزل

 غنوه ادت هويدا علبه برفان وقالت.... وانتي يا خاله هتمسكي علبه الريحه دي تفضلي تشممي فيها شويه شويه وباذن الله هتفوق

 نوح قال بسرعه...هاتي انا هقومها

غنوه وهويدا بصولو وهو خد بالو للهفته وقال..ام انا قصدي انا مورايش حاجه ممكن افضل جارها لحد ما تفوق

هويدا ما صدقت ابتسمت بسعاده وقالت.... اتفضل يا ولدي وانا هروح اعملها لقمه تاكلها عشان لما تقوم دي من امبارح مكلتش يا نضري

نوح اتنهد وقال..تمام...وقولي لسماح تعمل لي كبايه ليمون اعصابي فلتت

و اخذ علبه البرفان ودخل عند شروق وساب الباب مفتوح مرضاش يقفله عليهم

وشروق اول ما دخل غمضت عيونها بسرعه

غنوه ابتسمت برضا ولسه هتنزل على السلم وقف قدامها سند بسرعه قالت بخضه...بسم الله الرحمن الرحيم.... فزعتني يا سند انت مش قلت نازل مع عمك حكم 

سند قال ....نزلت وقعدتو واطمنت عليه وطلعتلك عايزك ضروري

غنوه قالت بتوتر..احم... شوف انا فاهمه حقك تزعل من اللي حصل بس انا كيف ما قولت لاخوك مكنتش اعرف اي حاجه عن اللي حصل لنوح ولا اللي حصلك 

سند بقى يقرب منها قوي وهي بقت ترجع لورا لحد ما لزقت في الحيط وبص لعيونهاجامد وقال.... ضاعو سنتين من عمري سنتين كاملين وانا افكر فيكي كل دقيقه وكل ثانيه وانتي طلعتي مفاكرانيش واصل 

غنوه قالت بسرعه ....ومين قال لك اني ما فاكراكش وانا عندي حد افتكره غيرك

سند ابتسم بسخريه وقالت..... لو افتكرتيني كنت سالتي وكنتي عرفتي حالتي من بعدك ...طب مخطرش في بالك تطمني عليا بعد ما فوقتي في المستشفى.  ولا بعد ما خفيتي ..ولا حتى بعد ما سافرتي 

غنوه نزلت عيونها بكسوف وقالت.....بسال عليك يا سند بس بالمداري  ما هو انا ماقدرش اسال اخويا عليك طوالي واقلو سند عامل ايه...كنت اسالو عنكم كلكم كويسين بيقولي كويسين

سند  ابتسم وقرب اكتر وقال.... اوعي تقولي لي بتتكسفي يا بت الجزار 

غنوه اتوترت من قربو وقالت..... ايوه بتكسف يا سند ده اخويا الكبير

 سند رفع حاجبه وقال.... وايه اللي يكسفك هو احنا في بينا حاجه تكسف ....هيبقى سؤال اخوي عادي 

غنوه بصتلو بدهشه وضحكت بخفه  وقالت .....سؤال ايه ...اخوي 

وضحكت تاني وقالت.... يا وجع الاخوه

و لسه هتمشي شدها بقوه وقرب منها في لحظه جميله اتمناها كتير 

غنوه  بقيت تحاول تدفعه بس مقدرتش عليه كان متمكن منها جدا

بعد عنها بعد ثواني وداس على شفته  وقال..... وحشتيني يا بت ...كل حاجه فيكي وحشتني... فرحتي بانك لسه موجوده مخلياني مش عارف اربيكي على اللي عملتيه

 غنوه دفعته بغضب وقالت ....ده انت اللي عايز تتربى ومشفتش بجنيه تربيه.... لو عملت كده تاني هفتح دماغك ياود الحاكم انا غنوه الجزار  لتكون شايفني سماح يا بتاع الملوحه 

وسابته ومشيت خطوات وهو ابتسم على مناغشاتها اللي اشتاق لها قوي وقال بصوت عالي...مش هعديلك اللي عملتيه فيه ده انا كنت هزور العباسيه بسببك

التفتتلو وقالت بثقه...محدش قالك تتعلق بيا قوي كده انا ياما حذرتك لكن نقول ايه رجاله طريه 

ضحك وقال ...دلوك طريه ولسانك طول عشان مش تحت يدي من شويه كنتي كيف الفار على العموم مسيرك تاجيني وتوقع تحت سكيني

غنوه غمزت وقالت...السكاكين دي لعبتي خاف على نفسك يا ود الحاكم

ومشيت وسابته وهو بص لطيفها وضحك وهو مبسوط جدا انها رجعت تاني لحياته 

عند  نوح كان قاعد جنب شروق بيحاول يفوقها واتنهد بحزن وقال ....ليه يا شروق توصليني اعمل فيكي كده ليه...انا عمري ما اتصورت في يوم اني ااذيكي ولا حتى في خيالي

شروق كانت سمعاه بس خايفه تفتح عيونها وهو اتنهد بتعب وقال.... في حاجات كتييييير كتير قوي كنت مستنيك ترجعي عشان اقولهالك ...عايز اقول لك اني ..اني طلعت ما عرفش اعيش واصل من غيرك .... السنتين اللي غبتيهم عرفوني قد ايه ما ليش حياه من غيرك كل الايام شبه بعضها

عارفه...انا  فضلت طول السنتين اصحى بدري وقت ما كنت اصحى  علشان اوصلك ووادعك قبل ما تروحي مدرستك

وابتسم بسخريه على نفسه وقال.... واوقات اكون مستعجل عشان الحقك ..بس ارجع افتكر انك مش موجوده معدتش هوصلك ولا هودعك ..ولا هتاخدي مني مصروفك اللي فضلتي تاخديه حتى وانتي عروسه..كنتي تقولي مصروفي من نوح حاجه تاني مهستغناش عنيه طول عمري

شروق اتأثرت وبقت تحاول تكتم دموعها خصوصا لما قال بحزن واضح في صوته....بس انتي كبرتي واستغنيتي عن نوح نفسو مش عن فلوسه وبس ... مبقتيش محتجاني ولا بقى يهمك زعلي ولا وجعي ...دايسه عليا كيف كل الناس بس محدش فيهم همني انت بس اللي همتيني....انا  عارف اني غلطت في حاجات كتير واستاهل تزعلي وتبعدي

ولمعت عيونه بالدموع وقال....بس مقادرش اشوفك بتكرهيني ممتحملهاش  

بقلم...زهرة الربيع

هنا شروق قعدت بسرعه تلقائيا وقالت بدموع.... انا عمري ما اكرهك يا نوح ولا استغنى عنك انا ....

بس قطعت كلامها وبلعت ريقها بخوف لما اخدت بالها للي عملته وشافت الصدمه في عيونه 

نوح وقف بذهول وقال... انتي كنتي سمعاني...كنتي حاسه 

شروق قالت برعب...لا لا لسه دلوك صحيت

 نوح قال بغضب.... وحياة امك يا بت هويدا

شروق لسه هترد الباب خبط 

نوح بصلها بغضب وقال...ده انتي نهار اللي خلفوكي ممعديش اصبري عليا راجعلك

سمع خبط على الباب وراح ناحيته وهي بقت تلطم على خدودها بخوف وبتلعن غبائها 

نوح لقى  سماح جيباله كوبايه عصير الليمون وايدها بترتعش

 بص لها باستغراب وقال.... مالك يا بت  يدك بتترعش كده ليه

 سماح قالت بخوف.... ابدا يا نوح بيه ...تعبانه شويه من الصبح 

نوح قال ...طيب طالما تعبانه بتشتغلي ليه من قله الخدم ....روحي ريحي النهارده وقولي لام جمال توصل لك اكلك على الاوضه 

 سماح اتملت عيونها بالدموع وقالت .....شكرا يا طيب يا امير 

وادتلو الليمون ومشيت

تحت كانت حليمه واقفه بتوتر وخوف ونزلت سماح وهزت لها راسها بالموافقه بحزن ودموعها نازله

حليمه ابتسمت بسعاده شديده وفضلت مستنيه عند السلم واول ما لقت سند نازل جريت عليه وقالت بلهفه ....الحقني يا ولدي... الحقني 

سند قال باستغراب ....في ايه ياما مالك

حلبمه قالت بدموع مزيفه.....مصيبه بلوه يا ولدي  دلوك روحت  المطبخ اشق عليهم  لقيت البت الجديده دي اللي اسمها جنه بتتحدت في التلفون  ويا اللي اسمها غنوه وقالت لها انها بعتت كوبايه الليمون لنوح اخوك وحطتلو فيها كل  الدوا  كيف ما قالتلها

 وانا دلوك معارفاش دوا ايه اللي حطتهوله في الليمون ما داهيه تكون هتسمه وتقتله هو لاخر علشان اللي عملو فيهم امبارح

سند بص لها بذهول وقال.... انتي بتقولي ايه ياما ...انتي متأكده سمعتيها قالت كده اكيد غنوه متعملش حاجه زي دي 

بس قاطعته حليمه وقالت ... يا مري بقول لك سمعتها بودني يعني اخوك ولا غنوه بتاعتك دي .... اقولك عايزه تقتل اخوك تقولي متعملش كده ...روح اطمن على اخوك الاول ولو كان زين يبقى انا فهمت غلط 

سند اتصدم بشده ورغم ثقته في غنوه لكن خوفو على نوح اشد جري بسرعه على اوضته وووووو

بقول لك حبيبة القلب عايزه تقتل اخوك بدل ما تطلع تشوفه تقولي زفته متعملش كده..اطلعلو ولو كان كويس ومفيش حاجه يبقى انا فهمت غلط هو عند شروق شوفه بسرعه

سند جري بدون اي تردد رغم ثقته في غنوه لكن خوفه على نوح كان اشد راح على اوضة شروق وهو مرعوب جدا

 بس قبل ما يوصل سمع نوح بيزعق مع شروق وبيقول.... اتكلمي يا شروق يعني انتي مكنتيش تعبانه من اساسه ..بتستغفليني يا شروق

سند اتنهد بارتياح وخبط على الباب بهدوء 

نوح راح ناحية الباب وهو بيقول بغضب ....فيه ايه كل شويه خبط خبط و

 بس سكت وحاول يهدى لما لقاه سند وقال ...خير يا سند وبصلو شويه وقال باستغراب.... مالك وشك مخطوف كده ليه ....انت تعبان ياض ولا ايه 

سند بلع ريقه وقال وهو بينهج....انت زين مش كده

نوح بصلو باستغراب وقال ....زين ...فيه ايه 

سند قال ..احم ابدا ...سمعتك بتزعق وقلقت...صوح هما جابولك اليمون اللي طلبته

نوح  بصلو باستغراب من توتره وقال.... ايوه جابوه وخدته الزفت اللي اسمها غنوه قالت مهبطه وشربته

سند اتسعت عنيه  بذهول شديد وقال ....غنوه هي اللي اخدت الليمون.... وشربته 

نوح قال باستغراب....ايوه..انا يادوب خدته من سماح ولسه هشربه  لقيتها في وشي وسحبتها من يدي وقالت .....انها عايز تشربها ....قلت طالما حطت عينها فيها خليها تغور بيها وطلبت كوبايه تانيه

 سند اتنهد وقال ....طيب انا ....بس قلت اتطمن عليك و على شروق ...هي بقيت زينه دلوك

نوح  ابتسم بسخريه وقال... زينه....زينه قوي 

سند ابتسم وقال .....طيب بالاذن ومشي ونوح بص لطيفه باستغراب وقال .....ماله الواد ده ..غريبه

و رجع لشروق و بصلها بغضب شديد 

شروق قالت بتوتر.... بتبصلي كده ليه.... انت ليه معايزش تصدقني بقول لك بجد كنت تعبانه ..و...و دلوك لما ارتحت شويه اتحسنت

نوح بصلها جامد بعدم تصديق و قال بخنقه.... طبعا سمعتي كل الكلام اللي قولته

شروق قالت بتوتر... انا...لاه..انا

بس قال بنفاذ صبر...سمعتييييه

شروق قالت بسرعه....ايوه سمعته وعايزه اقول لك ان انا ...

 بس قاطعها وقال بغضب..... تنسيه خالص.... تمسحيه من راسك كأنك ما سمعتيش ولا كلمه فهمتي 

ولسه هيمشي وقفته لما قالت بسخريه ....والله صعب انساه موعدكش مهو جناب العمده البيه نوح باشا مش كل يوم هيقولي انو معرفش يعيش سنتين  من غيري وانو كان مشتاقلي..هيه مره وجات بالغلط فاكيد مهنسهاش قريب اديني وقتي

نوح قرب منها بغضب وقال ....كويس انك عارفه انها جات بالغلط ...كلام اهبل قولته علشان تقومي انا اصلا كنت عارف انك  متعبناش 

شروق ضحكت وقالت.... انت ليه فاكر اني لما اعرف انك اتوحشتني وانك معرفتش تعيش من غيري يبقى هتبان ضعيف او يقلل من هيبتك  بالعكس انت لازم تحس كده اللي بينا كبير قوي يا نوح اللي بينا عمرنا اللي عدى كلو ومفيهاش حاجه لو اعترفت بيه 

نوح قرب منها قوي وبص لعيونها  وقال ...هيفرق معاكي لو اتكلمت ....لو يعني افترضنا ....ان انا فعلا زي ما انتي بتقولي كده عايزك وماعرفش اعيش من غيرك هتفرق...هتفضلي وياي وتطرقي الجدع اللي معاكي ده

بقلم...زهرة الربيع

 شروق اتنهدت  بحزن و قالت.... لاه مهيفيدش بحاجه يا نوح مبقالوش له لزوم دلوك..مش انا البت المتدلعه اللي جايبه جدع تاني علشان اغيظك بيه واول ما اشوف الغيره في عيونك اقول له كفاياك كده انت.....

بس قاطعها لما قال بسرعه...استني.. استني... مين ده اللي غيران.... انا ..انا اغير من القرطاس اللي معاكي ده شكلك اتخبلت في مخك على الاخر

شروق اتنهدت وقالت....اهو  غرورك وغطرستك دي اللي بتضيع منك كل حاجه كانت في يدك..على العموم اطلع دلوك انا عايزه انام شويه طول الليل صاحيه بسببك 

نوح بص لها بدهشه وضحك وقال ....لا والله ..انتي فاكره بعد ما عرفت انك ولا تعبانه ولا حاجه هسيبك هنه انتي هتنزلي تونسي اخواتك انتي والعقربه التانيه 

شروق قالت بسرعه ورجاء... لا والنبي يانوح امانه عليك مش قادره اوقف تاني  رجلي وجعاني وانت عارف اني مبقدرش اوقف عليها ...اصلا محساش بيها واصل

 نوح بص بعيد عنها وقال..... بلاش مسكنه لسه من شويه كان لسانك اطول منك

 شروق وقفت بسرعه وهي بتقول.... امانه عليك ما ترجعني تاني ...اااه

بس صرخت جامد وقعدت تاني على السرير بالم 

نوح جري عليها بسرعه وقال بلهفه.... مالك في ايه 

شروق قالت بدموع والم .....رجلي وجعاني قوي مقدراش اوقف عليها يا نوح

نوح  التفت على رجلها واتفاجئ لما لقاها  متورمه جدا 

قال بذهول...مال رجلك..ده من الوقفه تحت

عند سند راح لغنوه وقال باستغراب....غنوه... انتي صوح خذتي الليمون اللي كان طالع لنوح.....و فين وديتيه 

غنوه قالت باستغراب..... هوديه فين يعني ....في بطني ..شربته 

سند بصلها باستغراب وقال.... طب وانتي كويسه دلوك

غنوه استغربت اكتر وقالت ......مالك ....في ايه ما انا قدامك اها

سند استغرب قوي كلام امه 

بس غمض عنيه و اتنهد بضيق منها لانه عارف انها بتكره غنوه وفهم انها  عملت كل ده علشان تكرهوا فيها اتنهد براحه وقال .....ما فيش جيه على بالي اطمن عليكي بس

غنوه ابتسمت وقالت برقه ....ربك يطمن قلبك  

سند قرب منها قوي وبقى يبصلها باعجاب وشدها عليه بقوه وقال..... بقول لك ايه يا بت... متاجي نتجوز بدل ما اخربها من غير جواز  وازعلك

غنوه ضحكت جامد  وبعدتو عنها وقالت... ياسلام ده يوم المنى لو اقدر اتجوزك 

سند قال بسرعه...وايه المانع

غنوه اتنهدت وقالت...المانع اني في تعداد الموتى مقدرش اتجوز وافتح بيت

سند اختفت ابتسامتو وقال....متجبيش السيره دي تاني....محدش هياخدك مني بعد النهارده خلاص... انا ما صدقت رجعتي لي

غنوه داست على شفتها بكسوف وقالت ....هو انت عايز مني ايه بالظبط يا سند مبقيتش فاهماك واصل 

سند اتنهد وقال..... يعني معرفاش

غنوه ابتسمت وقالت برقه...عايزه اسمع منك

سند قرب منها قوي وبص لعيونها وقال....  عايزك ملكي يا بت الجزار ليا لوحدي ومحدش يحقلو يشوفك غيري...عايز استغنى بيكي عن الدنيا كلها... عايز املا بيكي حضني اللي ما بيشبعش وقلبي اللي ما بيتمليش ...عايزك معايا وبس ده كل اللي متاكد منه 

غنوه ابتسمت وسط دموعها وقالت.... لو لينا نصيب وربنا رايد لنا هنجتمع يا سند... حتى لو مش على الارض مش مهم

سند اتسعت عينيه بدهشه وقال...مش على الارض كيف...هنتجوز في زحل

غنوه ضحكت بخفه وقالت...لاه قصدي نجتمعو عند ربنا فوق انا لما نطلعولو هقولو معيزاش عريس غيرك اطمن

سند قال بزهول... بس انا معايزش اموت.. اطلعي لحالك 

غنوه قالت...وه .. وهو بمزاجك يا سند كلنا هنموت 

سند بصلها بغيظ وقال....موت لما ياخدك تصدقي وتأمني بالله ...انا اللي عايز ضرب الصرمه اللي بقولك كلمتين حلوين 

ومشي وسابها وهيه ضحكت  من قلبها 

بس اختفت ضحكتها بمجرد ما بعد وقالت بحزن..ربك معليهوش بعيد يا سندي

اما  سند نزل تحت وكانت امه قاعده في الصاله وقالت بسرعه...عملت ايه

سند قال بضيق ....بردك ياما دي مواضيع ينفع فيها حركات الحريم...ده انا قطعت الخلف على بال ما وصلت

حليمه قالت باستغراب ......في ايه يا ولدي نوح حصلو حاجه 

سند قال بخنقه.... لا اخوي زين وكوبايه الليمون كمان اللي بتقولي ان غنوه حطت فيها سم...هيه شربتها  بنفسها 

حليمه اتسعت عنيها بذهول وقالت .....شربتها كيف ...شربتها ليه اصلا 

سند قال بضيق...عادي  الجو حر وشربتها 

حليمه قالت بصدمه...و..ولسه  عايشه 

سند قال بخنقه....عايشه وكيف القرد....هملي البت في حالها ياما الللي جاريلها مش قليل علشان تذيدي عليه طلعيها من دماغك

قال كده ومشي وحليمه اتجمدت مكانها بذهول وكانت هتتجنن حرفيا مش مصدقه اللي بتسمعه ولا فاهمه ايه اللي حصل بس شهقت بخضه شديده لما حست بميه بتتكب فوق دماغها

التفتت و كانت غنوه وراها بتكب فوقها كوبايه الليمون وبتغني بصوت جميل وبتقول...... يا محمي في المعفن ميتك على الارض رايحه.....ده مهما يستحمل بردك ريحته فايحه

حليمه كانت واقفه بغيظ شديد ومتنرفزه جدا من الليمون اللي غرقتها بيه وغنوه ضحكت وقالت..... نعيما يا حماتي

حليمه داست على اسنانها بغضب وغيظ وفهمت انها مشربتش الليمون وقالت بغضب....حمه تاخدك وتريحني منك 

غنوه ضحكت وقالت ...مش قبل ما اطمن عليكي في تربتك يا حماتي ...يلا خدي الكوبايه وصليها لسماح وطمنيها ان الكبايه بخير والحمد لله

حليمه لسه هتنطق بس غنوه قالت بهمس وغضب.....ما بلاش الحركات دي يا حماتي متنسيش ان ورقك كله في يدي وعارفه انتي ناويه على ايه..و اذا  شيفاني ساكته فده علشان  سند واللي مر بيه مش هين ومعايزهوش يتوتر ويرجع ينتكس تاني فاهدي كده واعقلي واجعليها توبه لان دي اخر مره ليكي ...لو قربتي له تاني هخليه يتاويكي يا حليمه وانتي عارفه نوح 

قالت كده ومشيت وحليمه بصت لطيفها بغضب وغيظ شديد وهيه هتتجنن منها 

 عند نوح كان متفاجئ جدا بشكل رجل شروق اللي كانت متورمه جامد وبيقول بغضب ...رجلك ورمانه قوي ...كل ده محساش برجلك ليه ما ندهتيش على حد من الغفر هبله على طول

 شروق كانت بتبكى بالم وهو اتنهد و راح فتح الدرج وجاب علبه مرهم وقعد على السرير وقال.... هاتي رجلك 

شروق بصت له بدهشه وقالت.... لا لاه شكرا هخلي امي تحطه لي 

بس نوح شد رجلها حطها على رجله بالراحه وقال ....هي دي اول مره اداوي جروحك

شروق قالت بتوتر ......بس انا كنت صغيره يا نوح دلوك مينفعش

نوح بقى يدهن رجلها و ابتسم وقال.... مينفعش ليه مش انا كيف ابوكي

شروق قالت بنرفزه..... ما انتاش كيف ابويا يا نوح لا انت ابويا ولا انا بتك

 نوح ابتسم على شكلها وقال....بس انا قلبي اتبناكي يا شروق من يوم ما اتولدتي...و زرعك جواه كيف بذره صغيره لحد ما بقت شجره كبيره وضللت عليه

 شروق ابتسمت على كلامه الجميل وقالت...قلبك

نوح بص لعيونها وقرب منها وقال...ايوه قلبي..هو انتي متعرفيش انك جوه قلبي و ساكنه جوايا ....انا ما قدرتش اشيلك من بالي لحظه واحده ياشروق.... انتي مينفعش تكوني غير ليا صدقيني محدش هيسعدك ولا يريحك ولا حدش هيفهمك قبل ما تتكلمي غيري انا... انتي مهتعرفيش تعيشي مع غيري واصل اسمعي الكلام وخليني اردك لعصمتي هنعيش احلى ايام صدقيني انا ماصدقت لقيت الاحساس ده جوايا يا شروق وعمري ما حسيته مع اي بت غيرك اسمعي مني ياست البنات وارجعي لحضن نوح مهتلاقيش ادفى منيه

شروق كانت بتبص لعيونه بحيره  وهو تاه في عيونها وقربها وكانت بينهم نظرات جميله جدا 

شروق نسيت كل الدنيا جنبه كلامه خلاها مش قادره تنطق ونوح كان مغيب تماما قدام عيونها وقرب من شفايفها في ظل استسلامها ليه بس قبل ما يلمسها انتبه لنفسه ووقف بسرعه وبص بعيد عنها وغمض عينيه وهو بيحاول يتمالك نفسه واعصابه وبيلعن قلبه اللي كان هيخليه يغلط 

بقلم...زهرة الربيع

شروق كمان حطت ايدها على بقها بصدمه شديده من نفسها لانها استسلمتله بالطريقه دي ولولا انه قدر يتحكم في اعصابه مكانتش منعته ابدا  نزلت دموعها على خدودها وهو التفت لها وقال بسرعه...شروق انا مقصدتش انا....

 شروق قالت بغضب ودموع..... اطلع يا نوح ومتجيش هنه تاني... امشي

نوح قال بتوتر...طيب متبكيش ..محصلش حاجه وانتي ملكيش ذنب انا الغلطان و...

 بس شروق قالت ببكا...قولتلك اطلع يا نوح  لو سمحت اطلع دلوك معايزاش اسمع ولا حاجه 

نوح اتنهد بحزن وشاف ان مفيش فايده من الكلام دلوقت  طلع وسابها وهيه حطت ايدها على خدودها بذهول من نفسها ومن مشاعرها اللي لسه بتتحرك له تاني رغم انها مع شاب غيره  وهيتجوزوا لكن لسه مش قادره تتخطاه لسه بتنسى الدنيا قدام عيونه...الفكره دي هتجننها احساسها بانها ممكن تغفرله بيعصبها واحساسها انها بتخون نبيل بيقتلها من جواها اترمت على السرير وبقت تبكي بقوه

اما نوح طلع على الجنينه و بقى يشم الهوا و هو بيفكر  كل حاجه بينهم كل لحظاتهم اللي عدت سوا

 واخد نفس عميق وهو بيفتكر  دموعها من شويه ومش قادر يحدد احساسه...مشاعر جواه مخلياه  مبسوط جدا باللي حصل وكان بيتمنى لو كمل...ومشاعر تانيه بتلعنه لانها كان ممكن يخون عمه ولانه خوفها وزعلها بس فيه حاجه واحده اتاكد منها وهيه اللي ريحت قلبه وداوته..انها هيه كمان منستهوش لسه جواها ولسه فيه امل 

 فاق من شروده على صوت نجاتي بيقول...الحق يا جناب العمده

نوح اتنهد بخنقه وقال..فيه ايه يا عجل البرك..هو انت مينفعش تناديني من غير ما تفزعني وتقولي الحق يا جناب الزفت...انت حد مسلطك عليا...فيه ايه 

نجاتي قال.... يا بيه الدكتور اللي محبوس ده عمال يزعق ويقول  عايز يروح الحمام وقال لي اقول لجنابك ...خليه يروح الحمام احسن ما نضطر نغير له 

نوح اتنهد بخنقه وقال.... الله يقرفه.... روح فكو خليه يروح الحمام...وهاته هو والزفت حميد على المضيفه.....خلاص ربطتهم معادش  لها لزمه .... النهارده كل حاجه هتتحل ومفيش حاجه هتفضل متخبيه 

قال كده وراح على المندره

بعد شويه كان جامع فيها كل اهل البيت وغنوه وجنه و حميد ونبيل وحتى شروق خلى هويدا نزلتها

وكلهم كانوا مستغربين ليه جامعهم كده 

نوح  بص لجنه وقال بهدوء... المحامي بتاعي كلمني ...انا كنت قايله لو سمع اي حاجه او عرف باي خطوه قاموا بيها عيال المرحوم جوزك يبلغني لاني كنت متاكد انهم هيعملوا كده 

جنه بصت لغنوه بخوف ورجعت بصتلو  وقالت.... مفهماش ...هما عملو حاجه ولا ايه

نوح ابتسم بسخريه وقال ....رفعو قضيه نسب علشان يثبتو ان  الولد ده مش اخوهم

 غنوه اتصدمت بشده وجنه ضربت على صدرها بذهول وقالت  بخوف.... يا مصيبتي ..يا فضيحتي وسط الخلق عملوا كده ليه ...ليه حرام عليهم

نوح  قعد وقال بمنتهى الهدوء..... اكيد لازم يعملوا كده..دول  عندهم اراضي وعزب واملاك وكل ده ولدك يورث فيه بس لو  ثبت ان الولد مش ولدهم و طبعا بالتحليل اللي معاهم هيثبتو ساعتها ولدك ملوش حاجه عندهم

 جنه قعدت وبقت تبكي وقالت.... كل حاجه راحت.. كل حاجه راحت يا فضيحتي وسط الخلق...و ولدي كمان... ولدي مهيعرفش يرفع راسه في حد طول عمره

غنوه قعدت جنبها وبقت تحضنها وتهديها وقالت بدموع.... اهدي يا جنه ..يا حبيبتي اهدي كل حاجه لها حل 

نوح قال بسرعه.... بس الحكايه دي ملهاش حل وهتضطر تقف قصادهم في محاكم وهما هيقدرو يثبتو انه مش اخوهم...انا محامي وعارف بقولك ايه موقفك زي الزفت وهما معاهم الدليل ومعاهم الفلوس يعني هيكسبو القضيه. ..مش بعيد بعدها تطردي من البلد ده لو متحكمش عليكي بحاجات اسوء من كده 

جنه حطت ايدها على بقها وبقت تبكي جامد و الكل كانوا مصدومين من اللي بيسمعوه خصوصا حميد اللي وقف وقال بصدمه..انتو بتقولو ايه هو مين الي مش اخوهم..هما اتجنو ولا ايه وتحليل ايه ده كمان والله اتأبد فيهم ولاد صادق هما هيخيبو ولا ايه

بس نوح قال بسخريه.....في حجات كتير انت متعرفهاش...ولاد صادق بيقولو مصطفى ود بت عمك مش ولدهم  ومعاهم اثبات

حميد كان هيتجنن وقال....اثبات ايه وهباب ايه الكلام ده صوح يا جنه

جنه بقت تبكي بقوه وغنوه حضنتها وقالت...بت عمك اشرف من الشرف يا حميد منهم لله كلهم

حميد قعد بذهول لما شاف جنه بتبكي كده وحس ان كلام نوح صحيح

نوح ابتسم بهدوء وقال لجنه..على فكره انا جاهز اساعد واوقف معاكي للاخر ويمكن اخليهم يتنازلوا كمان لو سمعتي الكلام واتكلمتي وقولتيلي اللي فيها ...انا محامي كيف ما قولتلك  ولازم افهم منك لازم تتكلمي ما بقاش في حاجه تتخبى من اساسه  ولدك اللي خايفه عليه من الفضيحه والجرسه وانه يبقى ولد حرام دلوك هيتفضح قدام امة لا اله الا الله كلهم

جنه  كانت بتسمعوا بخوف ودموع وهو ابتسم وقال بثقه .....مصطفى واد حسن جوز غنوه اللي قتلته مش كده

...و قبل ما تكدبي الواد ممحتاجش تحليل انا فاكر شكل حسن الله يرحمه وياما اشتغلنا سوا 

هنا حميد اندهش وبص لمصطفى بتركيذ هو مكانش يشوفه لان جنه مزارتهمش غير مره واحده بابنها وفعلا خد بالو للشبه بينه وبين حسن حط ايده على دماغه بصدمه اكبر

جنه نزلت عيونها في الارض وقالت بخوف... انا لو قولت لك كل حاجه انت هتساعدني ...هتقدر تعمل حاجه في اللي انا فيه ده 

نوح قال بسرعه وثقه ...من بعد ربنا ما حدش يقدر يحلها غيري

جنه قالت بدموع ...انا هاقول لك كل حاجه

غنوه  قالت بذهول..لاه يا جنه اوعي لاه

بس جنه قالت بيأس.. كل حاجه راحت خلاص يا غنوه انا هقول لك اللي حصل كلو من قبل ما احبل بمصطفى وووووو

انا هحكيلك كل حاجه من قبل ما احبل بمصطفى في يوم مطلعتلوش شمس كنت عند غنوه في محل الجزاره وكنا بنتحدت سوا ذي العاده ولقيتها زعلانه قوي و قالت انها مضطره تعدي على الزفت حسنين علشان تديله ايجار المحل لانهم كانوا ماجرين محل الجزاره منه

 انا سألتها هي زعلانه ليه يعني قالتلي انها مبتحبش تروح هناك لان اللي اسمه حسن ولده الله يجحمه مطرح ما راح  بيفضل يعاكسها ويقل ادبه عليها ويقول لها هتجوزك وكلام من ده وهيه مطيقاش تروح بس مضطره لان حميد كان مسافر يجيب بهايم من سوهاج

الكل كان بيسمعوها بانتباه وهيه نزلت دموعها بحسره وقالت ....صعبت عليا وقلتلها انا اللي هودي له الفلوس واخدتها منها ورحتلهم البيت و يا ريتني ما روحت

 غنوه بقت تطبطب عليها وهي بقت بتبكي بحرقه وهنا نوح غمض عنيه بغضب وشبه فهم الحوار كله اتنهد وقال.... اهدي يا جنه وكملي... اللي راح راح واحنا معاكي دلوك كملي ومتخافيش من حاجه واصل

جنه كملت ببكى وقالت ....اول ما خبطت فتح لي هو...قصدي الزفت حسن  واتفاجئ بيا وقالي ايه جابك انا كنت مستني غنوه ...ماجاتش هيه ليه

قولتلو غنوه مفضياش و بعتالك الفلوس ديت

بصلي بصه عمري ما هنساها بس فهمت معناها متاخر و قال لي فلوس ايه اللي اخدها منك انا ما ليش صالح المحل بتاع ابوي هو بيحاسبني على كل قرش ادخلي اديهاله بنفسك هو في الصاله جوه 

وانا كيف الهبله دخلت وبقيت انادي على ابوه بس ما كانش في حد في البيت واتصدمت بيه قفل الباب ودخل 

جنه مقدرتش تكمل اكتر وبقت تبكي جامد و الكل كان متأثر جدا بكلامها وشكلها اللي باين عليه الصدق جدا

 نوح اتنهد بحزن وقال .....ام جمال ...اعملي كوبايه عصير وهاتيها بسرعه 

 وبص لجنه وقال.... على مهلك بالراحه كل حاجه ليها حل

 جنه حاولت تكمل وقالت وسط شهقاتها.... قولتلو كتير يسيبني اترجيتو وبكيت كتير بس قالي بقى الست غنوه خايفه ما تاجي وبعتاكي انتي مش مهم تادي الغرض بردك

خوفت قوي وقولتلو هصرخ والم عليه البلد بس ضربني و محسيتش بحاجه بعدها

جنه كانت منهاره وبتتكلم بالعافيه وحميد قال بذهول وصدمه وغضب...اكيف..كيف ده ..ليه محدش قالي ليه سكتو...انا..انا اولى بدمو ليه محدش اتكلم منكم

بقلم ...زهرة الربيع

غنوه انتفضت من غضبو وقالت..اهدى يا حميد امانه عليك البت مش ناقصه

نوح قال بهدوء....حميد صلي على النبي كده واقعد..ده كلام عدى عليه سنين خلينا نحل الموضوع علشان نردلهم اعتبارهم اقعد ولا لو مش قادر تسمع خليك بره 

حميد قعد وهو هيتجنن ودمه فار من اللي سمعه

ونوح بص لجنه وقال..اطمني وكملي ومتخافيش من حاجه  

جنه كملت بدموع وقالت.....صحيت لقيته عمل كل اللي عايزه كل حاجه راحت وقاعد بيشرب وقال لي غوري من هنا ولو جبتي سيره لاي مخلوق وبذات بت عمك..انا هفضحك في كل البلد وهاقول انك جيتي لي داري وانتي عارفه ان مفيش حد فيه غيري 

مرديتش عليه مقدرتش اتكلم كنت مرعوبه لبست خلقاتي وجريت وصلت بيتنا بالعافيه و امي لما شافتني قالتلي مين عمل فيكي كده وبقت تبكي وتلطم ...قلت لها كل حاجه بس كانت هتعمل ايه انا ابويا ميت ومليش اخوات صبيان احنا اربع بنات خافت على سمعتي و على سمعت اخواتي قالت الناس هتقول بعد  ما ابوهم مات عيارهم فلت كتمت على الموضوع و قالت لي اوعي تجيبي سيره لحد متتكلميش واصل اوعى حد يعرف وانا كنت مكملتش ١٨ سنه ومرعوبه قوي سمعت كلامها وسكت 

هنا نبيل وقف وقال بذهول .....انتي بتقولي ايه ...مين اللي قالت لك كده ...مامتك ....ازاي...ازاي ما راحتش بيكي على القسم وعملت له محضر الحيوان السافل ده 

الكل بصولو بدهشه ونوح قال بخنقه ....انت يا حبيبي عايز توديها القسم وخلاص ....حاضر من عنيا هخليك تزورها قبل ما تمشي اقعد مكانك وبقك ميجيبش هوا ...بدل ما تطلع من المندره كلها وتروح تونس حبايبك في الاسطبل 

نبيل لسه هيتكلم شروق قالت بسرعه ....نبيل مش وقته خالص..... اقعد دلوك خلينا نفهم 

نبيل اتنهد بخنقه وقعد ..ونوح قال .... كملي يا جنه

 جنه قالت بخوف....انا بعدها فضلت  محبوسه في اوضتي ومرضيتش اجيب سيره لاي حد ولا حتى غنوه.... لحد حد ماحصل اللي انا وامي معملناش حسابه وظهرت عليا اعراض الحبل وامي عرفت على طول وبقيت تبكي وهي مش عارفه تعمل ايه اخدتني عند حكيمه في نجع تاني عشان متعرفناش  واكدتلنا اني حبله ورجعنا من هناك على الورشه اللي كان شغال فيها حسن

وبقت تبكي اكتر وقالت..... امي راحت له وباست على يده ورجله انه يستر عرضنا ويتجوزني لان محدش هيصدقني ويقول انه كان غصب عني... بس هو  رمالها شويه فلوس وقالها ده اخر بتك معايا و كثير قوي عليها كمان

 ولما بقيت تتحايل عليه اكتر زقها بره المكتب ورمانا انا وهيه   وقفل الباب 

امي ساعيتها بصتلي بقلة حيله وطبت من طولها هناك وانا مبقيتش عارفه اعمل ايه بس ربنا كبير وموجود كان صادق هناك بيتفق على شغل مع حسن وشافه وهو بيزعقلنا وبيطلعنا بره مكتبه..وقتها الراجل كتر خيره ساعدني و نادي على رجالتو شالو امي واخدنا على المستشفى كان راجل كبير قد ابوي قعد يحاول يهديني ويسكتني وقالي فيه ايه مع حسن لو ليكم عندو حق اساعدكم ... انا وقتها ما كنتش عارفه بقول ايه ولا لاقيه اي مخرج حكيتلو اللي حصل كلو

 الله يرحمك يا صادق ويجعله في ميزان حسناتك قالي انتي كيف بتي وهستر عرضك ما تخافيش انتي وامك مسؤولين مني

نوح قال...يعني كيف ما فكرت ..صادق كان عارف

جنه قالت بسرعه...عارف كل حاجه هما فاكرين اني ضحكت عليه بس انا استحاله اورطه معايا كده ...هو كان راجل امير مشيلنيش اي هم بس شرط عليا شرط ان محدش يعرف بالموضوع ده وان ولدي هيبقى ولده 

مكانش قدامي حل تاني  كان نجده لينا من السماء رغم سنه واتجوزتو وغنوه بعدها بقيت تحاول كتير تعرف انا ليه وافقت على جوازه زي دي وانا كنت صغيره قوي... بس انا ما اتكلمتش ولا كنت ناويه اتكلم ولا اجيب لها سيره ولا تعرف ابدا وقضيت احلى ايام عمري مع صادق وخلفت مصطفى ويشهد ربنا عمره ما فرقه عن عياله و كتبوا على اسمه  واتقى ربنا فيه وفيا بس بردك ما كانش مقسوم ليه افرح واصل

اتفاجأت ان الوسخ االي اسمو حسن فضل ورى غنوه لحد ما وافقت على جوازها منيه

 لما عرفت انه خطبها كنت هتجن مكنتش عايزاها توقع وقعه زي دي مع الشيطان ده....واتحايلت  على صادق اني احكيلها بس قال لي انا راجل معايا ولاد كبار ومش عايز حد يطولهم بالكلام ويقول ان ابوهم اتجوز واحده وهيه حبله من راجل غيره وقال لي انت وعدتيني ولانه كان تعبان وقتها بردك سكت... سكت زي ما دايما بسكت 

لحد ما جيه اليوم المشؤم يوم فرحهم  

نوح قال بانتباه...حصل ايه بالظبط يومها

جنه قالت بدموع....انا..انا قعدت ويا حالي ومقدرتش قولت لو هيطلقني مش هخلي غنوه يحصل لها كده وطلبت منه تاني اني اروحلها  بس حبسني جوه الاوضه ومرضيش يطلعني وقتها نطيت من الشباك

وروحت الفرح وجريت على اوضة غنوه  وقبل ما اقول لها اي حاجه سالتها كتبتو الكتاب ولا لسه.... كنت عايزه اعرف هتكلم ولا لا..... بس هيه طول عمرها ذكيه استغربت جيتي لاني قولتلها جوزي مبيطلعنيش وكمان استغربت سؤالي ولهفتي  حبت تعرف انا عايزه اقول ايه فقالتلي لسه... لسه مكتبناش الكتاب..... انا فرحت وقتها اني لحقتها وحكيت لها كل حاجه

وبقت تحاول تسيطر على دموعها وقالت...بس..بس هما  اصلا كانوا كتبو الكتاب و شويه وهيروحوا على بيتهم...ولان غنوه بطبيعتها عصبيه قوي اول ما عرفت كانت عايزه تروح تخربها في نص الفرح بس انا اتحايلت عليها عشان ولدي قلت لها انا ميهمنيش اني هتطلق بس همني مصطفى مش عايزه  الناس تفضل تعايره بيا طول عمره ويتقال عليه ود حرام..... بس انا مليمهاش على اللي حصل محدش مكانها خيتي ما حدش عاش اللي عاشتو وانا كملتها عليها يوم فرحها قولتلها حاجات تخليها متبصش في وشه مهما حصل ....وفعلا معدتش الليله على خير وعرفت انها قتلتو....وحتى صادق بعديها بايام مات لانو كان عيان سابني لوحدي ..بس الحمد لله كان راضي عني ومزعلش من اللي عملتو 

من يومها غنوه وعدتني تسكت ومتقولش قتلتو ليه لاجل ولدي يعيش مكرم والناس متجيبش سيرته وهيه عملت اللي عليها وسكتت  رغم انها كانت هتموت بس خلاص مفيش فايده كل حاجه راحت

نوح اتصدم بكلامها ووقف بغضب شديد وقال بزعيق..... كل ده حصل ومفكرتيش تاجي لي ولا مره ...مجيتيش ليه حكتيلي من الاول كنت خليته يتجوزك ورجله فوق رقبة  اللي خلفوه 

جنه قالت ببكى وانهيار ..محدش فيكم يقولي مقولتيش ليه ومعملتيش ليه....انا كنت معرفاش اتصرف ..كنت صغيره ومرعوبه ومقهوره ولوحدي ...امي قالتلي اسكتي لان الناس مبتسكتش والكلام هيتنطور وانتي عندك اخوات بنات ...انا اتقتلت قبل منو محدش يلومني على اللي حصل

نوح اتنهد بحزن عليها وهز راسو بيأس وقال...عاذرك يا جنه...محدش له حق يلومك ..انا بس محروق علشانك ياريت اقدر ارجع الوقت واخدلك حقك واقف معاكي

حليمه قالت بسخريه....انتو صدقتو الفيلم ده..وايه ضمنلكم كلامها صح..مش يمكن كانت وياه ب..

بس سند قال بسرعه ...اما....ولا كلمه في الموضوع ده ولا كلمه

حليمه قالت بسرعه..انا قصدي ان...

بس قاطعها تاني وقال بحزم...ياما قولتلك ولا كلمه

حليمه اتنرفزت منو وسابت المندره وخرجت بغضب

وجنه اتنهدت بحزن وقالت .... حقك عليا يا غنوه ..انا السبب في كل اللي حصل لك 

غنوه حضنتها وبقت تبكي جامد وقالت .....انت اللي حقك علي ....حقك عليا يا قلبي انا اللي بعتك هناك للكلب ده انا اللي ضيعت عمرك حقك على راسي

 سند اتاثر جدا بدموعهم وقال..... خلاص اهدوا وصلوا على النبي كل حاجه ليها حل

 نوح اتنهد وقال ....معاه حق كل حاجه لها حل احنا معاكم متقلقوش ...جيه دورك يا غنوه ايه اللي حصل بعد ما هي قالتلك او بمعنى اصح بعد ما روحتوا بيتكم 

غنوه مسحت دموعها وقالت بحزن..... لما روحنا مكنتش طايقاه مكنتش قادره اسمع صوته انا اصلا مخنوقه منيه من قبل ما اعرف الموضوع ده.. اتجوزتو علشان اخوي يسكت لانه طلبني بدل المره 1000 واخوي كان بيقول لي ايه سبب رفضك  ومكنتش الاقي سبب ..كانت عندي احلام بعيده بعد السما من الارض ومكانش ينفع اتكلم ... فقلت افوق من اوهامي واتجوزو مش يمكن لما اتجوز واعيش معاه اغير فكرتي عنه...بس بعد ما عرفت اللي حصل مقدرتش اتكلم معاه ولا كلمه وهو...احم...هو يعني حاول يقرب مني زي اي عريس بس مقدرتش جنه كانت اختي مش بس بت عمي و انا ..انا اللي وديتها هناك بنفسي وهو كان مستنيني انا ...هيه فدتني وضاعت بسببي واتجوزت واحد قد ابوها كل كلامها جيه في راسي... قلتله خليك بعيد عني يا حسن بس ما سمعش الكلام 

سند قال بسرعه...وعشان كده قتلتيه

غنوه هزت راسها بالرفض بحزن وقالت...لاه....هو ميأسش ولا سكت فضل يحاول لحد ما خرجت عن شعوري و انفجرت فيه وحكيتله كل اللي اعرفه وقولتلو شهر بالكثير وهتطلق منه مش عشان سمعتي بس عشان جوز جنه ميعرفش انها حكت ويطلقها بس السافل الواطي ولا همه كلامي قالي انا ما صدقت اتجوزتك انا مكنتش عايز غيرك ولو مكانتش بت عمك جات وانتي اللي جيتي  كنت هعمل كده علشان الوي دراعك واتجوزك

 وطلع موبايله وراني عليه صور وفيديوهات واتصدمت لما لقيته  مصور جنه وهي معاه صور مقرفه وما كانش مبين انه غصب عنها لانها كانت مغمى عليها كانت مبينه نايمه في حضنو

قالي هملا بيها البلد هقولهم اني كنت مرافقها ..وابقي قوليلهم بقى انه كان غصب عنها وخليهم يصدقوكي..و مش بس هي هتتفضح انتم كمان واخوكي كلهم هتتفضحو وهتشيلوا عارها عمركم كله ..وانا راجل ومحدش هيقول لي حاجه اعقلي واسمعي الكلام لو في اي يوم فكرتي تطلقي مش هخلي حد الا لما يشوف الفيديو ده

بقلم....زهرة الربيع

 انا اتصدمت وبقيت اقول له هاته  وحاولت اخد التليفون منيه بس كان بيبعد يده وبقى يقرب مني غصب وانا كنت مخنوقه محسيتش بنفسي غير بسحب سكين  كانت في طبق الفاكهه جاري وضربته بيها عشان اخذ التلفون ...كل حاجه حصلت في دقايق وبقى جثه قدامي وانا معارفاش اعمل ايه..بس من وقتها عاهدت نفسي ان اللي عدى جنه ضحت فيه و اللي جاي انا هضحي فيه عشان تعيش هي وولدها ومحدش يتعرضلهم

 الكل كان مصدوم من اللي اتقال ونبيل كان متاثر جدا جدا وقال....انا.... انا مش عارف انتوا ازاي بتفكروا بالطريقه دي اتنين بنات يتظلموا بالشكل ده لمجرد انهم خايفين يتكلموا ايه المجتمع الذكوري ده

نوح نفخ بزهق وقال.....وانبي تنقطنا بسكاتك الحكايه محملاش وبص لجنه وغنوه وقال.... انا عايزكم تفهمو ان الموضوع ده لو اترفع للمحكمه كانت غنوه هتتدان لان حتى بعد اللي حكيتوه ده مفيش سبب يخليها تقتله 

غنوه قالت بزهول .... كل ده ومفيش سبب بقول لك ا تعدي على بت عمي واتجوزني من غير ما اعرف حاجه ومعاه فيديوهات ليها عايز يفضحها بيها

 نوح قال ...افهمي يا غنوه انا دارس قانون وعلشان كده بقولك كل ده في المحكمه ميسواش حاجه....الللي قولتيه ده كنتي تقدري ترفعي بيه قضيه مش تقتليه...وانا مش بلومك ولو كنت مكانك كنت بردك قتلتو بس لازمن افهمك موقفك  ..في القانون والمحاكم الوحيده اللي كان من حقها تقتله جنه ومش يوم فرحك كمان لا لحظه الاعتداء ..ده كان هيبقى دفاع عن الشرف وقتها ممكن تاخد حكم مخفف او تطلع براءه لكن بعد اللي حصل ده قدام النيابه انتي هتداني على قضيه قتله 

بس الحمد لله حسنين معايزش يحلها في النيابه ودوس المحاضر ودفنه من غير ما يتهمك بحاجه...وعشان كده انا هتكلم وياه سيبوا حل الموضوع ده عليا ..انا شارط عليه من الاول اذا ولده غلطان في حاجه ميجيش جنبك

جنه قالت بدموع ....طب وولدي والقضيه اللي رافعينها علي 

نوح وقف وقال بسخريه.... مفيش قضايا اترفعت ولا حاجه هما اتجنوا عشان يرفعوا قضيه يفضحوا ابوهم بيها هم هيحاولوا يهددوا بس علشان ياخدوا الورث...ساعيتها انتي تتنازلي عنيه وخلاص

بصولو بزهول وجنه قالت..بس انت قولت انهم رفعو عليا قضيه

نوح ضحك وشد عبايته وقال...تعيشي وتاخدي غيرها ..انا قولت كده لانكم بالعين سد الحنك ومعايزينش تتكلمو انما ولا فيه محاكم ولا قضايا

 غنوه وجنه اتسعت عينيهم وبصوا لبعض بصدمه ونوح ضحك على شكلهم وقال .....ما تتصدموش كده احنا لسه في الاول ..لسه هصدمكم كتيير مش معنى اني ساكت لكم وسايب كل اللي معاه لعبه يلعبها من بعيد لبعيد ابقى مقاديرش احل ولا اربط.... انا سايبكم بمزاجي انما اي مشكله هتلفوا تلفوا وحلها هيبقى عندي 

وبص لشروق وقال ....واي حاجه من حقنا وبتاعتنا هنرجعها ....طالت والله قصرت هنرجعها

 قال كده ومشي ونبيل وقف  بغضب وسحب شروق من ايدها وطلع بيها على اوضة الضيوف وقال بغضب ....يقصد ايه بالكلام ده

شروق قالت بتوتر..مفهماش ..شكلو بيكلم جنه وغنوه

نبيل قال بغضب...لا بقى على فكره يقصدك انتي بالجمله الاخيره دي ..قال اي حاجه بتاعتنا ومن حقنا هنرجعها....ايه هنرجعها دي بقى ان شاء الله 

شروق عملت نفسها مش فاهمه قصده ايه وقالت...وانا مالي يا نبيل ما تسألو

نبيل غمض عنيه بغضب وقال بحزم.... شروق انا مش عايز نجرح بعض تمام عايز يبقى فيه بنا تفهم و انا دلوقتي جاهز اقبل منك اي حاجه واي قرار..بس بعد كده مش هقبله على كرامتي ابدا

شروق بلعت ريقها بتوتر وقالت...انا مفهماش قصدك ايه

 نبيل قال بسرعه..لا فهماني يا شروق ... ابن عمك ده انا مش مرتاح لحركاته ..انتي قولتيلي اتجوزتو غصب واتطلقتو عادي ومحدش عندو مشاعر للتاني بس انا مش شايف كده ...و زي ما قولتلك اي قرار هتقوليه دلوقت هحترمه...بس بعدين لا

شروق قالت بتوتر...انت مكبر الموضوع و...

بس قاطعها وقال بحزم... من غير لف ودوران هسالك سؤال واحد عايز اجابه صريحه ليه....في نيتك ترجعي للشخص ده ممكن ترجعي له تاني ...عايز اجابه دلوقتي يا شروق ..اجابتك هتحدد مصيرنا..يا اما هيبقى بكره حفل خطوبتنا يا اما هاخد شنطتي وامشي

شروق اتصدمت بكلامه ووووووووو

عايزه اعرف حالا انتي ناويه ترجعي لطليقك ولا لا...لو جاوبتيني بصراحه دلوقتي انا هتفهم وهحترم قرارك ولو كانت اجابتك ايوه هاخد شنطتي وامشي حالا وبهدوء 

شروق اتوترت  جدا من سؤاله وقالت ...احم... انت بتقول ايه يا نبيل ..انا لو كنت ناويه ارجعله كنت اتطلقت ليه من الاساس 

نبيل اتنهد وقال...دكتوره شروق...احنا اطباء..وفاهمين يعني ايه اضطربات نفسيه وعارفين العقل بيأثر ازاي على القلب لما يكون غضبان ..وانا واخد بالي جدا لمشاعر ابن عمك ومتاكد انو بيحبك ولو شكي في محله وانتي بتبادليه نفس المشاعر يبقى انا مليش دور وسطكم ولو صارحتيني هنسحب بكل هدوء لكن مش هقبل افضل بينكم واتحداه واحاول علشانك وانتي تكوني...

شروق قاطعته وقالت بسرعه...انا معرفاش مشاعره ايه..ولا عايزه اعرف...انا كل اللي اعرفه ان نوح صفحه طويتها من حياتي ومعيزاش افتحها تاني...ومش هرجعله حتى لو انت مكملتش معايا يا نبيل

نبيل  اتنهد وقال ....متاكده يا شروق

 شروق ابتسمت بتردد وهزت راسها بالموافقه وقالت..... اكيد انا..انا عمري ما هستغنى عن الثقه و الاحترام و التقدير  اللي لقيتهم معاك هو ده بس اللي انا محتجاه ونفسي اعيشه

 نبيل ابتسم بسعاده ومسك ايديها وقال....ولو انك مقولتيش الحب بس انا بأكدلك ان محدش هيحبك قدي 

شروق ابتسمت وهيه بتحاول تقنع نفسها ان ده الصح ونبيل قال بحماس...كده خلاص انا هكلم بابا وماما واخليهم يجو هنا ونطلبك من والدك رسمي ... والباقي هيبقى على حسب مايتفقو اذا والدك وافق الخطوبه تبقى عندنا في القاهره هنسافر كلنا سوا ..واذا اصر تبقى هنا مش مشكله المهم تبقي مرتاحه

شروق قالت..مش مسالة راحه والله بس دي عوايدنا البت خطوبتها تبقى عند ابوها

نبيل ابتسم وقال...عارف وبحترم جدا عوايدكم بس انتي عارفه انا بابا وماما اتحدو العوايد دي واتجوزو في القاهره رغم ان والدتي كانت من الصعيد ..انا وانتي كمان هنتحداها بصي انتي سيبي المسائل دي عليا هخلصها مع عمي هكلمه دلوقت 

شروق ابتسمت بتوتر وقالت ...انا  ما عنديش مانع في كل ده بس ليه عندك طلب بلاش استعجال خلينا نعرف هيحصل ايه مع غنوه الاول انا حابه تحضر معايا هي وجنه..انت سمعت بنفسك اللي حصل معاهم وعايزاهم يفرحوا معانا ونوقف جنبهم في ازمتهم..و..احم يعني كمان  انت عارف ان هو يعني لسه ما كلمناهوش و

نبيل قاطعها وقال بسرعه ...خلاص انا هجيب اهلي ونطلبك رسمي ومش هعمل الخطوبه غير لما نطمن على غنوه  هنستنى ونعرف هتعمل ايه بالظبط ..اما حضرة العمده ده ولا يشغل بالك انا اتكلم معاه بالحسنى ولو منفعش هو ما لوش دخل بينا 

شروق ابتسمت بالعافيه وقالت.... معاك حق ملوش دخل

و كملت بهمس وقالت... ربنا يستر

نبيل قال بابتسامه... بتقولي حاجه 

شروق ابتسمت وقالت.... ابدا سلامتك 

عند حليمه كانت قاعده مع سماح وقالت بغضب.... كنتي لازم توقفي جنبيه وتتاكدي انه شربها حتى تسيبيه...نعمل ايه  دلوك حطينا كل الحبوب اللي معانا ولسه هستنى لما الغبي اللي بجيب منه يعرف يتصرف لي في علبه كمان 

سماح قالت بضيق... وانا ذنبي ايه كنت هشربهاله في بقه يعني...انا لما وديتها لقي يدي بترتعش.... قال لي روحي نامي مشيت...مشوفتهاش لما جات اخذتها 

حليمه قالت بغضب شديد..... انا ما عارفاش البنت دي طلعت لي من وين وكله كوم وسند كوم عامله زي ما تكون سحراله.....بس ملحوقه هي يعني هتخلد هنه مسيرها هتتكشح سواء تموت او تغور في داهيه ....وانا وراه والزمن طويل ولد صابحه وكيف ما خلصت من امه هخلص منه عمره ما هيكون اصعب منها 

 عند نوح تحت كان بيتكلم في التليفون مع حسنين وبيقول...يا حسنين انا مش بكلمك علشان تحكي لي قصة حياتك.... انا بكلمك علشان اقول لك ان فيه مواضيع كتيره جديده حصلت وجدت وانا قلت لك لما اعرف ولدك اتقتل ليه هكلمك واقول لك...انت لازم تاجي ونقعدو ونتحدتو في الموضوع لاني عرفت  كل حاجه ...لو جيت بالحسنى كان بها ميمعتش الكلام هعتبر ان ملكش اي حق عندنا وساعتها لو قربت لاي حد من البيت وبذات أرملة ولدك هتبقى مشكلتك معايا انا 

وسمعوا شويه وقال ...كده زين بديت تتكلم بعقل وانا احب الناس اللي بتتكلم بعقل هستناك بكره نقعدو ونتحدتو وكل اللي ليه حق ياخده

قال كده وقفل ولسه هيطلع لقى نبيل في وشه قال بضيق.... خير الهم اجعلو خير

 نبيل قال بحزم.... عايز اتكلم معاك يا عمده راجل لراجل 

نوح ابتسم بسخريه وقال..... راجل لراجل ...ولو ان مفيش مساواه خالص في الجمله كلها بس ماشي سامعك اتفضل يا راجل

 نبيل قال بسرعه......اللعبه اللي بنلعبها سوا دي مش هتنفع خالص.... انا وشروق بنحب بعض و عايزين نتجوز و...

بس قاطعوا نوح لما قال... لاه كده في غلط في الكلام.. انت بتحب شروق وده طبيعي وعاذرك فيه شروق لو اتكت على الحيط اللي وراك ده هيحبها انما هيه تحبك دي بعيده عليك قوي اما تكلمني اتكلم كلام يدخل عقلي مش يدخل عقلك انت 

نبيل قال بغضب ....بتحبني او لا دي حاجه تخصنا احنا..المهم انها عايزه تكمل معايا انا واللي انت بتعمله ده مش هيفيدك بحاجه وهيقلل من قيمتك لان في النهايه بعد كل اللي بتعمله ده هتجوزها

نوح ابتسم بسخريه وقال ....لا انت كده بقى جاي  تتحدى مش تتحدت

بقلم...زهرة الربيع

 نبيل قال بثقه... اعتبر كلامنا زي ما تعتبره انا قعدت مع شروق وقولتلها اني هكلمك ...عايزك تشيل مناخيرك من موضوعنا خالص ممكن تعتبر ان ملكش بنت عم اصلا لان شروق بقت  تخصني 

نوح قرب منه خطوات وقال بتحدي....تمام.... يبقى اسمع الكلام اللي تمشي عليه الجمال... شروق من يوم ما اتولدت وهي تخصني انا وبس والدنيا كلها مشت على الاساس ده...حتى ربك اللي خلقني وخلقك بجلالة قدره  بعد كل الحواجز اللي بينا وكانت فيه حواجز اصعب منك مليون مره وبردك شالها من بينا علشان سبحانه يفهمك انت وغيرك انها من نصيبي انا وبس..فلو عايز  تحفظ كرامتك خد بعضك وعاود بلدك بدل ما تعاود من غيرها وانا مش مسؤل 

نبيل قال... يبقى انت اللي ابتديت انا مكنتش عايزه اتخطاك بس انت اللي عايز كده....بكره اهلي هيجوا وهيطلبوا شروق رسمي من ابوها وهنحدد الخطوبه سواء هنا اوهناك على مزاجه 

 نوح قال بيخريه..على راحتك شكلك معايزش تتبهدل لحالك وعايز تجيب اهلك معاك يونسوك يا اهلا ومية مرحب تنور 

نبيل قال بسخريه...بكره نشوف...و خليك فاكر اني جيت لك بالذوق وانت اللي رفضت ومش عايز تشيلني من دماغك 

نوح ضحك بخفه وقال..... اشيلك من دماغي...لهو انا لو  هاحطك في دماغي احط  في رجلي ايه

هنا نبيل اتعصب جدا ولسه هيقرب عليه شروق كانت سامعه كل حوارهم وجريت عليه بسرعه وقفت مابينهم وقالت.... نبيل اطلع ريح انت وان شاء الله ما هيحصلش غير كل خير

 نبيل قال بغضب..... هو فعلا مهيحصلش غير كل خير.... انا هتصل على اهلي وبكره باذن الله هيكونوا هنا هنطلبك رسمي واللي عندو حاجه يعملها 

 قال كده ومشي ونوح بس لطيفه بغضب شديد و بص لها بحده وقال...و انتي مش رجلك لسه وجعاكي قاعده  تتنططي عليها ليه ....اطلعي ريحي في اوضتك

 شروق قالت بضيق..... ارتاح كيف بعد اللي بتعملوه ده يا نوح كفاياك بقى  انا مش صغيره وبقول لك عايزه اتجوزوا هو وراضيه بيه

 نوح قال بغضب ...اه من لسه من شويه خدت بالي انك ريداه هو و راضيه بيه

شروق اتوترت جدا واتكسفت لانها فهمت انه قاصد لما كانوا فوق قالت بغضب.... انت قليل حيا وانا غلطانه اللي بتكلم وياك 

ولسه هتمشي وقف قدامها وقرب منها قوي وقال.... طبعا انتي سمعتي اللي دار ببنا...ولاخر مره هقولك انهي اللعبه دي وخليه يغور من هنه انتي عمرك ما هتكوني لحد غيري وده وعد من نوح

 شروق قالت بغضب.....و انا عمري ما هكون لعبه ليك يا نوح هملني في حالي واطلع من حياتي انا هتجوز نبيل وهقول لابويا ولو ما وافقش همشي انا ونبيل ونتجوز هناك عند اهله 

وسابته ومشيت وهي متعصبه جدا

نوح ابتسم بسخريه وقال بصوت عالي...نجاتي 

نجاتي جيه وقال بسرعه.... امر جنابك

 نوح قال بثقه..... عدي على صلاح الخياط وصيته على فستان واديته المقاسات جيبه منيه وعدي على ابو خالد الصايغ وصيته على دبله حريمي قوله عايز الدبله اللي وصاك عليها نوح  بيه وهاتهم الاثنين وتعال بس بالراحه عليهم دي حاجات غاليه قوي ....ماشي يا نجاتي عشان انا عارفك

 نجاتي قال بفرحه.....دا انا هحطهم في عنيا جنابك 

نوح اتنهد وقال....طب ربنا يستر 

نجاتي مشي ونوح ابتسم وقال ماشي يا بنت حكم انا عارف كيف ارجعك لعقلك

اما غنو فضلت مع جنه لحد ما نامت هيه وابنها 

ورجعت على اوضتها  ولسه هتقفل الباب سند حط رجله عند الباب وقفها وقال.... عايز اتكلم وياكي ضروري

غنوه قالت بتوتر..... انا قولت كل حاجه تحت يا سند وعايزه انام 

سند دخل وقفل الباب  وقال.... لا مقلتيش كل حاجه الجزء اللي يهمني مقلتهلوش

غنوه بصتلو باستغراب وقالت..... قصدك ايه مفهماش 

سند قرب منها قوي وقال..... انا الحلم اللي كان كبير عليكي ومش طيلاه ...وعشان كده قبل ما تعملي مسرحية موتك في اليوم اللي اتصبتي فيه قولتيلي عشقاك في النور مش كده

بقلم...زهرة الربيع

غنوه اتوترت وحاولت تضحك بسخريه وقالت....واه...انت لسه فاكر اليوم اللي اتصبت فيه ده انت حالتك واعره قوي...يلا بطل كلام ملوش عازه واطلع لاحسن شروق تاجي يلا

بس شهقت لما شدها ليه بقوه وبص لعيونها بعشق وقال...الكدب باين في عنيكي...العيون دول اللي كل  ما يبصولي احس نفسي سلطان زماني ومحدش يملا مكاني

غنوه ابتسمت بيعاده من جواها وقالت ....امم طب انت عايز ايه دلوك

سند قربها ليه وقال بهمس...اللي عايزه كتييير  والصبر مر

ولسه هيلمس شفايفها دفعتو وقالت ...وبعدين بقى في قلة الحيا وعدم الربايه اطلع يلا ومتتعبش نفسك النحنحه دي مبتجيبش معاي واصل

سند اتنهد وقال بغيظ...قلة حيا وعدم ربايه كمان ماشي على العموم  بقاش فاضي الا القليل وهكلم نوح وهتجوزك وساعتها هوريكي ان حليمه مربتنيش ساعه على بعضها

غنوه قالت بدهشه....طب ما انا عارفه انها مربتكش ولا دقيقه حتى ..بس جواز ايه...انا مش قولتلك مينفعش نتجوز  لاني مش عارفه موضوعي هيرسي على ايه و 

سند  قال بسرعه ....هتجوزك يا غنوه غصب عن عنين حسنين وكل قبيلته والدنيا باللي فيها

 غنوه كتفت  ايديها وقالت ....و عايز تتجوزني ليه بقى... ايه السبب.... شوف يا سند انا مش هبله اذا انا عاجباك وليك مزاج تاخد لك كام ليله معايا  ولقيتني مصدرالك الوش الخشب فقولت تاخدهم بالحلال وبعد كده تطلقني...انسي انا الكلام ده مينفعش وياي واصل يعني شيلني من دماغك 

 سند اندهش من كلامها و قال ....انتي فاكراني هتجوزك علشان اقضي كام  ليله ...ليه من قله الحريم  اياك 

غنوه ابتسمت بثقه وقالت....الحريم كتيره بس هي غنوه واحده 

سند داس على شفته باعجاب و قرب منها وقال....في دي معاكي حق....وعلشان هيه غنوه واحده داخله مزاجي....بس اسمعي يا بت الناس انا صوح عايزك وقوي كمان ...بس عايزك للعمر كله لاني متأكد انك الوحيده اللي تسدي معاي عمر بحاله وتغنيني عن الدنيا بكل حريمها 

غنوه كانت من جواها طايره بالسعاده وقالت..طيب..احم..طيب امشي دلوك ربنا يهديك احسن حد ياجي

سند بصلها جامد وقال طيب..ماشي بس عايزه اقولك حاجه اخيره .بمناسبة حلمك البعيد اللي مكنتيش طايلاه ...جيت اقولك ان حلمك اتحقق يا صبيه ..واللي كان في يوم حلمك بقيتي دلوك كل احلامه

 غنوه اتفاجأت بكلامه و لمعت عيونها بالدموع وقلبها بيرقص جوه ضلوعها ولسه هترد  الباب خبط وسمعو صوت  شروق بتقول ....غنوه قافله الباب من جوه ليه... افتحي اخوكي حميد معاي عايز يسلم عليكي قبل ما يمشي 

غنوه اتسعت عنيها بذهول وسند اتوتر وقال.... واخوكي جدع عاقل ورزين وهيستنى يفهم ولا مقفل  كيف نوح كده

غنوه قالت بخوف وطريقه اشبه بالبكاء..... لا يا اخويا كيف نوح ...وشكلهم هينوحو علينا النهارده منك لله يا بعيد وووووو

هو احنا لو فتحنا الباب واخوكي شافني معاكي هنه هيبقى عاقل كده ويستنى يفهم ولا مقفل كيف نوح 

غنوه قالت بطريقه اشبه بالبكا.... لا يا اخويا مقفل كيف نوح  وشكلهم هينوحو علينا انهارده منك لله يا بعيد

سند قال بتوتر...وانا عملت ايه يعني ما انا كنت...

بس قاطعتو لما قالت بسرعه.... اتخبى ...اتخبى في اي حته وانا هافتحله واوزعه

سند بصلها بدهشه وقال... اتخبى فين.... واتخبي ليه من اساسه انا هفتح له واتكلم  وياه واها كمان اطلب يدك منيه بالمره

و لسه هيمشي غنوه مسكت ايده وقالت بذهول....تفتحلو كيف اتجنيت اياك... عايز تعمل مشاكل وفضايح وتفرج علينا الدار كلو ما تجيبلناش الكلام الله لا يسيئك لو لقاك هنه مهيستناش يفهم حاجه ولو مد يده عليك اخوك مهيسكتش وهتبقى مشكله ملهاش اول من اخر 

سند قال بخنقه ....والمطلوب يعني اتخبى كيف الفيران ولا ايه 

غنوه قالت بسرعه ....وهيه بس الفيران اللي بتتخبى لاه والله  كل الحيوانات بتتخبى عادي

سند  اتسعت عنيه بدهشه من جملتها و لسه هيرد

 حميد قال من بره.... غنوه مبترديش ليه فيه حاجه

غنوه قالت بتوتر ... ايوه ايوه يا حميده هفتح اها

 وبقت تزق سند عند الحيط وقالت ....احب على يدك يا سند اقعد هنه ومتتحركش

سند شدها عليه بقوه وقال بمشاكسه.... وهي اليد بس اللي بتتحب على فكره الشفايف كمان بتتحب... حبي يلا ..يلا يا بت

غنوه دفعته وقالت بغيظ ....لم روحك لاطلعها في يدي ..ومتتحركش من هنه واصل وشدت الستاره قدامه 

 وحاولت تاخد نفسها وتهدى وراحت فتحت الباب وقالت بتوتر ....ازيك يا اخوي

حميد قال باستغراب..... كل ده يا غنوه على بال ما تفتحي... انا جيت اسلم عليكي قبل ما امشي اصلي كلمت  نوح بيه وخلاص اذنلي اروح 

غنوه قالت بفرحه....بجد هو سامحك 

حميد نزل عيونه في الارض وقال ....لاه مسامحنيش و متضايق مني قوي وقال لي معايزش يشوف خلقتي 

شروق ابتسمت بسخريه وقالت ....ملوش حق والله 

ودخلت قعدت على السرير وسابتهم سوا

غنوه اتنهدت  وقالت ....خلاص يا حميد ....معلش مهو  اللي انت عملته مش قليل بردك ...روح انت دلوك وانا هتكلم وياه 

حميد قال .....ماشي...على العموم بكره الصبح العمده هيتكلم ويا حسنين انا هبقى اجي عشان نشوف الموضوع هيخلص على ايه واللي عايزه ربنا هيكون

 وحضنها ومشي 

غنوه دخلت بتوتر وبصت لشروق اللي قعدت على السرير وكانت هتقلع طرحتها وقالت بسرعه..... بتعملي ايه

شروق قالت بخنقه....هقلع طرحتي واغير هدومي عايزه انام نفسي انام نومه طويله قرفت من كل حاجه نبيل ونوح جننوني

 غنوه قالت بتوتر ....لا مينفعش متقلعيش

شروق بصتلها باستغراب وقالت.. .. ليه ...هو ايه اللي مينفعش

غنوه قالت بتوتر .....يعني هو...عشان....اصل

 بس قلطعها سند لما خرج وقال بابتسامه مستفزه ....عشان انا موجود 

شروق انتفضت بخضه ورجعت لورا وهي بتبصلهم بذهول 

بقلم...زهرة الربيع

عند نوح كان مستني نجاتي وبيشرب كباية البن بتاعته قبل ما ينام وجه حكم وقال بتوتر..... نوح ..احم عايز  اتكلم وياك في موضوع

 نوح حط الكبايه على الطاوله و قال بضيق.... خير يا عمي 

حكم قال بتوتر.... اصل نبيل كلمني وقال ان اهله هيوصلوا بكره بالليل عشان يطلبوا شروق رسمي... انت قولك ايه

 نوح اتنهد وقال.... عارف... عندي خبر 

حكم قال.....طب يا ولدي  انا كنت اتكلمت معاك قبل كده ..وقولتلك العمر رايح مش جاي خلي البت تشوف حياتها وانا مفاهمش انت ممانع ليه من اساسه.... نبيل شاب زين ومتعلم وميعبهوش حاجه

نوح ابتسم بسخريه وقال ....هو مش بكره هيجيب اهله علشان يطلبوها ...ابقى اسال بتك اذا كانت موافقه عليه انا كمان هوافق 

حكم قال بدهشه... ما انا قلت لك وشروق قالت لك انها موافقه 

نوح وقف وقال ...اسالها بكره يا عمي لما يطلبوها

 حكم ما كانش فاهم اي حاجه ولسه هيساله دخل نجاتي ومعاه الشنط ونوح اخدهم منه بسرعه وقال...... انا هطلع اريح تعبت واصل النهارده تصبح على خير يا عمي

 واخد الحاجه وطلع وحكم بص لطيفه باستغراب وهو مش فاهم يقصد ايه بكلامه 

عندي شروق اتصدمت بسند وقالت بخوف ...بسم الله الرحمن الرحيم ...انت هنه بتعمل ايه

 سند قال  ..عادي يا شروق كنت بتكلم مع غنوه في موضوع و لما عرفت اخوها على الباب قلت احسن يفهم  غلط ولا حاجه قمت استخبيت

شروق بقت تبص لهم بدهشه وقالت.... كنتو بتتكلموا هنه... ودلوك

 غنوه قالت بسرعه .....والله كنا بنتكلم يا شروق 

سند قال بسرعه ....طب استاذن انا تصبحو على خير

ومشي بسرعه وغنوه راحت تقفل الباب وراه وهو قال بهمس ... تصبحي جاري قريب باذن الله 

غنوه قالت بغيظ منه....امشي من وشي السعادي  امشي ودفعته وقفلت الباب ودخلت وهيه متوتره

شروق كتفت اديها ووبصت لها باستفهام وقالت ....هو انت في ايه بينك وبين سند ...لتكوني بتحبي سند ..ده انا كنت فاكراكي بتحبي نوح 

شروق ضحكت وقالت.... وانتي لو بتفهمي اصلا يا شروق كان ده بقى حالك 

شروق قالت بغيظ .....لا انت اللي بتفهمي واضحه مفهوميتك ..ده حميد لو قبضكم كانت هتبقى ليله مطينه

غنوه ضحكت وقالت .....الحمد لله ربك سترها... يلا تصبحي على خير 

وراحت نامت وهي بتفكر في سند وفي كلامه ومرتاحه جدا شروق هزت راسها بيأس منها وبقت تبدل هدومها علشان تنام هيه كمان

في يوم جديد 

كانو نوح وحميد وسند مع حسنين بيتكلمو 

 وغنوه وجنه في الصاله وبيحاولوا يسمعوا كلامهم وحسنين كان صوته عالي وبيقول بغضب.... انا مش عارف انتم مهتمين بالبت دي ليه وكل يومين تقولوا انها بريئه وعايزين تطلعو  ولدي الغلطان.... واديني جيت دلوك عشان اعرف ايه معاكم جديد واشوف اخركم.... هقول لكم ايه ما هو لو كان القتيل من بيتكم مكنتوش سميتو على اللي قتلوا

نوح اتنهد بخنقه وقال .....خلصت كلامك هتستنى تسمع ولا هتلت وتعجن تاني

 حسنين قال بغيظ....اتفضل يا عمده

 هنا نوح بدا بالمختصر المفيد جدا يحكي له اللي حصل من الاول مع غنوه وجنه ويوصلو بوجهة نظره هو قد ايه اللي حصل كان في ظلم ليهم من ابنه حسن 

 بس كان صعب جدا على حسنين يصدق الكلام ده وصعب على اي اب عموما وقف وقال بغضب..... انت بتقول ايه انتوا ملقيتوش حاجه تعملوها عشان تبرئوها غير انكم تخوضوا في اعراض الميتين وتطلعوهم بهايم كده

نوح اتنهد وقال....انا مقدر وضعك...وعارف ان اللي بيتقال ده مش سهل على اي اب انه يصدقه ... بس علشان نبقى منصفين لو جيت تقارن ولدك بالبهايم تبقى ظلمت البهايم واللي عمله ده لو كنت سمعت بيه في حياته كان هيتمنى الموت  ويشوفه راحه على اللي كنت  هعمله فيه 

حسنين قال بغضب... انا مهسمعش ولا كلمه تاني ....انت  مصدق شويه عيال مفيش معاهم اي دليل علشان تضيعو تار ولدي وانا مهسكتش واصل

 نوح ابتسم بسخريه وقال...بس انا معايا الدليل ولو الدليل ده منفعش معاك فيه دليل تاني

 ونادى على جنه وقال....جنه هاتي مصطفى وتعالي

جنه اترعبت بشده وبقت تبص لغنوه بخوف وغنوه طمنتها وقالت.... روحي يا جنه متخافيش 

وشروق قالت بسرعه وثقه.... متقلقيش يا جنه نوح عمره ماهيسيبك لا انتي ولا ولدك يلا روحي 

جنه دخلت بخوف وهي شايله الولد ونوح اخذ منها الولد وحطه بين ايدين حسنين وقال..... ده الدليل ولو ما صدقتش ان ده ولد ولدك هطلع وياك على البندر نعمل له تحليل وتتاكد بنفسك 

حسنين مسك الولد وقال بغضب.... ممصدقش من غير اي تحليل و

بس اتصدم بشده واتسعت عينيه لما شاف ملامح الولد اللي كانت نسخه من ابنه كان صوره مصغره منه ليه عيون زرق زي حسن وعين منهم زغله وضيقه شويه نفس ملامح ابنه اللي كانت بالنسبه للصعيد مميزه وده لان والدة حسن كانت مش من البلد

نزلت دمعه من عيونه وهو بيبص للولد بصدمه وضمه بقوه ومقدرش يقف على رجله اكتر قعد على الكنبه وراه وهو بيضمه وبيبكي 

حميد ابتسم لما شاف ردة فعله دي وقال....كيف ما قال العمده ممكن  نعمل له تحليل و

بس قاطعه حسنين وقال بدموع.... الواد ممحتاجش تحليل كأني شايف ولدي قدامي الله يرحمك يا حسن حرقت قلبي عليك

 ومسح دموعه وقال بجديه.... بس بردك يا عمده  اللي انتم بتقولوه ده صعب ... يعني ممكن البت دي تكون غلطت مع حسن عادي وبرضاها وبت عمها خلصت عليه علشان متفضحهاش

 هنا جنه قالت بسرعه .. اتقي ربنا انا كنت متجوزه وجوزي كاتب الولد على اسمه فضيحة ايه اللي هخاف منها 

نوح قال بسرعه ....استني انتي يا جنه ....اسمع يا حسنين كلنا في البلد عارفين ان ولدك كان فيه العبر..وانت  نفسك عارف انه يعمل كده واكتر كمان بس قلبك حارقك عليه و انا عازرك ...بس كمان احنا بندور على الحق وانت كنت متفق وياي ان لو ولدك طلع غلطان وبادي بالشر يبقى يستاهل اللي جراله ومكنتش مصدق ان ليه ولد ودلوك صدقت بنفسك يبقى لازم تفكر لو البت دي اتظلمت من ولدك كده ايه اللي هيجراله عند ربنا لو مسامحتهوش وايه هيجرالك انت كمان لو ظلمتها كيف ما هو عمل

حسنين هز راسه بالموافقه وقال بحزن....جايز ولدي فيه العبر بس انا عمري ما ظلمت حد وبعد ما شوفت الواد ده مش هأذي حد منهم لحد ما اتاكد بنفسي ... بس لو طلعت البت غلطانه هتسلمهالي بنفسك  ولو طلع الكلام الواعر اللي انت قولته على ولدي ده صوح مش بس هسامحهم كمان هعتذر لهم هما الاثنين وحفيدي هيبقى مسؤول مني هو وامه

نوح  ابتسم وقال....انا  كنت عارف انا بتكلم مع مين ومتاكد انك راجل حقاني... عشان كده انا عندي طريقه تتاكد بيها 

حسنين استغرب وقال... طريقة ايه

نوح قال  ....غنوه قالت ان ولدك خلاها شافت تسجيلات على تلفونه وهيه مسحتهم ...التسجيلات دي في بيتكم يوم اللي حصل صور جنه وهيه معاه وكانت نايمه ...طبعا هو صور كل اللي حصل بس قص منو المقاطع اللي تخليه يفضح جنه علشان يهدد غنوه بيهم ...وكده يبقى اكيد فيه فيديو اصلي مصور كل اللي حصل يومها وهو  قص منه المقاطع دي

 حسنين قال باستغراب...وايه عرفك انها مشاهد مقصوصه ما ممكن يكون صور المقاطع دي بس

نوح ضحك بخفه وقال بثقه...مستحيل ..بقولك هو كان معاها في الفيديو مكانش بيصور يعني كان مثبت الكاميرا او التلفون وطبيعي يكون صور كل حاجه اكيد وقتها مهيبقاش فاضي يقوم يقفل الفديو ويرجع يشغله كل شويه ...انا محامي يا حسنين وكفايه تديني طرف الخيط واقولك الموضوع تم ازاي ولدك كان مجهز كل حاجه وناوي يصور غنوه بس اللي راحت جنه ..واكيد فيه فيديو مصور من وقت ما دخلت البيت لحد ما هو قفله بعد كل اللي حصل ...وبعد كده هو قص منو اللي عايزه

حسنين قال بضيق...وفرضا ده حصل مهو اكيد بعدها مسح الحاجات اللي تغلطه

نوح قال بثقه...مليكش صالح بس انت اجمعلي كل الحاجات بتاعتو تلفون لابتوب كمبيوتر اي حاجه تبعو... ولينا قعده تاني عندي ناس تعرف ترجع كل حاجه حتى لو اتمسحت

 حسنين قال بحزن.... ماشي يا عمده لينا قعده تاني وان شاء الله ربنا يظهر برائة ولدي

ووقف بحزن شديد وباس الولد وحضنه بشده

 ولسه هيمشي جنه قالت بلهفه.... هات الولد 

حسنين خد باله وقال.... اه صوح خدي.... هو انا ينفع اشوفه كل كام يوم كده 

جنه بصت لنوح بقلق وهو ابتسم لها بيطمنها وقال....وامتى ما تحب كمان ده ولدكم

حسنين مشي بقلة حيله وهو بيدعي يكون ابنه مظلوم ولا يكون ظالم بالشكل ده

نوح اتنهد بارتاح وقال.... من رحمه ربنا عليكي ان ولدك يشبه حسن ولو انها مش حاجه زينه قوي بالنسبالك لكن ربك من لطفه بيجيب المنح من قلب المحن

غنوه دخلت هيه وشروق ونبيل وكانو مبسوطين وسند كمان كان مبسوط وخف قلقه على غنوه شويه

بس جنه كانت متوتره و قالت بدموع ..افرض ملقيناش التسجيل هنعمل ايه

نوح قال ...هنلاقيه متقلقيش ولا تفكري في حاجه غير ولدك وبس وهملي الباقي على الله ثم عليا

جنه قالت بامتنان....ربنا يخليك يا عمده الف شكر

غنوه قالت بسرعه ....الف بس ..قولي مية الف شكر ...مليون شكر ..مية مليون شكر... هو الشكر بندفعله فلوس

 نوح ابتسم ابتسامه جانبيه وقال ...انا معايزش شكر من حد.... عايز بس الموضوع ده يخلص و كل واحد يشوف حياته ويهملني لحياتي ...ده هيبقى احسن شكر ليا 

قال كده ومشي وغنوه ميلت على سند وقالت.... سمعت كل واحد يشوف حياته دي.... اخوك بيطردنا بالمحسوس

 سند ضحك وقال ...طب احمدي ربك انه لسه بيطرد بالمحسوس ده اقل واجب معاكي انتي واخوكي

اما شروق كانت بتبص لطيف نوح بفخر شديد.. كانت متاكده انه هيحلها وكانت مبسوطه جدا علشان جنه وغنوه

حميد ودع غنوه ومشي

 وكل واحد طلع على اوضته

عند شروق  اول ما طلعت على الاوضه هيه وغنوه اتفاجأو بفستان جميل جدا على السرير بلون ابيض مطرز بخيوط الحرير الدهبيه ومعاه الحجاب والشوز كان طقم يجنن وعليه ورقه مكتوب عليها شروق

 غنوه قالت بانبهار...يا جمالو ايه الحلاوه دي كلها والله وطلع زوقه عالي اكيد ناوي على حاجه الليله طالما جابلك الفستان القمر ده

 شروق مسكت الفستان وبقت تبصلو باعجاب شديد وقالت ....شكله حلو قوي يا غنوه..معاكي حق اكيد نبيل اللي جايبه علشان البسه لما ياجو اهله 

بقلم...زهرة الربيع

غنوه رفعت شفتها بغيظ وقالت..ايه...نبيل.... نبيل اه ...معاكي حق اكيد نبيل اللي جابه هيكون مين تاني يعني....بالاذن 

 ومشيت بغيظ من غبائها وراحت هيه كمان علشان تجهز 

بعد ساعه كان حكم وهويده تحت مستنيين اهل نبيل ومتوترين جدا بسبب نوح لانهم مش فاهمين ناوي على ايه

ونبيل كان رايح جاي بقلق لان اهله اتأخرو وكل شويه يبص للساعه لحد ما سمع صوت العربيه قال بسعاده..اهم وصلو ..عن اذنكم هدخلهم

وجري على الجنينه علشان يستقبلهم ويدخلهم 

عند نوح كان في اوضته لبس هو كمان وجهز  وكان في كامل اناقته طله كلها هيبه وجمال

خلص لبسه و مسك العلبه اللي فيها الدبله وقال بثقه... انا وعدتك يا شروق اول دبله هتلبسيها هتكون دبلتي 

 وحط العلبه في جيبه ونزل وهو ناوي ينهي الموضوع ده على الاخر

وهو نازل على السلم كانو شروق وغنوه كمان نازلين وكانو زي القمر 

 غنوه صفرت  لما شافته وقالت بمشاكسه.... يا ورد اعتزل ...ده الباشا نزل

نوح ضحك وهز راسه بياس منها وبقى يبص لشروق اللي كانت زي القمر بالفستان بتاعه كانت انيقه وناعمه جدا مشالش عينه من عليها

شروق حاولت تتحاشى نظراته ونزلت بسرعه وقلبها بيدق بقوه 

تحت كان الجميع  قاعدين في انتظار اهل العريس ودخل نبيل  وقال..... اتفضلي يا ماما اتفضل يا بابا

هويده وحكم اتقدمو عليهم علشان يستقبلوهم بس حصلت حاله صدمه عجزت الكل عن الكلام 

هويدا رجعت لورا بصدمه وحكم كان هيقع من طوله 

وحليمه ضربت على صدرها بصدمه وقالت...صابحه...يامري

والدة نبيل رفعت عيونها  بدموع بين الجميع بتدور عليه شافته واقف عند السلم حالته متتوصفش كأنو اتجمد مكانو او عجز عن الحركه والدموع متعلقه في عيونه اللي اتسعت لابعد حد صدمه شلت كل كيانه

اتقدمت عليه وهيه مش مصدقه انها شيفاه راجل طول بعرض قدامها ابتسمت وسط دموعها وقالت...كيفك يا نوح.... كيفك يا ابن بطني وووووووو

مش مصدقه انها شيفاه راجل طول بعرض قدامها ابتسمت وسط دموعها وقالت...كيفك يا نوح.... كيفك يا ابن بطني

نوح بقى مش مصدق ابدا انه شاف امه بعد كل السنين دي حرفيا ما كانش قادر ينطق واتشل كل كيانه  مش بيرمش حتى من شدة الصدمه

صابحه بقت تبصلو باعجاب وسعاده ونزلت دموعها اكثر وقالت ....20 سنه يا حبيبي ...20 سنه ممليتش عينيا منيك لو تعرف اتوحشتك قد ايه يا نوح 

بس نوح ما كانش بيرد ابدا والدنيا بتدور بيه واختل توازنه  واتسند بسرعه على سور السلم وراه

هنا سند جري عليه وقال بخوف عليه ....نوح انت زين .. رد عليا يا اخوي

نوح  بلع ريقه وهو بيحاول يسيطر على دموعه وقال.... انا ...انا زين ....محدش ياجي وراي

مقالش غير الجمله دي ومشي بسرعه خرج بره البيت كله 

 شروق اندفعت هتجري وراه بس نبيل مسك ايدها وقال باستغراب.... استني انتي رايحه فين ....ايه اللي بيحصل انا مش فاهم حاجه

وبص لصابحه وقال..... في ايه يا ماما ...وايه اللي انتي قولتيه ده انا مش فاهم حاجه

 حليمه قالت بسخريه ...مفاهمش ...يعني امك مقالتلكش ان هي تبقى ام نوح عايز تفهمنا ان كل ده صدفه ...مقالتلكش ان كل ده فيلم علشان  ترجع السرايا تاني

 نبيل كان مصدوم بشده وقال ...ام نوح ازاي ...الكلام ده صحيح يا بابا 

والده اتنهد وقال.... ده موضوع طويل جدا يا ابني اكيد هنتكلم فيه بس مش عند الناس كده

 نبيل قال بصدمه.... هنتكلم...لسه هنتكلم ومتكلمناش قبل كده ليه ...ليه مفكرتوش في مره تقولولي حاجه زي دي اقل ما فيها كنت هعامله على انو اخ ليا و....

بس قاطعو سند لما  قال بسرعه وغضب.... نوح ملوش اخوات  غيري 

وبص لصابحه بطرف عينه وقال ....ولا ليه ام كمان... امه ماتت من يوم ما سابته هو وابوه وطفشت وما سالتش فيهم 

صابحه نزلت عيونها بدموع وحكم قال بسرعه..... سند الناس ضيوف عندنا ملوش لزوم التقليب في القديم

 سند قال بغضب.... ملوش لزوم كيف يا عمي مشوفت شكل نوح واللي حصله بسببها... كيف داخله كده بكل بجاحه من غير ما حتى تدينا خبر انها جايه..كنا مهدنا له الموضوع على الاقل بدل الحاله اللي بقى فيها دي

صابحه قالت بدموع...انا مقلتش علشان كان هيرفض مكانش هيرضى يقابلني ...وحقه انا مبلومهوش بس كان نفسي اشوفه 

سند ضحك بسخريه وقال ....نفسك تشوفيه بعد 20 سنه ليه ايه اللي جرى في الدنيا عشان افتكرتي ان ليكي ولد... بس هقولك ايه ليكي حق تشوفي الموضوع هين وتاجي بكل سهوله كده ما انتي مشيتي ومسالتيش فيه ولا عرفتي اللي حصل له من بعدك ولا الوجع اللي اتوجعه ولا الكلام اللي سمعه من اللي يسوى ولللي ميسواش 

حليمه اتسعت عينيها بذهول لانها كانت دايما تلقح على نوح بالكلام وقالت ....ايه اللي يسوى واللي ميسواش دي يا ود حليمه

بقلم...زهرة الربيع

سند خد باله لجملته وقال ...اكيد ماقصدكش ياما... انا هروح اشوفه فين وارجعه على الدار وعايز لما يرجع ما يلاقيش هنه حد مش حابب يشوفه

قال كده و مشي بسرعه وصابحه قعدت على الكرسي وبقت تبكي بشده وجوزها قعد جنبها وبقى يحاول يهديها 

اما نبيل كان مصدوم جدا ومش قادر يستوعب اللي حاصل ولا هو ولا شروق اللي قالت بدموع..انا مفهماش حاجه كيف كده انا جيت عندكم كتير كيف معرفتش انك ام نوح 

حكم اتنهد بحزن وقال.... وانتي هتعرفي كيف يا بتي لما هي مشت انتي مكنتيش تميتي السنه ...وهيه ملهاش ولا صوره في البيت

وبص لصابحه بلوم وغضب مكبوت وقال.... انا عارف انك امه ومن حقك تشوفيه...بس سند معاه حق مكانش صح تدخلي البيت كده بعد 20 سنه من غير ما تقولي ونمهدله 

صابحه كانت قاعده ساكته بتبكي وبس ونبيل قعد بذهول وقال..... انا مش مصدق.... مش قادر افكر في الموضوع حتى الموضوع مش راضي يدخل دماغي ابدا 

شروق قالت بغضب واندفاع ....لك حق ميدخلش دماغك ولا داخل دماغ اي حد .....طب احنا هنه ومحدش كان يعرف انك ام نبيل بس انتي عارفه وانا سبق وحكيت لك عني وعن بلدي كذا مره ونبيل اداكي العنوان وعارفه انك جايه على هنه كيف تعملي فينا كده كيف

صابحه وقفت وقالت بغضب.... قولتلكم انا جايه علشان اشوفه ...ملقيتش فرصه انسب لو كنت قايلاله لاني جايه مكانش هيستناني ولا هيوافق اجي اصلا.... محدش فيكم يتدخل بيني وبين ولدي انا هحلها وهخليه يسامحني

وبصت لحليمه بغضب وقالت..... انا جايه وناويه ممشيش غير لما ابعد اي حاجه بيني وبينه وازيح من طريقه كل شر بعدني عنيه

حليمه بلعت ريقها بتوتر وخوف

 ونبيل قال بدموع ...بجد... طب  وبالنسبه لي انا يا ماما مش واخده بالك انك علشان تقابلي ابنك بوظتي اليوم اللي انا مستنيه وبتمناه ...ولا مش واخده بالك

 صابحه اتنهدت وقالت بحزن.... متزعلش يا نبيل مفيش حاجه باظت انا وابوك موجودين اها.... وبس اخوك يرجع على البيت وكل حاجه ترتاح هطلب لك شروق وهنعمل لكم خطوبه وكل اللي انتم عايزينه هيتم 

 نبيل قال بغضب....امم..طيب شكرا والله يا ماما كويس انك هتصلحي كل حاجه وفي الاخر بعد ما تخلصي اولوياتك هتفتكريني بجد شكرا

وطلع على اوضته بغضب ميتوصفش

صابحه نزلت دموعها و قالت لجوزها ...روح وراه يا شاكر متسبهوش لوحده امانه عليك

شاكر قال بسرعه...طيب اهدي متقلقيش ..كل حاجه هتتحل والله

وبص لحكم وقال....ممكن استأذنك اطلع وراه لو تسمح

 حكم قال .... اكيد طبعا البيت بيتكم اتفضل

شاكر طلع وراه وصابحه حطت ايديها على دماغها بتوتر

 هويدا قالت لحكم ....روح يا حكم خد علاجك وريح شويه لحسن ضغطك يعلى اكتر 

حكم قال بحزن....اطلع كيف قبل ما اطمن على نوح

هويدا اتنهدت وقالت...انت هتروح فين يعني انا عيزاك تريح حبه واول ما ياجي هناديلك....ومتقلقش نوح عاقل وواعي وكلها شويه وهيكون هنه

حكم اتنهد وقال بحزن...لله الامر من قبل ومن بعد 

وطلع على اوضته

في الوقت ده غننوه اخدت شروق  على جنب وقالت .....احنا هنفضل هنه والشباب بره معارفينش حصل لهم ايه 

شروق بصت لها باستغراب وقالت.... هنعمل ايه غير اننا نستنى يمكن ربنا يلطف بينا و سند يلقاه ويجيبه 

غنوه قالت.... وايه اللي يخلينا نقعد ونستنى...معندناش رجلين اياك... تعالي وياي هنروح نشوفهم فين 

شروق قالت بذهول..... نشوفهم كيف انتي اتجنيتي ولا ايه.... هما عيال صغيره هندور عليهم ولا هنقول عيال تايهه يا ولاد الحلال

 غنوه قالت بغيظ...بصي اذا انتي اعصابك في تلاجه فانا بتغلي على النار وما قعداش هروح اشوف سند راح فين عايز تاجي وياي تعالي ما عايزاش خليكي مكانك 

ولسه هتمشي مسكت ايدها وقالت بتردد... طب.... استني طيب..... يعني يمكن لو عرفوا اننا طلعنا من البيت ي....

غنوه قاطعتها وقالت.... بطلي جبن وخليها عليا انا هقولهم اني خطفتك بس نلاقيهم يلا تعالي

 وشديتها من ايدها ومشيت بيها وشروق كانت خايفه جدا

 في الصاله كانو قاعدين صابحه وهويدا وحليمه

حليمه كانت عايزه تطلع اوضتها قالت بتوتر  ...نورتينا يا صابحه 

ولسه هتمشي صابحه قالت بغل مكبوت.... ده نورك يا ام سند اتبسطت قوي اني جايه لاقياكي لسه بصحتك وماشيه على رجلك

ووقفت قدامها بتحدي وقالت.... عشان لما  اقسم ضهرك واكسر عينك احس بفرق ومتعه 

حليمه بلعت ريقها بتوتر بس حاولت متبينش و قالت.... انتي اكتر واحده عارفه مين اللي بيعرف يكسر العين زين وسبق وشوفتي بعينيك يا صابحه

صابحه ابتسمت وقالت ....عارفه...وعارفه كمان ان محدش بيغلب على طول ...واللي اتكسر انهارده بكره يكسر ...و على العموم الايام جايه كتير يا حليمه

حليمه اتوترت اتى وحاولت تبين العكس وراحت على اوضتها بقلق وصابحه بصت لطيفها بغضب وحقد

 بس هويدا شدتها من دراعها بغضب وقالت... ايه اللي هببتيه ده.... انا مش لسه مكلماكي امبارح وقيلالك ان نبيل هيكلمكم تاجو هنه..... وطمنتيني قولتيلي متقلقيش هياجي جوزك لوحده.... فهميني ايه اللي نيلتيه ده

عند نبيل فوق كان متنرفز جدا وابوه بيحاول يهديه وقال يا .......ابني صابحه مضحكتش عليك في حاجه هبه كانت قيلالنا ان كان عندها حياه وعندها ابن و

بس قاطعو نبيل لما قال بغضب....بس مقالتش انه نوح ابنها....مع ان شروق قعدت معاها اكتر من مره واتكلمت معاها عن اهلها وعن كل حاجه ...وانا..انا ادتكم العنوان كان المفروض تقول لي .....بس تقول لي ليه المهم انها هتشوف ابنها مهي  مهما اهتمت بيا او راعتني هافضل ابن جوزها انما نوح ابنها الحقيقي وهو أولى

 ابوه وقف وقال بسرعه.... اوعى تفكر كده يا نبيل صابحه عمرها ما اتعاملت معاك كده....دي عملت معاك اللي متعملهوش ام مع ابنها اللي شالته في بطنها ...و بعدين يا اخي متفكر فيها بطريقه تانيه لو هتقول مين اولى افتكر قبلها انها فضلت معاك انت اللي ابن جوزها 20 سنه ترعاك وطول الوقت ده مشافتش ابنها الحقيقي اديك شوفت حالته لما شافها ...المفروض الغضب ده يبقى من حق نوح دلوقت ...نوح لي حق عليها كمان 

نبيل اتنهد وقال ...انا عارف...فاهم...بس..بس ليه الحق ده تديهولو  يوم خطوبتي ليه انهارده بذات....انا مصدقت انكم جايين وهتطلبوا شروق وكنت فاكر اننا هناخدها من هنا ونمشي 

شاكر ابتسم وقال ....انتو لو متمسكين ببعض مفيش حاجه هتفرقكم ...الموضوع اتأجل بس تاجيل متلغاش يعني....يلا اهدى وروق كده وروح اتكلم مع خطيبتك انت طلعت  وسبتها من غير ما حتى تتكلم معاها وانت عارف انها زمانها اتوترت قوي من اللي حصل ده

 نبيل اتنهد وقال ....معاك حق بردو مكانش ينفع اسيبها في وقت زفت زي ده انا هنزل اتكلم معاها واهديها شويه ونستنى ال....احم..نستنى نوح بيه لحد ما يرجع

عند غنوه وشروق كانوا بيدوروا على نوح وسند حوالين السرايا وراحو الاماكن اللي بيقعدوا فيها بالعاده ودورو كتير جدا من غير فايده

شروق قالت بتوتر ......الله يخرب بيتك يا شيخه ويخرب بيت القلق اللي لغى عقلي وخلاني مشيت معاكي 

غنوه غمزت وقالت....مبتتقالش كده بتتقال الله يخرب بيت قلبي اللي وجعني وخلاني مشيت معاكي 

بقلم...زهرة الربيع

شروق بصت لها بغيظ وقالت .....بلاش الكلام ده يا غنوه قولتلك الف مره انا هاتجوز نبيل والكلام ده ملوش لزوم...سيبيني في همي دلوك انا معارفاش ليه كل حاجه بتتكركب على دماغي كده يعني كيف ام نوح تطلع هيه ام نبيل اخر حاجه توقعتها انهم يطلعو اخوات

غنوه ضحكه وقالت.....انتي فاكره نبيل اخو نوح...اخوه  كيف يا غبيه اذا كان نبيل من سن سند 27 سنه وهيه اللي طفشتهم كلهم 20 سنه هتبقى خلفت نبيل ازاي في 20 سنه دول كانت حايشاه في بطنها سبع سنين على ما تفرج

شروق  بصت لها باستغراب وقالت ....ايوه صوح معاكي حق....انا دماغي واقفه معارفاش افكر

 غنوه قالت.... اللي فهمته ان نبيل ود جوزها بس واضح كده بيعتبرها امه علشان ولا مره فكر يقلنا انها مرت ابوه

شروق قالت بحزن ....كل ده ميفرقش دلوك..انا...انا كل اللي فارقلي نوح  مقدرتش اتحمل حسرته دي يا غنوه قلبي اتحرق من الحاله اللي شوفتو فيها نوح عمره ما اتهز كده شوفتيه مكانش قادر يصلب طوله ده حتى في موت ابوه متعبش كده مقدراش انسى نظراته واصل

غنوه اتنهدت بحزن وقالت ....معاكي حق..الجدع كان كيف الجبال ربنا يعينه على اللي هو فيه 

شروق قالت بحزن.... ربنا يعينه ويقويه

وبصت للمكان لقت انهم بعدو عن السرايا كتير قالت بتوتر..... يلا بقى خلينا نرجع يا غنوه انا خايفه الدنيا ضلمه واحنا بعدنا واصل عن البيت لحسن نوح وسند يرجعو قبلنا هتبقى بلوه

غنوه  نفخت بزهق وقالت.... متبقيش جبانه كده..بصي  تعالي المقابر قريبه خطوتين من هنه هنشوفه يمكن قاعد على قبر ابوه ..في الافلام والمسلسلات دايما لما بيختفي حد من البيت بيلاقوه هناك 

شروق قالت بذهول.... افلام ومسلسلات ايه الدنيا ضلمه هناك والمكان ده مقطوع خلينا نرجع نوح لو عرف اني طلعت من البيت حتى لو عشان ادور عليه هيقتلني ويقتلك معاي يلا.

غنوه قالت بغيظ .....يا بت جبنك ده فقع مرارتي وعلى حرارتي ....يلا بقولك هما خطوتين 

شروق نفخت بزهق منها ومشيت معاها وهي متوتره وخايفه جدا ودخلوا في شارع كان كله ضلمه وفي نهايته المقابر بس قبل ما يوصلوا كان في شباب قاعدين على مقاعد خشب بيشربوا سجاير ملفوفه و بيهزروا

و اول ما لمحوهم صفروا باعجاب وقربو وقفو حواليهم واحد منهم قال .....ايه الحريم اللي كيف القشطه دي والله اتعشت حتت تروم العضم 

 شروق مسكت في غنوه بخوف وغنوه حطت ايدها على خصرها تطلع سكين زي العاده بس نسيت ان  بقا لها فتره طويله اتخلت عن حزام السكاكين من وقت ما بدات تتعالج عند شروق

 شاب تاني قال وعنيه بتلمع برغبه.......كله هياكل بس بالدور علشان نشبع هاتوهم وتعالوا انا داري فاضي

 شروق قالت برعب....بعد عني انت وهو هوديكم ورا الشمس

غنوه حاولت تهرب شروق وقالت بقلق....ملكمش دعوه بيها دي عيلتها عمد ومش هيسيبوكم 

الشباب ضحكو وبقم يقولو بسخريه وانا كمان ابويا عمده....وانا كمان همي عمده.....وانا جوز امي عمده

و شالوهم بسرعه وهما بقوا يصرخوا بس كان المكان فاضي ومقطوع جدا ووووووووو

كانو بيصرخو ويستنجدو على امل حد يسمعهم وينقذهم من الرجاله اللي بيحاولو يخطفوهم بس كانت الطريق مقطوعه ومفيش حد سمعهم

اتنين من الشباب شالوهم بسرعه ومشيوا بيهم وشروق كانت بتصرخ جامد بتحاول تستنجد باي حد 

وغنوه كانت بتضرب في الراجل اللي شايلها بتحاول تفلت منه بس مش قادره خالص 

اخذهم على بيت فاضي ودخلوهم اوضه قذره ومتكركبه وقفلوا الباب

 شروق مسكت في غنوه بخوف وقالت وهي بترتعش هنعمل ايه ..انا...انا خايفه قوي

غنوه كمان خافت جدا بس قالت بتوتر.. اهدي هنحلها ان شاء الله

 وبصت لهم وقالت بقوه مزيفه.... على فكره انا مبهزرش البت دي  يبقى ولد عمها نوح الحاكم ولو مسكم مش هيسمي عليكم

 واحد من الشاب ضحك وقرب منها جامد وقال.... وهو نوح بيه سايبكم تتمشوا كده في نصاص الليالي في الحتت المقطوعه دي ...مقالكمش ان كده غلط وتاخدو برد 

وشد الكم بتاعها شقه

 غنوه صرخت جامد وشروق كمان

والشباب ضحكوا وواحد منهم قال...احنا اربعه يعني اتنين ورا اتنين

 واتكلموا مع بعض شويه وفعلا خرجوا اتنين منهم بره الاوضه وواحد قرب من شروق وهو بيبصلها بنظرات رغبه ترعب 

والثاني شد غنوه من ايدها وراح بيها على اوضه تانيه

 في مكان قريب من المقابر عند الجبال كان نوح قاعد هناك والدموع بتلمع في عينيه وهو بيفتكر زمان لما كان عمره 11 سنه في اخر يوم شاف امه فيه 

 كان قاعد مع ابوه بيلعبو بالعصايه ومبسوطين جدا وجات حليمه جري وقالت بخوف....الحق... الحق يا عمده 

الحاكم بصلها بضيق شديد وقال.... فيه ايه كمان يا حليمه 

حليمه قالت بالعافيه وهي بترتعش.... مرتك في الاسطبل بتاع الخيل

الحاكم قال بخنقه.....قالتلي...رايحه تطمن على الاحصنه فيهم واحد عيان ولا فيها حاجه دي كمان 

حليمه قالت وهيه بترتعش..اصلها..اصلها  مش لوحدها يا عمده معاها راجل 

ومكملتش الكلمه وكان الحاكم ضاربها قلم قوي جدا وقعت على الارض قدامه وقال بغضب.... زودتيها قوي يابت السايس

...بتقولي الكلام ده على ستك وست الدار وقدام ولدها كمان 

حليمه قالت بدموع ....روح شوف بنفسك يا عمده انا شفتهم من الشباك ومرضيتش اتحدت ولا اعمل صوت لجل تتأكد بنفسك...و لو كنت غلطانه في حقها اقلع صرمتك واديني بيها 

الحاكم مسكها من شعرها وبصلها بغضب وتحدي وقال ...لو كنتي غلطانه في حقها همسح السرايا بدمك وهنسى انك ام ولدي

قال كده وطلع بغضب شديد على الاسطبل ونوح راح وراه جري 

هنا فاق من شروده على دمعه وقعت على خده وهو  مش قادر ينسى المنظر لما دخل وشاف والدته في وضع ميقبلهوش اي راجل في الدنيا ولا هو كطفل قدر يقبله ولا يستوعبه

بقلم....زهرة الربيع

الحاكم كان هيقع من طوله ونوح سنده بسرعه 

صابحه  قامت من على الارض وهي وبتستر نفسها بعبايتها اللي على الارض وقالت ببكا ورعب... معملتش حاجه يا حاكم وحياة ولدي ما عملت حاجه...ود الكلب ده دخل ورايا ماعرفش كيف دخل....و...وكان بيتعدى عليا صرخت....والله صرخت كتير ومحدش من الغفر رضي يتحرك ويلحقني

 واحد من الغفر قال بسرعه.... كيف احنا ما سمعنالكش صوت واصل

 رد عليه التاني وقال .....ايوه انا كنت جنب الباب مسمعتش غير صوت ضحكه لا مؤاخذه جنابك 

هنا الحاكم طلع سلاحه وايده بترتعش مش قادر يمسك نفسه من الصدمه و ضرب الراجل اللي معاها رصاصه وقع على الارض 

تحت انظار نوح اللي كان واقف بيرتعش وبيبكي جامد

الحاكم صوب مسدسه  على صابحه و

بس انقطع حبل افكاره لما سند حط ايده على كتفه وقال.... كنت متأكد هلاقيك هنه

 نوح مسح دموعه بسرعه وقال.... روح يا سند....هملني دلوك مقادرش اتكلم مع حد واصل

سند اتنهد بحزن وقال ...طب لو متكلمش وياي هتتكلم مع مين 

نوح قال بخنقه.... ولا مع اي حد ياسند...بقولك هملني معايزش اقول حاجه ولا اسمع حاجه 

نوح كان تليفونه بيرن كتير بس مش بيرد 

سند سمع صوته وقال بحزن....طب رد على تلفونك حتى ... ده تلقاه عمك.... خايف عليك قوي على فكره

 نوح طلع تليفونه بضيق وقال.... خد التلفون معاك مقادرش ارد على حد وطمنه قولو اني زين قوي

 وطلع التليفون ولسه هيديه لسند شاف رساله مكتوبه على الشاشه واتسعت عنيه بزهول شديد من محتواها كانت من شروق ومكتوب فيها..... الحقني.... قبل المقابر 

نوح انتفض واقف بسرعه ورعب وجري ناحيه المقابر بدون تفكير وسند جري وراه وهو مش فاهم في ايه 

في البيت كانت هويدا واقفه مع صابحه وبتقول بغضب.... انا كنت بقول لك كل حاجه اول باول وانتي طمنتيني انك محتاجيش هنه واصل ...يعني عاجبك الحريقه اللي ولعتيها في البيت دي... كان ايه لزمتها جيتك دلوك

صابحه قالت بضيق.... كيف يعني ايه لازمتها ..نوح ولدي وطالت ولا قصرت كنت هاجي عشان اشوفه 

هويدا قالت بدهشه ....مهو علشان ولدك كنتي لازم تفكري كيف هيحس لما يشوفك كده فجاه قدامو ....انا مفاهماش ايه اللي جد... احنا مش كنا متفقين انك محتاجيش هنه واصل واني هبلغك باخباره اول بأول

 صابحه قالت بضيق....جيت افهم الدنيا ماشيه ازاي... انتي قولتيلي كذا مره ان بتك بتحب نوح ...بس دلوك احنا جايين على اساس نخطبها لنبيل.... ايه الموضوع ...البت رايده مين فيهم 

هويدا قالت بغضب...وحتى بخصوص الموضوع ده انتي بردك غلطانه ...انا ريحتلك ولدك وخليت بالي عليه وحافظتلك عليه من الحيه اللي اسمها حليمه ...وانتي مشيتي على اساس اني انا هخلي بالي معاه وانا عملت كده ومقصرتش  20 سنه  وانا بعامله على انه ولدي واديكي شايفاه راجل طول بعرض وبقى عمده ومحدش يقدر يقول له تلت التلاته كام .. وكنت عايزه اجوزو شروق ومش عيزالها اي راجل غيره ...بس قوليلي في المقابل انتي عملتي ايه... البت لما اصرت انها تسافر كلمتك من اول يوم وقولتلك تخلي ود جوزك يخلي باله معاها تقومي تقوليله هخطبها لك ويرجعولي حبيبه من هناك....كيف ممنعتهوش عنها انا قولتلك انها رايده نوح كيف تفضلي ود جوزك على ولدك انا مفاهماش

 صابحه قالت بضيق....متقوليش ود جوزك دي...نبيل ولدي انا مربياه من وهو عيل ميوعاش...وبعدين انا ذنبي ايه انا عملت كيف ما قولتي لي قلت لنبيل ان شروق بت واحده صاحبتي ووصيتو عليها ..وهو مقصرش وفعلا خلي باله معاها ونجحت سنتين بامتياز.... ايش دراني بقى انهم هيتفقوا على جواز 

هويدا لسه هترد نزل نبيل وقال بضيق.... هي شروق فين ...عايزه اتكلم معاها شويه

هويدا   قالت بضيق...ليه هيه مش في اوضتها 

نبيل قال باستغراب ....لا انا خبطت على اوضتها انا وجاي ومكانش فيها حد

هويدا استغربت و نادت على سماح وقالت.... سماح شوفتي شروق 

سماح قالت.... ايوه لسه من شويه مشو سوا هيه والست غنوه 

الكل بصلها بذهول ونبيب قال....مشيو راحو فين دلوقتي في الليل ده

سماح قالت... معارفاش انا كت فاكره انهم قايلينلكم

بصو لبعض بذهول و هما مش فاهمين راحوا فين وبدأ نبيل يتصل على شروق بخوف وقلق

عند شروق كانت بترجع لورا برعب وتليفونها رن مسكتو بسىعه ولسه هترد الشاب شدو منها وداس عليه كسرو و قرب منها بطريقه تخوف وهو بيقلع جلابيته

شروق بقت تبكي جامد بخوف شديد وقالت بدموع ...خليني امشي...هملني  الله يكرمك ..امانه عليك

و صرخت جامد لما  دفعها على السرير وهجم عليها بكل قوته وهيه بقت تصرخ بس ما حدش سمعها 

استجمعت كل قوتها وضربته برجلها في بطنه

الشاب اتراجع شويه وحط ايده على بطنه بألم وبصلها بغضب شديد لما عملت كده وهجم عليها وشق فستانها قطعوا

شروق صرخه جامد بكل قوتها وبقت تبكي وهي بتنادي على نوح بصوت عالي

والشاب كان بيقرب منها ومش بيسيبها لحد ما اتصدم بباب الاوضه بيتكسر ودخل نوح وبصلو بغضب يرعب

الشاب اتفزع وبعد عنها بسرعه وشروق ابتسمت وسط دموعها والرعب في عينيها 

نوح اتصدم جدا بالمنظر نفس منظر امه اللي شافوا في الاسطبل قبل كده نفس الخوف اللي في عيونها ونفس الفرحه لما حد لحقها بقى يبصلها بصدمه لثواني

بس فاق من شروده على صوت الشاب بيقول برعب...هو... هو انتم كلامكم صوح ولا ايه ....والله يا نوح بيه ما كنا نعرف انهم  تبعك والله والله 

نوح بصلو بغضب شديد ميتوصفش وضربه بقبضه ايده في دماغه وقع على الارض

ونزل فيه ضرب بقوه وغضب وهو بيفتكر شكلها والخوف في عيونها وهدومها المقطوعه وشعرها اللي بان كل ما يفتكر انو قربلها او لمسها او شاف حاجه من حقه هو بس يبقى هيتجنن كان بيضربه بغل وشراسه لحد ما غاب عن الوعي

نوح وقف وهو يبص له بغضب شديد بس تفاجئ بشده لما شروق جريت عليه وحضنته بقوه لاول مره وبقت تتخبى فيه وبتبكي جامد 

نوح نسي الدنيا لثواني قد ايه اتمنى اللحظه دي قربها جنه بمعنى الكلمه رفع اديه علشان يضمها لقلبه ويخبيها عن عيون الكل بين ضلوعه 

بس فاق لنفسه وافتكر اللي حصل غمض عينيه بغضب شديد جدا وضم ايديه وهو بيحاول يا سيطر على اعصابه بس الغضب كان متمكن منه جدا عايز يضربها عايز يكسر دماغها هيتجنن مش قادر ينسى المنظر مش مصدق انه لو كان اتاخر شويه ايه اللي كان ممكن يحصل كل ما يفكر في الموضوع نار بتقيد جواه بعدها عنه بغضب مكبوت وقلع عبايته و لبسها لها وقال بغضب .....حطي طرحتك على راسك

 شروق قالت بدموع ....والله يا نوح انا كنت..

 بس بصلها بحده وقال.... في البيت ....كلامنا في البيت

اما سند من اول ما دخلو بقى يدور على غنوه وسمع صوتها راح عليه بسرعه ولسه بيفتح الباب اتصدم بغنوه  كانت هيه كمان بتفتح الباب عايزه تطلع واصتدمو ببعض

 اول ما شافتو قالت بدموع وفرحه...سند...الحمد لله انك جيت انا خوفت قوي

سند حط اديه على خدودها وقال بسىعه..انا وياكي عمري ما اسيبك يا مجنونه متخافيش و

بس بيلتفت وراها لقى الراجل اللي كان معاها مخبوط ودماغه مفتوحه وبينزف

بص لها بذهول وقال ...قتلتيه 

غنوه قالت برعب ودموع... لا لا عايش ضربته بالطفايه على دماغه بس لسه عايش

 سند داس على اسنانه بغضب شديد وقال...هو مغلطانش انتي اللي عايزه الدبح علشان ماشيه على حل شعرك في نصاص اليالي

وضربها قلم قوي

بقلم....زهرة الربيع

 غنوه اتفاجئت جدا وحطت ايدها على خدها وسكتت بكسوف من نفسها وبقت تبكي من غير اي صوت

سند اتنهد بحزن عليها وشدها لحضنه وبقى يحضنها جامد 

هنا اخيرا بقت تبكي بشده في حضنه وقلبها بيدق بخوف 

سند ابتسم وبقى يمشي ايده على شعرها وقال..... خلاص اهدي..طلعنا بنخاف اها... متقلقيش انا جنبك انا معاكي عمري ما اسيبك

 غنوه بقت تحاول تبطل بكا ولسه هتبعد عنه بس كان حاضنها جامد حمحمت وقالت....احم خلاص شكرا يا سند

 بس سند كان بيضمها ومش سايبها قالت بغيظ.... طيب قلنا شكرا خلاص كفايه كده 

بس برده مسيبهاش 

دفعتو وقالت بغضب.... ما قولنا شكرا ولا عايز ترقد جاره

 سند ضحك وقال..فالحه بس تطولي لسانك اصبري على رزقك نوح ناويلكم على نيه سودا على طلعتكم من البيت دي

غنوه قالت بقلق...يامري  نوح.... هو نوح عرف 

سند ضحك وقال ....هو اللي قال لي اصلا ....يلا تعالي المره دي لو دبحك مهكلمهوش

 وخرجو سوا ولقو نوح وشروق طالعين من الاوضه وشروق شكلها متبهدل جدا 

غنوه جريت عليها ضمتها وسند راح لنوح وقال بهمس ...حصلت حاجه 

نوح بصله بحده وقال ..حصلتلها حاجه وانا لسه هادي كده 

سند قال بتوتر من شكله.... هو انت كده هادي 

نوح التفت لغنوه وشروق بغضب وقال....قوي...انا دلوك هادي قوي.... لينا بيت نتكلمو فيه

وطلع قدامهم ومشيو هما التلاته وراه وغنوه وشروق كانوا ماسكين ايدين بعض ومرعوبين جدا 

في البيت كان نبيل هيتجنن اتصل على شروق كتير جدا بس تليفونها مغلق كان رايح جاي بقلق وقال....هتكون راحت فين يعني

وبص لجنه وقال بغضب..... اكيد بنت عمك المجنونه ليها ايد في الموضوع عشان راحت معاها

جنه قالت بتوتر....يمكن يكونو خرجو يتمشو

هويدا قالت بخوف...يتمشو كيف دلوك بالليل لوحدهم يامراري

صابحه قالت بتوتر...طيب اهدو نستنى كمان نص ساعه يمكن يكونو هنه قريب

نبيل قال بتوتر....لا لااحنا لسه هنستنى انا هطلع  ادور عليها 

هويدا رغم انها كانت خايفه جدا على بنتها بس ما بتصدق تلاقي فرصه عشان تثبت لنبيل ان شروق مهتمه بنوح قالت بسرعه.....يمكن طلعت تشوف واد عمها راح فين عشان كانت قلقانه قوي عليه

صابحه هزت راسها بياس منها ونبيل قال بغضب.... ليه هو طفل بقى هتروح تدور عليه بره في الشارع 

بس قطع كلامه لما دخلو سند ونوح ومعاهم شروق وغنوه وكانوا متبهدلين على الاخر وهدومهم متقطعه ولابسين العبايه بتاعة نوح وجاكت سند

 الكل بصولهم بذهول وهويدا  ضربت على صدرها بخوف وقالت..... يا مري ....مين عمل فيكم كده ووووو

دخلوا البيت وهدومهم مقطوعه وشكلهم متبهدل هويدا  شهقت وقالت بخوف ...يامراري مين اللي عمل فيكم كده 

شروق جريت على امها حضنتها وبقت تبكي جامد

وهويدا بصت لنوح بخوف وقلق ميتوصفش 

نبيل قال بسرعه ...ايه ..ايه اللي حصل مين اللي عمل كده اتكلمي يا شروق في ايه وقفتي قلبنا

 بس شروق كانت بتبكي في حضن امها اللي قالت بقلق...فيه ايه يا شروق ..طمني قلبي يا بتي

شروق لسه هتتكلم بس قاطعها نوح  وقال بسرعه وحزم....متخافيش يا مرت عمي ما فيش حاجه كانو بيتمشوا وحلقو عليهم كلاب الحرس بتوع الجناين اللي جنبنا ووقعوهم على الارض وبوظوا لهم هدومهم... بس لحقناهم الحمد لله 

شروق بصتله بامتنان بس هو  قال بغضب ....بس يستاهله ..ما كانش ينفع يطلعو من الدار من اساسه.... لو معتبرين ان في رجاله ياخذوا رايها ما كانش عملو كده

 شروق نزلت عيونها في الارض بكسوف وغنوه كمان وهويدا قالت بخوف وهي بتفتش في بنتها..... طيب عوروكم فيه حاجه بتوجعكم...ناخدهم نديهم حقنه ولا ايه يا نوح

نبيل قال بسرعه ...طبعا لازم يروحوا ياخدوا المصل دي حاجه ميتسكتش عليها

 نوح قال بسرعه.... الكلاب مش سامه يا مرت عمي هيه هتنام وهتبقى زينه 

وشد شروق من ايدها بغضب شديد ومشي بيها ناحيه السلم بس نبيل ماسك ايده بسرعه وقال بغضب..انت واخدها على فين ...شوف انا سكتلك كتير بس تصرفاتك مبقتش مقبوله ابدا وذادت عن حدها ....سيب ايدها

نوح كان حرفيا على اخره قرب منه ووقف قدامه بالظبط وقال بحزم ....اسمع يا دكتور المره اللي المفروض مكتوبه امي في شهادة ميلادي قررت تديلك انت الامومه و تحرمني منها 20 سنه ولانها مكانتش تلزمني ما اهتميتش.... انما شروق لا ....دي بعينك ونجوم السماء اقرب لك منها..... بعد عنيها لو عايز تطلع من هنه سليم انا ما بحذرش كتير...ارجع لحضن امك يا روح امك خليها تلاقيلك عروسه زيها تليق بربايتها 

صابحه نزلت دموعها لما قال كده ونبيل مسكوا من هدومه بغضب شديد وقال...انت بتلقح على ايه...مالها ربايتها لو قاصد تغلط فيها هقطعلك لسانك فاهم 

صابحه جريت عليه بتحاول تمنعه وهي بتقول..... لا يا نبيل لاه هملو امانه عليك

 نوح ضحك بوجع ونفض ايديه بغضب وقال بسخريه ...متخافيش قوي كده هو اخره يهدد مبيعملش حاجه زياده 

وبص لنبيل وقال بغضب يخوف.... خد امك وامشي من هنه واحفظ كرامتك وكرامتها ده لو كان عندكم كرامه

بقلم....زهرة الربيع

وشد شروق وطلع بيها و طلعت معاه وهيه مرعوبه جدا 

اما هويدا كانت مبسوطه جدا لان نوح عايز شروق ومتمسك بيها و نبيل بصلها بغضب وقال ....انتو هتسكتو على اللي بيحصل ده.... ازاي بيتعامل كده باي حق

هويدا قالت باصتناع ... وانا هعمله ايه يا ولدي بس.. ولد عمها وزعلان علشان طلعت من غير ما تقول لحد في البيت وحقه بصراحه افرض كان جرالها حاجه...يلا  روحو ناموا دلوك و الصباح رباح بكره نقعد كلنا مع بعضينا ونحل الموضوع ده... يلا تصبحوا على خير هروح اقول لحكم ان نوح رجع كان قلقان قوي عليه 

قالت كده ومشيت بسرعه ونبيل قعد على الكرسي وحط ايديه على دماغه بتعب شديد

سند كمان شد غنوه من  ايدها وطلع بيها هو كمان  

اما صابحه مسحت دموعها وراحت قعدت جنب نبيل وقالت بحزن...... حقك عليا يا نبيل

نبيل اتنهد بحزن وقال .....انتي ذنبك ايه ....حقك انتي عليا مكانش ينفع اتعصب عليكي كده بس اتفاجئت انك امه 

صابحه قالت بدموع ....هو مش وحش واصل... هو بس

 قاطعها وقال بتعب...بيحبها

صابحه بصتلو بدهشه وقالت.... انت عارف

نبيل  قال بوجع.... اكيد عارف..... واضح جدا.. بس انا كمان بحبها والله العظيم و مش عايز غيرها... كنت فاكر ان حبهم من طرف واحد واني بمجرد ما اخدها من هنا كل حاجه هتنتهي كنت مستعجل عايز اخدها واهرب قبل ما اتأكد انها بتبادله نفس المشاعر..عايز اخدها من هنا قبل ما تقولها في وشي ..لاني متأكد انها لو فضلت هنا اكيد هتقولها مهما انكرت...انا عارف اني غلط..واني بعالج الناس من الهوس ده بس تعلقي بيها واحتياجي ليها مخليني مش قادره افكر غيري في انها لازم تيجي معايا ...عقلي ملغي كل اللي كنت انصح بيه الناس مش قادر اطبقه ابدا ...ياماما انا...انا  عشت سنتين من عمري وهي كل حاجه فيهم مكانش بيعدي يوم الا لما اشوفها فيه مش قادره اتخيل ارجع من غيرها ولا اكمل حياتي بعيد عنها

صابحه حطت ايدها على كتفه وقالت بحنيه.... انا مقدره اللي انت بتقوله يا نبيل ....بس مش عايزه قلبك يتحكم في عقلك..انت طول عمرك واعي.... انت بتقول عشت سنتين من عمرك وهيه كل حاجه فيهم وعلشان كده مش قادر  تعيش من غيرها ...طيب حط نفسك مكان نوح كده ...اذا انت عشت سنتين معاها فهو عاش 20 سنه معاها وهي كل حاجه ليه تقريبا معندهوش غيرها.... انا ما بدافعش عنيه واصل...لاني  شايفه طريقته كلها غلط في غلط.... بس عايزاك تعرف انه مش بيده 

قالت كده ولسه هتمشي نبيل قال بسرعه..... لسه مش عايزه تقولي لي ايه اللي خلاكي سبتيه ومشيتي.... انا دلوقتي غير زمان انا دكتور و احتمال اقدر اساعدك وحتى نوح كمان محتاج مساعده واضح جدا ان اللي حصل عمله مشاكل

صابحه قالت بدموع .....انا معرفش نوح هيقبل حد يساعده او لا.   بس كل اللي اعرفه ان مفيش حاجه هتقدر تساعدني غير انه يسامحني

 قالت كده وطلعت على اوضتها ونبيل مسح على وشه بتعب شديد وفضل مكانه وهو بيفكر في كل اللي حصل ومش عارف ياخد قرار ابدا

اما صابحه وهي رايحه على اوضتها وقفتها حليمه وقالت بضيق.... رجعتي ليه يا صابحه.... لا وجايبه جوزك معاكي صوح اللي اختشو ماتو 

صابحه قربت منها وقالت ....اللي اختشو ماتو من زمان  يا حليمه من ايام ما الخدامه بت السايس طمعت في سيدها وحملت منه في الحرام ومحمدتش ربها لما ستر عليها واتجوزها لا كمان حرضته على مرته وقصفت اجله وكل ده ليه علشان طمعانه تبقى ست الدار اللي مكانتش تحلم تدخلها ولا تمسح ارضيتها بخلقاتها حتى

حليمه بصت لها بغضب وغل وقالت..... وبقت ست الدار يا صابحه عملت اللي في دماغها و بقت الكل في الكل وانتي اللي مبقالكش مكان حتى الخدم احسن منك هنه

 صابحه ضحكه بسخريه وقالت... وبتلف الايام وتدور ومسير اللي اتكسر مجبور يا حليمه...مسيرك هترجعي زي ما كنتي من خدم السرايا بس وقتها مهنستنضفش تخدمينا ...نهايتك على يدي يا بت السايس بس اتكي على الصبر 

قالت كده ومشيت وحليمه بصت لطيفها بغضب شديد وغل ميتوصفش ودخلت اوضتها وهي متنرفزه جدا واتصلت على حد وقالت..... اسمع عايزه علبتين من الدوا اللي بتجيبهو لي

وسمعته شويه وقالت بغضب.... ملكش دعوه هذودله الجرعه ان شاله يغور في داهيه شغل الحبايه الواحده ده مش جايب معاه ولو في حاجه اتقل عندك ابعتها 

وقفلت معاه وقالت بغضب شديد.... اصبري عليا يا صابحه ان ما حرقت قلبك عليه وخليتو يودع قبل ما يقولك ياما تاني مبقاش حليمه

 عند سند اخد غنوه على اوضه من الاوض غير اللي بتبات فيها

غنوه قالت باستغراب.... احنا جينا هنا ليه 

سند مردش عليها وراح طلع احبال من الكومود وقرب منها واتفاجأت بشده لما دفعها على السرير وبدا يربطها فيه 

غنوه بقت تحاول تقاومه وهيه بتقول بصدمه....سند..بتعمل ايه..اتجنيت اياك

سند ابتسم وهو مكمل وقال.... لا والله يا قلبي مجنيتش بس العمده أمر بكده

غنوه قالت بدهشه...نوح قالك تربطني

سند ضحك وقال....لاه بس قالي كلمتين اتنين واحنا راجعين....قال لو ملمتهاش انت المره دي هلمها انا بطريقتي ....وانا ماقدرش اسيب اي راجل في الدنيا يلمك غيري عقبال ما نتلم على بعض قولي انشاله

غنوه قالت بذهول...تقوم تربطني في السرير يا سند

سند فضل مكمل وبيكتفها كويس جدا وقال.....ما انتي كمان عليكي عفاريت يا غنوه مقدرش اضمنك ساعه على بعضها من غير ما ارجع الاقيكي عامله مصيبه... فانا ملقيتش حل احسن من ده متفارقيش الاوضه اضمن للكل هتفضلي مربوطه فيها كده علشان ابقى مرتاح

 غنوه كانت مصدومه وبتحاول بس مقدرتش عليه وقالت بذهول..يعني ايه هتهملني كده ده انا كنت اطق اموت فيها 

سند ضحك وقال...ليه بس بعيد الشر...ده انتي حتى شكلك قمر قوي كده ....تتاكلي أكل

غنوه قالت باستعطاف..... خلاص يا سند والله بجد فكني ومش هعمل ولا حاجه تاني ....والله ما هطلع من البيت ولا هتكلم مع اي حد ولا هعمل اي بلوه

سند خلص وبصلها وقال.... متحلفيش يا روحي انت ذاتك بلوه ماشي على الارض

وضحك وقال بوقاحه.... انتي كده حلوه قوووي شكلك على الفرشه ..كيف الاكله الحرشه

 وقرب منها بس ضربته بدماغها في دماغه وقالت بغيظ ....فكني يا سند بقول لك مينفعش ابيت كده واصل...طب.. طب افرض عوزت اروح الحمام 

سند ابتسم ببرود وقال....ولا يهمك اعمليها وانا هغير لك ..انا هموت واغيرلك...تحبي اغير لك دلوك

غنوه كتمت غيظها منو و قالت بدموع مزيفه ....والله بجد يا سند مش هعرف ابيت كده ..ده انا حبيبك اهون عليك

سند  قرب منها وقال بابتسامه جميله..... ما تهونيش عليا واصل.... خلاص صعبتي عليا و عشان كده هبيت جارك هنه

شكلك خايفه تفضلي لحالك

غنوه  قالت بغضب وغيظ منو....كده....طب غور من هنا غور يلا مش عايزه اشوف وشك 

سند ضحك جامد ومشي ووقف عند الباب وقال

.... متتعبيش نفسك وتحاولي تفكي الحبل لانه مهيتفكش متحاوليش كتير عشان الأدين  الحلوين ميتعوروش...و حتى لو اتفك الباب هيبقى مقفول فخليكي عاقله ها

غنوه قالت بغضب...قولتلك غور من هنا

سند ضحك وقال....تصبحي على الهنا ....وفي حضني انا 

 وطلع واقفل الباب عليها بالقفل

غنوه  نفخت بغيظ شديد وقالت ....منك لله يا نوح ...ماشي يا سند

عند نوح دفع شروق في الاوضه بغضب شديد مرعب وقال.... طلعتي من البيت ليه 

بقلم...زهرة الربيع

شروق مكانتش قادره تتكلم وقالت بخوف.... كنت ...كنت طالعه اشوفك روحت فين

نوح ضرب الحيطه وراها بغضب شديد وقال.... ليه عيل صغير وطلع من الدار طالعه تدوري علييه

شروق انتفضت من صوته ومسكت في هدومها بخوف وقالت ...اخ...اخر مره

نوح قال بغضب اشد...اخر مره....بسهوله كده....و افرض مكنتش لحقتك النهارده...افرض كان اخد منك التليفون قبل ما تبعتي لي.... افرض كان لمسك مفكرتيش فيها 

شروق بقت دموعها تنزل بخوف ونوح مسكها من دراعاتها وهزها بعنف وقال...لو كان قربلك انهارده كنت قطعت من لحمه ولحمك ...كنت ...كنت روحت فيها يا شروق كنتي قتلتيني بسكين تلمه سامعه كنت هموووت 

 شروق قالت بخوف شديد...والله...والله اصل غنوه قالتلي

 بس زعق فيها بغضب وقال..... انا مليش دعوه بزفت ....زفت متهمنيش ولو كان حد اتطاول عليها النهارده مكانتش هتهز شعره فيا .....لكن انتي... انتي هتكسري ضهري... ليه...ليه كلكم جايين عليا ليه بتضربو فيا كأني عمود حديد مبيحسش ولا هتجراله حاجه

 وشد دبوس من طرحتها عور بيه نفسه وقال بغضب وجنون.... ده ايه...ده دم.... دم ولا لا انا بشر كيفكم انا بحس حرام عليكم انا بحس زيكم بتوجع بتقهر هطب ساكت منكم

وقعد على السرير لما لقى نفسو مش قادر يقف اكتر وحط ايديه على دماغه بوجع شديد

 شروق نزلت دموعها لما شافت منظره كده.. كانت طالعه من البيت على اساس تخفف عنه اللي حصل له مش تزيدها عليه قربت منه بدموع ونزلت على رجليها قدامه ومسكت  ايديه بتوتر

نوح اتفاجأ وبص لها باستغراب وهيه مدت ايدها  بتوتر ومسحت دمعه وقعت على خده وقالت بدموع ....حقك عليا والله ...سامحني ....انا اكتر واحده حاسه بوجعك ....بس كان نفسي اكون جارك وانت موجوع..... كان نفسي ابقى الوحيده اللي تبكي جارها وتطلع اللي جواك وامسح دموعك بكفي كيف ما دايما كنت تعمل معايا يا نوح

نوح اتفاجأ بكلامها ولمعت عيونه بالدموع قرب منها وسند جبينه على جبينها وحضن خدودها باديه وقال بهمس....وانا كمان نفسي ابكي قدامك انتي وبس....انتي الوحيده الللي اقدر احكيلها اللي جوايا .. بس عايز امسح دموعي في حضنك مش بكفك ... واطيب وجعي بحلا شفايفك

 شروق اتوترت قوي من كلامه و لسه هتبعد قال بسرعه.... اتجوزيني يا شروق .....انا محتاجلك انا جهزت كل حاجه مناقصش غير توافقي 

وطلع علبه الدبله اللي كانت في جيبه وقال بامل ...انسي اللي فات كله انا ....انا رايدك....انا....انا عاشقك يابت عمي بحبك يا شروق بحبك

شروق اتسعت عيونها على اخرهم بصدمه متتوصفش ووووو

انا رايدك يا شروق عاشقك يا بت عمي ..بحبك يا شروق يمين بالله معايزش غير انك تبقي وياي والباقي كلو يهون

 شروق اتصدمت بشده عمرها ماتخيلت انو ممكن يقول لها كده وقفت ورجعت لورا بسرعه وبقيت تبص له وبتبص للدبله اللي في ايده بذهول شديد

نوح وقف هو كمان وقرب منها وقال بسرعه ... انا عارف انك لسه واخده على خاطرك مني... وانا هراضيكي لو هفضل عمري كله اراضيكي مهملش... انا محتاجلك يا شروق محتاج ارتاح معاكي وبيكي

 شروق كانت مصدومه جدا ومش قادره ترد ابدا 

ونوح كان بيبصاها برجاء وضعف لاول مره

 واخيرا قدرت تنطق وقالت بتلعثم...انت..احم انت دلوك موجوع يا نوح ومش وقت نتكلم فيه  انا ما عايزاش اضايقك واصل دلوك و

بس قاطعها لما مسك ايديها و بص لعيونها بقوه وقال.... معاكي حق..اناموجوع بس انتي دوايا الوحيد يا شروق 

شروق نزلت دموعها مكانتش قادره تواجه اكتر وقالت بسرعه ....انا همشي..... انا لازم امشي

 ولسه هتمشي شدها عليهم بقوه و بص لعيونها وقال..... كفايانا كده يا شروق....كفايا بعاد ووجع  هنعيشوا ميته يا بت الناس ... ارجعي لحضن ابوكي وحبيبك خلينا نرتاح من كل ده

 شروق لمعت عيونها بالدموع ووتاهت في نظراته نسيت كل الدنيا للحظات بس اتصدمت لما لقتو لبيها الدبله في ايدها وهي مش مركزه  اتيعت عنيها بذهول وقالت..انت...انت  عملت ايه... مينفعش يا نوح ما تتعبش قلبي انا المفروض مخطوبه 

زلسه هتقلعها قطعها ضم كف ايدها في كفه وقال.... ان شاء الله لو قلعتيها ما يصبح عليا صبح 

شروق شهقت بخوف وقالت..... انت بتقول ايه بعيد الشر عنك ليه كده 

نوح قال بابتسامه  ....خايفه عليا 

شروق قالت بدموع....وبخاف عليك اكتر من روحي

نوح قربها جامد ليه وقال...يااابوووي على الكلام االي كيف العسل لما يطلع من مصنعه طوالي....تعرفي انا دلوك حالا  نفسي في حاجات كتيييير قوي بس اللي حايشني عنك عمي 

و كمل بمناغشه وقال ....ماتقربي انتي يا بت انتي عمك ميت 

شروق كانت هتضحك بس دفعته وبعدت عنه وقالت بغضب مصطنع...هملني  في حالي يا نوح ....كفايه كده بقى اصلا مبقاش ينفع واصل

واتنهدت بحزن شديد وقالت ....انا هقلعها الصبح علشان الدعوه اللي انت دعيتها ..وبعدها تنساني يا نوح انساني وكمل حياتك ....وحياتك عندي يا ولد عمي انا ما بقيت زعلانه منك واصل خلاص المسامح كريم...وقلبي صفيان لك قوي لان الزين اللي عملته علشاني لحد انهارده ذايد على زعلي منك وفايض

 هنا نوح قال بسرعه ....طيب كده تمام ...امال عايزه تقلعيها ليه

شروق كملت بدموع وقالت.... افهمني با نوح انا اتكلمت مع نبيل بدل المره 1000 وسألني كتير لو هرجعلك ...بس انا اديتله امل اننا عمرنا ما هنرجع...مقدرش اعمل فيه كده مقدرش والله انت لو تعرف هو ساعدني ووقف معايا قد ايه انت ذات نفسك هتصعب عليك كسرة قلبه

نوح حس بخنقه جواه لما جابت سيرة نبيل بس شروق كملت بدموع وقالت....حقكم عليا انتوا الاتنين.... الغلط كان غلطي من الاول... انا اللي اتسرعت واديتله كلمه في وقت كنت زعلانه منك فيه ...كان قلبي مكسور قوي كنت حاسه ان  لو طبقت السماء على الارض مستحيل اسامحك على اللي قولته ...وقتها قلت لنفسي  نبيل احسن حد ليا بيحبني وبيقدرني وهيسعدني 

وحطت ايدها على قلبها ونزلت دموعها وقالت ....بس مقدرتش انساك يا نوح مقدرتش حاولت كتير من غير فايده ... سامحوني انا اكتر واحده  عارفه ان الواحد المفروض مياخدش قرارات في وقت غضبان فيه بس ما قدرتش اسيطر على نفسي..... سامحني يا نوح والله قلبي اتوجع اكتر منك 

روح قرب منها بحزن وباس جبينها وقال بندم ....سلامه قلبك من الوجع يا بت قلبي....انتي اللي المفروض تسامحيني يا شروق انا بيدي ضيعتك.... انا اللي سلمتك لكل ده وبعدتك عني بغبائي ....بس انا مش هصلح غلط بغلط واقول لك روحي عيشي حياتك ويا غيري

شروق بصت له بدهشه وهو كمل وقال...انا هصلح كل حاجه وهرجعك ليا ...انا هتصرف يا شروق

 شروق اتنهدت بحزن وقالت.... لو في حل انا كنت وقفت معاك فيه بس خلاص...انا هسافر ويا نبيل يا نوح وانت انساني اكيد هاجي يوم واحنا الاثنين هننسى 

قالت كده ومشيت بسرعه وهو قال بصوت عالي وغضب مهتقدريش تنسي يا شروق ما تضحكيش على روحك..اصلا  مش هسيبك تنسي من اساسه

 شروق مشيت وموقفتش تسمعه وهو ضرب الطاوله بغضب كسرها وقعد على السرير وحط ايده على دماغه وهو مش عارف يعمل ايه 

في صباح يوم جديد  نزل نوحو هو متنرفز جدا وكان بيتخانق مع كل اللي يقابله و بيشرب قهوه بطريقه غريبه كل ما يخلص فنجان يطلب التاني 

في الوقت ده قربت منه صابحه وقالت بتوتر .....صباح الخير 

نوح بص لها شويه بتركيز وكل اللي بيدور  في دماغه منظر شروق لما شافها مخطوفه كان نفس شكلها لما لقوها في الاسطبل ...لثواني فكر لو كانت هي كمان مظلومه وحصل معاها نفس اللي حصل مع شروق 

بس غمض عنيه من افكاره شايف ان ما فيش مقارنه اصلا شروق هي اللي طلعت من البيت واتخطفت من عيال قذره عارفهم.... بينما دي كانت في البيت وفي حد دخل الراجل اللي كان معاها وحتى الغفر قالوا انهم مسمعولهاش اي صوت ولا ككانت بتستنجد

صابحه استغربت انه بيبص لها بالطريقه دي ومش بيرد قالت... في حاجه يا ولدي

 نوح اتنهد ونفض اي افكار من دماغه وقال... مفيش.... بحاول افكر يا ترى خطوبه ود جوزك حاجه مهمه لدرجه انك ترجعي وتتجرأي توقفي قدامنا تاني 

صابحه اتنهدت بحزن قالت.... بس انا مجيتش علشان نبيل انا جيت علشانك انت 

نوح ضحك بسخريه وقال ....اممم... هو انت لسه فاكراني طب زين والله...على  العموم خير... انا اصلا كنت مستني رجوعك في اي يوم من الايام كنت متاكد انك مسيرك هتاجي عشان تطلبي حقك

صابحه بصت لو باستغراب وقالت ...حقي 

نوح قال بسرعه...اه حقك... مش الحاكم مات وانتي على ذمته عموما حقك محفوظ ..اتفقنا ولا اختلفنا حق ربنا واجب وحاسب كل قرش ليكي بالذايد كمان  

صابحه ابتسمت باعجاب وقالت..... تشبه ابوك قوي يا نوح... كان كيفك تمام كده 

شرب من فنجانه بلا مبالاه وقال.... ما افتكرش لو كان زي تمام  مكانش اتجوز واحده زيك 

صابحه اتنهدت وقالت.... انا مهبررش اي حاجه ومهشرحش كتير لاني متاكده ان نظريه العيل اللي عنده 11 سنه تفرق كتير عن نظريه العمده اللي عنده 31 سته...انا دلوك عايزاك تنسى يا نوح اني امك لاني واحده جايه طالبه منك حقها طالبه منك تنصفها وتظهر حق ربنا... انا مظلومه يا نوح اتخدت غدر 

نوح قال بغضب.. مظلومه ...انا بعيني شوفت اللي حصل وكمان سوفت  ابوي لما جيه يضرب عليكي بالرصاص يومها طب واقع من صدمته وعلى بال ما فوقناه وجبناله الدكتور انتي هربتي... لو كان معاكي حق صوح مكنتيش هربتي صاحب الحق عينه قويه وميسيبش حقه ويهرب

صابحه اتنهدت وقالت ....عينه قويه لما يكون في حد واقف معاه وهينصفه....انا اتغدر بيا واللي عمل كده اشترى الكل عشان يشهدوا ضدي ....عايزاك تفكر في حاجه واحده بس يا نوخ ... يا ترى لو انا واحده خاينه وبخون جوزي وعيشو وملحه ومسألاش في ولدي ولا في عيشتي اللي كانت كيف عيشه الملوك هجيب عشيقي في دار جوزي ضاقت عليا الدنيا عشان اعمل كده في الاسطبل عندنا في البيت ضاقت عليا الدنيا عشان ادخل راجل غريب وابقى مأمنه ان محدش هيسال ده دخل هنه ليه...لا وشوف الصدفه بقى حليمه اللي مكانتش تخدم ولا تبص  بره الدار وبتتامر على اللي فيه وتدوس عليهم بجزمتها لاجل الحظ يومها تطلع تبص على الخيل وتشوفني هناك... الحظ كتير قوي في الحكايه دي 

نوح بقى يفكر في كلامها اللي كان قريب لتفكيره ومنطقي جدا بالنسباله و بيتمنى من كل قلبه يكون معاها حق 

وهيه طبطبت على كتفه وقالت..... انا هربت مش لاني خوفت من الموت يا ولدي انا خوفت اموت واسيب لك عاري خوفت اموت في حاجه شينه زي دي مكانش معايا حد يوقف وياي ولا حد هيصدقني عشان كده هربت وصبرت واستنيت لما يبقى معايا اللي يوقف في ضهري  استنيت ولدي وراجلي لما يكبر استنيت العمده الجديد اللي هياخذ لي حقي و يرجع لي كرامتي... هسيب لك قضيتي عندك يا عمده وممعايش اي ادله اديها لك غير اني هقول لك حاجه واحده بس.. خليك ورا حليمه 

ولسه هتمشي مسك ايدها بسرعه وقال بلهفه ....شاكه فيها هي عملت كده ...لو معاكي حاجه قوليها 

صابحه ابتسمت وقالت.... كل اللي هيطلع من لساني دلوقك مجرد كلام بدافع بيه عن نفسي محدش هيصدقه 

نوح قال بدون تردد... انا هصدقه 

صابحه ابتسمت بامتنان ونوح خد بالو لكلامه وقال...قصدي لو فيه حاجه قويه هصدقها

صابحه ابتسمت وقالت..مش كفايه تصدقني يا ولدي....انا عايزه حقي ..عايزه تاري من اللي ظلموني...عيزاك تحقق في قضيتي وهتعرف كل حاجه لحالك انا عارفه انها مش صعبه عليك يا نوح ...ولحد الوقت ده اعتبرني مش موجوده يا ولدي

صابحه قالت كده ومشيت

ونوح فضل يفكر  في كل كلمه قالتها ما ينكرش ان كل اللي قالته... كل كلمه قالتها منطقيه جدا وكمان كل حاجه وراها حليمه كل ما يمسك طرف خيط يلاقي نهايته حليمه اتنهد وقعد على الكرسي وهو بيجمع كل اللي اتقال في دماغه

عند غنوه كانت قاعده شبه بتبكي على السرير مش عارفه تفك ايديها ومتضايقه جدا 

دخل سند وقال.... صباح الجمال

غنوه  بصتلو  بغيظ وقالت.....شرفت يا اخوي...  فكني عايزه اروح الحمام 

سند ضحك على شكلها و قرب منها وقال بمغازله....كيف القمر وانتي غضبانه 

غنوه قالت بغيظ..بقولك فكني مش وقت محن على الصبح بيعملي حموضه على الريق

 سند ضحك جامد وبقى يفكها  واول ما فكها فاجاتو لما دفعت بقوه على السرير وجريت بسرعه منة

 سند قام بسرعه وجري وراها وهو بيقول بذهول ...غنوه استني رايحه فين يا مجنونه... غنوه اوقفي هقطع رقبتك

 بس غنوه مسمعتش كلامه ونزلت بسرعه

عند نوح كان واقف مع نجاتي وبيقول .....هتروح عند حسنين معادنا معاه انهارده تجيبو هو والحاجه بتاعة ولدو وتاجي  على هنه علشان نشوف موضوع البنت دي ونخلص

 بس قاطعته غنوه لما وقفت قدامه وقالت بغضب.... البنت دي علشان بتساعدها عايز تجننها ولا ايه يا عمده

نوح اتنهد بخنقه وقال.... خير ان شاء الله 

غنوه قالت بغضب.... مش خير انت مش عمدة البلد عايزه اشكيلك من اخوك  وعايزه  حقي اخوك الفالح ربطني الليل كله في السرير لما كنت هتجن

سند جيه وهو بينهج كن الجري وراها ومسكها من ايدها بغضب وقال.... قطعتي نفسي...مش بقولك اوقفي  يلا انجري معاي على اوضتك يلا

 غنوه قالت بغضب وصراخ.... مش جايه معاك ولسه بقول لاخوك عايزه حقي منك هو انا بهيمه علشان تربطني 

نوح قال بضيق...ده اقل واجب يتعمل معاكي يا بت الجزار ولا ناسيه البلاوي اللي عملتيها امبارح احمدي ربك اني سبت الموضوع لسند ومربطتكيش انا ....على الاقل نمتي على السرير مرتاحه و انتي عارفه اخر مره ربطتك فيها كنتي فين 

غنوه قالت بمراوغه ....وانا عملت ايه يعني دي شروق اللي اصرت نطلع ...كانت هتموت عليك من الخوف ورايحه جايه لما خيلتني وهيه تبكي وتقولي قاعد لوحدو يا غنوه.. صعبت عليا كفرت يعني

نوح رفع حاجبه بعدم تصديق و لسه هيرد نزلت شروق وهي متعصبه وبتقول بزعيق.... عاجبك البلاوي اللي عمالين نلم فيها من تحت راسك

 نوح بصلها بزهول وقال...الكلام ده ليا انا

شروق قالت بغضب ..امال لامي مين غيرك سبل المصايب

نوح قال بغضب....وطي صوتك يا بت لاخرسك خالص... هو في ايه كل شويه حد يجي يقول لي انت السبب في حاجه دلوك  انا اللي بقيت بعمل لكم مشاكل في البيت  

شروق قالت بغضب...نبيل همل الدار ومشي

نوح ابتسم بدهشه وقال...طب ده خبر زين فين المشكله

شروق قالت بغيظ.... زين كيف ...ده شافنا لما كنا في الاوضه امبارح هملي جواب ومشى ارتحت كده فضلت اقولك هملني امشي مسمعتش الكلام اهو شاف كل حاجه

 شروق مكانتش واخده بالها لكلامها اللي بتقولو قدام غنوه وسند 

ونوح لسه هيرد غنوه غمزتلو وقالت هو شاف ايه في الاوضه امبارح... طب ماهي الدنيا فل معاكم اها...صدق اللي قال ناس تدلع على السرير.... وناس تتربط كيف الحمير ووووووو

طب ماهي الدنيا فل معاكم اها...صدق اللي قال ناس تدلع على السرير.... وناس تتربط كيف الحمير

قالت جملتها الاخيره وهي بتبص لسند بغيظ وهو ضحك وقال بغمز....ما هو لو تسمعي الكلام انا ادلعك اخر دلع 

هنا نوح زعق فيهم وقال بغضب..... بس انت وهيه انتو فهمتو ايه...احنا كنا بنتحدت عادي وجبنا سيرته في الكلام وعلشان كده مشى ...والمركب اللي تودي مترجعش ان شاء الله دي حاجه متزعلناش من اساسه

 شروق قالت بغضب ....كيف متزعلناش يعني.    انا لازم اروح وراه واشرحله  انه فهم غلط 

نوح بصلها بغضب وقال .....بس هو مش فاهم غلط يا شروق هو بيفهم زين انتي اللي الفهم عندك بعافيه شويه 

شروق بصتلو بغيظ ولسه هتتكلم سند قال بسرعه.... شروق بلاش تكابري لغايه ما تضيعي كل حاجه من يدك... الكل عارف انك رايده نوح من وانتي صغيره وربنا اراد يجمعك بيه وبعد عنكم كل حاجه تفرقكم فيه ايه تاني عاد..والله في حياتك ماهتلاقي حد يحبك كيف نوح احسبيها بالعقل انتي حتى لو اتجوزتي نبيل عشان ترديلو الجميل هو اول واحد ما هيبقاش مبسوط يتبسط كيف وانتي قلبك مع واحد تاني ولا انتي كمان هتبقي مبسوطه

و بص لغنوه وقال بابتسامه جميله .....القلب لما بيلقى وليفه عمره ما يعرف الفرح بعيد عنيه

غنوه ابتسمت بكسوف وسند بقى يبصلها بحب وهيه بادلتو نفس النظرات

نوح ابتسم على نظراتهم لبعض وحمحم وقال....  احم المفروض اننا بنظبط هنه مش بنظبط هناك 

سند ضحك وقال .....ظبط انت هنه هو في حد يعرف يظبط اكتر منك ..بالاذن

وشد غنوه ولسه هيمشي بيها  غنوه رجعت خطوات واخذت الجواب من نوح بسرعه ومشيت مع سند

سند قال .....مالك بيه ده 

غنوه قالت بفضول .....عايزه اعرف كاتب ايه 

سند هز راسه بياس منها و اخذها ومشي 

وشروق قعدت على الكرسي بحزن ودموع 

نوح قعد جنبها واتنهد وقال..... مالك بس يا بت الناس ما هي الحمد لله اللي جات منيه زعلانه ليه بس

شروق قالت بدموع ...مكنتش عايزه اجرحه كده يا نوح... كل اللي بيحصل غلط انا جبتو معايا هنا واتبهدل اخر بهدله على اساس هنتخطب..نبيل ياما وقف معاي وساعدني ميهونش عليا كسرة قلبه واصل

نوح اتنهد وهو مقدر كل اللي حاسه بيه هو نفسه حس بحزن على نبيل بعد ما مشي بالطريقه دي من غير ما يتكلم مع حد اتنهد وقال...انا  مقدر كل اللي بتقوليه ومعاكي حق ...بس كمان تفكيرك غلط مينفعش ترتبطي بيه لانك عايزه ترديله الجميل انتي كده بتوجعيه اكثر.... الصح انك كنتي تقوليله من الاول

شروق قالت بدموع ...اقوله ايه بس 

نوح قال ببساطه...تقوليلو  انا بحب نوح وعمري ما هقدر احب حد غيره ...وانت مفيش زيك والف من تتمناك بس متجيش شعره في راسه ولا نقطه في حلاوته

بقلم....زهرة الربيع

شروق بصتلو بدهشه و قالت ..... لا والله مين بقى اللي فهمك الكلام ده ان شاء الله 

نوح قرب منها وقال وهو بيبص لعيونها..... عيونك اللي قالولي كل مايشوفوني بيقولوا لي كده

شروق ابتسمت وقالت.... عيوني ..وقالولك ايه كمان

نوح قرب منها قوي وقال ....بيقولو عمرنا  ما حبينا ولا هنحب قد طلتك...ودلوك  بيقولولي كده بردك 

شروق نزلت عيونها بكسوف وقالت... ده وقت هزار بردك.... احنا في ايه ولا في ايه

 نوح مسك ايدها وقال.... احنا في ايام حبنا اللي اخيرا لقيناه احنا في اجمل ايام عدت علينا عموما ..ولو على نبيل انا هكلم واراضيه وهخلي ام ...

بس قطع الكلمه بسرعه وقال ....هخلي مرت ابوه كمان تكلمه ...وصدقيني انتي كده بتساعديه يكمل حياته وينسى بدل ما يفضل موقف حياته على حاجه عمرها ما هتكون ايه ده انا لو موتك وموته وموت نفسي حتى مكنتش هسيبك تتجوزيه ولا تكوني لاي راجل غيري

شروق ابتسمت وبصت لعيونه وقالت..... بقيت تقول كلام حلو قوي يا عمده

نوح ابتسم وقال ...ولسه مشوفتيش حاجه من الكلام الحلو ده انا لعيب قديم واعجبك

شروق ابتسمت بسخريه وقالت...اممم  انت هتقول لي ما انا عارفه انك لعيب قديم من ايام بت الوزير

 نوح ضحك جامد وقال.... انتي لسه فاكره بت الوزير 

شروق قالت ...ودي حاجه تتنسي مقولتليش صحيح ...ايه مبقيتش اشوفها هنه ...خير ان شاء الله

نوح ابتسم وقال....بتسألي ليه اتوحشتيها 

شروق قالت بضيق..... لا بس خايفه تكون انت اتوحشتها 

نزح ابتسم على غيرتها اللي واضحه في عيونها وقال ....انا مبقيتش اتوحش غيرك ..بشتاقلك حتى وانتي جاري 

شروق ابتسمت ونزلت عيونها بكسوف 

وهو ابتسم وقال...وعلشان تطمني قلبك بت الوزير مهتشوفيهاش هنه تاني واصل... انا كلمت ابوها وقلت له لو جات هنه تاني مهتطلعش واذا اخوها ربطته مع البهايم هي هربطها مع الكلاب السعرانه..من بعدها مجاتش تاني معارفش شكلها خافت ولا ايه

شروق بصتلو بدهشه وقالت ....شكلها خافت.... لا مفيش حاجه تخوف يعني هتخاف من ايه

 ضحك وقال ...ايه انتي كمان خوفتي مني ولا ايه

شروق ابتسمت وقالت...انا عمري ما اخاف منك ..انا ممكن اخاف على زعلك لاكن منك لاه...متاكده انك لو اذيت الدنيا كلها مهتأذنيش ده انت اماني الوحيد يا نوح

نوح ابتسم وعيونه لمعت بالسعاده وقال....يابت بلاش الكلام ده خليني اتستر للاخر الشيطان عامل عمايله معاي

شروق ضحكت من قلبها وهو ابتسم وقال....خير البر عاجله هطلب يدك النهارده ولو انها شكليات بس بردك نمشي بالاصول 

شروق اختفت ابتسامتها وقالت...طب ونبيل خلينا  نكلموه الاول ونجبر بخاطره..انا  مهقدرش ابقى مبسوطه وانا عارفه انه مشي زعلان 

نوح نفخ بضيق وهيه قالت بتوتر ....امانه عليك ما تزعل يا نوح بس  مجايش من قلبي افرح وهو زعلان وماشي من هنه خاطره مكسور ....نكلموه وبعد كده نشوف موضوعنا 

نوح ابتسم بهدوء ووقف وقال... حاضر يا طيبه يا بت الطيبين انا عارف ان مهيونش عليكي ومتقلقيش مهطلبكش رسمي غير بعد ما نكلموه ونراضوه وكيف ما قلت لك هخلي مرت ابوه تكلمه و

بس قطع كلامه وحط اديه الاتنين على دماغه وقعد مكانه لما حس رجليه مش شيلاه

شروق اتخضت وقالت.... مالك يانوح فيه ايه

نوح قال بتعب..م...معارفش....معارفش كل شويه احس بصداع كده ورجليا متشيلنيش 

شروق قالت بخوف...سلامتك...شوفوا دكتور...ولا نشوفو ليه خلينا نعمله اشعه على الدماغ واشوفلك انا فيها ايه

نوح قال بسرعه...ايه كل ده  يا هبله دكتور ايه واشعة ايه... ما فيش حاجه لكل ده بس تلقاه من ضغط اليومين اللي فاتوا ..انتي روحي ريحي دلوك و متفكريش في حاجه 

شروق بصتلو بقلق وقالت... انت متاكد انك زين

 ابتسم وقال بسرعه ...يا بت قولت لك زين ما فيش حاجه وغمز وقال بمرح...ولا انتي بتتلككي علشان تكشفي عليا...انا جاهز اكشف على العموم لو انتي الدكتوره

شروق ضربتو في صدره وقالت...احنا في ايه ولا في ايهوقفت قلبي على فكره

نوح ابتسم وقال...سلامة قلبك يا قلب نوح...متقلقيش انا كويس والله... يلا روحي دلوك علشان نجاتي راح يجيب حسنين والخبير اللي هيفرغ الاجهزه عشان نشوف موضوع البلوه اللي فوق دي

 شروق اتنهدت وقالت....تمام... ومشيت

و هو حط ايديه على دماغه بتعب تحت انظار حليمه اللي كانت بتبص عليه من بعيد ومبسوطه جدا باللي بيحصل وقالت بتوعد... ولسه يانوح ان ما هديت مكانتك زي ما هديت حيلك مبقاش انا حليمه

عند غنوه كانت ماسكه الجواب وهي متاثره جدا وقالت.... اسمع يا سند كاتب ايه بيقول ...

صباح الخير يا شروق بتمنى تكوني بخير... لما تقري الجواب ده هكون انا سافرت خلاص ..انا مبقتش قادره اكمل يا شروق بجد تعبت انا سمعتكم امبارح انتي ونوح  كان بالصدفه على فكره انا ورايح اوضتي ...وكنت عايز اشكرك عن الكلام  اللي قولتيه امبارح عني...رغم انه وجعني قوي لكن على الاقل فكرتي فيا وكنتي عايزه تكملي معايا رغم انك بتحبيه هو .... بس كده انتي مبتعمليش حاجه كويسه علشاني ياشروق العلاقات اللي زي دي احنا بننهي عنها ...مينفعش تتنازلي عن حبك علشاني لان انتي كده عمرك ما هتحبيني و عمري ما هبقى مبسوط.. على كلن  مفيش مشاكل يعني ما حصلش حاجه كبيره قوي احنا لسه على اول الطريق....و بتمنى تلاقي من نوح الحب اللي بتتمنيه انا متاكد انه بيحبك..وانا ..انا مش زعلان على اللي حصل.... بس ياريتك  كنتي حكيتيلي من الاول يمكن مكنتش غرقت قوي كده ....بصي تمام المهم تبقي مبسوطه ...اشوف وشك على خير يا شروق... او الافضل منشوفش بعض تاني مش زعل ابدا بس ده الافضل ليا عشان اتعافي بسرعه..بتمنالك السعاده من كل قلبي...نبيل

 غنوه مسحت دموعها وقالت بحزن..... كان جدع قوي وقف معاها ومعاي حب باحترام وفارق باحترام

سند قال ..معاكي حق مع ان احنا للاسف محدش فينا احترمه واصل

غنوه بصتلو باهتمام وقالت ...قولي يا سند  لو في يوم قولت لك اني بحب حد تاني وعايزه اتجوزه هتكتب لي جواب كيف ده

 سند رفع شفته باستنكار و قال.... لا طبعا ..جواب ايه اللي اكتبهولك واسيبك لحد تاني ده انا اقطع رقبتك اسهل ولا تبقي لحد تاني 

غنوه بصتلو بذهول وقالت..تقطع رقبتي.... بس اللي بيحب بيضحي عشان حبيبه 

سند ابتسم بخبث وقال ...طالما كده تمام انا هروح اتجوز البنت سماح بقى وانتي لازم تضحي عشاني.... كنت عايز اتجوزها بس خايف من اذاكي 

غنوه ابتسمت وقالت.... لا متقلقش انا مش مؤذيه  ولا حاجه وبعدين اذيك انت ليه يا نور العين مدام هي موجوده اموتها هيه اسهل

سند ضحك بخفه وقال..امال انا بحبك ليه ..علشان بت جامده كده ومفيش حاجه تهزك...وانتي بقى بتحبيني ليه

قالت بسرعه...هبل

سند ضحك وقال....طب وبقيتي هبله من ميته

غنوه قالت ...من وقت ما حبيتك مش محتاجه دي

سند قال ..غنوه بلاش تتهربي...جد نفسي اعرف بقالك قد ايه تعرفيني و بتحبيني من ميته 

غنوه ابتسمت وقالت.... كتير قوي من لما كنت في اعداديه ابويا اخدني سبق الخيل وانت كنت هناك 

سند قال باستغراب...واه..ده انتي كنتي عيله

غنوه ابتسمت وقالت...كنت حوالي ١٤ سنه وانت كنت تطلع عشرين او واحد وعشرين ...يومها راهنت على حصانك وكسبت الرهان..ومن وقتها بقيت اروح وراك كل سبق ..واحس اني هموت واتكلم وياك بس اتكسف وارجع تاني 

وفي يوم كانو عاملين سبق ولبست لبس اخوي وغطيت وشي ونزلت قصادك ...انت ضحكت عليا وقتها لان كان جسمي في الجلابيه باين اصغير ..واتسابقنا قصاد بعض

سند اتسعت عنيه بدهشه وافتكر الموقف وقال...انتي اللي وقعتي من على الحصان

ابتسمت وقالت ...ايوه انا ..منسياش انك كان فاضلك خطوات وتفوز بس وقفت  واطمنت عليا ...قولتلي كويس يا اخينا لما مش قد الخيل بتركبوه ليه

ويومها كانت اول مره تمسك يدي قومتني ومشيت

سند لمعو عيونه بسعاده واعجاب ميتوصفش وقال.... كملي

غنوه ابتسمت وقالت...بعدها بقى  الحاكم طلب لحمه للشهر كلو  من عندنا واخويا مكانش قاعد وانا روحت عشان اوديها ويومها انت اخذتها مني... وتلاقينا عين لعين لاول مره... كنت طايره من السعاده وانت بتبصلي وباين في عنيك اني عجبتك حتى يومها عاكستني فاكر

  سند كان مندهش من اللي بتقوله وافتكر الكلام ده كان قبل ما يسافر اصلا يكمل دراسته كانت بنت جميله ما كملتش 16 سنه زكانت جايبه لهم لحمه على البيت ابتسم بدهشه وقال ....افتكرتك ..بس...بس الكلام ده قديم قوي 

غنوه ابتسمت وقالت ...مش قولتلك بقالي كتير اعرفك...يومها بقى  قولتلك خد اللحمه فاكر قولت لي ايه 

سند غمز وقال ... لحم صافي ولا ملبس... يسلم اللي ربى واللي لبس

بقلم...زهرة الربيع

غنوه ضحكت بخفه وقالت...اديك فتكر....عارف يومها معرفتش وصلت لدارنا كيف من الفرحه ....خصوصا انك بقيت تبص عليا مده طويله لحد ما اختفيت ....انا فكرت اني عجبتك مكنتش اعرف انك جاي في اي روح والسلام...تاني يوم جيت اخد  الحساب لقيتك مع واحده ورا السرايا 

سند ضحك بقوه وقرب منها قوي وقال ....انا مكنتش عارف ان فيه منجايه عويسي صغيره كده عشقاني...والا مكنتش دقت غيرها واصل

واتنهد وقال بجديه...طيب ليه وافقتي عليه ..يعني جوزك

غنوه اتنهدت لحزن وقالت.... بعدها انت سافرت وطولت قوي وحسن بقى يتقدملي واهلي عايزين يعرفو برفض ليه...ومفيش حاجه تتقال...قولت يا بت بطلي هطل هو معقول ود العمده هيحبك انتي..حتى لو رجع هياخد واحده من بنات الذوات ...شلت الفكره من دماغي او عملت نفسي شلتها و اتشكيت في لساني وافقت عليه ... بس انت عارف انا اتمنيتك من ربنا في ليلة قدر ووعدتو لو جمعني بيك مهفرطش فيك واصل عشان كده وافقت على جوازي منك لما هددتني بحميد

سند مسك ايديها وقربها ليه بحنيه وقال.... اذا انا زمان كنت حاجه مهمه في حياتك فانتي دلوك كل حاجه في حياتي... وحياه عيونك الحلوين دول مارايد غيرك وهوعد ربنا كيف ما انتي وعدتيه لو جمعني بيكي عمري ما هفرط فيكي ولا اوجاعك واصل 

غنوه لمعت عيونها بالدموع و هيه بتبصلو بحب شديد

وسند قرب منها وحاولت تبعده وهيه بتقول بضعف...سند ..سند لاه بعد هفتح دماغك انت عارفني

سند ضحك وهو بيقرب اكتر وبيقول...اهون عليكي يا بت و

بس قاطعتهم  سماح لما دخلت وهي بتقول ... سي سند نوح بيه عايزك و

 بس قطعت كلامها لما شافته قريب من غنوه 

 وسند وغنوه بعده عن بعض بسرعه

 سماح كملت بغضب و قالت....اللي اسمه حسنين جيه وجناب العمده عايزكم علشان هيفرغوا تلفون  المرحوم 

سند حمحم وقال...طيب تمام نازلين دلوك

 سماح بصت لغنوه بغيظ وقالت... صوح يا سي سند نسيت اقولك... في حاجه رفيعه كده ناقصه من خلقاتي بقول يمكن تكون في اوضتك يعني لو تسمح بعد ما تنزل ادور عليها لانها حاجه خاصه شويه وخايفه حد يلاقيها 

غنوه بقت تضرب رجلها في الارض بغيره وغضب مكبوت

 وسند بص لسماح و قال بضيق منها.... مفيش حاجه في الاوضه يا سماح واتنضفت 1000 مره شوفيها يمكن نسيتيها في اوضه حد تاني 

سماح بصتلو بغضب ولسه هترد غنوه قالت بسرعه...هملها تدخل تدور براحتها ...وشوفي لو في اي حاجه نقصاكي عشان من هنه ورايح مش هتخشي الاوضه دي تاني واصل....فلو في حاجه ضايعه كده ولا كده شوفيها بالمره 

وطلعت من الاوضه وضربتها في كتفها بقصد 

سند راح ورا غنوه بسرعه

وسماح بصت لطيفهم بغضب ميتوصفش وهيه بتتوعدلهم

سند جري ورا غنوه وقفها بسرعه...وقال...استني يمين  بالله بقالي اكتر من سنتين مالمستها دي بتستهبل و 

قاطعته غنوه وقالت بحزم...لسه عايز تتجوزني ولا غيرت رأيك

سند ابتسم وقال بسرعه ودلوك لو تحبي 

غنوه قالت بجديه...دلوك هننزل نفرغ تلفون المرحوم...ونوح بيه متاكد ان الجدع اللي جابو هيجيب السجلات اللي اتمسحت وكده هيظهر الحق... وقتها تتكلم مع اخوك في موضوعنا على طول

  سند ابتسم بسعاده وقال...هيظهر باذن الله ...مبروك علينا

بعد شويه كانو متجمعين كلهم  في الصالون وبدا الخبير اللي جايبه نوح يفرغ تليفون حسن والتابلت بتاعه ويشوف الفيديوهات والصور اللي عنده واذا في حاجه محذوفه 

بعد وقت من التوتر كان رجع كل المحذوفات و قال ...الاجهزه  نضيفه يا نوح بيه كلها فديوهات افراح وكليبات ما فيش اي حاجه زي اللي انت بتقول عليها دي

اتسعت عيون الجميع بذهول وووووو

انا شفت كل الفيديوهات اللي على التليفون واللي على التاب ولا اللي موجوده ولا اللي اتحدفت فيها حاجه زي اللي انت بتقول عليها دي جنابك 

اتسعت عيون الجميع بذهول ونوح وقف بصدمه وقال... انت بتقول ايه ...دور زي

 الخبير قال بثقه.....ما انا بقول لحضرتك دورت كويس جدا  ما فيش حاجه على العدد ولا حاجه حتى اتمسحت من عليها

 نوح التفت لغنوه اللي كانت مصدومه بشده وقال... انتي مش بتقولي انحسن وراكي فيديوهات وصور على  التلفون ده وانتي حذفتيها 

غنوه قالت بدموع ....ايوه والله حذفتهم بيدي و

بس حسنين قاطعها لما وقف وقال.... ما كفايه كدب عاد ...انا كنت متاكد ان ولدي ميعملش كده بس قلت خليك ورا الكداب 

نوح بقى في موقف لا يحسد عليه كان فاكر انه حل القضيه خلاص 

وسند قال بخوف على غنوه....استنى بس يا عم حسنين هنتاكد تاني و... 

 بس قاطعوا حسنين وقال بغضب...ولا تاني. لا تالت.... انت وعدتني يا نوح بيه المره دي قطعت وعد ربنا شاهد عليه ان لو ولدي طلع بريء هتسلمني البت دي وتسيبني اخد حق ولدي 

نوح كان واقف ساكت مش عارف يعمل ايه وجنه مسكت في غنوه بخوف  وقالت بدموع .....اقسم بالله كل اللي قلناه صدق مكدبناش عليكم  ولا في حرف

  حميد قال بخوف .....خلينا نجيبو خبير تاني يمكن ده معرفش يطلعهم 

حسنين قال بغضب.... انا كلامي مش معاكم انا كلامي مع العمده احنا اتفقنا النهارده لو ولدي طلع بريء هاخد طاره

 نوح قال بتوتر ...يا حسنين اهدى واحسبها بعقل  شويه انت بنفسك قولت ان الولد ده يشبه ولدك و....

قاطعو حسنين وقالت.... دي مش قضيتنا يا عمده الواد ده ممكن يكون ولدنا ماشي ..بس برضى امه عادي وده ميديش الحق لبت عمها انها تقتله...هيه مش قالت انو اعتدى على لت عمها وهددها بفيديوهات وعشان كده قتلته في لحظه غضب..وانا صدقتهم و كت همشيها عادي..طيب  هي فين الفيديوهات دي عاد.... انت قلت اننل هنلاقي الفيديو الاصلي اللي هو قطع منه المشاهد دي بس احنا حتى المشاهد اللي هيه بتقول عليها مش لاقيينها وانا جبت اخري اكده عداني العيب معاكم ...ومسك ايد غنوه بقوه وقال .... فوتي معايا يلاااا

 ولسه هيمشي بيها سند مسك ايده بغضب وقال ....هملها... هملها بقول لك 

حسنين بص لنوح وقال.... انا مستني منك العدل اللي بتمشيه على البلد كلها يا عمده مستني طار ولدي اللي وعدت بيه وقولت بلسانك دي اخر مره

 نوح بص لغنوه بحزن شديد من اول يوم شافها وهو حاسس انها بريئه.. ومكانش قادر ينطق ويسيبها تروح معاه بس ده كان فعلا العدل اللي اتعود عليه

غمض عنيه وقال بالعافيه...هملها يا سند خلاص... كده احنا عملنا اللي علينا... الظاهر ان عمرها خلاص خلص كده

بقلم...زهرة الربيع

سند اتسعت عينيه بذهول وقال.... اسيبها كيف... انت بتقول ايه يانوح غنوه صادقه انا مصدقها في كل حرف

وبقى يزق ايد حسنين ويقول بخوف شديد....هملها يا راجل انت انا بقول لك هملها هكسر يدك

حسنين كان ماسك ايدها بقوه ومصر ياخدها معاه بس سند بقى يحاول يفلت ايدها منه

 غنوه كانت بتبص لسند بحسره وابتسمت بدموع وقالت...هملني يا سند...ملناش نصيب خلاص يا ود الناس... انا قلت بردك عمرها ما هتمشي معاي حلاوه كده 

سند بص لها بخوف وقال ....ما حدش هياخدك مني ياغنوه ..لوزحتى هيقتلوني قبلك.. ما تخافيش

 بس حسنين شدها بغضب وقال.... كفاياكم كده همل البت ..وانتي يلا  امشي معاي 

بس سند كان مصر ومش راضي يسيبها

هنا حسنين بص لنوح وقال.....بعد اخوك  يا حضره العمده  انا احترمتك فاحترم انت حقي

نوح اتنهد واتقدم عليهم ومسك ايد سند وقال ....سيبهم يا سند سيبها يلا

 بس سند كان مصر وماسك فيها ..ونوح اضطر مسكو من وسطوا بقوه وبقى يشدو وهو بيقول...كفايه يا سند كفايه كده خلاااص

 سند بقى يحاول يفلت من نوح بس ما قدرش وافترقت ايده عن غنوه وبقى يزعق وهو بيدفع نوح وبيقول بخوف وهستيريا كان روحه بتبعد عنه ..... غنوه لا لا بعيد عني يا نوح بقول لك بعد....هملني و رحمة ابوك ..هملني يا نوح بقول لك

 بس نوح كان ماسكه بقوه ومستحمل كل دفعاته وضرباته وقلبه بيتقطع عليه وزعلان جدا على غنوه اللي كان حاسس احساس كبير جدا انها بريئه 

جنه وشروق كانوا واقفين بيبكوا بشده 

وحميد جري ورا غنوه بس نوح شاور لواحد من الحرس مسكه بقوه 

وحسنين اخذ غنوه في العربيه وطلع بيها 

وهنا سند وقع على الارض بقلة حيله وهو بيبكي بشده ونوح نزل معاه على الارض و بقى يحضنه ويحاول يهديه بس سند كان بيسبوا وبيدفعوا بغضب وتعب والكل كان متاثر من منظره ومن اللي حصل

 طبعا الا حليمه كانت بتبص لهم بجمود مفيش اي ملامح حزن ولا اتهزت حتى رغم ان ابنها بينهار قدامها وقطع قلوب الكل  وهيه كانت واقفه ساكته بصمت رهيب 

نوح شاور للخبير انو يمشي وفعلا اخد حاجته ومشي

بعيد عن السرايا بشويه كان الخبير واقف وحليمه قربت منه وقالت.... عفارم عليك... قول لي هو صوح في فيديوهات في التلفون

 الخبير  قال..... ايوه في فيديوهات وخطيره كمان كان حاذفها كلها بس انا مرجعتهاش وقولتلهم مش موجوده

حليمه طلعت مبلغ كبير واديته له وقالت.... كده تمام.... زين اني لحقتك قبل ما تدخل السرايا واتفقت معاك ...انت خلصتني من اكبر عقبه في حياتي ...مش خساره فيك الفلوس دي 

اخد الفلوس منها وابتسم وقال..... يدوم العز يا ست حليمه ده رقمي لو عزتيني في يوم

 حليمه اخذت منه الكارت ومشيت وهو ابتسم وهو بيبص للفلوس بفرحه وطلع في عربيته ولسه هيدور اتجمد مكانه لما حس بحاجه في دماغه

التفت واتفاجئ بنوح حاطط سلاحه في دماغه وبيبصلو بطريقه تخوف

 لسه هيتكلم نوح شاور له على بقه بمعنى يسكت وقال بغضب شديد.....رايح على فين لسه شغلنا مخلصش

و ركب جنبه وقال..... اطلع من سكات لو نطقت كلمه واحده هتبقى اخر كلمه تنطقها في حياتك كلها 

في البيت كانت جنه بتبكي بشده هيه وشروق كانو منهارين جدا 

وحميد قاعد وحاطط ايديه الاتنين على دماغه بصدمه ودموع 

والكل دخل في حالة يأس 

الا سند كانو فيه اتنين من رجالة نوح ماسكينو وهو مصر برده يروح ورا غنوه وبيقول بغضب....هملني بقول لك انت وهو هقطع خبركم ..هو نوح  راح فين.... يا نوح ....يانوووووح خليهم يسيبوني يا نوح

 في الوقت ده دخلت حليمه وقالت باستغراب.... هو نوح راح فين

 نجاتي قال بسرعه.... راح الاسطبل عند الحصان بتاعه هو لما يكون زعلان مبيحبش يقعد غير هناك 

حليمه ابتسمت بسخريه وقالت... ياطول زعله وبقى ...العمده طلع طلع ونزل على الفاضي وادي البت اتاخدت من نص بيته 

وبصت لسند وقالت بشماته....لو كنت سمعت كلامي وطالبت بحقك كان زمانك انت كمان  بتامر وتنهي ومكانش قدر خدها من بيتك لكن انت مامن لاخوك في كل حاجه اهو معملش حساب لخاطرك وسلم لهم البت اللي انت عايزها تسليم يد 

صابحه قالت بغضب.... انتي  شايفه ولدك دلوك في حاله تسمح تقولي له الكلام ده 

حليمه ضحكت وقالت ....وانتي خايفه على ولدي ولا زعلانه على الكلام اللي بيتقال على ولدك 

صابحه اتنهدت بياس منها وحليمه لسه هتتكلم اتفجأت بسند بيصرخ وبيقول..... اه اه بطني... بطني 

حليمه قربت منه بخوف وقالت.... مالك يا حبيبي في ايه ..وبصت لرجالة نوح وقالت بغضب....انتو عملتولو ايه 

 رجاله نوح بعدو عنه شويه بقلق وواحد منهم قال..ولا قربنالو حتى يا ست حليمه

بس سند كان ماسك بطنه بايديه الاثنين وبيتالم بشده

 حليمه قالت بخوف ....حد يجيب كوبايه ميه ولا يطلب دكتور 

حكم جري عليه بخوف وهو بيقول ....مالك يا ولدي فيك ايه تحب نجيب.....

 بس قطع كلامه لما سند دفع الحارس من قدامه وطلع جري بسرعه على الجنينه والحرس بقم يجروا وراه ..بس ما حدش كان لاحقه 

حكم قال بذهول .....واه .... حد ينادي لنوح يلحقه ابن المجنونه ده

 نجاتي قال بسرعه..... انا هروح انادي نوح بيه من الاسطبل واخليه يروح له 

وجري بسرعه على الاسطبل عمل انه هينادي لنوح بس اتصل عليه في التليفون وقال بخوف.... نوح بيه اخوك هرب من الرجاله شكله رايح على بيت حسنين 

عند حسنين نزل غنوه من العربيه وقال بزعيق .....يا اهل البلد اهي بت الجزار اللي قتلت ولدي وراحت تتحامى في العمد ومثلو علينا انها ماتت...انا هاخد تاره  قدام عين البلد كلها 

وطلع سلاحه ووجهه عليها

و غنوه نزلت دموعها وهي بتفكر في سند قالت في نفسها.... مع السلامه يا حبيب قلبي... يا رب سلموا من كل شر وشيلني من قلبه وعقله يارب

وغمضت عيونها وانتفضت لما حسنين ضرب رصاصه صوتها هز المكان

بس فتحت عيونها باستغراب لما ما حسيتش انها اتصابت ابدا واتفاجات لما لقت نوح رافع ايد حسنين لفوق والرصاصه جات في الهوا 

حسنين قال بغضب.... في ايه تاني يا عمده مهنخلصوش اياك 

 نوح شد الخبير وقعوا تحت رجلين حسنين وقال بغضب.... في حاجات الباشمهندس نسي يوريها لك.... تحب تشوفها هنه قدام الناس اللي جمعتهم ولا نشوفوها  براحتنا جوه

حسنين ارتبك لما قال كده وفهم انهم لقوا حاجه تخص ابنه ومكانش عايز حد يعرف بفضيحه زي دي قال بتوتر.... نشوفها جوه وربنا ستار حليم يا عمده

 نوح ابتسم وقال ....انا بقول اكده بردك

و لسه هيدخلوا جه سند جري واول ما شاف غنوه جري عليها حضنها قدام كل الناس وقال بدموع ....الحمد لله يارب....الحمد لله انك بخير  انتي زينه صح.. ردي علي يا حبيبتي 

غنوه بلعت ريقها بارتباك وهيه بتبص للناس اللي متجمعين وبيبصولهم وقالت.... انا زينه... بس فضحتني يا ود الحاكم

 سند  سابها وبص للناس بتوتر

ونوح بصله بغيظ وقال...... فوتو قدامي يلا فوتو كفايه جرس

واخذهم كلهم على بيت حسنين 

في البيت كانوا جنه وشروق قاعدين جنب بعض بحزن شديد وحليمه رايحه جايه بغضب من ابنها وقالت انا معارفاش عاجبه ايه فيها يموت في الرمرمه ده انا لو يصبر عليا اخطب له بت عين اعيان البلد 

صابحه ابتسمت بسخريه وقالت....من شابه اباه فما ظلم يا حليمه... الله يرحمه كان كده بردك معاه الجمبري ونفسو تروح للفسيخ

بقلم...زهرة الربيع

حليمه فهمت انها بترمي الكلام عليها وقالت بغيظ.... ده علشان الفسيخ بيفتح النفس يا صابحه والرجاله بتموت في الحاجات اللي تفتح النفس 

صابحه ضحكت  وقالت.... بس يفضل فسيخ ..رخيص... ومنتن وريحته تفوح على اللي يشتريه ومبتنضفش 

حليمه اتغاظت جدا ولسه هترد حكم قال بضيق ....فسيخ ايه وجمبري ايه انتو نفسكم راحه للسمك ....خلينا نطمن على العيال الاول وبعد كده اردحوا لبعض 

حليمه قالت بضيق...انا مش فاضيه للردح الردح ده للناس الفاضيه وسابتهم وراحت على المطبخ 

في المطبخ حليمه نادت لسماح و اخذتها على جنب وقالت ....بتعملي كيف ما قلت لك 

سماح قالت بتوتر.... ايوه بحط له حبايتين زي ما انتي عايزه

حليمه ابتسمت وقالت........ باين عليه قوي... امبارح شوفته مقادرش يوقف...و النهارده مقدرش يناهد وسابهم ياخدوا البت ....علشان تعرفي اني بوعد وبوفي اديني  خلصت من اللي اسمها غنوه افاضل بس نخلص من نوح كمان وهجوزك سند كيف ما قولتلك

 سماح ابتسمت وقالت ....وانا معاكي يا ست حليمه

في الصالون هويدا كانت بتسكت شروق وقالت....  يا بتي كفاياكي عاد ..ده قدرها يا حبيبتي 

شروق قالت ببكا ....والله ياما دي بت غلبانه وما تستاهل كده.... لو تعرفي انا بحبها قد ايه....من لما سافرت كنت وحدي زعلانه ومخنوقه من الدنيا كلها...ولقيتها بالصدفه في الجامعه من يومها كل حاجه اتغيرت رجعتلي ضحكتي تاني .. كانت بتساعدني في كل حاجه حتى في موضوع رجلي... محدش هون عليا الفتره اللي فاتت قدها 

 هويدا اتنهدت وقالت بحزن.... معاكي حق كانت قريبه قوي من القلب 

 هنا جات حليمه وقالت بسخريه ....قصدكم كانت وجع للدماغ الله يرحمها مطرح ما راحت حتى لما كنا فاكرينها ماتت ما ارتحناش يلا اهي غارت 

هويدا قالت بغضب....مش وقته ياحليمه مشيفاش الكل زعلان كيف

حليمه قالت بسخريه...ويزعلو ليه...هيه من بقية اهلنا ولا هو عبط وخلاص ...طب انا بس يا جيني خبر موتها.. هيه صوح  زمانها اتقتلت بس خلينا نستنى لحد ما تتدفن واتاكد و اشوفها في تربتها بنفسي وقتها هتحزم وارقص سبعه ليالي و....

 بس قطعت كلامها واتجمدت مكانها لما شافت غنوه داخله من البيت و غمزت لها وقالت ببرود....وحشتيني الحبه دول يا حماتي والله وووووو

حبيبتي يا حماتي وحشتيني الحبه دول والله

حليمه اتفزعت وقالت... بسم الله الرحمن الرحيم ...انتي..انتي كيف رجعتي تاني

 شروق وجنه جريوا عليها وحضنوها بفرحه وفي الوقت ده دخل سند ونوح اللي قال بسخريه....اتفضل يا حج حسنين اتفضل الدار دارك 

دخل حسنين بكسوف ونوح ابتسم وقال ....دلوك الحاج حسنين عرف كل حاجه

حليمه بلعت ريقها بخوف ونوح بصلها بسخريه وقال....فيه حاجات تاني الخبير لقيها ومنها الفديوهات الاصليه وعرف بالحقيقه كامله وببرائة غنوه وجنه

شروق وحميد وجنه فرحو جدا وبقم يحضنو غنوه بقوه وسعاده ويحمدو الله انو انقذها

حليمه كانت مصدومه بشده ازاي ده حصل واتوقعت ان الخبير باعها وبقت قلقانه جدا ياترى قال لنوح انها هيه االي دفعتلو علشان يعمل كده

بس نوح موجهلهاش اي اسأله وبص لجنه وقال...ودلوك يا جنه هو  جاي علشان خاطرك انتي

جنه بقت تبص لهم باستغراب وقالت ....عشان خاطري انا 

نوح ابتسم وقال.....ايوه علشانك بعد ما عرف الحقيقه جاي لاجل  يراضيكي وياخدك انتي وولدك  تعيشو معاه ....طبعا لو انتي وافقتي

 الكل كان متفاجأ خصوصا حميد اللي قال باستغراب.... ايوه يا عمده تمام الحمد لله ان كل حاجه اتكشفت 

...بس جنه  تقعد معاهم كيف هو واهله  باي صفه يعني

 حسنين قال بسرعه .....بصفتها ام حفيدي ومحدش هيدسلها على طرف

نوح ابتسم وقال....انا عارف انها تقيله حبه عليكم بس لازم تفكري فيها يا جنه ....ولدك لازم يتربى مع اهل ابوها عشان لو عيال صادق طلعوا كلام كده ولا كده ولدك ما يبقاش منبوذ لازم البلد كلها تعرف ان اهل ابوه معترفين بيه باي شكل من الاشكال 

بقلم....زهرة الربيع

حسنين قرب من جنه وقال بدموع ...انا مش عايز تخدها معاي عشان كده بس....انا عايز اخدها واعتبرك بتي يا جنه واردلك كرامتك عشان تعيشي معززه مكرمه انتي وولدك و....و اعتذارلك عن كل كلمه قلتها في حقك مش هقدر اقول لك سامحي حسن بعد اللي شوفته ولا اقول لك حتى سامحيني انا 

جنه ابتسمت بدموع وقالت ....متقوليش كده يا عم حسنين وانت ذنبك ايه عاد 

حسنين قال بحزن شديد ...الذنب كله ذنبي انا اللي معرفتش اربي ...معرفتش اربي واصل

نوح اتنهد وقال ......اللي حصل حصل يا حج حسنين وانت تقدر تعوضهم دلوك و ان شاء الله فتره وتعدي وتنسو كل ده ..ها قولتي ايه يا جنه هتروحي مع جد ولدك

جنه لسه هترد حميد قاطعها وقال بحزم.... الولد ولدكم وتقدر تشوفو ميته ما تحب... ويقعد معاك قد ما تحب يا حج حسنين ...بس بت عمي لاه....متروحش معاكم وتسكن وسط ناس غريبه عنها

 نوح لسه هيتكلم حميد قال.... الموضوع ده خلصان يا عمده وجنه.... انا اولى بيها من اي غريب..... وهكتب عليها النهارده هتبقى مرتي ومسأوله مني وولدها في حضنها ...جده ميته ما يحب يشوفه بابنا مفتوح

جنه اتسعت عينيها بذهول وغنوه زغرطت فورا وقالت بفرحه .... يا الف بركه ونهار ابيض 

نوح ابتسم برضا عن قراره وقال...راجل من ضهر راجل...وكيف ما قولت انت اولى بيها من اي حد....وفي النهايه الرأي رأي جنه

جنه نزلت عينها في الارض وقالت..... انا مليش قول بعد قول ولد عمي

 حميد ابتسم ومسك ايدها وقال.... هروحها عند امها لحد ما اكتب عليها بالليل... ومن هنه ورايح تقدر تاجي تشوف ولدك كل ما تحب يا حج حسنين كيف ما قولتلك بابنا مفتوح

حسنين اتنهد وقال .....ماشي...اللي تشوفوه المهم البنيه تبقى مرضيه ....انا همشي دلوك وهبقى اجي كتب الكتاب بالليل ..بالاذن يا عمده وشكرا على كل حاجه انت خلصتني من ظلم ميتغفرش  كت هقابل ربي بيه

نوح ابتسم وسلم عليه وقال....ده واجب يا حج معملتش غير واجبي

حسنين مشي 

وجنه كمان حضنت شروق هيه وغنوه ولسه هيمشوا الاتنين مع حميد سند مسك ايد غنوه وقال .... انتي رايحه فين انتي كمان 

غنوه ابتسمت وقالت ....هروح خلاص رايحه مع حميد 

سند قال بدهشه .....حميد مين اللي تروحي معاه انتي مهتتنقليش من هنه واصل

حميد بص لسند باستغراب وقال.... هتقعد تاني ليه موضوعها واتحل ومبقاش فيه خطر عليها خلاص ....وبارك الله فيكم الف مره معرفش من غيركم كنت هعمل ايه ..بس خلاص دلوك المفروض نروحوا 

سند قال بسرعه.... انت روح ماشي ......بس هيه متتنقلش من هنا ...انا طالب منك يدها وهكتب عليها الليله 

حليمه صرخت وقالت..... يا مراري... وقعدت على الكرسي  وحطت ايديها على دماغها 

نوح اتنهد وقال..... مش تديني خبر على الاقل حتى

 سند ابتسم وقال برجاء.... عشان خاطري  يا نوح كفايه كده انت عارف اني معايزش غيرها... وغلاوتي عندك تجوزهالي

نوح اتنهد وقال ....والله انا ما عارف اول مره اشوف كده ...ناس عما تخطب وناس هتتجوز من على الباب كده

 وبص لحميد و قال..... معلش يا حميد سيبها خلاص وبكره نعمل لهم كتب كتاب ونخلص من الموضوع ده بقى 

حميده ابتسم وقال.... اكيد يبقالنا الشرف يا عمده

وودع اخته واخذ جنه ومشيو

نوح نفخ بتعب شديد وقعد على الكرسي وقال ....اشهد ان لا الاه الا الله واشهد ان محمد رسول الله....اخيرااا....مش مصدق ان الموضوع ده خلص خلاص دماغي هتتفرتك

 سند كان واقف مع غنوه وهمس لها وقال.... خلاص يا بت هنتجوز 

وغمز وكمل بوقاحه....خلصت لك الكلام ...وهيجمعنا سرير وحمام 

غنوه ضحكت على كلامه وضربته في كتفه وقال .....اتلم الناس قاعده 

سند بقى  يضحك معاها من قلبه وكان مبسوط جدا 

نوح ابتسم بسعاده علشانو كان هم على قلبه لو مقدرش ينقذلو البنت الوحيده اللي متأكد انو بيحبها بجد 

 لسه هيقوم لقى حليمه لسه قاعده على الكرسي وعينيها مفتوحين على اخرهم مش مصدقه اللي بيحصل قدامها

 حاول يكتم ضحكته على شكلها وبص لسند وقال .....انت يا ابو حمام خف محن وتعال شوف امك بتتشل هنه تقريبا

 سند قرب من امه وقال باستغراب.... في ايه يا امه مالك..كل ده علشان هتجوز غنوه

 حليمه وقفت وقالت بذهول... ما بتموتش... يموتوها ما بتموتش..... يموتوها ما بتموتش...مبتموتش واصل

 وفضلت تكررها وهي ماشيه ناحية اوضتها بذهول شديد 

سند بص لطيفها بقلق وقال... هو في ايه

 نوح  وقف وضحك وقال .... مفيش هملها شويه هتفوق....مبروك يا حبيب اخوك

و حضنه بقوه 

سند ابتسم بسعاده وقال..... الله يبارك فيك يا حبيبي

والكل بقم  يباركوا لسند وغنوه ويحضنوهم

ونوح ابتسم وقال...مبروك يا ولاد

وبص لشروق بطرف عينه وقال....انتم السابقون ونحن اللاحقون

 شروق نزلت عينها بكسوف وهنا هويدا فهمت وزغرطت بقوه وقالت..... مبروك يا سند عقبال عمدتنا

 نوح ابتسم و قال..... قريب يا حماتي

 هويدا قالت بسرعه... قلت يا ايه

 نوح مشي ناحيه اوضته وقال...... بقول قريب يا مرت عمي ....اصبري على رزقك يا هويدا 

بالليل كانوا كلهم بيحضرو كتب كتاب جنه وحميد في بيته

 الرجاله في المنضره والستات جوه 

بعد شويه انطلقت الزغاريد بتمام كتب الكتاب وبدأت المباركات وخرجو الرجاله قدام البيت للاحتفال

نوح طلع سلاحه وضرب نار في الهوا تحيه للعريس والكل بدأ من لعده يحي العريس

قضو وقت جميل سوا البنات كانوا بيرقصوا جوه والشباب بره بيرقصوا بالعصايه واخر انبساط 

عدت الليله على خير وحميده اخد مراته على اوضتهم

وعيلة الحاكم كمان رجعو  على بيتهم 

في السرايا كل واحد طلع اوضته و شروق لسه هتطلع نوح شدها عليه وبص لها باعجاب شديد وقال .....اللهم صلي على كامل الزين.... ايه كل الجمال ده يابت معارفش اشيل عيني من عليكي من وقت ما طلعنا

شروق نزلت عيونها بكسوف وقالت....عجباك

ابتسم وهو بيبصلها باعجاب واضح كانت لابسه عبايه مناسبات باللون الزهري مطرزه وحجاب نفس اللون حاطه ميك اب خفيف جدا بيبرز جمالها بطريقه حلوه وانيقه

اتنهد وقال...عجباني بس ....عجباني وتعباني

شروق داست على شفتها بكسوف وهو اتوتر جدا من الحركه دي خصوصا ان الروج اللي حطاه ملفت قال.... ايه اللي حطاه في وشك ده ...انتي ناقصه حلاوه 

شروق قالت بسرعه...دي غنوه والله هي اللي اصرت عليا

نوح اتنهد وقال.... يادي غنوه اللي في يوم هقتلها بسببك... متسمعيش كلامها تاني...ولما نطلعو متحطيش اي حاجه...البتاع ده  مبين حلاكي قوي والناس مشالتش عينها من عليكي كنت هقلب الفرح ميتم

 شروق قالت بكسوف....خلاص مش هحطه تاني.... انا وافقتها يعني.. عشان انت النهارده ...احم...هتشوف البنات وكلهم متزينين وقولت ابقى زيهم

نوح ضحك من قلبه وقال....و مين قال لك اني عايزك تبقي زيهم.... هو انتي لو زيهم انا كنت حبيتك ....هي شروق واحده بس في الدنيا دي كلها واحده بس اللي دخلت القلب من غير ما تخبط على بابه ...معايزكش تبقي زي اي حد عايزك تبقي انتي وبس 

لمعت عينها بالسعاده  وقالت تلقائيا.... انا بحبك قوي يا نوح ....انت كمان عندي واحد مستحيل تتكرر 

غمض عنيه باستمتاع واخيرا قالت بحبك احساسه بيها حاجه ولما نطقتها حاجه تانيه كان بيتمنى يقرب او بمعنى اصح هيموت ويقرب بلع ريقه وقال... بصي متقوليش الكلمه دي تاني واصل لغايه ما نتجوز ماشي..و يلا عدي ليلتك على خير وروحي نامي 

بقلم....زهرة الربيع

شروق ضحكه جامد وقالت بدلال....الحق عليا اللي بقول لك كلمتين حلوين 

ومشيت وهيه مبسوطه جدا  ونوح جذب شعره لورا وهو بيبص لطيفها باعجاب شديد وقال ....جننتيني يا بنت العم ...ده حب ده ولا هم 

وطلع ينام وهو مبسوط جدا لاول مره يرتاح كده من فتره طويله

 عند حليمه كانت في اوضتها حرفيا هتتشل

و سماح عندها و قالت بغضب... دي اللي موتيها ده وعدك بانك هتجوزيني ولدك ...اهو هيكتب كتابه عليها بكره.... كنت متاكده انك مهتقدريش تعملي حاجه 

حليمه زعقت فيها بغضب وقالت.... اخرسي بقى انا منقصاش مش كفايه عليا اللي انا فيه... انا معارفهاش كيف رجعوها تاني ...الكلب الواطي اخذ الفلوس وباعني

وبصت قدامها بغضب رهيب وقالت.....بس انا حليمه ومحدش يقدر عليا وجوازهم بكره على جثتي هتشوفي كيف هخربها عليهم

في صباح يوم جديد 

كان الصايغ و بتاع القماش الاتنين في سرايا وكانو غنوه وشروق بيختاروا اللي هتحتاجو غنوه 

نوح نادى لشروق وقال ...شروق تعالي هنه

 شروق راحت له و قالت ....نعم يا نوح 

 نوح اتنهد وقال....هاتي رقم نبيل خلينا نكلمه... عشان نشوف موضوعنا احنا كمان

شروق ابتسمت بسعاده وقالت.... حالا

واديت له الرقم من التليفون

 نوح اتصل عليه ونبيل رد وقال.... الو مين معايا

 نوع حمحم وقال ....صباح الخير يا دكتور....معاك نوح الحاكم كيفك 

 نبيل قال بلهفه .....خير امي كويسه 

نوح اتخنق من الكلمه دي جدا بس ابتسم بسخريه وقال.... امك زينه متقلقش.... انا بكلمك لانك مشيت انت وابوك من غير كلام ولا سلام 

نبيل اتنهد بضيق وقال.... اه اظن شروق قالت لك انا مشيت ليه 

نوح ابتسم وقال ... اكيد قالتلي....و عشان كده بكلمك ....شوف خلينا نتكلم كده من غير اي تكلفه انا اقول لك يانبيل طوالي وانت تقول لي يا جناب العمده

 شروق قالت بدهشه....نوووح

نوح اتنهد وقال ....بهزر معاه في ايه .....اسمع يا دكتور انا من كل قلبي زعلت على مشيتك... جد والله اكيد ما اتمناش نزعلوك كده

 نبيل قال بضيق.... ليه بقى ايه اللي زعلك.... انت مش كسبت وشروق معاك ودنيتك تمام... بتتصل ليه بقى 

نوح اتنهد وقال.... انا مجدش عليا جديد يا دكتور انا دايما كسبان والخساره دي سايبها لناسها

شروق داست على اسنانها وقالت...نوح وبعدين 

 نوح قال بضيق....قصدي يعني المساله مش سبق عشان يبقى فيها مكسب وخساره ....انا متصل عليك عشان اطيب خاطرك واقول لك اني اكيد ما احبش تبقى زعلان 

نبيل قال بخنقه.... للاسف ماقدرش اقول لك اني مش زعلان ...بس زعلي انت مش هتقدر تعمل فيه حاجه عيش حياتك وفكك مني خالص.... اعتبرني مجيتش عندكم ...اصلا معتقدش حد هيهتم بوجودي او عدمه او زعلي او رضايا كلو واحد 

 شروق كانت سامعه المكالمه ولمعت عينها بحزن عليه

 نوح زعل جدا على زعلها واتكلم بمنتهى الهدوء والعقل وقال... اسمع يا نبيل انا عشت عمري كله كيف ما انت عارف من غير ام ومن غير اب كمان وشلت حمل ابوي بدري بدري اترتب عليه اني مبقاليش اصحاب عشان كان لازم اخلي حدود بيني وبين الناس..... كل واحد كان في دنيته وانا لوحدي .... مكانش معاي غير شروق هي اللي هونت معايا السنين دي كلها كانت ام واخت وصاحبه وحبيبه... كانت كل حاجه ليا...انا عازرك عارف الفراق صعب وعشته لما شروق سافرت.....بس بحق ربنا انا اولى بيها منك اولى بيها من اي حد ..انا مليش حياه من غيرها 

شروق ابتسمت ابتسامه جميله وهيه بتسمع كلامه عليها كانت طايره من السعاده بكل حرف...والاهم انو اتكلم كده لاول مره وناقش نبيل علشان زعلها

حتى نبيل هدي شويه واتنهد وقال.... تمام يا جناب العمده.... انا دكتوره ومتفهم كل اللي انت قولته ده ...ومبسوط انك اهتميت لزعلي واحب اقول لك ان انا هتخطى الموضوع ما تقلقوش ....اصلا سهله عليا اعديه...وتقدر من انهارده تعتبر ان بقي  عندك صديق كمان لو حبيت تتكلم معايا في اي موضوع هستناك في عيادتي..و متاكد هتستفيد مني

 نوح نزل التليفون شويه وقال بغيظ....طب سامعه ايه عيادتي دي قصده اني مجنون 

شروق حاولت تكتم ضحكتها وقالت ....عشان خاطري والنبي 

نوح اتنهد وقال..... تمام يا دكتور لو اعتبرتك صاحب وحبيت اتكلم معاك هاجي لك بيتك مش شرط العياده يعني ولا خايف تغديني

 نبيل ضحك بخفه وقال.... متفرقش المهم تيجي.... هستناك ...وسلم لي على شروق 

 نوح جز على سنانه بغضب وقال.... نعم 

نبيل قال بسرعه...... خلاص مقصدش متسلمش بلاش

 نوح اتنهد وقال ....ماشي مع الف سلامه

 وقفل معاه وشروق بصتلو بابتسامه وقالت بامتنان.... مبسوطه انك عملت كده علشاني

نوح قرب منها وقال ....واعمل اضعاف كده علشانك

شروق ابتسمت بسعاده وهو قال ....كده اقدر اطلبك من عمي والفرح يبقى فرحين 

شروق ابتسمت بكسوف ولسه هترد اتصدمت بشده لما نوح مسك فيها بتعب وبقى مش قادر يقف 

قالت بذهول وخوف.... مالك يا نوح ...فيك ايه

نوح حاول يرد عليها بس مقدرش ووقع على الارض فجأه ووووو

وقع على الارض بدون اي مقدمات و شروق اتصدمت بشده وصرخت ....نوووح

 البيت كله جيه جري على صوتها واتصدموا لما لقو نوح مرمي على الارض

 سنه اتصدم بشده وجري عليه وبقى يحاول يفوقه هو وشروق ويقول بلهفه .....نوح اخوي... رد عليا يا نوح فيك ايه

حكم وهويدا وصابحه كانو مفزوعين وحكم بقى يقول برعب عليه...استر يارب... الواد مالو فيه ايه يا شروق ايه اللي حصلو

شروق قالت ببكا...معرفاش كان زين وبيكلمني وطب من طوله فجأه 

غنوه جريت جابت علبة برفان وقالت..اهدو ياجماعه خلينا نحاول نفوقه خد يا سند شممو منها يمكن يفوق

 واستمرت محاولاتهم بس ما كانش بيفوق ابدا و البيت كله كان خايف عليه

 سند نادى لنجاتي واخدوه على اوضه المكتب لانها قريبه

تحت انظار حليمه اللي كانت مبسوطه جدا باللي بيحصل

 بعد شويه كانوا كلهم عنده في الاوضه وجابولو دكتور كشف عليه

 الدكتور خلص الكشف وقال .....هو نوح بيه اتعاطى مخدرات او منبهات او اي حاجه تاثر على الدماغ

 الكل بصولو باستغراب و حكم قال بسرعه..... لا طبعا مبيشربش حتى سيجاره 

الدكتوره اتنهد وقال ....طيب هو جسمه سليم 100% ما فيش حاجه تسبب التعب اللي انتم بتقولوا عليه ده ولا الاغماء المفاجئ ده عشان كده لازم نعمل اشاعه ورسم مخ

 كلهم بصوا لبعض بذهول وسند قال برعب..... ليه يا دكتور هو هو ايه ممكن يكون عنده يعني 

شروق قالت بسرعه.... متقلقش يا سند ده شيء لازم عشان نعرف السبب انا كمان قولتلو قبل كده يعمل اشعه مرضاش... ان شاء الله يكون حاجه بسيطه 

الدكتور قال .....زي ما الدكتوره شروق قالت كده احنا عايزين نطمن بس 

سند هز راسه بحزن والدكتور كتبلو شوية ادويه ومشي 

والكل فضلو جمب نوح لحد ما فاق 

نوح اول ما فتح عيونه قال بتعب.... في ايه..... ايه اللي حصل 

سند قعد جنبه بسرعه وباس جبينه  وقال بدموع.... حمد لله على سلامتك يا اخوي انت زين دلوك

نوح ابتسم بتعب وقال .....انا زين في ايه ...انا بس دوخت شويه يمكن عشان مفطرتش 

هويدا قالت  بسرعه.... صح معاك حق يمكن عشان مفطرتش انا حالا هقول للبت سماح تعمل لك فطور كيف اللي بتحبه 

وراحت بسرعه توصيله على فطار 

الكل كانوا خايفين على نوح وصابحه كانت بتبصلو بدموع ومرعوبه جدا

حكم قعد جنبه وبقى يمشي ايده على دماغه 

و شروق كانت واقفه مش مبطله بكى

 نوح اتنهد وبص لها وقال ...يا بت فيه ايه ...ماانا زين اها هو انا مت ولا ايه

شروق قالت بدموع ....بعيد الشر عليك يا نوح

نوح قال.... شوفت دموعك هي الشر بالنسبه ليا كفاياكي عاد 

شروق مسحت دموعها وحاولت تسكت 

وغنوه قالت .....يلا يا جماعه نسيبوه يرتاح هو لازم يريح شويه 

الكل شافو ان ده الافضل وطلعو وشروق لسه هتطلع معاهم غنوه  قالت...لا انتي خليكي وياه يا شروق نجاتي راح يجيب الروشته ....انتي دكتوره وهتعرفي المواعيد الصح 

 شروق هزت راسها وفضلت معاه ونوح ضحك بخفه وقال لغنوه..يتردلك في الافراح

غنوه ضحكت وقالت..خيرك سابق يا عمده

شروق فهمت قصده ونزلت عيونها بكسوف

 وغنوه خرجت وسابتهم سوا

اول ما طلعت نوح بص لشروق وقال ....تعالي اقعدي جاري هنه عايزك

بقلم...زهرة الربيع

شروق قربت قعدت جنبه ودموعها بتنزل لا اراديا 

نوح مسح دموعها بايده وقال.... ايه لازمة الدموع الغاليه دي ما انا كويس قدامك اها يابت

شروق قالت بدموع ....لا انت مش كويس واصل يا نوح.... ولازم تسمع الكلام... لازم نعمل اشاعه ورسم مخ حتى الدكتور قال كده كمان عشان نعرف فيك ايه

نوح ضحك بخفه وقال....فيه دكتوره نفسيه تطمن المريض كده وتقول له انت مش كويس 

شروق قالت بدموع.... انا بتكلم جد يا نوح اتهاون في اي حاجه الا صحتك انا مقدرش اشوفك تعبان واصل

نوح قعد وابتسم وقال.... يا بت ما تقلقيش علي انا مفياش اي حاجه ..دول شوية تعب بس وضغط من الفتره اللي فاتت مكنتش بنام زين

وقرب منها وبص لعيونها وقال....ويمكن كمان ماتحملتش الفرحه ...اصل من ساعه ما عرفت اننا هنتجوز خلاص وقلبي مش بحاله....مقادرش اصدق ان خلاص هتجوزك وهتبقي في حضني وحلالي

شروق ابتسمت بكسوف وقالت.... بذمتك ده وقته انا اترعبت عليك قوي يا نوح 

نوح ابتسم وقال.... حقك عليا خوفتك.... بس انا عايزك تطمني حبيبك جبل واقف متهزوش ريح.. اطمني

شروق هزت راسها بابتسامه ثقه وقالت....انا متاكد انك جبل ميهزكش ريح...وهتقوملي بالسلامه متاكده ان ربنا مهيوجعنيش فيك واصل 

نوح ابتسم لها وقال ....ربنا ما يوجع قلبك في اي غالي يا غاليه

و

ولسه هيكمل جاتلو رساله على التليفون قراها وبص لشروق وقال....يلا عاد روحي ريحي في اوضتك عشان انا كمان هنام 

شروق قالت باستغراب ...انت متاكد انك هتنام

 نوح ابتسم وقال .... اه هنام.... تعبان شويه

شروق  ابتسمت وهزت راسها بتفهم وخرجت 

عند حليمه راحت اوضتها وهي مبسوطه جدا ولسه هتقفل الباب وقفتها صابحه ودخلت وقالت بغضب.... انتي ليكي يد في الحاله اللي وصلها نوح دي ...عملتيلو حاجه يا حليمه 

حليمه ابتسمت بسخريه وقالت..... وانا هعمل له ايه...ولا هو كل مصيبه عايزه تشيليها لحليمه

صابحه قربت منها بغضب شديد وقالت.... ردي على قد السؤال يا حليمه ...قسما باللي خلقني وخلقك الموضوع ده في روحك 

حليمه ضحكت جامد وقعدت وحطت رجل على رجل و قالت.... ليه بقى ان شاء الله فكراني الحاكم اللي موتيه بحسرته وفضيحته

صابحه بصتلها بقرف وقالت.... انا وانتي عارفين زين مين اللي موت الحاكم يا حليمه

حليمه قالت..... طبعا عارفين.... اللي خانته في قلب بيته وفرجت امة لا اله الا الله عليه هي اللي خلتو مات بحسرته 

صابحه قربت منها بغضب وقال.... لا وانتي الصادقه... الخدامه بت السايس اللي اجرت راجل عايب علشان تخلص من ضرتها وباعت دهبها علشان تدفع للغفر والخدم اللي من عينتها لاجل يشهدو زور.... هي اللي جلطتو وموتته بحسرته ...وياريتها بعد كل ده كسبت حاجه... لساتها في البيت زيها زي الخدم لا ليها راي ولا مشوره ولا حتى ولدها بيكلمها زين

حليمه وقفت وقربت منها بتحدي وقالت ...بكره يا صابحه تشوفي رايي ومشورتي وتعرفي ان اللي عملته ما راحش هدر ...انا وعدتك قبل كده فاكره ولا لاه لما خلفت سند وقلتي لي متفتكريش نفسك بقيتي ست الدار عشان لما خلفتي عيل ود حرام ولولا ان ابوه راجل زين وستر عليكي واتجوزك كان زمانك ماشيه في الشارع بفضيحتك وولدك شال عارك  العمر كلو.......فاكره ولا لاه بس انا يومها وعدتك وقولت لك انا اللي هتمشي في الشارع بفضحتها انتي مش انا واللي هيشيل العار ولدك مش ولدي....وده اللي عملته وشيلت ولدك عارك 20 سنه ومقدرتيش تعملي حاجه

صابحه قالت بقهر..شيلتهولو كدب وتلفييق

حليمه ضحكت وقالت....صوح معاكي حق  كان كدب وزور وتلفيق كيف ما بتقولي بس مقدرتيش بردك تعملي حاجه ولا تثبتي انو كدب...مين هيصدقك بعد ما قبضوكي في حضن راجل غريب..انا حليمه يا صابحه يعني لما اخطط مسيبش ورايا غلطه... ودلوقك كمان هوعدك وعد تاني ان ولدك اللي فرحانه بيه وهو الكل في الكل هخليه تحت مداسي هخليه معارفش يمينه من شماله وولدي انا  ود الحرام هيبقى عمدة البلد دي  قريب قوي يا صابحه وعلمي على كلامي وافتكريه ..يلا اسيبك في اوضتي شكلها عجباكي وبتفكرك انها كانت اوضتك في يوم من الايام

ومشيت وسابتها  وصابحه قلقت جدا لاول مره لان الموضوع يخص نوح وخافت جدا لتاذيه خصوصا انها عارفه انها شيطانه واللي بتقوله بتعمله

 بعد شويه كانوا كلهم قاعدين تحت وقلقانين بخصوص نوح وحكم بيحاول يداري قلقه وقال .....مش يمكن يا اولاد يكون عشان كان بيفكر قوي الفتره اللي فاتت او مثلا ماكلش كويس او...

بس شروق قاطعته وقالت بقلق... لا يا ابوي الموضوع مش مش مسأله تعب ....انا شوفته كذا مره تعبان وقالي ان دماغه وجعاه قوي وانه مقادرش يصلب طوله.... انا قلقانه قوي 

سند قال بقلق .....طب يعني تفتكري ايه اللي ممكن يكون عنديه... بما انك دكتوره يعني

 شروق قالت.... انا دكتوره نفسيه ولو معملش الاشاعه و رسم المخ ماعرفش ايه اللي عنديه و....

 بس قاطعهم نوح لما نزل وهو بيقول ....بقى شويه صداع وتعب يعملو فيكم  كل ده.... ما انا قدامكم اها وزي الفل مالكم

شروق قالت بسرعه...... انت نزلت دلوك ليه... مش الدكتور قال ترتاح .....وبعدين فيك ما بتسمعش الكلام ليه 

نوح ابتسم و قال .....ارتاح كيف يعني والنهارده كتب كتاب اخوي

 سند قال بحزن... لا ما انا..... انا وغنوه قلنا هناجلوها شويه اصل هي لسه ناقصها شويه حاجات مش موجودين عند بتاع القماش وقلنا ناجل شويه

 نوح ضحك جامد وقعد جمب عمه وقال..... والله طب احلفي يا غنوه كده 

غنوه قالت بسرعه ......والنعمه ده اللي حصل ملقيناش الحاجه كلها كيف مقالك.....ان شاء الله اطس في نظر حماتي لو كنت كدابه

حليمه بصتلها بذهول وغيظ

وغنوه كملت وقالت....ان شاله يوقع سقف البيت على دماغ حماتي لو كنت كدابه.... ان شاله....

بس قاطعها سند لما شاف نظرات امه  وقال بارتباك.... ايه يا غنوه ايه... خلاص هو صدقك 

نوح ضحك جامد وقال ....امال صدقتها قوي.... بلاش هطل انت وهيه عايزين اتاجلوا كتب كتابكم عشان انا دوخت شويه اهيني زين قدامكم مفياش حاجه ....كتب الكتاب هيتم على ميعاده ومهيبقاش كتب كتاب واحد كمان

 بصوا له باستغراب وشروق نزلت عيونها في الارض بكسوف وهو بص لحكم وقال..... انا قلت يعني من بعد اذنك يا عمي لو توافق انا طالب يد شروق منك

هنا هويدا زغرطت بسرعه وسعاده

 وصابحه ضحكت وزغرطت معاها  هيه كمان 

حكم بصلهم بدهشه وقال.... استني انتي وهيه..... ايه اللي بيحصل ده وانتو اتطلقتوا ليه لما هتتجوزوا تاني ...ياا ولدي انا معايزش يحصل زي المره اللي فاتت و...

بس شروق قاطعتو  وقالت ...لا يا ابوي ان شاء الله مهيحصلش اي مشاكل 

وكملت بكسوف وقالت....قصدي يعني انا ونوح...احم انا ونوح  متفقين 

 هنا غنوه كمان زغرطت وسند مسك صينيه الشاي وبقى يطبل عليها وهو بيقول وصلي صلي...صلي... على النبي صلي

وبقى يرقص هو وغنوه اللي كانت بترد معاه وبيلفو حوالين الطاوله بمرح وسعاده

حكم ضحك من قلبه وقال.... ده انتو مظبطين الدنيا وانا اخر من يعلم ....على العموم ده يوم الهنا والمنى كله وانا هلاقي لها فين زيك ده انا لو هرجعها في بطن امها من جديد مهيبقاش امنلها منك

 نوح باس ايده وجبينو وقال.... تسلم لي يا ابوي وعمي واغلى الناس....وعايزك تطمن على الاخر

وبص لشروق وقال.... بتك دخلت قلبي  ومفيش أمنلها من كده 

شروق نزلت عيونها بكسوف والكل بقى يباركلهم

صابحه كانت مبسوطه جدا وعيونها بتلمع بدموع الفرحه وبتتمنى تحضنه في مناسبه زي دي

 نوح التفت لها وحس بيها  هو كمان لاول مره يحس انو محتاج لها كده ابتسم لها ابتسامه جميله فاجئتها و رجعت الامل لقلبها 

بقلم...زهرة الربيع

وكلهم كانو مبسوطين جدا جدا الا طبعا حليمه كانت بتبصلهم بسخريه من فرحتهم اللي متأكده انها مش هتخليها تتم

بالليل العرسان لبسو وكانو قمر جدا  وسند لبس جلابيه زي نوح وكان حاسس باستغراب من شكله بيها وقال.... يا ود الناس قلت لك البس قميص وبنطلون احسن... حاسس شكلي غريب بيها مش لايقه عليا كيفك كده 

نوح ضحك وهو بيعادله اكتفها وقال.... بالعكس بقى انا شايفك كيف القمر.... ياض الجلابيه هيبه هيبه

وغمزله وقال...و هتعجب غنوه كمان

سند قال باهتمام..... قولتك كده

 نوح ضحك  وقال .....وابقى علم على كلامي

سند ابتسم بسعاده وكانوا فعلا شكلهم جميل هم الاثنين 

ونزلوا تحت استقبلوا الضيوف مع عمهم

وكانت حفلة كتب كتاب كبيره وجميله جدا والبلد كلها حاضره

اما البنات كانت كل واحده في اوض معاها ارتيست خاصه بيها  طلبوهم من مصر مخصوص كانت كل واحده ليها ذوق مختلف في اللبس غنوه فصلت اللبس المطرز التقيل والمكياج الواضح وطرحه على الطريقه البدوي شعرها من قدام باين وكانت قمر جدا جدا

بينما شروق اختارت فستان بتطريز شبه معدوم وحجاب كامل وعملت ترطيب وعنايه للبشره بس محطتش اي مكياج وكانت بسيطه و رقيقه جداااا

بعد فتره كان الفريق بتاع الميك اب خلص ونزلوا مع هويدا وصابحه اللي اصرو يعشوهم

وكان المؤذون وصل وبدا نجاتي والغفر بضربو النار احتفالا بوصوله وبدأ كتب الكتاب وسط ازغاريد والفرحه اللي عمت المكان

على زاويه كانت واقفه حليمه بغضب وغيظ وقفت جنبها سماح وقالت بسخريه....ده الفرح اللي هتوقفيه وكتب الكتاب اللي مهيتمش معارفاش ليه اليومين دول ولا كلمه بتقوليها لي بتحصل 

حليمه بصت لها بطرف عينها وقالت.... وانتي شوفتيهم كتبوا الكتاب .....دول حيا الله بداوا 

سماح بصت لها باستغراب وقالت...... قصدك ايه يعني 

حليمه ابتسمت بسخريه وقالت.... قصدي هتعرفيه..و مش انت بس كل اللي في الدار هيعرفوه

 قالت كده وراحت وقفت معاهم وبقت تزغرط وتستقبل الستات مع صابحه وهويدا وكانها موافقه على الجوازه

في المنضره  نوح مضى العقد وسند كمان وفضل على امضة العرايس فطلعو كل الناس الغريبه بره وفضلو الشهود بس حميد ونجاتي... ونوح وسند راحو  يجيبوهم من اوضهم 

 نوح راح على اوضة شروق واول ما خبط وقفت بسعاده وسمحت له يدخل

 اول ما فتح الباب انبهر بجمالها ورقتها فضل تايه فيها لثواني  وقال ....سبحان من خلق وصور..... ايه الجمال ده كله 

شروق اتوردت خدودها بسعاده وكسوف ونوح ابتسم وقال.....قربي خليني ارقيكي قبل ما تنزلي خايف عليكي من عيون الناس

سروق ابتسمت بكسوف وقربت منه حط ايده على دماغها وقرالها الاخلاص والمعوذتين 

صدق وقال بحب .... انا ممصدقش ان ربنا اداني فرصه تانيه اصلح  فيها غلطة عمري...انا معارفش كيف كنت هكمل من غيرك ولا عارف ميته بقيتي كل حاجه في حياتي

 شروق ابتسمت بسعاده وقالت.....و انا فرحانه بيك قوي يا نوح قوي..ده اليوم اللي بتمناه من وقت ما عرفت يعني ايه جواز

 نوح بس جبينها وقال.... مش قد فرحتي يا نعيم القلب وهناه 

ومسك ايدها وقال.... يلا بينا انا مستعجل قوي

شروق ضحكت ومشيت معاه بسعاده 

ونزلوا سوا  ز اهل البيت اول ما شافوهم بدأو يزغرطو وقربوا يسلموا عليهم ويباركوا

هويدا حضنت نوح وبصتلو بفخر وقالت....ايوه كده...ده الصح انا اول مره ارتاح اكده

نوح ضحك بخفه وقال...ربنا يريح قلبك يا..ياحماتي

هويدا زغرطت تاني بدموع الفرحه

وصابحه قربت سلمت عليهم عادي وهيه بتقول بتوتر...مبروك يا ولدي 

نوح سلم عليها وقربها ليه وضمها وقال....الله يباركلك يا ام نوح

صابحه اتصدمت بالجمله وبصتلو بزهول ودموع ولسه هتنطق  نزل سند  جري وهو بيقول برعب.... نوح غنوه..غنوه مش فوق مش في اوضتها ووووووو

الحقني يا نوح غنوه مش في اوضتها 

 حليمه ضربت على صدرها وقالت.. يا مري العروسه هربت ...هربت ليه 

والكل كان مصدوم وبدأ التهامس من الستات الوقفه 

بس سند زعق في امه وقال بغضب...مين دي اللي  هربت ياما مش تاخدي بالك لكلامك ...هتهرب ليه يعني 

حليمه قالت بمكر... وانا ايش عرفني يا ولدي يعني هتختفي كيف من فرحها كده لولا انها هربت

 سند قال بسرعه وغضب...غنوه مستحيل تهرب هيه بتحبني ...اصلا محدش غصبها على حاجه علشان تهرب

والتفت لاخوه وقال بسرعه.....صدقني يا نوح غنوه مهربتش ..دي اكيد اتخطفت احنا لازم ندورو عليها 

نوح اتنهد وقال.... اهدى يا سند ..غنوه ولا اتخطفت ولا هربت ....اطلع شوفها في اوضتك هتلاقيها هناك

الكل بصوا له باستغراب وحليمه اتصدمت بشده وبصت له بزهول وهو بص لها بغضب مكبوت وقال.... مش وقت نتكلم في اي حاجه دلوك... الماذون مستني في المندره هبدا انا وشروق على بال ما تجيب مرتك وتاجي 

سند مكانش فاهم اي حاجه ولسه هيسال نوح اخده على جنب وقال..انا هبقى افهمك كل حاجه...بس اطلع دلوك هاتها.. واحتمال تكون لسه غمرانه حاول تفوقها على بال ما احنا كتبنا

 سند قال بدهشه....غمرانه  ليه.... هو في ايه يا نوح 

نوح اتنهد وقال ...قولتلك هتعرف كل حاجه بس خلي الناس تمشي..يلا اطلع هات عروستك

 سند هز راسه بالموافقه وطلع جري على اوضة غنوه كان عايز يطمن عليها

نوح بص لحليمه بتوعد وشد شروق وراح بيها على المندره عند الماذون 

حليمه حست برعب شديد من نظراته وكانت هتتجنن ومش عارفه ازاي ده حصل 

طلعت جري على اوضتها وسماح راحت وراها وقالت بخوف ...  هو ايه اللي بيحصل يا يت حليمه

 حليمه  قالت بىعب.... مصيبه.... مصيبه وحطت على راسنا انا اجرت جحش لاجل ياخذ البت ويمشي بيها بس نوح بيقول البت فوق ما عارفاش كيف. و برن له ما بيردش و

بس قطعت كلامها لما الخط اتفتح  قالت بسرعه.... انت فين يا حمار انت و

 بس اتصدمت بصوت نجاتي قالت....ده انا نجاتي يا ست حليمه.... الراجل اللي بتتصلي عليه معانا ....وجناب العمده بيقول لك انه مش بس هو اللي اتكشف كل حاجه اتكشفت ومتحاوليش تطلعي من الدار عشان الرجاله مستنينك بره وهيرجعوكي تاني

 قال كده وقفل منها وحليمه قعدت على سرير بذهول وهيه مش قادره تنطق

 عند سند طلع جري على اوضته و اول ما فتح الباب لقى غنوه نايمه على السرير

اتجمعت الدموع في عينيه  وهو بيبص لشكلها اللي زي القمر وطلتها اللي ملحقش يفرح بيها

 قرب منها ومشى ايده على شعرها وقال.... غنوه... حبيبتي ردي عليه

 بس غنوه كانت في دنيا تانيه 

جاب علبه برفان وبقى يفوقها بيها وبعد شويه استجابت ليه وبدات تفتح عينيها ببطء

 سنه قال بفرحه.... غنوه ...سمعاني ...ردي عليا قولي اي حاجه 

غنوه قالت بتعب.... اه دماغي يا سند حاسه راسي فوقيها حله بتغلي

سند ابتسم وقال ....وقعتي قلبي عليكي....لما ملقتكيش في الاوضه كنت هطب ساكت.....اوعي تسيبيني يا غنوه انا مهاعرفش اعيش من غيرك واصل

غنوه ابتسمت وحطت ايدها على خد وقالت بحنيه.... اسيبك واروح فين بس ..انا قدرك ياض ما تقلقش و

بس قطعت كلامها لما افتكرت اللي حصل ةمسكته من جلابيته بشراسه وقالت..... انت عملت فيا ايه يا سند ....انت اللي كتمت نفسي وغمرتني 

بقلم...زهرة الربيع

سند بص لها بذهول وقال.... وانا هعمل كده ليه يا مجنونه انتي

غنوه قالت بغضب.... تعمل كده علشان تستفرد بيه..هو انا معرفاكش اياك... انطق قول عملت ايه وانا نايمه 

سند قال بغيظ من غبائها... بطلي هطل ...احنا كتب كتابنا تحت لو ناسيه  ..حبكت استفرد بيكي انهارده واعمل كده ليه اصلا ما كلها دقايق وهتبقى حلالي و تحت يدي

 غنوه سابتو و قالت بتفكير ...امال مين اللي عمل فيا كده 

وكملت بغيظ وقالت...يبقى  اكيد امك العقربه مين غيرها يعني

 سند ضحك وقال... بطلي رمي جتت على الخلق.... نوح عارف كل حاجه وهيحكي لنا بس يلا عشان الماذون تحت مستنينا 

غنوه وقفت وهيه بتظبط نفسها وقالت.... حلوه كده 

سند ابتسم وهو بيبص لها باعجاب و قال ....كيف القمر واحلى منيه كمان ....ياجي منك يا بت كيف نجوم السيما 

غنوه ضحكت بخفه وهي بتبص له باعجاب شديد وقالت... مش احلى منيك الليله 

سند قال بغرور..... لا ما ده العادي بتاعي انا دايما حلو 

غنوه ضحكه وقالت....لا بس الليل احلى وأحلى .... ليقا لك الجلابيه قوي.... ايوه كده ماله ما تلبس توب ناسك 

سند ابتسم وقال.... عجباكي

غنوه قربت منه وقالت بدلال...تتاكل اكل 

سند  شدها من نصها عليه وقال.... ده انتي اللي تتاكلي ومتتسابيش الليله وربنا يسترها عليكي 

غنوه ضربته في صدره وقالت.... لم روحك احنا حايلا هنكتب الكتاب بس تخليك في حالك لحد الفرح ها

 سند لسه هيرد الباب خبط وسماح دخلت وقالت بضيق.... نوح بيه بيقول لكم يلا الماذون مستعجل 

غنوه ابتسمت لها بخبث وقالت ....عقبالك يا سماح 

وشدت سند من ايده وطلعت و سابتها واقفه بغيظ شديد 

تحت اول ما شافو سند وغنوه نازلين من على السلم وانطلقت الزغاريد وبداوا يباركوا لهم 

حليمه كانت واقفه مصدومه ومرعوبه وغنوه وقفت قصادها وقالت ...مهتقوليش مبروك ولا ايه يا حماتي.... وحضنتها 

حليمه حضنتها باصتناع وقالت في ودنها بغضب .....حمى تقصف اجلك ما تهنيكي بيه ليله واحده باذن الله 

غنوه ضحكت وقالت بهمس في ودنها ...و يا ترى قدمتي ايه لربك علشان يستجيب دعاكي يا حماتي 

حليمه بعدت عنها وبصت لها بغضب شديد وهي راحت على المندره قدامها وايدها في ايد سند

 وتم كتب الكتاب ونوح سند حضنوا بعض بحب وشروق وغنوه حضنوا بعض كمان وتبادلوا المباركات 

نوح باس جبين شروق وقال.....  مبروك يا شروق...مبروك يا حبيبه العمر 

شروق ابتسمت بدموع وقالت... الله يبارك فيك يا قلب شروق 

على الناحيه التانيه سند حضن غنوهبقوه وقال.... مبروك يا بت ....مبروك عليكي سند الحاكم شوفي انت اول واحده تفوزي بيه 

غنوه ضحكت جامد وقالت.... وده اللي اتمنيته ومعايزاش غيره ....بحبك قوي يا ابن الحاكم

سند قلبه دق بشده وقال....وانا معرفتش الحب غير على يدك يا غنوتي

الكل كانوا مبسوطين جدا والماذون مشي والمعازيم كمان 

وطلعو هما الاربعه على الصاله وكان الكل مجتمعين سوا

 سند قال بسرعه ...ها بقى ادينا بقينا لحالنا مفيش غير ناس البيت ...اتكلم بقى ايه اللي حصل وغنوه كان مالها

نوح ابتسم بسخريه و بص بطرف عينه لحليمه وقال ....اسال امك مالها 

حليمه بلعت ريقها برعب شديد و سند اتنهد بحزن وقال.... يعني كيف ما قالت غنوه.... انتي كنتي عايزه تخطفيها من كتب الكتاب ياما ....يعني علشان ما راضياش على جوازنا كنتي عايزه تحطيني في موقف زي ده قدام البلد 

حليمه قالت بسرعه.... انا معملتش ولا حاجه ده افترى وبطل كل ما اخوك يقول لك حاجه عليا تصدقها

 نوح وقف قدامها وبصلها بنظرات مش مفهومه وقال ..... قسما بالله العظيم.... ورحمه ابوي وعمري ما حلفت بيه كدب لولا انك امه كان زماني قطعت من لحمك ورميته للكلاب

حليمه اترعبت من نظراته وسند كمان قال بتوتر ....يعني يا نوح هي غلطت تمام بس يعني...

نوح قاطعوا وقال بغضب..... انا مبتكلمش على الموضوع ده.... امك عارفه انا قصدي على ايه.... واللي حايشني عنها انت...انت اللي قاسم ضهري

 سند استغرب قوي وقال..... هو في حاجه انا ما اعرفهاش ولا ايه 

نوح ابتسم بسخريه وقال..... حاجه واحده....ده في حاجات كلنا منعرفهاش 

وبص لحليمه وقال بغضب شديد....تحبي احكي لولدك وابتدي من فين يا حليمه..... من يوم ما افتريتي على امي وجبتي واحد وسخ زيك عشان يتعدي عليها في دارنا واجرتي كل اللي في البيت عشان يشهدوا عليها معاكي وموتي ابويا بحسرته وعاره 

تسعه عيون الجميع بدهشه وصابحه ابتسمت ونزلت دموعها  بارتياح وسعاده

حكم  اتنهد بحزن وقال ...هو بص يا ولدي ....امك قالت الكلام ده قبل ما تمشي وانا صدقتها قسما بالله صدقتها ....واتكلمت مع الحاكم بس هو ملقاش اي حاجه تثبت برائتها..و راح فيها من قهره وزعله

نوح لسه هيرد قاطعو سند وقال بسرعه وذهول ....دقايق بس ...استنو....انت انت ايش عرفك يا نوح ان امي اللي عملت كده 

نوح بصله وقال..... انت عارف ان عمري ما هاحب حد قدك وبتصدقني صح 

 سند هز راسه بالموافقه 

ونوح كمل وقال .....وانا معنديش دليل اقدمهولك....بس انا سمعتهم بوداني.... سمعتها بتعترف بكل ده لامي قالت كل حاجه بلسانها ..كده مصدقني ولا لاه يا سند 

سند نزلت دموعه بذهول شديد وبقى يبص لحليمه بكسره ووجع

 حليمه اول ما شافت نظراته لمعت عيونها بالدموع وقالت بسرعه ....كداب ....كدا ب يا سند معملتش كده انا ما عملتش كده هي اللي خانت جوزها هيه...و... وكلنا شفناها في البيت انا ما عملتش حاجه

 بس سند كان واقف مصدوم مش بيرد ونوح قال بغضب شديد ....ولا كلمه انهاىده تسمعي وبس.... يوم ما جبتي شروق وحطيتيها في سريري وكلنا عرفنا انك حيه عايشه معانا في البيت سكتنا.... كلنا سكتنا عشان خاطر سند مش عشان خاطرك بس مكتفتيش يا حليمه وما اكتفتيش حتى  باللي عدى ومش بس حرمتيني من امي وابويا 20 سنه وخليتي سمعتنا زي الزفت ..لا كمان كملتي ما شاء الله عليكي وكنتي عايزه تقتليني عايزاني احصل ابوي عشان يخلالك الجو ...ولا دي كمان معملتهاش

بقلم...زهرة الربيع

هنا  اتسعت عيون الكل بصدمه وشروق شهقت ومسكت فيه برعب

نوح مشى ايده على حجابها وقال...انا زين قدامك اها متخافيش

شروق بقت تبصلو بدموع و وحكم قال بقلق....تقتلك كيف يا ولدي.... ايه اللي حصل

 نوح اتنهد وقال ....اللي حاصل سماح وغنوه يقولوه

 بصولهم بدهشه وغنوه قالت بتوتر ....كل اللي اعرف ان حليمه لما عرفت اني لسه عايشه ساومتني انها مهتجيبش سيره لحد ولا لحسنين بس قبال كده اموت نوح ....كان معاها علبه دوا وقالت لي احطها كلها في اي حاجه بيشربها ..ولما مرضيتش هيه اللي كلمت حسنين وقالتلو اني عايشه وموجوده هنه

 سند هز راسه بالرفض بدموع وصدمه 

ونوح قال ....كتر خيرها جات قالت لي طلعت بنت اصول وتمر فيها العشره مش زي اللي عاشو معانا سنين ومقدروش....يومها بعد ما حسنين مشي  جات وحكت لي على اللي حصل وقالت لي احذر منها ...البقي كان سهل عليا قوي مش محتاجه تفكير اكيد الدوا كان بيتحط في كوبايه اللبن اللي انا الوحيد اللي بشربها قبل ما انام ....كانت تجيبها سماح ويداها بترتعش وكنت استغرب مالها...بس البنيه متعبتنيش الصراحه اول ما طلعت الفرد وعمرته اتكلمت على طول .....قولي لهم يا سماح ايه اللي حصل يلا 

سماح بلعت ريقها بتوتر وقالت.... الست حليمه اديلها شهور بتديني علاج اديه لنوح بيه و قالتلي الاول انها هتخليه يتجن ويتعصب وما يقدرش يوقف على حيله... بس ...بس بعد كده في مره قالت لي لو موته هتجوزني سند ولدها

نوح ضحك بسخريه وقرب من حليمه  وقال ....كل اللي كنتي تقوليولها كنت عارف بيه كنت ماشي معاكم خطوه بخطوه بس كنت سابقك ...كشفت كل حاجه الا حكايتك مع امي ...عملت اني باخد العلاج واني تعبان وبدوخ والنهارده الصبح عملت اني مغمى عليا عشان عارف ان امي هتروح لك اول واحده وده كان المطلوب وفعلا تم

حليمه كانت مصدومه من الللي بتسمعه ونوح كمل وقال...كنت متفق مع غنوه و بعتت لي رساله على التلفون ان امي راحت لك 

وبص لغيونها بطريقه رعبتها وقال.... يعني كل اللي قولتوه في اوضتها انا سمعته وعرفت حرف بحرف كل اللي عملتيه 

هنا حليمه انتفضت  مكانها من شدة الخوف لما عرفت  ان نوح بقى عنده خبر ان سند ابنها ابن حرام وخافت يقول قدامه وكده تخسره خالص  قالت بسرعه.... ما حدش يصدقهم كلهم كدابين اتفقوا عليا يا سند ...وهو..هو  اتفق علي علشان يقعد امه في البيت هو عايز ياخد مكاني ويديه لصابحه..هيه..هيه من زمان عايزه تاخد مكاني وبتكرهني

  هويدا قالت بغضب...سدي حلقك بقى....نوح مبيكدبش وعمره ما كدب ....كلنا عارفين نيتك انتي اللي كنتي عايزه تاخدي  مكان صابحه ...انتي اللي بصيتي لها في عيشها بعد ما كنتي خدامه عنديها

وبصت لحكم وقالت...انت حضرت كل حاجه يا حكم قلهم اللي تعرفه قولها شكلها نسيت عملت ايه علشان  تتجوز الحاكم ووووو

احكيلهم يا حكم قولهم عملت ايه علشان تتجوز اخوك وتاخده من مرته وولده قولهم 

حليمه نزلت دموعها لاول مره وخافت جدا يقول قدام سند انه ابن غير شرعي وهي عملت ايه علشان تخلفه

حكم اتنهد ولسه هيتكلم قاطعو نوح لما قال بسرعه ....ده مش موضوعنا دلوك يا مرت عمي اتجوزو وخلاص الجواز قسمه ونصيب محدش قال فيه حاجه ...عمايلها ماهيش قليله علشان نروحوا للقديم 

نوح قال كده وهو بيبص لحكم برجاء مش عايزه يتكلم

حكم اتنهد وقال.... معاه حق المره دي كانت عايز تقتل ولدنا هنسيبو ده ونروحوا للحاجات القديمه

 سند كان واقف تايه وقرب من امه وقال بدموع..ليه يا ما...ليه..ليه عايزه دايما تحطي راسي في الارض...ليه دايما بتصغريني بعمايلك..حرام عليكي حرام انا يادوب قدرت انسى اللي عملتيه مع شروق ونوح

حليمه بصتلو بدموع وقالت...علشانك ياولدي..والله علشانك يا سند كل حاجه عملتها علشانك لجل تبقى الكل في الكل و

قاطعها لما زعق بغضب وقال....مين قالك اني عايز كده ...مين قالك اني مراضيش بعيشتي انا ...انا مبقيتش عارف انتي امي ولا عدوتي يا حليمه

حليمه نزلت دموعها بوجع 

وسند بعد عنها وهو منزل راسه في الارض بخجل منهم كلهم

ومن كل اللي بيتقال 

نوح اتنهد وقرب منه وحط ايديه على كتفه وقال ....ارفع راسك يا ولد الحاكم... عيال حاكم الجندي ميوطوش راسهم واصل 

سنه قال بدموع ...حقك عليا .... انا اكتر واحد عارف انت كيف اتوجعت على فراق امك وابوك وكيف استحملت اهانات واحنا كنا السبب 

نوح قال....احنا...ايه احنا دي ياض من امتى فيه بينا احنا وانتم والكلام ده... احنا كلنا بيت واحد ووجعنا واحد وعشان كده عايزك تسامحني والله غصب عني خايف عليكم قوي مهاقدرش اخليها هنه تاني.... انا حاولت عشانك بس اللي يؤذي مره يؤذي 1000 مره

سند بصلو بدموع ونطق بالعافيه وقال....هت..هتحبسها

بقلم....زهرة الربيع

نوح قال بسرعه..لا اطمن انا ماقدرش احبسها هيه امك وكرامتها من كرامتك ومارضاش يتقال امك في السجن بس مهتقعدش ويانا هنه.... انا فضيت لها بيت العزبه هنودوها هناك وابقى روح شق عليها من وقت للتاني 

حليمه اتصدمت بشده مكانتش مصدقه اللي بتسمعه الموت اهون لها من الخروج من البيت اللي كانت بتتمنى طول عمرها تفضل فيه كانت هتتشل مكانها خصوصا لما شافت نظرات الشماته في عيون هويدا وصابحه وكان املها الاخير ان سند يرفض

بس سند هز راسه بالموافقه بدموع وقال.... اللي تشوفه يا نوح 

نوح طبطب على خده وقال ....مش لمصلحتي لوحدي ده عشانا كلنا

 ونادى على نجاتي ودخل هو و اتنين من الحرس قربو على حليمه عايزين ياخدوها 

حليمه بقت ترجع لورا وهي بتقول بذهول..... لا لاه مهطلعش من بيتي ....ده بيتي انا....... بيتي انا مش بيت صابحه ده بيتي محدش هياخدني من بيتي انا هطلعكم كلكم منيه

 سند قال بدموع ....بلاش شوشر اكتر من كده ياما ...كفايه اللي عملتيه واطلعي معاهم وانا هبقى اجي اشوفك على طول 

حليمه زعقت فيه وقالت بغضب.... وانا مش عايزه اشوفك..ده بدل ما تقول امي رجلي على رجلها ومش هتمشي من دارها... انا ممشياش ده اللي عايزينه من زمان بس انا مش همشي مش هنولهالك يانوح انت وامك

نوح اتنهد وشاور للحرس بعينه 

مسكوها بقوه و بقوا ياخدوها بالعافيه 

حليمه  بقت تزعق بغضب شديد وتبص لصابحه جامد

والصدمه انها كانت شايفاها بتشمتها وبتشاور عليها وتضحك رغم انها كانت واقفه بهدوء مكانها وبتستغرب بتبص لها كده ليه

 هنا حليمه دفعت الحرس واخذت سلاح من واحد منهم وبقت تقربوا عليهم وهي بتقول بزعيق وجنون....بعدو عني ...كلو يبعد  ده بيتي مهمشيش....بيت الحاكم بيتي...و الحاكم جوزي اناوبس...و ولدي هو العمده وانا ام العمده انااااا

 الكل كان مصدوم من طريقتها وزعيقها والغضب اللي في عيونها 

نوح اتوتر جدا لان السلاح في ايدها و وقف قدام امه و شروق بسرعه 

شروق كانت وصابحه كانو مرعوبين عليه والكل كان خايف وبيزعقوا مع حليمه عشان تنزل السلاح بس مبتردش على حد

نوح قال بتوتر... هملي السلاح يا حليمه.... همليه السلاح عمران ليطول

 حليمه ضحكت جامد وقالت...انا عيزاه يطول و هموتك يا ود الحاكم.... هموتك وهعيش في بيتي ومحدش هيطلعني منيه... وهخلي ولدي العمده هو احق منك ..هموتك يا نوح بكرهك مش بطيقك انت ولا امك هموتك 

وضربت رصاصه عليه بس سند صرخ وقال... لاه يامااااا 

وسبقها ووقف قدامه بسرعه واتصاب بالرصاصه في كتفه 

 ووقع بين ايدين نوح اللي كان مصدوم وهيموت من الرعب 

الكل اتصدم باللي حصل وحليمه وقع السلاح من ايدها بصدمه وهيه بتبص على ابنها اللي بينزف وغرقان في دمه 

نوح كان بيصرخ باسم سند وبيقول.... سند .. اخوي ...ليه يا سند ليه.... ليه يا حبيبي ليه

 وبقى يزعق في الحرس وقال .....دكتور هاتو الدكتور بسرعه روح هاته على يدك يا نجاتي بسرعه

 وقلع العمامه بتاعته وبقى يحطها على الجرح  ويحاول يوقف النزيف

 الكل كان مرعوب وبيبكو والحاله الاصعب كانت لغنوه اللي جريت عليه ودفعت الكل وبقت تحضنه بقوه وهي بتقول... ببكا وصراخ ....سند ....لاه..لاه ما تعملش فيا كده ...قوم يا سند قوم يا حبيبي قوم 

سنه كام بيبص لها بتعب وبيحاول يطمنها بس غنوه كانت منهاره جدا وبتبكي وبتقول بصدمه... يا حرقة قلبك يا غنوه... يا كسرة ضهرك ياريتني انا ولا انت يا حبيبي.... ياريتني انا ولا انت يا سند 

شروق بقت تحضنها وهيه بتقول...اهدي ...اهدي يا غنوه الاصابه سطحيه...هنلحقوه ان شاء الله اهدي يا حبيبتي 

بس غنوه كانت بتموت حرفيا لما قتلت جوزها الاولاني كان يوم كتب كتابهم برضو...ضربتو بالسكين بالغلط علشان تاخد التسجيل و فضلت مستنيه يقوم بس مقامش..والمرادي برضو يم كتب كتابهم بس المرادي الوجع ميتقارنش حسن مكانش يهمها بس سند كل حياتها حرفيا

 نوح شال سند وراح بيه حطو على الكنبه وبقى هو وشروق يوقفو النزيف لحد الدكتور ما يوصل

في الوقت ده كانت حليمه بتبص لهم ودموعها بتنزل بصمت وقالت بصدمه و همس..... انا قتلته..... انا قتلت سند ولدي.... لاه صابحه...صابحه هيه اللي قتلته.... ايوه ما هي اللي قتلته هي السبب

وذادت دموعها وبقت تبكي بقوه وتقول..... لا انا اللي قتلته... انا اللي قتلته بيدي انا اللي قتلت سند.... انا اللي موت ولدي 

وفجأه اتصدم الجميع لما بقت تضحك جامد بشده وتقول.... قتلت ولدي ...قتلت سند ايوه قتلته 

وبقت تضحك بطريقه هستيريه

 نوح لمعت عيونه بالدموع وقال .....لا حول ولا قوه الا بالله العلي العظيم....لا حول ولا قوة الا بالله العلي العظيم

بعد مرور ثلاث شهور بالحلو والمر 

 وفي سرايا الحاكم كانت الدبايح بتدبح واصوات الذغاريد في كل مكان ... واثنين من مصممين الاعراس بيرتبو الجنينه واللي حواليها لليله الكبيره والاحتفال بفرح أولاد الحاكم

جوه كانت قاعده مجموعه من البنات حوالين رسامة الحنه اللي كانت بترسم للعرايس 

غنوه قالت بفرحه ....عيزاكي ترسميني كلي على بعضي كده كل حته تقابلك حطي فيها تاتوه...كتري تاتوه... عايزه انسيه اللي جابوه  

البنات ضحكو و شروق قالت باستغراب.... ايه يا بت هتحطي ايه اكتر من كده  ده  كتير قوي

غنوه ضحكت وقالت.... خليكي في حالك انتي بالنقشتين اللي رسمتيهم دول ....يا بت دي مره زيها زيك مكسوفه من ايه خليها ترسم لك حاجه كده ولا حاجه كده وروقي على العمده 

البنات ضحكو كلهم وشرو قالت بكسوف.... لا ملكيش صالح انتي.. انا زينه كده...اصلا  مقدرش اقلع البيجامه قصاد حد ولا  مره ولا راجل 

غنوه ضحكت جامد وقالت بوقاحه.... اما نشوف هتقلعيها بالليل ولا لا

 البنات كلهم ضحكو وشروق ضربتها بغيظ وكسوف

 وغنوه بقت تضحك على كسوفها  وقالت للرسامه.... يا وليه بقول لك كتري هو انا بقطع من جدك.... العروسه من غير حنه ....ولا تفرح ولا تتهنى 

شروق ضحكت وقالت .....ومين بقى اللي قال كده

غنوه قالت بغرور... انا قولت...يبقى المصدر موثوق خلاص

شروق ميلت عليها وهمست لها وقالت....سيبك من الهزار..... معرفتيش حاجه عنيهم

 غنوه اتنهدت بحزن وقالت...سند من شويه كلمني وقال لي انهم وصلوا مصر من ساعتين ...وشويه كده هيطلعوا ويشوفوها  ويرجعو طوالي...يعني باذن الله هيكونوا هنه على العصر كده

 شروق قالت بحزن ......ربنا يهونها عليهم

 في فندق في القاهره 

كان سند واقف قدام المرايه بيظبط شعره

 ونوح كمان بيجهز وقال ....عايزين نخلص بدري عشان المداعي هتاجي من المغرب

 سند اتنهد بحزن وقال.... مكانش في داعي تاجي وياي.... كل مره تتعب نفسك كده وتاجي 

نوح ابتسم وقال ....ايه اللي بتقوله ده ياض يا عبيط... اكيد مهسيبكش تاجي مكان زي ده لوحدك... وهفضل اجي وياك طول ما انا واقف على حيلي او لحد ما ربنا ياخد باليد

 سند ابتسم بامتنان وقال.... معارفش قدمت لربنا ايه علشان يكرمني باخ زيك... انا الود ودي ابوس راسك كل يوم

نوح رفع حاجبه وقال بمشاكسه.... انسى... مهتلحقش يا قصير وطلع وسابه

سند جري وراه وهو بيقول..... انا قصير ده مفيش 5 سم ما بينا استنى هنه

 بعد شويه كانوا في مستشفى خاص للامراض العقليه 

ودخلو سوا وكان في استقبالهم دكتور نبيل 

اللي سلم عليهم وقال بابتسامه.... فيه عرسان يوجو مكان زي ده يوم فرحهم..كنتو اجلتو الزياره

نوح ابتسم وقال....معلش بقى سند حابب يشوف امه يوم فرحه ...واحنا عندنا طلبات سند بيه اوامر

نبيل ابتسم وقال....ربنا يخليكم لبعض ..طب يلا تعالو معايا علشان منأخركمش

وراحو الطابق التاني وكانت الحالات مستعصيه هناك وسنه كان بيتوتر من اشكال المرضى ونظراتهم ومسك في ايد نوح زي الطفل الصغير 

نوح ابتسمله بيطمنوا  لحد ما وصلوا  لاوضه من الاوض 

وسند دخل ونوح فضل مستنيه بره مع نبيل

وبيبص عليهم من شباك صغير له قضبان حديد زي المساجبن

اما سند اول ما دخل لمعة عيونه بالدموع وهو شايف امه قاعده على السرير وحاطه رجل على رجل وبتقول بغرور....روحي كبي الميه دي يا بت يا صابحه... 100 مره قولت لك لما تغسلي لي رجلي كبي الميه طوالي.... المره الجايه لو مكبيتيش الميه هخليكي تشربيها 

انا ام العمده وست الدار ده يعني الكل يسمع الكلام و

بس قطعت كلامها لما شافت سندو جريت عليه بسعاده وقالت .....سند اتوحشتك قوي يا حبيبي..... ايه يا سند كل ده ما تجيش تشوف امك هو عشان بقيت عمده يعني واشغالك كترت تنساني كده

 سند اتنهد بحزن وقال.... ماقدرش انساكي ياما 

وحضنها وباس على ايدها وقال ....عامله ايه دلوك

حليمه خدته من ايده وقعدته على السرير وقالت.... كيف ما انت شايف اخر فل.... من يوم ما انت بقيت عمده البلد والكل هنه بيخافو مني ....عارف حتى الدكتور اللي بره ده بيقولي يا ام العمده 

سند اتنهد بحزن وقال..... النهارده فرحي ياما.... كان نفسي تكوني وياي

 حليمه بصت له بعدم فهم وقالت..... يا مراري فرحك تاني هو انا مش لسه مجوزاك من كام يوم بت شيخ البلد... لحقت تتجوز عليها 

سند ابتسم بالعافيه وقال.... لا ياما ماتجوزتش عليها ولا حاجه ...انسي ... المهم طمنيني عنك 

حليمه قالت بفرحه..انا زينه قوي قوي و

بس قطعت كلامها فجأه واتملت عيونها دموع وقالت....انا ..انا زعلانه قوي ..انت بتوحشني يا سند..و..ومخنوقه قوي هنه...و...وكمان كمان بدوني ادويه..ادويه كتيره وحقن وجتتي اتهلكت ..مبعرفش انام..كل ما انام الحاكم يصحيني ويضربني بيضربني علشان مرته الاولانيه و

ومقدرتش تكمل وبقت تبكي ومسكت في اديه وقالت برجاء...خدني معاك يا سند وانبي ياولدي متسبنيش ليهم...محدش هنا بيحبني عايزين يموتوني يا سند

سند بقت دموعه تنزل بحزن وضمها بقوه  وبقى يبكي بوجع

حليمه كانت بتبكي في حضنه وحست بيه بيبكي بصتلو باستغراب وقالت...مالك ياواد..هو المخفي اخوك مزعلك ولا ايه...اه اكيد هو ما انا عرفاه ود صابحه ان ما طلعتو على جتتها مبقاش انا حليمه...صابحه...انتي يازفت يا صابحه

بره كان نوح بيبص عليها من الشباك بحسره كانت قاعده في اوضه فاضيه مفيهاش غير سرير اللي بتنام عليه...و لابسه لبس المستشفى مفيش دهب مفيش فلوس مفيش حريه مفيش سلطه ...اتنهد بحزن شديد وقال في نفسو....ااااه  يا حليمه ....عجباكي الرميه دي لوحدك بعيد عن ولدك و اهلك وناسك ...عاجبك وجع قلب ولدك ده... خسرت دنيتك على اخرتك ومعارفش على ايه ولا عشان ايه...لله الامر من قبل ومن بعد 

بقلم...زهرة الربيع

ونادى على نبيل وطلع فلوس كتير ادها له وقال..... فتره كده وهناجه تاني نشوفوها

 نبيل قال... بس يا نوح انت بتدفع فلوس كتيره جدا...اديك شايف هيه مش بتستهلك كل الفلوس دي يادوب اكلها وعلاجها

نوح اتنهد بحزن وقال...معلش خليها معاك يا دكتور ...ده حقها انا مش بجبي عليها ...جيب لها اللي نفسها فيه كله واي حاجه تقول عليها اعملوها لها 

نبيل هز راسه بالموافقه وقال...اللي تشوفه

نوح قال بحزن...قولي حالتها عامله كيف دلوك... مفيش امل تخف واصل

نبيل اتنهد وقال .....هي حاليا للاسف مش عايشه معانا اصلا في عالم موازي لوحدها ....الناس بتخدمها وبتعمل اللي هي عايزاه طول اليوم بتتكلم مع الخدامه بتاعتها اللي هي ماما صابحه طبعا ...تديلها اوامر ومعتقده انها بتنفذها وتبقى في غاية الشماته ومبسوطه جدا....وفجأه تدخل في نوبة بكا وخوف من الكل وان الكل هنا بما فيهم انا عايزين نموتها وان جوزها موجود وواقف مع ضرتها ضدها وعالم مؤامره بعيد المدى...و للاسف مش جاهزه نفسيا حتى تقبل فكره انها مريضه او ان مفيش حد حواليها ولا حد عايز يأذيها  وماعتقدش هيبقى في تحسن قريب كمان

نوح هز راسه بتفهم وقال..... فهمت ...طيب خلي بالك معاها يادكتور ولو احتاجتو اي حاجه انا معاك دايما على التلفون

نبيل ابتسم وقال...شروق كان معاهاحق...انت فعلا مفيش منك

نوح حمحم بضيق لما جاب سيرتها وقال...بالمناسبه انت هتاجي تشرفنا بالليل 

نبيل ابتسم وقال.... لا معلش اعفيني انا والله كنت اتمنى بس انت عارف شغلي في المستشفى هنا جديد ومش عايزه اقصر 

نوح هز راسه بتفهم ولسه هيرد خرج سند وهو بيمسح دموعه وراح وقف معاهم  

نبيل اتنهد وقال لنوح...لو معاكم وقت فاضي ممكن نطلع على البيت عندي.... انت عارف بابا بيحب يتكلم معاك قد ايه 

نوح قال بسخريه.......عارف لاني من ريحة الحبايب 

نبيل ضحك وقال...... مش كده والله بس هو بيحب يتكلم معاك فعلا وبيقول انك قريب من القلب

نوح ضحك وقال...ما انا بقول الموضوع فيه قلب وكلاوي....على العموم سلملي عليه و قول له الحبايب كلها جايه له .... امك معايزاش تقعد في البلد بتقول اتاخرت على جوزها قوي... هتحضر الفرح وتاجي

 نبيل ابتسم بسعاده وقال.... ده احلى خبر والله 

نوح ابتسم بالعافيه وقال ....اممم خبر زين فعلا...نشوفك على خير يا دكتور

وسلمو عليه ومشيو سوا ونوح كان ماسك ايد سند اللي كان بيحاول يخبي دموعه بس مش قادر

و طبطب عليه وقال.... كله بيهون وبيعدي ...انت بس خلي فيها لله وهيهون عليك كل حاجه 

سند ابتسم ومشي معاه وركبو عربيتهم وطلعوا على الصعيد على طول علشان يلحقو يوصلو

بالليل بره السرايا كان معمول اجمل فرح وضرب النار شغال والكل مبسوط جدا 

نوح وسند بيرقصوا قصاد بعض على الخيل في جو جميل قوي والكل سعيد وبيحتفل بجواز عمده البلد و المرشح الاول لمجلس النواب نوح الحاكم واخوه سند الحاكم 

اما جوه السرايا كانوا  الستات بيحتفلوا بأجمل عروستين بعد ما اصر نوح انهم ما يطلعوش الجنينه ابدا عشان الرجاله الموجوده 

 كانت غنوه بترقص مع الحريم على الاغاني الصعيديه واصوات الذغاريد والفرحه ماليه المكان  

بينما كانت شروق قاعده بتسقف وبتبص عليها وبتضحك على جنانها وجراءتها 

عدت الليله على خير وكانت من اجمل الليالي وبدأو المداعي يمشو 

و حكم اخد بنته على اوضة نوح ...وحميد اخذ اخته على اوضة سند 

الأوضتين كانوا متجهزين للعرسان بطريقه روعه

والعروستين كانو قمرات حرفيا 

نوح وسند سلموا على المداعي وعلى اهلهم وطلعو لاوضهم مع الفجر  ووووووو

احكيلهم يا حكم قولهم عملت ايه علشان تتجوز اخوك وتاخده من مرته وولده قولهم 

حليمه نزلت دموعها لاول مره وخافت جدا يقول قدام سند انه ابن غير شرعي وهي عملت ايه علشان تخلفه

حكم اتنهد ولسه هيتكلم قاطعو نوح لما قال بسرعه ....ده مش موضوعنا دلوك يا مرت عمي اتجوزو وخلاص الجواز قسمه ونصيب محدش قال فيه حاجه ...عمايلها ماهيش قليله علشان نروحوا للقديم 

نوح قال كده وهو بيبص لحكم برجاء مش عايزه يتكلم

حكم اتنهد وقال.... معاه حق المره دي كانت عايز تقتل ولدنا هنسيبو ده ونروحوا للحاجات القديمه

 سند كان واقف تايه وقرب من امه وقال بدموع..ليه يا ما...ليه..ليه عايزه دايما تحطي راسي في الارض...ليه دايما بتصغريني بعمايلك..حرام عليكي حرام انا يادوب قدرت انسى اللي عملتيه مع شروق ونوح

حليمه بصتلو بدموع وقالت...علشانك ياولدي..والله علشانك يا سند كل حاجه عملتها علشانك لجل تبقى الكل في الكل و

قاطعها لما زعق بغضب وقال....مين قالك اني عايز كده ...مين قالك اني مراضيش بعيشتي انا ...انا مبقيتش عارف انتي امي ولا عدوتي يا حليمه

حليمه نزلت دموعها بوجع 

وسند بعد عنها وهو منزل راسه في الارض بخجل منهم كلهم

ومن كل اللي بيتقال 

نوح اتنهد وقرب منه وحط ايديه على كتفه وقال ....ارفع راسك يا ولد الحاكم... عيال حاكم الجندي ميوطوش راسهم واصل 

سنه قال بدموع ...حقك عليا .... انا اكتر واحد عارف انت كيف اتوجعت على فراق امك وابوك وكيف استحملت اهانات واحنا كنا السبب 

نوح قال....احنا...ايه احنا دي ياض من امتى فيه بينا احنا وانتم والكلام ده... احنا كلنا بيت واحد ووجعنا واحد وعشان كده عايزك تسامحني والله غصب عني خايف عليكم قوي مهاقدرش اخليها هنه تاني.... انا حاولت عشانك بس اللي يؤذي مره يؤذي 1000 مره

سند بصلو بدموع ونطق بالعافيه وقال....هت..هتحبسها

بقلم....زهرة الربيع

نوح قال بسرعه..لا اطمن انا ماقدرش احبسها هيه امك وكرامتها من كرامتك ومارضاش يتقال امك في السجن بس مهتقعدش ويانا هنه.... انا فضيت لها بيت العزبه هنودوها هناك وابقى روح شق عليها من وقت للتاني 

حليمه اتصدمت بشده مكانتش مصدقه اللي بتسمعه الموت اهون لها من الخروج من البيت اللي كانت بتتمنى طول عمرها تفضل فيه كانت هتتشل مكانها خصوصا لما شافت نظرات الشماته في عيون هويدا وصابحه وكان املها الاخير ان سند يرفض

بس سند هز راسه بالموافقه بدموع وقال.... اللي تشوفه يا نوح 

نوح طبطب على خده وقال ....مش لمصلحتي لوحدي ده عشانا كلنا

 ونادى على نجاتي ودخل هو و اتنين من الحرس قربو على حليمه عايزين ياخدوها 

حليمه بقت ترجع لورا وهي بتقول بذهول..... لا لاه مهطلعش من بيتي ....ده بيتي انا....... بيتي انا مش بيت صابحه ده بيتي محدش هياخدني من بيتي انا هطلعكم كلكم منيه

 سند قال بدموع ....بلاش شوشر اكتر من كده ياما ...كفايه اللي عملتيه واطلعي معاهم وانا هبقى اجي اشوفك على طول 

حليمه زعقت فيه وقالت بغضب.... وانا مش عايزه اشوفك..ده بدل ما تقول امي رجلي على رجلها ومش هتمشي من دارها... انا ممشياش ده اللي عايزينه من زمان بس انا مش همشي مش هنولهالك يانوح انت وامك

نوح اتنهد وشاور للحرس بعينه 

مسكوها بقوه و بقوا ياخدوها بالعافيه 

حليمه  بقت تزعق بغضب شديد وتبص لصابحه جامد

والصدمه انها كانت شايفاها بتشمتها وبتشاور عليها وتضحك رغم انها كانت واقفه بهدوء مكانها وبتستغرب بتبص لها كده ليه

 هنا حليمه دفعت الحرس واخذت سلاح من واحد منهم وبقت تقربوا عليهم وهي بتقول بزعيق وجنون....بعدو عني ...كلو يبعد  ده بيتي مهمشيش....بيت الحاكم بيتي...و الحاكم جوزي اناوبس...و ولدي هو العمده وانا ام العمده انااااا

 الكل كان مصدوم من طريقتها وزعيقها والغضب اللي في عيونها 

نوح اتوتر جدا لان السلاح في ايدها و وقف قدام امه و شروق بسرعه 

شروق كانت وصابحه كانو مرعوبين عليه والكل كان خايف وبيزعقوا مع حليمه عشان تنزل السلاح بس مبتردش على حد

نوح قال بتوتر... هملي السلاح يا حليمه.... همليه السلاح عمران ليطول

 حليمه ضحكت جامد وقالت...انا عيزاه يطول و هموتك يا ود الحاكم.... هموتك وهعيش في بيتي ومحدش هيطلعني منيه... وهخلي ولدي العمده هو احق منك ..هموتك يا نوح بكرهك مش بطيقك انت ولا امك هموتك 

وضربت رصاصه عليه بس سند صرخ وقال... لاه يامااااا 

وسبقها ووقف قدامه بسرعه واتصاب بالرصاصه في كتفه 

 ووقع بين ايدين نوح اللي كان مصدوم وهيموت من الرعب 

الكل اتصدم باللي حصل وحليمه وقع السلاح من ايدها بصدمه وهيه بتبص على ابنها اللي بينزف وغرقان في دمه 

نوح كان بيصرخ باسم سند وبيقول.... سند .. اخوي ...ليه يا سند ليه.... ليه يا حبيبي ليه

 وبقى يزعق في الحرس وقال .....دكتور هاتو الدكتور بسرعه روح هاته على يدك يا نجاتي بسرعه

 وقلع العمامه بتاعته وبقى يحطها على الجرح  ويحاول يوقف النزيف

 الكل كان مرعوب وبيبكو والحاله الاصعب كانت لغنوه اللي جريت عليه ودفعت الكل وبقت تحضنه بقوه وهي بتقول... ببكا وصراخ ....سند ....لاه..لاه ما تعملش فيا كده ...قوم يا سند قوم يا حبيبي قوم 

سنه كام بيبص لها بتعب وبيحاول يطمنها بس غنوه كانت منهاره جدا وبتبكي وبتقول بصدمه... يا حرقة قلبك يا غنوه... يا كسرة ضهرك ياريتني انا ولا انت يا حبيبي.... ياريتني انا ولا انت يا سند 

شروق بقت تحضنها وهيه بتقول...اهدي ...اهدي يا غنوه الاصابه سطحيه...هنلحقوه ان شاء الله اهدي يا حبيبتي 

بس غنوه كانت بتموت حرفيا لما قتلت جوزها الاولاني كان يوم كتب كتابهم برضو...ضربتو بالسكين بالغلط علشان تاخد التسجيل و فضلت مستنيه يقوم بس مقامش..والمرادي برضو يم كتب كتابهم بس المرادي الوجع ميتقارنش حسن مكانش يهمها بس سند كل حياتها حرفيا

 نوح شال سند وراح بيه حطو على الكنبه وبقى هو وشروق يوقفو النزيف لحد الدكتور ما يوصل

في الوقت ده كانت حليمه بتبص لهم ودموعها بتنزل بصمت وقالت بصدمه و همس..... انا قتلته..... انا قتلت سند ولدي.... لاه صابحه...صابحه هيه اللي قتلته.... ايوه ما هي اللي قتلته هي السبب

وذادت دموعها وبقت تبكي بقوه وتقول..... لا انا اللي قتلته... انا اللي قتلته بيدي انا اللي قتلت سند.... انا اللي موت ولدي 

وفجأه اتصدم الجميع لما بقت تضحك جامد بشده وتقول.... قتلت ولدي ...قتلت سند ايوه قتلته 

وبقت تضحك بطريقه هستيريه

 نوح لمعت عيونه بالدموع وقال .....لا حول ولا قوه الا بالله العلي العظيم....لا حول ولا قوة الا بالله العلي العظيم

بعد مرور ثلاث شهور بالحلو والمر 

 وفي سرايا الحاكم كانت الدبايح بتدبح واصوات الذغاريد في كل مكان ... واثنين من مصممين الاعراس بيرتبو الجنينه واللي حواليها لليله الكبيره والاحتفال بفرح أولاد الحاكم

جوه كانت قاعده مجموعه من البنات حوالين رسامة الحنه اللي كانت بترسم للعرايس 

غنوه قالت بفرحه ....عيزاكي ترسميني كلي على بعضي كده كل حته تقابلك حطي فيها تاتوه...كتري تاتوه... عايزه انسيه اللي جابوه  

البنات ضحكو و شروق قالت باستغراب.... ايه يا بت هتحطي ايه اكتر من كده  ده  كتير قوي

غنوه ضحكت وقالت.... خليكي في حالك انتي بالنقشتين اللي رسمتيهم دول ....يا بت دي مره زيها زيك مكسوفه من ايه خليها ترسم لك حاجه كده ولا حاجه كده وروقي على العمده 

البنات ضحكو كلهم وشرو قالت بكسوف.... لا ملكيش صالح انتي.. انا زينه كده...اصلا  مقدرش اقلع البيجامه قصاد حد ولا  مره ولا راجل 

غنوه ضحكت جامد وقالت بوقاحه.... اما نشوف هتقلعيها بالليل ولا لا

 البنات كلهم ضحكو وشروق ضربتها بغيظ وكسوف

 وغنوه بقت تضحك على كسوفها  وقالت للرسامه.... يا وليه بقول لك كتري هو انا بقطع من جدك.... العروسه من غير حنه ....ولا تفرح ولا تتهنى 

شروق ضحكت وقالت .....ومين بقى اللي قال كده

غنوه قالت بغرور... انا قولت...يبقى المصدر موثوق خلاص

شروق ميلت عليها وهمست لها وقالت....سيبك من الهزار..... معرفتيش حاجه عنيهم

 غنوه اتنهدت بحزن وقالت...سند من شويه كلمني وقال لي انهم وصلوا مصر من ساعتين ...وشويه كده هيطلعوا ويشوفوها  ويرجعو طوالي...يعني باذن الله هيكونوا هنه على العصر كده

 شروق قالت بحزن ......ربنا يهونها عليهم

 في فندق في القاهره 

كان سند واقف قدام المرايه بيظبط شعره

 ونوح كمان بيجهز وقال ....عايزين نخلص بدري عشان المداعي هتاجي من المغرب

 سند اتنهد بحزن وقال.... مكانش في داعي تاجي وياي.... كل مره تتعب نفسك كده وتاجي 

نوح ابتسم وقال ....ايه اللي بتقوله ده ياض يا عبيط... اكيد مهسيبكش تاجي مكان زي ده لوحدك... وهفضل اجي وياك طول ما انا واقف على حيلي او لحد ما ربنا ياخد باليد

 سند ابتسم بامتنان وقال.... معارفش قدمت لربنا ايه علشان يكرمني باخ زيك... انا الود ودي ابوس راسك كل يوم

نوح رفع حاجبه وقال بمشاكسه.... انسى... مهتلحقش يا قصير وطلع وسابه

سند جري وراه وهو بيقول..... انا قصير ده مفيش 5 سم ما بينا استنى هنه

 بعد شويه كانوا في مستشفى خاص للامراض العقليه 

ودخلو سوا وكان في استقبالهم دكتور نبيل 

اللي سلم عليهم وقال بابتسامه.... فيه عرسان يوجو مكان زي ده يوم فرحهم..كنتو اجلتو الزياره

نوح ابتسم وقال....معلش بقى سند حابب يشوف امه يوم فرحه ...واحنا عندنا طلبات سند بيه اوامر

نبيل ابتسم وقال....ربنا يخليكم لبعض ..طب يلا تعالو معايا علشان منأخركمش

وراحو الطابق التاني وكانت الحالات مستعصيه هناك وسنه كان بيتوتر من اشكال المرضى ونظراتهم ومسك في ايد نوح زي الطفل الصغير 

نوح ابتسمله بيطمنوا  لحد ما وصلوا  لاوضه من الاوض 

وسند دخل ونوح فضل مستنيه بره مع نبيل

وبيبص عليهم من شباك صغير له قضبان حديد زي المساجبن

اما سند اول ما دخل لمعة عيونه بالدموع وهو شايف امه قاعده على السرير وحاطه رجل على رجل وبتقول بغرور....روحي كبي الميه دي يا بت يا صابحه... 100 مره قولت لك لما تغسلي لي رجلي كبي الميه طوالي.... المره الجايه لو مكبيتيش الميه هخليكي تشربيها 

انا ام العمده وست الدار ده يعني الكل يسمع الكلام و

بس قطعت كلامها لما شافت سندو جريت عليه بسعاده وقالت .....سند اتوحشتك قوي يا حبيبي..... ايه يا سند كل ده ما تجيش تشوف امك هو عشان بقيت عمده يعني واشغالك كترت تنساني كده

 سند اتنهد بحزن وقال.... ماقدرش انساكي ياما 

وحضنها وباس على ايدها وقال ....عامله ايه دلوك

حليمه خدته من ايده وقعدته على السرير وقالت.... كيف ما انت شايف اخر فل.... من يوم ما انت بقيت عمده البلد والكل هنه بيخافو مني ....عارف حتى الدكتور اللي بره ده بيقولي يا ام العمده 

سند اتنهد بحزن وقال..... النهارده فرحي ياما.... كان نفسي تكوني وياي

 حليمه بصت له بعدم فهم وقالت..... يا مراري فرحك تاني هو انا مش لسه مجوزاك من كام يوم بت شيخ البلد... لحقت تتجوز عليها 

سند ابتسم بالعافيه وقال.... لا ياما ماتجوزتش عليها ولا حاجه ...انسي ... المهم طمنيني عنك 

حليمه قالت بفرحه..انا زينه قوي قوي و

بس قطعت كلامها فجأه واتملت عيونها دموع وقالت....انا ..انا زعلانه قوي ..انت بتوحشني يا سند..و..ومخنوقه قوي هنه...و...وكمان كمان بدوني ادويه..ادويه كتيره وحقن وجتتي اتهلكت ..مبعرفش انام..كل ما انام الحاكم يصحيني ويضربني بيضربني علشان مرته الاولانيه و

ومقدرتش تكمل وبقت تبكي ومسكت في اديه وقالت برجاء...خدني معاك يا سند وانبي ياولدي متسبنيش ليهم...محدش هنا بيحبني عايزين يموتوني يا سند

سند بقت دموعه تنزل بحزن وضمها بقوه  وبقى يبكي بوجع

حليمه كانت بتبكي في حضنه وحست بيه بيبكي بصتلو باستغراب وقالت...مالك ياواد..هو المخفي اخوك مزعلك ولا ايه...اه اكيد هو ما انا عرفاه ود صابحه ان ما طلعتو على جتتها مبقاش انا حليمه...صابحه...انتي يازفت يا صابحه

بره كان نوح بيبص عليها من الشباك بحسره كانت قاعده في اوضه فاضيه مفيهاش غير سرير اللي بتنام عليه...و لابسه لبس المستشفى مفيش دهب مفيش فلوس مفيش حريه مفيش سلطه ...اتنهد بحزن شديد وقال في نفسو....ااااه  يا حليمه ....عجباكي الرميه دي لوحدك بعيد عن ولدك و اهلك وناسك ...عاجبك وجع قلب ولدك ده... خسرت دنيتك على اخرتك ومعارفش على ايه ولا عشان ايه...لله الامر من قبل ومن بعد 

بقلم...زهرة الربيع

ونادى على نبيل وطلع فلوس كتير ادها له وقال..... فتره كده وهناجه تاني نشوفوها

 نبيل قال... بس يا نوح انت بتدفع فلوس كتيره جدا...اديك شايف هيه مش بتستهلك كل الفلوس دي يادوب اكلها وعلاجها

نوح اتنهد بحزن وقال...معلش خليها معاك يا دكتور ...ده حقها انا مش بجبي عليها ...جيب لها اللي نفسها فيه كله واي حاجه تقول عليها اعملوها لها 

نبيل هز راسه بالموافقه وقال...اللي تشوفه

نوح قال بحزن...قولي حالتها عامله كيف دلوك... مفيش امل تخف واصل

نبيل اتنهد وقال .....هي حاليا للاسف مش عايشه معانا اصلا في عالم موازي لوحدها ....الناس بتخدمها وبتعمل اللي هي عايزاه طول اليوم بتتكلم مع الخدامه بتاعتها اللي هي ماما صابحه طبعا ...تديلها اوامر ومعتقده انها بتنفذها وتبقى في غاية الشماته ومبسوطه جدا....وفجأه تدخل في نوبة بكا وخوف من الكل وان الكل هنا بما فيهم انا عايزين نموتها وان جوزها موجود وواقف مع ضرتها ضدها وعالم مؤامره بعيد المدى...و للاسف مش جاهزه نفسيا حتى تقبل فكره انها مريضه او ان مفيش حد حواليها ولا حد عايز يأذيها  وماعتقدش هيبقى في تحسن قريب كمان

نوح هز راسه بتفهم وقال..... فهمت ...طيب خلي بالك معاها يادكتور ولو احتاجتو اي حاجه انا معاك دايما على التلفون

نبيل ابتسم وقال...شروق كان معاهاحق...انت فعلا مفيش منك

نوح حمحم بضيق لما جاب سيرتها وقال...بالمناسبه انت هتاجي تشرفنا بالليل 

نبيل ابتسم وقال.... لا معلش اعفيني انا والله كنت اتمنى بس انت عارف شغلي في المستشفى هنا جديد ومش عايزه اقصر 

نوح هز راسه بتفهم ولسه هيرد خرج سند وهو بيمسح دموعه وراح وقف معاهم  

نبيل اتنهد وقال لنوح...لو معاكم وقت فاضي ممكن نطلع على البيت عندي.... انت عارف بابا بيحب يتكلم معاك قد ايه 

نوح قال بسخريه.......عارف لاني من ريحة الحبايب 

نبيل ضحك وقال...... مش كده والله بس هو بيحب يتكلم معاك فعلا وبيقول انك قريب من القلب

نوح ضحك وقال...ما انا بقول الموضوع فيه قلب وكلاوي....على العموم سلملي عليه و قول له الحبايب كلها جايه له .... امك معايزاش تقعد في البلد بتقول اتاخرت على جوزها قوي... هتحضر الفرح وتاجي

 نبيل ابتسم بسعاده وقال.... ده احلى خبر والله 

نوح ابتسم بالعافيه وقال ....اممم خبر زين فعلا...نشوفك على خير يا دكتور

وسلمو عليه ومشيو سوا ونوح كان ماسك ايد سند اللي كان بيحاول يخبي دموعه بس مش قادر

و طبطب عليه وقال.... كله بيهون وبيعدي ...انت بس خلي فيها لله وهيهون عليك كل حاجه 

سند ابتسم ومشي معاه وركبو عربيتهم وطلعوا على الصعيد على طول علشان يلحقو يوصلو

بالليل بره السرايا كان معمول اجمل فرح وضرب النار شغال والكل مبسوط جدا 

نوح وسند بيرقصوا قصاد بعض على الخيل في جو جميل قوي والكل سعيد وبيحتفل بجواز عمده البلد و المرشح الاول لمجلس النواب نوح الحاكم واخوه سند الحاكم 

اما جوه السرايا كانوا  الستات بيحتفلوا بأجمل عروستين بعد ما اصر نوح انهم ما يطلعوش الجنينه ابدا عشان الرجاله الموجوده 

 كانت غنوه بترقص مع الحريم على الاغاني الصعيديه واصوات الذغاريد والفرحه ماليه المكان  

بينما كانت شروق قاعده بتسقف وبتبص عليها وبتضحك على جنانها وجراءتها 

عدت الليله على خير وكانت من اجمل الليالي وبدأو المداعي يمشو 

و حكم اخد بنته على اوضة نوح ...وحميد اخذ اخته على اوضة سند 

الأوضتين كانوا متجهزين للعرسان بطريقه روعه

والعروستين كانو قمرات حرفيا 

نوح وسند سلموا على المداعي وعلى اهلهم وطلعو لاوضهم مع الفجر  ووووووو

خلص الفرح على خير ونوح وسند طلعو اوضهم مع الفجر

سند اول ما دخل اوضته لقى غنوه نايمه على السرير او بمعنى اصح عامله نايمه

قفل الباب وقرب منها بحماس وقال….. غنوتي ….قلبي …اخيرا جيت لك ..تعرفي لولا نوح عمال يقولي عيب والناس كنت طلعت لك من زمان ..وقرب منها باستغراب وقال ..انتي مبترديش ليه

بس اتفاجئ لما لقاها مغمضه عيونها حط ايده في وسطه وقال بضيق…. غنوه بلاش الحركات دي ….عارف انك صاحيه

بس غنوه ما ردتش ابتسم بخبث وقلع جلابيتو وقال وراح جنبها على السرير وشدها ليه بقوه وقال….. على العموم كده احسن بردك هتريحي

هنا فتحت عينيها وهيه بتدفعو وقالت بتوتر… سند… سند استنى هاقول لك… انا عليا النوم قوي دلوك خليها لبكره

قرب منها قوي وبقى يبصلها باعجاب وقال ….هيه ايه اللي اخليها لبكره …طب كنتي خبيتي الجمال ده لحد بكره

وقرب تاني بس منعته وقالت…. سند اسمع الكلام عاد… انا بجد والله خايفه

سند بصلها بدهشه وضحك جامد وقال…. نعم يا اختي خايفه وده جالك ميته كفا الله الشر

وحب يغيظها وقال ….وبعدين ايه اللي مخوفك هيه اول مره

غنوه بصتلو بغضب وقالت…انا قولتلك قبل سابق انك هتبقى الاول … المرحوم ملحقش عمل حاجه وعدي ليلتك على خير لتحصله مش هتموت لو استنيت لبكره يعني

ولسه هتمشي شدها بقوه وقعها على السرير وهجم عليها كتف ايديها بايده وقال… ولما استنى لبكره اقول لهم ايه لما يسالوني …اقولهم مرتي معذوره

غنوه شهقت وقالت…. ايه قله الادب دي يا سند

سند ضحك وقال…. انا اللي قليل الادب بردك …في واحده عاقله تطلب الطلب اللي بتطلبيه ده..بس عارفه انا كنت متأكد انك مهتريحيش عارف انك عامله جامد وانتي اجبن من الفيران

غنوه قالت بسرعه..لا انا مش جبانه..انا..انا بس تعبانه

سند قرب منها قوي وقال…وانا والله تعبان…تعبان قوي يا بت ..وكنت ناوي اريحك بس انتي اللي طالبه معاكي فرهده…وانا تحت امرك….استعنا على الشقا بالله

وقرب منها بقوه في اجمل وقت عدى عليه في حياته كلها وحتى هيه استجابيت ليه وغابو مع بعض في دوامة مشاعر متبادله

عند نوح دخل اوضته لقى شروق قاعده على السرير بتفرك في ايديها بتوتر

قفل الباب وقرب منها وقال بابتسامه…مبروك يا ست البنات كلهم

شروق وقفت وابتسمت ابتسامه جميله وقالت ….الله يبارك فيك يا نوح

نوح بقى يبص لملامحها باعجاب شديد وقال ….مغيرتيش هدومك يعني

شروق نزلت عينها مكسوف وقالت…. ايوه هغير اهو

و لسه هتمشي ناحية الحمام مسك ايدها وقال …..احم..انا…انا كنت فاكر اني هاجي الاقيكي لابسه حاجه حلوه كده مستنياني بيها

شروق قالت بتوتر….لاه اتشأمت خلاص من الحاجات الحلوه كلها

ضحك بخفه وقال…. قلبك اسود قوي…. لسه فاكره

مهتعديهاش لحبيبك

شروق ابتسمت بكسوف وقالت…. طالما احنا وصلنا لهنه دلوك يبقى اكيد عديتها

نوح قرب منها وباس جبينها بحنيه وقال….انا قاصد افتح معاكي الموضوع ده دلوك…لاني شايف وشك مخطوف واكيد افتكرتي زي انهارده لما كنتي مستنياني…والي عملتو معاكي…وعايز اقولك قبل ما نبدأ حياتنا اني كنت اغبى خلق الله ..و ندمت على كل حرف ندم عمري كلو ..وهعوضك عن كل كلمه قلتها وعن كل دمعه نزلت من عيونك الحلوين دول وعد ياشروق

شروق ابتسمت بحب لانو فكر في احساسها بالشكل ده وقالت ..انا مش عارفه كيف هحبك اكتر من كده ..انا فرحانه قوي بيك..وفرحانه كمان انك فكرت فيا …ومن انهارده انا اللي هعوضك عن تعب الايام كلها يا نوح ..انت تستاهل محبة الدنيا كلها ربنا يقدرني واثبتلك انا بحبك قد ايه

بس شهقت بخضه لما شالها فجأه وقال…. لا دي سيبيها لي انا انا هثبتلك للصبح….وحطها على السرير بحنيه وقرب منها في اجمل لحظات عدت عليهم

بعد اجمل ليله في العمر و في صباح يوم جديد

كانت غنوه لبست وجهزت وبتصحي في سند بقى لها كتير وبتقول …..يا سند عمك بعت مرتين كفاياك كده كسفتنا قوم بقى الرجاله مستنين تحت

سند قال بنوم…..يا عالم ياهو انا نايم من نص ساعه الله لا صبح اللي اخترع الصبحيه على اللي عملوها

غنوه قالت….واه وانت هتنقص لو قمتلك شويه هتسلم على الناس وتطلع تاني

سند شد المخده على دماغه وقال…لاااااااه منازلش خلي نوح ينزلهم نوح بيحب الرجاله

بقلم…زهرة الربيع

غنوه ضحكت جامد وقالت …..اول حاجه نوح نزل من زمان تاني حاجه ايه نوح بيحب الرجاله دي لو سمعك هترمل قوووم

سند قال بزهق….مقايمش مقايمش ما تتعبيش روحك وياي وتتعبي قلبي يلا اتخمديلك شويه انت مش عروسه والمفروض تكوني مهدوده زي الحريم

غنوه رفعت شفتها وقالت..واتهد ليه عدى عليا قطر اياك

وابتسمت بخبث و راحت جابت كوبايه الميه وقالت …اخر كلام قايم ولا لاه

سند قال …مقايمش حلي عني بقى

هنا غنوه كبتها عليه وقالت….انت تؤمر

نوح شهق وقعد بيأس وقال ….الله يخرب بيت الجواز على اللي عايزين يتجوزوا

غنوه حطت ايدها في وسطها وقالت …..بتندب من اول يوم يا ود حليمه

سند رمى عليها المخده وقال…. الله ياخد بيدها كانت عارفه مصلحتي اكتر مني

غنوه ضحكت وقالت….طب قوم بقى صدعت وانا بصحيك

سند وقف وقرب منها قوي وقال….حد يصحي حبيبو كده هو انا اتجوزت علشان اصحى كده ..ده لو نجاتي بيصحيني هيبقى ارق

ابتسمت وحاوطت رقبتو باديها وقالت…و من ميته نجاتي بيصحيك من اسايه ..انت طول عمرك متعود على الادين الناعمه ..ولا سماح مكانتش تصحيك

سند ضحك جامد وشدها عليه بقوه وقال…ده موضزع يطول شرحه …انزل بس لنوح علشان هيقتلني واطلعلك نشوفو نار الغيره الحلوه دي ونطفوها

قال كده وراح يستحمى ويلبس وهيه قالت بغيظ وصوت عالي…غيره قال اغير من مين من سماح يمكن..قال بغيرو مني كل البلد… واغير انا من كمالة العدد

تحت كانت شروق مع الستات بتسلم عليهم ونوح في المندره مع الرجاله واستنى سند كتير بس منزلش هز راسه بياس منه لانه بعتلو كتير ومنزلش

الرجاله استنوه كتير واستأذنو ومشيوا وهو دخل جوه هو وحكم وقال بخنقه….عاجبك اللي بيعمله ولد اخوك ده ..الرجاله قعدو يسالوا عليه القعده كلها…. لو نزل خمس دقائق كان هينقص يعني …كل ما احاول اكبره واقربه معاي يفقع مرارتي كده ….طب قسما عظما لولا الفضايح كنت طلعت صبحت عليها صباحيه ما فيش حد اتصبحها قبليه ولا بعديه حتى

حكم ضحك وقال…. معلش يا ولدي عيل بردك مش هيفهم في عوايدنا زيك

نوح لسه هيرد جات عينه على شروق كانت قاعده جنب صابحه بكسوف وكانت زي القمر حرفيا اتنهد وقال بتوهان…و هو يعني معذور بردك ….فيه حاجات ما تتسابش واصل

شروق نزلت عيونها بكسوف ونوح فضل يبصلها باعجاب لحد ما حكم حمحم

نوح قال بسرعه ….احم منور يا عمي …نورك غطى على شمس الصبحيه

شروق ضحكت بخفه وصابحه كمان ضحكت وقالت

طيب منعطلكمش اكتر من كده…عايزه اسلم عليك عشان تاخد عروستك وتطلع

نوح اختفت ابتسامته وقال بسرعه… كده طوالي… مهتستنيش يومين حتى….و… وبعدين الانتخابات شغاله وكلها اسبوعين وهيقولوا على النتيجه

صابحه ابتسمت وقالت…. ناجح ان شاء الله يا ولدي…ياريت كنت اقدر..بس انا بقالي ٣ شهور وذياده مش هينفع اكتر من كده… انت عارف اني هملت شاكر علشان اقعد هنه ومن وقت ما مشي مع نبيل وهو لحاله هناك …همشي دلوك وهبقى اجي تاني كل فتره قريبه

نوح اتنهد بحزن وقال….ما كانش ينفع ياجي هو هنه…انتي قعدتي معاهم كتير وانا…انا عايزك وياي

صابحه لمعت عيونها بالدموع وقالت….انت عارف يا ولدي مستحيل يرضى….انت مش كلمتو بنفسك ورفض ..شاكر نفسو عزيزه ومهيرضاش يقعد هنه واصل…وانا ..انا هبقى اجي على طول والله انا اصلا مقدراش ابعد عنك تاني … وانت كمان جاي مع شروق بعد الانتخابات علشان جامعتها وهشوفك على طول

نوح اتنهد بيأس وقال بحزن….. هتوحشيني ياما

صابحه حضنتو بقوه وقال بدموع….و انت كمان يا قلب امك ….خد بالك على روحك وعلى عروستك وعلى اخوك

نوح ودعها وكان زعلان جدا وركبها عربيه مع السواق الخصوص بتاعو هيوصلها لبيتها

ورجع ودخل البيت بحزن لقى سند في وشه كان مش قادر يفتح عينيه ومتضايق

نوح بصلو بدهشه لانو نزل دلوقت وقال بتريقه ….صباحيه مباركه يا عريس….ماتخش تسلم على الرجاله مستنينك ….قالوا والله ما نمشي الا لما ينزل سند حتى لو هنبيت هنه

سند مفهمش انها تريقه وقال بضيق…. عالم فاضيه ….ايه اللي جايبهم في يوم زي ده

نوح بصله بخنقه وقال ……معلش نسينا نغير عوايدنا علشان سند بيه بيتجوز

سند اتنهد بزهق و لسه هيروح ناحيه المندره نوح مسك ايده وقال…. انت صدقت انهم مستنينك ولا ايه …الناس مشو من زمان

سند نفخ بغيظ وقال….و لما مشو مبعتوليش ليه كنت كملت نوم

نوح بصلو بدهشه وقال….اما انك جحش صحيح…ده اللي همك مهمكش انهم استنوك ومشو وانت منزلتش و

بس قطع كلامو لما لقى سند مش معاه اصلا وعينه على غنوه اللي كانت بتسلم على حكم وهويدا وشروق

اتنهد وقال …روح خد مرتك واطلع روح انا ضغطي قرب يعلى

سند باسو بسرعه من خده وقال… احلى عمده والله

وجري شد غنوه من ايدها وطلع جري على السلم من غير ما يسلم على حد تحت انظار الزهول من الجميع

نوح بص لطيفه بدهشه وقال….. والله ما عارف هيكبر ميته ده و

بس قطع كلامو لما نجاتي جيه وقال بحزن…. نوح بيه انا عايز اجازه

نوح استغرب وقال ….فيه ايه انت كمان ومن ميته وانت بتاخد اجازات

نجاتي قال بحزن..عايز اخد دلوك نفسيتي تعبانه

نوح ضحك بخفه وقال..هو يوم باين من اوله..ومالها نفسيتك بقى يا نجاتي بيه

نجاتي قال بحزن..اهي تعبانه كيف الخلق …هملني في حالي انهارده يا بيه

نوح قال بخنقه..يا مصبر الوحش على الجحش يارب ..ومالو حالك بقى …العجول عرفت مصلحتها ومرضيوش بيك ترعاهم

نجاتي قال بحزن..لاه هيه عجله واحده اللي مرضيتش بيا…انعام اتخطبت لمغاوري ابن عمها ومرضيتش بيا

نوح ابتسم بسخريه وقعد وقال..اااه قولتلي…والله بتفهم البت دي منلومهاش مهو ده جواز برضك مش لعبه يا نجاتي

نجاتي بصلو بضيق وقال…ايوه اتريق جنابك ..ده بدل ما تحلهالي وتكلمها ..بقى بتحل مشاكل الكفر كلو وانا اللي كيف ضلك تهملني

نوح اتنهد وقال..مهو يا نجاتي كمان انا مش حمل ذنوب يا ود الناس…يعني ايه يجبرني اورط البنيه واقل بختها هتشيل عني ذنبها بعدين

نجاتي قال بحزن شديد..الله يسامحك يا بيه

ولسه هيمشي نوح ضحك ووقف وحط ايده على كتفه وقال..ياد بطل هبل..تغور هيه وعشره زيها انت راجل..والرجاله متبكيش على الحريم…روق اكده وهيه الخسرانه …وربنا يسامحني على الكدب ده

نجاتي قال …انا معارفش قصرت في ايه ده انا جبتلها كل اللي تطلبه وكنت اكسيها ووكلها واغنيلها و

قاطعو وقال بدهشه..تغني انت بتغني

قال بسرعه… ايوه..وبلقي قصايد كمان..ده انا حتى قبل خطوبتها بيومين قولتلها الشعر اللي فيلم الكيف

بصلو باستغراب وقال..شعر في فيلم الكيف..الكيف ده بتاع محمود عبد العزيز باين

نجاتي قال…ايوه هو جنابك هو

نوح قال باستغراب اكبر….هو كيف وشعر ايه اللي فيه ..سمعني كده

نجاتي اتجهز بحماس وحمحم وقال…يحرم عليا محبتك وهتوب عن سكتك..القلب منك مليان جفا …والصبر من قلبي اتنفى ….وضاع معاك كل الصفا…. ضيعتو بعندك يا قفا..اه يا قفا يا قفا

اتسعت عيون نوح بشده وقال بدهشه…قفا

نجاتي قال بابتسامة فخر بنفسو….. ايوه ايه رايك عاد

نوح قال بذهول ….راي ايه وطين ايه..وبتسأل ليه سابتك..ده ربنا كرمك انها مخلصتش عليك…قفا..حد يقول للبت اللي رايدها قفا يا نجاتي

نجاتي قال ..اييه مالو القفا…ده شايل عنينا بلاوي هو الانسان ايه غير قفاه….هو جنابك لما حد يتكلم عليا بالعاطل مش بيبقى سبني في قفايا…ولما حد يضحك عليا ويقرطسني مش ببقى اتختمت على قفايا..ولما خالي يلهف ورث امي ويبني بتمنه شقه لولده المنتن مش تبقى شقة ولدو طلعت على قفايا

ولسه هيكمل اتفاجأ لما نوح رزعو على قفاه وقال..نسيت تقول اني ياما اديتك على قفاك

نجاتي حط ايده على رقبتو باستغراب وقال..عملت ايه انا جنابك

نوح قال بغضب…عملت ايه…لا ومستني ترجعلك غور من هنه دي دعوه في وش الكعبه اللي نجتها منك غور

نجاتي قال بضيق..والله انتو ما بتعرفو حاجه في الغزل انا غلطان اللي بفطمك وبديك من معلوماتي النادره

نوح قال بغيظ….. نادره..دي نادره بنفسها لعناك ليوم الدين غور ياض انا فيا اللي مكفيني خد قفاك وغور من وشي

نجاتي قال بضيق..ماشي خلاص خيرا تعمل شرا تلقى مش عارف عمده ايه ده اللي ميعرفش حاجه في الشعر واصل

نوح بص لطيفه وقال..ده ايه الهموم دي انا ناقص

جات شروق وقالت باستغراب..مالو نجاتي ليه شكلو عامل كده

اتنهد وقال..قال بيحب يا ستي وحبيبتو هتتجوز

شروق ضحكت وقالت…مسكين والله..مع ان نجاتي طيب قوي وميستاهلش

ابتسم وقال.طيب بذياده كمان..محدش اتحملني زييه…دايما كان معاي كيف ضلي..هو غبي حبتين…لا كتير الصراحه بس راجل يعتمد عليه وفعلا بيحبني ….هبقى اشوف الموضوع بتاعو ده ولو البت لسه مكتبتش هكلم اهلها علشانو واشيل ذنب الجينات اللي هتتولد وامري لله

بقلم…زهرة الربيع

شروق ضحكت وقالت باعجاب وقالت…ربنا يخليك لينا كلنا

نوح قرب منها قوي وقال…صوح حقك عليا …دايما دوشيني ..نسيت اهم حاجه…صباحيه مباركه يا غزالي

شروق ابتسمت بكسوف وقالت..انت اللي حقك عليا ولله راحت علي نومه ليه مصحتنيش قبل ما تنزل

نوح ابتسم وقال بحب..وفيها ايه…تنامي براحتك وتقومي براحتك انتي هنه ست الكل

شروق ضحكت بخفه وقالت…تسلملي ياعمده

نوح اتنهد وغمز وقال…طب بقول ايه…العمده تعبان..مش هنطلعو نريحو شويه…كفيانا كده…انا اشتقت قوي

داست على شفتها بكسوف وقالت…بس احنا لسه نازلين من شويه

نوح ابتسم وقال..معاكي حق..لسه نازلين…وحرام الرجلين المحناين دول بتعبو على السلم طالع نازل

شروق قالت باستغراب…قصدك ايه و

بس شهقت لما شالها بسرعه وطلع بيها وهو بيقول …قصدي سيبيها عليا المرادي

شروق قالت بزهول وكسوف..نوح..نوح نزلني يالهوي حد يشوفنا يامجنووون

نوح ابتسم وقال…خلي الكل يشوفنا ويشهد انك بقيتي حلالي بقيتي ملكي في اي وقت وقدام اي حد ..شروق بقت لنوح وبس خلاص

عدو اسبوعين كانو اجمل اسبوعين حب ودلع ورومانسيه وكانت الانتخابات شغاله وكل الللي في البلد انتخبو النائب بتاعهم وحبيبهم نوح الحاكم

حميد جاب كل اصحابو وحسنين وكل معارفه واولاد صادق وكل اهلهم وكل من يعرف نوح او قابله مره واحده انتخبه

جيه يوم اعلان النتيجه اللي فاز بيها نوح بجداره ورجع من تاني عضو مجلس النواب العمده النائب نوح بيه الحاكم

الكل في البيت كان مبسوط ودبحو الدبايح وفرقو اللحوم على الغلابه وعشو كل البلد

وكل اللي في البيت كان مبسوط وبيعملو عشا لكل البلد عدد كبير من الخادمات وحتى اهل البيت بيساعدو وغنوه وشروق كمان

غنوه كانت بتدي نجاتي الصينيه عند البوابه وشافت سند واقف مع واحده وبيتكلمو قربت شويه من الباب واتفاجأت انها سماح

اتصدمت بشده ودخلت بغضب وفضلت ساكته بس هتموت شروق حاولت تتكلم معاها بس كانت ساكته طول اليوم

خلص العشا اخر الليل وانتهت المباركات ودخل نوح وسند بتعب وسند حضن نوح وقال بفرحه..الف مبروك يا جناب النائب الف الف مبروك

نوح ابتسم وقال…الله يباركلي في عمرك انت وعمي ويخليكم حواليا

حكم حضنو وقال ….ربنا يخليك لينا يارب

يلا بقى خد مرتك واطلعو ريحو انت تعبت قوي انهارده

نوح ابتسم وقال..تصبحو على خير… واخد شروق وطلع

سند راح يدور على غنوه لقاها واقفه لوحدها في المطبخ وبتشتغل وتنضف بغضب

استغرب جدا وقرب منها وقال…وه انتي لسه بتشتغلي ..كده تتعبي تعالي ريحي والخدمات هيكملو

غنوه قالت بغضب واضح….انا مرتاحه كده

سند استغرب اكتر وقال….مالك يا غنوه…خير شكلك زعلانه

غنوه ابتسمت بضيق ومدت السكينه في وشه وقالت..انت..عملت حاجه تزعل

سند بص للسكينه بارتباك وقال..معملتش بس شكلك ميطمنش..خير

غنوه بقت تكمل تنضيف من غير ما تبصلو

سند شدها عليه وقال باستغراب..فيه ايه… هو انا بكلم خيالي بسألك مالك

غنوه لمعت الدموع في عيونها وقالت بغضب كتمته كتير…كنت واقف مع مين وانتو بتفرقو اللحم يا سند

سند اتسعت عنيه بذهول لما افتكر انو وقف مع سماح بلع ريقه بتوتر وقال…غنوه..اقسم بالله وغلاوتك عندي ما اعرف انها جايه..جات مع الحريم اللي فرقنا عليهم الدبيحه وخدت كيس لحم ومشت

غنوه بصتلو بغضب وقالت..انا شيفاك بعيوني بتتكلم وياها

سند قال بتوتر….حصل ..كانت بتقول كيفك واخبارك ايه وكده..وطلبت مني اكلم نوح يرجعها تشتغل هنه …قالت انها ملقياش شغل زين وملقياش تاكل واترجتني استسمح نوح يسامحها ومش هتعمل مشاكل وانا قولتلها مليش صالح

غنوه قربت منو وحطت ايدها على صدره والدموع بتلمع في عيونها وقالت…انا مهقدرش اخسرك ياسند…لو قتلتك هقتل روحي وراك

سند بصلها بدهشه وقال..ايه الجمله دي

غنوه قالت بغضب ودموع..ما انت لو خونتني هخلص عليك يا سند…. انت بذات مهتحملهاش منيك سامع

سند ابتسم بحب وشدها عليه بقوه وقال..وحياة عيونك عيوني ما شايفه غيرك..انا بعشقك..والله ما قولنا حرف ذياده عن اللي حكتهولك ودي اول مره اشوفها اصلا من بعد ما نوح مشاها من البيت

غنوه مسحت دموعها وقالت..خلاص…مصدقاك

سند باس مكان دموعها وقال…العيون دول معايزهمش يبكو واصل..ولا عايزك تشكي ان فيه مره تملى عيني وانتي وياي…اللي معاه التين ميبصش للجميز

غنوه ضحكت بخفه وقربت منو قوي وقالت ..انا بعشقك ياسند بحبك اكتر من روحي انت الوحيد اللي دخلت قلبي وحطيتو بين اديك ..متكسرهوش الله يخليك

سند قرب منها قوي وقال بسرعه …..انشاله تتكسر رقبتي لو كسرتو

غنوه ضحكت بخفه وهو ابتسم وقال بحب….ايوه كده خلي القمر يهل علينا….ربنا يخليكي لقلبي ياحته من قلبي واعيش عمر فوق العمر معاكي يا هنا الايام واحلى ما فيها

فوق نوح دخل الاوضه هو وشروق وقال بتعب…. ممصدقش ان اليوم ده خلص

شروق قالت بابتسامه..تعيش وتوكل ياجناب النائب…الف مبروك

نوح ابتسم وقال…الله يباركلي فيكي يا وش السعد كلو

شروق ابتسمت وقالت…على فكره احنا المفروض الاسبوع ده نسافر

نوح ابتسم وقال..اياك فكراني ناسي..عمري ما انسى دراستك…وهنسافره الاسبوع ده وفي وقت فراغك هنتفسحو ونشوف الدنيا

شروق قالت بابتسامه….طيب انت كده مش هتقصر في شغلك

نوح ابتسم وقال متقلقيش هباشر كل حا جه من هنه مش عايزك تفكري في حاجه واصل…سيبك من كل ده..وحشاني قوي يا بت من الصبح متلميتش عليكي

شروق ابتسمت بحب وقالت…انت اكتر

نزح قرب منها قوي وقال….كل ما تعدي قدامي ابقى هموت واخدك في حضني انا معارفش عملتي فيا ايه

شروق قربت منو وقالت بدلال…كيف اللي انت عملتو فيا العين بالعين يا عمده

نوح شدها ليه في لحظه جميله طالت بينهم

و بعد عنها وقال بعشق..ااااه يا وجع القلب ودواه…بحبك يا شروق ولا عرفت معنى الحب ولا طعمه الا معاكي يا بت العم..ربنا يحفظك ليا ويفرح عيوني بشوفتك راضيه ومتهنيه

…………..تمت………………..